السلام عليكم ورحمة الله وبركاته ...


صبااح الخير والانواااار على الجميييع ,,عسااني ماطوولت عليكم ..السمووحة..
وهلا وغلا بالمتااابعين والمتابعاات اللي بدو معي من البداية..
وهلا والف مرحبا بااللي شرفوني من جديد..
حيااكم الله وانشاء الله تليق الرواية بمقامكم وذائقتكم..

اللي يقوولوا البارتز الاولى قصيرة,,
كانت قصيرة لاني تقصدت ها الشيء كنت افكر انزل كل يوم بارت بحجم صغير ..
بس شفت من الافضل اني انزل 2بارتز في الاسبوع وتكون بمعدل 3 بارتز..
يوم الجمعة والاثنين بعووون الله ..
واذا غيرت الوقت راح اعطيكم خبر..
ارجوووا من الجميع عدم احراجي بتطويل البارت هذي مقدرتي المعذرة منكم..

البارت السادس,,


إذا جاءت الريح..
وانحت أمامها شجيرات .........
ألا تنحني أنت أيضاً..
أمام ريح الحب؟!
أتنوي الذهاب الآن؟
كم أتمنى لو بقيت ..
لو أن السماء أمطرت..
وأمطرت .. وأمطرت !
يقولون لي:
"هذا جنون! .. هذه حماقة! "..
ولكنني لا أستطيع الخروج..
من ظلمات الحب..
أتذكّره في الليل ..
وأتحدث إلى وسادتي :
"تكلمني! .. تكلمني ! ..فأنا أحترق.."
كما يلتصق الضباب ..
بقمة الجبل الشاهق..
تلتصق عيناي به..

المرحوم ,باذن الله ,غازي القصيبي,,



طوال الرحلة وعينه عليها يراقبها ويراقب كل حركة تسويها .. هي ماكانت تتحرك..
بس نفضة غريبة بين فترة وفترة فسرها بكثرت البكاء..
ساندة راسها على الطاقة وتناظر بولاشيء بس سرحانة..
يدري انها خايفة لا مرعوووبة منه ومن المجهول اللي ينتظرها..
يراقب عيونها الشيء الوحيد الظاهر منها كانت متلثمة بعد ماهو اخذ غطاها امس ورماه..استخدمت طرحتها..
استغرب لما حاول يسترجع شكلها بس ماقدر وهو مو من عادته ينسى اي وجه يشوفه..فمابالكم بهديل جاريته..
يحس بحقد وكره واحتقااار لها الانسانة المواجهة له بصمت وضعف.. يبي ينتقم منهم فيها هي..
متاكد من قدرته على السيطرة عليها وسجنها واهانتها لانها ضعييفة سوا با الجسد او الروح المكسورة..
صد عنها وهو يتنهد ..خلينا نوصل ونصفي الحساب ..


هديل’’’

هي اول مرة يا السعودية اودعك..وياحسرتي كانها اخر مرة ..ياويل حالي على ابوي بيدورني بكل مكان فيك..
بيقلب الدنيا علي..وهادي اشلون بيلقاني..كيف راح يعرفون اني ماعدت على ارضك..تكفين علميهم..
قوليلهم انه خرجني منك وغدر فيهم..دليهم علي ..دلييييييهم على مكاني..
يومه حسي فيني تكفين..ادعيلي ارجع ادعيلي.. خايفة منه يومه خاااايفة مووت..
قاسي با الحيل هذا وهو باقي مافضى لي وشوفي قسوته معاي..
كيف باتحمل بعدي عنكم..كيف اعرف اخباركم واتطمن عليكم..متى بالقاكم متى؟؟!
رفعت عيونها وناظرت فيه اول مرة تشوف وجهه..كان مبدل الثوب ولابس بدلة رسمية بدون ربطة العنق..
كان مشمر عن يدينه ويشتغل على اللاب توب..
عيونه تخووف بنظرتها الحادة حواجبه عاقدها بقووة..وجهه يعبر عن القسووة والجلافة..
ناظرت بايدينه وتذكرت قسوته وهو ماسكها..وكيف خنقها باالسيارة..
شعور كره بغض واحتقار ينموا بقلبها اكثر واكثر..
رفعت يدها ومسحت دموعها غمضت بقووة تحاول تبرد عيونها اللي تحرقها من كثر البكاء..
فتحت الا وعيونه بعيونها نظرة ماقدرت تفسرها الا انها تحمل كلللللللللللل المعاني الا السلام ماتعرفه ها العيون..
صدت عنه بسرعة ولمت نفسها بيدينها بشكل دفاعي..ولا رفعت عينها مرة ثانية لحتى غفت من دون احساس..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ابوراكان لازال يحاول في اخوه يرجعون لبيتهم واهلهم..بس ابوعلي ماعنده لا القدرة ولا الجرئة انه يرجع
البيت من دون بنته..حتى انهم ما اتصلوا باهلهم ولا طمنوهم..
ابوراكان\يعني ان ظليت على ها الحال بترجع بنتك؟انت تاخر شيء تظنه بيتغير..
ابوعلي\لاتشد علي خلني يا ابوراكان وجه الله عليك مافيني حيلة لشوفت عيونهم وحزنهم على موتها
ابوراكان\طيب وش بنقول لهم ..قصدي عن سبب الوفاة ..وبيسالون عن جثتها..
ابوعلي\جعل يومي قبل يومها..
ابوراكان\عسى عمرك طويل
أبوعلي بمرارة\بنقول انها ماتت بحادث..السيارة اندعمت والبنت فيها وحن كنا نصلي ..ولا قدرنا نلحق عليها
ابوراكان\والحين وش بتسوي باالسيارة..والجثة..
ابوعلي\بارميها من فوق الجبل ماهي باغلى من اللي راحت..والبنت دفناها بحدى القرى القريبة منا ..وخلصنا
ماابيهم يسالون عن شيء ثاني..لايزيدون حرقة القلب والروح..
ابوراكان\لا اله الا الله هيا نرجع لهلنا ياحسين
ابوعلي بضيقة\ماهو اليوم ياعلي تكفى ماهو اليوم..
ابوراكان ترك اخوه على راحته ولا اجبره على الرجوع لاهلهم ..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛

حست بهزة خفيفة على كتفها وصوت غير مفهوم يناجيها..
فتحت عيونها بتعب وناظرت با المظيفة اللي جالسة جنبها..
المظيفة بابتسامة\مرحبا..طمنيني عنك انتي منيحة؟؟
هديل تناظرها ولاترد..
المظيفة\خوفتينا عليكي كنتي عم تتكلمي كلام غريب مافهمتو..
هديل بتعب\مافيني شيء
المظيفة\ايه الحمدلله..شورايك تاكلي شيء خفيف..رحلتنا طويلة..
هديل بصوت مكتوم\لا ما ابي
المظيفة\شكلك كتير تعبانة لازم تاكلي
هديل هزت راسها ودموعها تنزل بصمت,,المظيفة بحنية مدت يدها ومسحت وجه هديل..
بها اللحظة ادركت هديل ان وجها مكشوف سحبت طرحتها من على كتوفها ولفتها بشكل سريع على راسها..
هديل بقهر\ليش شلتي طرحتي من سمحلك؟؟
المظيفة\مش انا وحياة الله مش انا
هديل\مييين شال طرحتي عني؟؟
المظيفة\خلاص هدي شوي شوبييكي..
هديل بخوف\ما ابي احد يلمسني..ما ابي احد يلمسنيييييييييييي<<شهقت بقوووة وحطت يدينها على وجهها..
المظيفة\اطمني حبيبت قلبي ماحدا بيقدر يئزيكي..
هديل من بين دموعها\احنا وين رايحين؟؟ باي مطار راح ننزل؟؟
كانت المظيفة راح تجاوب عليها بس صوته الحازم منعها من اكمال كلامها مع هديل..
غازي بحدة\كيندا..
كيندا وقفت باحترام\نعم استاز غازي..
غازي\انصرفي.
كيندا استئذنت وانسحبت بهدؤ..تمنت هديل لو تروح معها ماتبي تظل لوحدها مع ها الشخص..
بس كانت تدري انها لو تحركت من مكانها ماراح يتركها بخير..وهي تعرف ليش صرف كيندا بها الاسلوب..
مايبيها تعلمني وين رايحين..يبيني أظل مثل العمياء ما اعرف وين رايحة ..بس امشي وراه..
مرتها كيندا مرة ثانية تبي تقدم لها وجبة بس هديل مارضت..
كيندا\اوكى براحتك..ازا بدك شيء ما تستحي مني اتفقنا..
هديل باحراج\اممم انا
كيندا تشجعها\شو احكي ..بدك التواليت
هديل باحراج\لا لا خلاص ما ابي
كيندا\ليش خجلانة هيك تعي معي
هديل\لا
كيندا باسف\متل مابدك بس الرحلة كانت طويلة..بس مابقى وقت ونوصل..

