تـــــــــــــابعـ
جالسين في الصاله ويشربون الشاهي
حطت بيالة الشاهي وهي عاقده حواجبها:كيف يعني ما في فلوس يعني ما نقدر نتصرف في فلوسها المكوده على قلبها يا سالم
سالم بقهر:في الوقت الحالي لا يا بشرى
بشرى:ولمتى ان شاء الله فلوسها بتقعد كذا مجمده ما نقدر نلمسها ولا نحركها
طالعت ابوها:المحامي وش قال لك يا بابا
سالم وهو يطالع بنته:وش قال يا غاده ما قال غير ان الاوراق ما ثبتت انها مجنونه بس ثبت ان فيها حاله نفسيه وممكن تتشافى
بشرى:ابغى افهم مو البنت مرميه هناك صاير لها فتره طويل كيف مو مجنونه
غاده:صدق كلام ماما كيف ما ثبت جنونها
سالم بقهر: التقرير اللي وصل من دبي ما كان مثل ما نبغى وهذا غير ان في ممرضه مسؤوله عنها شهدت انها صاحيه وكل اللي فيها تعب نفسي
بشرى بقهر وحقد:شهدوا عليها وقت وفاتها ان شاء الله
غاده:طيب وش بتسوي يا بابا يعني حرام فلوسها تظل كذا أنت أولى فيها هي ما تدري عن شي حولها
سالم:انا بتصرف وبعرف كيف احط يدي على هالفلوس اللي احنا أولى فيها من هالقذره

واقف في وسط الدرج
كان نازل علشان يقعد معهم ولما سمع كلامهم تضايق وقرر انه يروح لاخوه في غرفته احسن له من اهله وجلساتهم اللي ما يعجبه فيها شي

^^^^^^^^^^^^^^^^^^^^^^^^^

جالس مع زوجته وبعد ما قال لها كل اللي صار معاهم
طالعته وبقهر:كيف يعني ما في فلوس يعني بح
خالد:لا في ان شاء الله لان سالم قال انه بيزور التقرير
طالعته وبخبث:قلت لي بيزور
خالد:ايه بيزور يا سماح
سماح بدهاء:اسمع يا حياتي انا عندي نصيحه لك
خالد اللي دائما يسمع لزوجته:قولي
سماح:انت لازم تاخذ صوره من هالتقرير
خالد وهو مستغرب:ليه
سماح:علشان سالم ما يقدر ياكل نصيبك من حلال اختكم
خالد:مافهمت
سماح :ركز معي يا حبيبي..انت عارف اخوك سالم واحد ما تهمه الا مصلحة نفسه واكيد انه يخطط انه ياكل نصيب اختك كله لحاله وما تذوق منه ولا ريال
خالد وهو يفكر:ها....يعني تظنين يسويها
سماح وهي ترسم له صوره بخبث وتقنعه فيها:اكيد يا حبيبي الحين في هالوقت الكل يقول اللهم نفسي وبعدين اخوك لو يخاف ربه كان ما قال عن اختك انها توفت وكان ما فكر انه ياكل حلالها
خالد وهو يهز راسه: ايه والله انك صادقه طيب وش المفروض اسوي
سماح:مثل ما قلت لك يا حياتي اخذ نسخه من التقرير وخلها عندك واذا فكر ياكل نصيبك من فلوس اختك هدده
خالد وهو مقتنع:جبتيها والله
سماح :بس ها يا روحي ترى لي نصيب من هالفلوس
خالد وهو يبوس يدها:انا كلي لك يا قلبي مو بس نص الفلوس
سماح وهي تبتسم براحه ان خالد سمع لفكرتها وبتضمن جزء من الفلوس لها:فديتك يا ابو بنتي

^^^^^^^^^^^^^^^^^^^^^^^^^^^^^^^^^^

طلع من الحمام (اكرمكم الله)وهو ينشف شعره بالفوطه
جلس على السرير وطلع سيجاره من البكت وولعها ونفخ الدخان في الهواء
رمى البكت وتسند على السرير وبتفكير:لازم اغير الخطه هالمره ما ابغى انصاد والاهم لازم اتخلص من هالممرضه اللي ناشبه لي وطول الوقت مسنتره عندها وبعدها اسوي اللي ابغاه بس لازم القى طريقه ما تخطر على بال احد....زادت ابتسامته بعد تفكير دام دقايق:والله وجبتها يا باسم محد بيشك بها الطريقه وبعد ما اخلص ارميها في الشارع ونقول انحاشت وخل هالممرضه تاكل السالفه
رفع راسه وهو يضحك بصوت عالي:هههههههههههههههه

