احلام :مدري والله...!!!!مدري انا ابي استوعب اللي صار لي..!!!

ميهاف:وقسم بالله احس اني مومصدقه انتي متاكده شفتيه...!!
احلام:اقولك نادني باسمي وشفته بس من قوه الصدمه موقادره اتذكر ملامح شكله!!
ميهاف:يالله شلون صار كل هذا الاخ عايش قصه حب وانتي ياغافلين لكم الله...لايكون مصورك...!!
احلام:ييييييييييييييييييييييمه والله مدري لاتخوفني تكفين حدي قلبي رايح فيها!

ميهاف واحلام ماشاء الله عليكم للحين صاحين...!!

احلام:يييييييييييييييييمه ابوي ابوي !!
قامت احلام وبسرررعه خبت الشال والرساله تحت وسادتها ...ونامت عليهم...!
ميهاف وهي مرتبكه:لايبه نذاكر...تبي شي يبه..!
ابو فيصل:الله يوفقكم يارب يلا ناموا وراكم قومه الصبح...!
قامت ميهاف وطفت النور وهي تقول:ان شاء الله يبه!!

×××

الساعه 2الاربع!!!

ربى:الو..
ندى وهي منسدحه ع السرير:هااااااااه!
ربى: اف اف جدبياخه حدكم...شفيكم جالسين اغلب الصبايا راحووانتم ماتعيشتوا ولانزلتو!
ندى:يصير خير...اذا اشتهينا نزلنا !!!يلا باي!

لمى وهي تضحك:شفيك عليها!!!حرام عليك!
ندى:مورايقه لها قسم لوعت كبدي.........!بهرجها المايع!!

صوت محادثه ع المسن!!
قامت ندى بسررررعه وراحت لللاب..!
لمى:بشويش تلاقينها وحده من البنات ..تراك 4مرات تقومين وتركضين وااخرشي,,مايطلع هووووو!!
ندى:لايارب هو هو يارب
جلست ندى ع اللاب وتصررررخ:تررررررركي لمى ترككككي
نطت لمى من سريرها وركضت بسرعه وجلست جنب ندى وهي تقول:وش عنده رافع خشمه توه يضيفك!!
ندى:تلاقينه مشغول
(تتم الكتابه بواسطهtrook )

تركي:مرحبا...!
ندى وهي تبتسم:مراحب..فيس مستحي!!!
لمى:ندى خير وش له تحطين هالفيس كلميه ع المسن برسميه!!
ندى:يووووووووه خليني اشوف وش فيه!!ووش يبي!
تركي:شخبارك....؟.؟؟
ندى:تمام انت كيفك!
تركي:الحمدلله ..!!اعتذر لتاخري لكني كنت مشغول ...بدوامي..ومالي الا نص ساعه جاي...!
ندى:لاعادي..!مومشكله
تركي:ندى انا قلت بوصلك امانه لكن قبل الامانه بقولك شي..!!!
ندى وهي تطالع لمى:ياربي شفيك تطالعيني كذا احس موب قادره اكتب انزلي تحت تمشي سوي اي شي مااحب تطالعيني كذا...!!
لمى:وبجلس ع قلبك...اكتبي له وش اللي بتقوله.؟!
ندى :يوووه يالمى

لمى:تلايطي بس واكتبي له


ندى :امر ياتركي وش بتقول...!!
تركي:انا الموقف للي سويته معاي مستحيل انسسساه لومهما يكون رغم كنت رافض الفكره لكنك اجبرتيني واختفيتي بين النااس....هاالشيء اللي سويته ولارجال يسويه ومعروف بيضل برقبتي....
ندى:ماسويت شي انا بالعكس ...!
تركي:ندى انا اضفتك كاخت سوت لي معروف وبرده لها وماكانت عندي وسيله ارد المعروف الا انو اضيفك...وبس توصل لك الامانه بحذف ايميلك ولاكانو صار شي بيننا!!
(كان كلام تركي ..رفعه بعين ندى..ووضح لها انو مو راعي بنات ولاخرابيط حتى اسلوبه بالكتابه كان اسلوب شخص محترم.......
لكن كلمه ااحذفك عورت قلب ندى اللي حبته رغم الايام اللي مرت وماعرفت عنه كانت تحببببببببببببه وهو مايدري عنها وولاصدقت انو وصل لها !!!وطاح عليها من السماء,,! وبكل بساطه بيختفي يمكن معاد يرجع!!

لمى:ندى ششششششفيك ساكته ردي عليه خلينا نشوف وش بيوصل!
ندى:طيب اصبري شفيك !!

(تتم الكتابه بواسطهtrook )تركي: ندى معاااي...؟؟؟؟؟
ندى:أي معااااااااك...
تركي:حددي مكان اوصل لك الامانه.؟.!
ندى:تركي اذا قصدك المبلغ مابيه...دام امك بخير هالشيء يكفيني!!
تركي:منو قال مبلغ!!
ندى:اجل شنو.....؟؟؟
تركي:اذا حددتي مكان انزلها لك وانتي تاخذينها!!بتعرفين شنو!!

ندى وهي تطالع لمى:شرايك بكره نطلع للمول..؟؟؟
لمى:مومشكله!!
ندى:اسمع تركي انا السائق مشغول بكره فبينزلني انا وصديقتي بالمول تقدر تجي واخذها منك...
تركي:لايكون مول الـ...
ندى:لا موهو بنروح لمول اللــ...
لمى:لالالالالالالالالا مانبي ذاك المول بايخ..!!
ندى:انتي وش عليك باخذ الامانه اللي يقول ونرجع...!!
تركي:حلو طيب اسمعي:؟!!
لمى وهي تقوم:بسرررعه خلصي المحادثه...وتعالي تحت حدي جوعانه
ندى :طيب ...!
طلعت لمى وارتاحت ندى لانها اخذت راحتها...!!
تركي يرسل اشاره تنبيه...!!
ندى:سوري تاخرت بس اختي كانت عندي تحاكيني...!
تركي:معليش بس لاني مره مااقدر اطول وابي تحددين مكان والوقت..!!
ندى:ليه متقدر تطول..!!
تركي:لان وراي جامعه..ودوام وحوسه!!!
ندى:الله يكون بعونك ..خلالاص بكره عند مول الـ... تعال عند المطاعم بعرفك اول ماتجي....!!!وش بتكون لابس !!
تركي:اوك بكون لابس جنز وجاكيت اسود!!الساعه 4ونص لاني بعد 4ونص عندي دوام..!

