المنتدى :
الشعر والشعراء
احساسنا مثل المطر
السلام عليكم ورحمه الله وبركاته
من زاد همه ياعرب وشلون يطعم للحياه
الناس من حوله سعيده وخاطره فيه القهر
يضحك لو ان الضحك في قلبه يزوًد له عناه
صابر وهو خابر بأن الصبر من كاس ٍ أمر
ياصاحبي ماهي سواليف القصيد ومبتغاه
اضلوعنا راحت حطب للنار ثم صارت جمر
الذيب من فوق الجبل عامين مانوحي عواه
وأنا أترقًب من مغيب الشمس لا وقت الفجر
ياذيب لا تشره على الوجعان لا طوًل غناه
أنصت ترى مغناه ياذيب الخلا فيه العبر
قل للحزين يكف دمعه قبل مايلقى عماه
إن نامت عيون العرب حنا لنا قسم السهر
يامتابع الاشعار لا تطرب على من قال آآآآه
تنهيدته مثل الطعون الكايده وسط الصدر
لو باحت اسدود العنا تتعب مضامين الرواه
ولو شالها متن الزمن قالو الزمن منها انتحر
شاعر وشاف الناس تضحك ثم زادو له بلاه
ماهوب حاسدهم ولاهوب اعتراض ٍ للقدر
يللي تشدون العزوم ابغى على عزمي وصاه
لو كان عزمي مايشابه كود صلبات الحجر
احساسنا مثل المطر محد ٍ عرف مقدار ماه
يروي قلوب ٍ تجني التجريح من كف الهجر
قولو لعزيز النفس لا من حده الوقت وكواه
الشعر مثل الدمع يشفي من مواجيع ٍ قشر
ماساقني صوب القصيد إلا ثلاث من العصاه
الحزن والضيقه معَ ثالثهم الحظ الغبر
ولو كانت الاقدار رجل ٍ كان اخذنا به قضاه
لكن مقادير ٍ على الألواح من رب البحر
الله يزينها لو ان القلب مانعرف دواه
اللي وطانا ياصحيبي قد وطا بعض البشر
كل ٍ على سوق المنايا لازم ٍ تارد خطاه
مافيه نفس مخلده كل ٍ مصيره للقبر
لو ان عيوني ماتصدق كيف في لحظه خذاه
اللي هدم في ضامري من الفرح أطيب قصر
ندعي عسى الله يرحم الميت ويكتب له حياه
القادر اللي يحيي الميًت من اغصون الشجر
|
28-05-12, 02:30 PM
جديد مواضيع قسم الشعر والشعراء
العرض العادي
