رواية بردان يا حضن الدفا .. عطشان واظماني الجفا / بقلمي - الصفحة 36

13-11-12, 03:14 AM

المشاركة رقم: 176

المعلومات
الكاتب:	وردة الزيزفون
اللقب:	ليلاس متالق

البيانات
التسجيل:	Oct 2008
العضوية:	102007
المشاركات:	1,208
الجنس	أنثى
معدل التقييم:
نقاط التقييم:	1356

االدولة

مدونتي

الإتصالات
الحالة:
وسائل الإتصال:

كاتب الموضوع : مشاعل السعودية المنتدى : القصص المكتمله من وحي قلم الاعضاء

رد: رواية بردان يا حضن الدفا .. عطشان واظماني الجفا / بقلمي

بيت ابو بتال ..

من لمن وصل ما كلم احد .. قال لسعود يقول لابوة اللي صار .. دخل غرفته وقفل الباب .. تحمم بماي بارد لعله يطفي

حر ما بي جوفه .. لبس ملابس خفيفه ورمى جسمه على السرير .. تنهد بضيق .. وهو يطالع سقف غرفته ..

( ظلمت يا بتال .. " حس برجفه قوية هزته " .. لالا .. ما ظلمت هي ظلمت نفسها .. " بلع جرعة من ريقة مر مثل العلقم " ..

اشلون ظلمت نفسها .. ايش سوت .. كانت تبي تتزوج عبدالله بدون ما تشاور اهلها " جلس بسرعة وقهر " .. "

وبغضب " .. ومتعب .. " ضم راسه بين يدينه " .. كرهك لمتعب خلاك اعمى .. ظلمت .. ظلمت .. ظلمت ..

" صار يضرب راسه اكثر من مرة من القهر " .. ايش صار لك يا بتال .. ايش صااااااااار .. انت مو كذا مو كذا .. "

رمى نفسه على السرير و تنهد بضيق " .. امك .. يمكن معصبه وحكمت بوقت الغضب ..

" وبسخرية " .. مثلك .. سمر صغيرة وجاهله .. " بعتب " .. ما حكمت عقلك يا بتال ما حكمت .. بس اذت سمر

واذتها حيل .. لالا .. انت غلطان ... وهذا هي انكشفت حادثة الجامعه .. مو هي .. بنت خالتها .. مها .. " فتح عينه

للاخير " ..

مها اخت عبدالله .. اللي كانت تبيه من قبل .. خططت صح .. تضر سمر .. واطلقها .. وتروح له .. ومها تروح لراكـ...

" ضرب السرير بقبضة يدة بقهر " .. " وغمض عيونه .. وهو يفكر بذا الشي ..

وسلبه النوم من دوامت العتب والقهر " ..

ــــــــــــــ

بيت ابو سطام ..

بجناح العنود ..

العنود تطلع ظرف ابيض كبير من درج التسريحة .. طلعت من الغرفة وتقدمت من راكان .. نزلت الظرف على

الطاولة .. وتقدمت .. وجلست جنب راكان .. راكان يطالع بظرف وفيها ..

مد يده واخذ الظرف فتحه وباستغراب / من وين لك ذا ..

العنود ببساطة / من ابوي ..

راكان بحزم / العنود .. كل ما يملكه ابوي حجز عليه البنك ..

العنود سكتت فترة .. وبعدها / ابوي كان حاط مبلغ كبير عندي .. كان حاس بان راح يجي يوم ونحتاج

راكان رفع حاجب .. وقرب منها وبنبرة وبهمس / قولي هالكلام لغيري ..

العنود ابتسمت / مشكلتك انك عارف وتستغبي ..

راكان ابتسم وبخبث / كم معطيتك الظبي ..

العنود هزت راسها / اللي يكفينا وما يخلينا محتاجين لاحد .. راكان يفتح الظرف .. ويطالع للفلوس ...

العنود / رجع اللي تدينته من عناد ..

راكان هز راسه / اللي اخذته من عناد ارجعه بعدين ..

العنود بحزم / لا .. ما ابي أي احد له منه علينا .. الحين ترجع كل شي اخذته وتدينته لـ اصحابه .. والبيت .. " التفت

عليها راكان بستغراب " .. ما نبي نطول هينا .. ما نبي نزعج زوجة عمي رعد .. و عمتي مياسه وبناتها يكفون

نبي نضايقهم .. غير كذا انا وساره مو مرتاحين .. وبعدين انت وزوجتـ

راكان صد وقطع الموضوع وهو ياشر على ساره / هذي ليش زعلانه .. العنود بنظرات تفحص له .. التفتت لساره

اللي نايمه على السرير بالعرض دليل زعلها / المدارس بعد بكره .. وتضايقت .. لان بنات عمتي راحوا السوق

اغراض المدارس وهي لا ..

راكان / خلاص انا اشوف واحل الوضع ..

العنود بسخرية / ريح نفسك انت .. وحل سالفة زوجتك .. المدرسة تحلها خالتي ام طارق لانها بتنقل بنتها هينا

راكان بغضب / العنود

العنود بحزم / نعم .. راكان وبعدين معاك .. هذي زوجتك .. ما لها دخل بالموضوع اللي بيني وبين اخوها .. لا

بنتك .. مو حلو يعيش الواحد بعيد عن امه وابوة ..

بسخرية / يعيبون الناس والعيب فيهم .. وعيالك ..

العنود بصد / انا غير ..

راكان ياخذ الظرف ويوقف .. وبسخريه / يا الله .. اوووووه صح انتي بنت الظبي .. " تركها وطلع " .. والعنود ما

زالت على الكنبه ..

سمعت صوت الظبي ووقفت وتوجهت لها

ـــــــــــــــ

بيت ابو سند ..

فهد بهدوء / يصير خير ..

راشد / انا مو رايح .. انت كلمه وبعدين اشوف ..

فهد بسخريه / وايش رايك عمي يجيبها لعندك .. " وبحدة " .. لك سنه رامي بنته وام عيالك .. لا سالت عنها ولا عن

بناتك ولا تعذرت .. مفكر انها ترجع لك .. انت لو شافك عمي اكيد بيسمعك كلام ما بعده ..

راشد يوقف وبضيق / اجل خلها في بيت ابوها .. بطقاق .. " وطلع من مجلس ابو سند وهو يعتكز على عصاته " ..

