السلام عليكم ورحمة الله وبركاته ....


صبـــــــــــــــاح \\
المحبـــــة والرضا من رب العالميـــــن ..


كيفكم الـــ ليلاااااااااااااااااااس ..؟؟
أحبتــــــــــي في كــــــل مكان ..؟؟


ترحيــــــــــب بحجم السمـــــــــاء..
لكل من إنضمــــوا إلينا برحلتنا...
وشــــــــكراً كبيرة لكل من سجل لأجلي ..
شرف كبيــــــر لي تواجدكم...


البارت إهداء لـــ الجميـــــــــــــع ..
ولغالياتي..نجـــوم الثريا ..


البارت الســـادس والسبعـــــــــون ..

من القمر

سيدتي

أقسم بأنني جننت

ظننت هذا الحسن

مخلوقاً لنا

نحن البشرْ

ما كنت أدري أنه

على انتظار عاشقٍ

من القمر...

المرحوم بإذن الله تعالى ..غازي القصيي ,,,



سدحها على فراشها وقبلها على جبينها..
قرب لها العلاج وشربها إياهـ ..
وبعدها ضمها له بحنية..

ألف بسسمْ الله على مترِفْ زمآنَه !
آلمَرض مثلَه مثلْ غيرهـِ ، يبيكْ . .
وآلمرض معذور لو إنّي مككآنَه . .
كآن أخلّي كلْ هآلعآلمْ وأجيييك...

قرب شفايفه لها وقبل يقبلها..
همست بكلمة أجبرته ينسى كل وعودهـ لنفسه ولها..
كيف بعدها تفكر بهذا الشيء..

هديل\أنـ...ـا رســـل..
غازي يهزها بقهر\لا أنتي مو رسل..
أنتي روحي وذنبي..أنا مو ابوك وأنتي مو بنتي..
رسل ماتت ويمامتي حية..إنسي طعوني..
هديل\انا رسل سامحني..سامحني..
غازي بحدة\لا أنتي زوجتي..
لاتخليني أسوي شيء يزعلك مني..

يدري إنها تتكلم من غير وعي..
لكن هذا مامنعه من الغضب..
هي تعيش لحظات إغتصابه لها..
كانت تردد انا رسل سامحني..
تترجاه يتركها ويرحمها..
غاااضب من اللي سواه فيها..
وغاضب أكثر من ذاكرتها اللي مستحيل تنسى..
قبلها وكأنه يطلب منها ماتذكر اسم بنته..
بس قبلاته وضمه لها مامنعها تكمل هذيان وترتجيه يرحمها..

رفعها من على فراشها ودخلها دورة المياهـ ..
مسح على وجها ورقبتها بالماء..وهي شهقت برجفة..
غازي بحنية\هشششش إهدي ماعليك شر..
هديل\لاتضربني..خلاص سامحني خلاص..
بعدت وجها عن يدهـ المبلولة..
وخبته في صدره..
ضمها له بقوووة..
غازي\إذا مابطلتي حركاتك رجعتك البحر وصحيتك..

من بين كلماتها نطقت اسمه واسم شخص ثاني..
شخص يكرهه لانه كان بحياتها أيام موتها المزعوم..
..مسفر..
منقذها مثل ما ادعت أيام إيطاليا..
اللي مستحيل تنسى وقفته معها ومساعدته لها..
يدري بعدم وجود مكان لمسفر في حياتها..
بس هي ماتدري إن لها مكان كبييير عند مسفر..
هو زوجها لاحظ إنهزام مسفر في حرب مابداها..
لاحظ حسرته في فقدان شيء ما ملكه ومستحيل يملكه..
بس اسمه لازم ينمحى من لسانها من حياتها كلها..
تملك أو حق أوجنون..
مايهم وش مسمى طلبه المهم ينمحى من حياتها..

خرجها من الحمام ولفها بفراشها..
غازي بوعد\إرجعي الرياض..
والله اليوم اللي بترجعين فيه ماتمسين الا في بيتي..

قبلها وهو يودعها..وحب انه يترك لها علامة..
لانه واثق إنها مستحيل تتذكر شيء من اللي صار..
لوكان علي بعيد عنهم..
لوكانت الظروف بصالحه..
يقدر ياخذها غصب عنها..بمعنى يختطفها..
بس هذا بيزيد عنادها..
وبترجع تتأمل ترجع لاهلها..
هي شكت له مالها مكان عندهم..
هي قالت تحس بغربة..
وهذا نفس احساسه لما رجع من غربة السجن..
حس ان الوطن ما يبيه..
وهله وناسه متغيرين عليه..
لازم تدرك إن التغير ماهو من الناس..
والرفض ماهو منهم..
هي اللي تغيرت وصار كل شيء عكس حقيقته..
مايبيها تضيع سنين لحتى توصل لنفس النتيجة اللي وصلها..

خرج من غرفتها وقابل علي..
كان باين عليه العصبية والقلق..
فاهم شعورهـ..وابتسم بخبث..
هم بكل مرة يحاولون يقهرونه فيها ويغيضونه..
غازي بشطانة\مشكور يا ابو عبدالله..
أصلحت بين راسين بالحلال..
علي بقهر\بكرهـ أفرق بينهم وبعد بالحلال..
غازي بتحدي\والله ما تطول..
وترى الرياض مشتاقة لكم..
إرجعوا بدري..
علي\أعجبتنا الشرقية والغربية..
وشكلنا والله اعلم بنستقر هنا..
غازي\ولو رحتوا الجنوبية جايتكم الجاهة وبترجع هديل..
علي ببرود\وحتى لو جات الجاهة..
وطلبتوها وتعنيتوا..مابترجع الا اذا كان برضاها..
جاتك بالرخص والسهولة قبل سنين..
وشكلك لا صنتها ولا عرفت قدرها..
لاتظن إنا أنا مصدق ملحمتها عنك..
لو كانت صادقة وإنك طيب ومراعيها كان رجعت لك مبسوطة..
غازي\بترجع..
غصب عنكم غصب عنها بترجع..
برضاها ورضاكم بترجع..
أنا راعي حق وهي زوجتي..
وماتركتها طول هذا الوقت الا عشان خاطرها..
ولا من اول يوم وصلت فيه لامها كنت اقدر اخذها..
علي بحقد\دامك قوي وراعي حق مثل ماتقول..
انصفها عند اخوها..وقول وش سويت فيها..
غازي\هي مارضت تقول لكم لغاية في نفسها..
وانا ما بأقولك عشانها..
بس تقدر تشغل مخيلتك ..
وأي شيء مايطرى على بالك أنا سويته معها..

شال أغراضه وطلع من الشاليه..
ركب سيارته ورجع الرياض..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


بدت تبكي بخوف وشدت عليه تصحيه..
رجع البت وكانت نايمة وتوهـ تغطى عشان ينام..
شوق\طاااالب قووم باولد..الحق علييييييييي..
طالب\نامي ياموسوسة..ماحد يولد في السادس..
شوق\بلى قوووم احس فيه بيولد..
طالب جلس\شوفي يا تيتشر إن ولدتي ألحين مايصير لك طيب..
خليك بنت طالب واركدي ونامي في بطن أمك..
شوق\طااالب ماهو وقت هبالك قوووم..
طالب\عنبوا ابليسك من الشهر الرابع..
والطلق ماشي معك..كل مامغصك بطنك قلتي باولد..
وأنا خبل اوديك واقول لهم زوجتي بتولد..
كفاية الدكتورة تشرشحني بسبتك أنتي وتيتشر..
شوق بوجع\حرااام عليك انت ماتحس بالوجع..
طالب بحنية\والله ادري يتعبك الحمل بس وش اسوي اشيله بدالك..؟؟
شوق بقهر\ترى ما احمل مرة ثانية..
طالب بنص عين\ابي درزن تيتشرات..بنات بس ما ابي عيال..
شوق\طالب خلاص راح الطلق..
طالب بسخرية\قولي والله..توني باقوم اوديك..
شوق بعصبية\وانا وش عرفني انه انذار كاذب..
مثلا ولدت هنا في الغرفة وش بتسوي انت..؟؟
طالب\انتظرك برا الغرفة..
لما ولدتي نادي علي..
شوق\شفت انك نذل..امي لازم تجي عندي..
طالب\ايه تجي عندك عشان كل ماقلتي ولادة تهفك بوكس..
لحتى تتعدلين وتعرفين متى ولادتك..
شوق\سبحانه كتب علينا الحمل..لو تحس بشوي منه ماكنت بتنكت علي..
طالب بنذالة\عاد ياويلك يا شوق يقولون الولادة صعبة..
شوق\ياربي رحمتك..رجال مايحس..
طالب\منهو اللي مايحس..؟؟
شوق توقف\أبو تيتشر من غيرهـ..قووم وراك دوام..باجهز فطورك..
طالب\هههههههههه يا مخرفة تونا الساعة 12 نص الليل..
نامي يا ام تيتشر..
شوق بفشلة\تصبح على خير..

تغطت تبي تنام بس هو ماخلاها بحالها..
كل دقيقة يسألها متى بتولدين..
او يذكرها بانه سمع ان الولادة صعبة..
ضربته وقالت له يطلع من الغرفة..
طالب\خلاص باسكت..مرة ثانية لا تصحيني تقولين بتولدين..
الا بعد ماتولدين..امي الله يرحمها ولدت بي في المزرعة..
كانت تحرث الأرض..عاد يوم ولدت أنا قمت اساعدها وكملت عنها حرث..
ولما رجعنا البيت قال ابوي من هذا النشمي..؟؟
قالت ولدك جاء يساعدني في المزرعة..
عاد أبوي راعي واجب ذبح الذبايح وعزم العرب وقلطني على العشاء..
وأنا اقول ماعندكم حليب؟؟توني والد اليوم..
شوق\ايه أذكر هذاك اليوم..
طالب\كذوب مابعد ولدتي يوم انا ولدت..
شوق\خلني أهايط مثلك..
طالب\هايطي بقصة حياتك لاتهايطين بقصة حياتي وتزورين فيها..
شوق\ههههههههه ما اعرف مثلك..
طالب بضحكة\لـ الهياط اصووول..
شوق\طالب شكل الطلق رجع..
طالب بسرعة\تصبحين على خير..

تغطى بالكامل وهي تضحك عليه..
طالب بنذالة\بجد يا شوق قالوا الولادة صعبة ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛

صحت من النوم غصب عنها لما حست بشيء غريب عليها..
شيء يتحرك على صدرها...أنفاس سريعة على وجهها ..
وفزت لما وصلت الانفاس لمحاولة عض على خدها..
صرخت بفرحة لما شافته يشاهق مبسوط فيها..
ضمته لها بقووووة وهي تبوسه على وجهه ورقبته وصدرهـ..
كان يلم يدينه حوالينها ويضحك..
بكت وهي تضمه وتترجاهـ يسامحها..
هديل بحب\يارووووح أمك يا قلبها..
فديييتك يا حبيبي..واحشنــــــــي..
دوب دوب دوب..

ضحكت مبسوطة لما يفتح فمه ويحاول يقبلها بطريقة غريبة..
ناظرت في أمها اللي تضحك على شكلها..
نزلته على فراشها وقبل تقوم لأمها نط عليها بسرعة..
لم يدينه حواليها وكرر حركته بفتح فمه على خدها..
هديل بحب\يووووومه امووت فيه..
بياكلني أو باكله..ياروووحي والله اشتقت لك..

ماسمح لها تبعد عنه..وهي نادت امها لها..
ضمتها بقوووة وهي تضحك..
هديل\ياقلبـــــــــــي وحشتيني..
ام علي بغصة\الحمدلله على السلامة..
هديل تبتسم\الله يسلمك...متى جيتي.؟؟
ام علي\نمت جنبك ماحسيتي علي..
هديل بخجل\لا والله ماحسيت عليك..يوومه وحشتوني..
ام علي\وأنا ميته عليك..
هديل\بسم الله عليك من الطاري..
ابوي جاء معك ولا مين..؟؟
ام علي\لا ما أحد جاء معي أنا لحالي..
هديل\أجل ذياب هو اللي جابك..
فديت ذيب أمه..البار بجدته..
ام علي\مادخلته عندك وانتي نايمة خفت يصحيك..
هديل تقبله بحب\ياليتك دخلتيه..فديييته امووت فيه..
ام علي\قال علي إنك تعبانة فخليتك ترتاحين..
وولدك ملقووف إذا شافك أو شم ريحتك مابيخليك تنامين..
هديل\ياعساني لعبة بيدين الملقووف الشيخ الأمير..
ام علي تبتسم\عطيني إياهـ وأنتي قومي أفطري معنا..
هديل\طيب خذيه بابدل واجيكم..

مدته لأمها تاخذه..
بس هو تعلق بشعرها وسحبها معه..
هديل\آآآآآي لا هههههههه ذياب فك شعري..
ام علي تمسك يدينه\ألا يالورع..فك شعر أمك..
هديل\آآآآهـ يوومه فكي يدينه عن شعري..
لما حاولت تاخذه من هديل بكاء بصوت عالي وشد على شعرها اكثر..
هديل بوجع\ههههههه لاااا ذيبي فك شعري عورتني..
هههههههه ههههههههههه...
ام علي\لا تضحكين..ترى بيظن إنك مبسوطة عليه ويزيد بحركاته..
هديل\ههههههههههه يومه ولدي مثل ابوهـ هههههههه ..
ام علي\يعني متعلم من ابوهـ يشد شعرك..؟؟
هديل\إيه لما اعاندهـ وابي اشرد منه يسحب شعري ويمسكني..
ام علي بحسرة\الله يعوضك يومه..

جلست على السرير وسدحت ذياب عليه..
حركت اصابعها على بطنه وصدره بخفة..
خلته يضحك ويفك يدينه من عليها..
وقفت بسرعة قبل يتعلق فيها مرة ثانية..
وراحت لدورة المياهـ..
هديل بانتصار\دووب واحد..
روح مع تاج راسك جدتك وأنا اجيكم..
يوومه يا روحي أنتي..ربي عوضني بالذيب..

دخلت دورة المياهـ وهي تسمع ذياب يبكي..
أستغربت القميص اللي لابسته..
والماء اللي تحس فيه باقي في بنطلونها..
مافكرت كثير وهي تسمع ذياب يصارخ..
تحممت بشكل سريع ولمت منشفتها عليها..
طلعت لغرفتها مالقت امها ولا ذياب..
مشطت شعرها ورفعته..

فتحت الكبت وشافت ملابسها معفوسة..
أستغربت لانها مرتبتها ..
وبعدين ملابسها مو كثير بس مع شكلها المعفوس وكأنها كومة ملابس..
لبست وهي مبسووطة بتطلع وتلقى أمها وذياب..
مشتاقة لهم كثير..تمنت لو ابوها وأخوانها موجودين..
وقفت قدام المراية كانت تقفل بلوزتها..
لما لاحظت شيء غريب بأسفل رقبتها..
ماتدري ليه حست بخجل من اللي فيها..
لما حست تفكيرها بياخذها له..صدت عن المراية..
وطلعت من الغرفة..

راحت له وهي تبتسم بشوووق..
وقف لها وهي ضمته وقبلت راسه وكفه..
ماتوقعت تشوفه لان امها قالت مامعها الا ذياب..
هديل تبتسم\نوورت الشرقية..
ابوعلي\منورة بسكانها يا روح أبوك..
كيفك يوبه..؟علي يقول تعبانة..
هديل\الحمدلله بخير..بس كنت مصدعة شوي..

راحت لمحمد سلمت عليه..
وعلى غادة وحنان وعبدالله..
غادة\جعلك من هل الجنة..
كسبتي أجرنا وجبتينا لـ البحر..
هديل بمرح\ليتكم كنتوا معي في العمرة..
حنان\فديتك يا هدووول مشتاقين لك..
هديل\ياغلاهم ياحنونة..والله مشتاقة لكم..
أحس سنين ماشفتكم..
حنان\ترى بغيابك صار ذياب وهدول ربع..
هديل تبتسم\واخيراً نالت بنتك على رضى ذيبي..
حنان\هههههههه والله بالغصب..
يمسكها من شعرها وشوي الايفغصها..
هديل تبرر\هههههههه رجال لازم يربيها على السنع..
هذي بنت خاله..
غادة\خير يا اللي يربيها..
مابقى الا ولد الجالي يربي بنت الجاسم..
هديل\عندك نزعة قبلية غير مرغووبة..
وبعدين يجيلكم ذياب بن هديل يربي بنتكم..
غادة\هههههههههه ياقوووية..ذياب بن هديل..
كيف يجي ذيب ولد حمامة..؟؟
هديل بقهر\أخبار راكانك...بعدهـ وع مايتنظف؟؟
غادة عبست\وجع حتى أخوك محمد مثله نفس ريحته..
أعتقد يستخدمون نفس العطر..
هديل\أقول أرجعي لزوجك ياللي ماتستحين..
غادة\شوفوا من يتكلم..؟؟ليش أنتي ماترجعين..؟؟
هديل بهدوء\انا انصحك لأن هذا لصالحك..
فلا تنصحيني للي يدمرني..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

دخلت الغرفة بعد ما تأكدت إن راجح طلع من البيت ..
بدت ترتبها مع الخدامة وتفرد الغسيل..
دخلت غرفة التبديل وشهقت بقوووة..
لما شافت فستان الزفاف معروض قدامها..
هي متأكدة إنها خبته عن راجح..
حطته بشنطة وقفلتها..
كيف قدر يطلعه..كيف عرف عنه وشافه..؟؟
نادت الخدامة وسالتها إذا كانت هي اللي طلعته..
وإجابتها أكدت لها إنه راجح هو اللي عرضه قدامها..

بلحظات قدرت تفسر غرابت نظراته لها لما دخلت الغرفة وهو فيها..
هذا كان مقصدهـ ..
بس مافهمت هل هو رضى او شيء ثاني ما اعرفه..
ماكان المفروض يشوفه ولا يدري عنه..
تمنيت يشوفه علي ونكون راضين..
مابينا حلف بالطلاق وزعل كبير..

طول أمس وأنا اراجع تصرفاتي..
كنت خايفة يكون سامع شيء..
أو في باله موال جديد يهاوشني عليه..
والحين فهمت..كله من هذا الفستان..

فستان ابيض ناااعم جداً..
يليق بحفلة صغيرة لزوجة طمووحة لإرضاء زوجها..

حست بزعل وضيقة قووية..
غصب عنها أدمعت عيونها..
وتضايقت اكثر من وجود الخدامة وراها..
رشا بحدة\جيبي كيس كبير..
حطي فستان ونزليه في مستودع..
راجح بحنية\أفـــا وتخلينها في خاطري..

ألتفتت عليه بسرعة..
حست بإحراج كبييير..
وكأنه أول مرة يشوفها..
تمنت لو مادخلت غرفته..
لو شالت الفستان اول ماشافته وخبته..
تحس وكأنه مسكها تسرق وبالجرم..
نزلت راسها وكانت بتعدي من جنبه..
وقف قدامها ومنعها تمشي..
راحت من الجهة الثانية ومنعها..
حطت يدينها على صدرهـ تبعدهـ عن طريقها..
وهو لم يدينه على خصرها وقربها منه..
راجح\ليه الخجل..؟؟
رشا\باطلع..
راجح يبتسم\اول بدلي ملابسك..
رشا بإحراج\ما بألبسه..والحين بعد عني..
راجح\لازم تلبسينه ولا كيف تطلعين..؟؟
رشا تحاول تفك نفسها عنه\اطلع مثل ما انا الفستان ما بألبسه..
راجح بحنية\الفستان إن شاء الله بتلبسينه..
بس أنا ابيك تلبسين عباتك ياروحي..
عندك موعد مع الدكتور..

