مشكوورره ميشووو
البارت جميل صحيح قصير وكئيب بس جميل
اتمني ان نايف سليم وماحصل له شي جايد :( لان يكفي عنود الللي حصل لها
راكان بإذن الله مواريه خيره بهالبارت وان شاء الله انه قد المسؤوليه
متى بتكشف العنود عن عيالها وعيال بتال ؛( متشوقه لهاللحظه !؟
تسلمي مره ثانيه ونتمنى البارت القادم اجمل واطوول
شكراً😘

مسائك شذى الورد
بارت موجع ميشو
دموعي مانشفت وأنا اقرأها
جعل أمي في جنات النعيم وأمهات المسلمين اجمعينا

راكان
الواحد مايحس بقيمة الشئ الا اذا فقده
لما كانوا موجودين ماكلفت نفسك انك تسأل عنهم طلعت وعشت حياتك
حتى لما تجي تزورهم ما تهتم فيهم الا لما تزوجت اختك فضطريت انك تقابلهم وتعرف شوي عنهم
والحين جالس تبكي تبيهم يرجعون عشان تكفر عن اغلاطك وتبرهم
ماعاد ينفع الندم

العنود
واللي جالس يصير معها معقوله هذا ارتفاع ضغط وينفجر شريان وتنزف من انفها
طيب والحاله اللي صارت لها سببها ايش تكون شريفه مسويه لها شئ
بس اللي اعرفها ان السحر ينفك اذا مات الساحر
وجع الرأس والنزيف هذه علامات ضغط الا اذا في صندوق اسرارك شئ أكبر من كذا
بعدين وش مسويه عشان الشرطه تبيها
لو عشان الجثه المتحرقه كان كلموا راكان بس هي المطلوبه
معقوله شركات صار عليها شئ
والى متى مخبين حقيقة العيال عن أهلهم
بس الغريب ان ابو سطام ماسأل عنهم ولا عن نايف كنت متوقعه ان بتال يعرف بوجود عياله على طول بس ماتصيرين ميشو اذا ما خالفتي كل التوقعات
وساره استمرت على كذبها وقالت عيال نايف
وهم صدقوا والا بس الوقت مايسمح لهم بمناقشتها



نايف

هذا اللغز اللي ما انحل
وين متخبي فيه وش هالراحله اللي مافيه جولات
معقوله يكون يتدرب على شئ يساعده في القبض تجار المخدرات
والا يكون هو عميل سري للشرطه وزراعينه عند التجار
حتى لو كان كذا لازم يكون في تواصل بينه ويبن صلاح ومتعب عشان يبلغهم بكل شئ

سمر
اللي فيه مكفيه موت أبوها وبعده طلاق اخته وبعدين أمها توفت
اصبري عليه وبكره بيجي بشوف بنته وينسى


ميشو ابدعتي

السلام عليكم ورحمه الله وبركاته

صباح الخير...صباحك نفحات من رضا الرحمن
ميشوووو آآآآآآآآآآآه ياقلبي وشهالبارت المووووجع مررررره مرررره تاثرت فييه
فتح مواجع واحزااان الواحد يحاول يتناساهاااا...جعل امي وجدتي في الفردوس الاعلى
هم وجميع المسلمين..دموعي تنزل بروحها واشوى اني بروحيي
جعل يدينك ماتمسها النار ويفرج همك ويوسع صدرك ويزيل كدرك ويشفي
بنيتك
كل فراق صعب بس فراق الام اصعب شيء بالكون تحسين العالم من حولك ينهااار ...لانها هي رمز
القوة والامان بحظنها تستغنين عن العالم كله..
راكان
ما فيه شيء اصعب على الانسان كثر الندم ...وراكان الندم ماكله اكاااال على تفريطه بالنعمه الي انعم الله
بها عليييييه ..توه يحس بقيمه والدينه نوه يعرف انه مقصر حيييييل تجاهم لادموع ولاا الصياح ولاا انه يحرم
روحه من شوفة ضناه بينفعه هذا سوايا يده والا الوالدين مهما سووا والا افعلوا المفروض ما يقاطعهم بالعكس
يواصلهم>>ابوي الله يطول بعمره دااائما يقول الي ما نفعني وانا حي مابيه يبكيني اذا مت<< وهذا يطبق على
راكان الي غرته دنيته ولاهى عن ام واب في امس الحاجه له
واذا انت صدق ندمان تقدر تكفر عن بعض عقوقك تجاهم انك تدير بالك على خواتك واخوانك وتحامي عنهم
وتاخذ حقهم من كل الي ظلمهم .... بس هذا انت ماتغيرت اخوك نايف بالغربه ولااتدري عنه حي والا ميت
اكتفيت تاخذ طرف الخبر ولاا حاولت بكل وسيله انك توصله لو انه عناد والا احد ثاني كان قلبت الدنيا عشانه

