السلام عليكم ورحمة الله وبركاته ...


صبـــــــــــــاح\\
الجووري الأحمـــر..

مســـــــــــاء\\
100 إستغـــفار..


كيـــــــــفكم الــ ليلاااااااااااااااس ..؟؟
أحبتــــــــــي في كل مكـــان..؟؟


ولا زلــــــت شـــاكرة ومقدرة..
لكل من يتابعون الرواية ويبحرون معنا..
شـــكراً بحجم الســـماء لإلتحاقكم بسفينتنا..
نتمنى لكم رحلة ممتعة برفقتنا..

شـــــــــــكراً بحجم الكـــون ..
لمنتداي الغــالي ليـــلاااس..
نقطة البدايـــة لصدوود وسفينتها..
شــكراً لثقتكم بـــي ومنحي لقباً كبيــراً..
كم اتمنــــى أن أكون أهلاً لهذهـ الثقة..
ثقتــكم بــي تجمـــلني..

وشــــــــكراً عميـــقة لمنتدى .......
على الثقة الكبيرة بي ومنحي وساماً أفتخر بحمله..
ولقـــباً أتشرف به..


البـــــــــارت ..
إهــــــــداء لــ الجميــــــع ..
وبيتي الغـــالي ليــــــــــــــلاس..



البارت السادس والثمـــانون ..


قفي! لا تتركيني في الرياح
أحارب بالنوازف من جراحي

و مأساة الوجود تحز قلبي
و تلتهم البقية من كفاحي

و في شفتي أبيات حزاني
تغنت-و هي تجهش-للصباح

قفي! لا تحرميني-والليالي
نصال-في ضلوعي-من سلاحي

تنكر لي الصديق فما اندهاشي
و قد قفز العدو إلى اجتياحي

أطالع في الوجوه فلا تريني
سوى رقص السراب على البطاح ..


المرحوم بإذن الله تعالى..غازي القصيبي..


غازي\عشـــاني..

كلمته صدمتها..
عشاني..؟؟
تمنت لوتقول مالك شان عندي..
بس عاهدت نفسها تترك التجريح..
لاتجرحه ولا يجرحها..
هذا قرارها وقرارهـ..
كانت بتفتح عيونها..
بس سالفة اخو لـ ذياب خوفتها..
فشدت على عيونها اكثـــر ..

تنهد لما لاحظ شدها اقوى على عيونها..
بعد ثواني حست فيه يقبل العقد اللي لابسته..
وبكذا اجبرها تفتح عيونها وتناظرهـ ...

غازي بوله\لاتحرميني عيونك النجلاء..
أول سهومك اللي صاوبت جلمود..
هديل بضعف\لاتربكني بكلامك..
غازي\وانا عندي أمل أأثر فيك..؟؟
هديل بصد\لا..إبعد عني..

أبتعدت عنه بسرعة..
ماتحب تسمع همساته..
ولا إحتضانه لها ..
صدها عنه ماهو تغلي..
ولا غرور..
بقدرة الله بتقدر تدفن كل شيء صار بينهم..
وهي واثقة إنه مابيقصر معها..
بيدفن الماضي معها وبينسون أو بيمثلون النسيان..
كل ماحاولت تبدأ معه من جديد..
يصرخ صوت مخنووق جواتها..
أنتي مجبورة تظلين معه..
قبل سنين والحين نفس الحال..
مجبورة على إختيار طريقه..

جلست على المقعد المشترك..
وجلس قريب منها..
نفضت كل افكارها..
وفضلت تتجاهل ذكرياتها معه..

أبتسمت بمرح لما لاحظت عبوسه..
غازي عقد حواجبه\قلت لها مانبي مكرونة..
هديل\تعجبني مكرونتها..
وهي تعرف هذا الشيء..
غازي بوله\آآآآهـ بس ياإني مشتاق لكبسة..
من يدينك انتي..هي مرة سويتيها ولا نسيت طعمها..
هديل\هههههههه يامجرم بعدك تذكر..؟؟
غازي يبتسم\إيه اذكر..
وبعدها تمننتي علي..
أقولك ابي كبسة تقولين روح لامك..
هديل تضحك\انا ماصدقت القى شيء..
أمن فيه عليك واقهرك فيه..
وأنت بكل ثقة يالله سوي كبسة..
غازي\ملحووقة بكرة إن شاء الله ابي كبسة ع الغداء..
هديل بغروور\إحلم على قدك..
غازي\ههههههههه أنتي يا القصيرة ماتشوفيني حجمي وكبري..؟؟
هديل عضت لسانها\ههههههههه بلى اشوفه ماشاء الله..
غازي\وهذا اللي ماشاء الله عليه..
حلمه وش تتوقعين كبـــرهـ..؟؟
هديل بتفكير\اممممممم قد السماء..
غازي بمحبة\قد الحمامة اللي يعشقها..

نزلت عيونها من عيونه بعد ماغمز لها..
ولفت وجها لـ الجهة الثانية وهي مبتسمة بخجل..
مايترك لها فرصة تتكلم معه من غير إحراج..

ألتفتت عليه واحرجتها نظراته اكثر..
هديل بخجل\خلاااااص لا تناظرني..
أبي أتعشى..
غازي ويدهـ على جبينه\
ياشينها لا صرت معجب و خجـلان
خـوف المصـارح لا يجيـب المطمّـه..
اخاف اصـارح بالغـلا ذاك الإنسـان
و ينقلـب جـوو المصـارح مذمّـه..
ويا شينها لا صرت مغرم و زعلان
محد ٍ يراضي قلبـك و محـد يلمـه..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

دخل وراها وقفل الباب ..
أستند عليه وهو يراقبها تفسخ عبايتها وترفع طرحتها..
لاحظ جمالها ورقة ملامحها...
وانصدم إن كل هذيك المسبات والهواش..
تطلع من وحدة لها ملامح بريئة وناعمة كذا..
صار يشك إن هذي هي خلود اللي كل ماتشوفه تهاوشه..
وتقوله انا جدتك وأنت حفيدي..
كتم ضحكته على فكرة إن هذي تكون جدته..
ظل يراقبها تتجول في الجناح وتستكشف المكان..
وهو متأكد إنها ماشافته ولا انتبهت لوجودهـ..
أبتسم وهو يدري ليه تراقب المكان وتترقب ظهور الشايب زوجها..

كان ناوي يظهر لها بمنظر الشايب ويواجها بحقيقته بهداوة..
بس هو يتبع علاج لحالتها لاكثر من شهر..
من قبل لا يخطبها وهي ماتزور العيادة..
وبعد ماعقد عليها ماظهر لها..
بين لها إن الشايب مهملها..
واللي مهتم بها هو الشاب ..الحفيد المزعوم..

ألتفتت عليه..
ورحمها لما شهقت بخووف وهي تشوفه قدامها..
والمته حركتها لما طاحت على ركبها وتحاول تستر نفسها عن عيونه..
لانها تدري إنه مو زوجها ولا هي حلاله..

أنصدم لما لاحظ معالم التشنج تظهر عليها..
من وجها ليدينها وجسمها اللي يرتعش..
راح لها بسرعة..

حاولت تصرخ لما شافته يقرب منها..
حاولت توقف وتهرب منه..
بس حست بكل اعضائها تتشنج..
حست بطعم الدم في فمها..
لسانها قسى والمها بشكل قوي..
ركض لها لم يدينه حوالينها..
فسخ شماغه ودخل طرف منه في فمها..
ضمها بقوووة وفك يدينها عن بعض بالغصب..

صرخت بصوت مكتوم بسبب اللي في فمها..
ظلت ترتجف وهو يضمها بقووة ويقرأ عليها..
كل افكارها مجنونة..
عنه وعن حالها معه..
زادت حالتها لما حست بيدينه تحتضنها..
وهمساته بأذونها..
تبي أبوها..تبي الشايب اللي تزوجته..
بدت الدنيا تظلم عليها وهي تقاوم..
ماتبي تغفى ماتبي تغيب عن حالها وهو معها..

حفرت اظافرها بيدهـ..
حاولت تخلص نفسها من حضنه..
بس قوته اكبر منها..
واعصابها أتفقت معه واضعفتها..
غمضت عيونها وغابت عن وعيها..

حس فيها تهدأ وتستسلم له..
ارخى يدينه حواليها وسدحها على الارض..
شال طرف شماغه من فمها..
وعاينها بسرعة..
تطمن على حالها..
خاف يكون معها صرع ويقضي عليها بتهورهـ..
بس مرام ماقالت له إنها مريضة..
والي صار معها ردت فعل على خوفها من وجودهـ عندها..
تشنجت من الخوف وهذا شيء وارد..
وفيه ناس يتشنجون من الصدمة..

رفعها عن الارض واخذها لغرفة النوم..
سدحها على السرير وغطاها..
جلس قريب منها يتاملها بحسرة..
مرر اصابعه على خدها..
قلبه يعاتبه على حالها..
كل اللي صار معها خدعة وغدر..
تمنى لو ماوافق أمها ومرام على قرارهم..
لو بين لها كل شيء قبل يعقد عليها..

لاتلوم مرام ..
كنت قادر توقف كل شيء..
كنت قادر تحصل على رفضها وتعفي نفسك من الإحراج قدام أمها..
بس فضولك لها ..
حرضك توافقهم ..
أثارت فضولك بهواشها..
حكمها عليك بـ الإعدام..
وتعلقها فيك كــ أب وبعدها زوج..

قبلها على جبينها وطلع من الغرفة..
جلس في الصالة ويفكر في بكــرهـ كيف يتصرف معها..
كيــف يشرح لها من يكون..
والشايب اللي تزوجته ماله وجود..!!
حالتها صعبة جداً..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛

وعدتك
أن لا أتلفن ليلا إليك
وأن لا أفكر فيك إذا تمرضين
وأن لا أخاف عليك
وأن لا أقدم وردا
وأن لا أبوس يديك
وتلفنت ليلا.. على الرغم مني
وأرسلت وردا.. على الرغم مني
وبستك من بين عينيك حتى شبعت
وعدت بأن لا.. وأن لا.. وأن لا
وحين اكتشفت غبائي ضحكت

نزار القبــاني..

رتبت الطاولة بعد ماشالت ماريا الأكل ..
شربت ماء والتفتت عليه كان لازال يناظرها نفس نظراته..
حبت تغيضه يمكن يرحمها من نظراته..
وخصوصاً بعد ماتغزل بعطرها..

غازي\يالبى العطر وصاحبته..
عنبوا ابليس لاتحطينه مرة ثانية..
يمكن اتهور..
هديل برفعة حاجب\كنت بألبس أصفر..
غازي يبتسم\كنت بأقطعه..
هديل\عقدك اللون..؟؟
غازي\حبيته لدرجة الحقد عليه ..
هديل\حقدت على اللون ولا حقدت على نفسك..؟؟
غريب أمرك يا جلموود..!!
غازي بهدؤ\ماظنيت اللون بيظل جارحك..
هديل بحقد\لو ما اعجبك وافقدك عقلك ماجرحني..
غازي بحنين\إنســـي..
من بعد هذيك الليلة أنتقمتي لنفسك وأنتصرتي..

سحبت نفسها منه وصدت..
تكلمت بصوت جامد..
رغم الغصة المخنوقة بقلبها..
هديل بآسى\أنســى..ياكثر ماترتجي مني انسى..
كنت عمياء يا غازي..
خايفة منك ومن كل شيء..
ولالي غيرك يدلني بـ الظلام اللي كنت عايشته..
جيتني بفستان ابيض..بطرحة والماس..
ماكنت ادري وش لون لبسي..
ولا شفت نظراتك ولاعرفت نيتك..
ماكانت المرة الأولى اللي تجبرني على نفسك..
كرهتك بليلتها ودعيت عليك من قلب..
قلت الله لا يحلك ولا يبيحك..
أذكر كيف قلتها لك وانت تحاول تمنعني اكمل كلامي..
أجبرتني عليك ولا كلفت على نفسك تــ.............

قطعت كلامها وفضلت تنهي الموضوع..
أي شيء يعرض هدنتهم لـ الجروح يتغاضون عنه ويكابرون..

غازي\تمنيتك تلبســي ابيــض..
هديل بجموود\الأبيض هو اللون اللي مستحيل تشوفني لابسته لك..
غازي بهدؤ\عاذرك وما الومك..
هديل\قلت مستحيل وانا اقصد كلامي..
غازي\تنازلتي كثيــر..ولا اطالبك بأكثر من ما تقدرين..

تمنت لو تصرخ فيه وتبكي..
لو تقووله أخ لذياب أكبر من قدرتي..
أكبر من الأبيض..
ريحني من خوفــي..

حب يغير مودها بموضوع يحارشها فيه..
غازي يبتسم\لاتنسين بكرة ابي كبسة..
مثل اللي سويتيها عند ابو نايف..
هديل بإستغراب\متــى..؟؟وانت كيف عرفت..؟؟
غازي بحسرة\أذكر كيف مت بحسرة..
لما أكلت من يدينك وانا احسبك ميتة..
هديل بصدمة\متـــى..؟؟
غازي\تدرين إني شفتك وأنتي حامل..؟؟
هديل بندم\لا ماشفتني..يمكن أول شهرين..
بس بعدها ما شفتني لاني هربت..
غازي بهمس\شفتك واقفة على بلكونة في بيت ابو نايف..
كنت معزوم عندهم..أختنقت لما أكلت من طبخك..
شكيت بنفسي وذكرتها الحمامة ماتت..
طلعت من بيتهم وجلست بسبب ذكرياتي معك..
أتذكرك واترحم عليك..
شفت وحدة واقفة على البلكونة..
حامل وحاضنة نفسها..
كانت صادة عني ولا شفت وجها..
تخيلتها أنتي..وقلت لحالي لو كانت هديل حية وبخير..
بتكون حامل وهذا شكلها..
دخلت هذيك الحامل ولاعرفت إنها حمامتي..
هديل برجفة\كنت قريب منــي مرة..!!
لو التفت عليك كنت بتشوفني..
بتعرفني..؟؟كنت بترجعني لك ولهلي..

قرب منها ولم يدهـ حوالين كتفها..
قربها منه ودخل اصابعه في شعرها..
غازي\لو تفتح باب لـ الشيطان..
ماتدرين يمكن حالتنا بتكون أصعب من كذا..
لله حكمة مانلتقي الا بعد سنين..
هديل بغصة\كانت اول مرة أفتخر إني حامل..
حتى بيني وبين نفسي..كنت اخجل وأحس بعار..
لأني حامل وانا مو متزوجة..
كنت احتقر نفسي كثيــر واحتقرك أكثــر..
وقلت زين إن أبوي أعلن وفاتي..
ولا كنت بأرجع له بفضيحة..
موتني في اليوم اللي أخذتني فيه..
بيومها ماعرفت انا أكرهـ مين فيكم..
أنت أو ابـــوي..
خرجت من السفارة راجعة لك..
ظليت ابكي في الشارع واناديك..
كنت ابي اقولك أبوي قفل بابه في وجهي..
وأقولك أنت صادق بكلامك مالي غيرك..
صادق لما قلت هلك نسوك إنسيــهم..
كنت أبي أشكيهم لك..
بس أبو نايف خذاني معه..
حلف اكون مثل بنته..يهتم فيني ويرعاني..
ومع إني ماقلت له أنا من أكون بنته..
وش تكون مشكلتي..ومن مين هاربة وليه وحيدة..
تكفل فيني..رحمني واخذ أجري..
عشت معهم مصدومة من هلي ومجرووحة منك..
أكتشفت حملي عندهم..قالوا مبرووك..
وأنا بكيت بحسرة على إني حامل ولد حرام..
كنت اضحك على نفسي واقول هو حلال عليك أنتي ملك يمينه..
وتجي الحقيقة تضربني على الارض بقسوة..
جارية وولدك حرام..
بس مسفر أنقذني من ظلمك يا غازي..
كشفني لنفسي..
قال انتي زوجته..أنتي هديل الجاسم زوجة غازي الجالي..
أوراق اخذتها معي قبل أهرب منك..
مافكرت افتحها ولا اعرف محتواها..
كانت عقد الزواج..بموافقة ابوي وشهادة عمي..
كلكم سفاحين وتواقيعكم محتلة العقد بثقة وقسوة..
ولا واحد فيكم تكرم علي وعلمني إني متزوجة..
آآآآآهـ ما اقســـاكم يا غازي..

شد ذراعه عليها ودفن وجها على صدرهـ..
مايدري تصرفه هروب من باقي مآساتها ..
ضعف من مواجهة ظلمه لها..
كيف عاشت بتفكيرها إن حامل بحرام..
كيف ظلمها وتجبر عليها..
ليه من بعد ما اجبرها اول مرة شرح لها إنها زوجته..
تعذر بعماها..ثم حملها..ثم عملية الإجهاض وبعدها عملية لـ العين..
بس الله رحمها منه وقدر لها تهرب..
كانت عندهـ الفرص يطمنها ويشرح لها وضعها..
أنتظر عملياتها..
أنتظر أبوها وعمها..تشوفهم وتفرح فيهم..
وبعدها يواجها بزواجهم..
بس هربت منه ومنهم..
هربت وواجهت مصيبة موتها المزعوم..
كم انتظرت وترجت وبكت..
وياما نادتهم قدامه ووراهـ..
وكم مرة شدت ظهرها فيهم وقالت مصيرهم يلقوني..
مادرت إنهم دفنوها حية ونسوها..

حقد لذكر اسم مسفر..
تمنى لو الدنيا كلها درت عن زواجهم ولا درى مسفر..
لو عرفت من العالم بس ماهو من مسفر..
مسفر الشهم بنظرها..
وإللي مستحيل تنسى جميله معها..
كتم قهرهـ عليها..
غيـــرته من مســفر ..
غضبــــه من نفســـه..
مثل ماتنازلت هو لازم يتنازل..
وهي صاحبت الحق مهما حكت وقالت..

رفع وجها له ولما كان بيمسح دموعها..
أبتعدت عنه وهي تبتسم بألم..
أشرت براسها رافضة يمسح دموعها..
وتذكر كلمتها لا تداويني بعد ماتضربني..
لا تمسح دموعي وانت مبكيني..

وقفت وهي تمسح دموعها..
ناظرت السماء وشافت البرق..
أشتد صوت الرعد وهو وقف جنبها يراقب السماء معها..
لم يدينه على خصرها وضمها له..
غازي\أبعتذر..
أبي أمسح كل شيء صار لك وأذاك..
ما اقدر أرجع الزمن ولا أغير سنين مضت..
دليني على طريق يريحك ولو كان يذبحني..
أناني في حبك..ماقدرت اكون الا أناني..
إرضي فيني ياهديل..مايهون علي أجبرك..
حاولت أخليك بحالك بعد كل اللي سويته..
بس أنانيتي وحبي لك منعني..
ولازال يمنعني..ما ابي أعيش من دونك..
هديل بغصة\وانا عندي أمل تتركني..؟؟!

عادت سؤاله عليه..
سألها هل عندهـ أمل يأثر عليها ويقنعها تعيش معه..؟؟
وسئلته هل عندها أمل إنه ممكن يتركها..؟؟
والإثنيــن إجـــابتهم ...لا..

ترك السؤال من دون إجابة..
ضمها له لما بدأ المطر ينزل عليهم بقوووة..
غازي بهمس\اللهم‏‎ ‎صيباً نافعاً ..

أبتعد عنها وأخذها معه لغرفته..
وقفت بجموود تحت المطر..
ماقدرت تدخل غرفته..
شاف الخوف والضياع بعيونها وتصرفاتها..
غازي\ما اجبرك على شيء..
نامي الليلة هنا..
سحبت يدها من يدهـ وخبتها وراها..
قرب منها وهو يبتسم لها..
دخل يدهـ تحت ذراعها ووصلها لغرفتها..
قبلها على جبينها وهمس لها..
غازي بوله\إحلمــي فيني..يا اغلى من سكن قلبي..

دخلت غرفتها وهو قفل باب البلكونة..
صد عنها ووقف قريب من حاجز البلكونة..
راقبته واقف تحت المطر على بلكونتها..
وانتبهت على نفسها ترتجف..
برد او خوف..
أو حيـــرة ماتدري متى بتنتهي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


صحت من نومها وظلت مدة..
مفتحة عيونها وتناظر السقف..
حالة خدر صايبتها..
تحاول تتذكر آخر شيء سوته قبل تنام..
السقف غريب عنها...
مو سقف غرفتها..والفراش ملمسه غير معهود عندها..
أرهف سمعها..
يمكن تسمع صوت امها تهاوش أخوها..
أو تجهز أخواتها لـ المدرسة..
بس ماسمعت أي صوت..

رفعت نفسها من على الفراش..
جلست والفكرة ترجع لها بقووة..
هي بفستان الزواج..
وفي جناح في الفندق..
وزوجها ماتدري عنه ولا يدري عنها..
ورجعت لها صورة مسفر واقف يراقبها..
وقفت بسرعة وهي تتلمس فستانها..
لازالت بملابسها..
تلفتت حواليها بخووف..
وينه..؟؟وش سوى فيها..؟؟
هي لازم تقول لجدهـ..
أو تتصل بمرام وتقول لها..
تصرفه مو طبيعي ولا يحق له يلمسها او يشوفها..

فتحت الكبت..
أخذت بنطلون جنز وقميص أبيض..
دخلت دورة المياهـ..
تحممت بسرعة وفكت شعرها..
لبست وطلعت وهي تراقب المكان..
دورت على عبايتها بس مالقتها..
وتذكرت إنها امس رمت عبايتها في الصالة..
خرجت من غرفة النوم وناظرت حوالينها بحذر..
ماشافت احد ولا سمعت صوت..
دورت على عبايتها..
وشافته نايم على الكنبة..
أنقهرت منه ومن بروودهـ ..
كيف يعرضها لهذا الموقف..
كيف يهملها بهذا الشكل..؟؟
هو مو شايب مصاب بـ الزهايمر..
أو معاق ومايقدر يتحرك..
لازال يمشي ويتكلم ويفهم الناس..
ولا زال يمارس مهنته مهنت الطب النفسي..
ليييه مايهتم فيها مثل ما أوهمت نفسها..
ليه مهملها ولا يرعاها مثل أبوها..

سحبت عبايتها من عليه وهي تصرخ فيه بقهر..
خلود بقهر\قوووم يـ الشايب المحترم..
قوم رجعني لــ بيت هلي..
ما اتشــرف أعيش مع واحد مثلك..
مخرررف مو راعي مسئولية..

تحرك على الكنبة بإنزعاج..
صوتها اجبرهـ يصحى من نومه..
يسمعها تسبه وتهددهـ ترجع لبيت اهلها..
ألتفت عليها بعد ماسحب نظاراته الكبيرة ولبسها..
جلس ببطء يتناسب مع عمرهـ..
رفع راسه لها وناظرها بإعجاب شاب وحنية شايب..
مسفر\هلا صباح الخير يازوجتي..
خلود بغصة\الله لا يصبحك بالخير..
ياللي ماتخاف ربك يا مجرم..

في لحظات شك إنها كشفت كل شيء..
وإنه ظاهر لها إنه يلعب عليها وهو مو شايب..
تلمس لحيته الوهمية..
وهو يسمع باقي كلامها..
خلود تبكي\كيف تجرحني كذا..؟؟
أنازوجتك ومن اول ليلة تهملني ولا أحس معك بامان..
كيف طاوعك قلبك تنام وترتاح ولا تدري عني..
وصلت الفندق أو مت..

وقف وقرب منها..
ولما حست بيدهـ على كتفها ضربته وابتعدت عنه..
خلود\انا ابي أرجع لأمي..
ما ابي أظل معك..انا كنت غلطانة لما وافقت اتزوجك..
ماهو ضروري إذا كان لك نفس هيئة أبوي تكون مثله..
مسفر بحنية\ولا هو ضروري أي شاب يكون مثل قاتل أبوك..
خلود بقهر\إن ماكانوا مثلهم فهم أسوء واخبث..
مسفر اللي كلفته يوصلني الفندق لك ماهو امين ولا يخاف ربه..
هذا وأنا عرضه وزوجت جدهـ ما احترمني..
مسفر بورطة\وش سوى معك الخايس..؟؟
خلود تبكي\مدري..دخل معي الجناح أمس وانت نايم..
شافني من دون عباية ولا حجاب..
أنت لازم تعاقبه..لازم تربيه وتعلمه إن الله حق..
مسفر\لاتشيلي هم يا زوجتي..
أنا صحيت امس ولقيته هنا كفخته وطردته..
ونقلتك لغرفة النوم..
خلود بقهر\بسسسس هذا اللي قدرت عليه تكفخه..؟؟
مسفر بصدمة\وش تبين اسوي فيه أكثر..؟؟
خلود\أنت مالك حل..
انا أتصرف معه اللي مايعرف السنع ولا الدين..
مسفر يبتسم\ترى أنتي محرم له وهو محرم لك يا قلبي يا زوجتي..
خلود\يعقب ..
مابقى إلا هذي الأشكال يصيرون محارمي..
مسفر\لا تغلطين ترى ما ارضى عليه سميي..
خلود بنظرات\رجعني لهلي..
ما بأظل معك..سميك مجرم واعتقد إنه طالع لك..
مسفر\هو صح يشبهني في وسامتي..
وفي ثقافتي وشكلي..ترى يشبهني كثير أنتي بس ركزي نظرك..
خلود\إسمع يامسفر....
أوووف لو تغير أسمك مو أحسن..
مسفر\تعقبين..
خلود\أنا ابي ارجع عند أمي..
تزوجتني الله يعيطك الف عافية ماتقصر..
والحين رجعني..
مسفر\نلعب إحنا نلعب..
وبعدين كيف تفكرين ترجعين لامك..
والناس وش يقولون عنك..
متزوجها الشايب ومن ثاني يوم رجعها لامها..
شايب ماتحملها اكيد مسوية شيء..
خلود\وقص بلسانك أنت واللي يتكلم..
مسفر\قص رقبتك يــ الحرمة العاقة بزوجك..
زوجتي الأولى والثانية مايرفعون صوتهم في وجهي..
خلود\ليه انت متزوج..؟؟
مسفر\متزوج أجل أعزب..
كلي وسامة وثقافة..
خلود\وش دخل الثقافة كل شوي تقول ثقافة..
مسفر كاتم ضحكته\في علم النفس..
يقولون المرأة تختار شريكها لشيئين..
الأول الوسامة وهذا قل وندر..
والثاني الثقافة..
خلود بسخرية\سلامة عقلك يـ الشايب..
هذا بزمانك وزمان المرحوم جدي..
تختارهـ على حسب مكانته وفلوسه..
مسفر\وين الفطور يازوجتي..
خلود بحيرة\أنت تعرف اسمي..؟؟
مسفر\إيه انتي زوجتي كيف ما اعرف اسمك..
خلود\ليه كل شوي تقول يازوجتي..؟؟
مسفر\لانك زوجتي..
خلود\صح زوجتك..تبي فطور يا زوجي..؟؟
مسفر\إيه أدخلي جهزي الفطور ورانا سفر..
خلود\الفطور يجهزونه لك مطعم الفندق..
وبعدين اي سفر..؟؟
مسفر\بنسافر شهر العسل يازوجتي..

صدت عنه ودخلت غرفة النوم..
شيء غريب يصير..
فيه شيء متغير..
ظهرهـ ماهو منحني مثل ماتذكرهـ..
وكانه زايد طوله..
شايب مودرن لابس بجامة..
ما اذكر أبوي لبس بجامة وهو اصغر من هذا المراهق..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛


كان مضطر يروح شغله..
عندهـ إجتماع هام..
بس حالتها ماسمحت له يطلع من البيت ولا يعرف سبب تعبها..
كانت تبكي ولامة نفسها بقووة..
راجح\رشا ياقلبي صلي على النبي..
مايصير كل هذا..
مو أول مرة تجيك ولا آخر مرة..
رشا بزعل\خلاص راجح لا تخاف..
أنا بخير..ماعندي سالفة..
راجح\لا أنتي عندك شيء مخبيته علي..
قولي وش عندك..؟
رشا تقوي نفسها\ولا شيء ياقلبي..
بس شفت حلم ومتاثرة منه..
ألحين اقوم افطر واصير أحسن..
أنت روح الدوام تاخرت على إجتماعك..
راجح بشك\ماني مصدقك..بس راجع لك..
ساعتين وارجع إن شاء الله..
إذكري ربك وابعدي عنك الأوهام والزعل..

قبلها على جبينها وطلع من الغرفة..
دفنت نفسها بفراشها وهي تبكي بقهر..
كانت تظن إنها حامل..
كانت واثقة بحملها وتهربت من زيارة الدكتورة..
لانها تخاف يعرف راجح ويزعل عليها..

أنصدمت لما ادركت إن الحمل كاذب..
وإنها الإختبار المنزلي اللي سوته ماله صحة..
دعت من كل قلبها على اللي سواهـ..

حمدت الله إنها ماقالت لراجح..
أو كان بينصدم مثلها..
كانت بتكسر فرحته مثل ما أنكسرت فرحتها..
خذتها أفكار كثيرة..
أنتبهت على الوقت يمر بسرعة..
خافت يرجع راجح ويشوفها على حالها..
وبعدها مستحيل يتركها من دون مايعرف وش صاير معها..