حست بفشششلة منه..
ألحين بيضحك عليها وعلى تفكيرها..
يبيها تلبس العباية وهي تتغلى وتحسبه يبي الفستان..
انحرجت منه بزيادة..
وبكت بقهر..
ضمها وهو يضحك بصوت عالي..
راجح\ههههههههه فديت الحساسة..
إن مالبستيه لبستك إياهـ غصب..
رشا بزعل\بسسسسس..
راجح\سبحان الله الحسد ماهو زين..
وأنا حاولت قد ما اقدر ما احسد طالب..
وحبيت يكون لي مثله..
يعني أشوف زوجتي عرووس..

هدت نفسها لما سمعت كلامه..
يعني هو كان يتمنى يشوفها بشكل العروس..
وهذا يعني إنه ما يسخر منها او يستسخف حركتها..
حاول يرفع وجها له بس هي مارضت وخبته في صدرهـ..
رشا\لا تضحك علي..كانت فكرة غبية..
راجح\إلا اطلق فكـــرة..أعجبتني مرررة..
ومشتاااق أشوفك لابسته..
وكان لازم اجيب شيء يناسب الفستان ويناسب رضاك..

مافهمت كلامه وهو مسك يدها وطلعها لغرفة النوم..
جلسها على السرير وجلس جنبها..
طلع علبة مخملية كبيرة من كيس ..
فتح العلبة وكانت طقم ذهب أبيض لازوردي..
عقد راااقي وفخم ..بخاتم وإسوارة وحلق ..
ناظرت الطقم مبهورة برووعته..
رفعت عيونها والتقت بعيونه..

راجح\كلامك كان صح..
وانا جرحتك بطاري الطلاق..
مع إن هذي ماكانت رغبتي..
فكرة حبيت اوصلها لك وأخليها على بالك دائماً..
كفرت عن يميني وإن شاء الله ربي يتقبل مني..
رشا تبكي\لاتطري الطلاق مرة ثانية..
إلا إن كنت ناوي فراق فلك اللي تبي..
بس تهديد وكسر خواطر لا..
راجح\بس يارشا لازلت عند رأيي..
ما أبيك تدخلين بحياة غازي وهديل..
إن كانت نصيبه فلو اجتمعوا كل اهل الأرض ضد غازي فهو بياخذها..
وإن كانت ماهي من نصيبه فمستحيل ترجع له ولو جمع ما جمع..

كل كلامه صح..
العاقل والمجنون يتفقون بهذ النقطة..
إن كانت نصيبه فهي له..
وإن كانت ماهي نصيبه فمابتكون له..

لما حست بيده على كتفها..
قربت منه ولمت يدينها على رقبته وضمته بقوووة..
تحبه وتحب حنيته عليها وعلى هديل وشوق..
تبي ترضيه تبيه يكون سعيد معها..
هو يستاهل الراحة..
الراحة اللي ماعرفها من يوم تزوجها او قبل مايتزوجها..
قبلته على رقبته بحب..
رشا\فديتك يا حنون...
ضمها له اكثر وقبلها بعمق..

يحبها..يرحمها..يحب يرعاها..
لما شاف الفستان بشنطته أنصدم منه..
ظل يفكر لوقت طوويل من وين بيجي فستان زفاف لشنطته..
وتذكر تصرفاتها الغريبة قبل حفلة شوق..
ومنعها له مايدخل غرفة تبديل الملابس..
والمفاجئة اللي كانت توعدهـ فيها..
طلع الفستان وعلقه بواجهة غرفة التبديل..
ذوقها الناعم الهادي..
أنبسط وحس بسعادة كبيرة إن رشا فكرة بهذا الشيء..
يمكن حست بغيرة من شوق..أو تفكيرها كله ترضيه هو..
لانه ماشافها بحلة العرووس..
عرف ليه الفستان متخبي بشنطته..
لأن اللي صار بينه وبينها والمشكلة ماسمحت لها تظهرهـ ..

ضمها له اكثر وهو يهمس لها بحبه ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كلهم كانوا يضحكون عليها..
وهي مخبية وجها ورى يدينها وتضحك..

علي\ايه بس حمى وتهذي..
وتصحيني من النوم تقول غازي ضرب أمي..
هديل تشهق\ههههههه لا ماقلته..
علي\هههههههه والله قلتيها..
وانا قمت مفزوع صدقتها ..
خرجت من الشاليه ادور أمي وين غازي يضربها..
رجعت لها وهي نايمة في غرفتي..
جيت اصحيها طلعت البنت راعية حمى وخرابيط..

عبدالله\ههههههههههههههه عاد مالقيتي الا جدتي ضربها..
لو قلتي ابوي أخواني جدة ابوي يمكن معقولة..
بس امك يضربها زوجك كيف طرت في بالك..
هديل بفشلة\يلعب عليكم لا تصدقووونه..
علي يضحك\ههههههههههه والله إني صادق..
لا وكنت جالس معها على التفزيون..
الا البنت تشرح لي وش معنى خرق في طبقة الاوزون..
وإنه بسبب اكل الخيول لـ السكر..
بالله عليكم وين الرابط العجيب بين المعلومتين..؟
هديل\علـــــــــي حرام عليك والله ما اذكر..
غادة\ههههههههههه آآي بطني..
محمد\ههههههههههههه والله نكته عجيييبة يا هدووول..
عبدالله\أرسلتها لشلتي قطاع الطرق..
وبعد شوي توصلكم بالواتس..
علي بجدية\هديل أنتي ماتذكرين وش صار أمس..؟؟
هديل بتفكير\امممممم بلى مو امس رحنا نتعشى بالمطعم..؟؟
علي يبتسم\لا يا عيوني أول أمس رحنا المطعم..
هديل\هههههههههه شكلي خرفت..
بس صدق وش سوينا امس..؟؟
علي\بعيدن اقولك..فيه قطاع طرق هنا وعواذل..
غادة\بالله قول يا علي خلنا نضحك عليها..
هديل\والله العظيم ماتقول لهم..
خلاص يكفي فضايح..
محمد\لايكون فيها غازي بعد؟؟
علي\بعضها فيها وبعضها لا..
هديل\لااااااا تقول شيء خلاص..
كنت تعبانة المفروض ما تنشر اسراري..
علي بنظرات\سويت معك تحقيق..
وقلتي لي كل شيء..

رفعت راسها عن ذياب وناظرت فيه مصدووومة..
نظراته خوفتها وحست انه صادق بكلامه..
خافت يكون صدق أستجوبها وهي قالت له شيء..
ماتبي مشاكل بينهم وبينه..
تبي كل شيء ينتهي بالطلاق..
ماتبيهم يعرفون..
نزلت ذياب بحضن غادة وطلعت من الشاليه..
جلست مع ابوها اللي كان يشوي اللحم..
وأمها تجهز أغراض العشاء مع حنان..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

أبتعدت عنهم ووقفت قدام البحر..
كلام علي قلب مزاجها وخوفها..
هي ماتذكر كل اللي يقوله لهم..
يعني يمكن يكون صادق وهي أعترفت بكل شيء..
ألتفتت على صوت وشافت علي متوجه لها..
ارتجفت وفكرت كيف تواجهه..

تذكرت غازي كيف يتصرف..
يكون بارد ومتملك بأعصابه..
مايسمح لأحد يستغفله أو يستدرجه..

حين اشتـــاقك ..
أتقمص شخصيتك..
أبتسم لما تحب..أغضب لما تكـــرهـ ..
أتخذ قراراتي بحزمك..
أصد عما يسيئني ببرودك..
أتجاهل عبارات الإستفزاز كما علمتنـــي..
وأتمســــك بثقتي العوجـــاء مهما ضعُفت..

علي بهدوء\وش رايك تسبحين..؟؟
هديل بهدوء\مالي خاطر أسبح..
علي\ليه هربتي بعد كلامي..؟؟
هديل\انا ماعندي شيء يخليني أهرب منك..
علي\وش صار بينك انتي وغازي..؟؟
هديل\متـــى..؟؟
علي\لما كنتي معه..
هديل بهدوء\أيام كثير كنت معه..حدد متى..
علي بحنية\ماني حاب أضغط عليك او أجبرك تتكلمين..
بس هذيانك كان كله عن غازي..وعن خيول ومزرعة..
هديل بحذر\طبيعي أتكلم عنه وعن الخيو ولامزرعة..
عشنا هناك فترة في الريف..وكان فيه خيول..
علي\تحاولين تضيعين الموضوع..
هديل\مافيه موضوع..إذا عندك شيء واجهني فيه..
علي\هديل أنا أخوك ماني عدوك عشان اواجهك بشيء..
يمكن انتي عشتي كفاح طويل مع الدنيا ومع الناس..
بس يالغالية ما أنتي مجبورة تعيشين بحالة دفاع دائمة مع نفسك وهلك.
أبيك تظلين مرتاحة مثل ماكنتي بأيام العمرة..
أنتي خايفة من شيء..
وتطمني انا ماعرفت شيء ماتبيني اعرفه..
هديل بجمود\انا ماعندي شيء أخبيه..
اللي تبونه قلته لكم..
علي\ما ابيك تقولين اللي أنا ابيه..
أبيك تقولين اللي بخاطرك تقولينه..
هديل\اللي في خاطري قلته في مكة ودفنته..
والكلام في الفايت نقصان عقل..
ما ابي من غازي الا يطلقني وأبيك توقف معي في هذا الشيء..
علي\هو قالي إنكم تفاهمتوا..
وإنك وافقتي ترجعين معه لحتى يتعالج ذياب..
بس ألحين ادركت إنه يكذب علي..
هديل\وأنا متى قابلته عشان اقرر معه..؟
علي\غازي كان معنا امس هنا في الشاليه..
وأنتي اللي طلبتي منه يجي..
هديل بصدمة\مستحيل..أنا اطلبه يجي..؟؟
لا انا ماطلبته لا تتهمني..وهو ماجاء..
لو جاء ماكنت بانسى..
علي\صلي على النبي ولا تخافين..
أنتي طلبتيه يجي بس ألحين أدركت انك ماكنتي واعية لطلبك له..
كنتي تعبانة وتهذين..
هديل\اطلبه وانا تعبانة ليه..؟؟ وش ابي فيه..؟؟
ليه وافقتني وخليته يجي..مو انا اقول ابي الطلاق..
علي أنا ما اذكر..
علي\طلعت امس اجيب علاجك من الصيدلية..
رجعت وكنتي أنتي وهو جالسين هنا..
يمكن لقاك تسبحين ووطلعك من البحر..
عشان كذا ماتذكرين..

صدت عنه ومشت مبتعدة ..
غازي جاء..؟؟
طلعني من البحر..؟؟
وأنا ليه دخلت البحر..أنا ما اعرف اسبح..
مستحيل ادخل البحر لحالي..
يمكن هو دخلني البحر..
جلست وغمضت عيونها وحاولت قد ماتقدر تسترجع اللي صار معها..
بعد ربع ساعة فتحت عيونها وهي تشهق بخوف..
وقفت بسرعة ودخلت الشاليه..
ماردت على ابوها ولا اخوانها اللي كانوا ينادونها..
دخلت غرفتها وقفلت الباب..
فسخت بلوزتها بسرعة ورمتها..
وقفت قدام المراية وشافت اللي برقبتها..
حطت يدينها على وجها ودارت على نفسها..
هديل بهمس\وش صار..؟؟
ياربي وش صار..وش سوى فيني..
تذكرت كلامنا هواشنا..هو صدق كان موجود..
بس كنت بوعيي مالمسني..
طيب كيف جات هذي كيييف..؟؟

فتحت الجوال واتصلت عليه من دون تفكير..
غازي\هلا والله..
هديل بحقد\أنت وش سويت..؟؟
غازي\بعدني ماسويت شيء..
هديل برجفة\تكلم قووول أنت وش سويت فيني..؟؟
غازي بمحبة\ولاشيء ياروحي..
بكرهـ إن شاء الله يصير خير..
هديل\مابيصير شيء بكرهـ..
غازي\ليه يا حبي مابيصير..؟
وعادي إذا ماصار المهم تكونين معي..
هديل\أنت مو صاحي..ليه ماتطلقني وتريحني..
غازي\أفا اطلقك واللي صار أمس..؟؟
هديل بشك\قلت ماصار شيء..
غازي\ياحبي أنتي..امس قلتي إني حبيبك..
وإنك تبين ترجعين لي..ونعالج ذياب ونكمل حياتنا..
هديل بقهر\كذااااب مستحيل اقوووله..
أنت كذاااب كذاااااب..
غازي\هشششش لا تزعلين وتتعبين نفسك..
ألحين ابيك تنامي وترتاحين..بكره مع الفجر عندكم مشوار..
لازم ترجعون الرياض بدري..
عيب الناس ينتظرون أبوك واخوانك..
هديل\أي ناس واي بطيخ..؟؟أنت تهذي..؟؟
غازي يتنه\إلا أموووت فيك..ما اهذي وبس..
الناس ياقلبي الجاهه اللي جايين يرجعونك لزوجك حبيبك..
هديل\لا والله ما تجيبهم..
لا تجيبهم ما بارجع معك..ليه ماتفهم ليييه..؟
غازي\وتردين الشيوخ والأمراء والناس كلهم اللي جايين يطلبونك..؟؟
هديل بقهر\ليه أنت مارديتهم لما جاوء يطلبونك تعتق هادي..؟؟
مو قلت الدم بدم ومانقبل صلح..
ليه انا مايحق لي اقول لا ما ابيه ومابارجع معكم..
على الاقل انا في حق..وانت كنت في باطل..
غازي\حالي غير عن حالك..
هديل بحقد\هذا ردك حالك غير عن حالي..
معك حق أنا غير عنك..وما بأرجع لك..
غازي\ياروحي أنتي أمس أتفقنا على كل شيء..
ترجعين وتعيشين معي لحتى يتعالج ذياب..
بعدها إن ماقدرتي تكملين معي ننفصل..
هديل برفض\لا والله ماقلته أمس والله..
غازي\لا تحلفين..
أنتي قلتيه بس يمكن تعبانة الحين وماتذكرين..
هديل\ما ابي ارجع لك..
غازي\ليــــه..؟؟
هديل\...................
غازي\أحبـــــك..
هديل بغصة\لاتجيبهم..
غازي\أطلبي غير بعدك وابشري..
هديل\أنت تطلب عناك..
إذا رجعت لك أعيش معك مثل ماكنا بإيطاليا..
مثل مانسيت إني زوجتك إنسى مرة ثانية..
ومثل ماصديت وجرحت صد مرة عاشرة ..
غازي\أنتي أرجعي ولكل حادث حديث..
هديل\لا..
ألحين إما نتفق أو والله العظيم لأردك واردهم..
ولو فيه فشلة وقهر لهلي ولك ولـ الشيوخ اللي جايبهم..
ولو قالوا عني الناس ناقصة عقل وسنع ماهمني..
نعيش مثل زمان ومايكون لك علي حق ملك اليمين..
لأن مالك دم برقبتي ولا برقبة اخوي..حن بريئين من دمكم..
غازي\لك اللي تبين..
هديل بوعيد\ورب العزة والجلال ياغازي..
إن ضربتني أو أجبرتني عليك أهرب من الديرة كلها.
ومثل ماغبت عنك سنتين اغيب عنك سنين...
سويتها مرة وانا بزر واسويها من ثاني ..

قفلت الجوال ورمته على الارض..
جلست على ركبها وبكت بقهر..
ليه ماتخليني ابني حياتي وارتاح..
ليه تبيني أبنيها على ركام حياة قديمة..؟؟

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

بعد صلاة الفجر خرجت من غرفتها ..
وكانوا هلها كلهم مجتمعين برا الشاليه ويتكلمون في الموضوع..
كانوا خايفين تسمعهم وتتضايق..
علي\حسبي الله ونعم الوكيل فيه..
هو يدري إن حن ماحنا في الرياض..ليه يحرجنا مع العرب..؟
ابوعلي\وش السواة..الناس بيقبلون على بيتنا وقبيلتنا..
وحن هاربينا هنا..قوموا رجعنا..
ودامها ماهي براضية فـ الله يستر عليهم..
بنتنا لنا وماحد له عندنا شيء..
علي\شورك وهداية الله..
هديل\بس أنا بأرجع يوبه..
ابوعلي بصدمة\كيــــف..؟؟
علي بغضب\لييه ترجعين لييييه..؟؟
اتفقنا ماترجعين وتنتهي حياتك معه بالطلاق..
هديل\وبعدني عند كلامي..وباتطلق منه..
بأرجع معه لحتى يتعالج ذياب وبعدها ارجع..
علي\انا اعالج ذياب..أوديك أنتي واياهـ وين ماتحبين..
بأي بلد مستعد أخذك..بس لاترجعين له..
هديل\ماتقصر يا ابو عبدالله..
بس أنا اعرف الأصول واعراف القبايل..
اللي جايينكم الليلة شيوخ وناس لهم حشمة وقدر..
وإن رديتوهم فينقص قدركم بينهم..
ويزيدون الناس في كلامهم علي وعليكم..
انا بارجع له عشانكم ماهو عشانه..
وهي شهرين وارجع لكم..
وبعدها لا هو ولا غيرهـ لهم عندي شيء..
بس طلبتك يوبه لاتقفل الباب بوجهي وتسدها علي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛

دام السنين الي مضن لي مخاسير
عسى العوض في باقيات السنيني ...

جالسة جنبه في السيارة..
يوم أنتهى مثل ماوعدها ينتهي وهي معه وراجعه له..
شافت الحسرة بعيون أمها وجدتها..
ومرح حزين حاولت تنشره سارة وغادة بينهم..
حضروا لها شنطة صغيرة مستلزمات كم يوم لحتى يشترون لها الباقي..
وماسمحوا لها تروح الا بفستـــان يليق بها..
حرمة راجعة لزوجها..لازم تفتنه وتقهرهـ..
الفكرة اعجبتها وكانت تدري إنها بتقدر تهزمه وتقهرهـ..
بس هي تعرفه مايتحمل تكون جنبه الا ويتحرش فيها..
فكيف لو تقصدت تلبس وتدلع عندهـ...
سارة\يا بختك يا أبو قوطي الطماط ..

أبوها واخوانها لما سلموا عليها..
ودعتهم بإبتسامة وضحكات كذابة..
كان عبدالله يشرح لها كيف المجلس والحديقة أمتلت رجال..
وهو يدور عليهم مع ابوه وعمامه وعيال قبيلتهم بالقهوة ..
كم تمنت لو إنها مافيها خير..
لو كانت حقوودة وحقيرة..
لو تدخل عند الرجال وتقول ما بارجع له والله لا يردكم ولا يردهـ..
جبان قتلني وجايبكم اليوم تدفنوني معه..

عاتبت نفسها...
راحت سنين مالها اي قيمة عند أحد..
ماخسر غيرك ولا ضاع غيرك..
كل من طاح منهم رجع يوقف ويكمل حياته..
وأنت بعدك طايحة مالك نية تقومين..
قومي وكملي حياتك به وبدونه..
هي شهرين وكلها بتكون علاج لذياب..
وبعدها ترجعين لهلك..
عامليه مثل ماكان يعاملك..

غازي بوله\نورتي يا اطهر ذنوبي...
حست بيدهـ على يدها..
رفعت عيونها لعيونه وماتكلمت..
نزل من السيارة ولما نزلت كان جنبها وذياب بحضنه..
مشت جنبه بهدوء ..
ودخلوا البيت اللي صابها من دخولها له هذي المرة إحساس غريب..

توقعت تشوف أمه وخواته..
بس ماقابلت احد منهم وهذا الشيء ريحها..
ماتبي مواجهات ولا تقابلهم وهي راجعة غصب عنها..

طلعت الدرج جنبه وبدت تحس إن الثقة والجمود اللي كانت تدعيه يهرب منها..
حفرت كفها بأظافرها تحاول تسيطر على اعصابها..
فتح باب واشار لها تدخل..
دخلت وهو دخل وقفل الجناح عليهم..
تجاهلت حركته وكأنها ماشافته..

دخل لاحد الغرف نيم ذياب بسريرهـ..
غطاهـ وقرأ عليه الأذكار..
وبعدها رجع لها..

كانت واقفة قدامه من دون عبايتها..


إلى الملتقى بإذن الله تعالى فجر الثلاثاء ..


