كاتب الموضوع :
روفـــي
المنتدى :
روايات عبير الاحلام المكتمله
طويب ماشى .............. لالالا انا كده هاتجنن .. اومال اللى كتبته راااااااااااااح فين .. معقولة مااعتمدتش المشاركة .... بنت ياروفى ..اعترفى وديتيه فين .......... كل ده علشان قلت على عمرو ماعندوش دم .. طيب ما هى ديه الحقيقة المرة .. وهو هيتعدل ان شاء الله على ايد شوشو .. يلا اعترفى فين الرد بتاعى بقى ..............
مافيش امل يعنى ......... مااااااااااااااااااشى ...
نبدأ بقى تانى ....................
الفصل الثالث ...و ليونارد .....ما بين الاندهاش والغضب من نفسه ... فهو اندهش كثيرا ممافعل ... كان يريد ابعاد هيلين ليجد نفسه يقوم بطلب زواج لها ..... مبررا لنفسه ان كل هذا بسبب لورا ولكن السبب الاخر هو بسبب انجذابه لاميرة من جليد استطاعت ان تثير فضوله بتصرفاتها وبعلاقتها الفريدة مع ابنته ....
فصل اعتمد على حوار الصفقة بين ليو وهيلين .... ومش اى حوار حسيت انى قاعدة مع رجال اعمال بيتفقوا حوالين صفقة الزواج ليو بكل ثقة وبرود وبحرفية رجل الاعمال محنك وهيلين رغم اندهاشها من ترتيب ليو والمامه بكل الامور دون الرجوع ليها الا انها ما كانتش بند سهل ابدا .......... وبدأوا الاتنين بالتفاوض ليو بيحاول يفوز بالصفقة بكل جوانبها وهيلين الحذرة بتحاول انها تتفاوض على الخروج بااقل الخسائر الممكنة وفعلا قدرت انها تحول صفقة زواج الى خطوبة مؤقته طويلة تؤدى الغرض .... تحت رفع راية لا داعى للتورط مع بعضهما اكثر من ذلك ....... >>> ولكن هل ستستمر ام ان القرارات ستتغير مرة اخرى ؟؟؟
ليونارد وهيلين وكلا منهما يحمل سرا وجرحا ....... سرا تسبب فى جرح فى الماضى مازال يعكر الحاضر ويبدد رؤية المستقبل ...... وان كان غموض ليو فى هذا الفصل لم يكن غامض كثيرا .... بل سرد اجزاء من حياته امام هيلين بداية من زواجه بفرانشى ثم خيانتها له وحبها للاموال وايضا حادث لورا .... هذه الصدمة كانت سببا فى اهتزاز ثقة ليونارد بالحب ... واغلق على قلبه منذ زمن بمفتاح والقاه فى بئر عميق غير سامحا باى شعاع يتسرب الى داخل قلبه ....
ورغم انجذابه لهيلين الا انه كان واضحا جدا بالنسبة لهذه النقطة معها واستطاعت هى ان تستنتج ان هذا الرجل فعلا قلبه صعب المنال ولكنها ظنت انه مازال حزينا على جرح فرانش .. وانا اراه حاقدا على هذه الصفحة من حياته .....
اما هيلين فلم نكتشف المزيد ... سوى انها كانت فى فترة من فترات حياتها تعيش مع عرابها جون فورد وسط اجواء مزرعة وخيول ......... هيلين ورائها شىء اخر ..حزن اخر غير مرىء ... ولا تريد لاحد ان يدرى عنه شىء ... ترددت كثيرا فى البوح به امام ليونارد ............. اعتقد انه يعود لتلك الحقبة من حياتها ..... هل هيلين بجانب صدمات التى واجهتها فى حياتها تلقت صدمة اخرى .. او تجربة عاطفية كانت سببا اخر ساهم فى تحول شخصيتها لهذه الانثى الجليدية ... >>> فى اول الرواية ياروفا حطيتى صورة للابطال ......... على ايدك اليمين من الصورة فيه ............... .. سير جيوفانى >> بصراحة انا نشنت عليه من اول ما شفت الصورة .......... و دلوقتى عندى احساس ان وراه مصيبة كبيرة تخص هيلين ....
استمتعت كتير بمشاهد موتتنى من الضحك مشهد لورا وهيلين ومكالمتهم التلفونية ولورا بتحاول تدفع هيلين انها تعمل للى ليو بيحبه وهيلين بتفهمهما بتعقل كبير وبرضه لورا ودن من طين وودن من عجين زى ما بيقول المثل بتاعنا.......
ومشهد الرقصة بين ليو وهيلين و كمان هيلين عقدته ما سابتهوش فى حاله .. انت عجوز .. وخصلات بيضا فى شعره ..... هههههههههههههههه هتجننه ....
و قفلة البارت . ايه ياروفى ..... اتعديتى من بيرو ولا ايه .... يعنى زودى سطرين نعرف هيا مين الاخت اللى طلت علينا فى الاخر واقفلى .......... بس ممكن تكون فرانشى بس معقولة انها حطت حد يراقبهم .......
تسلم ايديكى ياروفا .......... ومستنية الاحداث الجديدة وياريت انه هيبقى بارت مليان قنابل ومفرقعات عايزة افرح شويتين فى ليو بقى ... ومعلش على الرد اللى ع السريع هو اكيد مش زى اللى كتبته فى الاول بس حاولت الم بكل النقط عشان الحقك قبل الفصل الجديد ...
|
03-06-12, 06:45 AM
جديد مواضيع قسم روايات عبير الاحلام المكتمله
العرض العادي
