بســم الله الـرحمــن الرحيــم

اللهم نسألك بنور وجهك الذي أشرقت له الظلمات ,

وصلح عليه أمر الدنيا والآخرة ,

من أن يحل بنا سخطك أو ينزل علينا عذابك ,

لك العتبى حتى ترضى ولا حول ولا قوة إلا بك

اللهم إن عبادك المؤمنين في سوريا يستصرخونك ويستغيثون بك
اللهم اغث لهفتهم
اللهم فرج كربتهم
اللهم اجب دعوتهم
اللهم اقض حاجتهم
اللهم استر عوراتهم
اللهم آمن روعتهم
اللهم اشف مريضهم

اللهم لا تكلهم إلى أنفسهم طرفة عين ولا أقل من ذلك

اللهم أخذل عصابات بشار الأسد
وكل من ينصره على الظلم
وكل من يعاونه على الباطل
اللهم خذهم اخذ عزيز مقتدر
اللهم أزغ أبصارهم وقلوبهم
اللهم ألق الرعب في قلوبهم
اللهم زلزل الأرض تحت أقدامهم

اللهم أذهب عن أرضك سلطانهم
اللهم لا تدع لهم سبيلاً على عبادك المؤمنين
اللهم خذهم أخذ عزيز مقتدر

اللهم إنا نسألك أمراً رشداً من عندك
تعز به أسودك المؤمنين في كل مكان
وتذل به عصابات الإجرام الكافرين

وصلى الله على سيدنا محمد وعلى آله وصحبه أجمعين
اللهم منّا الدعاء ومنك الإجابة
اللهم آمـــيـــن

.
.
هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر..,

او با الرسائل الي تجيني على الخاص ممتنه للجميع..,

البارت اهداء لكل من سطر في متصفح نوح الحمام ولو بكلمه وحده من دون استثناء..,

سواء مدح اونقد اوحتى يسأل عن مواعيد البارتات دليل اهتمامه با الروايه..,

او الغوالي الي كلفوا على انفسهم يسجلون علشان يتابعون الروايه ممتنه من الاعماق للجميع..,

واهداااء خااص لحزين الاحزان &الزعيمه الهلاليه
.
.

اليوم بنشوف عوق المزايين بعد العواصف الي مرت فيها وهل عرفت فعلآ حاجتها لزياد...!!!


نسأل الله العظيم رب العرش الكريم ان يجعل لأختنا ارجوانة الياسر من كل همآ فرجا ومن كل ضيقآ مخرجا

يا الله تعالوا معاي...!!

وسالفه جديدة؛
.
.
البارت الواحد والثلاثون
.
.
فتحت عيوني حسيت ضباب قدام عيوني وفي شي على فمي شكله اكسجين ..!!

التفت كان في ممرضه داخل الغرفه حركت يدي فيها مغذي

الممرضه طلعت ورجعت كان معاها زياد شكلها نادته ..,

زياد يبتسم\ الحمدلله على السلامه طيبه ان شاء الله ..,

عوق بوهن \انا وين..؟

زياد\انتي با المستشفى ..!!

عوق بتعب\وين امي .. !

زياد\ موجوده الحين تجي كنا ننتظرك تصحين..,

عوق بخوف والم\وش جابني هنا وش صار..؟

ظهري ماني قادره اتحرك..!

زياد يبتسم\ارتاحي ماصار الا الخير بروح ابشر امك انك صحيتي وبجيبها لك

امس يوم شافتك ارتفع شوي عندها الضغط اتنومت هنا بغرفه قريب منك ..,

عوق بخوف \لايكون صار لأمي شي ..

زياد\ لا الحمدلله امك ماشاءالله عليهاعمري ما شفت احد بقوة ايمانها و صبرها بتشوفينها الحين ..,

عوق بنفسها\ياربي وش الي صار احسب نفسي خلاص في عداد الاموات ..,

حركت يدي ولمست بطني الحمدلله ماطاح جنيني..

دخل زياد وامي على عصاها تسندها شغالتها

زياديبتسم\هذي امك مارضت حتى با العربيه تقول بطلع لعوق مشي ..,

وضحى تسلم على راس عوق \الحمدلله على السلامه صحيتي يمي وشلونتس الحين طيبه ان شاء الله ..,

زياد\لا الحمدلله ابشرك ماعليها طيبه ..,

ام عوق وهي تمسح دموع حاره\والله مادريت انه بيصير عقبي كذا كان ماتركتها لحالها ..!

زياد \مقدر ومكتوب والحمدلله ربي لطف فيها وهذاهي قدامك ما فيها الا العافيه..

ام عوق بمراره\والله ياوليدي شوفة ها الاجهزه عليها انها ماتبشر بخير..

زياد\ياخاله كنا وين وصرنا وين اليوم او بكرا بتنزل للجناح

بنتطمن عليهااكثر ونشيل ها الاجهزه..

انتي اجلسي ارتاحي مسافه من غرفتك الي هنا..,

ام عوق \كل شي لعيون عوق يهون انا طيبه ماعلي اهم شي هي وضناها ..!

زياد يبتسم \ ماعليهم طيبين وبخير ..,

ام عوق بفرحه وامتنان \الحمدلله الحمدلله الي سلمها ربي ..,

عوق بتعب \ خبروني وش صار..,

زياد\لا ترهقين نفسك بخبرك وش صار..؟!

بعد ما قفلتي الباب علي وقفت عند الشباك اناديك وحسيت في حركه غريبه على الجدار

شفت واحد طالع على الجدار بينزل داخل السور

من طلع على سور بيتكم عرفت انه بيدخل داخل وشكله عارف الحي مافيه احد..,

كلمتك بسرعه بدون لا الفت انتباهه لي

شكيت انهم اكثر من واحد وتوقعت معاه مسدس او سلاح يضربني فيه وانا محبوس ولا اقدر اسوي شي..؟!

وحذرتك وبعدك كلمت جزاع بسرعه..!؟

قلت له بيت خالتي داخله حرامي كلم الشرطه اوصف لهم البيت ..

ومثل ما فكرت دخل داخل البيت..,

اخذت يد الهاون الي موجوده بدولاب مشب النار وكسرت فيها حديد الشباك ..,

طلعت لقيته كاسر باب غرفة خالتي وخلاص كسر باب غرفتك بيدخل عليك..,

هو ماتوقع ان في احد في البيت ضربته بيد الهاون الي معي على كتفه بدون لا يدري من الي ضربه..,

وتعاركت معاه وعلى طول وصلوا الشرطه واخذوه وكسرنا الباب عليك..,

لقيتك مغمى عليك وطوالي للمستشفى و من البارحه وانتي هنا وهذي الحكايه..

عوق بخوف وتعب \الحمدلله يعني ما تعرض لي..

زياد بحده وقهر\يخسي وبعدين ترى ماكان في وعيه شكلها يتعاطي مخدرات والحين من رمي با السجن..,

عوق بوجع وقهر \حسبي الله عليه فضحنا بين جيرانا..,

زياد بقهر\لا والله هو الي انفضح متهجم عل بيوت خلق الله خير الدنيا سايبه ..,

عوق بخوف\تعرف كلام الناس وش بيقولون عني وهم مطلعين الحرامي من داخل بيتنا..,

زياد بتهكم \ خيروش بيقولون الناس ..؟!

العالم التمت داخل بيتكم ما ادري من وين طلعوا اتوقع من يوم شافوا الشرطه واقفه اجتمعوا وادخلو مع الشرطه

وشافونايوم كنا نحاول نفتح الباب عليك يعني الكل عارف انه ما قدر يوصلك..!

هو وش يبغى فيك شكله داخل يسرق عارف انكم طالعين للعرس وتوقع البيت فاضي ..,

وبعدين كل الموجودين تفاجئو ان في شخص داخل الحمام لما طلبنا منهم يطلعون واحنا نحاول في الباب نفتحه ..,

ام عوق\الحمدلله عوق صايمه ومصليه وربي حفظها والله اني اصبح وامسي استودعها الله ..,

زياد\الحمدلله يا خاله احفظ الله يحفظك الي صارالعوق شي عجيب لو سمعته من احد ما صدقته وقلت يبالغ..,

انا مريت عوق بوقت ماهو متوقع تأخرت في المستشفى وكنت متردد اني اجي لها خصوص بها الوقت..

جزاع ازعجني اتصالات وينك وينك قلت له دقايق واكون عندك..!

طلعت لبيتي لبست وقلت بمر عوق حتى اني اروح وارجع على شارعكم اكثر من مره..,

وقفت سيارتي بعيد عن بيتكم وجيت مشي ..!

ودخلت عند عوق وكنت بدخل ثواني واطلع...؟

لكن قدر الله انها تقفل علي الباب واتأخر عن العرس ويدخل الحرامي..,

يعني لو ماقفلت علي كان طلعت قبل لايجي الحرامي..

وجزاع ما قصر بسرعه بلغ الشرطه..

و قدرنا نسيطر على الوضع قبل يصير شي لعوق..

عوق بفرحه\الحمدلله ثم الحمدلله ثم الحمدلله حتى يبلغ الحمد منتهاه ان ربي نجاني وسترني..,

زياد\ويمكن بعد درس للمدمن انه يدخل مصحه يتعالج فيها..,

شكله يسرح ويمرح ولا احد داري عنه انه متعاطي..!

ام عوق\ والله ان اهله ناس اجواد في حالهم

لكن ولدهم فاضحهم اعوذ بالله ماغير يهابد بها الشوارع عجزو فيه كلن يشكي منه ..,

امه اذا سألها احد عنه قالت انه مسحور و فيه سبب عجزوا منه الشيوخ ..,

زياد بحده\ماعلينا منه فيه سبب والا مافيه بيلقى جزاه الناس ماهي لعبه عنده وعند كل واحدآ مايخاف الله..,

مر اسبوع وانا با المستشفى كان عندي هبوط با الضغط والمشيمه نزلت ولازم رعايه خاصه..

زياد كان متابع وضعي وصارحني احتمال اذاتطورالوضع انه يكون في تدخل جراحي لكن الجنين مره صغير..

بيحاولون يأخرون ولادتي قد ما يقدرون علشان الجنين يكبروتكتمل اعضاءه داخل الرحم ..,

طلعت للبيت ضاق صدري من المستشفى وخصوص ان الجو شتاء وامطار..,

جو المستشفى كئيب ارتحت عند امي افضل من المستشفى

امي رضت على زياد بعد الموقف الي صار وانه بفضل الله ثم وجوده

ماقدر ولد الجيران يسرق بيتنا او يوصل لي ويضرني

ماخبرت امي ولا زياد عن تهديدات ولد الجيران خفت من ردة فعل زياد

وافتح ابواب على نفسي ماني قدها والولد انمسك بصفة سارق لبيتنا

وهو اصلن سمعته سيئه عند الجيران

يعني بيعتبرون الي سواه ماهو غريب عليه كان من الممكن انه يدخل اي بيت من بيوت الجيران

وامي ما ابيها تشيل همي اذا عرفت با الموضوع

سألني زيادوش الهدف من اني قفلت عليه المشب

وقلت له ابغى امي تعرف وش كثر انت شاريني وترضى عليك

فسر الموقف بأنه يتمنعن وهن الراغبات وان هذي حركه من كيد النساء

زياد اكثر وقته عندنا من دوامه يطلع لبيتنا نادرآما يروح لبيته..

مواعيدالمستشفى هوبنفسه يجي وياخذني ..

مرات يحاول نطلع نتمشى لكن اعتذر منه..

ما اقدر اطول جالسه با لسياره خايفه من الولاده المبكره..,

نقوم من صلاة الفجراناوامي ونجلس با المشب ونشب النار ماندخل داخل الا وقت النوم..

زياد ما كانت تعجبه ريحة الحطب دخل مره علينا الصباح قبل يطلع لدوامه..

بيتنا على طريق المستشفى واقرب لزياد اذا بيطلع من بيتنا

جلسنا انا وامي با المشب نتقهوى..

زيادبضيق \ انتو عارفين ان ناركم هذي دخانها سام ماهو كويس لعوق ولا للجنين..,

ام عوق بممازحه\هذاحطب سمر ما يضر ابد..,

خايف على مريتك خذها لبيتك وهي ما يجيها شي وريحة السمر خلوها لي..

زياد بترجي\ والله اتمنى ياخاله لكن هي ماهي راضيه اقنعيها تكفين..,

عوق بتذمر \الكلام هذا ماهو وقته..,

زيادبملامه وتذمر\كيف ماهو وقته اجل متى..!؟

تدرين كم لك عن بيتك لك ست شهور يامدام..,

عوق بحده\واذا ست سنين انا ما ترك امي با الحالها..,

زياد بقهر\ يعني عاجبك وضعنا ترى مليت تسمعين مليييييييت ما عاد عندي صبر استنفذتي الصبر الي عندي كله..,

ام عوق بملامه \ عوق تعوذي من الشيطان وش ها الكلام..,

عوق بزعل\والله يمه هو الي من دخل وهو ماهو طبيعي ..,

زياد بملامه\انا الي مو طبيعي ليه وش شفتي مني علشان تقولين ها الكلام..!

عوق بغضب \ايه انت ما انت طبيعي من دخلت اعوذبالله تدور المحارش..,

من طلعت لدنيا والسمر مافارق بيتنا والشتاء من يدخل حتى يطلع وحنا نشب ونتدفى على سمر ما جانا شي..,

زياد بقلة حيله ومعاتبه\الله يجزاك خير وانا استاهل على حرصي عليك ..,

سوي الي تبينه ياعوق خلاص ماتفرق معي تجين والا تروحين يا الله مع السلامه..,

وطلع زياد من بيتنا زعلان ..,

ام عوق بملامه \ارتحتي ها الحين يوم هججتي الرجال..,

عوق بقرف\والله عاد هو شكله يبي الهجه بكيفه لا يرجع اذا جيتي وروحتي عنده واحد..,

ام عوق \وانتي ما مسكتي غير ها الكلمه..؟

السوالف معتس ضايعه ولا اخذتي درس من الي صار لتس ..,

عوق بذعر\ليه يمه...!!

ام عوق بزعل\وش الي ليه مير على طول قبيتي بوجهه..,

الرجال خايف عليتس كان سكتي وقلتي ابشر

لكن ما تعرفين تسكتين غير ترادين ..,

تحسبين كثر محارش الرجال به خير..,

عوق بضيق \يعني وش تبيني اسوي انا عارفه وش يبي..

يبغاني ارجع معه للبيت بأي وسيله طيب انا تعبانه..,

ام عوق بملامه\هو طبيب وادرى منتس لا تشدين اكثر ترى مالتس غناة عنه ولا لتس رجل غيره..,

يعني للحين ماعرفتي قيمته لولا الله ثم هو وش كان صار بحالتس ليلة يدخل بيتنا الحرامي..,

عوق با انكسار\يمه والله اني عارفه كل شي لكن هو يحط يده بحلقي وينطقني غصب..,

والله استغرب له تصرفات انسان متعلم ودكتور لكن مرات يرمي كلام ما يعرف عواقبه..,

ام عوق بتهكم\ والله ما ادري من هو الي مايعرف عواقب كلامه..,

اردفت ام عوق وهي تتنهد بقهر\لك الله يا زياد لو انه محتال وبياع كلام كان حطتس بجيبه من زمان..,

مبطي مقيوله ان قام حظك باع لك واشترالك ..وان طاح حظك لا شراك ولا باع..,

والله ان زياد على نياته لكن ماله حظ معتس وش ما سوى..,

عوق بتهكم\واضح على نياته والله ماتدرين عنه..,

ام عوق بسخريه\ما شاء الله انتي الي تدرين..,

اصلحي ما بينتس وبين رجلتس ولو يبيتس تروحين لبيته اليوم روحي معه

الرجال معه حق ومن يصبر صبره عليتس من تاركه بيتس له ..,

وهو رجالآ يبي يختلي بحرمته ويجلس معاها وانتي كم لتس مقابلتني ..,

عوق بملل وتذمر \تعبانه ما نيب رايحه..,

ام عوق بملامه\خلي عنتس الخبال والعناد تراه احرص منتس على نفستس

بقوم اصلي الضحى واطلب ربي ازين من سوالف معتس مالها سنع..,

قامت امي من عندي ودخلت للبيت تصلي واتركتني بحيره..,

من تزوجت ما ارتحت لا مع زوجي مرتاحه ولا بدونه مرتاحه..,

كلام امي حقيقي بس وش اسوي ما ادري وش يجيني اذا شفته ..,

بنتظر منه اتصال واحاول اصلح الي بينا بدون ما احسسه اني راميه نفسي عليه..,

اليوم كله انتظرت من زياد اتصال الحين بعد المغرب ولاكلم ولا حتى ارسل با العاده ما ينقطع عني بالشكل هذا..,

دق جوالي توقعته زيادوخاب ظني كانت خوله..؟

تسأل عن اخباري وهل في امكانيه اكمل معهم النصف الثاني حتى لو ماده وبيساعدوني ..

اعتذرت منها ما اقدراكمل معاههم الحمل متعبني ..

وخبرتني انها بتزورني هي ومعها مدرسات ..,


مر على اخر مره شفت زياد فيها اربع ايام وهو لاحس ولا خبر..,

حتى امي ماصارت تجيب طاريه قدامي وانا الحين تقريبآحملي صارله 27اسبوع..,

مراجعاتي صارت اسبوعيه للمستشفى زياد مشرف على حالتي..

بكراعندي موعدمراجعه ماادري اطلع مع السواق والاهو بيجي ياخذني والااسحب على الموعد..,

عوق بتردد\يمه بكرا عندي موعد با المستشفى..,

ام عوق با استغراب \ليه اول مره تروحين للمستشفى انتي حملتس مير قضيتيه با المستشفى..,

عوق بقلق\لا بس موعدي مع زياد وما ادري وشلون..,

ام عوق\وشو لونه ..! باتسر ان ماجا ياخذتس مثل كل مره..,

البسي عباتس واطلعي انتي والخدامه مع السواق وادخلي عليه مثل كل الحريم..,

عوق بحزن\يمه خايفه ما يعطيني وجه والا يحول ملفي لغيره..,

ام عوق بسخريه\من هو زياد ماهقيت الضعيف يموت على اثرتس بس انتي راسآ يابس..,

عوق بتهكم\واضح الي ساحب علي اسبوع..,

ام عوق بضحك\ياالله با الستر اسبوع كلهن اربع مدري خمس ايام خليتيهن اسبوع..,

باتسر وانا امتس ليني الهرج معه ولا تركبين راستس وان قال با خذتس لبيتنا لا تعيين روحي معه..

عوق تتنهد بضيقه \بنفذ كل الي تقولينه واذكرتس بكرا ان ملفي ماهو عنده بيحوله على غيره..,

تصبحين على خير بنام ..,

دخلت غرفتي برتاح احس بطني ثقيل ياربي وشلون بخلص من هاالبطن

من كبرهالااقدراقوم ولااقدراقعد..,

هم الحمل وهم حالي مع ها الرجال معلقه لا انا با السماء ولاانا با الارض..,

وش اسوي بكرا ارسل رساله والا اكلم والا اخليها على الله ..,

نمت على افكاري وصحيت على صلاة الفجر صليت ورجعت نمت بعد ما قريت وردي واذكاري اليومية..,

خصوص بعد الي صار من ولد الجيران صرت احرص على الاذكار اكثر من اول..,

نمت وصحتني امي على الساعه عشر..,

ام عوق بااستغراب\وش عندتس اليوم طولتي با النوم لا يروح عليتس موعد المستشفى..,

عوق بكسل\هلا يمه لا الموعد بعد الظهر..,

ام عوق \اجل نامي وانا اقعدتس على صلاة الظهر..

عوق \لا خلاص بقوم الحين شبعت نوم من البارحه وانا نايمه..,

قمت صليت الضحى

طلعت ورى امي للمشب هجرنا البيت وصار هو مجلسنا..,

ام عوق\من الي بياخذتس للموعد..؟!

عوق بضيقه\زياد ما عطاني وجه ولا كلم بطلع مع السواق تجين معي..,

ام عوق\وش يوديني خلصي شغلتس وعودي..,

عوق بتذمر\اكيد بخلص وارجع ماعندي مشاوير عقب المستشفى..!

ام عوق بتوجس وشك\من هي البنت الحامل الي مع خوياتس يوم جاو قبل يومين..,

عوق\من.. ؟ مافي حامل الا اميره ..,

ام عوق\والله ما ادري وش اسمها لكن وجها ماهو غريب علي وش يقالهم..,

عوق\والله ما ادري يمكن اميره الـ...

ام عوق برعب\ تقولينه صادزه..؟؟!!

عوق با استغراب\اي والله يمه الظاهران هذا اسمهم لكن ليش مستغربه..؟

ام عوق بتعجب\يا صغر الدنيا يا بنتي هذي ان ماخاب ظني انها بنتاخي للهنوف واهلها هم الي ماخذين ساره..,

عوق با استنكار\من الهنوف ..!

ام عوق \الهنوف ام ساره و بدر رجل مشاعل..,

عوق تضحك بوجع \يمه تدرين انها كم مره تشبهني في بنات خالدوبنات تركي..!

تقول ياعوق كنك منهم ان قلت انك مثل بنات خالد تشبهينهم وان قلت مثل بنات تركي تشبهينهم..,

قلت يخلق من الشبه اربعين..,

ام عوق بحسره \ازين مارديتي وابعدي يا بنتي عنها مانبي عقب ها السنين نفضح الي سترناه..,

عوق تتنهد بوجع وحسره\يمه لاتوصين حريص داريه يعني حتى لودرت الناس من هم اهلي وش الفايده..!

هذا انا تزوجت لقيط مايندرى من اي ديره جابته الاقدارلي وغيركذا المجتمع مايرحم..,

الكل بيجيه من شرارنارالفضيحه الي صارلهامدفونه اكثرمن 26 سنه ..,

ام عوق تتنهد بوجع\الناس هذا طبعها دايم عينها وسيعه على الزلات وشلون فضيحه مثل هذي..,

هذا زين بعد ان ماقالوا بنت خالد ما يدري منين جابت هالبنت..,

ليت يقولون ابوها بدر الا بتسمعين الهوايل عن مشاعل..,

وانتي يا بنتي هذا قدرتس وش بتسوين..

مرات اوجس منتس كبرت نفس على رجلتس لا يغرتس كبر اسم اهلتس ماهم نافعينتس

عوق تبلع غصه با الم وتمسح دموعها\ ماكذبتي يمه والله مرات اجلس وافكر الحالي ليه انا من بد بناتهم كذا

وخصوص اذا سمعت احد اطراهم قدامي من زميلاتي والا اي احد من معارفهم

واحس نيران بجوفي تواقد مايطفيها غير خوفي من فضيحة اهلي..,

ام عوق بتأثر \السوالف ما تفيد مابها غير تجديد اوجاع

احمدي ربتس الي جاب لتس ها الرجال حبيب وعاقل ولا عنده لف ودوران ويتمنى بس يرضيتس

ترى هذي يا بنتي بعد نعمه عظيمه تبي من يشكرها

ولا اوصيتس سرتس لا يطلع حتى بينتس وبين نفستس انسي كل شي يتعلق بهاك العرب

عوق تبتسم بوجع\ما عليتس يا الوضيح السر في بير مير حتى اني افكر البس برقع ولا ينزل عن وجهي الا في بيتي..!