قامت بخمول تحممت وبدلت ملابسها..
ونزلت تغير جوها في البيت قبل يرجع...
فطرت غازي ولا قدرت تاكل شيء من تفكيرها في الموضوع..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

أتمنـــــــــى بــهذا اليوم ..
أن تصرخ الأرض..
تعلمهم بــأنـــي ..
أحتـــــــــــاجهـ بجنوووووووووون ..


فتحت باب بلكونة غرفته ودخلت عندهم..
كان يبدل ملابسه ويسولف مع ذياب..
اللي واقف بوسط سريرهـ ..
ويشاهق كانه يطلب من ابوه يشيله..
هديل بمرح\صبــــــاح المــطر..
غازي يبتسم\صبـــاح العطــر..
هديل\كيف الذيب..؟؟

شالته من سريرهـ وقبلته بحنية..
هديل\أشووف عاجبتك النوومة بعيد عني..
أيا الخاين..نسيت امك..نسيت سوالفنا واسرارنا..
غازي بخبث\قلنا لك تعالي عندنا مارضيتي..
وترى مو لحالك عندك اسرار معه..
هديل بمغايضه\عادي وإذا صار بينكم اسرار..
كنت الأولى في حياته..
غازي\لأنك غدارة..
هديل\ألحيــ......... آآآآآآآآآي فك يا دوووب..
غازي\ههههههههههه فك أمك يا ورع..
هديل\شعري ذياااب فك يدينك..
غازي\تبين فزعة..؟؟
هديل\خذ ولدك قطع شعري..نذل ولد نذل..
غازي\هاتي الشيخ ولد الشيخ..
فك يدينك لا اتوطى في مصارينك..
حمامتي ما اسمح لك تضربها..

ضربته وهي تحاول تفك شعرها من ذياب..
هديل\ولدك ماراح بعيد..
كل يومين متعلق في شعري..
بأقــــــصه واصير مثلكم..

نزل غازي على الارض..
ولم يدينه حوالينها ..
غازي\ويــلك تفكرين تقصينه..
أحبك بكل حالاته بس الطويل حالة خاااصة..
عرفتك وهو طويل أبيه يرجع مثل ماكان..
هديل\لانك تحبه طويل بأقصـــه..
غازي بخبث\ولو اقوولك إنك تربين ظفيرتك عشاني وش تقولين..؟؟

شهقت بصدمة من كلامه..
وابتعدت عنه بسرعة..
وهو كمل تزرير قميصه وصد عنها..

طلعت من الغرفة ووقفت على البلكونة..
ضمت يدينها في بعض لما لاحظت إرتجافها..
لاتبيني له شيء..
يقط كلام ماله اي معنى..
يعشم نفسه بكذبه هو ينسجها ويفصلها..

ناظرت في المزرعة..
وبعد ثواني حست بروحها ترفرف بعيد عنها..
بعقلها يخونها ويمكن ترمي نفسها من اعلى البلكونة..
عيونها في عيونه يبتسم لها ويأشر لها بيدهـ..
حطت يدها على قلبها اللي يخفق بقووة..
تبي تضحك وتبكي وتصرخ بنفس الوقت..
نست زعلهم نست وجعها منه وصدمتها..
وعدت نفسها تراضيه ..
وهذا هو جاها وينتظرها تنزل له..

ركضت تبي تروح له..
دخلت غرفة غازي متوجهه لـ باب الغرفة الرئيسي..
مسكها وهي تركض وضمها له..
غازي يضحك\وييين وييين..؟؟
هديل بشووق\وخر عنننننني..بأرووح لأخووي وخر عني..
غازي\ههههههههه طيب صبر يا متهورة..
كيف تنزلين بلبسك هذا..؟؟
هديل\أخوووووووووووي..بأرووح له..
غازي\روووحي بس أول بدلي ملابسك..
هديل تحاول تفك نفسها من يدينه\والله ما ابدل وخررر عني بأرووح له..
غازي\طيب إصبري لا تتحركين..

فك يدينه عنها وراح يجيب لها بالطوا من عندهـ..
ألتفت لها ولا شافها موجودة..
توجه لـ البلكونة والبالطوا معه...


نزلت الدرج تركض ولا ردت على ماريا اللي تكلمها..
كانت تطوف الدرجات ثنتين عشان توصل بسرعة..
فتحت الباب الكبير وخرجت من القصر..
تلفتت حوالينها تدور عليه..
وشافته لازال ينتظرها بنفس المكان قدام البلكونة..
صرخت باسمه وهي تضحك وتبكي..
هديل بشوق\هــــــــــــــــادي..

فتح يدينه لها وهي رمت نفسها بحضنه وتعلقت فيه..
قبلت جبينه وكتفه ويدينه..
ضمته لها وهي تبكي مبسوطة بشوفته..
هديل بصوت مبحوح\أشتقت لك..
وحشتنـــــي مووت..ضمني يا روووحي ..
هادي بمحبة\فدييييييييييتك..
والله الدنيا من دونك ماهي بدنيا..
محروم من سنين يا الغالية..
منك ومني..
أشتقت لك والله العظيم..

أبتعدت عنه ويدينها على صدرهـ..
تاملته بعيونها وهي تعض شفايفها بحسرة..
هديل بغصة\كبـــرت كثير ياهادي..
تغير وجهك وماعدت تشبهني..
صرت ضخم وطويل..
أحس حالي قزمة عندك..
هادي\ههههههههه صرت اجمل..
أطيب من اول مهما قسيتي..
غمزاتك بانت اكثر..وصار عندك ولد..

هديل تضمه وتبكي بألم على حالهم..
وكأنها اول مرة يلتقون من بعد خمس سنين..
نست لقاهم الأول اللي كان كله وجع وحسرة..
نست غضبها منه وقسوتها بخصامه..
فاتت سنين ولا راح ترجع..
ولو ظلت قاسية وصادة عن الكل..
مستحيل ترجع..

تبي تقضي حياتها معه..
هو توئمها..اللي مافارقها خياله..
كل ماناظرت المرايه تشوفه في حالها..
أخوها..حبيبها..ولدها..وكل اهلها..

رفعت راسها من حضنه لما سمعته يكلم غازي..
ألتفتت على غازي اللي واقف على البلكونة..
هديل بزعل\ليش ماتجي تسلم على أخوي..؟؟
غازي يبتسم\سلمت عليه امس ورحبت فيه..
ناظرت هادي بصدمة\أنت هنا من امس..؟؟
هادي يبتسم\إيــه من امس..
وبعد جبت لك معي هدية..
هديل\ليييش ماشفتك امس..؟؟
هادي\جيت متأخر وأنتي كنتي نايمة..
أستقبلني غازي ونمت في الملحق..
هديل بعصبية\لييش ماقلت لي أن أخوي جاء..؟؟
غازي بهدؤ\كنتي نايمة ومقفلة جوالك..
هادي بهمس\من جدهـ زوجك يبي يعلمك إني موجود على الجوال..

أبتسمت لما فهمت قصد غازي..
وضحكت على كلام هادي..
غازي يقصد هي مقفلة ابواب غرفتها..
وبكذا مايقدر يصحيها ويقول لها..
بس هي تعرفه يقدر يدخل عندها براحته اذا هو يحب..

هديل\مخرف ماعليك منه..
غازي\خذي يا متهورة..
رمى البالطوا عليها ومسكه هادي قبلها..
هادي\وش تحسين فيه طالعة بهذا اللبس..؟؟
هديل بخجل\مشتاقة لك..
هادي\لبى عيوونك..
هديل\ابي حجابي إرمه علي..
غازي\أقوول أدخلي مع اخوك..
هديل\لا بنروح نمشى إرم حجابي علي..
غازي\خذي هذا..

رمى عليها وشاح كبير كانت لامة نفسها فيه امس لما حسوا با البرد..
تحلطمت وهو ضحك عليها..
هديل\يعني لازم البس البالطوا مع هذا..؟؟
غازي\أقول إلبسي لا أحش رجلينك..
هادي\يقولها عيني عينك ولا كأن اخوك موجود..
هديل\تشوووف يبيله سنع..

مشت مع هادي متشوقه تسمع اخبارهـ..
تطمن عليه طول هذي السنين اللي مضت..
تدري إن عيون غازي تراقبهم وهم يبتعدون..
حاولت تمنع نفسها لا تلتفت عليه وتشوفه..
ألتفتت وشافته واقف وذياب بحضنه على البلكونة..

صورتهم بعيد عنها وهي مقفية عنهم ارعبتها..
وطمنت نفسها..
أنتي راجعة لهم بس بتمشين مع هادي وترجعين..
أنتبهت لهادي اللي كان يسألها عن حالها..
وعن حياتها مع غازي بعد مارجعت له..
كانت تجاوبه مثل ماتجاوب الكل..
هي بخير ومبسوطة..

مروا من عند الإسطبلات..
ولما شافت الفرس عسوولة..
صرخت بفرح..
ركضت لها ولمت يدينها حوالين رقبتها وضمتها لها..
هديل\يافديييييييييتك يا عسووولة تذكريني..
مو مصدقــة..متى جيتي يا دوووبة..
هادي\ههههههه ماكس جابها امس..
هديل\وأنت مين جابك هنا..؟؟
هادي\بالمووت عرفت عنوان مزرعتكم هذي..
ماكس هو اللي دلني عليها وحكى لي عن الفرس..
إنها صديقتك وانتي ربيتيها..
هديل\إيه هي فرسي من اول ما ولدت..
وأنا سميتها عسولة..
هادي\هههههههههه ماكس يقول اسمها هوني..
هادي\مهبول مع حرمته كل شيء بكيفهم..
حتى ذياب تسميه وولفي..
هادي\أجل سميتيها عسولة..؟؟
هديل تبتسم\شفت كيف ماقدرت اسميها الا عسولة..
هادي بحنية\طمنيني عنك يا هديل..
هديل بغصة\أحاول اصير بخيــر..
هادي\سويتي عملية ذياب..
ماصار الوقت ترجعين لنا..؟
هديل بحسرة\تعال بعد سنة يا هادي..
يمكن يعتقني وارجع لكم..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛


وقفت بمكانها مصدومة من كلامه..
شدت يدينها على عبايتها..
وعيونها مثبته بعيونه المخفية ورى نظاراته الكبيرة..
خلود\كيف اروح مع مســفر..؟؟
أنت جنيت ولا جنيت..؟؟
وش دخلني في مسفر اروح معه..؟؟
أنت زوووجي واروح معك انت..
مسفر بهدؤ\لا تضيعين علينا الوقت..
لازم تروحين مع مسفر ولا كيف تمرين من عند الجوازات..
خلود\أي جوازات واي بطيخ..
أعرض جوازك وأدخل مو صعبة..
ليه لازم مسفر يوصلني بوابة المطار..؟؟
مسفر\أنا لازم اروح المستشفى الحين..
عندي علاج لازم اخذهـ والقاك في المطار..
خلود\مافيه..رجلي على رجلك..
نروح المستشفى وبعدها نروح المطار..
مو كفاية حتى امي ماقدرت ازورها قبل اسافر..
مسفر\يازوجتي اسمعي الكلام..
أنا باكون مع رجال كثير في المستشفى..
وبانشغل عنك..روحي المطار مع مسفر..
ولما توصلين البوابة اكون جنبك..
خلود بعناد\مافيه..إتصل في تركي ومرام..
بأروح معهم..بس هذا اللي تقوله عنه ما اروح معه..
مسفر\يابنت الحلال أنا طالع الحين المستشفى..
إنزلي لــ وروحي مع مسفر المطار..
أغراضنا صارت تحت وبيحطها في السيارة..
خلود\قلت لك كلم مرام باروح معها..
مسفر\مرام ماهي فاضية لنا مع زوجها..
عيب نشغلهم..خلي هذا البطران الفاضي..
حفيدي النجيب يوصلك المطار..

طلع من الجناح بعد ماعاد لها نفس الكلام..
تطمن على إن الجوازات والتذاكر معه..
وبعدها دخل دورة المياهـ شال النظارات الكبيرة..
واللحية والحواجب والتعقيدة الوهمية بين حواجبه وعلى جبينه..
ضحك بصوت مصدوم من نفسه ومن تصرفاته الصبيانية الغير معقولة..

خرج من الفندق ورتب اغراضهم في السيارة..
اتصل على جوال خلود..
خلود\قلت لك ماباروح معه ماتفهم..
مسفر\يازوجتي إنزلي الله يرضى عليك أنا صرت قريب من المستشفى..
ألقاك في المطار يا قلبي..

قفل جواله وهي صارت تدور بمكانها من القهر..
قال قلبي قال..
والله ماتدري وين الله حاطك يا مهبول..
وهذا الحفيد أنا أوريه شغله..
يحسب إنه بياخذ راحته وهو ضامن إن الشايب ماهو بكامل قواه العقلية..
أنا اربيك يا مسفر الهم..

خرجت من جناح الفندق ونزلت تحت..
قابلته في الرسبشن..
ولما شافها اشر لها..
لو النظرات تقتل..
قتلته نظراتها..
لبس نظاراته الشمسية ومشى قدامها لـ السيارة..

ركبت ورى وقفلت الباب بقووة..
مسفر بهدؤ\ليه ماتجين قدام يا جدة..؟؟
خلود\ولا كلمة يا افضحك قدام الناس..
وصلني المطار وأنت ساكت..

نزل راسه مايبيها تنتبه على إبتسامته..
وأخذ طريق المطار..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


خرجت من القصر بعد مانيمت ذياب..
حتى مامرت على غازي بمكتبه ولا قالت له إنها طالعة لاخوها..
توجهت لــ الملحق فتحت الباب ودخلت تدور على هادي..
بس ماكان موجود..
جواله واغراضه موجودة وبكذا تطمنت إنه ماطلع من المزرعة..
مشتاقة تسولف معه..
عن كل شيء واي شيء..
المهم تكون معه..
غازي كان مسيطر على تفكيرها لأنه محاصرها طول الوقت..
بس من الو ما التقت بهادي..
حست بمدى غبائها وتنازلها عن اشياء كثير..
لازم ترجع لقرارها الأول بـ الإنفصال عنه..
ولازال ذياب مربط يدينها..

كانت بترجع القصر..
بس السماء أمطرت..
دخلت الملحق مرة ثانية تبي مظلة..
شافتها بغرفة النوم..
بس قبل ماتشيلها..ناظرت الباب اللي دلها عليه غازي..
توجهت له فتحته بالقوووة وبـ المووت فتح معها..
ناظرت الارض بعيدة عنها..
ماتقدر تنزل من دون ما احد يساعدها..

شالت كرسي ونزلته وقدرت تثبته..
نزلت ارجولها عليه بس ماقدرت توصل له..
ظلت معلقة بالهواء وصرخت بخووف..
ماقدرت تستحمل اكثر..
فكت يدينها وطاحت على الأرض..
ألتوت رجلها وصرخت بوجع..
ظلت بمكانها لامة يدينها على رجلها..
توجعت كثير وحاولت توقف..

أستندت على الكرسي اللي طاح معها..
وقفت وهي تحس بالم فظيع..
عاتبت نفسها..
أستاهل على اللقافة..
لو بطيت راسي كنت ميتة ما احد درى عني..
حتى جلمودي مابيدري عني ..
هو السبب ليش يدلني على هذا السرداب..
مشت بتعب وهي تستند على الجدار..

وبــ الموت قدرت توصل لـ باب المكتب المخفي..
فتحته بهدؤ تخاف يشوفها غازي ويهاوشها...

سمعت صوته وهو يتكلم بصوت جامد قاسي..
وكأنه يعاتب او يهاوش..
تجمدت بمكانها لما عرفت إنه يكلم هادي..
شافت هادي جالس مقابل لغازي..

وغازي واقف وبيدهـ أوراق..
كان يقلبها بين يدينه والغضب باين على وجهه وملامحه..

وكتمت انفاسها لما سمعت كلام هادي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

مسرح جريمة قصتي اكثر غموض من الحريق
اللي تضيع به الدلائل والقرائن والتهم ..
مافيه امر من الصديق لياتنكر للصديق
ولافيه بالدنيا اهم من المهم الا الاهم ..
الياصرت بالحالك فريق وفيه قدامك فريق
وتخاف بكره لانهزمت يقال مسكين انهزم ..
خذلك طريق تظمن انه بالنهايه مايضيق
وان طعت شوري خذ طريق الله ترى مابه ندم ..

رمى الملف بـ الأوراق اللي فيه على المكتب..
ركز عيونه بعيون هادي ..
تكلمت بصوت جامد..
غازي\والمطلوب..؟؟!
هادي\تطلق هديـــل..
غازي\هذا طلبها..؟؟
هادي\أمنيتها ماهو طلبها..
غازي\هديل ماني مطلقها..
وهذا الموضوع ماابيها تعرفه..
هادي\من دون ماتقول أنا ماراح اقول لها شيء عنه..
كنت ناوي اسجنك كم سنة وعندي أدلة ضدك ..
لسؤ معاملة زوجتك اللي هي أختي..
بس سنين سجنك الماضية تكفيك..
ويكفيك اللي صار لك في السجن..
غازي بحدة\تعتقد إن كلامك يخوفني او يثير اي إهتمام عندي..
هادي بهدؤ\ماجيتك عدو ولا صديق..
أختي ماتحتمل حياتها معك..
غازي\عدوي احب علي من صديقي..
هادي\عرفت وين متخبي..
غازي بغموض\أدري وينه..ولو ابيه كنت وصلت له..
هادي\تدري..؟؟!
غازي\إيــه أعرف مكانه ووين متخبي..
أنضم لزمرة ضالة وعساهـ معهم في جهنم..
هادي\اقدر أسحبه لــ محكمة دولية..
ونطلب تسليمة لـ السلطات السعودية..
غازي\ليه مهتم في أمــرهـ..؟؟
ماهو عدو عدوي صديقي..
وأنا عدوك وهو عدوي فليش مايكون صديقك..؟؟
هادي\بكل بساطة انت مو عدوي..
إذا معتبرني عدوك هذي مشكلتك..
غازي\تحاول تاخذ هديل مني..
إذاً عدوي..
هادي\كيف ورطوك في الموضوع..؟؟
غازي\السيد المحامي مايترك فضوله..
يمكن ماورطوني وأنا مجرم فعلاً..
هادي\تقصد إعترافك بالجريمة..
تعاقبت على شيء إنت ماسويته..
بس وش السبب اللي أجبرك تعترف وتقول إنت صاحب الأسلحة..؟؟
غازي بجمود\كنت طالب طب..
توني دخلت الجامعة..مرت شهور..
وبعدها بديت اصير مشتبه فيه..
كل فترة ويستجوبوني على شيء..
أنا في إستراليا ويسألوني عن اللي يصير في أمريكا..
في البداية سرقة آثار..بعدها تجارة مخدرات..
بعدها أسلحة وهذي القضية كانت دواعمها قوية عندهم..
وفي النهاية طغت التهمة الاخيرة..
جاسوس عسكري..
ما اعترفت بأي شيء..لأنه مالي يد في شيء..
جربوا كل أدوات التعذيب معي عشان اعترف..
وماكان عندي شيء أعترف فيه..
بس أعترف بكل جرائم نسبوها لي وقلت صح انا المجرم..
أنا المطلووب وانا القاتل والمهرب واللي تبون..

سكت عن الكلام ورجع يتذكر أيامه..
أيام سجنه وتعذيبهم له..
هادي أحترم سكوته وكان يتوقع كل شيء..
فكر كثير وش السبب اللي خلا غازي يعترف إنه جاسوس عسكري..
ليه اعترف ووقع على الاوراق..
كل شيء خطر في باله..
إلا هـــــذا الشيء..

غازي بقهر\................................


إلــــى الملتـــــــقى بإذن الله تعالى ..

كونوا بخيــــــــــــــــر ..




صدووود’’’

السلام عليكم ورحمة الله وبركاته ...


صبـــــــــــــــاح \\
المســــك لقلوب احبتـــي ..


مســــــــــــاء\\
الإنشغال بطاعة الله..


كيـــــــــــفكم الــ ليلااااااااااااس..؟؟
أحبتـــــــــي في كـــل مكــــــــــــــان..؟؟


أهلاً بكل من إنضمــوا إليـــنا..
وإلتحقوا برحلتنا قبل أن نرسوو على شواطىء النهاية..
الاروع هو حضووركم أحبتــــــــي ..

عزيزاتي\\
أنا لاحظت عدم تقبل البعض لتصرفات هديل..
ومطالبتها بـ الإنتقام من غازي..
بينما أنا ذكرت على لسان هديل من قبل ..
بانها ماتملك القدرة على حرمان غازي من أهله..
ولا لها قدرته الجسدية فتستقوي عليه بـ الضرب ..
ولا سيطرته وتحكمه بأغلب الأمور..
هذا أمر واقعي..الرجال قوامون على النساء..فيستحيل أن تنقلب الأدوار..
هديل تحاول أن ترد شيئاً من ذاتها ..ذاتــــها يا غاليتي..
لم نذكر كرامتها او سنينها وأحلامها..
تحاول إسترجاع ذاتها اللتي فقدتها مع غازي ومع أهلها..
لم تجد طريقاً غير الصــد ..عن جلمودها..وعن حبه وقرارهـ إمتلاكها من جديد..
الأكثرية هاجموا هديل يطالبونها بـ الرضى بغازي..
وعدم تعذيبه او الصد عنه..ونسيان الماضي لان غازي يحبها..
ذكرنا من قبل أنها قررت التنازل عن بعض من كل..
ولكن التنازل التام سيفقدها إحترامها لذاتها وإحترامنا لها..

أحد الغاليات سألتني عن هديل والأكزيما..
عزيزتي الأكزيما ليست مرضاً..ولا تحتاج لعمليات..
أو مدة طويلة ليتم معالجتها..
بإمكانك القرأة عنها وستفهمين ما اعني..
أمر أخر تسألتي عنه وهو نسيان هديل لقائها بغازي..
عندما كانت في الشاليه في الشرقية..
أنا ذكرت ان هديل عادت من العمرة وهي تعاني من الحمى..
ولم تنسى لقائها بغازي فقط بل نست أحداث ذكرها أخوها وهي أقسمت بانها لاتذكر..
الحمى والهلوسات تصيب الكبار أيضاً وليس فقط الأطفال..

بــ النسبة لـ اللون الأصفر وسبب صد غازي عنه..
المقصود بـ الموقف المذكور في البارت 86..
آخر ليلة قضتها هديل في الفندق وهي عمياء..
أي قبل أن تهرب ويعتقدوا موتها..في هذيك الليلة كانت لابسة اصفر.
والبقية موجودة في البارت..

طالبتني احد الغاليات بإعادة بعض المواقف القديمة..
وإعادة الحماس لـ الرواية..
عزيزتي انا ما اقدر أقلب الاحداث..
المرحلة الأولى كانت مرحلة التعارف والتمرد..
والآن مرحلة جديدة..
والبعض طالبوا بعودة غازي الجلمود القاسي..
وطالبوه بمعاقبة هديل وتربيتها من جديد..
لانستطيع العودة إلى نقطة البداية..
أبطالنا قرروا السفر لــ يتعلموا الدرس الأخير..
العودة من المنفـــــــى ..

آســـــــــــــفة لــ الإطــــــــــــالة ..
كان يجب توضيح بعض الأمور..


البارت إهـــــــــــــــــداء لــ جميــــع أحبتـــــــي ..

البارت الســـــابع والثمـــانون ...


يا صغيرات!.. يلتقي ذات يوم
في رحاب الردى جبان و باسل

يلتقي السائر المغذ و من سار
وئيدا.. كل الدروب حبائل

يلتقي الطفل في الغضير من العمر
و شيخ مغضن الروح ناحل

ما ارتوى الطفل بالحليب و لا
الشيخ رواه طوافه بالمناهل

تتلاشى الحياء فهي سراب
عند هذا و عند ذاك مخاتل

يا صغيرات!.. ليس عند الليالي
بعد طول العناء إلا المقاتل


المرحوم بإذن الله تعالى..غازي القصيبي...


سكت عن الكلام ورجع يتذكر أيامه..
أيام سجنه وتعذيبهم له..
هادي أحترم سكوته وكان يتوقع كل شيء..
فكر كثير وش السبب اللي خلا غازي يعترف إنه جاسوس عسكري..
ليه اعترف ووقع على الاوراق..
كل شيء خطر في باله..
إلا هـــــذا الشيء..

غازي بقهر\وقعت على اوراق الإعتراف..
لاني ماتحملت أشوف ابوي ينهان ويتعذب على يدهم..
علقوهـ قدامي شبكوا الكهرب بجسمه..جلدوهـ..
قلعوا اظافر يدينه..أبوووي يا هادي..
قلت إيه أنا جاسوس..
أنا كل اللي تبون..بس إتركوهـ..
وقعت على الإعترافات..وماتمت محاكمتي..
انسجنت كرأي عام فقط..أنت متهم أنت مسجون..
بعد شهر وصلني خبر موته..مات وانا متعفن بجروحي..
مات لا شفته بعد ضربهم ولا بست رجلينه..
صاحب الدنيا لبسني التهم وطق هارب..
كل شيء يخص جرائمه مدسوس بين اغراضي..
أستخدم تلفوناتي وارقامي لجاسوسيته..
هرب وثبتت التهمة علي بعد إعترافي..

هادي\بس الحكومة تدخلت في موضوعك..
غازي\لأني أعترفت ونسبت التهم لي..
صار موقفهم ضعيف وماقدروا يطلعوني..
كنت بحالة رفض لكل شيء..وهذا ماساعدهم..
لأني مقهور على موت ابوي واللي صار فيه بسببي..
سنين قضيتها في سجونهم..
انواع العذاب والإضطهاد..
حبيت انسجن وأنظام..أعاقب نفسي على اللي صار في أبوي..
بعد ثلاث سنين رجع راجح وطعن في حكمهم سجني من دون محاكمة..
ومن دون أدلة وتم إستجوابي مرة ثانية بحضور أفراد من حكومتنا..
قرروا بدء محاكمتي وتقديم أدلة برائتي..
عرفت من يكون عدوي واللي ورطني بجرائمه..
اول ماذكرت اسمه لهم عرفوهـ..طلع جاسوس معرووف..
وللأسف خاين لوطنه ولدينه..جاسوس لصالح إسرائيل..
17 سنة ماطلع من تل ابيب..حكومات كثير تطالب فيه..
بتهمة الخيانة والجاسوسية..ولازالت إسرائيل تحميه..
وصلني خبر غير مؤكد إنهم إغتالوهـ ..

هادي\سمعت هذا الخبر لما كنت في إستراليا..
بس غير مؤكد..
غازي\طردته دولته واعلنت التبرئة منه..
وصار دمه مباح في كل مكان..
هادي\وانت ممنوع من دخول إستراليا..
غازي\عندي حصانة دبلوماسية..
أقدر أروح لأي بلد ولا يتعرض لي حكومتها أو سلطاتها..
ولما اخذت هديل كنت واثق ما احد راح يتعرض لي..
حتى الشكوى اللي قدمها راجح ومسفر..
ماقدرت السلطات والسفارة في إيطاليا تتخذ أي إجراء..
لحتى جاء قسم خاص من السعودية وتكفل بـ المهمة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛


عضت على يدها بقووة تمنع لا يطلع صوتها..
لايسمع شهقاتها ونحيبها..
ماتبيه يدري بوجودها قريبة منه..
مايبيها تعرف وش صار معه..
وماتبيه يدري إنها تعرف..

ألحين بس فهمت سبب كلمته في أحلامها..
في كوابيسها..سؤال كان يرددهـ عليها بوجع..
وهي جاهلة مضمون السؤال وإجابته..
بس بعد كلامه فهمت وش إجابت سؤاله..

وقفت بتعب ومشت كم خطوة وهي مستندة على الجدار..
حست بـ الألم يزيد وبحزنها يزيد..
جلست وصارت تزحف على ركبها ويدينها..
وصلت لباب الملحق..
وكانت واثقة ماراح تقدر تطلع من الممر السري..
إلا بمساعدة غازي لها..
أسنتدت ظهرها على الجدر..
ولمت يدينها حوالين ركبها..
والكابوس يتخيل لها..

قبل لا يموت سعود وقبل لا يهرب هادي..
كان غازي يهاجم أحلامها..
يسئلها نفس السؤال..
ولما ماتجاوبه يصرخ عليها..
يعاملها بقسووة ولما تبكي خايفة منه..
يحضنها ويقبلها بحنية..
ويعيد نفس السؤال وهي تجهل الإجابة..
ويقسى عليها في المعاملة والكلام ويرجع لحنيته..

عاشت سؤاله ..
لو كان حسيــن يا هديل..؟؟
لو كان أبوها مكان أبوهـ..
لو كانت هي بمكانه..؟؟
بكت بخوف وهستريا وهي تتخيل أبوها ينضرب قدامها..
ينجلد وينصعق بالكهرب..
يدينه من دون اظافرهـ..

