بسم الله الرحمن الرحيم

اللهم عليك بحاكم سوريا وحزبه. اللهم عليكم بحاكم سوريا وحزبه. اللهم إنّهم جاهروا بحربهم ومعصيتهم لك يا أالله.إنّهم والوا
الكفر واهله وقاتلوا الاسلام وأهله ، خلّصنا منهم يا الله ، خلّصنا منهم يا الله ، خلّصنا منهم يا الله .
اللهم اقصم قروءهم واكسر شوكتهم ، واذلّ عزيزهم.
اللهم إنّا نجعلك في نحورهم ، اللهم يا ناصر المظلومين ، ومغيث المستجرين ، ورافع الكرب عن المكروبين ، اللهم كن مع اخواننا
في الشّام ، اللهم كن مع اخواننا في الشّام، اللهم كن مع اخواننا في الشّام.
اللهم انصرهم على من ظلمهم ، وانصرهم على من عداهم . اللهم ارحم شهدائهم وموتاهم الذّين شهدوا لك بالوحدانية.
اللهم امددهم بجنود من عندك . اللهم انصرهم على من ظلمهم وانصرهم على من عاداهم.
اللهم اغسلهم بالماء والثلج والبرد واجعلهم عندك من المقرّبين في جنّات النعيم .
اللهم شاف مرضهم واجبر كسرهم واشف جرحاهم . اللهم فكّ قيد أسراهم ومسجونيهم . اللهم انزل السكينة والصّبر على أهليهم
وذويهم .
اللهم وفّقهم لما تحبّه وترضاه . اللهم ألهمهم الرشد والصّواب لقول الحقّ والعمل به ، ولنصرة الاسلام وإعلاء راياته والعمل بكتابك
وإقامة الخلافة الرّاشدة . انت وليّ ذلك والقادر عليه.
.
.
.
هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر..,

او با الرسائل الي تجيني على الخاص ممتنه للجميع..,

البارت اهداء لكل من سطر في متصفح نوح الحمام ولو بكلمه وحده من دون استثناء..,

سواء مدح اونقد اوحتى يسأل عن مواعيد البارتات دليل اهتمامه با الروايه..,

اعجز عن شكركم عملاقة ليلاس على التميز وممتنه لثقتكم الغالية

ما عندي شي اقدر اكافئكم فيه على ثقتكم وعلى هذا التكريم المميز

الا في بارت استثنائي بأذن الله يوم الخميس

شكرآ من الاعماق آ ل ليلاس ..
.
.
.

اليوم بنشوف عوق المزايين واسم زياد يحاصرها بكل مكان..!


يا الله تعالوا معاي...!!

وسالفه جديدة؛


.
.
.

البارت السادس والعشرون
.
.
.

ناهد\عوق انتي كم لك متزوجه..,

عوق بحزن\تقريبآ4شهور ..

ناهد\رتبي وضع حملك علشان ولادتك تكون على اجازه ترى مافيه اجازة امومه عندنا..!

المسموح فيه اسبوعين اذا حملتي وجات ولادتك وقت الدراسه بتتعبين..!

عوق \ان شاءالله ..,

طلعت من غرفة المعلمات للأداره بشوف استاذه شيخه بقولها تدبرني..

لقيت عندها خوله ..

عوق \السلام عليكم..

شيخه وخوله\وعليكم السلام..,

شيخه تبتسم \هلا عوق كن عندك شي والا انا غلطانه..!؟

وقفت خوله \عن اذنك استاذه شيخه ..,

عوق بقلق وتوتر\لا خوله الموضوع الي جايه علشانه لازم انتي واستاذه شيخه تسمعونه..,

خوله بخوف \عسى ماشر..,

عوق \ماشر ان شاء الله لكن انا نصابي كثير ومتعب جدآ..,

شيخه بتفهم \قلت لك بس الفتره هذي وان شاء تنحل المشكله ..!

عوق بتوتر\لا والله استاذه شيخه انا ما يشكل عندي مشكله لوكنت زي اول..!

لكن انا تعبانه يا استاذه شيخه وبا امكاني اترك المدرسه

لكن حاسه بمعاناة البنات ولا ابي اخذلكم..!

شيخه با استفهام \الله يجزاك خيروالمطلوب ؟

عوق بتوتر\استاذه شيخه انا ما اقدر على اكثر من منهج وخصوص الفتره هذي..!

خوله \ليش !

عوق با ارتباك وتردد\انا, اناحامل وأواجه مشاكل بحملي..؟!

والدكتوره طالبه مني الراحه علشان ما اضطر اخذ مثبتات للحمل او افقد حملي..!

شيخه وخوله بفرحه\الف مبروك عوق ..,

خوله\ الله يتمم لك وتقومين با السلامه..,

عوق منحرجه\الله يجزاكم خير...

شيخه بعطف \المدرسه سبب تعبك..!

عوق بضيقه\لا والله استاذه شيخه ماهو بس المدرسه..؟

عندي امور عالقه بحياتي الشخصيه وزاد عليها ضغط الحصص...!؟

خوله \عوق انتي مدرسه كفؤ وخساره كبيره على البنات انك تتركينهم با الوقت هذا..

انتي عارفه احنا محتاجينك اكثر من حاجتك لنا..,

شيخه \عندي حل لك وان شاء الله يعجبك ومرضي لنا ولك..!

عوق \ليت والله استاذه شيخه..,

شيخه \انتي خلك على منهج النحو ونصابك الاول كويس وبنزيد لك حصةنحو ..,

عوق \مومشكله..,

شيخه \ونظيف لك مادةالانشاء 4 حصص في الاسبوع بيصير عندك 20 حصه

عوق بتذمر\مافي فرق استاذه شيخه انا اكبر مشكله عندي طلوع السلالم..!

شيخه \لا فرق بيطلع نصابك 16نحو والانشاء 4 ونزلي البنات للمعمل تحت..!

خوله \خلاص وانا برتب لك مع مدرسات العلمي نريحك من طلوع السلالم ..!

حصصك راح تكون با المعمل تحت..

شيخه\ونعم الرأي خوله اذا هو معجب عوق ..,

عوق با امتنان\ والله ما قصرتوا الله يجزاكم الف خيرلكن لي طلب ..!؟

شيخه وخوله \اطلبي.. !؟

عوق بتردد \ما ابي احد داخل المدرسه او خارجها يعرف بموضوع حملي..!؟

ضحكت خوله \يا شينكم يا بعض الناس كل هذا خوف من العيون...!

عوق بضحك\ وش تبينا نسوي محد حمل الا عوق..!

طلعت من الاداره وانا فرحانه الحمدلله ان شاء الله انه لاضر ولا ضرارعلي او على الطالبات ..,

انا احب اذا مسكت عمل اتقنه وما اخلي لأحد مجال للأنتقاد

والا بأمكاني امشي الحال با الشرح ولا اضغط على نفسي لكن هذي امانه...,

دخلت حصصي واخر الدوام رجعت للبيت امي بغرفتها وتنتظر متى اجي علشان نتغدى سلمت عليها..

عوق بفرح \بغيرواطلع لك...

وضحى \ماشاء الله اليوم راجعه مستانسه

دخلت غرفتي ولبست وطلعت لأمي..,

وضحى تبتسم \وش عندتس ونسيني معتس

عوق\لا ابد والله مشاكل با المدرسه وانحلت ..,

وضحى \الله يسخر لتس ويهون عليتس كل عسير..,

عوق \آمين يارب ..,

حضرت الشغاله الغدا

وطلبت من الشغاله تصلح لي تبوله وسلطة فواكه كلام المعلمات اليوم لي يخوف عن فقر الدم

وضحى با استغراب\ليه ما اعجبتس الغداء..,

عوق تبتسم \با العكس يمه حلو الخدامه تعلمت وصارت كربون طبخي لكن انا بخفف وامشي على ريجيم ودي انحف..!


ضحكت امي على كلامي..؟؟؟

وضحى تهز راسها بسخريه \رجيم الله لايبلاناوانتي حامل وشلون تجي..

مير انتي ذايبه وضعفانه لكن الي نافعتس عظامتس اعراض

ما يبين عليتس الحمل ولا يلاحظ الا الي يعرفتس حملتس بصدرتس وكتوفتس ..؟!

رحتي با الجسم وكبر العظام لشقحا الله يرحمها تسمن لو على شربة الماءوما تضعف من الشي الهين...,

عوق تبتسم بتهكم\الحين ابي افهم يا الوضيحي اقولتس ماني حامل وانتي مصره على كلامتس ..,

الحين انتي وش دراتس..,

وضحى بضحك \دراني ازيدعن شهرين عندي ما قطعتي صلاتس ..

ودراني كل فجر تطلعين علي طالعه عيونتس معدتس قالبه عليتس طاقتس الوحام..,

ودراني مانيب بنت البارح علشان يجهلني الحمل...!

انا صدق ماجربت الحمل لكني فطينه واعرف ...

وان ماخاب ظني انتس تعديتي الثلاث شهورحامل

عوق با ارتباك\لا يمه لا حمل ولا شي ..!

الدوره عادي تلخبطت علي بعد زواجي واصلن اتحراها ها اليومين..؟

وضحى تضحك بتهكم \تحريها وانا امتس تحريها عساتس ماتشوفين الي يروعتس..,

لكن لا تغضبين ربتس تفوتين صلاتس تبين تقنعيني انتس ما انتي بحامل..!


الشغاله نزلت التبوله وسلطة الفواكه وقلت لها عطيني شنطتي..,

عطتني شنطتي واخذت الادويه الي صرفتها الدكتوره

وضحى بغضب \وش تبلعين انتي مهبوله..؟!

عوق \يمه ليه هذي صرفتها لي الدكتوره عادي..

وضحى بسخريه\وعساتس بعد داسه عنها حملتس ..؟

امي حشرتني بزواية وشلون اصرف نفسي ...!!!

عوق\يمه هذي حبوب لفقر الدم والدوخه الي تجيني..,

ماتضر ياخذها الكبير والصغير والحامل والمرضع عادي..,

وضحى با استنكار\والله ماخبرت مره اخذت علاج وعينت خير بحملها من خلقت ...!

وفقر الدم ليه وها الانعام من مسكر فمتس لاتاكلين ...؟

عوق بحسره\يمكن علشان نفسيتي بعد الي صار لي مع زياد..,

وضحى تتنهد بضيقه \متى بس عطلة المدارس..!

عوق \باقي يمه عليها ليه..؟

وضحى\نسيتي بطلع مع سعد للبر..؟

والله اني اتشفق لشوفة الربيع عسى الله يغيثنا ولا يجعلنا من القانطين ..,

عوق بفرحه \اي والله يمه وانا مثلتس ابي اغير جو..

وضحى بحده\لا بالله انتي تقعدين با البيت وش يروحتس معي ..,

قبل ما اقدر اتركتس وراي واروح ولا اقدر اخذتس ونطول با البر اخاف عليتس الدنيا وحالها..؟

لكن الحين خلاص انتي حرمه متزوجه وكل الناس داريه وماعلينا من احد..

هذا غير حملتس الي اتعبتيه بها الوظيفه الي ربي ماهو بمحيجتس لها..,

بعد تبين تعذبينه با البران..,

وعندتس الشغاله والسواق يونسونتس ..,

عوق بملامه \يمه هذا كلام كيف تروحين بدون شغالتس وتتركيني با الحالي من تتركيني له..,

وضحى بحزم\مع ال سعد بدال الشغاله ثنتين وش نبي فيهن نجمعهن..,

وانتي محتاجتها اكثر مني بااطول معهم وعقب المدارس بعود..,

ام عوق تضحك وتبلع غصه\وبعدين وانا امتس تاركتس تاركتس با لحالتس رضينا والا نرضينا ..,

ان كان مهو اليوم باتسر..,

عسى الله يجملنا با الستر ويختم لنا بموته هينه لينه وحنا على طاعة ربنا..,

عوق بوجع وخوف \لا يمه لاتقولين كذا الله يطول بعمرتس..,

غثني كلام امي يعني لا زم تنكد علي..,

قمت لغرفتي مهمومه ومقهوره عكس يوم رجعت من المدرسه..,

وظيفتي بغض النظر عن راتبها مسويه تغيير لروتين بحياتي..,

يمكن لو ما توظفت وعلى كلام امي هذا اذا ما انتحرت ما يردني الا نفسية شهار..,

حتى دموعي صارت عصيه الا اذا اطرت امي الموت..,

فتحت شنطتي بشوف الساعه كم با الجوال لقيت رساله بجوالي من زياد

كاتبه فيها؛

(لا اجيد فن الااعتذار ولكن عذري ان لي قلبآهام بك حبآ وذاب شوقآ للقائك )

متأخره جات رسالتك يا زياد وش عقبه بعد ما مات قلبي

حولت جوالي صامت بنااااام تعبانه

صحيت عقب العصرصليت طلعت اشوف امي لقيتها بمظلتهاجالسه

وضحى \كلمي وانا امتس نوره ضايق صدري خليها تجيني..,


روعني طلب امي لخالتي نوره ..,

عوق بخوف \يمه وش فيتس عسى ماشر يوجعتس شي...!

وضحى \لاحول ولاقوة الابالله وش بلا وجهتس انصفر ما فيني شي خليها تجي تقهوى بس..!

طلعت كلمت على بيتهم وانا ادعي ان خالتي ام ابراهيم ما ترد علي..,

وجهي طايح منها عقب اخر مره غلطت عليها وحملتها مسؤلية فشل زواجي ..,

يعني هي وش دراها انه بيصير كذا ..؟

عوق منحرجه \السلام عليكم..,

نمر بفرح\هلا عوق واخبارتس طيبه بشرينا عنتس..,

عوق بتهكم\ نمر..!هلابك وشلونك يا شايبنا..!

نمربضحك\الحمدلله تطورت من محرم لشايب..,

عوق \سقى الله ذيك الليالي يا نمر يوم امي تناديك تطلع معي ومرات تنام با السياره..,

نمر يضحك \لا ابشرتس الحين انا الي اسوق ماعاد فيه نوم بالسياره..!

عوق \وين خالتي..؟

نمر\طالعه لسوق مع جهير..,

من تصبح لين تمسي وهي با السوق اقلقتنا يا شيخه وطفشت امي..,

عوق تبتسم\الله يعين ..,

نمر بممازحه\اي والله الله يعين على مثل الجوهره ما كأن احد تزوج الا هي..,

تدرين الصباح تطلع مع امي وابوي لسوق وتخم, تخم, تخم الي با السوق كله..؟

واذا جا العصر رجعت لسوق ترجع الي اخذته الصباح اجلوا عرسها وابتلشنا فيها..,

عوق بضحك \عدوي يجي على لسانك..,

نمر بتهكم\هذا وانا امدحتس اليوم ..,

عوق بضحك \الله يسلمك من طيبك..!

نمر بسخريه\الجوهره اذا جات تطلب شي قالت بسرعه حرم الدكتور نواف ما تنتظر..؟!

قلت لها والله لو انتس عوق رجلها استشاري وصوره ماليه الجرايد ماكبر راسها علينا..,

وانتي راستس صار كبر المنطاد شوي والا تطيرين وزوجتس ها الدربحه توه اول المشوار..,

عوق بضحك \حرام عليك نمر منين تجيب ها السوالف..,

نمر بسخريه \لا ودبلت الكبد يا عوق نواف ازيد منها..,

قدر ولقى غطاه هو والجوهره سبحان الي جمعهم..؟!

البارحه عشا عند خالي عبد الرزاق ومن جلسنا الين قمنا ونواف ماغير اناوانا..,

شكيت انه الدكتور الوحيد على وجه الارض بغيت احرج عليه قدام المعازيم..

لكن خفت من ابوي وابراهيم يزعلون...,

رجلتس كان موجود ماقال كلمتين على بعض ما شاء الله عليه كلمه ورد غطاها..

يوم سلمت عليه قال لي هو انت نمر سمي ولدي ما ادري ولدي سميك..,

تستاهلينه ويستاهلك ملك با الاخلاق والتواضع هالزياد..

الووووووووعوق انتي معي..,

عوق تغمض عيونهابوجع \معك , معك نمر سلم على خالتي والبنات واذارجعت قلهاتمر امي..,

نمر \ ابشري لكن انتي بطولين عند خالتي وضحى!

عوق با استغراب\ليه تسأل..؟!

نمر \لا بس البارحه زياد يتكلم عن امريكا ما فهمت وش يقول ..!

لكن شكله بيسافر وبيطول عنده شغل سمعته يقول شهرين ..,

تكفين لاتسافرين الامتحانات على الابواب..,

علشان ارسل لك كتاب النحو والنصوص تشرحين لي على الكتاب وتحلينه..

ان سافرتي جبت العيد قبل رمضان..,

عوق \علشانك بجلس اجل ..,

نمر \الله يسلمتس احرجتيني والله من طيبتس يا ام نمر..

طلعت لأامي وكلام نمر في بالي زياد بيطلع لأمريكا اكيدفي شي

اخاف اسأل امي وتفهمني غلط ...,

يا حليلك يا زياد الظاهر شوفتك لنمر ذكرتك فيني وخلتك ترسل ..!

عوق \ام ابراهيم طالعه لسوق اذا رجعت ان شاء الله تمرتس..,

وضحى با استغراب \من رد عليتس اسمع ضحكتس وانا بمكاني..!

عوق تبتسم\ومن غير ابو لسانين نمر..,

وضحى \ايه يا حليله ماشاء الله عليه غدى رجال الحين ابو 14والا15

لا تطولين با الهرج معه مره ثانيه..,

عوق بتذمر\الا نمر عاد والله انه مثل ولدي ...,

وضحى با انتقاد\جعل الي في بطنتس ولد صالح ما قلنا شي ..,

انتي تشوفين نمر مثل ولدتس لكن هو ما فتشنا قلبه وشفنا وش فيه

ولا العرب فتشت قلبتس وعرفت وش هي نيتس ..,

عوق بعصبيه \وش الي في بطني مافيه شي والناس وش لها عندي..!

وضحى بحزم وحده\اسمعي انا ماشيه بعد كم يوم مع سعد للبر وكلامي احفظيه زين..,

لا تجسرين احد عليتس با الكلام لانمر ولا غيره..,

كثرة المزوح مع الرياجيل حتى لو قلوبكم بيضاءتبرد الوجه وتنزع الحيامن الانثى ..,

واظنتس فاهمتني ماهي اول مره اصب ها العلم با اذنتس..,

قمت من عند امي ودخلت غرفتي قعدت ابكي من القهر ياربي الي متى ها الانتقادات

وشلون لو تطلقت اذا هذا كلام امي الي ربتني وعارفتني اجل وشلون البعيدين..؟

اسمع صوت امي تنادي شكلها دخلت تصلي المغرب طلعت لها..,

وضحى بخوف\بسم الله عليتس ليه تبكين !

عوق بضيق \لا مافيني شي بس متضايقه ..,

وضحى بخوف\الله يكفيناشر ضيقة المغرب لاتخلين قرآنتس الحصن الحصين..,

عوق من بين دموعها\لا ماهو مثل ما انتي فاهمه لكن ضايقني كلامتس لي قبل شوي ..,

يعني الي متى بيلحقني عار مشاعل..,

وضحى بحسره وحزن \عار مشاعل وسمه كوي نار ما يتغير على طول الزمان الله يعينهاعلى بلواها..,

اردفت ام عوق وهي تتنهد بوجع\يا عوق مشاعل مثل الحمامه الي كسروا جنحانهاوخلوهاتنوح..,

محد درى عنها هي تغني والا تبكي..,

وسبحان الله يا بنتي فيه الي ازود من مشاعل لكن ربي ساتر عليهن الله يكفينا الشر..

وكلامي لتس كل ام تقوله لبنتها تنبها..!

مرات الانسان يغفل والذكرى تنفع المؤمنين والله ماهو قصدي اجرحتس والا اضيق صدرتس..,

تعوذي الشيطان قومي تجددي وصلي المغرب واتركي عنتس وساوس ابليس..!

قمت صليت المغرب وكالعاده الرحله اليوميه تحضير دروس ولبس لبكرا

ملابسي بدت تضيق علي والا انا يتهيئ لي..,

نادتني الخادمه تقول امي تبيني با الصاله ام ابراهيم عندها

قلت خلاص روحي انا طالعه لها..,

يا ربي طايح وجهي من ام ابراهيم عقب الي صار وشلون اقابلها سميت بالله وطلعت لها..,

يوم شافتني فزت وقامت بوجهي وسلمت علي

ام ابراهيم بفرحه \وشلونتس ياعوق مبطيه عنتس ..!

عوق منحرجه \طيبه ياخاله لكن مشغوله مع المدرسه..,

ام ابراهيم با استغراب \وش فيتس متغيره بسم الله عليتس..!

وجهتس نحفان وعيونتس باين بها التعب وجسمتس ماهو الي حنا خابرين..,

عوق بتوتر\لا مافيني شي تعرفين المدارس الاهليه ضغط مو طبيعي..,

ام ابراهيم تمسك ايدين عوق بدهشه\ماهي سالفة مدرسه وجهتس اصفروتعبان..؟!

وشوفي عروق يدينتس طالعه والله مالتس شبيه الا الي ماكل اكل ملوث ومتسمم..,

ام عوق تضحك بمشاكسه\صادزه يا نوره عوق تعشت عشا دسم غث تسبدها ولا تبي تعترف يمكن نلقى له علاج..؟!

فهمت امي وش تقصد ما ادري وش ارد عليهاوقفت ابي اهرب لغرفتي من كلام امي..,

عوق با ارتباك واحراج \سلمي خاله على البنات وباركي للجوهره..,

ام ابراهيم\يوصل وانتي وش بلا حابسه نفستس اطلعي سيري عليناالبنات فاقداتس..!

عوق بتوتر\والله مشغوله ما افضى والا والله انكم على البال..!

ام عوق بتبرير\نهارها كله تقضيه با المدرسه والا حابسه نفسهابغرفتها..؟!

ام ابراهيم \الله يعين يا وضحى والوقت ما عاد فيه بركه

اجلسي وين تبين لاحقه على ها الدروس ..!

عوق\عندي تحضير واجد مابعد سويت فيه شي..,

طلعت لغرفتي وانا اغبط خالتي ام ابراهيم تضحك عادي معي وتسولف..!

وهي طالعه اخر مره من بيتنا تبكي من كلامي لها

وبناتها فا قداتني ويسئلون عني ونمر يرد علي عادي اكيد ما عطتهم خبر عن الي صار..!

لوكنت انا كان قومت الدنيا وقعدتهاهو العيب فيني والا في الناس ..؟!

مر اسبوعين على جدولي الجديد ادرس مادتين النحو الانشاء ...,

وضعي تمام حتى الماغص الي كنت احس فيه ماعدت احس فيه..!

اليوم رجعت للبيت متأخره امي جالسه تنتظرني..