ام عوق تتنهد بتمني \يامنوة عيني ان برقعتس ما ينزل من وجهتس ..,

اردفت وضحى بتوجس \اهل زياد ماهم اهل براقع خوفي ينقدونتس ..,

عوق تبتسم بتهكم \ ياليت كل الناس مثلهم والا بطيبتهم وبعدين في بيتي مانيب لابسته..,

بلزم برقعي اذا طلعت عند احدوالا زارني احدغريب..,

انا وش عرفني بمعارف زياد يمكن احد من زملائه والا اصدقاه يقول ودي اتعرف على اهلك يا زياد

ويكون من معارف الـ خالد والا الـ تركي والكل داري انتس انتي ماتفكين برقعتس

بيقولون العرب الوضيح ربة اليتيمه وعودتها عوايدهامحد بناقدني..,

ماصدقت سنين الكليه تعدي وانا كل ماجات دفعه جديده نشبو لي

فيتس من بنات البندري بنت تركي وكنتس بياض بنات شهاليل بنت خالد..,

ليالي عساها ماتعود كل شوي مروعاتني

وانا ماعندي الا يخلق من الشبه اربعين والا اصددعنهن كني ما اسمع وش يقلن..

ام عوق تتنهد بحسره\يا جرح قلبي عليتس يا عوق جرحاه..,

عوق بحزن\ليه يمه..!

اردفت ام عوق باالم \ متحمله شي محد يتحمله الله يكملتس بعقلتس يا بنتي ويصلح حالتس ويستر عليتس ويهون عليتس ..,

عوق بوجع \اي والله يمه اني محتاجه ها الدعوات بروح اجهز نفسي اصلي واطلع للمستشفى..,

ام عوق تبتسم \مامثلتس عسى الله يوفقتس لكن توصلين لزياد وتخربين..!!


احترت وش اسوي اكلم زياداو اطلع مع السواق..,

صليت الظهر ودقيت على زياد ماردعلي دقيت مره ثانيه وعطاني مشغول ..,

عوايدك يا زياداذا زعلت تعطيني مشغول ليتك ترد بشين والا بزين ...؟!

لبست عباتي وطلعت للمستشفى قدمت او راقي وجلست بصالة الانتظار ..,

اليوم طولت وانا جالسه مواعيدي السابقه على طول ادخل vip لكن الحين عادي

استغليت الوقت كنت منزله بجوالي القرآن الكريم كامل وقعدت اقرا..,

نادتني الممرضه دوري ادخل على الدكتور..,

دخلت وكان ملفي مع زيادومعاه وحده شكلهايادكتوره او ممرضه..,

وممرضه فلبينيه اول مره اشوف وجه زياد كذا كان جدي مره معاي ..,

يسألني مثل اي مريضه غريبه عكس المواعيد السابقه..,

ويرجع يتكلم مع الحرمه الي معانا شكلها سعوديه طلعت فعلن دكتوره..

زياد كرر اكثر من مره كلمة دكتوره..

انقهرت ولا ادري وش يقولون انا با الانجلش ميح..!!

احس أني اول مره ادخل على دكتور..

زياداذا كلمني يطالع با الملف ما يطالع وجهي..

وانا استحيت من الدكتوره الي معانا اني اتكلم معاه..

اخاف ما يعطيني وجه كنت ارد على اسئلته بس..

طلبت مني الممرضه اطلع على سرير الكشف شكل زياد طلب منها تقولي..

ساعدتني علشان اطلع على السرير جا زياد ولا ناظر حتى بوجهي..

يناظر بكل شي الا وجهي وانا نقابي علي ما ادري ليه يوم جلس جنب السرير..

علشان يعملي سونار جاني شعور اني اضحك وابكي بنفس الوقت..

زياد نادى الدكتوره الي معانا با الغرفه وجات تناظر معاه..

يسولفون ويضحكون زياد والدكتوره حتى الممرضه شاركتهم..

ويأشرون على شاشة الجهاز وشكلهم يناظرون الطفل وانا محد معطيني وجه..,

عوق بتردد\كيف الجنين..,

زيادبهدوء \كل شي تمام..,

الدكتوره \ماشاء الله طفلك حجمه كويس واعضاءه متكامله ونموه مناسب لأاشهر الحمل..,

تركت زياد وصرت اكلم الدكتوره ما صدقت انها عطتني وجه..

ولا ادري ايش اختصاصها هي نساء ولاده والا اي شي بس ابغى اتطمن..,

عوق\ دكتوره كم باقي على الولاده..,

الدكتوره\هذا شي علمه عندالله لكن انتي وضعك خاص علشان كان عندك مشاكل في بداية حملك..,

باقي با التقريب من 7اسابيع الي عشر اسابيع وممكن قبل..,

عوق بتوتر وخوف\يعني ممكن اولد طبيعي والا مستحيل خايفه من القيصري..

الدكتوره\مافي شي مستحيل والقيصري صار عادي جدآلا تخافين دكتور زياد ماسك حالتك..,

اردفت الدكتوره بضحك \وزيادة اطمئنان لك ماراح نلجأللقيصري الا اذا في خطر عليك والا على الطفل..,

عوق با امتنان\مشكوره دكتوره الله يطمنك اول مره احد يطمني من بداية حملي للأن ..,

الدكتوره\لا ماشاء الله كل شي عندك طبيعي ليش ما تتطمني ..,

عوق بتردد\دكتوره ممكن اعرف نوع الجنين..,

الدكتوره بدهشه \واضح مره جنس الجنين ليش ماخبرك دكتور زياد ان ...

زياد بمقاطعه يبتسم\دكتوره سديم احنا نحب المفاجئات والمدام عندها خبر..,

ضحك هو والدكتوره وخلاني على نار نزلت من على سرير الكشف..,

لبست وطلعت من غرفة الكشف خلاص با اطلع للبيت توقعته بيقول شي لكن ظل صامت ...

وصلت للبيت مع صلاة العصر ولقيت امي تنتظرني ..,

ام عوق\هاه بشري وش سويتي..

عوق بتعب \انتظري خليني بس اغير لبسي واصلي واجي اعلمتس وش صار..,

دخلت وحذفت عباتي وقفازي على الشغاله تغسلهم اكره ريحة المستشفى احس تتعلق بملابسي..

اخذت دش عن ريحة المستشفى والجل حق السونار ولبست وصليت وطلعت لأمي..,

ام عوق بخوف\برد عليتس وش يطلعتس وانتي متسبحه..,

عوق بممازحه\ماعليه انتي تقولين الحامل ماتبرد ولا تحس با البرد..,

ام عوق بضحك\اقربي لنار من الي ما يحس با البرد هذا حنا على تالي الشتاء والبرد كل ماله بزود عطيني علومتس..,

عوق\والله يمه دخلت وطلعت ما شفت وجهه هو الي فحص علي ومعه دكتوره ماغير يقرقر هو وياها..,

ولا فهمت منهم شي غير يأشرون على الطفل بالجهاز..,

ام عوق بطمئنه\زين يومه هو الي متابعتس ..,

عوق بخوف\يمه خايفه من العمليه..,

ام عوق\اقول خلي عنتس الخبال ولا تفاولين على نفستس وخلي ثقتس بربتس اكبر من ظنونتس..,

عوق بحزن \الله كريم..

ام عوق\ القابله ان شاء الله عشا عند ابو ابراهيم للجوهره توها راجعه من السفر..

من عرسها سافرت ولا رجعوا الا البارحه خلينا نحضر عشاهم نوسع صدرونا..

عوق\يمه ما اقدر امشي واجد اخاف..,

ام عوق\اقول خلي عنتس الطيره نوره تقول خلي عوق تجي..

وبيتهم ماهو من بعده حذفت حصاه اقول بس البسي وانا امتس بنروح لهم بدري بعد صلاة المغرب..,

عوق\ابشري يمه اكلم زياد اقوله اني بروح ..,

ام عوق بضحك\كلميه لو اني داريه انه ماهوقايل شي..

عوق منحرجه\لا بس انا عمري ما طلعت هذي اول مره ومستحيه اطلع وهو ماعنده خبر هم اكيد بيعزمونه..,

ام عوق بضحك \كلميه كلميه الله يعين المستحي على شي جايز له طلعات المدرسه والسوق ماكانت طلعات ..,

وقت العصر قصير ما قدرت اكلم زياد ارسلت له ؛

(زياد بكرا بطلع المغرب لبيت ابو ابراهيم معزومه عندهم اذا ماعندك مانع )

ارسل ؛

(لا ماعندي مانع وبمر اعطيك الموعد الجديد للمراجعه الي طلعتي وخليتيه وراك)

قريت كلامه اكثر من مره ماني مصدقه انه بيجي ها المره جيته احسها غير

على ان رسالته فيها سخريه لكن ماعليه اهم شي عطاني وجه..,

خبرت امي ان زياد بيمر بكرابيجيب موعد نسيته..

ام عوق\اجل انا بروح قبلتس علشان تاخذون راحتكم ولا ارجع والقاكم متذابحين عقبي..!

عوق بضحك\ لا خلاص التوبه..,

ام عوق بسخريه\كم مره تقولين ولا تنفذين..,

مر اليوم بسلام ونمت بعد ارهاق المستشفى ..

اليوم الثاني

صحيت بدري ودخلت للمطبخ وصلحت حلى دخلت امي علي بالمطبخ

ام عوق بضحك\ماشاء الله وش ها النشاط ..,

عوق\ابد وش نشاطه اصلح حلى وانا جالسه بناخذه معنا لبيت خالتي نوره..,

ام عوق \ الله يقويتس ويعافيتس..

طلعت امي بدري لبيت ابو ابراهيم حتى قبل المغرب وانا قلت للخدامه ترتب البيت وتطفي نار المشب وتدخن المشب عن ريحة السمر..

ودخلت اخذت دش مستعجل جففت شعري علشان ما اخذبرد واحترت وش البس..!!

استقريت با النهايه على فستان حمل لونه ازرق نيلي من زيادهديه ..,

وبسرعه خفت يجي قبل اخلص اكتفيت بروج وردي ومسكرا ورشيت عطر..,

الحمدلله كل ما شميت عطر حمدت ربي اني صرت اتقبل ريحة العطر بعد ازمة الوحام وكرهي لكل شي ..,

اذن المغرب وصليت وجلست انتظر زياد انشغلت با اذكاري الي نقلتها لجوالي..,

جاني اتصال من ريم..,

ريم\وينك عوق تأخرتي خالتي تقول بتلحقينها..؟

عوق \شوي واجي مشغوله الحين..,

ريم \ايه تكفين لا تتأخرين ترى ننتظرك انا والبنات..

وانا اكلم ريم جات تنبيهات على جوالي سكرت بسرعه من ريم توقعت انه زياد..؟

مكالمه من زياد وبعدها رساله؛

(ساعه مشغول جوالك افتحي انا عند الباب واقف)

استغفر الله وش ساعه ريم مكالمتها ماتعدت دقيقتين..!!

يارب اربط على قلبي لأانفجر بوجهه..

ارسلت الخدامه تفتح وتدخل زياد داخل للمشب ..

افتحت وارجعت تقول رفض يدخل للمشب ودخل للمجلس داخل ..,

قلت خلاص جهزي القهوه والحلى الي صلحتهم وطلعيهم لزياد انا جايه وراك..

طلعتهم له الخدامه ورجعت ومعاها ورقه..

فتحتها كان فيها موعد المراجعه الي نسيته حسيت بخيبة امل

عوق بيأس \ وش فيك تأخرتي ..! بابا زياد خلاص طلع !

الخادمه\لا بس هو يسأل يقول مين صلح حلى وقهوه انا يقول مدام عوق وممكن يطلع الحين ..,

مشيت للمجلس وانا اقدم رجل وأأخر رجل..

ما ادري كيف وقفت داخل المجلس وقدام زيادوهو جالس يتقهوى ولا رفع راسه لا بس ثوب اسود..,

وبالطو جلداسودطويل وغتره بيضاء حسيت نفسي اول مره اشوفه..!

من زمان عن شكل زياد با الثوب حتى لماكان يجي ويجلس عندنا ماكان يلبس ثياب..

اخر مره شفته لابس ثوب بزواج نواف الي ما قدر يحضره بسببي ..

زياد جماله خرافي وفعلن مثل ماقالت ناهد زياد وجه مناقض للهجته ..

وقف وسلم علي اناظر بيده وهي ماسكه يدي احس يدي سمرا..؟!

وين الي يقولون يدين عوق حليب..

جنب ايدين زياد كنها ظهر قدر يطبخ على حطب كرهت حتى شكل ايديني..

زياد\وش فيك اجلسي والا مستعجله بتروحين..

عوق منحرجه\لا ابد عادي لا مستعجله ولا شي..

زياد بضحك \ على هالكشخه مااتوقع عادي..

عوق تبتسم بتوتر\لا والله اصلن ماني متحمسه على اني اروح للعزيمه..

زياد غمز بعينه \بنشوف اذا انتي صادقه او تصريفه..,

عوق با ارتباك\لا والله ماهي تصريفه..

زياديبتسم\ يا الله البسي عباتك بنطلع مع بعض وخلي عشى المسلط..

عوق\طيب لكن صلاة العشاء على وشك..

زياد\خلاص اجل نصلي ونطلع..

جلست انا وزياد اقهويه وجاه اتصال..

زياد\هلا نواف

نواف\...

زياد\لا والله ما اقدر كنت بجي لكن جالي شغل مفاجئ ..

نواف\.....

زياديضحك\وش اسوي حظي معك كذا..!

نواف\.....

زياد\خلاص بمرك دقايق وانا طالع لصلاة..!

نواف\.....

زياد\اي والله اهم منك ما يتأجل اخاف اجله ويروح علي..,

زياد بضحك \ مع السلامه

عوق\شكله نواف

زياد يضحك \نواف بينفجر من القهر يقول الظاهر الي مسك عن حضور عرسي هو الي حرمني شوفتك الحين..

عوق بحيا\لا عادي بتحضر العشاء خلاص انتظرك هنا..ّ!

زيادبمشاكسه\لا والله ماراح تصيرين اطيب مني يا ام العنود..!

اذن العشاء وطلع زياد يصلي..

وانادخلت اصلي وجلست لاذكار الصلاه انتظر زياد..,

كلمني اطلع ركبت السياره مع زياد..

الجو اواخر الشتاء و بعد العشاء لكن بياض الغيم معطي الليل جمال سبحان الله ..

زياد\وين تبين تتعشين..,

عوق\بكيفك بعدين تو العشا ..

زياد\اجل بنطلع مكان على مزاجي ويفرح فيك والا وش رايك..,

عوق\بكيفك..!

زياد يضحك با استغراب\لا الدنيا اليوم فيها شي انتي صادقه والا تمزحين..

عوق\وليش امزح لا والله صادقه تعبت وانا وانت كل واحد بجهه..,

وعلى قولتك العنود ما تستحق انها تعيش بين امها وابوها..

زياد\انتي رجعتي مقتنعه والا احد ضغط عليك ولا علشان الطفل..

عوق\انت وش رايك..

زياديبتسم \انا اسألك ..

عوق\انت وش تبي الجواب..

زياد\الجواب الي يريحك وتحسين انه الحقيقي لرجوعك..

عوق تتنهدبوجع\لو كان على الضغط كان رجعت من اول يوم طلعت من بيتك..

والطفل انا طلعت لدنيا ماعندي الا امي وهذا انا ماضعت ..

تربيت وعشت احسن من بنات عاشو بين ام واب واخوان ..

زياد\يعني افهم ان رجعتك على شاني..

عوق\بكون صريحه معك انا رجعت على شان نفسي اولآ..

انا اكتشفت اني بدونك ولا شي الطفل الي بجيبه بغض النظر ولد او بنت ..

اكيد ماراح اقصر بتربيته وبيكبر ويروح ويتركني..

اذا بنت بتتزوج وتنشغل بحياتها واذا ولد اذا ما ابتعد عني بعد ما يتزوج يمكن وظيفته تبعده عني..

زياد انا محتاجتك اكثر من حاجتك لي بغض النظر عن كل شي ما ابي اعيش وحيده..,

تعبت من الوحده انا ابي احس با الآمان معاك..

زيادبممازحه\افاااوانا اقول ام العنود رجعت علشان تحبني اثاريك تبين بودي قارد..!

عوق بضحك\عاد والله ناقصك كم كيلو وتضبط عليك الوظيفه..

زياد يبتسم \عوق من جد تحبيني..

عوق بحيا\ عن الاحراج عاد..,

زياد بحب \يكفيني هالجواب..,

اردف زيادبضحك\نفسي اشوف وجهك بس وهو يتقلب الوان عوق ترى الاحتياج احيان اكبر من الحب..,

عوق\الحب ماهو كلمة تنقال احبك وتحبني الحب الي ما يترجم افعال وش الفايده منه..

زيادبضحك \يا ام الفوايد الكلام الحلو بين الزوجين له دور..

بالله من يرضى بحالة الجمود اذا الزوجه ماتعبر عن حبها لزوجها بجنب الفعل على قولتك با الكلام..

عوق بضحك \هذا طريق بيتنا..

زياد\ايوا بيتنا اكثر مكان بيفرح برجعتك وخصوص غرفة الاشباح..,

عوق تتنهد براحه\والله حتى انا فرحانه فيه ومشتاقه لغرفة الاشباح..

دخلت لبيتي احس كل شي على حاله ماتغير غرفة خالتي مسكره..,

جلست با الصاله الي تحت نزلت عباتي ونقابي كنت متردده اطلع فوق..

زياد يضحك\وش فيك تناظرين الدرج اطلعي عادي لكن بشويش ان شاء الله ماعليك شي

عوق بتذمر\والله خايفه..,

زياد يبتسم وبطمئنه\لا الحمدلله وضعك جدآمستقر والحركه اصلن لازم لك لكن بدون اجهاد ..

طلعت فوق انا وزياد كل شي على حاله ماتغير لكن اثر غبار..

زياد\وش فيك تناظرين ترى من طلعتي الخدامه انتهى عقدها وسفرتها

وخواتي بين فتره وفتره يرسلون خدماتهم يهتمون في البيت وش اسوي عزوبي والناس تتصدق علي..,

عوق\الله يعين وانا طبعي حار وسواس نظافه الله لا يوريك..,

زياد\لا عاد اذا على كذا يا الله لبيت امك حتى اشوف لي خدامه ما ينفع كذا وانتي شكل مالك امان..,

عوق تضحك\احسن حل..,

زيادبدهشة مصطنعه\خير صدقتي بكرا بجيب خادمه مؤقته لحد ما اشوف حل..

ما توقعتك ترجعين الا بعد الولاده والا كان اخذت احتياطي واستقدمت خدامه..

عوق\مو مشكله..

دخلت غرفة النوم ياربي مآساه من الاعصار الي ضاربها..!!

تذكرت زياداول زواجنا قال انا اذاتضايقت اصير ابو الفوضويه..,

عوق بمزح\زياد في عصابه داخله على بيتنا والا حيكم ضاربه اعصار..؟!

زيادبتهكم\ لاهذا اعصار زيادليش امريكا احسن مني كل يوم مسمين اعصار با اسم جديد

ماعليك انتي ارتاحي كل شي له حل..,

عوق بتهكم مصطنع \ خيبت ظني فيك والله ماكنت كذاوش جاك عقبي اذكرك منظم ولا تعرف الفوضويه..,

زياد يتنهدبوجع\والله ماتدرين وش جاني ..

عقبك صرت مثل الطفل الي عنده حاله نفسيه و ياكل اظافره..,

عوق بتهكم \عسى بس ما انت على ها الكبر تقرمط اظافرك با اسنانك..

زياد بممازحه\ لا والله على قولتك اقرمط بغرفة النوم احوس وامشي بدون شعور..

عوق \اقول بس خلنا ننزل تحت احسن..

زيادبضحك \ لا تكفين خليك فوق وش ينزلك بعدين كل شي متوفر هنا بطلع اخذ لنا عشى وارجع ماراح اتأخر..

عوق بترجي\لا زياد تكفى لا تتركني با الحالي..,

زياد\خلاص بشوف بنات نجلاء هم الي عندهم ارقام المطاعم بكلم مطعم يوصل..,

عوق\ايواكذا افضل..,

طلعنا من غرفة النوم الي شكلها يجيب الكآبه ودخلت غرفة الاشباح وزياد ما ادري وين اختفى..,

الغرفه على ما تركتها قبل اكثر من ست شهوركل شي في مكانه شكلها مهجور ولا احد دخلها بعدي..,

فجاءه دخل ومعاه كاس عصير..

زياد\ياحي الله ام العنود في بيتها..

عوق\الله يحييك الغرفه هذي مثل ماتركتها..

زياد\ خواتي ما يقصرون يرسلون الخدامات مع وحده من البنات لكن تعرفين ماحك جلد مثل ظفرك..

عوق\لا والله جزاهم الله الف خير بعد بيتنا شكله كذا نعمه يعني من متى تركت البيت..

آواخر الصيف الحين مابقى شي على الشتا ويطلع..,

زيادبحب\الحمدلله يوم رجع للبيت نوره كان مظلم عقبك..

عوق با ارتباك\ماني مرتاحه هنا ابغى انزل تحت..

زيادبضحك\ ياخوافة وش الي ينزلك كثرة الطلوع والنزول لك ماهي كويسه..,

زياد كلم اثير بنت نجلاء واخذ ارقام مطاعم كلمهم وطلب عشا..

عوق\زياد لا تكثر ما اقدر اكل كثير ما انام من معدتي..

زياد\ماعليه الي ماتاكلينه انا با اكله اليوم شهيتي مفتوحه على الاخر ما ني مصدق انك قدامي..

كلمي خالتي لا تقلق عليك وقولي انك معي ...!!

عوق\امي ما معهاجوال اصلن رافضه الفكره من الاساس بكلم على جوال ريم واطلبها..,

كلمت ريم

عوق\هلاريم امي عندتس ..

ريم\ايه هذا هي قدامي لكن انتي وينك احرقت جوالك ماتردين..

عوق\قريبه بس انشغلت..

ريم بصوت منخفض\انشغلتي لنا الله من لقى احبابه نسى اصحابه يا عويق..

خالتي تقول وش تبن فيها نايمه في احد ينام هاالحين والله ياعذرالعجايز مكشوف لا وقبلها قالت الحين تلحقني ..,

عوق بضحك\ فديتها بكلمها..

ريم بتهكم\ يا النايمه لا اشوفك في بيت خالتي الا والنونو معتس ترى اقلقتي امنا..,

عوق بضحك\حاضر عمتي ريم ..!

ام عوق\هلا ومسهلا..,

عوق \يمه انا طلعت مع زياد لبيتي..

ام عوق \خيرآعلى خيرواطيب راي ولا تجين ان بغيتيني انا اجيتس انا اخف منتس..,

عوق\يمه في خاطرتس شي علي..!؟

ام عوق\لا والله وانه احسن علم سمعته رجعتس لبيتس..,

وبكرا ان شاء الله من اصبح بروح ادفع كفارات اليمين..,

يميني على زياد يوم حلفي في ساعة غضب وحلفتس انتي على الطلاق..,

.
.
.

