رواية ليه يا ناس تذبحوني وأنا حيه

ياهلا فيك في ليلاس وان شا الله ماتندمين ونشوفها في قسم القصص المكتمله

اقوانين القسم ( شروط انتسابك ككاتب + قانون القصص المكتمله والمهمله + الردود المخالفه )

عذرا القلب
تسلمين على الترحيب
وانا متاكده باذن الله اني ما راح اندم واطلعت على القوانين وان شاء الله ما راح اخالفها
ويعطيك الف عافيه ومنوره


تعبت..وش بقى ثااني
وعليكم السلام ورحمة الله وبركاته
تسلمين على الترحيب وان شاء الله اكون من هالكاتبات باذن الله
هههه حبيبتي ان شاء الله ما طلبتي شي وما بقصر
وان شاء الله اني بكون ملتزمه وما راح يكون في مشاكل معي من ناحية التنزيل
ان شاء الله دوم تستمتعين بكل ما اكتبه ويرقى لمستوى ذوقك الرفيع
وتسلمين على هالورده ولك مثلها غلاي
والحين انزل البارت الثاني
نورتيني يا قلبي

^^^^^^^^^^^^^^^^^^^^^^^^^^^^^
البارت الثاني
^^^^^^^^^^^^^^^^^^

رجع لمكتبه وفكره مشغول
جلس على مكتبه وأول ما جلس فتح الملف وقعد يقرا كل التقارير عنها
استغرب من حال زميله اللي انقلب بسرعه:غريبه قبل ساعه ونص نفسك بخشمك والحين مندمج في الشغل
طالعه واشر على نفسه:تكلمني أنا
صالح :لا أنت مو معي ابد ...إيه أكلمك أنت في احد غيرك
رجع يطالع الملف:لا بس كنت مركز وما سمعتك
صالح:من متى يا باسم تركز بالشغل هالكثر
باسم وهو يشوف نتائج التقارير والابتسامه تنرسم على وجهه لان النتائج جات على هواه ومثل ما يتمنى:إلا هالشغل مهم كثيييير
صالح وهو مستغرب من اهتمام باسم الزايد:هذي أي حاله؟
باسم وهو يرفع رأسه ويصك الملف:الريم عبدالله(...)
صالح:اها عرفتها .. هذي الحاله المستعصيه اللي ما قدر لحد الحين أي دكتور يعالجها
باسم:بالضبط
صالح اللي يسمع عن حالة الريم من الممرضات والدكتور المشرف عليها سابقا:اللي صار لها مو شوي اعتداء هذا غير أخوان متخلفين وافكارهم غريبه
باسم باهتمام:أنت تعرف اخوانها ؟
صالح :لا بس اسمع طراطيش كلام
باسم وهو يوقف ويروح ويجلس على الكرسي قدام مكتب صالح:طراطيش كلام مثل ايش
صالح :مثل إن اخوانها رموها هنا علشان يفتكون منها ومثل إنهم قالوا انها جابت لهم العار ومن هالكلام المتخلف
باسم وهو يحط يده على دقنه:ليه اخوانها مو عايشين هنا
صالح:لا اخوانها مو عايشين هنا اخوانها على الكلام اللي سمعته عايشين بالسعوديه ورموها هنا مثل ما قلت لك علشان انهم يعتبرونها مصيبه على قولتهم
باسم:طيب ما يزورونها
صالح وهو يرفع أكتافه:علمي علمك بس ما اذكر اني شفت احد زارها من قبل
باسم بابتسامه خفيه وخبيثه:اها يعني وحيده هنا في دبي
صالح وهو يتنهد:اتوقع بس الله معاها وراح يحاسب اخوانها على اللي يسوونه فيها وعلى ظلمهم لها...صدق اللي يعيش يشوف في هالدنيا
وقف صالح :أنا بروح اشوف التقارير للحالات الجديده اللي استلمتها
باسم:ايه تفضل
طلع صالح وبقى باسم اللي حس وكان هالحاله جاته على طبق من فضه وافضل شي في الموضوع انه ما في احد يسال عنها وإنها في كل الأحوال ما في احد يسمع لها يعني محد راح يدري باللي يفكر يسويه

