صباح كل حروف الاحساس والابداع والجمال التي كتبت هنا ...
صباح الهذيان ونزفه ..
صباح الورد وهمسه ..

وسام( فخر الكتابه) للفاخره هذيان .. وعقد لؤلؤ بكلمات امتنان للذائقه الفاخره التي تستوطن روح همسات ورده ..
استهويت قلمك من العنوان .. راقني كثييرا .. وعلمت أن مايحتويه حتما سيكون مميزا وأنيقا وفاخرا ..
وهو كذلك عندما توغلت في حروفه المختاره بعنايه .. وكلماته المنسابه بسلاسه .. وجمله المبنيه بطلاقه ..
محترفه وأشعر أنك واقعه في غرام الكتابه .. فمن يكتب بهكذا جمال واحترافيه ,, لابد أن يكون عاشقا لفن الكتابه والروايه ...
ناضجه في فكرك وناضجه في اختيار شخصياتك ,, دائما نضج الشخصيات وفكرهم يعكس بعضا من نضج الكاتب وفكره وعقلانيته .. قلمك يحاكي جمهورا مثقفا وجمهورا واعيا ,, وهكذا هي الاقلام المثقفه والواعيه ..
بلاغه وفصاحه ولغه فصحى يغلفها الكثير من الغموض .. تجبرين القارئ على المتابعه بشغف .. وترقب المقبل من الاحداث .. بل التفكير والتنبؤ بما سيحدث ..
مقتطفات مذهله تدعوني لقراءتها مره ومرتين وعشره .. أعتدت القراءه لشعراء وكتاب ذكور .. ولكن بسبب مقتطفاتك العجيبه ,, سيعتاد مربع البحث لدي على الاسماء الانثويه التي ذكرتيها في بداية بعض صفحاتك ,,,

لمعرفك وقع جميل على الاذن ,, والان اصبح معرفك معرفا لقلما مبدعا وآخاذا وراقيا ,,,

في صفحاتك فخامه وأناقه وصفحات ساخنه وأخرى مشتعله وبعضها ناريه ...
جنون عقل ونبض قلب وقوة اراده وغرور نفس وكرامة حياة ..
ضمير ميت وأخ ضعيف وماضي مخزي وأهل محبون وآخرون ناكرون ,,,

ثلاث فتيات اجنمعن الثالثه صباحا ..
وثلاث شخصيات مختلفات لا يجمعهن سوه كلمة انثى ..

فاتن الاقرب الى قلبي واذا مااحتشمت وارتدت الحجاب حتما ستكون الاقرب الى عقلي ..
قوة شخصيه بمظهر خلاب .. بالطبع ستكون مطمع لكل الرجال وليس فقط اليخاندروا كما تطلق عليه ...
فضولي يزداد لمعرفة ماضيها الاليم الشبيه بحالة ساره في الحاضر ..
دائما المحن هي ماتصنع الابطال ... وشخصية فاتن الحاليه ماهي الا نتاج ماضي قاسي اليم ,,,

ساره .. لا ذنب لها سوى انها ابنة أمها .. عجبا لزمن يصبح فيه الابناء مذنبون لانهم ابناء لوالديهم ,, زواجها من محمد غير متوقع .. ولكن مع هذيان يجب ان لا اتوقع شيئا ,,

حنان .. هي الابعد عن قلبي ,, شخصيه ساذجه ,, اشعر انها لازالت مراهقه .. ونظرتها لساره تمثل ثمانون بالمئه من نظرة المجتمع لمن هم بحالة ساره ...

هذيان .. قلمك متيمون به لا محاله,, ولكن التزامك يجعلنا معك وخلفك ..
الى الافضل والافضل فقط يارائعه ...

