×××
في السياره
ابو مازن:هههههههههههههههههه
ندى:من جد مالك الا هالحل..بوسط هالزحمه..!
مازن وهو يبتسم:ايه والله الرياض مره زحمه الحين لنا نص ساعه نبي المول وتونا نطلع من هاالطريق..!
ربى :ههههههه ع قوله ندى..لازم اختراع بكفر السياره..!

دق جوال ابو مازن..

ابو مازن:هلا
ربى :ربي يستر لايكون احد يبي ابوي بشغل ثم يهون عن المول..
ندى:لاماعليك مابقى شي ع المول شويات ونوصله..
مازن:من جد حريم ياحبكن للسوق..!
ربى:ههههه قصروا اصواتكم ابوي يكلم..!

ابو مازن :ع خير ؟خلاص العصر اخذ الاوراق . ..ارجعهم بالفندق..واوقع عليهم قبل اسافر.والاتدري انا بنفس الشارع اللي فيه انت ...لاصرت عندك بدق عليك عطني الاوراق اخذهم انا وامر انا الشركه اللي متسلمين مشروعها واعطيهم الاوراق..!
لانوا مستحيل بيسون شي بدون توقيعي ..!



بعد ربع ساعه...!!
وقف ابو مازن عند مكان حدده هو واللي متصل فيه..

ربى :ابوي قال له خمس دقايق وهو اخذ ربع ساعه..!
مازن:هذا هو ينتظر ابوي بسيارته..!حرام وراه سفر وبلش بالاوراق هذي ...الشارع اللي فيه الشركه مزززحوم وواعده هنا..
ربى:يعني لهدرجه الاوراق مهمه..ماتتاجل..
مازن:ابوي وراءه سفر وهو وراه سفر ع اساس كذا اصرابوي انه ياخذهم الحين
كانت ندى مومهتمه جالسه تلعب بجوالها..لكنها رفعت عيونها ع اللي يتكلمون فيه...كانت الصــــــــــدمه اقـــــــــــــوى من انها تصمت
شهقت باعلى صوتها بدون شعور... التفت ربى وانتبه مازن..ع صوت ندى ...
كانت ندى عيونها مصوبه ع تركي اللي القدر جابه لحد عندها..هذا تركي او مين كانت تسال نفسها هذا تركي او شبيه له لاااااااااا مستحيل مستحيل الانسان اللي عشقته وحبيته..يجي لحد عندي ويطلع يعرف ابوي معقوووله يكون هووووووو كانت مشاعر ندى زي البراكن تتفجر وتتفجر معها الاسئله هو تركي او شبيه له ...وكيف جاء للرياض ووشلون عرف ابوي ووش يبي ووو..غرقت ندى بدوامه كبيررررره...
ماكانت يم ربى لللي تناديها ومازن اللي مستغرب منها كاانت في وضع لايحسد عليه...

عيونها عليه مانزلت حتى لما ركب سيارته واختفى عيونها عليه تتبعه..شهور مرت والشوق يحرقها له..كان نفسها ابوها يجي بسررررعه وتساله ....
مازن وهو يرفع صوت بقووووه:ندىىىىىىىى شفييك شهقتي..
ندى بارتباك:هاااه لا بس يشبه اخو صديقتي..
مازن باستغراب:لهدرجه..!!
لحظات اول مافتح ابو مازن الباب وقبل يركب ..
ندى بدون شعور:دااااااااادي مين هذا وش اسمه؟؟
ابو مازن وبنظره استغراب:وش تبين فيه موظف ووصل لي اوراق تخص الشركه..
ندىبارتباك:يشبه اخو صديقتي هو وش اسمه..!
ابو مازن:اسمه تركي وله فتره متوظف بالشركه ..ومن افضل واميز المهندسين...كان جاي للرياض ع ااسساس يخلص اوراق هنا..

سكتت ندى وكان صمتها يعني فرح ...يعني مشااعر متاججه..هذا تركي ايه ملامحه ماتتكذب هذا تركي واخيرا اخيرا ضحكت الدنيا لي اخيراااا...!شفته ااااااااااااااااااه ياتركي..
كنت متوقعه اانو انحرمت من شوفتك للابد والحين طلعت لي الدنيا جابت لك اااااااه ياكبر فرحتي اليوم بس انا اسعد انسانه
اليوم بس حسيت اني ملكت الدنيا بكبرها


×××
الساعه 12ضهرا بتوقيت هولندا ...4عصرا بتوقيت السعوديه...

ساعتين تفصل عن العمليه...وقف ع الشباك وقلبه يحرقه خليط مشاعر يحتويها ..قلبه بينام ع هالسرير وهواسمه لمى وبيصحى وهو ياسر...

ابوه هوا لوحيد اللي معاه وامه واخته واخوه بالرياض مع امهم المريضه..!
تذكر ميهاف تذكر اهتمامها تذكر كل شي خنقته لعبره ..
مسك جواله وارسل لها مسج..(ساعتين تفصلني عن العمليه ...
ياااصحى بعدها يااموت لكن كل اللي ابيه حللليني..!)

نفسه لو ترد عليه بمسج لو تسبه تشتمه..لكنها ماترد عليه
اشتاق لها ماتعود ع غيابها القاسي موقادر يصدق انها خلللاااص فارقته للابد...