بتحلف إنها مجرمة..
بتقتل بتسرق بتسوي اللي يبون بس لا يلمسون ابوها..
هديل بخوف\يووووووووووووبـــــه...
لا يوووبه ..إتركوا ابوووي لا تلمسوونه..
يا حبيبي يا ابوووي..

عاشت الوهم حقيقة..
وتهيئت صورة ابوها يتعذب قدام عيونها..
وهي محبوسة عنه ماتقدر تلمسه او تحميه..
أنهارت اكثر وصرخت باسمه يخلصها من الكابوس اللي تعيشه..
هديل\ياربييييييييييييييييييييييييييي ...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛


هادي\لو عرفت عنك كنت بأقدر أطالب سحب الحصانة..
وتنعاد سنوات سجنك..وتصير عندك خبرة في السجون الإيطالية..
غازي بسخرية\ولو سحبت الحصانة وهذا شيء ماكنت بتقدر عليه..
ماكنت باتركها لكم..ومثل ماتشوف هي معي اليوم..
هادي بهدؤ\أنت مديون لها..
بينكم إتفاق بعد مايتعالج ذياب تطلقها..
غازي بجمود\الإتفاق يكون بين طرفين..
وهي عقدت إتفاق معها ومع حالها..
أنا ماوافقت على شروطها ولا وعدتها اتركها..
هادي\هي بترجع معي ياغازي..
يعلم الله كنت ناوي ألبسك تهم إختطافها..
والإساءة لها..والحصانة ماكانت راح تفيدك..
بس كفاية عليك سنوات السجن اللي عشتها..
ولانك زوج أختــي وابو ذياب ولدها..
هذي أوراقك وتهمك..
ماراح اقدم عليك شكوى ولا اتسبب في سجنك..
وبكرهـ باخذ أختي ونرجع لحياتنا..
والله يرحم سعود ويهديك..

طلع من المكتب مايدري إن كلامه زاد بقوة تملك غازي..
راح لها فوق يبيها تجهز نفسها وولدها..
ماينكر إنه شاف قسوة على وجه غازي..
ويخاف لا يأخذها منه ويخفيها مثل ماسوى زمان..
دق على باب الغرفة بس ماردت عليه..
فتح الباب وكان مقفل..
استغرب إنها نايمة وهي وعدته تسهر معه في الملحق..
نزل وراح الملحق..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

جالس ورى مكتبه بجموود..
عيونه تناظر الملف اللي رماهـ هادي على المكتب..
نبش الماضي ومواجهتي بسنين السجن ماراح تفيدك يا هادي..
وكأن الكلام عن هذيك الأيام رجع له القسوة اللي حصن فيها نفسه..
رجعت له آهات أبووهـ ..
صراخه من شدة الألم..
والسنين اللي قضاها بعد موته بحسرة عليه..
طلع من المكتب وتوجه لـ الملحق مقرر يطلع هادي من المزرعة..
الليلة لازم يطلع من هذا المكان ويرجع السعودية..
لازم ينسى إن هديل تنتمي له او بينهم صلة وقرابة..

دخل الملحق وقفل الباب بقوووة..
صرخ باسمه بس مالقى جواب..
دور عليه بكل مكان..
ودخل غرفة النوم وماكان له اثر فيها..
شال شنطته وضربها في الجدار بقوووة..

قرر يجلس ينتظره في الملحق..
وكل تفكيرهـ في هديل..
مستحيل يتركها تروح او تهرب منه..
غصب عنها بتظل معه..
سمع صوت خافت وقف وتلفت في الغرفة..
أنتبه على الباب مفتوح..
أنصدم كيف قدر هادي يكتشف الممر..

قرب من الباب والغيض يسيطر عليه اكثر..
نزل بسرعة..
وانصدم لما شافها نايمة على الأرض وتبكي بوجع..
كان يتوقع هادي يكون هنا مو هديل..
رفعها وجلسها ساندها عليه..
غازي\هديل وش فيك..؟؟
وش تسوين هنا..؟؟كيف نزلتي..؟؟

تعلقت عيونها في عيونه..
تتذكر كلامه ونبرة صوته..
أبوهـ يتعذب قدامه..
يموت ولا يدري عنه..
عاشت مأساته لما تخيلت ابوها..
ولما بكت عليه ميت وهو حي..

لمت يدينها حولين رقبته وضمته لها بقوووة..
بكت بصوت مخنووق ..
موجوعة عليــــه..
مقهورة على اللي صارله..

لم يدينه حوالينها ولمها بحضنه..
هتف قلبه بحب..
ويبون أتركك..يبون أبعدك عني..
كيف اعيش من دوونك..؟!

أبتعد عنها ووقف سحب الباب وقفله..
مايبي هادي يدخل وينتبه عليهم..
أنتبه عليها لما فزت خايفة من صوت الباب..
نزل لها وضمها..

غازي بمحبة\هشششش إذكري الله..
ليه تبكين..؟؟وش فيك..؟؟
هديل بألم\طحت ع أرجولي..
تعورت وماقدرت امشي..
كنت اناديك بس ماسمعتني..
غازي\سلامتك يا قلبي..
أنا حذرتك ماتجين هنا من دوني..
بس ماتتركين لقافتك..
هديل بنحيب\طلعني من هنا..
أكره هذا المكان أكرهه..

غازي بحنية\أكيد باطلعك..
وين رجلك اللي تعورك..
خليني اشوفها..
هديل\لا اول طلعني من هنا..
ليه قفلت الباب..؟؟
غازي\بنطلع من الباب الثاني..
قومي معي..

وقفها واسندها عليه..
لاحظ رجفة يدينها اللي موثقة ذراعه.
نزل عيونه عليها..
وأنتبه على عضها لشفايفها..
ودموعها تنزل من غير ماتبكي..
وقفها ولفها عليه..
غازي\وش فيــك..؟؟
هديل\......................
غازي\تكلمي..!!
هديل تبكي\ما اقدر امشي..

نزلت راسها تخاف يكشفها..
تبيه يلتهي بإصابتها ولا يرجع يسألها..
ماتعرف غايته من إخفاء السر عنها..
مايبيها تدري وهي بتلتزم برغبته..
هديل\ما اقدر أمشي..رجلي تعورني..

رفع راسها له وركز عيونه بعيونها..
همس لها وهو يمسح دموعها..
غازي\إصدقيني القوول..
هزت راسها بالرفض..
وخبت وجها بصدرهـ..

ما اقنعته ولا قدرت تخدعه..
مد يدهـ لـ الباب يبي يفتحه..
بس أنتبه عليه شبه مفتوح..
أستغرب مين بيفتحه..
أستبعد تكون هديل لانها كانت طايحة هناك وتتالم من رجلها..
دخلها المكتب وكان بيجلسها بس هي مارضت..
هديل بتعب\لا بأروح انام..
غازي\خليني أشوف رجلك اول..
هديل\لا لا..مافيها شيء..
بأروح فوق..ذياب تركته نايم يمكن الحين يبكي..
غازي\أنتي مو طبيعية..وش فيك..؟؟

بكت ولا ردت عليه..
شالها بهدوء وطلعها من المكتب..
مشى على الدرج وهو ملاحظ كيف تخفي وجها عنه..
وكأنها بتدخل جوات صدرهـ..

أخذها على غرفته سدحها على السرير..
سالها وين تحس بـ الألم..
هديل\اليسار..
حرك قدمها بهدؤ ولما رفعها تالمت وطلبت منه يتركها..
هديل\لا خلاااص..والله تعورني..
غازي عقد حواجبه\أنتي وش كنتي تسوين هناك..؟؟
لو لا سمح الله انكسرت رجلك..او ماعرفت عنك..
ليش ماتنتبهين على حالك..مو عشاني عشان ذياب..

ماردت عليه لأن تفكيرها غايب عنها..
محصور في فكرة معينه..
الأب يتعذب قدام ولدهـ..
هي مجرد تخيلها لابوها قلب حالها وارهقها..

لف على رجلها بشاش طبي..
بعد ما حركها بين يدينه بخفة..

راح لذياب غطاهـ وقرأ عليه الأذكار..
وقف على البلكونة يناظر الملحق..
وفي باله فكرة وحدة..
هادي لازم يترك المزرعة..
ماراح ياخذها منه..
لابالطيب ولا با الغصيبة..

دخل وقفل باب البلكونة..
وتنبه إنها عنده في غرفته..
كان نقاشه مع هادي مسيطر على تفكيرهـ..
وتخطيطه لإبعادهـ عن المزرعة مشغله..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

هاتي بوسه قبل تسرقنا ..السنيييين !!

لو كبرتي ماكبر حلمي معك...
ولو نسيتي مايذكرك الحنين

أنا همّي كيف بالقلب أجمــــعك...
وانتي همّك كيف بكره بتكبرين ..!!


أبتسم لها وهو يشوفها تناظرهـ..
قرب منها وجلس ملاصق لها..
غازي بحنية\حي الله حمامتي..

إبتسامته وترحيبه كانت مثل الصفعة على وجها..
واكتشفت إن تفكيرها بأبوهـ وابوها..
كان حاجز بين واقعها اللي تعيشه والوهم اللي غاصت فيه..
هي تدري إنها في غرفته وعلى فراشه..
أدركت هذا الشيء وهي تشوفه مبسوط بوجودها عندهـ..
لا هي مو مستعدة له..
ماعندها طاقة تهاجمه وتبعده عنها..
ماتقدر تردعه وتمنعه من شيء يبيه..
موجوعة من كوابيسها اللي تجسدت لها في الممر السري..
متالمة من حاله وأبوهـ ينضرب قدامه ويموت بعيد عنه..
ماعرفت عن دموعها إلا لما شافتها بيده بعد مامسحها من على خدها..
قبلها على جبينها وتوجه لدورة الميـــاهـ ..

شالت وسادته وخبت وجها فيها وهي تبكي..
مقهوورة من نفسها..
لازم تنسى الموضوع..
معه حق هي المفروض ماتدري عن اللي صار..
يعرفها مجنونة بتعيش حالته غصب عنها..
بتتوهم تعذيبهم له ولابوهـ..
مايبيها تدري لانه يعرفها تعذب نفسها بتفكيرها..
نزلت وسادته على السرير وقررت تروح لغرفتها قبل يطلع..

أنتبهت على وردتها..
تحت وسادته..شالتها بأصابع ترتجف..
وناظرتها بحنييين..
هي دورتها تحت وسادتها بس مالقتها..
زعلت لما توقعت إن ماريا او احد الخادمات رموها..
رفعت راسها لما سمعته..
غازي يبتسم\وطلع تفكير المراهق صح..
فهمت قصدهـ..وغايته من كلامه..
زمان لما سألها عن الوردة..
قالت الوردة ماتعني لي شيء ورميتها ..
كذبها وطلبها تعترف وين خبتها في ملابسها او تحت وسادتها..
وهي عاندت وقالت رمتها لأنها منه..ويبطل أفكار مراهقين..

كان لابس بجامة سوداء ..
ومنشفته على راسه ينشف شعرهـ ..
من دون وعي شدت يدها بقووة على الوردة..
وكأنها ممكن تنهيها او تنهي ذكراها..
راح لها بسرعة..
مسك يدها بين يدنه..وحاول يفك أصابعها عن الوردة..
غازي بهدؤ\لها مكانة كبيرة عندي..
لا توجعينها..
هديل بصوت مبحوح\ما احبها..
غازي يبتسم\كذابة..
لا فكي يدك عنها..

سمحت له يفك اصابعها من على الوردة..
رجعها بمكانها تحت الوسادة..
وهي تحركت بسرعة ناوية تهرب منه..
ماتقدر تواجهه بعد ماعرف عن الوردة..
إذا سألها وش تقول..؟؟
هي ماتعرف ليه احتفظت فيها..
من وين تلاقي جواااب..!!

لم يدينه حواليها ومنعها تنزل..
غازي بتملك\ماهي ليلة هرووب..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


آتظاهرِ بـ آلغباءَ لكيّ أعيشِ ..
بـ قليلِ منْ آلرِاحه ؛
معَ أن كلِ الأموِر وآضحه !
أتجاهلهَـــــا . . ,
فـ لمَ يعد لديّ مُتسعَ منِ الإحسآسْ
لـ آشعَر بهآ..

جلست على مقعدها في الطائرة..
وقفلت الحزام عليها..
مر الوقت والناس يتوزعون باماكنهم..
تلفتت حوالينها تدور عليه..
بس ماشافته..خافت تطير الطيارة وهو باقي ماوصل..
قررت تنتظرهـ خمس دقايق إذا ماجاء بتنزل من الطيارة..
شتمته في خاطرها..
ألحين يمكن مصاب بـ الزهايمر ونسى إنه متزوج وزوجته في الطيارة..
أنا الغبية اللي ماشيته لو ظليت في الفندق او اتصلت بأمي تاخذني كان أأمن لي..
تنهدت براحة لما جلس جنبها..
ألتفتت عليه تبي تهاوشه..
وانصدمت لما شافت مسفر الشاب جالس جنبها..
مسفر بجمود\ولا كلمة..
الشايب بيجي في طيارة ثانية وطلب مني ما أتركك لوحدك..
أوصلك ماليزيا وبنلقاهـ هناك..
خلود بغيض\أنت ولا كلمة..ولا اسافر معك..
قله يوقف الطيارة..
مسفر بسخرية\عند اي إشارة يوقف الطيارة..؟؟
خلود بقهر\ألحين اوريك..
كانت بتفك الحزام من عليها..
بس يدينه منعتها وقيدتها بحضنها..
مسفر\لا تسوين لنا فضيحة..
أنا حفيد زوجك باوصلك له وارجع السعودية..
خلود تشهق\هئئئئئئئئ شيل يدينك شالك ابليس..
يا عديم الأمانة يا قليل الوفاء..
وبعد تبيني أأمن نفسي معك في سفر..
مسفر بغيض\خلاص قومي إنقلعي..

بعد يدينه من عليها وهي فكت الحزام ووقفت..
أكيد بانزل يحسبني بأضمنه واسافر معه..
أنتبهت إن الطيارة طارت من وقت ولا حست عليها..
ناظرت الطاقة وشافت السماء..
جلست بسرعة على مقعدها وهي تتنفس بقوة..
مسفر بسخرية\ليه ماتنزلين من الطيارة..؟؟
خلود\طارت...!!
مسفر\إحلفي..!!
خلود بخوف\ما ابي اسافر معك..رجعني البيت..
مسفر\لازم تسافرين معي..
مايصير تسافرين مع احد غيري..
خلود\جدك وينه..؟؟
مسفر بنظرة خاصة\قررريب..

صدت عنه وهي تحس بنفس الإحساس الغريب..
ماهو إطمئنان ولا راحة..
شـــــك وضيـــاع..
تحس بملعووب ينلعب عليها..
تخاف من الفراغ اللي بدأ يستوطن قلبها..
ماتبي تفقد الشايب ولاتبيه يغيب عن حياتها..
راحتها معه..
شوقها لأبوها بتحمله هذاك الشايب..
اللي أهملها ومعتمد على حفيدهـ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛


خنتني مبروك يعني شـ ختلف ..؟!
هذي آلدنيـا و هذآ آلكــون كون ..
تحسب إن قلبي من آلصدمه وَقف ..!
مـآ تأثر بس عرفتك من تكوووون ..

جلست جنب أمها وجدتها..
ولمت يدها على كتف أمها..
ام علي تبتسم\كم تبين..؟؟
غادة\ههههههههه فديتك فاهمتني..
بس هذي المرة ما ابي سلف..
طالبتك طلب ماترديني..
ام علي\آآمري..
غادة \مايامر عليك ظالم..
يومه هديل..
ام علي بهدؤ\وش فيها..؟؟
غادة\كلمتها قبل يومين..
تسالني عنك وعرفت إنك ماتكلمينها..
ام علي\لاتدخلون بيني وبين بنتي يا عيال حسين..
ترى ما انتوا اغلى منها..
أنا ما كلمتها عشان مصلحتها..هي لازم تقرر لحياتها..
ما ابي اضغط عليها تقرر شيء مو مقتنعة فيه عشاني..
غادة باستغراب\أي قرار..؟؟
يوومه وش صاير معها؟؟
ام علي\ماصاير معها إلا كل خير..
هي قطعة من قلبي وأغلاكم كلكم..
اللي شافته ماهو شوي..ومازاد بعدها الا محبتها..

وقفت ام علي وطلعت من الصالة..
وسرحت غادة في كلام أمها..
حاولت تفهم مقصدها..
معقولة هديل غيرت رايها في موضوع الطلاق..
قالت بترجع بعد مايتعالج ذياب..
وهذا ذياب تعالج..فــ ليه ماترجع..؟؟!

صرخت بخوف لما حست بضربة على ساقها..
الجدة\يالغبراء السرووق..
تعالي أشووف تعالي..
غادة مصدومة\يوومه خوفتيني وش فيك..؟؟
عبدالله\الله يسامحك يا جدة أبوي..
والله خوفتيها شوفي وجها..
الجدة بغضب\أقربي..
غادة بخوف\والله ما اقرب..
وش أنا مسوية يوم تضربيني..؟؟
وبعد تقولين اقربي..مهبولة أنا اقرب..؟؟
الجدة\عبدالله يا ولدي..
عبدالله بفزعة\لبيييه..
الجدة\قربها مني السرووق..

وقف عبدالله وسحب يد غادة..
عبدالله\قوومي مع كرشك..
الجدة نختني..
غادة\يومه والله ماسويت شيء..
ولا تنسين انا حامل..
الجدة\طيب بس تعالي هنا..

قامت وجلست جنب جدتها..
والجدة مسكت يدها وسحبت الخاتم من إصبعها..
الجدة بزعل\أفا يـ السروووق..
سارقة الخاتم من الطقم..؟؟
غادة\أي طقم..؟؟هذا خاتمي..
الجدة\تعقبين هذا لهديل ماهو لك..
غادة بشهقة\والله العظيم لي..
راكان أهداني إياهـ يومه..
يمكن انتي مشبهه..
الجدة\لا ماني مشبهه..
قومي معي وتأكدي بنفسك..
غادة\لحظة با مدعية هاتي خاتمي ما اضمنك..

وقفت ومشت مع جدتها لغرفتها..
وهي مستغربة من ثقة الجدة بكلامها..
وبنفس الوقت واثقة إن الخاتم لها والجدة غلطانة..
أبتسمت لما تخيلت وجه الجدة لما تعرف إنها ظلمتها..

غادة بمرح\هاهـ شفتي إنك ظالمتني..؟؟
الجدة\تعالي يالغبراء..

قربت منها وشافت الطقم اللي عرضته لها..
شهقت بصدمة لما شافت العقد والإسوارة..
كانت نسخة عن الخاتم..
هدية راكان لها..
هي سئلته عن باقي الطقم..بس ما فكرت في الموضوع..
ماطرى في بالها أبداً إنه مع جدتها..

غادة\يومه من وين لك هذا..؟؟
الجدة\من رويكن..يقول لهديل..
طلب مني أخبيه عندي لحتى ترجع وتاخذهـ ..

تجمدت يدينها..
ونزلت دمعة حااارة من عينها..
أبتسمت بسخرية على حالها..
فسخت الخاتم وناظرت لجدتها..
غادة\أنا آسفة يومه..
اعجبني الخاتم وحبيت البسه..
ماظنتي إن أختي بتبخل علي بخاتم..
معك حق المفروض ما اخذ شيء ماهو لي..

دخلت الخاتم في مكانه الخاص في الطقم..
قفلته ورجعته لجدتها..
الجدة بمحبة\ياعساني فداك يـا غادة..
والله أمانة عندي لحتى ترجع صاحبته..
وابشري بطقم كامل لك من حر مالي..
غادة بغصة\لا وش هذا الكلام يومه..
عندي خير ولو كان في خاطري بأشتريه..
أو باطلب زوجي يشتريه..

طلعت من غرفة جدتها والعبرة تخنقها..
مصدووومة وماتقدر تواجه نفسها..
فكيــف تواجهه..؟؟
يهديها خاتم..ويهدي أختها باقي الطقم..
ليـــــــــــــه؟؟!!
ليه يهدي هديل..؟؟
الموضوع القديم دفناهـ من سنين..
ليه يرجع راكان وينبشه..؟؟

طلبت من عبدالله يروح معها لبيتها..
ماتبي تروح مع السواق لحالها..
دخلت جناحها وهي كاتمة القهر في قلبها..
قررت ماتتكلم معه في الموضوع..
ولا تبين له إنها تعرف عن هديته لهديل..
بكيفه ينطق ألف مرة..
يهديها أو يمووت..
أختي ما بأخسرها عشان احد..
لاراكان ولا غيرهـ ..

أنتبهت عليه يدخل الجناح ويقرب منها..
صدت عنه بسرعة ودخلت غرفتها..
قفلت عليها في غرفة تبديل الملابس..
وسمعته يناديها بس ماردت عليه..

راكان بحيرة\أذكر إني ماسويت شيء يزعلك..
تكفييين لا يكون رجعتي تتوحمين علي..؟؟

عطاها الحل من دون ماتفكر كيف تبعدهـ عنها..
قدم لها الجرح والدواء..
إيه ياراكان رجعت انقرف منك ومن حالي أكثثثثر ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ترى ما رحت من كيفي عشان أتحمَّل ذنوبك
أنا شفت الزمن ناوي علينا وقلت له خذني...

واذا قالوا رَحَل عنِّك حبيبك، فتِّش جيوبك
تطمَّن قلبي بـ جيبك حبيبي لا تدوِّرني ...


فزت من نومها وهي تصرخ بخووف..
حست بيدينه حواليها..
خافت اكثر وصارت تضربه وتستنجد..
هديل\لااااااااا..إبعد عنيييييييييي..
مو هو غازي مو هو والله..
إبعد عنـــــــــي..
غازي\بسم الله الرحمن الرحيم..
لا اله الا الله..هشششش هديييل..
هديل صلي على النبي..إهدي..
خلاااص إصحي..حلم ..انت تحلمين..

نفث ماء على وجها وهو يسمي عليها..
فتحت عيونها بقوووة ونفضت نفسها منه..
أبتعدت عنه وهي لامة المفرش عليها..
تلفتت حوالينها وكأنها تدور على احد ثاني..

غازي بهدؤ\إهدي مافيه شيء..
كنتي تحلمين..
هديل بخوف\بأروح غرفتي..
غازي بحنية\انا وعدتك ما اجبرك على شيء..
هديل بقهر\كذااااااااب..واللي كنت بتسويه..؟؟
غازي\قلتي لا وابتعدت عنك..
وبعدين فيه امور لازم تعرفينها قبل لا يصير بينا اي شيء..
هديل بزعل\أدري..تبي أخ لذياب..
ترى انت ماتحب ذياب أكثر مني..
غازي\أدري..
هديل\كيف ماتت رسل..؟؟

انصدم من سؤالها له..
ليه تفكر في رسل بهذا الوقت..
غازي\ماتبين تقولين وش كان حلمك..؟؟
هديل بإرتباك\شيء خاص مالك شغل فيه..
غازي\بس أنتي كنتي تناديني..
هديل\رسل كيف ماتت..؟؟
غازي بهدؤ\قلت لك من سنين كيف ماتت..
هديل\قلت امها أهملتها..كيف أهملتها..؟؟
غازي\أنا أهملتها وأهملت أمها..

رجع ظهرهـ على مقدمة السرير..
وحط ذراعه وراهـ..
ناظر فيها وشاف فضوول في عيونها..
غازي\هي سنين راحت ولا بترجع..
ماله داعي نتكلم فيها..
هديل\أبي اعرف عنها..
غازي\رجعت بعد ما أخذت شهادة الطب..
كان حلم بس كرهته وكنت امارس المهنة عناد في نفسي وقهر لها..
كانت سنين الغربة طوويلة..
ولما رجعت لـ السعودية ما انتهى شعور الغربة..
أكيد تعرفين هذا الإحساس..
نفس اللي حسيتي فيه وأنتي عند هلك..
هلك مو هلك..ديرتك ماهي ديرتك..
تدرين ليش حسينا بهذا الشيء..؟؟
لأني ماكنت متصالح مع نفسي..
وأنتي ماكنتي متصالحة مع نفسك..
كل شيء حوالينا طبيعي بس حن ماكنا طبيعيين..
لما اتصلتي علي وقلتي تحسين بغربة..
عرفت شعورك..وحجم معاناتك..
ماحبيت اخليك تعيشين نفس اللي عشته..
ماخفى حالي على امي..
وكنت اقول لها باترك السعودية وارجع ايطاليا..
قالت تزوج..المرهـ بتونسك وبتغير حياتك..
تزوجت وأذنبت في حقها..
كانت طيبة واصيلة..ماعليها منقود في شيء..
بس الخطاء مني أنا..طفشتها بإهمالي لها..
أنسى إني متزوج..انسى إن فيه حرمة تنتظرني في البيت..
ولدت بــ رسل واستمر إهمالي لها..
تعلقت في رسل كثييير..
كانت صغيرة بس تاسرني..
ماقدرت تكمل معي وقالت تبي الطلاق..
جرحتها بقوووة لما وافقت على الطلاق من دون نقاش..
حست إني ابي الخلاص منها..وأنا كنت ابيها تتخلص مني..
لأني اشوف تعاستها معي..
ماقدرت أسعدها..كنت عايش بقوقعة خاصة فيني..
أخر ليلة كانت لها معي تعذرت منها وقلت لها أنتي ماقصرتي بشيء..
واحلى مافيها كانت واثقة بنفسها وقالت أدري إني ماقصرت..
طلقتها وسمحت لها تاخذ رسل..
كنت من وقت لوقت اروح أزورها..
وافكر أخذها معي..بس انا أدرك إني ما اقدر أهتم بطفلة ولا ارعاها..
وبتكون بخير بحضانة امها..وأمها طيبة وحنونة..

هديل بغصة\ورسل..؟؟
غازي يتنهد\توفت بحادث..
هذا اللي صار..
هديل\أبي اعرف الحادث..
غازي\ماله داعي تعرفينه..
هديل\كهرب..؟؟
ناظرها بحدة\إنسي الموضوع..

كان بيقوم..بس مدت يدينها ومنعته..
هديل\عشاني قووول..
غازي برفض\عشانك ماراح اقووول..

هديل\ليه انت قاسي..؟؟
غازي بحيرة\ناوية علي أنتي واخوك اليوم..
هديل\ليه كنت تضربني..؟؟
ليه خبيت عني إني زوجتك..؟؟

غازي بجمود\ماراح يرضيك الجواب..
لأني مو راضي عن اللي سويته ولا عن أسبابي..
هديل\قلت أنت تعاقبت على جرمك قبل 16 سنة..
قلت انا ذنبك اللي تعاقبت عليه..
انااعرف جريمتك بس ما اعرف عقابك..

شد على يدها اللي بين يدينه..
سحبها له وهي تجاوبت معه..
ضمها على صدرهـ وصار يحكي لها عن عقابه..
قال لها عن سجنه بس ماذكر تعذيب أبوهـ ولا إعترافه..
هديل\وش كان دليلهم عليك..؟؟
غازي\شهادة زور..
من بعد السجن خلصت الطب..
وبعدها رجعت وتزوجت مثل ماقلت لك..
مات ابوي وانا في السجن..
وماتت رسل..
ثم مات سعود..
ابوي وماقدرت اعترض على موته..
مات بفراشه بمرض..
رسل أحترقت قضاء وقدر..
سعود مات مقتوول..
ماقدرت انتقم لاحد منهم..
بس لما عرفت قاتل سعود..
توعدت ما اترك حسرتي عليهم كلهم..
وكنتي انتي الأسيرة..
طالبت برجوع هادي وقص رقبته مع سلمان..
مافكرت في الصلح ابداً..وحلفت ما اصلح مع هلك..
أخوك وولد عمك هربوا وثبتت عليهم الجريمة..
كنت اشتعل نار وقهر لما اعرف إنهم هاربين وعايشين..
وهم اللي ذبحوا اخوي ويتموا ولدهـ ..
جمعت كل المعلومات عن هادي..وعرفت إن له أخت توئم..
لما ذكروا اخت توئم له..
نسيت كل شيء..كل المعلومات الباقية عنه تجاهلتها..
وشلت فكرة القصاص من راسي..
كل همي وتفكيري أقهر هادي..وصورة هادي في بالي كانت مجرمة..
كنت اظنه شاب داج صايع مايعرف يصلي ..
كنت راسمه تبع مخدرات وضياع..
ولما شفت صورهـ شفته عكس تخيلي له..
بس هذا مامنعني من اللي فكرت فيه..
قررت اتزوجك واخذك بعيد عنهم..
وانا ادري إني لو عرضت الزواج بيوافقون هلك عشان الصلح..
بس طلبتك جارية وهم يناقشوني في الزواج..

سحبت نفسها من بين يدينه..
وجلست مواجهه له..
عينها بعينه..
تبي تشوف كل ملامحه وهو يتكلم عن طلبه لها..
تبي تشوف الندم على سواياهـ بعيونها..

