وباتقطم .. وباتلطم .. ماهيا الناس صحيح مقامات
ده تعليه .. وده .. تهديه .. يا سيرك وكله بهلوانات
دي الدنيا مسرح .. كل يوم فيها مسرحبه
تقلب وتضحك ع الي ما بيضحكلهاش
وكله ماشي .. وخلق رايحه وخلق جايه
وناس بتتفرج .. ماهي الفرجه ببلاش





من تتر مسلسل باب الخلق

النهارده عم أنس بتاع قهوة الكريستال في وسط البلد ف اسكندرية <<< مكان متعودين نقعد عنده من سنين
عنده ابن اسمه محمود في كلية في المجمع النظري كان بيقولنا انه بيكتب بالعامية وانه يجي منه وكده
الكريستال او التجارية للي ما يعرفوهاش .. مكان باحس كل زباينه شبه بعض .. كتاب ورسامين ومخرجين ممثلين شعرا مثقفين .. تجمعهم علاقه غريبه .. نادرا اما تلاقي حد غريب .. ولو في هو نفسه بيحس انه غريب من كتر ما كل زباين القهوة على مختلف أعمارهم عارفين بعض
المهم محمود ده اول مرة اشوفه كان قاعد مع صاحبته .. وحسيتهم مستانسين م الجو
كان بيكتب برضو
الفضول خدني اعرف هو كاتب ايه .. عملت كأني عايز قلم
قمت قلتله ممكن قلم .. وعيني ع الورقه لقيته كاتب

ف القهوه هتلقى الكون من غير الوان صناعيه
هنا رغم ضباب الشيشه .. اكتر منطقه صحيه

ابتسمتله قوي واخدت القلم كتبت في آخر الصفحة
أحسنت !

تقابل ناس ف وسط الرحلة تعشقهم
و تعشق ناس و رغم الرحلة تفارقهم
تهون على ناس ، و ناس شارياك و بتبيعهم
يفوت العمر ... و لسه القلب مستنى




أ. دعاء عبد الوهاب

كثيرا ما يضايقنا أمر ما .. ونبوح بأمر آخر !