وش يقول اللي تعود يلتقيك
يوم عمره مالقى عقبكغلا
وماقدر فيبعدك إلا يحتريك
وماعرف في غيبتك غير الغلا
كم تمنى بالوفالو يحتويك
في خفوقه بأصدق الود إمتلا
لو بيده بس ويقدر يجيك
مايحولالوقت دونه والملا



بعد ربع ساعه..
ندى :مرحبا هااه قول لي كم باقي..
ياسر:اقولك باقي ساعه ونص مدري ساعتين..
ندى وهي تبتسم:يلا ابيك تقوم لنا بالسلامه ..يلا عشان تصير فرحتي فرحتين ..!
ياسر:ليه وش فرحك اليوم..!
ندى:هاااه..فرحني انو طلعنا سواء ويا بعض هذا اللي اقصده..!

ياسر:اها ربي يتمم لك عبالي شميتي خبر عن تركي..!
ندى:لا ماشميت شي..اهم شي عدل مزاجك المتعكر وروق..واهم شي ااقراء اذكاراك واقراء قران وتوكل ع الله..

ياسر بنبره حزن:خااايف يااندى خااايف..!
ندى واللي خنقتها العبره:من شنو ياروح ندى..؟؟
ياسر:من كل شي العمليه حياتي كل شي ندى ااذا ماصحيت قولي لها اني احبها واني مستحيل انساها وابيك تسامحيني ياندى ع كل شي ابيك...
ندى وهي تقاطعه وتبكي:بسسسسسسسسسسس بسسسسسس
خلالالالالالالالالاص لاتوجع قلبي يكفي حرام عليك ياعل يومي قبل يومك..
×××


بالسياره..
وقف عند باب البيت وعلامات الهم والالالام باينه بوجهه..
كانت الصدمه اللي سمعها قبل ثواني اكبر من انه يستوعبها ياترى وش اقول لهم ووش اخبرهم..!!وش اقول ...!!!
مستحيل اخبرهم بهالخبر..بتموت نوره لو عرفت...
آآآآآآآآآآآآآآآآآآآآآآآآآآآآه يارب عطني قوه تخليني ااتحمل وااقول لها...!



^
^
^
^
نهايه البارت..!

الفصل السابع والثلاثون


ضآيق ... و أعرف علآج
صدري لي ضآق ..
| سورة |
تفرج الهم ۈتزيد قدري
شيلوا آلقصـآيد ۈ الدفاتر ۈ الأورآإق
وهآتــۈا لي قرآن
لآ ضآق { صدري ..



×××

وقف بسيارته وهو موقادر يستوعب الخبر اللي سمعه...حس الكون كله يخنقه..
كيف بيتكلم...؟؟ كيف بيدخل للبيت...!!خنقته انفاسه وهي تتردد بصدره بصعوبه..
حط يدينه ع الدركسون (مقود االسياره) وارخى راسه ..رجوله موقادره تخليه يتحرك ويدخل لجوا البيت..
دقايق مرت وهو ع الحاله ذي.
.متشتت .محتااااار...كل افكاره خانت كل الحلول..!

انتبه محمد ع صوت جواله..طالع الشاشه المتصل (الغاليه)..

محمد :هلايمه..
منيره:وينك ياولدي تاخرت .عن الغداء.!
محمد:يلا هذاني عند البيت..!
منيره:ع خير ياولدي فممان الله..!
محمد:فمان الله..

نزل من سيارته ..والافكار والهواجيس ترسم ع ملامحه ..صوره شخص مهموم ..اضناه التفكير..والهوجاس

تهادت خطواته ثقيله وهو يدخل البيت ..
جوا حوش البيت .استقبلته براءه جنى..وضحكه لمار..ورائد اللي يلعب معاهم لعبه الغميمه..
رائد وهو واقف وراء النخله:يلا انا بغمض واعد 1 2 3 4 5 6......)
ركضت لمار وجنى وتخبوا جو البيت ..
وكل هذا ومحمد يطالعهم ببراءه..براءه جنى ورائد اللي حسسته بالحزن عليهم ..
اب تحت القبر..وام تخلت عنهم..واخ مايندري وينه حي او ميت.. واخت تعذبت لحد مااشربت الوان العذاب

تنهد وهو يردد بصوت خفيف:لاحول ولاقوه الا بالله..يارب افرج لنا من عندك..!

×××
الممرضه وهي تكلمه بالانجليزيه:هل تستطيع االتحدث بالهولنديه..
ياسر وهو يتنهد:لا
الممرضه:حسنا..ارتدي الملابس التي احضروها لك..وساطلب مترجم حتى يستطيع الطاقم الطبي المسؤل عن التخدير..ان يقوم بالتواصل معك عن طريق اللغه الانجيلزيه..
ياسر :اوك
طلعت الممرضه وهو يحس الخوف يرتجف بكل عروقه..والضلوع..

كان اللباس لونه اخضر..لباس مخيف..مرعب..
لباس يحس انه يشم فيه ريحه البنج..ويشوف فيه
السرير اللي بينام عليه زي الجثه..
طاالع اللباس وهو يطالع ايام عمره توقفت هنا..توقفت عند العمليه ..يااتنجح..ياتفشل..!

