مشاركه مالهاش معنى أخيرة زي الآف باشوفها كل يوم في المدونات هنا وغير هنا




تصبحوا على خير











:)

امبارح
هحكيلكم مفارقه قوية حصلت معايا
عند كوبري كليوباترا .. منطقة سيدي جابر الاسكندرية
حيث المقر الرئيسي لجماعة الإخوان المسلمين
طبعا للمتابعين عارفين انه كان في مظاهرات امبارح قوية من معارضي الحكم
خلصت صلاة الجمعة وطلعت كذا مظاهرة من أكتر من مكان
موقفي من المظاهرات انا .. كنت أتمنى عدم اراقة الدماء مش أكتر .. ولكني لست مؤيدا او معارضا .. على الرغم من اختلافي مع الاخوان في كثير من الممارسات والسياسات .. ولكني لا أرى ان نثور عليهم في الوقت الراهن قد يكون حلا نصل به الى نهاية مرضية ..

المهم

الاخوان كانوا حاطين مجموعه من الاخوة فوق كوبري كليوباترا مسلحين عشان يحموا المقر الي تلقوا تهديديات من قبلها انهم هيحرقوها .. وده حقهم لأن الشرطة للأسف من كتر البلاغات الي تلقوها كان ردهم مالناش دعوة والي اكتشفنا بعد كده انه ده كان موقفهم في كل المناطق مش ف اسكندرية بس :(
المهم .. جه الإخوة دول استفزوا المتظاهرين و بدأوا يشاورولهم بإشارات مستفزه وهندبحكم وكده
كان عددهم تقريبا عشرين واحد .. وفي ع الجانبين من هنا وهنا اكتر من اربع خمس الاف متظاهر .. طلعو المتظاهرين بالعدد ده ع الاخوة دول فوق وضربوهم ضرب موت محدش فيهم ينفع يعيش او كان الموت أحسنلهم في رأيي .... المهم واحد من دول انقذته من ايدين الي كانو بيضربوه على أساس اني هاخده اوديه ع القسم بتاع الشرطه في سيدي جابر وانا كنت عايز اوديه ع المستشفى مافيش حتة ف جسمه سليمه ومتقطع جامد جدا .. الواد عمال يقولي ماتسيبنيش ابوس ايدك وبيموووووت وانا عمال اقوله اتشاهد قول لا إله إلا الله محمد رسول الله وده مش بينطق غير ماتسينيش هيموتوني ..
وكلمت واحد صاحبي من الاسعاف يجيلي من الطريق الي ورا وياخد الواد ع المستشفى وانا متأكد ان اهل العيال دي مش هيسيبوا تارهم .. المهم جه صاحبي بتاع الاسعاف ومالحقش يعمله اسعافات أووليه كان نزف من كل حتة لغاية ما مات ..
مش قادر انسى شكله
ولا عارف اتلم على اعصابي من ساعتها
مش لأني لأول مرة أشوف كده .. انا شفت أصعب في ميدان التحرير ولكن كان صعب لأن المدنيين بيقتلوا بعض عشان صراع سياسي .. عشان الي بيلغي عقله .. عشان المسيسين الأغبياء
عشان النخبة السياسية ترتاح

يارب احفظ مصر

« {تنشد عن الحال حالي كيف ما شفته ~... وأنا أحسب إنك قبل ذا الوقت تدريبه !!}




لايك .. اعجبتني جدا

اسم مدونة همس الخجل بالمناسبة الي فاتت

وبالمناسبة برضو


ام البنات الؤدبات منورة المدونة والله