بسم الله الرحمن الرحيم


اللهم انا نسألك بسطوة جبروت قهرك , وبسرعة اغاثة نصرك , وبغيرتك لانتهاك حرماتك ,

نسالك يا الله يا الله يا الله يا سميع يا قريب يا مجيب يا سريع يا منتقم يا جبار...

اللهم عليك ببشار واعوااانه الخونه,

اللهم لاترفع لهم رايه واجعلهم لمن خلفهم عبرة وآيه وفرق بين كلمتهم وفرق بينه وبين جنوووده,

اللهم اجعل تدبيرهم تدميرهم و اجعل الدائرة عليهم,

اللهم اجعل بأسهم بينهم و اقذف بينهم العداوة و البغضاء و سلط عليهم شرارهم و دمرهم بأيديهم,

اللهم ارمهم ببعضهم و اجعل نارهم تحرقهم اللهم إنا نشكوهم إليك يا جبار عجل لأخوننا في سوريا نصرك و فتحك المبين,
.
.

هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر..,

او با الرسائل الي تجيني على الخاص ممتنه للجميع..,


البارت اهداء لكل من سطر في متصفح نوح الحمام ولو بكلمه وحده من دون استثناء..,

سواء مدح اونقد اوحتى يسأل عن مواعيد البارتات دليل اهتمامه با الروايه..,

واهداااء خاص للغوالي ارادة الحياة-نوف بنت نايف

.
.

اليوم بنشوف عوق المزايين والحدث الاكبر في حياتها

يا الله تعالوا معاي...!!

وسالفه جديدة؛

.
.

البارت السادس والثلاثين

.
.
رفض زياد ادخل مع امي داخل قسم الاشعه و جلست انتظرها..,

طلعت امي بعد فتره من غرفة الاشعه..,

الي غرفة التنويم دخلت ممرضه وقالت في دكاتره بيدخلون تغطيت ولبست عباتي..

دخل زياد ومعاه اوراق ومعاه ثلاث دكاتره وممرضات امتلت الغرفه..,

زيادبقلق\خاله انتي من متى تحسين بوجع بطنك..,

ام عوق \ مبطي ..,

زياد بتساءل \طيب ليش مالك فحص سابق ملفك مافيه الا متابعه لضغط والسكر واخر مراجعه لك قبل اكثر من سنتين..!

ام عوق بتردد وارتباك \ انا ليا تعبت اراجع المستوصف الي جنب بيتي ويعطوني علاج ..

زيادبتودد\ياخاله غلط انك من بداية تعبك ما راجعتي للمستشفى ولا طلبتي فحص شامل..,

المستوصفات امكانايتها محدوده..,

ام عوق بحده\وش اطلب عليه انا مافيني غير العافيه اكتبوا لي خروج ابي بيتي..,

زيادبا اصرار\مانقدر نكتب لك خروج انتي تعبانه ياخاله ومحتاجه عمليه ..,

ام عوق برعب \ وش عمليته مانيب مصلحه عمليات ولاابي غير اطلع لبيتي..,

زياد بحزم \لازم العمليه مانبي نتأخر الوقت محسوب عليك

ام عوق\ليش تبون تجربون بي عقب ها العمر..,

زياد بقلة حيله \يا خاله وش نجرب لازم توقعين على العمليه ..,

عوق تمسح دموعها \وش عملياته العمليات للي بعمر امي خطيره احنا عارفين..؟

زياد بوجع\اي اعرف لكن ليش التشائم والأفكار السودوايه..!

ام عوق بوجع\زياد يا امك علمني وش هي له العمليه..,

زياد بمراره \عندك مشاكل بسيطه باالامعاء والرحم..,

ام عوق بتعجب\والرحم وش دخله انا عجوز لاني حامل ولا والد..!

زياد\خالتي هذي اشياء مالها دخل با الحمل والولاده احنا بس خايفين عليك..,

ام عوق\ لاصار هذا هي لابالله اكتبولي خروج وان شاء الله انها مثل ما قلت بسيطه..

زياد\يا خالتي وضعك ما يسمح انك تطلعين للبيت والمفروض من زمان متنومه..

احد الدكاتره بجمود\ مانقدر نسمح لك با الخروج هذي فيها مسؤليه..,

عوق بغضب \شكل الي في امي ماهو بسيط والا ليش كلكم مصرين على العمليه..,

دكتور ثاني\امك ماهي اول حاله تجينا كثير غيرهاليش مصعبين الموضوع..!

دكتور آخر \يا اختي لازم امك توافق على العمليه في خطر عليها ولازم توقعيها ما نقدر نسوي شي الا بموافقتها..,

ام عوق با اصرار\التوقيع ماني موقعه والي من الله حياه الله..,

طلع زياد من غرفة امي هو والدكاتره وخفت يوم اشوفهم مهتمين ويناظرون الاوراق..!

يتكلمون ويأشرون على امي وانا ما افهم وش يقولون..!

وزياد متأثر من كلامهم ويتنهد ويهز راسه..,

ام عوق بمعاتبه \انتي وش بلاتس بس تبتسين ماهو بزين الصياح لتس وانتي نافس..,

عوق من بين دموعها\ماتسمعينهم وش يقولون مره يقولون بسيط ومره يقولون لازم عمليه..,

ام عوق\لاحول ولاقوة الابالله ليتني ما طاوعتكم وجلست في بيتي انا وش جابني للمستشفيات وخرابيط الطبباء ..!؟

وقت الزياره زار امي سعد وسالم انا دخلت حمام جناح امي واسمعهم..!

سعد\عمه وشلونتس الحين ورى ما عطيتنا خبر انتس متنومه...!

ام عوق\بسيطه ان شاء الله ولا له داعي ازعجكم..,

سالم بملامه\مالتس حق والله يا عمه تتنومين وحنا آخر من يعلم..!

ام عوق بتذمر\وانتوا وش دراكم..,

سعد\مسلط كلمنا وعلمنا انتس با المستشفى..,

سالم\هم الدكاتره قرروا يصلحون لتس عمليه..!؟

ام عوق بسخريه\وانت من علمك بها السوالف..,

سعد\علمنا مسلط ونسيبتس الدكتوريقولون انتس ماتبين العمليه..

اردف سعد \وليه ياعمه رافضتها...؟

سالم بترجي\يا عمه الدكاتره اخبربوضعتس اكيد انتس محتاجتها..

ام عوق\مانيب مصلحه شي وبطلع لبيتي ماعقب ها العمراخلي التكاتره تلعب بي..

سعد\ياعمه هذولا ناس ماخذه شهادات ومار عليها مثل حالتس واجد..,

ام عوق\وانا وش حالتي ماعلي ان شاء الله خلاف وابي اطلع لبيتي..,

سعد\مافيتس ان شاء الله الا الخير لكن العمليه علشان تطيبين..,

ام عوق بغضب واستهزاء\هو انا بزير تاخذني على قد عقلي ياسعد..,

ام عوق با اصرار \اليوم طالعه طالعه ولا علي لا من خربطتكم انت وتكاترتك..,

سالم \هذا شي مافيه عناد لو ما شافوا انتس محتاجه ما قرروا عليتس شي..,

سمعت باب غرفةامي يندق وبعده صوت زياد..,

زياد بتفاءل\السلام عليكم ان شاء الله اقنعتوا خالتي..!

ام عوق بحده\وانت مفزعهم يقنعوني بالعمليه عساني ما اموت غيرتحت سقف بيتي..,

زياد با استعطاف\يا خالتي لا تعاندين العمليه ضروري لك ترتاحين من ها الألآم..,

ام عوق بمكابره\انا طيبه غير ماغص وراح الحمدلله..,

سعد\يا عمه انتي شورتس براستس حنا ماشين ولا نبي لتس الا الزين..!

ام عوق\لاتكبرونها وهي صغيره اليوم ان شاء اني بمسي في بيتي..!

سالم بملامه وتذمر\ ياعمه دايم مستعجله ولا تشاورين هذا طبعتس..!

ام عوق بسخريه حاده\صادق يا سويلم ما اشاوراحد لو اني اشاور احد كان قعدت انت واخوك على رواتبكم

ولا ركبتوا جيوب وسكنتوا فلل..!

سعد منحرج\الله يسامحتس ياعمه مع السلامه..,

ام عوق بحده\الله لايسامح كل خاين ولا عاد اشوفكم..,

سمعت صوت امي تنادي

ام عوق\عوق تعالي مشوا التسلاب..,

زياد بمعاتبه\يا خالتي ترى ماقالوا شي غلط..,

عوق بحده\وانت وش دخلك تدق عليهم هذولا ناس شماته..

زياد بغضب\حرام عليك وش ها الكلام انتي انسانه ملتزمه وتخافين ربك كيف تقولين كذا من يشمت بالمرض..

وهم مساكين يبون مصلحة خالتي..؟!

زياد التفت لوضحى بتأثر \ماتتخيلين كيف خافوا يوم قلت لهم انك تعبانه ورافضه العمليه..,

ام عوق بوجع\اسمع يا ولدي انا عارفه نفسي العمليه مابها فايده بس تعذبوني على الفاضي..,

زيادبتوتر\يا خاله الاعمار بيد الله لكن الانسان ياخذ با الاسباب ..,

عوق بغضب\ان شاء الله انها اطول منك عمر لا تفاول على امي ..,

زيادبنظره حاده لعوق\من يلومني ها الحين لو اذبحها ..

ام عوق تضحك\ عوق تمزح معك جعل عمرك طويل..,

زياد بتأثر\ الله يطول بعمرك يا خالتي لكن عوق الله يهديها مرات تصير مستفزه..

عوق تبكي وتبلع غصه\لا ما امزح ان شاء الله انتس اطول من اعمارنا كلنا..,

ام عوق تبتسم بوجع\من يقنع عوق اني وصلت التسعين الظاهر تحسبني ام عشرين سنه..,

زياد با استعطاف \خالتي لا تغامرين لازم عمليه وبا اسرع وقت..

طلع زياد من عندنا وهو زعلان..,

عوق بضيقه\يمه يمكن كلام زيادصحيح وحالتك لازم عمليه..!

ام عوق تتنهد بضيقه \ادري ان كل كلامه صحيح لكن يا بنتي ماعقب ها العمر بيشققون بطني..

انا معي سكر وضغط اموت في بيتي ولا بين ايدينهم..,

عوق ببكى\لا تقولين كذا خلاص لاتطرين الموت..,

ام عوق\ازهمي على السواق يجي يا خذنا بطلع رضوا والا بكيفهم..,

عوق\ لا يمه هنا افضل من البيت انا خايفه عليتس ..!

ام عوق بغضب\ابي ارجع لبيتي بالمستشفى ضاق صدري ولا نيب مرتاحه..,

اصرت امي على الخروج والممرضات حاولو يهدونهاوامي رافضه ..,

نادوالدكتور المشرف على حالتها وكلم زياد وجا معاه..,

ام عوق بترجي \اسمعوني بوقع على العمليه لكن بشرط

تطلعوني لبيتي اليوم وبكرا ان شاء الله من الصبح ارجع لكم..,

زياد يتشاور هو الدكتور الثاني الي مشرف على حالة امي..

الدكتور بتحذير\يا وضحى بنكتب لك خروج اليوم لكن بيكون على مسؤليتك اول شي..,

وبعدين لازم بكره من الصباح تكونين موجوده وتكونين صايمه من بعد الساعه عشرالليله توعدينا..,

ام عوق\اوعدك اني بس الليله امسي في بيتي وبكرا تلقاني مع فجة النور عندكم..

زياديتنهد بقلة حيله\ياخاله فيك عنادمو طبيعي..

اردف بتحذير\شوفي انا الي برجعك للمستشفى لاتقولين زياد ما قال..

ام عوق تبتسم بوجع \ابشر بس خلوني اطلع لبيتي ضاقت علي جدران مستشفاكم..

كتب زياد خروج لأمي وهو الي وصلنا للبيت بنفسه وطول الطريق يقول لأمي لاتنسين بكرا..

قبل الدوام امرك واخذك للمستشفى وتكونين صايمه..,

نزلنا للبيت وزياد رجع للمستشفى ..,

دخلنا بيتنا انا وامي و جلست با الصاله وتناظر الجدران وتتنهد..,

امي عمرها ما سوتها حسيت ان فيها شي غريب..

ما ابي ابكي قدامها ولا انا عارفه وش فيها..

دخلت غرفتي تعذرت اني بغير لبسي وبريح شوي ..

انا لازم اعرف من زياد امي وش فيها با الضبط

ماهو معقوله خوف الاطباء واصرارهم على العمليه من فراغ اكيد في شي خطير..

كلمت زياد وقلت تعال ابغاك ضروري واذا جيت لا تدق الباب عطني نغمه..

سألني فيك شي او في امك ما تمالكت نفسي وبكيت قلت لابس تعال..

طلعت من غرفتي ولالقيت امي با الصاله كانت منسدحه بغرفتها..

عوق بخوف\يمه وش فيك منسدحه...,

ام عوق \مافيني غير العافيه ابي ارتاح قبل الصلاة..

سمعت نغمة جوالي اكيد هذا زياد وطلعت من عند امي..

زياد بهلع\ افتحي انا واقف عند الباب..,

فتحت لزياد ودخلت انا وهو للمشب وسكرت الباب علينا..,

عوق ببكى\زياد حلفتك بالله امي وش فيهاانا كل ما سألتك تتهرب مني ولا عطيتني الكلام الي يريح..؟!

زيادبوجع\عوق انتي تخوفيني من ردود افعالك يعني لو بتعرفين وش بتسوين ..؟!

عوق وزاد بكاها\هذا الي كنت خايفه منه امي فيها شي خطير..؟!

زيادويده على فم عوق\تكفين اسكتي لاتسمع امك وتخوفينها بدون فايده..؟!

عوق تمسح دموعها الحاره\خلاص بسكت بس علمني وش الي فيها با الضبط..!؟

زياد باألم\الي في خالتي ابتلاء من الله سبحانه والي بقوله خليه بيني وبينك لا يطلع وخصوص لها..!؟

عوق بترقب \اكيد..,

زياد بوجع وتردد\خالتي عندها سرطان با الامعاء وورم با الرحم..,

عوق با استنكاروخوف\انت متأكد..؟!

زياد يتنهد بحسره\كم مره صلحنا لها تحاليل واشعه والمرض في مراحل متقدمه عندها..,

عوق\طيب وش فايدة العمليه ..؟

زياد \بنتلاحق لا ينتشر زياده..

عوق\زياد لازم تصارحون امي وش فيها ويصير القرار بيدها..,

زياد\صعبه وخصوص الي مريض بالمرض هذا النفسية لها دور كبيرفي علاجه..

عوق\تكفى زياد الا امي ان صار فيها شي يمكن اموت..

زياد \تعوذي من الشيطان وحاولي تسيطرين على انفعالتك ترى امك مقبله على ايام صعبه..,

اردف زيادبضيقه \ الحين اطلعي وغسلي وجهك ولا تحسسين خالتي بشي وبنحاول ترجع للمستشفى الليله..,

دخلت عند امي وهي تصلي العشا وانتظرتها حتى خلصت صلاه..,

ام عوق\انتي وينتس اقعدي ارتاحي توتس نفاس..,

عوق بوجع\ زياد هنا وكنت عنده..,

يمه يبي يشوفتس..

ام عوق\ايه زين خليني البس برقعي وقولي له يدخل..,

كلمت زياد جوال ودخل عند امي ..,

زياد\ مساء الخير يا خاله..,

ام عوق \هلا بك وقبل كل شي رجعه للمستشفى مانيب راجعه الليله..,

زياديناظرعوق بدهشه\ماشاء الله عليك يا ام العوق..

زياديبتسم بترجي\ خالتي خلينا ارجعك للمستشفى الليله افضل لوضعك..

ام عوق بحده \كلمتي وحده ماني راجعه ودك تاخذ حرمتك مانيب صايره بينكم غيره ماعندي..

عوق ببكى\ يا ليتنا ما طلعنا من المستشفى ياليتنا ما طاوعناتس ..؟!

ام عوق بغضب\وانتي وش بلاتس تدورين الي يبكيتس..,

ام عوق لتفتت لزياد\لاتروع بنتي علي عوق نفاس وانا ما فيني شي..,

زياديتنهد بوجع وقلة حيله\ان شاء الله ان مافيك شي برجع للمستشفى تبون شي..

ام عوق بضحك\ عسى عمرك طويل شف خاطر عوق الي يرضيها يرضيني..

طلع زياد ولحقته..

عوق من بين دموعها\زياد خايفه على امي شكلها تقاوم الالم وهي ساكته..

زيادبا الم\خلاص لاتبكين الليله بتقعد هنا والصباح بجي بدري اخذها للمستشفى غصبآ عنها..

عوق\وش بنسوي الحين كل ما دخلت عليها القاها منزله وجها على المخده وتون..

زياد يناظر جواله\دعواتك لها انا ماشي مافي يدي شي امك عنيده الله يجيب الصباح بخير..؟!

عوق\ الله يستر يارب تشفي امي..,

طلع زياد ورجعت لأمي بشوفها لقيتها منسدحه على سريرها وتستغفر قربت منها..,

عوق بوجع\يمه انتي زعلانه علي..,

ام عوق بمحبه\ الله يرضى عليتس دنيا واخره لاوالله راضيه..,

عوق بحزن\يمه خايفه طلعتس فيها ضررعليتس..!

ام عوق\لا بالله ازين ماسويت اني طلعت من المستشفى والحين بنتعشى انا وانتي ونعين من الله خير..,

عوق\لازم تصومين بعد الساعه عشر مثل ماقال الدكتور..,

ام عوق بشرود\الله خير وابرك وتو الوقت الساعه ماجات عشر..,

حضرو الخدامات العشا وتعشيت انا وامي وبعد العشا..,

ام عوق\دايخه وانا امتس ابي انام ما ارتحت بنوم المستشفى

وانتي هنيا ماريحتيني كل شوي فاتحه الباب..,

عوق \بروح ابدل لبسي واجي انام معتس..,

ام عوق\لا بالله لاتجين ارتاحي ونامي والا كلمي رجلتس يجي ياخذتس تشوفين وليدتس..

عوق تبتسم بوجع\وليدي الله يعوضني فيه خير شوفته ماتسر..,

ام عوق بتأنيب\ استغفري ربتس ولا يغرتس صغره ان شاء الله يطلع با السلامه الله يذوقتس نفعه..

عوق بحزن \لو انتس شفتيه ما قلتي ها الكلام الا بتقولين يمكن الموت رحمه له..

ام عوق\الموت والحياه بيد الله ما ادري لو انه اطول منا عمر..

اردفت ام عوق بوجع\لكن يا بنتي ما اعجبتيني على زياد كل شوي قابه بحلقه

زياد حبيب وما يستاهل منتس بعض كلام لا او صيتس عليه ترى زعلي ورضاي عليتس

مربوط برضاه ويالله انا برتاح ..,

عوق\انا بعد دايخه بنام خليني ارقد عندتس تكفين..

ام عوق بضحك\ تدرين انتس عله اقلقتي راحتي با المستشفى مانمت منتس والحين ناشبه لي..,

عشاوتعشينا وسوالف وسولفنا روحي ارقدي..,

عوق بترجي\يمه تو الليل الساعه ماجات تسع ..,

ام عوق\النوم اذا جا ما يعرف تسع من عشرريحي تراتس ما ارتحتي من ولدتي..,

عوق تبتسم بمحبه\ بنام بغرفتي اذا بغيتي شي ناديني..,

ام عوق\بحفظ الله يمي بس لاتنسين كلمتي لتس..!

عوق با اهتمام \ آمري يمه وش كلمته ..,

ام عوق \مهما طالت الايام بنات خالد وتركي ان مشو شرق انتي امشي غرب ماطريقكن واحد

عوق بذعر \يمه والله داريه بس لاتعيدين ها الكلام والله يخوفني كلامتس

ام عوق تبتسم\وش يخوفتس اخبرتس نسايه قلت اذكرتس ..,

اردفت \يا الله توكلي على الله انتي هروجتس واجد وانا دايخه ابي انام..,

تركت امي ودخلت لغرفتي تمددت على سريري وانا افكر احس امي اليوم غير عن الصباح ما اشتكت من شي..

معقوله كلام زياد صحيح ان امي مريضه ولازم لها عمليه والابس دكاتره يبون يجربون..!

او كانت تعبانه تعب بسيط واخذت علاج والحين ان شاء الله انها بخير..؟!!

كلمت زياد

عوق \زياد انت متأكد من مرض امي..,

زياد بتعجب\ليش..,

عوق\ما ادري بس احس الحمدلله مافيها شي وخصوص الليله تسولف وتمزح وتضحك عاااادي امي الي انا خابرتها..,

زيادبطمئنه\ ان شاء الله انها بخير..

عوق \بترجع الليله انتظرك..

زياد \لا نامي انا ان شاء الله الفجر بكون عندكم عندي شغل الليله..,

نمت وصحيت عطشانه واحس جسمي حمى ناظرت الساعه ثلاث الفجرمعقوله نمت كل هالوقت ..,

بموت برد ناديت الخادمه تعبت وانا انادي بموت من البرد على الاقل تعطيني بنادول..

وتنزل بطانيه اتغطى فيها..,

قمت من سريري وانا انادي صحت الخدامه على صوتي

قلت لها تلحقني ببطانيه وبنادول لغرفة امي..,

حسيت نفسي بموت من البرد وعظامي تكسرت..,

واسناني تصك في بعض من كثر ما كنت ارتجف عسى مافيني بس حمى نفاس..,

دخلت غرفة امي لقيتها نايمه والنور والع غريبه امي ما تنام با النور..,

اخذت البنادول من الخدامه وطفيت النور وانسدحت جنب امي قلت للخدامه تغطيني وحضنت امي..,

حسيت جسم امي بارد ولا تحركت با العاده تحس فيني..,

قمت على طول ولعت النوروناظرت وجه امي من قريب شكلها نايمه مسكت يديها لقيتها بارده..؟ّ!

لكن الي شد انتباهي امي اصبعها السبابه كنها تتشهد..,

حاولت اصحيها ماردت علي اكيد فيها شي احاول افتح يدها تنتفح لكن ترجع اصبعها على وضع التشهد..!!

ناديتها يمه اصحي يمه انا عوق اصحي يمه بس قولي نعم تكفين يمه لاتخليني..,

ما ردت علي حسيت قلبي صار يدق بسرعه من خوفي عليها..

اخذت عباة امي الي بغرفتها لبستها وتغطيت باجلال كنت لافته على راسي وطلعت اركض لبيت عمي مسلط..,

دقيت الباب وبعدها ما ادري وش صار..,

اسمع اصوات رجال حريم اختلفت علي الاصوات وصياح مرعب ..,

احس اني اصحي اشوف شي ابيض واشخاص قدامي تتحرك شكلي بمستشفى وارجع انام..,

عوق بوهن\آه راسي ..,

ام ابراهيم\الحمدلله على السلامه..,

عوق با ارهاق \خالتي انا وين شكلي بمستشفى ..

ام ابراهيم بحزن\تعبتي وجبناتس هنا..

عوق بتساءل\خاله كيف جيت هناوامي تركتها با البيت تعبانه..!؟

ام ابراهيم\ صحينا على صوت الجرس و لقيناتس طايحه عند الباب ..

دخلتس انا والبنات وكلمنا رجلتس واسعفناتس..,

عوق \طيب امي وشلونها ابي اشوفها ..,

ام ابراهيم تتنهد بضيقه \امتس با احسن حال ان شاء الله..,

عوق با استغراب\وينها الحين..

ام ابراهيم بحسره\في بيتها مرتاحه..!

عوق با اصرار\وانا بعد بطلع ما فيني شي الحين..؟!

ام ابراهيم \وين بتروحين انتي من ولدتي ما ارتحتي..؟!

عوق\خالتي بكلم زياد يطلعني..؟!

ام ابراهيم \ارتاحي بطلع شوي وارجع..؟!

طلعت خالتي ام ابراهيم بقيت با الغرفه با الحالي..!

انا بلبس المستشفى ويدي فيها مغذي من متى واناهنا..؟!

رجعت ام ابراهيم..؟!

عوق\خالتي وين رحتي ..؟

ام ابراهيم بحزن\قريب ..

عوق\ خالتي من متى وانا هنا..

ام ابراهيم\ من يومين ترى الحين بيجونتس زوار..

عوق بتعجب \ يومين اكيد امي بتجي..

ام ابراهيم \امتس مانبي نتعبها ..

صوت جوال مع خالتي ام ابراهيم..,

ام ابراهيم \ما عليك مافي احد الا انا من يوم تجي ادخل..

احس وجه خالتي فيه شي وتتهرب كل ما سألتها عن امي وعيونها فيها اثر بكى ..؟!