ماقدر يمسك اللبس او حتى يقدر يطالع فيه..تنهد
وهو يردد بنفسه:يارب وكلتك امري فانت المنجي وانت المعين..!
ابو زياد وهو يدخل:يااسر
ياسر وهو يلتفت:سم ..
ابو زياد وهو يبوس راسه:باذن ربي بتقوم بالسلامه..انت سندي وانت عزوتي..وماخاب شخص رضى ابوه عليه
يشهد ربي اني راضي عليك..ومابي الا تشد حيلك ..وتقوم لي بالسلامه..

ياسر واللي بان الالم بعيونه:الله يخليك لي انا وكلت امري لله وكل شي ربي كااتبه..

ابو زياد :ونعم بالله ..

بعد لحظاااااات......
المممرضه وهي تطق باب الغرفه:عذرا...هل جهزت ؟؟
ياسر :لا
الممرضه وهي تبتسم:او ميقاد..الست مستعدا لحياتك االجديده..!
ياسر :.................
(كاان يردد بنفسه أي حياه..اي حيااه اللي كنت بنت وفجاءه ولد..اي حياه وانا موعارف كيف المجتمع ينظر لي باي نظره..اي حياه وانا 20سنه من عمري قضيتها بين بنات والحين بعيشها بين عيال..؟؟
ردد بنفسه ..لا مومستعد...وانا اغلى الناس تركتني ورحلت عني....!!

ابو زياد وهو يمرر يدينه عند عيون ياسر:ياهووو وين وصلت..!
ياسر وهو مرتبك:لامعكم معكم..
الممرضه :الآن ارتدي هذه الملابس .حتى ننقلك الى غرفه التخدير..!


بعد ربع ساعه..!
نبضات قلبه سريعه..وانفاسه اسرع..اصعب شعور لما يكون الشخص تحت تصرف غيره..وهو مايدري وش المصير اللي يواجه..لبس لبس العمليات ..والمغذي بيده واليد الثانيه اسواره..حمراء مكتوب عليها no Aspirin

وهالشي يوضح انو جسمه يتحسس من مسكنات الاسبرين..

كان ممدد..ع االسرير اللي دخلوه
بغرفته.. ع اساس يودونه لغرفه العمليات

وبعد ماخذوا كل العمليات الحيويه ..
الممرضه: كل شي ع مايرام.الآن انت جاهز لغرفه التخدير..

ابو زياد وهو يمسك يد ياسر:ربي يهون عليك..تكفى ياياسر طول ماانت بالتخدير اقراء قران واذكر الله عشان ربي يهون عليك..

ياسر وهو يتنهد:ان شاء الله..لاتوصي..


مشوا بسريره بيطلعون من االغرفه وقبل مايطلعون بأخر اللحظات ابوه يبوس راسه وهو يتمتم:ربي يحفظك ربي يحفظك.ويقومك بالسلامه لمح. دمعه..نزلت من عيون ابوه. صد ابوه يبي يخفي دموعه ...قبل مايمشون..
لمح دمعه ماقدر يفسرها ياسر الا انها دمعه نزلت من قلب اب حنون...
خايف من المصير اللي هو نفسه يجهله. بموت او بعيش..كل هذا للقدر..

كان التعب ينبض بعروقه..والانهاك يحتوي جسمه..والهم ينبض بكل افكاره مشوا فيه بالمممر ..وهو يحس كل لحظه انفاسه تخنقه اكثر واكثر.

لحظات وهو يشوف الدكتور يكلمه بالانجليزيه:من حسن حضنا انك تجيد الانجليزيه..فنحن لاانتحدث الا اللغه الهولنديه..وقلليل منا يتحدثون الانجيليزيه ..عموما فقط اريدك ان تتنفس بهدوء..وتتذكر اجمل ذكرياتك..

وتاكد ان عمليتك هي ناجحه 100%

ياسر وهو يتمتم بينه وبين نفسه :لالالا مااابي اتذكر ...وين ذكرياتي راحت كلها بادراج الرياح..وين الذكريات صارت كله احلام مشتته..مابي اتذكر..شيء


صار يردد ياسر ايات االكرسي بصوت خافت...ويكررها
وهو متجاهل كل اللي حوله..
رغم الآم الابره الا انه تجاهل كل شي كل شي ووكل امره لله

قربوا له جهاز التخدير وحطوه ع وجه...
الدكتور:تنففس بعمق...بعمق بعمق
ياسر وهو يتنفس ببطء:اشهد ان لااله الا الله واشهد ان محمد رسول الله..
اشهد ان لااله الا الله واشهد ان محمد رسول الله..
..غفى ياسر ع دمعه سكنت بين الجفون..غفى وهو مايدري يصحى والا يغفى طول العمر..

اخذوه لغرفه العمليات ..وهو بينهم مثل الجثه مايتحرك فيه شي..ركبوا ع جسمه اجهزه ..جهازللقلب وجهاز للضغط وجهاز يقيس معدل الاكسجين وجهاز يزوده بالاكسجين وووو..)

وصار ياسر ع السرير..وبين جرااحين وممرضين وطاقم طبي ..كامل..!!

×××
ندى وهي تبكي:تكفى يبه طمني عليه
(ندى تسمي ابوزياد يبه لانه بمقام ابوها..ولانها رضعت من ام زياد فتصير ام زياد امها من االرضاع وكل عيال ابو زياد وام زياد هم اخوان لندى..)