ندى:خلاص بكره..اجل...!
تركي:ع خير لكن ندى...!
ندى:سم..

تركي:لاتفهميني غلط ولاتعتقدين اني لعاب يشهد الله انك مثل اختي ..وحتى الشيء اللي انا سويته مارضاه لاختي بس كان وسيلتي لاجل اوصل الامانه ويعلم الله ني دورت كذا وسيله ومااكان قدامي الا هالشيء!!
ولولا الله ثم بطاقتك كان ماوصلت لك..!
ندى:لا بالعكس...مقدره والله وانت مثل اخوي ولولا عارفه اخلاقك ماعطيتك الايمل...
تركي:تسلمين اجل يلا باااي
ندى:بااي....

تم تسجيل خروج trook...

تنهدت ندى :وهي تقول:اااااااااااااااه ياتركي مثل اخوي لاوالله انك قلبي وحياتي وعمري ودنيتي كلهاااااا انت حبيب مو اخو مواخو مواخو... ليتك تفهم للي بداخلي وتعرف وش سويت ياتركي بقلب ندى...احلى وجمل يوم بحياتي
توي احس ان المسن له طعم ان الحيييييييييييييييييييياه كلها صاارت تركي وبسسس واكابر واقول اخوي ااااااااااااه !!!
كيف بس اوصل احساسي لك كيف اقدر اقولك ان ندى تحبك
ان ندى لها شهر ونص وقلبها متعلق فيك..لاليلها ليل ولانهارها نهار كيف اقولك..انو ضحكتي لاضحكتها صرت اتخيلك..دمعتي لابكيت اتخيلك..بكل حالاتي معاااك بكل حالاتي خيااااااااالي وايااااااااااااااك اااااااه ياتركي....!!
ليش حبيتك وانت وجودك مثل رحله عابر !!
ليش حبيتك وانا بكون محطه لشخص مسافر!!
ليش وليش وش اللي بينفعني من كثره العتب!!
لكني والله احبببببببببببك!!!احبكككككك


×××

نزلت دموعها موعاررفه وش سر هالدموع دموع صدمه والا خوف والا مشاعرغريبه.. اجتاحتها بدون سبب فتحت الرساله وصارت تعيد قرايتها من جديد...صارت تنزل دموعها ويتردد في خيالها

لك في فضى صدري فؤادن غرامه

يحمل محبة انسى تلقى مثلها

يعني إذا قلت احصى شوقه وهيامه

تقدر تقول بكثر هالدنيا كلها



كان شعور الخوف مسيطر عليها ..ماتدري وش بيكون مصيرها معقوله يكون صريح ..ولو منعت نفسي يشوفني سواء بالجامعه او غيرها لفتره معينه..وش بيسوي ممكن يدخل البيت ممكن ومممكن..الحين صار عارف تحركاتي موبعيده يعرف وين جامعتي......!!
يالله يالله يالله وش هالصدمه القويه ذي وش بسوي يارب ترحمني وتستر علي ...!!!
كيف بطلع من لمشكله ذي!!ياربي وين ااروح
موبعيد يكون مصورني ..اللي تجراء يرسل رساله ويوقف ع سطحهم ويكلمني بيتجراء يسوي اكبر من كذا!!
يارب ترحمني برحمتك يارب


×××
الساعه 8ونص صباحا...!!

الحصه الاولى حاسب عملي الفصل فاضي. الا يادوب 7بنات...!!
لمى:تتوقعين غايبه ميهاف.؟؟
ندى:مدري !!!ااااليوم اختبار ماراح تغيب !!
لمى:يوه ماذاكرت
ندى:ولاانا ترى كلها ورقتين..!!!
شوي الا وفتح الباب..!!
ابتسمت ميهااف وهي تطالع لمى,,,!!
لمى:هلالالالالالالالالا وغلالالالالالالالا
تو مانور الفصل كله ياهلا......!!
ميهاف وهي تبتسم:بنورررك ..!
دخلت ميهاف ولما قربت لمكانها جتها لمى وضمتها بقووووووووه!!وهي تقول:اشتقت لك يالعوباء هاااه تكابرين ع لمى !!!
كانت ميهاف حيييييييييل خجلانه ماتوقعت لمى تضمها بالصوره ذي ...!!!
ندى:ياهوووو نحن هنا !!
سلمت ميهاف ع ندى...ولما جت بتجلس مكانها..
سحبت شنطتها لمى وهي تقول:ويين بتجلسين!
ميهاف والابتسامه ع وجهها:بجلس بمكاني!!
لمى:لا تعالي وراء جنبي جيبي كرسيك واجلسي!!قسم مشتاقه لك!!!
ميهاف:اوك ..لكن وين باقي بنات الفصل!!
لمى:حصه حاسب عملي وكل اللي بالفصل توهم جااينن ..!
ميهاف :ليه ماحضرتي!!
لمى:احضر وحياتي باقي ماجت!!

ميهاف واللي باين بوجهها الخجل وموعارفه تقول شي خصوصا انها عارفه انو اكثر شخص فرح بوجودها اليوم ...هي لمى!!!
ندى وهي تقوم:اقول بروح لدوره المياه !!!

طلعت ندى وهي مستقصده تخليهم براحتهم...