دقايق ودخل زياد..,

غريبه لابس ثوب ولاف شماغه بدون عقال شكله ذكرني يوم توفت امه وش صاير ..؟؟!!

زياد\مسا الخير..

ام ابراهيم \حيا الله ابو نمر انا با استراحة النساء اذا بغيتوني ..

زياد\ما قصرتي ام ابراهيم الله يجزاك خير..

طلعت خالتي وبقى زياد وجهه ما يبشر بخير يمكن ولدنا صار فيه شي..

انا اصلن متوقعه انه ماراح يعيش عقب ما شفت صغره وكثر الاجهزه الي عليه..

زيادسلم على راس عوق وجلس على السرير مقابلها\كيفك الحين ان شاء الله كويسه..

عوق بتوجس\زياد وش فيك وجهك ماهو طبيعي ان كان قصدك ولدنا لله ما اخذ ولله ما اعطى..

زياديبتسم بوجع ويبلع غصه \ما شاء الله عليك عوق والله اهنيك على قوة ايمانك

والله اذا حب عبدآابتلاه وعظم الجزاء من عظم البلاء..,


حسيت قلبي اوجعني من كلام زياد صدق انا قلت له الكلام الي قلته لكن ما توقعت انه بيرد علي كذا..

ما ادري ليش دموعي لا ارادي صارت تصب مع اني عارفه ان الموت راحه لنمر حجمه وشكله ما يويحي ابدآ انه راح يعيش..

زياد بوجع\ليش تبكين..

عوق بحسره\ما ادري كان عندي امل انه يعيش ..

زياد با الم\الله ارحمنا منا فينا الي تنتهي حياته بيموت مرات الموت يكون فيه راحه..,

عوق من بين دموعها\لوعاش نمر تتوقع راح يعيش بدون اعاقه او تشوهات جسميه..

زياد بضيق \حياة نمر وموته بيد الله مهما سوينا وحاولنا ماراح نقدر نسوي له شي الا الي ربي كاتبه له..

عوق تبكي وبملامه لنفسها\احس ذنبه برقبتي لو كمل تسع شهور يمكن عاش انا ماحافظت عليه ..

زياد يناظر با الارض \عوق لونمر وصل عمره لتسعينات وانمرض مرض خطير وش كنتي بتقولين..!

عوق بتهكم موجع وتمسح دموعها\وش بقول اذا عمر ولدي بالتسعينات انا كم عمري..

زياد بتوتر\لا مافهمتي علي اقصد لو هو كان عمره كذا اومثلآ انتي تعرفين انسان عمره كبير..

عوق بحزن \نمر كنت اتمنى بيني وبين نفسي انه يعيش لكن وش بيدي تدري امي الله يشفيها وش قالت لي..,

زياد يعض على شفايفه ويغمض با الم\ وش قالت ..؟

عوق بتهكم \لا يغرك صغر جسمه يمكن انه اطول منا عمر وهذا هو راح..

زياد يبلع غصه بوجع \عوق عندك فكره عن مرض خالتي..

عوق تمسح دموعها\الله يشفيها انت معلمني والا نسيت..

زياد\ خالتي كبيره با العمر و معها سكروضغط والمرض انتشر بجسمها..

عوق بترجي \تكفى بطلع اشوف امي خالتي نوره تقول انها طيبه..

زياد يكمل كلامه \ من زمان المرض فيها كانت تعاني وتتعذب لكن ماخبرت احدالا ام ابراهيم ومن فتره قريبه..,

عوق بحزن\امي صبوره ماهو اي شي يهزهافديتها والحمدلله الطب تقدم بتلقون لها علاج..,

زياد ضم ايدين عوق\قولي لا اله الا الله ..

عوق بخوف\لا اله الا الله وش صاير..

زياد با ارتباك\خالتي تطلبك الحل واسترجعي لا تضيعين اجرك..

انفجعت من الصدمه ..,

ماحسيت الا زياد يضمني بقوه وشي ثقيل نزل علي قلبي وهد حيلي..,

اكبر من الوجع الي شعرت فيه يوم حسيت اني فقدت نمر..,

صرت اصرخ بدون شعور واحس بنزيف اكثر من ولادتي بنمر ودخت..

اسمع زياد يصرخ ينادي الممرضات وعطوني ابره دوختني بزياده...

ما ادري الوقت الي مر علي لكن صحيت وانا احس بثقل بكل جسمي ..,

شفت بشرى جالسه على كرسي وشكلها تقرا قرآن..

يوم شافتني صحيت جات لي

عوق بوجع \انا بحلم والا علم اني فقدت امي..

بشرى بحزن\الحمدلله على السلامه عوق شدي حيلك انتي انسانه مؤمنه اصمدي والمؤمن مبتلى وامك عند ربآ رحيم ..,

عوق تبكي وتعض ايديها \انا لله وانا اليه راجعون..,

كلمت بشرى جوال تقول عوق صحت تعال..,

دخل زياد وطلعت بشرى..

زياد \الحمدلله على السلامه تماسكي ياعوق وارضي بقضاء الله سبحانه

عوق ببكى\متى امي توفت ..,

زياد\الليله الي طلعت فيها من المستشفى..,

عوق ببكى مرير\ياليتني رجعتها للمستشفى ياليتكم ما وافقتوا انها تطلع لبيتها..,

زياد يحاول يهديها \لاتقولين كذا خالتي كانت تعبانه..!

زياد يسولف علي ويحاول يهديني ودموعه تصب

ويذكرني بتجزعه يوم امه ماتت وانه ما فاده شي غير انه ندم انه ماصبر..

ولا عرف قيمة الصبر الا بعد مرور شهور على وفاةامه..,

دخلوا خوات زياد نجلاء وبشرى ومعهم ام ابراهيم ما ادري يصبروني والا يعزوني ما ادري وش صار فيني ..,

ماعدت احس بلي حولي ماعاد عندي قدره اخذواعطي معهم اشوف ازوال واسمع اصوات لكن ماني قادره ارد على احد ...!

وش فايدة الكلام امي الي رابطتني با الدنيا ماتت وولدي الي يمكن بيعطيني سبب علشان اتمسك با الحياه راح..

من بقالي با الدنيا مكتوب علي اكون مقطوعه من شجره طول حياتي فقدت كل الي من لحمي ودمي ..

ماعاد لي شي يذكرني بنفسي الي مني ولي راح خلاص ..,

ياربي الصبر الصبر..

ماغير دموعي تصب واعظ اصابعي..

صبرني يا الهي على ها الامتحان ولا تخذلني ..,

نجلاء \الحمدلله عوق امك توفت وهي راضيه عنك وهذي نعمه عظيمه..,

بشرى تبتسم بوجع\ لو شفتي وجها بعد وفاتها والله انه احسن من يوم كانت عايشه..

ام ابراهيم\ما شاء الله يا زين خاتمتها بفراشها وسجادتها بمكانها ما طوتها..

زياد\ام عوق تحملت مرض يعجز عنه عشر رجال ان شاء الله انها من الصابرين ولا شكت ورفضت حتى العلاج..,

كل الاطباء الي هنا وشافوا حالتها كانوا مستغربين كيف قدرة تقاوم المرض الي فيها..,

نجلاء \بتطلعين معانا لبيتك افضل بكثير لك من المستشفى...

ام ابراهيم \طالبتكم ابي عوق تطلع معي لبيتي بناتي كلهم عندي وبتساتنس بينهم..

زياد\ماعندي مانع بكيفها تدلل ام نمر..,

بشرى \ لو بعد تجي في بيتها ماراح نتركها كلنا بنكون حولها..

زياد\وش رايك وين تبين..,

عوق بوهن\بيت امي بطلع لبيت امي..

نجلاء \ما يصلح تطلعين بيت امك انتي تعبانه..

ام ابراهيم با اصرار\ام راكان صادقه وانتي للحين نفاس مانيب تاركتس يا معي يا معهم..

وبيت امتس مليان ناس ما انتي ماخذه راحتس فيه ..,

عوق تغمض عيونها بوجع وتهز راسها بنفي\ما اطلع الا لبيت امي ..,

زياد\ خلاص خلوها على راحتها متى تبين تطلعين..,

عوق تمسح دموعها\الحين طلعوني لبيت امي..,

نجلاء با انتقاد لزياد\ كيف تطلع الحين زوجتك ماهي طبيعيه شف كيف وجها وعيونها..,..!

زياد\نجلاء ساعديها تغير لبسها وانتظركم برا..,

نجلاء بحده \انت صاحي الحرمه تعبانه والنزيف الاخير الي جاها صفى دمها..!

زياد\ انا ادرى بوضعها النزيف الحمدلله وقف ودمها تعوض با الدم الي عطيناها..,

وبعدين انا معاها وانتو ما تقصرون..

فهمت من كلامهم ان زيادلماخبرني بوفاة امي جالي نزيف واضطروا يرجعون يعطوني دم يعوض الدم الي فقدته..,

و طلعت للبيت الي كان موجودفيه حريم سعد وسالم وضحى

دخلت للبيت وزياد جلس با المجلس كان فيه ناس طالعين وداخلين..!

لحقتني ام ابراهيم الي رجعت مع ابراهيم ولدها ودخلت بعدي..,
.
.
.
(كلمه اخيره)


هناك لحظات في الحياة لا يصمد لها بشر إلا أن يكون مرتكناً إلى الله

مُطمئناً إلى حِماه .. مهما أوتي من القوة والصلابة والثبات !

ففي الحياة لحظات تعصف بهذا كله ، فلا يصمد لها إلا المطمئنون بذكر الله !

“أَلَا بِذِكْرِ اللَّهِ تَطْمَئِنُّ الْقُلُوبُ ” ,


*سيد قطب
.
.
.
الي الملتقى قريبآبأذن الله

وسالفه جديده


طيف الأحباب

ام الوليد

تذكروني واحبابي بدعوه طيبه

بسم الله الرحمن الرحيم


اللهم يا الله يا حي يا قيوم نسألك باسمك الأعظم الذي إذا دُعيت به أجبت وإذا سُئلت به أعطيت,

ان تنصر عبادك المستضعفين فلا ناصر لهم غيرك,

اللهم انصرهم على من عاداهم,

اللهم انا نسألك يا قوي يا منتقم ياجبار,

ان تسلط العذاب على بشار أعوانه و مناصريه وخلص حقوق اخواننا المظلومين منهم يارب العالمين,

اللهم ان بشار الأسد و عصاباته قد طغوا و بغوا وقتلوا و دمروا ونشروا في الأرض الفساد,

اللهم صب عليهم العذاب صبا يارب واجعلهم يتمنون الموت ولا يجدوه,

اللهم احقن دماء المسلمين واهلك الظالمين بالظالمين واخرجنا من بينهم سالمين,
.
.
هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر..,

او با الرسائل الي تجيني على الخاص ممتنه للجميع..,


البارت اهداء لكل من سطر في متصفح نوح الحمام ولو بكلمه وحده من دون استثناء..,

سواء مدح اونقد اوحتى يسأل عن مواعيد البارتات دليل اهتمامه با الروايه..,

اسأل الله العظيم رب العرش الكريم ان يكشف عن اختنا امووله ضر مسها هو اعلم به منا ومنها.

بارت اليوم بارت طويل اتمنى انه يخفف حدة حزن البارت السابق..

اهداء خاص للغوالي بياض الصبح,عذرآقلب,سراب,الهدف,ateralmasa ,شبيهة امي.
.
.
اليوم بنشوف عوق المزايين والصعوبات الي واجهتها وهل بتصمد قدامها..,

يا الله تعالوا معاي...!!

وسالفه جديدة؛
.
.

البارت السابع والثلاثين
.
.
طلعت للبيت الي كان موجودفيه حريم سعد وسالم وضحى

دخلت للبيت وزياد دخل للمجلس كان فيه ناس طالعين وداخلين..!

لحقتني ام ابراهيم الي رجعت مع ولدها ابراهيم ودخلت بعدي..,

نجلاء وبشرى رجعوا لبيوتهم ..,

دخلت وشفت البيت موحش حسيت حتى جدرانه تبكي معي فقد راعيته..,

الموجودات كلهم قاموا بوجهي فيهم الي كاره دخلتي وفيهم الي حزين معي مدري علي

لكن الي بقلوبهم ترجمته عيونهم ..,

وضحى\الله يحسن عزاتس يا عوق ويعينتس ..

عوق \جزاتس الله خير..

زوجة سعد\الحمدلله ان شاء الله ان خاتمتها طيبه..

زوجة سالم\والله ما شاء الله انها كسبت الدنيا والاخره..

وضحى بتهكم \اي والله وش عاد ينفع كثر العيال وقلهم..

رجلي يقول يوم جنازتها من كثر الناس الي حضرت كنهاجنازة امير

الطريق للمقبره غير جات الشرطه نظمت السير..

غزيل بنت سعد بحزن\احسن الله عزاتس عوق والله ان مصابتس مصابنا..

زوجة سعد \عمتي راعية خير والي تنفق يمينها ما تدري عنه شمالها..

وضحى\اي والله من غير الايتام الي ضفتهم وعطتهم شي ما يعلم فيه الا الله..

افراح بنت سالم\وان شاء الله ان عوق ما تقصر ولا تقطع افعال الخير الي جدتي سوتها..,

زوجة سالم\الي مثل عمتي حظيظ هذا هي راحت وتركت الذكر الطيب وراها..


انا ادري اكثر كلامهن يقصدوني فيهم لكن ماعندي رد عليهن ..,

سبحان الله هن وبناتهن ناس سم وناس بلسم وهم عايله وحده..!

تركتهن يسولفن ويعبرن عن شعورهن ماعاد يهمني اي كلام امي وراحت ..,

كنت بدخل غرفةامي لقيتها مقفوله بالمفتاح..

عوق بحده واستنكار\من قفل غرفة امي..؟!

وضحى با ارتباك \سعد, سعد قفلها..,

افراح منحرجه\ والله مالنا دخل عمي سعد هو الي قفلها ياعوق..

عوق بصراخ\ومن هو سعد علشان يتحكم في بيت امي يقفل ويفتح على كيفه وين المفتااااااااح..

ام ابراهيم\استهدي بالله يا عوق ما صار شي..

عوق بقهر\ليش على كيفه يقفل غرفة امي..

غزيل \اهدي يا عوق الحين بنجيب المفتاح..

زوجة سعد\ انتي انثبري يا غزيل وش دخلتس..

والتفتت لعوق\خير واذا قفلها غرفة عمته ماهي غريبه عنه..

عوق تصرخ\الغريبه تبي المفتاااااح بسرعة تسمعين ..

وضحى بغضب\الله يكفينا شر بنات الحرام تعوذي من ابليس ولا تصارخين

عيب المجلس مليان رياجيل تسمع صراختس ..

عوق تبكي وتضرب الباب \افتحو غرفة امي افتحوهااااا ..,

وضحى بتهكم \الكلام معتس ضايع الي مثلتس وشلون يعرفن العيب بنت حرام ماعليتس شرهه..,

عوق ببكاء مرير\الحين انتم وش تبون من بنت الحرام

طلبتكم شي اخذت منكم شي عشت على صوانيكم والا من مدة ايديكم..!

ام ابراهيم بحده وغضب \وضحى فكينا شرتس الحرمه تعبانه نافس وفاقده امها..

عوق بتهديد وتضرب باب الغرفه\بسرعه افتحوا الغرفة وبعدين يا وضحى نتحاسب..!

وضحى بسخريه\ليه وش فيها الغرفه خايفتنا نلقاه مير من دخلتي على طول طرتي لبابها..!

عوق بقهر \الي فيها فتشتوه واخذتوه قبل امي اتوسد التراب والا ما قفلتوا الغرفة..’

وضحى بسخريه \يا قو عينها وتظلم بعد..!

عوق بضعف تجلس قدام الباب\خالتي تعبت افتحو الباب والا نادي احد يكسر الباب..

وضحى با استنكار \وش يكسر الباب ليه هو حلال ابوتس والا وارثته من جدانتس الي من ينعرف منين هم..,

ام ابراهيم بحده وتهديد\ تعوذو من ابليس وخلو احديفتح الباب لعوق تدخل غرفة امها..!

زوجة سالم با استهزاء \ليه من قال انها امها..,

عوق بتعب\خالتي عطيني جوال بكلم زياد يشوف ها العصابه..

وضحى بغضب وسخريه\والله ماغيرتس انتي ريسة عصابه الي بينا وبينتس عجوز وماتت توكلي على الله..!

ما قصرت زوجتس بلوتن مثلتس كلميه خليه يقلعتس عنا مالتس مكان بينا..,

ام ابراهيم بغضب واستنكار\ليه وين تبينها تروح وتترك بيتها

هذا انتم ماشاء الله مثل الغزو من توفت ام عوق وانتم تبطحون بالبيت..,

زوجة سعد\البيت بيت عمتي والحين صار لعيال رجلها هي مقطوعه ومالها احد الا عيال عمي ناصر..,

ام ابراهيم بتحدي\كل شي يخص وضحى كتبته لعوق..

وضحى بسخريه \والله من النصب والكذب وبعدين انتي يا نويره وش دخلتس انتي ورجلتس

والا بعد ضحكتوا على عمتي ولفيتوا من وراها لين قلتوا بس مثل ها البلوى الي تدافعين عنها..,

ام ابراهيم تبتسم با استهزاء\ سبحان الله ياوضيحه كلن يرى الناس بعين طبعه

وحنا ناس معروفين مانحتاج شهادتس لا انتي والا الي على شاكلتس ..؟

وضحى الهجاد ما وكلت رجلي الا بعد ماطفح بها الكيل من سوايا اخوانتس..,

وعوق ماهي بلوى البلوى الي ما يخاف الله ويخون الامانه ..,

وضحى بحده\وش قصدتس اخواني العبوا على عمتي واخذوا حلالهاوخانوا بها..,

ام ابراهيم بسخريه وانتقاد \لا لا يا وضحى اخوانتس محشومين من الخيانه..

اردفت بتهكم \بس عمتكم وشيختكم ام العوق موصيه مسلط قبل تموت يرجع كل شي يخص وضحى الهجاد لبنات اخيها

والظاهر انكن شفتنهن با العزا انتم الي ما بينكم وبين وضحى غير شايب ومات لا قربه ولا صحبه..!

زوجة سالم با استهزاء\ومسلط وش دخله بلي يخص عمتي وضحى...

ام ابراهيم بتهكم\لا سلامتس بس هي موكلته با المحكمه ورجلتس واخوه عندهم خبر

وضحى الله يرحمها معلمتهم با الوكاله الي مشترطه فيها عقب موتها ان مسلط يشوف الي فيه صلاح ويسويه..,

وام العوق ان شاء الله انها ماهي مقطوعه مثل ما تقولن لا تغبرون على روسكم..!!

سكتت وضحى وحريم اخوانها بعد كلام خالتي ام ابراهيم..

طلعت زوجة سعد ورجعت معها مفتاح غرفة امي..

عوق بدهشه وخوف\من الي جا ياخاله بعزا امي من قرايبها..

ام ابراهيم وهي تفتح الباب\خلينا ندخل الغرفه واعلمتس ..؟

دخلت الغرفه ومثل ما توقعت مقلوبه فوق تحت دولاب امي وخزنتها..,

سريرها محيوس ومقلوب فراشه..!

ماتمالكت نفسي يوم شفت سريرها طحت عليه وقعدت اصيح..

بكى قلبي قبل عيوني على اغراض امي كيف ملعوب فيها

كل هذا علشان عيال ناصرعارفين ان امي مالها احد واثقين محد بيحاسبهم..

دخلت وراي خالتي ام ابراهيم وقعدت تبكي معي وتهديني ودخل بعدها افراح وغزيل يبكون معي..

ويحاولون يخففون عني مصابي..

عوق بغضب \ان كان صدق امي تهمكن خوذن اهلكن من بيتنا واطلعوا فكوني لاحقني بشركم من طلعت لدنيا..

غزيل ببكى\والله مافي يدينا شي من ثالث يوم العزا واحنا نقول بنرجع لبيوتنا لكن ابوي وعمي رافضين..,

افراح تمسح دموعها\يا عوق وش نسوي والله دارين ان اهلنا اكل قلوبهم الطمع..

وانتي لاتخافين حقتس حافظته الدوله ابوي وعمي بيملون ويطلعون بس انتي اصبري..,

عوق ببكى \ولمتى ان شاء الله اصبر على اهلكن وانتظرهم..!

اذا انتن صدق بتوقفن معي الحين اول من يطلع من البيت انتن..,

واهلكن اذا ما طلعوا با الطيب بيطلعون غصب..

ام ابراهيم بحده\الله يجزاكن خير يا بناتي

عوق توها طالعه من المستشفى تعبانة اتركنها ترتاح..,

طلعوا غزيل وافراح وبقيت انا وخالتي ام ابراهيم با الغرفه..,

ام ابراهيم تمسح دموعها \ذبحتي نفستس با البكى ولا انتي راده شي..

عوق ببكى\ياخالتي راحت امي من بقالي ماتشوفين الي برا جايين يدورون الفوايد..!

ام ابراهيم وهي تحضن عوق\يعلم الله انتس عندي وعند مسلط مثل بنياتنا وهذولا ما عليتس منهم..

عوق با امتنان \الله يجزاتس خير انتي وعمي..

ام ابراهيم تتنهد بوجع\الصبر وما مثل الصبرياعوق ما نتي اول الناس ولا اخرها

انا امي ماتت بين ايديني وهي مافيها الا العافيه شكت با الليل واصبحت متوفيه..

والا امتس حرمه كبيره ومريضه ومبطي ساطي بها المرض يعني وش بيدنا نسوي.

لو التجزع والصياح يرد الاموات كان كل ميت ردوه اهله..

عوق بوجع\خالتي انتي داريه بمرض امي ..,

ام ابراهيم تتنهد بوجع\اي والله دارية وعلمت مسلط ..

عوق بدهشه\من متى ..!

ام ابراهيم بحزن\من العام طلبتني اروح بها للمستوصف اسوي لها فحص تونس بطنها وعلمونا..

وعطونا تحويل على طول للمستشفى..,

حاولت فيها تدخل المستشفى لكن ارفضت تقول تكفين يا نوره لا تحرميني اجر صبري مابقى كثر الي راح..

عوق بوجع ودهشه\وانا وين انا امي ماتطلع الا وانا معها..؟!

ام ابراهيم \يوم رحت بها انتي هقوتي انتس با الجامعه وهي متعمده ماتبيتس تدرين..

وعجلت زواجتس من زياد وهي والله الي بغته لتس ..

كم مره تذكره نفلا عندها وهي الي شارت على امتس به

قالت زوجيه عوق وانه خوي لعيالها ورجال اجودي

اقتنعت الله يرحمه فيه وسالت عنه وارسلتني انا ومسلط عليه قالت مافي اصلح منه لعوق

ان صار لي شي بنتي تروح با الرجلين محد بيرحمها ..!

نوره تتنهد بحسره\وضحى سوت لتس الي ماتسويه الام لبنتهاوالحين دورتس تردين لها الدين فعل ماهو بكى وتجزع..!

والله لو تذبحين نفستس ماهو نافعها ولارادها..

بكاتس عليها ماغير يعذبها بقبرها ..,

عوق تجهش با البكى \يويلي على فراق امي ماكذبت بخوفها علي ماكذبت ..

ام ابراهيم ببكى\وضحى ماهي رخيصه عند كل من عرفهاوالحمدلله توفت بحيلها..,

ما طاحت وتعذبت والا خرفت وضيعت عقلها..,

عوق بتحسر\ياليتني شفتها قبل تدفننونها..,

ام ابراهيم تبتسم من بين دموعها\يا ليتس شفتيهاوجها ابيض كنه نور..,

وسبحان الله الي يسر تغسيلها ودفنها..

والله اني احرك جسدها مع المغسله طري تظنينها نايمه ها المسلمه ماهي ميته ..,

عوق تمسح دموعها\كيف دريتم بوفاتها..,

ام ابراهيم\يوم لقيناتس طايحه عند الباب درينا ماجابتس الا شي كبير..

والا رجلتس و سواقكم عندكم وش يطلعتس من بيتس اخر الليول دخلناتس داخل عندنا..

وفزعت انا ومسلط لبيت امتس وادخل عليها الله يرحمها من يوم شفت وجها دريت انها متوفيه..

واعود لمسلط قلت يا مسلط الظاهر ان وضحى متوفيه كلم زياد..

ونكلمه وجا على طول دخل عليها ومن شافها قال متوفيه..

ورجعنا عليتس واخذناتس بسيارة رجلتس للمستشفى..,

وهي الاسعاف جا وشالها وقرر الاطباء انها متوفيه من اول الليل..