ام عوق بخوف\هلا يمي ليه تأخرتي با المدرسه..!

عوق تجلس بتعب\الي اخرني بنت في اول ثانوي من اليوم اتنظر اهلها..!

ما في احد جا لها اضطريت اني اوصلها آخر الدنيالبيتها ..!

والمشكله حتى بيتها ما تعرف وينه قعد يسأل السواق حتى وصلناها..!؟

ام عوق با استنكار\مافي مدارس قريبه من بيتهم ؟

وش الي يحد اهلها يبعدونها!

عوق بتهكم \ إلا فيه قريب منهم مدرسه خبرتي حي مافيه مدرسه والا مدرستين المدارس اكثر من المدرسات..!

سألتها قالت استاذه صديقاتي الي كانو معي با المتوسط انقلوا هنا وانا معهم..!

ام عوق بتعجب \بعض اهل هم الي يرخون الحبل لبناتهم ويعطونهن على كيفهن..!

عوق\المفروض من الاهالي ما يطاوعون البنات خلاص يشوفون اقرب مدارس لبيوتهم ويسجلون بناتهم..!

الواحد ما يعرف ظروفه يتعب يصحى متأخر ..,

مشوار المدارس يقطع القلب والدقيقه محسوبه على الطالب ..!

ام عوق \خلينا من سوالف المدارس الي ما تخلص قومي تغدي ...!

عوق\طيب بغير لبسي واجي ..!

ام عوق على الغدا \اليوم مع المغرب بيجي ناصر ولد سعد بياخذني..! ؟

كلمني سعد يقول تعالي وسعي خاطرتس الجو زين و شوفي الذود الي انا شريت على شانتس..!

عوق بألم \تروحين وترجعين با السلامه..!

ام عوق \وش فيتس تعبرين مانيب متأخره..!

سكري بيبانتس زين والخدامه والسواق عندتس..,

والجيران يحسبون رجلتس يضوي عليتس كل ليل ماعليتس شر ان شاءالله..,

عوق بقهر \ليتنا افتكينا من ها الزواجه كان ارتحنا..!

ام عوق\تعوذي ابليس وهو رجال راح في حاله ..؟

وانا نبهته لا يحاول يزعجتس ماعاد نبيه غير ضلال تشوفه الناس وترهب قربتس..!

عوق بوهن \بقوم اصلي العصر واريح..,

دخلت غرفتي وبكيت غصب عني حتى امي صارت تتهرب مني تتركني هنا با الحالي..,

عمرها ما سوتها الا يوم تزوجت هالعله الي اسمه زياد..!

صليت ونمت صحيت على صوت امي تبي تودعني ناصر ولد سعد ينتظرها..,

طلعت اودعها عند الباب حاولت اكون جدآطبيعيه ما ابيها تحس اني متضايقه ..!

فضى علي البيت برجع للوحده الي كنت عليها في بيت زياد..!

صرت اكره الليل احس هموم الدنيا تجتمع على راسي فتحت الجوال لقيت رساله من زياد؛

(ليتك مثل طيفك تجيني على طول

ياروح روحي يا شريك بحالي)

هذاوش جاه قام يرسل لايكون يدري ان امي طلعت للبر..!؟

ترسل والا ماترسل يا زياد..,

لافات الفوت ما ينفع الصوت ..,

هذا الجوال وقفلناه علشان نريح روسنا من هبالك..,

اسبوعين من يوم امي طلعت للبر وانا بعدهاكل يوم ازيد انطوائية..,

حتى المدرسات ما قدرت اندمج معهم على ان كثير منهم حياتهم مآسي

يرمونها وراهم من يوم يدخلون سور المدرسه..؟!

انا ماعندي ها القدره عايشه بصمت..,

اعطي الدرس وبعده سؤال جواب سواء الطالبات او حتى المدرسات..!

امي تكلمني من جوال سعد على البيت تتطمن علي والا جوالي من سكرته نسيت وجوده..؟!

الجيران من طلعت امي للبر ما صار احد يمر وجهي بوجه الخدامه

تخلص شغلها وتطلع للملحق عند زوجها..!

واجلس كل ليلي با الحالي احس بوحشه ماادري خوف

على اني متعوده اكون دايم با الحالي..!

لكن فاقده امي حيل ما في صوت الا التلفزيون..,

افتحه على اذاعة القرآن الكريم 24ساعه حتى اذا طلعت للمدرسه منبهه على الخدامه تترك القرآن شغال في البيت..,

اليوم في غرفة المدرسات اسمع اثنين من المدرسات يسولفون..,

ناهد\معقوله للحين الجنين ما تحرك..,

اميره بخوف\لا والله على اني قربت اخلص الرابع وتعرفين ناهد اول حمل لي ماعندي خبره..!

لكن خواتي يقولون على 16اسبوع يتحرك وانا اتوقع اني كملت 16اسبوع..؟

عوق بنفسها\غريبه انا بعد ما احس بحركه مثل ما يقولون لا يكون صار للجنين شي وانا ما ادري..!

بطلع للمستوصف اليوم اشوف..,

ناهد \عوق وش فيك ساعه انادي عليك ماتردين الي ماخذ عقلك

عوق \لا ابدمعك بغيتي شي..!

ناهد تبتسم\سلامتك لكن بغيت اسألك انتي حامل

عوق بتوتروارتباك\لا ليه باين على شكلي ..؟!

ناهد با استغراب \صراحه باين من وجهك وشكلك انك حامل انتي صادقه والا تمزحين ..!

معقوله ما انتي حامل طيب متى اخر دوره لك..؟

عوق بتردد \ما ادري ناسيه انا دورتي متلخبطه ..,

ناهد بملامه \ ما ينفع كذا لازم تشوفين نفسك..؟!

اميره \عوق صدق بساءلك كم مره وانسى..,

عوق تبتسم با ارتباك\لايكون على سالفة الشبه ..,

اميره تضحك \لا ها المره سؤال اقوى من الشبه ويويلك اذا قلتي اني غلطانه..,

عوق بنفسها\الله يستر من سؤالك..,

اميره تضحك بممازحه \ وش فيك انخطف لونك..,

اردفت \كنت بسألك صدق الدكتورزياد عبد اللطيف استشاري نساء ولاده زوجك..,

عوق با استغراب وقلق \ايوا ليش ..,

اميره تبتسم با اعجاب \ ماشاء الله دكتور مره شاطر ومعروف وزحمه مواعيده با الموت تدخلين عليه...

اردفت امير ه با استعطاف\اذا ما في احراج انا اراجع عنده لكن تطول مواعيده تكلمينه يقدم لي موعدي..!

ناهد منبهره \صدق عوق هذا زوجك ..!!

كم مره اتابع لقاء له في التلفزيون استشاري عقم واطفال انابيب هو صح..؟

عوق منحرجه\ما ادري لكن هو دكتور نساء ولاده..!

ناهد بضحك\يا حظي زوجك استشاري وانتي مهمله نفسك صدق من قال باب النجار مخلع..!

اميره تلتفت لعوق بوجع \معاها حق ناهد لا تهملين نفسك انا ترى حملي هذا ما جا الابعد شق الا نفس..

ناهد بدهشه\ على انه عمره صغير على اختصاصه سمعت انه عالج حالات كثير يئسواانهم يحملون..!

اميره \انا كثير والله انصحوني اروح له وراجعت عنده..!

والحمدلله ربي رزقني بها الحمل الله يتممه ويجزا الدكتور زياد كل خير..,

اردفت اميره\انا ما افوت اي برنامج يختص با الحمل وكم مره شفت برامج يستضيفونه..

لماراجعت عنده با المستشفى شكله با الحقيقه يختلف عن التلفزيون ..!

ناهد با استغراب\صدق عوق تدرين ما كنت اظنه سعودي اول مره شفته..!

كثير قريت له لقاءات با الجرايد وانه كان با امريكا لفتره طويله..,

توقعت يوم يتكلم بتكون لهجته مكسره يوم سمعت كلامه انفجعت سعودي مره..,

اميره \لا بعدو كلامه مطمئن ما تتخيلين جيته يا ئسه اني احمل و زوجي متحطم

وخلى عندنا امل من اول مراجعه معاه ..؟

اردفت اميره با ابتسامه \وحتى حياوي وكلامه قليل ويتكلم ولا يناظر بوجهك ..!

تدرين عوق انتي وهو قدر وغطاه بصراحه تستاهلينه ويستاهلك ..!؟

عوق تبتسم\ قبلك قالوها ناس ..؟!

اميره\ اكيد اتابعين البرامج الي يطلع فيها زوجك صدق عوق ما تغارين يوم تسمعين كل الي يكلمونه حريم ..؟

عوق بوجع\ليش اغار مايكلمونه الي ضايقه فيهم الدنيا..,

ناهدتبتسم بعدم تصديق \ معقوله زوجك كل ها الوسامه وبتقنعيني انك ما تغارين..!

أو ماواجهته مضايقات من الجنس اللطيف..,

عوق تبتسم بتهكم \ما عليك واثقه من مكانتي عنده وبعدين هو ماعنده لف ودوران ..,

اميره \اليوم في برنامج له على الساعه9 مباشراعلنواعنه الاسبوع الي فات قالوا بيستضيفونه..,

ناهد بضحك \اجل يا الواثقه بتصيرين لنا واسطه بالنساء والولاده لكن واسطه مهمله نفسها..!

اردفت ناهد بترجي\تكفين عوق ما ابي اخوفك

لكن لاتهملين نفسك شوفي بطنك كيف صايره اكبرمن بطن اميره الحامل..!

عوق تبتسم \ بس علشانتس ناهد بشوف نفسي..,

ناهد بممازحه\تخيلي عوق تطلعين حامل وانتي ما تدرين..,

عوق تبتسم بتهكم\كل شي جايز..,

اليوم طلعت بدري من المدرسه فترة مراجعه وقريب الامتحانات النصفيه..,

بعد العصرنزلت لسوق ملابسي ضاقت علي بشكل ملحوظ والبرد دخل علينا احس فجاءه..!

اشتريت لبس مريت للمستوصف بشوف سالفة حركة الجنين..!

انا طبعي احب اخلص مشاويري مره وحده بيوم واحداقضي شغلي كله ما احب اروح وارجع..؟

دخلت عند الدكتوره فحصت عادي...

الدكتوره \وضع الجنين تمام لكن انتي لازم تهتمي بنفسك..؟

واهم حاجه نبعد عن فقر الدم مش عاوزين مفاجاءت مع الولاده..؟!

عوق بخوف \كيف مفاجاءات ..؟!

الدكتوره\متخافيش انا بئول كدا تحسب لنزيف مع الولاده وانك تحتاجي لنئل دم بس..؟!

عوق بقلق\دكتوره انا الجنين للحين ما احس بحركته انا اسمع ان الجنين يتحرك ب16اسبوع..؟!

الدكتوره\عادي علشان انتي بكريه ممكن من 18الي 19اسبوع تبدى الحركه..,

اهم حاجه انو احنا بنشوف حركته على الجهاز..؟

راجعيني كمان 4اسابيع وان شاء الله يكون الجنين بيتحرك وتطمني..,

طلعت للبيت اليوم طفش بزود..,

المناهج ختمتها وسلمت الدرجات ..!

جلست بمظلة امي اشتقت لها هذا مكانها با الصيف...

وبا الشتاء تدخل المشب وتشب نارها من الصبح ...

ياربي يا طول الليل الوقت للحين بدري..

اوووووه صح الساعه9موعد البرنامج الي بيستضيف زياد..

لاشعوريآدخلت وفتحت التلفزيون وقعدت افرفر با القنوات ما ادري اي قناةيطلع عليها..!؟

اخيرآ شفت البرنامج الي مستضيف زياد..

زياد با البرنامج كلامه واسلوبه غير عن الي اعرفه..

البرنامج كان ساعه ماحسيت با الوقت الا يوم خلص البرنامج..

الله يسعدك يا ناهد مكذبتني اني مااغار وش اغار عليه ..!!

كثير حريم كلموه يدورون عنده حلول وهو يرد ..

يطمن ويشرح وينصح ان العلاج يعتمد با الدرجه الاولى على الحاله النفسيه..,

وان الانسان ما ييأس من رحمة الله ناسي وش سوى فيني..

كلامه لناس عسل وكلامه لي سم..

والا حالته النفسيه من بعد وفاة امه وانهياره ليش ما طبقه على نفسه

الكلام واعطاء النصايح سهل لكن البلا تنفيذها..!

تعشيت عشا خفيف مالي نفس بس علشان ها الطفل اجبر نفسي..

دخلت بنام واحس ما فيني نوم الساعه 11الليل ..

اخذت الجوال بشوف وش فيه على قفلته من اخر رساله من زياد..؟

فتحته ومنبه الرسايل ما وقف رسايل كثيره..!

من ريم وخواتها ومن زيادورساله من رقم غريب ..!

ريم وخواتها تعليقات وسلامات ..!

وزياد مرسل رسايل حب واستعطاف لي..!؟

والرقم الغريب الرساله فجعتني والمشكله عارف اسمي..؟!
.
.
.

(كلمه اخيره)

المتفائل ليس أعمى ولا واهماً يعيش في الأحلام وإنما هو واقعيٌ؛

يدرك أن الحياة بقدر ما فيها من المشكلات يوجد إلى جوارها الحلول ،

وبقدر العقبات فهناك الهمم القوية التي تحوِّل المشكلة والأزمة إلى فرصة جميلة.

سلمان العودة
.
.
.

الي الملتقى قريبآبأذن الله

وسالفه جديده


طيف الأحباب

ام الوليد


تذكروني واحبابي بدعوه طيبه

بسم الله الرحمن الرحيم


اللهم منزل الكتاب ومجري السحاب وهازم الأحزاب سريع الحساب اهزم بشار الاسد وجنودة
اللهم عجل بهلاكهم واجعلهم عبرة لمن يعتبر

اللهم أرنا فيهم آية تشفي صدورنا

اللهم منزل الكتاب ومجري السحاب وهازم الأحزاب سريع الحساب

اهزم بشار الاسد وجنودة وزلزلهم وانصراهل حمص وحماة واهل السنة فيها

ربنا إنهم مغلوبون فانصرهم

ربنا إنهم مغلوبون فانصرهم

ربنا إنهم مغلوبون فانصرهم

اللهم أهزمهم وزلزلهم , اللهم أقذف الرعب في قلوبهم , اللهم فرق جمعهم

اللهم شتت شملهم , اللهم خالف بين آرائهم , اللهم أجعل بأسهم بينهم

اللهم أرنا بهم عجائب قدرتك , يا قوي يا قادر

ولاحول ولاقوة الا بالله..

واستغفروا الله الواحد الأحد
.
.

هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر..,

او با الرسائل الي تجيني على الخاص ممتنه للجميع..,

الغوالي الي يقولون طيف لا تموتين وضحى طيب انا من البدايه حطيت عندكم خبر انها بتتوفى

لأني عارفه كثير بيتعلق فيها علشان كذاماخليت موتها مفاجئه

وحتى مع الاحداث بتشوفون عوق كيف بتسير حياتها طبيعي وان وضحى بيكون وجودها ثقل على الروايه

اما حبايب قلبي الي ما يبون الروايه تخلص انا ماراح انهيها الا وانا عارضه عليكم كل الي عندي

والنهايه بأذن الله بتكون مرضيه للجميع ..’
.
.
البارت اهداء لكل من سطر في متصفح نوح الحمام ولو بكلمه وحده ..,

سواء مدح اونقد اوحتى يسأل عن مواعيد البارتات دليل اهتمامه با الروايه

او الي يتابعون من خلف الكواليس وراقت لهم نوح الحمام..,

بارت استثنائي با احداث استثنائيه اهداااء خااااص لعملاقة ليلاس ..

ممتنه للجميع بهذا التشريف من الالف الي الياء..
.
.
.

اليوم بنشوف عوق المزايين الي تهدد وقومة الدنيا على راس زياد

وش بتسوي مع مناوشات زيادلما استفرد فيها

بتصده وتهزئه والا ...!!

والا شاعات الي نسمعها من مصادر موثوقه ونرددها

هل هي حقائق فعلآ مهما كانت حبكتها والدلائل على صدقها؟؟!!!!!

يا الله تعالوا معاي...!!

وسالفه جديدة؛
.
.
.

البارت السابع والعشرون
.
.
.

دخلت بنام واحس ما فيني نوم الساعه 11الليل ..

اخذت الجوال بتسلى فيه من الطفش على قفلتي له من اخر رساله من زياد..؟

فتحته ومنبه الرسايل ما وقف رسايل كثيره..!

من ريم وخواتها ومن زيادورساله من رقم غريب ..!

ريم وخواتها تعليقات وسلامات ..!

وزياد مرسل رسايل استعطاف واعتذارت لي..!؟

والرقم الغريب الرساله فجعتني والمشكله عارف اسمي..؟!

(عوق ممكن تردين علي ابغاك ظروري عندي شي خطيربقوله لك )

ياربي ماني عارفه الرقم لمين..!

ما تعودت ارد على ارقام ما اعرفها الا اذا المرسل عرف بنفسه

ناظرت تاريخ الرساله شفته من اسبوعين..!؟

وقت ما طلعت امي للبر..!!

من مين يا ترى هالرساله لأن جوالي مايعرف رقمة الا بنات ام ابراهيم و استاذه شيخه وخوله ..!؟

والخادمه انا عطيتها اذا صار شي لأمي بغيابي تدق علي ..!

وامي اذا بغيتها اكثر مكالماتي من الثابت على جوال سعد ..,

احتمال وحده من المدرسات اخذته من خوله..!

جوالي دق كان رقم زياد كأنه ينتظر متى افتح الجوال ما رديت ..!

يكفيني الوجع والاحساس الي ضرب قلبي يوم شفتك با التلفزيون بعد تبي تسمعني صوتك

تبي تقضي علي خلنا بعاد احسن وبلاش ملامس للجروح..,

جاني تنبيه رساله فتحتها كانت من زياد:

(الليل موحش لا رفيق ولا صديق ولا ونيس

مافيه من يسعد مساك بخير ولا تسعده

حتى الرفيق اللي تنومس به وتختاره جليس

اقفى عليه الحظ من جور الليالي وابعده)

وش طرى لك يا زياد تالي ها الليل تدق وترسل كنك داري اني شفتك با البرنامج

عوق تتنهد بوجع\تدور ونيس وينك عني يوم انا عندك كل ما جيتك بمكان صديت عني كنك ماتشوفني

ما ادري وش الي خلاني ارسل له؛

(يمدحون النوم تغط ونم وراك مراجعات مايبون لهم دكتور سهران ويفحص وهوعين مسكره وعين مغمضه )

ارسل ؛

( متعود على السهرمن طلعتي من بيتك وانا نسيت وشلون النوم عايش مع طيفك )

ارسلت ؛

(اتركك من طيفي ماهو بنافعك واشبع نوم شغلك يبي له واحد مصحصح

ماهو فاتح فمه يتثاوب ويطيح في خطأ طبي ويسحبون شهادته ويضيع مستقبله)

ارسل؛

( لا ماعليك مصحصح انا ما يفتح فمي ويخليني افهي وانسى الي حولي

الا شوفتك تبهرني واذوب بسحر عيونك حتى الكلام يضيع ما جمع )


ماكذب من قال ان الرياجيل بياعين كلام تبي تضحك علي بها الكلمتين تبطي يا زيادوانا عوق

مارديت عليه هذا تمادى صدق ما ينعطى وجه..؟!

ارسل ؛

(حبي مسكره ومغمضه نفس المعنى يا مدرسة اللغه العربيه من هو الي طاح بخطأ تعبيري وبتنسحب شهادته ويضيع مستقبله)

كنت اظنه يكذب قفلت الجوال..؟

صار عندي فضول اشوف هو صادق او لا

رجعت فتحت الجوال وشفت الرسايل المرسله لقيت كلامه صحيح ضحكت على هبالي مسكره ومغمضه..!

دق الجوال الا زياد..,

ياربي ارد ما ارد

ارسلت ؛

(يا مزعج بطل ازعاج لا تصحى امي على صوت الجوال وتغسل شراعي

انت ماتمل من الدق ما افتح الجوال الا رقمك ناط بوجهي امارسالة والا اتصال )

ارسل ؛

( حبي تدرين اني على طول معلق رقمك ماعاد اشوف با القائمه الا هو

وادق عليه والا ارسل له وبعدين ماخبرك نصابه امك في البر وين بتسمع صوت الجوال)

ماشاء الله هذا عنده كل اخبارنا..!

دق زياد والح با الدق ورديت عليه بوقفه عند حده ازعجني ..,

تشوف يا زياد اذا ما خليتك تحرم تدق مره ثانيه..

عوق بغضب \خير زيادوش عندك اقلقتنا..!

زياد\........

عوق با استغراب\زياد انت معي ..!؟

زياد\.....

عوق بحده\ والله لو ماترد وتقول وش تبي سكرت..,

زيادبفرح\لا تكفين لاتسكرين انا يوم رديتي ماكنت معك حذفت الجوال

ورحت سجدت سجود شكر ماني مصدق اني سمعت صوتك..

عوق تبتسم \ طيب وش عندك داق..

زياد با استعطاف\ابي اسمع صوتك بس والله ما اطمع منك با اكثر ..

عوق\وهذا انت سمعته يا الله مع السلامه..,

زياد بترجي \لا تكفين شوي خلينا نسولف والله طفشاااااان ومتضايق ذبحتني الوحده ..,

عوق بتهكم \ليه وش مطفشك كل نهارك مشغول منين بيجي الطفش المستشفى ماخذ كل وقتك..,

زياد يتنهد بوجع\عوق الضيقه تجي من داخل الانسان ماهي من برى احيان يحس بضيقه وهو تحت ايده الف شغله..!

عوق با استهزاء\صادق لكن الضيقه الي يحس بها المشغول ماهي مثل الانسان الفاضي ..!

زياد\كلها مثل بعض..,

عوق بقهر \وين مثل بعض مرات الوحده تخلي الواحد يوسوس ينمرض وينسم حاله ولا احد درى عنه..,

صابر ومتحمل واخرت صبره يكافئ بالأهانه والطرد..,

زياد بوجع وترجي \ عوق والله اخذتي حقك مني اضعاف اضعافه

انا شوي والا انجن اطلع لبيتكم والف وادور عليه كني مضيع شي

واذا رجعت لبيتنا اسمع صوتك واتخيلك بكل زوايه في البيت

عوق انا بشر وعندي قدره معينه على التحمل فقدت امي وعقبها فقدتك

امي ماتت ماعاد لها رجعه للحياه..,

لكن انتي تكفين ارحمي حالي وارجعي لي

والله لو يصير لي شي ان ذنبي برقبتك عوق ترى بعدك عني نحرني نحر..,

عوق بسخريه\والله محد طقك على يدك انت الي جبته لنفسك..,

زياد بألم \والله عارف اني مذنب وخطاي كبير لكن غصب عني وفاة امي الله يرحمها فجعتني..!

