:





كل شخصيه تحمل اسرار غريبه ..جمعتهم مدينه غريبه ..الهدف الاقوى هروب ..بعض منهم اثبات ذات

منى ..هل يكون فاقد الذاكره بسبب حادثه تسبب بها عبد العزيز ..واين ابنها ..؟ ربما توفي

محمد ..تقريبا شخص نظيف في بئر موحله اصداق وتربطه بهم اعمال مشبوهه مع اني ما فهمت ليه يضايقون البنات العربيات

فاتن ...لا اتعقد انها تضمر الشر للفتيات ..

خالد يبدوء انه ابن زوجته ..لكن مع دخول فاتن ربما تتغير المعادله


شكرا لك والود لقلبك
:

-

مسَاء الخيرْ والطاعة ,
وأخيرا وصلنا لِك أشوىَ مابعدتي كثير :$
كل مافتحتها جانِي شيء وأشغلني وأقُول بكرا ولا بعد شوي بس كويّس أنهيناها اليُوم وحاولت أعيد أقرى حوارات عشان أفهم الشخصيات :$
وش أحكي بس ؟ مُبدعة ماشاء الله تبارك الرحمنْ ()
الشخصيات الوصفْ شيء خُورافي . . أكثر ماشدنِي هو اللغة الباذخة اللي تمتلكينها ربي يحفظكْ
القصص وإن مابان منها إلا طرفْ الخيط لكنْ جدا جميلة وممتعةْ ,
أسلُوبكْ وطريقتكْ مميزة وراقت ليْ ,
بصراحة حرُوفِي تخجلْ بوصفكْ , كل اللي أقُوله متابعة لكْ أكيدْ ولي الشرفْ :$

حنانْ عفويتها وتركيبة شخصيتها جدا جميلة وإنسانة بسيطة وعاطفية بشكل كبيرْ , خالِد توقعِي بأن عينه ستنسابْ لفاتِنْ وتغرق بِها لسبب واحِد يفتقده عند إيمان.
فاتِنْ عقلها يغلب على عاطفتَهاْ , قوتها تشعرنِي بأنها تعوضّ نفسها عن نقص ما , أحببت وصفكْ لها.
سَارة كعادة زوج الأم المتسلطْ , متشوقة لقصتها كثيرًا.
محمد لم أفهم ماعمل العصابَه تمامًا لكن أحببت إيمانه ودينه , يبدُو لي أنه له علاقه بَ سارة.

يسعدك ربي ويسلمكْ ()"

عذرا ياقلب....مشكوووره ياقلبي الله يرفع قدرررك ...وهي على باالي والله بس مشااغل الدووام


هذيــــــــــان ......بجد ابداع يفووق الووصف اكثررمن مررره اقوول مااراح اكتب ررد لاني عاارفه ان رردي مو بمستووى حررفك الجميييل والله....الكلام في حضرة الجمال حرام......فكل حررف منك عالم يزخر ب الجماال


تنااولتي قضيه مهمه هي المبتعث خاارج البلاد ..شي رائع طررح لم يسبقك له آحد ...

خاالد ......ماالت عليك وش فييك على اختك كذا ...الزوجه بدلها دررزن احسن منها لكن الاخت ...سااره الله يكوون بعوونها بااين ان اخووها ماعنده ماعند جدتي وإلآ في رجل يخلي اختته علشان زوجته ...نااس ماتحمل من المرجله إلآ اسم بس...

ساااره ..وش سالفتها هي والعصاابه غمووض حولها ..........

فاتن شخصييه حلوووووووووه بمعنى الكلمه ....

منى وش فيها فاقده الذاكرره من ايش وليه خايفه من عبد العزيز ...
واتووقع ان عبدالعزيز هونفس الشخص اللي جاء عندها لماكانت في المستشفى ف البارت الاول ......