كلمه اخيره

إذا أقسمت على شيء ثم رأين ان غيره خير منه فتكفر عن يمينك وتأتي الذي هو خير ، والكفارة مذكورة في قوله تعالى :

لاَ يُؤَاخِذُكُمُ اللّهُ بِاللَّغْوِ فِي أَيْمَانِكُمْ وَلَـكِن يُؤَاخِذُكُم بِمَا عَقَّدتُّمُ الأَيْمَانَ فَكَفَّارَتُهُ إِطْعَامُ عَشَرَةِ مَسَاكِينَ مِنْ أَوْسَطِ مَا تُطْعِمُونَ أَهْلِيكُمْ أَوْ كِسْوَتُهُمْ

أَوْ تَحْرِيرُ رَقَبَةٍ فَمَن لَّمْ يَجِدْ فَصِيَامُ ثَلاَثَةِ أَيَّامٍ ذَلِكَ كَفَّارَةُ أَيْمَانِكُمْ إِذَا حَلَفْتُمْ وَاحْفَظُواْ أَيْمَانَكُمْ كَذَلِكَ يُبَيِّنُ اللّهُ لَكُمْ آيَاتِهِ لَعَلَّكُمْ تَشْكُرُونَ (89)
.
.
.

الي الملتقى قريبآبأذن الله

وسالفه جديده


طيف الأحباب

ام الوليد

تذكروني واحبابي بدعوه طيبه

بسم الله الرحمن الرحيم

اللهم فرج عن إخواننا في سوريا ، اللهم عجل بنصرهم ، اللهم فرج همهم

ونفس كربهم ، واكشف عنهم الغمة ،وأبدل همهم نصرا وفرحا وسرورا

اللهم كن لهم عونا ونصيرا
اللهم كن لهم عونا ونصيرا
اللهم كن لهم عونا ونصيرا


اللهم يا خير من دعي ويا خير من سئل ويا خير من أجاب ويا خير من أعطى

نسأل الله لهم الثبات و أن تعجل لهم بالفرج القريب

يااااااااااااااارب

وحسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
.
.
.

هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر..,

او با الرسائل الي تجيني على الخاص ممتنه للجميع..,

البارت اهداء لكل من سطر في متصفح نوح الحمام ولو بكلمه وحده من دون استثناء..,

سواء مدح اونقد اوحتى يسأل عن مواعيد البارتات دليل اهتمامه با الروايه..,

او الغوالي الي كلفو على انفسهم وسجلو لمتابعة نوح الحمام ..,
.
.
اليوم بنشوف عوق المزايين وزياد في بيتهم..,
.
.
يا الله تعالوا معاي...!!

وسالفه جديدة؛

.
.

البارت الثاني والثلاثون
.
.
.

عوق\يمه في خاطرتس شي علي..!؟

ام عوق\لا والله وانه احسن علم سمعته رجعتس لبيتس..,

وبكرا بروح ادفع كفارات اليمين..,

يميني على زياد يوم حلفي في ساعة غضب وحلفتس انتي على الطلاق..,

عوق بتأثر\الله يخليتس لي يا ميمتي ..,

ام عوق بأمر\يالله اتركي عنتس التهنوص وشوفي رجلتس وترفقي بعمرتس..,

سكرت الخط هذي امي من عرفت الدنيا هينه لينه قوية با الحق..,

زيادبتهكم\وين وصلتي انا افكر ان ربي رزقنا بولد بنسميه سرحان على كثر ما تسرحين اخبارامك..!

عوق تبتسم \ماعليهاطيبه تقول ازين راي انك رجعتي لبيتك وتوصيني على نفسي وعليك..,

زياد\لوتشوفينها يوم جيت بحاول ارجعك احرجتني قدام ابو ابراهيم وانا جايبه واسطه..,

حسستني اني ولا شي كأني طفل يلومونه على غلط سواه غصب عنه..,

ولاكأن عمري 35سنه طاح وجهي خصوص يوم رفعت عصاها بوجهي..!

قالت عوق متربية ومتدينة ما تطلع منها الزلة

انت الغلطان عليها ولا انت قد الامانه وخيبت ظني فيك..,

ابو ابراهيم يوم شافني انا وامك احتد النقاش بينا سحبني وطلعني من مجلسكم

وانقهرت والله يوم طلعت من عندها وقلت لأابو ابراهيم خلاص

هذولي حريم بايعات بطلق واريح راسي

لكن ابو ابراهيم قال تعوذ من ابليس حرمتك ما تلقى مثلها ..,

وامها بثورة زعل وعجوز كبيره لو صار للبنت شي ذنبها برقبتها وهي الي بغتك لها وزوجتك

والاانا كنت ناوي من جد خلاص اطلقك..!

لكن لما رجعت لبيتي وهدت اعصابي تذكرت كلام ابو ابراهيم

وانه انارجال والحريم ضعوف ومن ها الكلام

وامك ما قالت كذا الا انها حست اني اهنتك واستضعفتك ...,

عوق بدهشه \معقوله ..,

زياد يبتسم ويضم عوق\واكثر مماتتصورين..!

الحمدلله ماكان معاي الا ابو ابراهيم وهو رجال فيه حكمه

والا كان خربت بيتي بيدي ولا شفتك الحين قدام عيوني

عرفت الحين معنى كلامه انه انا وانتي مالنا الا بعض ..

اردف بضحك\على انه بعد هالسالفه زعل علي مسلط

حتى اذا سلمت ما يرد علي يقول الي يزعل بنتنا عوق يزعلنا ..!

عوق با استغراب\ امي ماخبرتني عن شي بس قالت مالتس رجعه له

والحين تقول بتدفع كفارة يمينها عن حلفها..,

ما توقعت امي تدافع عني كذا تدري انها اكثر وحده تبيني ارجع لك واقفه معك ضدي..!

اردفت عوق بحزن\امي فعلن تحس اني امانه ولا تبي احد يقول وضحى قصرت بحق اليتيمه الي عندها..!

تقدم راحتي على راحتها ولما اناقشها واقول خلاص اني معزمه على الانفصال

ياليتك بس تسمع وش تثني عليك وتمدح فيك..,

زياد بتعجب \ ما اصدق صراحه والله كنت حاقد عليها بقلبي ..,

عوق با استنكاروحده\ يويل حالي امي من يحقد عليها ..

وربي طيبة الدنيا كلها بقلبهاوالله ما تتخيل معزتك عندها..,

زياد يبتسم\لو سمعتي الي سمعته منها والاشفتي وجه مسلط اذا شافني ماقلتي كذا..,

اردف زياد\صحيح ماهو كل شي يحكم عليه من ظاهره..!

عوق بضحك \عمي مسلط الله يطول بعمره ما اتخيل يصد عن الي يسلم عليه ..!

زياد بضحك\ ياقو زعل الشيبان وعتابهم خلوني اتوب ازعلك ..

مسلط يقول مابي سلامك لين ترضي عوق ...

قلت له وش اسوي كل باب طقيته ابي رضاها وهي معانده

يرد علي دبر عمرك ومثل ما ازعلتها راضها عوق ما تغلط على احد انت الغلطان..,

صوت الجرس شكل العشا وصل ونزل زياد..

صحيح ان الشيطان له مداخل على الانسان ..,

الله يجزاك الف خير يا ابو ابراهيم بعض الناس تحضر محضر خير وبعضهم تزيد النار حطب..!

وهذا زياد كان بلحظه راح ينهي كل شي بينا من غير الفكره الي اخذها عن امي..,

وامي ما تستاهل الا كل خير الحمدلله انه تفهم وجهة نظرها وغير فكرته عنها..

زياد داخله ابيض ما يعرف الحقد ولا الخبث ولا تفسير الامور على غير ما تستدعي..

له الي في وجهه..,

مصيبه اذا الزوج وام زوجته بينهم صدام او سوء تفاهم بتأثر بشكل كبير على حياة الزوجين..!


زياد بحب\وهذا العشا وصل لأاحلى ام عنادي با الدنيا..,

عوق\الله يسلمك لكن حرام عليك الاكل كثير..,

وش رايك تكلم خواتك يجون يتعشون معانا..!

زياد بممازحه\لا تكفين فكيني شبعت من وجيهن..

بكرا من يوم يدرون انك جيتي تشوفينهم يتسابقون عليك مره منحرجين منك..؟

عوق بدهشه\ليش ..!

زياد\علشان ما زاروك في بيت امك ولا حتى باركوا لك بحملك..

لا يصير في خاطرك من جهتهم شي ترى انا الي قلت لهم لا تتدخلون لابخير ولا بشر..,

عوق بتفهم\تدري فقدتهم بس قلت انتو طبعكم كذا ما تتدخلون بشؤن بعض ..,

زياديبتسم\لا تدققين كثير بتتعبين من زار والا من كلم احيان تكون في البال لكن مشاغل الحياه ماتعطي فرصه لتواصل..,

عوق \صادق الله وانا نسيت الموضوع بمجرد مازاروني با المستشفى ..,


ثاني يوم رجعت لبيتنا واخذت ملابسي واغراضي الشخصيه واشوف بعيون امي الفرحه اني رجعت لزياد

مر اسبوع وانا عند زياد ..

بشرى زميلتها عندها خادمه استأجرها زيادوهي بنفسها كانت واقفه على شغلها..,

زياد عزم نواف واهله وبيت ابو ابراهيم وطلب مني ما اسوي ولاشي نجلاء وبشرى تكفلوا بكل شي..

امي اليوم بتزورني لأول مره في بيتي بعد رجعتي كنت على اتصال دايم معاها وكل ماقلت بجيك ترفض ..

مع المغرب ارسلوا نجلا وبشرى خدامتهم بصواني حلى وسلطات ومقبلات ومعجنات مصلحينها في بيوتهم...,

زياد تكفل با العشا الخادمه الي استأجرها زياد كانت مره شاطره وسريع شغلها ريحتني كثير..

رتبت كل شي بسرعه وانااول مره انزل تحت من بعد ما رجعت من بيت امي ..

لبست وجلست انتظر الضيوف..

امي حياتي جات بدري هي وريم وخالتي ام ابراهيم..,

ام ابراهيم\ما شاء الله تبارك الله بيتكم كبير..!

عوق\ايه فوق نوم وتحت مجالس..,

ريم بدهشه\ حيكم هادي تحسين البيوت خاليه ما زاروتس جيرانكم ولاتعرفتي على احد..؟!

عوق\ لا والله ما اعرف الا اهل زياد وتعرفيني ما احب المعارف الواجد..,

ريم بضحك\ تعلميني فيتس تدرين واحد من زملاء جزاع ساكن حولكم

قبل شوي جزاع يورينا بيته يقول هذا بيت فهدزميلي تبارك الله كبيرمره

عوق\ قطع الاراضي هنا كبيره زياد واهله ماخذين قطعه وحده وقسموها بينهم..,

الي حولنا اتوقع كل فله على ارض كبيره مستقله كبر اراضي بيوتنا مجموعه..

وزميل جزاع يمكن بيته قطعه وحده..,

ريم \ تدرين كم مره فهد يعزم جزاع يقول خل اهلك يتعرفون على اهلي بس ما رضيت اروح..!

عوق بضحك \ليه اخبرتس ام الواجب انتي وخالتس نفلا غريبه ما تعرفتو عليهم..,

ريم بضحك\لا تكفين الا عاد زملاء جزاع تبين خالتي تشكوى مني عندحريمهم وتكب عشانا

خالتي ما تقدر على نفسهاوجزاع ينغث وهو ساكت اذا درى وش قالت

لا خلينا بحارتنا وش زينا عارفينهم وعارفينا والي بيزورنا في بيتنا حياه الله..,

اذن المغرب وصلينا..

وصلو نجلاء وبشرى وبناتهم وجلسنا با الصاله المفتوحه..,

ام عوق با استنكار\الحين انتي تطلعين وتنزلين الدرج ماهوبخطر عليتس..؟!

عوق\لا يمه اليوم اول يوم انزل فيه وقتي كله فوق وما قصروا البنات وبناتهم يطلعون لي فوق...

بشرى بضحك \بنات مره وحده الله يرفع من معنوياتك ويجبر بخاطرك ياعوق..

ريم\ طيب نزلي غرفة نومك تحت عادي الي بعد الولاده وطلعيها بعدين ..,

عوق\لا انا بولد عند امي..

نجلاء\عوق غرفة خالتي طلعنا كل الي فيها ليش ماتنزلين فيها ها الفتره..

ام عوق بحده\ماهو لازم انها تصير بغرفة ام زياد الله يرحمها وبعدين يمكن الرجال ما يجوز له رايكن..

انتن تشرعن وتفتن من كيفكن..؟

ام ابراهيم\يا وضحى ام راكان شورها طيب والحي ابقى من الميت وزياد اكبرمن هالسوالف..

بشرى بحزن \والله اتعبنا معاه حتى قدرنا نطلع اغراض خالتي الله يرحمها

حتى يوم حاولنا نطلع اغراضها طلع من البيت مارجع الا بعد مافضينا الغرفه وقفلها ما اتوقع راح يفتحها..

ريم\ ترى ما يجوز تسكير الغرف بدون فايده لازم تستغلونها..

عوق\انا بصراحه ما اقدر اكلمه وعادي اطلع فوق ماعندي مشكله الحين جلستنا صارت فوق ..


بعد صلاةالعشا وصلوا باقي المعازيم بنات نجلاء وبشرى ودينا وبناتها..

رضيت عن شكلي يوم شفت دينا وبطنها مره كبير..,

والجوهره وام جزاع وصلوا مع بعض..

عوق بهمس\ريم الحين خالتس جايه مع الجوهره..,

ريم بضحك\ابشرتس حولة الموجه للجوهره وانا ارتحت من الهمز واللمز..,

عوق\اخبر الجوهره حاره ماهي مثلتس..,

ريم بهمس \لا ما عليتس الجوهره استفادة من تجربتي معاها كثير واهم شي تحب زوجها..

لو اني اشوف الله يستر ها اليومين بوادر غيره من الجوهره تلوح با الافق

عوق بدهشه\ماتوقعت الجوهره كذا..

ريم بتهكم\لا حبتك عيني ما ضامك الدهر على ان نواف شايف نفيسته

لكن تعجبتس فيه جوجوماكملت شهرين وماشاء الله عليها..,

تسوي الي تبيه وتلزقه بظهر نواف ونافخه نواف لسماء قدام العالم ..

اردفت ريم بضحك\الله لايوريك خواتي مسميات نواف الطاووس وهي ماغيرتمدح فيه الله يسخره لها..,

عوق بضحك \ تلعب على وتر المديح مثل بعض الناس الله يوفقها تستاهل كل خير..,

انتهى العشا والكل طلع لبيته حتى امي كالعاده ترفض تنام الا في بيتهاوما بقى الا انا وزياد..,

زياد جلس جنبي والحركه الي ما ادانيها يوم يمسك يدي واشوف بياض يده ويديني صايره تروع مع الحمل..,

عوق تبتسم \كيف العشا..,

زياد با اعجاب \بصراحه شي يبيض الوجه تسلمين..

عوق \الي يسمعك يقول اني سويت شي اللهم اشرفت على القهوه حتى وانا جالسه وخواتك وبناتهم هم الي صلحوا كل شي..

زيادبتهكم \من عاد بيقول غير ان زوجة زياد راعية بيت مادروا من سوى والا من صلح..

عوق بتهكم\ يا كثر والله الي يستفيد من تعب غيره وينسبه له والمشكله انه يكذب الكذبه ويصدقها..,

زياد بضحك\ ماعليك يجي يوم وينكشفون وتصير فضيحتهم بجلاجل وخصوص ها النوعيةهم يكشفون انفسهم..,

اردف زياد\ما علينا منهم تبين نجلس هناوالا نطلع فوق..,

عوق بتردد\زياد ممكن طلب ..,

زياد بضحك\ شكل الطلب جامد وابشري قبل تطلبين..,

عوق بحذروتوتر\شوف لاتفهمني غلط وانا ماكنت صاحبة الفكره..,

زياد ترك يدعوق وبتوجس \عوق وش فيه هذي ماهي سالفة طلب هذا شي كبير..,

عوق\لا والله لكن بقولك وانت مخير بقرارك والي تبيه يصير..!

زيادبتوجس \بسرعه قولي اش عندك..,

عوق \البنات اقترحوا علي ليش ماتكون غرفة نومنا بغرفة خالتي العنود..,

زيادبهدوء\وانتي وش تبين ..,

عوق\انا عادي لكن حبيت انا نفتح الغرفه وكل من دخلها ترحم على خالتي..,

ولا فكرت تكون غرفة نومنا تحت مايصير نهجر غرفه داخل البيت..,

زياد بحزن\ لك الي تبين لكن ماراح انزل الغرفه لأنها مصممه خصيصآلمساحة غرفة النوم الي فوق..,

باخذلك غرفة نوم صغيره فترة حملك وبعدين عندي فكره ثانيه للغرفه..

عوق\وش فكرتك..,

زياد يبتسم بغموض\ خليها مفاجئه تجي افضل..,

عوق\ خلاص بطلع فوق اليوم وبكرا يحلها الله

طلعت لغرفتي مهدوده من التعب ورجلي صرت ما اقدر امشي عليها اسحبها سحب ما ابي زياد ينشغل علي ..,

الصباح زياد طلع لدوامه وانا كا العادةاجلس بغرفة الاشباح كلمت امي من الثابت اتطمن عليها..

عوق\السلام عليكم..

ام عوق\هلا وشلونتس اليوم..

عوق\يمه ابشرك طيبه لكن رجلي من امس مع الورك ذبحتني ..

ام عوق\راح الكثير مابقى غير القليل وغمضي فتحي الا انتي والده ومرتاحه..

اردفت ام عوق بتساءل\انتي قلتي لرجلتس انتس تبين تجلسين تحت ..

عوق\ قلت له ولا عارض عادي عنده لكن طلعت البارحه ابي ارتاح

تحت كلها مجالس مافي مكان انام فيه والارض ما اقدر انام عليها ما ارتاح بنومي..

ام عوق \ ان شفتي منه راي ثاني لاتعارضينه ولا تعاندينه اهم شي قلتي له

هو بيدبرتس وبيشوف الشي الي يصلح لتس ويرضيه ..,

عوق\لحظه يمه الخدامه جايبه فطور..

ام عوق \اجل روحي افطري انفعي نفستس ..,

عوق\ماعليه افطر وانا اكلمتس..

يمه امس سألت الخدامه وش تتوقعين حملي بنت والا ولد..

قالت انتي بطنك عرض يمكن بنت..

ام عوق بغضب\ وانتي تصدقينهن..؟!

ان شاء الله تجيبين ولد يتبعه ولد وقولها لها ومردود على وجها..,

عوق بضحك\والله عادي بنت ولد اهم شي اني اقوم با السلامه والطفل متعافي لكن كثير يقولن ويطلع صدق..,

ام عوق بتحذير\اقول بس خلي عنتس تنشد الخدامات يجرنتس لسوالفن غيرهذي

سالفه تجر سالفه ويطيحنتس با الشرك والا شي يغضب الله وكلها اولها تبدى بضحكه..,

عوق بخوف\ ماكان قصدي غير امزح ..

ام عوق \هي اكثر المصايب تبدى بمزوح انا حذرتس وانتي بكيفتس..,

انتبهي وانا امتس منهن والله مالهن امان ولولا حاجتهن كان مادخلن بيوتنا لكن الشكوى لله ..

عوق \ان شاء الله يمه تمريني اليوم ..,

ام عوق\لا بالله وضحى بنت ناصر زعلانه علي مرتني من كم يوم واتشره ..,

تقول ورى ياعمه ماتجيني قلت ابشري بجيتس بروح لها مانيب مطوله..,

عوق بقهر\سبحان الله يا اني اكرههاها الانسانه..,

ام عوق\وش علينا منها وانا امتس اوصلها صلة رحم لله تعالى والا هي ماعلي منها..

يوم يومين وراجعه لبيتي والا والله سوالفها هي واخوانها وسم على التسبد ما ينمحي..

عوق\يمه لاتتأخرين عندهم اخاف اولد وانتي بعيده..

زياد يقول الاسبوع الجاي تروحين تجلسين عند امتس..

ام عوق بسخريه\الله اكبر بتولدين بها اليومين باقي عليتس ازيد عن الشهر..

ومن هنا للأسبوع الجاي مية فرج يالله روحي شوفي امورتس هرج التلفونات مابه لا فودولازود..,

سكرت من امي وناديت الخادمه ترفع الفطور انسدت نفسي من وجع رجلي ومن زيارة امي عند وضحى بنت ناصر..,

خايفه تمسك امي مثل سعد يومها اخذها للبر ولا رجعت الا بعد ما تعبت وتنومت..,

قمت ودخلت لغرفتي بريح واسمع صوت الجوال

يوووووه زيادشكله من اليوم يدق..,

عوق \ايوا زياد

زياد بخوف \وينك عن الجوال من اليوم ادق انتي نايمه

زياد\لا الجوال كان بعيد بغيت شي..,

زياد\لا سلامتك لا تنتظريني على الغدا بطلع متأخر..

عوق\لا تتأخر علي البيت مافي الا انا والخدامه ولا اقدر انزل..

زياد\ماعليك بكرا بحاول افرش غرفة امي وتنزلين تحت

عوق بطفش \على راحتك بترجع تلاقيني مكان ماخليتني

زيادبضحك\ لا شكل النفسيه اليوم ماش تعوذي من ابليس واقري قرآن

خلك مثل زمان وابعدي عنك التفكير السلبي..

عوق\طيب انتظرك وقت ما تجي يرضيك ها الكلام..

زياد بحب \ اكيد يرضيني ام عنودي تكون مرتاحه...,

قفلت الخط وافكر بشغل زياد تعب وجهد غير طبيعي خصوص قسم الولاده الله يعينه ويعين الي يشرف على حالتهن..

ياربي حلم وعساه يتحقق قسم الولاده من ادارة المستشفى الي اصغر موظف كلهم نساء..

يارب سترك انا رجلي وقلبي يوجعني اذا فكرت انه يمكن يولدني وشلون الحريم الي يراجعون عنده

الله يستر على من دور الستر

انشغلت عن قرآني بشغل البيت وعن صيام من كل شهر با الحمل..

حتى اذكاري الحمدلله اني منزلتها بالجوال وهذا ساعدني كثير اني ما انساها..

مر يومي وانا مابين غرفة النوم لغرفة الجلوس الثانيه لمكتبة زياد..

نفسي انزل تحت لكن خايفه على حملي

زياد تأخر الي بعد العشا سمعت صوت سيارته داخل السور..

وخفت اناظرمع الشباك اعيد الغلطه دخلت غرفة النوم انتظره ..,

زياد بتعب \مساء الخير..,

عوق\وعليكم السلام ورحمة الله مساء النور شكلك تعبان..,

زياد بتهكم\تعبان وبس الا هلكان وجيعان وكل الي على وزن فعلان ..

عوق بضحك\ دقايق والعشا يجهز..

زياد \تكفين على ما اخذ شور..

عوق بمزح \لا تقول تكفين الحين انزل ركض للمطبخ..

زيادبضحك\لا تكفين تجيبين العيد واناماعندي قدره اتحرك شبر واحد من البيت بتعشى وانااااااااام..

عوق \مو مشكله انت خذ دش وانا بنادي الخدامه تجهز العشا وتطلع فيه فوق..

جهزت العشا بغرفة الجلوس وزياد جلس يتعشى ..

عوق\غريبه تأخرت اليوم..

زياد\حالات ولاده متعسره..

وخصوص اليوم انشغلنا في وحده جدآحالتها تعبانه الله يشفيها..

عوق بذعر\ لا تخوفني من الولاده..

زياد بملامه\وش اخوفك انتي وضعك جدآطبيعي الحاله الي جاتنا اليوم صعبه..!

عوق بخوف\كيف ولا دتها تكفى لاتقول قيصري..,

زياد\الا قيصري والحين هي با العنايه..

عوق تتنهد بوجع\وتقول وش يخوفك لا بعد با العنايه وقيصري..

اردفت عوق بحده\حرام عليكم صارواكل الحريم ولادتهم قيصري انتو ما انتودكاتره انتو جزارين..!