عوق تبلع غصه \سبحان الله اخرعلمي فيها صلت وتعشينا حتى ما كلت واجد تقول ما ابي اثقل على معدتي..,

ام ابراهيم\الله يرحمها يقول زياد المرض فتك بجسدها كله لكن سبحان الله ما طيحت نفسها..,

عوق بقهر وتحسر\حاولت انام عندها وطردتني يمكن حاسه انها بتموت ولا تبيني اشوفها..,

ام ابراهيم\ويازينها من خاتمه هذا يعزي قلبتس ويصبره انها توفت وهي على طاعة ربها..,

وشدي حيلتس شوفي الي جالسات با الصاله ينتظرون بس طيحتس..

عوق تتنهد بضيقه\الله يكفيني شرهن ما سلمت منهن وامي حيه تبين الحين ماكذبت امي يوم تقول العرب مجهزه سكاكينها لتس ..,

ام ابراهيم\امتس الله يرحمهاجيده وعارفه وش وراها ما قصرت معتس خلت لتس الي يكفيتس..,

عوق\ الله يجزاها خيرعلى ان عيال رجلها حاولو ياخذون كل شي..

ام ابراهيم \ماعليه الي اخذوه ان شاءالله انه صدقه جاريه عنها غصبآعنهم

وانتي لا تنسينها بصدقه والا دعوه كثير والا قليل..,

عوق بحزن وتعب\ هذا طلبها مني قبل تموت..,

اردفت عوق وهي تمسك راسها\راسي بينفجر من الوجع ومهدود حيلي..,

ام ابراهيم\الله يعينتس تعب ولاده وفقر دم ووفاة امتس فتره ان شاء الله وتعدي..,

وهذي الدنيا لاحزنن يدوم ولافرحن يدوم..,

عوق بترددوتوجس \خاله صحيح قرايب امي حضروا عزاها..

ام ابراهيم بحزن\اي والله سمعوا بوفاتها الله يرحمها وجو حريم واجدات ..,

اردفت ام ابراهيم با استنكاروتعجب \اعوذ بالله تقل ملحوقات ماكأن هاك الحرمه الطيبه تقرب لهن..,

طول ثلاث ايام العزا يجن لهن شوي وثم يرجعن عن قولة ما حضروا وفاة قريبتهم..

ام ابراهيم بقهر\ياربي ياوحدتن فيهن اسمعهن ينادنها مره ساره ومره ام تركي شكلها هي اكبرهن..؟

من تدخل لين تطلع بسم الله وهي تناظر ساعتهاوالا تلفت يمين ويسارتقل خايفه من شوفت عدو..!

كل ما دخلت حرمة من الي يعزن طارت عيونها بها ثم هجدت

ولا بفمها الا كلمة تاخرنا تأخرنا والله اني مراقبتها ومتعجبه منها..

عوق تبلع ريقها با ارتباك\خاله سألوا عني ..!

ام ابراهيم بتساءل \من هم قصدتس قرايب وضحى..!؟

عوق بخوف وترقب\ايه هم عارفين انها كافلتني من دار الرعايه..

اردفت عوق بتأكيد\ رعاية الايتام ياخاله رعاية الايتام..!؟

ام ابراهيم بوجع\ادرى انها كافلتس من الرعايه تعلميني يا امتس..,

اردفت ام ابراهيم بتنهد\سألت عنتس وحده منهن وقبت بوجها بسم الله الي اسمها ساره..

قالت حنا جايات يا مشاعل نعزي بوضحى الهجاد..

الضعيفه هذيك تفشلت وسكتت غير دميعاته تصب وتشاهق بسكات تقطع القلب ..

عوق باارتباك \احد قالهن شي عني..

ام ابراهيم \ هي سألت وضحى ولا عطتها وجه كسرت خاطري بغيت اقولها عنتس مير استحيت..

عوق بقلق \وش سون الي برا يوم شافن قرايب امي جابو طاريي قدامهم..

ام ابراهيم بتهكم\وش سون والله ما صدقن على الله يطلعن مع الباب ..!

خافن بعد يجلسن في بيت وضحى ويطالبن فيه نسوا طاريتس يوم شافوا قرايب وضحى..؟!

اردفت ام ابراهيم بتعجب\يا سبحان الله ياعوق كيف يشبهنتس انتي والوضيح الله يرحمها ..؟!

تكفين على شان وضحى انا طالبتس تاصلينهن هذا رحم الوضيح جعلها للجنه..؟!

عوق تصرخ بذعر\لا يا خاله لا لاااا

ام ابراهيم بخوف\بسم الله عليتس وش جاتس..

عوق بتوتر وارتباك\لا تجيبين لي طاريهن غثن امي يبونها ترميني يقولون وش تبين في بنت حرام تضفينها..

ام ابراهيم بدهشه\تقولينه صادقه..

عوق بتوتر وارتباك\ايه يا خاله يوقولون خربتي سمعتنا جبتي بنت مايدرى من اهلها وحطيتيها في بيتس ..

وامي زعلت عليهم وماتت وهي زعلانه منهم..,

والي امي زعلت عليه في حياتها يبشر بزعلي عليه لين الحقها والله لو اشوفهن لأطردهن..

ام ابراهيم بقلة حيله\لا حول ولاقوة الابالله حرام عليهن يقطعنها من الاجر ولا يبنها تكفلتس..,

سبحان الله والله لو شفتيهن ياعوق تروعين من زينهن وحريم شخصيات ماهن حي الله غير الرياجيل الي جو معهن..

عيالنا والجيران تروعوا يقولون والله انا ما حسبنا ان وضحى تعرف ها الناس الكباريه..

من غير سياراتهم الي سدت شارعنا وعشا العزا ثلاث ايام هم تكفلوا يجيبونه للمعزين ..

عمتس مسلط يقول انهم يقولون هم ماهم من قرايب وضحى لا هذولا حريمهم هن الي من قرايب وضحى..

عوق تتنهد بحزن\الله يسعدهم ويبعدهم ويستر علينا وعليهم..

ام ابراهيم \ اي والله انتس صادقه ميراذا قمتي با السلامه لتس امانه عندي..,

عوق با استغراب \وش امانته..,

ام ابراهيم\بعدين اجيبها لتس خلي لين تهدا الامور الحين عيال رجل امتس شابين..,

عوق بقهر\وش يبون مكفاهم الي اخذوه يعني بقى ها البيت الي فيه ريحة امي بيحرموني منه..

ام ابراهيم بطمئنه \ما علينا منهم كل شي با اسمتس واعلى مابخيلهم يركبونه وضحى ماخلت لهم مدخل عليتس..,

وخلت لتس خير من الله غير ها البيت..

عوق\يا حياتي كانت عارفتهم ما يخافون من ربهم..,

ام ابراهيم\طبع البشر الطمع الله يكفينا شره وهم ما علينا منهم

بيقبون كم يوم وعقبها كلن بيتوكل على الله ويروح بيته..,

عوق\انا بجلس هنا خلاص ما اترك بيت امي..

ام ابراهيم\هذا شي بينتس وبين رجلتس تشاوروا فيه والصالح سووه..,

عوق بغضب\ماعلي منه بقعد في بيت امي وعلى ريحتها..,

ام ابراهيم بملامه\ما يصلح منتس ها الكلام ورجلتس تراه حبيب وسمح

وقف بجنازة امتس كنه ولدها وزود على هذا ما لتس غيره..,

اردفت ام ابراهيم\والله يوم النزيف الي جالتس الضعيف بغى ينجن ما كنه دكتور ما خلى احد مافزعه يتبرع لتس بدم..,

عوق \والله داريه انه ما يقصر لكن الا بيت امي ما اطلع منه..,

اردفت بقهر \ بطلع اطرد ها الحوش الي برا..

ام ابراهيم \ماعليتس منهن بس لا تعصبين البيت با اسمتس بيع وشرا يطلعون با الطيب والا غصب..,

عوق تمسك يد ام ابراهيم \لا تتركيني..؟!

ام ابراهيم تبتسم بعطف\ مانيب تاركتس ان شاء الله لكن ابيتس بشغله..,

عوق بترقب\آمري..

ام ابراهيم\ ما يامر عليتس ظالم باتسر من وفاة امتس يتم اسبوع

بنشوف اغراضها بعد ها الحوسه نرتبها ونتصدق باالي موجود..,

عوق با اصرار\اغراض امي ماتتحرك من محلها..,

ام ابراهيم تبتسم \والله الظاهر انتس مثل رجلتس سبحان الي جمعكم..,

اردفت ام ابراهيم بتوعد\ بروح اشوف لي ينابحن با الصاله والله لأبرد تسبدتس فيهن وانتي انسدحي ارتاحي..,

طلعت ام ابراهيم وسكرت باب الغرفه وراها رتبت سرير امي وانسدحت عليه..

معقوله خلاص راحت امي وتركتني من لي بعد الله غيرها..

حتى الطفل الي كنت حاطه بعد الله الامل فيه ربي اختاره..

هذولا اهلي جوومشوا مافي احد حتى ذكرني لو بكلمة وشلونها..,

مشاعل تسأل عني بدموع عيونها محرم عليها تسأل بلسانها..

وام ابراهيم منهبله من الشبه الي بينا وآل ناصر خايفين منهم يطالبون با املاك امي

مادرو آل ناصر ان اهلي في سبيل دفن اي اثر لي يحطون فلوس ما يطلبون..,

سبحان الله فعلن اذا نزلت المصيبه نزل الصبر معها ما توقعت اني بتصبر كذاولا اعيش دقيقه عقب امي..

لازم ما اطيح لمثل عيال ناصر الي ينتظرون طيحتي مثل ما قالت خالتي نوره..

والم احزاني واصبر نفسي وامسك وصاة امي اذا بنات خالد وتركي مشن شرق انا امشي غرب..,

ياربي ثبت قلبي واجبر مصابي

ربي لا تكلني الى احد ولا تحوجني الى احد واغنني عن كل احد,

يامن اليه المستند وعليه المعتمد وهو الواحد الفرد الصمد لاشريك له ولا ولد,

خذ بيدي من الظلال الى الرشد ونجني من كل ضيق ونكد يا الله ,

اللهم افرغ علي صبرآمن عندك,

اللهم افرغ علي صبرآمن عندك,

اللهم افرغ علي صبرآمن عندك,

على رغم سماعي للاصوات الي برا الغرفه

صوت ام ابراهيم وحريم سعد وسالم وضجه الحريم وصراخهم..,

الا اني نمت بسرير امي وعلى ريحتها..

صحيت ما ادري كم الوقت لكن شكل الوقت ليل والغرفه ظلام..,

فتحت الشباك وكان فعلن الجو مظلم بيت ابو ابراهيم قدام بيت امي..

اشوف الانوار مطفيه شكل الوقت متأخر..,

طلعت من الغرفه البيت فاضي وموحش يخوف وين العالم الي اول ماطلعت من المستشفى..,

ولعت انوار الصاله ودخلت غرفتي بغير لبسي ولعت نور الغرفه..

كان في احد نايم بسريري عرفت انه زياد متلملم على نفسه..

يا الله تذكرت تلملمه اونينه يوم ماتت امه فرق بين ونين امي ونين زياد..

زياد ونينه حزن على امه لكن ونين امي ونين المريض الموجوع ..

وشلون مادريت انتس مريضه وتعانين يا ميمتي دسيتي مرضتس عني ما تبيني اعاني معتس

واستعجلتي بعرسي على زياد ما تبين تخليني عقبتس وحيده وبلا سند

وش انتي من البشر يا الوضيح من البدايه لنهايه وانتي تظلليني وش اجازيتس به ..؟ّ!

كل شي سويتيه لي وانا وش سويت لتس ..؟؟

اخذت لبس من الدولاب ودخلت الحمام اخذت دش ولبست وطلعت ..

زيادبنعاس \هلا كيفك الحين..

عوق بهدوء\الحمدلله ان شاءالله طيبه..

زياد\ تعالي اجلسي جنبي ..

عوق جلست جنب زياد بوجع\خلاص ماعاد بقى لي غيرك..

زياد يضمها\يعني انا من لي غيرك..

عوق تتنهدبحسره ودموعهاتنزل\انت على الاقل عندك عايله انا امي وراحت..

زياد يمسح دموع عوق وبا امتنان\ولا عمرهم حسسوني الا اني ولدهم ويمكن مرات يبدوني على انفسهم..

عوق \يمكن لوكانوا اهلك ماكانت لك ها المكانه عندهم..

زياد يبتسم \وهذا الكلام الي دايم اقوله لنفسي لما احس با الغربه بينهم..

عوق مستغربه\معقوله يمرك ها الاحساس احسك مندمج معهم..

زياديتنهد بوجع\احنا مجبورين نساير ظروفنا..

او وحده من ثنتين ام الانتحار او مستشفى الامراض النفسيه..

عوق تبتسم باالم\عليك تعليقات ما ادري وش تبي..

زياد يبتسم\تبي الي تبي اهم شي انك ابتسمتي..

عوق بحسره\ احس اني خلاص داخلي فاضي ما ني قادره اتوازن مع نفسي..

زياد\علشان توك والده وبعدها جات وفاة امك انا اليوم كان المفروض ما اكتب لك خروج..,

عوق بحزن\جو المستشفى يمرض..,

زياد \ماهو على جو المستشفى لكن قلت احسن ابيك تواجهين الناس ويتقوى قلبك وتتغلبين على حزنك..

عوق تتنهد \ الله يعين كم الساعه؟..

زياد يناظر الجوال\ثنتين ونص الفجر..,

عوق\شكلي نمت واجد..

زياد\دخلت بعد العشاء ادورك قالت الخدامه انك للحين نايمه..,

عوق بتسأل\وين العالم الي كانوا هنا..,

زياديبتسم \الحمدلله انك نايمه ولا شفتي الي صار..

عوق\ليش وش صار دخلت غرفة امي مع خالتي ام ابراهيم

وطلعت وسكرت الباب وراها وبعدها نمت..,

زياد يضحك بتهكم\والله ها العايله ماتلحقين على جزاهم سبحان الي سخرهم لك..,

عوق \ لايكون بس تهاوشوا مع آل ناصر..

زياد با استنكار\وش تهاوشوا ام ابراهيم وبناتها داخل مع الحريم ...

وابوابراهيم با المجلس مع الرجال..

عوق بدهشه\ياربي وانا ماحسيت عليهم..

زياد\اصوات الحريم واصله عندنا وشكلهم تماسكوا الشعور بعد..

عوق با استغراب\تقوله جد والا تمزح..

زيادبضحك\وش امزح صراخهم اعو ذبالله شال الدنيا وجو حريم من برى دخلو عليهم والا الرجال شي مو طبيعي..,

عوق بملامه وقهر\وانت وش تسوي المعارك في بيتي وانت شكلك تتفرج..,

زياد بضحك \اسكتي بس بداية الهواش با المجلس كان موجهه لي واخره صرت انا الي افك بينهم..,

عوق با استفهام\وش السالفه..؟

زياد\بعد ما طلعتك من المستشفى دخلت للمجلس ..

قام في وجهي واحد شكله من عيالهم قال يبا جا النصاب الثاني..

ما عطيته وجه الا سالم بكبره قام وقال انت وش مرجعك للبيت هذا..

وانا بحسن نيه قلت جبت حرمتي لبيت امها قال وش بيت امها

هذي البيت راعيته ماتت بنشوف له دبره..

ويثور ابو ابراهيم عليهم قال انا ساكت عن علومكم وسوالفكم لين يعدي العزا ..

البيت بيت عوق شرا وبيع من امها ويقعدون يتهاوشون المشكله ما احترموا شيبة ابو ابراهيم ..

واحد من عيالهم حذف فنجال قهوه على مسلط لكن مسكته عنه قبل يوصله ..,

وكفخت فيه الي حذفه وشقيت وجهه..,

قاموا كل الي با المجلس علي ومضارب انا وهم وشوي الا دخل ابراهيم واخوانه والله لايوريك هواش بالمجلس يروع..,

عوق با استغراب \المجلس ما كان فيه الا انت وعمي مسلط ...؟

زياد يضحك بسخريه\لا كان فيه فريقين انا ومسلط فريق..,

والفريق الثاني سعد وسالم وزوج اختهم وعيالهم يمكن عشرين لا اله الا الله جيش ...,

عوق با استغراب\وعيال عمي مسلط كيف حضرواالهواش..,

زياد\ما ادري بس شكل واحد من البزارين شاف هواشي معاهم وراح خبرهم وعينك ماتشوف الا النور..,

عوق بدهشه\الي هالدرجه..,

زياد يضحك\واكثر المجلس قلبوه حلبة مصارعه اخر من دخل نمر وعلى اسمه وحش طاح فيهم طيحه اعوذبالله..!

ابي افكهم منه عجزت انا واخوانه وابوه ما قدرنا نمسكه عنهم..,

انا ومسلط ذبحنا الضحك وهذولاك لهم صياح كنهم اطفال ..,

ما خلاهم حتى حلف عليه مسلط انه يتركهم..

ذبحهم طق ماسلم واحدمنه الا وحصل المقسوم ويصرخ عليهم اطلعوا من بيت ام نمر ...,

عوق بترقب\وعقب وش صار..,

زياد\كلم مسلط الشرطه وجات وطردوهم واخذوا تعهد عليهم..,

ما يمرون بيتك وتعهد على عيالهم وعيال مسلط ما يتعرضون لبعض ..

وانا صكوني بشكوى يوم شقيت وجه ولد سالم با الفنجال ركبني حق علشان طلع دم ..,

وطلعوا وهم يتهددون ومسلط يقول بلطوا البحراوراق ام نمر صحيحه..

عوق تتنهد بحسره \ام نمر الله يجزاهم خير عمي مسلط وعياله..,

زياد بضحك\وش فيك تحسرين والله اول مره ماتحسف اني سميت ولدي نمر..

ولو تسمح لي الاحوال ويرزقني الله بعشر عيال كان سميتهم نمر ما تحسفت اذا هم بيطلعون مشاء الله مثل ها الكاسر..,

عوق تبتسم\عندك سوالف ما ادري كيف تطري لك تبي عشر بنات اسمهم العنود وعشر عيال اسمهم نمر..,

زياد\ با العكس بنكون عايله مميزه..

عوق تتنهد بوجع \لا خلاص هذا وبس وعسى ربي يعوض تعبي فيه ويجبر كسري..

زياد يبتسم بحب \الله كريم انتي ما اكلتي شي وهذا ماهو بزين لك اشوف لك شي تاكلينه..

عوق\دايخه مره ودي انام بس..

زياد\بتنامين مومشكله لكن قبل بصحي الخدامه تصلح لك اكل..

عوق\انا كم قعدت با المستشفى ..,

زياد\من صبح توفت امك اليوم يتم لك اسبوع كنتي تصحين لكن كنا نعطيك مهدئ خفنا من ردت فعلك..,

خصوص بعد ما دريتي بوفاتها جالك نزيف حاد اضطرينا نعطيك دم وتعبنا حتى وقف معك النزيف..,

حاولي ماتجهدين نفسك وارتاحي ومع العلاج والراحه بيرجع دمك طبيعي ..,

عوق بحزن\يعني امي اليوم تم لها اسبوع من توفت..,

زيادبوجع\وانا امي من توفت لها سبع شهور والايام تمر وتطوينا طوي مادرت عنا فرحنا والاحزنا والا صبرنا..؟

عوق تتنهد بحسره \ الله يصبرنا ظنيت البيت مافيه احد..

زياد\لا فيه الخدامه الي جابتها بشرى هنا وخدامة امك با الملحق مع السواق..,

بشرى ونجلاء جو ورجعوا يوم لقوك نايمه ..

اردف زياد با امتنان\وانتي بالمستشفى كل يوم تتنوم عليك وحده مره بشرى ومره نجلاء ومره ام ابراهيم..,

عوق بحزن\ ماقصرو الله يجزاهن خير..,

اردفت عوق با استغراب\الشغاله والسواق ما اخذوهم عيال ناصر..

زيادبتهكم \لا اخذوهم بس لهم رواتب متأخره مادفعتهم امك ورجعوهم..,

قالوامن زمان وضحى نقلت كفالتهم على اسمها لكن الجيب اخذه سالم يقول جيب سعد وباا سمه ..

عوق ببكى \سبحان الله في طمعهم يبون يورثون مالها وديونها لا ..

زياد يتنهد بحزن ويمسح دموع عوق\ ليه الدموع يا عوق عيال ناصرناس رديه وطماعه..,

ما حفظوا لزوجة ابوهم فضلها عليهم بعدين ما علينا منهم كل شي رسمي وحسب القانون..

وهم عارفين لكن قالوا بيجربون تضبط معهم ياخذون الي خصتك فيه امك وترى الكل عارف انهم لاهفين من ورى امك ..

نذالتهم مكشوفه للكل ..,

عوق ببكى \يويلهم من ربي الجيب انا اذكر امي يوم عطتهم فلوسه قالت لسعدابي جيب جديد..,

وشراه لها من فلوسها ما دفع فيه ريال وامي قالت لناس هذا هديه من ابوناصر تجامله وترزه بين الناس..,

زياد يبتسم\ ماعلينا منهم الحمدلله الخير واجد من فضل ربي اذا على الجيب من بكرى اشتري لك واحد اجدد منه..,

عوق من بين دموعها\انا الي قاهرني امي عمرها ماقصرت بحقهم ولا قهرتهم..,

لكن هم انذال يدرون لو امي عايشه مارضت بلي هم يسوونه الله يكفينا شرهم ..

زياد\انسيهم خلاص ولازم تبعدين غيمة ها الحزن عنك لأنه مهما سويتي والا بكيتي ماراح يتغير شي..

لا امك راجعه للحياه ولا عيال ناصر بيرضون عنك..!؟


صحى زياد الخدامه وصلحت لي اكل خفيف اكلت وانا احس الاكل ما ينزل من حلقي زياد يجبرني جبر عليه..

تعشيت واذن الفجر طلع زياد لصلاه وانا دخلت غرفة امي ولعت الاانوار..

فتحت دولابها ملابسها بعضها بمكانهاوالبعض مرمي داخل الدولاب..

والخزنه حقت امي مفتوحه فيها صور اوراق ,واوراق كثير مقطعه ومرميه بحقد..

دخل زياد بعد الصلاه علي بالغرفه..

زياد\صباح الخير وش تسوين..

عوق بتهكم\هلا ابد اشوف اغراض امي بعد حملة التفتيش..

زيادبا استنكار\فعلن قالبين الغرفه وش يدورون هذولا..

عوق بقهر\ اكيد يدورون اوراق وصكوك وكلها اخذتها معي لبيتك..

زياد بعتب \افاااا هذي عاد بحق طيب جامليني قولي بيتنا..

عوق بحزن\زياداحس مالي غير ها البيت لو تبيني اجلس معي هنا..

زياد\ابشري ما طلبتي اجلس معك هنا لكن بشرط..

عوق بفرح\موافقه على شرطك اهم شي نجلس في بيت امي..

زياد \انتي قلتي موافقه على شرطي يعني مافي تراجع..

عوق\ ابدآمافي تراجع..

زياد\شرطي نعيش في البيتين..

عوق با استغراب\كيف..؟

زياد\لازم العدل اسبوع هنا واسبوع هناك ..

عوق\ليش تعب عليك كذا..

زياد يبتسم\لا تعب ولا شي انا بعد كانت امي هناك ولي ذكرياتي معاها

اعتقد ماهو من العدل انك تحرميني من ذكرى امي..,

عوق\تم مافي تراجع اسبوع هنا واسبوع هناك..

زياد يضحك\الله يعين..

عوق بدهشه\ليش تضحك..

زياد\ من حماسك ترى بتتعبين والا انا با العكس دوامي من هنا اقرب من بيتنا الي هناك..

عوق \راضيه با التعب لاتشيل هم..

زياد يناظر جواله \شوي يبدا دوامي بطلع انتي حاولي ترتاحين ونامي لا تفكرين بشي..

طلع زياد من عندي وانا انسدحت على سرير امي حاولت انام ما قدرت..

تقلبت افكار تروح وافكار تجي تذكرت كلام زياد عن نمر يوم كان يتمنى انه يكون عنده عشر اولاد كلهم مثل نمر..,

ياربي تحفظه يوم كنت اشيله وهو صغير وخالتي نوره حملت بعبدالله ونمر ابو شهور توحمت في بيتها ماتدانيه

و تجلس عندنا وتجيبه معها بلفته من تجي لين تمشي وهو معي تصلح له الرضعه وتنساه..,

وامي تهاوشها تقول عوق لاتقطع ظهر الورع وخالتي تقول لا ماعليتس عوق اجود مني ومنتس

وكبر قدام عيونا كنه ولدنا ..,

عوق تتنهد وتمسح دموعها\الله على ايام راحت يوم كنت اساعده واخذ شنطته ثقيله عليه..,

يركب معي بسيارتنا والحين كبر وصار رجال يدافع عني ..,

يعني لو ولدي عاش كان فيه امل انه يكبر ياربي تعوضني با امي الي راحت ...,

وجنيني الي ماخلى وراه غير وجع صدري الي كل ماتذكرته صب صدري حليب ..,

الحمدلله على ما قدر ربي وكتب لي اللهم اني راضيه..