فهد يوقف ويهز راسه بضيق / لا حول ولا قوة الا بالله .. هالرجال بفضحنا باخر عمرنا ..

طلع وتوجه لصاله شاف العنود وغرام ومرام اللي واضح اصفرار وجهها وتعبها ..

جلس جنب العنود " ام سند " .. العنود صبت له فنجان شاهي وهي تعطيه اياه .. وبهمس / عسى خير ..

فهد بنبرة هامسه / يبي يرجع مياسه ..

العنود بسخريه / ليه يبي يسوي عيد الزعل .. بعد سنه بيرجعها ..

فهد بضيق صد عنها وهو يطالع التلفزيون / ...........

العنود تنهدت / البارح طول الليل افكر باللي صار امس .. ابو سند التفت عليها / انا قلت لك من قبل .. ماهم عيال نايف

.. ليه تستغربين انهم عيال بتال ..

العنود بقهر / ليه ما قالت لنا انها حامل .. ليه غطت على السالفه اللين ولدت .. لو ابوي خلاني امس اسالها كان

عرفت كل اللي بخاطري .. " وتنهدت بقهر " ..

ابو سند بحزم / العنود .. انتبهي لبناتك .. وما لك دخل بغيرك .. بنتك ماهي عاجبتني ..

العنود بخوف التفتت لبناتها / غرام ايش فيها .. ابو سند التفت لبناته / ............

غرام تهمس لمرام / طيب قلتي له ..

مرام وهي تحط يدها على بطنها اللي بدا يبرز / لا خايفه ..

غرام بسخريه / من ايش يا بعدي .. خلاص اللي صار صار ايش بيسوي .. بيعترض على حكمة الله و رزقته ..

مرام بضيق / تبين الصدق .. انا ما كنت ناوية احمل الحين .. على الاقل يصير عمر مرايم سنه بس يوم واحد نسيت الحبه وصار اللي صار ..

غرام رفعت حاجب / الحمد لله قدر الله وما شاء فعل .. " مرام تنهدت بهم " ..وهو ما حس بشي.. ما لاحظ شي غريب

مرام / الا قال وجهك شاحب .. ومتغيره .. الوحام بدا يقوا وخايفه غرام خااايفه .. " غرقت عيونها دمع " ..

حطت يدها على فخذ اختها .. وبهدوء / توكلي على الله وقولي لزوجك .. هذي قسمتكم .. مـ ..

ابو سند مقاطع لهمساتهم / مرام يا بابا ايش فيه وجهك .. تعبانه .. مضايقك شي ..

مرام نزلت عيونها بفنجان الشاهي وغرقت دمع .. غرام تدقها بكوعها ..

غرام بمزح لابوها / تقول من تزوجت وانتم ساحبين عليها .. حابه تدلع .. ههههههههههههه ..

مرام انفجرت بكي / آآآآآآآآآآآآههههههههئئئئئئئئئئئئ ..

ام سند تطالع بنتها باستغراب .. مريم من سمعت صوت البكي صاحت .. العنود اخذت مريم وسكتتها .. ابو سند وقف

وجلس جنب بنته مرام ..

وبحنان / حبيبتي انتي .. انتي بكري من البنات انتي احلا البنات .. من يقدر يسحب عليك .. انتي مرومه روحي وقلبي

وعيني .. انتي دنيتي كلها ..

غرام بمزحة / وانا بنت الديك الاسود ..

الكل / هههههههههههههههههههه ابو سند يضم مرام / انتي فيك شي غير اللي قالته اختك .. ايش فيك ..

مرام وهي تبكي / انااااااا حااااااااامل .. آآآآههههههئئئئئئئئئئ ..

ام سند بصرخة / ايششششششششششش .. حسبي الله على عدوينك .. تو بنتك صغيرة .. مـ ..

ابو سند بحدة / العنوود .. وخير يا طير بنتها صغيرة .. لجاء الثاني تكون كبرت ان شاء الله .. وبعدين احسن تجيبهم

وراء بعض .. تربيهم وترتاح من تربيتهم سوا .. وبعدين تريح جسمها .. " التفت على مرام " .. وانتي ليش زعلانه

الحين .. مرام رفعت عينها .. وبصوت مهزوز / طلال بيزعل عليه

ابو سند رفع جواله .. واتصل على طلال / الو .. السلام عليكم .. كيف يا يابو عبدالعزيز .. والا ابو مريم .. طيب وان

جاك عبدالعزيز .. ههههههههههه .. لالا مو ابوك .. ولدك .. انا ابي البشارة .. حامل .. اذا ما تبي تعطيني اياها اخذها

من ابوك .. ايه ايه .. ههههههههههههه .. لا ابد بس ابي التسميه .. تسميه سند .. ههههههههههههههههههههه ..

الله يرزقكم صلاحه وبره .. مع السلامه ..

مرام تمسح انفها خايفه .. ابو سند ببساطه وهو يطالعها / طلال فرحان .. وقال الليلة مسوي عشاء بالاستراحة وعازمنا ..

مرام باستغراب / بس ..

ابو سند يهز راسه / ايه بس .. " ابتسم بحنان " .. يا بابا زينه الحياة الدنيا المال و البنون .. لو يزعل .. يزعل خوف

علشان صحتك مو شي ثاني .. " قبل جبينها " .. الله يقومك بسلامه .. وقف ورجع لمكانه ..

مرام تطالع غرام باستغراب .. غرام ابتسمت لها وهزت اكتافها ..

والعنود معصبه ..

ـــــــــــــ

13-11-12, 03:16 AM

المشاركة رقم: 177

المعلومات
الكاتب:	وردة الزيزفون
اللقب:	ليلاس متالق

البيانات
التسجيل:	Oct 2008
العضوية:	102007
المشاركات:	1,208
الجنس	أنثى
معدل التقييم:
نقاط التقييم:	1356

االدولة

مدونتي

الإتصالات
الحالة:
وسائل الإتصال:

كاتب الموضوع : مشاعل السعودية المنتدى : القصص المكتمله من وحي قلم الاعضاء

رد: رواية بردان يا حضن الدفا .. عطشان واظماني الجفا / بقلمي

العصر ..