زيادبا استنكار \اما انك انسانه غريبه خليني اقولك سالفتها وانتي شوفي تستحق العمليه او لا..

عوق بتذمر\ ياالله اسمعك..

زيادبكسل\بقوم لغرفة النوم واقولك الحكايه هناك لأني مهدود حيلي ولا ابي انام هنا..

عوق \الحين بنادي الخدامه تاخذ العشا والحقك لا تنام شوقتني اسمع القصه..!

زياد يهز راسه\مشكله اذا اجتمع با المرأة خوف وفضول وتقولين ماانتي فضوليه ..,

ناديت الخدامه نزلت العشا وقفت لحد مانزلت السفره وقفلت انوار القسم الي فوق ..

ودخلت غرفتي اسمع حكاية زياد..!

عوق بفضول وترجي\زياد لا تنام خبرني يا الله..,

زيادبكسل \تخلينها لصباح بكرا..,

عوق بترجي واصرار\ابي اسمعها الحين..

زياديبتسم \طيب يا ستي هذا وحده تقريبآعمرها مقارب لعمرك بين 26و27سنه..

ماعندها اطفال لها اكثر من ست سنوات متزوجه..

راجعت كثير اخذت منشطات وابر وتعبت كثير علشان تحمل..,

حملت اخيرآبعد معاناه حولوها لي وهي با الشهر الثاني..!

وراجعت معاي اكتشفنا من خلال مراجعتها ان عندها توائم عملت لها سونار اكثر من مره ما كنت مصدق...؟!!

عوق بفرحه \ما شاء الله ولدت اثنين..

زياد يبتسم \لا تستعجلين جايك با الحكي دايم مسرعه..

عوق بخوف\زيادكلامك ما يطمن..

زياد بضحك\ قربي جنبي علشان تسمعين صح وين رايحه اخر السرير ..,

عوق باهتمام \ لاقريبه اسمعك..

زياد بتهكم\ناسيه ان حجم سريرنا غرفه كامله قربي بس..

عوق بضحك\قربنا يالله كمل..,

زياد\شكلك اعجوبه وانتي حاطه يدك تحت ذقنك كنك طفل..!

المهم بكمل علشان ماتكليني طلع عندها اربع توائم وتابعت معاها فترة حملها..

جدآتعبت المسكينه واثر الحمل عندها على وظائف الكبد وضغط على الكلى..,

وكم مره انصحها تعمل عمليه ترفض قاومت الي ان دخلت التاسع وحتى على نهايته اجبرناها تولد قيصري..!

عوق بخوف و استغراب\ياربي اربعه لاحول ولاقوة الابالله الله يعينها شايله عايله في بطنها مسكينه..!

زيادبتعجب\ سبحان الله لو تشوفين الاطفال لما عملنا لأمهم فتح بطن علشان نخرجهم تستغربين كيف كانوا محشورين ..!!

وشكلهم الي ما صدقوا يطلعون يتحركون بشكل عجيب بين ايدينا..!

المفاجئه انه كان في طفل خامس محشور بينهم وملتصق بكبد اللأم ..,

اضطرينا نستدعي اطباء علشان نفصل الطفل عن كبد الام

ونحاول ان الكبد ماتتضرر وقعدت مسكينه فتره تحت البنج..,

عوق بدهشه وخوف \ زياد انت صادق والا تمزح..؟!

زياد \لا والله صادق والحين كلهم با العنايه اربع اطفال طيبين والخامس يقاوم علشان يعيش ..,

اخوانه في فترة الحمل كانواضاغطين عليه وامهم تعبانه لكن ان شاء الله انها طيبه..!

عوق\سبحان الله شي عجيب وغريب خمسه مره وحده..؟!

زياد\والأعجب ان الام رفضت تعمل عمليه الا لما كملت شهور الحمل

وهي عارفه انه كل يوم والاطفال في بطنها بيأثر على صحتها اذا ماهو على حياتها..

عوق بخوف وترجي \بالله كم طفل في بطني..؟!

زياد يبتسم بكسل \بكرا افتح ملفك واشوف لأن التوائم ها اليومين كثير..؟!

عوق\طيب انا رجلي تعورني من يومين يمكن تؤم وانت ما خبرتني..,

زياد بملل وارهاق\والله اخر مره كان طفل واحد..!

بكرا اخذك معي للمستشفى ونتأكد يمكن في واحد جديد والامنخش ما شفناه..

عوق بزعل \انت ما ينعرف مزحك من جدك..,

زياد\اتركي عنك الهبال وطفي النور ونامي...,

طفيت النور ودخلت سريري وام التوائم في بالي..

سبحان الله خمسه وقاومت لحد ماوصلت فيهم لشهر التاسع سبحانك ربي ما اعظمك..

صحيت الصباح زياد ماكان موجود والم رجلي يزيد..,

سحبت نفسي لغرفة الجلوس اليوم حتى صلاة الفجر ما قدرت الا وانا جالسه..!

كلمت زياد بيتغدا معي او لا..

وخبرته عن الم رجلي ..

زياد\اتركي عنك الغدا واجهزي انا بجي اخذك اشوف سالفة رجلك هذي

على اني متأكد ان موضوعك بسيط لكن انتي تبالغين..

عوق بمعاتبه\انا رجلي احسها بتنكسروانت تقول تبالغين..,

زيادبضحك\من يوم اعطيك نغمه تطلعين ترى مستعجل ولا تكثرين كلام..,

عوق \خلاص بنزل الحين انتظرك..

لبست ونزلت تحت انتظر زياد غرفة خالتي الي الآن قافلها

ادري انه يتهرب ما يبي يفتحها بحاول اخليه يلغي فكرة انه يفتحها

ذكرياته مع امه مالي حق ادخل بينهم..,

دق جوالي نغمة زياد

طلعت له وصلنا المستشفى واخذت سونار لوضع الطفل..,

زيادبتهكم\قلت لك مافي شي الطفل جالس على الورك الايمن عادي وهذا الي يخليك تحسين بثقل والم

وفتره ويغير وضعه على شان يتهيئ للولاده وبعدين شوفي طفل واحد ولا في ثاني معاه..,

عوق بشك\ بنت صح..

زيادبضحك\ماهو باين احتمال بنت لكن يبين بعدالولاده بنت او ولد..

عوق بضحك\ ياشينك اذا ما بغيت تقول شي ترى اقدر اطلع اي مستوصف واعرف نوع الجنين..

زياديبتسم \ طلبتك لا تسوينها صدقيني ما بتكون مثل المفاجئه انا تمنيت اني ماعرفت الا بعد ماتولدين..

عوق \خلاص علشانك ماراح اسأل مره ثانيه وانتظر المفاجئه على اني حاسه انها بنت ..,

نزلت من سرير الكشف بمساعدة زياد هاالمره بدون مساعدة ممرضه وجلست بغرفة الا نتظار..,

رجعني زياد للبيت ورجع لدوامه..

حاسه بطفش امي ماكلمتني اليوم ولا سمعت صوتها..,

اليوم صلحت غدانا بنفسي وجلست انتظرزياد غدانا بعد صلاة العصر ..,

رجع زيادمن شغله وجلسنا على سفرة الغداء..

زيادبفرح \عندك خبر ان زوجة ناجي ولدت..

عوق بدهشه\ما شاء الله مبروك مسكينه المفروض من زمان والده لها عشر شهور من حملها ..

حتى تفاجئت يوم عشا نواف ماولدت استحيت اسألها..

زياد بدهشه\كيف عشر شهور ولدت طبيعي وبوقته ...

عوق\ ايام زواجنا قالت انها حامل واحنا قربنا ثمان شهور..,

زياد\مشكلتكم يا الحريم بكل شي مستعجلات ربي يقول تسع شهور خلاص تسع شهور يمكن لظروف ينولد خديج..,

بعدين المشيمه اصلن تمد الطفل با الغذاء فترة تسع شهور فقط منين تجيبون ها الخيالات

عوق بضحك\ بشر ولد والا بنت..,

زياد\ابشرك ولد وطيبين هو وامه ما يحتاج تروحين مكالمه تكفي كثر الحركه لك مضره..,

عوق\ مو مشكله انا كنت مستحيه منك اكثر منهم اني ما اوصلهم..

زياد \لا ما عليك اهلي جدآمتفهمين وهم عارفين وضعك..,

عوق\زياد بنام بمجلس النساء الداخلي تعبت من الحبسه فوق..,

زياد \اليوم انشغلت بكرا بشوف غرفة امي

عوق\لا ماله داعي خساير وبس وانا ما راح اجلس كثير فيها زحمة اثاث على الفاضي لو بتفرشها غرفة نوم..,

زياد يبتسم \شورك وهداية الله في كنبه عندي با المكتبه فوق نقدر نحولها سريربنزلها لك تحت..,

ولبسك انا انزل لك الي تبغينه والحين بطلع للمستشفى عندي شغل اخلصه وارجع بدري ان شاء الله..

طلع زياد وكلمت نجلاء ابارك لها بولد ناجي..

واعتذرت انهم ما يمروني كثير الكل مشغول واخذت جوال دينا علشان ابارك لها..

كلمت بعدها دينا الي كانت فرحانه انها ولدت ولد..

قلت للخادمه ترتب لنا المقلط الداخلي لأنه كانت جلسته ارضيه..,

غرفة الحريم حسيتها صعبه المقلط نقدر نستغني عنه عندنا غيره احتياط

لمارجع زياد انبسط من الفكره وطلع نزل الكنبه مع الخدامه وتحول المقلط لغرفة نوم

رتبناه علشان النوم

زياد \اعجبك عوق والا ارتب لك غرفة امي ..,

عوق \لا با العكس ارتب هنا خلنا نطلع لصاله نتعشى ونرتاح كم لنا ساعه واحنا نشتغل..,

تعشينا وجلسنا على التلفزيون..

عوق \زياد..

زياديبتسم بحب\عيونه..

عوق تبتسم بخجل\ ما ادري جا في بالي سؤال غريب شوي ..,

زياد \اسألي سؤالك الغريب ترى عمومآالليل يكون فيه اسأله غريبه واعترافات ليليه..!

عوق\لا والله ماهو قصد لكن بسأل عن اغرب حاله مرت عليك..,

زياد بضحك\ وهذا سؤالك عادي طيب...

كثير حالات تمر ...!

لكن قبل فتره واحد من زملائي خبرني عن حاله غريبه جات عنده..

دخل عليه حرمه ومعاها رجالين واحد كبير با السن والثاني شاب با العشرينات ..

كانت بينهم مشكله كبيره وهي ان البنت حامل وتقول حملها من زوجها الي هو الشاب..

وهو يقول كذب الحمل ماهو لي انا ما دخلت على البنت وانهم لسا في فترة الملكه..

اضطروا يجيبوا دكتورة نسا ء وتفحص عليها..,

المفاجئه انها كانت فعلآ بكر..

عوق با استنكار \والحمل طيب ..

زياد بوجع\الحمل كان في اقل من عشر دقايق اختلى فيها في بيت اهلها بحجة خطيبها جالس معاها لاتزعجونهم..,

متعه تهاونو ا فيها هم الاثنين وتوقعوا الموضوع بيعدي على خير..,

عوق بذعر \ وش صار بعدها..,

زياد\ يقول زميلي ما ادري وش صار با الأخير لكن زوج البنت كان باين انه خلاص بيتملص منها..,

وحالوا بزميلي انه يجري لها عمليه قيصريه يخرجون الجنين ورفض وطلعوا من عنده..,

واكيد الخسران با الاول والاخير البنت المسكينه في جميع الحالات ..,

عوق بشرود\هذي المصيبه يا زياد هي ان اللدغه تجي من مكان انت مأمن له ..,

زيادبتأكيد\صحيح كلامك انا الحين دائم احذر خواتي من انهم يطولوا فترة ملكة بناتهم..

خلاص ملكه وعلى طول زواج الي ماهو جاهز لزواج ليش اصلن او افق عليه يروح ويجي الي احسن منه..,

عوق\ليت والله الكل يفكر كذا..

اردفت عوق با استغراب \سناء بنت نجلاء تزوجت اكثر من مره ..

زياد\لا ليه ..!!

عوق \سمعت مجد تقول لها اخت طليقك معانا با المدرسه..,

زياد بشرود\سناء قبل زوجها هذا كانت متملكه على واحد ابوه من اصدقاء ابوها الله يرحمه..!؟

وطلقها قبل يدخل عليها ..,

عوق بتساءل\تدري سناء كنت اظنها طرمه عمري ما سمعت صوتها..,

على ان خواتها يقولن سناء كانت معاي بالكليه وتعرفني

احسها صوره بدون صوت وخصوص اذا شافتني يزيد هدوءها ومره تستحي مني..ّ!

وش فيك سرحت زياد الحين من ابو سرحان انا والا انت...

اردفت عوق با استغراب \حاسه ان سناء وراها سالفه..,

زياد يتنهد بحزن\لا معك معك سالفتها طويله ..!

عوق بفضول وتردد\زياد تكفى وش سالفتها ولو ماتبي تقول عادي..؟!

زياد يبتسم بتهكم موجع \ لا يا الفضوليه بقولك تخبرين الليل وش يسوي با الواحد اعترافات بدون ضغط..؟!
.
.
.
(كلمه اخيره)

إذا سألت الله الجنه فلا تقل اللهم إني أسألك الجنه

لان هناك أناس يدخلون الجنه بعد دخولهم لنار

ولكن قل ((اللهم إني أسألك الجنه بغير حساب ولا سابق عذاب ))

الشيخ/صالح المغامسي

.
.
.

الي الملتقى قريبآبأذن الله

وسالفه جديده


طيف الأحباب

ام الوليد

تذكروني واحبابي بدعوه طيبه

بسم الله الرحمن الرحيم



اللهم يا الله عليك ببشار واعوانه ومن سانده وداهنه,

اللهم احصهم عددا وابدهم بددا ولا تغادر منهم أحد,

اللهم إنهم طغوا وبغوا وعاثوا في الارض الفساد,

وساموا المسلمين سوء العذاب ,

اللهم عجل بنهايتهم واشفي صدور قوم مؤمنين ,

اللهم لاترفع لهم راية واجعلهم لمن خلفهم عبرة وآية,

اللهم اجعل بأسهم بينهم شديد,

وفرق جمعهم وشتت شملهم ,

أنك ولي ذلك والقادر عليه,

ولاحول لنا ولاقوة الابك,

انك على ذلك شهيد وبالاجابة جدير.
.
.
هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر..,

او با الرسائل الي تجيني على الخاص ممتنه للجميع..,


البارت اهداء لكل من سطر في متصفح نوح الحمام ولو بكلمه وحده من دون استثناء..,

سواء مدح اونقد اوحتى يسأل عن مواعيد البارتات دليل اهتمامه با الروايه..,
.
.
اليوم بنشوف عوق المزايين واعترفات ليليه..!!!!!

يا الله تعالوا معاي...!!

وسالفه جديدة؛

.
.
.
البارت الثالث والثلاثون

.
.
.

زياد يتنهد بحزن\لا معك معك سالفتها طويله ..!

عوق بفضول وترجي\تكفى زيادوش سالفتها ولو ماتبي تقول عادي..,

زياد يبتسم بتهكم موجع\ لا يا الفضوليه بقولك تخبرين الليل وش يسوي با الواحد اعترافات بدون ضغط..؟!

هذا الله يسلمك بعد وفاة ساري كثرت دخلات خطيب سناء عليهم..,

نجلاء في حداد ونفسيتها مره كانت تعبانه ولا هي داريه عن الدنيا...

في يوم جاتني عبير قالت خالي سناء بتطلع مع خطيبها ومارضيوا ان راكان يطلع معاهم..

واطلع على طول وراها لقيتها راكبه معاه وبيمشون وانزلها من السياره..,

ثار علي خطيبها وقال انت وش دخلك زوجتي وبتطلع معاي قلت ما تطلع معك الا اخوها معاها..,

المهم ان سناء نزلت ودخلت البيت وصار بيني وبين خطيبها مشاده كلاميه مشى وهو زعلان ويهدد..,

دخلت ورى سناءوناديت امها وحذرتها تنتبه لبنتهااذا هو يبي زوجته امها ايام وتنتهي عدتها...

يحدد زواجه وبسلامته هو وزوجته..,

سناء واقفه معاه ضدي واتهمتني اني ابي اخرب عليها..,

تخيلي بعد الي صار بكم يوم الا الاخ مرسل لي رسايل على جوالي كلها تهكم وتهديد..

بعد ما يكتب الرساله يكتب لي اسمه الكامل..!!!!؟

عوق با استغراب\انت سويت الصح والمفروض سناء تعرف ها الشي..!

زياد بقهر\ماهو هنا المشكله سناء تحب الولد ولحظتها لو قالها طيحي بنار بتسمع له..!

عوق با استنكار \مصيبه والله اذا انت تحاول تحميها وهي ماهي مساعدتك بعدين وش صار..,

زياد\رسايله تمادى فيها وحتى سيارتي كنت اوقفها برى اطلع القى الكفرات منسمه عرفت انه هو..؟!

عوق با استغراب\ اشوفك دايم السياره داخل..؟!

زياد بضحك\ عقده الله لايوريك وسيارتي غاليه دافع فيها دم قلبي وسور بيتي كبير ليش ما ادخلها فيه..؟!

عوق با انفعال\يا طول بالك لو كان واحد ثاني كان سوى مصيبه..؟!

زياد\ ماني قليل شر لكن مهنة الطب علمتني الصبر واني احاول اختار اصلح الحلول علشان النتايج تكون مرضيه..,

كم مره اطلع من بيتي ويكون هو واقف اذا شافني راكب سيارتي غبر على سيارتي وهرب..,

راكان ومازن ذيك الايام صغار وكثير يطلعون معاي ويعصبون اذا شافوا حركاته واستفزازاته لي ..,

ويرجعون للبيت يطينون عيشة سناء كنت احذرهم ما يخبرون امي..

لأنها لو عرفت خربت بيت نجلاء على بناتها فماعندهم الا سناء مسكينه ينكدون عليها..,

عوق بدهشه\وانت على كل هذا صابر..,

زياد\انا اقدر اتخذ معاه اي اجراء وعارف نفسي انا الي صح ..,

اقل شي امسكه اكفخه لين يعض الارض او ابلغ ابوه لكن كان تخطيطي غير..!

عوق بفضول\وش كان تخطيطك اذكر انك تكتور على قولة امي ماانت مهندس..؟

زياد بضحك\ اقولك تخطيطي...

اذا مسكته وكوفنته بيصير قدام سناء البطل المضطهد..,

واذا كلمت ابوه بعدين بيمسكها على سناءاهلك دخلوا ابوي بيني وبينك وخربو علينا...!

خليته يفرغ كل شحنات الشر الي عنده

وبعدين حركاته كلها طفوليه ما شفت ذاك الضرر الي ماقدر اسيطر عليه..

انا كان هدفي الاساسي اني اشغله عن سناء حتى نجلاء تخلص العده وبعدين لكل حادث حديث..

عوق عوق مستغربه\واذا خلصت نجلاء العده يعني وش بيصير..!!

زياد\انا اقولك اذا نجلاء خلصت العده ماعاد في شي يمنع انهم يحددون موعد العرس ..!

ونجلاء تقدر تطلع وتدخل على كيفها وهذي امها...

اي خطوه تتخذها محد راح ينتقدهابيعرفون انها بصالح بنتها عكسي..

انتهت عدتها وطلعت لبيتهاوناديتها هي وبشرى وسناء..

وقلت شوفي سناء انا عارف انك زعلانه علي ولوبيدك كان ذبحتيني..

انا الي عندي بقوله انا عطلت دراستي وشغلي وجيت على شان وفاة ساري الله يرحمه

وماشي بعد كم يوم لكن قدام امك وخالتك الي بيكونون معاك ما ناديت امي معانا

علشان ماتقولين خالي زياد وجدتي ضغطوا علي..؟!

حددي موقفك من مشاري اذا هو شاريك خلاص وش المانع انه يحدد زواجكم ويكون قريب..,

اما مسألة انه طالع داخل عليك ابدآما تنفع ..!

وقبل كم يوم يبغاك تطلعين لوحدك معاه..!

حتى راكان نزله من السياره قدامك ولا حاولتي تمنعينه..؟!

با العكس كنتي فرحانه وصلحتيها مشكله يوم نزلتك من سيارته..؟!

ردت سناءاكيد هو شاريني وبعدين احنا متملكين ماهو خطبه ومشاري زوجي شرعآ..!

استفزني كلامها وقلت لهاهذي المصيبه الي ضيعت بنات كثير والعذر زوجها شرعآ..

ثارت علي وقالت انت مالك دخل لا تخرب علي ..,

نجلا ء يوم سمعت كذا ماتمالكت نفسها با الموت مسكتها انا وبشرى عنها..,

هدينا الوضع نجلاء تبكي وسناء مثلها..,

وانا وضعي حساس بينهم وكنت بكلم ابوه يتمم العرس ..

لكن بشرى اعترضت وقالت انا وبنيان بنتكفل با الموضوع زياد خلك بعيد ما نستحمل احد يجرحك ..

واتفقناعلى كذا نقولهم صلحو حفله بسيطه وتمموا الزواج..

بعد ما طلعت من بيت نجلاء على طول يمكن عشر دقايق جاتني رساله من خطيب سناء؛

مرسل ؛(انت تعرف الشرع يا لقيط مكانك الملجأيابن الحرام

وش دخلك بزوجتي وباخذها غصب عنك وبدون حفل زواج وهي راضيه)

وارسل بعدها رساله هي الي خلاص وصلتني للأخير ؛

( ليش تبي تمنعني عن سناء شكل لك علاقه معاها وصخه مثل اصلك الوصخ وخايف اكشفكم)

صدمني كلامه كنت راح انجن كيف يتهمني ها الاتهام

بنات نجلاء وبشرى بناتي انولدوا وكبروا قدام عيني..,

بلعت غضبي وقهري منه وتعوذت من الشيطان علشان نجلاء وبشرى

الي معزتهم عندي لو كانوا خواتي من لحمي ودمي ماراح يكونون مثلهم..,

وطلعت للبر عبرت عن شعوري بكيت بكى ما تتخيلنه ماهو على كلامه..,

لا والله لكن خفت ان غيره ينظرلي نظرة مشاري لبنات خواتي..,

ويظن فيني السوء خصوص ان البنات متعلقين فيني هم وامهاتهم..,

معتبريني اب واخ ويلجئون لي بأي مشكله تواجهم..

بقدر ما جرحني كلام مشاري بقدر ماعرفت ان المجتمع لايغفر ولا ينسى..

وانا لازم احافظ على سمعة ها الناس الي ضفوني وانقذوا حياتي من الموت ومستقبلي من الضياع..

كلمت بشرى قلت الحين كلمي اهل زوج سناء يستعجلون بعرس ولدهم..,

المهر واصل على حياة ساري وبيت سناء انا اتكفل بأثاثه وعلى ذوقها هي ومشاري..,

وشهر عسلهم با المكان الي يحددونه على حسابي هديه من عندي مالهم اي عذر..

سكت عن الموضوع اكثر من يومين وطلعت لبيت بشرى خلاص ببري ذمتي..

طفشت من ها الموضوع كله خصوص بعد الرسايل الوقحه الي جتني من خطيب سناء..

