كيفكم آل ليلاس ولا رد يتلج الصدر


البارت الرابع

وصلهم نواف للشيراتون ووصلو الجناح وادخلو

سلطان :يااااه وأخيرا يا حبيبتي

هنا نورة وجهها الوان من الحيا

دخلت للغرفة وسلطان يراقبها بحب واخذت لها دش ولبست لها قميص فخم مرة

من بعد ماخلصت نادها سلطان :نواري حبيبتي

نورة واكتسحها الخجل:نعم

سلطان:العشا

جات بخجل ولما شافها انهبل وخق عليها ونعومتها (خلاص عاد هيه سلطان كلتها)

سلطان قال لها:وش هالحيا انا الحين زوجك تعالي حبيبتي جنبي (الله عليك (وش الحيا) ماأدري وش تبون لوما استحت قلتو قليلة ادب عليكم طلعات)

المهم تعشوا ولما خلصوا قامت تغسل وطلعت الا سلطان وراها وهمس باذنها احبك هنا نورة خلاص ماتت حيا

(عيب عليكم مشفر ههههههههههههههههههه)


نرجع لسارة ونواف

تطبق اللي قالت لها اياه جمانة

شافها بالغرفة عند نورة بالقاعة وخق عليها
وضاق صدرة لانها طلبت تقعد عند اهلها اسبوع بحجة ان ماتبي البيت يفضى عليهم بعد جمانة(والله لقيتي لك عذر سارة)

وراح تبدأ بالتغيير وانعاش الحب (قدها يا سواري )



اليوم الثاني:

جمانة: قمت الصبح بدري ولبست لي جلابيه ولبست العدسات الغامقة والمصيبة عيوني صارت أحلى(ماشااااااااء اللة بدونها حلوة )
وتنقبت زي ماتفقنا ولبست لي شيلة طويلة و نزلت تحت

شفت البيت نظيف اشوى رحت المطبخ وزينت القهوة والشاهي
وفطور بان كيك وعصير اسهل واسرع تعرفون جمعة واكيد بيصحى بدري
فعلا ما أمداني أخلص والف الا ماجد عند باب المطبخ ياني تخرعت وأكيد بان علي

لابس بجامة ومتركي على الباب ومتكتف ويناظرني انا استحيت وقال ماجد لي : وش مقومك

يوووووووووه نزلت عيوني وقلت: اجهز الفطور

قال لي ماجد :ليش تعبين نفسك ابجيب من برى(بتحرم الاكل من برى لما تذوق طبخها ) وانشاء الله اجيب لك طباخة وشغالة

نزلت عيوني ويالله قلت: لا مابي طباخة ولا شغالة مايحتاج (كفو جوجو قدها )

نا ظرني وابتسم ياااه على شكله جنان لاتقولون وش لون انا مادري وشلون شفته (صدقتي يا نواري خقت هههههههه )

قال لي وش مسوية:

جاوبته وقلت :بان كيك


ثم سألتة: معه كابتشينو والا عصير فرش؟


قال :وش تفضلين؟

قلت وانا ماعاد اتحمل الحيا ذبحني قلت: افضل عصير

سألته :وين تبي تفطر؟

عدل وقفته والابتسامة مافارقته وقال: كيف يعني وين ؟

انا خلاص بغا يغمى علي :بالطاولة اللي برى والا بالطاولة هنا؟


ماجد:على طاولة اللي بالصالة

ابيه يروح ابجهزه احس نفسي انكتم من الحيا قلت له :ثواني ويكون جاهز
وراح اشوى اوووووووووه بس وجهزت له الفطور رحت ابلغه لقيته عند التلفزيون ما عرفت وشلون اناديه كل ماجيت بنادي عليه مايطلع صوتي يااااالله قدرت اقول ما ماااجد ومتى طلعت الفطور جاهز


ورحت للمطبخ أنظفه واجهز القهوة والشاي بالصواني واروح اصحي حور

نروح لماجد

ماجد: طلعت من الغرفة الا ريحة القهوة واصلة فوق نزلت ورحت للمطبخ وشفتها تجهز الفطور ويوم التفتت وشافتني شكلها ارتاعت بسم الله عليها تركيت على الباب وسالتها وتعمدت اطول معها يوم شفت خجلها حتى عيونها مارفعتها لي الا مرة انسحرت من عيونها ياويل قلبي تذبح حسيت بشعور بقلبي ماادري وش هو بس يمكن اوصفه رعشة خفيفة (هههههههه والله وطحت ) حتى نسيت اقول لها افطري معي
بس كيف عرفت باني احب البان كيك مع العصير الا أعشقه
واو من زمان عنه جيت ولما شفت ترتيب الطاولة تفتح نفس الواحد

واو على الطعم

التفت الا اشوف حور عند الدرج لابسة بجامة وردي عليها رسمات دباديب وشعرها منسدل واو على شكلها يجنن

قلت: اهلين حور

قالت: ثباح الحير أمو مدود

ما كتمت ضحكتي: ياحليلها تدلعني مدود صباح النور ياقلب عمو انت

حور :وين ماما عمو ؟

بالمطبخ حبيبتي

شوفها راحت تمشي واو عليها دبدوبة ماشاء الله ياناس احبها

خلصت فطور وما أدري وش جاني دفعني الفضول اطل عليهم بالمطبخ

بس عسى ماترتاع مني هههههههه ياحليلها رحت وشفتها تفطر مع بنتها وتسولف وتضحك معها كانت معطيه الباب ظهرها

ههههههه من قلت حور وهي متخرعة ههههههه وغطت وجهها بسرعة

التفتت حور علي وقالت: نعم امو

ياحليلها المؤدبة قلت لها :بعد الصلاة نطلع البحر

هنا حور شهقت وقالت: والللله يا ثلام البحل

قلت لها :ايه ياروح عمو تجهزي



طلعت فوق خلاص مابقى على الصلاة شي


في بيت ابو سلطان ام سلطان جالسة ومجهزة القهوةوالفطور

وتهوجس بجمانة طاقتها هواجيس جاء ابو سلطان وجلس ماحست فيه

نادهاابو سلطان: ام سلطان

ام سلطان ماهي معه تفكر

مرة ثانية :هو ام سلطااااان

التفتت وقالت :نعم

قال ابو سلطان: اللي ماخذ عقلك

ضحكت وقالت: بنتي جمانة خايفة عليها

قلت :لا تخافين عليها

ثم قالت :كلمتني امي بنفس ذاك الموضوع عن عبدالله وريم

وتقول ماعاد لها عذر

وتقول شوريهم وردي علي

ابو سلطان: الولد ماينعاف رجال حتى لو طلق ويكفي عارفينه

ام سلطان:ادري وماهي لاقيه زية لا وقالت لي سبب طلاقه

ان اللي خذها عايفتها ولا تبيها وخيرته بينها وبين امي واختار امي تدري ماقالها الا بعد ماحلفت عليه

ابو سلطان: لا حول ولا قوة الا بالله انا اشهد انه رجال الام ماعنها والزوجة بدالها واجد

ام سلطان :صدقت يالغالي يعني اشاورها

ابو سلطان :ايه يالغالية

ام سلطان وهي تصب قهوة وتمدها لابو سلطان:اخاف ترفض

ابوسلطان: لا ريم عاقلة واذا عرفت السبب ماراح ترفضه






نرجع لجمانة بعد ما طلع من عندي شفت الساعة وجهزت له البخور انا احب ابخر ابوي وسلطان قبل مايروحون الجمعة حتى سعود

ماجد طلع فوق وتروش ولبس ثوب وشماغ ونزل

ياااااااااه لقيتها واقفة بالعود تستناني

وقالت: تطيب آسفة ماأعرف وين غرفتك بالضبط عشان اجيبه لك

ماجد:اول وحده يمين وتبخرت

وقبل ما اطلع نادتني سعووووووووود:أنا التفت عليها

وطاحت عيني على عيونها بس نزلتها بسرعة و آآآآآآه من عيونها
عيناها عينا المها ولرموشـــهــــا السود سحر
ٌ يا ربي ما أدري مالخبر
هي تلك العيون بحـــــر مـــــــــــن الجمال مــــا أجمل المنــــظــر
لا أستطيع إطالة النظر فالعقل يســبــح فـــي الفــضـــاء بـمـجـرد النظر
أقف أمامها وكــــأنــي لست أمامها فجمالها يخطف العقل بلمح البصر


الا قالت:آآآآآآسفة ماكان قصدي نسيت

قلت بغيتي شي:
قالت: فيها شي لو رتبت اغراضك اللي بالغرفة

قلت لها: لا

ماجد(لما شفتها واقفة بالعود تستناني ما ادري وش جاني ما ادري


بس اللي فاجأني انها نادتني بسعود عشان تستأذني تنظف الغرفة
يااه لهالدرجة متعلقة به قالي سلطان بس ماصدقت( سعود مع انه مات بس عايش بقلبها الله) الله يرحمك يوووووه وش له اشغل بالي وينك بس ياعنودتي
سأبقى بالأمل أنتظرك لنستعيد أجمل ذكريات طفولتنا على دفتر الزمااان نقشناها
(توك ماجد توك )