غازي بجمود\ضغطت عليهم وهددتهم..
وبنفس الوقت كنت احايلهم..
قلت لهم بتكون بخير..بتكون بخير..
كان موقفي ضعيييف..وماكنت متوقع ابداً يوافقون..
أنصدمت من إتصال عمك..
ولما التقيت فيكم وأنتي معهم كنت محضر العقد..
والشيخ موجود والشهود..
تزوجتك بهذاك اليوم..صرتي زوجتي وحلالي..
قلت لأبوك بكل قسوة..شيع جنازة بنتك..
مستحيل تشوفها مرة ثانية بحياتك..
منعته يودعك ويسلم عليك..
وبعدها اخذتك معي..
شيء غريب صار لي من بعد ماوقعت على العقد..
ماكانت اول مرة اتزوج..حسيت بتملك عظيم يسكن قلبي..
تذكرين اللي صار من اول ما اخذتك..
لما وصلنا إيطاليا حبستك في الملحق لمدة..
قررت فيها ارجعك لهلك ما ابي المسك ولا اجبرك على شيء..
مع العلم إنك زوجتي..اعلنوا وفاتك وهذا ماتوقعته يصير بسرعة..

كانت دموعها تنزل من دون صوت..
كل شيء صار من بعد ما عقد عليها تذكرهـ..
تذكر حبسه لها في الملحق..وبعدها اول لقاء بينهم..
وكان حرمانها من اسمها..
وكان اول مرة يضربها وأدركت إن حياتها بتكون جحيم..

هديل بغصة\لما قالوا يبيك جارية..
قلت تم..ظنيت إني باكون جارية في بيت هلك..
عند أمك واخواتك..
ماكانت ادري إنك بتحرمني من هلي..
بتغربني وتيتمني..ظنيت الأمور هينه..
ماكنت ادري وش ينتظرني..؟؟
قلت شهر شهرين ويملون من هذي اللعبة..
بعدها ارجع بيتنا ويكون اخوي بخير..
بس كل شيء كان عكس ماتوقعت..
صبرت نفسي وقلت بس يخوفك وبعدها يرجعك..
طالت الأشهر وصارت سنين..
وأنت مارحمت حالي وقلت أنتي زوجتي..
كل شيء يتنسى إلا معاملتي كزوجة لك وأنا ما ادري..

غازي\من بعد ماتعبتي لما تركتك بآخر المزرعة..
نقلتك عندي هنا في غرفتي..
ومن لحظتها زاد تملكي لك..
وكبرت فكرة زوجتي حلالي..
نمتي عندي وظليت اراقبك طول الليل..
أعرفك عنك اشيئا كثير..
وبنفس الوقت اكتشفت إني ما اعرف عنك شيء..
قررت ادخل في حياتك اكثر وأتملكك أكثر..
مع إن غضبي من نفسي وحقدي على حالي كان مسيطر علي..
أشغلتيني عن حالي فيك أنتي..
بعد مارجعتي الملحق ماقدرت إلا اقضي كل ليلة عندك هناك..
أراقبك..أسمعك تبكين..تخافين من الظلام ومن أصوات الريح..
تعلين صوتك وانتي تقرئين القرآن..وتخبين نفسك تحت فراشك..
كنت امنع نفسي لا اقولك أنا معك لا تخافين من شيء..
بس أسخر من نفسي وأقول انت اكبر مخاوفها..
بعدها بديتي تجذبيني لك اكثر..وأنا أتعلق فيك أكثر..
كنت باقولك انتي زوجتي واريح نفسي قبل اريحك..
خططت لوقت وطريقة معرفتك لهذا الخبر..
حسبت حساب كثير أشيئا..ولا حسبت حساب إجباري لك..

وقفت بعد آخر كلامه..
وهي تتذكر بهذي الغرفة أجبرها..
تبي تبعد عنه..تكلموا كثيير..
حقدهـ على حاله مثل مايقول هي تعرف سببه..
بسبب ابوهـ واللي عاناهـ من تعذيب..
خرجت من غرفته مخنووقة وهي تعرج..
وهي تردد بقلبها..
مالك عـــــــــذر..والله مالك عذر..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛


إش فايدة نبكي على شي قد راح
وإحنا قتلنا الحب من دون رحمة
المشكلة جيتك وبي حب يجتاح
جيتك طفل محتاج من الوقت ضمه
جيتك وله وأشواق والشوق فضاااح
رد الصدى ياصاحبي صاحبك راااح
ومن يومها كل الفرح صار صدمة..


ضمت يدينها وعيونها تحارب دموعها..
ماتبي تصدق ظنونها..
حبت الكذبة اللي عيشوها فيها..
شايب يلبس مثل أبوها الغالي..
يهاوشها وحنون معها..
حبته..حبت الشايب..وتمنت يتزوجها..
تبي تعيش معه من شوقها لأبوها..
بس قلبها يتألم لان الشايب غدر فيها..
أهملها وصار عكس ماتمنت..
كانت بتضرب نفسها كف وتصرخ..
الشايب ماله وجود..
كذبة عشتيها وصدقتيها..
ناظرت رسالة مرام لها..
..والله آسفة كل اللي سويته من محبتي لك
صدقيني مسفر طيب بيحفظك ويرعاك..

رفعت راسها وناظرت بعيونه..
كيف كذب عليها..كيف اوهمها..؟؟
كيف قدر يخون ثقتها فيه ويغدر فيها..
جلس قدامها وحط عينه بعينها..
زاد قهرها من ثقته بنفسه..
من جرئته وخداعه لها..
أثبت لها إنه نذل وماله أمان..
متزوجها بـ الخديعة..
بتطعن في الزواج..وبتطلب الخلع منه..
بتقول إنها ماكانت على بينه..
بتقتله بيدينها..

وقفت وشدت على عبايتها..
خلود\رجعني السعودية وطلقني..
مسفر بهدؤ\كنت واثق إنك شاكة في الموضوع..
بس تعلقك في الشايب ماسمح لك تحاولين تثبتين شكوكك..
خلود بقهر\لا تحاول تحلل نفسيتي يا غدار..
تزوجتني بـ الكذب..ابي ارجع لامي..
أنت خدعتنا وكذبت علينا..
مسفر\امك تدري إني مو شايب..
وهي وافقت على زواجنا بقناعة..
خلود بقهر\لااااا لااا هي ماتدري..
أنت وخالتك النذلة الخاينة..
أنتوا غدرتوا فيني اوهمتوني بكذبة..

وقف وقرب منها..
مسفر بهدؤ\كانت فكرة علاج..
وانتي تعلقتي في وهم ماهو حقيقة..
خلود بغصة\أنت علقتني في هذا الوهم..
أنت اوهمتني إنك ابووي..
مسفر\إهدي وإسمعيني...
خلود بقهر باكي\لا ما ابي اسمعك..
أنت كذاااااب..نذل..
ما ابيك ابي هذاك الشايب..
ابيه يرجع هو يشبه ابوي كثيير..
رجعه لـــــــي..
مسفر بحنية\انا الشايب..أنا الحنون اللي تدورين عليه..
أنا ابوك إن كنتي تبين اب..
خلود تبكي\لاااا أنت النذل..
اللي كذب علي واخذ ابوي الثاني مني..
قتلتوا ابوي مرة ثانية..
حرمتوني منه..
مايحق لك تعذبني كذا والله مايحق لك..

صرخت بقهر لما ضمها له بقوووة..
كان يهمس لها إنه جنبها وماراح يئذيها..
وهي ترفض قربه وتطلب منه يرجع الشايب لها ويكون حقيقة..
خلود تبكي\أريد ابووووي..
قتلوووهـ..خذووه مني..يتمووني..
ليه قتل ابوووي لييييييه..؟؟
والله ابوي طيب يصلي ويخاف ربه..
ليه ماقتل المجرمين مثله..؟؟
المجرمين كثار في الدنيا..ليه ماقتلهم وترك ابوي الطيب..؟؟
فجعني في ابوووي..ياليته مات مريض..
ياليته مات حادث..مو مقتول بيد مجرم حقييير..
أشتقت لريحته لحضنه لضحكته..
اشتقت أكون بخير وهو موجود..
اكرهك يا مسفر واكرهم كلهم..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛


كانت بتطلع من جناحها لما ناداها توقف..
التفتت عليه وواجهته..
راكان يبتسم\بعدك متوحمة علي..؟؟
ماصارت كم ليلة وانتي مو طايقتني..
متى ينتهي وحامك..؟؟
غادة ببرود\بعد الولادة..
راكان\غادة وش فيك..لاتقولين الحمل..
غادة\الحمل..
راكان\بتنامين في غرفة سارة..؟؟
غادة\إذا تحب اروح بيت هلي عادي مافيه مشكلة..
راكان بطولة بال\لا مو حاب تروحين بيت هلك..
بس إذا حابة انتي تروحين فراحتك راحتي..
غادة بسخرية\أوووف قووية راحتي راحتك..؟؟
تصبح على خير..
راكان\غادة وين خاتمك..؟؟
غادة بصد\رميته..

طلعت من جناحهم وتوجهت لغرفة سارة..
قفلت عليها وأنسدحت على فراشها..
بكت بقهر وهي تكتم صوتها ماتبي احد يسمعها..
مهما اوهمت نفسها إن الموضوع ماجرحها..
بس هو جرحها..طعنها بقوووة وقهرها..
فتحت جوالها وكان فيه رسالة من راكان..

تغيرنا ولا ندري من اللي غير أطباعه
ياقلبي قول لاتسكت وش اللي جابنا أغراب؟!
سألتك ليه تتنهد بصدرك آه ملتاعه
تصب الملح من عينك تناثر دمعك المرتاب؟!
جنوني واللذي خلد غلاك بخافقي راعه
سكوتك يكسر ضلوعي وفيني مابقت أعصاب
أبعرف بس من يقدر يكدر خاطرك ساعه
أبعرف بس من غيري يفتح في هواك أبواب؟!

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛


وعدتك..
أن أحسم الأمر فورا
وحين رأيت الدموع تهرهر من مقلتيك
ارتبكت
وحين رأيت الحقائب في الأرض
أدركت أنك لا تقتلين بهذي السهولة
فأنت البلاد.. وأنت القبيلة
وأنت القصيدة قبل التكون
أنت الدفاتر.. أنت المشاوير.. أنت الطفولة
وأنت نشيد الأناشيد
أنت المزامير
أنت المضيئة
أنت الحبيبة...

نزار القباني...


دخلت القصر وهي متضايقة من سفر هادي..
تمنت لو يظل معها اكثر..
طلب منها تسافر معه وترجع السعودية بس هي مارضت..
مابينت له السبب..ولا قالت له عن مشكلة ذياب..
قالت ظروف خاصة تمنعها ترجع معه..
ألح عليها وسالها وش تكون ظروفها بس ماجاوبته..
بكت وهي تحضنه وتودعه..
وهو مصمم يظل معها او ترجع معه..
أقنعته إنها بخير ومرتاحة مع غازي..
وبينزلون السعودية بوقت قريب..

كانت بتطلع تجيب ذياب..
طلب هادي يسلم عليه قبل يسافر..
بنص الدرج سمعت صوته..
ألتفتت لتحت وهي تشهق مصدوومة..
نزلت تركض وجلست على ركبها عندهـ..

بكت وهي تاشر على نفسها بضعف..
هديل بغصة\أنا ميـــن..؟؟
ذياب يتنفس بقوة وينطق\مــ...ــه
هديل ضمته وهي تصرخ\يارووووح أمك وقلبــــــــــــها..
لبيييه يا ذياب لبييه يا ابووووي..
غاااااااازي تعال شووووف..
عيدها ياقلبي..تكفى عيدها ابي اسمعها..

صار يصفق بيدينه ويشاهق مبسووط..
وهي تضمه لها وتبووسه..
لم يدينه عليها وفتح فمه على خدها..
هديل بحب\ههههههههههه فديييييتك انا..
ذياب تكفى قول ماما..
ابي اسمع صووتك يا قلبي قووولها..
ذياب\ممممــه..
هديل\الحمدلله ياربي يا حبيبي..
ألف الحمدلله والشكر..

نزلته من حضنها وسجدت في مكانها وهي تبكي..
سجدت لله شكر على نعمته ورحمته فيها وفي ولدها..
ولدها نطق يعني هو بخييير..

غازي يبتسم\مبروووك..
هديل تبكي\ناداني..
غازي بمحبة\اول مانطقها نزلنا ندور عليك..
الحمدلله على سلامته..
هديل\ذياب نطق..الحمدلله..الحمدلله ياربي..
غازي يعين هو الحين بخير..ماراح ينعمي صح..؟؟
ماراح أفقدهـ..؟؟مابيمرض..؟؟

غازي بهدؤ\ذياب تعالج من بعد العملية..
والنطق تاخر وهذا شيء طبيعي..
عمليته كانت ناجحة..وهو مايحتاج أخ..
كانت خدعة مني عشان تظلين هنا..

يــ الله كيف قلب شعورها..
كيف غير كل قراراتها..
مصدووومة من جرئته على خداعها للمرة المليوون..
ظنت إنهم تخطوا مرحلة الكذب والخدعة..
كيف يقدر يعذب بهذا الشكل..
من بعد العملية وهي عايشة عذاب نفسي..
عايشة خوفها على ولدها وخوفها من فقدانه..
كانت خايفة ماتقدر تنقذهـ وتجيب أخ يساعدهـ..
ليه ماراعى خوفها منه ورحم حالها..
لازال يحاول يجبرها ويكبلها بقيود الإكراهـ..

وقفت وهي ترتجف..
قربت منه مستنكرة كل كلمة يقولها..
ومستنكرة ثقته القوية بنفسه..
ضربته على صدرهـ ودفته بقوووة وهي تصرخ فيه..

هديل بقهر\بســــــــك ظلم..بسك قهر لي وإذلال..
الحب ماهو غـــصب..ما ابييييييييييك..
متى بتفهم إن لي حق أقرر واقول لا ما ابي اظل معك..
ليش ماتفهم إني رافضة وجودي معك مجبووورة..
أنا من حقي أقرر..من حقي أظل برضاي او اتركك..
انا راح أظل رافضتك طول ما انت تجبرني على الحياة معك..
ماراح اقدر أتقبلك وأنت تجبرني عليك..
مالك حق تغدر فيني اكثر مما غدرت..
كيف اقدر أثق فيك واسلمك روحي وانت ماتنصفني..
من حقــــــــــي أقول ما ابـــــــي أظل معك..
ومن حقــــــي أقوول أبيــــــك..
وأنت اللي جنيت اليوم..
انا بأرجع مع أخوووي...وما ابييييييييييك..

شالت ذياب وطلعت من القصر..
كانت تعرج وتتألم من قلبها قبل جسمها..
جلست جنب هادي وهي ضامة ذياب لها بقوووة..
هديل\رجعني يا هادي..


فمان الجـرح لا والله فمان احـــزاني ..] الكُـبـرى
فمان اغـلى ثلاث سنيـن [ مِـتّ ] بْـها عشــان اعيش

فمان الحب }~ واحـلام القلوب البيض والخضرا
فمان الآه مـن كثــر الزعـل والشـــوق ~.. والتطنيش

فمان عيونك اللي مالها بين العيون ..{ اُخرى
فمان [ غــرورك ] اللي علّـم الطاووس نفـْـش الريش

فمان عطورك اللي تسكن { انفاسي } وبالأحـرى
فمان انفاسك اللي تسكـن عطـوري ومدري ليش ..؟!

فمان الليل ]/.. واحضان الدفــا ومصافح القمـرا
فمان البــاب والشبّـاك يــوم اواعـــدك { ونطيش ..

فمان التوت والرمــان واحلى فاكهــه [ حمـرآآ
فمان الضحكه اللي كنّـها مـن مبسمك .. بخشيش

فمان { غيابك } اللي ما ترك لمْواصلك بُشرى
فمان الشـك وظنــون الخطــأ },, والكـذب والتشويش

فمان [ العيد ] كنـّي به يجيني وحالتي تزرى
يطبْطبْ فوق أكتـافي حزن ويقــولَ لِي "معْـليش"

فمان الجوع و احساس ]/.. العطش ومفارقك صحرا
[ تعبت .. افتـّــش ْلواحاتـــها و اضـنــاني التفتيش

فمان { ضلوع .. مكتـوب ٍعلى أنحاءها اليُسرى
"هُــنا توجـد جـروحي" لو تكــرّمتي: بـلا تنبيش

فمان [ دموع ] لا تـُسمن ولا تُغني من الذكـرى
وانا اللي ماقدرت اطلع من { اجوائي ,, معك بشويش

فمان الشـارع اللي كلّما جيـته [ وآنآ آقــرآ ..
معانـاتي ..} من اوّل يــوم فـي وصـلك إلى التهميش

فمان { الشاعر } اللي يجمع بتجربْـته الصغرى
فكر بــدْر [ ورومانسيّة نزار ] وفلسفة درويش

فمان [ الخوف ,,, ويدينك جنود وأضلعي أسرى
وانا فينـي مــن ’’ الإحبــاط }~ ما يكفي هزيمــة جيش

فمان اشيــاء ما تنقــال للعالم { ولا تــطرى ~
ممـالك ’’ حـب }~.. دمّـرها اللعب وسْياسـة التطفيش

فمان الإيش..!؟ ما أدري ولكنّ الزمان ادرى
وانا اللي ضاع ما يدري حبيبه ضيّـعه لجل ايش؟!

فمان الله ياقلبـي }~ مع انّــك جــرح ما يبــرا
كتب ربّي عليّ اعيش من دونك { وانا ما اعيش ..



إلـــــــــى الملتـــــقى بإذن الله تعالى الجمعة الساعة 10 مساءً..

رجــــــــــــاء وطلب من جميــــــــــــع أحبتــــــــــي ..
أتمنى تواجد جميـــع أحبتـــي مساء الجمـــعة القادم الساعة العاشرة مســـاءً..
قد يكون آخر لقـــــاء لي معكم فكونوا بقــــربي ..

كونوا بخيــــــــــــــــر ..


صدووود,,,

السلام عليكم ورحمة الله وبركاته ...


صبـــــــــــــــاح\\
طيور النورس ..
تحلق على شواطـــىء الأمان..


مســـــــــــــــاء\\
ودآآآآآآع يتلووهـ لقــاء بإذن المولى ..


كيـــــــــــــفكم الــ ليلااااااااااااس..؟؟
أحبتـــــــــــــي في كــــــــل مكـــــــــان ...؟؟



لكل من سجل وتعنى عشـــــاني..
الله يعلي شــــــأنكم ويسعدكم..
شرف كبييير لي حضووركم أحبتـــــــــــي ,,
وشكــــــــــــــراً بحجم السمــــــــــاء..
لكل القلوووب اللتي وقفت بقربي..
إما مشجعة ومحبة..
أو ناقدة بصدق قلب ونية صافية ..

أحبــــــــــكم في الله ,,,



البــــــارت الثــامن والثمـــانون ..


حنانك يا قلب .. فيم الخفوق
وهل كان ما كان إلا خيالا ؟

وفيم تحن إلى عهدها
وقد أرقتك الليالي الطوالا ؟

دع الوهم يا قلب .. ماذا جنينا
من الحب لما عشقنا المحالا ؟

حنانك يا قلب .. بعض الهدوء
فصدري كاد يجن أشتعالا

أتجسر أن تستبيح المدى
وتطوي إليها الدجى والرمالا ؟

وهبك وصلت الى صرحها
وهبك هدمت السدود نضالا

فماذا ستفعل يا قلب ؟ تجثو
على قدميها .. تذوب ابتهالا ؟

وتسألها : أتحبينني ؟
فيطوي الظلام الرهيب السؤالا

وترجع عنها وفي جانبيك
جرح تئن .. وتأبى اندمالا

فديتك يا قلب لن تستباح
ولن ترتمي في التراب مذالا

سنصمد يا قلب للعاصفات
ونوسعها ثورة ونزالا

ستعرف ياقلب أنا انتصرنا
وأنا هزمنا الهوى والجمالا


المرحووم بإذن الله تعالى..غازي القصيبي ,,,



شالت ذياب وطلعت من القصر..
كانت تعرج وتتألم من قلبها قبل جسمها..
جلست جنب هادي وهي ضامة ذياب لها بقوووة..
هديل\رجعني يا هادي..
هادي بحيرة\قلتي بتظلين هنا..
هديل بقهر\طلــــــــعني من حياته..
إنزعني من قلبـــه وإقهرهـ علي..
هادي بهدؤ\صلي على النبي..أبشري بأخذك معي..
جوازك واوراقك معك..؟؟
هديل\........لا معه..
هادي\بأروح اجيبها.

نزل من السيارة وقبل يبتعد عنها..
أنتبه على ماريا قريبة منه..
مد يدهـ وأخذ اللي بيدها..
ماريا\هذهـ أوراق تخص السيدة ديل..
طلب مني السيد إعطائها لك..
هادي يناظر مدخل القصر\شــــكراً لك..

جلس جنب هديل وحط الأوراق بشنطته..
هادي\أرسلها لنا قبل اطلبه إياها..
هديل\...............

أخيــــــــــراً فهم..
وارسل أوراقي من نفسه وبدون غدر..
كان ذياب يتحرك بحضنها بعصبية..
ويضرب على شباك السيارة..
لمت يدينها حوالينه وضمته لها..
حرمها تفرح بعلاج ولدها ..
كذب عليها وعيشها بخووف تفقد ضناها..
أو تسلمه نفسها مجبوورة..
قبلته على جبينه وهي تكتم عبرتها..
هديل\أبووك دووم يكسرني..

رفع راسه لها وبدأ ينطق بكلمات متقطعة..
ماتفهم منها إلا ..مـــه..وبالمووت تطلع منه..
ضمته لها اكثر وبكت لما طلعوا من اسوار المزرعة ولا التفتت وراها..
ماتبي تودعه ولا تشوفه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


لاصرت تدري ليه تبكي عوآآآفي
على الأقل تدري وش اللي بكيته ..

الموت من يبكي على شي خافي
ومن دون ادنى ذنب كانك جنيته..!

خرجت من دورة المياهـ وهي لابسة روب الإستحمام..
ولامة منشفة على شعرها..
كانت تحس بدووخة وتعب بكل جسمها..
جلست على السرير بتعب..
وشالت المنشفة وحاولت تنشف شعرها..
بس الضعف مسيطر عليها..
من بعد ما كشف لها إنه زوجها وكل شكوكها اللي تجاهلتها صح..
انهارت ودخلت بحالة صدمة صعبببة..
ضمها وهي رفضت حضنه..
تحس بخيانة منهم كلهم..
من امها ومنه ومن مرام..

كانت تشك باشياء غريبة..
وحال الشايب وحال الشاب..
يتشابهون..بس كان يغشها بـ التجعيد اللي يحطه عل جبينه..
والنظارات واللحية البيضاء..
حبت الوهم اللي شافته..ولا سمحت لـ عقلها يكذبها..
عاشت الكذبة وتعلقت بوهم..

بعد نزولهم من الطيارة..
مروا بـ الجوازات..كان جوازها معه..
وكانت تحاول تلغي فكرة الخدعة من بالها..
وتاكد لنفسها إن الشايب بيوصل قريب..
مسكه ليدها وقربه منها..
خلاها تدرك إنه محرم لها بصورة غير اللي وضحها لها..
ومع ذلك كذبت هذا الإحساس واستمرت في خداع نفسها..
ظلت هادية معه تخاف تهاوشه او تتكلم فيهدم كل خيالها الكاذب..
مد ذراعه على كتفها وضمها له..
بقت ساكنة متجمدة ..
انتظر منها صراخ وهواش..
صمتها أكد له إنها صارت متاكدة إن له حق يلمسها بهذا الشكل..

دخلوا جناحهم في الفندق..
وجلست على الكنبة بعبايتها وحجابها..
وشنطتها الصغيرة لامتها بحضنها..
طلعت جوالها وفتحت رسالة وصلتها..
كانت رسالة مرام..
رفعت راسها بآآآسى ..
ثبتت عيونها بعيونه..
وكانت تسأله بصممممت ورجاء تكذيب ظنونها..
فهم نظراتها وقرر ينهي الموضوع..
مسفر بهدؤ\إيه انا مسفر الشايب والشاب..
وأنا زوجك..اللي توصلتي له صح..
واللي عشتيه كان وهم..
الشايب ماله وجود..

رمت المنشفة وهي تبكي..
إنهيارها كان نقطة ضعف كبيييرة عليها..
سمحت له يكون القوي..
سمحت له يحضنها ويهتم فيها..

بعد ماضربته وبعدته عنها..
قفلت عليها في غرفتها..
وظلت طول الليل تتذكر أبوها..
ترسم ملامحه في الظلام وتمحيها..

نامت ع السرير..
وهي تتذكر إن شنطتها برا الغرفة..
غمضت عيونها وغابت عن وعيها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

تبسمي بعض البكا في التبسام..
واقسى الحزن في النفس مكتوم..

وصلوا روما من ساعتين..
اتصلت على دار الأزياء..
وطلبت من صوفي تزورها في الفندق باقرب وقت..

طلعت من غرفتها بعد مانيمت ذياب..
وجلست قريبة من هادي..
رفع راسه وابتسم لها بحنية..
حست بالم فظييع بوجهها ومو قادرة تبتسم..
صدت وجهها عنه..
وتكلمت بصوت مبحوح..
هديل\متى رحلتك ع السعودية..؟؟
هادي\بكــرة..بس أجلت الحجز يومين..
لأني ماقدرت احجز لك على نفس الرحلة..
هديل\خلنا نطلع من إيطاليا..
نروح فرنسا ومن هناك نرجع السعودية..
ما ابي أظل هنا..
هادي بحنية\لاتخافين من شي وانا معك..
بترجعين السعودية اكيـــد..
هديل بآسى\لاتقول اكيـــد وتغلط غلطتي..
قوول إن شاء الله ياهادي..
هادي بضيق\هديل ماكان هذا حالك امس..
وش اللي مزعلك كذا..؟؟وش صار مع غازي..؟؟
هديل بغصة\لاتقول إسمه..
وبعدين هذا إتفاقنا..يتعالج ذياب ونفترق..
هادي\ما اقنعني جوابك..
هديل\مو ضروري يقنعك..
لأن حياتي كلها ما اقنعتني..

وقف وجلس قدامها..
مسك يدينها بيدهـ..
كان يتمنى لو ترفع راسها وتناظرهـ..
بس فضلت تظل صادة عنه..
هادي\في خاطري كلام كثير أقووله لك أنتي..
بس مشتاق أعرف وش كثر في خاطرك من وجع..
هديل تكتم العبرة\أنت توئمي..
تقاسمنا ظلمة الرحم مع بعض..
كنت اشكي لك ولو نغزتني شوكة..
ماعدت تملك الحق تعرف وش اللي في خاطري..
لأنه غزى الخاطر و التمني..
خاطري محكوم إعدام من دوونه..
ما ابي أشكي لاحد غيــرهـ..
ولا ابكــي إلا بين يدينه..
ياكثر اللي في خاطري ودي أقوله له..
بس حنيتي على نفسي تمنعني..

هادي بحسرة\قلتي كلمة جرحتني حييل..
قلتي بلحظة إنهيارك إن غازي أبووك..
وتاكدت وقتها..إنك ماتقدرين تتخلين عنه..

هديل بجمود\لا اقدر أتخلى عنه..
وحتى أقدر اتخلى عنكم..
أنا عشت من دونكم وشفني حية..
هادي\صح عشتي من دونا..
وعشتي معه..
هديل\تعتقد ما اقدر أعيش من دونكم ومن دونه..؟؟
حتى أنا هذا كان ظنــي..
بس الله اكرم منكم ومني..
وقدرت..
هادي بحيرة\مافهمت..
هديل بيأس\تدري إن غازي أحسن منكم..
إيه أحسن بكثيير..
هادي بقهر\أحسن منا حن هلك..؟؟
هديل بغصة\إيـــــــه..
أنتوا جرحتوني وضيعتوني..
ولما رجعت لكم مالميتوني ولا حاولتوا تعوضوني..
صديتوا عني..أنت وابوي وكلكم..
عاقبتوني بتقصيركم..
أما هو..صح جرحني وماقصرر ابد فيني..
بس ندم..ولازال نادم وبيظل..
يحاول يصلح شيء من خطاياهـ..
رغم إنه مايملك اي وسيلة مباحة تساعدهـ..
أستعمل الغلط مرة ثانية وثالثة..
تجبر بقرارات جديدة..
يبي يهدم بقايا ماضي ويبني عليه مستقبل جديد..
يبي يمحي كل آسى مر علي معه..
وأنا واقفة أتأمل محاولاته وأوقع عليها بـ الفشل..
ماساعدته وهو يحاول يساعدني..
أشوفه يحاول يراضيني..وانا اصد مليون مرة..
أبيه يفهم مانقدر نبني حياة جديدة على ركام حياة قديمة..
هو فاهمني..بس خانته الحيلة..
ولو ارجع له بعد سنين مابيسوي سواتكم..
هو الوحيد اللي مستحيل يصدني..
لأنه غلط بحقي ومؤمن إن لي كل الحق في الصد والهجران..
بيعذرني مهما قسيت..
بس أنتوا ياهادي حملتوني وزر النوايا..