ونادت بشرى نجلاء واجتمعنا ما كنت ابغى سناء تسمع شي ..,

سألت بشرى وش سوت..,

قالت زياد اناكلمت امه والولد شكله ما يبي الزواج الحين

يقولون انه بدري ماكون نفسه..,

ردت نجلاءكيف ما كون نفسه والي اخر العرس وفاة ساري والا المفروض من زمان تزوجوا..,

قلت بشرى انتي قلتي الي قلت لك..,

ردت واكثر من الي انت قلت بعد..,

والله ما بقى الا اقول تفضلوا على العشا اليوم..

صلحنا حفل العرس على حسابناتعالوا خوذوا بنتنا وبنيان كلم ابومشاري..؟

سألتها طيب وش ردو عليكم..؟

الي فهمته من كلام بشرى ان الولد لعاب ومراوغ وان ابوه وامه قاعدين يحاولون فيه..,

بكت نجلاءتقول ماهو على كيفه والا علشان ساري توفى خلاص استضعفنا..,

قهرني بكى نجلاء فوق حزنها على ساري طلع لها موضوع بنتها..,

قلت مافي احد يستضعفك وانا حي يبيها يا خذها والا يضف وجهه..,

دخلت علينا سناء وجها ما يبشر بخير وتصارخ علي..

انت وش دخلك بينا والا مصدق يا اللقيط انك خالنا..,

تسمع انت غريب بينا مالك كلام ولا رأي ولا سلطه علينا..,

بشرى ونجلاء كانوا بيذبحونها لكن انا وقفت لهم قلت الكلام بيني وبين سناء..

ردت بشرى عليها وقالت انتي مخك مغسول ماعادي ينفع معك كلام..

ونجلاء مسكينه تبي الستر قعدت تترجى بنتها..

لا تفضحينا بعد ما توفى ابوك اذا هو يبيك خلاص يجي وياخذك...

وسناء انفجرت وتصارخ علي تقول..

خلاص اذا سمح لي الي مسوي نفسه ولي امرنا بكلمه واشوف وش عنده..,

قلت لهاما يحتاج اسمح لك وانتي 24ساعه مكالمات انتي وهو..,

انكرت سناء وتصارخ انا متى كلمته وانت ظالمني..,

رديت عليهاوهو وش عرفه برقم جوالي والكلام الي كان بينا..

يوم اقول ان عذر زوج شرعآ ضيعت بنات من الي خبره غيرك..

فتحت جوالي ورسايله القديمه والجديده كانت موجوده..

وقلت لها شوفي الرسايل الي جات للقيط الي يظن انه خالك

الرقم تعرفه سناء ما يحتاج بان من وجها لماشافت الرقم..,

بشرى ونجلاء انهاروا يبكون...

لكن سناء على موقفها معاه ولا عندها مانع يأجل الزواج..!

عوق بقهر\واضح ان مشاري قالبها انتقام ضدكم والنهايه وش صار..,

زياد\نجلاء كلمت ابوه شخصيآ واعتذر لها..

ان الولد ما يبي الزواج الحين ونجلاء وبنتها بكيفهم وانه حاول يضغط علي ولده مانفع..

وفي النهايه انا اقترحت حل وسط على سناء لأنها خلاص البنت ماعاد تسمع الا له خفت تجيب لنا مصيبه والولد مستهتر..,

وهو انها تكلمه قدامنا وتقول ان امها خصصت لها مبلغ من ورثها من ابوها الله يرحمه..,

وبتعطيه له ويتمم الزواج كلمته وطلع لها بستين عذر ..

طلعت مع امي لأمريكا كان الوضع معلق بينهم بعدها بكم شهر...

كلمتني نجلاء انهااقنعت بنتها با الانفصال وفعلن طلقها..,

وبعدهاعلى طول تزوجت سناءمن شاب من معارفهم والحمدلله توفقت معاه.. ,

عوق\وطليقها وش سوى ما اتوقع راح يتركهاشكله راعي مشاكل..!!

زياد بسخريه موجعه\وهو على توقعك..

اردف زياد\طليقها تدرين ماني عارف وش يبغى منها با الضبط..

تعلمني عبير انه كان يرسل رسايل لزوج سناء

انه كان يحبها وتطلع معاه وصلها لدرجة ان بينهم علاقه قبل الملكه ومن ها الكلام..

زياد بوجع وقهر\اتوقع الخسيس انه كان يظن ان سناء لها علاقه فيني بما اني دخيل على العايله حسبي الله عليه..,

وحب يخرب على سناء ويوهم زوجها انه دخل عليها قبله ..,

لكن زوج سناء كان جدآعاقل وسناء انكرت نهائي ان لها علاقه فيه تعدت حدودالشوفه الشرعيه

ولقاءاتهم كانت بوجود اهلها ونفت ان بينهم مكالمات مثل ما قال مشاري ..,

وزوج سناء صدقها لأنه تزوجها بكر وكلام خطيبها السابق كان بقصد الافساد..!

والي خدم موقف سناءان نجلاء وسناء هم الي طلبوا الطلاق وخلعوه با المحكمه..,

والحمدلله ان سناء ماكان معاها جوال وقتها وتراسل مشاري والا كان استعمل رسايلهاضدها وهدم بيتها

يعني مثل ما تقولين ستر الله عليها ..

عبير كانت تجي عندي وتبكي من كلام تسمعه من مشاري

يقوله لسناء با التلفون وسناء طايره من الفرحه..,

اردف زياد بوجع\مكالمتهم كانت بداية الشراره الاولى لطلاقهم لكن رب ضاره نافعه..,

عوق تبتسم بتهكم \سبحان الله تنتقد سناء على انها كانت تكلم خطيبها وانت كنت بتموت علشان تكلمني..

زياد بضحك\انا ماني صغير وبعدين ضامن نفسي لكن خطيب سنو ماني ضامنه ولا هاضمة ولاتنسين اني كنت محدد العرس..,

وابي اتناقش معك با التفاصيل..!

اردف زيادبفضول\صدق عوق انتي ماكان ودك تكلميني وتعرفين عني شي خصوص انه انا وانتي كل شي صار مستعجل..,

عوق تبتسم بتهكم\ بصراحه بيني وبين نفسي يمكن كنت اتمنى اعرف وش وراك لكن اتذكر كلام امي واقول مصيري اعرفه..,

زيادبا استفهام\ليش وش كلامها..؟!

عوق\تقول المكالمات مابها فود غير ان كل واحد يجيب ازين ماعنده...

وعقب العرس تبين العلوم الصحيحه شر المكالمات اكثر من خيرها..

كل واحد من الزوجين يعيش على سوالف قبل العرس ويبي خويه مثل ما تخيله..!؟

زياديضحك \شوفي يا خويتي على قولة امك..’

بغض النظر عن كسحتها لي الا ان كلامها حقيقي...!

كثير من زملائي يشتكون من زوجاتهم انهم تغيروا عليهم ماكانوا مثل فترة الخطبه...

وصاروا باردين وحياتهم ممله ماهو زي ما تخيلوها..,

عوق بضحك\حلوه زياد ان الزوجين كل يوم يكشفون شي جديد في بعض..

اردفت عوق بتردد\كيف علاقتك مع سناء الحين احس انها غلطت بحقك كثير..

زياد بوجع\شوفي احنا بشر ولو بقولك اني سامحتها بكون كذاب ...

على انها حاولت تعتذر لكن هي عارفه ان كلامها لي ماله عذرعندي وقلت لها

بستقبلك في بيتي علشان امي ماتحس بشي والا انا انسي بيوم انك قلتي خالي..

واهم شي انها عرفت انا ليش وقفت ضد خطيبها..

الي كان يقولها انه سبب تأخير زواجهم وضعه المادي..

بعد زواج سناء بكم شهر تزوج..

عوق\انا مستغربه ناجي وبنيان وينهم من ها الاحداث..

زياد بعطف \ناجي مسكين يا الله يجمع ينطق الكلمه..

عنده شوي صعوبه با النطق وتبينه يتفاهم مع واحد مثل خطيب سناء..

وبنيان بمزرعته ماهو داري عن العالم

عوق بتذمروملل\ما ادري الي متى زياد واحنا بنعيش كذا..؟!

زياد بدهشه\ليه وش فيها عيشتنا..!

عوق بحسره \زيادمافهمت قصدي اقصد نظرت الناس والمجتمع..,

زياد با ألم \لو بجلس افكر با الناس والا نظرتهم لي ما تقدمت خطوه بحياتي..,

عوق\من جد زياد بسألك حكاية انك مجهول النسب ما كانت تنقص عليك حياتك بما انك عارف الحقيقه وانت صغير..,

زياد يتنهد بوجع\انا بطفولتي عانيت كثير من نظرات الناس لي..؟

اردف بسخريه\ بكل الاحوال مسخوط علي..

مع اني كنت بحالي وماكان لي اصدقاء كثير اثنين ثلاثه ومن نخبة الطلبه..,

امي وابوي كانوا كل شي بحياتي مغنيني عن الكل ..؟

ومع هذا ما سلمت من كلمتين كنت اسمعهم داخل المدرسة وخارجها..,

اما الدافور في حالة المدح والا اللقيط في حالة الذم..

مره في يوم النتايج لما كنت بثاني ثانوي طلعت اصلي الظهر

بعد الصلاه ابوي طلع قبلي وانا تأخرت عنه في المسجد يمكن دقايق

تعرفين ابوي مؤذن وانا دايم اشيك على المسجد واقفله اذا طلعت من المدرسه قبل الآذان..!

قفلت المسجد وطلعت والااشوف واحد من الجيران ماسك ولده الي كان يدرس بنفس فصلي..,

ويضربه جيت مسرع بفك بينهم لكن قبل اوصله سمعته يقول للولده وهو يضرب

اللقيط ولد الشوارع زيادوه ينجح وانت تسقط..,

ضربته على كتفه لأنه ماكان منتبه لي وقلت له...؟!!

اللقيط ما سهرت تذاكر عنه ولا اعطاك ورقة الامتحان وحليتها عنه لا انت ولا ولدك

والحمدلله ان الارزاق بيد الله..,

عوق بتعجب\ ما شاء الله عليك عندك تحكم با اعصابك بصراحه تنحسد عليه..,

زياد بضحك \ لا واسمعي النكته بعدهادخلت للبيت ..

قالي ابوي ما شفت ابو علي جارنا هو وولده سألوني عنك وبشرتهم انك ناجح..,

يدورونك يبون يباركون لك با النجاح لو شفت يا زياد فرحتهم بنجاحك ماتنوصف..,

قلت الله يجزاهم خير لقيتهم وباركولي ودعوا لي با التوفيق..,

عوق بعطف \يا كبر قلب ابوك..,

زياد يبتسم بوجع\ابوي كتلة من الحنان والمسامحه تمشي على الارض...!

وباله طويل ودايم مبتسم مرات لما اطلع انا وهو نمشي با الحاره..,

عيال الجيران يعلقون علينا فانيليا وشوكلاته جنب بعض ..!

انا كنت انقهر وهو لاعادي ينبسط من كلامهم ويمزح معاهم ...!

وتشوفين كثير منهم صاروا يستحون يقولون قدامنا كذا يخجلون من ردة فعل ابوي عليهم..,

عكس امي الله يرحمها بسرعه تزعل وبسرعه ترضى ..!

مره كنت جالس انا وامي بسور بيتنا وعيال الجيران يلعبون كوره بين البيوت ودخلت الكوره في بيتنا..,

كنت بطلع لهم الكوره وقبل افتح الباب سمعنا واحد من العيال قال كورتنا دخلت في بيت السودا ام الابيض..,

امي على طول اخذت الكوره من يدي و دخلت وجابت سكين شقت الكوره من النص والولد كان معلق الجرس يبي الكوره..,

فتحت الباب وسحبت الولد مع اذنه وبيدها السكين قالت السودا ام الابيض ها المره شقت الكوره ..

المره الثانيه تقطع لسانك با السكين وحطت الكوره فوق راسه..,

عوق بضحك\الحمدلله انك ما اكتسبت من امك العصبيه..

زياد بحزن\الله يرحمها على كثر عصبيتها على كثر ما كانت طيبه وكريمه وحنونه والكل يذكرها بخير..

لايمكن احد من الجيران يطلب منها شي وترده والا يطلب مساعدتها وتخذله ..,

واذا سمعت وحده من الجيران مريضه او والده اول من يزورهم هي..,

عوق\فعلن ايام عزاها الحريم الي جو يعزون من كثرهم البيت ما اخذهم..,

زياد بحسره\حتى جنازتها حضرها امم الله يغفر لها..,

عوق \ يا الله زياد ذكرتني بموقف صار لي زمان..,

زيادبممازحه \ اتوقع طفولتك حلوه بعد ما شفت صورك مع بنات مسلط..,

عوق بضحك\ هو الموقف اساسه بنات مسلط..,

شفت المشب والملحق كان قبلهم حوش فيه نخل وشجر سدر..,

زياد \اي ماشاء الله مساحته كبيره..

عوق \ من يوم طلعت لدنيا وانا عايشه فيه كل اكثر ذكريات الطفوله بذاك الحوش..,

مره ريم راحت مع خواتهاوبنات خوالها للحديقه وتعلمني انهم استانسوا باالملاهي والعبوا با المراجيح..

وقالت عوق مره ثانيه تعالي معانا خوالي يطلعون بناتهم اذا نجحوا والله تستانسين ..!

جيت عند امي وقلت ابغى الحديقه بلعب با الملاهي والمراجيح..

ماعطتني وجه انقهرت وقعدت ابكي عندها..

ابغى اروح مع ريم اذا نجحنا..

قالت عيب البنت تبعد عن امها وين ماتروح امها تروح معها..

اذا جا الربيع ان شاءالله بنطلع مع سعد عند الابل ونخيم معهم ازين من الحديقه..,

وانا ابكي مافيه الا اروح للحديقه ابي المراجيح اذا نجحنا..,

انا عندي العاب كثيره عرايس وسيارات وفي هدايا من المدرسات..,

على اني ما كنت شاطره بس مدري وش يعطوني الهدايا عليه الله يجزاهم خير...

وهدايا ما ادري منين كانت تجيني اكتشفت بعدين انها من دار الرعايه

يرسلونها لي مع الراتب الشهري حقي ..

والعاب اذارحت مع امي لسوق اشتريها..!

المهم ان عندي العاب تكفي عشر بنات ..,

امي نادت الشغاله وقالت جيبي كل العاب عويق وخليها تلعب با الحوش..,

وانا مافيه ما ابي الا المراجيح الي با الحديقه

واخذ الا العاب من يد الشغاله واحذفهن با الحوش وتكسير وتقطيع فيهن ما ابيهن

من غير صياحي الله لايوريك تورمت عيوني..!

ريم يوم سمعت بكاي حطت رجلها لبيتهم وعلمت خالتي نوره اني اصيح ابي الحديقه..

وجات خالتي نوره فازعه وعلمتها امي اني ابكي ابي المراجيح..

قالت خالتي بنشتري لتس مرجيحه ونخليها بالحوش مثل مرجيحة الحديقه

وانا مافيه صياحي يسمعونه الي اخر الحاره ..

و تطور الموضوع ابي الحديقه ها الحين ماهو اذا نجحت..

وتروح خالتي نوره وتصلح لي مرجيحه بين السدرتين حبل و وتخيط عليه وساده واتمرجح فيها وانسى سالفة الحديقه..

ولا عاد طلبت حتى المراجيح

امي بعد فتره اشترت لي مراجيح وخلتهم با الحوش ..

صرت انا العب با المرجيحه الي صلحتها خالتي نوره..,

وبنات خالتي نوره يلعبون با المراجيح الي امي اشترتهم والي يومك ريم تضحك على ذيك السالفه

من كثرما انضربت عليها..

خالتي نوره وعمي عاقبوها ليش تقهرين اليتيمه وامها ما تنفذ لها الي قلتيه..!

زياد بدهشه\طيب ليش ماتاخذك للحديقه احس عادي طلبك ..

عوق با استنكار\زياد انت وش تقول امي زود على انها كبيرة عمر تخاف علي خوف موطبيعي..

تخاف اذا طلعنا للحديقه اضيع منها بزحمة الناس ..

تدري الي اليوم ماشفت حديقه ولا ملاهي ولا مطاعم الا معاك ولا سفر الا للبر..

زياد يضحك ويرفع حواجبه \احسن ما سوت امك علشان تكون ذكرياتنا مشتركه

واحداث اول مره تصير معاك تكون معي...

اردف زياد بحب وامتنان\انا وانتي جدآمحظوظين الله سخر لنا ناس تكفلو فينا وربونا احسن تربيه..

عوق بحزن\الحمدلله ..

زياد يبتسم \لا تكفين نظرة ها الحزن فكينا منها

تدرين اني اتكلم معاك واقول ها الحين بتنفجر علي مثل المره الي فاتت..

عوق بحزن وقلة حيله\لا تعودت خلاص انا ما كنت افتح ها الموضوع هذا مع احد

ويمكن ذيك المره اول مره اواجه احد صراحه بحقيقتي..

زياد با استنكار\ليش انتي ما كنتي عارفه من صغرك انك يتيمه..

عوق \لا انا ما عرفت الا با اخر سنه با الثانوي..,

زياد بدهشه\اووووف والله معرفتك كانت متأخره..,

عوق\حكايه طويله لكن جدآتأثرت منها..,

زياد\طيب وش سويتي احس صدمه وخصوص ان المرحله الثانويه هي بداية المشوار الحقيقي للأنسان

يتحدد منها مستقبله العملي..؟!

عوق تتنهد بوجع \ يمكن سبحان الله اكتشافي لحقيقتي با الوقت هذا بذات كان رحمه لي..!

يعني عسى ان تكرهو شيئآوهو خيرآ لكم..؟!

كم يوم بعد ما عرفت الحقيقه انام على فراشي وادعي اني اموت وارتاح..!

تخيل مرات امسك نفسي ماتنفس يمكن اموت..؟!

حاولت انتحر مره بلعت كم حبة بنادول ..!

والحمدلله انها بنادول ولا هي حبوب الضغط والسكر حقت امي..

يوم تعبت وطلعوا بي للمستشفى من اثر الحبوب..

كنت ادعي با الطريق يارب ما اموت يارب تشفيني التوبه ياربي..

صلحو لي غسيل معده ..

زياد با استغراب\امك ما درت انك حاولتي تنتحرين احس خالتي ما ينلعب عليها..

عوق بحب \ امي على الفطره ترى..

زياد بدهشه \الي اشرفو على حالتك ما خبروها..

عوق\ الا لكن قالوا البنت ماخذه كميه من الحبوب..

يوم سألتني قلت يمه من وجع راسي من المذاكره صرت اخذ كل شوي حبه..

ما درت اني بلعتهم مره وحده ومشت عليها وبعدين ساعتها امي مشغوله فيني..

اردفت عوق بضحك \ماتتوقع زياد من الي عرف اني حاولت انتحر ..

زيادبا استغراب \لايكون الخدامه..

عوق بضحك \لا والله نمر ولد خالتي ام ابراهيم كان معانا يوم كنت في المستشفى وسمع كلام الدكاتره لأمي..,

زياد بضحك\المحرم على قولتك..

عوق با اعجاب\يا زياد الولد ذيك الساعه صغير بس عقله يوزن بلد اتوقع عمره تسع سنوات اذامو اقل ..!

تخيل بعد ما طلعت من المستشفى جا في يوم الصباح قبل نطلع لمدارسنا..

وانا راكبه السياره قال عوق ابيك توصليني معاك بطريقك قلت ابشر يا المحرم ..

واصلن متعوده مرات ما يروح بسيارتهم يجي معي..,

يوم ركب معاي السياره..,

قال عوق انا ادري انك ما كله حبوب واجد تبين تموتين المستشفى قاله وانا سمعتهم..!

وانتي كبيره وتعرفين ان الي بيذبح نفسه يبلع حبوب واجد وتموته...,

انا كم مره اشوف با التلفزيون ان الي يبي ينتحر يبلع حبوب والا يجرح يده..,

لكن اذا ذبحتي نفستس والله ان تدخلين النار..,

المنتحر ربي ما يسامحه و كلنا بننساتس ..

محد بيحزن عليتس مثل خالتي وضحى هي الي بتتعب ..,

هي ماعندها بنات غيرتس وش بتسوي لو ان صار لتس شي من وين لها بنت..,

تدري زياد كلام نمر من ضمن اسباب واجد خلتني انولد من جديد..

طفل عمره صغير فكر با امي وانا لا..

ومن يومها تغيرت كليآ..

زياد\لا تستهينين بعقول الا طفال والله مرات عليهم اسئله واجوبه يتنح عندهاالكبيرما يدري كيف طرت لهم..!

عوق بترددوارتباك\زياد تخيل لو يطلعون لك ناس ويقولون احنا اهلك وش بتسوي..؟!

زياد بوجع\اهلي ماتوا ودفنتهم..!

عوق \من جد اسألك وش راح تكون ردت فعلك..,

زياد بمراره\عقب ما مشى الشيب براسي ماعاد ابيهم با الدنيا..,

بنجتمع عند الواحد الاحد واقتص حقي منهم..,

عوق بوجع\تدري مره لما كنت ادرس با المدرسه الاهليه سمعت اشاعه عنك انك ولدبنت شخصيه كبيره..,

وحتى وحده من المدرسات تتكلم وشوي والا تقسم ان كلامها صحيح وان ابوك دكتوراجنبي

زياد يبتسم بوجع وتهكم\ما شاء الله وعسى انولدت بجنيف والا باريس ماهو داخل سياره قديمه وسريري كرتون ..,

هذا الناس تحب الاساطيروالغموض وخصوص الشخص الي يكون معروف عند شريحه من المجتمع

وياما سمعت اكثر من كذا ..,

انا احمد ربي ان عمي خليل خبرني كيف لقوني والا يمكن كنت عايش بوهم اهلي وينهم..,

اردف زياد بتهكم موجع\قومي واتركك من الخيالات شوفي الساعه كم..؟

تحلمين اهلنا يطلعون لنا كان الاموات يرجعون..؟!

عوق بتوجس \طيب افرض لو يعني طلعوا..,

زياد يتنهدبقهر\مالهم مكان بينا ولا لهم عذر ولايستحقون نفكر فيهم ثواني..,

عوق تناظر الجوال وبتوتر\يووه الساعه وحده ومن متى واحنا نسولف..,

زياديبتسم\من الساعه ثمان لكن اقتنعت بشي ما كنت مقتنع فيه..!!؟

عوق با استغراب \وشو..!

زياد\اني اشكر الشخص الي نصحك ونبهك ان الحياه ماشيه ماهي واقفه لأاحد واسمي ولدي عليه..

عوق بضحك \لايكون قصدك نمر..,

زياد \ومن غيره على اني كنت حابب يكون اول ولد لي اسمه مساعد..,

عوق بترجي\لا عاد انا واعده نمر اسمي عليه..,

زياديضحك\والله ما بعد صورتك وانتي وهوبيكون عندي خيارات

ضابطه ام ولدها والشنطه اكبر من الام والولد..!!

زياد يتثاوب\خلينا ندخل نناااااااام ورانا دوام واجيال جديده تنتظر من يساعدها تطلع لدنيا
.
.
.
(كلمه اخيره)
النملة إذا وضعت إصبعك أمامها
و هي تسير لم تـ {ــقف ..!
بل تحاول!
فتغير اتجاهها و تستمر في طريقهاآ ..!
فما بال أحدنا يضرب رأسه
إذا حصل له عائق
و لا يفكر في
تغيير} طريقه؟!
ما دامت الإمكانآات تسمح
.. و الهدف يقبل ..!