نرجع جمانة:(يااااه ياسعود
ذكرياتك قابعة ً في كياني
برغم الايام لم أفقد قطرة ً من حناني
أحس بحبك يعتريني ويتدفق بشراييني
لم يزل حبك النابض بي يحييني
يقولووون بالبعاد يخف الشووووق
تجف ينابيع الحب وشرايين القلب
تنتهي الآلآم الأحلااام وحتى معاناة الحب
لا ليس صحيح فما زلت أحبك
كذب من قال الحب ينساه البعيد
فما زااااااااال حبك في تجدد

لما جاء بيطلع تذكرت استاذنه انظف غرفته اخاف يتضايق لما انظفها بس ناديته سعود من غير قصد والله بس هو ذكرني به والله

اصحي ياجمانة هذا مو سعود مااجد آآآآآآآآآآآآه بس ياسعود ونزلت دموعها ممزوجة بالحنين والشوق لحبيب فارقهاومن ألم واقع انفرض عليها وتحتم عليها ان تعايشه


صحت من أفكارها على بنتها وهي تمسح دموعها بيدينها الصغيرة وتقول لها : ماما ليه تثيحين؟

قالت لها جمانة:مافيه شي بس اشتقت لامي

حبت حور ومسحت على شعرها وقامت

نظفت غرفته على السريع وكوت ملابسه ورتيتها بالدولاب وبخرت البيت وسوت الغداء


ولبست حور لانها بتطلع البحر ثم راحت تاخذ شور وصلت وجلست تقرأ سورة الكهف

ماجد تعمدت اتأخر بعد الصلاة (دخلت البيت وريحته جنان بخور روعة طليت بالمطبخ مالقيتها ماأدري وش جاني ادورها رحت للصالة لقيت القهوة والشاهي وحور عند التلفزيون دريت انها فوق طلعت ببدل عشان اخذ فنجال قهوة واطلع حور للبحر طلعت ودخلت غرفتي لقيتها مرتبه فتحت الدولاب ولقيته مرتب حتى الثياب والاشمغة مكوية ويوم جيت بلبس البدلة واو ريحتها جنان مبخره ومعطرة ماشاء الله عليك ياجمانة طلعت من الغرفة لقيتها توها تطلع من غرفتها

قلت :مشكورة تعبتي نفسك

قالت وهي منزلة عيونها: لا تعب ولا شي هذا واجبي

قلت لها: تجهزي بنطلع البحر

قالت : مرة ثانية

قلت: براحتك ماحبيت اضغط عليها

قالت: ماتتغدون قبل؟

قلت :لما ارجع


لوهي عنود كان غصبتها


نزلت واخذت فنجال قهوة واو حتى قهوتها غير (وش بلا ك مجووود؟)

طلعت انا وحور


وقالت: متى نوثل امو

يا حلو عمو في فمها

شوفيه حبيبتي
حور :ياثلاااام حلوالبحل حلو

طيب حور حبيبتي ماما تحب البحر: ايه امو مله تحبه

ماجد بنفسه:غريبةماطلعت (والله وبدت تشغل تفكيرك)

جلست معها على البحر وشريت لها العاب البحر وانبسطت كثير

صلينا العصر ورجعنا البيت وطلبت تحط الغدا حطته لي واو ماشاء الله جنان طعمه
( انتبه ماجد ترى الطريق الى قلب الرجل معدته والله بتطيح ماجد)

بعد الغدا جلست بغرفتي على النت ثم طلعت ولا رجعت الا متأخر 11)


اما انا بعد ما طلع مر الوقت تعشيت انا وحور نظفت وخلصت وطلعت انام طبعا مرهقه ولازم اقوم الفجر واجهز له فطور

دخلت البيت لقيت ريحته ماشاء الله ودخلت مافيه احد هدوء طلعت لغرفتي وبدلت ونمت


نررررررروح للعشاق سلطان ونورة بعد ماوصلو سكنو بشقة

على اساس الصباح يروح للدورة اصلا مدتها 3ساعات باليوم وباقي اليوم تمشية (ههه ياحليك يا سلطان بس )



اما نواف الشوق دب فيه لسارة وهي بعد يالله ماباقي لك الا5 ايام

(لا تضعفين سارونة)


نرجع لجمانة: دق المنبه الفجر طلعت وتوضيت وصليت يارب اقومه والا هو بيقوم لا باقومه

رحت وضربت الباب بهدووء
شوي


الا سمعت ماجد :نعم

جمانة:قوم صلاة الفجر

ماجد: ان شاء الله

صليت جلست اقرا قرآن الين اشرقت الشمس وصليت الشروق ونزلت تحت اعمله الفطور اكيد اول يوم دوام لازم بيبكر

سويت بيض اوملت وعصير وجهزت على الطاولة الا بنزلته

قال ماجد:ليه متعبة نفسك افطر بالدوام

قلت:هذا واجبي

جلس يفطر وانا رحت المطبخ باجهز له كوفي يشربه على الطريق تعودت كذا مع سعود وسلطان وفعلا ماامداني
اخلص الا هو بيطلع لحقته وناديته سعووود سعود التفت لي

وقال ماجد:نعم

قلت الكوفي:
اخذه وابتسم وقال :شكرا

قلت: انا اسفة مو عن قصد

قال لي : لا تتاسفين وهو يبتسم أدري وش كثر تعشقين سعود وهو عايش بقلبك وماتقدرين تنسينه

وطلع وانا ماني مصدقة كلماته ترن بقلبي ( لا تتاسفين أدري وش كثر تعشقين سعود وهو عايش بقلبك وماتقدرين تنسينه) يحس فيني

بكيت وبكيت وانا اقول يارب عدي هالشهرين على خير يارب


ماجد صحتني للفجر وصحيت ثم صليت ونمت قمت باروح الدوام نزلت لقيتها مجهزة لي الفطور لا وبالأكل اللي أحبه و وتو باطلع الا لحقتني بالكوفي بس كانت تناديني سعود مرتين ياااه لها الدرجة تعشقه اخذت الكوفي منها وطاحت عيني على عيونها ومن قريب
ارتعش قلبي ورديت عليها وطلعت

مرت 4الايام وهذي حالهم وجمانة تفطره الصبح قبل يطلع للدوام و يرجع يتغدا ثم ينام ويرجع للدوام ومايجي الا بالليل متأخر
(هههههههه ترى
يبي يهرب ولا يحتك بها كثير )


اليوم الاربعاء نفس الروتين بس نسيت لي ملف مهم وجيت بعد المغرب وانا داخل لقيت حور تلعب بالحديقة بألعاب الاطفال وجمانة:فارشه على الثيل وجالسة با لقهوة والشاي والحلا(تشيز كيك)وفطائر ومكسرات

شافتني حور:امو تأآل

رحت الا جاتني تركض وضمتني وقالت: اثتقت لك

التفت ابي اشوفها ما ادري وش جاني عليها الا هي تطالعنا

وقالت بحيا:تفضل القهوة

قلت:مستعجل

قالت: طيب فنجال

جيت وصبت لي وقطعت لي قطعة من التشيز ومدتها لي ذقتها نفس اللي اكلتها عند عمي يوم العشا ومن غير شعور


قلت لها:انت اللي مسويتها؟

قالت: ايه

قلت :ماشاء الله لذيذة

قال :تدرين اني اموت عليه بس هذا طعمه غير لذيذ

قالت :فيها العافية

ثم سألتني :كلمت سلطان؟

قلت: لا مايرد ولما جيت بارسل بالواتس اب كاتب تحت اسمه اذا مجود لاترسل ماني فاضي عندك ام حور



قالت:حتى نورة كاتبه لي كذا

سألني: مشتاقة لها

قلت :مثل شوقك لسلطان (وبنفسي وش كثر محتاجة لها)

قال ماجد: اكيد محتاجة لها بالحيل

قلت :فوق ماتتصور نورة ماهي بنت عمي وبس هذي اختي بدونها احس اني ضايعة

قال: اذا انت كذا وش اقول انا محتاج لسلطان بالحيل واحس اني ضايع بدونه


ماجد الا ياام حور :كلمتي الاهل ترى الاهل يسلمو عليك

قلت: الله يسلمهم تو مسكرة امي مني وتسلم عليك

قال ماجد:الله يسلمها ثم قام وتوه بيمشي الا التفت علي

وقال : ام حور:

قلت: نعم

قال لي : ممكن نكون اصدقاء ادري متفاجئة بس حالتنا وحدة يا ام حور بعد سلطان عني وبعد نورة عنك وحاجتنا لهم ابيك تفكرين وردي علي


