السلام عليكم ورحمة الله وبركاته ....


يسعد صباحكم \\ مسائكم
بكل محبة ورضا من رب العالمين ....
وحشـــــــــــتوني يا القـــلوب الطاهرة...

كيفكم الـــ ليلااااااااس؟؟
أحبــــــــــــــــــتي في كل مكان..؟؟!

\\\ اممممم الحلوات اللي يقولون لاتكتبين بعد مرور كم سنة احكي لنا وش يصير بعد الحادث..
أفــــــــــــــا و صدووود متى أختزلت؟؟^_*
إن شاء الله يكـــون باقي الرواية مثل ماتحبون..لاتشيلوا هم..
ولازم الاحداث تمشي على ماهو مرسوم لها..
يعني لا تستعجلوني بعد كم بارت وتقولوا اختصري...

شــــــــــــــــكراً بحجم السماء لكل من واصلني وأستمر معي..
ولكل من سجلــــــــوا عشاني الله يعلي شأنكم ...
الشرف لــــي أنا بتواجدكم الطيـــــب ...

رابــــــــطة هديل طلبتوني يكون البارت إهداء لكم ...
ومـــــــــــــاراح أردكم ..
البارت إهـــــــــداء لرابطـــة هديل ...




زيزفونة ياقلبي عندي لك رسالة من هموسة..
تقولك الشحنة تبع المناديل هي لكم يا رابطة عناد مو لنا يارابطة آسر<<أنا من رابطة ياسر ^_*
اما غازي فتبطون عظم <<هموسة قالت انا مالي دخل..
ماقدرت تدخل لظروف نتية &_&
قُبـــلة إحتـــرام على جبيــــن أم اليــــزيد ..[ ضمني بين الأهداب ]



البارت السادس والأربعون ...

قبيل الغروب

جمعت ثيابي .. وطفت ُ بدور صحابي .. وودعتهم بدموع الحنين
وعدتُ وكانت دماء الشفق .. تغطي الأفق
حواني طريق الضياع الطويل

وجاء المساء

وأبصرت اشباحه الواجمة .. تحملقُ في !
وظلت تردد في مسمعي ( الى أين تمضي وهذا الطريق بدون رجوع؟)
فضج بأذني عويل الرياح .. وروعني من وراء الكهوف عواء الذئاب
وخلف انحناء الدروب رأيتُ عيون وحوش .. وكدتُ اعود
ولكن سدآ رهيبآ أطلٌ ..
يسد علي طريــــــــــــق الرجوع...


بعد ماطفت النار كان فيه نسبة كبيرة من الجرحى...
والمتوفين ثلاثة...أنثى ورجلين...
دورها بين الجرحى ماكانت بينهم...
راقبهم يمكن تكون هي بس متغيرة ملامحها...

عرضوا الأنثى المتوفاهـ..قدامه هو وراجح..
راجح برعب من الأنثى المقتولة...
وإستحالة تكون هذي هديل..

رد عليهم بثقة\لا هي ليست من عائلتنا...
رفعها غازي من على الحمالة وضمها بقووووة...
غازي بإختناق\هذي هي ياراجح..هذي هي...
أحترقت حمامتي ما أحترق طوق الألماس...

راجح بصدمة\أنت وش تقول..هذي قطعة لحم محروقة..
ماهي بهديل..حتى ملامح مو واضحة أذكر ربك..

خلع العقد من نحرها ورماهـ على راجح..
وهو لازال يحتضنها..
راجح ناظر بالعقد المختوم باسمها..
اسمها اللي حرمها منه وعاقبها عليه..
أرتجفت يدهـ أختنقت روحه..
المرميه بأحضان غازي هي هديل..
المأخوذة بذنب غيرها..
المحرومة من النور..المحرومة من امها وأهلها..
هديل العميــــاء الكسيرة..
ماتـــت من كثرة ذنوبهم فيها...
يوم قرب فرج العباد أخذها رب العباد ...
أخذها الوالي الكريم...
وبنجتمع يوم لا إله الا الله ويحكم بينا العدل الجبار..
جلس راجح على الرصيف ويدينه على راسه بندم...
غمض عيونه وصورتها في باله...
من أول لقاء لهم في الفندق..
كانت مضطهدة مجروووحة..
ولما منعها من الهرب ورجعها لغازي..
كيف سمح له يعاملها بكل قسوة ويسحبها من قدامه وهو يعرف غازي وعصبيته..
حكم عقله وقال مايقدر يتدخل بين رجال وزوجته..
بس اللي قدامه كانوا سجان وأسيرته..
تجريح شوق ورشا لها بكل قسوة...
إنكسارها لما حكى لها عن هادي...
كيف خابت ظنونها بأخوها..وبأهلها..
أنعمت وضاعت وماقدر يساعدها...
نهر نفسه بقهر...
المفروض ماتركتها معه من بعد ماجلدها بالسوط..
حسبي الله ونعم الوكيل..
إنا لله وإنا إليه راجعون...
إنا لله وإنا إليه راجعون..

رفع رأسه وشاف شايب قريب من غازي...
يضربه ويصرخ عليه...
يسحب هديل منه..
وقف وقرب منهم..
أبو علي يبكي\وش سويت فيها يا المجرم..
وين وديتها فيه..؟؟وين بنتيييييييييييي...؟
أبوراكان يرتجف\وين البنت ياغازي؟؟
خويك الله يرحمه بس بنتنا وينها..؟؟
أبوعلي يهز غازي اللي كان غايب عن الدنيا..
متجاهل لكل صوت ولكل ما لا ينتمي لذاك الجسد الم............
وقف راجح بين غازي وأبو علي..
وثبته بين يدينه وهو يحس برعشة جسمه وخوفه..
راجح\أبو هديل؟؟
ابو علي يشهق بعبرته\إ....يــه..
راجح بصوت تعبان\كل من عليها فان..
إن الصبر عند المصيبة الأولى..
قل إنا لله وإنا إليه راجعون..