لـ / د. سلمان العودة
.
.
.
الي الملتقى قريبآبأذن الله

وسالفه جديده


طيف الأحباب

ام الوليد

تذكروني واحبابي بدعوه طيبه

بسم الله الرحمن الرحيم



اللهم يا الله عليك ببشار واعوانه ومن سانده وداهنه,

اللهم احصهم عددا وابدهم بددا ولا تغادر منهم أحد,

اللهم إنهم طغوا وبغوا وعاثوا في الارض الفساد,

وساموا المسلمين سوء العذاب ,

اللهم عجل بنهايتهم واشفي صدور قوم مؤمنين ,

اللهم لاترفع لهم راية واجعلهم لمن خلفهم عبرة وآية,

اللهم اجعل بأسهم بينهم شديد,

وفرق جمعهم وشتت شملهم ,

أنك ولي ذلك والقادر عليه,

ولاحول لنا ولاقوة الابك,

انك على ذلك شهيد وبالاجابة جدير.
.
.
.
هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر..,

او با الرسائل الي تجيني على الخاص ممتنه للجميع..,


البارت اهداء لكل من سطر في متصفح نوح الحمام ولو بكلمه وحده من دون استثناء..,

سواء مدح اونقد اوحتى يسأل عن مواعيد البارتات دليل اهتمامه با الروايه..,

بمناسبة عودةالمبدعه انفاس قطر بيكون في بارت استثنائي يوم الاثنين..,
.
.
اليوم بنشوف عوق المزايين في اول ظهور لها خارج بيتها

يا الله تعالوا معاي...!!

وسالفه جديدة؛

.
.
.

البارت الرابع والثلاثون

.
.
.

زياديضحك\والله ما بعد صورتك وانتي وهو بيكون عندي خيارات..,

ضابطه ام ولدها والشنطه اكبر من الام والولد..,

زياد يتثاوب\خلينا ندخل نناااااااام ورانا دوام واجيال جديده تنتظر من يساعدها تطلع لدنيا


ثاني يوم صحيت الصباح زياد كالعاده يطلع ما يصحيني..؟

امي من اكثر من يومين ما سمعت صوتها ضايق صدري عليها ولا معها جوال علشان اكلمها..!

رقم جوالي معاها ليتها تكلمني من اي جوال تطمني عليها..,

دق جوالي ان شاء الله امي..؟

شفت الرقم طلعت نجلاء..

نجلاء\صباح الخير لا يكون نايمه وازعجتك..؟

عوق\وعليكم السلام صباح النور لا صاحيه..

نجلاء\ بشريني عنك وكيفك مع الحمل..,

عوق\طيبه وحملي ان شاء الله ماعليه ..

نجلاء\ الله يقومك با السلامه عوق اليوم دينا بتطلع من المستشفى مع ولدها..

بنقهويها تجين معانا..

عوق\بشوف زياد واردلك ..,

نجلاء بضحك\زيادعلى ضمانتي ماراح يمانع الا اذا انتي مشغوله..,

عوق\ لا والله عادي ما عندي شغل متى بتطلعون لها..

نجلاء \بعد المغرب..؟!

عوق \على خير بأذن الله بحاول اجي معاكم..

سكرت من نجلاء وكلمت زياداسأله متى يطلع من دوامه..؟

قال كالعاده على وقت العصر..؟

صليت العصروجهزت الغدا ..!؟

اذن العصر حسيته تأخر كلمته بتطمن قال عند الباب ...

دخل زياد وغير لبسه الي كل ما شفته احس بخوف وجلسنا نتغدى..

عوق بتذمر\ ليش ماتلبس ثوب عادي اذا رجعت ترى شكلك يخوف

غير ريحة المعقمات معاك تروع..

زياد بضحك\ يا خوافه با العكس لبسي عادي والمعقمات ماليه البيت ليش ماتخافين منها ..

لكن علشان بالك مشغول با الولاده صارت عندك ايحاءت غريبه..

تغدينا ودخلنا للمقلط غرفة نومنا الجديده..,

عوق بحزن\امي ما كلمتني من يوم راحت لبيت وضحى قلبي مشغول عليها..

زيادبقلة حيله\لو معها جوال كان تطمنا عليها..

اليوم وانا جاي مريت من عند بيتكم شكل البيت مافي احد وحتى سيارة السواق ماهي موجوده

عوق\مع امي السواق والخدامه ماتتركهم وراها اذا انا مو موجوده..؟!

زياد بحب\خلاص اذا ما كلمتك اليوم بشوف طريقه تكلمينها..

عوق با امتنان\الله يجزاك خير..

زياد يبتسم\ولو ما سوينا شي مهما كان هذي جدة العنود

عوق تبتسم\اليوم كلمتني نجلاء...

دينا طلعت من المستشفى با السلامه وتبغاني اروح معهم..

زياد \عندي خبر ناجي مرني الصباح الله يخلي له ها الولد ويبلغه بره فرحان فيه..

اصر اجي اشوفه وطلعت معاه كسر خاطري انتي عارفه كيف النطق عنده..,

من فرحته با الولد اسأله مايرد يناظر ولده ودموعه تصب عجز يعبر عن فرحته با الكلام بكى..

عوق بتأثر\حتى دينا مره مبسوطه انها ولدت ولد..

تدري زياد استغرب يوم تقول ناجي عنده صعوبه با النطق..

زياد \ليش !

عوق\مره جاتني دينا هنا وماكان لها كلام الا قال ناجي وسوى ناجي..

زياد يبتسم\ ناجي حبيب وقلبه ابيض يوم رحت املك عليك اصرانه يشهد على زواجنا..,

و بعدين ناجي يستاهل بنت مثل دينا انسانه فاضله وبنت متربيه..

اكيد ما تكذب لكن توصل لك تصرفات ناجي بطريقتها ونظرتها هي..

عوق\شفته معك با المحكمه وحتى ثاني يوم زواجنا تذكر سلم علي وعرفت انه نطقه بطيئ ..,

زياد \دينا قليل با الحريم مثلها ما شاء الله عليها..,

عوق\الطيبون لطيبات..,

زياد\بعد زواجها اهلها جو عندنا هنا وعملوا زوبعه..,

كان معاها موضي صغيره يبغونها تترك ناجي ورفضت قالت انتوا زوجتوني من البدايه..

وانتو عارفين وضعه وزعلوا منها فتره وبعدين اتصالحت مع اهلها..

عوق\الله يجزاها خير لو كان وحده ثانيه كان لقتها فرصه تتركه ..

زياد\لا ام خليل ماتسويها حتى كلموا امي تتوسط با الموضوع

وانها تقنعهاانه ما في فايده انها تجلس مع ناجي..

وهو فيه عاهه وحتى القدره على الانجاب يبغى لهم وقت مع العلاج..

امي الله يغفر لها تقول ناديتها في بيتي وقلت لها..

اهلك معاهم حق وانتي شوفي نفسك ناجي ماهو ضايع..

من يوم تطلعين من حياته بنزوجه ماراح نتركه بدون حرمه..

عوق بدهشه\كلام امك صراحه جامد..,

تقول من تطلعين نزوجه وش كان رد دينا..؟!

زياد بضحك\ام زياد ماعندها لف ودوران سيده با الوجه..

قالت لها ما تزوجت وابغى اتطلق ناجي ماقصر علي بشي ولا اعيبه بدينه..

اول شخص با المسجد والي فيه من الله سبحانه ماهو من يده

ولماخطبني ماخدعنا اهلي عارفين عيوبه قبل الزواج..

وبنتي اتركها لمين..؟!!

لزوجة اب غيرتها مني تاخذها منها..؟؟!

اوعماتها الي كل وحده مشغوله في بيتها وعيالها ولاهم فاضين لها؟؟

واهلي تحسفوا الحين بعد ما الناس اكلتهم ليش بعتوا بنتكم..

عوق بتعجب\في قصص تسمعها توقف عندها ما تعرف ترد..

زياد بضحك\عش رجب ترى عجب..؟!

عوق \ الله يرحم امك المهم بطلع بعد المغرب مع البنات عندها..

زياد\مو مشكله لكن عوق اذا حضرت سناء معاكم لا تحسسينها بشي او انك نافره منها..

مهما كان هذي بنت نجلاء وساري لا تخليني اندم اني قلت لك عن الموضوع..

عوق با استغراب \اعو ذبالله زياد وش شايفني..

زياد\لا والله عوقتي لاتصيرين حساسه وبعدين لا تستغربين كل شوي جايب لك قصه..

من كثر ماحولي بنات صرت احب اخذ واعطي معك على راحتي بالكلام..

عوق بغيره\خير..خير وش بناته..

زياديضحك ويضم عوق\سوري يا قلبي لا تفهميني غلط اقصد اني عشت بين خواتي وبناتهم

ترى نجلاء وبشرى اول ما ولدوا البنات وبعدين الاولاد

من غير الحالات الي تجيني كلها من العنصر النسائي..؟!

عوق بتهكم\احسب بعد..

زياد\وترضيه لأم العنود هدية ولد ناجي علي..

عوق\اذا فيها ترضيات بحاول ابحث ورى زلاتك..

زيادبضحك\اجل تبطين تحصلين ترضيات..

اردف بتعب\ بريح ساعه وعلى صلاة المغرب صحيني ..

زياد نام وانا طلعت للمطبخ بشوف وش باخذ معاي صعبه ادخل ويدي فاضيه..

دينا والده وانا اول مره ادخل بيتها..

عملت حلى مستعجل وقهوه ..,

وطلعت من المطبخ ابغى اغير لبسي واتجهز ما بقى شي على المغرب ..

ما ابي اصحي زياد ينزل لي لبس ولا ابغى ارسل الخادمه لغرفتي..

وانا راح علي الوقت بحاول اطلع وانزل لبسي قبل يصحى زياد..

صعدت لغرفتي مستعجله ..

دخلت الغرفه مكتومه باين شكلها مهجوره..

وطلعت لي لبس اخذت دش فوق بماان كل الي احتاجه هنا..

لبست واستشورت شعري من زمان ما فكيته خليته على طوله ولميته من فوق بكلبس ..

وحطيت مكياج خفيف وطلعت عبايه جديده وطرحه

وشنطه من جهازي الي مافكيت منه شي ...

فتحت علبة اكسسوارات عندي كان فيها تعليقه قديمه من امي وسلسال

التعليقه على شكل سيفين ونخله امي اشترتها لي وانا ادرس خامس ...

حاولت البسها السلسال صغير علي..

مع الحمل احس كل جسمي متورم ..

تذكرت عندي سلسال يناسبها بدور عليه والبس عليه تعليقة امي

واذا رجعت امي من عند وضحى تشوفني لابستها..

سبحان الله كأنها البارحه يوم نجحت بخامس اشترتها امي ولبستني تقول لااشوفتس منزلتها

امي تعتقد ان الذهب يمنع العين والحسد..,

ونزلت وناديت الخدامه

عطيتها العبايه والطرحه تكويهم وبرقع من البراقع الي جابته لي امي يوم حضرت عشا نواف

حسيتها انها تبيني البسه..!

ابشري يا الوضيح ووالله لو تبيني ادفن نفسي با الحيا ما قلت لا ..

الخادمه اول مره تشوفني فاكه شعري..

الخادمه بتعجب\مدام هذا شعر والا عبايه..,

عوق بضحك\ لا شعري هذا..,

ما ادري خفت من كلمة الخدامه نغزني قلبي منها ولميت شعري بكلبس..

دخلت على زياد وصحيته خلاص اذن المغرب..

طلعت من الغرفه صليت وجلست انتظر زياد..

رجع من المسجد..

زياد يبتسم با اعجاب \ماشاء الله وش ها الزين..

عوق بخجل \بالله شكلي حلو احس اني منتفخه حيل

زياد بضحك \ حلوه بكل حالاتك اقري على نفسك بس ..,

اردف زياد\توقعت ما القاك..

عوق تبتسم \ كنت انتظرك بتطلع مكان..

زياد\مواعد جزاع ونواف تبين شي..

عوق\سلامتك تقهوى..

زياد\ لا ما ابي ااخرك لا تتركين الخدامه وراك خوذيها معاك..

عوق\اكيد باخذها من بيشيل الاغراض الي معي..

زياد\ذكرتيني بهدية ولد ناجي بطلع فوق وراجع..؟!

صعد زياد وانا لبست برقعي وعباتي

رجع زياد

زياد بدهشه \غريبه وش عندك لابسه برقع ام العوق ..,

عوق تضحك\لاتخاف مانيب مطلعه عيوني بتغطى عليه..,

زيادبضحك\لاماهو قصداكيدبتغطين عيونك اجل بتطلعين وعيونك كذا لكن اول مره اشوفك طالعه ببرقع..,

عوق تبتسم بحزن \اجل عود نفسك اذا زرت احد او زارني بتشوف علي برقع ام العوق..

زيادبمزح\اهم شي اذا انتي معاي لا اشوفه غيره بكيفك سوي الي يريحك كم ام عنودي عندي

اردف بضحك\سبحان الله يا عوق شكلك كأنك امك با اختلاف المراحل العمريه..!!

عوق با ارتباك\وش كأني امي البرقع يبين ان كل الحريم يتشابهون وياالله تأخرنا على الناس

زياد \هذا ظرف فيه فلوس يستفيدون منها اكثر وخصوص انه ولد هديته محيره..,

عوق بتهكم\ما شاء الله عليك وش هالظرف لا بعد لونه احمر..,

زياد بضحك\ عادي بس كنت محتاج اشياء من المكتبه

وصيت عيال نجلاء لقيتهم جايبينه لي مع اغراضي..,

احتفظت فيهم بمكتبي قلت يمكن يجي لهم يوم واحتاجهم..

عوق بضحك\والله ما انت سهل تخطط لبعيد والظرف حلو وذوق والاحلى انك كاتب هديه من ام العنود..

زياد يبتسم\تعرفين البيت والا اطلع معاك..

عوق \اطلع معاي عمري مادخلت بيتهم اشوفه بس من بعيد..,

زياد بندم\لو ما سوء التفاهم الي صار بينا كان صارت زيارات بينكم..,

اردف \ايام تنذكر ولا تنعاد ان شاء الله..

عوق تبتسم\ راح الوقت يا دكتور خلنا نطلع..,

طلعت لبيت ناجي مع زياد با السياره على ان البيت قريب..

دخلت عليهم بيتهم صغير لكن مرتب ونظيف حتى الاثاث كان متواضع..

لكن الترتيب والذوق معطيه فخامه..

سلمت على الموجودات كانو نجلاء وبناتها كلهم ماعدا عبير كانت مسافره مع زوجها..,

وبشرى وبناتها وفي وحده شكلها من اقارب دينا تشبه لها كثير..,

باركت لدينا الي فرحتها بولدها منسيتها الي حولها..,

بشرى بقلق \تأخرتي عوق ..

عوق\ما اعرف البيت انتظرت زياد وصلني..

نجلاءبا اعتذار\ما عليش عوق غلطتنا نسيت انك عمرك ماجيتي هنا..,

عوق منحرجه\لا عادي..

جلسنا نسولف كلنا الا سناء ما سمعت صوتها..,

تناظرني واذا التفت عليها اشغلت نفسها بطفل معها شكلها والده قريب.

اصايل با اعجاب \عوق طالع شكلك وااااااو با البرقع ودي البسه ما افكه مثلكم..,

حنين بسخريه\بسم عليك اصوله ليش حبيبتي تتوقعين ان شكلك بيصير مثل عوق با البرقع ..,

دينا \ليش عوق ما بتنزليه كل الي جالسين حريم متلك متلهن..,

قاطعتها نجلاء\عادي ديناخلي عوق براحتها..,

دينا منحرجه\والله مو أصدي لكن بحس موماخده راحتها..!

عوق بضحك\لا بلعكس انابا البرقع اخذ راحتي اكثر ..,

مجدبممازحه\عوق لا تصيرين مثل امك بموت اشوف وجها ولاشفته..

نجلاءتناظر مجد بحده \عوق في بيتها ما تلبسه الا اذا طلعت صح والا انا غلطانه..,

عوق بضحك\تهبل امي بسم الله عليها ولبس البرقع من عوايد اهلها واحس اني اذا لبسته تستانس امي..,

وفاء بتساءل\عوق تعرفين ازهار..,

عوق با استغراب\من ازهار..,

وفاء بتأكيد\كانت معاك عربي قابلتها قبل كم يوم..؟!

تذكرتها وقلبي عورني هذي بعد وش عندها لايكون مطلعه علي اشاعه ياربي سترك...,

عوق با ارتباك\ايه تذكرتها لكن ماهي بقاعتي..,

وفاء \ قلت لها انك زوجة خالي وانبسطت كثير..

حتى تقول انهم خطبوك لواحد من اخوانها لكن رفضتي..,

عوق بتوتر\هي صادقه ما صار نصيب بينا وبينهم..

مجد بفضول \ ليش رفضتيهم..!

نجلاء بحده \مجدعيب وش ها التحقيق..؟!

مجد\والله ماما سؤال عادي...,

عوق تبتسم\ نجلاء وش فيك عليها

اردفت عوق\استخرت مجد ولا ارتحت وان شاء الله انه لقى الي افضل مني ..

وفاء\ازهار مره والله تمدح فيك وكانت تتمنى انك من نصيب اخوها..

وقالت ان خالكم محظوظ لما تزوج وحده با اخلاق والتزام عوق..

بشرى بضحك\اكيد هذي دعوات خالتي الله يرحمها لزياد..,

نجلاء \عوق وش رايك بولد دينا..

عوق \ تبارك الرحمن الله يحفظه حلو بسم الله عليه..,

مجد \الا الحلو ان شاء الله انتي بتولدينه عاد من زينه ولد دينا صغير واسمه خليل..!

دينا بممازحه \حرام عليك مجوده شو ها التحطيم والله خلو بيجنن ياريت بيطلع على عمي خليل الله يرحمه..,

نجلاء بتوعد\اليوم مجد فاضيه لكم المره الجايه ان شاءالله جنة الاطفال بيوتهم..,

مجدبترجي \ماماتكفين اجلي القرار لبعد ولادة عوق يارب تولد بنت وتكون نسخة خالي زياد..,

وفاء\ عوق ما سألتي ولد والا بنت اكيد خالي خبرك..,

عوق \والله يا وفاء خالك ما ينعرف له..!

رافض اني اسأل من وراه لكن يقول اذا بنت بيسميها العنود..,

اصايل \طيب انتي مقتنعه با الاسم عادي يسمي على جدتي الله يرحمها...,

عوق\اكيد مقتنعه ولو ما فكر انه يسمي انا طلبته يسمي على خالتي..

نجلاءبا اعجاب \الله يكملك بعقلك ماشاء الله عليك الله يقومك با السلامه..

بشرى بألم \والله ماتندمين اذا سميتها العنود وبتكونين محظوظه اذا جات بنتك بطيبة خالتي وحنانها...,

مجدبممازحه \تدرين عوق خالي رهيب يومه حيرك حملك ولد او بنت..,

نجلاءبقهر \ثانويه عامه ومدري متى تكبرين..,

ولد دينا ماخذ بياض امه وملامح ابوه ونجلاء كانت تشبهه في ولد الحرمه الي موجوده..!

مع انه ما يشبه له بنظري...,

عرفت منهم انهااخت دينا متزوجه واحد من اصدقاء زوج بشرى..

اشتقت اني اولد بسرعه بعرف طفلي من يشبه ان شاء الله يشبه زياد..,

قبل امشي لبيتي سلمت على ولد دينا واعطيتها الظرف الي من زياد..,

رجعت للبيت مع نجلاء الي اصرت توصلني ..,

انبسطت كثير مع البنات وتعليقاتهم على ولددينا وبنتي العنود الي ما بعد شرفت لدنيا..

والله يجزاها الف خير ازهار على مدحها لي ولا حاولت تشوه سمعتي اني رفضت اخوها..

او حكت بتفاصيل الخطبه والي صار فيها ممنونه لك يا ازهار الله يوفقك وين مالقيتي وجهك...

مثل ما حفظتي ماء وجهي قدام اهل زوجي وكبرتيني بعيونهم..,

دخلت بيتي وانا افكر بولد دينا طلع للحياه بين عماته وخالته وتعليقاتهم عليه

كل وحده تقول الصفه هذي ماخذها منكم انتم..,

حتى هذي حرموني اهلي منها تشبيه طفلي لأقاربه..!

دخلت غرفتي وانا احس بضيقه وقعدت ابكي ما ادري ليه

هل هي غيره من دينا الغريبه واهلها الي يكلموها ويتطمنوا عليها من اماكن بعيده

وفي منهم ما سمعت صوته ومقاطعها على كلامها من سنين طويلة وفرحتهم انها ولدت ولد خلتهم يكلمونها..,

والا من الم ظهري الي احسه بينقص من الوجع..!

او اني فاقده امي من كم يوم حتى صوتها ما سمعته..,

من زمان ها الضيقه ما حسيت فيها..,

استعذت بالله من ابليس وصليت العشاء..,

كلم زياد يسأل انا وين قلت با البيت كان بيمرني في بيت ناجي..,

على طول خفت يلاحظ بكاي غسلت وجهي بمويه بارده وغيرت لبسي وجلست با الصاله انتظره..,

دخل زيادوهو مبتسم..,

زياديبتسم \السلام عليكم توقعتك تتأخرين عندهم ان شاء الله انبسطتي معاهم..

عوق تبتسم بوجع\اي الحمدلله كثير والله استانست معاهم وخصوص مجد عليها تعليقات..

زياد بضحك\لايكون استلمتك..؟!

عوق\ لا بس تدعي ان بنتنا تشبه لك..؟!

زيادبمزح\ان شاء الله تشبه امي ما ابيها تشبهني ..,

اردف زياد\مجد جدآمشاكسه وتعليقات عليها مو طبيعيه وكيف خليل ان شاء الله طيب..,

عوق تبتسم \ماشاء الله لو تشوف ام موضي وبناتها كيف مهتمين فيه ما يبونه يفتح فمه..

ضحكتني سمر تلعب مع البزارين وتحس عيونها واذانها عنداخوهاوكل شوي تجي تركض تشوف سريره ..؟!

زياد يبتسم\الله يحفظه لهم جدآتعبوا نفسيآوماديآهي وناجي الله يعوضهم خير..,

عوق تبتسم \ ام موضي راجعت عندك علشان حملها ..,

زياد بضحك\لا رفضت تقول ما بخلي زياد يفحص علي

هي تراجع بنفس المستشفى الي انا فيه رشحت لهاالدكتوره سديم متا بعه حالتها

وهي الي اشرفت على ولادتها.. ,

عوق بغيره\ماشاء الله

زياد يبتسم بتهكم \شامم ريحة غيره ..,

عوق با انتقاد\ لا غيره ولا شي بس سديم كم مره يتكرر اسمها..,

زياد\حرام عليك دكتوره سديم متزوجه وبعدين اكبر مني بكثير ..,

اردف زياد\على فكره ترى سديم عقيم

عوق بدهشه \سبحان الله اخصائية نساء وتوليد وعقيم ..

اردفت عوق \غريبه ليش ماتعالجت او عالجت نفسها ..

زياد\دكتوره سديم عندها عيب خلقي في الرحم وهذا الي منعها من الحمل..,

عملت عمليه وماكانت ناجحه سبب لها عقم تام ..!

عوق با استغراب\بيت ناجي ماتوقعته كذا..؟!

زياد بدهشه\ليش..؟!

عوق\صغير مره لكن ما شاء الله مرتب وحتى اثاثهم ذوق

دينا مستغله كل مساحه با البيت ما شاء الله عليها..؟!