^^^^^^^^^^^^^^^^^^^^^^^^^^^^^^^
انتهى البارت
^^^^^^^^^^^^^^^^^^^

^^^^^^^^^^^^^^^^^^^^
البارت الثالث
^^^^^^^^^^^^^^^^^^
واقفين عند باب المجمع
التفتت على امها:اوووف متى بيجي ترى تأخر كثير يا يمه
طالعت بنتها:خلاص بسك تأفف يا بيان شوي ويجي توه مكلمنا
بيان وهي تحط الأكياس باليد الثانيه:تكسروا يديني وأنا شايله هالاكياس
امها طالعتها ولا ردت عليها
بعد ثواني قليله وقفت جنبهم وهي تحط الأكياس على الارض وماسكه جوالها وصوتها واصل لعندهم:انت وينك فيه يا غبي مو قلت لك لا تتحرك - لا تكثر كلام ويله تعال...صكت الخط وبقهر:غبي مهما اقوله ما يفهم
وقفت جنبها امها:وينه واقف فيه هالسواق يا شوق
طالعت امها وبقهر:ما ادري وين واقف فيه قلت له يجي ...القهر إني قلت له خلك منطق في مكانك وما سمع الكلام
ام شوق:لا حول ولا قوة الا بالله
شوق:خله يجي وأنا بعلمه كيف ما يسمع الكلام هالحمار

التفت لامها :يمه سمعتي
ام بيان وهي تلف وجهها:اتركي عنك اللقافه
بيان:حرام عليها تتكلم كذا على السواق لا وتقول عنه حمار مو كأنه حاله حالها مو كأنه بشر مثلها
ام بيان بتنهيده:يا بنتي ما لنا شغل في الناس
سكتت بيان وهي تطالع شوق وأمها اللي وقف قدامهم السواق ونزل يركض يشيل الأكياس ويحطها في السياره
شوق بصراخ:افتح الباب لي بسرعه
السواق فتح الباب وهو مقهور منها ونظراته كلها حقد عليها وركبت وركبت معاها امها ودار السواق بسرعه حول السياره وركب وهو يسمع كلمات شوق اللي مثل السم عليه
حرك السياره وهو اغلب الوقت يحرك رأسه بأنه يفهم كل كلمه تقولها شوق
بعد ما بعدت السياره عن أنظار بيان لفت لامها:يا ويلها من الله
ام بيان:الله يهدي الجميع
بيان استحقرت شوق على هالموقف اللي شافته استحقرت كلامها استحقرت طريقة تعاملها مع السواق اللي تعتبره على قولتها حمار واستحقرت حتى امها اللي كانت ساكته والوضع عاجبها
التفتت على امها اللي صحتها من افكارها:يله اخوك جاء
شلت بيان الأكياس ومشت وراء امها يركبون السياره مع حمد