دخلت غرفتها تنام بعد ما انهت كلامها مع هادي..
تدري إنها جرحته..
بس تبيه يظل متأكد إنها مابتنسى صدهم عنها لما رجعت لهم..
مابتنسى هروبهم منها..
ولازم يتحملون صدها عنهم مثل ماغازي يتحمل..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


أدري إنَّك .. في حيآتك .. لي .. بديل
وإنت تبحث .. عـ الفآرق .. من زمآن

الله هو حسبي .. وهو .. نعم الوكيل
المفآرق .. صآر .. والله المستعآن !

يعني شوفك .. في حيآتي .. مستحيل
يعني مرَّة .. مآ أشوفك بـ أيَّ مكآن


شال جواله ومفاتيحه..
صد عنها بعصبية ناوي يطلع من الغرفة..
وقف لما سمعها تكلمه..
غادة\بأروح بيت هلي..
ما ابي أظل هنا..تعبانة..
راكان بجمود\إنطقي في بيتك..
غادة ببرود\بأروح يا راكان..
راكان بسخرية\ليه يا مدام بعدك واحم..؟؟
غادة بسخرية مماثلة\لا مو واحم..بس قرفانة منك..
راكان بهدؤ\تصدقين نفس الإحساس..
قرفت منك ومن كذبك وتظاهرك..
محسبتني ميت عليك وعلى وصالك..؟؟
غادة بقهر\أدري بخاطرك شيء..
وتبي أي مشكلة تصير عشان تقول اللي في قلبك..
عادي يا محترم قوول اللي تبيه..
طلع كل اللي في قلبك مابقى شيء متخبي..
راكان بهدؤ\وش اللي في قلبي وابي اقووله..
أطربيني يا غادة..
غادة بحدة\تدري وش اللي يقهر..؟؟
إنك راكان..مصدوومة تكون أنت كذا..
راكان بطولة بال\أبهريني كيف أكون..؟؟
غادة\تبي تتمسخر..أوكي يا راكان باقوول..
لأني مو متحملة..
بانجن من تصرفاتك..مو قادرة اصدق والله..
أنت نبيل كبييير يا راكان كيف تسويها كيييف..؟؟
راكان بحيرة\غادة وش اللي سويته وذبحك..؟؟
غادة تبكي\إيه ذبحتني..هذا اللي أنت سويته..
راكان بهدؤ\كملـــي..!!
غادة بصوت مخنوق\لقيت باقي الطقم تبع الخاتم..
راكان بإستغراب\طيب وبعدين..؟؟
غادة بقهر\أقووولك لقيت باقي الطقم..
إللي أنت مخبيه عنــــــــي..؟؟
راكان\إهدي وصلي على النبي..
انا ماخبيت عنك شيء..
وإن كنت ماقلت لك وين الطقم فلأن هذا الشيء ما يعنيك..
غادة بصدمة\مايعنيني..؟؟!
ليه تهديها وتهديني..؟؟راكان ليه كذا ليييه..؟؟!
راكان بحيرة\أهديت ميين غيرك..؟؟
غادة\لا تحاول تتوهني بكلامك..
أهديتني الخاتم وهديل اهديتها باقي الطقم..
لييييه تسوي كذا..؟؟
راكان أنت وش ترتجي من تصرفك..؟؟
راكان\مدري وش أرتجي..؟؟
أنتي خبريني وش أخطط أنا..؟؟
غادة\الاجووبة عندك مو عندي..
راكان بجمود\طيب أجاوبك..
أنا لما عطيتك الخاتم وش قلت لك..؟؟
غادة\....................... ما اذكر نسيت..
راكان\مو قلت لك وصلت الأمانة..
ولبستك إياه بيدك..
غادة\إيـــه..
راكان\الخاتم مو مني يا غادة..
كل الهدايا اللي جبتها مني بس الخاتم لا..
الخاتم عطاني إياهـ غازي يقول من هديل..
وباقي الطقم طلب مني أعطيه جدتي..
تحفظه لهديل لحتى ترجع لاهلها..

غادة بصدمة\من هديل..؟؟!
راكان بجمود\إيه يا محترمة من هديل..
ولو فرضاً فكرت انا اهدي هديل شيء..
صدقيني ماراح اقدر..تدرين ليه..؟؟!
لأن مافيه شيء يوصل مستواها..
وقبل لا تسوين دراما ومآسي..
وتفترضين إن هديل بخاطري..
أبيك تعرفين شغلة وحدة..
هديل أخت صغيرة لي من قبل لا اتزوجك أو أحبك..
وبعد اللي سواهـ سلمان وهادي فيها..
كبر قدرها وصارت تستاهل نحفى لها كلنا..
وهذي هي أهدتك وأنتي توجعينها من وراها..
المهم لا تعرف هي بأفكارك..كفاية مافيها..
وياليت تكبرين عقلك شوي..
وصدقيني ياغادة لو ماكنتي حامل..
كان بيكون لي تصرف ثاني معك..
بس مقدر حالتك ونفسيتك..

أبتعد عنها وطلع من الجناح معصـــب..
حطت يدينها على فمها تمنع شهقاتها ونحيبها..
جلست على الكنبة بضعف..
وهي تحس برجفة قووية بجسمها..
كلامه يتردد في بالها..
هدية من هديل..
من اختي الوحيدة..
اختي اللي تغربت وأنحرمت منا..
أدركت إنها مقصرة كثييير في حق أختها..
ياما تمنت رجوعها من المووت..
ولما رجعت لهم حية..
أحتضنتها اول ايامها..
وبعدها لهت عنها في حياتها ووحامها..
وهي كانت تشوف وجعها اللي تحاول تخفيه..
تشوف جرحها من هلها اللي صادين عنها..
وكم مرة سمعتها تتكلم بمرارة وضيق..
ماسألتها ليه تبكي..؟؟
ليـــه ضايقة ومكتئبة..؟؟
كانت تخاف من الإجابة..
حالها حال أبوها واخوانها..
كلهم خافوا من إجابتها المخفية عنهم..
صدقوا كذبتها الظاهرة..
واوهموها إنهم مصدقينها..فضلوا نفسهم عليها..

بكت بنحيب وهي ضامة نفسها..
وحست بشوووق كبيير لهديل..
لأختها المغدوورة من هلها ومن الزمن..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛


تكفى يابو قلبي وعمّه وخاله
تكفى يابو كل الجروح القديمه
تكفى تعزيني بجرحن بقاله
في خاطري مثل انتظار الهزيمه..


عقدت حواجبها بإنزعاج..
فتحت عيونها بتعب وضيق..
ناظرت حوالينها وتذكرت هي وين..
لازالت بغرفتها في الفندق..
بس ماكان هذا هو وضعها..
رفعت يدها لجبينها..
وأنتبهت لوجود بلاستر على كفها..
ولابسة قميص وردي طويل..
آخر شيء كانت لابسته هو روب الحمام..
جلست لما أنفتح الباب ودخل مسفر..
أبتسم لها وهي صدت عنه..

مسفر بهدؤ\صبـــاح الخير..
خلود\.....................
مسفر\الحمدلله على السلامة..
بصراحة صدمتيني..كنت أظنك عاقلة..
بس تصرفك أثبت العكس..
خلود\إطلع برا..
مسفر\خلود أنا ما ابي منك شيء..
كل اللي أبيه راحتك..
خلود بغصة\راحتي أرجع لامي..
وماتدخل غرفتي ولا تلمسني..
ولا توهمني بكذبة أنت بطلها..
مسفر\دخلت غرفتك لاني كنت خايف عليك..
يومين ماطلعتي من الغرفة..
حرمتي نفسك الأكل والشرب وكان بيصيبك جفاف..
إن كان لك رأي عبري عنه..
بقول أو فعل..بس ماهو بهروبك وإنهزامك..
خلود بقهر\إطلع برا..ما ابيييك في حياتي..
أبي ارجع لامي..
وأنت بتشوف كيف راح تعاقبك على خداعك لنا..
مسفر\لازلتي تلعبين دور الضحية..
أمك عندها خبر انا من أكون..
خلود بصدمة\أمـــي..؟؟!!
أمي أنا تدري عنك..؟؟
مسفر\إيه تدري..
هي مارضت اتزوجك بخدعة..
بس أنا اقنعتها..

وقفت وهي ترتجف من التعب والقهر..
قربت منه غير مهتمة بلبسها وشكلها قدامه..
خلود برجفة\خذيت مني أبوي..
وخليت امي تخدعني..؟؟
أنت مين دخلك حياتي..؟؟
ليه متسلط علي..؟؟وش تبي منـــي..؟؟
مسفر\قلت لك ..أبي راحتك يا زوجتي..
خلود بغيض\ماني زووجتك..
ومالك حق تلمسني وتبدل ملابسي..
مسفر برفعة حاجب\كان لازم البسك..
لأن الطبيب يبي يفحصك..
خلود بقهر\ما ابي طبيب ولا هم..
مالك شغل فيني..
إنت مو زوجي..
ماكنت على بينة لما تزوجتك..
خدعتنييييييييي..خدعتني..

تراجعت لما قرب منها..
منع نفسه لا يلمسها ويخوفها منه..
مسفر\أنا زوجك يا خلود..
أنا الشايب وأنا الشاب..
إذا حابة اردد هذا الكلام الحين وبكرة ماعندي مانع..
خلود بغصة\أنت النذل مسفر..
وخالتك النذلة الخاينة مرام..
ليييه نصبتوا علي..؟؟
لأن مالي أب..ماعندي عزووة..؟؟
لو أبوي حي ماكنت بتخدعني..
ولا كان بيسمح لك تجرحني..
بيمنعك تقهرني ..
مسفر بحنية\الله يرحمه..
خلود تبكي\مــــات..!!
قدام عيوني..وبين يديني..
قتله ببرود..طعنه بقسوووة..
ضربني لما كنت ابي ادافع عن ابوي..
ككـــ...كــ ....ـــان فيه ثنين..واقفين بعيد عنا..
ماساعدونا..كانوا يتفرجون على ابوي وهو ينقتل..
ابن الحرام هرب..وأنا اضم ابوي..
ماعرفت كيف أتصرف..؟؟
كان ينازع ويطلبني أذكر الشهادة..
ماقدرت..وكاني أقدر أمنع الموت عنه..
ضغط بيدينه علي بقووة..يصرخ وروحه تطلع..
حطيت كفي على أذني..واقوله ماراح تموت..
كيف تموت وتخلينا..؟؟أنت ابونا لاتموت..
بس مارضى يظل معنا..
مات..
لأنه طالع مشوار مع بنته مات..
لأن القاتل مطرود من وظيفته قتل ابوي..
لأن أنـ.....................

حط يدهـ على فمها بلطف..
منعها تكمل لوم وتفسير غلط..
مسفر بهمس\ولأن هذا قدرهـ مات..
قدرهـ يموت مقتول..
وقدرهـ يموت بين يدينك انتي..
قدرك تكونين آخر من يحضنه ويضمه..
قدرك أنتي تسمعين آخر كلماته ..
خلود بإنكسار\أبووي مات..
مسفر\الله يرحمه..
خلود تبكي\كان طيب..
مسفر\ذكرهـ حي..واعماله تشهد عليه..
خلود بحسرة\ليييه خذيت الطيب اللي يشبه ابوي..؟؟
لييييييييييييه..؟؟
مسفر بحدة\الطيبة ماهي بس لـ الشواب..
أنا الشايب وانا الشاب..وبأظل أرددها..
أنا الطيب اللي تبينه..والشيب كان قناع..

ضمهاوهي تبكي ..
تتذكر كل تفصيل مر عليها بلحظة موت ابوها..
كرهت كل الرجال..
واحد قتل أبوها..وثنين ظلوا يتفرجون عليه وهو يموت..
وحتى لما هرب القاتل..
ظلوا واقفين بمكانهم ..
ما ساعدوها فيه ولا ذكروا له الشهاده قبل يموت..
واللي طلبوا الصلح بدم ابوها رجال..
واللي قبل الصلح بعد رجال..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛

تذكرِينْ !!

الليلْ ، اللهفَه ،السَهر ،،
السُوآلفْ ،وَالحَنيــنْ !

تَذكرِينْ !!

البَرد ، وَ المِطر ..
وَ رِيحْ العِطر ..
الليْ بِـ كفُوفك .. » سجِينّ !

تَذكرِينْ .. الوصَايآ
.................. وَ الوعُود ..
......................... وَ حلفْ اليَمينْ !
.......................................... « مآ نتفآرقْ ! »
وانْ تَفآرقنَآ :
إمآ أجِي , والآ تجِينْ !

تذكرِينْ !!

تَذكرِينْ الوَدآع !!
الليْ وَصفتِيه بِ ' ضَيآع '
وَ طآرِيْ الفَرقآ آ
اللِي كِنتيْ .. تكرِهينْ !

تذكِرينْ هَذآآآك .. الليّ يَنوووووومِك ..
وتُوعدِينَه .. فِيه بِ تَحلمِينْ !!

يَــا عزّتيْ لَه !
هَذا هُو بِ كلّ حَيله
( يَصرخّ ) وآنتِي , ولآ تَسمعِينْ ..

كنتْ آسولِف لِك ..
وكنتِي تَخجلِينْ ..‘

يَوم اشّر لكْ علىَ صدرٍيْ ...
وآقُول :
........ منْ هُو هِنآ !!
..... مَن هُو هِنآ !!

كنتْ انآظِر فِيْ عُيونك ...
ومنْ خَجلك ... تَغمضِينْ !

وَ هذِيْ اللّيلهَ آسولِف لِ الغيآبّ
كآنتْ هِنآ ..
كآنتْ هِنآ ..
كآنتْ هِنآ ..

ولِ الأسسَسسفْ ...
مآتسمعيـن ... !! ‏

تذكِرينْ هَذآآآك .. الليّ يَنوووووومِك ..
وتُوعدِينَه .. فِيه بِ تَحلمِينْ !!

تَذكرِيييييينْ .... !
البقية: . . . تذكـريـْـنْ ..؟؟!!


جالس على البلكونة..
وعلى نفس المقعد اللي ضمها معه ..
يتذكر آخر ليلة لهم في البلكونة..
يذكر لبسها..عطرها..
خجلها طاغي عليه خوفها..

يذكر بكاها وهي تحكي له عن مآسيها..
عن هربها منه..
عن صدمتها في خبر موتها عند أهلها..
وحكت له عن حملها..
وكيف عرفت إنها حامل ومتزوجة..

غمض عيوونه وهو يسترجع ريحة عطرها بشالها..
عطرها اللي ذوبه فيها اكثر..
ولما طلبها تنام عندهـ مارضت..
يشكرها في قلبه لأنها مارضت..
لو وثقت فيه ماكان بيتركها..

أبتسم وهو يتذكر خجلها منه..
لما يناظرها بوله..
يحرجها وتطلب منه مايناظرها..
يعند وهي تغمض عيونها خجلانة..
ولما صرح لها إن حلمه بحجم حمامته اللي يعشقها..
صدت عنه تخفي معالمها عنه..

ضم وشاحها على وجهه..
ويتمنى لو يعرف هل هي حلمت فيه..
قال لها إحلمي فيني يا أغلى من سكن قلبي..

ناظر الورقة اللي بيدهـ..
مكتوبة بخط يدها..
قبل ولادتها بذياب..
كتبت الرسالة له..

كانت تظن إنهها بتموت..
كتبت رسالتها له هو..
مو لأبوها ولا امها..
ولا حتى ولدهـــا..

لجلموودها القاسي..
رسالة وداع..إعتراف..حرمان..

أول مرة قرأ الرسالة ..
انصــــــدم ..
ماتوقع يكون له هذا المكان بقلب هديل..
كانت اكبر طموحاته إبتسامة كاذبة منها..
راضي بأي شيء تقدمه سواء قسوة او رضى..
المهم تظل معه..

صار يدور في مكتبه..
ويحس بطيييش كبيير يتحكم فيه..
كان بيروح لها يواجها برسالتها ويقول كافي صد ..
أحبــــك حبيني..

بس هو واثق إن هديل ماتبيه يعرف اللي برسالتها..
تبيه يعرف إذا كانت ميته..
بس مادامت حية فإعترافها بـ الرسالة راح يجرحها وبتهرب منه بدون رجووع..



نهــــــــاية البارت ,,


كونوا بـــــــــــــــخير ...


صدووود’’’



,

السلام عليكم ورحمة الله وبركاته ....


مســــــــــاء الرضى من رب العالمين ..

غالياتي الأحوال الجوية عندنا جداً سيئة..
والكهرباء تنقطع كل ساعتين..
إذا تأخرت عليكم أعذروني..
بس البارت الأخير راح يكون موجود بإذن الله قبل الفجــــــــر ..

فـــكونوا بخيــــــــــــر حتى اللقاء ,,


البـــــــــــــارت التـــــــــاسع والثمــانون ,,


يا دميتي: حاصرتني الأربعون مدى
مجنونة...وجراحا أدمت العمرا..
فمن يرد لي الدنيا التي انقشعت
ومن يعيد لي الحلم الذي عبرا؟..
ما الشيب أن تفقد الألوان نضرتها
الشيب أن يسقط الإنسان منحدرا..
وما بكيت على لهوي ولا عمري
لكن بكيت طهري الذي انتحرا..

المرحووم بإذن الله تعالى غازي القصيبي...


ياشوق تكفى لا تخليه يرتاح
ياشوق تكفى داعبه في غيابي..
خله يحس إني معه وين ماراح
خله يحس اشلون لذة عذابي..
عطر الفراق اللي مع غيبته فاح
عطرت به جرحي بس باقي ثيابي..


دخلوا المطار تسمع هادي وصوفي يتكلمون أو يتهاوشون..
بس ماتدري وش يقولون ..
كل بالها في مكالمتها مع أمها قبل تنام..
ألتفتت على صراخ ذياب وصوفي..
أبتسمت لما شافته مدخل يدينه بشعر صوفي..
ويسحبها على تحت..
طنشهم هادي واخذ أوراق الحجز..
قربت من صوفي اللي تصرخ على ذياب وتهددهـ..
صوفي\وولفي أيها الغدار..
ألا تعلم من انا..؟؟أتركني قبل أن تصورني الصحافة..
يارثت الثياب ابعدي ذئبك عني..
هديل بعتب\ذيب يا ورعي..فك شعر العصلاء..
لاتفضحنا فديتك..يمكن يتهمونك ..
صوفي بقهر\وجع..
هديل\يوووجع العدوو..

شالت ذياب بحضنها وابعدته عن يدين صوفي..
اللي حاولت تسحبه وتعضه..
صوفي\لو كان إبني لعاقبته..
هديل\هو إبني..فلتنجبي لك طفلاً..
وعاقبيه كما تشائين..
صوفي\وجع..
هديل تبتسم\سأشتاق لك..
صوفي\آسفة لأني سلمته أشيائك الخاصة..
ظننت بأنكما عدتما لبعضكما..
هديل بهدؤ\سنكون بخير ذات يوم..لاتقلقي..
صوفي\كلام غير منطقي..
هــ أنتي تهربين منه مرة أخرى..فمتى ستكونان بخير..؟
هديل بغصة\عندما يكتب الله ذلك..
صوفي\لمن ستعودين هناك..؟؟
هديل بضيق\يكفي صوفي..
صوفي\لماذا تهربين منه وأنتي تريدين البقاء معه..؟؟
هديل\لاتتدخلي باموري..
فلم اعاتبك لأنك عدتي لماكس..
وهو كان مذنباً مثل غازي..
صوفي\عدت إليه لأني كنت خائفة أن اترك الإسلام..
عندما اسلمت كنتي معي ولم اشعر بــ الخوف..
وبعد رحيلك أصبحت وحيدة..
فكل من هم حولي يعتنقون ديانة غير الإسلام..
لازلتي بيننا ديل..
هديل بآسى\حان وقت الرحيل..
وداعاً صوفي..

أبتعدت عنها وقربت من هادي..
جلست على مقاعد الإنتظار..
كلام امها..وكلام صوفي..
وكلام روحها يحاصرها..
مابتنسى الغصة بصوت أمها وهي تكلمها عن غازي وعن حياتها..
عاتبتها ليش ماتكلمها ولا تسأل عليها..

ام علي بحنية\لاتظنين تصرفي رفض لك..
كنت ابيك تاخذين قرارك بقناعتك..
هديل\أي قرار يومه..؟؟
ام علي\حياتك مع غازي..
هديل بزعل\بس كلكم تعرفون قراري..
قلت لكم يتعالج ذياب وارجع لكم..
ام علي بغصة\وأم ذياب عالجتيها..؟؟
هديل تتنهد\مالها علاج إلا بحضنكم..
ام علي\رجعتي لنا..ولازدناك الا وجع..
إصدقيني القول ياهديل..يحبك..؟؟
هديل تبكي\بجنون يومه..
ام علي\تحبينه..؟؟
هديل\ولاشوي..
ام علي\كذآآآبة يابنت أمك..
خذاك وانتي صادقة ولما رجعتي مالقيت منك الا الكذب..
هديل بشهقة\يووومه لا تظلميني..
ام علي\قلتي ماعمرهـ جرحك ولا أذاك..
وانتي كذابة ضربك وجلدك بـ السووط..
هديل بجمود\اللي قالك هذا الكلام كذاب..
ام علي\ادري إنه كذاب..
تبين تدرين من قالي هذا الكلام..؟؟
أنتي يا هديل اللي قلتيه..
هديل بقهر\لا ماقلته..ماقلت لأحد شيء..
ام علي\قلتي يومه قلتي..
وشاقهتي باسمه وقلتي إنك تحبينه..
هديل تبكي\والله ماقلت..
مستحيييييييل اقولها والله ماقلتها والله..
ام علي بحسرة\تذكرين لما كنتي تعبانة..
وأخذك علي الشرقية..نمت عندك وأنتي مو حاسة بـ الدنيا..
كنتي محمومة وتهذين..قلتي لي عن ضربه لك..
وعن ولادتك وقلتي إنك تحبينه..
هديل بعناد\ولاشيء من اللي سمعتيه صح..
مريضة ماينوخذ بكلامي..
لاضربني ولا أحبه..كله كذب..
ام علي\دامك قررتي ترجعين لأمك..
فوالله ما أردك..تعالي يابنتي الكذابة..
أغلى وأعز من يلفاني..

أنتبهت على صوت هادي يناديها..
وقفت وقربت منه..
هادي\يالله ينادون على رحلتنا..
هديل بغصة\هادي لمن برجع أنا..؟؟
هادي\ترجعين لنا..لهلك..
هديل\بس أنا رجعت لكم..
بس مالقيتكم..دورت عليكم..
في ملامحكم في حياتكم..في بيتكم الجديد..
دورت على هلي اللي ابيهم..بس مالقيتهم..
هادي برجاء\هديل تكفين..لاتضيعين منا مرة ثانية..
تعالي معي..لازم نطلع الطيارة..
هديل بغصة\جربت حياتي معه ومن دونكم..
كانت صعـــــــبة كثييير..
عشت من دونه ومن دونكم كانت حياتي مآآآساة..
ورجعت لكم عشت معكم ومن دونه وكانت ضيـــــــاع..
ولما رجعت له ماصد عني مثلكم..
شريتكم وصديتوني..شراني وصديته..
أنا ما ابييكم..أبيـــه هو..
هادي بضيق\كنا مصدومين من كذبت موتك..
من رجوعك ومعك ولد..من كل شيء..
تعذري لنا يا قلبي وإرجعي..
هديل بآسى\وأنا أنصدمت كثير..
من هربك..من غازي..من دفن ابوي لي وانا حية..
من سنين غربتي..ومن رجوعي لكم..
واكبر صدماتي كانت صدكم لي..
هروبكم مني كل ماشفتوني..
خجلكم من رجوعي وكلام الناس عني..
كل شيء صدمني..بس ماعاقبتكم..
ولا عاتبتكم على أوجاعي..
هادي يمسك يدها\خلينا نرجع...تكفين..
هديل تبتسم\تخليتوا عني..بس هو ماتخلى..
بأرجع ياهادي إن شاء الله بأرجع..
بس مع زوجي..فمان الله يا أخوي..

قبلته علة جبينه وكتفه..
أبتعدت عنه واشرت له بيدها تودعه..
كانت تبتسم من دون ماتحس بألم في وجها..
تبتسم من قلب وضمير..
راضية بقرارها ومقتنعة بمصيرها..
أبتسمت لاتجامل هادي ولا توهم نفسها..
صدت عنه وهو واقف يناظرها..
وطلبت من صوفي تاخذها لشقة غازي الخاصة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛


اطوي الجديلة في كفوفي وهي ليل...
ولامن طويت الليل صار الجديلة..

ناظر جديلتها بحنين..
وتمنى لو يقدر يحبس صاحبتها في صندوق..
مثل ما يخبي الجديلة..
تكلم مع الجديلة بضيق..
غازي\ماهي وفية مثلك..
متمردة حاقدة على العالم..
وعلى نفسها ..
ما ابيها ترجع..بس أبيها تكون بخير..
رجعت لهم وهم مايستاهلونها..
لا ياجديلتها مايستاهلونها..
أبيييييها تكوون بخير..

رجع الجديلة ونام على فراشها..
اليوم هي بتسافر..
بترجع السعودية مع اخوها..
بتهرب منه بعلمه..
منع نفسه بـ الموووت مايتعرض لها..
ولا يروح روما قبل ماتسافر..

غمض عيونه ..
وبصوت هامس صار يردد كلامها في الرسالة..
حفظ رسالتها بكل كلمة وكل حرف..
كل ما تخيلها قدامه يسترجع كلمتها اللي يعرف إنها مستحيل تقولها بوجهه..
أبتسم على آخر جزء من رسالتها..
وهمس بصوت عتبان\ودامني هذا كله..
تعذبيني بفراقك ليه يا اطهر ذنوبي..؟؟

تذكر موقف صار له معها..
جننته بكلمتها وثقتها فيه..

كانت واقفة على سور البلكونة الخاصة بـ الملحق..
أنصدم لما شافها واقفة بهذا الشكل..
قرب منها مايبيها تحس بوجودهـ..
كان ناوي يمسكها قبل ترمي نفسها..
خاف تكون هذي محاولت إنتحار..
أنتبه على جسمها يتحرك بجهته..
رفع يدينه ولمها له بقووة ومنعها توصل الأرض..
ناظرها مصدوووم من تصرفها..
ولاحظ إبتسامة باهتة على وجها..
نزلها على الارض معصب وناوي يعاقبها..
غازي بغضب\ليش رميتي نفسك بهذا الشكل..؟؟
هديل بهدؤ\لأني واثقة إنك راح تمسكني..

صدت عنه بعد كلامها ورجعت القصر..
وهو ظل واقف بمكانه كلمتها له جمدته..
تثق فيه..
يعني ترتاح بوجودهـ..
تثق إنه موجود دائماً عشانها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


ودي ادري هي حياتي إختياري..
أو اختيارك..
ودي انسى..
ليلة وعدك..انسى وعدك ما احبك..
وش يضرك لو أخونك مرهـ..
واختارك عليك..؟؟


خجلانة منه كثييير..
من اول ماوصلوا ماليزيا وهي تبكي وتنهار..
فقدت الشايب وكأنها فقدت أبوها من جديد..
عدلت ملابسها وقررت تطلع وتتكلم معه بهدؤ..
بتطلب منه يرجعها السعودية..
زواجهم غلطة منها ومنه..
ناظرت بجوالها وأنتبهت على إتصال مرام..
قفلت الخط ..
وأتصلت على أمها..

ام خلود\هلا والله..
خلود بغصة\هلا يومه..كيفك...؟؟
ام خلود\الحمدلله حبيبتي..أنا بخير ..
وأخواتك واخوك طيبين..
طمنيني عنك يا بنتي ..
خلود\الحمدلله..
بارجع لكم قريب..
ام خلود\ليش يومه ترجعون..؟؟
خذوا وقتكم وتعرفوا على بعض..
شهر العسل مابينعاد..
خلود\أنتي تدرين إن زوجي ماهو شايب..
وهذا غش وغدر..أنا باطلب الطلاق منه..
أنتي أمــي ومهما جرحتيني مالي حق أعاتبك..
خدعتيني معه ومع خالته..وتظلين أمي وتاج راسي..
أنا راجعة يومه..
ام خلود بحدة\خلووود..
لاتجنين على نفسك أكثر مما جنيتي..
يومه انتي يحق لك تعيشين وتفرحين بحياتك..
أذكر وانتي اكيد تذكرين كيف أنبسطتي إنك راح تتزوجين الشايب..
بس الشايب كان يدري إنك بقرارة نفسك تدرين إنه شاب..
وقالي عن هذا الشيء..قال خلود تعرف بس رافضة تصدق..
يابنتي أنتي أخترتي تكملين معه حياتك..
سواء شايب أو شاب..ما احد خدعك ولا غدر فيك..
صدقتي وهم وحن ساعدناك تحققينه..
خلود بزعل\هذا ماهو كلامك..
ام خلود\إيه هذا كلام زوجك..
يابنتي الرجال طيب ولو ماكنتي تهمينه ماكان بيمثل عليك..
لو غيره بيقولون مجنونة ويهربون منك..
خلود تبكي\يومه ما ابيييه..
ام خلود بصبر\عطيه فرصة وعطي نفسك معه..
تعرفي عليه وعلى أخلاقه وطيبته..
إن ضايقك أو غلط عليك أجيك بنفسي واخذك منه..
يابنتي لا تهدمين فرحتك..
أنتي خايفة تفرحين معه وتعيشين مبسوطة..
تخافين لا تفرحين وابوك مات بحضنك..
يوومه الدنيا ماهي عامرة..
بكره كلنا بنشرب الكاس اللي شرب منها ابوك..
بنرجع لربنا اللي خلقنا..
وأنا ما ابيك ترجعين لربك وانتي قانطة من رحمته..
القنووط من رحمة الله ذنب ياروح أمك..
لنفسك عليك حق يا خلوود..لا تخلين نفسك تشكيك عند ربي..
الظلم ماهو زين حتى لنفسك مايصير تظلمينها..