فجاءه اختفت وحسستني بمرارة اليتم حتى يوم توفى ابوي ماتأثرت مثل كذا..!

ابوي يوم توفى الله يرحمه امي عوضتني فقدانه لكن امي مافي شي يعوضني عنها..

عوق امي كانت كل شي بحياتي تدرين على كبري هذا الا ان اي قرار اخذه احسه ناقص

اذا ما وافقت عليه حتى بمرضها كنت احب يكون لها رأي بكل شي حتى لو ماتدري وش ابي

اهم شي اشوف بعيونها نظرة الرضا لوما تكلمت انا ماكنت ابي من الدنياشي

بس اشوف راسها حي لكن قدر الله وما شاء فعل ..,

عوق انا امي على كثر ما كنت متولع فيها واحبها

ما يجي شي عند حبها لي وحنانها وعطفها علي ..,

زياد بوجع\لمادخلت للمدرسه مدرستي ما كانت بعيده من بيتنا كثير..,

ابوي ماكان يخليني امشي ياخذني على رقبته من باب بيتنا الي باب المدرسة

وهي تمشي ورانا وشايله شنطتي تناظرني لحد مايدخلني ابوي لباب المدرسه..,

والظهر ابوي بشغله هي الي توقف عند باب المدرسه حتى اطلع ..!

ما عليها من احد لا من تعليقات الماره ولا حتى الطلاب تجي للمدرسه سواء كانت تعبانه والا مريضه ماتتركني...

اطلع من باب المدرسه تشيل شنطتي بيد وانا تدخلني داخل عباتها صيف وشتاءواذا اعترضت ترفض

با الصيف تخاف علي من الشمس وبا الشتاء تخاف علي من البرد والايبللني المطر وامرض ..؟

عوق با استغراب\زياد وش في صوتك تغير..؟

زياد يتنحنح \ مافي شي..,

عوق \كل الامهات كذا..,

زيادبوجع\لا والله ماهو كلهم كذافي امهات خساره كلمة يمه فيهم..,

امي لو ترتفع درجة حرارتي شي بسيط ماتتخيلين وش يصيرفيها

تطيح وتمرض من خوفها انه يجيني شي..,

اردف زيادبحسره\تدرين عوق انها تعتبرني دايم انا الصح ولا يمكن اغلط او اكذب..,

يوم كنت صغير مافي احد يقدر يضربني او يتعدى علي حتى لو كنت غلطان..,

اذا طلعت العب بحارتنا امي تفتح باب بيتنا على كبره..,

وتراقب معاها عصا ولا تخلي احد يتعرض لي ..!

امي انتي شفتيهاكان جسمها اضخم بكثير من كذالكن اثرعليها المرض

عيال الحاره يخافون منها بدون شي..

حتى ناجي على انه ولد اختها الوحيد وانولد عنده إعاقه

الا انه ما يسلم من عقابها لو تعرض لي لو بمزح..

وخالتي موضي كانت تعلق وتضحك على امي تقول عنود ابلعي ها الولد وارتاحي ..

ماخليت لك صديق بسبته كل البزارين يتنافضون منك ..!

انا اختك ما اقول شي ولدي ولدك لكن الناس تزعل عند بزارينها..!

وامي تقول زيودي ما يغلط على احد الي يغلط عليه يزعل ولا يرضى ..

حتى يوم بغيت اسافر لأمريكا بعد الثانوي امي وقفت لي قالت زياد صغير من بيحميه هناك..؟!

ابوي بعد ما تقاعد من وظيفته صار مؤذن..؟

وصعب انه يترك المسجد الي كان يأذن فيه وياخذ اجازات طويله..,

وحاولت انها تجي معاي ما قدرنا واقنعتني اخلص الكليه هنا..,

وبعد الكليه لما رحت للبعثه جات معاي ..!

اول سنه جلستها كلها معاي تشجعني اكمل ..!

وبعدهاصارت تروح وترجع علي تجبر ناجي انه يسافر معاها يوصلها ويرجع

علشان ما احس با الوحده هناك..,

عوق انا تخصصت نساء وتوليد علشان امي والا كان با مكاني ادخل اي تخصص ثاني ماعندي مشكله ..!

قالت لي اذا تبي تبرني يازياد وترضيني ادخل ها التخصص..,

حتى كثير انتقدوني ليش نفذت رغبةامي ودخلت ها التخصص لكن انا ما همني الا اني ارضيها..,

تقول يمكن تنقذبأذن الله حياة كم طفل تفرح قلب امه ..,

والا تساعد كم ام تقطع قلبها مثل قلبي على ظناي وانا مافي يدي شي ..

عوق تبلع غصه بوجع \زياد سرقنا الليل واذن الفجر قم صل وريح كلناورانا دوامات..,

زيادبألم \والله ما حسيت با الوقت عوق خلاص ما ابي شي منك لكن اذا دقيت ردي علي تكفين..,

عوق تتنهد بضيق\يصير خير لاتفوتك الصلاه واشيل اثمك..,

قفلت من زياد وانا افكر فيه يسولف معي عادي ويوم جاب طاري امه

يبكي ويشاهق يحسب اني ما اميز نبرة صوته..,

يا حظ العنود فيك ما كذبت نجلاء والله لوولدها الي من بطنها ما حزن عليها مثلك ولا سوى سواتك..,

بقوم اصلي والله يعينا نروح مواصلين..,

وصلت للمدرسه وانا خلاص مهدوده من سهر امس ابي انام..,

الحمدلله مافي دروس تحتاج تركيز فترة مراجعه..,

دخلت غرفة المعلمات...

واليوم البنات الاكثريه غايبين ..!

والمدرسات اكثرهم موجودات ماعندهم دروس فاجئتني اميره بسؤال..؟!

اميره بقلق \عوق كلمتي زوجك علشاني..!

عوق منحرجه\لاوالله لكن سألت لك عن حركة الجنين ..!

ترى وضعك عادي علشانك بكريه انتظري 3اسابيع واذا ما تحرك الجنين راجعي..!

اميره با امتنان \ماقصرتي الله يجزاك خير..,

اردفت اميره بترجي\تكفين عوق لا تنسين قولي لدكتور زياد يقدم موعدي..!

ابي اتطمن ولك مني هديه اذا جيت اولد ادعي انك تحملين بتؤم..!

عوق بضحك\تؤم والله ان دعوتك من قلب نسأل الله الصلاح واحد والا عشر..؟!

ناهد بتهكم\وانتي يا ام الصلاح وش سويتي..!

عوق مستغربه\بأيش ..!

ناهد \ ما قلت لك شوفي نفسك يا بنت الحلال ترى شكلك ما يطمن لايكون فيك شي.!

والله انك تقهرين زوجك مقابلك 24ساعه لاهو الي كشف عليك ..!

وانتي شكلك فاهيه ما قلتي له ..؟!

اردفت ناهد بقهر\تدرين عوق قاهرني زوجك معقوله مايلاحظ ان فيك شي مو طبيعي

عوق تبتسم\زوجي كل يومه مشغول با المستشفى ما اشوفه الا اخر الليل..!

ناهد\ واذا مشغول خير ان شاء الله ماتشوفون بعض والا الكهرباء مقطوعه في بيتكم ..,

اسماء بضحك\يمكن عوق وزوجها يكرهون المستشفيات والتحاليل ودوختها..؟

ناهدتتنهد بحسره\لا والله تعب ساعه با التحاليل ولا معناه طول العمر ..؟

اميره \الله يعينك ناهد بلوتك بلوى فحص ماقبل الزواج والله انه رحمه للعالم خصوص بلي مثل وضعكم..؟

خلودبضحك\عاد الا الفحص ياهو زعل ناس واجد وتحايلوا من وراه وندموا..!

ناهد تبتسم بوجع\خلوها على الله انا معرسه من سنة السبلة

ايام زواجي ماكان فيه هالنظام المهم عوق لاتهملين نفسك..؟!

شاركونا النقاش المعلمات الموجودات ..

دلال باهتمام وتحذير\ صادقه ناهد يمكن فيك ورم والا حمل كاذب ..!

وحده مثل وضعك ما تحس بشي وبطنها يكبر لقوا اللهم يا كافي في بطنها ورم كبر الجنين..!

اسماء بملامه\جات ام التشاؤم لا عوق ان شاء الله انه حمل والا سمنه عادي كثير بدينات اشكالهم حوامل..؟!

دلال تتنهد بوجع\ حرام عليك اسماء والله انا ام التفاؤل والا تلقيني اعالج با النفسيه

اردفت دلال بممازحه\عوق انمغطي على الارض خليني افحص عليك واحدد حالتك..,

ناهد بضحك\بتلقينهاان شاء الله شحم والا يارب بيبي سليم ومنخش عن عوق وعن الاستشاري الكبير..

دلال \بنات تصدقون انه عندنا عجوزتعرف الحامل من تنفسها ولو كان حملها اقل من شهر..!؟

اسماء بدهشه\ معقولة..؟!

دلال \اقولكم انهبلت يوم طلعنا الصيفيه عند اهل زوجي...؟

اخت زوجي حلفت لو تحمل ماراح تخبرنا حتى تولد والعجوز كانت موجوده..!

قالت لحماتي ها المره راحت عليك لا تحلفين انتي حامل..,

وتقعدحماتي تحلف لهم انها غلطانه..!

اسماء بفضول \وش طلع من الي صادق العجوز والا حماتك ..؟!

دلال \اكيد العجوز وحماتي الحين حامل ولادتها قريب ..,

اسماء با استنكار \يمكن سامعه من احد..,

دلال بتهكم\وش سامعه يا بنت الحلال حماتي على طول طلعت للمستشفى وعملت تحليل ..؟!

قالو ا احتمال يكون فيه حمل واحتمال لا ماهو اكيد كانت حماتي بداية حملها..!

عوق تبتسم \وحنا عندنا عجوز ربي يحفظهابعد تعرف لكن هذيك بعد ما يعدي اكثر من شهر على الحمل..

دلال بضحك\اجل اختاري وحده من العجايز عجوزنا والا عجوزكم تفحص عليك اضبط من فحصي وفحص زوجك..؟!

كل الي با الغرفه ضحكوا على كلام دلال ..,

ناهد\عوق بسألك سؤال فيه فضول شوي..,

عوق تبتسم \اسألي يا فضوليه ..!

ناهد\البارحه انا وزوجي كنا نتابع البرنامج الي فيه زوجك وقلت له زوجة الدكتور هذا زميلتي با المدرسه ..,

قالي ايوا الدكتور زياد شخصيه معروفه وخبرني قصه غريبه شوي عن زوجك..,

اردفت ناهد بفضول\عاد اناقلت بسألك عن القصه تعرفين حريم نموت اذا سمعنا بشي ولا عرفناه..,

عوق بنفسها\ياربي سترك هذي وش عندها بعد ..,

ناهد بضحك \عوق وين وصلتي ..,

عوق با ارتباك\هاه لا معك ..

ناهد \هي صدق اولا قصة حياةزوجك ..,

عوق بتوتر \ما انتبهت عيدي الي قلتيه..,

ناهد تبتسم با احراج\لا والله ما راح اعيدها شكل ما ودك تقولينها

اسمحيلي عوق ترى والله كثير ناس يتناقلون ها السالفه..,

ما ادري عاد اشاعه والا صدق..,

اسماء بحزن\حرام عليك ناهد احرجتي عوق تكفين لاتعيدين السؤال انا أكتئبت منها ماهو عوق..,

عوق تبتسم\ما راح اشبع فضولك ها المره لأنه ليس كل ما يعرف يقال..!!

مجموعة المعلمات الي معاي كلهم طيبات ومرحات..!

الي يسمعهم يقول يا حظهم ما شالوا هم بيوم وقتهم كله وناسة وضحك ..؟!

اول ما تعينت معاهم كنت اهنيهم في قلبي ما هم شايلين هم مثل همي ..,

ومع الايام كل يوم اكتشف ان وحده فيهم وراها مآساه...!

دلال زوجها مدرس واهل زوجها ناشبين له يبونه يتزوج ارملة اخوه علشان عيالها..,

وتكره الاجازات السنويه لأن اهل زوجها ينكدون عليها وكل يوم مشاكل مع زوجهابسبب ها الموضوع..!

اسماء زوجها راعي سفر وخرابيط وعايشه برعب من خوفها انه يبلاها بمرض لكن صابره علشان اطفالها..,

وتقول مرات يتهيئ لي بيدخل علي بطفل يسحبه وراه و يقول هذا طفلي من وحده من الي تعرف عليهم با الخارج..,

اميره كانت راح تنهدم حياتها وزوجها كان معطيها فرصه بسيطه لو ما حملت..؟!

يا انه يتزوج او يطلقهابما انه هو سليم والسبب منها..!!

ناهد متزوجه ولدعمها وكم مره تحمل وتسقط لأن الاجنه تكون مشوهه والسبب وراثي لأنهم اقارب ..!؟

وحاولت تتطلق من زوجها لكن عايلتهم رافضه الانفصال بينهم

عندهم ان الطلاق عيب وبيفرق عوايلهم..؟!

ولا يعترفون بشي اسمه امراض وراثيه ...؟

وبتموت علشان تصير ام وكل ما شافت وحده حامل قعدت تنصحها من قلب ..؟

وخلود كانت متملكه وتطلقت لأنها بعد الملكه اهل خطيبها شافواخالها وكان جسمه في برص ..!

وطلقوها لأن البرص مرض وراثي ..؟!

اهل خطيبها ما سألوا كفايه قبل الخطبه واهل خلود ما خبروهم ان عايلتهم تحمل ها المرض ..,

والنتيجه ملكه وطلاق وخلود حملت لقب مطلقه بدون ذنب ..؟!

من شاف بلاوي الناس هانت عليه بلوته..؟!

الا بلوتي ما بعد لقيت الي يوازيها والا يخفف علي اني مجهولة نسب..!؟

حتى قصة زياد الي قالتها ناهد على حسب ما سمعت من زوجها عندي اهون من قصتي ..,

ما صدقت بس تجي الحصه الاخيره وارجع للبيت بصلي وانام..؟!

رجعت للبيت وانا في بالي سؤال ناهد

الي تظاهرت اني ما سمعته لأن ماكان عندي رد على سؤالها فكان السكوت ابلغ جواب

ناهد تقول ان زوجها سامع من مصادر موثوقه

ان زياد امه كانت بنت لشخصيه كبيره في البلد وكانت مريضه با القلب ..,

وسافرو فيها اهلها لأوروبا لعلاجها و كان مشرف على علاجها دكتور اوربي وحبها

حاول يتزوجها ورفضوا اهلهالأختلاف الدين والعرق وتواعدت هي والدكتور وهربت معاه وتزوجت غصب عن اهلها

وصارت قضيه كبيره واشتكوا على الدكتور وكسبوا القضيه وكانت حجتهم ان الدكتور

تلاعب بعقل بنتهم الي كانت مريضه با القلب وان الزواج خطر على حياتها

لما رجعت اكتشفوا اهلها انها حامل ولا خبرو زوجها الاجنبي ومع الولاده توفت امه لأنها مريضه با القلب

عاد اهلها كرهو الطفل وتشائموا منه ولا تقبلوه وكانو بيحطونه بملجأ ايتام

لكن بعدين اعطوه لرجال كان يشتغل عندهم سواق يربيه هو وزوجته مع عيالهم..!

ويقولون زياد كان منقهر على اهل امه ليش رموه هو وش ذنبه

وصمم يدرس طب مثل ابوه ولما صاردكتور مشهور

حاولو اهل امه انهم يتصالحون معاه ورفض وهرب لأمريكا منهم فتره طويلة وفي ناس يقولون انه بحث عن ابوه ولقاه

وكان يبي زياد يترك جنسيته السعوديه ودينه مقابل انه يعترف فيه لكن الدكتور زياد رفض

انه يبدل دينه او يغير اسمه ورجع لسعودية وبقى على اسمه الي متعارف عليه ..,

ناهد كانت تسولف بكل ثقه وانا شوي والا اصرخ بوجهاحرام عليكم وش ها الكذب

الي ها الدرجه الاشاعات خلت الناس تصور احداث خياليه لا ومصادر موثوقةبعد

يا الله يا زياد كنت بصدق الي سمعته لو ما قلت لي من راسك قصة حياتك

يا ترى انا بعد كم قصه واشاعها الفوها عن حقيقتي ..؟!!

صليت حتى الغدامالي نفس فيه انغثيت من كلام ناهد

نمت على افكاري وصحيت قبل صلاة العصر...؟!

الخدامه صحتني

الخادمة\عوق قوم تيلفون يدق يمكن مية مره..؟!

عوق بتعب \مين ..؟!

الخادمه \رجال هذا كل يوم دق وين روح عوق متى يجي عوق الحين يبي يكلم..؟!

عوق بذعر\بسرعه جيبي التيلفون يمكن من آل ناصر امي يومين ما كلمتني..!

المتصل \مساء الخير عوق..؟!

عوق \وعليكم السلام خير من انت...؟!

المتصل \كم مره ادق على جوالك ليش ما تردين..؟!

عوق بعصبيه\انت مين وش عرفك بجوالي..؟!

المتصل\ليش العصبيه خلينا ناخذونعطي مع بعض..!

عوق بحده \بتقول والا بسكرالخط..؟!

المتصل\انا اعرف كل شي عنك..؟!

عوق بقهر\والله انك ما تخاف الله ولا تستحي..,

سكرت التيلفون وشفت الرقم لقيته مكلم من جوال..؟!

طرى في بالي الرقم الغريب الي عندي شفته طلع نفسه..؟!

ناديت الخادمه

عوق \سورينا الرجال هذا من متى يدق تيلفون بيتنا ..؟!

الخادمه \من زمان ماما كبير يسافر ..؟!

هو يكلم قول انا ابغى جوال ماما كبير والا عوق..,

انا كلام ماما كبير مافي جوال ويعطي رقم انتي

عوق بقهر\الله لايعطيتس عافيه ومن عطيتي بعد رقمي..!

الخادمه بخوف\بس هذا عوق والله ما في احد ثاني..,

روحي راحت روحتس جبتيلي هم جديد فوق همومي..؟

صحيت وطار النوم من عيوني صليت العصروطلبت ستر ربي..,

رفعت ايديني ودعيت

<<اللهم كل من ارادبي او با المسلمات الغافلات سوءفاشغلةفي نفسة..,

وردكيدةفي نحرةواجعل تدبيرةفي تدميرةيامدبرني ولاأعلم لي حسبي انت ونعم الوكيل..,

اللهم اني اعوذبوجهك الكريم وكلماتك التامةمن شرماأنت أخذبناصيتة >>

على ان هدت نفسيتي شوي لكن انا بحيره وش اسوي ..!

نغمة رسايل على جوالي فتحتها من الرقم الغريب؛

(مصير الصخر يلين)

ورساله ثانيه؛

(خلينا نفلها مافي احد يدري زوجك مشغول والعجوز مسافره)

الي يرسل عارف من انا وشكله حولنا والا وش عرفه بسفر امي..؟

ياربي استرني..,

ما طلعت علي سوالف وانا بنت بتطلع علي الحين فضايح..,

قضيت اخر النهار بحيره وخوف وادور حل الخادمه خلصت شغلها وطلعت للملحق

وانا زاد خوفي..

نغمة رساله جديده صرت اكره تنبيه الرسايل ينرعب قلبي اذاسمعتها..,

واسمع الثابت يدق ما رديت ..

رساله من زياد:

(مهما تروح وتبتعد ما اقدر انساك

صورتك في داخل عيوني سكنها

أعيش كل الوقت مع طيف ذكراك

ياروحي الي ما تبريت منها

تنور حياتي لا تقابلت وياك

وتذبل ورودي لا بتعدت عنها

يا كثر ما احبك وياكثر مهواك

محبتي لك ما يقدر ثمنها)

والله انك فاضي يا زياد انا وين وانت وين

ورساله من الرقم الغريب ؛

(ردي مسويه نفسك شريفه وانتي بنت حرام انتظريني قريب داخل غرفة نومك )

قعدت اصيح ياربي استرني هذا من وين طلع لي ..!

قفلت كل الابواب وفصلت التيلفون وحولت جوالي صامت ونمت ما ادري كيف نمت ..؟!

صحيت قبل الفجر صليت الوتر ودعيت ربي يرشدني لصواب ..!

الحين لو اخبر زيادمعقوله بيفهمني والا بجيب لي حاجز جديد يبعدنا عن بعض فوق ماحنا بعاد...؟!

بصبر واشوف اليوم وش يصير..؟!

طلعت للمدرسه وانا راكبه السياره لاحظت سياره تتبعنا..!؟

المدرسه قريبه من بيتي ولو بمشي بوصل اسرع من السياره..؟!

المدرسه بين بيوت وبا السياره امسك طريق اطول علشان اوصل لها..؟!

اطلع با السياره استحي امشي با الحالي..؟!

سألت السواق مين الي ورانا..؟!

السواق \هذا ولد جيران بيت انتا..!

عوق بخوف ودهشه \انت تعرفه ..؟!

السواق \هذا ولد خربان مافي كويس مافي مدرسه مافي شغل ..؟!

ياكل حبوب خمس يوم اربعه يوم مافي نوم كل يوم مشكله ..؟!

بعدين سجن بعدين يطلع..؟!

نزلت عند باب المدرسه واسمعه يقول الموعد قريب..؟!

دخلت وانا انتفض داخل المدرسه ما صدقت ادخل غرفة المعلمات وعلى اقرب كرسي جلست..؟!

اجتمعوا علي المدرسات ..

سلامات عوق قلت لابس شوي ارهاق وشفت منظر روعني..

دلال با استغراب\ شكلك خوافه..,

عوق\بزياده بعد..,

هدت اعصابي شوي وحاولت ادور حلول عند البنات بدون ما يشعرون انه انا..؟!

عوق \بنات انتو لو جاتكم ازعاجات على الجوال وش تسوون..؟!

ناهد \على طول احول رقمي على جوال زوجي وهو يشوف شغله..؟!

اميره بتحذير \لا وين مشكله الي زوجها شكاك بتفتح على نفسها ابواب مسكره..؟!

عوق بتوتر\بنات وحده من صديقاتي جوالها تجي عليه رسايل من ارقام غريبه وهي شريحتها جديده..؟!

اسماء بوجع \يمكن ان الشريحه كانت لوحده والا واحد راعي حركات ولا يخاف ربه..؟!

خلود\لا اسماء ياما با الحبس مظاليم يمكن الشريحه عرفوا رقمهاناس هوايه عندهم الازعاج..,

وطفش صاحب الشريحه وباعها..؟!

دلال \وش نوع الرسايل الي تجي صديقتك..؟!

عوق \رسايله قذره وهي متزوجه..؟!

دلال \قولي لصديقتك لاترد على صاحب الرسايل وخوذو الشريحه واشتكوا على المزعج لكن عسى شريحته با اسمه..؟!