^^^^^^^^^^^^^^^^^^^^^^^^^^^^^^^

جالسه على سريرها وهي جنبها وتمشط لها شعرها
مع انها تشرف وتهتم بحالات كثيره بس معاها هي غير...ما تدري ليه هي مختلفه...تحس انها ترتاح لها بشكل مو طبيعي..تخاف عليها وتفكر فيها وكأنها وحده من اهلها...تحسها صديقه قريبه من قلبها ..حبتها لدرجه ان الدكتور المشرف عليها لما تركها لأنه عجز منها هي أصرت تظل معاها ورفضت تتنازل عن الاهتمام فيها
وهي تمشط شعرها وزي العاده تسولف عليها:شعرك مره حلو
ما شافت منها رد زي العاده جالسه وتطالع الفراغ قدامها
كملت هديل وهي تبتسم:يا ليت عندي مثله من جد احسدك عليه
حطت المشط على الكومنديه وربطت شعر الريم وبعد ما خلصت وقفت:خلصت
خذت مرايه من فوق الكومنديه الصغيره ورفعتها قدام وجه الريم اللي أول ما رفعت عيونها ببطء للمرايه تجمعت الدموع في عيونها و شدت على رجولها اللي ضامتها وبعصبيه رفعت يدها وضربت المرايه بقوه وطاحت من يد هديل على الارض وتناثر زجاج المرايه
هديل اللي خافت حطت يدها على قلبها وطالعت زجاج المرايه المكسوره ورجعت طالعت الريم اللي تتنفس بسرعه
احتارت وما فهمت وش اللي ضيقها من المرايه وبسرعه:انا اسفه خلاص اهدي انا اسفه ...ما تحبين المرايه خاص مره ثانيه ما اجيب مرايه معي
شافت الريم تنسدح وتعطيها ظهرها
هديل قربت وقبل لا تحط يدها على كتفها تذكرت اخر مره حطت يدها وش كانت ردة فعلها فبعدت وقلبها يعورها عليها
رجعت لوراء لحد ما وصلت الباب وهي تشوف الريم على وضعيتها وبعدها فتحت الباب وطلعت بهدوء
طلعت وتركت الغرفه يعمها الهدوء القاتل
(احيانا يقال ان الهدوء سكينه لكن احيانا يكون موحش وقاتل) وهذا احساسها في هاللحظه
خطوط الدموع تسير لحد ما توصل للمخده
غمضت عيونها وشريط الذكريات يرجع
دخلت على امها غرفتها وهي متضايقه ووراها محمد اللي يضحك
لفت عليهم:وش فيكم
الريم وهي بتبكي:يمه شوفي محمد يتطنز علي
ام الريم وهي تاخذ الريم في حظنها:ليه تتطنز على اختك
محمد وهو يضحك:والله امزح بس بنتك دلوعه
الريم:لا والله ما يمزح يقول ملابسك تفشل
ام الريم بعتب:لا اسمعك تقول عن اختك كذا ...طالعت الريم وهي تبوسها:اذا قال لك مره ثانيه قولي له انا احلي الملابس مو هي تحليني
الريم وهي تمد لسانها:سمعت
محمد:هههههههههه محد مخليك تصدقين نفسك الا هالقمر
ام الريم:هههههه اذا انا قمر فبنتي طالعه علي
محمد وهو يرفع يديه ويطلع من الغرفه :ارفع راية الاستسلام واعلن انهزامي
ام الريم:ههههههه ما عليك من احد يا ماما...بعدت الريم وهي تلتفت لمراية التسريحه وتكمل:يله ابغاك تساعديني
الريم بوناسه:وش تبغين مني اسوي لك
ام الريم وهي تطالع المرايه ووراها الريم وتمد لها سلسال:ما اعرف اصكه من وراء تعرفين يا ماما
الريم وهي تمسك السلسال :ايه اعرف
بعد ما صكت السلسال وتحس انها سوت انجاز:خلصت
ام الريم وهي تمسك بنتها وتبوس خدها وتجلسها على رجولها ويطالعون المرايه:فديت بنتي ان شاء الله ألبسك يا ماما وانتي عروسه
الريم: بطلع احلى عروسه لاني اشبهك
ام الريم وهي تحظنها وبحب :فديتك والله لا يحرمني منك
رجعت لواقعها وهي تشد يديها على نفسها:يمه وينك ابغى اكون في حظنك..ااااااااه يمه ...تعالي تكفين لو حتى في احلامي ...اشتقت لك ...يمه ذبحوني وانا حيه ...دفنوني بعيد ..يمه انا يعتبروني عار عليهم ...
غمضت عيونها والدموع تنزل وشدت الغطاء وصارت حاظنته بيد وباليد الثانيه طلعت السلسال اللي كانت امها تلبسه وشدت عليه وبهمس مبحوح:صرت اخاف من كل شي يمه..اخاف من كل شي يمه اهئ اهئ ..يمه متى اشوف النور متى ...
حست انها خلاص ما عاد تقدر تقول شي ...حست ما عاد في أي كلمه توصف اللي حاسه فيه
(اصعب شي لما تكون محتاج مدت يد ..او حتى كلمه..كلمه ممكن تطلعك وتسحبك من اللي غارق فيه والكل يستكثر عليك هالكلمه او مدت هاليد)
غفت غصب عنها ..غفت مع انها حتى من النوم صارت تخاف