هديل بهم وين راح نوصل..وش ينتظرني بمطار المجهول هل هي نهايتي او بدايت نهاية..
تعبت من التفكير مستحيل اظل على ها الحال لازم اقوي نفسي ولو شوي..الحين مامعي احد
مافيه غيري..انا الوحيدة اللي راح احمي نفسي واسند نفسي..اول شيء راح اسويه امسح دموعي
واخفي خوفي..ماراح ينفعني لا البكاء ولا الحزن..الهي لاتكلني الى نفسي طرفة عين وكن معي واحمني..

طلبت منها كيندا تربط الحزام لانهم على وشك الوصول..اول ماتوقفت الطيارة شافت الطاقم يتحركون
ويفتحوا الباب تراقبهم بصمت وترقب..ماحست الابا الحزام ينفك بيدين قاسية متوحشة..
عرفتها من دون ماترفع راسها لصاحب هاليدين..مسك يدها وسحبها توقف..مشت وراه بصمت..
حاولت تسحب يدها بس هو شد عليها اكثر وكانه يحذرها لو حاولت مرة ثانية راح يشد اكثر ويعورها..
وصلوا عند الجوازات طلبوا منها تكشف عن وجهها ترددت بس هو ماترك لها الفرصة نزل لثمتها بهدؤ..
بعد ماطلعوا كانت تبي تتلثم بس يده سحبتها بقوة
غازي\الحجاب يكفي..
هديل بعناد وقهر تلثمت..سكت عنها مشوا لمواقف السيارات وكان السائق ينتظر..
فتح الباب دخلها السيارة بقوة وسكر الباب وركب من الجهة الثانية..
مشت السيارة ..وهديل تتلفت تبي تعرف هي وين انتبهت للعلم بس ماعرفت لأي دولة..
الجو كان باااارد واليل توه بداء ..الحين وين بياخذني..
ماحست الابطرحتها تنسحب بقوة لدرجة انها جرحت رقبتها من شدة سحبه لطرحتها..
التفتت باتجاه غازي بخوف شافت طرحتها بيده..ونظرات غااضبة..
غازي\لما اقول كلمة ما اثنيها وما احد يتحداني..قلتلك حجاب يكفي.والحين اقول مافيه حجاب.
فتح الطاقة خرج يده والطرحة فيها ظل ماسكها لحظات وهي تطير مع الهواء من يده الى ال لامكان ..

با الامس رمى نقابي واليوم طرحتي ياخوفي بكره يشق عباتي..
نزلت راسها بانكسار فكت شعرها عشان يغطي رقبتها ووجها وصدت عنه..
مااقدر اقول ولا اتصرف مالي حيلة وش ماسوى فيني..
من البداية بين طريقت تعامله معي أخذني جارية وراح يعاملني من ها النقطة مجرد جارية..
عيونها معلقة بالطريق لاشدتها المناظر ولاالشوارع المضيئة بكل الانوار..
ماكانت تشوف شيء غير السوااااد واحيانا انعكاس صورته على الطاقة اللي بجنيها تشوف
وجهه الجامد الحقوووود القاااسي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