شهقات عالية وصوت باكي من أبو راكان..
أبوعلي بنظرات مصدومة ردت دموعه الحارة..
قرء راجح السؤال بعيونه..
يبيها جامدة كلمة تُرعب البشرية..
تقسم القلوب الشقية قسمين وأكثر..
كلمة تنحر الروح القاسية..
راجح\هديل ماتت البقاء لله..
أبوعلي بنوح\كذابين والله أنكم كذابين..
تكذبون علي نفس كذبتي على هلي..
انتوا مخبينها عني..وينها فيه..
والله العظيم قلبي ذاب بفراقها..
والله ماتهنيت بيوم ولا ضحكت الا تجيني بلمعت عيونها..
كذابييييين بنتي ماماتت..وين وديتوها؟؟
أتقوا الله فيني خذيتوها وحرمتوني منها..
عطيتكم اياها ودفنتها ظلمتها والغيت وجودها..
والله ان ترجعون بنتي..
خذوا هادي خذوا سلمان..أذبحهوم احرقوهم..

قرب من غازي ومسك يده\تكفى تكفى ردها لي..
سنة وشهور والله كأنها دهر..
تكفى رجعها لأمها ترها ماتقوى على فراقها..
بنتي وأعرفها متعلقة بأمها واجد..
أبوراكان يمسك أخوهـ\أذكر الله يا حسين..
قالوا البنت ماتت..هذا فالنا عليها..
ابو علي طاح على ركبه\كذاااااابين..
تموت بعد مالقيتها..تموت وانا قريب منها..
تموت بزر مامات شايب..

راجح بضيق\غازي فك عنها..
لازم ياخذونها المستشفى..
هديل ماتت فكها واللي يرحم والديك..

ابوعلي قام مثل المصروع..
دف راجح وقرب من غازي..
سحب الجسم اللي في حضنه..
ناظرها مفجووووع..
خذته الرجفة وحس بلسانها ينشل..
ومو قادر يتكلم..
هذي بنته..معقولة هذي هديل اللي باعها برخيص..
هذي بنته اللي تخلى عنها وشيع جنازتها..
قالوا ماتت...قالوا بنتي ماتت..
ابوعلي\ههـ..... هـ.....ـذي مماهــ...بنتـــ.....ـي..
ماتشـ...شبها..لا هـــ.....ـي ما تمــ..مــوت..

ماقدر ياخذها من يدين غازي..
تلمس وجها بيدينه المرتجفة..
ابوعلي بصوت باكي\هــ..ديل..
هديل يا أبـــوك قومي...
تكفيــــ......ـن لاتقطعين قلب ابوووك..
جيت يابنتي..والله جيت..
شوفيني ياهديل شوفي ابوك..
شوفي اللي دفنك راجع يبيك..
ردي لي روحي ياهديل...
نوري عمري وأرجعــــي..

أرتجف جسمه بالكامل وطاح مغشي عليه...

مــــوادع في رجـــاك اليأس..
ولكن صعب نسيانك..
تفارقنا مثل ماجمعتنا صـــدفة الأقدار..
أنا في ناظري دمـــعة تعاتبني لفقـــدانك..
وأشوف الهــــم في الخافق سرى لـ النار معي ذكرى..
لكـــــــــــــن..
فاقد شوفتـــــك..وعنـــــــــــــوانك..
بــلا موعد تفارقنا..ولا أدري بعدها وش صــــار..!!
تســـافر بي على الذكـــرى جروح الصمت وأحــزانك..
وأســـافر بالدروب التايــهة وأقف بــها محتــــار...
مــــــــــــــــــوادع في رجـــاك اليأس مهما طال فقــدانك..
يعيش الحــــب في قلبي ويــــبقى لـــ الزمن تذكــــــــــــار...


تم إسعاف أبو علي من قبل المسعفين المتواجدين في المكان..
ومعه أخوهـ وراجح..


غازي رافق الإسعاف ولازال يحتضن هديل..
وصلوا المستشفى وروحه تناجيها..
وكأنها ممكن ترد عليه وترجع له..
هل تستمر الحياة من دون هديل..
دون عينيها..شهقاتها..
دموعها ..وأنينها..
خجلها..تمردهـــا الأثير..
هل تمضـــي الدنيا بغياب شمسها وقمرها..
وتمطر السماء تشيع رحيــــلها..
جسد من جماد متهالك بين ذراعي..
ماكانت صغيرتي يوماً بهذه القسوة..
ولا باردةً كالجليد..
لِم لا تضربني رافضة قربي منها..
ولا تصرخ نافرة بوجهي رغم خوفها..
لِم سكونها اللذي لا يليق بها..
وصمتها اللذي لا يشـــبهها..
شمعة الحياة أنطفئت بلهيب النار..

لـــماذا يموت الطيـــبون؟؟!
ويعيش الخبيثون..؟؟
بريئة من ذنوبنا..أنقى من ظنونا..
عانت لترضينا..
ماتت حبيبتي..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛

صحت على صوته يناديها..
فتحت عيونها بألم وناظرت حوالينها بتعب..
ركزت عيونها فيه وتذكرت اللي صار معها..
جلست بسرعة وحضنته بقوة وهي تبكي..
غادة تبكي\آآآآآآآآآآهـ راكان طلعني من هنا تكفى طلعني..
انا مدري ويني.. مدري وش صار فيني؟؟
راكان\إهدي خلاص انا معك ألحين..
غادة ترتجف\أنت مممــ ..... ماتد...ري وش صار..
أنا مم...ا ..آآآآآآآآآآآآآهـ بموت والله بأموت..
شف حالي أنا مدري وش صار فيني..
راكان\غادة إهدي وأسمعيني...
أنتي بخير ماصار فيك شيء والله...
غادة\مـ ...لابسي..
راكان أخذ قميص من على طرف السرير..
لبسها اياهـ وهي تبكي ومتمسكة فيه..
غادة برعب\ابى ارجع بيتنا..ابى أمي..
راكان\أنا معك لا تخافين..
غادة بخوف\راكان وش صار فيني؟؟
من اللي جابني هنا؟؟
راكان يمسح دموعها\ماصار شيء..
أنا جبتك هنا عشان نتفاهم...
غادة بصدمة\أنـ...ـت..؟؟
راكان\إيــــه أنا...
غادة\أنت اللي سويت فيني كذا؟؟
راكان بجمود\وأنا وش سويت..؟؟
غادة بقهر\وش سويت؟؟؟
ماتدري أنت وش سويت..
ذبحتني من الخوف كنت باموووت مرعوبة...
وملابسي..؟؟كيف سويت فيني كذا..
لييييش ليييش؟؟؟تبي تنتقم مني على اللي قلته لك..
تبي تهيني وتقهرنييييي؟؟
راكان وقف وبعد عنها\لاتصدقين نفسك ياغادة وأني ميت عليك..
وأنا ماني بمثلك حقوود وما افكر الا بالانتقام..
أنتقمتي مني بطعنك لي..الله يجزاك الف خير...
روحي قدمي الفحص اللي سويتيه وقولي زوجي ماهو برجال..
أهينيني يمكن ترضين غرورك..وعزة نفسك..
أكذبي على القاضي وعلى هلك وعلى نفسك..
غادة\أنت اللي جنيت علي بالأول..
أنت اللي طعنتني وأهنتني وطيحت وجهي بين الناس..
ماراعيت الله فيني..وماراعيت أني عرضك وبنت عمك..
شكيت فيني لا ماشكيت الا متاكد من ظنونك الكاذبة..
هاجمتني بكلامك وبقسوتك..تعرضت لي وانا في بيت ابوي..
راكان\قلتلك عذري وش كان..
وقلتلك ان عذري مايشفعلي في اللي سويته لك وظلمي لك..
بس أنتي ماكنتي تشوفين محاولاتي اني أنسيك اللي صار..
طوول ما أنتي معي تضحكين علي وعلى نفسك..
تقولين أصبر علي ياراكان..
الزمن يداوي اللي بقلبي..خليتك على راحتك..
وأنا ماني مطمن لهدوئك..
غادة بحزن\لاتظلمني ياركان...
والله العظيم حاولت أنسى...حاولت أتجاهل اللي صار..
من وأنا في لندن وانا اخطط انتقم منك..
على شكك وطعنك لي..على مطالبتك بي وكأني من أملاكك..
على تهديدك لأبوي أنك بتقتل عشان لا أحد ياخذني..
ولما عشت معك عرفتك..عرفت حنيتك وطيبت قلبك..
واسيت نفسي وقلت سامحيه...كلنا نغلط وهو غلط..
وجيتك بهذيك الليلة أبي اقولك خلاص انا نسيت..
بس لما شفتك تتعبث بجوالي رجع لي الوجع...
مثل ماشك فيني أول بيرجع يشك مرة ثانية..
أخذني الوسواس..قلت لازم يعرف أني أقبل أي شيء..
إلا هذا الشيء..الا الشـــك ما أقبله..
راكان\ما أبـــي أقضي حياتي أنتظر لحظة أنتقامك على شكي..
غادة\ما أبـــي أقضي حياتي أنتظر لحظة شكك فيني...
راكان يمد يدهـ\تفضلي يابنت العم..
غادة برجفة مدت يدها وأخذت الورقة...
فتحتها وقرئت اللي فيها..
شهقت بألم وطاحت دموعها بندم..
غادة بصوت مخنوق\طـــ...طـــلقتـ....ـــني ...
طلقتني ياراكان...؟؟!!


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛

سئمت الانتظار

ولعبتي معَ النار

لم تبقى سوى دقائقٌ خمسْ

وتغربُ عن سما حبنا الشمسْ

وتستحيل اجملُ ايامَ حياتي

لروايةٌ تتكلمُ عن مئساتي

وكانَ لي فيها دور البطوله

وبيدي أنــا مفاتيحُ الرجوله

وياليــتَ الذي كان مني ما كانَ

وياليــــتَ دموع الندم تمنحني الغفرانَ ..


يناظر آخر شمس شهدت حياتها..
خياله يرسم معاناتها وهي تحترق..
هل كانت نايمة واختنقت بالدخان ..
ماحست بالنار تحرق فراشها وتستعمر جسدها..
أو حست بالخطر..
ودارت بالغرفة تحاول تهرب بس راحت لـ النار بأرجولها..
أو تعثرت با الأثاث طاحت وماقدرت توقف..
أو صابها إغماء من الحمــ........
يمكن وقفت بالزاوية ماتعرف وين الطريق..
نــــادته أو نادت امها...
الأكيد أبوها..أو هادي حبيبها..
وصلتها النار وعذبتها..
لا هــــذا كـــابوس من كوابيسها...
صرت مثلها أشوف كوابيس..
بأصحى..
بتكون نايمة جنبي..
أصابعها في فمها تقضم أظافرها...
عيونها تايهة في الفراغ...
غرتها مرمية على جبينها بإهمال..

راجح بجموود\عظم الله أجرك...
قلت لهم إكرام الميت دفنه...
يسلمونا الجثة عشان ندفنها...
ياولي أمرها خذ آخر قرار يخصها..
وين تدفنها هنا ولا في السعودية...

بعد عنه بعد مارسمها له مرمية بحفرة..
وهو ينثر التراب عليها..
يدفنها بقسوة وقلب بارد...
يشك بقدرة الأرض على أحتضانها..
بترحمها من الدووود..
بتحن عليها من الظماء والبرد..