بيت ابو سطام ..

العنود كلمت زياد وطلبت منه يوديها للسوق هي وساره ..

كانت بالمطبخ .. سوت القهوة وجهزتها لجدها وجدتها وطلعت .. دخلت ريهام .. رمت جلال الصلاة على الطاولة

وتوجهت لمكان اغراض الكيك .. طلعت الدقيق والبيض .. توجهت لمكان الخلاط نزلت راسها تحت تطلعه من الدولاب

.. دخل المطبخ .. وباستعجال/ جدي يبيك ..

رفعت راسها توقعت انه خالها رعد وابتسمت بس بسرعه تلاشت الابتسامه .. وهو تفاجىء بالبنت اللي قباله .. صد

وطلع بسرعة وتوجه لجناح اخته ..

راكان عند العنود .. وساره في الحمام تتوضأ لصلاة العصر .. / تبون شي ..

العنود / سلامتك ..

دخل و وجه متغير .. جلس على الكنبة ومسح وجهه بارتباك ..

راكان والعنود باستغراب / زياد ايش فيك .. زياد مد يده واخذ كاس الماي اللي على الطاولة وشربها .. / ما .. ما ..

العنود بخوف / زياد ايش فيك ..

زياد بارتباك وخجل / دخلت المطبخ .. و .. وانتي .. " هز راسه " .. انتي ما ماا ..

راكان فهم و ابتسم / هي ما كانت فيه .. بس فيه بنت ثانيه .. زياد هز راسه بخجل ..

العنود تطالع اخوها بستغراب .. راكان بخبث / هههههههههه حلوه نخطبها لك ..

زياد اهتزت الكاسه اللي بيده وفقد السيطرة على امساكه لتسقط وتنكسر الا قطع ..

ساره خرجت من الحمام وتطالع في اللي صار باستغراب ..

زياد بضيق والغصة بحلقه / مااا .. مااا .. " وقف ودخل الحمام وقفل الباب بقوة " ..

ساره نقزت / بسم الله .. ايش فيه ..

راكان يطالع في الباب باستغراب .. رفع نظره وطالع بالعنود .. العنود هزت اكتافها " ما ادري " ..

رن جوال راكان وكان عمه رعد .. وطلب حضوره في المجلس ..

راكان وقف / يبوني بالمجلس .. " اشر على الحمام " اذا طلع خليه يلحقني ..

العنود هزت راسها باستغراب .. بعد ما طلع راكان .. التفتت على ساره اللي واقفه مكانها وما تحركت ..

العنود بحزم / ساره بسرعة يالله صلي والا تبين تاخرينها وتصلينها مع المغرب .. وجهزي نفسك بسرعة .. ما نبي

نتاخر بالسوق ..

" ساره بسرعة راحت للغرفة تصلي فيها " .. بعد دقايق طويله .. طلع زياد و وجه مبلل وشعره .. والشماغ لافه

على العقال وماسكه بيده ..

العنود طالعت فيه بهدوء / راكان راح للمجلس .. ويبيك تلحقه ..

زياد تذكر .. وبصوت مرهق / ايه صح .. جدي يبيك .. قالي خل العنود تجيني بالمجلس ..

العنود باستغراب / انا .. " وهي تاشر على نفسها " .. ليه ايش يبي ..

زياد يهز كتفه / ما ادري .. بس عمي سلطان وبتال معاه ..

العنود سرحت شوي وبعدين توجهت لعبايتها لبستها ولبست البرقع والقفازات السود وطلعت للمجلس .. ساره طلعت

من الغرفة ..

وبمرح / انا جاهـ .." وباستغراب " .. وين العنود ..

زياد يلبس شماغه ../ راحت لجدي بالمجلس .. انا برا انتظركم .. " طلع وتركها " ..

ساره بضيق حطت يدينها على خصرها / اوووف وانا بس قاعده مع بزرانها ..

ــــــــــــــ

في المجلس الداخلي ..

قبل تدخل ........

بحدة وصوت مرتفع / وليه

.. ........... بحزم / راكان انا ما طلبتك تزيد المشاكل .. يا تقول خير يا تسكت ..

راكان بعصبية / ماني بساكت .. يومـ " قطع كلامه لمن شاف اخته " .. ......

دخلت بثقه / السلام عليكم ..

الكل / وعليكم السلام .. تقدمت وجلست جنب اخوها .. وبثقه / امر يا جدي ..

ابو سطام .. وسلطان وراكان وبتال هم المتواجدين فقط .. ابو سطام .. لبتال / قم صك الباب ..

بتال وجه اسود تعب وقهر .. توجه لباب المجلس وقفله .. ورجع جلس مكانه .. ابو سطام بهدوء / يا بنتي .. حنا

زوجناك لولد عمك .. لغلاتك عندنا .. مانبي نزوجك لواحد ما يقدرك .. ويرخصك ..

العنود وهي تطالع جدها ابتسمت من تحت برقعها بسخريه / .. ...

راكان الغاضب بسخرية / الشكوى لله .. نحسبه رجال وزوجناه ..

ابو سطام بحده / راكان .. انا اتكلم لا تقطع هرجي .. العنود حطت يدها على فخذ راكان وضغطت عليها يعني اسكت ..

ابو سطام .. يرجع لهدوئه / راكان قال ان جدك سعد الله يرفع عنه البلا .. يبي يزوجك لولد بنته .. ما نشره عليه يبي

احفادة لبعضهم .. بس اللي يزعل بان الرجال ماهو كفو .. وقلنا نزوجك رجل كفو .. لكن الشيطان شاطر .. وانتم

صغار .. والمشاكل تصير بين مصارين البطن .. فكيف البشر ..

" العنود بداخله .. بسخريه / صغار .. تعدا الثلاثين صغير .. والا من الدلع خرب .." .. "

سكت لفترة بسيطة .. وهو يطالع ارضية المجلس البيضاء .. رفع راسه .. وبهدوء " .. والطلاق ابغض الحلال ..

والحين عندكم عيال .." بتال كان عاقد حواجبه ويحاول يسمع لجده للاخير " .. بتال لمن سمع كلمت عيال فتح عيونه

للاخير .. وباستغراب / أي عيال ..

سلطان ملتزم الصمت مثل ما طلب ابوه ../ ............