أعذروني على تقصيـــري معكم وصغر البارت ..
لازالوا ضيوفي موجودين ..ومشغولة معهم...

كونوا بالقــــــرب ..

وكونوا بخيــــــــــــــــــر ,,,


صدووود’’’

السلام عليكم ورحمة الله وبركاته ...


صبـــــــــــــاح\\
الورد بانواعه ..

مســــــــــــــــاء\\
الحب بليـا حدوود..

كيــــــفكم الــ ليلاااااااااس..؟؟
أحبتـــــــــــي في كل مكــــان ..؟؟

شــــــــــــكراً بحجم السماء لكل من هنئني على التميز..
لم يكن التميز ليكون لو لم تكونوا بقـــربي ..
وتميزي الأجمل هو محبتـــكم ...

البارت إهداء لجميـــع أحبتي ..
ولغاليتي ميـــاسين ..
وعدت يكون البارت هدية لمن تجيب إجابة صحيحة..
وكانت الغالية مياسين هي صاحبت الإجابة..

البارت الســـابع والسبعـــون ..

أبحرتِ ، سيدةَ الأقمار ،عن رجلٍ
ما زال يبحرُ في أعماقِه الكمدُ
وراعَك الحزنُ في عينيه..مؤتلقاً
وصدّك اليأسُ في دنياه يحتشدُ
أتيتِ تبغين شعراً كُلُّه فرحٌ
أنشودةً عن زمانٍ كلُهُ رغدُ
و جولةٌ عبْرَ أحلام مورَّدةٍ
في هودجٍ بالندى الورديِّ يبتردُ
فما سمعتِ سوى الأشعارِ باكيةً
وما رأيتِ سوى الإنسانِ يرتعدُ
أنا الطموحُ الذي كلّت قوادمهُ
أنتِ الطموحُ الذي يسعى له الامدُ
أنتِ الشبابُ إلى الاعراس مُنطلقٌ
أنا الكهولةُ يومٌ ما لديه غدُ
أنتِ الحياةُ التي تنسابُ ضاحكةً
إلى الحياةِ أنا الموتُ الذي يَئِدُ
لا تعجَبي من صباحٍ فيه فُرقتُنا
بل اعجبي من مساءٍ فيه نتّحدُ ..

المرحووم بإذن الله تعالى ..غازي القصيبي ..



كانت واقفة قدامه من دون عبايتها..
بفستان أصفر طويل..
عاري الصدر والكتف..
مرسوم على جسمها..بفتحة طويلة على قدمها اليسرى..
شعرها محاوط وجهها ونازل على كتفها..
ولازال الهاي لايت معطيه منظر رائع..
مكياج راقي ومناسب للون الفستان..
عيونها قصة بالحالها برسمت كحلها والشادو السموكي..
تعمدت الإهتمام بعيونها لانها تدري بان عيونها عشقه الأول..
رفعت يدها وحركت شعرها على ظهرها..
ورفعت حاجب كتحدي واضح له..


أتحـــدى من ..
إلى عينيك يا سيدتي قد سبقوني
يحملون الشمس في راحاتهم
وعقود الياسمين..
أتحدى كل من أحببتهم..
من مجانين ومفقودين في بحر الحنين
أن يحبوك بأسلوبي وطيشي وجنوني ..
أتحداك أنا أن تجدي
وطنا مثل فمي ..
وسريرا دافئا مثل عيوني ..
إنني أسكن في الحب
فما من قُبلة
أُخذت أو أُعطيت
ليس لي فيها حلول أو حضور ..
أتحدى أشجع الفرسان يا سيدتي
وبواريد القبيله ..
أتحدى من أحبوك ومن أحببتهم
منذ ميلادك حتى صرت كالنخل العراقي طويله
أتحداهم جميعا..
أن يكونوا قطرة صغرى ببحري
أو يكونوا أطفأوا أعمارهم
مثلما أطفأت في عينيك عمري ..
أتحداك أنا أن تجدي
عاشقاً مثلي
وعصراً ذهبياً مثل عصري
فارحلي حيث تريدين ارحلي ..
واضحكي
وابكي
وجوعي
فأنا أعرف أنك لن تجدي
موطنـــاً فيه تنامين كصــدري...

نزار القباني ...


وقف واسند ظهره على جدار غرفة ذياب..
وعقد يدينه على صدرهـ ..
وعيونه تتاملها من شعرها اللي بعيد كل البعد ..
عن جديلتها الغالية على قلبه..
سواء باللون أو الشكل..
وجها الجذاااب بملامحه الناعمة الحادة..
عيونها أحباب قلبه..
عشقه وغرامه ..
طعنته من أول نظرة بينه وبينها..
لما أخذها من ابوها..
خدودها الصافية المتوووردة من خجل تحاول قد ماتقدر تخفيه..
الخجوولة المتحدية..
عجيبة بكل أدوارها..
ركز عيونه على فمها ..شفايفها المغرية..
بوابة نجاته بكلمة من شفايفها..
قسوتها وصدها وإنتقامها..
يكون من فمها الراقي بمنظرهـ..السليط بسمه..
وكملت عيونه رحلت التأمل..
بنحرها وصدرها..
بجسمها الفاتن المتناسق..
ولما وصلت عيونه لفتحة الفستان..
رفع حاجب وغمز لها كقبول لـ التحدي..

صدت بعيونها عنه وتوجهت لغرفة أدركت إنها غرفة النوم..
لانها كانت قريبة من غرفة ذياب..
ولان بابها الكبير المفتوح يدل على هذا الشيء..
كان يناظرها برضى وهي تمشي لجهته..
رفع يدينه لها يدعيها لحضنه..
يدري مثل ماهي تدري إنها مستحيل تلبي طلبه..

لا تقابلني حبيبي بهالبرود..
تو حبك مشتعلني مانطفــا...

تجاهلت وجوده ويدينه..
ودخلت الغرفة تاركته يضم الهواء لصدرهـ..
رمت عبايتها على الكنبة ..
وتذكرت إن شنطتها لازالت في الصالة..
التفتت تبي تطلع تجيبها..
وأنصدمت فيه واقف وشنطتها بيدهـ..
وصدمتها الأكبر..
إنه مقفل الباب ومستند عليه..
نزل شنطتها وراح لها..
حاولت تظل واقفة بمكانها وماتبين له خوفها..
بس بسبب قربه الكبييير منها وملاصقته لها أجبرها تتحرك وتبتعد عنه..
قرب منها اكثر..
وهي حطت يدينها على صدرهـ وابعدته عنها..
صدت عنه ناوية تطلع من الغرفة وتروح عند ذياب..
لم يدينه على خصرها وثبت ظهرها على صدره..
غازي بهمس\مبروووك علي يا جنوني..
هديل ببرود\الله لا يبارك لك فيني..
غازي بمحبة\لمست سهيل..واليوم بأصافحك..
هديل\أحلامك كبيرة..
غازي يبتسم\عندي لك أمانة..
حست بيدينه تتحرك عليها..
أرتجفت وحاولت تبعد عنه ماسمح لها..
فسخ الخاتم من إصبعه..
ومسك يدها بحنية ودخل الخاتم..
ثم رفع يدها وقبلها..واحتضنها مرة ثانية..
تحركت بين يدينه برفض..
حاولت تفسخ الخاتم من إصبعها..
بس يدينه منعتها من هذا الشيء..
غازي بهمس\بأشتاق له..لانه لك..
بس دامه معك ماعليه خوف..
هديل\ما ابييييه..لانه منك ولك..
غازي\لو ماتبينه كنتي رميتيه مع العقد اللي أوهمتيني فيه بموتك..
ماسمح لها ترد عليه..
لبسها عقد الماس مكتوب عليه أطهر ذنوبي..
ودخل خاتم العقد باصبعها..والإسوارة بمعصمها..

حررت نفسها منه وواجهته بقوة..
هديل\أوهمتك..؟؟
لازلت تعتقد إني إنسانة حقوودة وخبيثة مثلك..
وكل شيء أسويه مخططة له ودارسته بالمسطرة..
أنا صح هجــــرتك وهربت منك..
بس موتي المزعووم كان بقدرة رب العالمين..
وسبحان الله ..مايحب الظلم وحرمه على نفسه وعلى الخلق..
غازي\ماخططتي لــ الموت..
بس خططتي لـ الهرب وكلها عندي بنفس الميزان..
هديل بسخرية\انت راعي الأولة..
ومن جنونك تعاقبني قبل ارتكب الجريمة..
عاقبتني سنين لجريمة هربي..
عاقبتني ثم انا اجرمت..
وبكذا تعادلنا..
غازي\تعادلنا..؟؟
هديل بآسى\مستحيل نتعادل..
واليوم كاسيني ألماس..
تفتكر ممكن ألماسك يبهرني..
أو يذوب الجليد اللي حولتني له..؟
غازي\نبدأ صفحة جديدة..ونذوب الجليد..
هديل بصد\أكيد بأبداء صفحة جديدة..
بس ماهو معك..ولا في عالمك أو كوكبك..
بأبداء في مكان بعيييد عنك..
مع إنسان ثاني..عاقل ماهو مجنون..
غازي بغموض\بعد مايتعالج ذياب لك الحرية ترحلين او تبقين..
بس من الحين لحتى هذاك الوقت..
لاتفكرين بالفراق أو الصد..
وغير أبو ذياب لا يخطر على بالك..

قرب منها ولم يده اليسار على خصرها ولصقها فيه..
وحط يده اليمين على راسها..
غازي\اللهم إني أسألك خيرها وخير ماجبلتها عليه
واعوذ بك من شرها وشر ماجبلتها عليه..

غصب عنها ادمعت عيونها بقهر..
غمضت وهي تتحسر على حالها..
توهـ يتذكر الدين..
بعد خمس سنين تذكر يقتدي بسنة الرسول..
تذكر يعتبرني زوجة ولي حق وابسط حق إني أصلي معه..
يارب لك حكمتك وانا ما اعترض..
بس اللي نسى دينه باول حياته معي ما أضمنه..
ماسمحت له يقبلها على جبينها..
أبتعدت عنه وناظرته بحقد..
هديل بغصة\تو الناس..
ماتشوف إنك مبكر مرة بتصرفك..؟؟
خمس سنين مضت بس..
لو انتظرت دبلها مو أحسن..؟؟
غازي بحنين\راح اللي راح..تعالي نصلي..
هديل بقهر\صل بروحك إن كنت تعرف تصلي..
ما ابي أصلي معك..

فرش سجادته يصلي..
وهي حاولت قد ماتقدر ماتدعي الله مايتقبل منه..
ربي عاذرني ما اصلي معك..
اللي يناسبه من أحكام يعمل فيها..
واللي مايناسب حقارته وإجرامه ينساهـ ويصد عنه..
حاله حال الملايين من شاكلته..
إن جات على حقوقهم قالوا ربي يلعنك والملائكة..
وإن جات على اقل حق لنا..
يصدوون وينسون وكأن اللي خلقهم ماخلقنا..
ليه ماقال إني زوجته..؟؟
لييييه حقرني..؟؟وكرهني بعمري وحياتي..؟؟
حست بألم فظيع بظهرها..
وكانه يشتعل نااار..

وقفت تبي تطلع من الغرفة..
بس الباب كان مقفول والمفتاح معه..
حست إنها ممكن تثور عليه وتكسر كل شيء على راسه..
رجع لعادته القديمة..
يسجنها ويبني أسوار حوالينها..
انهى صلاته وهي صرخت عليه بقهر..
هديل\إفتح الباب..بأروح عند ذياب..

مارد عليها توجه لباب كانت تظنه غرفة تبديل..
فتح الباب واشر لها عليه..
دخلت وتفاجئت إنها غرفة ذياب..
فاتح باب بين غرفة النوم الرئيسية وغرفة ذياب..
قربت من السرير..
وشافته نايم وتطمنت عليه..
تضايقت ولا اظهرت ضيقتها من تصميم الغرفة..
في البداية كانت تظن إنها تخص رسل الله يرحمها..
بس من لون الغرفة وصور ذياب منتشرة فيها ..
أدركت إنها مصنوعة لذياب..

تبي تصرخ فيه ليش مافيه سرير خاص لها بغرفة ذياب..
بس تدري إنه متقصد هذا الشيء ويبيها تشاركه غرفته..
ومنتظرها تفتح الموضوع ويتفلسف عليها..
من عصبيتها والمها المكبووت داخلها..
حست بالحرارة تزييد بظهرها..
وكأنها تحترق أو تنضرب..
رفعت شعرها عن ظهرها العاري..
ترتجي هواء بارد يخفف عليها..

بس حركتها كانت مثل البنج لغازي..
اللي قرب منها وقبلها على كتفها..
غازي بحب\أحبــــــك ..
هديل بوجع\حبك مايرضيني بقدر مايقرفني من نفسي..
أحس بكرهـ لذاتي لانك تحبني..
تصووور كيف احتقر نفسي..
غازي\تحتقرينها لدرجة إنك صرتي تحبيني..

يالنادرهـ كل المزايا بك إحسان..
أستثني الا في نقاشك عنيــدهـ ..

ألتفتت عليه وتعلقت عيونها بعيونه..
هديل بهمس\إلا هذا الوهم..
لاتنتظر مني محبة..
غازي\يكفيني حقدك علي..
كرهك لقربي..
يكفيني صدك الدايم عني..
كل شيء منك أعشقه ..
فمابالك بالمحبة لو ملكتها..؟؟
هديل بجمود\إكـــرهني..بقد ماتقدر إكــرهني..
أنا كرهتك عني وعن العالم..
ومن يملك الكرهـ اللي في قلبي..
مايلقى السلام حتى مع نفسه..
غازي\حبيتك اكثر من امك ومن ذياب..
مأساتك دفنت مأساة رسل..
ومادمتي أنتي قلبي فمستحيل تكرهين..
هديل بحدة\شربتني الحقد عليك..
اكلتني صدك وهجرك..
عشمتني في غدرك وطعنك بظهرك..
لا تنصدم لو في يوم تركتك بكل بروود..
ربيتني يا غازي..وأحسنت تربيتي..
غازي\وكم من تلميذ هزم أستاذهـ ..
هديل بتحدي\وكسر خشمه..
غازي\ههههههههه لاتنسين أكبر منك بيوم أعلم منك بسنة..
هديل\أكبر مني بقروون أجهل مني بعقووود..
غازي\لازم ترجعين لمدرستي..
وتسمحين لي أكمل تعليمك..
أهم وارقى درس بحياتك..
العودة من المنفـــى ..
هديل بغرور\درس تافه..
ماله اي مكان بحياتي..
بس شكلك درسته وللأسف مانجحت فيه..
لانك لو نجحت فيه..ماكنت بتكون ما انت عليه..
جلمووود ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

قفلت باب غرفتها وهي تنتحب بصوت عالي..
غاضبة مقهوورة ..
راحت من حضنها مرة ثانية..
رجعت للي فرقها عنها وعن ابوها وأخوانها..
رجعت للي قهرها وعذبها..
ام علي\حسبي الله ونعم الوكيل فيك ياغازي..
حسبي الله ونعم الوكيل فيك..
ياليتني خرجت عليهم وقلت والله ماترجع لهم..
ليتني قابلتهم وطلبت شيخهم مايطلعون الا وأنت مطلقها..
ياليتني قلبت خبثك عليك وعليهم..
هادي برجاء\يومه تكفين والله ماكان بيدي شيء..
هي وافقت وراحت..لارضت تشوفني ولا تكلمني..
ام علي بغضب\إطلع من البيت..
لاترجع الا بعد ماترجع هديل..
مثل ما قهرتها سنين روح ورجعها لي..
لا انت ولا ابوووك..ذنبها في ذمتكم..
ما ابي أشووفك ولا أسمع صوتك..
إطلع من البيت حالك حالها..
غادة تبكي\يومه صلي على النبي..
ليه ما منعتيها دامك ما انتي راضية ترجع له..؟
ليه سكتي وخليتيها تروح..؟؟
والله لو كانت تدري برغبتك ماراحت..

جلست تبكي وتندب على بنتها..
ليه ما منعتها..؟؟
لأني شفتها ماهي بنتي اللي أعرفها..
لازم ترجع له وتعالج ولدها..
وقبل لاتعالج ولدها تعالج نفسها..
مرت عليها حالة هديل قبل يومين في الشاليه..
لما دخلت عليها تطمن عليها..

كانت نايمة وترتجف..
قربت منها تغطيها وسمعتها تتكلم وتبكي..
هديل بألم\سامحني..لا..مو السوط..
يووومه ضربني..آآآآهـ...يوووومه..
أم علي مصدومة\بسم الله عليك..
لبيه يومه هذاني جنبك..
هديل قومي فديتك وش تحسين فيه..؟؟
هديل بشهقات عالية\لاااا..غازي سامحني..
رسل..انا رسل..أنت أمـــي..سامحني..
ام علي تبكي\هديل وش تقولين يا عذابي؟؟
هديل\آآآآهــ..

شالت الغطاء من على هديل..
نزلت القميص من عليها شافت اللي برقبتها..
وحقدت على ولدها اللي سمح لغازي يقابلها..
حركتها بحنية وظهر لها ظهرها..
نزلت راسها وحطته على ظهر هديل وهي تبكي..
ام علي\ياحسرتي يا هديل..
لمحتها وأنتي تخفينها وتضحكين..
شفتك تغطينها بشعرك ووشاحك..
ياليته كذب إحساسي..
سوط..ضربك بسووط يا بعد أمك..
عسى يمينه ماتشل بنته يارب العالمين..
عساهـ يشقى بذنبك وقهرك..
وتقولين يرعاك ويحبك..؟؟
وش مخبية غير السوط يا شقى امك وابوك..؟؟

قامت تتوضى وصلت ركعتين لله..
دعت فيها لهديل وإن الله يحميها من شر غازي..
ودعت فيها لهادي اللي صارت الدنيا في عيونه سواد وظلال..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛

غصب رايح ولا برجع لأني أبرز عيوبك..
حرام إنَّه يجي واحد يلومك من كثر..حزني..

طلع من البيت مقهوور مكسور..
حلفت على إخوانها مايسمحون له يقابلها..
منعه علي مايكلمها ولا يشوفها..
حتى بالشاليه ماراح عشان راحتها ورغبتها..
ليه رضت على العالم مارضت عليه..
وليييه رجعت له قبل ترجع لتوئمها..
مشتاق لها..
لهديل القديييمة البريئة..
اللي روحها صافية وخالية من الحقد والكرهـ..
حتى قبل لا تروح معه مارضت تقابله..
تحرق كل اللي بينهم بجفاها وصدها..
ليه ماتصد عنه ..؟؟
ليه ترجع له وهي تكرهه..
إيه تكرهه..هو اللي ظلمنا وظلمها..
هو تجبر وفرقنا..
فقد أخوه لازم كل الناس يعانون معه..

نهايته ماتكون إنتصارهـ بهديل..
لازم مثل ما أنهزمنا سنين ينهزم..
مثل ما تجبر وتفرعن يتعاقب..
لازم ينكسر مثل ماكسرنا..
كنا توئم..
دخل بينا وصرنا أغراااب..

عرفت ماضيك الأسووود..
وباحول مستقبلك لماضي ..
مثل ما جنيت علينا بأجني عليك..
وانت قلتها زمان..
الدم بالدم..والاخ بالأخت..
واليوم أقولك:
هديل بــ هديل ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

مضت نص ساعة وهي في دورة المياهـ ..
تحممت ولما كانت بتلبس بجامتها..
ناظرت بظهرها في المرايه..
كان احمر ولونه غريب..
أستغربت حالها..
حست بالالم فيه يخف ويزول بعد ما تحممت بماء بارد..