حط يدهـ على قلبه..
لمن تنبض...
وبأي حــــق..؟؟
مانبضت إلا لها..
مـــــاتت..
مت معــــــــاها..
حمامتي الكسيرة..
بلا أجنحة ولا سرب..
هــــــاجرت وحيــــدة...
يــــــــــــــــــــارحمة المـــــــــــــــوت بعـــــدها لا تخليــــني...


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛


رفعت راسها مخنوقة بشهقاتها...
مرعوبة من إحســــاسها...
مسحت دمعة حــــارة....دمعة ذكرتــــها بمذلته لها..
همست بكدر\إنبسطي يابنت أنتي ماعدتي عمياء..
حطت وسادته على وجها وبكت بمرارة...
هذا حالي راح أظل جارية مذلولة مهانة..
ياليتني ماشفت...
ما ابي اشـــوووفه..ما ابي أشوووف حالي..
بيــــذلني ويهيني أكثر..
وقفت بتعب وهي تترنح ..
دخلت دورة الميــــاهـ تحممت وهي تبكي..
تتمى من الله يطهرها من ذنوبها..
ويتقبل إستغفارها...
طلعت وهي لافة نفسها بفوطتها...
وقفت قدام المرايه...
ناظرت بوجهها متغييييرة عن آخر مرة..
جسمها ..شعرها..
نحرها..
ركزت عينها بالعقد الآسر نحرها..
فكته بكـــرهـ
ورمته على المرايه بقوووة..
أنشرخت المرايه لعدة أجزاء..
وعكست هديل بين أجزائها المكسورة..
بكت بتعب\هذي حقيقتي...
من يجبــــــــــر المكسور..غيرك يارب..
أجبر كسري..طيب قلبي..
سامحنييي ياربي يا حبيبي سامحني..

وقفت وصلت الفجر الفائت..
بدلت ملابسها وجلست بطرف الكنبة ضامة أرجولها لصدرها..
تناظر بالأرض بضياع..
لفت نظرها الكيس المرمي على الأرض...
وشيء غريب ماقدرت تفسر وش يكون ظاهر من رأس الكيس..
قامت بكسل وفتحت الكيس..
أرتجفت يدينها وهي تشيل الفستـــان الأبيض..
بطــــرحته خبت وجها فيه وبكت بضيــــــق..
لسى يعرف الأبيض...
حقيـــــر..مستـــــبد...
رمت الفستان وقطعت الطرحة بقسوووة...

وقفت وصارت تدور في الأدراج بجنون..
أكيد هو ضامن أني عمياء..
متأكد من عجــــزي...
هذي فرصتي أهرب منه..
عمري مالقيت دار تضفني..
أصلاً من يتشرف بمعرفتي..
بس والله ما أخليه يتهنى فيني...
شافت ظرف أسود باعلى درج..
أخذت الكرسي وسحبت الظرف..
طاحت كل الأوراق اللي فيه..
بعثرتها ومافي بالها إلا جواز سفرها..
بس مالقته..دورت ودورت..
جوازهـ أوراق ما أثارت إهتمامها أبداً..
مبلغ ماهو هين بعملة اليورو...
حاولت تقراء الأوراق بس الوقت مايمدي..
لمتها بالظرف بشكل سريع..
لبست معطفها ولمت حجابها على راسها..
حطت نظاراتها على عيونها وطلعت من الغرفة..
رجعت مرة ثانية ورمت جوازهـ على الأرض..

تراجعت بخوف لما شافت شخص مو غريب عليها..
شافته بس ماتتذكر..
شكت يكون من أصحاب غازي أو حرسه..
لمحت أحد خادمات الغرف..
نادتها ودخلتها معها الغرفة..
هديل\هل يمكنني أن أطلب منك خدمة..؟؟
الخادمة بأدب\تفضلي سيدتي..
هديل\لست سيدتك..
أسمعي انا أحتاج مساعدتك..
أريد الخروج من هنا..ولكن هناك رجل بالممر يراقبني..
الخادمة\سيدتي لا أريد التدخل بأمور لا تعنيني..قد تسبب لي المشاكل..
هديل بعبرة\أرجوك ساعديني...زوجي يسيء معاملتي..
أنظري إلى جبيني إنه يضربني بقسوة..
أريد أن أذهب الى الشرطة..
الخادمة بغضب\ياله من تافه ضعيف..وقح كيف يضربك..
هديل بابتسامة\هل تساعدينني..؟؟
الخادمة\بالتأكيد..ماذا تريدين مني ان افعل..؟؟
هديل\ذاك الرجل بالممر أبعديه عن طريقي كي أستطيع الخروج..
الخادمة بفخر\لك ذالك..
قبل لا تطلع مسكتها هديل وناظرتها بإمتنان..
هديل\أشكرك..أنتي أطيب من قابلت بهذهـ البلاد..
أنتي الوحيدة اللتي ساعدتني..
الخادمة بحزن\أرجوك أهربي ولا تعودي له أبداً..
هديل دارت بعيونها بالغرفة..
طلعت فلوس من الظرف ومدتها على الخادمة..
الخادمة\لو لم تكوني على طريق الهروب لأخذت ضعف ماتعرضين..
ولكنك بحاجة الى المال أكثر مني..
عندت هديل ومارضت تطلع قبل لا تعطيها شيء..
شالت العقد من على الأرض...وشافت الخاتم اللي رمته من يدها أمس..
عرفته هذا خاتمه هو..شالته ودخلته بأصبعها الأوسط مثل ماسوى أمس..
خذت العقد ومدته لها\خذي هذا أنا لا أريده..
الخادمة مفجوعة\لا بد من انك تمزحين..؟؟
هديل بسرعة\أقسم بأني لا أمزح..خذيه أرجوك أريد الهرب قبل عودته..
لبست الخادمة العقد ودفتها برا الغرفة تسوي اللي قالت لها عنه..
بعد فترة راقبت الممر وكان فاضي..