صَباحگ معطر بانفاس الفجر*

هذيان
كما استمتع وانا التهم حروفك المخمليه
كلي شغف لقرأة صفحاتك الذهبيه
لا حرامنا ربي من هذا الإبداع*

ساره
هي بطلة البارت هذا بلامنازع

موقفها بالمره بقطع القلب هي تبي بس تلاقي احد يوقف معها ويحميها وشافت في محمد الشخص المطلوب هو عرض عليها المساعده أبدا ماعرض عليه حب وفي اول موقف بينهم بان معدنه واحد غيره كان استغل البنت ابشع استغلال*
قصة الشبه بينها وبين الريم ربما هناك صله بين الاثنتين ليش لا
البنت هذه عمرها ما حست بالحنان والحب
وشافته مع فاتن ام الجميع*
بس ماتعودت عليه او ما تبي تعود نفسها على شئ يمكن ما تحصل عليه في حياتها
هل من الممكن حضور أمها وزوجها
بس ليش الإصرار على تزويجها غصب هو
وش الفائده اللي بتجنيها من الزواج*
الولد مشلول والظاهر انه فقير بعد يعني ماراح تربح شئ من ورأ الزواج هذا
ولاتقول انك تبي تستر عليها انت وين والستر وين
كنت تبي البنت بس ما قدرت تأخذ منها شئ
فقلت ازوجها لواحد مقعد عشان تذلها وتثبت لها ان ما احد يبيها عشانهابنت حرام
حسبي الله عليك مدري ليش أمها ساكته عنك
والا زي مايقولون ظل رجال ولا ظل حيطه
والله الحيطه أبرك منك


محمد
لك خمس سنين وانت بعيد عن اهلك*
وش المشكله اللي خلتك تبعد الوقت هذا
اسره باذخة الثراء وش اللي صار معك وخلك تهرب وتعيش في وضع ومستوى غير مستواك
وتتحمل هذا كله*
مااعتقد ان أبوك طاردك لان باين عليه الاهتمام لموضوعك وبحثه يدل على ذلك
حتى الريم تحبك وانت تحبها وزواجكم كان قريب فيه سر وكبير بعد خلك تتخلى عن اهلك وعيشتهم*

فاتن*
البلسم الشافي للكل*
بس ليش الاهتمام ب سليمان سلم والا عمره ماسلم*
ياخوفي انك تفقدين اهتمامه وهذا اللي يبيه
يحاوطك باهتمامه وسؤاله واذا شاف منك بوادر قبول حتى لو ما بينتي انسحب بخفه
عشان انت تدورين اهتمامه بك
ثعبان هذا يلف حول ضحيته بأحكام لحد ما ينفث سمه فيه

سليمان
وش ناوي عليه انت خبيث وش بيجي منك غير الخبث
وش دخل فيصل في مؤامرتك الدنيئه
شغل ابتزاز بتسوي بس ياترى اللي بتسويه وش راح يكون وقعه على فاتن البنت تعرف اخوها زين ماله في العلاقات هذه*
اتمنى انه تقدر توقف وفي وجهك وتثبت لك انها ابد مو ذاك الصيد السهل اللي تخليها ترضخك لمخططتك الدنيئه


حنان
الحين جالسه تعايرين البنت بذنب مالها اي يد فيها ما خفتي ربي يبتليك
بس اهم شئ تبعد عن طريقك ليش انت ملاحظه اهتمام فيصل به عشان تفرحين انها بتتزوج

يعني عطيتي إذنك لصديقتك وخلعت حجابك
ورحتي معها*
اهم شئ مايكون فيه عرب والله حاله العرب بس اللي نتحجب عنهم والأجانب لا عادي
بتوديك في داهيه وبعدها تندمين
الا اذا فاتن انتبهت لك وقدرت تنقذك قبل ما تغرقين

فيصل
انت حتى ما عرفت اي شئ عن البنت ولا اصلها وفصلها وتعلقت فيها
البنت الحين تزوجت بولي أمر او بغيره ماتقدر تغير شئ وعصبيتك وانفعالك يدل على ان البنت لها مكانه في قلبك
بس خلاص انتهى كل شئ وماعاد لك كلمه عليها هي اختارت خلها تتحمل نتائج اختيارها