عوق تتنهد بقهر\ماعليه لا تبوق ولا تخاف والله يفرجها من عنده..,

غيرت الموضوع خفت يشكون فيني ماني ناقصه اشاعات ..؟!

طلعت من المدرسه وانا في بالي شي واحد خالتي ام ابراهيم..,

نزلت في بيتي وكلمت علي بيتها تجيني ضروري

ما بغيت اروح لبيتها اخاف احد يسمعني وانا اقولها ..؟!

وعلى طول جات وهي مرعوبه

ام ابراهيم \خير عوق فيتس شي امتس بها شي ..!

عوق\لا خالتي مافينا شي بس ابيتس بخدمه..؟!

ام ابراهيم با ارتياح \الحمدلله يوم انكن بخير كل شي يهون

والله اني ارتعت ياربي الصبح وضحى كلمتني مافيها شي يوم دقيتي كل طاري اقشر جا في بالي ..؟!

عوق بقلق\خاله انا من امس يجيني ازعاج على الثابت والجوال وتهديد وشكل الي يسوي كذا من حارتنا..؟!

ام ابراهيم \وعرفتيه..؟!

عوق\لا بس هو عارف عني كل شي واقري رسايله هذا هي..؟!

قرت ام ابراهيم الرسايل..,

ام ابراهيم بعصبيه\الله يخسه هذا شكله ماهو بعقله ..,

اردفت ام ابراهيم بترجي\يا بنتي ارجعي لرجلتس يحميتس ويفكتس من ها البلاوي..؟!

عوق تتنهد بوجع\ياخاله برجع لكن ماهو الحين بعدين

خليني افتك من ها المصيبه ورجعتي لزوجي ما بعد تشافيت من طعونه..؟!

ام ابراهيم\عطيني جوالتس انتي عارفه ان ابراهيم موظف با الاتصالات

بيعرف من هو الي مرسل ها الرسايل وعقبها نتصرف..؟!

عوق\خاله خوذيه وبسرعه رجعيه اخاف امي تدق علي ولا ارد وتقلق علي..؟!

ام ابراهيم تناظر ساعتها \اجل بكلم ابراهيم هالحين من التيلفون ما بعد طلع من شغله..؟!

كلمت ام ابراهيم ولدها وعلى طول عطاها الاسم

وطلع ولد جيرانا الي لحقني الصباح وجات شكوكي بمحلها انه هو ..؟!

عوق \خاله هذاواحد منتهي وينخاف منه ..؟!

ام ابراهيم\ ايه اعرفه هذا الله يكفيتس شره طاح له بشله فاسده وخربته والحين هايت با الشوارع

اهله بس يبون الفكه منه ماغير طاردينه من البيت وشره على خلق الله مافي حرمه تمر الا سمعها كلام مثل وجهه ..

اردفت ام ابراهيم\بكلم مسلط ها الحين واقوله يروح لأابو الولد ويقوله..!؟

ان ولدهم ماترك بناتنا بحالهن يلحقهن لمدارسهن..؟!

ورسايله على الجوالات ينشد الورعان الصغار عن جوالات خواتهم ويدقدق عليهن ويزعجهن..؟!

نعمم السالفه وانا خالتس لا يفكر احد انتس معطيته وجه والله يسامحني على ها التسذبه..؟!

بكيت من كلام خالتي ام ابراهيم

عوق تبكي بقهر \يا خاله والله العظيم اني بحالي ولا طرت لي الشينه الناس وش تبي مني..؟!

ام ابراهيم بوجع \يا بنتي هذي ضرايب توخذ على طول الازمان ما وقفت عليتس..؟!

وكل من دق له مسمار بجدار بيندق بجداره مثله..؟!

ارجعي لرجلتس وخوذي حقتس منه وانتي في بيته

ترى البعد يقسي القلب وان طلب قربتس اليوم وابعدتيه بكره ينساتس..!

ما تسمعين الي بعيد عن العين بعيد عن القلب..؟!

وضحى ماهي تامه لتس الحرمه تعبانه وتماسك لاتطيح بس علشانتس

عوق بذعر \خاله امي وش فيها انتي تدرين عن شي ما ادري عنه

ام ابراهيم با ارتباك\امتس مافيها غير الكبر عجوز مالها جيل الله يرحم حالها..,

عوق با ارتياح\ بسم الله على امي خوفتيني الكبر ولا غيره..,

طلعت ام ابراهيم وكلمتني في الليل قالت ان ابوابراهيم كلم اهل الولد انهم يمسكون ولدهم

والا الشرطه قريبه وان شاء الله انه خلاص ماعاد بيزعجني..؟ّ!

شبكت الثابت وشغلت جوالي..؟

مكالمات لزياد..

ومكالمه من جوال سعد اكيد امي كنت بكلمها..؟!

ناظرت الساعه كان الوقت متأخر بكلمها الصباح ان شاء الله..؟!

ياربي متى امي ترجع علشان احس با الامان..؟!

تمددت على سريري واقلب جوالي ماادري ليش تمنيت زياد يدق خيب ظني ما كلم

نمت وانا انتظر..

صحيت نهار جديد..!

ناظرت بجوالي اليوم جثه هامده ماله صوت..!

قبل اطلع للمدرسه كلمت امي..,

والحمدلله طيبه تقول الجو زين ولا راح ترجع الا بعد الاجازه النصفيه..؟!

طلبت منها تجي وتاخذني رفضت المكان بعيد ولا في احد فاضي لي..؟!

سكرت وطلعت لدوامي السبت تبدأالامتحانات النصفيه واليوم الاربعاء..؟!

نغمة رساله على جوالي..

يارب سترك

.
.
.


(كلمه اخيره)



قال ابن القيم :
" إن دور الجنة تبنى بالذكر "
فإذا أمسك الذاكر عن الذكر ,!
أمسكت الملائكة عن البناء "
فكرر قول : ( لاحول ولاقوة إلا بالله )
فإنها تشرح البآل ,وتصلح الحآل
وتحمل بها الأثقآل ..
وترضي الرحمن ..

وَ كنز من كنوز الجنة ..!

.
.
.
الي الملتقى قريبآبأذن الله

وسالفه جديده


طيف الأحباب

ام الوليد

تذكروني واحبابي بدعوه طيبه

بسم الله الرحمن الرحيم



اللهم يا الله عليك ببشار واعوانه,

اللهم احصهم عددا وابدهم بددا ولا تغادر منهم أحد,

اللهم إنهم طغوا وبغوا وعاثوا في الارض الفساد,

وساموا المسلمين سوء العذاب,

اللهم عجل بنهايتهم واشفي صدور قوم مؤمنين ,

اللهم لاترفع لهم راية واجعلهم لمن خلفهم عبرة وآية,

اللهم اجعل بأسهم بينهم شديد,

وفرق جمعهم وشتت شملهم,

أنك ولي ذلك والقادر عليه ,

ولاحول لنا ولاقوة الابك,

انك على ذلك شهيد وبالاجابة جدير.
.
.
هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر..,

او با الرسائل الي تجيني على الخاص ممتنه للجميع..,


البارت اهداء لكل من سطر في متصفح نوح الحمام ولو بكلمه وحده من دون استثناء..,

سواء مدح اونقد اوحتى يسأل عن مواعيد البارتات دليل اهتمامه با الروايه..,


اهداااء خاااص للغاليه صدوود

اليوم بنشوف عوق المزايين والمواجهه الاولى مع زياد وجهآ لوجه
.
.

يا الله تعالوا معاي...!!

وسالفه جديدة؛


.
.
.
البارت الثامن والعشرون
.
.
.
نغمة رساله على جوالي..

يارب سترك

فتحتها من زياد؛

(الجادل اللي حلاها غير
ضيعت في شمسها فيي

بعيونها سلسبيل رماح
و الموت بالسود متهيي

موت و انا اموت انا بالموت
كثيرها غرق شويي

لا قلت تكفين قالت جاك
و ان جيتها فجأة تعيي

و لا قلت مالي و مال الغيد
قالت وهم بينهم زيي ؟

و ان قلت انا تبت مالي كار
مقفي زمانين عن غيي

قالت و هي تلتفت للناس
زياد موته على يدي

محبك

زياد ابو العنود)


حتى رسايلك هبال..,

ياربي دخيلك لايكون عرف بس اني حامل والا ما قال ابو العنود...؟!

انا ما ابيه يرجعني الا علشاني ماهو علشان حملي ..,

ابي اعيش معاه وانا واثقه انه يبيني ماني على هامش حياته..؟!

ما ابي يرجع لي احساسي اني مفروضه عليه فرض ..,

والا مصيري مثل ما قالت امي راجعه راجعه مالي غناة عنه يعني وين بروح ..!

انا وضعي غير البنات لو بيتركني بتاكلني الناس بدون ملح..؟!

حاجتي لزياد اكثر من حاجته لي بكثير لا اهل ولا سند مالي الا اتمسك فيه..؟!

ابي ارجع وانا نفسيتي مرتاحه ماهو اضيع حياتي با التفكير يبني ما يبني..؟

خوله بضحك\صباح الخير دبه ..

عوق بضحك\هلا خوله حرام عليك لا تحطميني تقولين دبه...,

خوله\عادي حامل اكيد بتصيرين دبه..

عوق بترجي\خوله تكفين ما ابي احد يدري..!

خوله بدهشه\العمى يشوف حملك الي متى بتخبين انتي وش فيك..؟!

عوق تبتسم\خوذيني على قد عقلي ..,

خوله\امتحان بناتك الاثنين جاهزه..,

عوق\الحمدلله كل شي جاهز..؟!

خوله با ارتياح \الحمدلله مافي شكاوي عليك ولا على الماده..,

والبنات عادي عندهم ناقشتهم قلت تبون النحو يوم با الحاله والا مع ماده

كثير قالوابكيفكم ما تفرق معانا المادة مفهومه..,

عوق تبتسم\الحمدلله هذي نعمه من الله..,

خوله با امتنان \الله يجزاك خير والله شلتي هم عن البنات..,

عوق \خوله تدرين اني انا المادة الي ما افهمها

اعيد وازيد على نفسي واعاني بجد لين احفظ ..!

لكن با الشرح اوصل المعلومه صح والبنات يتقبلونها مني من فضل ربي..؟!

خوله با اعجاب \عوق لا تستهينين بنفسك فيك مميزات كثيره ما شاء الله عليك..,

بنت اختي بثالث ادبي تدرسينها تقول استاذه عوق ثقافتها عاليه..

عطوها مواد الثانويه العامه بتبدع لكم فيها..

حصةالنحو مرات تصير حصة دين ومرات اجتماعيات ومرات عربي واحيان علم اجتماع ..,

عوق بضحك\ لا والله تبالغ بنت اختك لكن حلو انك تغيرين شوي من روتين الدرس..,

وتجيبين معلومات عامه فيها قيم وتغرسينها بطالباتك..

اردفت عوق بتساءل\خوله اي وحده بنت اختك ما اعرفها..؟

خوله با استغراب \ما عرفتيها رانيا عبد العزيز ..,

عوق بدهشه\عرفتها لكن ما طرالي انها تقرب لك ابد ما كنها منكم فرق بينها وبين امها..؟

خوله تضحك \ ولا تشبه احد فينا نسخه من اهل ابوها لكن تعجبك ذكيه وشاطره..,

عوق\لا ما عليها ما شاءالله متفوقه..,

اليوم مافي شي خوله بطلع بدري..؟!

خوله\خلاص وقعي حضور واطلعي ما عليك ..,

طلعت للبيت على 8الصباح احس نفسيتي اليوم غير..,

افضل بكثير من الايام الي فاتت..

دخلت المطبخ من زمان عنه قلت للخدامه تكتب الاشياء الي ناقصه ..!

طلعت لسوق اشتريت اشياء كثيره ناقصه بيتنا..,

اخذت مفرش لسريري ثقيل انا دمي بارد واحس با البرد بسرعه..,

احس كل يوم تنخفض درجة الحراره اكثر..,

اليوم الجو غيم وحلو ما ادري انا اشوف الدنيا كذا والا هو فعلن الجو حلو..!

دخلت المطبخ طرى لي اصلح غدا وارسل فيه السواق لعمال يشتغلون في بيوت قريبه من بيتي..!

صلحت الغداءبدري وزعته بصحون وغلفته ارسلت فيه الخادمه تعطي السواق يوزعه..

قبل اتزوج كل فتره كنت اطبخ ووزع لعمال يعرفهم سواقنا..,

لكن من تزوجت تركت ابواب كثيره من ابواب الصدقه..!

لكن ان شاء الله ملحوقه...

صلحت سفره غداءكامله ونويت اكلم خالتي نوره تقول لبناتها يتغدون معاي ..,

اكيد كل بناتهاالي يدرسون غايبات السبت تبدى الامتحانات..,

بعزمهم يتغدون عندي ويرجعون يذاكرون يعني فترة راحه لكن يقضونها معايا..,

خصوص الجوهره زواجها بعدالا متحانات وانا مقرره مااحضره ما ابي احد يكشف حملي ..,

بشوف وش نا قصها واكمله لها عايلة مسلط مهما سويت مستحيل بجازيهم على رعايتهم لي

خليت الخدامه ترتب غرفتي من زمان ما رتبتها من قلب وتفرش لي المفرش الجديد..,

اول كنت اكره دخول الشغالات لغرفتي لكن الحين صرت اتعب بسرعه من الشغل

ما اقدر اسوي اكثر من شغله بنفس الوقت ..,

ودخلت للمطبخ مبطيه عن العزايم وترتيبها..,

خلصت شغلي واخذت دش عن ريحةالطبخ الي بديت اتقبلها..,

با اكلم خالتي ام ابراهيم واحضر السفره واغرف الاكل..!

غرفتي تغير شكلها حسيت صار فيها حياه..,

سبحان الله كيف كنت دافنه نفسي وانا حيه..!

باقي البخور الي مع الشتاء يعطي جو ويغير النفسيه

لبست قميص بيت جديد غامق يخبي ها البطن الي صارشكله كنه مخده جايه با العرض ..,

وسرحت شعري تذكرت يوم يسحبه زياد ورتبته بتسريحه بسيطه ...,

حطيت روج وكحل ورشيت عطر خفيف العطور كلها كرهتها

حتى الشامبوالمعطر ما احبه ما تقبلت ريحتها الا من اسبوع..,

يعني معقوله تأثير الوحام بدا يخف لبست اجلال الصلاة وصليت الظهر

بكبر اتسنن دق جوالي الا زياد بسم الله هذا وش يبي ..,

دق اكثر من مره ياربي ياهو لحوح ها الانسان وش دراه اني موجوده..,

رديت عليه

زياد\مرحبا عوق انتي في البيت..!

عوق \ليش ..؟!

زياد \كنت مار من عند بيتكم وشفت سواقكم وسألته عن خالتي رجعت اولا..؟

وقال لي انك موجوده طالعه بدري اليوم..,

عوق \امي بتتأخر ماراح تجي ها الوقت..,

زياد \طيب افتحي الباب انا عند الباب بسرعه..,

صعقني كلامه هذا وش جابه ها الحين لو اني تمنيته ماجا..,

زياد \عوق انتي معي..,

عوق با ارتباك \هاه ايه هاه بتفتح لك الشغاله انا شوي تعبانه ..,

زياد\مو مشكله انا ما راح اطول فترة البريك وماشي..,

ياربي وش اسوي منين طلع لي هذا لا بعد كاشخه انا وجهي وبخور وغدا..,

ان دخل كشف كذبتي ودرا بحملي..,

ابد ماهو وقتك يا زياد استاهل انا الي عطيته وجه...؟!

ناديت الخدامه وقلت اذا سأل عني قولي مدام تعبانه وبتنام..,

وش اسوي انا حتى صلاتي ماكملتهاللحين اجلال الصلاه على راسي ..!

سمعت صوته يقرب من غرفتي ويناديني..,

دخلت سريري بسرعه وغطيت كل جسمي لا يشوف مني شي وتسندت على ظهر السرير وحطيت مخده على بطني ..,

دق الباب وعلى طول بسم الله فتح الباب ودخل للغرفه ما انتظر حتى اقول ادخل..,

مد يده يسلم واضطريت امد يدي له ودنق وسلم على خدي ..,

زيادبقلق \سلامتك عوق وش فيك الخدامه تقول تعبانه مره..,

عوق بتوتر وارتباك\لا بس شوي بردانه وتعبانه تخبر تعب حريم..,

زياد يضحك بتهكم \ اهااا تعب حريم ..!! ماعليك الا العافيه ان شاء الله..,

سحب كرسي وجلس عليه الاخ شكله مطول..,

اردف زياد با ابتسامه\ماشاء الله وش عندك عطر وميك اب وحركات وانتي تعبانه..,

عوق با ارتباك\ يمكن اثر ميكاج وعطر الصباح لما طلعت للمدرسه..,

زياد يناظر حوله \عوق احس شكل غرفتك احلى من اول مره دخلتها ..!

عوق بملل \ علشان ترتبت اول مره انت شفتهاكانت حوسه..!

زياد يقرب الكرسي اكثر لسرير عوق ويحط يده على المخده وبهمس \متى بترجعين تنورين بيتك..؟

عوق تبلع ريقهابرتباك\زياد ماهو وقته ها الكلام انا الي الآن احس بمرارة كلامك بحلقي..

زياد يكتف ايديه ويسند ظهره للكرسي ويتنهد بوجع\عوق انا اي كلام بقوله ادري انه ناقص..

يمكن علشان ما اعرف اعتذر او ما تعودت اعتذر

لكن والله عارف نفسي غلطان والغلط راكبني من ساسي لراسي..؟

عوق بضيق \انا صدمتي فيك يبي لها وقت

تدري الي الآن ماني مستوعبه كلامك ذاك اليوم ولا انت كيف قلته..,

زياد بحزن ووجع\عوق انا كنت راح انجن كل مافكرت لو امي توفت وانا بعيد عنها..,

او كنا مسافرين مثل ماخططت بداية الملكة

والله اني افز وارتاع بدون شعور كل ما جا في بالي لو امي ماتت وانا بعيدما شفتها..!

تتوقعين سهل علي يوم اسمع صوت نجلاء تبكي وهي تناديك

او وقفتك بالليل في الشارع والعالم طالعه لصلاه ..,

خفت اطلع ويتطور الموضوع اكثر واكثر..,

ويمكن نستفز بعض واقول كلام اكبر من الي قلته

انا طلعت صدق قدامك ولا تكلمت كنت عاجز عن الكلام

وخفت يصير بينا صدام وعناد با الشارع ..,

لكن وقفت قدام المسجد اراقبك ما قدرت حتى ادخل اصلي الا لماشفتك ركبتي سيارتكم

ورجعت لحقتك بسيارتي لحد ماوصلتي بيتكم وتطمنت عليك ..,

اردف زيادبا انكساروترجي \ عوق وش الي يرضيك واسويه الا الطلاق..!

عوق بتوتر \انا بقولها لك صريحه انا استخرت با الطلاق مرات ماهو مره ولا ابي اتطلق..,

اردفت عوق با ارتباك وتردد\وانت لو تبي تشوف حياتك عادي مع غيري..؟!

وقف زياد حسبت انه خلاص بيمشي الا راح وجلس على مكتبي ويفتش بسم الله وش يدور..,

اخذالبوم صور زواجنا والبوم صور طفولتي كنت اتفرج فيها وتركتها فوق مكتبي ..,

ورجع على الكرسي مع الالبومات ..,

زياد يناظرالصور\حرام عليك عوق كيف تقولين ها الكلام انا راضي بوضعنا هذا..,

لكن لا تقولين شف حياتك مالي حياه مع غيرك..!

عوق بملامه \ انا هذا قراري ولا راح اتراجع عنه وش يضمني انك اذا زعلت ما يتغير كلامك ..,

زياد\انتي وين من البنات هذولي..,

عوق\ماعرفتني بينهم..,

زياد يبتسم ويرفع حاجب\ما ادري لكن بشبه من عندي..,

الي تضحك وسنونها طايحه تشبه نفوله بنت جزاع يمكن امهازوجة جزاع..!

والبنات الثنتين الي جنب بعض اتوقع بنات مسلط يشبهون عياله..؟

وهذي الي لابسه عبايه شكلها عباة امها والطرحه ما ادري كيف جايه من خوات جزاع..

والي شعرها طويل وعلى جنب يقال يعني انها تسريحه شكلها انتي..!

عوق تبتسم\كلامك كله صح..

زياد با استغراب\والصوره هذي الولد الصغير الي اتوقع انتي الي شايلته اما عبدالله او نمر عيال مسلط..,

عوق تبتسم \ صح هذا نمر وقتها عمره اقل من سنه ..,

زياد يضحك \والله شكلك تحفه با الصوره شايله شنطه وشايله الولدوش حادك على ها التعب..,

عوق بخجل\ نلعب حريم وهذا كأ نه ولدي والشنطه معاي جايه زياره لريم صورتنا اخت ريم الي بياخذها نواف..!

زياد يناظر المخده الي على بطني \ الله كريم..

حسيت بطني مغصني ويا الله ابلع ريقي ..!

عرفت معنى المثل كاد المريب ان يقول خذوني

زياد با استغراب \قديمه حيل الصور..,

عوق \مومره لكن الكاميرا فوريه وتحسسك انها قديمه..!

زياد بدهشه وفرحه \صور زواجنا ماشاء الله متى طلعتيها والله انها في بالي ..!

عوق\ طلعتها ريم يوم شافتني تأخرت عليها..؟

زياديفتح الالبوم يبتسم بحب\تدرين انك الحين احلى بكثير من الصور احس في شي زاد حلاك حلى ..

اردف زياد بضحك\ بنات خواتي ازعجوني يقولون وين صور زواجك..!

عوق با ارتباك\عادي تبي الصور خذها ..؟

زياديغمض عيونه ويتنهد بهمس \وش ابغى با الصور اذا الاصل للحين قلبه شايل علي..!!

سكت ما ابي اطول الكلام معاه..,

زياد بضيق\نجلاء مره متأثره من الي صار بينا وتقول انا السبب خربت بيتك بدون قصد..,

عوق \نجلاء مالها ذنب كلمتني اول ماجيت عند امي..!

زياد يبتسم \انا عطيتها الرقم وقلت لها تكلمك ..!

اردف زياد\ ترى كم مره يبون يجونك هي والبنات لكن مستحيات وخايفات ما تعطينهم وجه والا تطردينهم..!

عوق با استنكار\لا والله متى ماجو حياهم الله ..!؟

زياد بضحك\لو يسمعونك جو لك بكرا..!؟

عوق با ارتباك وذعر\لا زياد تكفى انا تعبانه ومرهقه ها اليومين وبعدها امتحانات وتصحيح اذا فضيت خبرتك ..َ!

زياد بتهكم \ تم يا مرهقه والف سلامه عليك انا ماشي توصين شي..!