ميهاف:اوك..
كانت لمى نظراتها ع ميهااف تتاملها!!!
ميهاف وكانت حيل خجلانه:شفيك تططالعيني كذا
لمى وهي تتنهد:مشتاقه لك بطلتي حركات دلعك وزعلك عورتي قلبي قسم!
ميهاف:انتي تدرين مستحيل اتضايق منك لانك غاليه علي وتفهمت الموقف وتقبلت اعتذارك بس الزعل مايروح بسرررررعه حبه حبه!!
لمى:موهذا اللي ذبحني حبه حبه شوقتيني لك ولجلستك ولسوالفك!!

×××الساعه 10 ونص...!!!
صوت جرس الباب!!
نوره:يمه منو بيكون!!
عادل:هذا اكيد خالي!!هو داق علي قبل نص ساعه..
نوره مااعليك امر سوي القهوه والشاهي !!
بقوم افتح له!!
نوره وهي رايحه للمطبخ:ابشر من عيوني!!

دخلت نوره للمطبخ ومنشغل تفكيرها بخال عادل وش اللي يبي فيه!!
فتح عادل الباب وفعلا كان خاله عبدلله...!

عادل سلم ع خاله وجلسه بالصاله..!
عادل:حياالله خالي ابوعبدلله نورت والله!!
عبداالله:الله يححيك ويبيقك..شخبارك عساك اليوم احسن من قبل!
عاادل:لاالحمدلله احسن من قبل ع المضادات!!
عبدالله:الله يقومك بالسلامه ياولدي!!
عادل:يسلمك ربي..شغلت بالي وش لموضوع!!
عبداالله:لاكل خير بس توي جيت من عندهم ..!!!
عادل:مين هم..؟
عبدالله:هيئه التحقيق والادعاء العام..!

عادل:وش قالوا لك!!ووش يبونك فيه!!!
عبدالله:بخصوص القضيه...وانت عارف انا الكفيل لك لانك قاصر..!!
فاستدعوني !!خبرك ابوك ماله اخوان وماله الا خوات من ابوه ومايدانونه ولايدانيهم...!!فاستدعوني عشانك!!!!
عادل:عشاني..!!
عبدالله:ااي عشانك ..بخصوص موضوع اختك اانا عرفت كل شي صاار!!
وشفت التقارير وكل شي...!!وانو الجاني الاب والشاهد الاخ
والضحيه البنت ذي يبيلها تحقيق وسالفه طويله عريضه!!

عادل:لحظه بجيب القهوه واجي !!!
عبدالله:طيب ياولدي

راح عادل للمطبخ واخذ القهوه والشاهي...ولمح بوجه نوره ملامح حزن ملامح خوووووف قراها بعيونها!!!
عادل:فيك شي!
نوره:لااا!!!
عاادل:موب علي المهم روحي لغرفتك.. خالي بدوره المياه بسرعه روحي لغرفتك وسكريها لان خالي بالصاله !!!!!!

راحت نوره وكان الخوف ممتليى بقلبها!!!!!عارفه انو اصرار عادل انو هي تروح لغرفتها لانو مايبيها تسمع شي!!


×××
ابو مازن:حسبي الله ونعم لوكيل فيهم!!والله حتى النوم مانمته ولاحتى عيالي ماخبرتهم بشي!!مابي يحسون باي شي صار!
ابو خالد:تطمن يابو مازن الوضع كله بشكل سري مجرد ماتكون القضيه تبع المباحث مااحد راح يتعامل معها بشكل استطلاعي يعني مااحد راح يحاول ييفسر ويعرف اي شي..لان كل شي رهن السريه وهي الحين بالمستشفى يومين وبتطلع للسجن ثنيناتهم للسجن...لكن وش بتسوي بعيالك!
ابوو مازن:سواه الله ابرك والله مادري يومين مارا اخبرهم بشي وبعدها بشوف..تعبتك ويااي !!لكن تكفى لااوصيك بنت الـ..
خل عليها هي والكـ.. حراسه موبعيد يهربون!!
ابو خالد:افا حنا اخوان...ومن الناحيه ذي تطمن حرااسه مشدده!!

ابو مازن:طيب مجرى لقضيه كيف بعرف كيف بيصير..!!
ابو خالد:مااقدر اقولك شي...لكن انت اذا تبيها تتعاقب لاتعلن طلاقك منها ع اساسا توصل قضيتها للمحكمه وتتحاكم...!!وبعدها اعلن طلاقك منها!!

ابو مازن:لالالالالالالالالالالالالالالالا انت بسس ركها بالسسسجن وخلني افكروش رااح اسوي بهالمصيبه ذي...يبيلي ارتااااااااااااااااااح وافكر

بهدووووءّّ..وعيالي المساكين ماادري كيف بخبرهم او كيف بسوي معاهم!!!لكن االله يعين يارب!
ابو خالد:اانت اهدىء وصدقني انك بنعمه انك كشفتها...ماصرت غافل ولاتدري عن شي...!!!ربك مقدر اللي صاار وعسى ان تكرهوا شي وهو خير لكم!!!!
ابو مازن:وونعم بالله!!!


××××
عادل:يعني عرفت سالفه نوره كلها!!
عبدالله:ايه عرفتها...فهي حره!!!بالقرار اللي تبي تتخذه
عادل:ماراح تتنازل!!
عبدالله:يمكن تتنازل وش يدريك!!
عادل:لو تنازلت ..بيجيه اعفاء وبيطلع بعد كم سنه وبيعذبنا انا وهي!!ابوي السجن هو اللي بيخليه يتوب ويرجع لعقله!!
عبدلله:بس كلمها وشف موحلوه لها الفضيحه لانو القضيه بتنرفع للمحكمه.بعد كم شهر...وانت ماراح تتنازل عن شهادتك ضده!!واختك ماراح تتنازل موحلوه!!!الفضايح!!!
عادل:وش فضايحه ياخااالي ..نسيت اللي سواه!!
عبدالله:كان تحت تاثير مخدر...!!ماعليه ملامه بيجلس بالسجن وبيتعالج وكم سنه وبيطلع!!
عادل:وحق اختي وحقي!!
عبدالله:تحت تاثير مخدر يعني مومسؤل عن تصرفاته!!!وااذا بيعقل بيتغير بعدين!!!شهادتك بتفضحك انت وبتفضح اختك!!!
عادل:ماتبي تفضحني!!ولايهموني الناس اهم شي ارجع حق اختي!!وكذا كذا ابوي مسجون بتفرق..!!!معاه يعني..!