^^^^^^^^^^^^^^^^^^^^^^^^

طلع من المحل وصاحب المحل يطالعه باستغراب شديد
مشى وهي ما يدري ليه تضايق من نظرات الموجودين ومن نظرة صاحب المحل بس بنفس الوقت ما يلومه لا هو ولا الحريم الموجودات في المحل
رفع الكيس ولما تذكر وش داخله صار يضحك مع نفسه وكأنه مجنون
ما يدري كيف خطرت في باله هالفكره المجنونه وصار يكلم نفسه وهو طالع من باب المول:هذا تأثير المسلسلات هههههههههههه
وصل للمواقف وهو يخطط ويفكر كيف يتخلص من هالهديل اللي يحسها عثره في طريقه
ركب سيارته وحط الكيس تحت المقعد اللي جنبه وبهمس:أنا باسم ما في شي يوقف في طريقي ولا في شي صعب علي
شغل المسجل وهو يسمع لصوت حسين الجسمي وصار يغني معه:
متى متى....خلي اشوفك
الصيف جاء ...وش هي ظروفك
توه بيدخل جو إلا حس بالجوال يهتز في جيبه فخفف سرعة السياره ودخل يده في جيبه وطلع جواله
عقد حواجبه وقصر على المسجل بسرعه وفتح الخط وهو راسم اكبر ابتسامه:الو – هلا والله بأخوي – الحمد لله بخير - اخبارك واخبار السعوديه معاك – اختفت ابتسامته وداس فرامل ووقف السياره وبصدمه:وشو جاي...بلع ريقه وهو مو مستوعب:جاي وين – ها ههههه لا ابد حياك الله بس تفاجات – لا والله بس اخر مره جيت دبي كانت من ثلاث شهور وانت بين زياره والثانيه سبع شهور على الاقل فاستغربت – حط يده على جبينه بتوتر:لا بالعكس انتظر جيتك على نار - اكيد – مع السلامه
صك الجوال ورماه في المقعد اللي جنبه وحط راسه على المقود:مو وقته انه يجي
سمع صوت السيارات تضرب له بوري لأنه موقف في نص الطريق
حرك وهو يحط يده على دقنه وبإصرار:والله ما اخليها تروح من يدي ومو انا اللي اصبر بيجي بعد بكره يعني في وقت
رجع شغل المسجل وهو يخطط للي بيسويه قبل لا يجي اخوه اللي يخرب دائما كل شي عليه

^^^^^^^^^^^^^^^^^^^^^^^^^^^

في وقت متأخر
فتح باب شقته ودخل وصك الباب وراه
اول ما دخل طالع المكان وتنهد
مشى لحد ما وصل لغرفته ودخلها وجلس على السرير
طالع الفراغ قدامه وهو يسال نفسه لمتى هالهدوء يا عادل....لمتى هالفراغ...لمتى بتظل من الشغل للشاليه ومن الشاليه للبيت وتدور في هالحلقه المفرغه..لمتى بتظل على هالحال..
انسدح على ظهره هو يغمض عيونه ويحط يديه عليها:هدوء وفراغ ولا.....سكت وهو يحس ان القهر يشب في قلبه كل ما تذكر اللي صار له
كل ما تذكر انه كان اهبل مثل ما سمته..همس بقهر:غبي...اهبل...اعمى...ضرب السرير بيده وهو يزفر بقهر ووقف فجاه وتوجه للحمام(اكرمكم الله) يأخذ له شور ويحاول ما يفكر بالماضي ابد