عوق بتوتر \ما عليش زياد ما اقدر اوصلك للباب ..,

زياد\عادي انتي ارتاحي عارف طريقي يالله سي يو..

مشى زيادوما صدقت بس طلع مع الباب واقوم اقفل الباب واكمل صلاتي..

الله يسامحك عيشتني برعب ما بغيت تمشي..,

طلعت علشان اشوف عزيمتي لبنات ام ابراهيم...!؟

كلمتهم قالوا جايات من يفوت طبخ عوق..؟!

حضرت السفره ورتبتها ولبست شال طويل بحجة البرد ما ابي احد يلاحظ حملي منهم..

دخلو بنات ام ابراهيم الجوهره وروان وميعاد وملاك يا الله من زمان احس عنهم..,

سلموا وعتاب وهواش اني قاطعه ..

عوق با استعطاف \ طيب انتوا ليش ماتمرون..؟!

ملاك \انتي داريه عوق احنا ما نطلع الا لبيتكم وحتى بيتكم لازم عزيمه..؟!

روان تضحك \يعني افهميها عوق ملوكه موعارفه توصل المعلومه ليش ما تعزمينا ونجيك..؟!

عوق \ترانا بيت واحد تجون بأي وقت ماهي بينا ها الاشياء..

ميعاد با استنكار\تبين امي تتبرى منا كل ما قلنا ها الكلام هاو شتنا..!

عوق بدهشه\ليه يا كافي بيتنا ماهو بيت مسلمين..!

الجوهره بضحك\وكل هذا علشانه بيت مسلمين ..!

تعرفين احنامانجي الانسهرامي تقول انتن ازعاج وام عوق ما تستحمل اصواتكن تسوهرن الليول..!؟

الناس وراها صلاة فجرعاد الافضل انا ما نجيك هذا قرار النوري الاخير..!

عوق بتهكم\طيب يا خليفات ريم توني عرفت انكن خوات ماغيروكم با المستشفى..؟!

امي بتتأخر با البر مرو علي اذا خلصتو ا امتحانات الحين معذورات..,

ملاك بسخريه \ورانا عرس الشيخه الجوهره من يوم نرفع روسنا الا جا العرس..!

عوق \الف مبروك جوجو..

الجوهره تبتسم بخجل \الله يبارك فيك ..!

ميعاد\ عوق لازم تحضرين خلينا نستانس عرس الجوهره بيصير خطير الي ما يشتري يتفرج..!

عوق \اكيد ان شاءالله بيصير حلو ماشاء الله جماعتكم واجد اذكر عرس ريم..!

روان با استهزاء \لا عوق القصد ماهوكذا..ّ!

ميمي تقصد ان حريم خوالي شابين على امي شبه..

اول ريم تزوجت جزاع والحين الجوهره اخذت نواف..!

عوق با استغراب\ خير ان شاءالله وخالتي وش دخلها..!

ميعاد ترفع حواجبها بقهر\والله من الحسد يا عوق والا صدق امي وش دخلها..!

خالتي نفلا هي الي بغت الجوهره ولا ماكان تم العرس

خالي وعياله ما يشكون خيط با ابره الا بشورها حتى امي وريم عارضوا

وامي قالت لنواف فكنا يا نواف بنات عمك وراك والجوهره بيجيها رزقها..

ورغم معارضة امي وريم الا ان نواف اصر على الجوهره..,

عوق با استنكار\ليش يعارضون البنت اذا جا يخطبها الرجل الكفؤ ما يجوز انها ترفضه شرعآ..

تستخير وتتوكل على الله..,

روان \والله اذا جينا للجد ترى عيال خالي عبد الرزاق ماعليهم..!

راعين صلاة وصلاح وصلة رحم وبارين في والديهم يعني مافي شي يعيبهم و خالتي نفلا تعرفينهاشوي حاره..!

ملاك بحزن\حتى خوالي الثانين من ورى حريمهم الله يهديهم..!

قبل كم يوم واحد من خوالي يقول لأامي ليت حريمنا مثلتس ..

يمدن ايديهن ويرجعن بعظام وانتي يا نوره تمدين يدتس وترجعين بلحم..!

عوق بتعجب \وش قصده من هالكلام !

ملاك \قصده ان امي اذكى من حريمهم هي تجيب لنا اللحم وحريم خوالي يجيبن لبناتهن العظام..؟

عوق\ياربي على التفكير ترى المزوج الله ماهو الناس..!؟

ميعاد \من يفهم ها الكلام والله امي تكسر الخاطر ان كانه من عماني والا خوالي..!

روان\تخيلي عوق انها بس تبي الستر منهم لكن محد معجبه..؟

عيال عماني وامهاتهم حسبي الله عليهم

كل ماجا احد يسألهم عن الجوهره بيخطب نشبوله قالوا لاتخطب نبيها..!

موقفين حال الجوهره لا هم الي جو يخطبون ولاهم الي قالوا خلوها تعرس ..!؟

ينتظرون امي تخطب لابراهيم من بناتهم وبعدين يتكرمون يخطبون..!

وابراهيم اخوي يا قلبي عليه صغير..,

توه مخلص دبلوم ومتوظف من وين بيفتح بيت..؟!

ملاك بتهكم \والحين وش استفادو عماني ابراهيم حلف ما ياخذمنهم لو يقعد بدون عرس..!

عوق با استنكار وملامه\ليه يحلف هذي قسمه ونصيب الواحد ما يدري وين قسمته..؟

الجوهره بقهر\ابراهيم معه حق يا عوق يقول انا ماني لعبه لهم يفرضون علي بناتهم ..,

عماني سوو علينا ليله سودا بعد ملكتي على نواف..,

وينهم من زمان انا ما طلعت لهم فجاءه ..!؟

من متى وانا مخلصه كليه وقاعده با البيت ..!

اردفت الجوهره بقهر وسخريه\ريم اكبر مني بسنه وهذاهي عندها 3اطفال تعرفين جماعتنا يزوجون البنات بدري..,

عماتي وعماني بينهم ماشاءالله الي فيه خير من عيالهم اخذوه لبناتهم والا بنات مسلط بطقاق..؟

وابراهيم اصغر مني بسنتين وهو ولد كانوا مخططين عليه..!

عوق \ وش عليك منهم خلاص انتي تزوجتي وماعليك من الي يعارض والا يوافق ..؟!

روان بحسره وقهر\عوق شي يحرق القلب فعايلهم فينا..!

تخيلي وحده من حريم عماني دايم تسب عيال خالي عبد الرزاق ماهم عاجبينها

يوم سمعت ان خوالي يدورون لنواف بيزوجونه

راحت وخطبت نوف بنت خالي عبد الرازق على امل ان خوالي يخطبون من بناتها

تحسب الناس عميان ما تشوف ولا تدري وش تفكر فيه ..,

لكن تعرفين خالتي نفلا جنيه ورافضة اصلن مبدأ الشغار خذ اختي واخذ اختك

خلتهم لين يملكون على بنتها وصقعتهم بخبر خطبة الجوهره..

حرمة عمي بغت تنجلط بس وش تسوي تورطت واخرتها قالت لعمي لا تترك الجوهره ياخذونها خوالها

نبيها لسلطان وسلطان اصغر من الجوهره با اربع سنين وطردهم ابوي صاحين انتم ازوج بنتي واحداصغر منها

وللحين طالب يدرس با الجامعه..,

ملاك بقهر \الله يكفينا شرهن ماهن مرتاحات الا لازم نصير مثل حظ امي..,

ونتزوج شيبان ما يصير ناخذ شباب

عوق \ انسوهم خلاص الرازق الله وعمي مسلط يستاهل كل خير..,

روان بوجع\ابوي عندنا با الدنيا كلها الله يطول بعمره لكن من مثل ابوي ...

انا لو يخطبني واحد مثل ابوي كان تزوجته لو انه كبر ابوي الحين وانا مغمضه ماتراجعت..

عوق بمحبه واعجاب \عمي مسلط من الي مثله والله عندي اغلى من الاقراب ..!

روان \والله حتى ابوي يعتبرك وحده من بناته..!

ملاك بضحك\روان خبري عوق كيف ابوي تزوج امي تصلح مسلسل بدوي قصتهم..!

روان تبتسم\ سالفتهم تهبل اسمعي عوق ..,

عوق بدهشه\لايكون عن قصة حب ..,

روان بضحك\ هي قصة حب لكن بين ابوي وجدي ابو امي..,

ابوي اكبر اخوانه توفى ابوهم وعماني وعماتي توهم صغار

وابوي قام فيهم وكدوتعب عليهم وزوجهم كلهم..

يوم تقدم با العمر انتبه لنفسه وخطب من ناس واجد ورفضوه ..

ابوي يقرب لجدي ابو امي من بعيد ويعزون ويقدرون بعض مره..,

زاره ابوي مره وقال له جدي وراك للحين ما اعرست..,

قال يا ابو عبد الرزاق ضيعت شبابي على اخواني..؟!

والحين تناصف عمري وكل ما خطبت انرفض اني كبير با العمر..,

قاله جدي ولك عندي الي ما ترفضك..,

وتزوج امي وربي رزقهم فينا الحمدلله

ميعاد\ربي عطى ابوي على نيته..!

عوق \الطيبون لطيبات الله عوض تعبه في اخوانه..,

روان \وليتهم يستاهلون ناشبين لنا نشبه الله يرزق خواتي من عنده

عوق \ماعليه يابنات هذا حال الناس ما وقفت عليكم الحياه متناقضات محد يشوف خطاه..!

ميعاد بقرف\بالله غيرو ها الموضوع المآساوي احنا جايين ننبسط ورانا السبت البعبع الله يعينا نواجهه..!!

عوق\الجوهره خلصتي شغلك..؟

الجوهره\خلصت من زمان ..,

ميعاد بسخريه\هي خلصت بس عساها ما تقعد بالليل تهوجس والصباح تهبل في امي لسوق..,

المشكله انها من هبالها ترجع تشتري نفس الشي مرتين..!

روان بضحك\عوق لو تشوفين نمر جننها يقول انتي لو ماخذه رجل عوق وش كان سويتي فينا..!!

عوق وهي عوق ما سوت سواياتس ولا شرت مثلتس..؟

عوق بضحك \لا عاد نواف والله يستاهل زياد يمدحه ما شاءالله ..!

ملاك تضحك بتهكم \ما قلنا شي لكن الجوهره على ان نمر توه يتعلم يسوق..

وتعرفين شفقة العيال با السواقه اول ما يتعلمون طفش من السواقه بسبب كثر مشاويرها لسوق..!

عوق \لا تبالغين ملوكه احرجتي جوجو..,

روان ب استغراب \عوق ترى شفنا رجلك قبل ندخل كان واقف عند بابكم يكلم جوال..؟!

يوم شافنا ركب سيارته ومشى..,

ميعادبدهشه \استغفر الله ما عرفته الا بسيارته اذكرها يوم عرستس متغير ونحفان ..!

استغربت عوق الطباخه رجلها جسمه كذاوالله يوم العرس ماكان كذا..!

الجوهره\شكل عوق تطبخ له لكن تاكل الاكل قبل يوصل تشوفينها صايره دبه ..,

عوق بضحك \ كان موجود رجع لشغله فترة غدا عندهم وبعدين ترى شغله مرهق علشان كذا الاكل ما يبين فيه..!

روان بضحك\لا قصدك بسم الله عليه ها الاكل وين يروح مع طوله ماشاءالله..,

ملاك بممازحه \ فكونا من رجل عوق المهم تكفين عوق تعالي معانا..,

شوفي جهاز الجوهره كانت تلوم ريم صارت اخس منها..!

روان بتهكم \ملوكه بالله احناوش خسرانات كله بكرا يرجع لنا مثل ريم..!

عوق بمشاكسه\سبحان الله با الانسان ينصح ولا ينفذ ليتني سجلت نصايحكم وسمعتها لكم يوم جهازي ..!

ميعاد\والله عوق لاتتحسفين على شي انتي الي ربحانه فيهم..؟

عوق بتساءل\جوجو اخذتي مفرش والا باقي ..!

الجوهره \لا للحين باخذه ان شاء الله بعد الامتحانات يمكن ينزل شي جديد..!

عوق \لا تشترين باخذلك على ذوقي..

الجوهره منحرجه\تسلمين والله ماله داعي ..,

عوق با اصرار\شاريته شاريته والله لا ازعل لو اسمع انك شريتيه المفرش خلاص علي..

روان \من قدك جوجو عوق ام الذوق بتشتري لك مفرش..,

انبسطت مع البنات اليوم وطلعوا بعد صلاة العصر..

صليت العصر وبريح شوي من الصباح وانا اشتغل..

اخذت الجوال علشان المنبه لا تفوتني صلاة المغرب..,

<معلومه قريتها مره ودايم تحفزني ما افوت ها الفريضه>

( صلاة المغرب فإنها الساعة التي تاب فيها الله تعالى على آدم عليه السلام

فما من مؤمن يصلي هذه الصلاة محتسبا ثم يسأل الله تعالى شيئا إلا أعطاه إياه)

لقيت تنبيه رساله فتحتها من زياد؛

(ام العنود طبخكم اليوم ريحته شي مو طبيعي

من طلعتي من بيتك اما مطاعم والا خدامات خواتي مافي احد يحن على حال اليتيم الي مثل حالي

والله ما اصدق بس متى احد يعزمني كأني ماني شايف خير)


ياليل ابو لمبه هذا ماهو جايبها لبر..؟

بينط لي كل شوي ماني فاضيه كل يوم عذر علشان ما يشوفني..,

ارسلت له؛

(هذا طبخ خدامتنا كان عندي بنات عمي مسلط جايات يشوفوني عارفين اني تعبانه وتغدوا)

اكيد هو داري انهم بنات ابو ابراهيم شافهم يوم يطلعون من بيتهم

الي مقابل بيتنا على طول ودخلوا عندي ..,

ناديت الخدامه وقلت لها صحيني على اذان المغرب..,

جوالي قفلته مره وحده عارفه ان زياد ماهو معتقني وانا ابي اناااام..,

نمت وصحتني الشغاله على اذان المغرب صليت وقريت اذكاري وردي متعوده اقراهم على طول بعد صلاة العصر

لكن اليوم اخرتهم بعد المغرب اليوم فاضيه لا تصحيح ولا تحضير..,

الحمدلله حتى نفسيتي افضل بكثير من الايام الماضيه طلعت لسور بيتنا الجو بارد..؟

رجعت لغرفتي البوم الصور على مكانه فتحته فعلن زياد متغير عن يوم زواجنا..

من تزوجت تو كملت خمس شهور وزياد مره نحف على نحفه يمكن متأثربموت امه الله يرحمها

تذكرت امي اشتقت لها بكلمها لكن خلاص ما راح اقول لها ترجع خلها تستانس..,

فتحت جوالي وكالعاده تنبيه رسايل

رساله من زياد؛

(تسمحين لي اليوم اجيك واتعشى من طبخ خدامتكم

من يوم شفته با الحافظات وانا انسدت نفسي عن الاكل

مشتهي طبخ خدامتكم ارحمي حال اليتيم الي ماعنده ام

ولا علشان انتي عندك ام تكبرتي علينا)

لاحول ولاقوة الا بالله هذا وش الحل معه..

ارسلت له ؛

(مو مشكله بقول لخدامتنا تطبخ لك وتحضره لك با المشب الخارجي تعشى وتتوكل على الله انا تعبانه وبناام )

ارسل على طول ؛

(اللهم اجز عنا كافل اليتيم خير الجزاءاللهم اجعله مع الرسول الاعظم في الفردوس الاعلى)

عسى بس ما يقول افتحوا انا عند الباب

ارسلت له؛

(اذا انت تبي عشا مضبوط خلك في بيتكم واذا خلصت الشغاله عطيتك خبر)

ارسل؛

(على اني قريب من بيتكم لكن خلاص برجع وانتظر اتصالك)

ارسل بعدها رساله؛

(طويله قصة عيونك وانا عمري بها موجود

تعيشني الا مل لحظه وتكسر حاجز الواقع

يقولون من قديم الوقت من سافر مصيره يعود

وانا سافرت بعيونك ولا ادري متى راجع)


يا ليل الرسايل الا ماعاد تخلص هذا وش بلاه..

يا خوفي ان سيارته عند بابنا ماهو على قولته قريب هذا ما صدق اعطيه وجه..,

بخلص شغلي لا يطب علي هذا خلاص اخذت رجله على بيتنا والله ما عاد يفك..,

صلحت عشا لزياد وحضرته له بالمشب..

وحذرت الخدامه اذا سألها زياد من صلح العشا تقول هي..!

ارسلت لزياد عشاك جاهز وخبرت الخدامه تنتبه للباب الحين بيجي زياد..

ودخلت غرفتي وقفلتها تحسب لجنون زياد وكلمت امي على جوال سعد قبل تنام..,

ام عوق\هلا وش عندتس اليوم داقه مرتين..,

عوق\لا يمه حياتي بس مشتاقه لتس..,

ام عوق\الله يسلمتس وشلون امورتس ..

عوق\ابشرتس طيبه من البيت للمدرسه..

ام عوق\وال مسلط اخبارهم..,

عوق\ماعليهم طيبين عرس الجوهره اول الاجازه تحضرين..,

ام عوق \عندي خبر اشوف يمكن اني احضره..

نوره ما مرتس ..؟

عوق\الا والله ماتقصر تمر هي وبناتها..,

ام عوق\ الحمدلله ما قصروا قبل بيقصرون ها الحين المهم لا تنسين وصاتي لتس

عوق \وش وصاته يمه..,

ام عوق \والله ماعندي الا سعد وام ناصر وشابين نارنا..

ازين من حبست البيوت الي جابت لنا الامراض والتكاتره الي يعلون القلب بسوالفهم..!

عوق\يمه وش تقولين ..!

ام عوق\سلامتس يوصل سلامتس وهم بعد يسلمون عليتس..

عوق بخوف\يمه اسم الله عليتس وش فيتس

ام عوق \مافيني غير العافيه ما ابي شوفت التكاتر والله لايحيجنا لهم ..

ولا تتركين البيت لين اعود وماهو تفتحين الباب لكل من هب ودب..!

وانا موصيه نوره ما تخليتس تعستس كل يوم ..,

عوق با ارتباك\طيب يمه..؟!

ياربي امي وش قصدها بكلامها لايكون تدري ان زياد هنا يا فضحي منها وهي اخر مره طاردته..,

تلميحاتها ماتبي سعد واهله يدرون وش بيني وبين زياد

لكن توعدني لودرت اني عطيت زياد وجه

انا وش خلاني ارد عليه واعطيه وجه يويلي منها لودرت من الشغاله انه دخل غرفة نومي

والا اني طابخه له عشا وجا وتعشى

هي وش قلبها عليه كان خلتني بس انا

وهي محايده بينا..,

انا استاهل كبرت السالفه وامي دخلت فيها..,

حتى لو برجع وشلون بحط عيني بعين امي عقب الي قلته لها..,

قمت صليت العشا وفتحت قرآني اللهم اني اسألك الانس بقربك

اخذني الوقت وانا اقرا قرآن ..,

ما انتبهت الا على صوت الجوال وناظرت الساعه كانت ثلاث الفجر

والمتصل زياد

ما رديت عليه قمت كملت صلاتي وانسدحت بفراشي اخاف انام وتروح علي صلاة الفجر..,

امي حياتي بعيده والا هي الي كانت تصحيني ما ترتاح لين اصحى قدامهالصلاة الفجر



ارسل زياد عوق؛

(اذا انتي صاحيه ردي)

ما رديت

ارسل رساله ؛

(تسلمين حبي على العشا والله ما ادري وشلون اشكرك انتي وخدامتك يوم عطفتواعلى حال اليتيم المسكين الي هو انا)

ارسلت له؛

(الحمدلله يوم اعجبك العشابوصل شكرك للخدامة )

ارسل؛

(عوق تكفين ردي ما فيني نوم)

يا بلشتي انا وش خلاني ارسل بينشب لي مثل امس سبحان الله بكل شي مستعجله

وان درت امي اني اكلمه بتزعل علي وهذا ازعجني يدق برد عليه وبسكر الصلاه قربت

عوق بحده\نعم انت ماتنام..,

زياد\هلا اخيرآرديتي

عوق بتهكم\والله من ازعاجك رديت..؟

زياد\مسموحه ام العنود..,

عوق بتذمر\ياليل ام العنود..

زيادبحزن\ليش هذا اسم امي الله يرحمها ماهو عاجبك..,

والله لو يصلح ان الواحد يسمي بناته نفس الاسم لو يجوني عشر بنات مالهم الا ها الاسم..,

عوق\وانا وش دخلني الموضوع هذا احتفظ فيه وناقشه مع امها..,

زياديضحك \وهذا انا اتناقش معها..,

عوق بسخريه\يا حليلك تحلم بروح اتعشى جوعانه..,

سكرت وبدون ما انتظر جواب زياد

فتحت باب غرفتي وطلعت با كل شي ذبحني الجوع ..,

دخلت المطبخ الا بوجهي ....
.
.
.

(كلمه اخيره)


يا ابن آدم . خالف موسى الخضر ثلاث مرات , فقال : هذا فراق بيني وبينك ..

وأنت تخالف الله في اليوم مرات , ألا تخشى أن يقول لك :

هذا فراق بيني وبينك ؟!


الحسن البصري
.
.
.

الي الملتقى قريبآبأذن الله

وسالفه جديده


طيف الأحباب

ام الوليد

تذكروني واحبابي بدعوه طيبه

بسم الله الرحمن الرحيم


اللهم يا الله عليك ببشار واعوانه

اللهم يا الله عليك ببشار واعوانه

اللهم يا الله عليك ببشار واعوانه

اللهم لاترفع لهم رايه واجعلهم لمن خلفهم عبرة وايه وفرق بين كلمتهم وفرق وبينه وبين جنوده

اللهم اجعل تدبيرهم تدميرهم و اجعل الدائرة عليهم

اللهم اجعل بأسهم بينهم و اقذف بينهم العداوة و البغضاء

اللهم سلط عليهم شرارهم و دمرهم بأيديهم و ارمهم ببعضهم و اجعل نارهم تحرقهم

اللهم إنا نشكوهم إليك يا جبار عجل لأخوننا في سوريا نصرك و فتحك المبين
.
.
.
هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر..,

او با الرسائل الي تجيني على الخاص ممتنه للجميع..,

ولد الغاليه ضمني بين الاهداب تعبان من كم يوم

اسأل الله العظيم رب العرش الكريم ان يشفيه شفاء لايغادر سقما

البارت اهداء لكل من سطر في متصفح نوح الحمام ولو بكلمه وحده من دون استثناء..,

سواء مدح اونقد اوحتى يسأل عن مواعيد البارتات دليل اهتمامه با الروايه..,

واهداء خاااص للكاتبه الغاليه الي اضاء بحضورها وتعليقها سماء نوح الحمام

الكاتبه المميزه ام وسن.
.
.