عبدالله:انا ماهمني ابوك بقلعته عله يموت انا همني سمعتي!!!!!وبسس
انت ولد اختي وانا كفيلك...ولاتنسى ااسمي وسمعتي بين الناس وش تبيهم يقولون !!اخت ولد اخته ابوها حاول يغتصبها ويتحرش فيها و حملت منه وبغت تنتحر .....وولد اخته يشهد ع ابوه عشانها!!!
عادل:خالي وش قاعد تقوووووووووووول من عقلك تتكلم!!هذي اختي تبيني اتخلى عنها وش هالظلم هذا ...!!
عبدالله بعصبيه:ايه من عقلي ...لاتنسى انك عايش بعزي...ومن خيري وببتتنازل انت واختك غصب عنكم ...مو برضاك...فضايح مانبي..
يقولون سجن لانه مدمن ويحكم ع انه مدمن ولالانه يتحرش ببنت وحملت منه!!ولولا ولده كان اغتصبها!!!
عادل :ماراح اتتنازل.......يعني ياخالي ماافكرت فيها ولا باللي سواه فينا مافكرت بضربه لنا مافكرت بنفسيتها بحقها بالظلم اللي صار عليها ولافكرت بكيف يرجع لها حقها!!...........!!!!
عبدالله بعصبيه:اللي مثلها المفروض تسكت وتدمدم فضيحتها...وتخبيها
والله انا كنت شاك انها تكون حملت من غيره بس لما شفت التقارير صدقت لكن انا لو ممكاااااااانك اقوم واتوطاء ببطنها!!اعنبوك هذا اللي نااقص توقف بالمحاكم عشان تقول ابوي يتحرش فيني!!
عادل بعصبييييييييييييه:مااااااااسمح لك تتكلم ع اختي!!عشان الشقه وكم ريال ترسلهم لي كل شهر خلالالالالالالالالالالالالالالاص شفت نفسك علي وانك ملكتني نوره اناا للي ابيها ماتتنازل وياويلها لو تنازلت ع الاقل ارجع لها حقققققققققها!!!وانت رجااء خالي ع عيني وع راسي اما تهين اختي وتهينيني لاااااااااااااااااا!!!ماسمح لك..!


عبدالله وهو يقوم: ماراح ارد عليك لانك باقي بزر لكن بتتنازل غصب عنك...والاسبوع الجاي راح اجي راح اراجعهم قبل يرفعون الملف للمحكمه...وباخذكم وبتتنازلون يلا سسسلام!!

سكت عادل كان القهر يحرق قلبه ..وش هالظلم ليه لانها بنت خلالاص صارت بالنسبه لهم عاااااااار وفضضيحه وين حقها مين اللي بيرجع لها ليش الناس تفكر بالطريقه ذي ليه الولد اذا انظلم يرجع له حقه والبنت اذا انظلمت تسكت عشان ماتنفضح
ليش يفكر خالي بهاالصوره ليششششش!!
ليش ييساوموني ع فقري وااليتم اللي انا فيه ...!!
ليه يهيني وهو عارف انو مالي احد مالي احدّ!!

ليش مستهين بحقها للي ضاااع..نفسيتها عذابها الحاله اللي مرت فيها كل هذا سهل..
لانها بنت...تسكت عشان ماتفضح غيرها!!!ليه يانوره الدنيا تسوي فينا كذا ليييييييييه ليييييييييييه حسبي الله ع من كان السبب..حسبي الله ع من كان السبب...وين بنروح........ويييييييييييين!!!!!!!



×××
الساعه 12 ونص

ندى:هلا دادي لاقيتك متصل فيني 7مرات وانا بالسكول!!
ابو مازن:ايه عبالي مادوامتي!!شخبارك حبيبتي!!
ندى:بخير يبه شفيه صوتك!!

ابو مازن:مافيني شي ايه بقولك!!
ندى:شنو...؟؟
ابو مازن:خليك عند لمى اليوم لان امك مسافره معاي...!!والبيت فاضي !!
ندى مستغربه:وين مسافره!!!
ابو مازن:الرياض يعني وين! بكره او بعده نجي!!يلا فمانه الله
ندى:اوووك دادي !! بايو


×××
محمد:وازينه يانااااااااااااااس اموووووووووواح واحلى بوسه ع خد لمور
لمار:ههههههههههههه لاتقول لمور قولي لملم..!
محمد:لملم
لمار:ايوه نوره تدلعني لملم!! مره حلو!!
محمد:هههههه طيب لملم لملم!!
منيره:هلايمه جيت من الجامعه !!!
محمد:اايه يايمه!!اووووووه وجهك ابد موعاجبني؟؟
منيره:لامافيني شي؟؟
محمد:اشتقتي لنوره صح!
منيره:مررررره يامحمد...لي يومين عنها كلما جيت اكلمها اتراجع!
محمد:ليشششش..؟؟؟
منيره:ماادري ابيها من نفسها تحس وتدق ع امها لكن شكل نوره خلاصص \مومتقبله وجودي..بحياتها!
محمد:لاتصيرين حساسه يمه اخوها تعباان تلاقينها مشغوله فيه ولاتنسين صارت بشقه يعني طبيعي بتنشغل....مومعقوله بتناسك او بتستغني عنك البنت تحتاج وجود امها بحياتها!!
منيره:الله يسمع منك ...رغم ادري انك جالس تطمني!!!
محمد:يييييييييمه شفيك صايره حساسه!!!لاتحكمين ع الناس بسررررررعه!!ريحي بالك يايمه!!
وواذا تبين اليوم اوديك لها...!!زوريها انتي امها انتي للي المفروض تتقربين لها وانتي عارفه انها تربت طول عمرها بدون ام...ع زوجه اب والظاهر انها كنت معذبتها!!!!
منيره:حسبي الله ونعم الوكيل .....لكن الله يعين ياولدي ايه بروح لها اليوم بس بكلمها قبل واارد لك...........!!!!