زياد\الحمدلله ان ربي وفق ناجي بزوجه مثل دينا..؟!

وبعدين عوق ترى الحي هذا اسعار الاراضي فيه فلكيه وعايلتنا حالتها متوسطة

والحمدلله ان ربي قدرنا واخذنا ارض هنا وبنيناهااول كنا في حي اقل من عادي..,

عيال عمي خليل يدهم وحده وناجي وظيفته جدآبسيطه..,

لكن ساعدوه امي وخواته وقدر يسكن في بيت ملك..,

عوق بتردد\ ما قدرت تلقى طريقه اكلم امي ..!

زياد يبتسم\وهذا الي مخلي عيونك الحلوه حمرا ومن اليوم تطلعين من موضوع وتدخلين بموضوع!؟

عوق بارتباك \لا ابدآ عيوني حمرايمكن علشان مانمت ..,

زياد بقلق \مو مسألة نوم وش فيك عوق..؟

سامعه شي ضيق صدرك..؟!

عوق بضيقه\ما ادري زياد مخنوقه حاسه بضيقه طابقه على صدري ..,

زياد \لا تقولين علشان امك لأني ماراح اصدقك..,

عوق تتنهد بوجع\من كل شي..؟!

زياد با استنكار\كيف من كل شي..؟!

عوق \اليوم عند دينا الكل فرحان بولدها ويشيل ويحط فيه..,

اهل ناجي كلهم حولها وهي غريبه بينكم الا ان جوالها ماوقف...!

اقارب ناجي يكلمونهافرحانين ان ربي رزقها ولد..,

اخوانها واقاربها بقارات ثانيه كلموها وهي مره تضحك مره تبكي من الفرحه..,

زياد بدهشه\شي طبيعي مولود جديد وهي وناجي يتمنون ها الولد من زمان..؟!

عوق ببكى \انا من راح يفرح فيني والا ينتظر عوق وش ولدت بنت والا ولد..!

انا وانت محرومين من ابسط شي حتى انا ننسب شبه اطفالنا لأهلنا..,

اطفال بينولدون محرومين من عم وخال وعزوه..؟

زياد يتنهد بضيقه\عوق مهماقلت او حاولت اهون عليك ماراح اقدر اخفف عنك قوة الالم الي تحسين فيه لأني مجربه..,

لكن وش بيدي والا بيدك عطيني حل واقعي للي مثل وضعنا..؟!

عوق تمسح دموعها\وين الحل يا زياد كل شي له حل الا مشكلتنا..؟!

زياد بحزن وشرود\انابفتره من حياتي لما فهمت معنى لقيط صح وبمعناها الحقيقي..,

وطبعآالبركه بزملاء المدرسه وبعض الجيران..؟

كنت راح انجن مرات اتمنى اني يتيم امي وابوي توفوا بأي شي المهم اني اعتبرمعروف النسب..؟!

وتجيني خيالات واحلام اما اني انولدت نتيجة زواج مسيار ولا قدرت امي تثبت نسبي..,

او سرقوني حراميه بيساومون اهلي علي يبون فديه

واهلي رفضوا و خافوا الحراميه ينكشفون ورموني بعيد عن اهلي ..؟!

يرجعني لواقعي وارضخ لمرارة الحقيقه لما اتذكر كيف لقاني ابوي مساعد..,

انا اول اسباب دراستي با امريكا اني ابعد عن المجتمع الي كنت فيه ونظراتهم لي...

كثير لحظات كنت اتمنى اقدر اسوي فحص واشوف نفسي لأي جنسيه انتمي..,

من كثر ما اشوف نظرات الاستغراب بعيون الي اتعرف عليه اول مره..

يستغربون لما اقول اني سعودي بعدين لما كبرت شوي..

وخالطت الناس وخصوصآدراستي الطويله با امريكا..

ماعادت مسألة اني مجهول النسب تشغلني كثير..

لأنه شي مالي يدفيه والمجتمع قاعد يعاقبني بذنب وجريمه ما اقترفتهم..

واذا جاتني حالتك هذي كنت افكر با اسوء الاحتمالات الي ممكن تكون صارت لي..

اتخيل نفسي مكان حالات مرتني با المستشفى وحالات قريت عنها للقطاء ..!!

مثل الطفل الي لقيوه ماكل جسمه النمل وهو حي اصيب با التهاب وعاش فتره وتوفى..

وطفله كانت مولوده قبل وقتها ولقيوها مرميه ولو لقيت رعايه وقت ولادتها يمكن راح تتعالج..

الحين مصيبتهامصيبتين مجهولة النسب ومصابه بشلل بسبب ان العمود الفقري ماكان مكتمل..

او الطفل اللقيط الي لقيوه بمكان مهجور وطالعه عليه قوارض وماكله جزء كبير من اطرافه

وعايش الحين با اعاقة كامله..,

انا وانتي كنا محظوظين احتضنونا ناس اهل خير احسنوا تربيتنا وربي سخرهم لنا..

والدوله كانت ترعانا واحنا داخل الاسر ولنا مخصصات ماليه ورعايه..

صحيه اتوقع انتي مثلي كانوا كل فتره يتطمنون علي ويشوفون كيف امي وابوي يرعوني..

وهذا انا دكتور وانتي معلمه واهلنا الحقيقيين لهم رب يحاسبهم يعني على بالك هم مرتاحين..!

عوق بمراره \كل الي فكرت انت فيه انا لما اكتشفت حقيقتي فكرت فيه كنت اتمنى اي شي الا اني بنت غير شرعيه ..

والمخصص الي كان يصرف لي امي حالفه ما اصرف منه بحساب مستقل لي..,

حنا تعبنا ماهو مادي تعبنا نفسي ذبحنا استحقار الناس لنا ..,

زياد بوجع وقهر\ذكرتيني في واحد سعودي تعرفت عليه با امريكا مجهول نسب

عايش هناك ومتزوج امريكيه ومستقر على طول ..,

تخيلي كفلته حرمه ماعندها اطفال عارفه ليش

اردف زياد بتهكم موجع \علشان المخصص الشهري الي ينزل لليتيم هي تاخذه وتستفيد منه..

يعلمني بنفسه يقول ليتها ما كفلتني..!

كانت كل يوم ترميني عند ناس مايهمها بأي وضع انا وكثير تعرضت لتحرشات غير اخلاقيه

من الناس الي ترميني عندهم وحتى من ابناء عايلتها ماكانو يعتبروني بشر دم ولحم

مجرد ابن حرام منبوذ واي ممارسه او تحرش بنظرهم و تصورهم عادي..,

ولما اشتكي لها تضربني وتقول انت قليل ادب..,

ما ارتحت الا بعد ما الرعايه اكتشفو الي صار لي واخذوني منهم

فتره وهو يتعالج من الي صار له تخيلي على ان الاشياء الي صارت له وهو صغير

تأثيرها النفسي عليه حتى بعد ما كبر..,

زياد با الم \حاولي تنسين او تتناسين ها المشاعر

ترى اذا اشغلتي نفسك فيها فعلن هي الي بتذبحك ماهو نظرة الناس واصلن ماراح تستفيدين شي..,

عوق بحزن\والله ادري زياد لكن احساس ماني قادره اتخلص منه..

تدري حتى حملي مافرحت فيه زي العالم والناس خفت من نظرة المجتمع له..

زياد يبتسم بحزن\ لا تكفين لاتكون نظرتك سوداويه مثلي زماااان..

انا اخرت زواجي سنين بسبت ها الافكار اطفالي وش بتكون نظرة الناس لهم..

لأن نظرة المجتمعات لمجهولين النسب وحده منبوذين عالميآ..,

فكنت اسعى اني ادرس واطور نفسي علشان اسعد نفسي..

مقوله سمعتها مره جربتها لقيتها حقيقيه..

َمن لآ يملِك السعآدَة في نفسِه فلنْ يجدهآ في الخآرجْ ،

لِذآ تعلّم كيفَ تكونُ سعيداً حتى لَو كنت وحِيداً .

فإذآ أسعدتَ نفسَك إستطعت إسعآدَ مَن هُم حولِك ،

فَ التغيير يبدأ مِن الدآخِل !


عوق تبتسم بحزن \زياد تدري اني ما اغبطك انا احسدك..

زياد بضحك\ما يحسد المال الا اصحابه ليش طيب..,

عوق\رغم الجراح الي داخلك والي ما يشوفها الا الي يقرب منك..,

الا انك عندك قدره على العطاء عجيبه تاخذ وتعطي وعندك امل ..,

زياد\طيب وحطيت يدي على خدي وقعدت وش راح يصير يعني..؟!

بتبقى على خدي ولااحدراح ينفعني با العكس انا جديت واجتهدت وخليت لي مكانه...,

واحلم اني اكون اسره كبيره اولاد وبنات واشوف بشر من لحمي ودمي حقيقه..

وبحط شعار لحياتنا الزوجيه بما اني دكتور نساء وتوليد لايوقف..,

عوق بدهشه \وش لا يوقف ..!!!؟

زياد \يعني مافي لاتنظيم ولا تحديد نسل ..,

الاسره الي كنت انا وانتي نتمنى انا ننتمي لها..!

بنكون اسره كبيره بأذن الله تنتمي لنا ..ّ!

عوق\الحين تأكدت من جد انك دكتور..

زياد يضحك بسخريه\ليه ماكنتي مقتنعه يا استاذه عوق..,

عوق\ماهو المقصد لكن مهنة الدكتور انه يعالج نفسية مريضه وبعدين جسده كلامك احس هداني شوي..!

زياد\وبمناسبة هدوء اعصابك عندي لك مفاجئه..؟

عوق\ماابي الا شوفة امي هذي احلى مفاجئه ..

زياد يبتسم \وامك بكراترجع لبيتها الصباح اليوم جزاع يبشرني يقول

ام ابراهيم مكلمه الحرمه الي عندها امك وقالت لها ان ام عوق بترجع لبيتها..

عوق بفرحه وامتنان\الله يبشرك با الخير احس غياب امي عني سنين..

زياد با ارهاق \المهم في عشا لأني دايخ وابي انام..

عوق\العشا دقايق واجهزه ماشاء الله صاير نومك بدري..,

زياد\اول شي صاحي من الفجر ولا ريحت يمكن ساعه بعد العصر..

ثاني شي لو ادركنا فايدة نوم الليل كان ما شفتي احد سهران..

عوق \ اكيد اي شي يخالف الفطره بيكون مضر لا محاله..

جهزت عشا زياد والم ظهري احسه يزيد..,

زياد با استغراب\وش فيه وجهك احسك تعبانه...!

عوق \لا عادي يمكن علشان تحركت كثير اليوم رجلي شوي تألمني وظهري..

زياد \ خليني اخذك للمستشفى..,

عوق بخوف \تكفى زياد لاتخوفني احس اني خلاص طبت مافيني شي ..,

زياد بتحذير\المهم لا تتهاونين بأي اعراض تحسين فيها على طول خبريني لا تغامرين ..

عوق \حاضر دكتور اتوقع لو اتمدد شوي بيروح الالم..

تعشى زيادودخل ينام وانا انسدحت على كنبه با الصاله احس اني تعبانه ولا فيني نوم ..

بطني وظهري ماني قادره حتى اخذ نفس الخدامه دخلت غرفتها وزياد نايم وتو الليل بأوله..

حسيت الالم زاد علي انادي زياد ما يسمعني ابي امشي ادخل الغرفه ما قدرت ..,

ماكان قدامي الا الجوال ادق على جوال زياد مايردشكله صامت..!!
.
.
.

(كلمه اخيره)

إذا التقمك حوت الهمّ والغمّ وأحاطك الحزن
فسبّح كثيراً وتذكّر يونس في بطن الحوت
(فلولا أنه كان من المسبحين للبث في بطنه إلى يوم يبعثون

د.سلمان بن فهد العوده .

.
.
.

الي الملتقى قريبآبأذن الله

وسالفه جديده


طيف الأحباب

ام الوليد

تذكروني واحبابي بدعوه طيبه

بسم الله الرحمن الرحيم


اللهم عليك ببشار ومن عاونه وأعانه ،

اللهم أرنا فيهم عجائب قدرتك وآياتك,

يارب ضاقت الا منك يافرج المكروبين كن لعبادك المستضعفين في سوريا,

يالله نسألك لهم فرج قريب , ومخرج رحيب, انت ارحم الراحمين,
.
.
.
هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم اوالشكر..,

او با الرسائل الي تجيني على الخاص ممتنه للجميع..,

البارت اهداء لكل من سطر في متصفح نوح الحمام ولو بكلمه واحده من دون استثناء..,

سواء مدح اونقد اوحتى يسأل عن مواعيد البارتات دليل اهتمامه با الروايه..,

واهداااااء خاص للأ سطوره #انفاس قطر# بمناسبة عودتها لنا بعد غياب عام كامل..,
.
.
.
اليوم بنشوف عوق المزايين ومولودها الجديد والاحداث المتلاحقه بحياتها..,
.
.
يا الله تعالوا معاي...!!

وسالفه جديدة؛


البارت الخامس والثلاثين
.
.
حسيت الالم زاد علي انادي زياد ما يسمعني..,

ماكان قدامي الا الجوال ادق على جوال زياد مايردشكله صامت..!!

دقيت على نجلاء ماترد..,

طرت في بالي بشرى كلمتها وردت علي..

عوق بتعب\بشرى انتي وينك..

بشرى بتوجس\ في بيتي وش فيه صوتك..

عوق ببكى\بشرى تعالي للبيت انا تعبانه..

بشرى بذعر\زياد وينه عسى مافيكم شي ..

عوق بتعب \بشرى بسرعه تعالي تعبانه الحقيني..

بشرى بخوف\عوق لايكون معك ولاده ينزل معاك دم..

عوق بوجع \ما ادري تعالي بسرعه الله يخليك..

بشرى \انا طالعه من بيتي ومعك على الجوال..,

عوق تبكي برعب\بشرى ملابسي غرقت دم..

بشرى \شكلها ولاده لكن تمددي على الارض ارتاحي لا تتحركين وهدي اعصابك انا عند الباب..

عوق بصراخ \واصلي دق على الجرس يمكن زياد والا الخدامه يصحون..,

اردفت عوق\اسمع صوت باب انفتح ..

زياد بحده \مين الي معلق على الجرس..

عوق ببكى\زيادالحقني قاعده انزف..!؟

زياد بغضب \ ليش ما صحيتيني..

عوق بوجع وصراخ\افتح بشرى عند الباب بسرعه..!

دخلت بشرى واحس بصوتها هي وزياد والخدامه وعلى طول لفوني بعباتي وبطانيه..,

وحسيت بشي غريب صار لي وبعدها ماعدت احس بشي الا صراخ بشرى..

تقول زياد زوجتك ولدت ..!

صحيت على مثل الضباب واحس با اصوات مختلفه ..

واحس احد يضرب وجهي..,

زياد يصحي عوق \عوق معي تسمعيني ..؟!

الحرمه\مبروك مدام عوق خلاص اصحي معانا..!؟

ماعرفت من هذي الي تبارك او ليش تبارك ...

صحيت وانا ظر زياد ومعاه حرمه منقبه..

حاولت اتحرك لكن ماقدرت ايديني كان فيها مغذي وشي ثاني شكله كيس دم وحلقي ناشف...

زياد\عوق الحمدلله على السلامه كيفك الحين..

عوق بتعب\تعبانه ودايخه وش الي صار لي ..

زياد يبتسم\ما صار غير الخيران شاء الله..

عرفت الحرمه دكتوره سديم ...,

سديم \مبروك مدام عوق الف مبروك ..

عوق مرهقه\ ان هنا ليش..

سديم وهي تمسح على راسي \انتي هنا علشانك ولدتي با السلامه..

عوق بدهشه\ متى ولدت..!

زياديبتسم \ في الليل ..

عوق بدهشه وخوف \معقوله ولدت ما حسيت باالولاده يمكن علشان عمليه..

زياد وسديم يضحكون استغربت ضحكهم..!

استأذنت سديم وطلعت بقيت انا وزياد وممرضة با الغرفه الي كانت اجهزتها كثير..

واستغربت كثرة الاجهزه فيها هذي شكلهاغرفة عمليات لكن تشبه الغرفه الي كانت فيها خالتي العنودقبل تتوفى..

عوق بخوف\زياد الغرفه غريب شكلها..!

انا للحين بغرفة العمليات..؟

زياد يبتسم\ الحمدلله مافي عمليه طلع الجنين اشطر من المشيمه الي كنا خايفين منها ونزل طبيعي قبلها..

وهذي غرفة ملاحظه لأنك نزفتي كثير وهبط معاك الضغط وان شاء الله اليوم او بكرى تطلعين لجناح التنويم..

عوق \ الحمدلله لكن ما حسيت بولاده..

زياد\اكيد لأنه اغمى عليك النزيف الي معك كان حادوبعدين انتي ولدتي با السياره

عوق بذهول\كيف با السياره..؟!

زياد\هذا الي صاروالحمدلله ان بشرى معاك وكنا قريبين من المستشفى..!

زياد ابتسم واردف بهمس\طفلك مثل ابوه محل الولاده السياره...

عوق بتعب\ احس با الم من المغرب لكن ماتوقعتها ولاده..؟!

زيادبملامه \ انا قلت لك اي شي يصير معك على طول خبريني..

عوق \ الحمدلله على كل حال بشوف المولوده وينها ..

زياديبتسم\شدي حيلك صحصحي وبتشوفينها با الحضانه..

عوق\عادي الحين اقوم معاك تكفى زياد بشوفها..

زيادبحده\وش تقومين انتظري هذا اخر كيس دم يخلص ويصير خير بعدها..

عوق بوهن\كم الساعه الحين..,

زياديناظر ساعته\لسا بدري 8الصباح ..

دق جوال زياد وطلع يكلم برا الغرفه..

وانا حسيت بنعاس وبعدها صحيت الغرفه فيها ممرضه مشغوله تكتب ..,

ناظرت يدي ما كان فيه الا ابرةالمغذي كيس الدم ماهو موجود..

شكلي نمت ولا حسيت بكيس الدم يوم خلص..

جاتني الممرضه تسألني احتاج شي طلبت منها تنادي زياد

طلعت الممرضه بسرعه ورجعت ..,

دخل زياد بعدهاوهو مبسوط ..,

زياد \مساء الخير ان شاء الله احسن من الصباح..

عوق \الحمدلله افضل بكثير لكن بشوف البنت ..

زياد \ان شاءالله بتشوفينها لكن لازم تاكلين لو شي بسيط..

عوق\مالي نفس بشي تكفى لاتغصبني على الاكل..

زياد \انتي نفسك منسده من كثر ما نزفتي ما ينفعك الا الاكل..

عوق\طيب با اكل الي اقدر عليه..

زيادبتسم\مو مشكله وعندي لك مفاجئه ان شاء الله تعجبك..

عوق بتذمر\ما ابي مفاجئات بشوف امي وبنتي ..

زياد\انتي اكلي بس وبنشوف وش بتقولين عن المفاجئه..,

نادى زياد ممرضه وطلب اكل واكلت منه بس علشانه..

الممرضه فكت المغذي من يدي وخلت بس الابره

عوق تمسك يدها باالم\طيب ليش مفكيتوها كلها يدي مره تألمني..,

زياد يبتسم\لا خليه افضل علشان لسا باقي لك علاج بنعطيك مضاد ..,

عوق بخوف\انا وش فيني ما احس بشي..

زياد\بعد الولاده اضطرينا نعملك عمليةالمشيمه اتعبتنا مانزلت مع الطفل كلها..

عوق بذعروخوف \عمليه ..,

زياد \ ايوا عملية تنظيف عملتها لك دكتوره سديم وكل شي كويس الحمدلله..,

عوق بهلع \والبنت ..!

زياد يضحك\البنت طيبه الحين تشوفينها ماشاء الله عليها مره كبيره..,

عوق تحاول تنزل من السرير\ياالله بنشوفها..,

زياد\انتظري بجيب لك عربيه انتي تعبانه..

جلست على كرسي متحرك وزياد معاه كيس فيه عبايه وطرحه لبستهم..

واخذتني ممرضه وزياد قدامي يمشي دخل داخل عند الاطفال..

وقبل ادخل استراحة قسم المواليد شفت امي جالسه كنها تنتظرني فز قلبي يوم شفتها ووقفت على عصاها..

كنت بقوم لكن هي حلفت ما اتحرك وسلمت علي..

ام عوق بفرحه\مبروك ماجبتي..

عوق\الله يبارك فيتس شفتيهايمه..,

ام عوق تضحك بحنان \ايه ياويلي عنتس ياعوق ولدتس كبر الكف..؟

عوق با استنكار\وش ولده يمه انا جبت بنت حتى زياد منهبل منها يقول مره كبيره..!

ام عوق بدهشه\والله ما ادري يا امتس رجلتس دخلني داخل وقال هذاولد عوق وشفت لي لحيمتن حميرا..!

عوق\ماهمني ولد والا بنت اهم شي يكون بخير..!

ام عوق\الله كريم لا تيأسين من رحمة الله ..

طلع زياد من الحضانه

زياد\يا الله عوق مستعده تدخلين تشوفين ..

عوق\تعالي يمه ادخلي معي..

ام عوق \لا استنظركم با الاستراحه..

دخلت داخل كل الموجودين اطفال صغارمره وعليهم اجهزه الي بخشمه والي بحلقه والي مسلطين عليه ضوء ازرق..

زياد بمزح\يا الله اذا انتي ذكيه طلعي اي طفل هنا لنا..

عوق وعيونها على حاضنات الاطفال\ما ادري لكن قلبي يقول انه الصغير الي با الزوايه الي كل جسمه اجهزه..

زياد يبتسم بدهشه\ما شاء الله عليك اي والله ان هذا هو ولدك..

عوق\ليش انا ماولدت بنت..,

زياد بضحك\ هالمره ولد ..,

والمره الجايه ان شاء الله بنت تعالي شوفيه من قريب ..

قربت من الحاضنه شفت طفل ماتبان ملامحه لا حول له ولاقوه كل جسمه اجهزه وتنفسه سريع ما ادري ليش قعدت ابكي..

كنت بعاتب زياد ليش يقول بنت كبيره لكن شكل ولدي قطع قلبي ونساني معاتبة زياد..,

زياديبتسم بعطف \ليه الصياح الولد طيب وكل شي عنده كويس..

عوق تبلع غصه بحزن\ وش كويس وهو ماهو باين منه شي من كثر الاجهزه..

زياد \كل هذا شي طبيعي نسيتي انه انولد على آخرالشهرالسابع ..

عوق\ما ادري حاسه ان فيه شي..,

زياد بتهدئه\تعوذي من ابليس الولد طيب وهي مسألة وقت ويطلع..

طلعت من غرفة رعاية الاطفال الخدج وخليت قلبي مع ولدي الي مثل ما قالت امي كبر كف اليد..

رجعت لغرفه بجناح التنويم وامي كانت معي...

طلبت من زياد امي تتنوم معاي ما تتركني وافق انها تبات معاي حتى اطلع من المستشفى..

وقت الزياره اهل زياد كلهم زاروني بشرى ونجلاء وبناتهم حتى بنات ناجي الصغار..

الغرفه امتلت الي ما حضروا عبير وسناء كلموني على جوال نجلاء..

با الرغم من تعبي النفسي والبدني الا اني حسيت بدفئ العائله لما شفت اهل زياد مجتمعين عندي..

نجلاءبممازحه\يا غياره غرتي من دينا ولدتي بسرعه..

ام عوق بحده\امر الله يا ام راكان ما فيهانغاره..