قلت:ماجد ماتحتاج تفكير




قام وقال :انا طالع عندي شغل

قلت : في حفظ الله


طلع من عندي ماجد بعد ماطلب مني نكون اصدقاء وافقت على طول حسيت محتاجة بقوة للصديق بعد سفر نورة

ماجد:
اما انا فعلا حسيت بحاجتي لسلطان بس وين لا ومن بعد الواتس اب غسلت يدي محتاج لصديق فطلبت منها نكون اصدقاء

رجعت بالليل متاخر اليوم 12 ودخلت والكل نايم

(نوااااااااف وسارة)

طبعا سارة حجزت لهم جناح بفندق وارسلت لنواف اللي طار من الفرح

البعدوالشوق ذبحه

اماهي فسوت نفسها عروس صبغت الشعر زي ماقالت لها جمانة ولبست فستان وتمكيجت وطلعت وااااو

ريم تكفلت بعيالها الليلة جلست تفكر بموضوع زواجها من عبدالله


طبعا وصل نواف وطلعت له

من غير مقدمات قال:وحشتيني حرام عليك وش سويتي فيني؟

سارة:اللي من سمعت كلامه وهي الفرحة مو سايعتها وانا اكثر

وصلوا الفندق ودخلو الجناح ولما فصخت عباتها وشافها انجن عليها

وااااو سارونة وش هالزين : احبك

هنا :ذابت سارة :وقالت اعشقك

(عيب ههههههههه مشفر)



نرجع لجمانة وماجد:

اليوم الخميس ما صحيت الا الظهر نزلت مستعجل للصلاةرجعت لقيتها بالصالة مع حور مجهزة القهوة
سلمت وردت السلام

شافتني حور:وجات تركض وحضنتني وباستني وقالت :وينك امو ليث نايم طويل اليوم ؟ ابتسمت لها وبستها

التفتت علي :وقالت احط الغداء

قلت :ايه واااااو اللي احبه واشتهيه القاها مسويته



بعد المغرب لقيتها بالحديقة كالعادة

جلست معها وبديت اسولف معها
عن نفسي ودراستي وعنا انا وسلطان ومقالبنا ولعبنا مع العنود ووش كانت تقول خالتي

حتى هي بعد سولفت علي بس ماتطرقت لحياتها مع سعود

فجأة سألتني: العنود تدري بحبك لها؟

جاوبتها:تدرين ماأدري بس يمكن


قالت : وكيف ماتدري ياماجد



قالت:تبي اتـأكد لك ؟

قلت: تقدرين؟

قالت: أقدر اكلم ريم الحين وأجيب لك العلم

قلت :تكونين سويتي فيني خير

رحت اخذت جوالي ودخلت داخل واتصلت على ريم رن مره ومرتين

ثم ردت وسولفت معها ثم توي بسألها عن العنود الا

قالت لي:؟؟؟؟؟؟؟؟؟؟؟؟؟؟؟؟؟؟

شهقت وطاح الجوال من يدي وادمعت عيوني



ياترى وش قالت ريم لجمانة وخلاها بالحالة هذي؟

وليش ماتكلمت عن سعو د؟

وهل بتوافق ريم على الزواج من عبدالله؟ وليه مصر ياخذها؟


ووين بيودي طريق الصداقة ماجد وجمانة؟


تااااااااااااااااااابعوني بالبارت الخامس

صباح الورد والجوري لاحلى منتدى

كيف حالكم جميعا اليوم اضع بين أيديكم البارت الخامس من روايتي الاولى التي كنت اتمنى اني اشوف ردودكم على البارت السابق

الاعضاء والزوار أتمنى تعطرونا بردودكم الحلوة قراااااااااااااااءة ممتعة للجميع



[ البارت الخامس


طاح الجوال من يدي وشهقت وتجمعت الدموع في عيني والخبر اللي قالته يرن باذني

مادريتي: العنود تملكت على ولد عمها فارس

التفت شفته جالس ينتظرني وباين عليه الحماس واللهفة عشان يعرف

هي تحبه والا لا

لو بقوله انها تملكت وش بيصير له بيجيه شي بس انا لازم اتصرف ولا اقوله (دور الصديق جوجو همتك)



طلعت:وقلت له تقول بتجس نبضها

ماجد قال :انتي وش قلتي لها؟

قلت لريم :شوفي العنود في بالها احد لان في ناس يدورون لولدهم ودي اذكرها لهم

وقالت لي ريم: خلاص اجس لك نبضها

قال ماجد: مشكورة

قلت له :ماجد تتوقع وش شعور العنود تجاهك؟

قال: ما أدري بس يمكن تحبني

ثم سألني:انت وش تتوقعين؟

قلت:اتمنى كلامي مايضايقك بس ابيك تسمعني لين الاخر صديقتك وتهمني ابيك تفكر زين ترى يمكن تكون تحبك ويمكن لا ماجد انت بنيت حبك وعشقك على ذكرى طفولة بينكم نمت بقلبك وعلى الكلام اللي كانت تقوله خالتك ان انتو لبعض بس هالذكرى نمت بقلبها والا بقت زي ماهي ذكرى طفولة
ترى يمكن تكون تحبك ويمكن لا ادري كلامي قاسي بس فكر فيه زين ارجووووووك ماجد

لا تكون مثلي انا حبيت سعود وضحيت بنفسي عشانه ولا جا ببالي اني بفقده ابد بس فقدته ومات كل شي معه لا تكون مثلي حط هالشي في بالك ومن الحين

قال ماجد :ريم قايلة لك شي ؟

قلت له :لااااااااا ماقالت لي شئ تقول يبيلها فترة وانت عارف صعوبه الامر بس صديقتك وابي لك الخير وما ابي تمر باللي مريت به اوعدني تفكر بعقلك ثم بقلبك


ناظرني وابتسم وقال: اوعدك

طلع ماجد برى وطلع على البحر وبدا يفكر

(كلامها ضرب وتر حساس عندي انا كيف مافكرت كيف اعماني الحب وعشت على انها تحبني وانا مدري كيف فتحتي عيوني على شي ماعملت له حساب وجلس يفكر) (برافو جمانة حليتيها بحكمة)


جمانة :الحمد لله يعني لو درى ماراح ينصدم او يجيه شئ (ماتدرين وش بيجيك اذا درى)


يوووووووووه باتصل على ريم واتصلت وقالت :وينك

قلت :ابد خلص شحن الجوال (ههههههه مااسرع رقعتيها )

جمانة: ومتى تملكت ؟

قالت: امس والشبكة والعشاء نهاية الشهر

جمانة :انت وش عندك صوتك يقول فيك شي

ريم :عبدالله عود يخطبني ولا عاد عندي عذر للرفض

جمانة:ريم ترى عبدالله ماينعاف رجال وراعي طاعة ودين

ريم:بس مطلق من قبل وانا خايفة مع ان امي قالت لي السبب بس احس مترددة

جمانة:وش السبب

ريم:لانها مابغت عمتي

جمانة:بالعكس حبيبتي المفروض هذا السبب يخليك تتعلقين فيه اكثر وتوافقين لا تردينه وتخسرين بعدين استخرتي

ريم :ايه ومرتاحة

جمانة :اجل توكلي على الله وبلغي امي

ريم:ريحتيني الله يريحك ببلغها بكره

جمانة: الا تعالي سارة وش علومها سحبت علي

ريم:ههههههههههه تقول سلمي على جمانة خلاص تقول انعشت الحب ورجع زي اول واحسن وسافروا لمكة اليوم

جمانة:وانا اقول وش فيها ههههههههه الله يوفقهم ويوفقك

يالله مع السلامة

قفلت منها وانا مرتاحة بالحيل احس دخول ماجد كصديق بحياتي ريحني

التفت لقيت حور نايمة ياحبي لها وطبعا بكرة جمعة ولازم اصحى بدري



اسبوعين مرو وصداقتي مع ماجد تقوى اكثر واكثر صار يجي بعد المغرب ويتقهوى ولا عاد يطلع ابد

حتى ماسألني عن موضوع العنود!!!!