محمد:اوكيه ع خير يايمه!!!


×××
الساعه 3ونص العصر...!!

ندى:ييييييييييلاا لمى تاخرنا قووومي هو قايل اربع ونص !!!
لمى بعصبيه:يوووووووووووه روحي لحالك ماراح اقوم ترانا مواصلين حرام عليك راسي مصدع.!! روحي انتي!!

ندى:لمى ع الاقل نايمه لك ساعتين الضهر انا مانمت !!
لمى :ماراح اروح روحي بررررروحك والله تعباااااااانه!!!
ندى:ماااااااااااااااالت هين اوريك!!!

طلعت ندى بسررررعه ولبست عبايتها وراحت مع السائق ...!

كاانت مشاعرها بذي للحظه متشتتته متضاربه مثل الشخص اللي غرق بدوامه وماطلع منها...!!!

تاهت فيها الافكار من فكره لفكره لفكره ....وغرقت فيهم رغم احساس القلق اللي كان مسيطر عليها ....سرحت وراااحت بعييييييييييييييد بعييييييييييد بخيالاتها ومماحست الا نفسها قدام الموووووووول...!!
نزلت بسرررررعه كانت انفاسها سررريعه...ومشت بسرعه بااتجاه المطاعم كان المول توه فاتح والناس يادوب كم شخص باقي الناس ماوصلوا للحين....اتجههت صوب المطاعم عيونها تتتلفت يمين وشمال صارت تركز ع أي شخص وش لابس.....جلست ع اول طاوله قبال المطاعم...وبدات يدينها من شده القلق ترتجف.....موعاارفه وش بيصير بعد لحظات ماتدري وش راح يكون بالموقف اللي راح يجمعهم ...!!
وبعز ماهي جالسه تفكر ومتوتره..!!لمحت شاب لابس جنز وجاكيت اسود تاملت بملامحه صررررررخ قلبها:ترررررررررررركي هذا ترررررررررركي لكن وش غير شكله صاير احللى من قبل بكثيرررررر اااااااااااااه اخيرررا شفتك!!!
صار تركي يتلفت ولمح ندى اللي كانت جالسه ..وقفت ندى وسوت له اشاره..!! جاء لحد عندها تركي واللي باين عليه مرتبك...!!!وحالته حاله رغم وسامته الا ان خجله من انه واقف قدام بنت وارتباكه ويطالع بالارض كان هالشي ذا بحد ذاته زاده فوق وسامته جماال اخلاق ..

كانت تفصل بينهم مسافه متر تقريبا التوتر سيد الموقف......!
تركي بارتباك:هلااختي معليش وقفتنا هنا تثير الشبهه ..لكن ماراح اطول عليك اخذي ذي....
(مد لها تركي كيس صغير...!!
ندى:وش فيه الكيسّ
تركي:اخذيه ولاصرتي بالبيت بتعرفين !!
ندى:اوك
رفع تركي والتقت عينه بعين ندى ...اللي كانت عيونها تتامله...!
تركي: يلا انا راايح لدوامي باااااااااي
ندى/ الله يوفقك..بااي
مشى تركي وكانت ندى عيونها عليه تتامل لحد ماغاب عنها وطلع من المول كله....!كان قلبها يبكي فرح يبكي شوق يبكي مشااااعر كل شي فيها يصرخ له احبببببببببببببببببك احببببببببببببك وعيونها تناديه لاتغيب..لاترحل..كانت كل خطوه تبعد تركي قبل يغيب ويطلع من المول تحسها ندى يوقف عندها قلبها................!!!لحظات بسيطه شافت تركي اخذت الكيس وبعدها غااااااااااااااب....بهالسرعه ذي غاااب
وترك لها هالكيسسسسس

ماكاان فيها وقت تنتظر وتنتتظر ........كانت تبي تفتح الكيس



دق جوالها تفاجاءت بالمتصل,,


ندى بارتباك:هلا دادي..
ابو مازن:ندى حبيبتي تقدرين تجين لحالك للبيت!!
ندى كانت خايفه:ليشش!!
ابو مازن:فيه موضوع صار بخصوص امك وابي اقولك بس لاتقولين لاختك اي شي...!!؟؟
ندى :انت متى وصلت؟
ابو مازن:انا توي رحلتي المغرب بوصل بعد صلاه العشاء او نص العشاء بس ابي تجين لحالك يعني من الحين دبري اي عذر عشان ربى !!


ندى:ااوك دادي توصل بالسلامه


كان ابو مازن يمثل ع ندى انه مساافر رغم انه كان متواجد ولاسافر بس كان يبي يهيء ندى للصدمه اللي بيقولها لها



×××


في وسط الشاليه..كان ضحكاتهم تمليى االمكان...
لكنه كان بعيد يتاااااااالم ويبكي من الالم ...

الفصل االسابع والعشرين.