اتوقع انه بيسمي بنته شيخه على امه يحاول انه يكفر عن عقوقه تجاها

العنووووود
كان الله بعونك وعظم الله اجرك ...المصايب صارت تهل عليك مثل المطر..دفنتي ابوك بالامس واليوم امك
كان عندها احساس ان امها صاير لها شيء وهذا الي خلاها تصر انها ترجع مع راكان لشرقيه

بس وشر سر هالنزيف والصداع الي يجيها دائما مو معقوله يكون مرض عضوي انا اتوقع انه من سحر
شريفوه بس ماتمكن منها عدل يمكن لانها تتحصن وتقرا قران لانه شيء عجيب ينزل من عيونه وانفها دم
وحالة الصداااع الي تغيبها ...
بس ياترى ليش الشرطه جايه تاخذ العنووود معقوله عشان تتعرف على جثة شريفوه لانها احترقت بالبيت
والا بيتهمونها انها هي الي تسببت بالحريق خاصة اذا اعرفوا انها بفعل فاعل
او عشان الشركات صاير فيها شيء وطالبينها
الكل اللحين ملتهي عن سالفة العيال ولاا دققوا الرجاجيل فيها وبينشغلون اكثر مع سالفة الشرطه الي طالبين
العنود وبعدين بينتبهون للعيال وبيسالون وما اتوقع انهم بيصدقون انهم اعيال نايف....

نايف
الحاضر الغايب غيبته جدااا موطبيعه اكيد صاير له شيء او انه في مهمه سريه وصلاح ومتعب يعرفون
عنها لانه مو معقول يكون غايب عن عزى ابوه وامه ولاا احد داري عنه وصلاح ومتعب ساكتين
وكان الامر عادي انا اقول انهم على علم بمكانه ولاا يبون يخبرون احد...
ياقلبي يانايف الكل ظالمك ومفكر الشينه فيك ..مادروا انك تسوى اعيال الفا رس كلهم

ساره
ياقلبي ماتنلام لانها ما علمتهم عن العيال لان من قبل العنود ونايف كانوا محذريها من قبل لاتعلم هم اعيال
من وعشان كذاا سوت مثل ما طلبوا منهم

زياد
يعني معقوله ما احد لاحظ الحاله الي عايشه زياد وانه مو طبيعي ...وتعلقه بركان مرضي ...هذا بكره
اذ اعرس بيفشلنا مع بنت الناس والا كيف بيمشي امور بيته ..المفروض راكان يسرع في علاجه
قبل لاتتطور الحاله عنده

سند
اسم على مسمى انت السند لكل شخص يلجأ لك بعد الله ..كفو والله انك اقصرت مع الكل ويكفي موقفك
مع اعيال سطااااام ...ونظرتك للعنود توحي انك فاهمها وفاهم الحاله الي تمر فيهاااا
اما رنيم يااازين ماتسوي فيها خلها تتادب على كل كلمه قالتها بحقك

سلطاااان
كنت متامله فيك كثيرررر وقلت هذا الي بياخذ بحق بنات اخوه وبيقوم فيهم ...بس عن جد انصدمت
بسلبيتك تجاهم وين الي مسيطر على الكل ويراعي الكل ويشوف وش محتاج تجي عند بنات اخوك
يوقف عطاؤك ...بس زين ما سويت بجويهر...
وبتيل ليتك لازلت على ريقك اناشف معه عشان يتادب اكثر