وصلوا البيت على الساعة 9 الصباح..جايين بتكسي..انتبهوا على التجمهر الكبير اللي صاير باالقرب من بيوتهم..
نزلوا وابوراكان يسند اخوه خايف عليه من مواجهت هل بيته من دون بنته..
قرب منهم رجال يعرفونه من اهلهم..
الشاب\الحمدلله على السلامة الحمدلله على السلامة..
سلم عليهم وحبهم على الراس وراح يعلم باقي الشباب برجوع الغايبين..
وفي دقيقة كانوا محاطين برجال وشباب قبيلتهم اللي كانوا يدورون عليهم من ثلاث ليالي..مالقوا لهم ارض ولاسماء..
علي وهو يحب راس ابوه\الحمدلله على السلامة يا ابوي وينكم فيه ضاقت بنا من بعدكم
ابوراكان\الله يسلمكم..هذا حن وصلنا..وكله بيد الله.
رجال كبير في السن\وين كانت غيبتكم يا ابو علي؟؟ عسى ماخلاف
ابوعلي نزل راسه بحزن مافات احد من الموجودين..
علي بخوف\عسى ماشر يوبه..وش فيك جعلني فداك..
ابوراكان\تفضلوا با المجلس
دخلوا الشواب مع ابوعلي وابوراكان وقرايبهم المجلس الخارجي في بيت ابوعلي..
راكان\عمي يوبه وش صار معكم شكلكم ماهو يطمن.
ابوعلي مارد على احد ولا رفع راسه..
أبوراكان\صار علينا حادث بالطريق .
كل اللي با المجلس صار يتحمدلهم با السلامة ويباركون على رجعتهم بخير
محمد بنفاذ صبر\يووووبه وش فيك..اختي وينها ما اشوفها معكم.
ابوراكان\أختك الباقي وجه الله..ماتت با الحادث.
صدمة طعنة لا كانت امر واقوى..الأخت الحنونة الدلوعة..الاخت الصغيرة ماتت..
الغالية اختنا ماتت..غابت عن حياتنا هجرتنا..
حاولوا يستوعبون الخبر القاسي اللي نزل عليهم مثل الصاعقة..
علي طاح عند ارجول ابوه محمد خرج من المجلس اول ما استوعب كلام عمه واللي اكد له انكسار ابوه..
وزاد عليه صوت الرجال اللي بالمجلس يعزونهم ..
محمد دخل البيت مفجوووع شاف امه وغادةوحنان حتى جدته واقفين ينتظرون ابوه يدخل بس انفجعوا من شكله
أم علي بخوف\وين ابوووك؟؟
محمد تركهم وطلع يركض على الدرج غادة راحت تركض وراه ..
فتح باب غرفتها بقوة دخل وصار يدورها بكل مكان مو مستوعب ولا مصدق ولاطراء في باله ابدا انها ممكن
تموت او ينحرم منها..
غادة بصراخ\انت وش فيييك ..محمد اكلمك أنا ..أبووي وينه وش صار فيه؟؟
جلس على سريرها يتأمل مكانها دفاترها اغراضها على التسريحة الخاصة فيها..مسك البندانة تبعها..
وسرح في ذكرياته معها..ويردد بقلبه هديل ماتت..
غادة تصارخ في محمد تبيه يرد عليها بس ماكان منه اي كلمة ..لحتى سمعت صراخ امها يتعالى في البيت..
نزلت تركض شافت ابوها واقف وامها متعلقة بجيب ثوبه وتصرخ..وعلي جالس على الارض حاضن جدته..
حنان ماكانت بعيد عنهم كانت تبكي بصووت عالي..
مسكت يد ابوها وناظرت فيه من فوق لتحت..بس ماشافت فيه شيء مستوجع..
مافيه الاوجهه هذا ماهو بوجه ابوي..بس الحمدلله هذا هو رجع..ليش امي تبكي ..وجدتي منهارة ليش..
لا لا لايكون عمي علي صار فيه شيء..ياويل حالي على عمي..
أم علي بحسرة\تكفى ياحسيييييييييييييييين تكفى رجعها حرام علييييك باقي ابيها بعدني ماشبعت منها
ياويل حالي ااااااااااااااااااااااااااااااااه
ابوعلي يضمها\انا لله وانا اليه راجعون الموت حق يا ام علي
غادة\من اللي مات؟
علي وقف واتجه لغادة وضمها والدموع على وجهه\هديل تطلبك الحل.
غادة هذا وش يقول هو صاحي لاماهو صاحي كيف يعني هديل تطلب الحل..صح انا شفت ابوي بس باقي ماشفت هديل.
سحبت نفسها من علي اللي ماتركها بس هي ضربته وصرخت عليه
غادة بغصة\ابعععععععععد اتركني علي اتركنييييي...ضربته على ظهره..ابعد عنييييييييييييييييي
بعد عنها بس ظل ماسك يدها..
سحبت يدها وراحت لابوها\يوبه يوبه وينك تاخرت علينا..وش اللي اخرك يوبه؟ ماعلينا المهم انت جيت
طيب وين هديل؟؟كل هذا تخلع سنها يعني..<<وبنظرات رجاء..يوبه وينها
ابوعلي بدموع\راحت ماعاد ترجع راااحت يا ابووك.
غادة بتوسل\يبه تكفىىى روح جيبها يوبه والله مالي غيرها لاتحرمني منها يوبه..علي رووح جيب اختي
علي تكفىىىىىىىىىىى رووح جيب هديل..يوومه قوليلهم يجيبوها..ابي اختي ابيييييييييها حرام عليكم
علا صراخ غادة وصراخ ام علي وكلاهما تطالبان برجووع هديل..
ام علي بنحيب\ليتني ماخليتها ترووح ليتني ماتركتها..كانت حاسة والله كانت حاسة انها مودعة
غادة\انتوا كذابييين كذابييين هديل ماتموت كيف تموت وتخليني انا اختها الوحيدة
هديل ماتقدر تموت وتتركني..انتوا ماتفهمون انا واياها مانترك بعض مانفترق.ماتموووت لااا ماتموووت
يومه تسمعين وش يقولون يقولون اختي ماتت يومه لاااااااااااااااااااااا لا لا ماتموووت مماتموووت يوماااااااااااااااااااه
علي كان ماسك غادة ويحاول يهديها بس هي مو مستوعبة مو مصدقة بمعنى ادق هي مفجووعة..
علي\غادة اذكري ربك يا بنت..حرام اللي تسوينه حرااام ادعيلها الله يرحمها
غادة بصراخ\لاااااااااااااااا ماتموووت انا مالي غيرها مالي غيرها لاتمووووووت هديييييييييييييييييييل
حنا خوات والخوات مايخونوا بعضهم مايجرحوا بعض اختي ماتتركني ماتخليني هدييل تعالي تعاااااااااااالي
ام علي غابت عن وعيها من شدة الصدمة وغادة ظلت على نفس الحال صراخ وبكاء يجرح القلب..


هناك قلب اول ماسمع ها الخبر احترق ذاب انكسرت روحه وعمت عيونه..قلب حنون قلب صافي..
ماحمل الا الحب لهديل أو هدييل على ماتسميها الجدة..
أفا والله ياهدييل تموتين قبلي تسبقيني على قبري الا ياالقاسية..وين حنيتك علي وين حبك لي..
يومك تموتين وتخليني..ماهو با العشم فيك تعذبيني وتقطعين قليبي..وش عجلك على الموت يا امك..
وش اللي خذاك مني ومن امك وابوك..توك ماقوى عودك تموتين..لمن تركتيني..
وهادي مافكرتي فيه من ينتظره مثلي ومثلك من يحارشني واقوله بومة وفال شين..؟
تموتين معقولة ياهدييل هنت عليك هانت عليك عسوولة ..
أبوعلي\يومه يومه اذكري الله انتي الكبيرة ماتخفى عليك حكمة رب العالمين..
الجدة\انا لله وانا اليه راجعون..لاحول ولا قوة الا بالله العلي العظيم..
اللهم اجرني في مصيبتي واخلف لي خيرا منها..
أبوعلي يبوس راس امه ويحضنها..بس مافاتته نظراتها له المليئة با الشك.
يستمر النحيب والحزن..وتم العزاء على انسانة تعيش حياة ميته..
انتشر الخبر الشين ..ومثل ماهو معرووف دائما الخبر الشين ينتشر بسرررعة الريح..بعكس الخبر الطيب..
شهد وصابها انهيار عصبي على موت الصديقة الغالية..أصحاب من ايام الابتدائية..مكتفين في بعضهم ..
صحيح لهم زميلات بس مايوصلون للعلاقة المتينة اللي تربط شهد وهديل..
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

مرت ثلاث ايام وهي محبوسة مثل السجينة تنتظر وللاسف ماهي عارفة وش ينتظرها..
من ليلة وصولها لهذا المكان ماشافته ولا شافت غيره..
تذكر قسوته لما نزلها من السيارة بهمجية وسحبها وراه لحتى دخلها بهذي الغرفة ورماها فيها بقسوة..
غازي\هذا سكنك ماتطلعي منه لحتى استدعيك أنا..ولاتفكري او يخطر في بالك اني ممكن اتسامح معك لو خالفتي اوامري.
اشتري سلامتك لاني بايعها..والملابس اللي عليك بالعباية في الزبالة فاهمة..
من صرخته ضمت نفسها وهي لامة شنطتها..حست فيه يقرب منها سحب شنطتها بقوة بس هي تعلقت فيها..
فك يدينها وشال الشنطة ..فتحها وصار يتامل محتوياتها..
غازي يبتسم بخبث\شايفك شايلة معك ذكريات من الوطن..لا ياحلوة انسي مابقى لك شيء غيري انا.
طلع والشنطة معه وهي تصارخ تبيه يرجعها بس هو كان مبسووط بقهرها..

خرج وقفل الباب بصوت جهنمي..ظلت جالسة على الارض تناظر حولها بجموود..ملابسي عباتي حتى شنطتي
ذكرياتي يبي يحرمني من كل شيء يخفف حنيني..مجنون اهبل يحسب اني بانساهم اذا حرمني اغراضهم..
قال مابقى لي غيره واللعنة اللي تلعنة ..