نجلاء منحرجه\ما كنت اقصد بس امزح مع عوق يا خالتي..

عوق تبتسم بتعب \ماتوقعت اني با اولد با الوقت هذا..

ام عوق\لا ماعليتس ان شاء الله الا العافيه ..

اردفت بشفقه\لكن الولد صغيرن مره والله ما شفته من صغره..

بشرى\الحمدلله يمكن خيره انه انولد صغير جاطبيعي

وبعدين الاجهزه متطوره بيحافظون عليه كنه في بطن امه ويطلع عادي..

دخل علينا زياد..

زياد بفرحه\السلام عليكم ماشاء الله كلكم جايين..

مجدبمشاكسه \اي خالي كلنا جايين علشان بنشوف ولدك والا انت وعوق شبعنا منكم...

زياد يرفع حواجب بممازحه \مافيه ولدي شوفته بفلوس ..

نجلاء تبتسم \خلك من مجد كيف الولد..

زياد\لا الحمدلله طيب ننتظر يكمل 36 اسبوع ويطلع ان شاءالله..

عوق بوجع وتذمر\كثير زياد يعني 6اسابيع..!

بشرى بممازحه\يا شيخه ارتاحي من ازعاجه واشبعي نوم..

اصايل بمشاكسه \ياليت خواتي مثل عوق

لا هم يولدون ويطلعون لبيتنا با ازعاجهم..!

تذكار با استنكار\ليش ان شاء الله وش فايدتكن خوات..؟

اصايل بملامه \يا اما خدامات يا اما ماتبونا..!

بشرى بحده وانتقاد \انتوا جايين زياره والا ازعاج انتي وهي..؟!

عوق تبتسم \ عادي بشرى يا ليت كل يوم تزعجوني..!

وفاء تلتفت لزياد \خالي وش بتسمي ولدك..؟!

اصايل بترجي\خالي تكفى سمه اسم حلو والا بيحقد عليك اذا كبر..!

مجد بتهكم\ارحموا ها الاطفال من اسامي اجدادكم القديمه وهم بخير..؟

نجلاء\ليش وشفيها الاسامي القديمه والله كلها حلى ورزه وش تبينه يسميه..,

مجد بضحك\عاد الا زعل ام راكان خالي سمه مرزوق على جد امي بيطلع فله..!

زياديبتسم \لا الي بيسميه خالتي ام عوق..!

ام عوق\الله يسلمك انا ما اعرف اسمي لكن ازين الاسامي ماحمد وعبد..!

زياد\يعني مافي خاطرك اسم..؟!

ام عوق\لا والله بكيفكم الي تبونه هو الزين..؟!

زيادالتفتت لخواته \وبشرى ونجلاء في خاطركم اسم..؟!

نجلاء \لا زياد الي يعجبكم انت وعوق يعجبنا..,

بشرى با امتنان \الله يرفع قدرك ويجبر بخاطرك ..,

زياد\بما ان ولدي انولد صغير بصراحه نفسي اسميه اسم كبير..

منان\خالي سمه اسم مركب المعتصم بالله او سيف الاسلام

زياد\ لا صعبه شوي منونه ابي اسم الكل يقدر ينطقه..!

وانتي عوق في بالك اسم..,

عوق بوجع \بكيفك اهم شي يطلع با السلامه..,

زياد يناظر عوق بطرف عين\وش رايكم طيب با اسم نمر..؟!

مجد بتهكم\الا خالي انت وش رايك بليث وولدك بيصير الليث الابيض..؟!

زياد بمداعبه \ لا يا حلوه النمر الابيض اسم مرعب ويخوف..,

نجلاء \ حلو الاسم وخفيف..؟!

زياد\خلاص اجل اعتمدنا الاسم اذا ام راكان اختنا الكبرى معجبها..؟!

وقت الزياره مر بسرعه بين تعليقات خوات زياد وبناتهم وانتقادات امي للبنات

بعدها طلعوا يشوفون نمر..؟!

ام عوق بحب \ارتاحي يا امتس نامي من صبح وانتي جالسه ..,

عوق با ارهاق\ مرتاحه يمه كلمتني ريم تقول بيجون زيارة الليل..,

ام عوق \اي حياهم الله متى بيكتبون لتس خروج..!

عوق \ما ادري عن زياد اكيد الخبر عنده..؟

ام عوق بدهشه \والله يارجلتس ياهو ذهين ..,

عوق بضحك\ اكيد علشان اسم نمر..؟!

ام عوق\مير مشاهاعلى اهله انه هو الي مسميه..!

عوق\اسم نمر حلو ماهو عاجبتس نغيره..,

ام عوق بفخر\لا بالله زين وش ازين من اسم ابوي نمربن هجاد طويل الاشبار...

اردفت وضحى بأمر\ لكن بقولتس كلمتين حطيهن حلق بذانتس..؟!

عوق\يمه انتي كل كلامتس قدام عيوني ما اقدر اخالفه..,

ام عوق بتحذير\حنا يا الحريم نسولف وننسى وش قلنا لكن الرياجيل يسجلونه ومرات يستدرجتس الرجال يشوف وش وراتس

عوق\لا يمه زياد ماهو من ها النوع..,

ام عوق \منه والا ماهو منه احذري تقولين لتس كلمة تورطين بها بليلة مزح وضحك وتجيبين الي وراتس وقدامتس..!

عوق بتهكم\وش عندي من الاسرار ابي اقولها حياتي قدامه هو وغيره معروفه

ام عوق\والله يا بنتي ماهو مقصد لكن مرات شي تشوفينه صغيروعند غيرتس كبير..!

زاروني ام ابراهيم وبناتهاوانبسطت معاهم يومي كان حافل ما توقعت با القى ها الاهتمام من الكل..,

من غير بوكيهات الورد الي ملت الجناح من زملاء زياد با المستشفى..

جلست في المستشفى يومين وطلعت بعدها لبيت امي..

امي حسيتها تعبانه ومرهقه وحتى اذا نامت اسمع لها آنين يوجع القلب ..,

اسألها تقولي مافي شي انتي توهمين..!

بفترة ها الاسبوع الكل زارني في بيت امي..,

ومن كثر الحريم الي طالعين داخلين خدامتي وخدامة امي ما صاروا يلحقون با الشغل..,

زياد كل مره يجي في بيت امي ما يكون في فرصه يشوفني..

التواصل بيني وبينه عن طريق الجوال الا اذا بغيت شي ضروري واحيان يدخل دقايق يشوفني ويطلع...,

ناس دخولهم عليك بلسم وناس دخولهم عليك يتركون وراهم هم وغم..

بعد اسبوع من ولادتي..

ام عوق\كلمت وضحى بنت ناصر تقول انها با الطريق بتجي تشوفتس وتبارك لتس..

عوق بتذمر\ وش تبي هذي ليش تعني نفسها يكفي مكالمة جوال..؟

ام عوق\ لا والله حياها الله وش تبيني اقولها..

عوق بقهر\سبحان الله من الله ها الانسانه يا ثقلها على قلبي..

ام عوق\خليها عنتس اكلتي لحمها..

دخلت الخادمه وراها حرمه عرفتها

وضحى \مبروك يا عمه ماجابت عوق..

ام عوق\الله يبارك فيتس..

وضحى \ان شاء الله انتس طيبه يا عوق..

عوق بتذمر \الحمدلله ابشرتس اني بخير ونعمه

وضحى بتهكم \ما اسرع ماولدتي يا عوق من عرستس ما كملتي ثمان شهور..,

ام عوق بغضب \ورعها ناقص يا وضيحه ما بعد تم شهور حماله..,

وضحى \هو وينه ذالحين ..

عوق بحزن\با المستشفى با الحضانه ما بعد طلع..

وضحى \يا ويلي عنتس يا شين الحرمه الوالده ورعها ماهو بمعها ..

ام عوق بسخريه\وياشين بعد الي ما يثمن كلامه ولايقدر على لسانه..

وضحى منحرجه\ ياعمه ماقصدت شي..

ام عوق بتهكم \قصدتي والا ما قصدتي كلامتس لاقام ولا قعد عندنا..

وضحى بتهكم\ بأي شهر ولدتي ياعوق...,

عوق بوجع\با آخرالسابع

وضحى \الحمدلله ماهو با الثامن والا كان مات وحتى السابع واجد الا طفال الي ينوجعون ويموتون..,

ام عوق بحده\الله الي خلقه والله الي يدبره ومرات الفال يرجع بوجه قايله..,

وضحى با ارتباك \يا عمه انا بمشي جيت بتطمن على عوق ولي رجعه ان شاء الله..

ام عوق \كفيتي وفيتي ماقصرتي لاتتعبين نفستس عوق بتمشي لبيتها ماهي مطوله عندي..

وضحى \مع السلامه اجل بيتها استحي مااقدرازورها فيه والا كان ودي اني اشوف وليدها اذا طلع..

ام عوق \ان شاءالله نعلمتس اذا طلع ولدها سلمي على رجلتس شجيع وان شاء الله انه من الصابرين..

مشت وضحى بعد ما قهرتني بسوالفها...!

عوق ببكى \ما قلت لتس انهاغثيثة وكلامها سم ..!

ام عوق بحده\ وانتي وارتس قمتي تصبين ها الدموع خليها تولي هي وهبالها..,

عوق بحرقه\هي جايه تبارك لي والا تغثني...

ام عوق\ يا عوق كان كلمه بتسمعينها بتغتثين والله الي ما ارتحتي طول عمرتس..

عوق بوجع\وش قصدها يوم تقول ماكملتي من عرستس ثمان شهور..

والا يوم تفاول على الولدهي ما تخاف الله يبلاها في بناتها..

ام عوق\والله يا بنتي ان كل من استهزا با احدالا وربي ابتلاه..

عوق بضحك \ما اقول الا الله يا صبر الارض بس ..؟

ام عوق بخوف\بسم الله وش جاتس مره تبتسين ومره تضحكين..؟!

عوق\كلامتس لو ضحى يوم جات تمشي...؟!

ام عوق بضحك\وانا صادزه لاتنسين شجيع ادعي له با الصبر عليها..,

ترى آل ناصر والله ما كلهم شر هذولا بنياتهم دقن يباركن لتس وفرحانات بسلامتس

وماعلينا منهم ناخذ زينهم ونتناسى شينهم..,


مر اسبوعين من ولادتي طلبت من زيادواصريت ياخذني للمستشفى بشوف ولدي..

وهذي اول مره اشوفه فيها ..!؟

زياد كان يتهرب مني لاشوف ولدي ومرات تجيني حمى وتتعبني..

وفوق هذا كله امي الي احس تعبها زاد وحتى ونينها اسمعه وانا بغرفتي ومع هذا تكابر ماتبي تطلع للمستشفى..

كلمت زياد واصريت اني اشوف ولدي وافق و تجهزت وطلعت للمستشفى..

زياد في السياره\هلا والله با ام نمر..,

عوق بفرحه\هلابك اخيرآبشوف ها النمر..,

زياد\ما عليه بتشوفينه ان شاء الله خلاص ان شاء الله كم اسبوع ويوصل للوزن المثالي ويطلع..

عوق\كم باقي طيب نفسي اتخيل شكله ما اذكر منه الا اجهزه داخل حاضنه ..

زياد\ماباقي شي ان شاءالله تدرين كم وزنه يوم انولد..

عوق بخوف \ كم ؟!

زياد\كيلو كان مره صغير ..

عوق بحيره وتردد\زياد الولد فيه شي..

زياد يبتسم \لا ابدآليش تقولين كذا بتشوفينه الحين ترى غيروا مكانه..

دخلت قسم الاطفال واحس قلبي يدق بسرعه وخايفه..

وقفت قدام حاضنات الاطفال وقفت اناظر من فيهم ولدي..

دلني قلبي عليه مثل المره الاولى وقفت قدام حاضنته وجلست على كرسي احس رجولي ما تشليني من شوفته بها الوضع..؟

بكيت غصب عني شكله الي لآن صغير وحواليه اجهزه ويحرك ايديه ورجليه..

زياد بفرح \ليش تبكين والله نموري احسن منك شوفيه يرحب فيك على طريقته..

عوق بحزن\الحين عرفت السبب انك تتهرب ماتبيني ازوره..,

زياد\ قولي الحمدلله ولدك تتحسن حالته بشكل سريع وملحوظ..

عوق بحسره\وين التقدم وها الاجهزه ليش مشبكه بجسمه..!؟

زياد\ الولد لاتنسين خديج والنزيف الي صار لك اثر عليه وفي اعضاء بجسمه الحين بدت تكتمل

وزنه زاد 500غرام يعني زيهم وان شاء الله يطلع..,

عوق بيأس\معقوله نمر بيطلع من الحاضنه ويعيش..

زيادبطمئنه\ان شاء الله ليش كذا فاقده الامل انا علشان كذا ما كنت ابغاك تشوفين الا بعد ما يقرب يطلع ..,

رجعت للبيت وانا نفسيتي تعبانه من الي شفته..!

ولدي عمره اسبوعين وحتى ملامحه ماهي باينه..,

ام عوق بترقب\ها بشري عن الولد..؟

عوق با ألم\والله ما ادري يمه شكله ما يطمن..

ام عوق\تعوذي من ابليس وادعي له ..

عوق بخوف \الله كريم لكن الولد الله يخلف علي فيه..,

ام عوق بحده\بسم الله عليتس وش ها الطيره الي فيتس

وها المستشفيات الي مليانه وراعين انولدو قبل وقتهم وش مفتوحه له غيران فيهم الي مثل ولدتس ..,

عوق تتنهد بوجع\والله يمه مهيئه نفسي لكل شي ان ربي خلاه حامده وشاكره وان اخذه حامده وشاكره..

وش بيدي لو عاش وجا فيه اعاقه يتعذب طول عمره الله يدبره من عنده با احسن التدابير..,

لكن انتي شكلتس تعبانه..

ام عوق\ والله يا بنتي ما مثل الرضا بقضى الله وانا ما بي غير الخير شوي ماغص يمكن خشة برد..

عوق \اكلم زياد يجي ياخذك للمستشفى..

ام عوق\لا بالله ريحينا من دوخة المستشفى..

عوق بخوف \وش اريحتس يمه والله ان فيتس شي انا بروح معتس للمستشفى..

ام عوق بغضب \فكينا ولاتطرين المستشفى ما نيب رايحه..

عوق با استعطاف\يا ميمتي خلينا نروح وان شاء الله انه تعب بسيط..

ام عوق بوهن \ان زاد تعبي رحت انتي بس ارتاحي ما عليتس مني..

خمس ايام على اخر زياره لولدي وكم مره يحاول زياداني ازوره

لكن ارفض احس اني اكتئبت وان ها الولد بيصير فيه شي وانا ما ابي اتعلق فيه ..

امي زاد تعبها احس وجها صاير اصفر ومهدود حيلها ..

كلمت زياد يحاول يقنع امي تراجع المستشفى ..

وبعد جهد من زياد ومني وافقت امي تطلع للمستشفى مع زياد وخادمتها..

رجع زياد وامي ماهي معاه..

عوق بتوجس \زياد امي وينها

زياد بتوتر \خالتي تعبانه وبعدين ليش ماخبرتيني شكل تعبها من فتره ..

عوق بخوف\هي رفضت وتعاند تقول انا طيبه مافيني شي امي شفيها..

زياد\ما ابي اكذب عليك خالتي لا زم تتنوم ..

عوق بخوف\امي فيها شي..

زياد بحزن\عملنا لها تحاليل واشعه وان شاء الله اليوم بشوف النتايج وعليهانقرر..

عوق \طيب انت وش تتوقع فيها ..

زياد\ما اقدر اشخص كذا لازم اشوف الفحص وهيئي نفسك لأسوء الاحتمالات..

عوق بتذمر\كيف اسوء انت اكيد عارف وش فيها خبرني ولا تقعد تمهد..

زياد\ماهو مسألة امهد لك خالتي كبيره با العمر وتوقعي اي شي حرمه تجاوزت 90سنه..

عوق \حتى ولو واذا كانت كبيره هذي امي ما ابي افقدها لو عمرها مليون سنه ..

زياد\ان شاء الله خير وبعدين ابشرك اليوم نمر افضل من الايام السابقه..

عوق بحده\ اهم شي امي نمر انولد قبل وقته ومهيئه نفسي اني افقده لكن امي لا..

زياد بعصبيه\اعوذ بالله وش ها التشائم..,

غلطان حتى الي يجلس عندك..

طلع زياد وتركني بحيرتي وعذابي..

من ها الولد الي شكله الله اعلم انه ماراح يعيش ..

والا امي الي تعبت فجأها..

اذا فقدت امي كيف بعيش بعدها..

ما ابي لا نمر ولازياد ولا شي ابي امي تبقى لي انا الي رابطني با الحياه هي..

اذا صار لأمي شي من يبقى لي انا وين اروح..,

لا زم اشوفها واقول يمه لمين تتركيني زياد كلامه ارعب قلبي عليها..

كلمت السواق يجهز السياره بشوف امي وصلت للمستشفى سألت عن غرفة لقيتها بغرفه خاصه..

دخلت عليها امي لابسه لبس المستشفى وهذي اول مره تصير امي ماترضى الا لبسها لكن برقعها مانزلت ويدها فيهامغذي..,

وحتى جسم امي صاير هزيل ونحفانه ..!

عوق بوجع\يمه اشلونتس الحين..

ام عوق بحده\طيبه انتي وش طلعتس من البيت وتوتس والده..

عوق بخوف\انا طيبه اهم شي انتي..

ام عوق بطمئنه\ماعلي شر ان شاء الله لكن رجلتس الله يهديه ابلشني غصب نومني با المستشفى..,

عوق بخوف\يمه وش تحسين فيه..

ام عوق \ ما احس بشي غير رجلتس الموسوس هو الي قوم الدنيا علي

بطني شوي يوجعني قلت عطوني علاج وطلعوني..

عوق من بين دموعها\خليهم يمه يفحصون عليتس هم ادرى..

ام عوق\وش عندهم الي يدري ويشفي الله وبعدين انتي وش بلاتس تبتسين..,

عوق بغصه \لا عادي لكن تعرفيني ام دميعه..

ام عوق \لايكون ولدتس فيه شي..

عوق بيأس \ولدي ربي الي جابه وهو الي يدبره سبحانه ماعاد يهمني اهم شي انتي..

ام عوق تبتسم بوجع \اعوذ بالله وش ها الكلام ان شاء الله يطلع با السلامه

لا يغرتس صغره يالبى عويناته الي كني اشوفها عويناتس..,

عوق وهي تشعر بمراره بحنجرتها\يمه تكفين لا تتركيني ما ابي شي من الدنيا غيرتس ..,

ام عوق وهي تمسح دموع حاره\يا بنتي انتي وش جاتس من من دَنَّتْ رحايله رَحَل كلنا هذا مصيرنا

عوق ببكى\ يمه تكفين لاتقولين ها الكلمه انامصيري ومصيرتس واحد بقعد هنا معتس نطلع مع بعض والا نتنوم مع بعض..

ام عوق بملامه\وش يجلستس عندي المستشفى بارد والمكان ما يريح وانتي نفاس ارجعي للبيت..

عوق با اصرار\انا حلفت ما ارجع الا انتي معي..

ام عوق با انتقاد\وين ايمانتس وين علمتس وهذا وانتي حافظه القرآن..

عوق ببكى \ الحمدلله ايماني بربي قوي انا وش قلت ابي امي ابي امي..,

ام عوق تتنهد بحسره\امتس يا بنتي مثل شمس النهار وقت مغربيه قرب زوالهاوانتي مثل اول النهار..,

عوق تمسح دموعها\لاتقولين كذا عشنا مع بعض ونموت مع بعض انا هذا مكاني الي ماتحرك منه الا معتس..,

ام عوق تتنهد بقلة حيله\دفي نفستس المستشفى بارد..

عوق ببكى\يمه ابي انام بحضنتس مثل قبل يمه انا خايفه..

ام عوق بوجع\لاحول ولا قوة الا بالله وش مخوفتس تعالي بحضني غديتي مره وعقلتس صغير..,

طلعت لسرير مع امي وحضنتها حبيت عيونها وشميت شعرها وهذا الشعور الي يجيني كل ماخفت من شي..,

لكن هذي ماهي ريحة امي هذي ريحة شي غريب عني ما تعودته ..

نمت بحضن امي صحيت على صوت زياد يتكلم مع امي..

زياد \من متى وهي هنا..

ام عوق\من عقب صلاة العصر وهي عندي ابي اقوم اصلي المغرب ماسكتني ماني قادره اتحرك صليت وانا بمكاني..

زياد\ما قالت لي انها بتجيك والا كان انا جبتها لك..

ام عوق با استعطاف \ماتقصر الله يرضى عليك ترفق عليهاترى هي ضعيفه مامن قلب ومتولعتن بي وتوها نفاس..

زياد يبتسم\ماهي مشكل ام نمر تدلل لها الي يرضيها..,

اردف زياد بتردد \خاله بنسوي لك اشعه..

ام عوق\انتوا ما شوعتوني خلاص..

زياد \لا هذي اشعه مقطعيه..

ام عوق\ سبحان الله هذا انتم تهولون وتكبرون الشي البسيط..

زياديبتسم با الم\و ش نسوي غاليه عندنا لازم لك رعايه خاصه ..

عوق بتعب \بروح مع امي للاشعه..

زياد\ ماشاء الله صحيتي ارتاحي يا عوق خالتي لا زم 4ساعات تكون صايمه قبل الاشعه..

عوق\لا انا مع امي وين ما تروح ..؟

ام عوق بضحك\ خلها بكيفها لا تزعل عوق المزايين..

عوق تحتضن كتف امها\من زمان ما سمعت ها الاسم منتس يمه..

ام عوق بضحك\ابعدي ضايقتيني وش يقول عنتس رجلتس الحين

عوق بحده\ما علي منه انا معتس..

زياد يبتسم \خليها يا خالتي انا لي نمر الي بياخذ حقي منها..

ام عوق\يا سقى الله يوم اشوفه يلعب بينا..

زياد يتنهدبحسره \الله كريم يا خالتي..,

نبرة صوت زياد غريبه ليه قال كذا امي او نمر فيهم شي احساسي يقوله

زياد\خالتي بكرا الاشعه لأنك لازم تصومين عندي شغل اذا خلصته مريتك..,

سهرت الليل وانا بحضن امي على ان زياد طلب من ادارة المستشفى سريرمرافق لي لكن مانمت عليه نمت مع امي..,

الممرضات جهزو امي وانا طلعت معاها لغرفة الاشعه احس زيادواطباء با المستشفى مهتمين بزياده

ماادري علشانها ام زوجة زياد او ان امي حالتها خطيره..

رفض زياد ادخل مع امي داخل غرفة الاشعه و جلست انتظرها ..
.
.
.
(كلمه اخيره)


‏س: كيف يسلم العبد بقضاء الله جل وعلا وقدره؟

ج: يوقن بأن ربه عز وجل منزه عن الظلم وأنه أرحم به من نفسه،

وأن الحياة الدنيا ما هي إلا طريق للعبور إلى الآخرة بعد الحياة البرزخية،

ويعلم بأن القلوب أوعية لا علاقة لحياتها بحياة الإنسان الظاهرة،

فقد ينعم ساكن الكهف رضا وقناعة، وتشقى قلوب من في القصور تسخطا وجزعا.

(صالح المغامسي)
.
.
.

الي الملتقى قريبآبأذن الله

وسالفه جديده


طيف الأحباب

ام الوليد

تذكروني واحبابي بدعوه طيبه