غصب عنها صابها خوف ورعب من وجودها معه بنفس الغرفة..
متاكدة إنه ماراح يعرض هدنتهم الوهمية لـ فراق من اول ليلة وهرب..
ومتأكدة اكثر إنه ماراح يخليها بحالها..
أحتجت إما يطلع من الغرفة او هي تطلع..
هي شرطت يعيشون مثل ماعاشوا في إيطاليا..
لها غرفتها وله غرفته..
وهو تعذر جناحه مافيه إلا غرفة نوم وحدة..
والحقير مقفل الباب ومخبي المفتاح..
ماتبي شعور السجن والمحاصرة يرجع لها..

طلعت من دورة المياهـ ..
مرت على ذياب متجاهلة وجوده في الغرفة..
تمنت لو كان فيها كنبة او شيء تقدر تنام عليه..
بس الخبيث حاسب حساب لكل شيء..
مايترك شيء لـ الظروف..

رجعت لغرفة النوم..
متسطح على السرير..
ساند ظهره على مقدمة السرير..
وباين من شكله إنه ينتظرها وماله نية ينام..
هديل بهدوء\بأطلع أنا في الصالة..أبي المفتاح..
غازي بهدوء\ماله داعي نعيد ونزيد بالكلام..
طول ما انتي معي مكانك جنبي ماهو بعيد..
هديل بحدة\ما اضمنك..إنت نذل وخاين لكل عهد بينا..
حتى مع نفسك خاين..
غازي\معك حق بحرصك..
تقدرين تصديني بس أنا ما اقدر..
بس أنتي السبب..
يعني لبستي الأصفر ليييه..؟؟
ليه اللون الأصفر؟؟
هديل ببرود\مجرد صدفة..لا تعشم روحك..
غازي بهدوء\تقولين صدفة..
لا ياهديل انا وانتي أكبر من مجرد صدفة..
وصلت رسالتك..بس ما زادتني إلا طيش..
هديل برفعة حاجب\حلووو إنك فاهم..
ومفهوم الرسالة مجبور تلتزم فيه..
وإن ما التزمت بالطيب..
أجبرتك تلزم حدودك..
غازي بتسلية\كلي شوق واعرف كيف تجبريني..؟؟
هديل بصد\لاتنسى تلميذتك ولي في الجرووح تجارب..

طفت نور الغرفة وتوجهت لـ السرير..
جلست على الطرف ونزلت الروب من عليها..
أنسدحت وطفت الابجورة..
قرأت أذكارها..وحست براحة لانه ما قرب منها..
غمضت عيونها وهي تسترجع آخر لقاء مع امها..
كانت تبكي بحسرة..
وهي حاولت قد ماتقدر تسلي أمها وتطمنها عن حالها..
ماتملك اي فكرة عن الي امها تعرفه..

تنهدت بآسى لما حست فيه قريب منها..
غازي بهمس\حاولت بس ماقدرت..
هديل\إبتعد عني..
غازي بحنين\مشتاق بس احضنك..
لم يدينه حواليها وقربها منه..
تدري الكلام ماراح يبعده عنها..
مدت يدها ونزلت القميص من على كتفها..
هديل\هذا الآثر جريمة يدينك..
متى ما اختفى وسم الجارية..
راح اتقبل أكون زوجة..
أنت مجرم وأنا بين يدينك..

حست بيدينه تضغط عليها بقوووة..
وكأن اصابعه راح تدخل جواتها..
تالمت بس كتمت الآآآهـ ..
وهي ترجع لها ذكرى حركته في ايامها معه..
لما يحفر خصرها بأصابعه ويفقدها قوتها..
كان ينتظر منها تتكلم او تتوجع..
ولا تركها لحتى سمع الآآآهـ المكبوته تطلع..
شال يدينه من عليها بس ظل قرييب منها..
وانفاسه تضرب بكتفها المجروح..
مدت يدها ترفع كم القميص على كتفها..
بس هو منعها لما نزل يدها..
أكتفت بإنتصارها المهزووم..
ولمت يدينها على خصرها تخفف من الألم اللي فيه..

نامت ولا درت عنه يتأمل الآثر اللي بكتفها..
ولادرى عن باقي الآثار اللي بظهرها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

لبست عبايتها وقفازاتها..
طلعت جوالها من شنطتها واتصلت على امها..
خلود\السلام عليكم..
أم خلود\وعليكم السلام..هلا امي..
خلود بمحبة\يومه انتهى دوامي تعالي خذيني..
ام خلود\يالله يومه مسافت الطريق واكون عندك إن شاء الله..
قفلت الجوال وهي تدعي الله يحفظ أمها ويديم عليها صحتها..
وسمعت مرام تتنهد بضيق..
مرام\خلود حرام عليك..
يعني لازم تطلعين امك من البيت بهذا الوقت..
وتجي مشوار إلى الجامعة عشان تأخذك..؟؟
خلود\وأنتي تظنين إن انا راضية بتعذيب أمي معي كل يوم..
مرام\أنا مو فاهمة عليك وين الغلط لو وصلتك أنا وسواقي..؟؟
خلود\دائماً تسألين نفس السؤال..
مرام\ودائماً تتجاهلين الإجابة..
خلود بهدوء\أنا ما اضمن الدنيا..
ولا اقدر اروح مع غرباء..
مرام\بس أنا بأكون معك..
خلود\مرام لاتزعلين..
صح أنتي صاحبتي من سنتين..
بس انا ما اثق في احد..الدنيا علمتنا نحذر من ظلالنا..
مرام بصدمة\خايفة مني..؟؟
خلود\ماهو منك إلا من الزمن..
ولا اركب مع سواقين أو تاكسي من دون امي..
بتقولين كبيرة والمفروض أعتمد على حالي..
بس لا يامرام سواء كنت كبيرة او صغيرة..
محتاجة أمي تحميني وتكون معي..
مرام بزعل\صدمتيني فيك..ماكنت اظن هذا تفكيرك عني..
خلود بجدية\لاتأخذين الموضوع بحساسية وتعتقدين إني أظن فيك الشينة..
انا لو ناقدة عليك بشيء ماكنت باصاحبك أو أجاملك..
يمكن الغرابة مني أنا..بس هذي قناعة عندي..
ما اروح مكان من دون امي..
مرام\مابأقول معقدة ولا جاهلة..
بأقوول إنسانة حريصة وقوية..
خلود تبتسم\ردي على جوالك..وكم مرة اقولك بلاش نغمات اغاني..؟؟
مرام تبتسم بخبث\مارفتي من المتصل..؟؟
خلود\أمي..؟؟
مرام\ههههههههههه وليه تتصل أمك علي..؟؟
خلود\مدري يمكن أختارت 2 لأنه رقمك في الإتصال السريع وانا 1 ..
مرام\لا ياحلوة هذا مو امك..هذا المجرم اللي يذبح الناس ويشرد..
خلود بقهر\لا تردين عليه قفلي في وجهه..

رفعت مرام الجوال ومدته لخلود..
مرام\بالله هذا وجه يتقفل عليه الخط..
شوفي زينه لبى قلبه يهبل..
خلود\إيه شوفي وجهه تقولين مجرم حاكمينه إعدام..
مرام\هههههههه وجع بسم الله على ولد أختي حبيبي..
خلود\قومي أطلعي لـ المراهق لا يصدم بنات الجامعة ويذبحهم..
مرام\ههههههههه اعوذ بالله ماصارت صدمك بالغلط يا حقووودة..
خلود\ياما أنقتلوا ناس بالغلط..

طلعت مرام لمسفر وهي محتارة من وضع خلود.
إللي مستحيل تترك رجل من غير ماتركب عليه كل عيووب العالم..
جلست جنب مسفر وهي تسلم عليه..
حرك السيارة وهي بدت توصيه..
مرام\انتبه وأنا خالتك لا تصدم بنات الناس..
مسفر بنص عين\وشهو..؟؟
مرام\هههههههههه ناس حملوني أمانة أحذرك لا تصدم العرب..
مسفر يبتسم\ومن هذولاء الناس اللي يفترون علي..
مرام\وحدة صدمتها بسيارتك وكنت بتذبحها..
مسفر بصدمة\لا اله الا الله..متى..؟؟والله ماسويتها..
مرام\لاتحلف فديتك بلى سويتها..
هذيك البنت اللي صدمتها وهي مع امها وأخذتهم المستشفى..
مسفر\لاحول ولا قوة الا بالله..
فجعتيني حسبت إني ذبحت نفس ومادريت..
وبعدين كم مرة اعيد لك اللي صار..
طلعت بطريقي وأنا ماشي والحمدلله هي أصلاً طاحت من الخوف..
واسعفتها عشان أمها المسكينة..ولا البنت ودك لو تشخطين عليها بالسيارة..
مرام\ههههههههههه والله نفس الشعور بينك وبينها..
كارهتك كره العمى..وتتمنى لو يحكمون عليك إعدام..
مسفر\أعوووذ بالله حقووودة..
عاد ليتني سويتها مطبة بالشارع وش بتحكم علي..؟؟
مرام\هههههههه آآآآي بطني ..حسبي الله على عدوك..
لو تدري بكلامك مدري وش تسوي..
مسفر\شكل البنت والله اعلم ماخذة موقف قوي..
إما من حادث سيارة مأثر عليها إلى ألحين..
أو مني كـ رجل غريب عنها..وهذا يوصلك لأول الخيط..
إنها حاقدة على جنس الرجال..
ودليلي معاملتها لي ولـ الدكتور في المستشفى..
مرام\بدأ علم النفس والتحليل..
عاد أنا ما بأقولك شيء خاص فيها..
الله يستر عليها ويلطف بحالها..
مسفر\ليه وش فيه حالها..؟؟
مرام\ياليل النفسيين..وش يفكني منك..؟؟
مسفر يبتسم\ماتهمني الشخصية على كثر ماتهمني الحالة..
لازم اشخصها ولو بيني وبين حالي..
مرام\أجل إكتشفها بنفسك ولا تدخلني بشغلك..

مارد عليها وابتسم لها بهدوء..
يحب يعرف أي معلومة عن اي حالة تصادفه..
معلومة بسيط يكتفي فيها ويبدأ يحلل ويدرس نفسية الشخص..
يعشق تحدي نفسه لنفسه..
لما يجيه مريض او مريضة..
يسمع منهم بداية كلامهم..
وبعدها يتمنى لو يقول لهم إسكتوا عرفت من أيش تعانون..
وحس بحالة البنت المجهولة حالة تحدي بينه وبين حاله..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

يـــ الصبـــاح ما أحتريت إلا صبـــاحه..
وبــــــــاقي العالم عوآآآآآآآآآآآفي ..

نزلت الدرج وهي تضحك لذياب..
اللي متمسك فيها ويطلبها تشيله..
هديل\إمش على ارجولك..عيب اشيلك..
رشا\وهـ فديته انا اشيله..
طلعت الدرجات بخطوات سريعة..
وشالت ذياب وضمته لها وقبلته بحنية..
صدت عن هديل وكان لهديل نفس ردت الفعل..
في البداية تفاجئت من وجود رشا ..
ولما شافت امه وشوق جالسين معه في الصالة تضايقت..
حبت لو تحقرهم وترجع فوق..
ماتبي تجتمع معهم ولا تنافقهم وينافقونها..
لو تجرح رشا وتاخذ ذياب من يدينها..
لو تتجبر وتقسى وتصير كارثة..
نزلت بخطوات هادية ورزينة..
سلمت بهدوء وهي منتبه على نظراته لها..
مدت يدها وصافحت أمه..
وتقبلت إحتضانها لها وتقبلها لخدودها..
أم غازي\نورتي بيتك يا ام ذياب..
هديل بهدوء\منور بأهله..

تجاهلت شوق ولا كأنها موجودة..
ولا ردت على سلامها ولا مدت يدها تصافحها..
جلست مقابلة لغازي..
وعينها بعينه..
ولازالت تشوف التسلية بعيونه بعد اللي سواهـ لما صحت من نومها..
صدت عنه وهي تتوعدهـ تربيه وتخليه يحرم جرئة ووقاحة معها..
صحت وهو مغطيها بورد أحمر..
ناظرت حوالينها مصدومة هي وش تسوي عندهـ..
لحتى تذكرت إنها رجعت له..
كان الورد منثور عليها بروووعة..
كتمت إبتسامة خجولة وهاوشته..
هديل\تدري إنك مراهق في السبعين..؟؟
غازي يبتسم\توني في الأربعين لا تكذبين..الكذب خيبة..
هديل\شيل مزرعتك هذي من علي..
تبي الشوك يخزني..
غازي\طلبته من غير شوك..والورد لـ الورد..
هديل بجمود\من يغرس الشوك ما يجني الورود ..
غازي\ومن يطفي الشووق ما يلقى دفا..

حاولت تبعد الورد عنها وتقوم..
بس هو منعها لما حط يدينه عليها ورجعها تنسدح..
نط ذياب عليها وهي صرخت..
هديل\ذياااب يا دووب لا وقف..
حط وجهه على وجها وفتح فمه يحاول يبوسها على خدها..
غصب عنها ضحكتها حركته مثل ما تضحكها دائماً..
هديل\هههههههه وخر عني بــــــــس..
غازي بصدمة\ألا يالخسيس من علمك..؟؟
رفعه من على هديل وجلسه بحضنه..
غازي\ولد ابووك يالذيب..
هديل تمسح خدها\أبداً ولا يشبه لك في شيء..
نزل ذياب جنبه..
غازي\إصبر وأنا ابوك..أمك نست وش علمتها..

مسكها قبل تشرد منه وهو يضحك على شهقات ذياب وتصفيقه بحماس..
قبلها وهي تقاومه..
وساعدها ذياب لما نط عليهم وشد على شعرها بقوووة..
هديل بقهر\خسيس ولد خسيس..
فك شعري من ولدك يا متوحش..
غازي\ههههههههه حسبي الله على عدوك من اللي طلب فزعتك..
كنت اقدر عليها لحالي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

أغـــآر كل مآشفتهم يآخذونك..
رح قلهم ترى منكم صدرها ضآق..

كان هو همزة الوصل بين الأضداد..
كلهم ملاحظين صمتها ورفضها الكلام معهم..
وهو يسحب منها كم كلمة بين لحظة ولحظااات..
ام غازي\لا حن ماشين بعد العصر..
غازي\لا يومه خليك..أنا أوصلك لهم قبل السفر بيومين..
ام غازي\ومتى بتسافر..؟؟
غازي\بنسافر بعد إسبوع إن شاء الله..
شوق برجاء\لا تكفى ياغازي ابيها تروح معي..
تعبانة من الحمل وابيها جنبي..
رشا\الله يعينك ياقلبي..باين التعب عليك مرة..
ام غازي\بالعكس حملك عادي بس انتي مستصعبته لانها اول مرة..
شوق\يووومه تكفين تعالي معي اليوم..

شددت يدينها على ذياب..
وهي تسمع شكاوي شوق عن حملها..
وامها كيف تطمنها وتواسيها..
وغازي ينصحها تقرأ قرآن ولا توسوس كثير..
وبتمر شهور حملها براحة وطمئنينة..

كانت غاصة بكلام كثير تبي تقوله..
يهتم فيك ولا أهتم فيني..
ليه أنا ماحملت قبلك..؟؟
وكنت لحالي..
لا أم تطمني وتكون معي..
ولازوج يرعاني ويهتم فيني..
حملك بتولدينه وبتذكرين أيامك بخير ان شاء الله..
بس أنا أذكر أيامي بحسرة وخوف..
كنت أخاف أخوك يلقاني ويعاقبني..
وكنت خايفة من مرام وزوجها ياخذون ولدي..
وكنت خايفة من الشوارع وعيال الحرام..
خوفك ياشوق أغبطك عليه..
لأني ماحسيت فيه ولا عرفته..
قبلت ذياب على جبينه وهمست له..
هديل\أيام ذكراها سر بيني وبينك..

رفعت راسها وجات عينها بعينه..
وأدركت إنه يراقبها..
لما رفع إصبعه ومسح بها على خدهـ..
رفعت يدها بشكل آلي..
ومسحت على خدها..
ماحست بدموعها اللي خانتها بوجودهم..
أنتبه عليها وهي ما أنتبهت على حالها..
خافت لا يشوفونها او يحسون بضعفها..
شالت ذياب وأستئذنت منهم بهدوء..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

دخل لمجلس بيت عمه وهو رامي شماغه على كتفه..
شاف راكان وسلمان جالسين ..
سلم عليهم ودخل..
هادي\ماشفنا زولك بين الرجال أمس..
قلت يمكن تكون خايف من غازي لا يفرشك قدامهم..
سلمان بعصبية\ماجيت لأن رجوعها لهم ماهو عاجبني..
هادي بحقد\ومن أنت عشان ترضى وماترضى..
حسافة تكون ولد عم لها..أجل أنت تهين هديل..
ليه نسيت من اللي خلص رقبتك من السيف..؟؟
سلمان بغضب\ذنب وتحملناهـ ..
قطيعة وذقناها..ضيم وشربناهـ..
انوخذت بذنبك وذنبي..وطالت السنين..
لارجعت ولا عرفنا عنها..
ويوم تواجهني تقول اهون عليها تبقى معهم ولا ترجع لهلها..
وش اقول لها حقانية وراعية واجب..
هادي بصراخ\تنكتم وتاكل تراب..
ولا تقول لها كلمة..لا تمدحها ولا تذمها..
والموت يوم تمد يدك عليها..

رمى شماغه على لاارض بقهر..
وهجم على سلمان..
ضربه على وجهه ومسكه من جيب ثوبه بقوووة..
وقف راكان بينهم وحاول يفكه عن سلمان..
هادي بقهر\نذل وحقير..
تضرب هديل...تضرب اختي..
تهينها وتتكلم عليها بالشينة..
والله يا سلمان والله لو فكرت تتعرض لها..
إن الجريمة اللي راحت فيها سنين بتكون دية رقبتك..
والله أذبحك وأمشي بين الناس مفتخر بجريمتي..

تضارب مع سلمان وبالموت ابعدهم راكان عن بعض..
هادي\المرة الاولى وضربتك بإعتقادي إنها ميتة..
بس اليوم هي حية وبتحطها تاج على راسك..
وبتحترمها غصب عنك وعن اللي خلفوك..

سحب نفسه من راكان وطلع من بيت عمه..
كارهـ البيت وهله..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

شفت في عينك حزن وانا ودي احتويك
افتح قلبي لهمومك تاخذ الي يدوايك..

الحزن كتمانه عذاب ومناي اني اواسيك
حيرتني بين أمرين نظرتك وصــدك..

وعيشتني شوق قلبين قلبي وقلبك
وأبيك تحس بشخصـ(ن) مغرمـ(ن) فيك ...

دخلت الغرفة وقفلت الباب عليها..
نزلت ذياب على الأرض بالغصب وهي تتآوهـ بألم..
غازي ماهو موجود في البيت وبكذا بتاخذ راحتها..
نزلت بلوزتها ورمتها على الأرض..
ناظرت في المرآيه..
وشافت ظهرها أحمــــر وعلامات جروح ظاهرهـ عليه..
لها ايام تتألم منه وأحيان توصل لـ البكاء..
ماسمحت له يدري بألمها..
أو يكشف عليها..
قررت تروح من بكرهـ مع غادة أو سارة لـ طبيبة خاصة..
تكشف على ظهرها وتعالجه لها..
سفرها لإيطاليا بعد ايام..
ولا تبي تروح وهي تعبانة..
حتى بصلاتها ماتقدر تركع ركوع صحيح..

خافت يدري عن ظهرها لما جلس جنبها عصر اليوم..
وحط يدهـ حوالين كتفها..
شهقت بوجع ووقفت بسرعة..
أستغرب تصرفها وهي تعمدت توهمه إن شهقتها بسبب قربه منها..
وإنها عصبت من لمسه لها..

نامت على السرير على بطنها..
ظهرها ذابحها من شدة الألم..
كانت تكتم الآآآهـ بوسادتها..
وتسمع ذياب يلعب على الارض..
ماتدري كيف تخفف الألم..
هي خايفة من اللي يصير معها..
لا تكون مريضة مرض مميت..
أو مرض معدي يمكن تعدي ذياب..