ما شفنا كناري الحب في البارت
ياترى عزيز جالس يطبخ منى على نار هادئه
والا منى شابة حريقه فيه


هذيان مبدعه الحرف
دام لنا نزف قلمك

صباح الخير ........صباح الابداع ..........بارت رهييييييييييب رهيب ويحبس الانفاس خصوصا عند القفلة .....بصراحة في اشياء في البارت خربطت كل توقعاتي وقلبتها فوق تحت وماني قادرة ارسى على شي معين .......

سارة ومحمد وفيصل

هالمثلث خربط لي كل توقعاتي ومااقدر ابد اجزم بالي ممكن يصير بينهم .........سارة ومحمد هل فعلا زواجهم غير صحيح مثل ماقال فيصل والا محمد بيسكته بجوابه ........سارة مو حمل متاهات والوقت موبصالحها ... وفيصل لانو مو عارف شي ولا فاهم سالفة هالزواج يبغي اي شي يمنعه ........بس ياترى لو فعلا كان بمكان محمد او عارف القصة بتفاصيلها من فاتن بيتمسك بسارة وبيكون مكان محمد بس بزواج فعلي ودائم لاني مااعتقد فيصل والتعلق القوي والمجنون بسارة يخليه يفكر بزواج مؤقت

سارة كل همها من هالموضوع هي ورقة تمنع زوج امها من اي تدخل او اي ضرر ممكن يسويه لها لما يشوف واحد يوقف بوجهه وبصفة احق واقرب لسارة منه ........اعتقد امها وزوجها بيجون لسارة بس هل بيكون لصالح سارة هالجية وبتغير اشياء كثيرة او بتزيد المواجع عليها

تدري هذيان بعد ظهور الريم وتمسكها بمحمد وعشقها الكبير له خربطت توقعاتي وخلتني اجزم بنسبة كبيرة برجوع محمد لها وخصوصا انو مايحس ناحية سارة بأي مشاعر غير انها شبيهة ريم حبيبته ........وهذيك تنتظره بس هل ممكن يوصل لها خبر هالزواج من خلال التحري الي يدور عنه والي اعتقد هالمرة بيقدر يوصلهم له ........ ماادري بصراحة بس ممكن محمد يرجع لحبه الاصلي ويتزوجها

اما عيلة محمد اعتقد سبب بعد محمد ابوه ومشاعل الحية لها يد والا ليه ماتبغي رجوعه وماتتمناه والجدة عارفة اشياء اكثر من ولدها المعمي عندها هي تبغي بعده علشان تتنعم هي وعيالها بالخير الي مو كافيها وتبغي خير الجدة الي متناسية انها ممكن تكتب كل املاكها لمحمد حتى لو هو بعيد وماتطول شي منه لاهي ولا عيالها حتى لو محمد مارجع او مات تقدر الجدة تحط بوصيتها املاكها لمحمد واذا ماهو موجود تروح للجمعيات الخيرية ولا تخلي مشاعل الحية تتمتع بشي

بس سالفة الشبه بين سارة والريم مو شي عابر بما انو اسمها مو نفس عايلة محمد يعني ابوها مو من نفس العيلة بس امها الي عرفناه انها بنت عيلة هل ممكن تكون القرابة منها وهذا سر الشبه والله ماادري بس بعد كان سارة بتعرف من عايلة محمد الي المفروض نفس عايلة امها الا اذا من الصدمة الي هي فيها ماانتبهت ابد هذا شي ثاني