ابو سطام / انت عندك ولد وبنت .. تؤام .. " التفت للعنود " .. يا بـ ..

بتال يوقف وباستغراب مع غضب / لحظة لحظة يبه .. " التفت للعنود وبحده اكبر " .. أي عيال ..

العنود بغموض تطالعه من وراء البرقع والشيله على فتحت عيونها / ................

راكان جاء بيوقف العنود زودت من قبضة يدها يعني لا تقوم .. وراكان جلس وعقد يدينه على صدره ..

بتال بغضب / لا تسكتين .. من العيال اللي جايبتهم .. العنود زادت من الضغط على فخذ راكان تمنعه من الوقوف ..

وبهدوء / عيالك انت .. والا عندك شك ..

بتال بغضب / تكذبين .. " رفع اصبعه " .. هذي كذبه مثل كذبة بنات الجامعه وبنت خالتك مها ..

ابو سطام بحدة وصوت عالي / ولد ..

العنود باستغراب طالعت راكان وبهمس / أي بنات واي مها .. " راكان ميل فمه و رفع كتفه .. ما ادري " ..

بتال يلتفت بحدة على جده / يبه .. زوجتها لي استر عليها .. وبنتكم شريفه ما حد لمسها .. تطمن .. بس هي ما هي

مأمنه .. وانا معها تخون .. وانا قلت لـ اخوها قبل اختك ماهي على السنع .. ادبها .. وهو رماها عليه .. وانا علشان

لا اذبحها تركتها .. بس توصل لانها تتفق مع ولد خالتها واخته على قتل اختي .. فهذي وصلت حدود الشر ..

وتزود وتبتليني بعيال ما ادري من ابوهم فـ .. " ليسكت بصفعه على وجهه من يد راكان .. "

.. في وقت صرخة العنود / انا اخت نايف كايد عداه ..

ابو سطام جحضت عيونه من سمع كلمتها " انا اخت نايف كايد عداه " ..

العنود توقف وبشموخ / هيه انت " بتال التفت بقهر " .. الحشيمة ماهي بلك .. الحشيمة لابوي سطام .. اكرم الفارس

و ردوا له الكرم بالجفاء والطعون .. ماهي غريبه عليكم يا عيال الفارس لا بالاوله ولا بتاليه ..

خرجت بثقة وشموخ .. وتركت جدها تعصف به الذكريات .. وبهمس متعب / رجعت يا سند رجعت ..

راكان واقف بغضب / والله والله والله .. لو تـ ..

ابو سطام بعصبية / ولد .. اطلع .. اطلعوا .. " وهو ياشر لسلطان وراكان " ..

بتال كان بيطلع .. ابو سطام بحزم / انت اقعد ..

بتال بضيق يجلس .. ابو سطام بحزم / انت .. واش الهرج اللي قلته ..

بتال بضيق " وهو ياشر بيدينه " .. / يبه .. العنود ليه زوجتها لي ..

ابو سطام ياخذ نفس / علشان ما ياخذها رخمه .. بغيت لك الزين لكن انت مابك عقل ..

بتال يسحب شماغه وعقاله ويحطهم بحضنه .. حضن راسه بيدينه .. تنهد / ااااااااااااه يبه .. مو قادر اهدي ذا الراس

.. " رفع راسه ووجه احمر من القهر والغبن " .. يبه اصدق راكان واكذب عيوني .. والا اكذب راكان واصدق عيوني

.. شفتها وسمعتها .. ونبهت راكان عنها .. اختك يا راكان ..

وبين يوم وليله .. دخلتوا عليه وطلبتوا فزعتي .. وفزعت بس ما دريت عن ان الفزعه لها .. حرقت امي .. ووضرت

اختي .. وانا صقر حر يبه .. ما اكل الجيف .. وما اكل الا صيدة انا اخترتها .. " رجع راسه بين يديه " .. تعبت يبه تعبت ..

ابو سطام يطالع فيه بقهر وبنبرة مقصودة / البنت احد لمسها من قبل ..

بتال رفع راسه / لا يبه .. البنت عذرا ..

ابو سطام بنفس النبرة / معناتها محد صادها غيرك .. و " بقهر " .. جيفه .. " ضربه ابو سطام بالعصى على رجله "

.. بتال يرفع رجله .. وبضيق / يبه .. " وهو يصد " ..

ابو سطام بعصبية / وحطبه .. وامك .. ايش سوت لها ..

بتال بضيق / صار اللي صار وخلاص ..

ابو سطام يضربه بالعصا مره ثانية / قل ولا تسكت .. كل اللي عندك كله يا الاعمى .. بتال حكى كل اللي صار ..

وبضيق / وهذا اللي صار .. ابوسطام يطالعه بغموض / ..........

بتال باستغراب وضيق / يبه .. ليه تطالعني كذا ..

ابو سطام ياشر بيده / انت بك بلا .. مانت خالي .. يبيلك طقتين براسك يرجع لك عقلك ..

بتال بضحكة / يبه .. ايش طقتينه ..

ابو سطام / اها .. اها .. اضحك .. اضحك .. والله ان شفتها مع غيرك ليقوم جنونك .. مثل جدك سند .. سوا .. سواتك

.. وظلمها .. ويوم راحت مع غيره .. جن .. وبدال لايعقل .. ظلم ازود .. الله يسامحة ويغفر له ..

بتال بغضب / مع من ؟؟ .. من غيري .. ايش تقصد يبه ..

ابو سطام يصد عنه وبنبرة متلاعبه / ليه ما تدري انها انخطبت ..

بتال بغضب يوقف / ومن خطبها .. والله لو تتزوج وتترك العيال لتحلم تشوفهم ..

ابو سطام بسخرية / انا قايل بك بلا .. مو توك تقول منهم عياله .. يعني انت تقول ما هم بعيالك كيف بتمنعهم ..

بتال بارتباك وغضب / جدي .. انا .. اسمع .. يعني هم عيالي .. بس ليش ما قالت لي ..

ابو سطام يضربه بقوة " بتال فز واقف من الالم " .. / لانك خبل .. رحت وبتلت بالسالفه ولا حاكمت سيفك .. ذبحتها

وذبحت عمرك قبلها .. " وبغضب " .. اجلس ..

بتال جلس وبضيق / بس انا سمعتها ..