صرت افضفض له واتكلم عن سعود بكل اريحية ياااااااه احس مرتاحة بس اليوم لما اقبل علي يتقهوى معي حسيت برعشة خفيفة لما شفته احساس الصداقة يمكن والتعود (الصداقة لها رعشة جوجو)

وسولفنا وقال بكرة بيطلعنا الشاليه





ماجد اما انا فخلاص صرت احس بها الجمانة قريبة مني حيل صرنا نمزح ونضحك مع بعض تخيلو تعرف اللي بخاطري فرحان زعلان متضايق
حتى سعود صارت تتكلم عنه يااااااه صرت افهمها ياناس

جاتنا حور اللي صارت تتعلق فيني اكثر واكثر حتى انا بعد تعلقت فيها كثير (يقولوا الوالد عم مجود)


حور: امو بنلوح البحل

ياحلوهم بس قلت حور:لاتقولي عمو قولي

جمانة:ماجد لا لا لاااا بصوت باكي الله يخليك لاتقولها لا تخليها تقولها تكفى ياماجد الله يخليك (تكفى تهز رجال مجود)

التفت عليها وشفت دموعها واوجعني قلبي وهزتني دموعها ودي احضنها واخفف عنها بس مااقدر

قلت: ليه علامك ياام حور؟

قالت بصوتها الباكي:لا تخليها تقولها وهي بتفقدك قريب مابيها تتعذب لما ننفصل الله يخليك مابيها ينكسر قلبها كفاية نظرات الرحمة بعيون الناس مابيها تذوق الفراق بعدها صغيرة الله يخليك
ماجد بعدها صغيرة




رفعت عيونها الباكية وناظرتني شفت عيونها غرقانة دموع ونظرات الخوف والالم واحساس الفقد فيها خفق قلبي بشدددددددددة ماأدري ليه حسيت مخنوق

لو نسيت العمر ما انسى دمعتك
صرخة ذابت من عيونك دموع
ترتعش مرتاعة في وجنتك
وانتفض قلبي لها بين الضلوع
أزعجت صمت الليالي عبرتك
بالخفا ثوره وبالظاهر خشوع
تسكب الدمعه وتظمى نظرتك
مشهدعيونك وهي تظمى يروع
يا ضياع العمر ضيعة بسمتك
ضاع معها خافق مثلك جزوع
ليت من يمتص جارح لحظتك
والفرح يشعل دياجيرك شموع

قلت : هدي الله يرضى عليك والله نسيت نسيت يكفي ام حور يكفي واللي خلقني ما أقولها لها ابد

ماجد هدت شوي الا يأذن العشاء استأذنت وطلعت اصلي وافكر

معاد احس برعشة قلبي صار يخفق لها ماعرفت احدد هالشعور ابد
وش هالشعور يااااااااارب حتى العنود ماعاد اتذكرها كثير وش صار فيني
لما قالت ننفصل حسيت :كأن سيف مغروز بقلبي وبقوة ماأبي افقدها ولا ابتعد عنها وابي العنود آآآآآآآآآآه محتاااااار بالحيل

أحس هالجمانة استولت على تفكيري ياااااااه ياقلبي وش جاك؟؟؟؟



مأصعب هذا الشعووووووور


اصعب شي على الانسان ياماجد ان يعيش شعور الحب تجاه امرأة ولا يستطيع تفسيرة

نرجع لجمانة:

لما طلع ماجد هديت شوي أول مرة انهار وابكي قدامه ويشوف ضعفي بنتي أحبها ولا أبيها تتعذب لما ننفصل بس لما التقت عيونه بعيوني حسيت بعيونه شي مادري وش هو

صليت العشا واحس تعبانة ومحتاجة ارتاح وفعلا ماجات 9 الا انا وحور نايمين

الساعة 12 رجعت البيت متأخر طبعا وصعدت فوق ورحت لغرفتي والتفت لبابها ودي اطمن عليها بس لما شفت النور طافي من تحت الباب دريت نايمة

ماجاني نوم افكر بحالتي ووش جاني واحاتيها شوي الا أذن الفجر س
استناها تجي تقومني كالعادة

اتسمع على الباب ابي اسمع ضربها الا تضرب الباب

قالت:مااااجد

قلت:نعم

قالت :الصلاة

قلت ام حور: انتظري

وفتحت الباب الا هي قدامي منزلة راسها :قلت كيف نفسيتك الحين

قالت :الحمد لله أحسن ولا تشغل بالك

احس ارتحت

طبعا اليوم عندي اجتماع ضروري ومااقدر أنام لو نمت بسحبها نومة وبيفوتني

طبعا بروح مواصل الله يعيني نزلت لقيتها مجهزة الفطور

وافطرت واخذت الكوفي منها وعيوني جات ب عيونها وآآآآآآآآآآآآه من عيونها لونها اليوم رصاصي فاتح غريييييييبة انا انسحرت

كيف لونها كذا ياربيه اكيد ذذا من قل النوم قلب لي لونها


جمانة:
لما اعطيته الكوفي جات عيوني بعيونه حسيت برعشه ورجفه
بقلبي عيونه فيها ولمعة صابتني بالصميم


تجهزت انا وحور عشان بنطلع للشالية وجهزنا أغراضنا جلسنا ننتظر بس مو بالعادة يتأخر الا مبلغني (تطورنا جوجو)

الساعة 9 بالليل وماجد ماجاء

الايدخل ما أدري وش فيه لاسلم ولا شي ميب العادة بس حسيت متضايق ما أدري لازم أشوف وش بلاه رحت صلحت له كاسة عصير نعناع بالليمون عشان تهديه وطلعت فوق وانا مترددة اول مرة بادخل غرفته وهو فيها بس مايهون علي اشوفه متضايق ضربت الباب وقال مين:

قلت: جمانة

فتح الباب وأول مرة اشوفه كذا ماجد يبكي ومنهار لا ماأصدق

قلت :ماجد وش فيك؟
ماجد يناظرني

آحس الضيقـــة بصــدري مديــنه مالـــهااا أســــوار
مدينه تعيش بآعمـــاااقي وتتفــــــرع شوارعـــهــــااا
....
في قلبي شـــــي ما يوصف حقيقه لا ولا ينقـــــــاال
حــــروف (ن) غصـــــت بحلقي ولا أقــــدر اطلعهـــااا
....
كــــثر مــا احس بك تغيير احـس ان الزمن بي جــــااار
آداري حـــزني بـــــعيــــني وتفضحني مدامعهـــــاااا
....
دخيـــلك لا تكـــلمني ولا تــــسآل عــــــن الأحـــوال
آخــــاف انهار قــــدامـــــــك ونفسي يبااان موجعهااا
....
آخــــاف اســـر دلك حكايــــة وقصة هالـزمن لا دااار
آخـــاف آكشفـــلك اوراق (ن) عرفت شلون تلعبهـــاا
....
آخـــافك تلــــمح بعيني جــــروح بعمقهااا تخــــتااال
آخااف انك تشوووف الـــروح في لحظة منـــازعهــــاا
....
انـــــا ما ابي ابينــلك وش اللي بي عشااانك صــــااار
ولا ابـــي تظن بانـك يوم قــدرت النفــــس تخدعهـــااا
....


ماجد يكلمني بصراخ:العنود ياهاااااااانم راحت من بين يدي وانت انت السبب

انا كأن أحد كاب علي ماء مثثثثلللللللج


انت كنتي تدرين بس ما قلتي لي ليه ليه خليتيني اعرف من فارس ليه
بصراخ انت وش شايفة نفسك هاه وش كنت تبين يوم تخبين علي هاه تبين قلبي يفضا لك وأحبك احبك انتي (الا تحبها ياماجد) ههههههههه غلطانة انت انسانة قلبك ميت من زمااااااااان مات مع سعود ماعاد تحسين باللي حولك ولا باللي بقلوبهم وياليتك متي معه وارتحت من شقا قلبي وغمه و حيرته

(توكم وش زينكم وش جاك مجود والا الحب يعمل عمايلة؟؟؟)

توي بكلمه ابيه يهدأ ما حسيت بنفسي الا ...........؟؟؟؟؟؟؟؟؟؟؟؟؟؟؟

وش صار لجمانة؟؟؟؟؟؟؟؟؟

تابعوني بالبارت الساااااااادس

صباااااااااااااااح الورد آل ليلاس كيفكم جميعا

البارت السادس



مدفوفة بقوةوالباب ينغلق بقوة واطيح يتكسر الكاس ويجرح ساعد يدي جرح عميق يوجع بالحييييييييل و ينزف دم امتلت الارض ابي اضغط علية بس ماااااااااقدر
الالم شديد والم الم كلامه اشد آآآآآآه أكتم وجعي واعض على شفايفي (الا رقت الشغالة اللي جابها لي بالغصب) مع حور يوم سمعت صوت الصينية وتكسر الكاس وقلت تكلم السواق وتجيب عباتي اما حور فجلست تبكي

صرت ابكي ماأدري من الالم والا من كلامة والا من شوفة بنتي وهي بها الحالة لبستني الشغالة عباتي وطلعنا مع السواق ورحنا للاسعاف


ماجد (ماادري وش جاني يوم شفتها عند الباب صبيت جام غضبي عليهامادريت عن نفسي الا وانا أقولها كلام ماراح يتحمله قلبها وليه يارب حتى مادريت الا وانا ادفها لانها هي السبب باللي انا فيه هالحيرة اللي جنننتي وفقدي للعنود وآآآآآآآه يالعنود ماعاد اقدرافكر ابيها عني تبعد ماعاد اتحمل وجودها قدامي رحت و توضيت عشان يروح الغضب واهدأ أحس ان بداخلي نار تشتعل ليه خبت علي ليه آآآآآآه فجأة تذكرت معها صينية فيها كاس زجاج يووووه وش سويت فيك ياجمانة

