المنتدى :
الشعر والشعراء
حاطب الايام
السلام عليكم ورحمه الله وبركاته
مريتك البـارح علـى هجعـة النـاس
وصدفتنـي بيـن الحنـايـا وعـديـت
العيـن ماتعـلا علـى الليـل بنعـاس
لو تلتفـت ماقلـت لـك ليـه صديـت
ياحاطب الايـام جـوّد علـى الفـاس
اقـول وانـت تجـزّ الاحـلام اقديـت
انت انكسرت وطاح من كفـك الكـاس
هاك الشعور اللي على القـاع ارديـت
انا النهار اليـا كسـف كـل قرطـاس
ساعـة تبيّـن لـي جبينـك وعـديـت
كتبـت لـك ياموقـد الفكـر بالـراس
وفي محجر عيـون القصايـد تهاديـت
ماتطلبه مـن صافـي الـود باحسـاس
وماتاخـذه عقـب البطـا لـو تماديـت
شفني معك لو غبت في وسط هالنـاس
يعني على اكمل حـب ياوجـه اديـت
كبرت وهانـت قلـت ياقلـب لابـاس
يشفـع لـك انـك وافـيٍ ماتـرديـت
جمعت كل اللي مضى بيـن الاقـواس
واطلقـت قلبـي للهبايـب وهـديـت
في جوف مسرى الليل لي رمش عساس
وصوتٍ تجـاوز نبرتـي يـوم ناديـت
مـن كـل هـمٍ للمسافـات مقـيـاس
وامسيت في قلبي وانـا منـك شديـت
ويللي خذيت من العمر كـل الأنفـاس
بالله قلـي عقبـهـا ويــش رديــت
هذي جروحك بين الاضـلاع جـلاس
شف من قديم الجرح كيـف استجديـت
|
10-05-12, 05:45 PM
جديد مواضيع قسم الشعر والشعراء
العرض العادي