بكت من الوجع وهي ترجي الله يبرد عليها ويشفيها..
حست بقطرات ماء تلمس ظهرها..
خافت لا يكون ذياب لانه بيرمي حاله عليها وبيعورها..
ألتفتت على جنب بحيث تبعد ظهرها عنه..
وشهقت بصدمة لما شافته واقف لاف منشفه على جسمه..
والماء مبلل شعرهـ..
يعني هو كان في البيت وفي دورة المياهـ يتحمم..
وهي اللي مقفلة عليها تظن إنها بعيدة عنه ومابيشوفها..

جلس على السرير قرييب منها..
ورجعها على وضعيتها الأولى..
وبكت بحدة لما يدهـ لمست ظهرها...



إلى الملتقى بإذن الله تعالى فجـــــــر السبت ..

دعواتكم الطيبة لأميرتي جوجو ان يشفيها الله ويرفع عنها البلاء..
اللهم رب الناس اذهب البأس ..
اشفها انت الشافي لاشفاء الا شفاءك شفاء لايغادر سقما...


كونوا بخيـــــــــــــــــــــر ..


صدووود’’’

السلام عليـــكم ورحمة الله وبركاته ...


صبــــــــــــــاح \\
هديل الحمـــام ..
ينعى غياب الأمس..


مســـــــــــــــاء \\
الإبتــــسامة..
لذكرى لاتفارقنا..

كيـــــــــفكم الــ ليلاااااااااااس ..؟؟
أحبتـــــــــي في كــل مكــــان ..؟؟



النص بالمرفقات


كونوا بخيـــــــــــــــــــــر ..


صدووود’’’

السلام عليكم ورحمة الله وبركاته ...


صبــــــــــــــــاح \\
تذكرة وجواز سفر...
أمتعة ورحلة طويلة..

مســــــــــاء \\
الحنين لأيام مضت..
لاتعود ولو حلمـــاً..


كيــــــــــــــفكم الــ ليلااااااااااس ..؟؟
أحبتـــــــــي في كــل مكــــان ..؟؟

حابة ارحـــب بكل اللي أنضموا لنا على متن سفينتنا..
واللي سجلوا عشاني الله يعلي شأنكم حبيباتي..
شرف كبيـــر لي تواجدكم..
وتحيـــــــة بحجم السماء لمن هم خلـــف الكواليـــس..<<وحشتوني من زمان ما حارشتكم ^_^
ياالله تعالوا قبل توصل سفينتنا بــر الأمان..

عزيزاتــــــــي ::
كم احب قلوبكم الطيبة..ودفاعكم الدائم عن آرائكم..
رزقني الله حبكم وقربكم..
أنا بخيــــــر ..فكونوا بخيــــر ’’’


\\\ أنا لا التفت لقول ورد يطلب مني النزووول إلى الاســـفل..
بل أتجــاهله بكل فخـــر..
وامــــضي بسفينتنا محاربة امواااج لا تُرى بالعين المــجردة..
قد اكون قسيت بكلامي هذا ..
لمن ملوا ويريدون الرحيل..
أرجوا ان تترجلوا عن سفينتنا..
فلقد ضايقتم أحبـــتي بتذمركم المســتمر..
فلازلنا بعـــون الله مُبــــحرين..



البــارت إهـــداء لــ الجميـــــــع ..
ولــ غاليتي نوف بنت نــايف ^^

البارت التاسع والسبــــعون ..


بيننا يا صديقة الأمــس بحـــــــرٌ
وفــــلاة ... وبيننـــــــــا الأخريــــاتُ
بيننا الأربعــــــون تلهـــــــث في
شعري ... شيبــاً كأنه جمـــــــراتُ
بيننا الأربعــــــون تطــــــفو على
عينيك ليلاً نجومـــــه مظلمـــــــاتُ
بعد هذه السنيـــن ... مــــــــاذا
تريدين؟...و فيم الرسائل الواعـداتُ
هي عشرون وانقضت... فدعيها
ودعيني ... مكاننــــــــا الذكريـــاتُ
بعد عشرين .. هل يعـــود صبيٌ
لصبـــاه ... وهل تعود فتــــــــــاةُ؟!

المرحوم بإذن الله تعالى..غازي القصيبي...


بكت بإنهيار وهي تصرخ بخوووف..
قاومته باللي تقدر عليه..
وحاولت تبعد وجهه عن وجها ورقبتها..
حفرت اظافرها بكتفه ورقبته..
بس قوته كانت اكبر من قوتها ...

أجبرها ترضخ له..
رغم رجائها المقهووور..
وكانه يوصل رسالة أخيـــرة..
لازلتي جارية..
ولازلت اعتبرك ملك يمين مالها سند
برضاك أو غصب عنك تكونين لي..

أستسلمت لقوته بعد ما حست بألم ظهرها يقتلها..
كانت تدري إنه نذل..
ومستحيل يلتزم بوعدهـ لها..
يعايرها بجنونه فيها..
بسجنه لها وتحقيرها..
ورجع يعاملها نفس معاملته القديمة..
إكراهـ xإكراهـ ..

تركها بسرعة قبل لا يقطع كل الجسور بينه وبينها...
وقف مبتعد عنها..
غطاها بالمفرش وتوجه لدورة المياهـ..
لمت نفسها بقوووة وهي تبكي..
منع نفسه منها..
ماجرحها واجبرها على نفسه..
مرعوبة من تجربتها الأولى معه..
ماتبي الماضي يتكرر..
ولا شعور الخزي والعار يتلبسها..
كانت زوجته ولازالت زوجته..
بس قسوته كانت اكبر من الواقع..
..بقايا أنـــثى..
نسى من اللي حولها لأنثى هلامية..
تتشكل بمزاجه وقسوته..
تفرعن يا غازي..
عمرك مابتلقى إلا بقايا أنثى..
لا ترضيك ولا تسرك بحياتك..

أحتارت هل اللي سواهـ كان تهديد..
أو إثبات قوته وتملكه لها..
حاولت تقوم وتطلع من الغرفة..
تهرب منه..تهرب من بيته..
تبي ترجع لأمها..
بس ألمها النفسي والجسدي منعها تتحرك..

مالهم حياة مع بعض..
يجرحون بعض بكل قسوووة..
أي شيء يقهرهم يسوونه..
أي كلمة تطعنهم يقولونها..
حياتهم مستحيلة..

فتحت عيونها وهي تسمع حركته عندها..
شافته يأخذ جواله ومفاتيحه ويطلع من الغرفة ويقفل الباب عليها بالمفتاح..
حمدت الله إنه طلع وتركها لحالها..
وفهمت تصرفه بإقفال الباب..
مايبيها تكلم هلها او تروح لهم..
إذن هو مصدقها..ومصدق تهديدها..
لو اجبرها بتهرب منه..
وهو ماينلدغ من نفس الجحر مرتين..

عذرك معك لاصرت في البعد مجبور..
وأشرهـ عليك إن كان هذا إختيارك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

وقفت وصارت تمشي في الغرفة..
تحس بألم في رجلها..
طول اليوم وهي جالسة..
والدم يتجمع فيها..
ياسمين بهدؤ\ياحبيبتي..شكلك مرة تعبانة..
تسطحي ع السرير..
غادة تتنهد بتعب\ما احس براحة لما اتسطح..
يمكن ارتاح اذا مشيت..
انا أنتظر وقت الزيارة ينتهي واطلع امشي بالممرات..
ياسمين بحنية\غادة اتصلي بزوجك وروحي ع البيت..
أنا بخير والممرضات قريب مني..إذا احتجت شيء هم موجودين..
غادة بزعل\لو أنا مكانك كنتي بتتركيني..؟؟
ما اتركك الا اذا جات سارة او احد البنات عندك..
أنتي تعبانة ما يهون علي اخليك..
ياسمين بغصة\مابتعرفي كم مرة بحمد الله على وجودكم بحياتي..
غادة\الحمدلله على كل شيء..
وبطلي حساسية زايدة ياوردة..

دخل سلمان الغرفة ..
سلم عليهم وبعد دقايق استئذنت منهم غادة..
خجلت تظل معهم..وحست بإحراجهم منها..

مشت في الممرات وألم رجلها يزيد عليها..
جلست على احد المقاعد وهي تلهث وتحس انها بتفقد وعيها..
خافت يصير فيها شيء وهي بعيدة عن غرفة ياسمين..
طلعت جوالها وقبل لا تتصل على ياسمين ..
كان راكان يتصل عليها...
غادة بغصة\راكان...
راكان بإهتمام\غادة وينك..؟؟
غادة\تــ..تعال..تعبانة..
راكان بحدة\وينك فيه..؟؟
أنتي في المستشفى..؟؟
غادة\إيـــ..ـه..باحد الممرات..
بس مدري وين..تعال مو قادرة اتحرك..
راكان\ياقلبي المستشفى كبير..
بأي قسم انتي..؟؟
غادة\ماطعلت من قسم الولادة..
راكان\طيب تطمني باجيك ألحين..
غادة تبكي\لاتقفل..خلك معي..
راكان\معـــك ما بأقفل الخط..
يالله أشوفك..

نزلت الجوال وتلفتت حواليها..
شافته بأول الممر جاي لها..
حمدت الله إن المكان اللي هي فيه مو مزدحم..
مع ان الوقت وقت زيارة..
تعلقت عيونها فيه وادركت قد ايش هي مشتاقة له..
وبنفس الوقت خايفة من قربه..
ما تبي تتعب مع حملها..
وقف قدامها وحب يتأكد..
راكان\غادة..؟؟
غادة تبتسم بتعب\قلبها..
جلس جنبها وبوله\فديت القلب وراعيته..
طمنيني وش فيك؟؟
غادة\رجلي منفوخة وأحس الدم متجمع فيها..
ما اقدر أمشي احسها تتشقق..
راكان\ألف سلامة عليك..
وأنتي الله يصلحك ماشية كل هذا وانتي تعبانة..
تعالي نشوف طبيبة تفصحك..
غادة\ما اقدر أحركها تعورني..
راكان\ألحين أطلب منهم ينقلونك لغرفة معاينة..
إنتظري شوي..

وقف وابتعد عنها..
وهي صارت تتنفس بسرعة..
حاولت قد ماتقدر تكتم نفسها ماتصرخ فيه ابتعد عني..
أنتبهت عليه راجع ومعه ممرضة جايبة كرسي متحرك..
ساعدها توقف وجلسها على الكرسي..
أخذوها لغرفة معاينة وساعدتها الممرضة تتسطح على السرير..
طلعت من الغرفة وقالت لهم غن الطبيبة بتكون عندهم بعد دقايق..

قرب منها وجلس جنبها على السرير..
راكان\مرتاحة كذا..
أنحنت بجسمها على قدام وفسخت جزمتها ورمتها ع الأرض..
غادة\ألحين مرتاحة..
راكان يبتسم\ليش ما اخذتي مقاس أكبر..؟؟
غادة\هي على مقاسي..
بس الإنتفاخ ضيقها..
راكان يبتسم\حي الله غادة..
غادة تبتسم\إبعد شوي..
راكان بعبوس\أفا..
غادة\هههههههه بالله إبعد..
راكان بتذمر\وش تحسين فيه مالقيتي غيري..؟؟
غادة بضيق\ماهو أنا..ولدك..
راكان\فديته من بدايتها عاق وقليل سنع..
غادة\لا بسم الله عليه..عساهـ مرضي وطيب..
راكان\اللهم آآآمين..بس ما اشتقتي لي..؟؟
غادة تصد عنه\راكان ترى تحسنت عن أول...
ماكنت اطيق ينذكر اسمك..
راكان\امي قالت تزوج خلها تتعدل مع وحامها..
غادة\هههههههههه لافديتها ماتقوله..
راكان\واثقة في أمي..؟؟!
غادة\لأنها أمــــي ..
راكان\يالبى الطيوووبة..
احم الا ماقلت لك معوضة في الخسارة..
غادة\الحمدلله على كل حال..
صح انصدمت من خسارتنا بس هذا المكتوب..
راكان\أبشري بالخير..
وترى شغلكم مطلوب كثير..
غادة\راكان ترى بأرجع الشغل..
تعطلت أمور كثيرة بغيابي..
راكان\إن شاء الله لما تتحسن حالتك..
غادة بصدمة\يعني موافق..؟؟
راكان عقد حواجبه\ليه تظنين إني بأخرب عليك كل تعبك..؟؟
كل همي تكون صحتك كويسة..
بس إذا شفت الشغل متعبك..
تاخذين إجازة إلى بعد الولادة..
غادة\لا لا ما بيتعبني..
راكان يبتسم\طيب وش رايك ترجعين البيت معي..؟؟
غادة\إيه وصلني البيت تعبانة..
وسارة تظل عند ياسمين..
راكان\لا لا ابيك ترجعين بيتي..
غادة تغيرت ملامحها\رويكن بالمووت متحملتك وانت جالس جنبي..
قم لا اقلب عليك المستشفى كله..
راكان مصدوم\صدق حرمة مالك امان..
تونا وش حلونا..
غادة بضييق\راكان خلاااص إطلع من الغرفة..
راكان بعناد\ما اطلع..جالس على قلبك..
نفسي أعرف ليه تحسون بهذا الشيء اللي مدري وشهو..
مثلا الوحدة توحمت على نفسها كيف تتصرف..
غادة\يارببببي..غير عطوراتك..
غير شكلك..كلك غلط..
راكان\وصلت لكلي..
كان بس عطري وخشمي..

قرب منها وحاول يقبلها..
لمت يدينها على فمها ووجها..
غادة\اطللللللللللللع..
وقف وابتعد عنها..
وحست براحة جزئية..سمحت لها تناظرهـ..
دخلت الدكتورة ومعها ممرضة..
راكان بنذالة\يارب تعطيك إبرة تعلمك كيف تجرحيني..
غادة تبتسم\فديت المجروح..
راكان\دكتورة أخرجي شوي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

حرك السيارة وطلع من البيت..
من بعد اللي صار بينهم..
كل واحد ألتزم الصمت والصد..
قبل نص ساعة عرفت إنهم راجعين إيطاليا..
ما ناقشته ولا حاولت ترد عليه..
طمنها لما قال لها بيمرون على أهلها..
توادعهم قبل تسافر..

لمت اغراض ذياب وبعض أقل أغراضها..
بدت رحلة الرجوع من المنفى..
يتعالج ذياب وارجع لهلي وهو لحياته..
وبعدها مانعرف بعض..
يمكن هو ادرك مثلي إن الحياة بينا مستحيلة..
ماضينا بنى سد كبيييير أمام مستقبلنا..
مانقدر نتجاوزهـ مهما تصورنا ونافقنا بعض..

وقف قدام باب بيت هلها..
وقبل تتحرك من مكانها حرك السيارة مرة ثانية..
ومشى بسرعة كبيرة..
حتى إن الكفرات طلعت صوت قوي ..
ألتفتت على ورى ناظرت بإتجاه بيتهم بصدمة من تصرفه..
شافت هادي اخوها ومعه مســـفر..
ويناظرون بسيارة غازي بحيرة..

مد ذراعه عليها ومنعها تناظرهم..
ولفها بيده على قدام..
حست بيأس كافر يسيطر عليها..
وتاكدت إنها ما بتشوف أمها ولا ابوها قبل تسافر..
ماحاولت ولا فكرت تتكلم معه او تحاول تقنعه يرجعها..
كلامها لا زال آثر عقابه على شفايفها..
ومسفر موجود قدام باب بيتها..
مستحيل يرجعها..
صدت عنه وركزت عيونها على الشارع..
بتترك المملكة مرة ثانية..
من دون وداع أمها ولا رضى ابوها..

لما حست بافكارها تضايقها..
صارت تستغفر وتقرأ من صغار المفاصل..
خايفة لا يعورها ظهرها أكثر..
انجرح ظهرها امس بحربهم القاسية..
ماقدرت تنام ولاتتحرك من فراشها..
وبعد جهد نامت..
صحت وكان جالس على السرير قريب منها..
أبتعدت عنه بسرعة وتوجهت لدورة المياهـ..
كرهت وجودهـ ونظراته..
وتفاجئت بالعلاج مغطي جروحها..
حتى شفايفها بجزء منها لاصقة جروح..
ولازال يداوي بعد ما يجرح..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

تنهدت بقهر وهي تكلمها وتطلبها لـ المرة الثالثة..
مرام\أنا اخر وحدة جيتك..أنتي أبداً ما تزوريني..
خلود\عيييب وشق جيييب ازورك..
مرام بقهر\عطيني أمك ما ابي أكلمك..
خلود\أخاف تخربين اخلاق امي..
مرام\ههههههههه بالله خلوود تعالي..
خلود\لا تحاولين..تعالي انتي..
مرام\لا ولدي مزعج مرة..ما ابي ازعج امك واخواتك..
خلود\ايه صح لا تجيبينه..
مرام\حتى هو حاقدة عليه..؟؟
خلود\ما اضمن يمكن يكون متجرثم..
مرام\هههههههه انتي مو صاحية ابداً..
نص ساعة واكون عندك..
انا جاهزة لأني اعرفك مابتجين..
أشوف مين يوصلني لك..
خلود\تعالي على رجلك ولا تركبين مع رجال..
ترى مالهم امان يصكونك بالسيارة بأقرب جدار وتموتين..
مرام\ياشينك لا تفلسفتي..
مع السلامة..

قفلت وأخذت عبايتها..
نزلت وكان مسفر جالس مع جده..
سألتهم عن تركي..
مرام\وين تركي..؟؟
مسفر\طلع مع أبوي..
مرام\اممم طيب تقدر توصلني عندي مشوار..
مسفر\إيه اوصلك..وين بتروحين..؟؟
مرام\صديقة..
مسفر\يالله إذا جاهزة مشينا..
مرام\انا جاهزة بس اشوف الشغالة واجيك..

طلع مسفر ينتظرها في السيارة..
تاخرت عليه..ولما ركبت تمسخر عليها..
مسفر\نومتي الشغالة..؟؟
مرام\ههههههههه لا..
بس كنت اوصيها على الولد..
مسفر\ليه ما اخذتيه معك..؟؟
مرام\لا تكفى ابيه..
لو أخذته معي بتذبحه الخبلة..
مسفر\ههههههههه أعوذ بالله من حبها له يعني..؟
مرام\إلا من كرهها له..
مسفر بإستغراب\صديقتك تكره ولدك وعادي عندك..؟؟
وبعدين وش مسوي لها البزر عشان تكرهه..؟؟
مرام\هذا شغلك ماهو شغلي..
مسفر\شغلي..؟؟
مرام\إيه شغلك..
بصراحة يا مسفر البنت حالتها مستعصية..
هي بسم الله عليها عاقلة وطيبة وخلوقة..
مسفر\بـــــــس..؟؟
مرام\بس تكرهـ الدنيا لان فيها رجال..
تحقد على كل رجال..سواء قريب لها..
او واحد يمشي في الشارع..
حتى أخوها من امها وابوها تكرهه..
هههههههه تفكر تطلعه من البيت لما يخلص ثانوي..
مسفر\هي نفسها اللي صدمتها بسيارتي..؟؟
مرام\إيه هي..وترى حتى انت تكرهك..
مسفر بهدؤ\شيء طبيعي تكرهني..
مرام بإستغراب\شيء طبيعي تكرهك لأانك كنت بتصدمها بالغلط؟؟
مسفر يبتسم\لا اقصد شيء طبيعي تكرهني في حالتها..
يمكن أكون الرجل الوحيد اللي أذاها..
اعني تسبب لها بوجع جسدي..
مرام\لا تكون واثق..
مسفر\هي أبوها متوفي صح..؟؟
مرام\إيه مات مقتول..
مسفر\اممم واللي قتله أنقتل..؟؟
مرام تتنهد\لا ما انقتل..
مسفر\مرام أنا ابي اقابل صاحبتك هذي..
مرام بصدمة\نعـــــم..؟؟
مسفر\أبي أقابلها..أقنعيها تجي العيادة عندي وتعالي معها..
مرام بعصبية\هذا اللي طلع معك..؟؟
مسفر\أنتي قلتي إنها صارت شغلي صح..؟؟
مرام\انا قصدت تتزوجها..
أنت دكتور نفسي وبتقدر تتعامل معها..
والله من غلاتها عندي ابيها تطلع من حالتها وتعيش حياتها..
أعرفك طيب ومتفهم..وبعدين يا قلبي أنت صرت كبير..
ثلاثة وثلاثين سنة ليش ماتتزوج..؟
مسفر بحدة\لا زواج ماهو في بالي هذي الفترة..
وانا صرت مهتم بأمر صاحبتك..
لأني احسها فعلاً محتاجة مساعدة..
حالتها صعبة بما إن حقدها وصل لأخوها ولولدك الصغير..
فحاولي فيها وتحايلي عليها..
جيبيها العيادة ابي اتكلم معها وفهميها اني طبيب..
مرام بإحباط\ليش ماتبي تتزوج..؟؟
مسفر\انسي موضوع الزواج وفكري في اللي قلت لك..
مرام\عشان تمزع رقبتي..
بأقول لأمها وهي تقول لها..
مسفر يبتسم\طيب براحتك..هذا بيتهم صح..؟؟
مرام\كيف عرفته..؟؟
مسفر بسخرية\نسيتي إني صدمتها مرة وكنت بأذبحها..
ثم وصلتها بيتهم وكانت بتذبحني..
مرام\ههههههههه فديتك لا مانسيت..
اذا ما لقيت تركي بأتصل عليك لا تبعد..
مسفر\سواقك أنتي وزوجك..؟؟
انزلي قبل ارجعك البيت..