ابو زياد وانفاسه مخنوقه:يابنتي اقولك دخلوه للغرفه قبل ساعه..والعمليه يبيلها من 5الى 6ساعات والاحتمال تطول..!
ندى:ربي يشفيه يارب ويقومه بالسلامه انا دقيت عليه مارد علي وادق عليك يبه مشغول..

ابو زياد:ايه ياسر مويم شي مره شايل هم العمليه..ويابنتي انا جوالي مشغول بين مكالمات اامه واخوانه يتطمنون عليه...
بس تطمني باذن ربي بيقوم بالسلامه...

ندى وهي تمسح دموعها:يارب يارب يارب
×××
الساعه 2ونص ضهرا

بغرفه النوم دخل محمد كانت الغرفه شبه ظلام رغم انهم كانو بالنهار.لكن الستائر حاجبه نور الشمس.كانت.نوره منسدحه ع السرير...توقع محمد انها نايمه..لانها معطيته ضهرها....
بدل ملابسه..وولبس شورت قطني اسود
وتي شيرت قطني ابيض..

حست فيه نوره وقامت وهي متفاجاءه ..
محمد وهو يجلس جنبها:بسم لله عليك شفيك ..
نوره وهي متفاجاءه:انت جييييييت ومتى؟؟؟؟
محمد:أي من زمان..بس يوم قالوا لي انك نايمه ماحبيت ازعجك قلت اتغداء واذا جيت بنام بدخل للغرفه..!
نوره وهي تبكي:وليش ادق ع جوالك ..ماترد..ليش ليش
محمد وهو متفااجاء بدموعها:جوالي يمكن بالسياره ناسيه..بعدين ليه تبكين..
نوره وهي تمد يدها للكومدينه<(قطعه اثاث تكون جانب السرير):شوف واقراء انجننننن وربي انجن..عادل..!
محمد وهو يطالع بجوالها ويقراء الرساله :نوره حبيبتي ..اعذريني بسافر برى المملكه..مع خوياي(اصدقائي).وبين فتره وفتره بتواصل معاك عن طريق المسجات اعذريني بس كل شي تم بسرعه وتاخرت ماعطيتك خبر لانو جوالي ضاع وعبال مااطلع لي شريحه بدل فاقد اخذت كذا يوم..اانتبهي لنفسك..وبشرني اذا ولدتي ...عادل..)

محمد:متى ارسلها...؟وشلون يسافر بالطريقه ذي.؟؟؟

نوره وهي تمسح دموعها:مدري ..مدري ليش يسوي كذا شلون يروح وبكل هالبساطه ذي..!
محمد وهو ينسدح:هو رجال ويعرف مصلحه نفسه خليه يساافر ويستانس..ليش هالعصبيه ذي..

نوره وهي تقوم من االسررير وتعطي محمد ضهرهاوبعصبيه :محد راح يحس فيني هذا اخوي اخوي...!!ياعالم اخوي..

محمد ببرود:نوره والله حاس فيك لكن..
نوره وهي تقاطعه وتمسك باب الغرفه :لاتقول شي كل هالبرود اللي فيك جاوبني عنك.. بدون تتكلم.....

محمد وهو يقوم:لحظظظه تعالي وين بتروحين...؟
نوره :بطلع... انت نام تمسي ع خير..
محمد وهو يمسك يدهاويطالع بعيونها:نوره..اسمعيني شفيك عصبتي افهميني ع الاقل..!
نوره وهي تبعد يدها:مابي افهمك..ماابي ..!
محمد بعصبيه:نوررررررررره وش هالكلام...!
نوره وبدون ادنى شعور وبدون تعير له أي اهتمام طلعت من الغرفه وبدون حتى ترد عليه او حتى تسمع..كلامه..كاانت مقهوره من رده فعله يقراء المسج ولاحتى انفعل ولاحتى سوا أي شي خلاها تحس انه مهتم...
وفوق ذالك..كانت مقهوره من اخوها شلون يختفي ثلاث ايام وبعدين يطلع مسافر...ومستسهل فيهم...!!ونسى ان وراءه اخوان صغار..
وليش مايبي يكلمها بس يبي التواصل عن طريق المسجات ..

بسرعه لبس محمد ع اساس بيطلع من البيت..وطلع محمد وبدون حتى يكلم نوره ..كان مقهور من حركاتها معاه..
وهو عند البوابه الكبيره.. صادف عادل وهو بيده جوال..
سامي وهوو مستغرب:محمد لاقيته بسيارتك..موهذا جوال عادل..
محمد بعصبيه:لاموجواله جوال تركي..!
سامي:لاجوال عادل اانا شايف اللي داخله كله صور عادل..!

محمد بعصبيه اخذ الجوال وحطه في جيبه..وبعصبيه مسك
سامي من ياقه ثوبه..وهو يطالعه بنظرات حاره:ثاني مره اشوفك متلقف ع سيارتي اقسم لاكسر رجلينك..وهالسالفه لو طلعت لامي والالنوره او لاي احد موطيب لك اانت فاهم..والله لارتكب فيك جرريمه!!!!!!!
سامي بخوف:اساسا فتحت سيارتك لان امي مضيعه موعد ها اللي بالمستشفى .. وهي اللي قالت لي دور الموعد يمكن بسياره محمد ويوم سالت عنك قالوا نايم وتطمن ماراح اقرب لها..