سمروه وامها
يااابرد قلبي فيكم وبعد يبي لكم >>ميشووو ابي اعرف منشارك الصومالي الي جالسه ترهبينا فيه
وينه ماتستخدمينه مع هالعله وامهااا
سمر حقك وما يجيك اجل انتي واخوك وامك ضايمين اخته ومتهمينها ولاا ومطلقينها تبينه يضحك
بوجهك ويطبطب عليك...اكيد انه بيزعل ..
وجويهر عجوز ابليس اللحين انتي على كل هالاحداث الي صارت ولاا انهديتي ...يا ليت سلطان
يحط عليك شريكه عشان تنكسرين ولاا يطلع لكح سس

بتال
جعلك بهالحاااال واردى ليت الكل يقاطعك على سواياك الشينه ...وخل امك وسمروه ينفعونك دامك
تمشي ورى كلامهم....ياريتك تعرف بس بحقيقة العنود كان تعض اصابعك ندم مثل راكان ولاا
والطامه الكبرى ان هالتوام الي الكل منهبل عليهم اعيالك ياترى وش موقفك

طلال ومرام
الناس وين وهم وين...همهم نفسهم بس ولاا ضاربين خبر بالي حوالينهم....صدق لايقين
على بعض اثنينكم غثيثين ما احد يتحملكم الا انفسكم..

مريم
ياحبي لهالانسانه احسها حكيمه وطيييبه حيييل والدليل ان الكل تهرب من مواجهة ساره
بخبر وفاة امها ووكلوا المهمه لها...حتى طريقتها باحتواء ساره والعنود واجبارهم على الاكل
جداا عاجبتني >>ياويلك ياميشووو لو سويتي لها شيء


صدقين ميشوووو خاطري اشوف صندوقك هالي كل شوي طاله عليه>>حشى ولا الصندوق الاسود
تسلمين يالغلاااااا على هالابداااااع لاخلاا ولاا عدم ...

بارت موجع جدا جدا ميشو استكمال لمصايب ال سطام الله لا يحرمني من امي وابي هم عماد البيت اذا راحو ماتسو الدنيا شيء من دونهم ربنا يحفظ لكل واحد غاليه ولا يفجعه فيه
العنود
مازال الالم والمصئب مستمرة لا تستطيع حتى التوقف لا اخذ انفاسهااو لملمت شتاتها احسها تنكسر شوية شوية والناس اللي كانت تقوي نفسها عشانهم صارو ينفرطو من عقدها حبة حبة اتمنى انو الاستدعاء الذي اتاها لايخص نايف لان كثر الدق يفك اللحام وثلاثة ضربات في الراس تكسر الحجر
راكان
الى متى هذا التكاسل والخذلان اعتقد مهما حاولت فاهتمامك باهلك دائما ناقص وتصدق فيهم اي شيء يعني نايف لما اتهموه بالمخدرات ما استفسرت ولا تقصيت على طول حكمت انه مذنب وصفيت ضده ياخوفي لما تسمع كلام سمر واتهامها للعنود تصدق وتوقف ضدها
سند
اعتقد انه قارن بين كلام بتالوه وتصرفات العنود وعرف انها غير اللي قاله بتال
نايف
اعتقد انه في مهمة سرية للمكافحة وما يقدر يكلموه او يستدعوه واتمنى ماتكون العصابة خطفته او اذوه
بتال
اتمنى تخطب خزامى وتتزوجها وتحل عن العنود وبعدين لما تعرف الحقيقة تتحسف وتاكل اصابعك ندم
بانتظارك ميشو واتمنى مع القفلة حقت البارت هذا انو البارت القادم ما يكون محمل بالفواجع والمصائب

صباح الخير ..... تسلم ايدك ياقلبي على البارت الموجع ......بس لحد الان مازل الكثير من الاسرار ماانكشف منها الا الشي البسيط نقطة ببحر مثل مايقولون ...