المِؤتُ.. مُآ هؤ لآ آنتهُىآ عمُرٍ آنسَآنْ ..
المَؤتٍ | .. لآ صرٌتَ لـ’ غيرٌيْ ؤ آنآ آشؤفٍ ..
تضِحگْ لهُ الدنيَآ ، ؤ آنآ گليٌ " آحزآنُ " ..
يآخذِگُ منيٌ ؤ السٌببَ . . / قسَؤة ظُرؤفْ
×××
كان يتالم ويحس الالم ينهش جسمه..ودموعه ع خده من قوه الالم .البحر اصوات الامواج الجوء اللي كان رغم الشتاء كان دافي ..بحد ذاته الجو خيالي لكن الالم اللي ينبض بكل عروقه ماخلاه يشوف شي. او حتى يعيش هالجو الخيالي..
.ضم رجوله وصاار يتالم اشد من اول...شوي الا يسمع صوت :فارس فارس ..............
لكن فارس ماعبر للصوت ضل ع حاله من قوه الالم مو حاس بشيء
جلس جنبه مازن..مسك كتفه وهو يقول:فارس والله انا كل اللي بصرافتي خلص مامعاي شي وابوي اليوم الصبح مهاوشني بالجوال وضروري ارجع ليوم كيف ادق ع ابوي واطلب فلوس صعبه والله.....
فارس بعصبيه:دمااااااااااااار وينه وييييييييييييينه؟....؟؟
مازن:يقول سلمان عنده شغل بمكه...يخلصه ويجي باليل عشان نرجع سواء..!!
فارس:مازن موقادر اتحمل الالم..وسلمان يقولي اعطيك لكن بفلووووس انا مامعي شي من وين اجيب له..!
كان عندي قبل شوي ترجيته مابقى الا ابوس يده يعطيني قالي لاااا جيب فلوس اعطيك !!!

مازن وهو يضحك واللي بدا تاثير المخدر عليه:ههههههههههههههه تبي تروق هااه ..صبرر..!!
(فتح جيبه وطلع كيس ملفوف فيه بودره بيضاء...) ومدها لفارس..!
فارس وهو يتالم :وش هذا...؟؟؟
مازن وهو يضحك:بتروح الصداع عنك وبتنسيك دمار والي خلفوه...!!!جربها وبتشوف..!
فارس:يعني تغني عن الحبوب والله احس بموت من الالم ..
مازن:جربها والله بتريحيك ع الاخر..!!وخذها بدون فلوس ...!!اذا اعجبتك حلو واذا لا خلك ع الحبوب..!
فارس واللي جسمه بدا يرتجف من الالم:عطني عطني اياها مالي غيرها والله...!!لكن كيف استخدمها!!
مازن وهو يضحك:هههههههههههههههههههههههههههههههههه حطها ع يدك البودره وشمها بقووووووووووه!!وعيش جوك هههههههههههههههه

كان فارس متردد لكن الالم صاار زي السكاكين تطعنه بكل جسمه تفترتس اعصابه صار جسمه زي لكهرباء يلسعه يبي المخدررر اللي ادمنه ماكان قدامه يقاوم هالالم الا يجرب اللي بيعطيه اياه مازن رغم ان مازن كان تحت تاثير مخدر.............!!!لكن ثنيانتهم مدمنين ولا هم عارفين وش بيصير حالهم بعدين..!


××××

وسط السياره بدات ابتسامتها ع وجهها رغم انها كانت قلقانه من اتصال ابوها....وكون انه قال امها فهالشيء يخليها تخاف خصوصا انها عارفه انها تكلم ...لكن كل هذا مامانعها تبتسم وهي تطلع الكيس وتحاول تفتحه...!
كان كيس ابيض صغيررر مره...فتحته لاقت صندوق مخمل لونه ابيض فتحته لاقت االمبلغ اللي اهي عطته اياه مصفط بشكل مكعب ومربوط بشريطه حمراء بطريقه رومنسيه وورقه بنفس الصندوق ممكتوب فيها...(اشكرك من كل قلبي ومعروفك هذا مستحيل انساه... اخوك :تركي) كانت ريحه عطره ماليه الكيس ..عرفت اخلاق تركي انه اكبر واسمى من انه يحاول يتعرف عليها دلها ع هالشيء انه ماحط رقمه ولااي شي يدل عليه عرفت ان تركي عاملها كاخت له..عرفت ان تركي موب راعي بنات...هالشيء ذا خلاها تتعلق فيه اكثر واكثر ويكبر بعينها اكبر واكبر...كانت تتوقع انو جايب هديه صغيره او انه بيحاول يشوفها ويعطيها المبلغ... لكنها انصدمت لما شافت المبلغ..ورومنسيته وذوقه بطريقته لمما حب يرد المبلغ...كون انه رجع المبلغ هالشيء خلاها تتاكد من عزه نفسه...ماكان قدامها طريقه الا انها تضم الصندووووق ووبقايا عطر تركي فيها......!!!!تذكرت كلامه يوم يقول بحذفك ..ماحبت ترمي نفسها ع تركي لكن دام ايميله معاها هالشيء خلها تتاكد تركي ماراح يروح من حياتها...!


×××
االساعه 6ونص المغرب...........!
نوره:يعني موقايل لي وش يبي خالك......!
عادل:مايبي شي مجرد يتكلم عن دراستي وله شغل بيخلصه!!
نوره:بس احساسي يقول غير كذا!
عادل:احساسك كاذب.......المهم صحيح امك بتجي..؟؟
نوره:أي دقت علي وتقول بتجي بعد العشاء وقالت لي لاتسوين عشاء بجيب عشاء معاي..!!
عادل:حلو ..اجل انا بروح بعد العشاء بتقضى اغراض للبيت اضن شفتي الثلاجه فاضيه...!!!
نوره:أي لاتكثر اغراض بس انا وانت..!
عادل وهو يبتسم:تدرين نوره تمنيت اني مريض من زمان..!
نوره وهي مستغربه:بسم الله عليك ليششششش؟؟
عادل:عشان. تجلسين جلستك هالللي جات مفاجاءه..والا مالاحضتي.؟؟؟
نوره:هههههههههههههههههههه الا اساسا كنت بجي اخر الاسبوع بس تعبك هذا..هو اللي خلاني استعجل..!!