قفلت الباب ومشت بشكل سريع..
نزلت بالأصنصير..توقف عدت مرات وبعدها وصل لـ الطابق الرابع ووقف..
خرجت بسرعة وأستعملت الدرج..
وهي تسمع صافرات الإنذار وتشوف الناس يركضون ع الدرج..
عدت الإستقبال من دون ماتناظرهم..
وهي متأكدة ما أحد راح ينتبه لها ..
الناس كانوا بحالة فوضى ورعب ماعرفت سببه..
كملت طريقها ورفعت قلنسوة الكنزة على راسها..
وقفت على الشارع ماتدري بأي طريق تمشي..
قالت مو مهم أي طريق المهم تبعد عن الفندق وتضيع..

جلست بحديقة بعيدة عن الناس...
فكرت ألحين كيف تتصرف...ووين تروح..
جاء في بالها السفارة السعودية..
مالها إلا السفارة..
متأكدة إنه بيلحقها هناك ويمكن يوصل لها قبل لا توصل لهم..
مو مهم إذا لقاها هناك..
بتكون قبله وبتقوول لهم كل شيء..
بتقول إنه خطفها وأخذها من السعودية بالغصب..
بتقول لهم كل شيء..
وقفت على الشارع وأشرت لسيارة أجرة..
خافت من انها تركب مع غريب لحالها..
قوت قلبها وركبت..تكلمت بهدوء ..
هديل\السفارة السعودية...
السائق\بعيدة جداً..
هديل\حسناً وداعاً...
السائق\إنتظري ...
هديل مافهمت قصده لما قال لها بعيدة جداً..
هو يقصد لازم تزيد بالمبلغ..
وهي فهمت إنه ماراح يوديها لانها بعيدة..
هديل\أريد الذهاب إلى السفارة..
السائق\حسناً أولاً أريد مالي..
هديل\هل ستأخذني إلى هناك أم أنزل هنا..؟؟
السائق\لك ماتريدين..
مسكت يدينها في بعض تخبي رجفتها عنه..
كانت تحس بنبضات قلبها بتوقف لما يمرون بشارع فاضي من السيارت..
وترتاح لما يرجعون لــ الزحمة..
قوت نفسها ..بسك وسوسة..الله معك..

نزلت من السيارة وهي تمنع دموعها..
وأخيــــراً شافت علم المملكة...
أرتبكت من الحرس الواقفين عند بوابت السفارة..
مرت من عندهم وهي تشوف نظارتهم عليها..
دخلت بسرعة توجهت لـ الباب الرئيسي...
دخلت وقفت بحيرة وين تتوجهـ..
ومع مين تتكلم..
أستقبلها أحد الموظفين وأشار لها تروح معه..
مشت وراهـ بصمت من غير ماترد عليه..
ولسى نظاراتها على عيونها..
جلس ورى مكتبه وركز عيونه عليها..
الموظف\هلا فيك..أمري اختي..
هديل بارتباك\أنــ...ـا ا ا ممكن أكلم تلفون..
الموظف\جاية تتصلي بس؟؟
هديل بسرعة\لا لا...أنا جوازي ضاع وانا ابي ارجع السعودية..
الموظف\امممم هذا يبيله وقت..
بس مامعك محرم هنا؟؟
هديل\لا مامعي..
الموظف بتحذير\من الأفضل يجي محرمك معك..
عشان ماتواجهين مشاكل بتواجدك برا السعودية من دون محرم..
هديل أنصدمت\من وين أجيب محرم؟؟
الموظف\أنتي وش تسوين بايطاليا؟؟
هديل بضيق\ممكن أتصل ؟؟؟
الموظف بطولة بال\تفضلي..

أخذت التلفون منه وهي ترتجف..
تتلفت بخوف وكلامه يدور في بالها..
يبي محرم هذا مجنون من وين أجيب محرم..؟؟
يمكن يرجعوني له إذا دروا أني هربت منه..
بيقولوا مامعك محرم..
أحسن شيء أكلم أبوي وهو يكلمهم..
همست\ليش مقفل جوالك؟؟؟
ليييش يوبه مو وقته تقفله ألحين...
المفروض تنتظرني..
الموظف\وش صار معك..؟؟
هديل بيأس\مايرد باتصل مرة ثانية بيرد أكيد..
الموظف بعطف\أتصلي مافيه مشكلة..
عادت الرقم أكثر من عشر مرات بس مقفووول..
بكت بخوف...
لما طرى في بالها ان أبوها ممكن غير رقم جواله..
أتصلت بغادة وكان مقفل جوالها..
هديل بقهر\ليييه مقفلين جوالاتهم..
المفروض ينتظروني..ليه مقفلينها..
الموظف\أختي إهدي شوي..
عادي بعد شوي تقدري تتصل..
أنتي لا تخافي مادمتي عندنا ما أحد يقدر يئذيك..
هديل تمسح دموعها\يئذيني؟؟
أشر على جبينه وهي فهمت عليه..
طنشته ورجعت تتصل على جوال أبوها..
حاولت تتصل بجوال علي او محمد بس ماتتذكر أرقامهم..
أتصلت بالبيت ردت الخادمة وقالت غن اهل البيت برا..
هديل\أنتي مين؟؟
الخادمة\انا كمبر أنتي مينو؟؟
هديل\أنا هديل بنت بابا حسين..
الخادمة\بابا مافي بنت الا غادة..كذاب وحدة
قفلت الخط بوجه هديل..
وماردت عليها مرة ثانية..

تركت التلفون بقهر...
ولما رفعت عيونها ماكان الموظف موجود..
أرتعبت وين راح..
يمكن يتصل بغازي..
أهدي هو مايعرفك وما يعرف غازي....

مشت بالسفارة الهادية جداً..
كان فيه خمسة شباب ومعهم شايب جالسين بأحد المقاعد..
جلست بمكان قريب منهم بس مو بنفس الجهة..
بعد دقايق كانت تقنع نفسها أن الدنيا ماتدور..
وأنها بخير... بس أكيد من الخوف تحس بتعب..
ضمت شنطتها الخالية من كل شيء ماعدا الظرف الأسود..

