الصفحة التاسعة / ..

تراني أحبك ؟ لا أعلم
سؤالٌ يحيط به المبهم
وإن كان حبي لك افتراضا.لماذا؟
إذا لحت طاش برأسي الدم
وحار الجواب بحنجرتي
وفر وراء ردائك قلبي
ليلثم منك الذي يلثم
أنا لا أحب .. ولا أغرم
*نزار قباني ..



المياهُ تغمره ، ولكنها تعجز عن فك التوتر الذي يحيط به ..
يبدو جسدهُ مفتولاً ، قوياً .. لايُهزم ..
ولكن قلبه أضعف من هذا الجسد بكثير ..
أقفل المياه بيده ، وخرج من تحت الشاور وقطرات الماء تتسابق على جسده
منعتها من ذلك المنشفة البيضاء الكريمه التي سترت عريه ، وضعف قلبه ..
إسترخى على الأريكة بالبهو الواسع ، إلتقط سيجارةً كوبيّة ، وبضغطةٍ واحدة على جهاز التحكم الصغير
بدأت سمفونية بيتهوفن بمليء الأجواء ..
أخذ يفكر بها اليوم ، وبما فعله بقلبها وبجسدها ..
يكادُ يحس بها متذمرة ، متوترة .. غاضبه
وهذا الشيء الذي يسعده ويشفي غليلة
إنها الخطوة الأولى ، والليلة الأولى بطريق الألف ليلة ..
يعلم جيداً مفاتيحها ، ويعلم كيف يأتي بها على طبقٍ من ذلّ وإشتياق
فَ بعض الإناث تهوى من يسرق قلبها ، يختطفهُ رغماً عنها
ويرمي به أمامها ، ويطلب منها أن تجثو تحته ..
وقد علم من اللحظه الأولى أن هذه الأنثى المشتعلة أونوثة ، المشبّعة بالدلال والكبرياء
سيعجبها ذلك ، وسيحوز على رضاها ..
حان وقت الخطوة الثانيه ..
إلتقط هاتفه ، إتصل برقم معين ..
ماهي سوى لحظات حتى ..
: آلوه ..
أهلين أستاذ عارف .. كيف الحال
بخير جعلك بخير ، شلون الأهل والأخوان ..!
آها لسى فالعمل أتوقع ..
إي هههه مب غريب على شخص زيك وزي طموحك ..
طيب .. بغيتك بخدمة صغيرة ..
فيه موظفة جديدة ، من ضمن الدورة الجديدة اللي جت من جده السعودية ..
إسمها إبتهال ناصر .. عرفتها .!
آيوه بالضبط .. هي متدربة جديدة ولابد تكون قريبه من قاعة الدورات ..
إي ياليت تفرغ لها مكتب آنسة فاتن الحمد ..
كيف ..!
لا أنا أشوف لو تنزل آنسة فاتن بالمكاتب العامة تحت ، شوفوا لها مكتب يناسبها
لأن المتبقي من دورتها مب شيء واجد ويفي بالغرض
الباقي كله عملي ، وتقدر تنتهي منه بأي مكان موب مشكله
إي الله يعافيك .. تسلم الله يخليك ..
وأنا بكرا .. مقدر أداوم [ إبتسم بخبث ] عندي إجتماع عمل الصباح
يلا عساك على القوة .. شاكرين لك جهودك ..
أنهى المكالمه وجلجل ضاحكاً حتى ترددت ضحكاته في أجاء المكان
: مابعد شفتي شي يا فاتن .. بخليك تجيني زحف ..

مع اني مو من قراء هالروايه بس شكرا لس حنونه على النقل

السلام عليكم

وصلت متأخره لروايه
ان تصل متأخرآ......