(وش ماسويت ولد ابوك ذاك الشبل من ذاك الاسد لحظة الغضب ماتعرف من امك والا من ابوك زين ماموتها)

وش صارلها طلعت بسرعة الا اشوف الزجاج متناثر والدم بالمكان انادي جمااااااااااانة

رحت لغرفتها ونزلت ادور بالبيت مافيه أحد اتصلت عليها مقفل

اتصلت على راجو السواق:وقالي بالمستشفى

رحت زي المجنون لها ماأدري كم قطعت من اشارة ربي سلم دخلت الاسعاف ادورمثل المجنون لقيت الشغالة وحور كانت حور تبكي تقطع القلب تقول:ماما طاحت وذلحها القذاذ وبتموت

أمو: تثيح كثيل (يالابا هالدموع والخوف)

حتى الشغالة تبكي

سألت الشغالة: وينها

قالت :هزا بابا هي قورفة نساء من جمان مافي يطلع (اندونيسية ذا الشغالة)

قلت :كم لها

قالت:من جمان بابا يومكن نسف سأه

قلت لها روحي انت وحور مع السواق للبيت وانا بقعد لين تخلص

وطلعت الشغالة مع حور اللي بغت تنجن يو شافت امها

جيت بدخل ومنعوني قسم نساء زي المجنون اروح واجي بالممر حتى طلعت الدكتورة

رحت ابي اطمن عليها بلغتني ان الجرح احتاج عشر غرز واعطتني الادوية وطلعت اجيبها

رجعت بالادوية وجلست بالاستراحة وضيقةبصدري خانقتني ليه سويت كذا واحاتيها وافكر ليه ماقالت لي حزتها ليه
آآآآآآآآآآه بس



التفت لقيتها طالعة من الدكتورة قربت منها وقلت ام حور :التفتت

وقالت :نعم


(يوم شفته بخير حسيت اني مرتاحة لا تقولون واللي فيك منه لا انا كنت حاسبةحساب هاللحظه لما يدري ووش بيصير بس ماتوقعتها توصل للعنف ذكرني بسلطان يوم قالي تجنبيه وهو ضايق ترى الغضب يعميه لدرجة انه رامي على سلطان ترمس القهوةوحاقطة بالفناجيل تخيلو بس ربي اللي سلم اخوي )

سألته: وين حور والشغالة؟

ماجد:ارسلتهم للبيت خفت على حور تمرض تعرفين جو الاسعاف

جمانة:زين ماسويت

ماجد:جمانة انا...



جمانة ماتركته يكمل:ممكن نمشي للبيت

ماجد نزل راسه

لما ركبنا السيارة وتحركنا

قلت له :ماجد

ماجدقال: نعم

قلت :انا آسفة لاني ماقلت لك عن ملكة العنود
خفت تنصدم ووقع صدمتهاعليك في اللحظة ذيك راح يكون قوي انا ياماجد كنت خايفة عليك والله خايفة انا ماخبيته عشان الكلام اللي قلته بس كنت خايفة عليك ومن باب الصداقة اللي بينا

الدموع ترفف بعيوني تحملي جمانة تحملي

ماجد:ماأدري كيف اعتذر على اللي سويته فيك احس خجلان من نفسي
ماأدري وش اللي خلاني اسوي كذا ماأدري ماأدري


صار الخطاء وشلون ما هو بيدي
.............................لحظة غضب نفقد بها أعز انسان
عزيت نفسي كنت احسبه تحـدي
...............................ولا دريت انـك بطيبـك تحـدان
صحيح انا يمكن تعديـت حـدي
.............................واسرفت بالغلطات وكان الذي كان
وشلون ابنسى من خذا كـل ودي
...........................واقفى وخلاني على حد الاحـزان
دمعي مكانه بعدكم فـوق خـدي
..........................شفقان قربك ياهوى البال شفقان
صار الحزن مابين جزر ومـدي
............................مرات ارده واكثر الوقت يقـوان
رد علي ارجـوك رد
..............................لا تتركني في متاهات الازمـان




جمانة:انا عاذرتك ماجد ومافيه شي بقلبي عليك (ابحث لصاحبك ولو سبعين عذرا)وصدقني نسيت كل شئ وانت انسى بعد اللي صار

قلت :أكيد جمانة

جاوبته:اكيد (ياويل حالي عليك وطيبتك)


وصلنا البيت على 11 ودخلنا

صعدت فوق

واحس مرتاحة لانه ماانهار وتجرع الم فقد العنود بقوة الحمد لله
بس لاتحسبون نسيت كلامه كلامة اووووووووجعني بالحيل وتظاهرت باني نسيت عشان ماتعبه زود وفتحت الباب ودخلت صكيته وتركيت على الباب وبكيت الم من كلامة احبس شهقاتي ماتطلع ودي اصرخ من الالم وأقول قلبي ماتحمل كلامك قلبي مات عقب سعود بس انت احييته بصداقتك احييته ليه ياماجد ليه تمنيت موتي ليه انت غيرت فيني الكثير ياماجد

شديت قبضة يدي المجروحة بقوة وآآآآآآآه اوجعني جرحي مسحت دموعي وانا اقول هانت ياجمانة هانت مابقي غير ثلاث اسابيع اكلت المضاد والمسكن ونمت

نروح لماجد

اما انا فخلاص من قالت لي انها عاذرتني وأنا حاس براحة وكبرت بعيني ابي انام مواصل من امس ياااااااه يا جمانة ملكتيني بطيبتك

صحتني الفجر كالعادة وصليت ونمت

اليوم الخميس صحيت 11 ونزلت بسرعة ابي اشوفها واتطمن عليها لقيتها بالمطبخ مع الشغالة يجهزون الفطور

وقفت عند الباب :
قالت:صباح الخير

قلت :صباح النور

التفتت على الشغالة وقالت روحي صحي حور ولبسيها

قالت لي:كيف نفسيتك عقب امس؟

قلت:الحمد لله وانتي كيفك وكيف جرحك؟

قالت: الحمد لله

قالت :الفطور عا الطاولة

قلت افطري معي

وقالت:لا افطرت مبكر عشان المضاد



تو بطلع:قالت على وعدنا للشالية


ضحكت وقلت:نأجله أحسن عشان يديك

قالت: الحمد لله مع المسكن تخف ولا ودي اكسر بخاطر بنتي(وبنفسها كلنا محتاجين نغير جو) دموعي ماتوقف كل ماتذكرت كلامه يرن بقلبي

قلت: خلاص تجهزو بعد الظهر



طلعنا كان الجو خيال مغيم واحنا في الطريق

دقت جدتي على جوالي وحطيت سبيكر عارفة ماجد لازم يكلمها

الجدة: السلام عليكم

جمانة: وعليكم السلام هلا والله بالغالية ام خالد هلا والله

الجدة:هلا بك وش لونكم؟

جمانة: بخير جعلك بخير

الجدة:وين الناس يابنيتي متى تجون الرياض؟

جمانة:قريب ان شاء الله يالغالية انتي بالرياض؟

الجدة :الله الله اليوم وصلت

جمانة:عسى ما تعبتي ؟

الجدة :الا رجيلاتي توجعني شوي بس عشان عبدالله يهون كل شي

الا ماجد وينه به؟

ماجد:هلا بالعمة الغالية

العمة: بسم الله من وين طلعت؟

ماجد:هههه وشلونك و شلون عبدالله؟

العمة: بخير

ماجد : على البركة خطبة عبدالله

العمة: الله يبارك فيك وين جمانة نسيت قل له اني مشتهيتن التشيس كيكة حقه

ماجد:ياعمةهههه اسمه تشيز كيك بس ترى بيرفع كلسترولك

العمة :اللي هو وانا عمتك مسوية حمية من شهر عشان آكلوه

عاد عجلو بالجية (ياحليلك بس حتى انا ودي اذوقه من يدينها أجل تشيز كيكة ههههههههه)

ماجد:خلاص ابشري يعمتي الغالية هههههههه سلمي على عبدالله

العمة:يبلغ سلمن على جمانة ولا تنس التشيز كيكة

ماجد:يبلغ مع السلامة

التفت وقال :ههههه ياحليلها تسلم عليك و تقول مشتهية التشيز كيكة

انا وماجد ضحكنا

وصلنا للشاليه ودخلت الشغالة الاغراض وطلعنا على الشاطئ

الجو وااااااو

قالت جمانة :تدري اموت بالبحر

قلت: الحال من بعضه

قالت:آخر مرة شفته قبل سنة تقريبا حالتي كانت غير والحين غير

قلت: كيف؟ (البحر يطلع كنوز القلب)

قالت:احس الحين مرتاحة (وبنفسها ودي اقولك على قل الفترة اللي قعدت فيها معك ارتاح معك احس تفهمني وتحس فيني يااااااااااه ياماجد ماادري وش سوت صداقتك فيني قربك مني يريحني انت غيرت فيني اشياء كثيرة بس ماأقدر اصارحك انا بنظرك قلبي ميت)



رفعت عيني هو يناظرني بابتسامة:انا بعد مرتاح امس فقدت العنود بس لولا الله ثم كلامك لي من اول كان انهرت بس الحمد لله على كل حال تجربة حب فاشلة


جمانة: لا ماهي تجربة حب فاشلة ابدا هي حب طفولي كبر معك

وسقيته بذكرياتكم وهي اكيد عندها هالذكريات بس بالطفولة

وان شاء الله ربي اللي يرزقك احسن منها (هو هو جوجو علامك؟؟؟)

والله ياماجد مايكتب لعبده الا اللي فيه خيرة له.