((اللهم احرسني بعينك التي لا تنام واكنفني بكنفنك الذي لا يرام لا أَهْلَكُ وأنت رجائي,

كم من نعمة أنعمت بها عليَّ قلَّ عندها شكري فَلَمْ تحرُمْني,

وكم من بلية ابتليتني بها قل عندها صبري فلم تخذلني,

اللهم ثبت رجاءك في قلبي واقطعني عمن سواك حتى لا أرجو أحداً غيرك يا أرحم الراحمين))

قمت غسلت وجهي عن ها الدموع لا يجي زياد ويشوفها ويضيق صدره

وناديت الخدامات يرتبون غرفة امي وينظفونها ويرجعون كل شي مكانه..,

رتبنا كل شي كأن امي موجوده علقت ملابسها ورتبت اغراضها..

احس اني للحين اشم ريحة امي فيها..,

وطفيت نور الغرفه وخليت بابها مفتوح ورجعت لغرفتي..

نمت بعد المجهود الي مع الخدامات على اني بس كنت اعطيهم اوامر الا اني حيلي احسه مهدود..,

صحيت على صوت اذان ما ادري الوقت ايش ظهر والا عصر..

ناديت الخدامه اسالها قالت صلاة العصر..

وخبرتني ان زياد جا مع صلاة الظهر شافني وطلع..

قالهم لا يزعجوني يخلوني انام وام ابراهيم ارسلت لي غدا..

قلت للخدامه تجيب التيلفون الي دايم بغرفتي من بعد سالفة ولد الجيران المزعج..

كلمت على بيت خالتي ام ابراهيم ...؟

عوق\السلام عليكم ..,

...\هلا انتي عوق....!!
.
.
.
(كلمه اخيره)

قَالَ شَيْخُ الاِسْلَامِ ابْنُ تَيْمِيَّه : " القَلُوبُ الصَّادِقَه وَ الأَدْعِيَه الصَّالِحَه .. هِيَ العَسْكَر الَّذِي لَا يُغْلَب "

.
.
.

الي الملتقى قريبآبأذن الله

وسالفه جديده


طيف الأحباب

ام الوليد

تذكروني واحبابي بدعوه طيبه

بسم الله الرحمن الرحيم

اللهم انا نسألك يا الله ياحي يا قيوم يا قوي يامتين,

ان تنصر اخواننا المسلمين في سوريا ,

اللهم انصرهم بنصرك وأيدهم بتأيديك وأمدهم بجند من جندك,

واربط على قلوبهم وثبت أقدامهم ويسر أمورهم ووفقهم واحفظهم يارب العالمين,

اللهم عليك بطاغوت سوريا وكل من طغى ودافع عنه، اللهم اقذف الرعب في قلبه ،

اللهم صب عليه سوط عذاب ، اللهم ارنا فيه عجائب قدرتك وعذبه عذابا شديدا في الدنيا والآخرة عاجلا غير آجل ،

وأرنا فيه بطشك وعقابك الذي لا يرد عن القوم المجرمين ، واخسف به الأرض واجعله عبرة للعالمين.

اللهم عجل بهلاكه اللهم عجل بهلاكه اللهم عجل بهلاكه.
.
.

هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر..,

او با الرسائل الي تجيني على الخاص ممتنه للجميع..,

ممتنه من الاعماق لمنتدى ........ على وسام الكاتبه المميزه بقسم الروايات..,

واتشرف والله في ها اللقب والتكريم..,

البارت اهداء لكل من سطر في متصفح نوح الحمام ولو بكلمه وحده من دون استثناء..,

سواء مدح اونقد اوحتى يسأل عن مواعيد البارتات دليل اهتمامه با الروايه..,

اهداء خاص للغوالي , عبق الرياحين, كاشخه بطرحة وثوب أمي ,اسرفت بغلاه,

نموره,المرجانه,تراتيل الشتاء ,حكيمه,عزيزة نفس,مرسى الامال ,آستثنائيهـ بمزاجها. برستيج حزن.
.
.

اليوم بنشوف عوق المزايين واول مواجهه لها مع الحياه بعد فقدان امها ..,

.
.

لكن قبل توضيح بسيط لأن في منتدى تنزل فيه الروايه عدل في البارت السابق بسبب يمنع ذكر اسماء القبائل؛

(لما بديت اكتب الروايه كنت ابحث عن اسماء غير مكرره كثير با الروايات وهداني الله لأسم هجاد..,

واسم هجاد ماهو لا اسم قبيله ولا مر علي حموله بها الاسم,

واي وحده تنتمي الي ها الاسم تراسلني على الخاص وانا احذفه,

لأن الاسم راح يتكرر اكثر من مره في البارتات القادمة والعجوز وضحى انا اشرت انها تنتمي لنفس قبيلة اهل عوق

الي كنت اشيرلهم الــــ... دون ذكر الاسم وهجاد هو جد وضحى العجوز با الرواية ماهو اسم قبيلتها..,

اتمنى اني ما اتفاجئ ان الروايه تنحذف با اكملها بعد ما ينزل البارت الاخير ويبرر الحذف لهذا السبب )
.
.
يا الله تعالوا معاي...!!

وسالفه جديدة؛
.
.
.
البارت الثامن والثلاثون
.
.
.
كلمت على بيت خالتي ام ابراهيم ...؟

عوق\السلام عليكم

...\هلا انتي عوق..

عوق بتوجس\ايوا من معي ابراهيم..

نمر\لا انا المحرم كيف حالتس احسن الله عزاتس با امتس وعساها اخر احزانتس يا ام نمر..,

تذكرت كلام امي يوم تقول لا تاخذين وتعطين مع غريب انتي عارفه نفستس لكن الناس ماتعرفتس..!

عوق بهدوء\ الله يجزاك خير و يسلمك بغيت خالتي..

نمر\هذا هي كنت طالع للمسجد لكن شفت رقم بيتكم ورديت..

عوق\الله يحفظك..

نمر\الله يسلمتس ويطول بعمرتس لحظه بنادي امي..


ام ابراهيم\هلا وغلا وشلونتس الحين..

عوق\الحمدلله طيبه مشكوره على الغدا..

ام ابراهيم بضحك\ وانتي داقه تشكريني والا وراتس علم..,

عوق بوجع\ياربي يخليتس لي بغيت اسولف معتس..

ام ابراهيم بعطف \ويخليتس لشبابتس وضناتس تغديتي..

عوق بحزن\لا توني صاحيه..

ام ابراهيم \اجل بروح اصلي وانتي تغدي وعيني من الله خير وبمرتس ان شاء الله ..,

عوق ببكى\ خالتي لا تخليني تكفين..

ام ابراهيم بمحبه\اذكري الله كلنا اهلتس والبكى والدموع مافيها غير تعذب امتس..,

عوق بحسره\ والله غصب عني ماني قادره..,

اشوف زولها بكل مكان با البيت..,

ام ابراهيم\ما انتي اول ولا اخر الناس الي فقدو غواليهم بتطول الايام وتنسيتس ..

وتعوذي من ابليس وروحي تغدي الجوع ماهو بزين للي مثلتس واقري المعوذات وانفثي على صدرتس..,

تبعد عنتس الضيقه والوساويس وان حصلي جيتس..,

عوق \انتظرتس مع السلامه..

سكرت الخط وكلمت زياد مارد علي تذكرت وقت الصلاه..

قمت وانا احس بدوخه وقلبي خفقان ما ادري جوع والا من كثر ما بكيت..,

تمشيت اتفقد بيتنا..,

الخدامات كانوا يشكون من ناس جو البيت بعد وفاة امي مع بزارينهم..

عرفت انهم اهل سعد وسالم وضحى ما سلم منهم شي..

لا عبين في البيت لعب بزارينهم ماتركوا شي على حاله تكسير ولعب وحوسة..,

يا الله اسبوع جلسوا في بيتنا وشوي والا يهدونه الله يكفينا شرهم.

سمعت صوت التيلفون بغرفتي رديت وكان زياد..

زيادبحب \هلا والله صحيتي..

عوق \ايه قبل شوي..,

زياد\وكيفك الحين..

عوق \طيبه لكن فيني دوخه وحتى قلبي احس خفقان مو طبيعي ..

زياد\اكيد من قل الاكل..

عوق \خالتي ام ابراهيم ارسلت غدا ..

زياد\كويس اجل تغدي..

عوق \لا مالي نفس اذاجيت تغدينا سوا..

زياد\خلاص انا قريب منك نزلي السماعه تلقيني وراك..!

عوق تبتسم \طيب..؟!!

زياد ويدينه على عيون عوق ويضمها\شبيك لبيك وش تامر ام نمر..

عوق التفتت وراها\بسم الله ما توقعتك قريب ..

زياد يبتسم\الا طلعت من الدوام على المسجد الي جنب بيتكم قصدي بيتنا..,

عوق بدهشه\انت كيف تدخل بدون ما حس..

زياد\مفتاحك معي من زمان والا ناسيه..

عوق \ناسيه المفتاح..

اردفت عوق بخجل\ بعدين انت لاتنسى ان البيت فيه خدامات عن ها الحركات..

زياد بضحك\الخدامات با المطبخ والتيلفون داخل الغرفه والغرفه مسكر بابها والباب مسكر علي انا وام نمر..

عوق ببتسامه\ كل هاالموشح عاد..

زياد\وش نسوي عاد با الخجولين..

عوق\ ابعد عن الباب بااطلع..,

زياد با استنكار\ يا االله خدودك من الخجل صايره برتقاليه ماهو حمرا من سوء التغذيه..

عوق بوهن \ما احس لي نفس با الاكل..

زياد\شكل فيك للآن فقر دم لازم تتغذين كويس علشان ما نضطر نعطيك دم..

عوق بخوف\لا تكفى الا الدم..

زيادبحزم\اجل تغذي كويس وخوذي ادويتك بوقتها..

طلعت انا وزياد من غرفتي وقلت للخدامات يجهزون غدا خالتي ام ابراهيم الي ارسلته..

على سفرة الغدا جلست انا وزياد..

زياد\ما شاءالله عليهم متوصين فيك صح ..

عوق\الله يجزاهم خير كلمت ام ابراهيم بتمرني اليوم..

زياد بخيبة امل\يعني اصرف نفسي مع ان كان ودي نجلس مع بعض ..

عوق\ما عليش لاحقين على بعض..

زياد\اجل بطلع لصديق لي ..

عوق با استفهام\نواف والا جزاع..

زياد يبتسم بغموض \ لااااهذاتومتعرف عليه من شهر ولو تشوفينه يا عوق ينسيك همك لدرجة انه خلاني اسحب على نواف وجزاع..

عوق تتنهدبحسره\همي ما ينسينياه الا رب العالمين..

زياد \ونعم بالله بالنسبه لي صديقي هذاكل ما شفت وجهه انسى همومي..

عوق تبتسم\الله يخليك له ويخليه لك..,

زياد بحب\ ويخليك لنا..

عوق\سبحان الله مع السوالف ماتوقعت اكل كذا شكلك تستدرجني علشان اكل..

زياد بضحك\ لا الاكل لذيذ ما شاءالله يجبرك تاكلين غصب..

خلصنا اكل وزياد دخل يرتاح بغرفتي..

وناديت الخدامات يرفعون الاكل ويرتبون مجلس الحريم علشان زيارة ام ابراهيم..

كلمتني بعدهاواعتذرت جايين لها ضيوف فجاءه وقالت بتجي يوم ثاني مع البنات..

مر اليوم عادي على اني كنت اتمنى ان خالتي تزورني..

ومشت ايامي هاديه مابين قلبي الي يتقطع على فراق امي واشوف واسمع صوتها بكل زوايه من البيت ..

ويخلي الدموع تغزي عيوني غصب من يوم يطلع زياد مع الباب..

وبين عقلي الي يفكر ويقولي تماسكي علشان نفسك وعلشان زياد..

زياد الزوج الي كان من اختيار امي هي الي خطبته ورتبت لها الزواجة وكل مشكله تصير بينا دايم مع زياد

الحين عرفت يا يمه انك صادقه واختيارك لزياد في محله..

اليوم مر على وفاة امي 20يوم يعني امي قبل 20 يوم كانت على وجه الارض اناديها وتسمعني..

والحين وينها عساها بروضه من رياض الجنه وينفعها ربي بلي قدمته..

لازم ما اقطع عوايد امي كل شي بيكون زي يوم كانت عايشه حزني عليها ماهو بنافعها..

سمعت صوت زياد ينادي..

عوق \ نعم..؟

زياد\وحده كلمت تيلفون تسأل عنك سبحان الله نبرة صوتها كأني سامعها من قبل..,

اردف زياد بااستغراب \تخيلي قالت ابي عوق وبعدين قالت لاخلاص مع السلامه اكلمها وقت ثاني..,

عوق\يمكن من معارف امي وتوهم يدرون والا من الجيران واستحت منك..

زياد\شكلها كذاالمهم بطلع اشوف صديقي توصين شي..

عوق با استغراب\وش صديقه..

زياديغمز بعينه\نسيتي صديقي الي شوفته تسلي وتنسي الهم..

عوق بضحك\الحمدلله لقيت لك صديق يسلي عقبالي القى لي صديقه تسليني..,

زياديهز راسه بضحك\ والله لو عرفتي من هو صديقي ما قلتي ها الكلام..

عوق بممازحه\تدري انك فاضي المفروض على سوالفك تكون حلاق ما انت دكتور ..

زياد بضحك\ والله ما تنفتح نفسي لسوالف الا معاك وما لقيتي لي الا وظيفة حلاق ..

عوق تبتسم\ما ادري بس ماخذه فكره ان الحلاق سوالفه واجد..

زياد بتهكم\وش رايك عندي لك مشاريع ناجحه..

اردف زياد بضحك \ افتح لك انتي مشغل نسائي وانا حلاق رجالي اتوقع انها مشاريع مربحه بصراحه..

عوق بممازحه\تدري انك بعد انسان مادي من كل شي بتسوي لك مشروع وش معنى تفتح لي مشغل..,

زياد\بماانك شاطره ما شاء الله با المكياج وهذا شفته بعيوني وشعرك طويل ولمسته بيدي..,

عوق\ شاطره با المكياج بنمشيها ونقول صدقناك لكن شعري وش دخله..

زيادبا اعجاب\اما عاد شعرك هذا بتربحين من وراه صدق ملايين

اخلطي لك كم زيت واكتبي لك عليه كم وصفه وخبريهم انك مستخدمته..

واستعرضي قدامهن بشعرك وشوفي كيف الاقبال بيكون عليه..

عوق\ يعني نصب على العالم انا شعري خلقة ربي وامي كانت مهتمه فيه من صغري وترفض اني اقصه..,

زياد\من بيصدق ها الكلام ضحك على العالم وسحب فلوسهم بخرابيط جدآعاديه..

اردف زياد وهو يمسح على عوارضه\ لكن وش رايك انا انفع حلاق..,

عوق بضحك\ بما ان شغلك مقص ومشرط اتوقع لك صراحه مستقبل واحتمال من هالشغله بتصير مليونير..,

زيادبمزح \حتى صديقي بعد ان شاء الله بخلي شوفته بفلوس ..؟

عوق بسخريه مصطنعه\ترى ذبحتنا بصديقك يا الله كانك مواعده ترى زعل عليك طولت عليه..,

زياد يهز راسه\تدرين اكثر واحد بناخذ منه فلوس على شوفته هو انتي..

عوق\لو تعطيني فلوس متنازله لك عن هالشوفه..

زياد يرفع حاجبه بتحدي \بنشوف..

عوق\على الطاري الشعر من تزوجتك وعندي سؤال بسألك دايم وانسى..,

زياد يجلس \يا الله كلي اذان صاغيه..

عوق بترجي\ لاتكفى ذكرني بعدين اكيد ام ابراهيم على وشك خله بعدين..,

زياد يأشر على عيونه وبهمس \ابشري وكم ام نمر عندي يا الله سي يو

طلع زياد ودخلت غرفتي بكلم ام ابراهيم هي مواعدتني بتجيني اليوم عسى بس ما يجي احديخرب عليها..,

كلمتها قالت بتصلي المغرب وبتجي مع بناتها..,

طلعت من غرفتي ورجعت على صوت التيلفون اكيد هذي خالتي ام ابراهيم تذكرت شي..

لكن الرقم غريب

...\السلام عليكم

عوق\هلا من معي

...\احسن الله عزاك

عوق\الله يجزاك خير من انتي..؟

... بتردد\انا,انا مشاعل ..

عوق بقهر\من مشاعل..؟

مشاعل بحزن\قريبة وضحى..

عوق بحده\تبين شي..

مشاعل بترجي موجع\ابغي اجي لبيتها اعزيك..

عوق بغضب\لا تتعبين نفسك امي ماتت وخلاص دفنوها وكل شي راح معاها واندفن ماله داعي تحيون الاموات مع السلامه..؟

سكرت الخط وما ادري ليش بكيت مع انهم ما يهموني لكن حز بخاطري ..

تكلمني كنها غريبه ما كأنها الي جنت علي وحطمت حياتي جابتني لدنيا ورمتني ..

لو ما خذتني امي وضحى كان الحين وش حالي والا وش الايادي الي تلقفتني..!

منهم لله والله ما اسامحهم طول عمري الي ظلموا طفولتي وضيعوا حياتي وخلوني وحيده الي يبي الأجر يحسن علي..,

الخدامه نادتني تقول في ضيوف عند الباب..,

اكيد هذي ام ابراهيم قلت للخدامه تدخلهم غسلت وجهي وغيرت لبسي ما ابي ام ابراهيم تشيل همي يكفي وقفتهم معاي..,

طلعت عليهم وفعلن كانت هي وبناتها ميعاد وروان..

ام ابراهيم بحنان \هلا ومسهلا ما شاء الله على بنيتي ..

عوق بحزن \هلابك خالتي..

ميعاد \ الحمدلله على السلامه واحسن الله عزاتس..

روان \ان شاء الله طيبه..

دخلنا بمجلس النساء اخر مره جلست مع خالتي نوره وبناتها على حياةامي..

بلعت عبرتي مثل مابلعت همي يكفي خلاص استجدي عطف الناس غصب عني او بأرادتي..

ام ابراهيم \يا الله شدي حيلتس كم لتس مخلصه الاربعين اول بيت بتدخلينه بيتي ان شاءالله..

عوق\ابشري ياخاله والله ما ادري وين اودي جمايلكم والا وش اجازيكم فيه..,

ام ابراهيم \الحمدلله الناس لناس والكل با الله وانتي بنتنا..

روان\انا اقولك كيف تردين جمايلنا تاكلين كل الحلى الي مصلحته ميعاد..,

عوق تبتسم بمجامله\ميعاد هي حلى ما يحتاج تصلح حلى..

روان \ماعليه نشوف كلامك بعد ماتاكلين الحلى الي من اليوم وهي متعبه عمرها تحوس با المطبخ..

ميعاد \احم احم لعيون عوق يهون التعب..,

ام ابراهيم\بتذوقين شغل روان ان شاء الله اذا زرتينا بيعجبتس..

ميعاد\الله يسلم كتب الطبخ المضمونه كل يوم نجرب شي..,

اذا زانت اكلناها واذا خربت مافيه الا عيال ريم الضعوف هم الي يطيحون فيها..,

روان تضحك\يا عمري عليهم يمشون ويمدحون بطبخنا ما دروا انهم حقل تجارب ..,

عوق تبلع غصه\اناامي الله يرحمها علمتني الطبخ الشعبي وتشجعني حتى لو مايضبط ..

وغصب اذاسويت طبخه تاكل لو ما تعجبها والباقي الخدامه وزوجها ياكلونه..

ميعاد با اعجاب\تبارك الله شغلك كله روعه الحلى والمعجنات الي تصلحينها اعرفها واميزها انك انتي مصلحته..,

عوق تبتسم\الحلى والمعجنات لا والله تعلمتها من زميلاتي اخذ منهم وصفات

وعلى قولتك ومن كتب الطبخ المضمونة كل جمعه اصلح حلى جديد..,

روان \سبحان الله الجمعه احب الايام لله الا ان كثير ناس تستثقله..,

عوق تتنهدبحسره\ الا انا كنت احس بفرحة هااليوم كأنه عيد..,

خصوص انا وامي نصوم الخميس يصير جو الجمعه جو عيد سبحان مغير الاحوال ايام وراحت..,

روان \فعلن سعادة الانسان تنبع من داخله با اشياء بسيطه يسويها لنفسه جو وراحه نفسيه..,

ميعاد\على طاري الجمعه بكرا تكفين لاتنسين عادة خالتي الله يرحمها..,

روان با استغراب\وش عادته...؟

ميعادتبتسم\وش عادته بعد ليش ماتذكرين خالتي يوم توقف عند الباب ومعاها ريالات توزعهن علينا..

روان بضحك\اي والله اني ما تذكر اخذت فلوس الا منها..؟

ام ابراهيم بملامه \سبحان الله يا الجاحدات..,

ميعادبتبرير\لا يمه خالتي كانت تعطيهن من قلب بدون ما نطلب والي من القلب يوصل للقلب بسهوله..,

روان \لا وفلوسها فيها بركه ماهو انتم تعطونا بمنه ولا بعد ضربه على الراس بعد ماتعطونا..

ميعاد\اي والله مدري وش القصد تعطونافلوس بيدينا وكفخه على روسنا..,

روان بسخريه\الظاهر ان الضربه هي سبب نسيانا لفلوس اهلنا..,

عوق\ان شاء الله ماراح اسكر اي باب خير كانت امي فاتحته..

ميعاد\اي والله شوفي كم اسبوع اناظر مع الشباك على بابكم بعد صلاة الجمعه البزران يمرون ويناظرون بابكم..,

عوق عيونها مليانه دموع\ كنت تعبانه والا مانويت اخلف عوايد امي..,

ام ابراهيم بحده وملامه \الحين انتن جايات تونسنها والا تبكنها..,

ميعادمنحرجه \ماكان قصدي شي وعوق مثل اختنا عادي ناخذ ونعطي مع بعض..

روان تبتسم\ميعاد ارفعي كمك خلي عوق تشوف عضدك..,

عوق مستغربه\وشو..,

ميعاد رفعت كم بلوزتها وفي اثر ازرق ..,

عوق\بسم الله وش معور يدك..

روان بضحك\ استغفر الله ما دريتي ..

عوق \ لا والله ماعندي خبر من يد ميعاد..

ام ابراهيم بضحك\ يويل قلبي بغيت اكسر يد بنيتي كله من وضحى وحريم اخوانها..,

عوق\ لايكون هم الي اضربوا ميعاد..,

روان بتحدي \يخسن لا والله امي بغت شوشة وضيحه جعلها الجدري الهندري

طولت لسانها عليتس وقامت النوري بغت كفختها وميعاد وقفت بينهم..؟

عادامي من قهرها ما قدرت توصل لوضحى عضت ميعاد مع عضدها..,

عوق تتنهد بحزن وقهر\الله يعينكم علي دايم جايبه لكم المصايب...

ميعاد\لا والله انها احسن عضه عقبها كرشناهم من بيتس ولا عاد ارجعوا...

روان بضحك \ميعاد قعدت تصيح بصوت عالي وضحى انهبلت تحسب انها سوت فيها شي ما درت انه من عضت امي..

ام ابراهيم \ انقلعن طريق جدي ولا عاد ارجعن لو تشوفين ركضهن مع الباب الله يكفينا شرهن..

روان\حرام يمه ما نظلم بناتهم فيهم خير

اعرفهن يدرسون معي بنفس الكليه ولا معجبهم الي سووه اهلهم..

حتى يوم هوشتنا معاهن والله ماغير الضعيفات يبكن ويحجزن ويلومن امهاتهن..,

عوق\ داريه يا روان لكن سوايا اهلهن غسلت نفسي منهن كلهن..

ميعاد\شوفي عوق خلي بينك وبينهم شعرة معاويه ولا هو بضارتس شي..

بناتهم مصيرهم يتزوجون وينفصلون عن اهلهم وكل الناس ترى شايفين وعارفين ظلم آل ناصر لتس..

ام ابراهيم \عوق يمي ترى ميعاد صادقه ان بغوا بناتهم يصالحونتس والا يوصلونتس لا تصدينهم..

وانتي ما انتي بحاجتهن الله رزقتس من واسع فضله وكلمة هلا ماهي مخسرتس شي..,

عوق تتنهد بضيقه\ طعونهم يبي لها وقت ..