محمدوهو يمشي وبعصبيه : امي مالها اوراق بسيارتي ..للمره الثانيه احذرك لو تقرب لسيارتي او تقول لنوره انو جوال عادل بسيارتي او لقيت له شي بسيارتي والله والله والله مايصير طيب لك ..


سامي بخوف:طيب طيب ماراح اقول شي

طلع محمد وملامح العصبيه باينه بوجهه ..وموقف سامي خلاه يفقد كل اعصابه..

×××
..

الساعه 5ونص

العصر البادروم مظلم..وحراره الصيف تخنقهم..درجه الحراره اليوم 42
كاز وهي تتالم:آآآآآآآآآآآآآآآآه آآآآآآآآآآآآآآآآآآآآآآآآآه
آآآآآآآآآآآآآآآآآآآآآآآآآآآآآآآآآآآآآآآآآآآآآه آآآآآآآآآآآآآآآآآآآآآآآآآآآآآآآآآآآآآه آآآآآآآآآآآآآه
بسمه واللي بان بصوتها التعب:كااااااااااز شششششفيك..!
كاز:اااااااااااااااااااه اااااااااااااه

بسمه وهي ترتجفارجي) ارجي...

ارجي وبصوت بان فيه التعب:هـااه
بسمه:شفيها كاز تصارخ؟؟
ارجي:كاز لازم تاخذ علاجات يوميا لان الايدز له سنوات معاها واظن تشوفينها دايم علاجاتها معاها..ومن ضمنهن مساكنات قويه لو ماتاخذهم بتنتكس حالتها.ايدز هذا مو أي مرض ..

بسمه بخوف:أي كنت اشوفها تاخذ علاجات لكن.ماتوقعت الايدز لهدرجه يسوي..

بسمه وبانهاك:يسوي اكثر من كذا جهازالمناعه عندكاز يتدمر.. وشكلنا حنا بنلحقها..
بسمه بخووووف:لالالالالالالالالالالالا لالالالالالا انا وراي خوات صغار
محتاجين لي..!
كاز وهي تتلوى من الالالام وتئن:آآآآآآآآآآآآآآآآآآآآآآآه آآآآآآآآآآآآآآآآآه

ارجي: خواتك مومحتاجين مال حرام..كل شخص يولد ورزقه معاه...!
لو عرفوا انك مروجه مخدرات مااقبلو حتى ياكلون من تعبك..

بسمه وهي تصرخ:اسسسسسسسسسكتي اسسسسسسسسكتي
لاتوجعين قلبي موكافي حالنا ..موكاافي اللي نعانيه الحين مقيدين بسلاسل وحبال.. ويومين بدون اكل ولاشرب ووحده مريضه تصاارخ لحد ماتغفى من كثر الالالام..!..!!!!!!!!)



×××
في طريق الرياض ـــ القصيم وباقي ع القصيم 250كيلو..
تركي وهو يكلم منى:هلا يابعدي ..
منى :متى بترجع طولت والله..!
تركي بخوف:لايكون فيك شي او صاير لك شي..؟
منى :لالالالا مافيني الا العافيه..وانت ماقصرت والله الثلاجه مليانه والحمدلله ..خير ربي كثير ..بس حسيتك طولت.
تركي وهو يضحك:قولي انك مشتاقه لي ..؟
منى بخجل:صراحه ايه حيل ومن لي غيرك اشتاق له..!؟
تركي وهو يضحك:ههههه ياهووو لاتخليني ادعس واجيك طاير ..ترى اسويها
منى:هههه لا بليز لاتسرع..ترى ساهر بكل مكان..وانتبه لنفسك ..بس قل لي كم يبيلك ساعه..
تركي:ان شاء الله..باقي لي ساعتين ..يلا انتبهي لنفسك فمان الله
منى :فمان الله..

تنهد تركي وهو يفكر باخته اللي مالها بهالدنيا غيره..الطريق طويل وكله سيارات ومنظر الطريق بالسفر والهدوء يخلي الشخص يسبح بافكاره وخيالاته.. ماحب انه يستسلم لافكاره وذكرياته ويتالم....فتح الراديو ع اذاعه السعوديه..وكان فيها شيخ يتكلم عن بر الوالدين .
الشيخ:وهذا مافي جعبتي اليوم من رسائل بهذا الموضوع ..تحدثنا اليوم مليآ عن بر الوالدين وسعدت بمشاركاتكم وتواصلكم معي.. ونسال الله لي ولكم االبر بوالدينا وصل الله على نبينا محمد وعلى اله وصحبه وسلم.....
انتهى البرنامج..ع انشوده لمحمد العبدالله عن الام..