ابو سطام يقرب منه / متوكد انها هي ..

بتال بصدق / لا .. " هز راسه وبتاكيد " .. لا الصوت ولا الشبه ..

ابوسطام بسخرية / ما بك بلا .. اييييه .. الا بك بلا وكبير بعد ..

بتال بضيق / يببببببببببه ..

ابو سطام يقلدة / وحطبببببببببببببه .. " وبجدية " .. تهواها يا ولد ..

بتال بسرعة / لا .. " وهو يصد " .. " ما حس الا بالعصاه على ظهرة خلته يفز واقف " .. بتال بضيق / يببببه ..

ابو سطام بحزم / ما ابي ادعي عليك اللي فيك مكفيك .. يالخبل ..يوم دخلت بغيت تنكسر رقبتك وانت تتشفق على زولها..

بتال بسخرية وهو يطالع الطاوله / ايه ميت عليها .. من زينها والا من سنعها ..

ابو سطام بسخرية / حط عينك بعيني وقل ماهي بمزيونه .. ولا هي مسنعه ..

بتال بغموض وهو يطالع ساعته / ............

ابو سطام يوقف وهو يتوجه لباب المجلس / صالح ولد عمك وراضيه .. ولا رضى بترضى عليك ام سلطان ..

بتال يوقف جده .. وباستغراب / سمته سلطان ..

ابو سطام يلتفت عليه وهو عند الباب / اصيله وحشيمه .. ماهي مثلك .. خرج ابوسطام ..

وترك وراه بتال يصارع القهر والغضب اللي بداخله .. اخذ شماغه وعقاله وطلع بسرعة من المجلس ومن القصر .. توجه لسيارة ..

ركب سيارته وشغلها بس وقف اول ما شاف سيارة زياد توقف قباله وركبت معاه حرمتين وكل وحده معاها طفل صغير

ـــــــــــ

13-11-12, 03:17 AM

المشاركة رقم: 178

المعلومات
الكاتب:	وردة الزيزفون
اللقب:	ليلاس متالق

البيانات
التسجيل:	Oct 2008
العضوية:	102007
المشاركات:	1,208
الجنس	أنثى
معدل التقييم:
نقاط التقييم:	1356

االدولة

مدونتي

الإتصالات
الحالة:
وسائل الإتصال:

كاتب الموضوع : مشاعل السعودية المنتدى : القصص المكتمله من وحي قلم الاعضاء

رد: رواية بردان يا حضن الدفا .. عطشان واظماني الجفا / بقلمي

قبل نصف ساعة ..

دخلت لجناحها بغضب .. شافت ساره لابسه وجالسه تلعب سلطان والظبي ترضع بالرضعه ..

بعد دقائق دخل راكان وراها وبغضب / مرة ثانية لا تدخلين مكان ما قلت لك تعالي فيه ..

العنود بغضب / ................

راكان بغضب / لا تسكتين ..

العنود بغضب / راكان ابعد عن وجهي لا اقول شي ما يعجبك ..

راكان بغضب / لا لاتسكين قولي ..

العنود بغضب / اذا فيه عتب ولوم يطيح عليك .. كل اللي حنا فيه بسببك انت .. انانيتك .. ما اخيلت احد يغليك الا

وعذبته .. ابوي وامي وهذا انت خسرتهم .. وانا " وهي تضرب صدرها " .. هينا نار وجع محد يدري عنه الا الله ..

وهذي " تاشر على ساره " شايله حمل من سنين ماهو لعمرها .. وانت درست وتزوجت وعشت حياتك طول بعرض

وكل اللي صار ما علمك درس لا .. الا زدت وتجبرت بأنانيتك تبي تحرم بنتك حق الطفولة .. تبي تحرم نفسك حق الابوه

.. متى تبي تفوق لمن تخسر كل شي حولك .. لمن يفوت الفوت .. " سمعت صوت بكى الظبي وسلطان وساره " ..

العنود بغضب تضرب راكان على صدرة ../ اطلع برا اطللع براااااا ..

" طلعته برا الجناح وقفلت الباب " .. " توجهت للي جالسين على السرير ويبكون "

وبحنان حملت الظبي ..و ضمت ساره من الجنب .. قبل راسها .. وبحنان / خلاص حبيبتي .. خلاص .. " ابعدت يدها

عن ساره و سحبت الرضعه واعطتها الظبي .. والرضعه الثانية اعطتها سلطان " .. بعدها بدقائق .. دخل زياد .. وهو

ما يدري عن العاصفه / هاا جاهزين ..

العنود تنهدت / ايه .. " لفت الظبي وسلطان بفرشاتهم " ..

" التفتت لساره " .. يالله انتي خذي الظبي ..

ساره ببحه / تبين تشيلينهم .. العنود / ايه .. ماني بضامنه احد يهتم فيهم .. امشي .. " خذت سلطان وحملت الشنطة وطلعت "..

ـــــــــــــــ

في مجلس الحريم ..

مريم بضيق / وليه تخلينها تاخذ الصغار معاها ..

مياسة / كانت متضايقة وما بغيت ازيد عليها خلها براحتها ..

العنود " ام سند " .. بفضول / ليه متضايقة ..

مياسة / ابوي طلبها للمجلس وكان فيه سلطان وبتال وراكان وما ادري ايش صار .. هي وراكان خرجوا وكانهم نار شابه ..

مريم بضيق / لا حول ولا قوة الا بالله ..

العنود بحماس / وايش صار .. ايش قالوا ..

الهنوف بقهر / العنود ... يازينك بهالسوالف .. والا لك لو صار شي ها والا ها ما عرفتي تسوين شي ..

العنود بضيق / الهنوف .. ايش له الحين تضيقين صدري ..

الهنوف بقهر / لا والله .. ضاق صدرك .. انتي ما تشوفين نفسك نسخة الجوهرة .. تدورين على خرابك ..

الجوهرةدخلت / وايش فيها الجوهر يا الهنوف ..

الهنوف طالعتها بنظرة سخرية وصدت / ................

الجازي / لا اله الا الله .. اذكروا الله .. ايش فيكم .. الهنوف توقف / انا ابي اروح عند امي وخالتي ابرك لي ..

مريم توقف / وانا بعد .. مياسة وقفت والجازي ..