ام ابراهيم \الله كريم وماكل بنات جو على اهلهن..,

اردفت ام ابراهيم بتردد\لكن بقولتس شي وانتي عندي مثل بنياتي..,

عوق بمحبه\ تفضلي خاله والله ما اشوفتس الا مثل امي وضحى..,

ام ابراهيم بعطف\ كم لتس وانتي والده من شهر وعليه وانتي من ولدتي وانتي هو انتي..,

شوفي ريم بعد كل ولاده ماشاء الله عليهاتجهز كنها توها معرسه وانتي ماغير دافنه عمرتس با الحيا..

عوق\ياخالتي منسده نفسي عن كل شي من توفت امي ماعاد لي خاطرفي شي..,

ام ابراهيم\امتس لو انها تشوفتس كان زعلت عليتس من فعايلتس بعمرتس حياتس حزن بحزن يا كافي..,

ميعاد\امي صادقه ياعوق البنات يتزوجون ويتغيرون للأفضل انتي للأسوء وعلى ما سمعت ان رجلتس ماشاءالله عليه احواله الماديه زينه..

ام ابراهيم\زياد رجال اجودي و الخمال منتس يا عوق انتي الي مهمله عمرتس..,

عوق\ والله انه ما يقصر ما اظلمه..,

روان \طيب جددي في بيتك بشكلك علشان نفسك وطلعي نفسك من جو الحزن الي انتي فيه شكلك كن عمرك 100سنه..,

ام ابراهيم\انتي مير ناسيه كل شي حتى الامانه الي عندي ما سألتيني عنها..,

عوق\الي عندتس يا خالتي ماهو بعيد..

ام ابراهيم بترجي \ الله يرضى عليتس تجين تاخذينها..

عوق بوجع\ امي وش اتركت عندتس..؟

ام ابراهيم \عندي لتس دراهم وذهب واوراق ما فتحتها ولا دريت وش فيها وختم امتس خلتهن عندي امانه

تكفين خوذيهن وريحي بالي منهن..,

عوق بقهر\ هذا الي قلبوا غرفة امي علشانه وضحى وحريم اخوانها..,

ام ابراهيم\امتس يوم طلعت معهم للبر سعد عطاها دراهم يقول انها لها عنده ويبي يبري ذمته

ونزلت لسوق وخذت فيهن لتس ذهب يوم ولدتي بوليدتس حتى قبل تزورتس با المستشفى

تقول ابي عوق تلبسه الي طلعت من الاربعين..,

وخلته عندي خافت من الخدامه يوم تنومت معتس وبا الحفظ والصون متى ما بغيتيهن بشنطتهن..,

روان تضحك بتهكم\ يبري ذمته سعد ها الانسان عجيب مرات اقول حليل ومرات اقول اعوذ بالله منه...,

عوق تغمض عيونها بوجع \ما تقصرين ياخاله..,

اردفت عوق \سعد يتبع سالم ويسمع له ماله شخصيه وسالم يملي براسه الي يبيه وسعد ينفذ بدون تفكير..



انبسطت كثير بوجود خالتي ام ابراهيم وبناتها وخبرتني ان ريم تعبانه هي وعيالها من تقلبات الجو..,

والجوهره مشغوله بحياتها مع نواف واهله..,

وملاك با البيت جالسه ما تقدر تجي بالبنات كلهم معاها وتترك الشغاله باالحالها..

طلعوا من عندي بعد صلاة العشاء..

غيرو جوي ونسيت احزاني شوي حتى نصايحهم ماتجي الا من صديق..,

جوالي فاقدته ما ادري وينه دقيت على رقمي مغلق

سألت الخدمات مافي احد منهم شاف جوالي ..!

ردت خدامة امي وقالت اخذته وحده من الحريم تقصدوضحى..,

لاحول ولاقوة الابالله هي وش ناقصها تطمع بجهاز جوال تحسبه من ورث امي ..,

كلمت زياد قال انا قريب وبجي ها الحين..,

ناظرت وجهي با المرايه خالتي ام ابراهيم وبناتها صادقين يعني وش بيتغير با الدنيا اذا حزنت والا فرحت..,

عجلت الحياه ماهي واقفه علي..,

رفعت شعري عن جبيني يا الله اثر ضربة المفاتيح للحين معلمه براسي..,

ماراح اثرها شكلها كان كبير مره لكن صغر اثره يوم كبرت..

سبحان الله كيف عشت بعد هالضربه يا ليتني كنت مكان ولدي..,

فتحت دولابي كل ملابسي قديمه بجد دافنه نفسي با الحيا..

الله يصبر زوجي علي سكرت الدولاب لازم انفض ها الحزن واعيش مثل العالم والناس ..,

تمددت برتاح وصوت جرس التيلفون رديت عليه..

عوق\الووو

....بترجي وارتباك\عوق اسمعيني تكفين لا تسكرين الخط..,

عوق بحزم\خير مشاعل تبين شي..,

مشاعل\ لابس بسمع صوتك واتطمن على اخبارك..,

عوق باالم\من الله طيبه ومنكم لا والله هم وغبن وقهر توني اشوف اثر مفاتيح ابوتس بوجهي..,

مشاعل تجهش با البكاء\سامحيني..,

عوق بحده\وش اسامحتس عليه انتي ولدتيني بظلام وطول حياتي عشتهامن ورى جريمتس بظلام..,

ربي سخر لي امي هي الي كانت تضوي لي حياتي وراحت والحين زوجي بعد تبون تطفون ها الشمعه..,

يعني ماترتاحون لين تنكدون علي..,

مشاعل ببكى \انتي قاسيه ياعوق..,

عوق بتهكم \ لاحول ولا قوة الا بالله انا الي قاسيه والا انتي واهلتس..؟!

يا بنت الناس انسيني ماتعرفين شي اسمه نسيان وعيشي حياتك ..,

مشاعل ببكى\حاولت بس ما قدرت ما ابي شي منك بس تسمحين لي اشوفك كل فتره وفتره وماهو لازم تسولفين معاي بس شوفتك تكفيني..,

عوق بدموع حاره\مافي شي اسمه ما اقدر هذا انا اسولف واضحك وآكل وانا فاقده امي من 20يوم..,

الي شالتني لحمه حمرا ماكنت احسب نفسي امشي على الارض دقيقه وحده بعدها وهذا انا حيه مابي بلا ليتني بدالها..

مشاعل بحزن\ماراح تحسين احساسي..

قلب الام على ضناها غير قلب الضنا على امه..

عوق بحسره موجعه\لاوالله ان قلبي عليكم اكثر من قلبكم علي انا افكر بعقلي واقرر..,

لو طلعت بحياتس بيجي يوم تتمنين انك يوم ولدتيني دفنتيني..,

مشاعل بمراره\ما بيدي شي غير حرقة قلبي على شوفتك الي بقلبي ماتحسين فيه الا اذاجاك ضنا..

عوق بحسره\الا حاسه بلي بقلبتس جالي ضنا وربي اختاره وراضيه يمكن موته احسن من حياته..,

مشاعل تشهق\بسم الله عليك متى..

عوق بوجع\قبل اكثرمن شهر ولدت ولد على سبع شهور وماهو مكتوب له يعيش والناس الي حولي مستغربين..

شلون ما كملت تسع شهور من زواجي وجا علي ظنا..,

يلمحون انه ماهو طفل من زواج بما ان امه مجهولة النسب شفتي سواياكم فيني لوين وصلتني..,

مشاعل تبكي\ ياليتني مت ولا سمعت كلامك ياعوق..,

عوق تتنهد بوجع\ لو درى احد بوجودي والله حتى موتي وموتس ما ينسي الناس الي سويتيه..

اصلحي ما بينتس ومابين الله هو الي يغفر لكن الناس ماعندها غفران..

مشاعل بترجي موجع\تكفين يا عوق تكفين باشوفك بدر عنده مواعيد ومراجعات وانا معه مرافقه..,

بقوله اني بشوف اهل زوج خالتي وضحى وهو داري عن معزتي لها الله يرحمها..,

عوق بوجع\شفتي كيف حتى يوم بتجين علشان تشوفيني اعتذرتي بشوفت ناس لو بيدهم كان ذبحوني وخلصو من الغريبه الي اكلت حلالهم..,

مشاعل \ انتي اقرب لخالتي منهم ليش ها الهجوم عليك..,

عوق بتهكم\وهم وش دراهم من انا يحسبون امي اكفلتني من دار الايتام و لو في يدهم حتى انتوا ما دريتوا بموتها

خايفين احد منكم يطالبهم بفلوس امي..,

مشاعل \ يوم حضرنا عزاها ما شفتك ولا دريت انك كنتي حامل..,

خبرتني خالتي انك تزوجتي اخر مره كلمتها لكن ما قالت لي عن حملك..

عوق بتهكم موجع\ولو حتى قالت لك وش بتسوين امي راحت وحملي راح تكفون انسوني ولا تدورون وراي مع السلامه..,

زياد بحده\من كنتي تكلمين..؟!

عوق با ارتباك وغضب\وحده لو ما انت مصدق خذ التليفون وكلمها رقمها موجود با الكاشف وبعدين هي الي كلمت ماهو انا..

زياديجلس جنب عوق على السرير\ماهو قصدي لكن استغربت انك تكلمينها وانتي تبكين..

وضاغطه على نفسك شكلك ما تبينها تدري انك تصيحين وسكرتي السماعه بعصبيه..,

عوق با ارتياح\وحده من اقارب امي وذكرتني فيها..

زياد يضحك با استهزاء\لايكون بعد تبي ورث مثل عيال زوج امك..,

عوق تمسح دموعها\لا تبي تجي تعزي وتقلب علي المواجع وقلت لهالا تجين امي وخلاص راحت..,

زياد\ الله يرحمها والله يوم شفتها ياانا انصدمت وحتى نجلاء وبشرى تفاجئوا ما تتخيلي قد ايش استغربوا ..!

عوق با استغراب \من ايش !

زياد بتوجس وترجي \ بقولك لكن تكفين لاتبكين..,

عوق تبتسم بدهشه\شكل السالفه كبيره..,

زياديبتسم\ لاكبيره ولاشي لكن انتي اي شي عن امك يبكيك انتي عصاها سويتي مناحه يوم لقيتيه مكسور..!

عوق بقهر\حسبي الله على حرمة سالم الشغاله تقول هي الي كسرته ما ادري وش ها الحقد..,

زياد\ماعليك منهم هذا كله من القهر صارو مثل الاطفال يعبرون بأي شي..,

اردفت عوق بفضول\وش السالفه بالله ..؟

زياد \كلمني مسلط لما لقوك عند بابهم وعلى طول رجعت للبيت لقيت ام ابراهيم واقفه عندها والخدامات..,

شفتها بسريرهااستحيت اول شي بعدين دخلت وفحصت عليها لقيت مافيها نبض ..

اكثر شي استغربت الشبه الي بينك وبينها..,

عوق بخوف\يمكن يتهيألك والا وش جابني لها..

عوق بنفسها\يارب سترك وهذا الي خايفه منه الشبه والمقارنه..

زياد يوقف وبطريقه مسرحيه\ما علينا يمكن علشان احبك واموت فيك ومعجب بشخصية امك

صرت اشوف شبهك بكل مكان بعدين انتي بنظري جميلة الجميلات..,

عوق تبتسم\ انت المفروض على ها الخيال الواسع تكون ممثل ماهي ضابطه عليك مهنةطبيب ..,

زياد\علشان تعرفين انك محظوظة تزوجتي رجل متعدد المواهب..

عوق بوجع\ الحمدلله والله اني محظوظه بكل شي الا شي..

زياد \لا تكفين فهمت قصدك فكينا من تقليب المواجع عندي لك مفاجاءت فوق ما تتصورين..

عوق\عسى خير..

زياد\كل شي بوقته حلو لكن وش رايك نغير جو نطلع نتعشى برا..,

عوق بطفش \والله مالي خلق نتعشى هنا احسن..
.
.
.
(كلمه اخيره)

قال رسول الله صلى الله عليه وسلم :

((أحب الناس إلى الله أنفعهم للناس ، وأحب الأعمال إلى الله سرور تدخله على مسلم ،

أو تكشف عنه كربة ، أو تقضي عنه دَيناً ، أو تطرد عنه جوعا ،

ولئن أمشي مع أخ لي في حاجة أحبّ إلي من أن أعتكف في هذا المسجد شهراً - في مسجد المدينة -

ومن كفّ غضبه ستر الله عورته ، ومن كظم غيظه ولو شاء أن يمضيه أمضاه ملأ الله قلبه رجاء يوم القيامة ،

ومن مشى مع أخيه في حاجة حتى يثبتها له ثبّت الله قدمه يوم تزول الأقدام))
.
.
.
الي الملتقى قريبآبأذن الله

وسالفه جديده


طيف الأحباب

ام الوليد

تذكروني واحبابي بدعوه طيبه

بسم الله الرحمن الرحيم


اللهم إني أسألك بأني أشهد أنك أنت الله لا إله إلا أنت أن لا تكل أهل سوريا إلا أنفسهم,

وأن تحفظهم من بين أيديهم ومن خلفهم وأن تهيء لهم أمر رشد,

وألا تسلط عليهم من يستبيح بيضتهم وأن تصلح لهم شأنهم كله,

وأن ترحمهم برحمة من عندك فإنه لا ملجأ ولا منجى منك إلا إليك,

مقادير الأمور كلها بين يديك لا يعجزك شيء في الأرض ولا في السماء ..
.
.
هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر..,

او با الرسائل الي تجيني على الخاص ممتنه للجميع..,


البارت اهداء لكل من سطر في متصفح نوح الحمام ولو بكلمه وحده من دون استثناء..,

سواء مدح اونقد اوحتى يسأل عن مواعيد البارتات دليل اهتمامه با الروايه..,

اهدااااء خاص لساعه بلا عقارب ام تركي,ام الشهد, زارا ,سحابة رحيل ,احلى حنو,ريح الهوا,القمري,فوضة مشاعر,الهاله,ام البنين.

.
.

اليوم بنشوف عوق المزايين وتبريره لشد شعر عوق يوم الملكه واللقاءالاول بصديق زياد الصدوق.

يا الله تعالوا معاي...!!

وسالفه جديدة؛
.
.
البارت التاسع والثلاثون
.
.
عوق\والله مالي خلق نتعشى برا هنا احسن ..,

زياد بخيبة امل\ على راحتك ..

عوق\وشفيك احسك زعلت..

زياد\لا بس كنت اتمنى نطلع نغير جو من زمان ما تمشينا..

الاحداث الي صارت وحملك حرمني من اشياء كثيره كنت اتمنى اسويها لك..

عوق\ الله كريم تزين ان شاء الله الحين احس نفسيتي شوي تعبانه..

زياد يبتسم\لا تستسلمين لأحزانك بتمرضين وفي ناس محتاجه لك لازم تغلبين حزنك..

عوق\الله لايجعل لنا حاجه عند احد من خلقه ويغنينا بفضله عن من سواه..

زياد بمحبه\آمين لكن بجد عوق امك محتاجه لك تردين لها الجميل..

وانا محتاج لك وين بلقى زوجه مثلك وصديقي الصدوق يتمنى يتعرف عليك..

عوق بتذمر \انت بتلقى احسن مني وامي ذكرتني بكرا الجمعه ابيك تسحب من حسابي فلوس تصرفهم لي ريالات اوزعهم ..

زياد\ما يحتاج انا اعطيك..

عوق \ما تقصر ابي من حلال امي صدقه عنها.

زياد يرفع ايديه يدعي\الله يجزاك خير يارب متى اشوفك انتي وصديقي تتصدقون وين صرافتك..!

عوق بضحك\والله ها الصديق الي ماكل عقلك ناسيه الصرافه في بيتك..,

زياد بتهكم\مقبوله منك ها المره بيتك يا الله البسي بنروح للبيت ناخذ صرافتك..,

طلعت انا وزياد لبيتنا ودخلت البيت ما شفته من يوم ولادتي حسيته متغير والاثاث مكركب على بعض وريحة اصباغ..

كنت بتفرج على البيت بشوف وش سبب ها الحوسه رفض زيادوماني عارفه السبب..,

طلعت فوق لغرفتي بشوف الصرافه والاوراق الي تخص كل املاك امي الي كانت با اسمي..,

زياد بتعجب\انتي هنا وانا ادورك ..

عوق\يعني وين بكون كنت بتفرج على البيت من زمان عنه وانت شكلك وراك شي قلت بشوف اوراق مهمه وبطاقات الصراف افضل..

زياد يرفع حواجبه\ ماشاءالله زوجتي الظاهر بتصير سيدة اعمال..

عوق\الله يرحم امي كله من فضل ربي ثم خيرها..

زياد\ وعلشان ما تزعلين وش رايك نتعشى هنا اليوم وننام وبكرا دور بيتنا هذاك..

عوق بضحك\تركنا الخدامات يا راعي الادوار بالحالهم الخوف على خدامتك والا خدامةامي زوجها معهاومتعودين نتركهم با الحالهم..,

زياد يضرب راسه بيده\اووووف تصدقين نسيتهن ...!؟

عوق وهي تسكر شنظة اوراق\شفت اوراقي واخذت بطاقاتي يا الله نمشي بسحب مبلغ..

زياديبتسم\ابشري والعشا اليوم على حسابك..

عوق بضحك \مو مشكله صدقه عن امي..

زياد\ الله يكثر خيرك يا ام نمر وتستاهل خالتي الي يتصدق عنها سر وعلن لكن واجب الضيافه اليوم مسموحه الحساب عندي..

عوق تتنهدبشرود \امي كانت كل جمعه تنادي على البزارين وتوزع عليهم فلوس وبكرا بسوي الي كانت تسويه..,

زياد\الحي هذا مافي احد يطلع من بزارينهم لكن في طريقه ثانيه عندي..,

عوق\ لا انا ناويه بزارين حارة امي قلي وش طريقتك يمكن تعجبني..,

زياد بتفهم\ ماهو على كل حال بتسمح لك الظروف تتصدقين عنها كل جمعه بطريقتها..

لكن وش رايك كل صباح جمعه اطلع لأي محل خباز واعطيه فلوس كل خبز ذاك اليوم صدقة تحتسبينها لأمك ..

عوق بموافقه\والله فكره حلوه امي وش ما سويت ما الحق على جزاها..

زيادبخيبة امل\ يا الله ننزل نطلع مع بعض ونتعشى في بيتناهذاك شكل ماهو مكتوب لنا عشى الليله هنا..,

عوق \انتظر بشوف غرفة الاشباح اشتقت لها..,

زيادبتذمر مصطنع\ليش وش تبين فيها وبعدين ما تغيرت على خبرك..

عوق تتنهد بألم \كنت ناويه بعد ما اولد اجدداثاثها واخليها غرفه لطفل الي بولده قدر الله وما شاء فعل ..,

زياد يبتسم بتهكم\والله فكره وانا كنت مبتلش لو ربي رزقني باطفال وين بينامون خصوص انا ما احب ازعاج الاطفال..

عوق بحسره \ياليت كان همي ازعاجهم متى يجي ذاك اليوم الي يزعجوني ..

زياد يبتسم \الله كريم بيجي يوم تبكين تدورين النوم من الا زعاج ما يحصل لك..,

عوق\على طاري الا زعاج جوالي الظاهر صادروه آل ناصر يحسبون من املاك امي الله يرحمها..,

زياد \ابشري با العوض وجوالك اصلن ناسيه يعني من مكالمتك فيه..,

عوق \الله يسلمك..,

اردفت عوق با استفهام\فيه تغيير في البيت تحت ما ادري صحيح والا انا غلطانه غرفة امك مكانها فيه شي..,

زياد بضحك\اقول اطلعي بسرعه لا تخربين علي مفاجائتي لك..

وطلعنا انا وزياد بعد ما اخذت البطاقات وتطمنت على الاوراق الي كنت ابغاها..,

تعشينا بمطعم وتمشينا نزل زياد اشترى لي جهاز جديدوشريحه وسحب مبلغ طلبته منه..؟

زياد\شوفي الجهاز اعجبك والا اغيره والشريحه ترى شحن والا تبين فاتوره..,

عوق \لا عادي شكل الجهاز حلو والشريحه زينه والفاتوره مالها داعي مكالمتي جدآمحدوده..,

زياد\يالبى قلبك توفرين..

عوق بضحك\ اعجبك مدبره..

زياد يضحك بمشاكسه\تعجبيني بكل حالاتك..,

رجعنا للبيت بوقت متأخر لكن حسيت نفسيتي احسن با الناس الي حولي

امي مافي احد يسد بمكانها لكن حب زياد وحنانه وعطف ام ابراهيم علي خفف كثير علي..,

زياد\وش رايك عوق انا وانتي ننام بغرفتك احس ان حيلي مهدود..

عوق \ الا انت وش رايك ننام بغرفة امي انا على سريرها وانت على سريري..!

زياد بضحك\سمعآ وطاعه..,

اردف زياد\ الحين انتي تدرين كم لك والده ..؟

عوق با ارتباك\ ما ادري انا من كثر ما غبت عن الوعي ناسيه كم لي والده..

زياد\احسبي كويس علشان اول مفاجاءه من الي وعدتك بنطلع نعتمر انا عن امي وانتي عن امك..,

عوق بضحك\ اذا فيها عمره اليوم كملت 42يوم الله يوفقك زياد على ها المفاجئه ..’

زيادبدهشه\كل ها الفرحه اجل لو شفتي المفاجاءه الكبرى وش بتسوين اي شي الا انه يغمى عليك تكفين..

عوق تتنهد بحسره\لا ان شاء الله بستجمع قواي ماعاد فيه اغماءات ولا فقدان للوعي عقب امي كل شي يهون ..

زياد يبتسم\طمنتيني الله يجزاك خير.

اردف زياد\ بكرا الجمعه ودي نستغل اليوم من اوله..,

سهرنا بغرفتي انا وزيادواخذنا الوقت لحد ما صلينا الفجر ونمنا بعدها..,

صحيت شكل الوقت متأخر شفت الجوال على الكومدينه ويشحن ناظرت الساعه لقيتها عشر ونص ..,

اوووف معقوله كل ها الوقت وانا نايمه..,

طلعت اشوف وين زياد خبرتني الخدامه انه طالع من الساعه ثمانيه ولا رجع..

ياربي هذا متى ينام ومتى يصحى..؟

كلمته جوال ..

زيادبفرح \هلا ومرحبا با ام نمر..

عوق بدهشه\هلابك لكن وش دراك انه انا قبل اتكلم..,

زيادبضحك\ لأن الرقم الوحيد الي مخزن با الجهاز الي تكلميني منه رقمي وانا الي مخزنه الصباح..,

عوق \طيب وينك..

زياد\قريب عند صديقي..

عوق با استغراب\وصديقك عنده اطفال اسمع صياح اطفال عندك..

زيادبا ارتباك\لا هذولا زملاء صديقي الله يخليه لي يقلدون اصوات اطفال يلعبون..

عوق با استنكار\لا حول ولاقوة الابالله الله يشفيك ويشفيهم ..؟

زياد بضحك\ ليش تاخذيني على قد عقلي..

عوق\وش اسوي ما بقى لي غيرك بالدنيا ولازم اجاريك..

زياد\حتى صديقي يضحك على كلامك وبيزورك بعد كم يوم استعدي له..,

عوق \حياه الله..

زياد\برجع شوي تبين شي اجيب لك معي..

عوق \لاسلامتك استغربت اليوم ما عندك دوام وطالع ..,

زياد\ دقايق وانا عندك صديقي مل مني وبطلع قبل يطردني..

عوق بسخريه\ ما لومه يوم يبي يطردك شكلك غاثه دايم عنده يا الله سلم على صديقك..,

زياد\الله يسلمك جهزي الفطور والقهوه بفطر معك واتقهوى قبل اطلع لصلاة..,

اخذت دش ولبست جهزت الفطور مع الخدامات وصلحت قهوه..,

وخيال امي ما يفارقني وذكرياتنا كل جمعه انا وهي..,

تأخر زياد اذن لصلاة الجمعه صليت وقريت سورة الكهف ..,

طلبته على الجوال مارد..؟

ياربي وين راح وهو قايل لي انه من عند صديقه على طول بيمرني والحين له ثلاث ساعات مابين ..

اشغلت نفسي جهزت الفلوس عادة امي الله يرحمها..

فاضو من الصلاه من حوالي ساعه وزياد مارجع خبرت خدامة امي تفتح الباب الخارجي مثل عادة امي بعد صلاة الجمعه..

الي بكاني وقطع قلبي انه ما كان في احد اول ما فتحت الباب..

وقفت دقايق واول من وقف عندبابنا عيال ريم ناظرت شباك غرفة بنات مسلط..,

شفت ظل احد يطالع اكيدارسلوهم علشان ما انحرج وانا واقفه..

اكيد جيرانا يتوقعون ان امي توفت خلاص بتنقطع افعالها الطيبه..

بعدها طلعوا عيال جيرانا ووقفوا عند بابنا مثل يوم كانت امي موجوده الله يرحمهاوزعت عليهم..,

دخلت للبيت وحسيت احد يمشي وراي قبل التفت يد مسكت كتفي عرفته..