نزلت وهو انتظرها لحتى دخلت البيت..
أنصدم لما تقفل الباب بقوووة وهو واقف..
بعد ثواني ضحك وهو متأكد إن خلود هي اللي قفلت الباب بهذا الشكل..
وكأنها تبين وتوضح مدى كرهها لشوفته ووجوده..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛

مر عليهم وقت طوويل..
مستحيل كل هذا مشوار لـ المطار..
هم طالعين من الرياض..
وتوقعها انهم متوجهين لـ الشرقية..
وقفوا قبل ساعتين وصلى المغرب قريب من السيارة..
وهي صلت معه..
وكانوا مثل الغريبين مايتكلمون ولا يناظرون بعض..

تحركت في مكانها وابعدت ظهرها عن المقعد..
بدأ الألم يزيد عليها..
سمعت صوت ذياب..
ألتفتت عليه جالس بمقعد أطفال..
مدت يدينها له وخذته بحضنها..
أنبسط وصار يشهق ويصفق بيدينه..
تمنت لو يتكلم..
لو تسمع صوته..مشتاقة له..
شهرين كيف بتقضيها مع ابوهـ..
لو تدخلت بينا امس يا ذياب..
ماسمعت صراخي وبكاي..؟؟
ولا قلبك قاسي مثل ابوك..؟؟

وقف بحضنها ومد يدينه لغازي..
مسك ذراع أبوه وصار يشدهـ له..
سحبت يدينه بسرعة من عليه وابعدته عنه..
تضايق وصار يتحرك بملل..
تركته لغازي اللي مد يدهـ ..
سحبه له وجلسه بحضنه..
وذياب بحركة سريعة سحب العقال من على راس ابوهـ..

توترت وخافت لا يلهيه عن السيارة..
مدت يدينها بتأخذهـ ..
بس هو طلع صوت غاضب وتعلق بابوه اللي ضحك على تصرفه..
أنقـــهرت وصدت عنهم..
تبي ابوك ولا تبيني..؟؟
حبه ومووت عليه..
بس مصيرك تفترق عنه..
وحتى لو هددني فيك..أو انت عفتني ورحت له..
بأتركم واعيش لحالي..
ما بتجبرني ارجع له يا ذياب..
بعد علاجك يطلع من حياتي..
وحتى لو هدمني للمرة المليون..
بأتركه..
واتركك حتى إنت لو فضلته علي..

لما قربوا من نقطة تفتيش..
خفف سرعة السيارة وشال ذياب من حضنه ومدهـ لهديل..
تجاهلته ولا مدت يدينها له..
وقف السيارة ولف بجسمه على ورى..
جلس ذياب بكرسيه وقفله عليه..
نسف شماغه وعدله..
وبعدها كملوا مشوارهم..

وقف عند فندق فخم..
نزلت وهي تتنفس براحة..
كانت خايفة ياخذها لبيت شوق وطالب..
خافت لا يمنعها من اهلها ويقابل هله..
أول مرة يخالف ظنونها..ويطلع فيه عدل..

جلست مع ذياب لحتى يحجز غرفة..
رجع لها وهي وقفت ومدت يدها تاخذ المفتاح من يده..
عطاها المفتاح ورد على جواله..
غازي\هلا وعليكم السلام...
الحمدلله طيبين...كيفك وكيف شوق والوالدة..؟؟
اممم ليه تسأل....انا في الرياض....
هههههههه كيف عرفت......لا ياشيخ..

قفل جواله والتفت..
شاف طالب جاي لهم وهو مبتسم..
سلم على غازي وهو يسأل عن الحال..
رفع راسه لها والقى سلامه وسؤاله عن حالها..
ماردت عليه ولارفعت راسها له..
قرب منها غازي وخذا ذياب وعطاهـ لطالب..
سمعته قبل تبتعد يقول ان شوق وامها بالحديقة..

صدت عنهم وتوجهت لـ الأصنصير..
شافت رقم الغرفة على المفتاح وسألت احد العاملين..
دلها على الطابق اللي فيه غرفتها..
حست بوجع بقلبها..
غبيـــة..من متى وهو يعرف العدل..؟؟
إن ماراح لهم الجبيل جابهم لـ الخبر..
متى تكبرين وتفهمين اسلوبه..
وتقولين خالف ظنك الشين فيه..
لا ماخالف ظنك..
واستحملي نفاقهم وضحكهم بوجهك..
تحملي مرارة شوفتهم وحرمانك من هلك..
هانت يا هديل هانت..

كلمآ زآد بي الحنين وأعترتني نوبة بكآء .
همستُ لِ ذآتي :
..أسألك بِـ الله كُوني أقوى ممآ أنتي عليه..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

جلس معه في اللوبي..
رغم إنه يحس بقهر كبييير ليش تقابل مع طالب..
ترك الرياض لمسفر وهادي..
حتى هلها ما خلاها تشوفهم بسببهم..
غصب عنه يتذكر إن طالب كان معجب كثير في هديل..
وكيف كان يتغزل فيها قدامه وهو ماعنده خبر..
احتار وين يخفيها..
وين يوديها بعيد عنهم كلهم..

طالب\أفا والله تجي الشرقية ولا تقول..؟؟
يعني لو ماشفتك مادريت عنك..
غازي بهدؤ\ماله داعي أقولك..
ناوين ننام الليلة هنا..والفجر طيارتنا لإيطاليا..
أنت وش تسوي في الخبر؟؟
طالب\عندنا دورة لمدة اسبوع..
اخذتهم معي خايف لايصير فيهم شيء ما احد عندهم..
أنت ليه مارحت من الرياض..؟؟
غازي\الطيارة هنا..
طالب\قل والله..يعني ماتقدر تطلب طيارتك تجيك الرياض..؟؟
غازي يبتسم\بلى اقدر..
بس ما ابي اسافر من مطار الرياض..
علي رقابة..
طالب بعصبية\وش صاير؟؟غازي لايكون رجع الموضوع القديم؟؟
غازي\لا مارجع..قوم شوف هلك وانا اطلع لهلي..
طالب\بيجون الحين..كلمتهم وقلت لهم إنك موجود..

بعد دقايق دخلت شوق وأمها معها الفندق..
طلعوا على غرفتهم وراح لهم غازي مع طالب..
سلم على امه وشاف فرحتها بوجودهم وشوق مثلها..
سألوا عن هديل وطلبوا يشوفونها..
غازي\إن شاء الله قبل نطلع المطار نمر عليكم..
ام غازي بتفهم\على خير إن شاء الله..
طلبتك يومه لاتردني..
غازي\آمري فديتك..
ام غازي\ذياب أبيه ينام عندي الليلة..
أنتوا بتسافرون ويمكن تطولون بسفركم..
خلني اودعه واشوفه مثل ماتمنيت..
من ولادته الى اليوم ماتهنيت بشوفته..
غازي يقبل جبينها\وهو لك الليلة..نايم طول الطريق..
وما ابيه يزعجنا ومايخلينا ننام..اسهري معه..
ام غازي\عسى عمرهـ وعمر ابوهـ طويل في الطاعة..
شوق\يمكن هديل ماترضى ينام بعيد عنها..
غازي\دامني معها بترضى..
شوق بفرح\الله يتمم لكم ويسعدكم يا اخوي..
والله كنت خايفة على حياتكم..
غازي\لا تخافين الله بيبارك لنا..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

إذا أتى الشتاء..

وحركت رياحه ستائري

أحس يا صديقتي

بحاجة إلى البكاء

على ذراعيك..

على دفاتري..

إذا أتى الشتاء

وانقطعت عندلة العنادل

وأصبحت ..

كل العصافير بلا منازل

يبتدئ النزيف في قلبي .. وفي أناملي.

كأنما الأمطار في السماء

تهطل يا صديقتي في داخلي..

عندئذ .. يغمرني

شوق طفولي إلى البكاء ..

على حرير شعرك الطويل كالسنابل..

كمركب أرهقه العياء

كطائر مهاجر..

يبحث عن نافذة تضاء

يبحث عن سقف له ..

في عتمة الجدائل ..

إذا أتى الشتاء..

واغتال ما في الحقل من طيوب..

وخبأ النجوم في ردائه الكئيب

يأتي إلى الحزن من مغارة المساء

يأتي كطفل شاحب غريب

مبلل الخدين والرداء..

وأفتح الباب لهذا الزائر الحبيب

أمنحه السرير .. والغطاء

أمنحه .. جميع ما يشاء

من أين جاء الحزن يا صديقتي ؟

وكيف جاء؟

يحمل لي في يده..

زنابقا رائعة الشحوب

يحمل لي ..

حقائب الدموع والبكاء..

نزار القبــاني ,,,

كتمت صرخة قهر لا تطلع منها...
تدور بالغرفة وتشد البلوزة تبعدها عن ظهرها..
تدري إن أفكارها فيه مع هله تذبحها..
وتزيد إلتهاب جلدها..
حاولت تغير تفكيرها..
بس ماقدرت محاصرينها بكل مكان..
وتخاف..تخاف يجبرها تقابلهم..
ماتبي تشوفهم..
هم مو أغلى من هلها..
نزلت دموعها من وجعها..

تمنت لو تفسخ بلوزتها يمكن يبرد جلدها..
بس بعد اللي سواهـ أمس معها..
مستحيل تأمن له..او تضمنه..
قررت تتغسل بماء بارد يمكن تخف عليها..

وقفت تحت الماء وعضت على يدها لا تبكي..
تالمت اكثر وحست بنار تشتعل في ظهرها..
جلست على ركبها وهي تبكي..

دخل عليها بسرعة وشافها طايحة تحت الماء..
راح لها وسحبها له..
غازي\أنتي مجنونة..؟؟
الماء يزيد الإلتهاب..ويسبب تقشر بجلدك..
ماردت عليه كأن المها اكبر من الكلام..
لفها بروب الحمام وطلعها..
ولما لامس الروب ظهرها شهقت بتعب..

نيمها على بطنها ونزل الروب من على ظهرها..
أبتعد عنها وراح يدور على علاجها..
هديل بوجع\ماجبته..
غازي\أدري لأنك تحبين تعذبين نفسك..
انا جبته معي..
هديل\لا تلمسني..

جلست قبل يرجع لها ورفعت الروب عليها..
غازي\عن جنانك..خليني أشوف ظهرك..
كانت هادية عليك في السيارة..ليه التهبت..؟؟
هديل بتعب\لا..ما ابي..
روح لامك واخوك..ليه جيت هنا..؟؟
روح لهم مو تعنيت على شانهم..
تتركهم وتجي عندي ليه..؟؟
تبي تفتخر فيهم او تسحبني لهم..؟؟
والله ما اقابلهم ولا اشوفهم..
حرمتني ما اشوف هلي فــ والله العظيم ما اشوفهم..
غازي بهدؤ\أنا ما اتفقت معهم..
وماكنت ناوي ازورهم..ألتقينا بالصدفة..
هديل بحقد\ياسبحان الله..
أنتوا بس اللي تصير معكم الصدف..
اما انا وهلي لا مانلتقي صدفة..
غازي\يعني هذا اللي تعبك بزيادة..؟؟
هديل بكرهـ\لا تنسى اللي سويته امس..
أنت اللي أذيت ظهري اكثر..
بهمجيتك يا همجي..
غازي بجمود\لا تتكلمين عن امس..
خليه باللي راح فيه..

وقفت واخذت العلاج من يدهـ..
دخلت دورةالمياهـ وقفلت الباب بالمفتاح..
نزلت الروب وحطت الكريم عليها باللي تقدر عليه..
الالم مسيطر عليها ماتقدر تتكلم ..
حذرت نفسها تستمع لنصيحته وماتتكلم عن امس..
لازم تكون حذرة معه وماتجبرهـ يئذيها..
انتظرت ربع ساعة لحتى ينشف ..
لبست الروب وطلعت..

كان منسدح على السرير..
تمللت من وضعهم..ماتبيه قريب منها..
دورت على ذياب بس ماكان موجود في الغرفة..
كانت بتسأله بس هي تعرف الإجابة..
ولدي مع امي..
تبي تسد طريق الكلام..
تمرد على كيفك يا غازي..
خذهـ اليوم وبكرة وكل سنة..
الدم يحـــن..ياليته ماهو ولدك..
ياليـــــــــــــــت ..

مسحت دموعها وجلست على السرير..
ظهرها له رفعت ارجولها ونامت على جنبها اليمين..
أول ماحطت راسها على المخدة..
حست بشيء قاسي تحت رقبتها..
كانت ذراعه لمها عليها ولصقها فيه..
بعدت ظهرها عنه بخفة..
وهي تردد في قلبها بخوف..
إبــعد عني...
همس في إذنها بحنية..
غازي بهمس\والله العظيم ماكنت متواعد معهم..
ولا كنت ابي اقابلهم..عشانك ماهو عشاني..
ريحي حالك عشان تخف الأكزيما عندك..
هديل\رحلتنا الفجــر..؟؟
غازي\الفجــــر ..
هديل\ماراح اقابلهم..
غازي\ما بأجبرك..

حاولت تبتعد عنه..ولما شد يدهـ عليها..
هدت وهي تصبر نفسها بيوم فراقهم..
غمضت عيونها ترتجي النوم..
ولو كنت صادق..
صار والتقيتوا..

يسمع صوت شهقاتها المكتومة..
يبيها تنام مرتاحة من ظنونها الحايرة..
دفن وجهه في شعرها..
وهو يهمس لها عشان ترد عليه..

هديل بغصة\ظهري يوجعني..أتركني..
غازي\إلتفتي علي ويصير ظهرك لـ الجهة الثانية..
هديل بوجع\ما ابــى اشوفك..
غازي\وأنا ابى اشوفك..
هديل\موجوعة اتركني..

حركها بين يدينه رغم إعتراضها..
صار راسها على صدرهـ..
وظهرها لـ الجهة الثانية..
نزلت راسها بقد ماتقدر..
تخفي وجهها عنه..
ماتبي عيونها تلتقي بعيونه..

الأمس ماهو بعيــــد..
وكلامه الســـم ماهو بسيط..

حاول يرفع وجها له..
وهي دفنته بصدرهـ..
قبلها على جبينها ونام حاضنها...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

قفل راجح الجوال وهو يضحك..
رشا\خير إن شاء الله..
راجح\هههههه كل خير..
أخوك كشف اللي مخططين له اهل هديل..
رشا عقدت حواجبها\ليه وش مخططين عليه..؟؟
راجح\مجهزين أمورهم يسافرون معها..
ههههههههه والله كل ما اتذكر شكله وهو مصدوم أنبسط..
رشا\راجح فهمني مين اللي يروح معها وليه..؟؟
راجح\أمها وأخوها الكبير..
ناوين يسافرون معها ويهتمون فيها وفي ذياب..
رشا\لا والله..واخوي وش وضعه مو زوجته وولدهـ..؟؟
أكيد بيهتم فيهم..
راجح بجمود\يهتمون فيها من أخوك بالذات..
رشا لا انا ولا انتي نسينا اللي صار بينهم..
رشا\أنت قلت لي لا اتدخل بحياتهم..
طيب ليه الناس يتدخلون..
يتركونهم بحالهم..إن تفاهموا صلى الله وبارك على نبينا محمد..
وإن ماتفاهموا بعد صلى الله وبارك على نبينا محمد..
راجح\عليه الصلاة والسلام..
وضعهم ماهو وضع عادي..
عشان نلوم هلها في تدخلهم ومحاولتهم لحمايتها..
رشا\طيب هو كيف عرف..؟؟
راجح\أعوذ بالله وأخوك فيه شيء يصعب عليه..؟؟
رشا بشهقة\بسم الله عليه..الله يحفظه..
راجح\هذي اللي بأتوطاها..
خليني أنظله يمكن يخف على المسكينة..
رشا\ههههههههه كمل..
راجح\المهم ابو الشباب اخذ إحتياطه..
وراح الشرقية وبيسافر على ايطاليا من هناك..
مايبي هلها يدرون انهم سافروا ايطاليا..
رشا\شيء طبيعي بيدرون انها مو في الرياض
راجح\أخوك حاسبها صح..
يبي يوهمهم إنه هو وهله عند اخوه وأمه في الشرقية..
رشا\ياقلبي على الذكــــي..قوم نروح لهم الشرقية..
راجح\ليه أنتي ما توقفين مع الحق..؟؟
أخوك ماهو راعي حق..
رشا\لانه أخوي انا معه ظالم أو مظلوم..
راجح\ولاني راعي حق..فأوقف مع المظلوم دائماً..
والحمدلله سويت اللي علي وريحت ضميري..
رشا بصدمة\وش سويـــت..؟؟
راجح\لا انتي بصف غازي ما بأقولك..
رشا\لايكون قلت لهلها عن خطته..؟؟
راجح\شوفي انا مع الحق..بس هذا ما يعني إني نذل..
رشا بحيــرة\قووول وش سويت..؟؟
راجح\هههههههههه لا ما اقووول بكره يوصلك العلم من غازي..
رشا\شفت إنك تدخل في أمور الناس..
لا تنهى عن خُلق وتاتي بمثله..عار عليك إذا فعلت عظيمُ..
راجح يبتسم\أقووول نااامي..
رشا\لا الحمدلله تخلصت من المرض ..
عسى ربي يشفي كل مرضى المسلمين..
راجح\اللهم آآآآآآآآمين..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

أعـــود إليـــك يا سجني..
أسيرة ذات جاهـ ومال..
أعود إليــك منتحبة..
بصوت لا يكاد يقال..

إشتاقت ثنايا الروح لوسادتي..
وتاهت من عوالم الدنيا رسالتي..

عدت إليـــك يا سجـــني..
هل لي بذاكرة تنسيني..
ليالي بكائي وجنوني..؟؟

عدت إليــك يا سجــــني..
فهل لي بدواء يشــفيني..؟؟!

دخلت السيارة المزرعة..
حطت يدها على قلبها وصارت تشد عليه بقوووة..
أحاسيس كثيــرة ومريرة تتزاحم بروحها..
فتح لها الباب وأنتظرها تطلع من السيارة..
تملكها التردد..
ليه ما ظلوا في العاصة روما..
هناك يعالجون ذياب ويرجعون السعودية..