العنود / وليش انا اقعد حتى انا طالعه ..

الجوهرة مسكت العنود / وينها ؟ ..

العنود باستغراب / منهي ؟!!..

الجوهرة بسخرية / العنود .. وعيالها ..

العنود / راحت تتسوق .. "

وتركتها وراحت للحديقة مكان مو جالسه امها وخالتها " ..

ــــــــــــ

بيت ابو بتال ..

جناح سمر ..

غرام وشيخة بحضنها / الحين ايش اناديها شيخة والا الزين ..

سمر بضيق / اكيد الزين .. غرام انتي بس تبين تحرقين دمي ..

غرام تضحك / هههههه لا سمسم بس صدق ابوها يقول شيخه .. وانتي تقولين الزين .. احترنا ..

سمر بقهر / انا اللي حملت فيها وانا اللي تعبت .. وهو بارده مبرده سماها .. لا بعد ما جني ولا زارني بالمستشفى ولا

البيت .. ولمن راح للمستشفى راح علشان طلبت منه مدام العنود ..

غرام / انتي شفتي صور عيال اخوك ..

سمر بضيق / لا .. غرام بحماس التفتت لشجون اللي عيونها بالجوال / شجون عندك صور اولاد بتال ..

شجون وهي مركزة مع الجوال تراسل .. بعدم اهتمام / ايه .. ايه ..

غرام تطالعها باستغراب وشك .. / شجوووون .. من تراسلين ..

شجون رفعت راسها .. وببرود / نعم ايش تبين ..

غرام رفعت حاجب .. وبجمود / عندك صور لعيال بتال ..

شجون ترجع عيونها للجوال .. وببرود / لا ..

غرام تنزل شيخه من حضنها وتحطها جنب امها .. طالعت شجون بنظرات شك ..

دخلت رنا ومعاها حافظة فيه كيك / سلام .. " وهي تنزل الملثم " ..

البنات / وعليكم السلام ..

سمر / وين البنات ..

رنا ابتسمت / نوال حلفت عليهم ما يروحون ويتركونها .. وجلسوا في بيت جدي .. غرام بعد ما نزلت رنا عبايتها

ولفتها جلست على الكنب وحطتها جنبها .. ابتسمت وبهدوء / ايشلونك اليوم ..

سمر ابتسمت / تمام ..

رنا طلعت جوالها وقف وتقدمت من سمر وجلست بطرف السرير .. وبابتسامه / جايبه لكم صور جديدة لـ اولاد العنود

.. فتحت جوالها .. و ورتهم سمر وغرام ..

سمر تطالعهم بشغف .. ابتسمت .. واشرت على صورة سلطان / يشبه بتال ..

غرام بضحكة / كيف مو واضح صغير ..

سمر بحماس / لا والله شوفي هينا .."وهي تاشر على خشمه " .. بتال لعصب يجي على راس خشمه مثل الخط .. كذا

.. غرام تطالع بصورة .. وباعجاب / ما شاء الله تبارك الرحمن .. ما شفت مثل زينهم .. ما شاء الله ..

رنا تبعد غرام وتاخذ شيخه وتحطها قبالها .. وتبداء تصورها ../ ساره آمنتني تقول صوريها اشتقت لها ..

سمر صدت بضيق ... غرام / ليش ما جات ..

رنا ببراءة / تقول راكان حلف عليهم ما يطلعون هي والعنود .. سمر لفت على رنا وبعبرة / ليه ؟..

رنا ارتبكت وطالعت غرام .. غرام بهدوء / كيف ليه .. انتي ناسيه ان بتال طلق العنود .. فما يصير تجي ..

سمر والدمع معلق على رمشها / ..........

غرام بهدوء / راكان لساته الغضب بداخله .. موت ابوه و امه وطلاق اخته .. اعطيه فترة ليقدر يتماسك .. سمر هزت

راسه وهي تمسح دموعها اللي نزلت / ...............

غرام بابتسامه / يالله اهتمي بنفسك .. وبصحتك حتى لخلصتي نفاستك ورجعتي بيتك تكونين قادره على انك تعاقبينه ..

سمر ابتسمت / هههه الله يعين اللي بياخذك .. هههههه ..

غرام بغرور / الا وياهني ياله .. البنات / ههههههههههههههههههههههه

غرام التفتت على شجون .. وشافتها عيونها على الجوال وما شالتهم .. غرام وقفت بهدوء وتوجهت لشنطتها ..

وكانها تبي تاخذ شي منها .. مرت من خلف شجون وقفت طالعت ايش تسوي ومع من تدردش ..

وشافت سمية .. تركتها وراحت لشنطتها طلعت جوالها .. ورجعت لسمر ورنا .. وقلبها قارصها من ها سمية ..

ـــــــــــــ

جناح مياسة وبناتها ..

" ريما .. ريهام .. رنيم .. هيفاء .. نوال .. ابرار .. اماني وروان " ..

ريما / لا صدق ما يصير فشلة مره ..

نوال بتأييد / ايوه .. تخيلي بس رايحة بيتهم .. وشافني اكيد بيسوي مصيبة .. وهو عقلة فاصل ..

البنات / ههههههههههههه

هيفاء بضحكة / لا عاد ما اسمح لك تعيبين على ولد اختي ..

نوال بنص عين / لا والله تلوميني .. " وهي تقلدة " .. نوووووووووواااال .. " بخوف و هي حطه يدها على صدرها "

.. بغى قلبي يوقف هذاك اليوم ..

البنات / هههههههههههههههههههههههههههههه نوال بضيق / على ايش تضحكون .. لو صار لكم اللي صار

وارتعبتوا ما كان ضحكتوا ..

البنات كل وحدة ميته من الضحك .. / هههههههههههههههه رنيم توقف .. وبالم / اااه هههههه حسبي الله على

عدوينك يا نوال هههههههههههه .. نوال فتحت عيونها / ........... ابرار / هههههههه وجهك وانتي تعبرين رهيييييب

.. ههههههههه .. سعود سدد دينه .. هههههههههه ..

نوال رفعت حاجب .. وبقهر/ يا زينك ساكته ..

البنات / هههههههههههههههههههههه

ـــــــــــــ

بعد المغرب ..

بيت ابو سطام ..