ماجد:انا ياجمانة يكفيني صداقتك ووجودك بحياتي

(بصراحة كلامها ريحني بالحيل )

جلست على الشاطئ وبنتي وعمها يسبحون
ياحبي لبنتي دخول عمها بحياتنا افرحها وحسسها بامان الاب

اناظرهم يلعبون مع بعض ويسبحون ههههههه ياحليلهم

ماجد كنت اسرق النظر لها بين فترة وفترة احس هالانسانة غير قلبي ينبض لها ويخفق ومن غير شعور قلبي نبض باحساس قوي قوي خلاني انطق احبك ياجمانة احبك يااااه هذا تفسير حيرتي والمي مشاعر مكبوته بداخلي لها الانسانة



جمانةاما بالليل شوينا انا وياه وااااو ماكنت ادري انه فنان كنا نسولف ونضحك ونعلق على بعض

ياااااااه وش صار لي احس ماجد غير يووووووووووووه وش قاعدة اخربط

وتعشينا وجلسنا نسولف الين الساعة 2 ورجعنا البيت رقينا انا وياه

بس فيه شي شي هز قلبي بالحيل ودق بقوة لما صعدنا فوق جيت بروح للغرفة مسك يدي وناداني باسمي اول مرة يناديني باسمي التقت عيوني بعيونه عرفت هالنظرة واللمعة اللي فيها عرفتها وقال :تصبحين على خير


ماجد:
اما انا ماقدرت انوم احساس حبي اللي تو اكتشفه خلاني امسكها مع يدها واناظربعيونها عيونها نظرتها غير تو بقولها احبك بس ماقدرت خفت تنصدم وترفضه وتحسبه عشان انسى تجربتي الفاشلة بحب العنود بس انا حبيتها قبل
خـبّـريـنـي يـــــا غـــــرام الـعـاشـقـيـن
كـيــف يسـتـهـوي هـــل الـعـشـق الـمُـنُـون
إرحــمــي قــلــب(ن) تـجـاريـبـه قــســت
فــي زمــان(ن) مـاعــرف يـــوم(ن) حـنــون
الـلـســان يــخــون و الـبـسـمـه كُــــذُوب
واصــــدق التـعـبـيـر نــظــرات الـعــيــون




اما انا ماقدرت انام نظراته لي فهمتها انت تحبني ياماجد الا ذي تكفى

صليت الفجرونمت ماصحيت الا عليها تصحيني لصلاة الجمعة
مرت الايام وكل يوم حبي يزداد الحين انا مااحبها بس انا اعشقها واتقرب منها اكثر اكثر


باقي يومين واسبوع ويخلص الشهرين وكل ماقربت المدة تنتهي يضيق صدري

اليوم صحيت الفجروماصحتني ماأدري وش فيها حتى الصباح مالقيتها صاحية تجهز الفطور قلقت عليها قلت يمكن مانامت الا متأخرة جيت
ادق على جوالها الا يرن بالصالة

جاني فضول آخذه وافتحة ولقيت رسالة من نورة وفتحتها وياليتني مافتحتها



هزتني الرسالة كاتبه(وينك لا حس ولا خبر والا مجود خذ عقلك وقلبك وش أخباااااااااار اللي بالي بالك أكيد ماجد انهبل يوم درى انك(؟؟؟؟؟؟) اكيد بلاكم نسيتونا شاف جمالك وخق اشوى انك اخت سلطان والا كان خذك ههههههههه ) (مابعد شافها يالنوري)

(جمانووووووووه وينك؟)

(ردي درى والا لا)

(يعيني جوجو شهرين عسل)

انا هنا انصعقت معقولة جمانة نفس ماتقول نورة وكيف وليه وحور حور ؟؟؟

تاااااااااابعوني بالبارت السابع



وقفة:
ماجد ايها العاشق الولهان لقد احببت جمانة قبل ان تفقد عنودك ولكن كانت مشاعرمكبوتة حيرت قلبك وتفجرت اخيرا ينابيع الحب بقلبك لها والان كيف ستفوز بقلب تلك الجمانة انت الان عاشق تعرف مامعنى
عاشق؟؟؟؟

اما انت ياجمانة فتلك الرعشة التي تحسينها تجاهه هي بدايات الحب وليس التعود والصداقة انت بكيت وبشدة عندما قال انت قلبك مات من زمان جمانة قلبك لم تحييه الصداقة فحسب لقد احيته مشاعر حب ماجد الدفينة التي تحاولين ان تتهربي منها والا كيف عرفت بحبه عن طريق عينيه الى متى ياجمانة الى متى؟

مساااااااااااااااااااءكم ورد وجوري

اليوم راح انزل لكم البارتين السابع والثامن

البارت السابع
مسحت الرسايل وقفلت الجوال

طلعت الدوام والافكار تودي وتجيب فتحت كمبيوتر الشركة واذكر لقيت تقرير عن حالة نواف بس ماقريته وقريته وانصعقت معقولة نواف كان يعاني من هالمشكلة طيب كيف حملت وهي كذا وشلون
بس كيف لازم اسأل واستفسر

بس ماقدرت ارتاح احاتيها وش بلاها اليوم طلعت للبيت اشوفها
دخلت الساعة 11 ولقيت حور بالمطبخ مع الشغالة

حور:ثباح الخير أمو

ماجد:صباح النور ياروح عمو وين ماما ياقلب عمو؟

حور: ماما تأبانة من امث بالليل بطنها يودعها وتثيح ملة .

طلعت فوق بسرعة الا ألقاها طالعة وتمشي منحنية وبيدها عبايتها

ماجد: سلامتك جمانة وش فيك

من بيت تأوهاتها:ماجد انا تعبانة الله يخليك ابي المستشفى آآآآآآآآآآآخ

انا ماقدرت اشوفها كذا شلتها ونزلتها بسرعة وو ديتها المستشفى

جمانة
(تبون تعرفون وش فيني انا من امس وانا بموت من الم بطني والنزيف ماوقف من بعد ماولدت حور وأنا كذا اكلت المسكن ومانفع ويالله نمت وماقمت الا 11 وقمت ويالله امشي منثنية ماأقدر لازم اروح الدكتورة اخذ ابر ومغذي طلعت وانا ماسكة بطني ابي جوالي و بنزل الا ماجد يرقى خايف علي سالني ورديت وشالني ماجد تخيلو ودي انزل بس ماقدرت من شدت الالم

وصلنا المستشفى ودخلتها الطوارئ أسعفوها أعطوها ابرة ومغذي دخلت واتطمنت عليها

كلمت الدكتورة:طمنيني

الدكتورة: انت جوزها المدام محتاجة تنظيف النزيف خطر عليها
وهي رفضه الشي دا حتى موقعة ورقة انها تخرج على مسؤليتها
والابر اللي تخدها خطرة اوي اوي

ماجد:الحين عرفت وش فيها من قالت نزيف (ههههههههه توك تعرف)

ماجد:ممكن اشوفها

الدكتورة طبعا

دخلت عليها لقيت المغذي ويوم شفتها قلت:سلامتك يالغالية نزيف الى متى ترفضين التنظيف

جمانة اللي غاصت من الحيا :الله يسلمك ماقدرت ارد

الدكتورة خاشة بالعرض عليها لقافة:ايوه الى امتى الرفض دا لك اريع سنوات وزيادة وانت ترفضي انت تؤتلي نفسك كدا

رفعت عيوني لماجد:واللي يسلمك خلني على راحتي ماأبيها

ناظرتها وقلت: ماراح نغصبك براحتك

استأذنت وطلعت

ادور على دكتور متخصص ذكورة وعقم ابي استفسر طلعت ادور على تقرير نواف اللي طبعته من الكميوتر والحمد لله مالقيت عند الدكتور احد

ودخلت وعرضت حالة سعود عليه

الدكتور قال كل شي وان سرع..........اللي يعاني منها سعودوانه تعالج بالسفرة الا خيرة بالصين قبل موته بيوم

والحالة هذي يصير معها حمل بس بنسبة قليلة اذا حصل تقارب بسيط وهذا اللي صار لجمانة بالضبط اتضحت الصورةعندي وانها تقدر تولد قيصري وكل شي يكون سليم بس هذا فيه خطورة عليها
طلعت من عنده وعشق جمانة يزيد ويزيد