ماحست بشهقاتها عالية لحتى سمعت صوت قريب منها..
رفعت راسها بخوف وثبتت نظاراتها..
هديل بصوت مبحوح\نننــ...ـعمم...
الشايب\يا أبوك وش فيك؟؟
هديل\مافيــ...ني شيء..
الشايب\طيب ليه تتنافضين كذا..
يابنتي محتاجة مساعدة..تبين فلوس..
حد من هلك تعبان..
ترى نعين ونعاون..
هديل بنحيب\تكفى ياعم تكفى طلبتك..
الشايب\أطلبي عزك وانا أبوك..
هديل\أبى أرجع السعودية..
قالوا مابأرجع الا بمحرم..
قل لهم أبى ارجع ابى ارجع لهلي..
تكفى ياعم قل لهم يرجعوني تكفى..
الشايب\أبشري والله أن ترجعين الليلة...
وما أكون أبو نايف..
هديل بشهقة\صدق ياعم..
صدق بترجعني لهلي..
الشايب\حلفت يابنتي والله ان ترجعين..
هديل وقفت برجفة\الله يفتحها بوجهك ويطمن قلبك ياقادر ياكريم..
الشايب\وإيـــــــــــــاك..
الا ماقلتي من معك من هلك هنا..؟؟؟
هديل نزلت راسها وماردت عليه..
الشايب\لاتنحرجين مني..
ومابه خلاف حتى لو ماقلتي..
أنا على حلفي بترجعين الليلة..

تبي تبوس راسه..
لا لا تبي تبوس يدينه..
تبي تلمه بقوووة مثل أبوها..
الله يارب توفقه وتسعده..
أنتبهت لعيون الشباب عليها..
نزلت راسها وقربت من الشايب وتخبت من عيونهم..

هديل باحراج\ياعم ممكن أستخدم اللاب تبعكم شوي..
أبي ارسل لهلي لانهم مايردون علي..
الشايب\أبشري وجاك هدية..
هديل بصدمة\لا والله ما قصدي بس ابى ارسل لأختي..
الشايب\هههههههههههه ولا يهمك خذي راحتك..
تكلم مع واحد من الشباب\مســفر عطنا بلاك ذا شوي...
مسفر\تبي لابي؟؟
الشايب\ايوهـ لابك ..
قرب منهم مسفر وهو يحاول يسمع وش الشايب يقول للبنت الغريبة..
عطاها الجهاز وسحب مسفر ورجعوا لجلستهم..


جلست منحرجة منهم وحاولت يكون جنبها مقابل لهم بدل ماتقابلهم وجه لوجه..
حست أنها أول مرة تستخدم جهاز..
سمت بالله وفتحت المسن..
كان مفتوح على ايميل ثاني..
سجلت خروج سريع..
وكتبت ايميلها وهي تبتسم..
دخلت كلمة السر وهي توئم هادي..

ماكانت تتوقع انه ممكن يفتح معها..
لأنه صار لها أكثر من سنة ونص وهي مهملته..
جات بتفتح رسالة بس انفتحت معها محادثة مــــــــــــن شهد..


أفنيت عمري بانتظاري وعدها و أبليت فيها العمر وهو جديدي**
ليه مقفلة جوالك؟؟طمنيني وش صار معك؟؟؟

أستغربت هديل معقولة هذا الكلام اللي تقابلها فيه شهد بعد كل ها الغياب..
كتبت بأصابع تعبانة..

هديل\وحشتيني يا شهد..
شهد\مايوحشك غالي يا روحي..
بس ترى زعلت منك..
هدي تبتسم\أدري انك زعلانة وهلي زعلانين وكلكم زعلانين علي..
شهد\مالي دخل بهلك هذي حياتك وأنتي قررتي..
هديل\لا والله ماكنت مرتاحة ولا رضيت بحالي..
شهد\هذا نصيبك ياروحي...وأنا حذرتك لا تتهورين..
هديل\نصيبي بأقطعه وأرجع لهلي..
شهد\ليش أنتي مو عند هلك الحين؟؟
تدرين افتحي جوالك مو قادرة اتطمن عليك كذا..
هديل\مامعي جوال..
شهد\طيب تكفين عشان خاطري مو قادرة اكمل هنا..
افتحي ايميلك وقفلي هذا..
هديل باستغراب\مافهمت عليك..
شهد\غادة أنا قلت لك ما اتحمل أشوف أحد غيرها بايميلها..
هديل\وش جاب غادة الحين؟؟
شهد\غادة تكفين ترى أختنقت بالعبرة اخرجي وادخلي على ايميلك..
هديل\بنت بلا عبط انا مو غادة...أنا هديل..
شهد\الله يرحمها..
لو سمحتي غادة الموضوع هذا يجرحني كثير لاتمزحي فيه..

تجمدت اصابعها وهي تقرء المكتوب..
الله يرحمني...وش قصدها هذي..وبعدين وش اللي يجرحها..

هديل\شهد ليه الله يرحمني؟؟
شهد\مايجوز على الميت الا الرحمة...
ما أحنا قادرين نرجعها وحتى لو سمينا أنفسنا بأسمها..
ماتت والله يصبرنا على فراقها..
هديل تبكي\من اللي ماتت؟؟
شهد\غادة بسسس تكفين أتعبتيني...
هديل\ردي علي من اللي ماتت؟؟
شهد\هديـــــل هي اللي ماتت...شبعت موووت خلاص انسيها وانا بانساها..
شهقت بصوت عالي..
ويدينها تخبي وجها تقرء من بين أصابعها كلام شهد..
هديل\كذابة..
شهد\افتحي جوالك ابي اكلمك..
هديل\متى ماتت؟؟؟
شهد\افتحي جوالك..
هديل\قولي متى ماتت..كم مر عليها ميته..متى دفنوها..تكفين شهد قولي..
شهد\ماتت قبل سنة وخمس شهور بتاريخ ................
ماتت محروقة بحادث سيارة لما راحت مع أبوها مستشفى الأسنان..
راحت ومارجعت..مااااااااااااااااااااااااااااتت...
والحين رضيتي ياغادة..صدقتي انها ماتت..؟؟


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


ماتت حمامتي محروقه واحترق قلبي معها
ليتني لم أترككِ صغيرتي خلفي ويح قلبي
ماتت حمامتي كـ أبنتي محروقه آهٍ ما أقسى القدر
ومالي سوى الرضا به .. دعوني أحتضنها فـ أنا من عذبتها..!