قفلت الجوال من أمها..
ولاقدرت تتحكم بدموعها..
كلام أمها كله صح..
ماتبي تعيش مع مسفر عشان لا تفرح..
تبي تظل تعيسة وحزينة على طول..
تبي تظل بحداد على أبوها اللي مات مقتول..
مات ينازع بين يدينها..
ظلمتي نفسك كثير يا خلود..
لاتجنين على حالك..
لنفسك عليك حق يابنتي..
الظلم حرام لاتظلمين..

كتمت نفسها بـ القوة لما شافته يدخل الغرفة..
وقفت بسرعة تبي تهرب منه لدورة المياهـ..
قطع عليها الطريق ومنعها تمشي..
كانت منزلة راسها وكاتمة عبرتها..
أرتجفت بخوف لما حست بيدينه على خصرها..
كانت بتتراجع بخطواتها لكن منعها..
قربها منه لحتى لامس وجها كتفه..
نزل راسه وهمس لها..
مسفر بهمس\أبي أحس إنك معي..
من وصولنا ماطلعتي من الغرفة..
ما ابيك تتعبين من قل الاكل..
تعالي تعشي معي..
خلود بخوف\ممـ......مــ ــا اببي..
ببــ ـأنام..

رفع راسها له وعقد حواجبه لما لاحظ أثر دموع..
مسك يدها ودخلها دورة المياهـ..
فتح الماء وغسل وجها بيدهـ..
ظلت متجمدة من دون اي ردت فعل..
أخذ منشفة صغيرة ونشف وجها بهدؤ..

كانت ملامحها ناعمة وجميلة..
ولازالت آثار البكاء محفورة فيها..
لاحظ شفايفها ترتجف بخوف..
أبتسم بخبث وقرب منها أكثر..
وقبل يلمسها أبتعدت عنه وطلعت من دورة المياهـ..

خرجت من الغرفة وهي تتنفس بصعوبة..
جلست على الكنبة خايفة من قربه منها..
تعاتب نفسها ليش ماهاوشته أو ضربته..
صرخت بخوف لما جلس جنبها وحط يده على كتفها..
مسفر\هههههههههه بسم الله عليك..
كل هذا خوف مني..
خلود\ما انتبهت عليك..
إبعد عني..
وقفت بسرعة وهو مامنعها..
جلست بكرسي منفرد وعينها بعيونه..
مسفر بهدؤ\بدلي ملابسك وخلينا نطلع..
تغيرين جو ونتعشى مع بعض..
خلود\ما ابي اطلع..
مسفر يمط كلامه\وحتـــى انا ما أبي أطلع..
أبـــــي أظل معـــك تعالي جنبــــي..

شهقت ووقفت..
لا لا ما ابيه..إذا طلعنا احسن..
ما ابي أظل معه لحالي والله لأعلم امي عليه..
خلود\وويــ وين بنطلع..؟؟
مسفر يبتسم\بنطلع وبس..
يــ الله لا تتأخرين..

دخلت غرفتها وقفلت الباب بس ماكان فيه مفتاح..
شاله بعد ما حبست نفسها في الغرفة..
بدلت ملابسها بسرعة واخذت عبايتها وطرحتها..
خجلت تطلع قدامه في ملابسها الضيقة..
لبست العباية في غرفتها قبل تطلع..

أبتسم لها برضى..
مسفر\خيبتي توقعي..
ظنيتك نمتي وطنشتي..
عقدت حواجبها..
وهي تدرك إنها خيبت ظنون نفسها..
لو كان تقربه منها صار قبل لا تكلم أمها..
كانت بتهاوشه وتطلب الطلاق..
راح لها بسرعة لما شافها تتراجع في خطواتها ..
وناوية ترجع الغرفة..
مسك يدها وطلعها من الجناح..
وهو يدرك إنها تحارب إحساس الخذلان اللي تملكها منه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛


قال : خون وقلت : والله ما اعرف !!
ولو عرفت اخون ما رضاها عليك

قلت : احبك ، قال : حبك من طرف
من طرف واحد وقلبي ما يبيك ..

قلت : اغيب ، وقال : لحظـة بعترف
كنت اكابر ، يرحم الله والديك ..


تشجعت وقربت منه..
كان جالس على الكنبة ويتصفح في اللاب توب..
جلست جنبه وهو تجاهل وجودها..
مسكت كم بجامته وظل مطنشها..
لاسحب يدهـ ولا التفت عليها..
سحبت الكم تحاول تجذب إنتباهه غصب..
واستمر هو في تطنيشها..

غادة بندم\أنا آسفة..انا غلطانة..
راكان\..........................
غادة بغصة\راكان والله متضايقة لأني زعلتك..
أدري اللي قلته وظنيته مو شوي..
وادري إن فيه مواضيع قديمة دفناها..
وانا رجعتها..بس ابيك تفهمني..
أنا احبك موووت..لما عسوولة قالت إن الخاتم لهديل مو لي..
أنصدمت من كلامها..وقلت لا هذا من راكان..
بس هي اكدت لي إن باقي الطقم عندها..
وكله هدية منك لهديل..
راكان بحدة\غادة اللي مثلك مايتكلم..
المفروض تخجلين من فتح الموضوع مرة ثانية..
غادة\والله خجلانة من نفسي ومنك ومن هديل اكثر شيء..
وتكلمت عنه لأني ما ابي يظل في خاطرك شيء..
إفهمني تكفى..

وقف وابتعد عنها..
وركز نظراته عليها بعصبية..
راكان بجمود\أفهم..؟؟
لو انا شاك فيك او مذكرك بشيء ماضي ماله اساس..
تدرين وش بتكون ردت فعلك..؟؟
بتصدين يا غادة ومستحيل تتفاهمين معي..
بتنسين العشرة اللي بينا وتدمرين كل شيء ..
مازعلت من غيرتك..بكثر مازعلت على هديل..

غادة تبكي\راكان بسسسس..
فكرت في الموضوع كثير واتعبني..
لا تنسى إنت قلت لي كلمة وشككتني كثير..
بس بعد ماعرفتك زين أدركت غنها كانت كذبة منك عشان تقهرني..

راكان بقهر\بدت تتبلى..
أتحفيني وش هذي الكلمة اللي ابد مانسيتيها..؟؟

غادة بغيض\مالك شغل..
وترى أنت ماتساعدني أعتذر منك..
ولاتسمح لي اوضح لك..

راكان\مو محتاج توضيحك..
لأني اعرفك زين..
واعرف معدنك واصلك..
بس ما ابيك إذا صار موقف تشكين وتقولين خوان..
وإذا صار وخونتيني..
خونيني مع كل العالم إلا مع اختك واختي..
فاهمة علي.؟؟!

غادة\كثر العتب يذبح القلب..
عتابك لي ما احبه..

راكان\أجل لاتجبريني أعاتبك..


وقفت ودخلت دورة المياهـ..
بكت وحاولت تكتم شهقاتها..
بس من كثر ماكتمت صوتها أنغصت بـ الهواء..
وبدت تسعل بصوت عالي لحتى استفرغت بتعب..

سمعت ضربه على الباب يناديها..
غسلت وجهها وفرشت اسنانها..
طلعت من دورة المياهـ ولاردت عليه لما سالها عن حالها..

نامت على سريرها وهي تحس بـ البرد..
ولاقدرت تتحكم في دموعها اللي تنزل من غير صوت..
حست فيه ينام جنبها ويضمها له..
راكان\والله احبك..وماتهونين علي..
أبيك تكونين مطمنة ومرتاحة..
ماهو عشاني كثر ماهو عشانك..

بكت بحضنه وهي تعتذر أكثر..
راكان\اممم طيب وين خاتمك..؟؟
غادة بلوم\خذته عسولة..
قالت إني سروق وانت سروق..
راكان\أفا تسرقنا..
ولا يهمك بكرة ناخذهـ منها..
غادة\ههههههههههه بنسرقه..؟؟
راكان بخبث\هي اللي بدت..
مرة ثانية ما تسرق الراكان..
غادة\فديييتهم ال راكان..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


حالة فُراق ~
و هم / و دمعة / و ضيقة !
مكسور" قلبي"
مات بإول شبابه ~
و الله ، غيابهـ ماني قادر أطيقهـ
الله " اييسر لا أموت .. بـ غيابهـ !
ودي بـ قربهـ
بس !
بعده حقيقهـ
شلون بـ أنكر / هم أو قسوة عذابهـ !
و دي بشوفهـ
حتى !لو بس دقيقهـ
ودي أشم عطره / و ألمس ثيابهـ !
القلب / حاير .. "
و المشاعر حريقهـ
الحال من بعده ، هموم و كآبهـ ~
يا من " يعلمني .. لـ وصلهـ
طريقهـ ؟
يا من" يوصل .. قلبي
لعند بابهـ ؟؟!!

لمت معطفه عليها وهي نايمة على فراشه..
وبيدها دفترها القديم ..
اللي ورثه بعد موتها المزعوم..
ورث كل حرف وكل آآهـ مكتوبة..
قرأت خاطرة كتبتها في دفترها اول ايامها معه..
لما كان يقول أنتي ملكي..أنتي جاريتي..

لا تطلبي حريةً أيتها الرعية.

لا تطلبي حرية…

بل مارسي الحرية.

إن رضي الراعي… فألف مرحبا

و إن أبى

فحاولي إقناعه باللطف و الروية…

قولي له أن يشرب البحر

و أن يبلع نصف الكرة الأرضية !

ما كانت الحرية إختراعه

أو إرث من خلّفه

لكي يضمها إلى أملاكه الشخصية

إن شاء أن يمنعها عنك

زواها جانباً

أو شاء أن يمنحها… قدّمها هدية.

قولي له: إني ولدت حرّة

قولي له: إني أنا الحرية.

إن لم يصدقك فهاتي شاهداً

و ينبغي في هذه القضية

أن تجعلي الشاهد… بندقية !

أحمد مـــــــطر ,,


أبتسمت لما قرأت تعليقه على خاطرتها بـ الصفحة الثانية..
ومن كلماته واضح إنه كتبها وهي ميتة له..

أيــــــها الرسام :
هل تسمعنــــــي ..؟!!

أعلم بأنك تسمعنــــي ولا تراني..
هل تريد أن تعرف من أكوون..؟؟
مجنونك الجلموود اكوون..

أيــها الرسام:
هل تذكر الفرشاة والألوان..؟؟
رميتها في قاع بحيرة مهجوورة..
مقيــدة بسلاسل الحــرمان..
ممزوجة بألوان الطوفان..

وتلك الرموز المنثوورة
يجهلها الإنسان..
تحرمها الأديان..
مطمورة حروفها بـ الأحزان..

هل تذكر تلك العيوون..
اللتي أردتني كـ المجنون ..؟؟

لماذا هذهـ القسوة أيها الرسام..؟؟
لماذا تمنع نفسك من معاودة الرسم ..
بـ الفرشاة والالوان..؟؟

أ لأني أنا الفرشاة والألوان..؟؟!
تحرمني منك أيها الرسام..

أعتذر منك يامن تعاني تحت التراب ..
فلقد إشتقت لتلك الأيام..
عندما ترسمني بتمرد الأطفال..
بقسوة الأحلام..

ليـــتك ماسلكت طريق الإنتحار..,,

بقلم\\الموعود ,,


قفلت الدفتر ورجعته تحت وسادته..
طريق الإنتحار..؟؟
أنا ما انتحرت يا غازي..أنت قتلتني..
وقفت عند الشباك تناظر المطر..
محتارة كيف تواجهه..
كيف تقوله راح أظل معك..
كيف تقوله ابيك وما ابيهم..؟!!

الخجل طاغي عليها..
منعها تفكر في طريقة تواجهه من دون إحراج..
هذي المرة هي بترجع له برضاها..
هو ما اجبرها تظل معه..
سمح لها تطلع من المزرعة وترجع مع اخوها..
سمح لها تختار..
هي أيام أبتعدت عنه وهجرته..
أدركت خلالها إن حياتها صعبة بدونه..
أعترفت لنفسها ولهادي..
إن غازي مستحيل يصدها مثل أهلها..
بتظل دائماً أهم اولوياته..
بتظل الأولى في قلبه في كيانه..
والأهم من كل هذا..
داوها بـ اللتي كانت هي الداء..

تبي تعيش من دون وجع وذكريات مرة..
تبي تنسى وتتناسى..
تبي تعيش معه هو..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ليّتنْي بحُضّنك طول الأيامْ مسّجون
وأقول حطوا من ورى القفل قفلين.
تلمني بالحيل ماقول بالهووون
حتى نصيرٍ بجسم واحد وقلبين..
مفتون بي وآنا بعد فيك مفتووون
وتقُول يآحبي وآنا أقووٍلْ لبيه...


نزلت الدرج وهي تحس بدوخة..
وانتبهت على راجح يناظرها بعبوس..
راجح\شكلك مو مطمني أبد..
رشا بهدؤ\تعبانة شوي..بأصير أحسن..
راجح\ضيوفنا على وصول..
ولا لك حيل تمشين..
رشا بتعب\لاتخاف انا بخير..
وضيوفنا مابيحسون بشيء..
راجح\لو طعتيني ورحنا المستشفى..
كان على الأقل أخذتي مغذي..
رشا بإختصار\خلاص ياقلبي أنا بخير..

سكت عنها وهو مو راضي بحالها ابداً..
لو ماكان عامر وهله على وصول..
كان بياخذها المستشفى غصب عنها..

رد على عامر اللي يسأله عن عنوان البيت..
وطلع يستقبلهم في الشارع..
دخلوا حديقة البيت..
ونزل عامر وهله..
سلم على راجح واشر لزوجته تدخل البيت..
ضيفه بـ الملجس الخارجي..
وعالية دخلت عند رشا..
أستقبلتها رشا ورحبت فيها..

رشا بإبتسامة\نورت السعودية..
عالية\منوورة بأهلها..
رشا\طمنيني عنكم..وعن الوالدة..
عالية\الحمدلله يسرج الحال..
كلنا بخير..مشتاقة لغازي وينه..؟؟
رشا\ألحين تنزله الخدامة..
يلعب بلاستيشن..
عالية بضحكة\وهـ فديت اللي يلعبون..
رشا\هههههههه يغلبني الملقووف..
عالية\عفية رشا ناديه..
رشا تبتسم\أبشري اروح أجيبه يشوفك..
عاد أنتي اسمعي الهواش والمضاربة..

طلعت الدرج ناوية تجيب غازي..
إللي دوم يهاوشها على البلاستيشن..
وهي تهددهـ ترميه إذا ماتعدل وترك إدمانه عليه..
كانت تفكر في طريقة سريعة تخلي غازي ما يصارخ ويبكي..
إذا فصلت اللعبة عليه..
تمسكت بحاجز الدرج وجلست بتعب..
وهي تحس بحريقة بكل جسمها..
سمعت عالية تناديها بخوف..
بس ماقدرت ترد عليها..
الدم تجمع براسها وأرتفع النبض بعروقها..
وفقدت وعيها ..

ركضت لها عالية وثبتتها لا تطيح ..
ماعرفت كيف تتصرف..
نادت بصوت عالي على غازي..
لأنها ماتعرف غيرهـ..
جاتها الخدامة تركض..
وساعدتها تنزل رشا ونيمتها على الكنبة..

طلعت العطر من شنطتها وحاولت تصحي رشا..
قرأت عليها ونفثت ماء على وجها..
فتحت رشا عيونها بتعب..
عالية\رشا..تسمعيني..
إصحي يابنت والله خوفتيني..
بسم الله عليج ويهج مابقى فيه لون..
رشا تبع\آآآهـ إيه أنا بخير..
أنــ..ــ شوي بس..
عالية\إهدي لا تتعبين روحج..
إرتاحي حبيبتي..

أخذت جوالها واتصلت على عامر..
تطلب منه يقول لراجح إن زوجته تعبانة..
وقفت بسرعة ولبست عبايتها نزلت نقابها..
لما سمعت صوت راجح يصوت..
ويعلمهم إنه بيدخل..

دخل وراح لرشا بسرعة..
قرب منها وهو يتطمن عليها..
راجح\وش فيك..؟؟
رشا\مدري بس مو قادرة اوقف..
احس بدوخة آآآهـ باستفرغ إبعد عني..

شالها ودخلها دورة المياه القريبة..
أستفرغت بوجع وبدت تبكي..
كانت تتأوهـ وتتالم..
غسل وجها ورجعها الصالة..
طلب من الخدامة تجيب عبايتها..
لمها عليها واعتذر من عالية..

راجح\السموحة يا أم لين..
حياكم الله..أنتوا هل البيت وحن ضيوفكم..
خذوا راحتكم وبنرجع قريب..

أسند رشا وطلعها من البيت..
ركبها السيارة وهي تبكي وتحس بضيقة..
أخذها لـ المستشفى ودخلوها غرفة المعاينة..

رد على عامر اللي سأله عن حال زوجته..
طمنه إنها بخير..
وحلف إن عشاهـ الليلة عندهـ ..
تعذر منه عامر وحالو يمنعه بس راجح صمم على عزيمته..
أتصل على رجال من عايلتهم ومن بينهم ابونايف..
وقال لهم إن عشاهم اللية عندهـ وغن غازي ولد سعود عازم خواله..

أنتبه على الدكتورة تطلع من عند رشا..
طمنته إن حالتها طبيعية..
والضعف اللي تحس فيه بسبب الحمل..
عقد حواجبه وهو يسمعها تكمل كلامها..
الطبيبة\اعطيتها إبرة مثبته مع إنها ماتحتاجها كثير..
بس بسبب النزيف البسيط اللي صار معها..
راح أوصف لها فيتامينات تساعدها بأشهر حملها الاولى..
بس هي لازم تزور طبيب ولادة طوال أشهر الحمل..
راجح يبتسم بصدمة\حامل..؟؟
الطبيبة\ايه حامل الله يقومها لك بـ السلامة..
ويتربى بعزكم..

دخل عند رشا وابتسم لما شاف حالها صار أحسن..
واللون الطبيعي رجع لوجهها..
راجح بمحبة\الحمدلله على السلامة..
كيفك الحين..؟؟
رشا براحة\الحمدلله صرت احسن بكثير..
راجح بفرح\مبرووك ياقلبي..
رشا تبكي\الله يبارك فيك..
لعب هلي وظنيت إني مو حامل..
راجح\أفا يعني كنتي شاكة..؟؟
رشا\إيه بس أستبعدت الحمل بعد النزيف..

جلس جنبها وقبلها بحنييية..
ثبت عيونه بعيونها وحط يدهـ على بطنها..
راجح\الحمدلله لكل شيء حكمة..
واخيراً يارشا..؟؟
رشا بإحراج\مسختها صح..؟؟
سبع سنين متزوجين..وتوني احمل..
راجح بهدؤ\لاتكونين ظالمة..
أول سنين زواجنا ماكنا متفاهمين..
والحين الحمدلله..

لمت يدينها على رقبته وضمته لها..
رشا\أحببببك والله..
راجح\ما ابي اتهور..
ترى ورانا ضيوف في البيت..
وعندنا عزيمة وش كبرها..
العزيمة خليتها بس رجال..
لأني اعرفك تعبانة..
ومابتقدرين على مقابل الحريم..

رشا بزعل\فشلة ضيفتنا في البيت لحالها..
راجح\من قال لحالها..
غازي معها والحين اكيد مطفرها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛

آآهـ لو تدرين..
لو تدرين..
لاعود العاشق حزين..
يمشي على جفن وجبيين..

طلع من المزرعة وترك الريف ..
كان يدري إن رحلتهم لـ السعودية كانت قبل يومين..
ناظر ساعته وتاكد إنها سافرت ..
بالموت قدر يمنع نفسه لا يروح روما ويمنعها من السفر..
يدري إنه يقدر يمنعها تسافر وتتركه..
بس ماقدر يجرحها ويجبرها اكثر..
قرر يتركها ترجع السعودية وتنفذ اللي في بالها..
حاول يقنع نفسه بإن الطلاق بيكون مصيرهم..
بس رفض الفكرة بكل تصميم..
مستحيييل يطلقها..أو يتخلى عنها..
ولو ظلت سنين ناشزة عنه وكارهته..
يكفيه إنها تحمل مسمى زوجته..
مايبي يقطع العلاقة اللي بينهم..
يحبــــها..
يبيها ترتاح وتعيش حياتها مثل ماتبي..
ماراح يتعرض لها ولا يتدخل بحياتها..
بيتركها مرتبطة فيه برابط الزواج..
وبيظل بعييد عنها..
ومصيـــر الحـــي يتلاقى..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


طلع من غرفة الجدة وهو يركض..
صرخ برعب لما شافها واقفة قدامه..
شهقت بعصبية ورفعت عصاتها تبي تضربه..
الجدة\يـ السروووق وش تسوي في غرفتي..؟؟
وقف وقف..وش سرقت ورني اللي بيدك اشووف يـ الله..
عبدالله بطفش\ياليل البعارين..
طيحتي قلبي في بطني..وش عندك عشان اسرقه..
وخري عن طريقي أنتي وعصاتك وخري..
الجدة ضربته على كتفه\طلع اللي مخبيه وراك يـ السروق..
والله ماتمشي حتى اشوف وش معك..
عبدالله\وش ذا الدكتتتتتاورية ؟؟
واحد مخبي شيء سارقه..ليه تتحرشين فيه..
أنا اللي سرقته ولا انتي..؟؟أنا اللي سرقت..
يعني المفروض يظل سر بيني وبيني ..
وخري من طريقي..
الجدة بغيض\تعقب ماتسرقني وراسي يشم الهواء..
وش سارق قروشي..ولا ذهوبي..
عبدالله\ياويلي ويلاااهـ ياميزانية الدولة..
قالت ذهوبي وقروشي..
الجدة\وعطب يعطب ظهرك..طلع اللي سارقه..
عبدالله\ياجدت أبوي الله يصلحك..
إن بعض الظن إثم..أنا موكل بمهمة..
سرية جدا..ما اقدر افشي السر..
الجدة بشك\مهمة في غرفتي..؟؟
طلع اللي معك يا عبيد قبل أمصع رقبتك..
عبدالله\لازم عنف..؟؟
ماتعيشين من غير عنف..
إلا ماشفتي هديل وش مسوية..
شوفي صورة ولدها..صاير قوطي طمام متكلم..

فتح جواله على مقطع فديو أرسلته هديل لعبدالله..
وكان ذياب يلعب ويتكلم كلام غير مفهوم..
الجدة\ياعساني فدوة لمنطوقه وزينه..
شف كيف هادي ويهبل ماهو مثلك يا قاطع الطرق..

رفعت راسها تدور على عبدالله بس ماشافته..
عنبوا ابليسه وين انقلع..
ولا عرفت وش سرق من عندي..
دخلت غرفتها تتفقد اغراضها ..
ولا شافت شيء ناقص..
ظلت تفكر وش يبي عبدالله من عندها..


أما عبدالله دخل غرفة غادة وهو يركض..
قفل الباب بـ المفتاح وهو يتنفس بقووة..
عبدالله\يـ الوغدة..إمسكتني جدتك وجدت ابوي..
كانت بتسويني حنيذ مضغوط..
هاتي الدراهم..ولا والله افضحك عندها..
واقول لها وش سرقت..
غادة\هههههههههه فدييييته..
هات الطقم..
عبدالله\تعقبين ما اعطيك لحتى تعطيني الدراهم..
غادة\باعطيك بس مامعي صرف..
تكفى عبيد هات الطقم..
عبدالله\لا والله..مخاطر بحياتي ودخلت قفص الأسد..
وسرقت طقم مدري وش فيه وتقولين مامعك..
أبد ألحين انزل لجدتك واعطيها الطقم..
واعترف بكل شيء..

سحبت غادة الطقم من يدهـ..
وضربته على كتفه لما كان بياخذه منها..
عبدالله\إحلفي بتعطيني اتعابي..
غادة\والله بأعطيك..
بس الحين إسكت خلني اشوف شغلي..

فتحت الطقم وابتسمت وهي تشوفه..
أخذت الخاتم ودخلته في إصبعها..
عبدالله يشهق\هئئئئئئئئئئئئ بتسرقينه..؟؟

طنشته واتصلت على هديل..
إللي ردت عليها من اول رنة..
هديل بحماس\هاه وش سويتي..؟؟
غادة\ههههههههه سرقته..
هديل\ههههههه كفوووو ..
والحين صوريه وارسلي الصوورة..
غادة\طيب بس باقي ماقلتي..
ليش تبين تشوفينه وانتي اللي أخترتيه..
هديل بكذب\لأني شايفه طقم حلو هنا ابي اخذهـ..
بس خايفة يكون يشبه الطقم الاول..
وانا نسيت كيف شكله..
غادة\تدرين إني مو مصدقتك..؟؟
هديل تبتسم\إيه ادري..
غادة\المهم رجعت اخذ الخاتم بعد ما شلحتني إياه عسوولة..
هديل\مدام الخاتم كان لك فحلالك..
بس والله لو كان مقصود لي ماخليتك تعرفينه..
غادة\عنبوا ابليسك خلي هديتك توصل..
كم هدية أهداك ماملت عينك..؟؟
هديل\مااالك شغل يهديني الف هدية..
ما ابي تاخذون شيء من هداياهـ..ابيها لي لحالي..
غادة\أقوول وينه عنك ياليته يسمع هذا الكلام..
هديل بخجل\بيسمعه أنتي مالك شغل..
أرسلي الصوورة..
غاد\أوكى يا حبي بارسلها لك..
هدوولة إنتبهي على اللي مكتووب تحت العقد..

قفلت الجوال منها وصورت الطقم..
وهي مبسوطة من مكالمتها مع هديل..
في البداية استغربت إنكار هديل لـ الهدية اللي ارسلتها..
ولما قالت لها إن غازي عطاها لراكان ويقول من هديل..
تغير كل كلامها وقالت ايه اذكر الهدية ..
بس ما اذكر شكلها وطلبت ترسل لها صورة عن الطقم..
أرسلت لها الصورة ..
وبعدها ناظرت عبدالله اللي يراقب الوضع بعصبية..
عبدالله\وش السالفة..
جدتكم سارقة طقم عجوز بريطانيا..؟؟
ولا وش مسوية كل هذي السرية على طقم..
غادة تبتسم\عبووودي تكفى رجع الطقم..
عبدالله\تبينها تذبحني وتعشي قطاوة الحارة من لحمي..
تعقبين ما ارجع الطقم..
غادة\تكفــــــى عبوود تكفى..
باعطيك دبل المبلغ..
عبدالله\لا تحاولين تغريني بفلووسك..
الحياة حلووة وجدتك بتاخذ حياتي..
غادة\أفا وانا اقوول عبيد رجال وراعي المهمات الصعبة..
أتاريك خايف من عصى عسوولة..
عبدالله بقهر\بلاااك ماجربتي عصى عسوولة..
ماتلسع إلا ظهري..
غادة\هههههههههه فديتك..
تكفى عبووود..ترى تكفى تهز رجال..
عبدالله بقهر\مسكتيني من خشمي اللي يوجعني..
هاتي الطقم بس من الحين اقولك..إذا صادتني قلت لها كل شيء..
غادة بنذالة\قوول لها وانا افهمها الموضوع..

أخذ الطقم ونزل وهو يراقب الصالة..
كانت جالسة تتلفت ويدري إنها تدور عليه..
دخل غرفتها بسرعة ورجع الطقم مكانه..
سمع صوت عصاتها جاية غرفتها..
ماعرف وين يتخبى منها..
دخلت وقفلت الباب وهو رفع يدينه يترجاها ماتضربه..
عبدالله\والله اقوولك كل شيء..
الجدة\ما ابي اعرف شيء..
اللي ابيه امدد عصاي على ظهرك..
عبدالله بتهديد\وخرررري تراني لما اعصب ابكي ..
الجدة\وش سرقت ياولد حنان..؟؟
عبدالله\لاتقولين اسم امي عييب..
وخررري..غااااادة وغغغغغدة..
الجدة\غووويد الغبراء خرجت لزوجها..
وقالت تسلم عليك..
عبدالله بقهر\والله اعلمك بكل شيء..
أنا بعدني صغير هم بنات ولدك غرروا فيني..
دلوني على طريق السرقة والنهب..سرقت من عندك..
وهم نجوا بفعلتهم..
الجدة\إخلص قلي وش سرقت من عندي..؟؟
عبدالله\هذا..