كانت سفرتها هذي تختلف كل الإختلاف عن سفرتها الأولى...
لما دخلت طائرته الخاصة..
دخلت بهدوء وثقة..بعكس أول مرة لما دخلتها غصب عنها..
وهو شايلها بيدينه ويمنعها لا تصرخ ولا تنادي احد يساعدها..
مشوارهم كان هاادي ومريح..
ماكانت خايفة وتبكي..
ولا كانت تفكر وين بيأخذها وش بيسوي فيها..
ولا تدري إنه زوجهـــا..
هذي المرة كانت تدري وجهتها وين..
ولأي سبب هي مسافرة..
والأهم إنها تدري إنها بصحبة زوجها مو رجل غريب..

نزلت من السيارة وانتبهت على ذياب..
يركض حوالين أبوهـ مبسوط بالمكان ..
جلست على ركبها وضمته لها وهو يضحك..
هديل\انت الجديد بــكل هذا..
رجعتنا لساحة حرب ظالمة..
بين عملاق وقزم..
تدري من اللي أنتصر في الحرب ومن أنهزم..؟؟
غازي\مابيننا مهــزوم..
هديل بحدة\لا بيننا مهزوم..
اليوم لك وبكرة عليك..
غازي\ما اكتفينا من الفراق والوجع..؟؟
هديل بتفكير\ليه وحن متى افترقنا..؟؟
إن شاء الله بعد ما يتعالج ذياب نفترق..
والوعـد دين..

صدت عنه ومشت مع ذياب..
قبل لا تدخل القصر ألتفتت عليه..
هديل\الملحق أحب على قلبي من قصرك..

نزلت الدرجات بخطوات سريعة..
وشالت ذياب عن الارض..
هديل\تعال معي تشوف بيت جارية ابوك..
غازي من بعيد\لـ كل شيء حد يا هديــ.......
هديل تقاطعه بتحدي\يا رســــــــل..

كملت طريقها ودخلت الملحق..
نزلت ذياب ومشت فيه تتأمله..
تذكرت اول ايامها فيه..
أيام باااردة صقيعية...
موحشة وكلها كوابيس..
وتذكرت ايامها مع صوفي لما كانوا يصممون أزياء..
كانت تتمنى تكلم صوفي..
بس لما عرف انها تبي صوفي اخذ جواله منها..
غازي\تبينها تنشب في بلعومي..
إنسي تكلمينها الحين..

دخلت ذياب الغرفة معها..
وقفلت الباب عليهم..
نيمتهم بحضنها وسدحته على سريرها..
هديل\شناطنا عند أبوك..
كيف نجيبها..؟؟
يالله ننام بملابسنا وبكرهـ نبدل..
ولا اقولك نام أنت بملابسك..
ابي اريح ظهري..

بعد لحظات تسطحت جنب ذياب..
حاولت تنام بس ذكريات غريبة وتفاصيل دقيقة بدت ترجع لها..
أبتسمت وهي تحس بغرابة وضعها..
وكأنها في أول ايامها بالمزرعة..
لما كانت عنيدة ومتمردة..
ضحكت وهي تتذكر شكلها لما كانت تصرخ عليه او تضربه..
صح كان يعاقبها..بس حتى هي كانت تنتقم لنفسها..
حمدت الله على إن الكآبة تركتها وصارت تضحك من قلبها على مقالب صارت معها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

يـــاهو يـــوجع هــ الحنيـــــــــــن..
وكـــل سالفة نبداهـــا بــ تذكـــرين..؟؟!

فزت جالسة وهي تصرخ برعب..
لما حست فيه ينسدح جنبها..
غازي\ههههههههههههه تذكرين لما كنت ادخل هنا وأنت ما تحسين..
هديل تضربه\تبي تجلطني..
إيه اذكر..والحين ابي اعرف كيف دخلت هنا وأنا مقفلة الباب..
غازي\اممممم يمكن من الشباك..؟؟
هديل\لا ماتقدر الشباك صغير عليك..
كيف دخلت..؟؟
غازي\تذكرين لما كنتي تنامين من دون تدفئة..
ولا ملابسك يالله كيف كنت أتمنى أضمك وانتي بملابس المزرعة..
هديل تبتسم\كنت شرير كثيــر..
يا مفتري حارمني من الدفأ ومعطل الجهاز علي..
غازي\لا والله قلت لهم يصلحون الجهاز بس ما احد صلحه..
وأنا عاقبتهم وصلحوا الجهاز وأنا على راسهم..
هديل بإبتسامة\تذكر يوم أنا ضربتك في الحضيرة وطيحتك..؟؟
غازي\تذكرين يوم خليتك تحلبين الابقار..
هديل بشهقة\لا والله ماحلبتها أصلاً كفختك هذاك اليوم ولا حلبتها..
غازي\كفختيني..؟؟!يالهيـــاط..
هديل\بلى سويت كذا..

مدت يدينها وضربته ودفته بكل قوتها لحتى طيحته من على السرير..
انحنت براسها تناظرهـ..
وصرخت لما سحبها وطيحها عليه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

"اسمع صدى صوتك" وادورك وين انت ؟!
واصيح بين الناس " سـامعك .. ويــــــنك" ؟
ردوا علي الناس .. مسكين يا انت
اللي سمعته ..
"بين نفسك وبينك"
الصوت هذا مصدره .. داخلك انت
في وسط قلبك ساكن " نور عينك "

دخلت العيادة مع مرام وهي تحاول تخفي إرتجافها..
تحس برهبة وخوف لان أمها مو معها..

مرام بحنية\وش فيك خايفة..؟؟
دكتوري طيب مايخوف..
خلود\الثقة عندك مشكلة..
مدري ليه اجبرتني امي اروح معك..
مرام\انا طلبتها تقنعك..
خلود\مرام بسرعة خلصي شغلك ابي ارجع البيت..
مرام\ادخلي معي..
خلود\لا باجلس لحالي..أكيد بأدخل معك..
مرام تبتسم\طيب يالله..

دخلوا المكتب وجلست خلود جنب مرام..
خلود\دكتورك شايب..؟؟
مرام\ايه قلت لك إنه شايب..
خلود\بس ترى حتى الشواب مالهم امان..
مرام\إيه ادري يا قلبي عندنا شايب تقولين مراهق..
خلود\من هذا..؟؟
مرام بصدمة\مدري..

دخل عليهم رجال شايب..
لابس ثوب رجالي قديم..
وشماغ ابيض وبني..
في يدهـ سبحة ولابس نظارات طبية كبيرة..

خلود بشهقة\يــوبـــه..؟؟!!


إلى الملتقى فجر السبـــت بإذن الله تعالى ..

كونوا بخيــــــــــــــــر ..


صدووود’’’

السلام عليكم ورحمة الله وبركاته ....


صبــــــــــــــاح\\
رذاذ المطر..
يعانق قلوبكم..

مســــــــــاء\\
أمنية الطفولة..
تنام بجفونكم..


كيــــــفكم الــ ليلااااااااااااس ..؟؟
أحبتــــــــــي في كل مكـــان..؟؟


هــــــــــــــلا والـــــــــف مرحبا باللي انضموا لنا..
واللي طلعوا من خلف الكواليــــــس واستجابوا لندائي^^
الله يعلي شانكم ويسعدكم..
وجودكم بقربي يســـــعدني...

المســابقة اللي سويتها..
شاركوا فيها الكثيــــــرات..
وكل وحدة كانت لها وجهة نظر..
بس الإجابة الصحيحة عن لقاء صوفي..
كان من نصيب الغاليـــــة..بنت العزيزية..

المفـــــــــاجئة اللي وعدتكم بها..
راح تكون بآخر البارت...^^

البــــــــارت إهــــــداء لجميـــع أحبتــــــي ..
والغالية ..بنت العزيزية..


البارت الثمــــانون ...


يا صغيرات!.. يلتقي ذات يوم
في رحاب الردى جبان و باسل

يلتقي السائر المغذ و من سار
وئيدا.. كل الدروب حبائل

يلتقي الطفل في الغضير من العمر
و شيخ مغضن الروح ناحل

ما ارتوى الطفل بالحليب و لا
الشيخ رواه طوافه بالمناهل

تتلاشى الحياء فهي سراب
عند هذا و عند ذاك مخاتل

يا صغيرات!.. ليس عند الليالي
بعد طول العناء إلا المقاتل


المرحوم باذن الله تعالى غازي القصيبي...


غازي\تذكرين يوم خليتك تحلبين الابقار..
هديل بشهقة\لا والله ماحلبتها أصلاً كفختك هذاك اليوم ولا حلبتها..
غازي\كفختيني..؟؟!يالهيـــاط..
هديل\بلى سويت كذا..

مدت يدينها وضربته ودفته بكل قوتها لحتى طيحته من على السرير..
انحنت براسها تناظرهـ..
وصرخت لما سحبها وطيحها عليه..
غازي بهمس\لا تستقوين علي..يا بطة..
هديل بقهر\انت الدوب ماهو انا...
وبعدين ليه ولا مرة تخليني أضربك..؟؟
غازي\بلى بطة..بس تجننيـــــــن..
وتراك دائماً تهزميني..لا تفترين..
هديل\وخر يدينك من علي..
غازي بعناد\أنتي اللي بديتي..
هديل\غازي..
غازي\ياجنونه..
هديل\إبعد يدينك بأقوم..
غازي\مقــابل..؟؟
هديل بإحراج\ولاشيء..إبعد يدينك..
غازي بإبتسامة\مستحية مني يا حبي..؟؟
هديل تبتسم\ياحبك لنفسك..
نزلت راسها وعضته على عضدهـ بقوووة..
حاول يكون اقوى من عضتها..
بس لما شافته معاند يتركها زادت بعضه لحتى ارتخت يدينه من عليها..
بعدت عنه بسرعة وجلست على ركبها أخذت كوب مويا وكبته عليه قبل يوقف..
ضحك بصوت عالي وكان بيقوم بس هي ماسمحت له..
ثبتت يدها على صدره ويدها الثانية دخلتها بشعرهـ..
قربت وجها من وجهه..
هديل\شوف يالشايب العايب..
إن كنت تبي الضرب والطق لغتنا ماعندي مانع..
أنت ماتفهم بالكلام..طقني واطقك..
كذا ممكن نتفاهم..

كانت شادة شعره وتحركه حركات سريعة..
عشان تزيد في ألمه منه..
وهو يزيد قهرها بصوت ضحكته عليها وتهديدهـ..
غازي\ههههههههههه أجل طقني واطقك..
لو اقوم الحين ما اشوف الا غبارك..
بتشردين ما انتي قد كلمتك..

انقهرت لأنه يقول الصدق..
شيء أكيد بتهرب عشان لا يضربها..
بس بتخالف توقعه وتبين له انها تغيرت وماعادت تخاف من ضربه..
رفعت راسه وضربته على الأرض بتشفي..
هديل بتحدي\كنـــت خوافة واهرب بس الحين اكفخك..
ما بأشفق عليك واقول شايب حرام اضربه..
الا باتوطى في مصارينك..

وقفت بسرعة وابتعدت عنه..
وهو جلس وحط يدهـ على راسه من ورى..
غازي يقلدها\متوحشة..مافي قلبك رحمة..
كل هذا حقد علي..كنتي بتبطين راسي..
هذا وانا حاضنك واقولك يا حبي..
أجل لو مكفخك وش تسوين..؟؟
هديل\عادي أكفخك..
غازي\طيب هاتي يدك..ساعدي الشايب..
هديل\والله ماشالتني يدينك يوم اتوجع بمكانك زمان..

غازي بنظرات\تبين الزمن يعيد نفسه فيني..؟؟
هديل\وتأخذ أجري واخذ ذنبك؟؟
لا ما ابـــي..خلنا على حالنا..

وقف وراح لها وهي ثبتت في مكانها..
ماتبي ترجع تنضرب..
بس إن كان الضرب بيبعدهـ عنها..
فهذا اهون من لمسه لها او محاولة إستمالتها له..
غمضت عيونها بسرعة لما رفع كفه على وجها..
وغصب عنها رفعت يدينها وغطت وجها..

أنتظرته يضربها..
يشد شعرها او يبكسها..
طال إنتظارها وهي متخبية ورى يدينها..
حست بيدينه تنزل يدينها..
فتحت عيونها ونظرة الرعب القديم فيها..
قابلتها نظرات حنونة من عيونه..
وإبتسامة حسرة من شفايفه..
قرب وجهه منها وقبلها على جبينها..

ياليت بعض الناس فيني يحسون
وياليت مافي خاطري يعرفونـه..
وياليت بعض الناس للعهد يوفون
والماضي اللي فات ماينكرونـه .,.

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


خلود\من هذا..؟؟
مرام بصدمة\مدري..

دخل عليهم رجال شايب..
لابس ثوب رجالي قديم..
وشماغ ابيض وبني..
في يدهـ سبحة ولابس نظارات طبية كبيرة..

خلود بشهقة\يــوبـــه..؟؟!!
رفع راسه لها وهو يثبت نظاراته الطبية على عيونه..
الدكتور يبتسم\إعتبريني مثل أبوك..يابنتي..

شدت يدينها حوالين ذراع مرام..
مرام\بسم الله عليك وش يوبه؟؟
خلود بغصة\هذا أبوي..ابوي..
مرام بخوف\لا يا قلبي هذا دكتوري..
مو ابوك..ابوك الله يرحمه..
خلود\دكتورك؟؟
مرام بندم\ايه دكتوري..
مو قلت لك دكتوري شايب..هذا هو..
خلود بهمس\يشبه ابوي..
مرام\لانه شايب..وتعرفين الشواب يتشابهون..
خلود\لا..لبسه..شماغه..حتى سبحته ماسكها مثل ابوي..

الدكتور بصوت عالي\مين المريضة فيكم..؟؟
مرام\اممم كلنا مريضات..
الدكتور\وحدة تطلع والثانية تظل..
مرام\خلاص انا اطلع..وادخل بعدها..
خلود\والله ماتطلعين..
مرام\يا اختي عادي تكلمي معه عن اي شيء..
خلود بقهر\وجع جينا عشانك مو عشاني..
الدكتور\أنتي اللي صوتك عالي اطلعي برا..
مرام بقهر\أنا اطلع برا..؟؟
خلود\لا هي المريضة بتظل وانا انتظرها برا..
الدكتور\إجلسي يا بنتي..
خلود بهدوء\لا تقول بنتي..
الدكتور\انتي قلتي يوبه..!
خلود\مو لك..مرام انتظرك برا..

تمسكت فيها مرام واجبرتها تجلس جنبها...
مرام\مو تقولين الشواب مالهم امان..
خليك جنبي..ونطلع مع بعض..
خلود بصد\ما ابي اظل مع هذا الشايب..
الدكتور\شابت ركبك..
رجال بعمر أبوك تطولين لسانك عليه..
خلود\لا تجيب طاري أبوي..
وأنا ماقلت الا الصدق مو أنت شايب..
ترى يقولون الشيب ولا العيب..
بس ابد شكلك شايب عايب..
الدكتور\أفا..الله يسامحك يابنت ابوك..
رباك على الأخلاق والزين..
لو يشوفك تشتمين الناس وش يقول؟؟
خلود بإرتباك\أأنــ.....ــا مـا أقـــ...ـصد..
السموحة منك..والله ابوي طيب..
ورباني زين..انا لساني طويل..
ابوي ماله شغل بكلامي..
أنا قلت كذا عشـ...ــان انا....
الدكتور\خلاص سامحتك..

فتحت عيونها بقهر..قال سامحتك قال..
لا احسن قوم طقني بعصاتك..
إلا وين عصاته ..شايب مامعه عصى؟؟!
كيف قدر يخليها تعتذر بسرعة وهي مقتنعة بكلامها..
قبصت على فخذ مرام بقهر..
خلود بهمس\جعل رقبت ذا الشايب القص..
مرام\يقص رقبتك..
خلود\عســ........
مرام بسرعة\إنطمي لا تدعين عليه..
وراهـ أهل وناس يبونه..
خلود\خلصي مع شايبك ابي ارجع بيتنا..

تكلمت مرام مع الدكتور..
عن مشكلة ماتخصها أبداً..أخترعتها من بالها ..
دمجت فيها بين قصتها وقصة خلود..
انحرجت وكان لازم تتكلم..
عشان خلود ماتشك بشيء..
الدكتور\على مافهمت من كلامك..
إن حالتك مستقرة من ثلاث سنوات..
مرام\إيه الحمدلله مستقرة ومرتاحة..
الدكتور\الحمدلله..
يابنتي فيه ناس يحملون أنفسهم ذنب ماهو ذنبهم..
ويسمحون لكلمة لــو تحكم حياتهم وتدمرهم..
أنتي قلتي لو ما فعلتي كذا..كان بيتغير وضعك..
وينسيك الشيطان إن هذا قدر ومكتوب من قبل لا تولدين..

مرام فهمت كلامه وانه يقصد فيه مشكلتها القديمة مع زوجها.
وبنفس الوقت يقصد فيه خلود اللي صادة عنهم بجسمها..
بس كل حواسها معهم..

مرام\كثير لمت نفسي على موت جنين كنت حامل فيه من سنين..
الدكتور\وأنا لمت العالم لما خسرت شيء انا ماملكته..
وضيعت اللي ماعمري لقيته..
مرام\وفيه من يلوم كل رجال العالم..
على ذنب رجال واحد..
الدكتور\يعاني من عقدة النقص..
خلود\خييير..؟؟
وش عقدته اللي أعاني منها؟؟
الحمدلله ماعندي نقص ولا شيء..
قال أعاني عقدت نقص قال..
الدكتور\يعني انتي تلومين كل بني آدم..
عشان غلطت رجال واحد..؟؟
خلود\اللي قتل رجال..واللي حكم رجال..
واللي فزع وطلب الصلح رجال..
واللي قبل الدية وتنازل رجال..
واللي ماقص رقبت القاتل رجال..
وانا بنت المقتول ماني رجل لا انا حرمه..
مالي حق اقول ابي قاتل ابوي ينقتل..
ولا لي راي يلتفت له قاضي ومحامي..
الدكتور\انتي حاقدة على الدنيا كلها..
وناسية لو ابوك ما مات مقتول..بيموت بحادث..
بمرض بغرق او بلاء..
وبنفس المكان واللحظة بيموت..
لان هذا قدر وكتوب عليه وعلى غيرهـ..
خلود بجمود\ماجيت اخذ عندك درس في الدين..
الدكتور\تم تشخيص الحالة..
إعترافاتك اليوم تساعدنا كثير..
شكراً لقدومك..
جلستنا الجاية بعد يومين على نفس الوقت..
خلود\الحالة؟؟؟
الدكتور\نعم عندك عقدة نقص..
وبنفس الوقت حقد كبيير يعيش في وجدانك..
وبإرادة قوية منك يظهر هذا الحقد بكل موقف يواجهك بحياتك..
سواء مع اسرتك أو مع المجتمع..وربما مع نفسك..
وللاسف الحقد اقوى بكثير من الكــرهـ..
لأن الحقد مرتبط بالإنتقام..وهذا جداً واضح في حالتك..

أنهى كلامه ونزل راسه يكتب في ملف..
قامت مرام وهي ماسكة يد خلود..
طلعوا من المكتب وخلود ساكته ومصدومة من نفسها..
أول مرة تتكلم عن شيء مدفوون في قلبها..
هي فعلاً حاقدة..ويمكن مثل ماقال الدكتور حاقدة على الدنيا..
أنقهرت ماكان المفروض تتكلم معه او تسمح له يتفلسف عليها..
هو شايب مايعرف عن إحساسها شيء..
مستحيل أحد يشعر بجرح اليتيم إلا اليتيم..
طلعت من العيادة رافضة ترجع مرة ثانية هنا..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛

حقك علي ان كنت ضايق وزعلان
آعاهدك نبدا بصفحه جديده..
جيت استبيح العذر لو كنت غلطان
والعفو من ضمن االخصال الحميده..
إن الخطا يابنت من طبع الانسان
ولافيه نفس من الغلط مستفيده..
مهما يطيش الظلم للحق ميزان
يرجح ومن ضيّع طريقه يعيده...