هذيـــــان في انتظاار ابداعك في الصفحه الحادي عشرر

قبل كل شي قهرررررررررررر كتبت رد وش طوله وطار من اجل عين تكرم مدينه نكتب نكتب مره ثانيه

هلا ومرحبا بصاحبة الطله المميزه والاحرف المخمليه <ويكثر من هالاشغال وتشتغل الوسطات بتقديم الاجزاء ههههههههههه اقرب شي بتهفني فيه هذيان

عاد البارح في القلط كنا في سيرتك بكل ثناء على احرفك

تتتنحى الاحرف تواضع بعد اسطرك هذيان متميزه بتصويغ الحرف والتفنن بتشكيل هذه الاسطر <لازم ارجع اقراء مرتين للجزء اشبه بشوكلا فاخره تلتهم احرفك

عجبي ..
كيف لـ كلمة وآحده تلفظهآ شفتيه سهواً
أن تستقر بـ أحشآئي ..
وتنمو ك طفل خطيئةٍ أخشى أن يلحظه من حولي
حتى بتُّ حبلى بـ مئآت الكلمآت منه

المدخل لوحده حكايه رجعت اقراء واقراء
احرف رغم بساطتها الانها تحمل الآف الحكايا ومرارة الخذلان موجعه حقيقتها

نجى للجزء
ساره وتلبسها للقناع القسوه وحدها تجارب الحياه هي من تصقل وتلون شخصياتنا تجربه مريره متنكهه بمرارة العلقم زوج أم لايخشى الله وأم شخصيتها ضعيفه امهي تلك الظروف من اكستها جلباب الضعف

لكن سؤال اذا كانت ساره تستطيع بتكفل بمعيشتها هي والدتها لماذ لاتتحرر من عبوديت زوج الأم الا لوكان عمها اخ والده <هنا تقف الاحرف مجبره
محمد هل هو من سيمسح عن ساره غبار الالم وويلون صفحاتها باللوان الربيع لتزهر

نجي للنكهه الحقيقه فتووون وددت لو تلقفتك بلاحضان اثلجتي صدري ولكن انتي كريمه واوفي المكيال له بكرم حاتمي اذا اتى ليلا لاتنهي مابدائتيه صباحا
فتون مبروووك عليتس الخاندرو ههههههههه وخيوط قصة تغزل بنتظارها

خويلد مفرط الامانه

ايمانووووووه الم تعلمي ليس هناك اعدل من له ملكوت السمواتي والارض من فرضتي عليه قيود التملك ذاك الطائر يستعد لالانطلاق ان لم ينطلق خلودك زاغت عينه على فتو وبتظل وراك حنون وبتقولي نار سكنها عندي ولا جنة بعدها
رغم ان خالد ومنهم على شاكلته يقهرني لكنه اسدى لي معروف وبيبرد حرتي في ايمانوه

حنان وعفويتها وسماحة شخصيتها ليس كل الناس فاتن ولكن الغربيه وصعوبتها وحدها كفيلة بتلقينك تلك الدروس

عبدالعزيز ومنى وحكاية عشق تسطر وفاء <قلة اوربما ندرة مرضة زوجتها قطها واخذ ثانيه
وش سبب فقدانها للذاكره ولو كان فقدان كان حتى امها متعرفت عليها ليش ماخذه موقف العداء من عزيز او فقدان جزئي بحيث ماتتذكر الا الماضي البعيد

هذيان بانتظار المزيد والمزيد منن حرفك






















ف عز الكلام سكت الكلام

السلام عليكم ورحمه الله وبركاته

اولاا حبيت اشكر الغاليه عذرا ياقلب على دعوتعا الغاليه والزين مايجي مه غير الزين
مشكوره ياعسل

هذياان اسم محلق في سماء الابدااااع والرقي حروفك دائما مترفه بالبذخ والتانق لدرجه اني
احب اقراها اكثر من مرررره وكنت متابعه صامته لك في خطوات لثمتهاوكانت شي غيررررر عن الروايات السابقه