المكان مايليق بخادمة..
كان مثل الملحق صالة مطبخ تحضيري صغير غرفة ملحقة بحمام..
غريبة هذا سكن الخدم عنده..وهو وش يقصد اشتري سلامتي مافهمت عليه..الى الان ما استدعاني ..
ياربي يكون نساني ونسى وجودي..الثلاث الايام اللي مرت علي صحتني على نفسي..اذا كنت ضعيفة
وسمحتله بكل شيء يامر فيه راح ينهيني..اعرف نفسي خوافة بس لازم اتغلب على خوفي..
بس هو يخووف هو قاسي جلللف جدا..أجل وش تنتظرين منه غير القسوة هو ناوي يقهرك..
يارب توقف على القهر وبس..أنا خايفة على نفسي منه..
بس لو اعرف انا وييين..المكان مرررة روعة اللي اشوفه من الطاقة مزرعة كبيييرة تمتد على طول النظر..
وبيت كبير من الطراز الفكتوري القديم..يشبه بيوت الافلام..هذا وين عايش؟؟
الجوووو بررررد ماهو طبيعي طوول الوقت وانا متلحفة با البطانية ملابسي خفيفة ماتدفيني ومافيه تدفئة هنا..
حسبي الله عليه الحقير يبيني امووت من البرد ..حتى وقت الصلاة ما اعرفه ولا اعرف القبلة..
ياربي سامحني والله انا اصلي باتجاه ما ادري اذا كان القبلة او لا ياربي ذنبي برقبته هو ..هو السبب والله..
يا ابوي ياحبيبي كيفك الحين..تفكر فيني اكيد..امي واخواني معصبين علي بيقولون ليش سافرت
ولا عندهم خبر..يحسبون الدراسة اغلى منهم ااااه بس لو يدروون با الحقيقة..
فديتك علااوي ماترضى علي بشيء ومحمد حبيبي دووم نتهاوش بس حنوون مرة..
غادة ياغلاروحي لايزعلك غيابي بارجعلك يا الغالية مالي غيرك ومالك غيري..
عسووولة لبى قلبك الحين تدعي علي هههههههههههه على البوومة فال الشين..
بس ماعليهم هادي بيرجع لهم وينسيهم غيابي لحتى ارجع..بيشوفوني فيه مثل ماكانوا يشوفونه فيني..
عسى عمرك طويل ياعديل الروووح..
ابووي سراجي على درووب الألم..متعلقة بوعدك لي يوبه لا تتاخر علي..دورني وتعال رجعني.
أمي غناة الروح يوم الروح مغلووبة..ياويل قلبي عليك مانشفت عيونك على هادي زدتها بخبر دراستي العوجاء..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
علي\ليش ماجبتوها ندفنها قريب منا ياعمي؟؟
ابوراكان\خلاص ياابووك الى متى بنعيد الكلام..ماتت بساعتها والديرة اللي كنا فيها مقطوعة لا ابراج اتصالات
ولا اسعاف مثل ماعندنا..حتى المستشفى عندهم لا ثلاجات موتى ولاشيء..دفناها وصلى عليها مطوع ومعنا رجاجيل من هل الديرة..
محمد بقهر\وانتوا وش وداكم ل الديرة؟؟ليش ماقلتوا لنا كان واحد منا وداكم
أبوعلي اول مرة يتكلم\وش كنت بتسوي كنت بترد الموت وقضى ربك..كنت بتحرص عليها اكثر مني..
ولاماني بمالين عينك يا الورع..
كان يتكلم بقهر وحرقت قلب ماحد منهم حااس با اللي في جوفه..
احزنوا الحين ابكوا عليها وعزوا..خلوني انا لحالي شايل حسرتها في قلبي..
اعتبروها ماتت وانكم تعرفون انها عند رب كريم..ولا تدرون انها بعرين أسد قاسي..
الله قادر ينسيكم اياها..وعسى ربي يصبرني عليها..عسى ربي يسامحني..
محمد يحب راس ابوه\استغفر الله العظيم..يوبه من حزني عليها من فجيعتي والله.
أبوعلي بصوت جريح\هديل الله يرحمها واللي يبي يعذبني ويقهرني يرجع يسالني عن موتها ..
ماعاد ابي احد يسالني عن موت هديل ارحموا حالي ارحموووها..
الكل سكت ولارفعوا عينهم فيه..احتراما لرغبت أبوعلي الكل بلع اسئلته بجوفه وكتم الضيقة بقلبه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


قامت من على السرير مرعووبة بعد ماسمعت الطق على باب الملحق..وش ذكره فيني الحين توني مصلية الفجر
وش ناوي عليه..طلعت ل الصالة بتردد ووقفت ماقدرت تكمل طريقها..بس سمعت صوت مفتاح في قفل الباب..
انكمشت على نفسها اكثر..شوي الا ودخلت عليها حرمه شايلة بيدها شنطة صغيرة..
الحرمه رفعت راسها وناظرت بهديل ابتسمت وقربت منها..
هديل وقفت بمكانها ماتحركت وهي توش الحرمه تقرب منها..مدت يدها بتلقائية لحتى تصافح اليد الممودة لها..
الحرمه\ماريا
هديل ماردت عليها ..الا بهز راسها فقط.
ماريا بانجليزية متكسرة\السيد يطلب حضورك,,
هديل\أين هو؟؟
ماريا\في القصر..
هديل هزت راسها\اوكى
ماريا مدت بالشنطة اللي بيدها على هديل..
أخذتها هديل فتحتها وشافت فيها بنطلونين جنز باهت ثلاثة تيشيرت ابيض سادة وملابس داخلية وحجاب واحد بس..
ماريا\استبدلي ملابسك بسرعة فا السيد يكره الانتظار.
هديل دخلت غرفتها طلعت الملابس وتاكدت انها نظيفة وجديدة من ال لاصق اللي عليها..
غيرت ملابسها بسرعة وارتباك لفت الحجاب على شعرها وهي تتذكر كلامه لما قال مايبيها تلبس حجاب..
زين انه خاف الله وعطاني حجاب الحقير..لبست عبايتها واحكمت الحجاب وطلعت.
مشت ماريا قبلها وهي مشت وراها..بس اول ماطلعت من الملحق صارت ترجف من البرد والخووف..
ناظرت حواليها المكان هادىء جدا..الشمس مالها نية تهزم الغيم وترسل اشعتها تدفيني..
وكأن المزرعة مهجورة مافيها احد..القصر قدامها تتمنى لو تغير وجهتها وتركض لجهة ثانية ومكان ثاني ..
والاكيد يكون مكان مايوصله غازي ولا يعرفه..
دخلت ورى ماريا المدخل الحجري البااارد باالصور الغامضة المعلقة فيه..البيت متااهة احس اني راح اضيع
أكييد راح اضيع..
فتح ماريا باب وطلبت من هديل تدخل..هديل سمت باالله الرحمن الرحيم ودخلت والرجفة تنفضها من فووق لتحت..
غرفة كبيييرة مكااتب ضخمة انارة خفيفة الطاقات طويلة ومقفلة.. تحس المكان مخنووق مافيه هواء..
رفعت عينها ل الشخص الجالس على مقعد منفرد يقراء بأوراق وغير مبالي ابدا بدخولها عليه..
بعد عشر دقايق رفع راسه وناظرها بحدة..اخترعت من نظرته وتراجعت خطوة..
وهي تسب نفسها على ضعفها وخوفها..ظل يناظرها بنفس النظرة المخيفة وهي منزلة راسها..
غازي\أنا قلت العباية هذي في الزبالة..
هديل تبي ترد تبي تهااوشه بس مو قادرة الخووف سلطاان عليها..
غازي يكمل\اول ماتطلعي من هنا ترمي العباية وانا ما اعيد كلامي..اسمك ماراح يظل كا المعهوود<<مايبي ينطق اسمها
راح اغيره..من اليوم ورايح اسمك رسل وبس لا أب لاأم ولا اخوان ولا قبيلة ولا حتى دولة تنتمين لها رسل وبس.
رفعت راسها بقووة وناظرت فيه بصدمة..
اسمي يبي يغير اسمي..مصدق نفسه هذا عاايش الدور صح..
كانت تفكر وغازي مستمر بالكلام\ماتنتمين الا لي انا..كل شيء يخصك راجعلي..انتي جاريتي محكومة بامري
مفهووم يارسل .
لا والله ماتطووول تغير اسمي وتمحي هلي وربعي لي اهل غصبا عليك وماراح تقدر تحذفهم من حياتي..
احكي تكلمي ياهديل لا تخلينه يقضي عليك بسبب ضعفك وخوفك منه..راح تعيشي معه جاارية عنده ..
لا تسمحي له يهينك ويمتهن انسانيتك وحقوقك..حافظي على اسمك اهم شيء تملكينه ..
غازي بصرخة\قولي اسمك.
هديل\هديل اسمي هديل حسين الجاسم لي ام واخوان ولي قبيلة وربع وهااامة..
غازي عقد حواجبه وكان كلامه صدمه وماكان متوقع منها ترد عليه بها الشكل..
غازي بامر\تعالي هنا.
هديل قربت منه وهي ترجف بس خلااص وقت الخوف فات لازم تظل على موقفها وتدافع عن اسمها وكيانها..
وقفت قدامه وعيونها بعيونه ..كان يبي يكسر عينها بس هي ظلت معلقة عينها بعينه ..
غازي\اسمك.
هديل بتحدي\هديل حسين الجاسم.
اول ما انهت كلامها..
ما انتبهت انه في لحظة بس رفع رجله وبكسها بجزمته بكل قوة على بطنها..
لحتى طارت وضرب ظهرها بالطاولة اللي وراها..
تحس بحرييقة تحرقها من جوة الللللللللم ماعمرها ماحست فيه..
لفت يدينها على بطنها وصدرها من الوجع وصارت تأن وتبكي بصوووت مكتوووم..
وقف وتوجه لها\حذرتك من التحدي وقلتلك اشتري سلامتك..احذري تراديني او تخالفي شوري يارسل
قفا عنها وراح يبي يطلع من المكتب بس سمع همسها له.
هديل\ه هدي هديل اس مي.