ابو سطام وام سطام ومياسة .. بصاله الثانية .. على الكنب .. ابو سطام بهدوء / جاني فهد .. يقول راشد يبي يرجع

حرمتة وبناته للبيت ..

ام سطام طالعت بنتها .. ورجعت طالعة ابو سطام / وايش قلت له ..

ابو سطام / اللي تقوله مياسه ..

مياسه بغصة / ثقلت عليك يبه وانا وبنات .. ابوسطام بنظرة غضب .. وبحزم / بنت ..

مياسه بعبره / يبه ما ابيه .. ما ابي ارجع له .. ابي ارتاح ..

ابو سطام بهدوء / ايش سوا .. ان كان على رنيم فهو ابوها لو ياطىء على رقبتها ..

مياسه بغصة / يبه خلها بالصدر تجرح ولا تطلع لبرا وتفضح ..

ابو سطام بغموض / .............

ام سطام تنهدت بضيق / الله يهديك ويصلحك .. ويريح بالك .. وقفت مياسة وراحت لمطبخ تجهز للعشاء مع الخدامة

... ابو سطام تنهد وبنبرة مقصودة .. / اليوم العنود استفزعت .. ونادت .. " انا خت نايف كايد عداه " ..

ام سطام حطت يدها على قلبها .../ .............

ابو سطام بضيق / بتال مهتويها .. مهتويها ازود من سند .. مهتويها اللين اعتمى .. الرجال مايعرف يمينه من شماله

.. ام سطام بخوف والم / ابعده ابعد ه.. ما ابي انوجع مرة ثانية .. ما ابي بطش سند يرجع .. لا توجع البنيات يا سعود

.. ابو سطام بثقة / لا تخافين .. غلطة ابوي وعمي جابر ماني بمكررها ..

وسكت الاثنين وكل واحد يرجع لاوجاع دفنت .. والي بدا بوادر رجوعها مع رجوع شبيهة الظبي ..

ــــــــــــــ

13-11-12, 03:18 AM

المشاركة رقم: 179

المعلومات
الكاتب:	وردة الزيزفون
اللقب:	ليلاس متالق

البيانات
التسجيل:	Oct 2008
العضوية:	102007
المشاركات:	1,208
الجنس	أنثى
معدل التقييم:
نقاط التقييم:	1356

االدولة

مدونتي

الإتصالات
الحالة:
وسائل الإتصال:

كاتب الموضوع : مشاعل السعودية المنتدى : القصص المكتمله من وحي قلم الاعضاء

رد: رواية بردان يا حضن الدفا .. عطشان واظماني الجفا / بقلمي

بالمول ..

بدورة المياه .. " اكرمكم الله " ..

ساره ماسكة الظبي .. والعنود تغير لسلطان بالحمام .. خرجت العنود .. ساره بضيق / الحمد لله ..

العنود بضحكه / ليش ضايقه ..

ساره بضيق / عيالك .. مره يبكي يبي رضعه ومره موسخ ومره .. اوووف ..

العنود ابتسمت وهي تلف سلطان وتعدل نفسها .. / امشي زياد برا ينتظرنا .. "

طلعوا من دورة المياة وشافوا زياد واقف .. ساره انتبهت للعربيه الي بجنب زياد " ..

ساره بسرعة توجهت لزياد / احسن شي .. " وهي تنزل الظبي فيها " .. بسم الله ..

العنود بابتسامه / حبيبي والله .. تسلم .. " نزلت سلطان بجنب اخته وهي تسمي بالله " ..

زياد بابتسامه / الحين ارتاحوا وانا ادفعهم .. واقعد برا المحل وانتم خذو راحتكم ..

ساره تنهد / احس بحريه ..

العنود بمزح تضربها على راسه / يعني الظبي ضايقتك .. خلاص ما عاد تمسكينها ولا تلعبينه ..

ساره تنزل وتقبل خد الظبي / لالا امزح .. اصلا ما اقدر ابعد عنهم .. هههههه .. اخذت العنود كم لبسه لها وكم لبسة

لسارة وكم لبسة لظبي وسلطان

واشياء خاصة ومهمه ..

ــــــــــــــــ

على البحر ..

راكان بضيق / صدقت في اللي قالته .. انا حاس بقهر بقلبي ونار ماني قادر اطفيها ..

عناد تنهد / لارحت مكه ادعي ربك صدق .. واغسل قلبك .. وراح تلقى قلبك هدي ..

راكان يهر راسه بنعم / ............

عناد بعد صمت لثواني .. فرك لحيته باصابيعه .. / نويت اتزوج ..

راكان التفت عليه بصدمه / ........

عناد بارتباك / مو اتزوج اتزوج ... يعني كذا .. " وهو ياشر بيده في الفراغ " .. ما ادري .. اخطب ايه اخطب ..

راكان / ههههههههههههههههههههههههههههههههههههههههههه

عناد ابتسم / ايش يضحك ...

راكان / ههههههههههههههههههههههههههههههه

عناد / هههههههههه .. هذا كله فرحة لاني نويت اخطب اجل لا تزوجت ايش بتسوي ..

راكان / ههههههههههه ومن .. هههههههههه ومن تعيست الحظ ..

عناد بغرور / الا قول سعيدة الحظ ..

راكان / ههههه اكيد .. اكيد غرام ..

عناد بضحكه / ايه وفيه خبله تقبل بي غيرها ..

راكان / ههههههههههههههههههههههههههههههههه عناد / هههههههههههههههههههههههههههههههههههههه

.. راكان يوقف وبضحكة / قم ههههه قم نروح لعشاء طلال قم ..

ـــــــــــــــــ

بالاستراحة ..

ابو بتال / ان شاء الله بعد ما يرجعون عيال سطام من مكه .. ابي اسوي عشاء صغير علشان عيال بتال ..

بدر / اهم شي اكون انا موجود ..

ابو بتال / ما جاك نقل للحين .. بدر / لا والله .. وكثير يقولون لي يمكن بعد سنتين او ثلاث ..

ابو عناد / لا ان شاء الله ندور لك على معرفة ونجيبك جنبنا ..

بدر / انا الحمد لله قريب مو ذاك البعد .. بس ساعتين روحه قبل بداية الدوام وساعتين وزود رجعه .. هذي اللي تتعب

.. ابو سند / الله يحميك من الخط ودروبه .. وهالحديد .. الكل / امين ..