زيادبممازحه \من مال الله يامحسنين ابي مثل الحلوين والحلوات الي كانوا واقفين قدام الباب ..,

عوق منحرجه\يا ربي سترك ادخل فضحتنا الجيران يكشفون سور بيتنا..,

زيادبا اصرار\ واذا عادي اطلب من زوجتي حبيبتي الي عيونها حمرا من البكى لا عيب ولا حرام..,

عوق\ تعال نجلس با المشب الخارجي..,

زيادبترجي وخوف مصطنع\لا تكفين عندي عقده منه ..

ندخل داخل احسن عمري ما جلست بمجلسكم هذا الا جات مصيبه ..,

عوق بضحك \ لا تتشائم وبكسر تشائمك واليوم بنقضيه هنا مفطر والا احضرلك شي..؟!

زياد\لا والله انشغلت بطيح من الجوع..,

دخل زياد للمشب وانا دخلت للبيت احضر الفطور والقهوه..

رجعت للمجلس زياد مندمج مع الجوال..,

عوق بتعجب \وش عندك تناظر جوالك وتضحك..,

زياد\لا هذا صديقي مرسل لي رساله واضحك عليها..,

عوق\ من يوم تزوجنا عمري ما شفتك تتكلم عن احد من اصدقائك كذا حتى جزاع ونواف ما صرت تجيب سيرتهم..,

زياد يقرب من سفرة الفطور\ماشاء على ام النمر متوصيه فيني اليوم..,

عوق\عليك با العافيه ليش تأخرت توقعتك تجي قبل الصلاة..,

زياد بعد ما خلص فطور\كثر الله خيرك ابد رجعت من المستشفى للبيت وتجهزت لصلاة الجمعه ثيابي كلها هناك..,

عوق مستغربه\انت ما تقول انك عند صديقك وش جابك للمستشفى..,

زياد با ارتباك\ايه طلعت من صديقي مريت المستشفى وعلى طول لبيتي وهذي كل السالفه..

عوق \ ما اكلت شي وانت تقول طايح من الجوع..

زياد\با العكس انتي الي ماتاكلين وبعدين تذكرت وش كنتي بتسأليني تقولين ذكرني..

عوق بدهشه\سؤال ايش ..,

زياد\يوم اقولك بفتح لك مشغل ..,

عوق تتذكر\ ايه تذكرت وتقول الصدق..

زياديبتسم\ولا شي غير الصدق..

عوق \يوم الملكه تفاجأت فيك كل شوي ساحب شعري لدرجة اني شككت بعقليتك..,

زياد بضحك\والله ياهي ايام ذكرتيني با الذي مضى هذي يبيلها جلسه بجو شاعري ..,

عوق \هونت ما ابي اعرف شي..,

زياد يبتسم بحب\لا عاد شكلك زعلتي واناعاد ها المره من لي غيرك..,

بخبرك يوم الملكه بصراحه حسبت شعرك باروكه والا تركيبه وقلت ها الحين بسحبه ويجي في يدي..,

دايم اشوف بنات خواتي يركبون توصيلات ويلعبون بشكالهم مرات ماعرفهم خصوص في ملكاتهم قلت اكيد انتي مثلهم..,

عوق بذهول\انت جاد بكلامك طيب واذا باروكه ما خفت تفشليني قدام الناس..,

زياد يضحك\ تدرين ما فكرت ساعتها الا ان يدي تحكني وابي اسحب الباروكه..,

لكن كسرتي خاطري حسيت عيونك طلعت يوم سحبته قبل نطلع من عندكم..

حتى خواتي كانوا مبهورات بطول شعرك اكثر حتى من جمال وجهك..

عوق بدهشه \يا ويلك من ربي كيف هنت عليك..,

زياد يبتسم بحب\ وجاتني عقوبه شكلك داعيه علي ليلي كله وانا اناظر يدي والمسها اتخيل نعومة شعرك بيدي..,

عوق تبتسم\ كيف لو ما انت دارس برى والا مراجعاتك كلهم حريم المفروض كل شي عندك عادي..,

زيادبصدق \تدرين يمكن الي عاصمني ان امي تستودعني الله..,

ومااتذكر اني التفت لبنت كنهم رجال قدامي كذا سبحان الله نفسيآ..,

وهنا اعتبر كل المراجعات بناتي وخواتي وضع دكتور الولاده ترى غير ..

ما وصلت حالاتهم عندي الا وهم مضطرات وبحالات احيان توصل درجة الخطر..,

عوق\الله يجزاك خير ويثبتك بس استغربت فعايلك..

زياد\وانتي ما قصرتي رديتيها لي يوم جبت المهر دخلتي فجاءه وصرختي بغيت انجلط من صوتك ..,

عوق بضحك \ ربي اخذ حقي منك..

زياد يبتسم\والله ياعوق ما سمعت الا صوت صرخه وشي ما ميزته استنتجت بعدين انه جديلة شعرك يوم هربتي طاير وراك كنه حبل اسود..,

عوق بخوف \قل ما شاء الله ..

زياد بضحك \ما شاء الله طيب وش رايك ان لقينا حجز اليوم اعتمرنا..,

انتي جاهزه...؟

عوق بفرح\جاهزه مافي شي يربطني لكن غريبه مستعجل ..!

زياد\صديقي بيزورني ازعجني يقول انت تزورني ولا تعزمني..

وعدته بعد ما ارجع من العمره..؟

عوق\عادي اعزمه اليوم اذا انت منحرج منه..,

زياد يبتسم\لا منحرج ولا شي يا الله خير البرعاجله بشوف الحجز ارجع القاك جاهزه يوم يومين ثلاث با الكثير وراجعين..!

طلع زياد يشوف الحجز وانا رتبت شنطة سفر ملابسي وملابس زياد وكل الي نحتاجه بعمرتنا..,

كلمني زياد انه لقى حجز ذهاب واياب لمطار جده وخبرته اني جاهزه..,

رجع اخذ الخدامات يقول بيتركهم عند بشرى تبغاهم قفلت بيت امي..,

تركت السواق با الملحق يحرس بيتنا عيال ناصر ما ينضمنون الي حتى السياره ما سلمت منهم اخذوها..

عوق\ نحرم من الرياض والا من جده..,

زياد\لا معانا وقت بنحرم من جده ان شاء الله..,

نزلنا مطار جده وطلعنا اوتيل ريحنا وبعدها للميقات احرمنا واعتمرت انا عن امي وزياد عن امه..,

ورجعنا لجده علشان ماتفوتنا الرحله حسيت نفسيتي افضل بكثير ومن الي ما يشوف بيت الله وما ينبسط وينسى همه..,

زياد\باقي معانا وقت كان تبين اسواق..

عوق\عادي الرياض اسواقها لاتحصى ولا تعد..

زياد\انا طالع باخذ هدايا واجد باخذ ملابس لولد ناجي وولد صديقي وابي ذوقك..,

عوق با الم \ماله داعي روح انت انا بنام..,

زياد با اصراريسحب يد عوق \النوم لا حقين عليه لكن الشوبينغ ماهو دايم يحصل..,

طلعت مع زياد للمجمعات واشترينا ملابس وشغلات و ملابس اطفال لولد ناجي ولد صديق زياد..,

كسر خاطري زيادلما قال اعتبريهم اولادك ولا تخلين شي بنفسك الله يعوض علي وعليه بلي راح..,

اخذت كل شي تمنيت ان ولدي يلبسه ورجعنا للأوتيل..,

عوق \ياربي اتوقع ما بقى با اسواق جده ومجمعاتها شي..!

زياد بضحك\ماهو هنا المشكله ..المشكله العظمى كيف بناخذ ها الاغراض..,

عوق بتهكم\هذي المشكله الازليه اذا جينا نشتري ما نفكر بلي شريناه الا اذا رجعنا للبيت..

اردفت عوق بضحك\اشياء كثيره كان مالها داعي نشتريهازحمه علينا..,

زياد\يسهلها ربك بنرتبها و ونشحنهاان شاء الله ارتحتي بعد العمره..,

عوق با امتنان\الحمدلله..,

اردفت عوق\زياد انا ماحجيت اذا تقدر ترتب وضعك ونحج ها السنه..,

زياد\الله كريم بحاول والا انامسقط فرضي من زمان يا الله جاهزه بنمشي ما بقى وقت ..,

طلعنا للمطار وركبنا الطياره وطلب مني زياد نطلع لبيته بعد مانوصل..,

وافقت ماابي اكسر بخاطره وصلنا بيت زيادبعد المغرب..؟

دخلنا سور البيت وانوار البيت كلها مولعه وشكل البيت من برى فيه حياه ذكرني با اول مره ادخل بيت زياد..,

دخلت للبيت حسيته متغير زياد مغير الاثاث الي في الدور الارضي كله والمجالس..,

ومغير صبغة الغرف توني اشوفها المره الي فاتت لماجيت للبيت حسيت في شي متغير..,

لكن ما دخلت للغرف وزياد ما شجعني اشوف شي وريحت بخور..,

اكثرما شدني غرفة امه مغير شكلها ورسوم ورودعلى جدرانها ومفروشه بموكيت غرف اطفال..

اشكال العاب والباب مغيره استغنى عن الجدار وخلاه شفاف الي في صالة البيت يشوف الي يدخل غرفة ام زياد..

زياد يبتسم\ها وش رايك با المفاجاءه..,

عوق بدهشه \حلوه خصوص الوان الغرف ملونه الفكره الي انت رافضها سويتها..

زياد يضحك\ طيب و شفيك مكتئبه ما سمعتي ان الي يذم شي يطيح فيه..,

عوق بحزن\زياد ليش سويت كذا بغرفة امك..

زياد مستغرب\ ليش ماعجبتك الفكره..

عوق\ لا با العكس حلوه لكن ..؟

زياد\وش لكن بيجي يوم تشكريني على ها الفكره خلينا نطلع فوق نكمل الجوله..,

طلعت فوق

عوق تبتسم\ الحمدلله غرفة الاشباح على حالها..,

زياديضحك\هذي انا تاركها لك متى ما بغيتي غيرتها لك تعالي شوفي غرفة النوم..,

دخلت لغرفتي تفاجئت منها تغييرات بسيطه مغير اتجاه السرير ومفرش شكله حلو..,

عوق با عجاب \ما شاء الله عليك والله مجهود..

زياد\الله يسلمك هذا المفرش الي وعدتك فيه تذكرين مفرش زوجة نواف هذا اغلى منه للغاليه ام نمر..,

عوق بخجل \الله يسلمك بس شكلك تعبت..

زياد\ما قصروا خواتي والخدامات هم الي تعبوا..,

عوق \علشان كذا قلت بشرى تبغى الخدمات لا والله ماقصروا الله يجزاهم خير..,

زياد\توقعت ان بيصير في خاطرك اني ما اخذت رايك وانهم تعدوا على خصوصياتك..,

عوق\ لا با العكس متعبين انفسهم على شاني وتبيني ازعل..,

دق جوال زياد ورد عليه

زياد\هذولا خواتي بيجون يسلمون عليك تعالي معاي..

عوق\لا انزل انت انا بنزل شوي..,

زياد\لا تتأخرين..

فتحت دولابي ملابسي بمكانها ما تغير شي منها لكن ما ادري مقاسي اولا ..,

كلمت زياديطلع شنطه من شنطنا في ملابس لي اشتريتها من جده..

طلع لي الشنطه وطلعت لي لبس اخذت شور جففت شعري الي حسيته بدا يتساقط بكثره..

يمكن من فقر الدم ونقص كالسيوم بعد الولاده ولبست فستان قصير لونه خريفي اصفر على اخضر..,

غيرت شكلي بمكياج خفيف تعطرت ونزلت..,

كان موجود نجلاء وبشرى سلموا علي وتحمدولي با السلامه..,

بشرى \ان شاء الله اعجبك بيتك بعد التغيير ..!

عوق \ الحمدلله حلو..,

نجلاء\تجديدك في بيتك اصلن يغير نفسيتك..

زيادبمزح\وخصوص الالوان الي اختاروها بناتكم حفله با الحالها..

عوق\با العكس الالوان حلوه مره..,

نجلاء\الله يجبر بخاطرك لو يسمعونك البنات بينبسطون زياد رافض كثرة الالوان في البيت..,

عوق بضحك\ كلهم ذوق ..

زيادبتهكم مصطنع \كنت اضحك بناس صابغين غرفتهم وردي وربي عاقبني..,

طلعوا بشرى ونجلاء طلبت من بشرى تاخذ خدامة صديقتها انا تكفيني خدامة امي..,

وجلسنا انا وزياد..,

زياد\ بكرا بيزورني صديقي الي وعدتك..,

عوق\مومشكله كنت بتطمن بس على بيت امي ..,

زياد\لاحقين على البيت ان شاءالله وصديقي زعول ما ابي يقول اني اتهرب منه..

عوق\تبيني اجهز شي لك معين للعزيمه..

زياد\ لا صديقي مسوي ريجيم ما يبي شي..

عوق بضحك\غريب صديقك..,

زياديهمس بحب\والله انتي اليوم غريبه وشكلك صاير جناااان على قولة بنات خواتي خوقااااااقي..’

عوق بخجل \من ذوقك هذا وبعدين كلمة خوقاقي كم مره اقول ما ابي اسمعها معناها ماهو بزين..,

زياد با استسلام \حاضر كم عوق عندي..

عوق\زيادباخذ رأيك في موضوع..

زياد يبتسم بحب\خوذيني كلي لك ماهو بس رأيي..,

عوق منحرجه\ انا ابي ارجع ادرس بااشغل نفسي احس لو بجلس كذا التفكير بيجنني..,

زياد\ عندي فكره صديقي له واسطات قويه بقوله يوظفك وظيفه حكومي وش رايك..,

عوق بفرح\صدق زياد اهم شي قريبه ماتكون بقلايع ودارين..,

زياديبتسم\لا بتكون اقرب من ماتتصورين ما تحتاج مواصلات ..,

عوق\ يارب والله اتمنى على اني اكره المشي بعدين سواق امي موجود هو بيوصلني..,

زياد\لا ان شاء الله ما تحتاجين سواق امك المشوار قريب اقولك ما يحتاج مواصلات..

عوق با استغراب \وش فيك زياد كلامك محير..

زياد\لا محير ولا شي بكرا بتعرفين المهم نجلاء بترسل عشى لنا بتعشى وانام لا تنسين تونا راجعين من سفر..,

ارسلت نجلاء العشا تعشينا وطلعنا ننام وحسيت زياد فيه شي كنه يشوفني اول مره شكله عنده كلام ولا يبي يقوله..,

صحيت على صوت المؤذن صحيت زياد لصلاه..

هو طلع للمسجد وانا تجهزت لصلاه وصليت الفجر..,

جلست على سجادتي اقرا اذكاري...

وراجعت حفظي للقرآن من زمان ماراجعت حفظي اخذني الوقت وانا اقرا قرآن ارتاحت نفسي اكثر واكثر..,

الحمدلله امس كنت في اطهر بقعه واليوم اراجع حفظي لكتاب الله والله اني في نعم لا تعد ولا تحصى ..,

حتى فقداني لأمي وطفلي بديت اتقبله واحط اسوء الاحتمالات اصبر نفسي فيها..,

يمكن لو عاشت امي اكثر بتتعذب من المرض وانا مافي يدي شي اسويه خصوص لوضع امي اجتمع كبر سن ومرض ..,

(اللهم إني أعوذ بك من الجبن وأعوذ بك من أن أرد إلى أرذل العمر وأعوذ بك من فتنة الدنيا وأعوذ بك من عذاب القبر)

الشمس ارتفعت وزياد مارجع الي الآن معقوله طلع لدوام سيارته ماهي موجوده..؟!!

ناظرت الساعه كانت سبعه ونص صباحآ..,

باقي على دوامه نص ساعه يارب سترك ..,

كلمته على الجوال ..

عوق بخوف\ وينك..

زياد\صباح النور تحت ..,

عوق\ سيارتك ماهي موجوده..

زياد بضحك\ وش قلنا مانبي مطالع مع الشبابيك ..

عوق\ قلقت عليك مارجعت ولا هو وقت دوامك..

زياد\ها المره مسموحه دقايق وانا عندك..,

انتظرت زياد بغرفة الاشباح ها الغرفه احبها وارتاح اذا جلست فيها عكس اسمها سمعت صوت خطوات زياد..,

ودخل بوجهه البشوش ما ادري صرت اشوف وجه زيادغير ..,

ماادري هو انا تغيرت نظرتي لدنيا اوهو بفضل الله ثم دعائي ان ربي يسخرني له ويسخره لي..,

زياد بحب \صباح كل شي عذب وجميل على ام النمر..,

عوق تبتسم\هلابك شعندك نشيط اليوم..

زياد\ليش ماتناديني ابو نمر مثل ما اناديك ام نمر..,

عوق تتنهد بوجع\ الحمدلله على ما قدر وكتب لكن احس قلبي يعورني لو بقولها لك..,

زياد\ليش ها التشائم خليك متفائله وغيري لبسك والحقيني تحت..,

عوق تناظر لبسها\ ليش موعاجبك وش تبيني البس..,

زياد بتهكم مصطنع\يعني البسي قميص نوم وانزلي تحت مثلآاما عليك فهم مرات..,

عوق بضحك\صدق ماني فاهمه عليك..,

زياد بضحك\اقول بس البسي بطلع انا وانتي فهمتي الحين ولا تكثرين اسئله انتظرك با السياره..,

استغربت من كلام زياد وخصوص انه لابس ترنج رياضي يعني مستحيل بيطلع دوامه ويطالبني اغير لبسي..,

بدلت لبسي واخذت عباتي ونزلت طلعت لسياره الجو كان ربيعي حلو..,

زياد يبتسم\حي الله ام النمر معك مناديل..,

عوق با استغراب \الله يحييك ايه بشنطتي ليش تبي..,

زيادبغموض\لا يمكن انتي تحتاجينها..,

عوق بحيره\تدري اني ماعاد صرت افهم كلامك ما ادري وش تقول..

زياد يغمز بعينه\لا عندي لك مفاجئه اتوقع بتحتاجين كراتين مناديل لأنا بنغرق من الدموع..,

عوق \بسم الله عليك ماجاتك السوالف الا داخل السياره لا انت الي ماشي ولا انت خليتنا نسولف داخل لبيت..,

زيادبضحك\ماشين بنزور صديقي..,

عوق بدهشه واستنكار\بتزوره بلبسك هذا والصباح وانا معك بالله وش فيك اليوم..,

زياد\ عوق من بداية حملك لليوم تعرفين كم لك..؟

عوق بملل\اللهم طولك ياروح تسع شهور وزياده اتوقع..,

زياد\لا تسع شهور كملتي امس مافي زياده..,

عوق بضيق\وش الفايده كملت تسعه والا عشره المولود والله يعوضني فقدانه..,

زياد بتردد\ومن قالك فقدتيه..,

عوق تنزل قفازها وتلمس راس زياد\لا حرارتك طبيعيه ما تهذي وش الي مافقدته..,

زياد بثقه\ ايه مافقدتيه نمر ينتظرك با المستشفى ..,

عوق بذهول وعيونها على زياد\وش تقول ما استوعبت كلامك..,

زياد\اقول ولدك الي قد الكف صغنون ينتظرك با المستشفى..,

عوق امتلت عيونها دموع\ليه كذبت علي وقلت مات..

زياد با استنكار\متى قلت لك مات والا جبت ها الطاري..

عوق تبلع غصه\يوم وفاة امي..,

زياد\ماقلت لك شي انتي ما كنتي مستوعبه انه بيعيش وتوقعتيه هو الي توفى بدال امك وانا ما علقت على الموضوع..,

عوق تبكي \ليه خبيت عني ما تخاف الله ..,

زياد\ماخبرتك لأن وضعك ما يسمح وبعدين ما خبيت عنك كثير خفت اعلقك با امل ويحدث لنمر شي مو متوقع..

عوق بملامه\يا قسى قلبك..

زيادبوجع\عوق لا تقولين كذا حتى لو كنتي تدرين ماراح تسوين شي كنت ابغاك تستردين صحتك بدون تفكير بولدك الي با المستشفى ...,

عوق بوجع \تدري ما عندي شي اعاقبك فيه لا انت ولا كل الي كانواعارفين بوجود نمر ولا خبروني..,

حرام عليكم لو على الاقل كنت ارضعه طبيعي وهذي حرمتني منها..,

زياد با الم\تدرين الكل يظن انك عارفه انه باالمستشفى وصدمتهم في وفاة امك نستهم موضوع ولدك ..,

يبون يخففون عنك حزنك على امك والرضاعه الطبيعيه انا دكتور واعرف منك بها الاشياء..,

انتي تعرضتي لصدمه واخذتي حبوب مهدئه ومسكنات اكيد بتضر طفلك اذا رضعتيه طبيعي..,

عوق بقلة حيله\ماعاد للكلام معنى ..,

زيادبمعاتبه\شوفي عوق انا ماراح ازيد شي لكن انتي كنتي متشائمه من ناحية نمر وعلى طول عندك شعور انه ماراح يعيش..,

عوق با انفعال \ كنت اقول كذا لكن بداخلي غير الي على لساني..,

زياد يحرك السياره\طيب وانا اعلم الغيب وش عرفني في الي بداخلك احكم عليك من كلامك تدرين كنت خايف انك ماتتقبلينه..,

عوق بتهكم \ما اتقبل ولدي كيف تجي هذي..,

زياد\تجي كثير امهات الي يتعرضون لصدمات يصير عندهم اكتئاب ويكرهون اطفالهم وانتي بعد امك نفسيتك جدآكانت تعبانه..,

وقفنا عند باب المستشفى ما حسيت با المسافه من كثر التفكير..,

زياد يبتسم \انزلي علشان تشوفين صديقي الصدوق..

نزلت من السياره حسيت كل الكلام اختفى امشي ورى زياد بدون شعور هو يتكلم وانا بعالم ثاني..!

وصلنا حضانة الاطفال غير الي شفت نمر فيها اخر مره..,

زياد\ بوقع ورقة الخروج ارجع القاك متعرفه على صديقي..,

تركني زياد اناظر الاطفال الموجودين اكيد عرفته مثل كل مره اشوفه فيها لكن ها المره غير..,

كان اكبر وشكله مولودكامل باينه ملامحه وقفت عند سريره..,

ماقدرت اطلب من الممرضه تعطينياه وقفت انتظر زيادوانا رجولي ماعاد تشيلني وقلبي يدق بسرعه..,

حسيت اني طفله ابي الي يوجهني..؟!

رجع زياد معاه اوراق في يده..

زياديبتسم\ تأخرت عليك شؤن المرضى توهم يفتحون علشان ورقة الخروج شكلك عرفتي صديقي ليش ما شلتيه..,

عوق با ارتباك\ما ادري قلبي يدق بسرعه وايديني ترتجف..,

زياد\لا يرحم امك لا تجيبين العيد يطيح منك انا بشيله عنك..,

جاب لي زياد كرسي جلست عليه وكلم الممرضه تغير لنمر بلبس جديد شكل زياد شاريه له..,

بسرعه لبست الممرضه نمر و لفته في بطانيه سماويه وكانت بتعطيني اشيله ما قدرت ارفع ايديني..

زياداخذنمر من الممرضه وطلع وانا مشيت وراه ركبنا السياره..

ونمر مع زياد واكياس الممرضه كانت شايلتهم..,

زياد\امسكي نمر مالك عذر الحين ان شاء الله ما يطيح منك..,

عوق بخوف\زياد ما اقدر اشيله للحين جسمي ينتفض..,

زياد بضحك\يا خوافه..,

نزل نمر لمرتبة السياره من ورى وضبط مكانه علشان ما يطيح ولا يتعور ورجعنا للبيت..,

زياد بضحك\ للآن تحسين نفسك مضطربه..

عوق مرتبكه \مره ماني قادره اتماسك على بعضي..,

نزل واخذ نمر معاه دخلنا داخل البيت ونزل نمر على الكنبه جنبي وجلس مقابلني..,

زيادبمزح\ حي الله نمر في بيته وجنب امه الي خايفه منه..

عوق\ ماهو مسألة خوف لكن شعور غريب..,

بكى نمر ما ادري وش فيه ناظرت لزياد..

زياد\الولد شكله جايع تعرفي تصلحي له رضعه والا اعلمك..,

عوق مندهشه\ انا عمري ما تعاملت مع اطفال..

زيادبضحك\تدرين شكلي بنادي بنات ناجي يعطونك دوره كيف ترضعين ولدك شفتهم قبل كم يوم ..

معهم اخوهم وحده شايلته والثانيه معها الرضاعه..,

عوق بملل \خلاص لا تستهزئ بحاول اتعلم..