ينتهي البارت السادس هنا..
الى الملتقى بعووون الله تعالى..

لا تحرموني أرائكم فهي تهمني,,


صدووود’’’

السلام عليكم ورحمة الله وبركاته ...


يسعد صباااحكم جميعا ..
عسااكم طيبييين وبألف خير,,
هلا وغلا ومرحباااا با المتاابعين والمنضمين لنا..
حياااكم الله شرفتوني

أعذروووني را أنزل البارت ألحين..لأني راح أكون مشغولة ها اليومين..
والردوود راح ارجع لها بعدييين ..
::::::::::::::

الأكثرية منكم سالوا نفس السؤال كيف غازي قدر يخرج هديل من السعودية ,,
وكيف المراءة السعودية ماتقدر تسافر خارج المملكة الا بمحرم ..
يا الغاليات هو صحيح المراءة ماتسافر الا بوجود محرم لها ..
بس أنا كتبت الموقف على حالة صارت معنا في العائلة ..
خالتي كانت تبي تسافر لخالي برات السعودية وماكان فيه احد يقدر يسافر معها..
بذلك سافرت مع صديق خالي وعائلته..
الموضوع ابدا ماكان صعب..
وعلى ها الحالة أنا سمحت لهديل تسافر مع غازي..

واللي طلبوا مني اوصف غازي وهديل..
يابنات أنا ما اعرف اوصف اشخااص بس حااولت اوصفلكم غازي ..
عااد انتوا ارسمووه بخياالكم ..
أما هديل مو الحين وقت وصفها ^_*


العزيزات لا تزعلوا اذا كانت البارتز اللي انزلها صغيرة..
ترى والله مو با القصد ..
أنا وقتي مو ملكي وبس يشاركوني فيه اخواني..
وصدقوني احاول قد ما اقدر اني ارضيكم..
وما اتاخر عن الوقت المحدد ..
السموحة منكم ..

استلموووو البارت..


البارت الثامن,,,


عليك شلون ما أزعل؟
وتسوي أشياء تجرحني !تضايقني ب أفعالك ..
وتظن إنك مفرحني ؟
تسود وجهي ب طعونك ..
وتبيض ( وجه ) أحزاني ..!
[ ياليت ] اللي حصل منك ..
حصل من واحد ثاني !
مثل غيرك ومنت غير ..
جرحت جروح ما طابت ..!
هقيته فيك يطلع خير ..
ولكن هقوتي " خابت "
صدمني الكل ..
ومو ناقص !
بعد منك تجي صدمه
تحطها بذمتك ( عادي )
وسيعه صارت الذمه !
بسيطه كانت أحلامي ..
توقعتك تحب لي الخير
وتدور .. راحة أيامي !
وأشوف إن الحقيقه غير ..
تحب الخير ل جروحي ؟
حبيبي الوقت ما قصر
وكلمة حق .. يا روحي :
( جميع الناس تتغير ) !!!



هديل\عليك غضب الله انت والحقير>>قالتها با العربي وماكس مافهم عليها
ماكس\لم أفهم ماقلتي
هديل\أريد الخروج من هنا.
ماكس\أسف لا استطيع السماح لك با الخروج..يجب أن تنهي عملك أولا
هديل وهي تبكي\لا أعرف شيء عن الخيوول
ماكس بحنية\سأساعدك كفي عن البكاء.
غازي بعصبية\ماكس اخرج..
ماكس\سيدي؟؟
غازي يفتح الباب بقوة\ماكس اخرج من هنا
ماكس بحيرة\حسنا سأخرج
خرج ماكس وغازي دخل وحشر هديل با الزاوية..
غازي\اياااك تتكلمي مع العمال هنا فاهمة
هديل هزت راسها\ايه فاهمة
غازي\والحين افسخي المعطف
هديل بنظرات مصدومة\وشهو..أنت مو بصاحي تبيه رووح جيب عباتي أول
غازي\ماعندي وقت افسخيه
هديل باحتقار\لا
غازي يمد يده وبسرعة يدخلها با الجيب الداخلي للمعطف ويخرجها..بينما هديل كانت تضربه وتحاول تبعده عنها
برعب ..موفاهمة هو وش يسوي..بس لماشافت اللي بيده فهمت حركته..
غازي والجوال بيده بسخرية\وسيلة اتصال امممم مايصلح تظل مع الخدم وهم يشتغلوا تلهييهم..
أوتغريهم يتصلوا با الماااضي..
هديل مو مصدقة كان معي جوال وانا مو عارفة..لو عرفت بس كنت راح اكلم ابوي ولا ارسله اطمنه عني..
الحقير مبسووط بقهري..
هديل تبي تقهره\مصيري اتصل فيهم ماتقدر تمنعني كوون واقعي شوي.
غازي يناظر ساعته وبثثثثقة هزت هديل\اوكى بلغيهم سلامي لو حلمتي فيهم..
مشى وتركها تناظر فيه..يااربي الى اي حد هو واثق بنفسه ثقته مو طبيعية..متاكد من عدم قدرتي على
مكالمتهم..يارب من ايش خلقت ها الجلموود..
ماكس يقاطع تفكيرها\اسف لقد امرني السيد با البقاء هنا وتوجيهك من الخارج
هديل بقهر\الله ياخذك أنت وهو.>>با العربي ولا فهم عليها
ماكس بابتسامة\لم افهم ماتقولي
هديل\مالك شغل>>با العربي,,ماذا يجب ان افعل الان؟؟>>با الانجليزي
ماكس\أمسكي بهذه المقشة وقومي بجمع هذا القش الى هناك
هديل مسكت المقشة وسوت مثل ماقال بس با العكس..
هو يحااول يعلمها وهي تعصب وتسبه با العربي وتسب غازي..
ماكس بنفاذ صبر\اوووه ليس هكذا ستثور الفرس
هديل\جب جب بلى بشكلك تتحلطم علي أنت وعيونك الخضراء..
ماكس\حسنا والان خذي القش اللذي هناك وانثريه بشكل مرتب ..
هديل\هاه وجع مافهمت انت وش تقوول عد من جديد وشوي شوي>>با العربي
ماكس\يا الهي انا لا افهم ماتقولين تكلمي با الانجليزية
هديل\اوكى,,ضف وجهك باارتب براحتي>>با العربي,,ولكن لا تبتعد كي لا تثور الفرس >>با الانجليزي