^^^^^^^^^^^^^^^^^^^^^

ظلام سواد يحيط بها
صارت تتلفت وتدور النور
بين يديها حاظنه دب صغير خايفه...تايهه...ضايعه...وغارقه
التفتت على صوت تصكيرة باب قويه خوفتها
صارت تتلفت وتدور مو شايفه باب ولا عارفه هالصوت جاي من وين ...مو قادره تشوف شي في هالظلام ...تسمع بس ما تشوف
صارت تتلفت وهي ترتجف اول ما سمع ضحكاته...جثت على ركبتها وحطت يديها على أذانيها وصارت تهز راسها وهي مغمضه عيونها وبخوف:لا لا لا لا لا لاااااااااااااااااااااااا
فتحت عيونها وهي تبعد يديها عن أذانيها لما الصوت اختفى
طلع من الظلام نور وقفت وبفرحه صارت تركض للنور يمكن ينجيها من هالظلام اللي ضايعه فيه بس وقف فجاه وهي تشوف النور يتشكل على هيئة شخص
اختفت الابتسامه وطاح الدب بين يديها وهي تشوف الشخص الواقف قدامها ينده باسمها:الرييييييييييييييييم
هزت راسها بلا وصارت تركض وهو صار يلحقها صرت تركض مو عارفه لوين سواد بسواد ما في شي يرشدها لطريقها ما في شي يدلها على طريق يطلعها من هالرعب
ركض وفجاه شافت رجولها تغوص في رمل اسود حاولت تحرك رجولها بس حست كأنهم مكبلين بسلاسل
لما يأست وصارت تغرق اكثر واكثر صرخت بكلمه وحده:يا رررررررررب
صحت وهي مخنوقه وصارت تتلفت ووجها يتصبب عرق
شدت الغطاء على نفسها وهي تتنفس بسرعه وبصعوبه
رفعت يدها لوجهه وتحسست الدموع حطت راسها على المخده وهي تشاهق وحطت يدها على فمها تكتم انين بكائها لا يسمعونه الممرضات ويعطوها ابره تجبرها على النوم
غمضت عيونها وهي تردد:رحمتك يارب رحمتك يارب
طلعت السلسال من تحت ملابسها وهي تشد عليه وتفكر بأمها وتحاول تمسح ذكرى انحفرت بقلبها وهشمته قبل ما تنحفر بمخيلتها وتفقدها عقلها

تـــــــــــابع

في ارض المملكه الواسعه
جالس معاه في بيته الكبير
شافه محتار وسرحان قطع عليه الصمت:وائل وش فيك سرحان ...صاير شي مع باسم
وائل وهو يطالع جاسر:مدري بس حسيت انه ما يبغاني اجي لدبي
جاسر وهو عاقد حواجبه:قصدك مسوي شي
وائل :والله مدري بس انا حسيت من كلامه ان في شي
جاسر وهو يشيل النظاره:لا توسوس يمكن مجرد وهم
وائل:يمكن بعد بكره بروح لدبي واشوف الاوضاع
جاسر وهو يشرب القهوه التركيه:لا تنسى موضوعي
وائل:لا مو ناسي ومثل ما وعدتك انت تعال لي المستشفى واختار أي حاله وانا معاك
جاسر:هذا العشم والله..كمل وهو يأشر على قهوه وائل:اشرب قهوتك
وائل يشرب قهوته وفكره شارد لباسم اللي حاس انه مسوي بلوه من بلاويه واكثر شي خايف منه ان هالبلوه في مستشفاه ومع العاملين فيه