^^^^^^^^^^^^^^^^^^^^^^^^^^^^^^^^

بوحده من الشركات المعروفه بدبي
في وقت الاستراحه
جالس في الكوفي الخاص بالموظفين هو وصديقه
جالسين حول طاوله دائريه وكل واحد بيده الكابتشينو
طالع صديقه:تذكر اول مره شفنا فيها بعض يا عادل
عادل بابتسامه:هههههههههه إيه اذكر ليه هذي ذكرى تنتسى بالله عليك يا حمد
حمد:هههههههه من جد ما تنتسى عاد يوم قمت توريه كيف تصلي الكل ماتوا عليك ضحك
عادل:ههههههه هو قالي ليه تأخرت ويوم قلت له أصلي قال كيف تصلي فوريته
حمد:هههههههه وأنا الخبل يوم دخلت وراك صرت اقلدك
عادل وهو يستفهم:الا صدق ليه قلدتني
حمد:اشترك معاك بالعذر ولا اقوله انها راحت علي نومه ويطردني
عادل وحمد:ههههههههههههه
بعد ثواني رجع الهدوء بين الاثنين
حمد:من يصدق اننا بنعيش في دبي كان كل واحد يتوقع انه بيدرس وبيرجع
عادل:ايه والله انا كنت حاط في بالي ادرس وارجع بس بعد ما توفوا امي وابوي وما بقى لي احد في السعوديه قلت ادور مستقبلي هنا ابرك لي
حمد وهو يتنهد:وانا كنت ناوي ارجع بس لما نقل الوالد الله يرحمه هنا وبدا يشتغل في التجاره استقروا امي واختي هنا وبعد ما خسر ابوي وتوفى كل شي قررنا نظل هنا
عادل:سبحان الله الواحد ما يدري وش مكتوب له
حمد:ايه والله معاك حق
عادل وهو يأشر لحمد:خلص الكابتشينو علشان نرجع للشغل بسرعه
حمد بابتسامه:ماشي
بدوا يشربون الكابتشينو في هدوء وكل واحد يفكر كيف ممكن يكون المستقبل بس الله وحده العالم كيف بيكون

^^^^^^^^^^^^^^^^^^^^^^^^^^^^^^^^^^^^

من أول ما صحت وهي هاديه
دخلت عليها الممرضه وشافتها واقفه عند النافذه وعيونها على برا
قربت منها وبابتسامه:أشوفك صحيتي عسى ارتحتي بالنومه
قربت منها وما شافت منها أي ردت فعل
تنهدت الممرضه هديل وابتسامتها اختفت ما تدري ليه في كل مره تدخل تسولف عليها وهي تدري انها ما راح ترد عليها ولا راح تعبرها حتى لو بنظره بس مع كذا تحب إنها تتكلم معاها او بالاحرى هي اللي تسولف عليها
رجعت تبتسم:راح اقولهم يجيبون لك الفطور
لما شافت عيونها على برا:تبغين تطلعين؟...طيب وش رايك نطلع ونتمشى ...انتي من اول ما جيتي هنا ما طلعتي ....ترى الجو برا حلو ....برا تسمعين صوت العصافير عاد جو الصباح ما في احلى منه
قربت منها وحطت يدها بتردد على كتف الريم وانفجعت لما الريم ابتعدت يدها بدون حتى ما تلتفت لها مجرد انها رفعت يدها وبعدتها بعنف ورجعت على وضعيتها
هديل:خلاص انا اسفه على راحتك بس اخليهم يجيبون لك الفطور
مشت لحد الباب وفتحته وقبل لا تطلع عطتها نظرة ألم وطلعت وصكت الباب وراها
اما الريم فبقت ثابته كأنها تمثال معروض في احد المتاحف القديمه ما ينسمع منها الا صوت تنفسها الهادي وعيونها اللي ترمش
وبعد ثواني نزلت دمعه متمرده حرقت خدها مثل ما قلبها محترق
همست وهي تشد يديها حولها وصارت تكلم نفسها زي العاده لما تكون لحالها
صارت تكلم نفسها وكانها تجسد نفسها في شخصيه من خيالها علشان لا تموت من وحدتها ولا من الحواجز اللي بنتها لنفسها:22/9/1424 يوم ما انساه يا الريم تذكرين يالريم تذكرين لما كنا نلعب بالحبل ...ابتسمت وهي ترد على نفسها او بالاحرى على الشخصيه اللي نسجتها من وهم خيالها:ايه اذكر كانت امي جالسه في الحديقه وكانت الالعاب قريبه منا ....كملت وهي تلمس ثيابها وتأشر بيدها: كنت لابسه فستان ابييييييض وفيه ورود حمراء كانت امي هي اللي اشرته لي.....سكتت ثواني وصارت تهز نفسها بخفه
بعد ثواني من سكوتها صارت تغني بصوت مليان شوق صارت تغني الاغنيه اللي امها كانت تغنيها لها كل ما طلعوا الحديقه لحالهم
غمضت عيونها وبصوت شجي:
نسم علينا الهوا من فراق الوادي
يا هوا دخل الهوا خذني على بلادي
يا هوا يا هوا يلي طاير بالهوا
في منتوره طاقه وصوره
خذني عندهم يا هوا
فزاغني يا قلبي
تكبر فيا الغربه
وما تعرفني بلادي خـــــــــــذني
خذني على بلادي
دخلت هديل ومعها العربانه وفيها الفطور ووقفت عند الباب وهي تسمع الريم تغني ومغمضه عيونها ودموعها تنزل فوقفت تسمع لها وعيونها تمتلي بالدموع متاثره بصوتها متاثره بالالم اللي تحسه يوصل من صوتها
الريم وهي تكمل وكأنها بدت تعيش في عالم لحالها لدرجه انها ما حست بوجود هديل:
شو بنا شو بنا يا حبيبي شو بنا
كنت وكنا ظلوا عنا وافترقنا شو بنا
وبعد الشمس بتبكي
على الباب وما تحكي
وبيحكي هوا بلادي خــــــــذني
خذني على بلادي
نسم علينا الهوا من فراق الوادي
يا هوا دخل الهوا خذني على بلادي
بعد ما خلصت سكتت وهي تفتح عيونها وترجع جامده وعينها مركزه على برا
اما هديل فمسحت دموعها وفي خاطرها تدعي على اللي سوا فيها اللي سواه وتدعي على اخوانها اللي من شهور طويله ما زاروها