سحب الطقم من خزانتها ومدهـ لها..
خذت الطقم وفتحته بسرعة..
شهقت لما مالقت الخاتم..
الجدة\عبيد لابارك الله في العدو..
وين الخاتم وش سويت فيه.؟؟
عبدالله عند الباب\سرقته الوغدة قالت إنه خاتمها وانتي سرقتيه منها..
أعووذ بـ الله من كيدكن يـ النساء..
تسرقينه منها وتقولين لك وتسرقه منك وتقول لها..
الحمدلله إني رجال ماعندي كيد مثلك..

خرج يركض من غرفتها لما شافها جاية له ومعصصصبة..
خرج من البيت واتصل على غادة بس هي قفلت جوالها..
فأتصل براكان..
عبدالله\السلام عليكم كيف الحال..؟؟
الحمدلله أنا طيب وبخير..لا والله متعشي لا تحسبني معكم..
شف وأنا ولد ولد عمك زوجتك نذلة وشريرة وسروووق..
تدري وش معنى سروووق..لا ونصابة بعد..
سرقت ذهب جدت ابوي وطقت من البيت..
نصيحتي رجعها بيتنا الحين وطلقها..نصيحة من محب..
راكان\هههههههههههههههههههههه
أجل ماعطتك دراهمك..؟؟
عبدالله \أفااااااااا وأنت متفق معها..
هذي آخر تربيتي لكم تسرقوني..
راكان\ههههههههههههه
أبشر بدراهمك تجيك يـ الشايب..
بس صراحة الي وعدتك فيه عمتك الخبلة كثير..
وأنت بزر ينخاف من تفكيرك..
باعطيك ربع المبلغ مع إني اشووفه كثير..
عبدالله بعصبية\ربع المبلغ؟؟يعني خمسين ريال..
اقووول رجعوا خاتم جدت أبوي..
أنت وحرمتك السروووق..وولدكم السروق..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

همي كبر وانتي ابد ماكبرتي
يا اجمل من ايام الفرح في حياتي

شابت ملامح وجهي اللي هجرتي
كنت الوسيم ونور وجهك مراتي

أسهب زماني بالألم واختصرتي
كل ضحكةٍ بيضا تعانق شفاتي

ليه ابتسمتي لي وليه اعتذرتي
بنظرةٍ فيها حنين وشــماتي

بترجعيني طفل وان ما قـــدرتي
ودك اعيش العمر في ذكــرياتي

همي كبر وانتي ابد ما كبرتــي
يا اجمل من ايام الفرح في حياتي

البدر بن عبدالمحسن..


كانت جالسة غير حاسة بـ الوقت..
عيونها متعلقة بـ الجوال..
تشوف صورة الطقم اللي ارسلته لها غادة..
عرفت العقد من اول مافتحت الصورة..
هذا اول عقد اهداها إياهـ..
هذا العقد اللي لبسها وهي عمياء..
ناظرت بإصبعها وشافت الخاتم الخاص بغازي..
أبتسمت وهي تبكي..
وذكرى هذيك الليلة ترجع لها..
وتذكرت الفستان الأبيض والطرحة..
اللي شافتها بغرفتها لما صحت من النوم وهي تبصر النور..

ليه احتفظ بهذا العقد..؟؟
كان يظن إني مت ولا دله على جثتي الا العقد..
أحتفظ به يذكرهـ بموتي محرووقة..
رجعت لها حروفه لما كان يشكي لها عن حاله من دونها..
كيف عاش سنتين نادم ومتحطم لموتها..
قال لها أنتقمتي لنفسك مني..
عشت حي وأنا ميت..
كل ليلة اتخيلك تحترقين وانتي عمياء..
ماقدرتي تهربين ولا شفتي الموت كيف يحاصرك..
ندمت على كل كلمة على كل تصرف..

مسحت دموعها ورفعت راسها وهي تتنهد..
بعد ماقرأت المكتوب تحت العقد..
وجعهم كيييير..
هي وهو موجوعين من بعض بقووة..
ارسل العقد لـ بيتها قبلها..
لأنه واثق إنها بتتركه وترجع لاهلها..
واثق إنها بتصد عنه وعن قلبه..

"أما غرام يشرح الصدر طاريه ولا صدوود وعمرنا ماعشقنا"

ياليتك تدري إن لك في قلبي مثل شعورك هذا..
غرامك وحبك يتمني وقهرني..
تغلبت قسوتك على نبض أنولد لك انت..


ارتجفت بخوف وهي تحس بنفس ثاني يشاركها المكان..
روح تذووب بأنفاسها..
ماشكت يكون ذياب لأنه نايم بسريرهـ ولا يقدر يطلع..
ألتفتت لجهة الباب الرئيسي لـ الشقة..
وقفت بصدمة..
وهي تشوفه واقف يناظرها بوله..
ماتدري كم مر عليه واقف ويراقبها..
وعتبانة على حالها كيف ماحست فيه لما دخل..

عيونه تتاملها بحنين..
ماتوقع ولا في أبعد أحلامه تكون موجودة..
كان يظنها رجعت السعودية ولا راح يشوفها ولو بعد سنين..
ماحست فيه لما دخل..
ولا انتبهت لوجودهـ..
ومادرت إن قلبه كان بيوقف من صدمته لوجودها..
ظل يراقبها تناظر جوالها وتبكي..
تهمس بكلمات ماوصلت لمكانه..
والحين عيونه في عيونها..
يلاحظ إرتجافها إرتباكها وخجلها..

ماتحرك من مكانه..
ولا هي تحركت..ظلوا يناظرون بعض بصمت..
أرعبها الصمت ونظرات عتاب او شوق او شيء يفووق إدراكها..
تمنت لو يصحى ذياب..
لو يصير زلزال او اي شيء يلهيه عنها..
بس طال وقوفهم وماصار شيء..

تكلمت بصوت مخنوق..
ولاتدري كلامها كيف أثر عليه ..
وقلب كل كيانه..
هديل\ماقدرت أبعد..
بين إيطاليا والسعودية قارات..
ماقدرت أخليها تفصل بينا..

تقدم عدة خطوات..
يبي يتأكد إنها موجودة..
وإنها فعلاً تتكلم معه هو..
كملت كلامها متغلبة على نفسها..
متغلبة على كآبتها وماضيها..

هديل بحنين\وش حياتي من دونك..؟؟
ما ابيـــها..كئيبة مظلمة..
أحس بغربة في غيابك..
واحس بوحدة ماتنطاق..

حس بخفقان كبير في قلبه وهو يسمعها تعترف..
يسمعها تتعذر لسبب وجودها في شقته..
ماقدرت ابعد..ماقدرت اخلي القارات تفصلنا..
بأظل معك..!!
ذاب قلبه على صوتها المبحوح من البكاء..
على عيونها الدامعة..
وعلى رجفتها الخانقة لرووحه..

هديل بآسى\ما ابي اعيش من دونك..
أنا ضايعة من حالي..

يدري إنها تنتظر منه رد..
تنتظر كلمة منه تشجعها..
تطمنها إن حاله من دونها يشبه حالها..
ماقدر ينطق..
أنهزم الكلام..تجبر الصمت اكثر..

فتح يدينه لها..
يطلبها ترجع له..
ترتمي بحضنه وترد روحه له..

حركته بفتح يدينه لها عذبتها اكثر..
مثل ماتوقعت مستحيل يصد عنها..
وهي اللي كانت هاربة منه وصادة عنه بجفاء..
صادة عن حبه عن قلبه ..
هو الوصل وهي الجفاء..

بكت بصوت مخنوق وراحت له بخطوات تعبانة..
وقفت قدامه وعيونها بعيونه..
رفعت يدينها ولمتها على رقبته بقوووة..
ضمته لها وهي تنتحب بصوت عالي..
لم يدينه حوالينها ورفعها له..
بحيث صار راسها مساوي لراسه..
ضمها له بحنية بحب..
بتملك وعشق مايملكه الا قلبه..
همس لها بكلمته المعهودة..
كلمته اللي يقولها لها بلحظات وهي تنهار..
غازي بحب\ياغرامي وصدودي..
احبــــك عنهم كلهم..





نهــــــــــــاية البارت ,,


إلــــى الملتـــقى في البـــــارت الأخير ,,,
إلـــــــــى مرسى روايتنا ..



كونوا بخيـــــــــــــــــــــــــر ...




صدووود’’’

الســــــــــــــلام عليكم ورحمة الله وبــــــــركاته ,,,


صبـــــــــــــــــــــــــاح \\

الوصــــــــــول إلـــــــــــى بــر الأمـــــــــــان ...


أحبتـــــــــــــــي ::

اليوم يتملكني حزن كبيـــــــر لفراقكم..
سأشعر بــ وحــــدة وغربة دونكم..
فلقد كنتم خير إخوة واحبـــــــة..
قد التـــقي بهم في دوامة الدنيــــــــا ..

اليـــوم بإذن الله تعـالى سترســـوا سفينتنا ..
بعد إبحــــــــار دام اشهـــــر..
وعدتـــكم أن أرسوا بكـم على شــاطىء الامان..
مررنا بعــواصف قـــاهرة..وبظـروف قاسية..
كدت أن أتخلى عن قيادة السفينة..وأرمي بقبعة القبطان..
ولكن كلماتكم المشجعة وقلوبكم الطاهرة ساعدتني لأجتاز تلك العواصف..
فأمسكتم بيدي وثبتم معي مقود القيادة..
فــأدركت بانها كانت مجرد أمواج صغيرة لا اساس لها..
واليوم بفضل الله تعالى ثم وجودكم بقربي..
سنرســـــوا بألف خيــــــــر ..

إسمحوا لي قبل أن أرمي بمرساتنا في البحر..
أن ألملم حروفي المبعثرة..
وخواطر ماقدر الله لها أن تبصر النور..
وان اخفي مشاعر وآمال قد تسمو بكم وتستكين بقلوبكم..
أحبتـــــــي..

هــــــــــــاهي النهــــــــــاية ..
لــ رحلتنا [ أما غــرام يشرح الصدر طاريه ولا صدووود وعمرنا ماعشقنا ]


عليكم سلام الله إني مودع
وعيناي من مر التوجع تدمع..
فإن نحن عشنا يجمع الله بيننا
وإن نحن متنا فـ القيامة تجمع..


البارت التسعــــــــــون والأخيــــــــــــر ..



"أنا... و هــــــــــــــــــــم"

تقولين: "تلحظُ مني القـُـشور و تغفـُـــل عمـّا وراء القشــورْ"
ولا تعلمين بأن عيـــونــــك.. تفـضحُ حتــّـى جــذور الجــــذورْ
و أن ابتسامـَـك حـين يضيءُ أطـالـــعُ كونــاًعـــــجـيـبـاً يــدورْ
و بين العيونِ و بين الشــفاهِ أرى منــك مالا يـراهُ الحـُـــضورْ

أرى طفلــةً في زحـامِ الحياةِ تخوضُ الجموعَ.. بحــزنٍ يـَــمورْ
تـَـروم الحنانَ وترجو الأمانَ وتبـحث عن مرفــــــأٍ من حبـــورْ
فترعبها رَغـــباتُ العـيــــونِ و تفزُعها شــــــــهواتُ الصــدور
فتطوي على يأسـِـها روحـَـها و تلبسُ للناسِ ثـَـوب الســــرورْ

يحبـّـون فيك الذي يبصــرون و أعشقُ ما حجـَـبته السـُّــــتـــورْ
و يهوون فيك المثيرَ المـثــيرَ و أعشق منك الطـَّهورْ.. الطـَّهورْ
و يجرون نحو بحارِ اللهيب ِ و أسبح وحدي على بحـــــرِ نــور


المرحوم بإذن الله تعالى..غازي القصيــــــــبي ..


لاتجرحيني جرحك العام ماطاب
داوي بحنانك مامضى واجرحيني

ياللي حنانك نظره بين الاهداب
ردي علي بعض العزا ناظريني

خافي على قلب يحبك الى ذاب
ذاب الهوى في خفقته والحنيني

لولاك مازار القمر ليل الاحباب
ولا لوحت شمس المحبه جبيني

في غيبتك كل الملا عندي اغراب
مااحد ابي قربه ولا احد يبيني

لا ياغلا كل القرابه والاصحاب
ضاع العدل في الناس لو تظلميني

البدر بن عبدالمحسن..



غازي بحب\ياغرامي وصدودي..
احبــــك عنهم كلهم..

زادت من شدها عليه..
وكأنها تبي تدخله داخل ضلوعها..
خانتها شهقاتها وماقدرت تتحكم فيها..
وهو حاضنها وكأنه في حلم..
مشى بهدؤ وهو لازال حاضنها..
جلس على الكنبة ولمها كلها بحضنه..

وهي لازالت على وضعها..
مخبية وجها في رقبته..
وكاتمة صوت بكاها..
كل ماحالو يرفع وجها له..
نزلته اكثر وخبته في صدرهـ..

ضحك بصوت عالي وشدها له اكثر..
غازي بمحبة\هششششش أحب بكاك..
بس الحين ابي اسمع كلامك..
ابي اشووف وجهك..إهدي يا جنوني..

تكلمت وهي دافنة وجها بصدرهـ..
وكان صوتها مكتوم..
هديل\قلت كل شيء عندي..
مابقى شيء عندي أقوله..
غازي بخبث\لا لا لا..
إلا عندك وعندك..وابي اسمع كل شيء..
هديل بحنين\أما غرام يشرح الصدر طاريه..
غازي يبتسم\ولا صدوود وعمرنا ماعشقنا..
هديل\هذا اللي عندي..
غازي\طيب إرفعي راسك..
هديل بخجل\مو اليوم..
غازي\هههههههههه عشاني ..

خفق قلبها بقووة على كلمته..
لمايقولها لها يدمرها..
خجلانة منه..
شالت قناع الصد والكرهـ..
صارت مكشوفة له..
ماتقدر تحط عينها بعيونه..

أستجابت لأصابعه اللي رفعت راسها له..
بس غمضت عيونها منحرجة منه ومن حالها في حضنه..
غازي بهمس\أبي حبايبي فتحيهم..

شدت على عيونها اكثر..
الإرتباك سيطر عليها..
تبي تظل لحالها تجمع شتاتها..
تسترجع قوتها وشيء من ذاتها..

فتحت عيونها غصب..
لما حست فيه يقبلها على جفونها..
ويهمس لها\شوفيني..

ركز عيونه بعيونها..
مثبتها عليه بيد..
ويدهـ الثانية دخلها بشعرها..

غازي بحب\أحبــــــــــك..
هديل\.......................

طغى عليها الصمت..
الكلمة لما تسمعها منه تلجمها..
شافت بعيونه إنه يبيها..
يبي يسمع كلمة احبك منها..
بس ماتقدر..ماتقدر تقولها له..
أبتسم لها راضي بصمتها..

قربها منه وهمس لها\ولو ماقلتيها ..
يكفيني هذا..

حط كفه على قلبها..
وكان يخفق بقووة..
غازي بغموض\ويكفيني الحبر يا اطهر ذنوبي..

قبلها على شفايفها..
قبلة عمييقة ناعمة..
تجاوبت معه فيها بإحساس..


أخذها لغرفة النوم..
دخل دورة المياهـ يتحمم..
وهي فتحت الكبت تبي تبدل ملابسها..
شافت ثوب النوم الأبيض القديم..
إللي كان بين هدايا غازي لها قبل هربها منه..
تذكر آخر مرة كان في المزرعة..
مدت يدها وشالته ..
اليوم رجعت له..فهل تلبس اللون الابيض..؟؟
بس هي وعدت ماتلبس الأبيض..

لها قناعات خفية ماتقدر تتخلى عنها..
بنظر البعض ممكن تكون تافهة ومالها قيمة..
بس عندها هي تعتبر إحترام لذكرى ماراح تنساها..

رجعت القميص لداخل الكبت..
واخذت قميص أصفر..
أبتسمت وهي تتخيل ردت فعله..
رمت الأصفر واخذت قميص احمر..
ترددت كثير..وكانت بترجعه..
بس خروج غازي من دورة المياهـ..
أجبرها تخبيه بوسط منشفتها..

أنحرجت من شكله وهو لام المنشفة عليه..
قرب منها وهي أبتعدت عنه بسرعة ودخلت دورة المياهـ..
تركها تهرب منه وهو مدرك مدى خجلها..
جلس على السرير يسترجع كل كلة قالتها..
ياما قال لها حلمي على قد حمامتي..
بس هي حققت له اكببببببببر من ماتوقع منها..
لبس بجامته فرش سجادته وصلى ركعتين شكر لله..

سمع صوت ذياب وكانه يضحك..
قرب منه قبله وقرأ عليه الاذكار..
أبتسم وهو يشوفه معقد حواجبه وهو نايم..
قالت له هديل من قبل إن ذياب يشبهه حتى وهو نايم..
غازي\والله ماني مصدق يا ابووك..
الله يستر لا يكون حلم وأصحى لحالي..

هديل بهدؤ\لاماهو حلم..

ألتفت عليها مبسوط بكلمتها..
تاملتها عيونه وزادت من خجلها..
أشر لها تقرب منه بس ماتحركت من مكانها..
راح لها وضمها له بقوووة..
همس لها\انتي حية..؟؟
هديل بندم\والله حية..

قبلها بحنية وشالها بين يدينه..

بلحظات كانت تتجمد بخوف..
يدرك تصرفاتها ومقاومتها ..
بسبب إجبارهـ لها المرة الأولى والثانية..

بس همسه لها وكلماته كانت تطمنها..
فتهداء من إرتجافها ومحاولة الهرب منه..
وتترك مقاومته وضربه..
وتتجاوب معه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


رفعت راسها وجت عينها بعينه..
أرتبكت وحاولت ماتبين..
شجعت نفسها وقررت تتكلم..

خلود بهدؤ\متى بنرجع السعودية..؟؟
مسفر\كم مرة غيرتي لون شعرك..؟؟
خلود\؟؟؟؟؟؟؟؟؟؟؟؟؟؟؟؟؟؟؟؟؟
مسفر\مامليتي من كثر ماتعيدين السؤال..؟؟
خلود\اول مرة اسالك..
مسفر\اول مرة بلسانك صح..
بس دائماً تسالين بتصرفاتك ونظراتك..
خلود\لا تضيع السؤال وجاوبني..
مسفر\حن باقي في شهر العسل..
ولما ينتهي شهر العسل نرجع..
خلود\ومتى بينتهي شهر العسل..؟؟
مسفر\هذا الشيء جوابه عندك أنتي مو عندي..
خلود بحيرة\مافهمت..

زم شفايفه ووقف..
جلس جنبها على نفس الكنبة..
وكان لاصق فيها..
ولم يدهـ على كتفها..
ماترك لها فرصة تستوعب تصرفاته..
أنحنى عليها وقبلها بحنييية..

ابتعد عنها لما شاف دموعها..
مسح دموعها بأصابعه..
وهمس لها\أتفقنا نتعرف على بعض..
ونبداء بطريق ونشوف نهايته..
هل راح نوصل لفراق او راحة..
أنا انفذ تعهداتي من الإتفاق..
بس أنتي أبداً مانفذتي شيء..
أنتي زوجتي ياخلود..
زوجــــــــــتي..

خلود بغصة\مو هذا اتفاقنا..
غشاش ..
مسفر\بلى ياقلبي هذا هو إتفاقنا..

وقفت بسرعة لما قرب منها و شدها له..
دخلت غرفتها وسكرت الباب..
نامت بملابسها اللي عليها ..
رافضة تفكر بكلامه او قبلاته..

حست فيه لما دخل الغرفة..
وظلت تحت الفراش تنتظرهـ..
ياخذ اللي يبي ويطلع من الغرفة..
تنفست براحة لما سمعت صوت الباب يتقفل..

شالت الغطاء من عليها وانصدمت بوجودهـ معها بنفس الغرفة..
وكان لابس بنطلون البجامة من دون قميص..
رجعت الغطاء عليها وظلت ترتجف بخووف..
كتمت شهقتها لما حست فيه ينام على السرير..

كانت مغمضة عيونها بقوووة..
وتنتظر منه يلمسها او يقرب منها..
بس مرت عشر دقايق وهو بمكانه ماقرب لها..
فتحت عيونها وانتبهت عليه نايم جنبها وصاد عنها..

تنفست براحة وهي تدرك إنه بدأ ينفذ إتفاقهم بكل ضمير..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛


انا اذكر يوم جيتيني وبصدرك نزيف طعون
سحبت السيف ابفزع لك وبسيفي طعنتيني ..


قفل ملف القضية الموئودة..
قضية تكفل فيها من بعد رجوع توئمه..
من بعد مارجعت مستوجعة مقهورة..
قضية طلاق هديل من غازي..
كل شيء سواهـ عشان ترجع له..
ترجع توئمه اللي فقدها من سنين..
كان يبي يحررها من غازي..
يظن إنه راح يرد لها شيء من دينها عليه..
بس هذا هو يخسرها مرة ثانية وعاشرة..
ينتصر غازي وينهزم هادي..
منعته ماينتقم لها من الجلمود..
ربطت يدينه برجوعها لزوجها..
بثقتها إن حياتها معه بتكون أحسن من حياتها مع اهلها..


التفت على صوت امه تناديه..
أبتسم لها ورحب فيها بغرفته..
جلست على سريرهـ وهي تساله عن شغله..
ام علي\كيف شغلك وقضاياك..لايكون تحبس مظلومين ياولد؟؟
هادي\لا ان شاء الله مانحبس مظلومين..
بس فيه قضية كبيرة ومهمة خسرتها ..
ام علي\معليه يومه ربك ماكتب الا تخسرها..
هادي يبتسم\سبحانه لكل شيء حكمه..
ام علي\ماتبي تقولي وش اللي مكدر خاطرك..؟؟
هادي\ولاشيء فديتك..
بس كنت افكر إني تسرعت لما رجعت وخليت هديل هناك لحالها..
ام علي بهدؤ\بس هديل ماهي لحالها..
معها زوجها..
هادي\يومه أنتي راضية إن هديل ترجع له..
وهي اللي كانت حالفة ماترجع..؟؟
ام علي\انا راضية لانها هي راضية..
هادي يبتسم\هي راضية..
ام علي\خلها ياولدي تعيش برضاها..
والله لو اني أملك لوجعها علاج ماخليته يتهنى فيها..

أدمعت عينها وهي تتذكر كلام غازي لها..
لما كانت هديل بغيبوبة بعد العملية..
ام علي\اسمع يا ابو ذياب..
أنت رجالن واعي وفاهم..
خذيت بنتي لاحول لها ولا قوة..
مدحتك عندنا ولا قالت عن سوايك فيها..
بس ربي مايحب الظلم..
لاظلمك لها ولا ظلمها لحالها..
عرفت إنك ضاربها بسوط يـ اللي ماتخاف ربك ولاتخشاهـ..
تضرب لك بزر وتعلم على ظهرها وجنوبها..
لابركة في يمينك يا اسود الوجه..
بنتي اليوم أنهت علاقتها فيك..
عالجت ولدها والله الشافي المعافي..
فإن كنت بتترك الولد لها فـ الله معك..
وإن كنت بتقهرها في ولدها فعسى ربي مايسامحك..
وابيك تعرف إن اخذته او تركته..
بنتي مابقى لك عليها يمين..بأخذها معي..ولا بتعرفها طول عمرك..

غازي بهدؤ\صلي على النبي يا ام علي..
وإن كنتي تبين تحقدين بقلب وضمير فترى ضرب السوط..
من اقل افعالي فيها..ولاني مفتخر بسواياي معها..
مير إنه يشهد الله إن هديل خذت من قلبي ومن روحي
جزات كل ماسويت فيها..
عيشتني حياة يتيم وحاجة شايب مكسح..
صرت من بعدها غريب وطن واهل وربع..
هي سنتين يا ام علي ضاقت فيني وسيعت الدنيا..
دبل ماضاقت باربعين سنة..
ويوم إنها رجعت لي ما اخليها تبعد ولا تعيش الا معي..
راضية او مجبورة..أنا علتها وانا دواها..
ولا انا ولا أنتي بغشيمين عن حالها يوم رجعت لكم هاربة مني..
بترجع لي زوجة وام لعيالي..

ترددت في بالها كلمته..
أنا علتها وانا دواها..
من ثقته وجرئته في مواجهتها بأفعاله..
أدركت إن بنتها عاشت اللي مستحيل فكرها يتصورهـ..
ولما فكرت في سكوت بنتها عن غازي وافعاله..
فهمت إن اللي بينهم يذبحهم فكيف بأهلها..
تركت لها الحرية بقرارها..
إن كانت تكرهه ورافضته بترجع معهم السعودية..
وإن كان العكس فمالهم حق يعاتبونها والعتب كان عليهم بس ماعاتبتهم..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛


لاتجرحيني جرحك العام ماطاب
داوي بحنانك مامضى واجرحيني

ياللي حنانك نظره بين الاهداب
ردي علي بعض العزا ناظريني

خافي على قلب يحبك الى ذاب
ذاب الهوى في خفقته والحنيني

لولاك مازار القمر ليل الاحباب
ولا لوحت شمس المحبه جبيني

في غيبتك كل الملا عندي اغراب
مااحد ابي قربه ولا احد يبيني

لا ياغلا كل القرابه والاصحاب
ضاع العدل في الناس لو تظلميني

البدر بن عبدالمحسن..

المرة الاولى صحت من نومها بسبب همسات غازي لها..
ومن دون شعور منها لمت يدينها حوالينه ونامت مرة ثانية..
بس هو ماقدر ينام..
يحس بفرحة عظيمة تسكن قلبه..
وشعور طاغي يستوطن روحه..
مايبي يبعد عنها ولا ينحرم منها..

صحت من النوم وهي تحس بشيء غريب على خدها..
عرفت وش يكون قبل تفتح عيونها..
رفعت يدينها تغطي وجها بس هو كان اسرع منها..
فتح فمه وصار يعض على خدها..
رفعت وجهه عنها ولماكانت بتبعد شد شعرها بيدينه..
توجعت وحاولت تفك يدينه من شعرها..
بس مارضى يتركها..
سمعت صوت غازي يهاوشه..
غازي\ماقلت عورها يادوب..
فك يدينه من شعر هديل وابعده عنها..
ثبته بحضنه وهو يتحرك بطفش يبي يرجع لها..
نزله على الارض وقرب من هديل..

مع إنه لاحظ إحراجها منه..
بس ماقدر يتركها..
بعد يدها اللي حطتها على صدره تمنعه مايقرب منها..
قبلها على العرق النابض في يدها..
سحبت يدها منه بخجل..
ومدتها لذياب اللي يناديها يبي يطلع على السرير..
مسك يدينها ولاسمح لها تشيل ذياب..
قرب منها اكثر وهمس لها..
غازي\وش تبين فيه..صبحي علي اول..

حطت يدينها على وجها خجلانة من نظراته..
ضحك وضمها له بقووة..
وهو يسمع صراخ ذياب معصب ليش ماتشيله..
رفعه من على الأرض وجلسه بحضن هديل..
ضمته لها وانشغلت معه تحاول تنسى وجود غازي..
رفعت راسها له بسبب يدهـ اللي لامست أذنها..
كان مثبت يدهـ الثانية على ذقنه..
وعيونه تتأملها بنظراته اللي تخجلها..

أنتبهت على عيونه تنزل على ذياب..
وبعدها يبتسم بخبث..
عقدت حواجها ونزلت عيونها لذياب..
كان محرك صدرية القميص وكاشف صدرها..

شهقت منحرجة..
ضربت يدين ذياب ورمته على ابوهـ..
وبعدها وقفت وتوجهت لدورة المياهـ..
غازي اخذ ولدهـ وماقدر يمنع نفسه من الضحك على إحراجها..
من اول ماصحت ماتكلمت..
بس عيونها قالت كل اللي يبي يسمعه منها..
نظراتها تحكي له سر ماتبي تعترف فيه..
دلالها يذوووب قلبه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛


كان الجو مغيم والمطر خفيف..
تمنت لو تنزل تمشي في الشارع..
ماتبي تظل في السيارة..
تجرئت وطلبت منه ينزلون..
خلود\مسفر مو لازم سيارة..
خلنا نمشي في هذا الجو..
مسفر بهدؤ\والله حتى انا عاجبني الجو..
بس أخاف يزيد المطر ونتورط مانلقى سيارة..
خلود\لا الجو هادي والسيارات يا كثرها..

فتحت الباب ونزلت قبل يعترض..
حاسب السواق وأعتذر منه..
مشى جنبها ولاحظ كيف مبسوطة بـ المطر..
خلود\رووعة المناظر هنا..
ياحظ اللي ساكنين هنا على طول..
مسفر\حتى بـ الصيف الأجواء رائعة..
تمطر بكل المواسم..
خلود بحنين\أتمنى لو كانوا أخواتي معي..
كانوا بينبسطون هنا مرة..
من بعد وفاة ابوي ماقدرنا نسافر ولا حتى طلعنا البر..
مسفر بهدؤ\إن شاء الله لما نرجع السعودية..
بنطلع معهم وناخذ عمرة..
خلود\مع هلي..؟؟
مسفر يبتسم\إيه مع خواتك وأمك..
أنا محرم لهم..
خلود بغصة\بتوديهم العمرة..؟؟
مسفر\إن شاء الله وبنروح المدينة المنورة..