عادل:اايوووووه هذي هي....اهم شي استعجلتي قسم ماتصدقين قبل شكثر كانت موحشه هالشقه..!!
لاوبعد الحي هادي..لدرجه احيانا بس اشغل التلفزيون بس..اببي احس فيه صوت بالبيت...!!!

نوره:يابعد عمري عمرك والله...!!!خلاص نوره بتقعد عنك وبتزعجك بعد..!!!
عادل:ههههههه يابعدي الا تعالي ماتحسين الجو بارد ....وش رايك نروح لبيتنا وناخذ الدفايات القديمه اللي بالبيت...!
نوره بخوف:لالالالالالالالالالالالالالالالالالالالالالال ا تكفى لاتروح!!
عادل:شفيييييييييك!!نوره!!
نوره بخوف :تكفى لاتروح انسى البيت هذاك خلااص!!
عادل:نوره شصاير لك ترى بيتنا لاتنسين ...وش خايفه منه !!!
نوره:مدري لاتروح الله يخليك خايفه عليك البيت لنا فتره مادخلناه مدري خايفه وبس تكفى رجيتك مانبي دفايات ولانبي شي تكفى الدفايه هذي تكفي ..تكفى لاترررروح!!
كان عادل مستغرب من خوف نوره ورعبها والدموع اللي بانت بعيونها ..كان مستغربه لهدرجه نوره موراضيه تنسى اللي صار او ع لاقل يخف خوفها وتحس بالامان مجرد طاري ابوها يبث الرعب فيها..
عادل:خلاص مورايح تطمني.....!

×××
قامت مفزوعه وهي تطالع الساعه :ياربيييه الساعه 8العشاء ياويل قلبي اكيد ابوي داق علي
(طالعت جوالها 11مكالمه...انهبلت ..ماتوقعت انها تنام..رجعت من المول وانسدحت ع سرير لمى وهي تطالع هديتها وتقراء الورقه وغفت ع خيالات كانت تفكر فيها....كان التعب مهلكها خصوصا انها كانت مواصله...
بسرعه مسكت جوالها...ودقت ع ابوها..!!
ندى:الو
ابو مازن بعصبيه:انتي وينك؟؟؟
ندى: والله اسفه بس كنت نايمه مانتبهت للوقت!
ابو مازن:انتي بخير طيب...؟؟؟؟
ندى:أي بخيرررر!!!
ابو مازن:الحمدلله خفت عليك..المهم يلا انزلي تحت 5دقايق وانا بجيك..!!
ندى:وربى..؟؟
ابو مازن:لاتخبرينها بشي ولاتخبرين حتى لمى بسررررعه جهزي حالك!!
ندى:اوك دادي

×××
ميهاف بعصبيه:شفيك موب على بعضك..!!
احلام:مدري صاايره بس خوافه...!!مدري وش فيني!!!
ميهاف:ياليل اليل لاتكبرين الموضوع تراه سهل موضوعك!!
احلام:ايه مايحس بالنار الا واطيها!!!حتى اليوم مارحت للجامعه......!!!احس بكل مكان يراقبني!!

ميهاف:انتي لساتك بالصدمه لكن يومين ثلاث تهدين وماعليك اهم شي لاتططلعين للحوش او السطح وانتي كاشفه؟؟؟
احلام بخوووووف:لاااااااااااا شايفتني مهبوله...يحرم علي اروح للسطح!!
ميهاف:وامي لو قالت لك..!
احلام:تروحين بدالي ..!!
ميهاف:لاولله تنكتين والا تنكتين!!!!منااك بسسسسسس !!
احلام:اجل امي تروح وهي غافله عن كل شي وفوق ذالك رجولها تعورها من الدرج..!!
ميهاف:شوفي مساله نشر الغسيل بالسطح وتوديه الخبز ذي نقدر نحلها لو نتغطى ونروح فوق لكن المشكله اذا صار ابوي وفيصل طالعين بررررررررررى البيت..هنا الخوووووووف!!!!والمصيبه!!!نكون حنا لحالنا..

احلام:تكفيييييييييين اسكتي لاتخوفيني اكثر..!!
ميهاف:طيب وش بتسوين معاه!!تتوقعين انه صادق باللي يقوله!!
احلام:والله ياميهاف مدري ساعات اقول كذاب ولعاب..بس وقت ماتخيل االمغامره اللي سواها اقول صادق ومرات اقول ممكن سواء هالطريقه عشان يقنعني..ومرات اقول...مدري مدري صراحه..حتى التفكير موقادره افكر..!
ميهاف:صراحه الموضوع معقد حبتين بس هو قالك اذا لاقى وظيفه بيتقدم لك نشوف الزمن وش مخبي ..لكن ليش ماتحرقين الورقه وترمينها عشان يشوفها..ويبطل حركاتهّّ!!
احلام:لالالالالالالالالالالالالا يمه اخاف ينتقم ...لاخليهم بعدين لو بعدين قال لابوي ولا لاخوي شي وتبلى علي معاي دليل يثبت براءتي..هالشخص انا مااضمنه مااضمنه..!!!

×××
ركبت ندى مع ابوها اللي كانت ملامحه متغيره تمااااما...ماتكلم ولاقال شي حرك السياره وهو ساااكت كان الشحوب والهم والالم باين بوجهه!!كانت ملامحه تحكي وتحكي وتحكي الحزن اللي باين بوجهه...!!
ندى :الحمدلله ع السلامه !
ابو مازن:منو قال اني سافرت...!!!
ندى:شنووووووو!!!
ابو مازن :أي ماسافرت شفيك مستغربه!؟
ندى:وش صاير تكفى فهمني...!!!
ابو مازن.:بس نوصل البيت بتفهمين كل شي...!!!
كانت ندى مرتبكه خاايفه..براسها الف سوال وسوال ...وش صاير !!!كيف ماسافر وهو يقول بيوصل اليوم..!!امي شفيها يقول مسافره معاه ثم الحين يقول ماسافرت ..وش صاير معقوله يكون ابوي كشفها وهي تكلم ..!!لا مستحيل مستحيل!!!
سرحت ندى بتوقعاتها وهواجيسها اللي خلتها تعيش بدوامه موقادره تطلع منها...!!!