^^^^^^^^^^^^^^^^^^^^^^^^^^^

في شركه في السعوديه
صوت الصراخ واصل لبر المكتب
ضرب على الطاوله وبعصبيه:كيف يعني ما قدرت تثبت انها مجنونه كيف
المحامي وهو يعدل نظارته:والله انا ما لي علاقه انتم قلتوا لي ان التقارير راح تثبت انها مجنونه وانا على هالاساس قلت لكم ان كل شي بيكون لكم بس التقارير اللي جبتوها من دبي قالت ان فيها حاله نفسيه وممكن تتعالج
خالد وهو الثاني معصب:كيف صار كذا الدكتور المسؤول قال لي انها مجنونه يعني ما فيها عقل
المحامي:بالتقارير مكتوب ان الممرضه المسؤوله عنها قايله وشاهده انها صاحيه وانها طبيعيه وكل اللي فيها توتر وانهيار بس وبعدين الدكتور غيروه والمستشفى اصدرت التقرير بالنيابه عنه لانه ما عاد مسئول عنها
سالم وهو يوقف ومنصدم:وش هالكلام الكل يعرف ان اختنا خبله وما فيها عقل وبعدين من هالممرضه ومن وين طلعت لنا بعد
خالد وهو يضرب يديه في بعضها:الحين شلون كل شي راح
المحامي وهو يوقف ويعدل نظارته:لا ما راح جيبوا اوراق تثبت انها فقدت عقلها وراح يصير اللي تبونه
سالم وهو يوقف ويمشي للنافذه:اذا على التقرير راح اجيبه حتى لو اضطر ازوره اهم شي هي مالها شي عندنا وانا بروح بنفسي بأقرب وقت واتاكد من اني اجيب هالورقه معي مهما كان ثمنها
خالد هز راسه موافق لسالم:وانا معك
سالم:لا انا برتب اموري وبروح بس اخلص موضوع الشراكه الجديده وانت راح تظل هنا
خالد بطاعه:مثل ما تبغى
حل الهدوء في المكان وكل واحد من الاخوان يفكر بنفسه واللي ممكن يكسبه من حصتها اذا قدروا يثبتون جنونها
اما المحامي فسكت وما علق لان كل اللي يهمه الفلوس اللي بيطلع بها من سالم وخالد بعد ما يوصلون للي يبونه