اليوم بنشوف عوق المزايين وثورتها على وضعها كالقيطه مع شخص ثاني غير زيادوكيف عرف زياد بحملها ..!

والاهم الزائر الغريب الي طلع بوجهها..,
.
.

يا الله تعالوا معاي...!!

وسالفه جديدة؛
.
.
البارت التاسع والعشرون

.
.
.

فتحت باب غرفتي وطلعت با كل شي ذبحني الجوع ..,

دخلت المطبخ الا بوجهي...!!!!!!

نط قطو لكن تفاديته بيديني

صرخت وطحت من الخوف واقوم واركض لغرفتي..,

قفلت الباب وقعدت اصيح من الروعه..,

بغى يوقف قلبي من الخوف ولا حولي احدلو انا ميته الخدامه ماهي فاقدتني لصبح..,

اذن المؤذن وصليت وجلست على سجادتي ما صحيت الا النهار طالع..؟

قمت وانا رجولي ماهي شايلتني..!؟

ما ادري من نومتي الغلط والا من الي صار الفجر..,

طلعت لقيت الخدامه ..,

عوق بغضب\في قطو داخل الفجر المطبخ ليش ما تأكدتي قبل تنامين ان الابواب كلها مقفولة..,

الخادمه\سكرت الباب كويس هو يدخل مع شباك مطبخ مفتوح فتحه صغير علشان تهويه

عوق بتعب \صلحي لي فطور وطلعيه لصاله ..,

ياربي احس وجع في بطني وظهري عسى حملي ما جاه شي ..,

ما قدرت اجلس ما ادري هو الم ولا خوف بطلع للمستوصف اشوف الدكتوره...,

ما عاد عندي صبر على الالم طلبت من الخدامه تترك الفطور وتساعدني البس ..,

قلت لها قفلي البيت وتعالي معاي ماني قادره امشي انقص ظهري..

دخلت على طول لدكتوره

الدكتوره \اهلين مدام عوق انتي طالبه كشف مستعجل..؟!

عوق\ ايوا دكتوره الفجر طحت وتعورت واحس وضعي مو تمام ..!

الدكتوره \اطلعي على السرير وان شاء الله خير حاسه بنزيف اواي حاجه..!

عوق\احس شي بسيط لكن ذبحني الم ظهري واسفل بطني الم وثقل..؟!

عملت لي الدكتوره سونار

الدكتوره\الوضع مش مطمئن خصوص ان في دم مهماكان بسيط عاوزه تحويل للمستشفى العام..!

او عاوزه اديك ابر مسبته وتلتزمي باالراحه التامه وتنامي على ظهرك

ماتتحركيش كتير ونشوف يحصل معانا ايه..!

عوق بتعب\خلاص دكتوره انفذ الي تطلبينه والجنين كيف وضعه ..,

الدكتوره بتحذير\اطمني ان شاء الله بخير لكن خودي بالك..!

لو ما وئفش النزيف بعد الابر والا زاد معاكي على طول تطلعي للمستشفى العام ما تجيش على هنا..!

هناك الامكانيات اكبر..,

عمومآالابر مفعولها سريع وان شاء الله يوئف النزيف..!

طلعت من عند الدكتوره واخذت الابر حسيتها مثل النار بجسمي..!

بكيت والخدامه تطبطب على ظهري وتمسح دموعي..,

رجعت للبيت وطلبت من الخدامه تساعدني اوصل لغرفتي..؟

جلست على سريري وبكيت وحدتي ويتمي بين ها الجدران محد درى عني..؟!

عماتي وخالاتي كثرهم يغطون عين الشمس ..!

وانا هنا ماني لاقيه الي يمسح دمعتي غير خادمه من اخر الدنيا جابتها لي الحاجه ..!

ذنبي من برقبته وتقول امي سامحيهم ليش اسامح الله لايسامحهم كلهم من كبيرهم لصغيرهم ..!

الي مافكروا وش حالي غلطه وتصلحت بنظرهم يوم رموني وتخلصوا مني ..!؟

تمددت على سريري جوع وقهر والم وخوف ..؟!

صحيت الظهر دايخ راسي واحس الدنيا تدور فيني ..!

تجهزت لصلاه وصليت وانا جالسه ناديت الخدامه..,

عوق با ارهاق\حضري لي شي اكله ماعاد اشوف من الجوع ..!

اكلت وشربت عصير حسيت نفسي افضل من الصباح..,

ما طرى في بالي الا ريم هذا وقتها

ارسلت على جوالها ريم ابغاك ضروري با اسرع وقت انا في بيت امي ..!

قفلت جوالي ما ابي ريم تستفسر ليش عن طريق الجوال..,

ولا ابي زياد يدق ويلقى جوالي مفتوح خله يظن اني نايمه..!

ساعه وجرس الباب يدق سمعت صوت ريم تسأل الخدامه عني ..,

وعلى طول دخلت غرفتي..

ريم بخوف\وش فيك عوق عسى ماشر ..؟!

ما قدرت اتكلم رديت عليها بكى ودموع

وهي تبكي معي ولا تدري وش السالفه ..؟

ريم ببكى \علميني فيتس شي خالتي وضحى فيها شي لتس ساعه تصيحين

فهميني وش فيتس يا بنت الحلال قطعتي قلبي ردي علي ..,

عوق ببكى مرير \انا هذي مصيبيتي وسبب بلايا لواني بنت حلال ماهذا حالي..؟

لكني بنت حرام ياريم بنت حرااااام..,

ريم من بين دموعها\لا يا عوق لا تقولين كذا والله العظيم محد مثل اخلاقتس وتربيتس..,

وكل ام عندها بنات تتمنى انهم با اخلاقتس وعقلتس وسترتس..

عوق تبكي وبملامه وقهر\وش نفعني فيه هذا انا بالحالي ادفع ثمن شي مالي يدآ فيه ..,

ليش وش ذنبي هو انا اخترت اكون بنت حرام الله لايسامح الي جنو علي ..,

ريم بوجع\الكلام ما ينفع بس تجديد جروح..

يا عوق كل ما ضايقتس شي قعدتي تلومين بنفستس والا انعزلتي عن الناس ..,

واخرتها سوءالتفاهم الي بينتس وبين رجلتس ما تبين احد يتدخل فيه..,

كلنا حاولنا نصلح بينكم لكن امي ارفضت..,

تقول لا خلو عوق على كيفها لين تشبع من رايها..

عوق تبكي بوجع\انا لو كان لي اهل كان من جيتهم وقفوا زياد عند حده..,

ولا انتظرو وش بسوي لكن مقطوعه مالي والي والا احد يدافع عني زياد داسني دوس ..,

وما شفت من يبرد قلبي فيه ويرجع كرامتي..,

ريم بملامه\يا مهبوله الرجال شاريتس وهو تعبان اكثر منتس ..,

لا يغرتس انه دكتور وشهاده والله انه ضعيف وعلى وجهه..!

عوق تمسح دموعهابقهر \ليه وش متعبه من الي وقف على راسه واجبره يطردني بليل ليته حتى نهار..؟!

ريم بقلةحيله\ياربي انتي ماتعرفين شي اسمه تسامح غفران زله..!

زوجتس غلط غلطه كبيره عارفين وهو مابقى احد مالامه كل الي عرفوا الي بينكم..؟!

اتوقع يمشي ويتلفت خايف حتى من الي مايعرفهم يلومونه بلي سواه فيتس..!

ابوي لليوم مايسلم عليه علشانتس ..!

سافر ورجع وابوي ما قاله تفضل على فنجال قهوه..؟

الي كل ماسافر قبل يعرس عليتس لو يومين ذبيحته جاهزه يقول ما ارضى عليه لين ترضى عوق..!

وامي كلمته ولا خلت ولا بقت عليه ياجاه شي الضعيف والله لو ما يبيتس كان طلق وارتاح من كثر مالاموه اهلي..

خالتي وضحى يقول ابوي هدت عليه بغت تضربه بعصاها وطردته قالت له مالك حرمه عندي..؟!

وتقولين محد دافع عنتس ..؟

وش تبين اكثر من ها الاهانه ان حرمه تهد على رجال وتحاول تضربه..!

لو ما كان ابوي عندهم ساعتها كان صارت علوم..!

عوق بدهشه\ متى هالسوالف ليه هوماكان يبي يسافر ماهو فاضي لي..!

ريم بملامه\انتي والله مثل الي رابط عيونه ولايشوف الناس ويحسب الناس مثله ما تشوفه..؟!

اردفت ريم \ الرجال سافر ومارجع الا قبل كم يوم..,

عوق \نمر قالي انه يبي يسافرلأمريكا شهرين..,

ريم بتذمر \نمر بزرآ ماعنده سالفه خم العلم من غير تفكير وانتي تصدقين كل شي تسمعينه..

جزاع ماخذ العلم من زياد وعلمني يقول المفروض انه يقعد شهرين وجا قبلها

زياد سافر بعد ماخلى ولا بقى احد

يدور الي يتوسط له عندتس وعند خالتي..؟!

عوق بحيره \غريبه سفرته عمري ما سمعته قال انه بيسافر..

ريم\يقول جزاع له اوراق متعلقه بشغله هناك اجلها على حياة امه و سافر خلصها بسرعه..,

رجع قبل تمشي امتس للبر بيوم ما ادري يومين..

الله يعينه مرض امه الله يرحمها اثر مره عليه الضعيف

حتى جزاع قال لي سالفة بس تكفين عوق بخبرتس وخليها بينا

والله ما قلتها لتس الا علشان تعرفين زيادوش كثرى عانى من وفاة امه..,

عوق بخوف\خوفتيني ريم وش صاير..,

ريم بتردد\عوق ترى جزاع اخذ زياد لشيخ الرجال بغى ينجن بعد ما ماتت امه اعوذبالله..,

بس تكفين عوق اذا تصالحتوا لاتطرين له شي..

ترى كثير ناس تراجع الشيوخ والاخصائيين النفسيين عادي ..,

عوق بسخريه\ليه يعني مافكر فيني ورجع له عقله الا بعد ماقروا عليه..,

ريم بتذمر \ ياربي عاد هذي الي بتفضحني ليتني ما علمتس

جزاع يقول زياد من طلعت حرمته من البيت طقته الحسايف

لكن ما قدر يلحقها كان خايف انكن تطلبن الطلاق ..,

اردفت ريم\وبعدين المشايخ قرو عليه الضعيف يشكي لجزاع يقول من توفت امي ما انام ..

وان كان قصدتس قراية الشيخ والله ان الي يراجعون الرقاه والمشايخه كثر الي يراجعون المستشفيات اذا ماهو اكثر..,

تعالي لبيتي وشوفي بيت المهندس جزاع..,

عندي دولاب كامل زيوت وعزايم ومويه مقري فيهاونوزع منها بعدكان تبين ..,

اردفت ريم بتهكم \لأن عندي شك انتس مطسوسه عين ماخبرتس عنيده وش جاتس اعوذبالله

عوق تتنهد بوجع \ انا بحيره يا ريم وش اسوي..؟!

ريم \ارجعي لزوجتس ولمي شملتس الي متى وانتي هذا حالتس..,

عوق با انكسار \ تحسبين انه ما ودي ارجع لكن ما ابي يظن اني راميه نفسي عليه..؟!

انا مالي ظهر يوقف زياد عند حده ان استسلمت ها المره بيركب راسي..!

وكل ما تضايق من شي صب غضبه على راسي عارف اني بسكت ..!؟

يغبني ويقهرني ولا يحسب لي حساب ..!؟

ريم \انامعتس بكلامتس لكن الحرمه ماهي مثل الرجال ولا تحط راسها براسه..!

ماتخلي احد يدوس على كرامتها ولاتسوي من الحبه قبه مثل ما سويتي ..!

عوق بقهر\انا سويت من الحبه قبه والا هو يتحداني ويحتقرني..

ريم \هذا الغضب وما يسوي لو كلن مسك اعصابه ماكان شفتي بيت انهدم..,

اردفت ريم تمسح دموعها بضحك وتسلم على عوق\الله يهديتس نسيتيني حتى السلام

وبعدين وش فيتس شكلتس متغير وتعبانه ما انتي عوق الاوله..؟!

عوق \الفجر طلعت للمطبخ نط علي قطوا غير دفعته بيديني بغى يطير قلبي وطحت من الخوف ..!

ريم بذعر\ بسم الله عليتس عسى حملتس ماجاه شي ..!

عوق با ارتباك\وش حمله..,

ريم بضحك\ ما قلت لتس انتس رابطه عيونتس وتحسبين الناس ما تشوفتس ..!

كلنا دارين انتس حامل يا ذكيه..؟!

عوق با استغراب\كلكم من قاله..؟!

ريم \زياد يمشي ويبشر بحملتس من زمان والرجال مسمي نفسه ابو العنود..

مايرد حتى على الي يقوله زياد لازم ابوالعنود ..!

عوق بدهشه\الحين زياد داري اني حامل

ريم بسخريه\اقولتس يبشر بحملتس تقولين داري ..؟!

اكيد داري ويمكن قبل تدرين بعد يعني دكتور نساءولاده

والحريم من شرق وغرب يحجزون عنده مواعيد ولا هو عارف ان زوجته حامل ..!

انا لو كنت ادري قبله كان طالبت بسحب شهادته..,

عوق بدهشه \ انا ماعلمت احد ولا في احد يدري الا شيخه وخوله..,

ريم بضحك \اقولتس درينا من زياااااد ولا تظلمين شيخه وخوله وش فيتس انتي..

المهم وش سويتي بعد ما طحتي..,

عوق تتنهد بوجع \طلعت للمستوصف واخذت ابر مثبته وقالت الدكتوره لاتتحركين..,

ريم \نفذي كلام الدكتوره وارتاحي خلي ها الحمل يتم ..,

ياعوق عيشي مع الناس وجيب لتس ظنا يونستس شفتي كيف نطت قطو وش سوت فيتس ..,

يمكن انها خيره علشان تفكرين بوضعتس وترجعين لبيتس خلاص يكفي وانتي عايشه وحيده..

الله يرحم حال ضعفنا الوحده تذبح الرياجيل وشلون الحريم الضعيفات..؟

قعدت انا وريم من بعد الظهر الي اذان المغرب ..,

ريم بضحك \ يا انا مشتاقه لتس ولأيامنا الخوالي والحوش النخل والمراجيح

ويوم نلعب حريم وانتي ونوف الي تبن تكبرن بسرعه ويجيلكن بزارين

تذكرين يوم اقولتس عن روحتنا مع خوالي

يا انا اكلت طق من امي عقب مارجعت من عندكم

ما فكني الا ابوي منها مسكتني وبا الخيزرانه ومنين الي يوجعتس ..,

وكملها ابوي جا يهاوش امي يقول وش بلاتس على رويم ذبحتيها

قالت له بنتك قهرت عوق على ها المغرب وبكتها ماشفت الا الي سحب اذني بغى يقطعها

ليتني قعدت على خيزرانة امي ولا اذني الي بغت تنقطع ..,

انتي تصيحن في بيتكم وانا اصيح في بيتنا

وليومتس كل ما طلعنا لمنتزه والاحديقه اضحك با الحالي كل ماتذكرت الي صار

يا زينها من ذكريات ياليت دولاب الزمن يرجع..,

عوق تبتسم بمراره\لو يرجع كان تغير شي واجد..,

ريم بممازجه \اقول ترانا من اليوم مبسوطات فكينا من تشاؤمتس

وشيلي عنتس ها النظاره السودا الي تناظرين الدنيا فيها..,

اردفت ريم \وش بلا ماتصيرين مثل نوف ما شاء الله عليها

تذكرين الضعيفه يوم اقولتس قطعت قلبي متحطمه ومتشائمه

كم مره تجيني تصيح تقول تهقين ياريم بعرس..,

كلكن كبري وعيلتن وخواتي الي اصغر مني اعرسن وانا لازقه بحلق اهلي..,

واقولها ماعليتس بيجيتس نصيبتس توتس صغيره..,

ويوم اولد فراس زارتني حرمة عمي ام متعب تقهويني ودخلت نوف شايله انفال نايمه

تخيلي وبوجه نوف قالت الحمدلله ان انفال مثلتس ياريم

اشوا الي ماجت لعمتهانوف والله ان تنشب بحلوقكم سويده ودبه

وتنزل نوف انفال وتختفي

حمدت ربي ان خالتي نفلا ماهي فيه والا كان مسكن شوش بعض

مافيه الا امي وتعرفينها بالها طويل ولا تداني الكلام الي يجرح

قالت لحرمةعمي نوف حظيظ الي ياخذها ليت عيالي كبرها

و ما ادري لو يجي يوم تدورينها لواحد من عيالتس

ردت مرت عمي بتكبر وما لقيتي الا انا اخطب بنتاخيتس الشينه

امي سفهتها وانغثت من كلامها ونزلت تحت عند خالي ..,

وانا ما صدقت حرمة عمي تروح وانادي نوف

بكت الضعيفه عندي تقول من بياخذني اكيد كل الناس هذي فكرتهم

قلت يا بنت الحلال الرزق بيد الله ماهو بيد حرمة عمي قوي صلتس بربتس

وبيرزقتس من حيث لا تحتسبين..,

افااا عليتس يا نوف تخافين ولتس رب اسمه الكريم ..,

وسبحان الله يا عوق ما جا سنه على كلام عمتي ام متعب الا وهي جايه تخطب نوف لولدها متعب

ولو شفتي متعب يوم العرس مستانس تقول نوف يويلي ياريم احس اني بحلم

وهذا هي ماشاء الله تبدل حالها وامس تبشرني بحملها

ومتعب ولد عمي الي يتشرط يبي لبنانيه هذا هو بالع العافيه ومستانس

متعب ممرض بمستشفى وشايف لين قايل بس

وهي ماهنا زود حلى تخبرينها لكن تبي تعيش ومسيره حياتها صح

تدور كل شي يسعدها ويسعد رجلها وتسويه

تقول والله متعب ما يداني يشوفني زعلانه

صبرت وشكرت وربي عوضها..,

وانتي يادافع البلا كل ها الزين والذكاء ولا انتي قادره تعيشين سعيده

تدورين الهم والغبن دواره ..,

عوق بوجع \الله يوفقها تستاهل كل خير..,

ريم \وانتي بعد تستاهلين كل خير انفضي عنتس الهبال وعيشي يومتس كم بنعيش الف سنة

هقوتي لو نعيشهن بعد انتي ياعوق بتقضينهن زعل وتنكيد على نفستس

اردفت ريم وهي تناظر بساعتها\من متى وانا مقابلتس وتاركه بيتي وعيالي ماغير حذفتهم على امي

خواتي يذاكرن محد فاضي لي..؟

عوق\عيالتس هنا غريبه خالتي ما دقت تدورتس...؟

ريم\لا امي داريه اني عندتس وحتى تقول ليني راسها خليها ترجع لبيتها...,

عوق بضيقه\البلا الحين ماهو فيني افرضي رضيت امي تقول لااشوفه..,

ريم بمشاكسه\دام فيها افرضي اجل طاح الحطب وخالتي ان شاء الله بيهداها الله ...؟

عوق بقلة حيله \والله ما ادري خايفه انها ماترضى..؟

ريم بضحك\يا قرادة حظك يازياداستفردن بك الحريم منين بتلقاها

هي من عوق والا من امها..؟

عوق تبتسم \بتفرج ان شاء الله اقعدي تعشي معي ..,

ريم\لا تكفين بروح لبيت اهلي اشوف احد يوصلني لبيتي جزاع محذرني ما اطلع لين يرجع..

عوق با استغراب \ ليه هو وينه..!؟

ريم\سافر عنده مشروع خاص بشغله خبرتس المهندسين وشغلهم ما ينعرف له كم يوم ويرجع ان شاءالله ..,

عوق \ريم كل ماجيت اسألك انسى صدق جزاع كان يدرس طب..,

ريم بضحك\لايكون زياد قالتس...

عوق تبتسم\ اكيدمن غيره مره نسولف وجاب طاري ها السالفه ..,

ريم با اشمئزاز\لا عادت من دراسه تروع الرجال يقول بمادة التشريح

يوم طلع سنه ثانيه طلعوا لهم جثه يشرحونها..؟!

بغى يموت طاح عليهم وانصرع و اخذ شهور وهو من شيخ لشيخ واستشاريين نفسيين ..,

ماتشوفينه طار بزياد من يوم شافه تعبان لشيوخ خاف عليه يجيه ماجاه

قعد اللهم يا كافي فتره كل ما يتذكر الجثه الي طلعوها لهم يستفرغ ويتعب...

راحت عليه سنه ونص من دراسته

يوم رجع يدرس حول هندسه ..,

اردفت ريم بتعجب واستنكار\مشكله يا عوق الي ما يعرف امكانياته حتى لوشاطر

لكن في فروق فرديه ربي ميز فيها ناس عن ناس..!

خالتي لو على كيفها كان عيالها كلهم دكاتره..؟!

نواف نفذ رغبتها ومشى وضعه لو انه تلكك شوي لكن قدر يواصل ويتخرج...

جزاع اشطر منه بواجد لكن ماقدر يكمل..

خالتي مسكينة ماتبي لهم الا الزين لكن وش عرفها هذا سهل وهذا صعب

اهم شي المظاهر والناس يقولون عيال نفلا دكاتره..

اردفت ريم\يا الله عاد انا بمشي ترى والله طولت عندتس..,

عوق بترجي \لا تقطعيني ..,

ريم بمزح\ ماني قاطعتس الله يقطع ابليس بكرا اذا جالتس بزران عرفتي كيف القطاعه

عوق بترجي\ريم تكفين ما ابي احد يعرف بلي صار لي اليوم

ريم بدهشه \ مع اني ماني عارفه وش هدفتس لكن ابشري

ودعت ريم وصليت المغرب وحسيت نفسي دايخه ابي اناااام..؟

صحيت على مثل الطيف جالس جنبي ما ادري حلم ولا علم ..؟!!

صحصحت ابي اتاكد من الي قدامي كان زياد..؟

جالس على كرسي هزاز بغرفتي شريته ايام دراستي با الجامعه..

كل ما شافته امي قعدت تضحك تقول الي يقعد على ها الكرسي كنه راكب هودج على بعير..,

زياد جالس ورافع راسه ما ادري نايم والا سارح بسقف الغرفه..,

غريبه جيته...؟!!

حس فيني يوم حاولت انزل من السرير..,

زياد با ابتسامه باهته \صح النوم..,

عوق \صح بدنك كم الساعه الحين..

زياد يناظر ساعته\ عشره ونص..,

عوق \ياربي ما صليت العشا..,

زياد\قومي الحقي الوقت تبيني اساعدك تقومين..,

عوق بتوجس \لا اقدر عادي الحمدلله ما فيني شي..

