بعد ماقريت الجزء مرة ثانية واضح ان الياخندور مش غايته فاتن وبس في شيء ثاني ويمكن يكون الهدف الاساسي

مثلاً اخوها فيصل او ابوها عبدالرحمن بينهم ماضي ..
ولا وشو تهميني كثير؟
من متى تعرفها يامال اللي منيب قايله

الموقع متعبني جداً
كل مادخلته الانتي فايروس يعطي انذار انه موقع محجوب
او ان الصفحات تعلق من كثرة الاعلانات
موب قادره اقرأ زي الناس لازم ادخل من الايفون واشوف موضوعي
وبقوقل كروم أيضاً تعلق الصفحه
هل من سبيل ان الاعلانات هذي تختفي من عندي ؟
زي طريقة عرض معينه او شيء معين
افيدوني منيب قادره ارد على الناس هنا ..
شكرا لكم

رائعة ك عادتك

اكتر شي حلو محمد و ساره وياريت تشوتين الريم و فيصل بعيد عنهم بليز
مو زي روايتك اللےْي قبل مشعل يحب ثنين

ع العموم أَنٌـ«»ـآإ اكتشفت انك تأيدين العلاقات الثنائية يا رجالين مع وحده يا رجال مع ثنتين وذآ موب حلو

حنين عدنان الله يصلحك دودهتيني هههه العلاقات الثنائية

راح بالي من ذات الجنس قلت اي بهتانن هذا


لكن تداركت الفهم ووجهة نظرك جيدة

لكن الجمال والخطورة تكمن في مثل تلك الأحداث

وانما دل دل على براعة الكاتبة


وعلى فكره حبيبتي هذياان تراني راسلت المشرفات بخصوص

مشكلة دخول المنتدى

و أ

صباح الخيرات .........صباح الورد والرياحين .......تسلم ايدك هذيان بارت جدا مثير ومشوق للبارت القادم وهو بداية العواصف والحروب الي بتستعر وبتتزايد خطورة اعتقد من البارت الجاي .........الله يعين اعصابي بدت تتوتر من هالبارت والله يستر من الجاي

سارة ومحمد وفيصل والريم

صار مربع واكثر تعقيد في احداث الرواية .........فيصل وتعلقه واعترافه بحبه الشديد لسارة الي يجهل كل شي عنها مجرد عشق من ناحية جمالها الاسر الي شافه بأعمق صورة .....لكنه يجهل الكثير والكثير عنها ........ينتظر فترة طلاقها من زواجها المزعوم والي هو بنفسه شكك في صحته ........ بس هل بيستمر هذا العشق لو تعرف على سارة اكثر .........هل بيظل على ماهو عليه والبلوة الي بيدبسه فيها الي مايخاف ربه والي ممكن تغير حياته وتأثر فيه ..
ماادري بصراحة هو منجذب لشكلها ونفورها منه بس ماحط بباله انو حتى محمد رجال مثله وممكن ينجذب لجمال سارة وخصوصا انها حلاله وله فيها احقية النظر اكثر منه ليه واثق لهالدرجة من سهولة الطلاق وليه استبعد تمسك محمد بسارة وممكن مشاعرهم تتقارب وهو بعيد دام انه بيرجع لبلده
غير كذا ليه ماحط اعتبار لكلام فاتن الغامض عن سارة وهو بمهنة دقيقة يهمها جمع المعلومات وربط الحقايق .... اشياء كثيرة ممكن تصير تقلب حياة الكل بدون سابق انذار

اما محمد والشكوك الي بداخله عن علاقة سارة بفيصل وسبب طلبها الزواج الي شك انو يكون حقيقي وخصوصا بعد ماشاف فيصل طالع من الشقة الي تسكن فيها سارة .......مع انو لو انتظر كان شاف فاتن بعد طالعة مع انو هالشي مو مبرر لنومة فيصل بشقة اخته الي فيها بنتين مش محرم له ..........انا قلت انو هالشي ممكن يخرب خطة الوسخ سليمانوه بس مافي فايدة ابد منه وشكله بيحقق الي بباله

سارة وانجذابها لفيصل وانو لو وضعها مختلف كان فكرت فيه كزوج هل هذا دليل على احتمالية تعلق سارة بفيصل مستقبلا وهل ممكن يتحقق هالامر والا جية اهل محمد وامها راح تقلب كل الموازين

جية الريم الي الكل معتقد انها رقيقة وطيبة عكس شخصية سارة بس انا اعتقد انها من تحت لتحت وهي تحمل من الشراسة والخبث الشي الكبير والا وحدة تسمع بزواج خطيبها من غيرها تتقبل الموضوع عادي وتصر تسافر علشان تخطط كيف تبعد محمد عن الزوجة الي ماتعرف عنها شي ولا سبب زواجه منها بس راح تلقى صفعة تسكتها لما تشوف شبيهتها بس بشكل مغاير لها ويمكن تحمل فتنة اكثر منها بعد بس ماعرفنا مين الاكبر فيهم