^^^^^^^^^^^^^^^^^^^^^^^^^^^

كل يوم ينزاح ليل ليطل صباح جديد..!!
صباح مختلف..!!ولكن ليس على الجميع

في الشركه (في غرفة الاجتماعات)
صكوا الملفات وهم يشوفون وفد الشركه اللي تشاركوا معهم يطلعون من غرفة الاجتماعات مع المحامي
سند نفسه على كرسيه واخوه جنبه
خالد اللي يطالع اخوه:متى بتسافر لدبي يا سالم
سالم طالعه ولا رد عليه
خالد وهو يقرب ويتسند على الطاوله:مو انت قلت بعد ما نخلص سالفة الشراكه مع شركة (gsr) راح تروح ولا يكون غيرت رايك
سالم وهو منزعج:بسك عاد صدعت راسي...وسالفة السفر ما غيرت رايي فيها بس لحد ما تخلص سالفة الاوراق وبعدين باقي في ترتيبات ما خلصناها تخص الشراكه
خالد براحه:لا انا قلت يمكن غيرت رايك وحبيت اتاكد
سالم وهو يحط يده على دقنه:مستحيل اغير رايي هالحثاله ما تستاهل ولا ريال واحنا اولى
خالد باحتقار لاخته:ايه والله هالـ...
قاطعهم دخول ابو زينه:ها خلصتوا الاجتماع
سالم :ايه خلصنا
خالد وهو يطالع ابو زينه:وش صار معك
ابو زينه:كل الامور تمام والبضايع وصلت وحلينا المشكله مع الجمارك والحمد لله
سالم:حلو
جلس ابو زينه:وش عندكم لحد الحين جالسين
خالد:ابد كنا نناقش موضوع فلوس هالمجنونه المتجمده
ابو زينه اللي تضايق :وش فيها فلوسها
سالم:لازم ما تظل مجمده كذا
ابو زينه عقد حواجبه وباستفهام:ما فهمت وش قصدك
خالد:قصده نثبت انها مجنونه وناخذ الفلوس احنا اولى فيها
ابو زينه وقف وبصدمه:وشو تاخذون فلوسها
سالم اللي ما عجبته الملامح المرسومه على وجه اخوه:ايه ناخذها وحده مثلها حـ...
قاطعه ابو زينه:هالوحده اختنا الوحيده
وقف خالد وبعصبيه:لا تقول اختنا احنا ما عندنا اخت ولا نسيت اننا قلنا للناس انها توفت
ابو زينه:لا تقول قلنا قلت قلتم
سالم وهو يوقف:وش افهم يا محمد
ابو زينه:افهم اني مو موافق على فعايلكم
خالد:انت عمرك ما وافقت على فعايلنا وش الجديد
ابو زينه وهو يرفع يده ويأشرعلى سالم وخالد:الجديد اني بوقف بوجهكم في هالسالفه...حرام عليكم مهما صار تظل هذي اللي أمنتنا عليها امنا
خالد:امنا لو حيه كان ماتت بسببها بس الحمد لله انها ماتت قبل لا تشوف فضيحة بنتها
سالم وهو معصب:محمد انت لو مو معنا ابعد عن طريقنا ولا تفكر توقف بوجهنا ولا تنسى ان أنا وخالد اثنين وانت واحد ولو طلعناك من الشركه ما تقدر تسوي شي لحالك
ابو زينه ضغط على يده وصر على اسنانه وهو مقهور
مشى لحد ما وصل للباب وقبل لا يطلع:الله فوق تذكروا هالشي الله فوق وما يرضى بالظلم وبيجي اليوم اللي الله يأخذ حقها منكم ومن اللي سوا فيها اللي سواه...كمل بغصه:ومني انا بعد
طلع وترك خالد وسالم اللي يطالعون بعض ومقهورين
خالد وهو يلف على سالم اللي تكلم:ما علينا منه وبعد ما نخلص سالفة اوراق الشراكه انا بضبط كل شي
جلس سالم وجلس معاه خالد اللي يطالعه ويتذكر كلام سماح عن تصوير التقرير اللي راح يضمن له حقه من سالم

^^^^^^^^^^^^^^^^^^^^

واقف عند الرسبشن وعيونه على الغرفه ويشوف هديل اللي تدخل وتطلع من هالغرفه
وفي خاطره:الفلبينيات وضبطتهم بس باقي هالعله اشغلها وازيحها من دربي واسوي كل شي على السريع قبل لا يجي وائل وينشب في حلقي
مسك الملف اللي مليان اوراق ومشى ناحية هديل اللي طلعت من الغرفه وواقفه:مرحبا
طالعته وبرسميه:مرحبا دكتور
فتح الملف :انسه هديل انتي ما عندك الا هالحاله
هديل وهي مستغربه:لا عندي بس عفوا ليه السؤال يا دكتور
باسم وهو يرفع حواجبه:الصراحه اشوفك مسنتره عن هالحاله وكأن باقي الحالات ما لها حق ولا اهميه عندك
هديل اللي تمر على الحالات المسئوله عنها استغربت:والله يا دكتور انا امر على كل الحالات وباقي الوقت اقضيه على هالحاله لان وضعها اصعب من البقيه
باسم باستخفاف:اها ومن قال لك ان الحاله هذي من اصعب الحالات وبعدين اللي اعرفه انك ممرضه مو دكتوره علشان تقولين حالتها صعبه ولا لا
هديل ما تدري ليه حست انه باسم يجرحها بالكلام ويحاول يبين انها صغيره وكأنها مو مهمه وما تدري ليه ما لقت رد مناسب على كلامه فسكتت وهي مقهوره
باسم وهو يطلع لها اوراق مدبسه في بعضها:ابغى منك تشرفين على هالحالات وترى مو بس الريم هي الحال الصعبه في حالات تستاهل تشرفين عليها وبعد ما تتأكدين من هالحالات ابغى تقرير مفصل عن كل حاله
هديل طلعت عيونها وهي تشوف الاوراق اللي معطيها اياها:كل هذول
باسم:ايه كل هذول في مشكله
هديل وهي تطالعه وبكره:ابد
باسم:حلو وابغى التقرير يكون على مكتبي ويعطيك العافيه
مشى وترك وراه هديل اللي تقول في خاطرها:الله لا يعافيك من وين طلت لي انت بعد
زفرت ورجعت تدخل على الريم وتقول لها عن باسم وزي العاده الريم مجرد مستمعه لا اكثر