حست بـ الغصة تحرقها..
ماتبي تبكي..هو ماقال شيء يبكي..
عادي يبي ياخذهم العمرة ويكسب ثواب..
ماسمح لها تحلل الموقف على كيفها..
دخل يده بيدها واجبرها تمشي معه بسرعة..
لأن المطر اشتد عليهم والفندق مو قريب منهم..

حاول يوقف سيارة اجرة..
بس ماوقفت له اي سيارة..
ألتفت عليها وهي تضحك مبسوطة بـ الوضع اللي هم فيه..
خلود\وناسة غرقنا المطر..
مسفر يبتسم\مو صاحية أنتي..
كمل طريقه وهو لام يدهـ على كتفها وملصقها فيه..
نزلت على درجتين بس تزحلقت من الماء..
طاحت وسحبته معها لما حاول يثبتها..
ضحكت بصوت عالي وهي نايمة تحت المطر..
حتى لثمتها أرتخت وانفكت من عليها..
ضحك لصوت ضحكتها اللي اول مرة يسمعها..
وقف وسحبها توقف معه وهي لازالت تضحك..
خلود\الحمدلله لو كنا في السعودية كان انفضحنا..
مسفر\هههههههه انتي متخبية ورى نقابك..
بس حن الوجه مكشوف والكل يشوفك إذا طحتي..

دخلوا الفندق وملابسهم غرقانة..
خلود بهمس\بيهاوشون ويقولون شوهتوا صورة الفندق..
مسفر يضحك\هههههه يعقبون..

طلعوا لجناحهم وهو مبسوط لأنها تسولف وتعلق على شكلها وشكله..
وتضحك لما تتذكر كيف زحلقت في المطر وطاحت وسحبته معها..
فسخت عبايتها ورمتها في سلة الغسيل..
ومعها حجابها..
وهو بدأ ينزل ملابسه ويسوي مثلها..
أنحرجت منه ودخلت تبدل في دورة المياهـ..
خذت لها حمام دافي وطلعت لابسة بجامة..

شافته نايم من دون قميص ولاغطاء..
رفعت الغطاء عليه وقبل تبتعد عنه..
مسك يدها وطيحها عليه..
صرخت بخوف لأنها كانت تظنه نايم..
تكلم وشعرها على وجهه..
مسفر\آآآهـ ياعذابي..
مشتاق لك..

ضمها له بقوة وقبلها على رقبتها..
منعها تبتعد عنه وهو يذكرها إنها زوجته..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛


قفلت الجوال بعد ماطمنت امها على حالها..
والتفتت على طالب اللي معصب..
شوق\لا اله الا الله..
وش عندك معصب..؟؟
طالب\أمك وش تحس فيه لما راحت لحرمة عمك وتركتك..
هذا وانتي مكسورة وعندك ولد يغث القلب..
شوق\لايكون ناسي إن حرمة عمي هي أختك..
وبعدين خلك تحس ولو شوي بمغثة ولدك..
طالب\بعدين مين قالك طيحي من على الدرج وإنكسري..
لو والدة مثل الحريم في المستشفى..
كان الحين ماخذه هذا النتفة ومريحتني..
شوق تضحك\ههههههههههه اقوول قوم عطني الولد..
وعطني حليبه من المطبخ..
طالب بقهر\أوووف كل يوم شغل كل يوم بزر..
شوق تشهق\يـ الظالم خاف ربك..
أول بزر لك..ولو ماني مكسورة ماكنت بانتظر حضرتك..
طالب\ما ابي وش اسمه هذا..
ما ابي انيمه ولا ولا انيمه ولامدري وشهو..
شوق\ههههههههه لافديتك بتنيمه وبتبدل ملابسه..
وبتهتم فيه مو انت ابوووهـ ولا الولادة صعبة ع الفاضي..
طالب\وش رايك اتزوج واجيب لك ضرة تساعدك..
ولما تقومين بـ السلامة اطلقها..
شوق بنص عين\وش رايك تقوم وتنيم ولدك..
وبعدها تحضر عشاي انا واياك لأني جوعانة..
طالب بغيض\هزولت لو تدري أمي إني اخدمك يابنت امك وش تقول..؟؟
شوق\الله يرحمها بتقول كفو ياولدي قاوم بحرمتك..
طالب\خليك تحملين مرة ثانية افقع وجهك..

راح المطبخ وشوق تضحك على تذمرهـ وهواشه..
من بعد ماسافرت امها الرياض وهو مشمر اكمامه ويساعدها..
قدم طلب على خادمة منزلية بس طلبه لازال في الإنتظار..
فكان مضطر يقدم إجازة مرضية لحتى ترجع أم شوق او تجي الخادمة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛



دخلت الصالة وشافته جالس على الكنبة وذياب بحضنه..
يحاول يعلمه ينطق اسمه..
غازي\ذياب..
ذياب\مم...مه
هديل\فديتك انا..
غازي\ياهلا والله..
وين متخبية يا حمامة..
تعالي هنا جنبي..
جلست قريب منهم واخذت ذياب من حضنه..
نزلت راسها له واشرت على غازي..
هديل بحني\ذياب من هذا..؟؟
ذياب\ممـــوودي..
هديل\ههههههههه صح شطووور..
غازي عقد حواجبه\مين مودي هذا..؟؟
قوول غازي ولا باب مو مودي..
وش معلمه الولد انتي..؟؟
هديل تكتم ضحكتها\مالي دخل هو يسمع ويردد..
غازي\طيب وش يردد..؟؟
هديل\مدري إساله..
غازي\ذياب من انا..؟؟
ذياب\مممــــ...ـودي
هديل\هههههههههههههههههه
غازي\بـ الله عليك وش يقول..؟؟
هديل\استغفر الله إعرف من نفسك..
اخاف اقولك تقوم وتتوطانا..

وقفت وراحت المطبخ تحضر أكل ذياب..
ولما رجعت نادته بدلع..
هديل\حبيبي..
غازي بوله\يــآآآآآآآآآآآآ جنونه..
هديل\مين اللي ناداك..؟؟
غازي\توك تقولين حبيبي..
هديل\قلت حبيبي يعني ذياب..
ماقلت جلمودي..

شالت ذياب..
ولاحظت غازي اللي يضحك..
لأنه فهم معنى اسم مودي اللي يناديه فيه ذياب..
يقصد جلمودي..

رد على جواله لما شاف اسم امه..
تطمن عن حالهم وسولف معها عن رشا وشوق..
طمنها عن هديل وذياب..
أنتبه على هديل لما جلست وهي تاكل ذياب..
قفل الخط وعيونه تراقبها..
مايبي يجبرها على هله أو مقابلتهم..
بس بعد مايهون عليه تكون علاقتهم فيها قاسية..

هديل بهدؤ\كيف حالهم..؟؟
أبتسم برضى\الحمدلله طيبين..
يسلمون عليك..
هديل\الله يسلمهم..
احم غازي..
غازي بمحبة\لبيه..
هديل\علاقتك في إخواني وهلي كلهم..
ما ابيها تظل هواش وخصام..
غازي\كنت افكر بنفس الشيء..
وفي علاقتك بأمي وخواتي..
هديل بجمود\لاتفكر تقارن ولا شوي..
فرق السماء عن الارض..
أمك على عيني وراسي..
ماهو عشانها امك..لأني من سنين أحترمها..
بس خواتك ماراح اجبر نفسي اتقبلهم..
غازي\ما ابيك تجبرين نفسك على شيء..
ولاهو ضروري تكونون مثل الخوات او القريبات..
تهمني راحتك ورضاك عندي بـ الدنيا..
هديل\وهلي..؟؟
غازي\حن رجال وعلاقتنا بتتعدل بسرعة..
أنا ما احقد على هلك طول ماهم بعيدين عنا..
المهم مايحاولون ياخذونك..
هديل بغرور\ولو انا رجعت لهم..
غازي\لا ياحبي فاتت فرصتك..
وبعدين كيف تتركيني وانا احبك..

نزلت راسها خجلانة من كلمته..
وهو كان متوقع ردت فعلها..
وقف وجلس قريب منها..
نزل ذياب على الارض واخذ أكله من يدينها..
قربها منه وهو يبتسم لإحراجها..
غازي\وانا اقول الولد احمر على مين..
هديل بإرتباك\جوعان..؟؟
غازي\موووت..
هديل\اممممم خلنا نطلع نتعشى برا..
غازي\هممممم
هديل\أانــ....ا باروح ابدل..

بعدت عنه بـ الغصب..
وراحت لغرفتها..
طلعت البالطوا تبعها وحجابها..
فكت شعرها ناوية ترجع تلمه مرة ثانية..
بس يدينه منعتها ..
دخل يدهـ في شعرها وقرب فمه من أذنها..
غازي\تدرين إن بيني أنا وشعرك قصة حب طويلة..
من اول نظرة عشقته..
وصرت اتمنى اشوفه كل يوم وكل لحظة..
ضعفت كثير بأيام فرنسا وسويسرا..
لأنه كان يغريني لما يتمرد ويلتف على وجهك..
وآآآهـ لما قصيتيه..
حسيت بقهر عليه وعليك..
لاتفكرين تقصينه مرة ثانية يا جنوني..

ألتفتت عليه وحركت شعرها بعبث..
قدمت بعضه على كتفها..
ونزلت غرتها على جبينها..
ورفعت حاجبها كأنها تساله إذا كان كذا يرضيه..
غازي بوله\عذآآآآب بكل حالاتك..

نزل البالطوا من عليها وضمها له بحنية..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛


خرجت من غرفتها..
بعد ماكلمتها سارة وقالت لها معها ضيفة تبي تعرفها عليها..
أنصدمت لما شافت جدتها مع سارة في الجناح..
صرخت بخوف لما شافت جدتها معقدة حواجبها ومقربة ناحيتها..
دخلت الغرفة وهي تنادي راكان..
غادة\راكان الحق عسوولة هنا..
راكان\ههههههههههه سوتها ام حسين..
غادة\بتفقشني بعصاها..

خرج راكان لجدته وسارة اللي رافعه حواجبها..
بتشفي لحالهم..
راكان\هلا والله ومرحبا أرحبي يا جدتنا الحلوة..
الجدة\الله لا يحييك يا السرووق..
هاتوا الخاتم جعلكم البط اللي يبطكم..
غادة\يووومه انا حامل لا تدعين علي..
الجدة\والحامل تسرق ذهب أختها يـ السرووق..؟؟
هاتي الخاتم قبل ابلغ عنكم البليس..<<تقصد البوليس
سارة\هههههههههههههه ماأنتي بهينه أجل بتبلغين البليس.؟؟
طلعوا الخاتم اشووف طلعووه..
غادة\أنتي يا مخربة البيووت يا الحقوودة وش مدخلك بيتنا.؟؟
برا لا أشوتك بكرشي الحين..
سارة\معصي ..ما نطلع الا بـ الخاتم يـ السروق..
شوهتوا سمعتكم في العائلة صرتوا الراكان السروق..
راكان\كله من النتفة عبيد الوغد..
ناشر اسمنا في الواتس حق العائلة السروق راحوا المول..
السروق طلعوا البر..السروق عندهم موعد لـ وغدة الحامل..
سارة\ههههههههههه عشان تدرون ما احد يغدر بعبيد..
والحين هاتوا الخاتم..
الجدة\سويرة دقي على البليس..
سارة بجنان\ياويلي ويلاه يا البليس..
سامحيهم يومه بيطلعون الخاتم من ورى خشمهم..
هاتوا الخاتم اشووف..
غادة\أدري إنك تبينه لك بس لو تحبين خشمي ما عطيتك..
سارة\وع يا خشمك..أبد نبي الخاتم ولا نسلمكم لـ البليس..
راكان\عنبوا ابليس خليك محضر خير..
يومه فديتك الخاتم هدية من هديل لغادة..
وإذا مو مصدقتنا كلميها وهي تقولك..
الجدة تضرب بعصاها\كذووب يارويكن تبيني أسود الوجه معها..
عطتني ذهوبها اخبيها لها..
والحين ادق عليها واقول سرقوا ذهبك يا هدييل..
تعقبون..هاتوا الخاتم يعني هاتوهـ..
عنبوا ابليسك كلمي البليس قبل يهربون..
غادة بزعل\والله إنه خاتمي وحقي..
سارة\لا اله الا الله ماصارت على خاتم كانكم مشفوحين ماعمركم عرفتوا الذهب..
غادة\أنتي تموتين ويصير لك..
بس حامض على براطمك..
سارة\وخري يومه انا اعرف كيف اخذه منها..

قربت من غادة اللي تخبت ورى راكان..
مسكها راكان من يدينها وهو يضحك على حركاتها في التخلص منه..
سارة\وخر مكفختها مكفختها الوغدة..
هاتي الخاتم يا الدقماء العصلاء..
غادة\والله ما اعطيك إياهـ..

قربت الجدة من راكان وضربته بعصاها وبعدته عن سارة..
اللي قدرت تفسخ الخاتم من يد غادة بسهولة لأنها سدحتها على الكنبة ..
وهي حامل ماتقدر تبعدها عنها..

سارة بإنتصار\وش رايك يا أم حسين مايجيبها الا حريمها..
هذا الخاتم ورجعته لك..
واي شيء أنا في الخدمة..دقي تسمئة ومدري وشهو وانا عندك..

غادة\يوومه والله حقي..
الجدة\لا اشوفك توطوطين في بيتنا مرة ثانية..
وانت يارويكن بأبلغ عنك البليس أكيد إنك تسرق قروش البنك..
راكان\ههههههههه لا تكفين لا تبلغين ههههههههههههه

سارة بنذالة\يالله يومه..لقناهم درساً سوف لن ينسوهـ نيههههااااي..
غادة\أنتي نذلة ماساعدتي جدتي من عدم..
سارة\مو مثلك مادية دائماً..

طلعوا من جناح راكان وغادة..
وسارة مسكت الجدة في الممر..
سارة بنص عين\أقول ام حسين وين الدراهم اللي أتفقنا عليها..
الجدة\تبين دراهم يا سوير..
تعالي معي..
رجعوا لجناح راكان وصرخت الجدة فيهم..
وقف راكان منحرج من جدته ويمسح شفايفه..
سارة\هههههههههههه قليلين ادب..

هجت من الغرفة قبل تصكها الجدة بعصاها..
الجدة\ياقليلين الللادب..
هات قرووش عبيد اللي وعدته فيها..

من دون ما يقول كلمة طلع البوك من جيبه..
وحط بيدها ميتين ريال..
وغادة كانت ماسكة ثوبه ومخبية وجها وراهـ..

الجدة بإنتقاد\خبي وجهك يـ الغبراء..
أعلمك السنع لما ولدتي حاسبتها لك في تفتر..

راكان\اسمه دفتر..
الجدة\أعقب ولا كلمة..ولك وجه يا اسود الوجه..

خرجت الجدة من الجناح وتلفتت تدور على سارة بس ماشافتها..
نزلت وقابلت ياسمين زوجت سلمان..
سلمت عليها وعلى بنتها الصغيرة..

الجدة\إلا اقول يا بنتي كيف سلمان معك..؟؟
لايكون مذيك تراني اعرفه عقله مثل حبة الفول..
ياسمين تبتسم على التشبيه\لا الحمدلله سلمان طيب معي..
الجدة\الحمدلله..ترى مايخفاك..
إن زعلك أو هذي أم زوجك إن زعلتك لمي قشك وتعالي عندي..
وانا أدبرهم ..
ياسمين\هههههههههه إن شاء الله..
الجدة\أخوك اللي مدري وينه مابيجي هنا..؟؟
ياسمين\لا هو مستقر في إيطاليا..
وإن شاء الله راح اسافر أزورهم بآخر السنة هذي..
الجدة\ماتبين اخاويك هناك..
ياسمين\أكيد بأنبسط معك..
سارة\وردة لا تعشمين عسولة ترى تنشب في بلعومك..
الجدة بفتنة\وانتي هنا يا سوير..
تعالي رجعيني البيت..
سارة\من حظك إن زوجي بعد تسبدي ينتظرني برا ولا ماكنت بأوصلك..
الجدة\بعد تسبدس برا..خليني اقوله عن سواد وجهك ..
سارة\لا والله تكفين يومه ترا انا قدامه العاقلة الرزينة..
لا تخربين صورتي عندهـ..
الجدة\مالت عليك وعليه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛


مدت يدها وحطتها بيدهـ اللي مادها لها..
جلسها جنبه ولم دهـ على كتفها..
قبلها على خدها وابتعد عنها لما بدت تكلم امها..

خلود\هلا يومه....الحمدلله بخير.....إيه وهو طيب......
يسرك حالنا.......والله بخير فديتك........امممم لا موكثير........
يومه خلاص بعدين اقولك..............إيه.....ههههه إن شاء الله....
لا قولي لها ما ابي اكلمها.....لأنها نذلة زوجتي ولد اخوها وكذبت علي.......
مالي شغل مو هي صديقتي خليني اربيها..........طيب.....فمان الله....

قفلت الجوال والتفتت عليه بخجل..
مسفر\أجل مهاوشة مراموهـ..؟؟
خلود\إيـــه ولو سمحت لا تدخل بينا..
مسفر يبتسم\لا ماراح اتدخل بس إذا حبيتي بافزع لك..
لأنها بصراحة رافعة ضغطي بلقافتها..
خلود\ليه هي وش مسوية..؟؟
مسفر\زوجتك لـ الشايب..
والمفروض تزوجك لـ الشاب..
خلود\لأنها تدري إني ماكنت راح اوافق اتزوجك..
مسفر يبتسم\شفتي إنتي بنفسك جاوبتني عن سؤالك لها..
هو صح أنا ماعرفتك إلا عن طريق مرام..
وهي اللي رشحتك لي وطلبت مني اتزوجك..
وانا بصراحة أعجبتني الفكرة وتزوجتك..
خلود\بس لي حق عليها..
المفروض ماتخدعني كذا..
مسفر بغموض\الإنسان لما يكذب على نفسه كذبة..
يعيشها مبسوط فيها ويتعلق فيها اكثر..
إذا شاف اللي حوالينه يشجعونه عليها..

رفع راسه لها وقبلها على جبينها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛



مثلي .. بعد .. يا ورد .. راحوا .. وخلّـوك ..؟؟
وإلا .. على غيرك .. من الورد .... ; طاحـوا ;

ياورد .. وإن مرّت .. ليالي .. ولا .. جـوك ..!
وإلا .. عقب .. ما جوك ... صدّوا .. و .. شاحوا


جالس داخل أسوار البيت القديم..
البيت اللي ولدوا وفيه وتربوا مع بعض..
يناظر مكان الورد اللي مات من سنين..
هي اللي زرعته وبعد موتها أهملوهـ..
مفتقدها كثييير..
يدورها بين جدران البيت ولا يلقى إلا ذكريتها..
مرت في بالها أخر ذكرى لهم في هذا البيت..
لما كانت منهارة ومتخبية منهم كلهم هنا..
كل شيء كان يهمها نثرته تحت ارجول ذياب..

لها حق تختار طريقها وتعيش..
بس موجوع على حالها لاتكون مقهورة ومخبية..
يدري إن غازي يحبها..
بس مايدري عن حالها هي..

أزعجه جواله ولما طلعه..
أبتسم بحسرة عليها..
رد عليها بصوت مشتاق..
هديل بمحبة\توئمي الغالي..
هادي\ياروح توئمك وقلبه..
هديل\فجأة حسيت إنك تبيني..
هادي\فجأة عاد..؟؟إحزري أنا وين..؟؟
هديل\اممم مادمت حزرتني معناتها في مكان يخصني..
ومالي مكان الا في البيت القديم..
هادي\ما الوم ابو ذياب عاجبه ذكائك..
هديل بخجل\امم وش تسوي في البيت القديم..؟؟
هادي بعتب\تبين الصدق..؟؟
هديل\إيه..
هادي يتنهد\أدور عليك فيه..
أحس إني فاقدك كثير..
هديل\فدييييت روحك يا اخوي..
سامحني أدري إني قسيت عليك بـ الكلام..
بس ماحبيت احكي لاحد غيرك..
تحملني يا الغالي..والله بعدكم عني قساني..
أنت أخوي وتوئمي..ومهما بعدت عنك او قسيت..
بتظل الوحيد اللي ما احد يوصل مكانك..
هادي\حلفتك بــ الله قولي الصدق..
مبسوطة معه..ولا مجبورة عليه..
هديل\من دون ماتحلفني كنت باقولك الصدق..
في البداية كنت مجبورة عليه..
بس الحين أنا راضية ياهادي ومقتنعة..
هادي\هذا اللي يهمني تكونين راضية..
متى بتنزلون السعودية..؟؟
هديل\والله ما ادري ما اعتقد بننزل قريب..
تونا رجعنا المزرعة..
هادي\ياحبكم لهذي المزرعة..
هديل\ههههههههه عاد وش نسوي نحبها..
هادي يبتسم\الله يحفظكم..
بأشتاقلك يا الغالية..
هديل\امممم هادي سمعت ان امي تقول تبي تخطب لك..
هادي\هههههههههه هي تخطط بس فركشت الموضوع..
هديل\افا ليييه..؟؟
هادي\بدري على الزواج..خليني اكون مستقبلي اول..
هديل\اله يوفقك اجل..
هادي\الجميع ان شاء الله..
فمان الله ..

قفل الجوال وهو يحس براحة نفسية بعد ماكلمها..
صوتها متغير كثير..
يحس فيها تبتسم ومبسوطة..
وهذا كان اهم شيء عندهـ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛

إللـــــــــي بدأ المـــأساة..ينهيــــــــــها ’’’



قفلت الجوال ودخلته بجيب بنطلونها..
ضربت على عسولة بخفة..
وركضت فيها لـ المكان اللي جالس فيه غازي وذياب..
شافته مشغووول بشيء في يدهـ..
نادته\جلمووودي..
غازي يبتسم\ياجنونه..
هديل بفضول\وش اللي معك..؟؟
غازي\اممممم ورقة شغل..
هديل بزعل\تكذب علي يا جلمود..؟؟
غازي يضحك\هههههههههههه إيه..
هديل\المهم ماتكون تلعب بأسهمي..
ترى ابيعها لـ المافيا واورطك..
غازي\الأسهم وراعيها فداك..
هديل\طيب قوووم نتمشى الجو حلوو حتى فيه مطر..
غازي\يالله شوي والحقك..

ظلت واقفة على الفرس تنتظرهـ..
ولما شافته مشغول على الورقة..
نزلت واخذت لعبة ذياب مرشة ماء..
صوبتها عليه ورشت الماء على وجهه..

حط الورقة على الطاولة ووقف بسرعة..
ضحكت على شكله ولا قدرت تهرب منه لما شافته يقرب منها..
مسكها ولم يدينه حوالين خصرها يمنعها تبتعد عنه..
قربها منه وهو يبتسم على ضحكتها..
هديل\والله العظيم توبة ما اعيدها؟؟
غازي\هههههههههه ما يجنني إلا إنك خوافة..
بس تتمردين وتسوين اللي في بالك وتشردين..
ألحين الكنز اللي كنت اقراهـ لو لمسه الماء..
تدرين وش كنت باسوي فيك..؟؟
هديل تبتسم\لا ماتدرين..
غازي\كنت بأخليك تكتبينها مرة ثانية..
وترددينها علي طووول عمري..
هديل بحيرة\وش هي هذي..

غازي بحب\أحبـــــــــــــــــك..
نزلت راسها وهي تبتسم برضى عن كلمته..
بس ماقالتها له..
وهو راضي بسكوتها..
لأن رسالتها حكت له اكثر من كلمة أحبـــــــــــــك..


رفعها على الفرس وجلس وراها..
ونادى ماريا تشيل ذياب..
كان حاضنها له ويردد لها ..
كلمة احبـــــك يا اطهر ذنوبي..

ألتفتت عليه ولأول مرة تتجرء وتقبله على شفايفه..



الرسالة ظلت على الطاولة..
مفتوحة تنبض بكل شعور حست فيه هديل بيوم لجلمودها..



متى ستعرف كم أهواك يا رجلا..؟؟
أبيع من أجله الدنيـــا وما فيها

لو تطلب البحر في عينيك أسكبه
أو تطلب الشمس في كفيك أرميها..

أنـا أحبك فوق الغيم أكتبهــا
وللعصافيـر والأشجـار أحكيهـا..

أنـا أحبك فوق الماء أنقشهــا
وللعناقيـد والأقـداح أسقيهـــا..

أنـا أحبك حاول أن تسـاعدني
فإن من بـدأ المأساة ينهيهـــا...

وإن من فتح الأبواب يغلقهــا
وإن من أشعل النيـران يطفيهــا..

يا من يدخن في صمت ويتركني
في البحر أرفع مرسـاتي وألقيهـا..

ألا تراني ببحر الحب غارقـة
والموج يمضغ آمـالي ويرميهــا..

كفاك تلعب دور العاشقين معي
وتنتقي كلمــات لست تعنيهــا...

كم اخترعت مكاتيبـا سترسلها
وأسعدتني ورود سوف تهديهــا..

وكم ذهبت لوعد لا وجود لـه
وكم حلمت بأثـواب سأشريهــا...

وكم تمنيت لو للرقص تطلبني
وحيـرتني ذراعي أين ألقيهـــا...

ارجع إلي فإن الأرض واقفـة
كأنمــا فرت من ثوانيهــــا...

إرجـع فبعدك لا عقد أعلقــه
ولا لمست عطوري في أوانيهــا...

لمن جمالي لمن شال الحرير لمن
ضفـائري منذ أعـوام أربيهــا..

إرجع كما أنت صحوا كنت أم مطرا
فمــا حياتي أنا إن لم تكن فيهـا...


تمــــــــــــــــــــــت بحمد الله ورعايته...


الســـــادة الـــــــــكرام:
ركـــــــاب سفينتنا "أما غرام يشرح الصدر طاريه ولا صدوود وعمرنا ماعشقنا"
قمت بإلقاء مرساتنا بـــ شــــاطىء يسمى النهاية ..
شـــــــــــــــــكراً بحجم السمـــــــــــــــاء ..
لكل القلووووب اللتي رافقتني برحلتنا هذهـ..
فوثقت بـــــي وسلمتني دفة القيادة..
الروايـــــة إهــــــــــداء لجميـــــــــــــع احبتــــي ..
ولــ جميع أفراد عائلتــــي الغالية..
ولكل عيــــن أبحرت معنا ولربما تبحر في يوم من الأيام..
بين صفحات روايتنا..

أشعر يحـــزن يستوطنني ..
لأني راحلة عنكم على قارب صغير لا يتسع إلا لي..
هــ أنا اغادر ميـــــنائكم أحمل معي ذكريات وكلمات لن انساها ابداً..



قبل الغياب..
أريد أن اشـــــــــــكر..
نوف بنت نايـــف...لوجودها بقربي دومــــاً..
ومهما قلت فلن اوفيك حقك غاليتي..

وردة الزيزفون... زعيمة رابطة هديل..
الإنسانة الرائعة الصـــامدة المدافعة عن الحق دائـــماً..
لقد كانت ردوودك غاليتــــي ذات وعي وإدراك كبير..

همســــــات وردة...زعيمة رابطة غازي..
أختـــــــي بل توئــــــمي..ما اجمـــل الحياة بوجودك غاليتي..
وبمشاكساتك ودفاعك المستميت عن غازي ورابطته..

الكثيـــــــرون كان لهم بصمــــات ووجود دائم معي..
لم اغفل عن رد إلا وقرأته بإذن الله...
هذهـ هي النهاية فلا تحرموني آرائـــــــــــــــــكم ..

طلب ورجــــاء\\دعوة صادقة بجوف الليل ..
أو وضح النهار لي ولعائلتي..بأن تكون الجنة مثوانا ومثواكم..


بـ النسبة لـــروايتي الأولى ""
ستعلــــن عنها المشرفة الغالية..بيـــــــاض الصبح بعد إسبوعين من اليوم..
لأني أريد أن تاخذ روايتي اما غرام حقها في القرأة..


قال النبي صلى الله عليه وسلم:من جلس في مجلس فكثر فيه لغطه فقال قبل ان يقوم

(( سبحانك اللهم وبحمدك اشهد ان لا اله الا انت استغفرك واتوب اليك ))


الا غفر الله له ما كان في مجلسه ذلك...


إلـــــــــــــــى الملتـــــــــــقى ..
في رحلة أخــــــــرى بإذن الله تعـــــــالى ,,,


أستودعكم الله اللذي لاتضيع ودائعه في الأرض ولا في السمــــــاء ..



صدووود’’’






أحبتــــــــــــــــــــــــــــي ::
كـــل إللي راسلونـــــــــي ع الخـــــــــــاص ,,
أعتذر منكم عندي مشكلة في الرسائل الخاصة وانحذفت الرسائل اللي وصلت من بعد الساعة 2 فجر السبت..
ضايقنـــــــي هــ الشيء وأنا اتمنى تعيدون إرسال الرسائل لأنها تهمني ,,

وكونــــــــوا بخيــــــــــــــــر ’’’