اعتقد انو اخوان ام سارة خوال الريم او شي من هالقبيل واسم سارة هذا اسم ام سارة لانو جدة محمد اسمها حصة والله ادري خربطت الدنيا بس اعتقد انو هالسفرة لابو محمد ولام سارة بتكشف الكثير والزواج بيكون صعب انهائه اذا كان بينهم قرابة وغير كذا وجود سارة مع محمد بسكنه راح يغير امور كثيرة يمكن الريم الواثقة تنهز كل حصونها لما تشوف سارة او انها بتخمن سبب زواج محمد لشبيهتها وبتزيد ثقتها بحب محمد بس الي مر زمن مو بسيط خمس سنين كفيلة تغير نظرة اي شخص عن غيره يعني محمد الحالي انضج من محمد القديم ويمكن نظرته للريم بعد مايشوفها تكون اكثر تدقيق لتصرفاتها وعليها بينحسم الامر وطبعا ريم مستحيل تنسحب من المعركة بسهولة

بس الاهم هو سارة كيف بتكون قوتها وخصوصا اذا حضرت امها وزوجها الشيطان هل بتكون قادرة تواجههم بدون انهيارات ورعب وسط الصدمات الي بتعيشها ..........والله مااقدر اجزم الا انو الامور راح تتعقد


فتون وسليمانوه

يعني علشان غريزة حيوانية ورغبات يبغي يشبعها في بنات الناس يدمرهم ويسلبهم انوثتهم بدون اهتمام للحياة الي بيعيشوها بعده .........حسبي الله عليه هو وخويه الي عندهم البنت الي تصر على شرفها تحدي ورهانات لازم يكسبوها يعني مبعد خويه عنها علشان يستفرد منها الين يمل منها ويرميها مثل غيره ناسي انو ربي قادر عليه مهما خطط وابتكر من اساليب بشعة يتهم رجال شريف نظيف بأشياء فيه هو مفكر انو العالم كلها عايشة للدنياهم وبس

وبيمسك فاتن من ايدها الي توجعها اخوها وسمعته وابوها الي بتخاف عليه من الصدمة وبيلويها فيها يعني مفكر انو وحدة بعقل فاتن ماراح تخمن انو ورى كل هالموضوع مهما قام يتحايل ويبرر

المشكلة انو كلامه وتصرفاته واضحة وانو يرسم على ثقيل وماوراه لاحب ولا عشق مايبغي الا جسد انفتن فيه وكرامته الي امثاله يشوفوها انهانت لانو انثى ماانفتنت فيهم من اول اغراء ......بس مثل ماهو ناوي يدمرها ربي بيزرع العقاب فيها لانو الي بيسويه بيرجع عليه لما قلبه يخونه ويعشق هالانثى الي سعى لتدميرها بدم بارد وانعدام ضمير يعني شفيه طريق الحلال ليه مايطرقه ويحصن نفسه والا متعود يبدل النساء بحياته مثل مايبدل اغراضه ....متأكدة انو النار بتطاله حتى هو مو بس فاتن الي بتكوي فيها


حنانوه

هالخبلة شصار عليها هي كانت مخدرة والا فاقدة وعيها والا ايش سالفتها والحبوب الي بشنطتها هل هي مخدرات فعلا ولا اشياء ثانية ..........كيف بتعرف ايش هي الحبوب والغرض منها هل هذيك بتخبرها ......في نظري تستاهل الي صار لها لانها مش صغيرة وواعية ولسى باقي بتنصدم لما تعرف خويتها وين ودتها والغرض من قربها منها والطلبات الي تبغيها منها .........وماحد بيكون فاضي يساعدها فاتن بتنشغل بالمصيبة الي يخططها سليمانوه وسارة بالمشاكل والدوامة الي دخلت فيها .........واخوها خاتم بأيد مرته ومستغربة منه بصراحة وكيف ساكت لها والى متى بيضل حاله كذا مايوقفها عند حدها ويقص لسانها السليط وتدخلها في الي مايخصها وحرصها لرجوع حنان مو لله وراه غرض بعد ......

منى وعزيز

يعني ولدها مات بحادث وهو بحضنها ولها ذريات مرة مع عزيز والخيانة كانت مع مين ياترى شكلها تذكرت لحظاتها المرة لانو اعتقد في لحظات اجمل بعد كل العواقب الي تذكرتها ....... بس كيف بيقدر عزيز يحتويها وهي ثايرة وتحمل عليه الكثير ........


في انتظارك ياقلبي