دخلت الحمام سمعت حركه با الغرفه..؟

طلعت ما شفت زياد صليت عادي احس نفسي احسن بكثير من الصباح ..,

حتى النزيف البسيط انقطع الحمدلله..,

طلعت من غرفتي ناديت الخدامه

عوق\سورينا من متى بابازياد موجود

الخادمه \من زمان ممكن بعد صلاة عشاء ..,

هو يجي انا كلام انتي في نوم هو يقول ما في مشكله..

عوق\شوفي الادويه حقتي بغرفتي جيبيها..,

الخادمه\انتي مافي عشالازم اكل بعدين عيلاج..,

عوق\والله يا سورينا اليوم انتي اهلي خلاص صلحي اي عشا خفيف..

تعشيت واخذت الادويه..

ودخلت غرفتي برتاح ولو انه ما فيني نوم ..

سمعت صوت جرس الباب ناظرت الساعه كانت على 11ونص الليل

مين بيجي ها الحين الخادمه طلعت للملحق طلعت بشوف مين ..؟

عوق بخوف\مين عند الباب ..!؟

زياد\افتحي بسرعه..

فتحت الباب ودخل

زياد بدهشه\ليش قافله جوالك والخدامه وينها..؟

عوق با استغراب\خلصت شغلها وطلعت للملحق وجوالي مدري وينه وش المشكله..!

زياد بقهر \المشكله خلينا ندخل ما ينفع الكلام على الباب

دخل زياد وانا وراه داخل البيت وجلس في الصاله

عوق\تشرب شي ..!

زياد بحده\ما ابي شي تعالي ارتاحي مانيب جاي اخر الليل ادور اكل وشرب..!

يارب استر هذا وش بلاه لايكون درى وش صار..!

اجل وش جابه اول الليل لغرفتي الا ان فيه بلا..!

معقوله ريم قالت شي وانا حلفتها ما تخبر احد..!

زياد بتهكم\وين رحتي انتي ما تتركين طبع ها السرحان الي فيك ..!؟

عوق بتوتر\لا معك بغيت شي..,

زياد با انفعال \ليش ماخبرتيني بلي حصل لك..!

عوق با ارتباك\وش حصل لي...!

زياد بتهكم وملامه\وبعد تسألين وش حصل لك انا شفت عدم مبالاه لكن مثلك ما شفت ..!

اردف زياد \اسأل عن طيحتك..,

عوق بتوتر\يعني وش الي حصل طيحه بسيطه والحين انا طيبه..

زياد بحده وملامه\كيف طيحه بسيطه وانتي طيحتك سببت لك نزول با المشيمه وش تنتظرين لين يصير شي اكبرمن كذا..؟!

عوق\الدكتوره ما قالت شي..

زياد بتهكم\ماهو كل شي لازم ينقال للمريض ..,

عوق باارتباك \وبعدين انت وش دراك مافي احد يدري اني طحت الا ريم..

زياد\ لايجي في بالك اني عرفت عن طريق اهل جزاع الي عرفت منه هو الي خبرني بحملك..,

عوق بتعجب\مين الي خبرك..!

زياد\ماهو مهم من خبرني لكن انتي يبي لك رعايه خاصه..!

اذاانتي ماتبين نفسك وطفلك انا مافي يدي شي لك

اي كلام بقوله راح تفسرينه على كيفك..؟!

انا رجال شاريك وابيك ويهمني اني ما افقدك ولاافقدالطفل..,

وحريص على صحتكم وسلامتكم لكن ماراح اكون احرص منك على نفسك واظنك فاهمه كلامي..؟
عوق انتي لو بتهملين نفسك ما تتخيلين المضاعفات الي بتصيرلك..,

اقل شي واهون شي ولاده قيصريه حرصآعلى حياتك وحياة الطفل..
كثير امهات فقدوا حياتهم بسبب المشيمه واطفال اكثر توفو ..,

وانا ما اتمنى لك ولا لطفلنا ها المصير..

عوق\اكيد اني حريصه عليه وكل شي بيدي سويته واذا ربي ماهو كاتبه لي ماراح ينفعني حرصي..,

زياد بتهكم\واضح حرصك من الهالات السوداء الي حول عيونك..,

عوق بتوتر \هذي من الارهاق والسهر

زياد\ماهو بس ارهاق وسهر انتي عندك نقص حديد و يبي لك رعايه اكبر مماتتخيلين خليني ادخلك للمستشفى .. هناك بتكونين تحت رعايتي والقرارلك ماراح اجبرك على شي..,

عوق\مومشكله الامتحانات السبت وبعد عشر ايام ادخل المستشفى

زياد بنفاذصبر\انتي كيف تستوعبين الكلام بتنتظرين عشر ايام ..!!

في البيت وراحه ما ينفع كيف راح يكون وضعك وانتي دوام وجلوس فتره لتصحيح..

القرار بيدك اولآ واخيرآ.. !

هاه وش رايك اشوف المستشفى احجزلك غرفه والا كيف ..!؟

عوق\زياد امي ماتدري اخاف تزعل اذا درت اني طلعت من البيت معاك..,

زياد بسخريه\يعني من طالعه معاه بالله...!

والا وين طالعين للمستشفى..؟

اردف بقلة حيله\اعوذبالله من الشيطان لحظة شيطان حضرة بينا ابعدتنا عن بعض

والله يهديك كبرتي الموضوع ودخلتي امك..,

عوق بقهروملامه\الحين اللوم علي انا طلعت من بيتك قدام عيونك ماهو من وراك

ولا كلفت على نفسك تلحقني وفتره وانا جالسه هنا مافي احد عارف ليش انا هنا..!

من سألني قلت انك مسافر..!

زياد بندم\بعد ماطلعتي من البيت ارسلت نجلا تكلمك وكلمتك وانتي رفضتي تتفاهمين وقطعتي كل طريق لتفاهم

وجيتكم هناوماقصرتي فيني ..,

ورجعت مره ثانيه وامك كملت الناقص واهانتني بشكل ماتتخيلينه و طردتني على شانك..,

عوق\طيب ليش ما عطيتني خبر بسفرك تخليني على نار هنا ولا ادري وش مصيري معاك..,

ما اطلع لأحد ما ابي احد يسألني ليش رجعت لبيت امي من عقب شهرونص من زواجي..,

زياد بقلة حيله \ ما ادري مخك كيف متركب..,

انا جيتك و انتي طردتيني ما عطيتيني فرصه حتى اتكلم وما كان براسك الا الطلاق والا الخلع..؟!

با الله كيف اقولك اني بسافروانا طاح قلبي يوم قلتي برفع عليك قضية خلع..,

رجعت بعدها الصباح مع ابو ابراهيم

امك طردتني وقالت مالك حرمه عندي لين تعرف قيمتها..,

و فعلن سافرت كانت لي معاملات متعلقه تركتها وراي

ماكان عندي وقت لها تعب امي ما خلاني اقدر اسافر

وبسرعه خلصتها ترى ما تأخرت با السفر المفروض تمتد لشهرين سفرتي

لكن خلصت اموري بسرعه وبوقت قياسي وتوني راجع

وبعدين البعد كان افضل علشان تاخذين راحتك با التفكير..,

لأني لو بجلس هنا ماعندي صبر على بعادك

بقعد رايح جاي عليكم وانتو بتعاندون اكثر

فا السفر كان افضل حل من وجهة نظري و يمكن تكون وجهة نظر صحيحه ويمكن خاطئه

تفاجئت لما امك طلبت اوراقك و بطاقة الصراف والجوال وانهم كانو عندي في البيت

دقيت على جوالك كثير يمكن اقدر اتفاهم معاك ولاحصلت رد

وبعدين صار يعطيني رد خارج الخدمه كان خالص شحنه..,

عوق\امي صادقه انا كل شي تركته وراي ..,

زياد با استعطاف\قبل تقولين شي مصروفك كنت احوله لحسابك توقعت انك عارفه..!

واكررها للمره المليون انا آآآسف وغلطان ماعندي اكثر من الي قلته لك كل اعذاري حطيتها قدامك ..,

اردف زياد وهو يمسك ايدين عوق ويقبلها\يعني العنود ما تستاهل انها تخلينا نبدى من جديد..,

عوق تتنهدبضيقه\خلاص سوالي تبيه والمدرسه انا مخلصه وضعي ..,

الاسئله والنماذج عندهم ماراح يكون غيابي له تاثير كثير..,

لبست وطلعت من البيت للمستشفى و زياد كان حاجز لي غرفه خاصه بقسم الولاده

من اول ماعرف اني طحت لكن كان ينتظر اوافق ادخل المستشفى

يوم الجمعه حضروا اهل زياد كلهم..؟

بشرى ونجلاء وبناتهم

قضينا وقت حلو مع بعض في المستشفى حسيت بدفئ العايله على اني فاقده امي..

خالتي ام ابراهيم ماتركتني ماترضى اني اكل من اكل المستشفى

يوميآترسل لي طبخ بيت اما هي بنفسها تجي او ترسل الاكل مع شغالتي والسواق
امي رفض زياديخبرها ..,

كنت اكلمها با استمرار ماابيها تحس بشي ..,

اذا بغيت تعرف نعم الله عليك ادخل المستشفى يوم واحدتحس ان كل اهل الارض في ابتلاء..,

وتحمد ربك على العافيه مهما كان وضعك...,

غرفتي مافيها الا انا بما انها غرفه خاصه احس بملل

بعد اوقات الزياره زياد كان يجي ويجلس معاي كان هو مشرف على حالتي..!

على ان وضعي ماكان خطيروزياد ماكان يستدعى الا لأوضاع خاصه يشرف عليها..!

زياد يبتسم\كيف ام العنود اليوم..,

عوق بتذمر\الحمدلله تمام لكن تعبت ومليت ابي اطلع حاسه اني هنا محبوسه

زياد \ليش هنا افضل لك وبعدين الحمدلله وضعك تحسن كثير..,

خلاص تقدرين بعد اوقات الزياره تطلعين من غرفتك لكن لا ترهقين نفسك با المشي..

وعلى العموم يومين با الكثير واحتمال اكتب لك خروج ..!

عوق بتردد\زياد بسألك سؤالين ولا تتهرب

زياد بضحك \ على حسب الاسئله

عوق\كيف عرفت اني حامل ..,

زياد بضحك\لو اقولك كيف عرفت ماراح تصدقين ..؟!

عوق بدهشه\ يمكن ماراح اصدق لأن كل فكره جات براسي كيف عرفت بحملي وارجع اقول لا غلطانه..؟

زياد\الحكايه جدآبسيطه وابسط مماتتخيلين..!

الي خبرتني هيام..؟!

عوق بتعجب \من هيام !

زياد\الدكتوره هيام الي انتي تراجعين عندها..؟

عوق بدهشه \كيف وصلت لك الخبر

زياد\ بنفس اليوم الي عملتي تحليل كلمتني تبارك بحملك..,

انا طلعت من عندكم منقهر ومغبون يوم اجيك الظهر

ودق جوالي قالت لي هيام دكتور زياد اسم زوجتك عوق عبد الملك

قلت ايه وبشرتني بحملك وانك توك طالعه من عندها فاتحه ملف رعايه

ولفت انتباهها اسمي بملفك الي فتحتيه عندها

عوق با استنكار وغيره\وهي وش عرفها فيك ..!

زياد بضحك\هيام دكتورة نساء وبينا زمالة عمل..,

كثير حالات تحولهم لي انتي ناسيه اني دكتور نسا ء

وحتى اخر مره راجعتي عندها كلمتني اخر النهارتسأل عنك تقول المدام كيفها

خبرتني انك مريتيها الصباح وضعك ماهو مطمن..؟

وطيحتك اثرت عليك كثير لكن ما حبت تخوفك وتسأل كيف وضعك

عوق بدهشه \وانت عارف بحملي وانا اخرمن يعلم..,

زياد\اي عارف وقلت لأمك لماجيتها انا ومسلط انك حامل وما يجوز تطلبون الطلاق..,

و قالت اي عارفين بحملهالكن انت ما انت عارف قيمتها

توقعت الكل عنده خبر..

حتى استغربت لما جيت عندك في البيت اخر مره وقلتي انك تعبانه من الدوره لكن مشيتها لك..؟

عوق\يعني تاخذني على قد عقلي...

زياد بضحك\تقدرين تقولين كذا في اسئله ثانيه..

عوق تبتسم بمكر\انت عارف جنس الجنين لأني سألت الممرضه الصباح تقول اسألي الدكتور..,

زياد بممازحه\اي عارف لكن زي ماخبيتي علي حملك ماراح اخبرك بشي..

لكن لا تتفاجئين الجنين احتمال يتحرك ها اليومين..؟

عوق تبتسم\قصدك الجنين تحرك من يومين وبعدين انا عرفت نوع الجنين

زياد بمحبه\صحيح تحرك الحمدلله ..

حركته جدآمتأخره المفروض قبل لكن حطيت الاحتمال الابعد يا الله يا ام العريف وش نوع الجنين..؟

عوق \واذا قلت لك الصدق..,

زياد يبتسم\خلاص اذا قلتي الصدق بقولك الحقيقه..,

عوق \ما ادري حسيت من يوم تقول العنود انها بنت..

زياد\بنت ولد مومشكله اهم شي تقومين با السلامه..

عوق\لا تتهرب زياد من الجواب..

زياد يضحك\ليش اتهرب انتي ماشاء الله عليك المفروض انك على ها الاستنتجات داخله طب

زياد جات له استدعاءواستأذن وطلع..

وانا طلعت برا غرفتي اشوف العالم في احد من الموجودات متعوسه داخليآمثلي والا بس انا..؟!

من باب اذا شفت هم الناس تقولي لهمك تعالى اضمك..!!
.
.
.

(كلمه اخيره)


ليس المؤمن بالذي يؤدي فرائض العبادات صورة ويتجنب المحظورات فحسب

إنما المؤمن هو الكامل الإيمان ..

لا يختلج في قلبه اعتراض

ولا يساكن نفسه فيما يجري وسوسة

وكلما اشتد البلاء عليه زاد إيمانه .. و قوي تسليمه ..

وقد يدعو فلا يرى للإجابة أثرًا

وسره لا يتغير ..,

لأنه يعلم أنه مملوك , وله مالك يتصرف بمقتضى إرادته

فإن اختلج في قلبه اعتراض ,خرج من مقام العبودية إلى مقام المناظرة

كما جرى لــ إبليس

ابن القيم
.
.
.

الي الملتقى قريبآبأذن الله

وسالفه جديده


طيف الأحباب

ام الوليد

تذكروني واحبابي بدعوه طيبه

بسم الله الرحمن الرحيم

اللهم يا هازم الاحزاب ويا مجرى السحاب يا رب الارباب,

نسالك يا الله يا قاصم الجبابره ان تدمر نظام بشار واعوانه اعداءنا واعداؤك ,

وتشتت شملهم وان تفرق جمعم اللهم اصبهم بالداء السقيم,

وبالوباء العقيم اللهم احصهم عددا واقتلهم بددا ولا تبقى منهم على الارض احدا,

اللهم اجعل الدائرة عليهم,

اللهم قد ارانا قوته على اخواننا .. فأرنا قوتك عليه,

اللهم اني اسالك ان تزلزل الارض تحت قدميه

اللهم لاترحمه اللهم ارنا قوتك عليه فقد طغى

وقتل الاطفال والنساء الشيوخ والرجال

اللهم انه ظالم ابن ظالم فنتقم منه

اللهم انت المرجع وانت المجيب لااله الا الله وحده لاشريك له
.
.

هلا وغلا بكل الغوالي الي يعطرون متصفحي المتواضع سواء با لردود او الاعجاب او التقييم او الشكر..,

او با الرسائل الي تجيني على الخاص ممتنه للجميع..,

البارت اهداء لكل من سطر في متصفح نوح الحمام ولو بكلمه وحده من دون استثناء..,

سواء مدح اونقد اوحتى يسأل عن مواعيد البارتات دليل اهتمامه با الروايه..,
.
.

اليوم بنشوف عوق المزايين والا بتلاءات الي بتسمعه من المريضات با المستشفى

ورجعت الوضيح وعودة ابن الجيران...!!

يا الله تعالوا معاي...!!

وسالفه جديدة؛
.
.
البارت الثلاثون
.
.
طلعت برا غرفتي اشوف العالم في احد من الموجودات متعوسه داخليآمثلي والا بس انا..؟!

من باب اذا شفت هم الناس تقولي لهمك تعالى اضمك..!!

تعبت من المشي بين اسياب القسم جلست با الاستراحه ارتاح..؟!

شفت حرمتين جالسات با الاستراحه ..

وشكلهم ماهم حوامل استغربت وجودهم هنا وحده منهم تبكي بحرقه ..؟!

الحرمه الي كانت تبكي تقول ماراح اوقع على العمليه والثانيه تحاول تقنعها..؟!

دق جوال الحرمه الي كانت تصيح وطلعت ترد على جوالها وبقيت انا والحرمه الثانيه..,

سألتني

الحرمه \سلامات شكلك حامل..؟

عوق\ايواعندي مشاكل با الحمل المشيمه نازله..؟

الحرمه\ سلامتك تقومين با السلامه ..!

عوق \الله يسلمك وانتي..؟!

الحرمه\انا حكايه طويله يا بنت الحلال..؟

عوق \انتي حامل..؟

الحرمه \لا توني والده من كم شهر..؟!

عوق\الحمدلله على سلامتك طيب ليش متنومه هنا..؟!

الحرمه\ الله يسلمك انا في بداية حملي عملت سونار..؟!

قالت الدكتوره احتمال حملك تؤم وانبسطت لكن زوجي ابدآماكان فرحان وعملي مشاكل ..؟!

عوق بدهشه\ ليش..!

الحرمه بتذمر\ لأن لسا في بداية زواجنا ويقول زوجي بسرعه بنصير عايلة وبدري على المسؤليات..!؟

عوق با استنكار\لا حول ولاقوة الا بالله الهدف الاول من الزواج تكوين أسره..؟

الحرمه بحسره \ عاد هذا الي صار بعدها بفتره تعبت وحسيت حملي فيه شي راجعت المستشفى..!

قالوا مافي تؤم حملك جنين واحد لكن عندك كيس فوق الرحم ولازم لك متابعه لا يقتل الكيس الجنين ..

وقعدت فتره اراجع وبعد الولاده قرر الدكتور يشيل الكيس ..,

لأن بقاءه في جسمي ممكن يتسبب بوفاتي او يتضرر الرحم وقررو يعملو لي عمليه قيصريه

ولما فتحو البطن اكتشفو ان الاكياس كانت اجنة التوائم الي قالوا لي عنهم في بداية حملي

وكانوفوق الرحم حتى ان الدكتور الي عمل لي العمليه

يقول الكيسين سبحان الله كانوا متخلقين عظام ومخ وشعر ..,

والحين الخوف انها سببت لي عقم وزوجي زعلان يقول ماعندنا الا طفل واحد ..,

عوق \الله يشفيك ويرزقكم يارب وتطلعين با السلامه..,

الحرمه بوجع \آمين ويشفيك ويرجعك لاولادك سالمه..,

عوق بتأثر\هذا اول طفل لي طيب الحرمه الي قبل شوي تبكي وش فيها..,

الحرمه\هذي مسكينه تصوري حامل خارج الرحم..,

والطفل يكبر وخطر على حياتها ولا هي راضيه توقع ينزلون الحمل ..؟

عوق\كم لها حامل ..؟

الحرمه \لها شهر تقريبآ حامل..؟

عوق \الله يعين ويشفيكم..؟

رجعت الحرمه بعد ما انهت اتصالها وانا تركت الا ستراحه برجع لغرفتي..,

كان في غرفه مفتوحه والممرضه دخلت بسرير فيه طفل تبارك الله شدني شكله وقعدت اناظره

الحرمه الي داخل شكلها والده قالت لي تفضلي

دخلت داخل غرفتها وهي شكلها تعبانه..!

عوق \ الحمدلله على السلامه والده قريب..؟

الحرمه بحزن\امس في الليل ..

عوق \الف مبروك ما شاءالله بنت والا ولد..!

الحرمه \بنت..

عوق\ اول ولاده لك ..ّ؟

الحرمه\لا عندي اربع اولاد وبنتين وهذي الثالثه..,

عوق\ الله يخليها لكم تتربى بعزك وعز ابوها..,

قعدت الحرمه تبكي ياربي انا وش سويت وتشاهق اعوذ بالله..؟!

ما تعودت اكون فضوليه..!!

لكن با المستشفى غصب اذا شفتى المرضى تسألي يمكن احد مثلك..؟

و يطمنك على وضعك..,

عوق\بسم الله عليك وشفيك..!

الحرمه ببكى\بنتي انولدت يتيمه..ّ!

عوق بحزن\انا لله وانااليه راجعون.

الحرمه من بين دموعها\ قبل اسبوع مثل اليوم زوجي كان معانا فجاءه شكا من قلبه..

وعلى طول جلطه وتوفى من 3ايام وانا ولدت بعده بيوم حتى عده ما اعتديت عليه الا يوم واحد..

بطلع الحين على طول اخذ اطفالي واعيش في بيت اهلي..!؟

عوق بوجع\الله يصبرك ويعينك..,

تركت الحرمه وطلعت لغرفتي تمددت على سريري..

صدق من شاف بلاوي الناس هانت عليه بلوته..!

الا بلوتي ماتهون على كثر ماشفت مالقيت الي يهونها..؟!

الي محتفظه بحمل عارفه انه راح يقتلها لو تم..,

والي زوجها استكثر على نفسه ان ربي رزقه بتؤم

والحين هو وزوجته خايفين من العقم وهو ماعندهم الا طفل واحد

من غير هم الارمله الي توها صغيره وبأول شبابها وبرقبتها عايلةكبيره

وطفلتها الي بتطلع لدنيا من غير اب..,

اليوم الثاني الصباح كانت المفاجاءه ..؟

سمعت صوت عصا ماهو غريب علي..,

اكيد صوت عصا امي حياتي..

وماخاب ظني دخلت والخادمه معهاوامي معصبه..

حاولت انزل من السرير رفضت وجات سلمت علي..

ام عوق بغضب\ وشلونتس من متى وانتي متنومه وليه ماعلمتوني..

عوق\يمه ابشرك طيبه وان شاء الله اليوم والا بكرابطلع من المستشفى..

ام عوق بحده وملامه\يعني انا ما ادري الا من البعيدين..

عوق با استغراب\يمه من قالك ..؟!

ام عوق\حرمة سالم اختها متنومه هنا وشافتس وعلموني..؟!

عوق بقهر\سبحان الله الناس ماتجيب العلم الي يسر..؟!

ام عوق بحده وزعل\ يسر مايسر حسابتس بعدين..,

اردفت ام عوق \رجلتس وينه ..؟

عوق بتوتر\ اكيد مشغول والا با العاده يمر...!

كيف دخلتي ماهو وقت زياره..؟!