هديل شالت القش الجديد وصارت توزعه بشكل عشوائي..ماكس يصارخ عليها يبيها تنتبه له بس هي مطنشته
أجل يبيني ارتب الحضيرة وانظف الفرس..طيب ياامر امر..بس بارتب براحتي ,,

خلصت ترتيب الحضيرة وهي تحس انها مبببدعة..ولما ناظرت لماكس شافت وجهه معفووس ومو عاجبه شغلها
هديل\ما رايك لقد انتهيت
ماكس\لوكنت أنا المدير لطردتك فورا
هديل\تلاااايط تلقى مثل شغلي يا الاشقر ماالت عليك,,
ماكس\لا تتكلمي الا با الانجليزية كي افهم ماتقولي ارجووكي
هديل\افتح الباب لقد انتهيت من العمل
ماكس\ليس بعد يجب ان تنظفي الفرس اولا
هديل\ي ما اعرف انظفها والله ما اعرف للخيول>>با العربي
ماكس عصب\لن اعلمك حتى تتكلمي با الانجليزية او تعلمي بنفسك
هديل\حسنا انا لا اعرف كيف اقووم بذلك
ماكس\انتظري ساعوود حالا
راح ماكس وهديل تحكي مع الفرس\شوفي يابنت الحلال مابيني وبينك شيء..خليك بنت ناس وعاقلة..
لا تخليني أعصب عليك ترى زعلي شيين وااجد..ولا تبيني اتكلم انجليزي عشان تفهمين؟؟
ماكس\ههههههههههههههههههههههههه ماذا تفعلين ايتها الصغيرة
هديل\اعقد اتفاقا
ماكس بتسلية\هل تم الاتفاق؟؟
هديل\ليس بعد..
ماكس\حسنا خذي هذا الماء بللي تلك القطعة وامسحي الفرس بها.
هديل\لماذا لا اغسلها بخرطوم الماء؟؟
ماكس بتحذير\اياكي ان تقومي بذلك..

هديل تاخذ اللي بيده وتقرب من الفرس..بس كل ماشافتها تتحرك صرخت وهربت منها لأخر الزاوية..
حاول ماكس يشجعها وهو يردد عليها الكلمات اللي تقولها اذا قربت من الفرس..

هديل عند الباب\لا استطيع اقسم لك اني غير قادرة على هذا أخرجني أرجوووك
ماكس\لا استطيع اخراجك السيد حذرني ان لا اسمح لك با الخروج دون اتمام العمل.
هديل\أرجوووك لا استطيع الاقتراب منها.
ماكس\حسنا سوف اقترب انا منها من تلك الناحية واقوم بتهدئتها بينما انتي تقومي بعملك هل اتفقنا
هديل\حسنا ولكن اياك أن تفلتها
ماكس يبتسم\هيا الى العمل لقد اضعنا الكثير من الوقت.
قربت هديل من الفرس لما شافت ماكس ماسكها ويمسح عليها..اول ماحطت القطعة عليها تحرك ذيل الفرس
صرخت هديل وبعدت عنها..وضااع الكثير من الوقت وماكس يحاول فيها تقرب من الفرس بس هي حلفت ماتلمسها.
ماكس بضجر\لقد تاخرت انا عن اعماال كثيرة بسببك ايتها الصغيرة والان ماذا ستفعلين
هديل\ساخرج افتح هذا الباب فورا
ماكس\سيعاقبك السيد ان لم تنهي عملك
هديل\حقا فليفعل..ساشكووه ل الشرطة واشكوك أنت ايضا
ماكس\وما اللذي فعلته أنا؟؟
هديل\ترفض ان تفتح هذا الباب كي اخرج.افتحه الان
ماكس يفتح الباب\حسنا اخرجي ولكن احذرك السيد اذا غضب يصبح قاس جدا..وأنا قلق عليك يا صغيرة.

هديل خرجت ولا ردت على ماكس..طلعت من الاسطبلات وهي ناوية تمشي على نفس الطريق اللي جات معه..
كانت راح تمووت من الخوف لما شافت اللي قدامها..العمال بكل مكان منتشرين..
ونظراتهم لها كانت غريبة جدا..مستغربين وجود فتاة محججججبة بينهم..

لاحظت توقف الكل عن العمل والتحدييق فيها وبس..ولاحظت ان كل اللي حولها مايملكوون ولا لمحة عربية
كلهم أجاانب وهذا اللي خلاها تدور حول نفسها تدور على طريق يخرجها من ها المكان..

بس سمعت صوت ماكس يتكلم بلغة غير الانجليزية ومافهمت كلامهم..

ماكس بصوت عالي\مرحبا يارفااق أعرفكم على رفيقة جديدة معنا..
1....\ماذا تعني بكلامك ماكس من تكون هذه الفتاة؟
ماكس يناظر هديل ويقرب منها\لقد وظفها السيد هنا ستعمل معنا في المزرعة
2...\هل انت جاد فيما تقول؟؟كيف له ان يوظف فتاة لاعمال المزرعة؟؟
ماكس\حسنا يارفيقي هو السيد هنا وهذه اوامره.
3...بنظرات حقد\تبا له لن أعمل مع فتاة محجبة.
ماكس بغضب\يمكنك أن تطلع السيد على رأيك فكتور
فكتور بسخرية\لاضرورة لذلك سيصله رأيي >>ويناظر هديل بكره
ماكس يقرب منه\اياااك أن تفكر بأذيتها فكتور
فكتور\من سيمنعني >>بخبث..ثم لا احد يأمن العمل ياصاحبي قد تتعرض لحادث..عملنا مرهق على فتاة
ماكس بتهديد\ان رايتك او علمت بأنك تضايقها سأتصرف معك بنفسي<<وجه كلامه للجميع
يارفاق أنا المسئول عن هذه الفتاة وقد كلفني السيد بتدريبها والاهتمام بها..
ماكس يكلم هديل\حسنا ايتها الصغيرة اذهبي الى المنزل ستعلمك ماريا ماذا يجب ان تفعلي..


مشت هديل بارتباك تحاول تخفي الخووف اللي حست فيه ..صح مافهمت شيء من اللي يقولونه بس تكفيها

نظراتهم لها وحدت صوت ماكس مع فكتور..ياويلي خايفة على نفسي من جلموود والحين هذولاء..
كيف يخليني مع كل ها العمال الحقيير ..ياااارب احرسني بعينك اللي ماتنام..