^^^^^^^^^^^^^^^^^^^

(لا تستحقر الناس ولا تستصغرهم..فاكبر المصايب تأتي من امور صغيره )
جالسه في السياره وماسكه الجوال:ايه – هههههههه – لا ما عليك يا سحوره انا شوق وانا قدها وقدود – لا اليوم عندي عزيمه وبروح مع هالغبي وعسى هالحمار يدل العنوان – كملت وهي تطالعه من المرايه وبقرف:ادري والله شكلي بقول لابوي يغيره ما تدرين وش كثر هو غبي وما يفهم – ههههه – والله يقهرني بغبائه – هههههههه ما شي يا روحي - يله يا روحي باي
صكت الخط وبدت تفتح الرسايل وتشوف من ارسل لها ولا تدري بالعيون الحاقده عليها واللي تتوعدها وقت روحتها للحفله

^^^^^^^^^^^^^^^^^^

في البيت الكبير
جالس مع اخوه
يكره انه يجلس مع ابوه واخته لانه يكره مواضيعهم اللي ما تتعلق الا بالفلوس
طالع اخوه اللي جالس على اللاب:ما تعورهم قلوبهم
رفع راسه من اللاب وهو مو فاهم:عن من تتكلم يا علي
علي اللي في يده قلم ويحركه:عن ابوي وامي وغاده...ما تعورهم قلوبهم على عمتي...نزل عيونه وهو يكمل بتنهيده:والله حرام يا تركي
تركي وهو يطالع علي ويحط اللاب جنبه:هو من ناحية حرام ايه والله حرام بس انت تعرفهم كل اللي همهم الفلوس
علي:ادري بس انهم يقولون انها توفت للكل شي مو طبيعي....كمل بضيق:انا اكره ابوي
تركي وقف وقرب وجلس على المكتب الصغيره قدام علي:انت صاحي تكره ابوي ترى الله ما يرضي باللي تقوله
علي:والله يرضى باللي ابوي يسويه قال لنا ان عمتنا ماتت ولو اننا ما سمعناه ذاك اليوم بالصدفه كان ما عرفنا انها حيه....ضرب بالقلم على المكتب:والقهر انه مسوي عزا استغفر الله ما في ذمه ولا ضمير
تركي وهو يحط يده على كتفه:لا تنسى يا علي انه ابونا مهما سوى ومهما قال يظل ابونا والله بيحاسبنا
علي وهو يطالع اخوه:وبيحاسبه..عمتي كانت طيبه وحنونه وانا ما اصدق انها ...سكت وهو عاض على شفته من القهر و يحس انه مخنوق
تركي سكت وهو الثاني ضاق صدره على ذكرى عمتهم
علي وهو يبتسم بخفه:تذكر يوم كانت تعطينا فلوس ....تذكر يا تروك يوم شرت لنا المراجيح ...تذكر كانت هي الوحيده اللي تودينا مدينة الالعاب
تركي وهو يتذكر:ايه اذكر بس كانت تفضلك علي
علي بابتسامه باهته من ذكرى عمته:وانا كنت افضلها على كل اللي في البيت...كمل وهو يضغط على عيونه علشان لا تنزل دموعه:خاطري اشوفها
تركي :شيل هالفكره من راسك انت ما تذكر ابوي كيف حذرنا من هالفكره لما عرف اننا سمعناه وحلف انه يذبح أي احد يفكر يشوفها
علي سكت
ثواني الا سمعوا طق على الباب
تركي:تفضل
دخلت وهي تتسند على الباب وحاطه يدها على خصرها:وش عند مجلس التعاون مجتمع
علي لف وجهه وهو يزفر بضيق
اما تركي فرد عليها بجمود:وش عندك جايه يا غاده
غاده:ابد سمعتكم تتكلمون عن عمتي ....
قاطعها علي اللي وقف وقطع المسافه بينهم بسرعه وهو يمسك شعرها وبعصبيه:تتسمعين يا غادوه
غاده وهي تحاول تفك شعرها:اتركني ااااه يمه اهئ اهئ
تركي وقف بينهم وهو يحاول يهدي علي اللي ما يطيق غاده ولا يطيق تصرفاتها واسلوبها:علي وش فيك فك شعرها
علي وهو يهزها:الحيوانه كانت تتسمع علينا .....طالع غاده وضربها على كتفها وهو يكمل:تتسمعين يا كلبه هذا اللي تربيتي عليه صح التسمع والعين الفارغه
غاده وهي تبكي:اتركني يمممممه اهئ
تركي وهو يمسك علي:اتركها
بعد عنها علي وجات امهم :وش صاير
غاده وهي تمسك امها وتأشر على علي:يمه شوفيه قطع شعرها وضربني بعد
بشرى هي تطالع علي:وشو ..وليه ان شاء الله تمد يدك على اختك
علي بعصبيه:كانت تتسمع علينا هذي التربيه انها تتسمع من وراء الأبواب كأنها حراميه
بشرى:شب بنتي متربيه وما تسوي اللي تقوله
غاده بقهر وهي تبغى تقلب امها على علي:اهئ اهئ يمه انا قبل لا اطق الباب سمعت علي يتكلم عن عمتي بس مو قصدي اتسمع عليهم
بشر وهي تطالع علي وبعصبيه:عليوي وش جاب سيرة هالنجسه في بيتي
علي اللي ضاق من كلام امه:يممممه..
بشرى:وصمه ...كملت وهي ترفع يدها وبتحذير:اسمع يا عليوي لو اشوفك ماد يدك على اختك او اسمع سيرة هالنجسه على لسانك انت ولا اخوك بتشوفون شي ما شفتوه سامعين
عطتهم نظره ناريه قبل لا تاخذ بنتها بحظنها وتطلع من الغرفه
تركي وهو يحط يده على كتف اخوه مواسي له:ما عليه لا تحط ببالك
علي طالع تركي والقهر يأكل قلبه أكل بس ما قدر يسوي شي غير انه يطلع من الغرفه ومن البيت بكبره ويحط حرته في أي شي يصادفه