((اافتحوا اليوتيوب واكتبوا انشوده يمه لمحمد العبدلله..اسمعوها من جد اليمه اليمه اليمه ووبتعرفون ..حال تركي بدون اوصفه لكم))



ايه مششتآق لغلاك والغلا قلبي عطاك
.... إيه يُمه من سوآك ولا أبد غيرك يمون
يُمه يانبع الحنان ياعطر روح المكان
.. الغلا باقي زمان وأنتي أغلى من العيون
إيه مشتاق لغلاك والغلا قلبي عطاك
. إيه يمه من سواك ولا أبد غيرك يمون
شوفتك تسوى كثير والله أني لك أسير
......... حبك بقلبي كبير وأنت ِ لك قلب حنون
ضمتك تشفي عناي وألقى في قربك دواي
............. آه يابلسم شفاي ايه أحبك للجنون
يمه يمه كم ابيك وراحتي بوسة يديك
.... قلبي الصادق يبيك وأنت ِ أغلى من العيون

كانت الانشوده ولحنها الحزين...وااهات المنشد الحزينه وصوته العذب اللي ينبض بالاحاسيس..فجر ذكريات تركي..ورجع لايامه اللي قبل وفاتها ..كان حال تركي اصعب من ان يوصفه كلام..وحدها دموع حاره نزلت ووراها اهاااات واهاااااااات مكتومه..

×××
الساعه 8ونص المغرب..!
بمستشفى الـ.. في الريااض..!
زياد وهو يتنهد:الحمدلله يارب..الحمدلله يارب
ام زياد بصوت فيه خوف :طمنوني وش صار عليه..!؟
زياد وهو يبتسم:يمه ابشرك نجحت عمليته
ليان وهي تصرررخ:جـددددددددد؟؟؟؟؟؟؟؟؟؟؟؟؟؟؟؟؟؟
زياد وهو يضحك:ايه الحمدلله هذا ابوي توه مكلمني..!
ليان وهي تسحب الجوال :عطني بكلمه بتطمن..!
ليان:داااااااااادي شخبار لمى؟؟كيفها الحين بليز طمني ؟
ابو زياد واللي ملامح الفرح ترتسم بوجهه:ايه نجحت..بعدين كم مره اقولكم انسوا لمى ياسر وبس هو بخير وبيضل ثلاث ايام تحت تاثير البنج والمهدئات ع اساس يبون يرتاح..ويتطمنون اكثر ع وضعه..
ليان وهي تخنقهاالعبره:دااادي قول لزياد يحجز لنا نجي لكم..؟
ابو زياد:عطيني زياد..!؟
زياد وهو يمسك الجوال:هلا يبه..
ابو زياد: زياد اطلع برى عن امك..

زياد وهو يطلع:هذاني طلعت
ابو زياد:بشرني عن امك شصار عليها ؟؟
زياد :والله ماادري وش اقولك..ضروري تروح لالمانيا حالتها كل مالها تتصعب والورم يادوب قدروا يحاصرونه بالاشعاع..لكن احتماليه تطلع اورام ثانيه هذا احتمال اكييييد..

ابو زياد:لاحول ولاقوه الا بالله..يعني ماتقدر تسافر وتجي لهولندا..
زياد وهو يتنهد:لا..لان العلاجات حيل يتعبونها..وبتضل كل اسبوعين تسوي اشعاع ع اساس يحاصرون الورم بعدين يسون يعالجونها باالعلاج الكميائي
..واذا سوته الاشعاع تضل اايام بالعزل..صعبه تجي لهولندا..

ابو زياد:لاحول ولاقوه الا بالله..طيب ياولدي..خلك معاها وانا بكون مع ياسر اول مااحس انه قادر يساافر بنرجع للسعوديه ..وخبر ليان ع جنب انو امك تعبانه وماتقدرون تسافرون عشان تعبها..وقولها ااذا صحى ياسر بخليه يحاكيها اسكايب..

زياد:سم ابشر ..الله يحفظكم ويرجعكم لنا بالسلامه..!

اابو زياد :اامين يارب يلا مع السلامه.
زياد:مع السلامه..!

×××
الساعه 9ونص

ع شاطى قريه بحريه قريبه من مدينه ينبع ..كانت جالسه عائله ابو فيصل بمكان بعيــــــــــــــــــــــــــد بعيـــــــــــــــــــــد عن الناس..كان بهالمكان مافيه غيرهم..واخذين راحتهم ع الاخر لدرجه احلام وامهم وميهاف كاشفين شعورهم وجالسين قريب من البحر كان المنظر خيالي..
والمكان هدوء صحيح بعيد عن الناس وقليل يجيه احد..لكنه كان قمه في الرومنسيه..منظر الامواج وهي تتردد ع الشاطىء


..

ابو فيصل وهو يطالع ميهاف:ع وين؟؟


ميهاف وهي تقوم و تبتسم ابتسامه صفراء:بروح اجلس عند البحر ..الجو خيال



فيصل:يعني اني رومنسيه..وحركات..


احلام:هههههههه حلوه فصول..


ميهاف وهي معبسه وجهها:ها ها ها بايخه بس لاتعيدها



ام فيصل وهي تفتح علبه الشكولاته:كلش ولابنيتي ميهاف روحي يمه اجلسي ع راحتك..عاد مالومك القصيم ماعندنا الا النفود والطعوس


البحر نتشفقه تشفق..


ميهاف وهي تببوس راسها :فديتها ياناس اللي فاهمتني..


ابو فيصل:وانا مالي بوسه ع راسي والا طالع منها انا


ميهاف وهي تبوس راسه:افا عليك انت الغلا كله..



فيصل:روحي روحي بس للبحر لاتسوين فلم هندي..


عاد توقعي يجيك سرطان..تمساح..سمك قرش..