كملت طريقها ودخلت القصر..ألحين كيف الاقي ماريا ولافرح أو اي احد ..
مشت على طريق المكتب لانها ماتعرف غيره بس عدت من عنده ولا دخلت كملت على نفس الاتجاه
كان قدامها صالة كبيييرة حجرية رااائعة منظمة با الكنبات الفخمة الشكل..ألوانها كانت متعددة مو لون واحد
بس منسسسقة جدا ومتداخلة الالوان في بعض..من الاحمر والرصاصي والاخضر الداكن..
والتحف المرصوصة بشكل مرتب وأنييق..وسجادة بيضاء ساادة عليها طاولة مرتبة..
واللي أرووع وأرووع المدفئة الكبيييرة ..بس ماكان فيها نار..
مايحسوون با البرد..يااربي أحس ها المكان مهجوور مافيه أحد.

ماريا\مرحبا
هديل تناظرها بفزع\صبيتي قلبي الله يهديك
ماريا ترطن بكلام مو مفهووم
هديل\ماريا أرجووك أنا لا افهم ماتقولين تكلمي با الانجليزية
ماريا بتذمر\اووه لا اعرف الكثير من اللغة
هديل\لا باس سنتفاهم
ماريا ورجعت تتكلم بنفس اللغة
هديل\ياااربي هذا جزاتي في ماكس يقولي انجليزي واقوله مالك شغل ربي عاقبني فيك ماريا
ماريا\اوكى
هديل\لا والله>>با العربي..لم افهم تكلمي ببطء السيد ماذا يريد مني؟
ماريا\لق لق لق لق >>مو مفهووم
هديل\توقفي حالا..لا افهمك
ماريا\لا اعرف كيف اخبرك..تعالي معي

هديل مشت وراها وهي تتحسب على غازي..دخلوا المكتب وصارت ماريا تاشر لها على الكتب والكراسي
والمكتب..وفهمت هديل انه يبيها تنظف المكتب..

هديل\الله يعين أنظفه وانظف ابووه بس لا اروح الحضيرة مرة ثانية
ماريا كانت راح تتكلم بس هديل صرخت
هديل\لا ارجوووكي لقد فهمت ماتريدين والان كيف اقووم با الترتيب والتنظيف هنا..
طلعت ماريا ورجعت بعد كم دقيقة ومعها اغراض التنظيف..وصارت تاشر لهديل وتعلمها كيف ترتب الكتب..
هديل بالعربي\والله ياماريا اللي اشوفه الكتب منثوورة بشكل مقصوود كان بزر يلعب فيها..
ماريا\ماذا؟؟
هديل\لاشيء عزيزتي
هديل..أجل تبيني ارتب الكتب بعد ما انت عفستها..طيب انت اللي بديت يا النذل..
ارتبها بكيييفي واتحداك تلقى كتاب بمكانه..

كانت المكتبة مقسمة لأجزاء مبينة اقسام الكتب..الطبيعية والعلمية الاقتصادية واللغوية..
ماريا كانت تنظف النوافذ والصور واغلب الشغل كان عليها ..
بس هديل كانت ترتب الكتب بضمييييييير..وتوزعها بكيفها تبيه اذا كان يبي كتاب مايلقاه بقسمه..
عشان يحرم مرة ثانية ينثر الكتب ويقوول رتبيها داامك نذل أنا أنذل منك..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


ياموت تكفى رجع الي اخذته

الصاحب الي ضحكته تبري الروح


شف حالتي يا موت جسمي نحلته

خله معي يا موت لو يوم ويروح


وين الصبر يا ناس قلبي فقدته

وش لي بدنيا ما بها ضحك ومزوح


وين الصبر يا ناس قلبي فقدته

راح الاخو راح الخوي راحت الروح


يبوني انسى شخص مبطي سكنته

اهو سكني وصرنا اثنين في روح


مرحوم يا شخص عزيز فقدته

راح وتركني شايل الهم مجروح


وصيتي لين مت وقبري دخلته

حطوني جنبه وانا فاقد الروح


يهل دمعي لين مني ذكرته

طيفه معي من وين ما جيت واروح


لا تذرفون الدمع دامي وصلته

خلوني بجنبه اسد جرح مفتوح


كان منسدح على سريره يناظر صورتها..
باخلين علي بقبرك أزووره..قالوا خلها بقبرها بسلاام..
مايفهموون ولا يحسوون با اللي في قلبي..أريد أحس ان أنا وأنتي بنفس المكان..
قالوا مالي حق ازور قبرك هذا أقل شيء راح أسويه ازور قبرك واصب الماء عليه..
ااااه ياتوئم الروح ماني مصدق بمووتك صرتي تحت التراب..
والله ان الدنيا بعيني أضيق من ثقب الابرة..

يتذكر عصبيت أبوه لما طلب منه يدله على قبرها..
أبوعلي بعصبية\قلتلك ماني بدالك على القبر..خل اختك مرتاحة فيه..
هادي بقهر\ليييه يوم ما ازور قبرها لييه؟؟يوبه تكفى حس با اللي فيني تكفى
أبوعلي\مايفيدك لو تزوره مايفيدك..
هادي يمسح عيونه بقوة\الا بيفييد يكفي اني احس بوجودها معي بنفس المكان..
يوبه باسقي قبرها واقراء قران وادعيلها..دلني عليه يا ابوعلي تكفى
ابوعلي\لا ولا تعرفه..قم من عندي ولا اشووفك لين تشيل ها العلم من راسك..
هادي\ماتبي تدلني على القبر..براحتك أنا ارووح ل الديره واستفسر منهم عن قبرها وألقاه
ابوعلي بارتباك\ياولد تبي تعصيني.
هادي بغغغصة\أبييييها يوبه تكفى دلني على قبرها تكفى يا أبووي
ابوعلي\طيب بأدلك عليه بس بأروح معك.
هادي كاتم عبرته\المهم أروح لها.

بأزووورك يا رووح هادي..وأحجز قبري بجنبك..
طاحت صورتها من يده ودخلت تحت سريره
قام بسرعة يدور على الصورة مد يده يدورها ولمس شيء صلب..سحبه ولقاه صندوق خشبي صغير
فتحه وهو مستغرب من وجوده في غرفته..
اول شيء كان في وجهه دفتر راايق با اللون العشبي..خرجه وصار يناظر فيه ويقلبه بيديه..
فتحه على ورقة كان القلم موجود عليها وهذي كانت اخر صفحة مكتوبة..
وقراء المكتووب ودموعه تنهمر بغزارة..


ان عشتم غداً من دوني,,


فتخيلوني أعيش معكم..
أفرح لفرحكم..
وأبكي لبكائكم..

أستمع لأحاديثكم ..
وأهذي بهذيانكم..

ان عشتم غداً من دوني..
فزوروا تلك الزاوية..
اللتي طالما أوتني بوقت الحرمان..

اسالوها كم ليلة بت أنا بأحضانها..
كم من حلم تبدد فيها..
وجراح ولدت بجوارها..

اسألوا تلك الزاوية ..
كم ليلة بكيت أنا فيها..
ورسمت اللقاء على جدرانها..
وبلحظة طيش لونتها با الفرااق الأبدي..

اطلبوا منها أن تكشف لكم ..
أحلامي اللتي أحرقتها..
وتحكي لكم عن أمنيات كم أنكرتها..

تلك الزاوية..
حيث نمت أنا كل ليلة..
أشتم راائحة الغاائب بوسادته..
وأقبل قميص كان يرتديه..


ان عشتم غداً من دوني..
فلا تبكوني
فدموعكم تحرق كياني..