^^^^^^^^^^^^^^^^^^

(كثير منهم يعتبر الليل راحه ...بس في كثير منهم يعتبر الليل ستر على فعايلهم )
جالس في سيارته ويتلفت وبهمس:وينه هالغبي تأخر بتنتهي مناوبتي وما جاء
توه رافع جواله بيتصل الا شافه فتح الباب وجلس وصك الباب وراه والتف عليه:سلام
طالعه وبقهر:كان ما جيت كل هذا تأخير هذا وانا محذرك ما تتأخر يا سعد
سعد :وش اسوي الطريق زحمه المهم وش بغيت مني يا باسم
باسم وهو يطالعه:بنسوي اللي قلت لك عليه الليله
سعد وهو متفاجا:الليله عاد بس ما خططنا ...كمل وهو يطالع باسم بخوف:ترى انا ما ابغى اروح فيها
باسم:أي تروح فيها لا تخاف وراك ذيب وبعدين اخوي جاي بكره وما في قدامنا الا الليله
سعد باستفهام:طيب كيف بنطلعها والشباب موجودين في الشاليه
باسم وهو يأشر لسعد:تحت كرسيك فيه كيس طلعه وشف وش فيه...واذا على الشباب انا صرفتهم قلت لهم ان اخوي جاي وفضوه
سعد هز راسه وبعدها دخل يده تحت الكرسي وطلع الكيس وفتحه واول ما شاف اللي فيها طالعه وبصدمه:وش ذا
باسم ابتسم بخبث :.......

^^^^^^^^^^^^^^^^^^^^^
انتهي البارت
^^^^^^^^^^^^^^^^
اتمنى من كل قلبي يعجبكم هالبارت
تحياتي لكم

تغلق لتاخير

تنقل ﻷارشيف لعدم اكتمالها


.......