واليوم قريت مولدتك الثانيه وابهرني قلمك كثيرر كل شيء فيه مبدع وراقي من حيث الافكار الجديه
ترابط الافكار وتسلسلها وحروفك المبدعه اصبتي يالغلاا بطرحك لقضيه المبتعثين والصعوبات الي تواجهم

اربع قصص كل قصه لهاااا معاناتها واسرارها وصعوباتها الي تواجهم ثلاثه منهم عيشين بغربه بعدين عن
احضا اسرتهم ودفاها في مواجه شرسه للغربه وتوابعها ياترى هل هم قد القرار الي اتخذوه

حنان ياقلبي عليها احسها انسانه حساسه ورقيقه وربي بلاها باخو قلته بسويه وطرطور عند زوجته
ياختي ياهذيااااان اكثر مايقهرني مرت الاخ الشريره احسهاااا مثل الساحره مدري ليه ماتعامل اهل زوجها
مثل اهلها لانهم فعلاا اللحين هم اهلها وعزوتها
والي يزيد الطين بله الزوج ضعيف الشخصيه اللحين ياخويلد خايف بس من اهلك وشيقولون ماخفت من ربك
وهي امانه عندك بتنسال عنها ياقليل الخاتمه جالس تبطح مع مرتك وتارك اختك بديره غريبهلانصاف اليالي
ماخفت عليها من عيال الحراااام ولاا شينه الحلايا تقول وشبيصير لهاااا ماااااااالت عليك لو انه انتي كان قلنا معليه ضبعه
الحراميه بيخافون منك وبيشردون
والحمدلله ان حنان ارسل لها ربي فاتن تاخذها عندها وتخفف من روعهاااا وفعلاا ياريت تسكن عندها لانها بتخاف عليها
اكثر من عرة الرجاجيلي الي مايفوت شيء وجالس له غرااميات مع بنت الناس
فال ايش كيف تسكنين مع ناس ما اعرفهم اقول ليتك ساكت بس

فاتن يالبى البنات بس اعجبتني شخصيتك مرررره احب البنت الي شخصيتها قويه وواثقه من حالهااا الله يسترعليها
واحسن شيء فكره انك تسكنين بنات ديرتك معك عشان تحسون بالالفه والجو الاسري وتفتكين من الوحده
وشكل راح تكون هناك قصه بينها وبين سليمان>> اليخاندرو<<

ساره عاد هذي قصه بروحها ياقلبي عليها شكلهاا عيشه معاناه صعبه مع زوج امها السكير ومذوقها الويل
وشافت بالدوره نجاة لها من هالجحيم الي عايشة فيه وعندي احساس انه متحرش فيه
عشان كذا تحسينها منغلقه وحذره وخايفه

منى ياقلبي عليها ليييييه وش الي صار ووصلها الى هالمواصيييييل صعبه جدا حالتها سنتين اهلها مايسالون عنها
معقوله اجل كيف عبد العزيز واخته يزورونها يمكن اذا كانت مخدره عشان ماتنفعل عشان كذااااا تحسب ان مافيه
احد سال عليها
بس ياترى وش قصتها معقوله يكون الولد الي بصوره ضناها ومات قدام عيونها وهو الي سبب لها الصدمه بس ليه
خوفها الفضيع من زوجها هل له يد او ايش

محمد غموض يلف حووولك وشكلك ولد ناس وعز وما حدك على هالفئه الفاشله الا ظروف اقوى منك وشكل نزعه الخير
موجوده فيك بس حيل الله اقوى والحمد لله الي ربي رزقك بوظيفه عدله عشان تبتعد عن هالعصابه
واتوقع ان ربعك رااح ينفذون مخططهم في ساره وانت الي بتنقذها مدري ليه جاني هالاحسااااس

سامحيني يالغلاا ازعجتك بهذرتي الي ماتخلص بانتظارك وانتظار ابداااعك