طلال يدخل / الا بتال وراكان وسند وعناد وين ..

سند من وراه / السلام عليكم .. هذا انا جيت ..

ابو سند / ليش تاخرت ياولد ..

سند / ابد بس الحرمة عندها مراجعه بالمستشفى وتاخرت ..

فارس بفرحة / ايش المولود ولد والا بنت ..

سيف بضحكة / اكيد بنت ..

سند بضحكة / ماني بقايل لكم ..

فارس بحماس / قلي بس انا .. علشان اجهز الهديه من الحين ..

ابو سند بسخرية / ومن زين هديتك .. شفنا اللي جبته لبنت اختك ..

فارس بصدمه / يبه انا هديتي لبنت مر ومه مو حلوة .. " التفت لطلال " بالله ياطلال احلا هديه جات لبنتك من عند

من ..

طلال بصدق / من ابو فهد ..

سيف / افااا .. وهديتي ..

طلال بضحكة / يعني بتسون نفسكم ما شريتوها مع بعض ..

سيف وفارس / لا والله ..

طلال / ههههههههههه الاسورة نفسها اللي انت جبتها هو جابها ..

سيف طالع بفارس / قلت الاشكال ما تاخذ الا هي .. فارس / وهي فيه احلا منها .. انا تعبت وانا ادور شي حلو ..

ابو سند التفت على ابو طلال / وانت ايش جبت لها .. ابو طلال ابتسم / يكفي سمحت يسمونها باسم مريم ..

ابو بتال بضحكة / الله اكبر عاد ياها الاسم ..

ابو طلال بنغزة / عاد من زين اسمك .. حتى صاحبه ما بغاه .. واول ما .. " وهو ياشر على الـ أي فون " ..

ابو بتال / هههههههه يا فديت سميي .. " مد يده " . هات هات خلني اشوفها .. وارسلها على بتال ..

ابو عبدالعزيز يمد يده .. ويعطي اخوة الـ اي فون .. ارسلها ابو بتال على جواله .. ومن جواله على بتال بالواتس

ــــــــــــــ

بالمزرعة ..

بتال .. جالس على فرشة مفرشها بالارض .. وشاب الحطب قباله .. يحرك الحطب بعصى في يده .. ويزيد النار حطب

.. رفع راسه وسرح لبعيد .. وهو عاقد حواجبه .. تذكر الكم ليلة اللي قضاهم معاها بهدوء .. وابتسم وتغيرة ملامح

وجهه .

. ....../ بسم الله عليك ..

قفز بتال بخرعة / عم ابو محمد .. ما .. ما حسيت بوجودك ..

ابو محمد ابتسم / اللي ماخذ عقلك يتهنى به .. بتال رجع يحرك النار والضيق بوجه ..

ابو محمد / ايش اللي مضيق صدرك .. بتال يهز راسه / ما في شي ..

ابو محمد / لا تكتم بصدرك يا ولدي .. بعض الاحيان الحكي يفتح عينك على شين غافلن عنه ..

بتال تنهد بضيق .. وبداخله " مثل ما جدي فتح عيني على الي معمي عنه " .. ا

بو محمد يوم شاف بتال ساكت .." قال يمكن ما يبي يتكلم "..

بتال بعد فترة / لي رفيق تضاربت معاه وافترقنا ..

ابو محمد ابتسم .. وبهدوء / هو المخطي والا انت ..

بتال بضيق / انا وهو .. " تنهد " .. سمعت حكي وحكمت عليه .. وهو ما دافع ولا حكى .. وخلاني امشي بظلمي ..

ابو محمد بنبرة مقصودة / تعزه وتغليه ..

بتال كان يحرك الحطب .. رفع راسه وطالع ابو محمد بضياع .. ورجع يطالع النار / .......... وبعد فترة صمت ..

ابو محمد / تعشقها ..

بتال رفع راسه وطالعه بصدمه / ...........

13-11-12, 03:20 AM

المشاركة رقم: 180

المعلومات
الكاتب:	وردة الزيزفون
اللقب:	ليلاس متالق

البيانات
التسجيل:	Oct 2008
العضوية:	102007
المشاركات:	1,208
الجنس	أنثى
معدل التقييم:
نقاط التقييم:	1356

االدولة

مدونتي

الإتصالات
الحالة:
وسائل الإتصال:

كاتب الموضوع : مشاعل السعودية المنتدى : القصص المكتمله من وحي قلم الاعضاء

رد: رواية بردان يا حضن الدفا .. عطشان واظماني الجفا / بقلمي

انتهى ..

لا اله الا الله .. محمد رسول الله ..

سبحان الله .. والحمد لله .. والله اكبر ..

اتمنى يعجبكم .. واعذروني على القصور والاخطاء الاملائية ..

هالبارت اهداء .. " خاصة " .. لنونه .. ونانا ... ام العمر " اللي ما

عرفت ادلعها " ..

وقرموزة اللي وحشتني مرررره .. ولسومه " قرة عين امي " .. ونجوله .. وام ايلاف ..

" وعامة " .. لكل المتابعين .. واللي خلف الكواليس .. <<< عارفين نفسهم .. تراني شفت صرصور تحت

الستارة .. انتبهوا لايعضكم .. فاطلعوا على المتصفح .. ونوروني بردودكم ..

احوووووووووبكم ..

اختكم .. مشاعل السعودية ..

" واعذروني على الغياب .. امر بظروف خاصة .. ادعولي ولـ احبتي .." ..

LinkBacks (?) LinkBack to this Thread: https://www.liilas.com/vb3/t176859.html
أرسلت بواسطة	For	Type	التاريخ
Untitled document	This thread	Refback	10-07-17 05:40 AM
Untitled document	This thread	Refback	30-11-15 03:29 PM
Untitled document	This thread	Refback	06-09-15 06:24 PM
ط±ظˆط§ظٹط© ط¨ط±ط¯ط§ظ† ظٹط§ طط¶ظ† ط§ظ„ط¯ظپط§ ط¹ط·ط´ط§ظ†	This thread	Refback	31-08-14 02:26 AM
Untitled document	This thread	Refback	18-08-14 04:28 AM