ام عوق بتذمر\غصب دخلوني قلت لهم بنتي متنومه

قالوا ممنوع ما يفتحون الباب الا وقت الزياره..

يوم قلت لهم رجلها التكتور زياد متوظفن عندكم واخذت شوي وجابوني لتس..

عوق \يمه اشتقت لتس احس اني لي مية سنه عنتس..!

ام عوق بتهكم وتوعد\لا والله يا بنيتي ما جبتي خبري تسرحين وتمرحين مع رجلتس

وانا محذرتس منه ولا اشوفه حول بيتي..!

اردفت ام عوق بسخريه\ماشاء الله الشغاله مير تعلمني انه سكن عندتس با البيت ..,

ما عرفت ارد يعني وش بقول ..!!

امي زعلانه علي وانا استاهل كل شي يجيني

دخل علينا زياد ..,

زياد يبتسم\هلا والله بخالتي تو مانورت الرياض..!

ام عوق بسخريه لاذعه \اقول ما يمشي عندي تمسح الجوخ انا وش قلت لك اخر مره كلمتني ما قلت مالك مره عندي..,

زياد يضحك\الخيرٌ يقول ويغيرً ..

ام عوق بتهديد\اعلمكم الخير وش يسوي خلها تطلع من المستشفى ..,

متى تطلعونها..؟

زياد يضحك بممازحه\هي كانت راح تطلع اليوم لكن يا خاله مع كلامك يمكن تطول شوي عندنا ..

ام عوق بتوعد \مصيرها تطلع يا زياد اليوم والا باتسر و لبيتي والا ما يصير طيب ..

زياد يبتسم\ابشري ياخاله اهم شي ترضين علينا لو تبين الحين اكتب لها خروج وتطلع معك..

ام عوق \كان مافيه ضررعليها اي بالله بيتها ازين لها ..

كتب زياد لنا خروج وطلعت للبيت ..,

امي على انها زعلانه علي وعلى زيادالا ان اهتمامها فيني تضاعف..,

خلت الشغاله ترتب لي سرير بمجلس الحريم تحسب لزيارة الجيران زياد قال لا تتحرك كثير..

وانام با الليل بغرفتي على سريري وامي بغرفتها..,

تسولف معي من غير نفس و من جات من البر احس امي جسمها هزلان اسألها وش فيتس ما تعطيني وجه

وتتعب من اقل مجهود ومع هذا صاده عني وعن زياد..,

وكم مره زياد يجي للبيت ترفض امي تطلع له..

طلب يشوفني ورفضت وما طلعت له ما ابيها تزعل علي ..,

صار تواصلي مع زياد بالرسايل حتى مكالماته ماارد عليها اخاف تسمع امي وتزعل علي ..

هذي امي قبل يطلع زياد في حياتي تركت الدنيا على شاني والله لو تطلب اتطلق منه تطلقت عادي..

زياد ماهو احسن مني يوم كان يقول امي لو تطلب عضو من اعضائي بعطيها وانا فرحان..,

وبعد ما تسببت بزعل امي على زيادو خليتها تاخذ منه موقف تصالحت معه من وراها ..!

انا تسببت على نفسي بها المشاكل ملزومه اتحمل نتيجة تهوري..

ام عوق بحده وانتقاد\وش عنده رجلتس كل شوي جايني منه مرسال..,

مره ابوابراهيم ومره خواته يبي الصلح هو في شي يصير من وراي..

عوق با ارتباك\وش بيصير من وراتس ..,

ام عوق بتهكم ساخر\الرجال مالي يده من رجعتس يقول هي بس امها ترضى الباقي بسيط ..,

عوق بحزم\يمه خوذيها كلمه وحده انتي الاولى والاخيره ولا راح يصير الا الي انتي تبينه..,

تبيني اتطلق بشكيه للمحكمه من بكرا تبيني ارجع عادي تبيني معلقه ماعندي مشكله..,

انتي لتس بس الامر وانا علي التنفيذ..

ام عوق بحزن\والله ما ابي الا صلاح حالتس ولا ابيه يشوفتس رخيصه ..

انتي لو ما كبرتي الي صار بينكم ما كان والله تدخلت لكن الحين مجبور زياد ياخذ درس

وانتي معه علشان تعرفون قيمة بعضكم ولا عاد ترجعون لهبالكم..,

سوالفكم تحرمون تطلع برى جدران بيتكم الي يزعل منكم على الثاني يبعد عن خويه

لين تفوت عجاجة ابليس وعقبهاترجعون ماكن صاربينكم شي ..,

اردفت وضحى \طلعتي للبر ماهو والله علشان اتونس ماعاد لي والله شف با الدنيا ياعوق

لكن ابيتس تعرفين ان الحرمه ضعيفةوش ماكابرت محتاجه لرجال يسند ظهرهاويحميها

ولا تحسبين ان ماعندي خبر ان زياد يحوم حولتس لكن ماهقيت انه يدخل البيت

مادخل والله البيت الا وشايفآ منتس لين جانب خليه يتحرقص كم يوم ويعرف انتس غاليه..,

اردفت ام عوق بتهكم موجع\تدرين ليه سعد دعاني للبر يبي يعرف وش عندي من مال موزيته عنهم

وعطاني دراهم اطلبه من مبطي هو وسالم يبونها طعم يستدرجوني به

علشان ياخذون شي اكبر ويحالون بي اني ارجع البيوت با اسمي الي كتبتهالتس

والوكاله ارجعهامن مسلط لسعد يقولون عوق اعرست ورجالها يضمن مستقبلها

اخذت لها تكتور راتبه عن عشر موظفين ماهي محتاجه الي انتي عطيتيها..

وحجتهم عيالهم كبروا واولى منتس بمالي وانا مثل جدتهم وهم ابدى من الغريبه..,

ام عوق تتنهد بحسره\وبرايهم ان الي يحوشونه من مالي غنيمة محد محاسبهم عليها

شفتي وشلون الناس محضره وبارده سكاكينه عليتس وانتي ما تدرين

كلامي لتس علشان تعرفين قيمة رجلتس وتشوفين الناس وشلون تفكربشي ما جا على بالتس

انا ما وقفت بحلقه الا ابيه يتأدب ويعرف قيمتس

كل يوم والثاني منزل دمعتس وعقبها يجي يحبحب راستس وترضين خليه يتوب وعقبها نشوف وش نسوي..,


يويلي لو درت امي اني اراسل زياد يمكن تطق وتموت امي صادقه خل زياد يتأدب ..,

بكرا اخر يوم با الامتحانات ومابقى على زواج الجوهره الا اربع ايام..

وانا وعدتها بمفرش ولا اقدر اطلع لسوق ولو بقول لأامي ما تعرف مافيه الا زياد يحلها لي

ارسلت ؛

(زياد انا واعده زوجة نواف بهديه ولا اقدر اطلع لسوق اذا عندك وقت تمر السوق)

ارسل ؛

(كم ام العنود عندي انتي بس امري تبين شي محدد والا على ذوقي )

ارسلت؛

(وعدتها بمفرش وخله على ذوقك وابيه يبيض الوجه)

ارسل :

(تم اليوم ان شاء الله وهو عندهم بنزله واقول انه منك )

وارسل زياد في الليل

(وصلت الهديه وقلت لهم انها منك)

ثاني يوم خالتي ام ابراهيم كلمت امي قالت بتجي بعدالعصرهي والبنات..,

بيشوفوني كانو مشغولات با الامتحانات جو معاها ملاك وروان وميعاد..,

روان بفرحه\الحمدلله على السلامه عوقه شكلك صاير تحفه..,

ملاك\نفسي اشوف عوق ام ومعاها نونو ما تخيلك ابد..,

وسوالف وتعليقات البنات وامي وخالتي ام ابراهيم

ميعاد با اعجاب\اما المفرش الي ارسلتيه للجوهره بصراحه خقق شي يفوق الوصف ..!

عوق \ميعاد ترى كلمة خقق ابد ماتصلح لا تخلينها بلسانك..,

روان \والله يا ابله عوق تعودنا عليها على ان حتى نطقها تحسين انه شي مو زين..,

ام ابراهيم منحرجه \ قالت لي الجوهره عوق تقول بتاخذ لي مفرش

ما توقعت بتشترون هذا مره كلفتوا على انفسكم..

ملاك \تدرين عوق ان الجوهره شافته يوم كانت تجهز..,

بغت تشتريه لكن قالت اذا شريته لازم استغني عن اشياء ثانيه وسبحان الله ربي جابه لها..!

ام عوق با استغراب \وش كلافته يا نوره كله مفرش..!

روان بدهشه\ خاله لو شفتي المفرش يوم جابه زياد كيف خواتي انبهرو فيه ما قلتي كذا ..؟!

ام عوق با استفهام\من جابه لكم..؟

روان بااستغراب\زيادزوج عوق البارحه كلم ابراهيم في الليل وقال جايب لكم اغراض من اهلي لزوجة نواف..,

ناظرتني امي نظره تمنيت الارض تنشق وتبلعني..

صرت ادعي ان خالتي ام ابراهيم وبناتها يجلسون طول العمر ولا يطلعون من بيتنا..

امي ما يفوتها شي يا فضحي وش بقول وش برد وشلون درى زياد اني بهدي الجوهره مفرش..

على اذان المغرب طلعت ام ابراهيم وبناتها لبيتهم وحانت ساعة العقاب من امي..

صليت وجلست انتظر القصاص..؟!

لكن غريبه امي مشت الموضوع عادي ولا علقت على شي يمكن ما انتبهت لكلامهن او ما فهمته..!؟

تعشيناودخلت غرفتي بناااام

جاتني رساله من زياد؛

(كيف العنود وامهااليوم)

ارسلت ؛

( طيبات ومشكور على الهديه الي ارسلتها لزوجة نواف )

ارسل؛

(ما سويت شي ونواف يستاهل عساه اعجبهم )

ارسلت ؛

(مره اعجبهم وحتى يقولون المفرش حيل غالي حسيتهم يجاملوني بكلامهم )

ارسل ؛

( ههههه يجاملونك تدرين كم سعره..!! )

ارسلت ؛

(كم يعني كله مفرش..؟)

ارسل؛

( قيمة المفرش مقدار راتبك في المدرسه الاهليه 3مرااااااات )

ارسلت ؛

(انت صادق)

ارسل؛

(اما عاد اكذب عليك تداومين من الصباح لظهر وحصص وتعب واخرتها تجمعين رواتب ثلاث شهور علشان تشترينه)

ارسلت؛

(اكيد تمزح)

ارسل؛

(لا بعد الراتب صافي ماتصرفين ولا ريال منه)

فجعني كلامه وش قصده يوم يرسل هديه بالقيمه هذي..,

ارسل ؛

(تبين تتأكدين امرك ونطلع للمحل تشوفين السعر واشتري لك واحد مثله زوجة نواف ماهي احسن منك)

ارسلت ؛

(خلاص ما يحتاج مصدقتك)

ارسل؛

(تكفين عوق بطلع معك نتمشى ساعه وحده وارجعك عند امك شوفي لك اي عذر صرفي امك فيه

ليتني خليت مواعيدك با المستشفى يوميه ماتتخيلين وش كثرمشتاق لك وربي اتخيلك بكل مكان)

ارسلت ؛

(الي فيك كله من السهر يا دكتور قلة النوم تخلي الواحد يهلوس )

ارسل ؛

(الله لايوريك حالتي مستعصيه فوق قهر اليتم ذبحني الجوع يا ليت امك مطوله في البر

كان ما انحرمت من اكل خدامتكم ان كان امك بترجع بوصلها بنفسي )

ارسلت ؛

( بوضعك يمدحون النوم )

ارسل

(والي ذبحته الوحده ومافيه نوم وش يسوي)

ارسلت ؛

(ابد ما يسوي شي ياخذ دش ويشرب حليب دافي وينام)

ارسل ؛

(آه بس انتي تتكلمين و ما تحسين بلي احس فيه

يا شين الشوق با الليل يا ستار تسهركن ما بالعيون جفون )

قفلت الجوال ونمت زياد ماراح يعتقني من رسايله..,

الصباح صحيت وطلعت افطر واتقهوى مع امي

ام عوق با انتقاد لاذع \وش عرف زياد انتس تبين لبنت مسلط مفرش..,

عوق منحرجه\يمه انا ارسلت له ماكان قدامي حل الا هذا ..

ام عوق بتهكم\ترى ماكأني سويت شي انا اصده من جهه ابيه يعرف قيمتس..

وانتي تغافليني من وراي وتضكحون علي انتي وهو..,

عوق بخجل \يمه والله ماهو قصدي ولا تقولين اني اضحك عليتس ..,

ام عوق با انتقاد\ للحين انتي صغيره زياد مهما ضحك لتس وعطاتس من معسول كلامه احذري منه الرياجيل ما ينأمن لكلامهم..

انا ادري انه يحبتس وشاريتس لكن ابي الي اسويه الحين له قرصة اذن بعدين هذي فرصتس تعلمينه قدرتس..

يا عوق من هي الا م الي ترضى بخراب بيت بنتها بس وش اسوي انتي الي حديتيني..,

عوق با انكسار\ ابشري ..

ام عوق \تروحين لعرس الجوهره..؟

عوق \والله ودي لكن ما اقدر اطول با الوقفه..,

ام عوق\اجل على خير انا بروح لهم واقوم با الواجب وارجع بسرعه..

عوق \يمه استانسي عادي لا ترجعين الا اذا طاب خاطرتس..,

ام عوق \الحاره اكيد بتخلا الجيران كلهم بيحضرون العرس ما اقدرابطي

مالي حيل على السهر وانتي تعبانه..,

الحمدلله عدى الموقف على خير ...

زياد صار يرسل ويدق ولا ارد عليه ..,
.
.
يوم عرس الجوهره
.
.
ام عوق بتحذير\انا الحين طالعه مع السواق انتبهي لنفستس

بسلم على ام ابراهيم وام جزاع وبسرعه بعود ماهو من بعد القصر..

عوق بضحك\ يمه كني اول مره اجلس با الحالي ..,

ام عوق تضحك وبسخريه\وانتي الصادقه اول مره تجلسين وفيه ذيب يحوم حولنا يبي له غزيلن يصيده..

عوق تضرب صدرها و بمشاكسه\لا ما عليتس خليتي وراتس ذيبه تطمني..!

ام عوق بضحك\ والله اني خايفه ان الذيبه هي الي مصوته لذيب..,

عوق\يمه وش رايتس ان جا الذيب بدون صوات احبسه لتس ..,

ام عوق با استفهام\وشلون يا بنت الوضيحي..!

عوق\انا وانتي عارفات انه من يشوف سيارتس ماشيه..

جا يركض طايره شماليله يبي يشوفني واسكت عنه لين يدخل البيت وادخله وحده من ها الغرف ثم قفلتها عليه..!؟

ام عوق بتفكير\ اسمعي كان تبين ارجعتس له اليوم سويها وهو وحظة ..,

اردفت وضحى بتهديد\ لكن والله ان دريت انتس انتي مكلمته والا جايه خبر منتس

لا تلومين الا نفستس خليه يدخل برضاه داخل البيت ..؟!

عوق بضحك\طيب يا الوضيحي وان حلفت لتس اني ما سمعه صوتي لين ترجعين من عرس ال عبد الرزاق..,

ام عوق\مصدقتس بدون حلف مير قفلي عليه الباب ولا تفتحين له لين اعود وانا ماني مبطيه ان شاء الله..,

اردفت ام عوق\ ان كتب الله وواجهته اليوم وانا فرضت عليه شروطنا ولاعاد له وجه يزعلتس

وهو الي حاول بيديه ورجليه انه يرجعتس ويصير الحق راكبه ..,

وان جينا لصحيح ترى انتي الغلطانه كبرتيها بينتس وبينه..؟!

عوق بندم\يمه خلاص صار الي صار والله اني تبت واخذت درس..,

ام عوق \استودعتس الله..,

امي كلامها صح انا كبرت الموضوع لو اني انثبرت في بيتي ماكان كل ها الاحراجات مع امي..,

كان تزاعلنا يوم يومين وهو اكيد بيعتذر لي ولا كأن شي صار..

هذا هو يوم كلمني وجا واعتذر نسيت سواياه..,

بدال ماهو يدور رضاي والا ادور ارضاه صرنا نبي بس امي تسمح لنا نرجع لبعض ..,

من غير طيحة وجهي من خالتي نوره ونجلاء يوم ماخليت حلف ماحلفته اني ما ارجع

وش استفدت الحين من الي سويته كم شهر وانا ورجلي كل واحد في جهه وانا تسوقني عليه الظنون..

كل ظنآاقشر جا في بالي..!

بعد ما طلعت امي من البيت وصلتني رساله على الجوال من زياد..

ارسل؛

(عوق تكفين بشوفك لو دقايق)

ارسلت ؛

(ما اقدر على زعل امي )

ارسل ؛

(خالتي شفتها قبل شوي طلعت مع السواق والشغاله انا عارف انك في البيت با الحالك

محد بداري والله ما اطول انا بطلع للعرس ماراح اتأخر عندك)

مارديت عليه

ارسل ؛

(انا عند الباب افتحي والي يصير يصير)

سمعت صوت الجرس الخارجي ..,

طلعت وقبل افتح الباب اخذت مفتاح المشب الخارجي وخليت المفتاح من برا..

فتحت الباب ودخل زياد وريحة عطره تسبقه سلم علي بحراره..!

وهو لابس وكاشخ شكله بيطلع لعرس نواف ..,

لابس ثوب وشماغ شكله طالع عذاب..,

زياد بتذمر وقهر \ حرام عليكم والله حتى شكلك نسيته

اردف زياد بحب\ مشتاق لك والي تسوونه انتي وامك فيني من يرضي بالله ..!

حتى سيارتي وقفتها بعيد عن البيت خفت امك ترجع وتعرف اني هنا..؟!


ما رديت عليه دخلت قدامه داخل المشب وهو يمشي وراي ..,

زياد با استغراب\عوق وش فيك اكلمك ليش ماتردين..,

اشرت له بيدي اصبر وصلت للباب وهو جلس على مركى يناظرني..,

زياد بملل وتذمر\زوجتي وشوفتها با الحسره علي

اردف زياد \عوق تعالي اجلسي ما بي شي لا تعبين نفسك الحين ماشي ..,

ما رديت عليه على طول سكرت الباب فجاءه وقفلته واخذت المفتاح ..

ركض للباب لكن انا كنت اسرع منه..!

زيادبضحك\عوق افتحي وش ها المزح الثقيل..,

مارديت عليه دخلت داخل انتظر امي يا ليتني خليت جوالي مع امي علشان اكلمها..,

امي قالت بترجع بسرعه الحين لها نص ساعه وزياد يضرب الباب يبيني افتح..؟!

وان فتحت له وش بقول له وانا حالفه لأامي ما اردعليه..؟!

من غير رسايله واتصالاته..,

واخاف امي تدخل علينا وتروح علي فرصة رجعتي له مثل ما وعدتني امي..,

دق التيلفون الثابت شفت رقم جوال غريب..!

المتصل بصراخ وتهديد\تحسبين انك بتسلمين ما قلت لك الموعد قريب..؟!!

عوق \انت مين..؟

المتصل\انا الي ارسلتي ابو ابراهيم يشتكي مني اني مأذي بنات الحاره..!

ليه انتي مثل بنات الحاره يا بنت الشوارع الحين جايك...!؟

قفلت الخط وانا ما عاد تشيليني رجليني من الخوف ياربي وش ها البلوى..,!

طرى لي زياد بروح افتح له..؟!

جاني اتصال من زياد ورديت..,

زياد بهمس\عوق قفلي على نفسك بسرعه شفت من شباك المشب واحد راكب على سور البيت شكله حرامي..!؟

ما ني قادر اطلع كلمت الشرطه وان شاء الله الحين جايين..؟

دخلت غرفتي وقفلت على نفسي زيادمعي على الخط ..؟

زياد \ قفلتي على نفسك..

عوق ببكى\ايوا قفلت غرفتي كنت بطلع اقفل باب الفله خفت يسبقني ويدخل

زياد بصوت منخفض\ ما يمديك دخل داخل غاب عن عيوني..!

احتياط ادخلي لحمام غرفتك واقفلي على نفسك..

لو بيحاول يفتح باب غرفتك ماراح يلقاك ولا تعلين صوتك عشان ما يسمعك انا معك على الخط..؟

عوق من بين دموعهابهمس \خايفه زياد واحس وجع بظهري وبطني ..,

زياد بطمئنه\هدي اعصابك واجلسي باالارض وممدي رجولك وخوذي نفس وان شاء الله ما يصير الا الخير..,

لا تتركين جوالك خلك معي ثواني بقفل وادق عليك خلي جوالك بيدك فاهمه..,

عوق بخوف \طيب..,

زياد متواصل معي على الخط وانا احس نفسي انتفض من الخوف من غير وجع بطني وظهري

دعيت بقلبي ان ربي يحفظني ولا يفضحني واستودعت الله نفسي وجنيني

<<اللهم اكفني شرماأهمني واجعل همي فيمايرضيك اللهم إني أستودعك نفسي وجنيني

يامن لاتضيع ودائعك ياالله يارب أحفظنا واحمنا من شياطين الانس والجن>>

حسيت صوت داخل البيت يفتح ويضرب الابواب وينادي يا بنت الحرام..,

اطلعي وينك يعني وين بتروحين مني..

من بيسمعك مافي احد اطلعي..؟

وقعد يصرخ بصوت عااالي اسمعه يضرب باب يبي يكسره

شكله باب غرفة امي مقفوله كان متوقع اني فيها ..,

وقفت ودخلت بسرعه الحمام وقفلته على نفسي وزياد معي على الخط يهديني

زياد\لا تخافين هذا انا احاول اكسر حديد الشباك وجايلك انتي اهدي بس ..,

ماعليك بوصل لك قبله بأذن الله ..,

تخالطت علي الاصوات صوت تكسير عند زياد وصوت الحرامي الي داخل البيت يضرب باب غرفتي..,

هداصوت التكسير عند زياد وصوت باب غرفتي حسيته انكسر..!

اصوات ضرب داخل الغرفه بعدها حسيت اني ماعدت اقدر ابلع ريقي من الخوف ولا حتى اتنفس ..!

يمكن هذا الموت الي يا ماكنت اتمناه بعدها ظلاااااااااااااااام...!!!

.
.
.

(كلمه اخيره)

آحلامنا التي لم تأت لم تخذل مواعيدها ربما هي تنتظر وقتاً أفضل

لتباغتنا بالفرحة أو لعلها تختبر صبرنا وجديتنا !

أو تحفر في وجداننا أهميتها لئلا نرمي بها بعيداً فلا تسأموا انتظارها

سلمان العودة
.
.
.

الي الملتقى قريبآبأذن الله

وسالفه جديده


طيف الأحباب

ام الوليد

تذكروني واحبابي بدعوه طيبه