فابيكون تعليقي على البارتات السابقه مجمل والا الهذره عندي واجده
سليمان رجل اربعيني والواضح انه له نزوات حاضره وماضيه
أصراره على فاتن عبد الرحمن وراه سر عميق وموجع لسليمان نفسه
حتى الدوره الي في فرنسا اشك ان وراها سليمان عرف بوجود فاتن في عمل نفس مجال عمله
واستدرجها عشان يصيدها ربما ان ابوها كان له ماضي اسود والدليل اعمار الابطال انه شي قديييم
وسليمان تضرر منه وحاول يأخذ ثاره بنفس الطريقه
اعمار الابطال كبيره وحسيت انه مبالغ فيها لكن مع الاحداث استنجت ويمكن اكون غلطانه

الكاتبه اختيارها للاعمار هذي وراه هدف وماكان عشوائي
عبد الرحمن الرجل الخمسيني هو مصدر المعلومات الي عند سليمان ضد فاتن
وربما انه ارتبط فيها من زمن بعيد بعلاقه غراميه تعدت الي اكثر من كذا
اتوقع الي كانت تكلم بالهاتف ماهي فرح ربما فاتن نفسها >>شطحه طيوفيه
وتكلم عبد الرحمن نفسه الي تبرع انه يستر الفضيحه الي سواها
عند دكتور شكله له باع طويل ومعرفه جيده فيه وهي ماكانت الضحيه الاولى
المكالمه ذكريات تتذكرها فاتن
(دكتور مصري حبيب ، مستعد أدفع تكاليف العملية إنتِ بس حددي اليوم اللي يناسبك)

واتوقع انها صلحت العملية
فاتن رغم قوة شخصيتها واجادتها لعملها وعلى فرض ان لها تجارب قديمه
الا انها في رأيي ما استفادت شي من ماضيها
المفروض انها من يوم عرفت ان سليمان كان ورى المشكله الي صارت لفيصل
على طول بدون تردد شلة شلايلها ورجعت لسعودية وجاها اكثر من انذار
مكالمات سليمان الي صار لفيصل الكوابيس الي هي تشوفها كلها اشارات انها على حافة هوايه
وفي من يترصد لها عشان يدفعها لسقوط بالهاويه
لكن هي الله يستر لاتكون مثل الفراشه الي ترمي نفسها بالنار
وسليمان سيطر عليها بدون ماتحس لا اراديآ ترفض الابتعاد
فيصل الرجل العاقل الرزين يتصرف كأنه مراهق
طالع من تجربه فاشله مابعد عرفنا تفاصيلها
لكن الاكيد انه بيحاول يملا الفراغ العاطفي
ربما شاف بجمال ساره البديل لأنه الي يحس فيه ماهو حب حقيقي
وانما اعجاب في بنت شافها بوضع من المستحيل انه يتكرر
وذهل من ها الجمال والجمال له وقع على النفوس خطير حبها بدون لايعرف شي عن تفاصيل حياتها
او ظروفها الي المفروض فاتن لما شافت اخوها متعلق في البنت
شرحت له القصه من الالف الي الياء
ماهو بس همز ولمز وهذي ماتصلح لك
لا جيبيها على بلاطه يافيصل الموضوع كذا ..كذا
و بعدها هوحر يقرريستمر بغرامياته الصبيانيه
والا بيرجع لعقله ويشوف ان طريقه وطريق ساره لايمكون يلتقون

منى والمستنقع الي قاعده تسحبها صديقتها له
ماهو مبرر ابدآ خيانة الزوج ان الزوجه ترد بنفس الاسلوب
الزوج ولد الناس واجتمعتوا انتي وهو بكلمه وتفترقون بكلمه
بغض النظر سواء كان مجتمعنا ذكوري او غيره
هذي اعراض وسمعه واشاعات تنزل مثل الرصاص