اليخاندرو وفاتن

سليانوه حسبي الله عليه الله لايوفقه ولا ينوله الي يبغي الله يرد له كل الي سواه ببنات الناس يبغي يدمر سمعة انسان نظيف بالخايسات بنات الحرام خوياته علشان يبتز فاتن ويساومها على شرفها مقابل سمعة اخوها ومستقبله ونزاهته حسبي الله عليه وعلى امثاله ربي قادر يرد كيده بنحره جد من قريت هالمقطع فار دمي وارتفع ضغطي شهالنذالة يعني ماتعجبه البنت الا الي تطيح بحضنه وتفرط بشرفها والا هو الي يجبرها على هالشي واحد بعمره هو وخويه مايدرون متى يومهم حياتهم بس لعب بشرف بنات الناس وبأي طريقة توصلهم لمبتغاهم

فتون كوني عند حسن ظني ولا تخذليني وبردي خاطري في هالنذل وعلميه درس عمره مامر بحياته .......كوني فاجعة له وخلي ثقته الي واثق فيها تندثر لما تكون تصرفاتك غير الي هو جازم فيها لاتضعفين وتطيحين بمصيدته وانتي عارفة وواثقة من مبتغاه ..........امثاله محتاجين مين يصدمهم ويصحيهم من غفلاتهم وركضهم ورى ملذاتهم


اما عبد الرحمن شيبغي من فاتن شكله هو صاحب فكرة تدمير فاتن ويمكن يكون هو الي له يد في ماضيها وهو الي مخبر سليمانوه عنه ........والجوهرة هي زوجة النذل الثني وببعده عن فاتن ماراح تقدر تخرب مخططاته ضدها وانقاذها من الشر الي ناويين عليه


حنانوه

هذي حطيت عليها اكس خلاص وكرهتها اجل تعاير سارة بأصلها وترميها بكلام هي اوسخ منه ......شفايدة الحمايل الي هي بنتهم وهي بايعة دينها وبايعة سمعة الحمايل الي تتفاخر فيها مفكرة انو هي العقبة الي بتمنع فيصل عنها واثقة الاخت بس كفوها الدرس الي بتاخذه من الخمة الي طالعة معاهم بتخسر سمعتها وبتخسر اشياء كثيرة وبعد تفكيرها وقلبها الاسود لافيصل ولا غيره بيناظروها ..........نفسي تسمع نظرة فيصل لها ولشكلها وتعرف انها لو ايش ماتسوي ماراح يناظر لها نظرة اعجاب كنت متعاطفة معاها بس الحين اتمنى رجوعها عند اخوها لانها بتدور على حل شعرها ويمكن تخسر شرفها بعد .........وبتذكر كل كلمة طعنت سارة فيها وهي بتكون اقل منها بكثير .......يعني العرب بس الي حرام يشوفو شعرها ومفاتنها والاجانب حلال ......صدق طاحت من عيني ومنتظرة لحظة الندم والصدمة الي بتعيشها بنت الحمايل الشريفة العفيفة


في انتظارك بكل حماس

صباحك رضى ورحمة من رب العباد

امممممممم عندي احساس ان سارة وجميلة اخوات >> او سارة ومحمد <<< كيف جات ما جات عاد اصرفيها جاني ذا الاحساس وبس

اما الزواج اللي سواه محمد اتوقع بس علشان يريح ساره ويساعدها والماذون مو حقيقي واحد مدفوع الاجر لان اللي يتزوجون برا يتزوجون بسفارة <<< على حسب معرفتي مادري اذا صح او لا

بس فيصل خرب كل شي على محمد <<< حلها ياحموووووووودي

اليخاندرو سليمانوه جعلة يطيح ومايسلم منه عظم حاسة انه يشتغل شغلات وسخة تخص بيع البنات والمتاجرة فيهم >>> بس من الضابط اللي يبي يطيحة ليكون فيصل <<< الا فيصل ويش يشتغل ؟؟؟

جميلة فيه غباء بحجم وزن حنانوه وعقدها وانانيتها تستاهل مناكدة زوجته اخوها << بس بصراحة تحزن بسبب خيانة اختها >>> بس بعد قاهرتني على معايرت هالمسكينه ساره


بتوفيق هذونه بانتظارك