نور الحربي..

واقف بأحد الممرات القريبة من ثلاجة الموتى..
رفض يتحرك أو يطلع من المستشفى وهي مو معه..
يدري أنها بردانة جوات الثلاجة..
وحتى الجنين بردان...
مع الحمل صارت تبرد كثير..

مارد على راجح ولا أهتم لوجودهـ..
باله وتفكيره في المتجمدة قريب منه..
راجح\صل على النبي وتعال نطلع من هنا..
ياغازي أنت مؤمن بالله..
بكرهـ لازم ندفنها قبل لا يوصلون عيال عمها وأخوها..
وصلهم خبر الجلطة اللي تعرض لها أبو هديل..

رفع راسه وركز عيونه براجح..
اسمها...
من ذكر اسمها حس بقلبه ينقبض..
اسمها الغالي واللي حرمها منه..
يبي يدخل لها...
يبي يناديها باسمها..
يبيها تسمعه يمكن ترجع..
يبيها تدري أنها طاهرة وشريفة..
ماهي مثل ماصورها لنفسها..
ماهي جارية ولا رفيقة...
هي زوجة وحبيبة وحمامة الروح..

كان بيدخل ويخرجها غصب عنها..
بس راجح منعه وهو يذكره بحرمة الأموات..
وأن الله مايرضى باللي يبي سويه,,,
روحها عانقت السماء...
وباذن الله بجنات النعيم...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

أعتذر على التأخير ::
أميرتي جوجو طفت الجهاز قبل لا أحفظ البارت وطاااار ...


الى الملتقى باذن الله تعالى يـــــــوم الجمعة..
إذا قدرت راح يكون البارت فجر الخميس..
وبعدها لكل حادث حديث...


كونوا بخيــــــــــــــــــــــر


صدووود’’’

السلام عليكم ورحمة الله وبركاته ..

يسعد صباحكم \\ مسائكم
بكل محبة ورضا من رب العالمين ...

كيفكم الــ ليلااااس ..؟!
أحبــــــــتي في كل مكان..؟؟


تقبل الله صيامكم وصالح أعمالكم في هذا اليوم المبارك ..

كــــــــــــل عام والجميع بألف خير..
عيدكم مبارك أحبــــــــــــــــــتي مع من تحبون وتغلون ..

كنت مترددة إذا اتكلم في هـ الموضوع او لا..من تقريباً ثلاث أسابيع
أكتشفت ان فيه من قامت بنقل الرواية لاحد المنتديات..
وصدمت انها بآخر البارت تمسح اسمي وتكتب اسمها..
ووحدة ثانية ترد على لساني وتوعد البنات والمتابعات بشي أنا ماذكرته..
استغربت كلامها أتاريها ناسبة الرواية لنفسها..وباخر البارت تكتب اسمها..
أكثر شيء أزعجني لما توعدهم بشيء أنا أبداً ماذكرته ولا قلته..
ولما أنا أعتذر عن غياب او سفر هي تعتذر بنفس عذري..
وترجع ببارت جديد وتقول هدية منها لهم..

انما الامم الاخلاق ما بقيت ،،، فان هم ُ ذهبت اخلاقهم ذهبوا ...

كل اللي راح أقوله الله يسامحكم ويحلكم..
لكل شيء نهــــاية..


البارت أهداء للجميـــــــــــــــــــــــــع ...
ولغاليتي ســــااارهـ ..
شكراً بحجم السماء على تواجدك...



البارت السابع والأربعون....



وفي الفجر

أقبل نحوي غريب .. يرددُ اهلآ بهذا الرفيق
وقلبتُ عيني فأبصرت فيه .. هزال الخريف .. وذل المساء

وكان سؤال طويلٌ وقال :

(( انا ياصديق من الضائعين .. هجرتُ المدينةَ .. وأقبلتُ أدفن بين الدروب
بقايا الليالي الحزينة.. فقد كان لي في رحاب المدينة.. حياةُ وطفلُ صغيرُ
وذات مساء أتتنا الرياح وسارت ببيتي وطفلي الصغير))

وطالعته في حنان الحبيب
وقلت: (( يدي يااخي في يديك
فقد كان لي خلف باب المدينة قلبٌ وليدٌ
كطفلك قد كان قلبي الوليد
وذات مساء .. طواه الردى
فأصبحتُ من غيرِ قلبٍ أسيرُ
فهيا معي ))

المرحوم بإذن الله تعالى..غازي القصيبي..



هديل\قولي متى ماتت..كم مر عليها ميته..متى دفنوها..تكفين شهد قولي..
شهد\ماتت قبل سنة وخمس شهور بتاريخ ................
ماتت محروقة بحادث سيارة لما راحت مع أبوها مستشفى الأسنان..
راحت ومارجعت..مااااااااااااااااااااااااااااتت...
والحين رضيتي ياغادة..صدقتي انها ماتت..؟؟

حطت يدينها على وجها وهي تشهق بقوووة..
ميتــــة من يوم ما أخذها غازي وهي ميتـــــة..
ذبحني أبوي..دفني وأنا حية..
تخلى عني..نســــاني..
ليــــــــه دفني لييييييه؟؟؟
تذكرت كلام غازي..
كم مرة وهو يردد عليها الكلام..
هلك نسووك انسيهم..وهي متمسكة بكلامها وواثقة فيهم..
كان يدري إنها ميتة ومدفونة من أول يوم أخذها..
كان يدري انها تنتظر سراب وكذبة من خيالها..


