كاتب الموضوع :
Metvirus
المنتدى :
مدونتي
جوا الدرج
بنظام
دخل أحزانه جوا الدرج .. الي بوسع العالم
رص الأحزان حسب الترتيب
"واحد"
حزن النظرة الأولى للنور
واللي لغاية دلوئت
مش قادر يعرف لها أي مبرر
واما يحاول يسأل نفسه ..
يسكت
لما مايعرفش الفرق
بسهوله يطبق حزنه
ويحطه فـ فلب الدرج
"اتنين"
الحزن الشايب
للحلم الغايب
المقتول بالسكينة التلمة
يحلف مش هـ يبص عليه
من شباك قلبه المفتوح على طول
واما يقابله فـ قلب عيون الصبح
هيغمض عينه
وان جاك الحلم فـ صورة رؤيا
هيقولوا أضغاث أحلام
ومانحن بتأويل الأحلام بعارفين
" آخر أحزانه"
كان عايز يستنى
لكن شاله فـ قلب الدرج
مش قادر يستحمل صبره
أو قول .... استسلامه
قفل الدرج بنفس القفل
الي الناس بتشوفه .. مصدي
غلف بابه بالكدب الي بيلمع
واما اتأكد إن المنظر شيك من بره
شد ستارة جفنه
واستنى نهاية العالم
بقلمي
6 / 5 / 2012
التعديل الأخير تم بواسطة Metvirus ; 07-06-12 الساعة 04:23 AM
سبب آخر: املائي
|
06-06-12, 11:13 PM
زنكف
قابل يا عم
جديد مواضيع قسم مدونتي
العرض العادي