وقف ابو مازن كان لهدوء بكل الفيلا...كانت مظلمه ...صاار قلب ندى يدق اكثر واكثر واكثر..من قبل
نزلت ووقفت جنب ابوها وهي ترتجف..!!
ندى بخوووف:دادي ووووششششش صصصااييررررر ؟؟؟ليش لفيلا ظلام..

ابومازن:ادخلي وبفهمك كل شي...!!!
ندىبخووف:دادي انا خااايييييفه اااحسسسسس ررررجوووولي موووقادررررره تتتتشششيلللليني...
وييييييييييين ااممممممممييي...ووووووين مممممااازززززن...!
طالع ابو مازن ندى اللي بدات ترتجف..من لخووف ...خنقته العبره وهو يشوف الخوف باين بعيونها...مسك يدها وهو يقولها:حبيبتي لاتخافين دامي معاك ...امك واخوك بخيررر بس الجو بارد برى ادخلي بحكي لك كل شي بهدوء...!!

دخلت ندى واول مالمحت اللي قدمها صرررررررخت باعلى صوتها:منومااااااااااات!!!
منوووووووووو!
ابو مازن بعصبيه :محد مات
صارت تطلع بقع الدم اللي ع الدرج وبقعه الدم الكبيرررره اللي بالصاله ...
ركضت وووقفت قباله وهي ترتجف ودموعها ع خدها:دادي رجيتك قووولي الدم هذا دم مين!!!
دم ميييييييييييين !!!قووووووووووووووووولي دممم ميييييييييييييييييييييين؟؟؟؟؟؟؟؟؟؟؟؟؟؟

ابو مازن بعصبيه:دم امك وحبيبها!!!!!
ندى مصصصصصدومه:امي وحبيبها!!!!!هاااه عيد دم مين..!!
ابو مازن:ايه بنت الــ ..هذا دمهم...حسبي الله عليهم..!!
معقوووووووووووله...؟؟ذبحتهم؟؟؟

ابو مازن بعصبيه:لاااااااااااااااااااا كان ودي اذبحهم بس مقدررررت ّّ!!!!

ندى والدموع ع خدها : ليه ذبحتهم ليه ليه تحرمنا منننننك ..لييييييييييييييييييه لييييييييه!!ليه من لنا غيرك
ليه تسوي كذا لييييييه وين نرروح من بعدك وييييييين!!
ابو مازن:والله ماذبحتهم صوبتهم مع رجولهم بس...وهم بالمستشفى..!كان ودي اذبحهم..بس الله ربط ع قلبي..!!
بكت ندى بقووووووه وماحست الا بيدين ابوها تضضضضضمها لصدره...كانت محتاجه هالحضضضضن من زمااااااان بكت وبكت وبكت حست روحها بتطلع من كثر بكاها...ماكنت هي الوحيده اللي تبكي...كان دموع ابو مازن ع خده وهو يشوف بنته وهي مكسوره ومصدومه وباشد حالات ضعفها تبكي بحضنه...بكى لانه يحس الحمل زاد...حس بالذنب
تجارته واعماله خلت عياله يكبرون بدون يدري او يحس فيهم......!!كانت تربيهم ام خاينه حقيرررررره حس بالقهر انو غافل عنهم !!!!!!!!!!!ضمه لصدره بقوووووه وقلبه يتقطع وهو يشوفها تبكي بحضنه...!


×××

نوره:نورتي والله !!!
منيره:بعد روحي انتي نورك ياحياتي!!شخبارك يمه!
نوره:بخير يالغاليه!!
منيره:خلاص استقريتي هنا!!
نوره بنبره حزن:موبييدي يمه..عادل وحيد..وانا اخته!!!
منيره:وانتي بنتي الكبيره واللي طول عمري انتظرها!!!
نوره:ادري يايمه..لكن لو جيت عندك عادل منو بيخدمه!منو بيغسل ملابسه منو بيههتم له...!!!
منيره:............................................
نوره:يمه شفيك؟؟؟
منيره:لايايمه مافيني شي....وش صار ع دراستك؟؟؟
نوره وهي تتنهد :ماراح ادرس السنه ذي راح ادرس السنه الجايه..!راح علي الترم كله..

منيره:نوره بسالك بس خايفه يضايقك سوالي..؟؟
نوره وهي مستغربه:اسالي.......؟؟؟
منيره:كيف تاكلون وتشربون وتدبرون مصروفكم الشهري..!
نوره بحزن: من مصروف عادل اللي يرسله له خاله كل شهر !!
منيره:ويكفيكم يايمه!
نوره:مغطي احتياجتنا الاساسيه الحمدلله ع كل حال..!!
منيره:اذا تبين شي محتاجه شي قولي لي !!
نوره:ماتقصرين...يايمه!!!
حست نوره بالالم من كلام امها كانت تنقهر لما احد يطالعهم انهم مساكين وضعفاء وووحيدين كان هاالشيء يجرح قلبها يفتح كل جروحها...سكتت وحاول تغير السالفه وتلعب مع لمار..

×××
محمد:هههههههههههههههههه قسم انكم فللللله نشوف بالاختبارت تطلع ريحتكم...
بدر:ههههههههه قصدك اللي يختبرون بس لاتنسى فيه موظفين وفيه متخرجين بالاستراحه..عايشين اوم الفله ....

محمد:مع نفسك بس مستانس انك موظف يعني ...
بدر:اقول مين يلعب بلوووووت..!