صلحت رضاعه لنمر قدام زياد وهو يناظرني ويضحك واخذته بحضني وارضعته..,

زياد\شفتي كيف الموضوع سهل باقي المشكله الكبرى..,

عوق بدهشه \وش بعد من مشاكل..,

زياد\مشكلة كيف بتغيرين له والا كيف بتحممينه..؟!

عوق بضحك \لا هذي يبيلها دوره عند نجلاء وبشرى ..؟!
.
.
.
(كلمه اخيره)

إننـآ سُعداءْ وَ لكن لا ندري !
سُعدَاءْ’ إن عَرفنـآ قَدر النِعَم التَي نستمتع بها ،
سُعدَاء إن طلبنـا السَعادة من أنفسنـا لا ممّا حولنآ*
سُعدَاءْ إن كَانَت أفكارنـآ دائماً مع الله ، فَشكرنـآ كُلّ نِعمَة ،*
وَ صَبرنـآ عَلى كل بَلِيَّة ، فِكنـآ رابحين في الحَالينْ ، ناجحين في الحياتيَن ..
الحَمدُ للـه على كُلِ حَالْ*

.
.
.

الي الملتقى قريبآبأذن الله

وسالفه جديده


طيف الأحباب

ام الوليد

تذكروني واحبابي بدعوه طيبه

بسم الله الرحمن الرحيم

اللهم إنا نسألك بأنا نشهد أنك أنت الله لا إله إلا أنت أن لا تكل أهل سوريا إلي أنفسهم,

وأن تحفظهم من بين أيديهم ومن خلفهم وأن تهيء لهم أمر رشد,

وأن لا تسلط عليهم من يستبيح بيضتهم وأن تصلح لهم شأنهم كله,

وأن ترحمهم برحمة من عندك فإنه لا ملجأ ولا منجى منك إلا إليك,

مقادير الأمور كلها بين يديك لا يعجزك شيء في الأرض ولا في السماء,

.
.

هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر..,

او با الرسائل الي تجيني على الخاص ممتنه للجميع..,

للغوالي الي يسألون عن حكم توصيل الشعر الي ورد على لسان زياد متعمده والله اخليه من مبررات زياد

لأني صرت اشوف شي مروع وكنت متوقعه ان وحده من الغيورات على الدين بتسأل عن هالنقطه علشان اجيب الحكم ؛
.
.
(حكم وصل شعر النساء:

من عبد العزيز بن عبد الله بن باز إلى الأخ المكرم (س.أ.ج) سلمه الله، سلام عليكم ورحمة الله وبركاته.. وبعد:

فأشير إلى استفتائك المقيد في إدارة البحوث العلمية والإفتاء برقم 1265 وتاريخ: 1/ 4/ 1407 ه الذي تسأل فيه عن حكم وصل شعر النساء.

وأفيدك بأن وصل الشعر لا يجوز، ولا فرق بين شعر بني آدم وغيره مما يوصل به الشعر؛

لعموم الأحاديث الصحيحة الواردة في النهي عن ذلك.

ففي صحيح مسلم عن أسماء بنت أبي بكر رضي الله عنها قالت: جاءت امرأة إلى النبي صلى الله عليه وسلم فقالت:

((يا رسول الله إن لي ابنة عريساً أصابتها حصبة فَتَمَرَّق شعرها أفأصله؟

فقال: لعن الله الواصلة والمستوصلة))، وفيه أيضاً عن أبي الزبير أنه سمع جابر بن عبد الله رضي الله عنهما يقول:

(زجر النبي صلى الله عليه وسلم أن تصل المرأة برأسها شيئاً)، وفق الله الجميع لما فيه رضاه، والسلام عليكم ورحمة الله وبركاته.).
.
.
البارت اهداء لكل من سطر في متصفح نوح الحمام ولو بكلمه وحده من دون استثناء..,

سواء مدح اونقد اوحتى يسأل عن مواعيد البارتات دليل اهتمامه با الروايه..,

اهداااء خاص للغايبه الحاضره النوفي عمامي خوالي ام المزايين, بريق الماس,jello,ارتواء,اثرني احبه,اميرة الورد,همس الزوايا,

عطر العبير,سعودية رايقه,احلامي كبيره,عزتي في كبريائي,بندقه , تحفة برونزية, دانة السعوديه.
.
.

اليوم بنشوف عوق المزايين وكيف بتصمد امام مفاجئتين تكسر الظهر.

يا الله تعالوا معاي...!!

وسالفه جديدة؛
.
.

البارت الاربعون
.
.

بعدمرور 3 سنوات على وفاة امي..!!

نمر كبر لكن ما زالت احس مناعته ضعيفه بسرعه ترتفع حرارته ويتعب ..,

ما ادري هو قلب الام والا فعلن علشانه انولد قبل وقته..؟!

با السنوات الي مضوا تعبت كثير كان ضغط علي ماهو طبيعي..!

با النسبه لنمر كنت ام مبتدئه الكل يشرح لي كيف اسوي وكيف اعمل مع ولدي..!!

نجلاء وبشرى وحتى بناتهم وخالتي ام ابراهيم وريم ما اتركوني ..,

لكن النظري غير العملي كلهم كانت تجيني منهم نصايح..؟!

مع نمر مرات ابكي ومرات اضحك لما كمل سنه حاول معي زياد اني احمل لكن رفضت

ما نسيت تعبي بحمل نمر وولادته..؟!

عاقبني زياد عقوبه حلوه كملت رسالة الماجستير الي اجلتها

والحمدلله توفقت والتقدير كا العاده جيد جدآ ما ارضى زياد..؟!

لكن انا كنت سعيده ودايم اكرر لزياد خير الامور اوسطها..,

انقطعت علاقتي نهائي باآل ناصرعلى الرغم من ان بناتهم كلموني على فترات متباعده خصوص بعد ماتزوجوا وانفصلو عن اهلهم

كنت احاول اني اكون رسميه معاهم واكيد العذر الظاهر للكل ان اهلهم غلطوا بحقي..

وكنت مصوره لهم ان زوجي ما يحب العلاقات الاجتماعيه كثير ويتضايق منها..

لكن السبب الحقيقي ما كان الا خوفي اني افتح على نفسي باب من جهت اهلي ..

فكنت احاول اسحب نفسي بهدوء من اي شي له صله باامي وضحى حتى ينسوني الجميع ..,

دق جوالي كان زياد..,

زياد\صباح الحب..,

عوق بضحك\هلا وغلاوش ها الروقان..,

زياد\لا بس حبيت اخبرك اليوم الغداء خليه مبكر بطلع بدري..,

عوق\ابشر تبي شي معين والا اطبخ على مزاجي..

زياد\لا على مزاجك بيجي احلى..,

نموري صاحي...!؟

عوق \ايوا هذاك هو قدامي بغرفة خالتي يلعب..,

زيادبتحذير\انتبهي له الولد حركته كثيره..

عوق\لا ما عليك قدام عيني ماقصرت على ها الفكره انك خليت غرفة خالتي الله يرحمها غرفة العاب مكشوفه الاطفال ما ينضمنون..,

زياد بوجع\الله يرحمها ماعندي اغلى من ولدي ياخذ راحته بغرفة امي..,

ومن هنا جتني الفكره غرفة العاب مكشوفه وتشوفينهم من ورى الجدار البلاستيكي الشفاف ..,

عوق \زياد معي خط تبي شي..

زياد\لا سلامتك لكن لا تنسين الغداء بدري..

سكرت من زياد والي كان معي على الخط خالتي ام ابراهيم كلمتها..,

عوق بفرحه\ ياهلا ويامرحبا ..,

ام ابراهيم \هلابتس واخباركم بشريني انقطعتي لا تجين بيتس مثل اول ولا صرنا نشوفتس ..,

عوق\ خالتي ضغط علي وانا اسبوع هنا واسبوع هناك نمر يتعب تعرفين ماعنده مناعه..,

ام ابراهيم \والله ماعنده ان شاء الله الا الخير لكن انتي موسوسه..!

عوق بضحك\بشريني عن البنات..؟

ام ابراهيم \ابشرتس كل شي على ما يسر خاطرتس انتي مشغوله اليوم..,

عوق\افضى لتس انتي تامرين..,

ام ابراهيم \ما يامر عليتس ظالم اجل بزورتس بعد المغرب نمر بيشوف سميه..

عوق \حياكم الله انتي ونمر..

ام ابراهيم \ومعي ضيفه بتجي ترى مانيب الحالي ..

عوق\ حياتس الله انتي راعية بيت ..

ام ابراهيم \الله يوفقتس ويخلي لتس وليدتس بس عندي طلب صغير..,

عوق بتوجس \قولي خالتي اطلبي..

ام ابراهيم \لا تعزمين احد انا والضيفه بنشوفتس الحالنا وهذا والله طلبها هي ..,

عوق\ ابشري من الي معتس خالتي..؟

ام ابراهيم \اذا جيناتس بتشوفينها لكن لاتنسين الي قلت لتس..,

سكرت الخط من خالتي نوره وقمت علشان اجهز الغدا وعيني على ولدي..

من يوم بدى يميز نمر واحنا صارت جلستنا تحت وغرفة الاشباح حولتها غرفه لنمر..,

مجرد ديكور والا ما ينام الا بغرفتي جهزت الغدا وصلحت حلى لقهوة المغرب..

من يا ترى الضيفه الي خالتي رفضت تخبرني عنها مر الوقت وكلمني زياد علشان اجهز الغدا..,

وصل وتغدينا ونمر بينا مالي علينا حياتنا بحركاته..

الله يرحم امي يوم كانت تقول سقى الله يوم اشوف عويلتس ياعوق يلعبون حولنا..,

زياديضحك بتهكم\تدرين عوق ان نمر على كثر حركته المفروض اسمه اوس , ضرغام , ..,

عوق تبتسم\ لله دره ها الولد كل اساميه وحوش ..,

زياد\وش رايك عوق خيرك الله بين اثنين اما انك تكملين دكتواره والا انك تجيبين لنمر صديق يونسه..!

عوق \لا نموري للحين صغير..!

زياد\ حرام عليك 3سنوات صار رجال ما شاء الله عليه..,

عوق\لا والله صغير لكن علشان ماخذ طولك بسم الله عليه صاير شكله اكبر من عمره..,

زيادبضحك\لا تتهربين اختاري..,

عوق بضحك\ لا الحمل صراحه اسهل من الدراسه..

زياد يهز راسه \قرار صائب وتفائلي لا تخافين يتكرر معاك نفس اول حمل..,

عوق \ان شاء الله ..,

اردفت عوق\اليوم بتجيني خالتي ام ابراهيم..,

زياد \حياها الله بطلع اريح وصحيني على صلاة العصر..’

صعدزياد ينام ناديت الخدامه ترفع الغداوانا اخذت ولدي وطلعت ورى زياد..,

دخلت الغرفه زياد على وشك انه ينام..,

زيادبترجي\طلبتك عوق نومي ها المزعج بغرفته عندي دوام بعد العصر لازم اكون مصحصح..,

عوق بضحك\ قلت لك نمر صغير وانت تبي بعداطفال..,

زياد يبتسم وهو نعسان \شوفي اي اعتراضات او مواضيع بعد ما ارجع من الدوام مره خدران..,

عوق بمزح \ابشر عمي بسجلهن بورقه علشان اتذكر وش ابي..,

زياد بكسل\ذكريني بوريك شي غريب شفته اليوم..,

عوق بفضول \وشو ..,

زياد\ بناااااااام تكفين اكسبي فيني اجر تعبااااان

نام زياد وهو يسولف اخذت نمر ونومته في غرفته وقت الجوال على صلاة العصر ..,

نمت وصحيت على المنبه صحيت زياد لصلاة العصر طلع للمسجد..,

صليت ونزلت معي نمر اجهز لزياد القهوه قبل يطلع دوامه..

تقهوى زياد ولعب مع نمر..,

زياد يبتسم بتهكم \وش عندك لابسه برقع ام العوق..,

ما تقولين ضيفتك ام ابراهيم وعادتك ما تتبرقعين عنها..ّ!

عوق تضحك بممازحه \لا خلاص انا ناويه حتى نوم انام ببرقعي ..,

زياد بعصبيه مصطنعه\اما عاد علشان اذبحك مره وحده..,

اردف زياد بضيق\انا خواتي بصراحه اتضايق اذارحتي لعزايمهم في برقعك..,

عوق بترجي وحب\تكفى زياد لا يصير بخاطرك البرقع هو الي بقى من ريحةامي ويذكرني فيها ما ابي اتركه ..,

زيادبقلة حيله\اشبعنا ها الموضوع نقاش سوي الي يريحك..!

عوق\انتو مستغربينه علشانه ماهو من عوايدكم وبعدين خواتك متقبلينه عادي ..

اردفت عوق \بتتأخر اليوم..

زياد\على حسب الحالات متى ما خلصت رجعت ..,

عوق \وش كنت بتقولي قلت ذكريني ..

زياد يناظر ساعته\تأخرت اذا رجعت ان شاءالله لكن بتنبهرين من الي راح تشوفينه..,

عوق بتهكم \نشوف وش عندك يبهرنا..,

طلع زياد وانا بديت اجهز لقهوة ام ابراهيم ..,

صليت المغرب وجلست انتظر ام ابراهيم كلمتها قالت انها قريبه من بيتي ...

دقايق وسمعت الجرس ..

فتحت الخادمه الباب دخلت ام ابراهيم ومعاها حرمه قلبي اوجعني من شفتهاعرفتها..!!

سلمت على ام ابراهيم والثانيه ما كانت الا مشاعل يارب سترك ليش جات..!

وش تبي بعد انا قلت خلاص نسوني بعد وفاة امي..!؟

سلمت بعدها على مشاعل الي ضمتني وهي تنتفض دخلتهم مجلس الحريم..,

ام ابراهيم منحرجه\اسمحي لي يا بنتي هالاجوديه هذي طاحت علي في بيتي تقول تكفين انا بنتاخي وضحى الله يرحمها..

ومن غلاة وضحى ودي بشوفة بنتها وجبتها لتس بدون ما اخذ رايتس تراها من مبطي وهي تطلبني..!

عوق تتنهد بوجع \صار خير حياها الله..,

دق جوال ام ابراهيم وكلمت..؟!

ام ابراهيم\ عوق وين وليدتس سميه بيسلم عليه هذاهو دق يستعجلني يبيه ..,

عوق\ لحظه خالتي اجيبه لتس ..,

اخذت ام ابراهيم نمر يسلم على ولدها ومشاعل تناظرني ما وخرت عيونها عني

وقمت وجلست قريبه منها..,

عوق من بين دموعها \ليه يا مشاعل انا ابعد عنتس وانتي تلحقيني..!؟

مشاعل ببكى\ما بي شي منك بس ابي اشوفك..,

عوق بمراره\ادري انتي ما انتي محتاجتني لكن فكري بعقلتس والغي عواطفتس الي هدمت مستقبلتس با اول حياتس..,

لا تجنين علي وعلى اهلتس شوفتس لي ما وراها الا الفضايح ..,

مشاعل بترجي \تكفين ابي كل سنه امرك مره وحده بس لو دقيقه اشوفك فيها تكفيني وتشبعني سنه كامله..,

عوق بوجع وبصوت منخفض \انا ماني با الحالي تشوفيني وترجعين انا متزوجه واهل زوجي جنب بيتي..,

لا يشوفون الشبه الي بينا والدنيا صغيره تقارن الناس بينا..!

لاتهدمين بيتي يا مشاعل انا ماعاد لي با الدنيا الا الله ثم زوجي وهو رجال حساس ولايحب الفضايح..

شوفي برقعي على وجهي من ماتت امي ماشافوني الاغراب غير فيه..,

لاتفتحين علي باب من جهت اهل زياد..!

والله ان لمحتس وحده من بناتهم مانسلم من تشبه وتشبه..,

ونصير علك بحلوق الناس وفاكهة مجالس كلن يألف علينا قصه..,

وعقبها تنكشف الحقيقه الي دفنوها اهلنا..!

مشاعل تبكي بترجي موجع \محد بيدري عني تكفين..!

اذا بااجي عندك قبلها اكلمك على جوالك..,

ترتبين لي وقت اشوفك فيه وبلبس مثلك برقع ولا احد بيعرفني..!

تكفين اشفقي على حالي بيذبحني ويفضحني شوقي لشوفتك..,

عوق بمراره والدموع تملى عيونها\وانا يعني ما ينشفق على حالي ما عاد همني نفسي ..!

هذا انا تعايشت مع وضعي من زمان ورضيت بواقعي الاسود..,

انا صار فيني رعب وخوف حتى على عيالي الي في علم الغيب ولا اعلم هم يجون والا ما يجون..!؟

نمر اذا كبر وش ردت فعله اذا عرف ان امه لقيطه ولا احد رضى يتزوجهاالا لقيط مثلهاكيف بيواجه حياته..؟!

مشاعل تبكى\ياعوق المجرم الي يرتكب جريمه يحكم عليه بعقوبه ويقضي مدة العقوبه..!

حتى لو سجن مؤبد عنده امل يمكن بيجيه عفو..,

الا انا دفعت عقوبة جريمه جهلي واهمال اهلي لي...,

31سنه والي اليوم ما خفف عني الحكم وادري لو بينكشف وضعي بتضاعف لي العقوبه...,

الناس ماتصدق يجي الليل وتنام ترتاح انا يبدى عذابي اذا اقبل علي الليل..!

عوق تتنهد بحسره وتمسح دموعها بطرحتها \كلام با الماضي لا يودي ولا يجيب ولا يحل مشكله الي فات ما يرجع كان ترجع امي وضحى..!

وكل شي له حل با الدنيا الا مصيبتنا..؟!

خلاص مثل ما قلتي نتفق انا وانتي اذا بغيتي تجيني تلبسين برقع..,

وانا بحاول تكون جيتك بوقت محد يشوفك فيه ..,

اهم شي عيال زوج امي آل ناصر محد من طرفهم يدري عن شي ولا تقولين انك من قرايب امي..,

اوتطرين قدام احد انك شفتيني بيبحثون وراتس وتجيبين لنا المشاكل تهدمين بيتي وتفضحين اهلتس ..

حتى خالتي ام ابراهيم اقطعي علاقتس فيها ولااسمع انتس مارتها..,

مشاعل با امتنان وترجي موجع \خلاص ابشري اتفقنا والله والله ما اخلي احد يحس بشي بس تكفين شيلي برقعك بشوف وجهك شوي..,

قطع قلبي شوفت دموعها الي كنها شلال وترجيها رفعت برقعي وقامت علي وحضنت راسي وحبت عيوني وايديني ..!

ذكرتني بنفسي يوم كنت اشعر با الخوف اركض على امي وضحى احبب عيونها واشم شعرها..؟

دريت انها جاتني وهي مرعوبه وخايفه لكن غلبت خوفها ووصلتني..,

سمعت صوت نمر يبكى وهذا طبعه يخاف من الي يشوفهم اول مره..,

ابعدت عن مشاعل بسرعه خفت ام ابراهيم تلاحظ شي..,

دخلت ام ابراهيم وشايله نمر يصيح..,

ام ابراهيم بذهول\بسم الله عليتس وش له ها الدموع..,

ام ابراهيم تتنهد بحزن\اكيد يوم شفتي ام نمر ببرقعها طرت عليتس وضحى كنها هي سبحان الله ..,

عوق تبلع غصه \ومن مثل امي والا يشبها لكن من كثر ماتشوفني معها صار يتهيئ لكم اني اشبها..,

مشاعل بخوف وجزع\صادقه عوق صادقه ماتشبه وضحى هجاد ما تشبه لها..,

التفتت ام ابراهيم لعوق\يا شين طبع ولدتس ياعوق من شاف نمر قعد يصيح والضعيف وليدي تروع من صياحه..,

من اليوم نسكت فيه ونحاول ولا سكت بسم الله على قليبه..,

اخبر البزران اذا ركبتيهم سياره يستانسون هذا لا والله ركبناه السياره ومشينا به مير زاد صياحه..,

عوق \هذا طبعه يا خالتي ما يتعرف بسرعه يستنكر الوجيه ويصيح..,

ام ابراهيم بممازحه\ لا والله من كثر ما انتي حابسه عمرتس وحاشره ها الضعيف لايشوفه احد..,

الظاهر تخافين العيون مثل امتس وضيح الله يرحمها ..,

عوق تبتسم بوجع وتهكم\يالبى قلبتس ياخالتي انتس كاشفتني...,

مشاعل با ارتباك\بسلم على ولدك عسى ما يبكي بس..!

واخذت نمر مع يده ورحت به لمشاعل ضمته لصدرها ضمة حنان وهو ما قال شي جلس بحضنها..,

ام ابراهيم بممازحه \يا العيار توك بغى يغمى عليك عند سميك والحين تضحك..!

مشاعل \ يمكن ما يخالط ناس ويخاف..؟

ام ابراهيم \ايه الضعيف طول في المستشفى انولد بسبع شهورغير ان عوق دافع البلا ماتطلع ..,

مشاعل با الم \الله يخليه لعينن ترجيه..,

ام ابراهيم بترجي \عوق يا امتس ادري ان في خاطرتس ما انتي راضيه عن زيارتي لتس انا ومعي هالحرمه..!

هذي الي قلت لتس يوم عزا امتس تنشد عندتس..,

والله لها 3سنين وهي دايم تدق علي تبيني اجيبها لتس تشوفتس انتي ووريعتس ...

تقول ان الاجاويد معلمينها اني اعرف مكانتس..!

وها الشوفه يا امي ماهيب ضارتس على شانهامن رحم وضحى الله يرحمها..,

عوق تتنهد بحرقه\خالتي انا ماعلي ضررمن جيتها عندي ..,

البلا عليها هي لو بيلمحها احد عندي بيقول لأهلها الي حاربوا امي واقطعوا علاقتهم فيهاعلشانها كفلتني

وانا معلمتس من اول با السالفة ايام وفاة امي لاعادت من ليالي..,

ام ابراهيم \الله يكملتس بعقلتس يابنتي وها المسيار والله ما اطريه لأحدوهي ماهيب عايدتهاان شاء الله..,

عوق بمحبه\ يا خاله انتي ما يجي منتس الا كل شي طيب..!

اتفقنا انا ومشاعل على ها الحل وبدون علم ام ابراهيم وطلعوا من عندي هي وام ابراهيم ..,

مشاعل تمرني على فترات متباعده لكن بدون ما يحس فيها احد..,

بكيت بعدما مشوا ما ادري وش السبب هل هو رحمه بمشاعل الي كبدي يابسه على قولت يمه ولا ني قادره اقولها لها

والا خوف من الليالي المقبله ..,

تفاجاءت بصوت زياد داخل علي وبسرعه مسحت دموعي ما ابيه يلاحظ شي ولا يسألني ..,

زياد \مسا الخير ماشاء الله ضيوفك مشوا..!

عوق بخوف وارتباك \ مساءالنور ايه كيف عرفت ..؟

زياد\ما يبيلها ذكاء تصادفت انا ونمر عند الباب مين الي مع ام ابراهيم ..!؟

عوق بذعر وتفرك ايديها وتلفت\هاه مين معاها ايييييه هذي وحده من معارف امي وتعز امي واجد وجايه تشوفني..!

زياد با استنكار\استغربت شفت سيارتين عند باب البيت شكل الي من معارف امك جايه مع سواق..,

اردف زياد بدهشه \طيب و شفيك كنك خايفه وانتي تقولينها ذكرتيني فيها..!

عوق بخوف \من فيه!

زياد\با الحرمه الي مع ام ابراهيم احسها خافت يوم شافتني بغت تطيح عند الباب..,

عوق بهلع\ وش صار لها طاحت..,

زياد با استغراب \ولا شي ما طاحت قلت بغت تطيح شكلها استحت مني..,

عوق وهي تحط يدها على صدرها\الحمدلله..

زيادبدهشه\اماغريب امرك واذا طاحت وش بيصير عادي ..!

عوق با ارتباك \لا ما ابي يقولون زارت بيت زياد وتعورت عندبابه وبعدين هي تعز امي..؟!

زياد يبتسم\بغيت نمر يدخل يتقهوى ورفض يقول عنده امتحانات بس جاي يشوف سميه المزيون..,

زياد يتلفت\وين ابو السباع المزيون ..؟

عوق \ما شفته..؟!! اكيد بصومعته معتكف..؟!

زياد\لا انا على طول للمطبخ توقعتك فيه مامريت غرفة امي..؟!

عوق\دخلت بعد ما طلعوا بجهز قهوتك..,

زياد \بوقتها الحقيني الحقيني لبرج المراقبه ..؟!

عوق تبتسم\والله يانمر خلاك تغير مصطلحات كثيره..؟!

زيادوهو طالع \اقول بس لايكثر بسرعه القهوه ونزلي ها البرقع ضيوفك من زمان طلعوا..!