ههههههههههههه


احلام وهي تطق كتف فيصل وميته ضحك:هههههههههه


تراها تصصصدق..ع طووول..ههههههه



..


ضحكت ميهاف باصطناع ووهي تنزل عبايتها:احسن شي هنا مافيه ع البحر رجال ولاااي احد عشان اقدر اخذ راحتي .

ابو فيصل:ايه وانا ابوك..افسخي عبايتك واخذي راحتك ماحولك


رياجيل ولاااحد..قبل نروح لينبع عاد شواطى ينبع مزحوم بالناس..



مشت ميهاف ع التراب البارد وكانت لابسه قميص قطني اسود الى نصف ساقها..وفكت شعرها تبي تعدل الشباصه اللي لامته فيها
كان شعرها لنصف ضهرها..
بداء الهواء يحرك شعرها..ونسماته الرطبه..تغللغل بانفاسها..
كان المنظر قمه في الروماانسيه بحر وليل وااليوم 15القمر في احلى صوره له
وامواج البحر وصوتها كان منظر يسحر اللي يشوفه..

جلست ميهاف وومددت رجولها والبحر قدامها وهي تتتامل نهايته اللي ع قد نظرها
صوره القمر
عاكسه في البحر

طلعت جوالها وفتحت ع مقطع لها شعري لهاايام تسمعه





علمتني ان العطـا لا زاد عـن حـده خطـا


وعلمتني ان الجميل مايكفي كفوف البخيـل


وعلمتني ان العيون اليا اعشقت ستر وغطـا


وعلمتني اصدق دروب الحب ماتبغى دليـل


قلي اجل..من هو على خيل التجافي امتطـى؟


واخلف مواعيد العمر غبره ورا صوت الصهيل


كم حافرٍ عدّى على جباه الهقاوي كم وطـا


كم غيمةٍ ظنيتها تمطـر غـلا واثـره هميـل


وردك زرعته فاضلعي والشوق في قلبي سطـا


لاجرح..لادمعة وفا..لاذنب.. لاجسم عليل



ماكنك اللي لاطرى فزت له اشواقـي قطـا


راحت له اكثر من غلاه ولارجع الا القليـل



علمتني واصبحت انا والعلم في حكم البطـا


لادامت وعود الرضا.. ولاعاد بك غصنٍ يميل



نسيت افيدك سيدي بالقول يارخـص العطـا


من يكرمك شمس وقمر مايرجع بطرق الشليل



كانت الكلمات في الشعر..تزيد ميهاف حطب ع نارها..موقادره تسامح ياسر ع اللي سواه وكيف اخفى عنها شهور طويله طويله ..
كانت محتاجه للهدوء وراحه..لاجل تجمع افكارها الضايعه وتجاوب اسئله
موقادره تلاقي لهم اجابات..!

دق جوالها..مره مرتين ثلاث
طالعت الشاشه..ندى يتصل بك..
كنت دوم مطنشتها لكن هالمره حبت ترد عليها مجرد شعورها انها حست
انها قادره تتكلم وتاخذ وتعطي مع ندى..

ميهاف:الوو
ندى:هلا والله اخيرا رديتي مابغيتي تردين
ميهاف بنبره حاده:انتي عارفه اني مسافره..وشي طبيعي مااكون فاضيه
ندى بنبره حاده:اووه ماتكونين فاضيه..وهالبرودكسات اللي في جوالك و ترسلينها للسته ..او صح يمكن تنسين تشيلين علامه الصح من اسمي..



ميهاف :لاماانسى ..ارسل برودكسات لمجرد اني لاقيت شي اعجبني لااقل ولااكثر واذا قصدك ع اتصالاتك انا متعمده ماارد..
ندى وهي ترفع حاجبها:والسبب؟؟؟؟؟؟؟
ميهاف:لحد مااحس اني قدرت ارد ع احد او عندي استعداد اتكلم مع أي شخص..

ندى:ميهاف للحين راكبه راسك وزعلانه حتى ماعطيتني أي مجال اتكلم
ميهاف بنبره حاده:مابي اتكلم بشيء..
ندى:ميهاف..ماخبرتك قاسيه..لهدرجه..!؟؟
ميهاف :وماخبرتكم تستغفلون اللي غيركم.
ندى:وش غيرك ياميهاف..؟؟؟
ميهاف:لكل فعل رده فعل ..تعادلها في االقوه وتععاكسها في الاتجاه..اضن هذا قانون فزيائي..وعارفه شرح هالقانون..
ندى بعصبيه:اانتي مكبره الامور ليش تتصرفين بقسووه معه عشانه اخفى عنك..حسي فيه تبينه يقول ميهاف اانا ولد..عشان تتحاشينه..وتبعدين عنه..
ميهاف:ع الاقل يصارحني..!ولو ماكنتي اخته من الرضاع ماصارحك..بيسوي نفس الشيء
ندى:لالالا ميهاف لو انتي حي الله بنت مو فارقه معاك شي..ااو عندك تقبل لعلاقات ثانيه كان صارحك لكن هو عارف انتي مين وعارف تربيتك..!
ميهاف وهي تتنهد:تسلمين..لكن انا نددمت ع كل شي حتى ع المشاعر اللي خلتني اتعلق فيه..
ندى:وش تقصدين بكلامك..!
ميهاف:اقصد اني محتاجه انساه وهو ربي يوفقه بحياته..
ندى وهي مصدومه:ميهاف انتي من جدك..ميهاف ياسر يحبك يعشقك تفهمين هالشيء... ميهاف كبري عقلك وفكري بعقلك حسي فيه ..
ميهاف وهي تخنقها العبره:ماابي احس بااحد..ابي انسى يرحم اامك يا ندى..ياسر وشخص وانتهى وانتي صديقه غاليه غيري هاالموضوع
ندى وهي تتنهد:مايهمك تعرفين وش صار عليه واليوم عمليته..