توئم هادي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

خلصت ماريا شغلها وهي تتذمر من هديل البطيئة بشغلها..خلصت هديل من الكتب وجات بتطلع بس
شافت لابتوب على المكتب انبسسسطت وراحت ركض تفتح اللاب شغلته والدنيا مو سايعتها من الفرح
بس انصدمت لما طلب كلمة مرووور..
هديل\حقييير حاسب حساب كل شيء..حسبي الله عليه..وش ممكن تكون كلمة السر..
غازي\جربي اسمك ممكن يفتح معك
هديل فزت من على الكرسي بسرعة لان الباب قدامها وغازي مادخل من الباب..انصدمت كيف دخل
هديل\كنت كنت انظفه..فيه غبار
غازي بأمر\اجلسي
هديل\ما ابى
شافته يقرب منها جلست بسرعة..وهو جلس على حافة المكتب با القرب منها..
غازي\اكتبي اسمك ويفتح
هديل\ما ابيه يفتح بس كنت انظفه عليه غبار
غازي بتعجب كاااذب\غريبة متى وصله الغبار توني مشتغل عليه الصباح ومقفله برمز ..
هديل توقف\عن اذنك
غازي\اجلسي واكتبي اسمك اذا فتح راح اخليك تشتغلي عليه .
هديل\ما ابي اشتغل عليه
غازي\اكتبي اسمك واوعدك اسمحلك تسوي اللي تبينه
هديل بلعانة\ابي افتح ايميلي وارسل رسالة
غازي بمراوغة\لا طلب واحد بس مو ثنين
هديل بقهر\يعني افتحه ولا ارسل رسالة وش الفايدة؟؟
غازي\اكتبي اسمك وافكر أسمحلك او لا بارسال الرسالة..
هديل باصابع ترتجف تحت مراقبة غازي لها..طبعت اسمها بخووف..بس ماكانت الكلمة الصحيحة
غازي\حاولي مرة ثانية يمكن نسيتي حرف
حاولت هديل ونفس الشيء ماكانت هي الكلمة..
هديل\مو اسمي
غازي بشك\لا لا انا متاكد حطيت اسمك
هديل\لا مو هو
غازي\طيب انا راح انطق الحروف وانتي اكتبيها زين؟؟
هديل تماشيه بقلق\اوكى
غازي\ر ...س....ل

هديل رفعت عيونها له بزعل..
أول مرة تشوفه من ها القرب عيونه كبار ورموشه كثيفة حوااجبه معقودة وشكلها مايطمن أبدا..
عارض محدد وخفيييف..خشمه طويل..شفايفه كانت مشدودة وصارمة ما تعتقد انه يعرف الابتسامة أبدا..

غازي بخبث\طلع اسمك هو كلمة المرور؟؟
هديل\لا مو اسمي
غازي\اكتبي اسمك رسل واوعدك اسمحلك ترسلي رسالة..
هديل بتحدي\اسمي هديل وماابي ارسل رسالة..
غازي\براحتك بس متى ماحبيتي ترسلي اكتبي اسمك رسل وادخلي..
هديل وقفت\الله اكرم منك..
كانت بتمشي مسكها من عضدها\ماسمحتلك
هديل سحبت نفسها منه بقووة\لاتلمسنيييي
غازي\وش سويتي با الحضيرة؟؟
هديل بخوف\نظفتها
غازي\والفرس؟؟
هديل بكذب\نظفتها
غازي\طيب تعالي نشوف شغلك
مشى رايح ناحية الباب ناظرها\تعالي
هديل بخوف\لا ما ابي اروح هناك..وترى اخر مرة أروح الاسطبلات فااهم
غازي عقد حواجبه\لا مو فاهم وأنا اللي أأمر وانتي تنفذي
هديل بقهر\أأمر على كيفك بس هذاك المكان ماراح اروحله مرة ثانية..
غازي بعصبية\رسل قدامي على الاسطبلات لا اسحبببك
هديل\أنا هدييييل وما ابي ارووح الاسطبلات
غازي وصل عندها وسحبها من يدها\لما أأمرك تنفذي الأمر
هديل مسكت كتاب كان على المكتب وضربته على ظهره\اتركنييييييييي
غازي التفت عليها وضربها كف لف وجها بقوووة
غازي يمسك وجها بيده ويشد عليه\حذرتك من رفع يدك مرة ثانية أنا ما أداريك أنا أكسرررك
هديل بدمووع\ما أبى أرووح هناك ما أبى
غازي\غصب عليك تروحين..كنت ناوي اخليك اليوم بس تروحي الحضيرة..
بس الحين كل يووم راح تشتغلي هناك..واذا رحت الحين ومالقيت الشغل تمام بتتمني الموووت.
سحبها وراه بقووة غير مهتم ببكائها وترجيها له..

وصلوا الاسطبلات وغازي بقمممة عصبيته توجه للحضيرة اللي امرها تنظفها ..
وهديل مييتة من الخوف وتتمنى لو سمعت كلام ماكس ورتبت الحضيرة وغسلت الفرس..
غازي بحدة\لابأس بشغلك ها المرة بأساس انها اول مرة تنظفي المكان..

هديل بخووف ناظرت من وراه على الحضيرة اللي تركتها بشكل معفووس وأنصدمت من شكلها..
كانت مرتبة والفرس تم تنظيفها..التفتت على ماكس اللي غمز لها با ابتسامة..
الحمدلله ياربي اللي بعثت ها الماكس ولا كان الحين ذابحني..حسبي الله عليه
أحرق قلبي وضربني..

ماكس\سيدي لقد كانت جيدة بعملها قامت به على أكمل وجه..
غازي يناظر ماكس بسخرية ويتكلم بلغة نفس اللي يتكلموا فيها العمال..
غازي\أعرف عملك جيدا ماكس..فلا تحاول لعب دور الذكي..
ماكس يبتسم\حسنا لقد كانت جهنمية جدا في عملها .
غازي\هل اقتربت من الفرس؟؟
ماكس كاتم ضحكته\أبدا كانت تصرخ بجزع كلما تحركت الفرس..وحاوت عقد اتفاق معها ايضا..
غازي\هل تكلم معها احد من العمال؟؟
ماكس\لا لم اسمح لاحد من الاقتراب منها كما أمرت..
غازي\حسنا ان انا اعدتها الى هنا فاياك ان تقوم با العمل بدلا منها..أريدها أن تتعلم.
ماكس\ولكنها تخاف من الخيول..
غازي با العربية\خوفها من الخيول مايسوى شيء عند خوفها مني..

غازي يناظر هديل كانت تناظر الفرس ويدها على خذها اللي ضربها عليه مسحت طرف فمها من الدم
بكم المعطف..ومسحت وجها من الدموع حتى مايلاحظها..
غازي بهدوء\خلصنا هنا..تعالي
مشت وراه ولما مرت من عند ماكس همست بشكرا وهو ابتسم لها..

طول طريق الرجوع للقصركان يمشي وهي كانت تتبعه ببطء غير مقصود..
كانت سرحانة وتفكر ومو منتبهة للي يناظرها كل شوي..

شكل الضرب عنده شيء عادي..ماراح يقصر فيني بيعطيني اللي بخاطره دوووم..
بس أنا أخاف من الضرب والله العظيم أخاف من الوجع..ما أبي أتالم ما أتحمل الضرب..
قسوته تخوفني ترعبني..وييينك يوبه القاني بسرررعه خذني منه واضربه..
ايه اضربه مثل مايضربني..ابييك تضربه بقوووة وتوجعه مثل مايوجعني..
مسحت دموعها بكم المعطف غير منتبهه لطريقها..

صحت من سرحانها ووجها وجسمها يضرب الأرض بقووة..
وقبل لا تدرك او تستوعب اللي صار لها حست بيدين تقلبها على ظهرها وتشيلها عن الارض..



الى الملتقى باذن الله يوم الجمعة..
لاتحرموني أرائكم فهي تهمني,,,


احترامي..

صدووود ,,,