ياااااااااه ياجمانة تضحين بنفسك عشان سعود وسعادته بس مالله كتب لك هالانسانة عظيمة يارب افتح قلبها لي يارب مثل مازرعت حبها بقلبي ازرع بقلبها المحبة لي احبها ولا أقدر اصارحها يارب يارب

فوق هذا الحب أحبك وبعد أكثر كثير..
يالي تدري إن قربك أنا أحتاجه كثير..
يمكن أكثر من غلا روحي لروحي..
وأنت من نساني بالدنيا جروحي..
ونساني نفسي وخلاني أحبه..
هو صحيح إني قدرت أوصلك..
لكن ماني عارف وين أباوصل بالمحبه..
لقيت بك عمري الي ضاع..
ولقيت
ياقلبي
أنا
فيك
الحنان
ولو بيدي ياحياتي كان أعرفك من زمان..
لحظه الي تلتقي بي يبتسم حظي ونصيبي..
ومثل
أنا ماأقول
"أحبك"
أنت قول إنك <<حبيبي>>



رحت لقيتها خلصت والحمد لله قدرت تمشي احسن

ورحنا البيت

خلاص الايام عدت والشهرين انتهت ولا أعرف شعورها احس متضايق بالحيل نفسي اقول لها جمانة انااعشقك ابيك مابي فرقاك بس ماقدرت اخاف تصد حبي (انت عاشق وعندما يعشق الرجل يركبه الخوف بشدة من فقد معشوقته)


جمانة:اما انا ماادري احس متضايقة لا ني بفارق ماجد صديقي بس خلاص مهلتنا انتهت ولازم ماجد يشوف نفسة ماتهنى من جاء من الدراسة وبعد فقد العنود خله يدور على وحدة تناسبة وتراعيه (جوجو علامك )شعوري تجاهه شعور صداقة (متأكدة جوجو)

بس الاحظ يتهرب مني ماأدري وش فيه جاء بيطلع ولحقته

ماااااااجد ماااااااااجد ابيك بموضوع ممكن نجلس بالحديقة

جمانة:ماجد الشهرين انتهت ولازم نخلص اللي اتفقنا علية

ماجد:والمطلوب (انت الآن تريديني ان انتزع قلبي بقوة وارميه بعيدا )

جمانة:ننفصل زي ماقلت

ماجد:ادري بس احس صعبة ملكة عبدالله وريم

جمانة:ادري بعد الملكة ماابي أخرب فرحتهم انا اللي راح اتحمل كل شئ واقول انا اللي طلبت منه

ماجد:فكري مرة ثانية جمانة فكري

جمانة:انا فكرت وانتهيت ارجوك ماجد خلصنا(ايييييييه ياجمانة ماتبين تفكرين ابد)

ماجد:بس جمانة انا .......(قلها ياماجد قلها قل لها ابيك ياجوجو)

جمانة ماخلته يكمل: ارجوك ماجد نفذ اللي طلبته ولاتتعبني كفاية تعب (لييييييه ماخليتيه يكمل حرااااام)

ماجد: ياااة جمانة تعب ؟؟؟

جمانة: لا تزعل من كلامي بس انت ياماجد لازم تشوف نفسك تخرجت ولا فرحت بتخرجك وخسرت العنود شوف حياتك عشها مثل ماتبي ودور لك على زوجة تبني معها حياة سعيدة انا قلبي ميت ياماجد

ماجد:ودى اصرخ واقول ابيك انت ماابي احد ثاني انت كل شي بالنسبة لي

قلت لها :على راحتك

ماجد:لك اللي تبين ورحلتنا بكرة الثلاثاء 11بالليل وعلى طول راح
أوديك بيت أهلك والسبت توصلك ورقة طلاقك

طلعت من عندها وانا الارض ماهي سايعتني مااااااااااااا أقدر على فرقاك فرقاك موتي


من طلع ماجد وانخرطت بالبكا معقولة هنت عليه يطلقني معقولة؟؟؟

(التناااااااقض جوجو قلبك قام يتكلم )


جمعت اغراضنا كلها وطلعنا على المطار ووصلنا الرياض مشتاقين بالحيل للاهل

لقينا باستقبالنا سلطان وسعود هههههههه ياحليلهم بس خذو ماجد بالاحضان

سلمت على سلطان واللي استغربناه كلنا ان حور خذت سلطان بالاحضان

وقالت:خالو ثلطان اثتقتلك

سلطان في اشد حالات استغرابه: وانا بعد ياروح خالك

حور :احبك خالو ثلطان

سلطان :ههههههه لاتسمعك نورة وانا أحبك

الكل ههههههههههههههههه

طبعا ماجد ركب مع نواف وانا مع سلطان

رحت لهلي والشوق لهم كبير لقيت امي وابوي باستقبالي وعيونهم مليانة دموع حضنت كل واحد وانا ابكي

الحمد لله على السلامة يابنيتي

وين جدتي؟

نايمة.

هههههههههه حتى حور من شوقها لابوي وامي راحت تنوم عندهم مع اني حذرتها تعلمهم عن تحجبي عن ماجد وبنتي قدها


دخلت الغرفة ابي ارتاح ماقدرت احس فاقدة ماجد اشتقت له ايه خاطري اسمع صوته يقولي تصبحين على خير يااااااااه بس


ماجد(من تركتها تروح مع سلطان وانا فاقد قلبي اشتقت لها حتى سلمت على الاهل وماادري وش يقولون اول مرة افارقها)


الصباح:نزلت بدري ولقيت جدتي وامي وابوي وسلمت وتقهوينا وسوالف

وسألتهم:غريبة سلطان ماقام

ام سلطان:قام من زمان وراح لماجد يقول ميت من الشوق له

جمانة:فز قلبي ونبض بالحيل واقول أجل وش تقولون عني

الليلة ملكت عبدالله وريم ملكة صغيرة رجاجيل بس وشبكتها بكرة عشا باستراحة عمي اللي توه شاريها


سلطان وماجدمن جو مافارقو بعض سلطان :مسكين هههههه متنسية نورة فيه وماجد تعبان من فراق جمانته

سلطان سأل ماجد:تحبها؟

وكأن احد راش الملح على الجرح:انهار ماجد وبكى بين يديه وقال اعشقها ياسلطان وابيها ابيها وقال كل شي له

سلطان:كل هذا يصير بينكم وهو يضحك هههههههه حبيتها من دون ماتشوفها هههههههههه اجل لو شايفها كان انهبلت بسم الله عليك

تدري وش تقول نورة من حملت؟ جيبو لي جمانة اتمقل فيها كود اللي بجيبه يشبهها

سلطان: ماجد جمانة تغيرت من ركبت معي وانا حاس بنبرةصوتها وتراها تحبك

ماجد:انت وش قاعد تقول هي تبينا ننفص

سلطان :من ورى قلبها اختي واعرفها

قوم ماجد لا نتاخر عن الملكة واللي كاتبه ربي بيصير

طبعا الكل موجود وتملكو


نتكلم شوي عن عبدالله انا اليوم مبسوط البنت اللي حبيتها تزوجتها

تبون تعرفون كيف حبيتها من اربع سنين وانا لمحتها بالحديقة تكلم حور سحرني جمالها ونعومتها سالت حور وقالت ريم وانا لاليلي ليل ولا نهاري نهار خطبتها ورفضت ورجعت وخطبتها ووافقت اليوم فرحتي غير الله يصبرني لين بكره)



اليوم الخميس الكل متجهز للاستراحة ريم جاتها الكوافير ولبست الفستان وطلعت جنان وخاااااااايفةبالحيل

اما انا فلبست فستان مشجر ونعمت شعري وحطيت مكياج هادي

ولبست حور فستان جايبه لها عمها ماجد يجنن عليها مشتاقة لك ياماجد

طبعا طلعنا الاستراحة وجهزنا مع الشغلات كل شي وجو معنا بيت عمي وسلمت وشفت نورةوخذتها بالاحضان ورحنا الغرفة وجلسنانتكلم
وقالت لي سالفت الرسايل و استغربت اني ماقريتها ورسايل واتس وقالت جاني انك قريتيها هنا انا قلت ماجد قراها وش سويتي فيني يانورة

قلت من غير شعور انا أحبه يانورة احب ماجد شعور كنت اتهرب منه يانورة والحين ماعاد اقدر اهرب منه انهرت ابكي بين يديها وقلت لها كل شي

قالت قومي جمانة خلاص هدي نفسك واللي ربي كاتبه بيصير يالله

قمت وعدلت مكياجي ودخلنا على الحريم مافيه احد بس عماني وقهاوي وفلة

الا تلتفت علي جدتي :يمه جمانة وين التشيز كيكة ابيها

قلت يووووووووووووه: نسيت يالغالية بروح اجيبها

الكل هههههههههههه

طلعت رحت اجيب التشيز كيك


ياااااااولد احم احم سلطان وماجد

السلام عليكم

الكل وعليكم السلام مافيه أحد متغطي غير سارة بس سلموا على الخالات

جلسوا ماجد عن يمين العمةوسلطان عن يسارها وهاك ياسواليف والعمة تحب هالاثنين وتحب مزحهم