ميهاف: عشان هالشيء رديت عليك لاني بعرف قام بالسلامه او لا؟؟
ندى:يهمك؟؟
ميهاف:انسانه كان بيني وبينها صداقه وانصدمت انها طلعت ولد..شي طبيعي يبي لي وقت اانساه ومايمنع لو سالت عن اخباره ..؟
ندى:عمليته نجحت..وهو بيضل كذا يوم تحت تاثير البنج والمنومات ع اساس محتاج للراحه تكفين حلليه وسامحيه وهو موصيني اوصل لك رساله..!اذا رديتي علي
ميهاف :الحمدلله ع سلامته..شنو هي الرساله..!
ندى:برسلها ع جوالك ااذا سكرت انا الحين مظطره اسكر لاني مشغوله بسافر..احاكيك بعدين واتمنى تجلسين مع نفسك وتفكرين بعقلك ..والاهم حطي في بالك انو ياسر ضحيه تشخيص.. طبي..ماله أي ذنب..!!!

ميهاف : توصلين بالسلامه ان شاء لله..يلا اخليك مع السلامه
ندى:مع السلامه..!

كانت ندى مقهوره من رده فعل ميهاف وكلامها القاسي عرفت من كلامها انو رجوعهم لبعض شي مستحيل..مستحيل ..ووباين انو ميهاف تغيرت والصدمه غيرت كل احاسيسها..!

في المقابل..كانت ميهاف..مخنووووووقه..حييييييل حيييييييييل حييييييل

ووسط حاالها الصعب صوت مسج...
فتحت المسج اللي قالت ندى انه من ياسر ..
كان المسج:

(عارف انو بتضلين وقت طويل ماراح تردين ع ندى..وعارف انك مسويه كنترول**ع رقمي ..
لكن اابي تتاكدين من شيء واحد وخليه في بالك..
انو ياسر بيبقى ياسر.. وحبي بيبقى ماراح امنعك لو نسيتيني او حتى بعدتي واخترتي الفراق..ورحلتي..لكن تذكري شي واحد حبي لك..بيبقى واني ماخبيت عليك الا من حبي لك..وبالاخير الفراق قرارك موقراري لكن راح اسوي اللي يريحك..وابعد عن حياتك..للأبد.!
ياسر



**(خدمه كنترول في شركه الاتصالات خدمه تحجب..اتصالات ومسجات من أي شخص تحدده..)

سكتت ميهاف وبكت وهي تقراء المسج..
الفــــــــــــــــــــــراق
صــــــــــــــــار خـــــــــــــــــــلاص افترقنا
وياسر وافق ع قراري....
ااااااااااااااااه ياصعبها ااااااااااااااااااااااه
صحيح ابيه يعيش حياته كولد.. واعيش حياتي.. لكن صدمه كبيره صعبه اتجاوزها وهو صعب يتجاوزها ..
الفـــــــــــراق رغم انه اختياري لكن اختيار قاااااتـــــــــــل
قااااااااااااااااااتل
قاااااااااااااتل

اااااااااااااه هاللحظه ذي طوت صفحه ذكرياتنا هااللحظه ذي انتهى كل شي
وبقت الذكرررررررى
و
الذكررررررى
و الذكرىىى

وانتهــــــى كــــــــل شـــــــــي...!!
.....
أصعب من آلفرقى .. خيوط آلنهآية

وأصعب من آلثنتين .. تفقد لك آنسآن
آنسآن إيه آنسآن .. نآدر وآيه
آنسآن قلبه غيم .. ولسآنه آحسآن
آنسآن غير .. وكل خصلة حكآية
مكسب حقيقي .. للشدآيد وآلـآزمآن
مستودع أسرآري .. بير آلوصآيآ
لو خآن وقتي ..وآقرب آلنآس مآخآن
تشوف به حب ..آلبشر وآلهدآيه
يشوف كل آلنآس آحبآب وآخوآن
تحس آنه للفضيلة مرآية

يآ حظه آللي مسكنه كل وجدآن
له بآلوفآ مليون حرف وروآية
له بآلحشى مليون وردة وبستآن
لـآ صآر عندك أصول ورعآية
وكل بهآ آلله وآستند فيك حيله
وآليوم للأقدآر كلمة وروآية
تبين وآلأقدآر للعبد ميدآن
سآفر وأشوفه لـآ لـآ معآيه
لـآ لـآ بدوني رآح من دون عنوآن
ودعته آلله وآلبقى بأصدقآيه
أصحآبي يآللي شآنهم بآلوفآ شآن




×××

الساعه 10ونص..

خالد وهو يقوم:خلصت الزياره اشوفك بكره..وفكر باللي قلته..