السمعه السيئه تلزق فيك وفي اهلك
بالعكس زوجك اذا نقد عليك في شي طلقك
والناس بتقول كفو ماهو ديوث
يعني الخسران الاول والاخير انتي
ماتبينه في شي اسمه طلاق واذا لزم خلع
عطيتي اسرارك واذنك لوحده الله اعلم حاقده اوجاهله
نافخة كير
لكن ان شاء الله ان سعود يطلع ولد حلال ويصارح زوجك
با اسلوب يقدر يوقف الهدم الي انتي قاعده تهدمينه بمساعدة الغبيه صديقتك
ويضرب على وتر انك مريضه وما انتي بوعيك ماهو من وسوسه صديقة السوء
لأن اسلوبك فعلن اسلوب المريضه داقه على الرجال تعاكسين
(وإذا هالشيء يضايقك مستعده أدور غيرك)
ليش هي شروه وبيعه اذا مالقيت عندك بروح لغيرك
ساره وما ادراك ما ساره؟!
البنت الغير شرعيه لأم من عايله من الطبقه المخمليه
تعامل عايلة الأم قمة الجهل مع مصيبة بنتهم عايشه
البنت غلطت المفروض بعد ما اكتشفتواحملهاوزوجتوها من الرجال
حاولتوا بأي طريقه انكم تسترون الموضوع هذي سمعه ونسب
يمتد الي ابد الابدين ومعاملتكم لبنتكم وهجرها يكون بينكم وبينها
اماانكم تطردونها بعد مازوجتوها وبعد مامات زوجها زوجتوها لسكير عربيد
واشتغلت طقاقه عشان تأمن لقمة عيش لها ولبنتها
وقطعتوا عنها المعونات الماديه الي هي عصب الحياه
ما خفتوا ان بنتكم تتجه لطريق الحرام عشان تعيش
وبا الاساس الذنب الاول ذنبكم انتم بنتكم كانت معاكم في بيتكم تحت انظاركم
الفضيحه كانت ملمومه بما ان ام ساره تزوجت ابوساره
و الدليل ان البنت الحق نسبها في ابوها بدر
والا كان ساره اعتبرت بنت غير شرعية ويجري عليها ما يجري على الاطفال مجهولي النسب
انها لا يلحق نسبها في بدر بما انها كانت من علاقه قبل الزواج حتى وان عرف ابوها
شرعآ لاتنسب له
ساره كانت محظوظه انها الحقت بنسب ابوها
سالم ما اتوقع انه هتك عرض ساره
بما ان البنت ملتزمه ومتعلقه بربها
واتوقع حديث احفظ الله يحفظك
كان له مردوده على ساره
والاشارات كثيره
تعلمت وحصلت على وظيفه شريفه بمرتب تعيش منه

العصابه الي كانت تلحقها وربي سلمها وسخر لها فاتن
حتى زواجها من محمد واجهه اجتماعيه تحميها من اشياء كثيرمن العرسان الي زوج امها يجيبهم
اوحتى من نظرة المجتمع
و الريم نفسها كانت سبب خير لها
محمد تعاطف معها لشبها بريم والريم رفضت انه يطلقها مهما كانت اسبابها الداخليه
محمد والريم هم افضل شخصيتين واكبر عقول با اسرة ام ساره
الريم اقتراحها جدآ منطقي ان محمد يرجع ساره من فرنسا وتكون في بيت ومصروفها يوصلها

مبدعه هذيان في انتقاء المقدمات الي فعلن تشرح الجزئيه بكل دقه
مبدعه بالتنقل بين الاحداث بكل بساطه ويصور المشهد كأنهم شخوص حقيقين قدامي

مع اني ما احب كثرة التحرربالروايات من اختلاط واهل يفتقدون للمسؤليه
من المؤكد ان ها الفئات موجوده بمختلف الطبقات وماتنحصر بطبقه معينه بالمجتمع
لكن انا يضيق صدري منها<<وجهة نظر تحتمل الخطأ والصواب

اجزاء جدآ مشوقه سجليني من متابعينك واتمنى انك ما تقطعين فينا وتكتمل الروايه

هذيا ن مثال للعبقريه والابداع
الي حد انها عندها قدره على انها تغرق جميع ابطال روايتها حتى يفقد القارئ الامل فيهم
وترجعهم بكل سهوله واقناع وحرفيه متقنه للقارئ..

ننتظرك لايطول غيابك
طيف الأحباب