العنود وبتال

ماادري الى متى بتخفي امر عيالها .....اذا بتعاقب احد تعاقبه بس مو على حساب اطفال كل ذنبهم في الدنيا انهم جاو والام والابو كل واحد بحال لو العنود مسكينة ومظلومة بنقول معاها الحق بس هي اكثر شخصية عارفة الي يدور حوالينها شكان بيضرها لو ابتدت بداية صح .........بتقول طريقة تزويجها مو العنود الي تنجبر على شي وماتقدر تمنعه مثل مامنعت شرفوه وولدها ولطاموه ويمكن غيرها مابتعجز عن بتال وراكان مو من زود الاحترام لراكان ولا من زود الحب والميانة للجد والعمام .......اذا قبلت على نفسها الحال الي هي فيه العيال شذنبهم .......وساروه للكذب جاهزة مايحتاج احد يوصيها .......بتقول لي نايف نايف وينه واصلا ماله حق يمنع العيال من ابوهم مهما كانت الاسباب .......يعني هذي حالة والعنود تدور فيهم من بيت لبيت مرة بالمستشفى مرة ماادري وين اذا هي مو فاضية لهم في غيرهم بيتكفل فيهم ماخافت عليهم من الامراض والجو الي كل شوي معرضتهم له ....

تترك عنها العناد وتهتم بعيالها مو لاراح واحد فيهم قامت انهارت وبكت .........سر العيال وبينكشف يكفي اساميهم سلطان والظبي ....الظبي وقلنا الجدة بس نايف ليش بيسمي سلطان وبيترك اسم ابوه ...... مو عاجبني هالتصرف ولا اللف ولا الدوران في موضوع بيوم راح ينكشف .......واعتقد مابينكشف الا اذا العنود اخذت درس على تقصيرها بحق عيالها لااستقرار لا وابوهم مايدري عن وجودهم امحق حرص من الام الحنونة

اما سالفة هالنزيف ماكان موجود عندها والحين زايد ....... من يوم رجعت شرفوه من دبي ومااستبعدها انها راحت سوت لها سحر هناك ......بس هي هذيك الفترة بتزوجها لولدها كيف تضر صحتها بدل ماتقلب مشاعرها وتخليها خاتم في اصبعها هي وولدها .......كانت بتقدر توصل للي تبغيه بسهولة .......والفحوصات سليمة طيب والحل والى متى بتظل على هالعناد والغرور الي بيضيعها وبيضيع غيرها


راكان وسمروه

راكان اتمنى يظل على جفاه وحقرانه لسمروه اهتمامه فيها من قبل كيف ردته بتدمير حياة اخته من لسانها الي ماينمسك لاوبكل فخر تمشي وتكمل سالفتها عند خزاموه وغيرها .....وكأنها ماصدقت انو بتال يطلقها .....وليش خايفة تطلق هي مو احسن من العنود ولا تستاهل تكون لازوجة ولا ام .... من قلبي اتمنى حرقة قلبها والجفا من ابوها وراكان اكثر اثنين دلعوها وهي ماتستاهل خلي امها تنفعها مالت عليهم بس
اعتقد بيسمي البنت شيخة وجويهر بيرتفع ضغطها من الغيرة والقهر ......بس شكلك ياميشو لابتربيها ولا بتعقليها والا كان ربيتي غيرها قبلها

متعب وصلاح

شكل الظبي مشتغلة مرضعة ماغير كم واحد مرضعتهم مع نايف ...غير شرفوه من قبل ....توقعت وجودهم في العزاء ومنها بينكشف السر وبينصفع بتالوه بس ياحبك لتأخير الاحداث ياميشو وحرقة الاعصاب بنشوف اخرتها معاك


سند ورنيموه

ضحكو عليه انو تصرفاتها وحم ومن الحمل وهي من قبل وهي كارهته ومن متى اصلا حبته واحترمته من بداية الزواج وهي ابد لولا زعل امها ماكنت لو شوي ........وحتى الفل لولا تعامل سند الحازم معاها مارحمته ولا اهتمت فيه بس العذر والشماعة الحمل والوحام ........الوحام الشهور الاولى مو لاخر الشهور اصلا التعب والثقل مايتركو للوحدة تعصب ........متى بس بتحس بالنعمة الي عندها ......وشكلهم ماعرفو عن ابوها وسواد وجهه ولا احد جاب طاريه


هيفوه ورعد

والله ماحد قالها ترمي حالها على واحد تدري انو يحب غيرها .........حتى لو كانت تحبه تتحمل نتيجة اختيارها مو بالضرورة ربي ينزل حبها بقلبه يمكن يتمم زواجه منها كواجب واحترام وتعود كثير ازواج حياتهم ماشية بدون حب وكانت من احسن الزواجات .....اما هي مالها حق تحاسبه على ماضيه لانو مايخصها واعتقد شافت شهادته وانها مو بالطب ........لانها حتى هي معتقدة انو خريج طب