سلطان يناظر بنورة وهي تناظرة ويرسلها :مشتاق لك قال دريتي عنهم

قالت وهي تناظره وهزت راسها بنعم

ارسل سلطان :وينها

ارسلت: بتجيب التشيز كيكة على قولت العمة

سلطان مات من الضحك خبطته الجدة بعصاها وش بلاك يامل اللي

سلطان:هههههههههههههه اح اوجعتيني ههههههههههههه

وارسل لماجد تويتر:تشيز كيكة

وماتو ضحك

الكل يناظرهم ويضحكون عارفينهم مع ام عبدالله

وقالت : وش تضحكون عليه وتخبط بالعصا يمين وشمال وكل واحد يتلافى ضربها

ماجد: اجل مشتهية التشيز كيكة

ناظره سلطان:ههههههه
وقالت:وهي تضحك غربل الله بليسكم هههههههه
وانا اقول وش بلاهم يضحكون هههههههه
الحين بتجيبه جمانة

فز قلب ماجد

الا بدخلتها



،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،




البارت الثامن والاخير




عليهم شايلة صينية التشيز كيك ودخلت ولا انتبهت للي جالسين قدامها

وتقول:وهذا احلى تشيز لاحلى جدة وترفع عيونها وتشوفها بين ماجد وسلطان
وتلتقي عيونها بعيون ماجد

ماجد :دخلت علينا جمانة أول مرة اشوفها بدون الغطا انجنيت عليها ماعاد وخرت عيني منها اخاف تختفي ابي احفظ ادق تفاصيلها
يااااااااه واخيرا شفتك ياااااااااااه وش كثر مشتاااااق
يوووووووووه هيمان بها الا سلطان يمد يده من فوق الجدة ويقرصني مع كتفي ياشينك ياسليطين صحاني بقرصته



جمانة: يوم التقت عيوني بماجد ماعاد ادري وش اسوي اهرب مااقدر الكل موجود أحس الدنيا ظلام والنور علينا يااااه مشتااااقة لك
لازم اتصرف طبيعي لازم

وانا دارية ان حضرت الاستاذ سلطان و الاستاذه نورة دارين ويتفرجون علينا كنا بمسلسل

اخذت قطعه وعطيتها جدتي ثم قطعت لامي ومرت عمي ثم لهم ورحت ومديت لماجد اللي التقت عيونا من قريب وعطيت سلطان ثم قمت اصب قهوة

ادري بتقولون وش هالجرأة بس ترى من جوه ميته خوف وحيا
بس لازم امثل

سلطان تكفل بالصب لهم وانا رحت اجلس جنب نورة

خلاص ماتحمل ودي اطلع بس ماأقدر لو اطلع غسلت شراعي الجدة

نورة:جوجو حبيبتي هدي

جمانة:ماأقدر احس منحرجة

نورة:ههههههه شوفي ماكلك بعيونه كل مافهى فيك قرصة سلطان ياويل حالي على اخوي ذاب

جمانة:ههههه ياحبي لسلطان

اناظرها من بعيد تسولف مع نورة وتضحك ياااااااااحلو هالضحكة الفرحة ماهي سايعتني وانا اشوفها قدامي

ودي اقوم واقول احبك موووت بصوت عالي بس مقدر يمكن عند امي وامها عادي بس هااللي جنبي تمردغني بعصاها وتشرشحني ههههههههه

انا جالس مقابلها بس المسافة طويلة ناظرنا ببعض مدة طويلة:

احبك موت كلمه مالها تفسير

ولين اليوم ماادري كيف افسرها

لاني من عرفتك وانا احسك غير

مثل روح(ن) لقت روح(ن) تدورها

كاني روضتك وانته سحابه خير

وصوتك لا هما روحي ابشرها

معك صار الغلا اجمل بلا تبرير

لان الناس للناس الله سخرها

كبير انته في قلبي وفي عيوني كبير

تغار العين من قلبي واصبرها

واهيم بأسمك اساسا ماغلو تقدير

ونفسي في حلالك كيف اخيرها

لكلن وصف وعندك يعجز التعبير

تعبت اتخيل اوصافك واصورها


في قلبن من طبع مينك افالي الخير

وانا الفرحه مع انفاسي اكررها

كلامك عذب ولحروفك علي تأثير

مثل ياعونك الل من تعبرها

احس من شوقي ودي اخذك واطير

وألف الدنيا بحساسك واعطرها

نعم لعيونك اللي مايصير يصير

اجيب النجمه لو بالك تصورها

وحتى النجمه لو جاتك بها تفصير

اسافر للسما لجلك واغيرها


سلطان قرص ماجد واشر على العمة وصاروا

سلطان وماجد يراقبون الجدة وهي تاكل التشيز كيك قاعدة تستطعمة وداخلة جو ويضحكون ههههههههههههههههه


فجأة دخلت حور تصيح وراحت تركض لعمها واحضنته بقوة الكل استغرب

قال ماجد: وشفيك عمو

قالت:عيال امو نواف

الا بدخلتهم

قالت:ثوفو يدولون ماعندث ابو

جمانة انا هنا :تجمعت الدموع بعيني

حور :ثوفو هذا بابا مادد

التفت اشوف جمانة شفتها شهقت وحطت يدها على فمها وطلعت ولحقتها نورة الكل بكا من كلام حور
خذت امي حور

طلعت ادور جمانة لقيتها جالسة على ركبها وتبكي وعندها نورة وتحاول تهديها وسمعتها تقول من بين شهقاتهاابيه ومابي فرقاه ماتقبل فراقه

انا مااتقبل فراق ماجد انا أحبك قامت نورة يوم شافتني

جلست على ركبي قدامها قلت وانا احبك ومابي فرقاك وربي اعشقك وحضنتها

انا لما شفته قدامي وسمعت كلامه حضني وآآآآآآآه من حضنك
ارتحت طلعت تحبني مثل ماحبها ولا تبي فرقاي ياااااه

طلع عاشق طلع مهتم طلع ذايب طلع مشتاق
وانا أحسب وحدي المغرم طلعنا إثنينّا عشّاق

طلع مشغول هو مثلي مثل ما أسهرله يسهرلي
وأنا أحسب من زمان أهواه أثاري يحبني من قبلي

أنا خفت إنه يرفضني أو إنه ما يلاحظني
طلع مو بس هو ملاحظ طلع دارسني حافظني

أنا من عمري كم ضيعت وأنا أحبه ولا تكلمت
خلاص الحين أنا لازم أحبّه بسرعه مافي وقت

خليتها بحضني لين هدت ورفعت راسها لي وقبلت جبينها وقلت لها جمانة:أنا أعشقك

يااااه ارخت عيونها وقالت :اعشقك ماجد

الا التصفيق يوم التفتنا لقينا نورة وسلطان خلصتو رومانسية ترى تعبنا من كثر مانراقب لا يجي احد ويشوفكم
قومو بيدخل عبدالله
ضحكنا ثم قمنا راح مع سلطان وانا مع نورة (الان فقط عبرتم عن مشاعر حبكم الدفينة التي نبض بها قلبيكم فهنيئا لك ماجد وهنيئا لك جمانة)


دخل عبدالله على ريم ولبسها الشبكة وقال لها كل مشاعره تجاهها من شافها الين الحين
ومن طلع من عندها وهو شاغل قلبها ياااااااااه تحبني وانا مدري

لما جو يطلعون ركبت جمانة مع ماجد اللي على طول خلاها تجيب اغراضها وتكفلت نورة وسلطان بحور حجز لها بفندق وطلع وياها وقلوبهم ترفرف بالحب قالها عن رسايل نورة وانه درى عن كل شي (ههههههههههه ياحليلك بس)




بعد يومين حجز ماجد لسويسرا شهر عسل لهم واخذ جمانة وحور وسافروا
وحور ماعاد تقول الا بابا مادد (يالبى قلبها بس)


بعد سنة :سلطان ونورة جابو بنت

وماجد وجمانة: جاهم ولد وسماه سعود نسخةماجد اللهم البياض والشعر ولون اعيون امه

وحور دخلت الروضة

وسارة وعبدالله: جاهم ولد

تمت روايتي الاولى



وقفة:

الصداقة تتحول لحب ولكن الحب لا يتحول لصداقة ....

السلااااااااااام عليكم


ال ليلاس اشكر من كل قلبي الغالية بياض الصبح (غاليتي يهمني رايك ونقدك فلا تبخلي به علي )


عزيزة النفس انوار البتول اشكركم مروركم اسعدني


من تابع روايتي من الاعضاء والزوار

اشكركم

آل ليلاس راح اشتاق لكم


وفقكم الله جميعا