^^^^^^^^^^^^^^^^^^^^^^^

وقف سيارته ونزل والفكره لحد الحين شاغلته
اول ما دخل سمع صوت أغاني ميريام فارس منتشره في المكان
دخل الصاله ولقى الكل موجود
بعضهم جالس اللي يلعب بيلوت وجالسين على الارض واللي جالس على الكنب ويسمع لميرام فارس واللي جالس على التلفزيون الصغير المحطوط في الزوايه ويلعب بلاي ستيشن
رفع يده وبصوت عالي:سلام
الكل:هلا وعليكم السلام- حيا الله ابو نفسيه – اهلين بالدكتور
جلس جنب صديقه اللي ساكت
جلس يتفرج معاه على قناة روتانا وبعد ثواني بسيطه:وين حمد ما جاء للحين يا حسام
حسام:الا موجود بس بالمطبخ يشرب ماء
بعد ثواني جلس على الكنبه اللي جنبهم:ها جيت توقعتك ما راح تجي اليوم يا باسم
باسم:تدري اني ما استغني عن هالجمعات
حمد:ايه لو انها فيها خير كان ما شفناك بس على الخيبه والفساد انت اول معاون
باسم:هههههههههه اصلا هالفساد في لذه مو الكل يعرفها
حمد وهو يستهزئ:اها صح كلامك
باسم:انت عاد مسوي فيها متدين وكل شوي الا حلال الا ما يصلح كيف بتفهم اللي اقوله وانت مقيد نفسك بها القيود
حمد:هالقيود هي اللي مخليه امي راضيه علي لحد الحين
باسم باستهزاء:ايه راضيه علي وتدعي لي ...ترى اسطوانتك ممله انت بس لو تجرب الشغلات اللي تجينا كان تطير فوق فوق فوق ولا وش رايك يا حسام
حسام اللي معاه سيجاره حشيش:تطلع لك جوانح مثل ريد بول
باسم:ههههههههههههههه
حمد:نفسي اعرف انت وياه كيف ماسكين هالوظايف....اشر على باسم:انت كيف دكتور....واشر على حسام:وانت كيف مدير قسم الصادر والوارد في شركتكم
حسام بهدوء:نفصل بين الليل والنهار
باسم وهو يأخذ السيجار من يد حسام:وكل وقت وله جوه
حمد وهو يوقف:وانا ما افهم هالكلام وافهم ان لي عقل وافرق بين اللي ينفعني ويضرني
باسم وهو يناظره:وصداقتنا فايدتك ولا ضارتك
حمد:لو ضارتني كان ما شفتني موجود الحين وجالس اتكلم معاك
باسم ضحك بسخريه وحسام عيونه ما تزحزحت عن التلفزيون
حمد وهو يطلع مفتاح سيارته:انا بروح اودي الاهل السوق توصون على شي وانا جاي
باسم وهو ياشر بيده:لا
حمد:يله سلام
باسم:سلام
اول ما طلع حمد ظل باسم يطالع التلفزيون مع حسام وبعد دقايق من طلعة حمد:وش عندك
باسم وهو يطالع حسام:تكلمني؟
حسام:ايه واسالك وش عندك
باسم وهو ياكل من الشيبس الموجود على الطاوله الصغيره قدامهم:ولا شي
حسام يطفي السيجاره:اعرفك اكثر من نفسي احنا ربع من يومنا صغار واعرف متى يكون عندك شي
باسم وهو يرجع يتسند جنبه:افكر
حسام:في وحده جديده
باسم وهو يطالع حسام وابتسامته تكبر:مو أي وحده
حسام بهدوء وهو عاقد حواجبه:انت ما تترك عنك هالمجنونات .. اخر مره بغت تذبح سعد ...انا ابغى افهم انت ليه ما تشوف لك وحده حالك حال الناس الباقين تلعب عليها وترميها افضل من انك تجيبهم من مكان المجانين
باسم وهو ياشر على راسه:انا ما ابغى عوار راس بنت ناس معناتها عوار راس ومشاكل وانت تعرف ان أي غلطه اروح فيها اما من المستشفى عندي ما احد يسال لان اهلهم رامينهم وحتى لو جبتهم هنا وتكلموا او قالو لاي احد محد بيصدقهم لانهم مجانين
حسام :مو مجانين فيهم حاله نفسيه
باسم:نفس الشي عند الناس
حسام:وانت حاط عينك على وحده
باسم وهو يحط يده على دقنه:مو أي وحده الا احلى وحده مرت علي
حسام رجع يطالع التلفزيون وهو ساكت
باسم:انت بتعاوني
حسام:طول عمري ما اعوانك في اللي تسويه
باسم:نسيت انك ما تحب الا بناس الناس اللي في يوم من الايام بيجي اجلك على يد وحده منهم
حسام :احسن من مجانينك
باسم:هههههههه ما في غير سعد
حسام وهو يوقف:والله انكم مجانين اكثر من هاللي تجيبونهم
باسم:ههههههههههههههههههه هذا مو جنون هذا جو يا مان
حسام وهو يطلع:امحق جو
باسم وهو يلتفت لمجموعة الشباب اللي يلعبون بيلوت:سعد
سعد وهو يرمي الاوراق:سم يا بعد عمري
باسم اشر له بيده تعال
سعد وهو يوقف و يجلس جنب باسم:هلا
باسم:في جديده بس زي العاده ما يدري حمد والباقين
سعد والابتسامه تنرسم على شفايفه:محد راح يدري بس صاروخ هالمره
باسم بابتسامة ثقه:اطلق من الصاروخ
سعد:مدامها اطلق من الصاروخ انا جاهز يا بعد عمري
باسم:ههههه خلاص خلني ارتب عمري يومين وبعدها....كمل سعد وهو يطق اصبع:نبدا الشغل يا حلو
باسم وسعد:ههههههههههههههههههههههه

^^^^^^^^^^^^^^^^^^^^^^^^^^