شرفوه

انا اقول انو الجثة مو جثتها هذي شرفوه ام سبع ارواح .......بس كيف طلعت ماادري ميشو بتخبرنا بعدين ....اعتقد الشرطة طالبة العنود يسألوها عن الي كان بالبيت والجثة ........ويمكن يطلبو منها تشوفها وتحاول تتعرف عليها ...اذا الجثة محروقة ومتفحمة وموواضحة ملامحها ....ولا انعرف هي ذكر لو انثى بتكون مليون بالمية مو شرفوه

بس اذا كانت مو متضررة وتنعرف ... راح تتوضح هويتها ........واذا كانت متفحمة والطب الشرعي اثبت انها منصابة بطلق رصاص مااعتقد بيكون في وحدة غيرها وخصوصا شرفوه دخلت وهي حالتها حالة للبيت

جوهروه وسلطان

مااشوف تغيرت وخافت واخذت درس من الي جاها .....مافي الا شي واحد زواج سلطان عليها وحرقة قلبها ...الضرب مانفع الطرد مافاد ...التهديد ماجاب نتيجة مافي الا حلين الطلاق وتنثبر عند اخوانها ومايسمح سلطان لاي واحد من عياله انو ياخذها بسكن مستقل ......او الزواج عليها وهجرها وهالحل الي بينفع برايي لانها مستخفة ولا فاد فيها شي والسكوت عنها مابينفع

اجل متوقعة بسهولة بيزوجو خزاموه البايرة لولدها ماعندها كرامة رافضين ولدها وهي لاصقة فيهم طول ماابو عبد العزيز ومتعب راسهم يشم الهوى لاتحلم فيها وياليت يعجلو بتزويجها لولد عمها الي يبغيها لو يملك عليها ويكمل دراسته او ياخذها تفارق عنده ......بنشوف نفشة الريش تهجد لو لا وهذيك البايرة غصب ميتة على واحد سبق وتزوج من غيرها ولا صان بنت عمه كيف تأمن انو يصونها هي الغريبة

طارق

انتي قلتي انو بياخذ من بنات الفارس وانا للحين مااشوف وحدة منهم تستاهل ظفر طارق ....يمكن بنات مياسة اهون بنات من غير رنيموه طبعا .......وهي بنت الفارس بعد الي دايم تنصح رنيموه ناسية اسمها احسها عاقلة وراكدة وطارق يبغي له وحدة نفس مواصفاتها ابراروه بعد هاجدة شوي بس دامها خوية نوالوه ماانصحه فيها لان نوالوه تفكيرها مايعجبني وفيها جرأة ووقاحة


زيادوه

الى متى على هالحال بصراحة حالته مستعصية وانا مع غيوم مستحيل يكون السبب قصة الكلب لانها تعتبر تافهة علشان تأثر عليه بهالشكل في سر كبير سبب له هالرعب وضعف الشخصية وعدم الاحساس بالامان الا بقرب راكان هل ممكن يكون تعرض لتحرشات وهو صغير او اعتدائات بسبب غياب الاب وسفرات والام بسهراتها وعزايمها ويمكن يكون وقت هجت راكان عند عمامه بالشرقية ....خوف زياد مرضي ومتمكن منه


العمات وحريم العمام

بصراحة طاحو من عيني الحين عيال اخوهم الي مانشف قبره بمحنة وحزن وتشتت ويتم وهم طاقينها حنك وكل وحدة تفسر حكاوي من عندها ماعندهم احترام للموقف يعني لهالدرجة شيخة واخوهم الي راح وعياله مالهم قدر ولو بسيط عندهم يعني لو من باب رد الجميل لسطام الي هو سبب عيشتهم الي هم فيها ماقلنا يحزنو بس لايفتحو مواضيع مالها داعي وماهي وقتها .......ونايف خيرته بيسكتهم كلهم اذا ظهرت الحقايق بس ياليت ساعتها كل وحدة تحشم حالها وماتنافق بشي موصحيح

في انتظارك يالغلا واتركي عنك المواقف

الي بتعصبني على قولتك ....ربي يعطيك الف عافية

ويشافي كتكوتتك ويبعد عنك وعنها وعن كل غواليك

اي شر