فتحت الكبت وأخذت البالطوا القديم تبع غازي..
اللي لبسها إياه بدل عبايتها لما رماها..
لبسته وهي تقوي نفسها ..
ألتفتت على غازي اللي كان نايم وذياب جنبه..
مر عليهم يومين في المزرعة..
مارضت تدخل القصر ولا تعيش فيه..
وهو مارضى يطلع من الملحق الا وهي وذياب معه..
وبكذا ظل معهم بنفس المكان..
طردته أكثر من مرة..ولما تجي بتنام..
يكون نايم على السرير وذياب جنبه..
تتجاهل تصرفاته وتنام على كنبة قريبة منهم..
سريرها صغير وغذا فكرت تنام معهم بتلصق فيه..

قربت من السرير وغطت ذياب..
ولما رفعت الغطاء على غازي ندمت..
ورجعت تسحبه من عليه وتحطه كله على ذياب..
أبتسمت على حركاتها وكأنها بزر..

غازي بإبتسامة\هذي اللي تقول كبرت..
هديل\ههههههههه البرد زين لـ الشواب..
يقوي عظامك ويعطيك كالسيوم..
غازي بنص عين\وين دارسة انتي يامخرفة..؟؟
هديل\عندي شهادة طب في التعذيب البشري..
نفس تخصصك طال عمرك..
إنتبه على ذيبي أنا طالعة..
غازي جلس بسرعة\تعالي تعالي..
وين رايحة..؟؟
وبعدين ذيبك إذا صحى وش اسوي فيه..؟؟
هديل\رايحة أنظف الاسطبلات قبل لا يغضب السيد ويجلدني..
أما الذيب فلما يصحى بدل ملابسه واهتم فيه لحتى ارجع..

طلعت من الملحق وقفلت الباب وراها..
طول اليومين اللي فاتت ما ابتعدت عن الملحق..
ولا تجرأت تزور الخيول او تتمشى في المزرعة..

رجعها لهذا المكان..
وهي لازم تدفن كل ماضيها هنا بحدود المزرعة..
مشت بخطوات واثقة بطريقها..
تلفتت حوالينا بكل مكان لها ذكرى..
على الرصيف هناك كانت لابسة السكت رولز..
وصدمت فيه بإرادته..
وكان له معها تعامل خاص فيه وبس..

مرت بنفس المكان اللي سكرت فيه مع صوفي..
هزت راسها تنفض ذكرى اللي صار معها من بعد ماصحت..
كانت بغرفته وعلى فراشه..
أوهمها بأشياء ماصارت وبعدها عاقبها..

وقفت قريبة من الإسطبلات..
آخر مكان كانت فيه قبل تنعمى وتموت سنين لغازي وغيرهـ..
الحصان الاسود..
إللي رمت نفسها تحت ارجوله..
هذا اقسى عليها من الحضيرة اللي أنضربت فيها بالسوط..
واقوى من إجباره لها على نفسه وهي ماتدري إنها زوجته..

لو ماتت..كانت بتكون منتحرة..
والمنتحر بأمر الله يدخل النار..
غمضت عيونها وهي تردد كلامها لنفسها ..
لاتخسرين آخرتك عشان ذنوبهم..
همست بـ الحمدلله..

وصدت ناوية ترجع وتترك هذا المكان..
مابتستحمل تشوف المكان اللي أنضربت فيه..
ماتبي تتذكر شكله وهو قاسي ومتوحش..
غازي تغير مثل ماهي تغيرت..
هي كبرت ماعادت صغيرة..
وهو ماعاد غازي القاسي..
تغيـــروا..
وتغيرهم يمكن يقدرهم يعيشون بسلام لحتى يفترقون..

رفعت راسها وشافته شايل ذياب..
قرب منها وعيونها تتأمله مع ولدها الغالي..
أرتجفت بخوف من فكرة راودتها..
لو ماكان ذياب موجود في حياتها..
كيف كانت بتكوون..؟؟
رغم قسوة غازي الكبيرة معها وإجبارها عليه..
إلا إن في قلبها إمتنان له..
لأنه أعطاها ذياب بإذن ربه وحكمته..

نزل ذياب على الارض بعيد عنها..
وهي فتحت يدينها له تناديه..
ركض لها بخطوات صغيرة غير متزنة..
طاح وهي ركضت له وهي تضحك..
شالته وهو معقد حواجبه زعلان..
وشوي شوي بدت شفايفهتتقلب والنونة انعقدت..
وبثواني بكى بصوت عالي..
هديل تضمه\ياقلبـــي اللي يبكوون..
فديت رووحهم وعبرتهم..
ذيبي ياروحي لايكون تعورت..؟؟
غازي\هههههههههه لو دريت مانزلته..
هديل\لو ظليت نايم ماهو أحسن..
غازي ياخذ ذياب منها\هاتي الذيب..حاله مثل حالي..
جن وانهبل لأنك فتحتي يدينك تنادينه..
ظنيتك تناديني..بس يالله الجايات اكثر..
هديل\اللي بعمرك تقاعدوا عن قلة الادب..
وعن المراهقة واحلام اليقظة..
غازي\ما اخذهم قدوة لي..
يالبى قلبك يا أم الذيب..
هديل\مالك حل..
هات الذيب..أبي أوريه حلاله واملااااااااااكه..
غازي بنص عين\تبين تورثيني وانا حي..؟؟
هديل\اممممم في خاطري أشتري هذي المزرعة منك..
بكم تسومها علـــي..؟؟
غازي بوله\جاتك عطيـــه..
وعلها ترضيك..
هديل بغرور\مقبولة العطية..
وألحين إطلع برا أملاكي..
غازي عقد حواجبه\تسوينها والله..
بس ما اهون عليك صح؟؟
هديل\صح..أنت ماطردتني من قبل..
ما بأطردك..

مارضى يعيطها ذياب اللي كان معصب منها ولا يناظرها..
كل ما مدت يدينها تاخذه..
يضرب يدها ويضم ابــوهـ ..
هديل بزعل\أنا وش دخلني..
هو نزلك وانت طحت..
ليه زعلان منـــي..؟؟
غازي\يقول لأنك مزعلة ابـــوهـ..
هديل\لو سمحت خلك برا الموضوع..
لا تنشر الفتنة بين الذيبة والذيب..

خذته من حضن غازي غصب عنه..
وهو حط يدينه على حجابها وطيحه من عليها..
مسك شعرها وشدهـ بقوووة..
وهو يصرخ برفض لها..
هديل\آآآآهـ حسبي الله على إبليس..
فك شعري يا دووووب..
غازي يضحك\ههههههههههه قلنا لك مايبيك..
إلا تبينه يا الذيبة..
هديل\صدق من قال العرق دساس..
والمصيبة ماورث منك الا النذالة..
إمسك يدينه..
غازي\قصدك الجلادة مو النذالة..
شوفيه ماسكه بس مارضى يفك شعرك..
هديل\آآآآآي اصبر شيله وانا اتصرف معه..

أخذه من يدينها ..
وهي حركت اصابعها على صدره وبطنه..
ضحك ذياب وارتخت يدينه من على شعرها..
بعدت عنه بسرعة ودفت غازي بقهر..
غازي\فازع لك وتضربين..؟؟
هديل بقهر\نتف شعري..
إنقلع إنت وهو..ونيمه عندك ما ابيه..

أبتعدت عنهم ورجعت الملحق..
وهو أخذ ذياب معه ودخلوا الإسطبلات..
غازي\ماورثت مني النباهة..
صاحين من النوم مبسوطين ونضحك..
ونحضر ليوم رومنسي وحلو..
وحضرتك تخرب كل هذا بلقافتك..
بس ولا يهمك يا أبو غازي نروح وراها ونراضيها..
كم حمامة عندنا..فديت المبـــسم عليها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

دخلت الملحق ورمت البالطوا على الكنبة..
فكت شعرها وصارت تدلك فروة راسها..
سمعت صوت في الملحق..
أستغربت من بيكون موجود..
فتحت الباب الرئيسي وقفلته بقوة..

سمعت خطوات طالعة من غرفة النوم..
فتحت الباب مرة ثانية..
لأنها خافت من صاحب هذي الخطوات..
بعد لحظات طلعت ماريا من الغرفة..

أبتسمت لما شافت هديل وتقدمت لها بخطوات مترددة..
هديل ظلت واقفة بمكانها مصدوومة..
هي تدري إن ماريا رجعت المزرعة..
لان غازي قال لها..
بس مارضت تروح القصر..
وقالت له ما تبي تشوفها ولا تدخل القصر..
ماريا بحنية\مرحبا عزيزتي..
إشتقت إليك كثيـــراً..
هديل بغصة\أهــ....ـلاً ماريا..
كيف حالك..

تجرات ماريا اكثر..
قربت منها ومدت يدها تصافحها..
ترددت كثير تمد يدها لها..
ماتنسى إن ماريا هي اللي رجعتها لـ المزرعة..
وبعد مارجعتها..غازي أنهى كل شيء بحياتها..
أجبرها عليه..وبعدها صارت عمياء..وبعدها ماتت..

حست بماريا تضمها بقوووة وتبكي..
ماريا\أنا آسفة..آسفة جداً..
يا إلهي أنتي لا تعلمين كيف عانيت بعد رحيلك..
أرجوك صغيرتي سامحيني..
كنت سبباً في موتك ..
هديل بهدؤ\إهدئي ماريا..
انا بخيــــر..انظري عدت كما كنت..
لا تبكي هكذا..أرجوك كفى..
ماريا\لم اغفر لنفسي مافعلت..
كنت اعلم بانك غير سعيدة معه..
ولكني اعدتك إليـــه..

مسكتها هديل وجلستها قريب منها..
أبتسمت لها تحاول تهديها..
هديل\كفى..أنظري كم انا جميلة ورائعة..
لقد عدت إلى هنا ولا انوي الرحيل قبل أن ينتهي الماضي..
ماريا انتي لاذنب لك..
لربما كان وفائك لسيدك جريمة بنظري..
ولكنه يُعد فضيلة لديك..
ماريا\ولكنه لم يكن طيباً..
كان يقسوا عليك كثيــراً..
هديل بحسرة\لانه يحبــني..
أحببني رغمـــاً عنه..
فكان يجب أن يعاقبني على ذلك..
ماريا\صوفي لامتني كثيــراً بعد رحيلك..
لأني لم اخبرها بما حصل معك..
هديل بمرح\إذاً هي تلك المنمشة..
كانت سبباً بحزنك..سأعاقبها عندما التقي بها..
ماريا تضحك\لا تعلمين ماذا كان شرطها..
كي تسامحني وتعود لمقابلتي..
هديل بقهر\تلك المتنمرة..
إن لم تكف عن تطاولها سوف أقتلها..
ماريا\ربما يعجبك شرطها..
هديل برفض\مهما كان شرطها..
فيجب ان تحترمك ألستي أنتي من ربيتها واهتممتي بها..
يالها من ناكرة لـ الجميل..
ساعاقبها على تمردها..
ماريا\ولكني أحببت شرطها..
واحببتها كثيراً..
هديل تبتسم\وماكان شرط المنمشة..
ماريا\إشترطت علي أن ادخل الإسلام..
وارافقها إلى وطنك ونقوم بالحج معاً..
هديل مصدومة\......................
ماريا\لقد ألحت علي كثيراً..
في الحقيقة لقد كان رجاءً أكثر من أن يكون شرطاً..
كانت تاتي إلي بكتب كثيرة..
وكنا نسمع القرآن..
لم اكن مقتنعة بكلامها ومحاولاتها الدائمة إستمالتي إلى ديانتكم..
ولكن إجبارها لي على سماع القرآن..
أثر بي كثيــــراً..
كنت ابكي وانا لا اعرف ماذا أسمع..
أحببت ماسمعته..وماقراته عن الاسلام..
أحببت محمد كثيـــراً..كم كان طيبـــاً وصبوراً..
واحببت المسيح أيــضاً..
هديل بغصة\الله يهيدك إن شاء الله..
ماريا الدين عند الله هو الإسلام..
لن يُقبل منك ديانة أخــرى..
المسيــح كان رسولاً..ونبينا محمد رسولاً..
لم نعبـــد محمد..بل عبدنا من خلق محمد وخلق المسيح وخلقنا..

قال تعالى(مَا الْمَسِيحُ ابْنُ مَرْيَمَ إِلَّا رَسُولٌ قَدْ خَلَتْ مِنْ قَبْلِهِ الرُّسُلُ
وَأُمُّهُ صِدِّيقَةٌ كَانَا يَأْكُلَانِ الطَّعَامَ انْظُرْ كَيْفَ نُبَيِّنُ لَهُمُ الْآيَاتِ ثُمَّ انْظُرْ أَنَّى يُؤْفَكُونَ ْ)

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

نزل يركض دخل الصالة بسرعة..
ضم الجدة بقوووووة..
وهي شلت عصاها وضربته على راسه..
عبدالله بمرح\ما ابى اخنقك بس أضمك..
ياليل العجز لما يعنني ..
الجدة\لاتقرب ياولد ابوك..
إن ابط راسك واذبحك..
عبدالله بلقافة\أوهـ ماي قود..
واااي جدة فاذر واي..؟؟
واتس اوب يا مــرهـ ؟؟
الجدة\هذا اللي بيجلطني..
ليه ما يخلوني اروح عنك..
ليه انت تروح وانا ما ارووح؟؟
عبدالله بفخر\العجز مايروحون إيطاليا..
مايروح الا الشباب المودريين اللي مثلي..
حنان مفتحة عيونها\ياويل حالي قلت مودريين..؟؟
عبوود لا تنسى إنك ولد راعي مشاكل وهوشات وطق..
لا تفضحنا هناك وتهاوش خلق الله..
عبدالله\هههههههه الخيزرانة في الشنطة..
يامن مرت من عندي لابسة مفسخ لا اشوطها فلكة 200..
عبدالله عندهم لزووم يتسترون..
جدة وين ولدك أخرنا الله يصلحه..
ام علي بزعل\مدري عنه..

دخل علي ومعه غادة وسمع امه..
علي\يااااابعدهم انتي..
زعلانة يا ام علي..
والله لو انا رايح معهم إنك قبلي في الطيارة..
ام علي\اروح أنا وهادي..ولا محمد..
البنت بتسوي عملية مع ولدها..
من بيهتم فيها ويراعيها..
علي\الله يرضى عليك يومه..
كيف من يهتم فيها..هي بتسوي عمليتها في مستشفى..
وزوجها عندها..
ولاتنسين إنها ولدة هناك في إيطاليا ولا انتي معاها..
هدوول قوية ماهي على شوفها صغيرونة وغشيمة..
عبدالله بترزز\إيه لا تخافين عليه يا جدتي البيوتفل..
أنا بأكون معها..
مع ان بينا ثار أنا وورعها ولازال سارق مني..
كم هندرد من الريالات..
بس أسامحه لحتى نرجع واخذ هندراداتي منه..
علي يحلف\قسم بالله يا عبيييد..
إن ماتعدلت في كلامك ماتعرف إيطاليا ولا تطب الطيارة..
عبدالله مفجوع\نو نو بلييييز يوبه لاتقولها ..
أتعدل أفا عليك..شفني هه لابس بدلة وشماغ..
والعقال في الشنطة..
علي\هههههههههه والله بأشتاق لك يادووب..

قام عبدالله وقرب من امه..
جلس جنبها وهمس لها بأذونها..
وقبل لا يكمل كلامه..
سحبه علي بقوة ووقفه..
علي\اطلع..برا يالله..
إنقلع المطار وسافر..
إلا تبي تنشر الفتنة وتوقع بيني انا وامك قبل لا تسافر..
عبدالله\هههههههههههه كمان بروذر..
وي أصدقاء..وخر اقووول..

طلع علي مع عبدالله ووصله السيارة..
علي\عبدالله مثل مافهمتك..
عبدالله\ولا يهمك يوبه..
كل اللي قلته يصير إن شاء الله..
علي يقبل جبين ولده\إن شاء الله..
يالله إطلع العيال ينتظرونك في السيارة..
عبدالله\اوكى فمان الله فذر..
علي\هههههههههه فمان الله..

طلع عبدالله من البيت وقابل عيال عمه..
راكان وسلمان في السيارة..
عبدالله\السلام عليكم..
الجميع\وعليكم السلام..
عبدالله\من هذي اللي جنبي..؟؟
راكان\حرمتك..
عبدالله\كأنها سوير ام الدوببة الاساطير..
سارة\قصدك سوير ام مكفخينك ومتوطين في بطنك..
عبدالله\ياليل الشقاء..
هذي وش جايبها معنا..مابيمدينا نقطها في بيتها ونروح المطار..
يمكن نتاخر على الطيارة..
سلمان\هههههههههههه لا ماخذينها معنا المطار..
عبدالله\ماله داعي تودعنا..نزلها في بيتنا ياعم سلمان..
سارة\وقف وقف..أنا ادري إن فرحتي بهذ السفرة بتنغصونها علي..
عاد مالقيتوا غير هذا النتفة تعاقبوني فيه..
إسمع يا ولد ولد عمي..إن طولت لسانك ولا تمنذلت علي..
لا أشوتك من طاقة الكبتن حق الطيارة..
وقد أعذر من انذر..
عبدالله مصدوم\أنتي بتسافرين معنا؟؟
ليييييييييييييييييه وش سوينا يوم أنتي تسافرين معنا..
هل إيطاليا المساكين وش سووا..وش ذنبهم؟؟
راكان\خلاااص أنت وهي..
ترى باقي ماوصلنا المطار..كلمة ثانية وارجعكم..
سارة\خلاص باكبر عقلي..وخل هذا النشبة يسكت..
عبدالله\بالله وقفوا شوي الخيزرانة في الشنطة خلوني اشحطها عليها..
راكان\ههههههههههههه جبت الخيزرانة..
عبدالله بفخر\إيه والشبرية..وباقي اغراض القنص..
سارة\ماسكينك ومرجعينك السعودية مكمم ملغم..
عبدالله\والقايل إن شاء الله ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

لو كنت أعلم أنني
سأذوب شوقا.. و ألما
لو كنت أعلم أنني
سأصير شيئا من عدم
لبقيت وحدي
أنشد الأشعار في دنيا.. بعيدة
و جعلت بيتك واحة
أرتاح فيها.. كل عام
و أتيت بيتك زائراً
كالناس يكفيني السلام..

فاروق جويدة...


قامت من على السرير..
وهي متضايقة من اللي على قميصها..
سدحت ذياب على سرير خاص بالأطفال..
جابه لهم غازي امس ..
وتمنذل عليها يقول خلاص..
صار السرير كبير وبيشيلها هي واياه..
طنشته ومارضت تنام جنبه..
ماتثق فيه ولا في وعده لها..
حتى نفسها صارت تخاف منها تميل لهـ ..

كان زلاغ ذياب على ملابسها..
نفخت بتعب..وتوجهت لدورة المياهـ..
تحممت ونشفت شعرها في الحمام..
خرجت وصدمت فيه عند الباب..
غمضت عيونها وهي تصد عنه بسرعة..
أرتبكت بخوووف..
هذي ثاني مرة تشوفه من دون قميص..
وحالتها اردى منه..لافة نفسها بمنشفة..

تعدته وكانت بتطلع من جنبه..
وصار اللي كانت متوقعة يصير..
لم يدينه عليها ومنعها تبتعد عنه..
قرب منها ولصقها فيه..

أرتجفت غصب عنها..
وهي تحس بوجهه على كتفها..
همس لها بحبه..بعشقه..
وهو يدري إنها ماتجهل غلاتها عندهـ..
قبلها على خدها وعيونها وجبينها..
حالتهم تخوفها..ترعبها..
ماتبيه يستمر في اللي يسويه..
لازم تقاومه وتبعده عنها..
رفع يدينها ولفها على رقبته..
قبلها على شفايفها بعمـــق..


إلــــــــــــى الملتــــــــــــقى بعد ســـــــــاعة
في بارت هدية لجميـــــــــع أحبتـــــــي ..
لاتبخلون بردوودكم قبل نزول البارت الهدية ^^


كونوا بخيــــــــــــــــــر ...


صدووود’’’