صادق زياد نسيت برقعي علي نزلته وشفت وجهي بمرايه بالمطبخ

يارب سترك وجهي يروع منحاس كحلي من الدموع..,

واغسل وجهي وامسح ها الكحل الي يروع ..!

ارسلت الشغاله تجيب شنطتي واحط كحل وروج جديد..؟!

واطلع لصاله او مثل ما يسميها زياد برج المراقبه..!

علشان فاتحه على غرفة خالتي صومعة نمر ونشوفه وهو يلعب..؟

عوق \كيف شغلك اليوم..؟

زياد \مثل كل يوم ضغط ماهو طبيعي ..,

اردف زياد بتوجس \ليش عيونك كذا حساسيه والا باكيه ..,

عوق\لا بس ها الكحل جديد على عيوني اول مره اجربه..,

زياد بعدم تصديق\والله ما ادري عنك مرات تصيرين غريبه..

عوق با ارتباك \ لا غريبه ولا شي بغيت اسألك اليوم قلت ذكريني عندي لك شي..,

زياد يتذكر \اوه صح بسرعه شوفي جوالي با الشاحن عطينياه..,

قمت وجبت له الجوال وانا انشغلت اطالع نمر يلعب فتح الجوال وناداني..!؟

زياد\تعرفين الدكتور يزيد الي عزمته قبل فتره هنا..؟!

عوق \ايوا الي تقول دكتور مخ واعصاب..؟!

زياد يبتسم\عليك نور هو ارسلي رساله اثناء الدوام( زياد بسرعه ابغاك لا تتأخر)

دقيت عليه يعطيني مشغول وعلى طول طلعت له اكيد فيه شي والا ما يرسل لي رساله..,

وزادها ما يردعلى اتصالي لقيته يفحص على مريض دخلت وأشر لي اجلس بكرسي جنبه..!

عوق \طيب انت وش دخلك وش بيهمك من حالته او وش بتفيده وانت استشاري نساءوهو اعصاب..,

زياديبتسم \وش تتوقعين..؟!

عوق با استغراب\والله ما ادري يمكن يبي يحول نفسه بنت ..؟!

زياد يرفع حواجبه ويضحك \يحسدوني الي يعرفوني على ذكائك لااااااغيييييييير...؟!

عوق با استفهام وفضول \اجل وشو..؟!

زياد \هذامريض من معارف دكتور يزيدو جاي عن طريق واسطه..!

مصاب بشلل كامل اثر حادث مروري وكم مره يراجع عند دكتور يزيد..,


كنت اصب لزياد فنجان قهوه صبيت القهوه على يدي بدون ما احس..,

زياد بسرعه يرفع الدله عن يد عوق\بسم الله عليك احرقتي نفسك ليليان بسرعه جيبي ثلج..!

ماحسيت بحرارة القهوه ولا وجعها وزياد يعالجني بالثلج وبكريم حروق وانا صمت مطبق ما قدرت انطق كلمه...!

النار الي شبت بين ضلوعي وجعها اكبر من حرق يدي..,

زياد بحده واستنكار\وش فيك وش جاك انتي ..؟!

عوق بشرود وتوجع\ لا هاه بسيطه ما تعور..؟!

زياد \شكل يدك انحرق معقوله ما تحسين بوجع..!!

عوق بألم \لا عادي كمل وبعدين..؟

زياد بدهشه\اخاف اكمل يجيك شي اكبر يمكن تطبين ساكته ..!؟

عوق بوجع\تكفى كمل وش صار..؟

زياد \ابد ما صار شي يزيد واعدني اذا جاه بيناديني..؟!

عوق بقلق وفضول \وانت وش دخلك..؟!

زياد بضحك\تذكرين لما عزمته هنا طلعت له نمر يسلم عليه..,

وازعجني يقول في مريض يراجع عندي كربون ولدك وانا اقوله نموري وحيدآ فريدآ من نوعه..,

عوق بذعروارتباك \كثير ناس يحبون يشبهون هوايه عندهم حتى لو ما في شبه يتخيلون..!

زياد يهز راسه بتعجب \بلاك ما شفتيه والا ما قلتي كذا..؟!

سبحان الله الرجال مريض با السرطان و كل جسمه متأثر من الحادث الا ملامح وجهه ما جاها شي يمكن اثر خياطه قديم..؟!

لكن فيه مسحت وسامة ما اثر فيها المرض..؟!

عوق وهي ترفع كتوفها تحاول اتفه الموضوع\ يمكن يخلق من الشبه اربعين..!

زياد يفتح جواله\استعدي للمفاجئه..؟!

عطاني الجوال الي كانت فيه الصوره من يوم شفته عرفته..!؟

قلبي حسيته كسر ضلوعي من كثر ما يدق ما كذب لا يزيد ولا زياد..,

الصوره طبق الاصل من ولدي با اختلاف الاعمار..؟!

زياد يسولف ويضحك وانا اطلب ربي ما انهار قدامه..,

زياد بتأكيد \وش رايك يشبهه اولا ..!!

عوق تعطيه الجوال ويدها تنتفض\فيه شي بسيط بعدين نمر اشباهه واجد دايم اصادف اطفال مثله..؟!

زيادوهويناظر الجوال\ لماكان يفحص عليه دكتوريزيد صورتة بدون ما يحس شوفي الصور انتي ما شفتي الا وحده شوفيه..؟!

عوق تصرخ بعصبيه \وش ابي بصوره حرام اتمقل بوجه رجال غريب واذا يشبه نمر وش يعني..؟!

اردفت عوق\وبعدين انت وزميلك ماتخافون ربكم حاطين ها المسلم فرجه الي ينادي والي يصور..!

زياد بصوت عالي وحده\هيييه انتي وش صار لك وش ردت ها الفعل الغريبه..!

عوق تحاول تهدي الوضع \لا حبيبي ما في شي بس كسر خاطري شكله وخصوص ان فيه شبه بسيط من نمر...!

ما احب الي يشبوهون ولدي يعانون..؟!

زياد مستغرب \قولي كذا بسم الله روعتيني..

عوق با ارتباك \سلامتك بس امسح الصور حرام ..!

زياد يرفع حواجبه \بمسحها لكن بوريها خواتي اول..؟

عوق بصراخ\لااااااااااااااااا

زياد با انفعال \اعو ذبالله من الشيطان وش فيك انتي..!؟

عوق تبكي وتترجى زياد\لا تكفى الله يوفقك الله يستر عليك امسحها لا يشوفها احد الله يسترعليك ..؟!

زياد با استغراب وخوف يضمها\بسم الله عليك عوق اذكري الله

والله ان فيك شي تراها صور ما تستدعي ثورتك هذي..؟!

عوق وهي تتمسك فيه\تكفى امسحهاالله يوفقك امسحها تكفي لانبتلي تكفى..؟!

زيادبتاثر \لا حول ولاقوة الا بالله شوفي حتى ولدك جا يركض خاف عليك بمسحها بس اهدي..!

اردف زياد\يا ليتني ماجبت لك الصور التوبه...

حتى لو بشوف احد يشبه نمر ها المره با اربط عيوني عنه علشان ما اشوفه..؟!

عوق ببكى وترجي\عطني الجوال انا امسحها...

زياد يمد الجوال بدهشه\خوذيه مسحي الي تبينه بطلع فوق اغير وارجع حستي ثوبي الله يهديك بكحلك وروجك..!

طلع زياد فوق وانا فتحت جواله وشفت الصور كنت امسح واتفرج..!!

مره يضحك ومره مغمض عيونه ومره شارد اكثر من عشر صور كل صوره تثبت الشبه اكثر واكثر..؟!

حتى حبة خال تحت عينه شفتها قبل كم يوم تحت عين نمر...!؟

ظنيته معور نفسه وعرفت انها بداية حبة خال بتصير بوجه نمر ..,

آآآآآآآه كل الدروب تجمعني فيكم اهرب منكم علشانكم وانتم تلحقوني..,

عمري ما تمنيت اشوفك يا بدرلا حقيقه ولا خيال من عرفت بوجودك..؟

واليوم زوجي هو الي مصورك وبغيت افضح نفسي قدامه الله يشفيك لازم تنمسح صورك وكل اثر لك مسحت كل الصور..,

وانا في داخلي اتمنى كل طريق يوصل لهم والا يجمعنا ينمسح..,


عوق تأنب نفسها\وش فيك يا عوق اهدي يمكن شبيه بس وانتي بغيتي تنجنين وتفضحين نفسك ..؟

ياليته كان حلم والي في الصور مجرد شبيه عابر يا ليت ..؟!!

نزل زياد وهو يحاول يسترضيني..,

اخذ الجوال مني وجلس جنبي وضمني وحب راسي \هذي الصور ومسحتيها طيب ليش تبكين شوفي ولدك حاضنك وخايف...!

عوق تمسح دموعها با اكمامها\لا مافي شي تو حسيت بحرق يدي..؟!

زياد \ماهي سالفة يدك انا عارف السبب..,

عوق التفتت برعب \وش عرفت..,

زياد با استغراب \ تدرين انك متشائمه شوفتك لصور خوفتك على نمر..؟

يا شيخه الي كاتبه الله يصير وربي يحب التفائل خوفتيني حسستني اني جايب مصيبه تبكين وتترجين والله يسترعليك ..,

اردف زياد\ تدرين استغرب منك مرات ..!؟

عوق بخوف\ ليش ..!

زياد \انتي انسانه ماشاء الله من تزوجتك عمري ما شفتك تهاونتي لا با الصلاه ولا بصوم ولا بنافله..,

وحتى حجابك كامل لكن مرات اشوفك تجزعين وتتأثرين بسرعه ..,

الايمان با القضاء والقدر ترى ركن عظيم لو تمسكين فيه تغيرين اشياء كثيره بحياتنا..,

عوق بذعر وتحضن نمر\مافهمت...,

زياد \اقصد انك ما تخالطين احد وتتحاشين اي تجمعات عذرك خوفك من عيون الناس والحين خفتي على نمر يصير مثل وضع بدر..!

عوق تغمض عيونها وتعض شفايفها\هو اسمه بدر..!

زياد \ايوا بدر الــــ اهله معروفين اجتماعيآ اعرف واحد من انسباهم هو الي توسط له ونقل مراجعته هنا..,

عوق تضحك بوجع ودموعها تصب..؟!!

زياد با استغراب\وش فيك مره تضحكين ومره تبكين..,

عوق با استفهام\ وهو تعرفه..,

زياد بتوجس \ لا والله لكن اسمع عنه..ّ

عوق تغمض عيونهابحسره والم \وش سمعت عنه..

زياد با استغراب من حالة عوق\ كل خير هو وحيد اهله وصار له حادث وهو صغير..؟!

ترى ماهو كبير با العمر يمكن بعمري لكن حادثه كان شنيع اثر مره عليه..!؟

عوق تتنهدبوجع \الله يشفيه وش تعرف عنه بعد..؟!

زياد بااستغراب\ما خبرك تهتمين با احد مثل كذا غريبه اليوم..؟!!

عوق با ارتباك \لا ابد كسر خاطري...

زياد\ سمعت ان زوجته معاه مساعدته على مرضه الله يجزاها خير قليل الي يسوي مثلها..؟!

عوق بقهر\ما قصرت ما شاء الله عليها..!؟

زيادبا اعجاب \اي والله هذولا الي يقال عنهم اصيلات وبعد ترى هم مناسبين عوايل كثير..,

عوق تبلع ريقها بخوف\ وش دراك عنهم..,

زيادبتعجب \وش فيك انخطف لونك هم ناس معروفين وبناتهم كثير ما شاءالله كل وحده عند عايله لها وزنها با المجتمع..,

عوق\ماشاء الله اشوفك تمدحهم..!

زيادبممازحه \ لايكون غرتي من بناتهم..؟

عوق بسخريه\وليش ما اغار انت دكتور ومشهور..؟!

زياد يضحك\والله ما اخبرك تغارين ويوم جات غيرتك ما لقيتي الا بنات ها العايله الي لو اطلع للقمر مشي ماوصلت لبناتهم..,

عوق بذهول\اوف الي ها الدرجه لا تبالغ..؟!

زيادبتأكيد\وش ابالغ هذولا كلن يدور نسبهم ومن حسن حظهم ان بناتهم كثير..!؟

اردف زياد\ على انهم ماشاءالله اخوين او ثلاث ماسمعت ان لهم عيال الا بدركلهم بنات..؟!

عوق بشرود \لا هم بس اخوين..!

زياد بدهشه \ تعرفينهم..؟!

عوق با ارتباك \ها لا ما اعرفهم ولا ابي اعرفهم..؟!

زياد با استغراب\اجل وش دراك انهم اخوين..؟!

عوق\ايه بناتهم كانوا معاي بالجامعه وسمعت عنهم ..؟!

زياد \اوه صح تذكرت يوم عزا امك جو من انسابهم يقولون بينهم صلة قرابه هم وامك وضحى الله يرحمها..؟!

عوق بتوتروارتباك \ما اعرف احد يقرب لأمي منهم..؟!

زياد بدهشه\وش فيك انقلب وجهك عادي ماهو ضروري تعرفين اي احد يقرب لأمك وضحى او تكون لك علاقه فيهم ..!

لكن واحد من زملاء جزاع معنا با الاستراحه مناسبهم وجا معاهم للعزا سألته قال الحرمه المتوفيه تقرب لزوجته..؟!

حتى استغرب يوم شافني موجود ..؟!

عوق بتوتر \ماادري انا كنت با المستشفى يمكن هذولا الناس الي امي كانت زعلانه عليهم...!

زيادبااستنكار \غريبه ليش...؟!

عوق بتردد\هم قطعوا علاقتهم فيها علشانها كفلت لقيطه..!؟

زياد يتنهدبتأثر \ سبحان الله با الناس وش ذنبنا ليش احنا اخترنا نكون لقطاء..؟!

طيب الي ما يبي يكفل يتيم لا يصير مغلاق للخير..؟!

عوق بتوتر\انت لك علاقه فيهم ..؟!

زياد\ لا والله هو زميلناالي با الاستراحة

وبعدين ترى ساكن ورانا ماهو بعيد و يوم عزا امك قلبي وفكري كان عندك مافكرت مين جا والا مين راح..؟!

عوق بخوف\الله يكفينا شرهم ويبعدهم عنا تكفى زياد لا يطري لك اني اختلط فيهم وبعدين خلاص فكنا منهم ومن سيرتهم..,

زياد\ الله يستر علينا وعليهم والله ما جا في بالي تتعرفين عليهم

اعرف طبعك ليش احرج نفسي واذا هم قاطعوا امك محد بيلومك لو ما تبين تتعرفين على احد منهم..,

اردف زياد\المهم بيت امك الله يرحمها ترى اجرته لك..؟!

عوق \ احسن ما سويت خصوص بعد ما انقطعنا عنه ..؟!

زيادبضحك \والله انتي الي صرتي كسوله والا انا عادي عندي با العكس تغيير جو..؟!

عوق تبتسم\تدري زياد لو انك ضغطت علي اني ما اروح هناك يمكن اعاند واصر نبقى على اتفاقنا اسبوع هنا واسبوع هناك..؟!

زياد\تعرفيني ما احب اضغط عليك بشي ابغى كل شي تسوينه عن اقتناع وانتي ماصرتي تطلبين نروح هناك..؟!

عوق\نمر تبهذل معانا واحنا كل اسبوع بمكان والا يعز علي اني اترك بيت امي وذكرياتي معاها..؟!

زياد \ عشاك جاهز ترى ما اشوف الطريق بتعشى وانام عندي دوام...؟!

جهزت عشا زياد وصعد نام وانا احس نفسي مرهقه اليوم كان من الايام المشهوده بحياتي..,

سبحان الله تمر عليك شهور ما تحس فيها تجي وتروح..؟!

ويجيك يوم احداثه تعادل سنين عمرك كلها اليوم عرفت ان الدنيا فعلآ صغيره..,

مشاعل دخلت بيتي وجلست دقايق فيه كنها سنين على قلبي من خوفي ان احد يدخل علينا ويشوفها عندي..؟!

كملها زياد مصور بدر بكل بساطه جايب صوره يبيني اشوف عجايب الدنيا..!

مادرى انه من عجايب الدنيا انه متزوج بنت الي يقول لو طلع للقمر مشي ما حصل وحده منهم..,

لازم زياد ما يعرف شي عن علاقتي بمشاعل وبدر والا راح تنهدم حياتي..

زياد مايشوف نفسه شي على الرغم انه قدر يخلي له مكانه با المجتمع عقدة انه لقيط مستحيل تنحل..,

وراضي فيني مجهول نسب وتزوج وحده نفس وضعه ليش افتح على نفسي باب واكسر عين زوجي ..

والمصيبه اني ماراح استفيد شي لا المجتمع راح يرضى فيني ..,

وبينبنى بيني وبين زيادحاجز بيشوفني افضل منه وهذا ما ارضاها لزياد الي حبني ويقدم راحتي على راحته... !!!



بعد مرورسنه على اخر مره شفت فيها مشاعل انقطعت اخبار مشاعل وبدر..؟!

حتى علاقتي في بيت ابوابراهيم قلت كثير مشاغل الحياه اخذتنا..,

خلال السنه تنعد على الاصابع زياراتي لبيت ابو ابراهيم..؟

اخر زياره كانت قبل شهرين الجوهره ولدت بنت وزرتها في بيت اهلها...,

نمر عمره الآن اربع سنوات وفي يوم اقترح علي زياد اقتراح..,

زياد\عوق وش رايك ندخل نمر روضه..,

عوق\لا زياد اخاف عليه بعدين احسه صغير..

زيادبملامه\حرام الي تسوينه با الولد بتعدمين شخصيته 24ساعه لا زقين في بعض انتي وهو ترى بتعانين بعد ماتولدين معاه..,!

عوق برعب\ يويل قلبي ما اقدر اتخيل اقوم الصباح ما اشوفه قدامي..,

زياد بضيق \تدرين انك تكسرين خاطري يوم اشوفك شايلته بطنك كبير من جهه وهو ماشاء الله شوي والا طولك..!!

عوق تضحك\بسم الله عليه انا راضيه انت وش عليك..,

زياد\ خليه يختلط با الاطفال انا كنت اكبر منه بسنه وداخل اولى ابتدائي..,

عوق بضحك \اطفال اول غير اطفال الحين ..,

زياد بتذمر \وش فيه غير..!

اردف زياد\تدرين خواتي يضحكون عليك ومن طريقة اهتمامك فيه..؟!

عوق بغضب مصطنع\ اوريك فيهم وهذا جزاتي يوم اهتم با احفادهم اذا جو عند نمر يلعبون..,

زيادبضحك \لا ماعليك بناتهم مبسوطات يقولون عيالناامن وامان عند عوق لكن نجلاء وبشرى مره منزعجين..!

عوق با استغراب \ليه..!

زيادبتردد\اقول ولا تزعلين..؟!

عوق بتوجس \ عادي نجلاء وبشرى ما يجي منهم الا الزين..,

زياد \لا بس ماهي معجبتهم طريقة حرصك على نمر يبونك تعطينه مساحه من الحريه..؟!

عوق با ارتياح\ معاهم حق الله يجزاهم خير بس وش اسوي بها الوسواس..!

زياد يبتسم\ والله انتي الي الله يجزاك خير الي تقبلتي كلامهم بحسن نيه..,

عوق\ زياد ترى كثير اشياء ومن ضمنها النصيحه تقدر تاخذها على وجهين..,

حسن نيه وسوء نيه فليش اتعب نفسي مهما كان سبب النصيحه اخذها على الوجه الحسن

زياديصفق با اعجاب\تبارك الله يا ليتك بس شفتي خواتي يوم قالواها الكلام مترددات

كانوا بيقولون لك بس خايفات تفهمينهم غلط..,

عوق\لا عادي هم بعد مثل خواتي وهم محترمات شهادة حق..,

زيادبحب\ انتي والله بعد محترمه ماهو مدح لك علشانك زوجتي لكن ما شاء الله عندك حدود وخطوط حمراءلكل شي ...!

عوق\اوف اوف كل ها المدح انتبه لاتكبر راسي ..؟!

اردفت عوق\ شوف زياد انا متبعه حديث ماشيه عليه بحياتي( من حسن إسلام المرء ترك ما لا يعنيه)..,

ولا احب انبش بخصوصيات خلق الله والا افسر ضنونهم..,

زيادبحب \الله يخليك لي لو ان عندك بعض حركات الفضول بعض المرات..,

عوق بملامه\انا فضوليه حرام عليك..,

زياد يضحك بتهكم\امزح معاك انتي ابعد ماتكونين عن الفضول المهم ترى احتمال تتنومين خلال ها الاسبوع ..,

عوق بخوف\ليش انت تقول حملك تمام ..,

زياد بطمئنه\ لا الحمدلله كل شي تمام لكن انتي حامل بتؤم مانبي مضاعفات او يحدث شي احنا بغنى عنه والا كل شي كويس..,

عوق بتذمر\ لا عاد شف اي شي الا التنويم ونمر وين اخليه تدري ما يقدر يبعد عني..!

زياد \ لاحول ولا قوة الا بالله والله انتي الي ما تقدرين تبعدين عنه..,

عوق بتردد\طيب ما تقدر تدخله معاي للمستشفى..؟!

زياد \شكلك اقتنعتي با التنويم ..,

عوق\لا بس ما ابي اعرض الي في بطني للخطر يكفي هبالي يوم حملي بنمر اخذت درس..,

زياد بتهكم \كله كوم ويوم انك منكره انك حامل كوم..؟!

عوق بضحك \المصيبه اني خبرت اثنين من المدرسات غير شكلي الي باين اني حامل لا وبعد مصره ان مافي حمل الله يستر ها المره..!

زياد بطمئنه \ لا ما عليك الا العافيه كل فحوصات والاشعه كويسه واحتمال كبير تولدين طبيعي..,

عوق \زياد انت متأكد انهم بس اثنين ..؟!

زياد يبتسم\ ايه اثنين ليش تسألين حاسه بشي ..!!

عوق با ارتباك \لا بس تذكرت الحرمه الي قلت لي عنها زمااااان..,

زياد با استغراب \اي حرمه ..؟!

عوق\ الي ولدت اربعه ولقيت الخامس بينهم..,

زياد بضحك \ تذكرتها لا انتي مختلفه عنها تمامآ..؟!

عوق\ ليش وش مختلفه فيه يمكن فيه غير الاثنين وانت ما شفتهم با السونار..؟!

زياد \اول شي هذيك كان حملها اذا ماني غلطان كان عن طريق منشطات ومحفزات لكن انتي غير حملك بتؤم طبيعي..,

عوق تبلع ريقها بخوف\يعني شلون يعني كل مره بحمل بتؤم..؟!

زياد \ لا اقصداحتمال حملك يكون بسبب وراثي عندك يعني فيه لك عمه او خاله او قريبه كانت لها ولادات تؤميه هذا الي اقصده..!

عوق با ارتباك\ لا ما فيه.. مافيه..؟!!

زياد ب استغراب\ وانتي وش دراك حمل التوائم كثير يكون لها اسباب وراثيه..,

عوق با ارتباك\لا وراثيه ولا شي هذا نمر كان واحد ويمكن اخذت اعشاب والا شي ما ادري عنه كان سبب بحمل تؤم..!

وبعدين هذا شي من الله لا وراثه ولا شي اويمكن دعوة جزاع وريم ...؟!

زياد\طيب لا تنفعلين الموضوع ترى ما يستاهل ردت فعلك يمكن دعاوي جزاع وريم..؟!

عوق بتردد\ زياد..؟!

زياد\نعم...,

عوق\بقول شي لكن ماهو اكيد..!

زياد بتوجس \قولي اسمعك..؟!
.
.
.

(كلمه اخيره)


يَجِبْ أنْ نثِق أننِآ مَآ خُلقنَآ أبداً :
لَ: نفشَلْ !
أوَ ل: نحِزنْ !
أو لـ نَكُنْ أُنآس بلآ هدِفْ !
يَجِبْ أن نَـثِقْ أنْ وجُودِنَا لـيسَ صُدفـَه ..
وَ ليسَ رقماَ فَحـَسبْ ..
وجُودُنآ ل حآجَهْ ) !
آنآ مِوجودِ : لآن آلكِونْ يحِتآجنيَ
ولآن آللهَ مآزآلْ | يمدِ فِيَ عمريَ كلْ صِبآح . .
لَ: آنآلْ نصِيبيَ منْ آلطِآعهه وآلفِرح وآلآنِجآزآتَ
ثِقتنآ بَ: آلله فِوقْ ( كلَ شِيءُ ) ، وآيَ شيءَ
هِو : سِر سِعآدِتنآ … . وتفِوقنآ

د : سِلمآنْ آلعِودة
.
.
.
الي الملتقى قريبآبأذن الله

وسالفه جديده


طيف الأحباب

ام الوليد

تذكروني واحبابي بدعوه طيبه