غازي\ماكنت أدري ان قول الحقيقة راح يسببلك كل هذا الانهيار..
ظلت على حالها مارفعت راسها ولاردت عليه..حاولت تكتم صوت بكاها بس ماقدرت..
غازي يكمل كلامه بهدؤ\وماكنت أدري انك حاطة في بالك الخلاص مني..وانه عندك الأمل في الرجووع
لأهلك..ماأدري اذا كانوا غشووك بالكلام وقالوالك انك تقدرين ترجعين بعد ما اتنازل عن هادي..
لأن هذا شيء مستحييييل..أنتي صرتي ملك لي تنتمين لي..وأهلك والماضي لازم تنسينه..
لازم تنسينه وتتقبلين الوضع اللي انتي عايشته ألحين..
هديل ببحة\بأرجع لهم..ما أبيييك.
غازي جلس قريب منها وظل يناظرها ووجها بين ركبها..
غازي\كل ماتقبلتي الوضع بسرعة ترتاحي أسرع..
حط يده على شعرها ومسح عليه..
غازي\انسي انسيهم..والله العظيم نسووك انسيهم

والله غشوني قالوا بيرجعوني..
قالوا مابيتهنى فيك..بنأخذك منه..
قالوا أصبري بترجعين قريب لنا..
كذبوا علي خدعوني..باعوني لك باعوني ومادروا عني..
أنت تحلف وأنا أكذبك..

غازي بتسئول\بعيدة؟؟
هديل بهدوء\بعيدة من بيتنا..عشان كذا أبوي تأخر ولا جاء..
غازي قرب منها\تعتقدين هذا هو السبب..؟؟
هديل\يمكن هو يدورني في السعودية..مايدري انك جبتني هنا..
بس هو بيلقاني..وبيرجعني له..
غازي لفها عليه وعيونه بعيونها المليانة دموع..
غازي\مايقدر يأخذك مني..يـــابنت انسي انسي..
هديل\وبعدين أنت بأي حق تطلب مني أنساهم..
غازي بقسوة\بحق انه مابقى لك أهل غيري..

مابقى غيرك..
كنت أستغرب ثقتك الزايدة بنفسك..
واثق ما أحد بيطلب منك تتركني..
ما أحد يدور علي ويبيني..
ضربتني عذبتني ضامن ما احد يقولك شيء..
ولو تذبحني مالهم عندك شيء..
لأن بنتهم ميته من زمان وهم دفنوها..
شف ما أقساهم..
دفنوني بعد ما أخذتني منهم..
شفهم كيف عاقبوني..

كيف هنت عليك يوبه..؟؟
وش اللي سويته أنا عشان تنكرني..؟؟
كم تألمت وأنا أسال نفسي ..ليه تأخر أبوي عني..
أتاريك يوبه سديتها بوجهي..
قفلت بوجهي الباب يوبه..
وعدتك أرجع..وعدتك أهرب منه وأرجع لكم..
ليه ما أنتظرتني..ليه ما وثقت فيني..؟؟
كيف سمحت لك أمي ترميني من دنياك...
كيف هنت عليك يوبه كيـــــــف؟؟
أتاريني رخيصة عندك وأنباع بتراب..
مالي في قلبك قدر ولا مكان..
خذيتني بذنب غيري ولا قدرت حالي..
بعتني برماد يوبه..
أحرقتني وانا حية...


ماتبــــوني...
خلاص ما تحبـــوني..
حرام والله حرام..
كم عانيت وانا أنتظركم..
بكيت شفقانة لكم..

وقفت بتعب وهي تبكي..
مشت بشبه ضياع وطلعت من الباب الرئيسي..
كانت تتكلم مع نفسها بهمس..
بارجع له..هو يبيني..قال مالي غيرهـ..
دائما يقول مالي غيرهـ..
ووينــ....ــنك غازي تعال..
تعال شف أبوي وش سوى فيني..
نساني ضيع طريقي..مابقى لي غيرك تعال..

طاحت على ركبها وهي تنتحب..
ضربت الثلج وهي تنادي غازي...
ليتني ظليت عمياء ولا أبصرت النور..
وش اللي يغري شوفه بالدنيا..
وش اللي أتمنى شوفته غير أمـــــي..
ليتني مت وأندفنت ولا عرفت بسوات أبوي..
ياليتني ظليت عمياء ولا طلعت من الفندق..
ياليتك ماخليتني اعرف اللي عرفته..

مادريت اني على الغالي اصير
مثل غيمه عدت بليا مطر..

مثل غصناً طاح من الرف الاخير
مالمس ارض(ن) ولا شاله شجر..

في ضميري صار يحرقني الضمير
ماعذلني غير خلي يابشر..

النظر ليت النظر دايم ضرير
دام محبوبي رحل عني وهجر..


.....\يابنتي بسم الله عليك وش صاير معك..
تطمني أنتي بخير ووعدتك أرجعك السعودية..
قومي معي داخل..الثلج بيمرضك..
هديل بتعب\أبـــ...ـي غـ....ازي..
بأروح ما ابى ارجع..ابى غــ...
ابونايف\اللي تبينه ابشري فيه..
بس تعالي معي..
سحبت يدها منه وهي تبكي\ما أبيـــك..
رووح جيبه..قله خلاص أنا رضيت..
قله أنا نسيت ومابقى لي غيرهـ..
علمه أني مت من زمان..
مت وتوني عرفت..قله ابي اظل معه..
ماعدت أبيهم...قلــــه يجي عشاني..
ما ابي اظل لحالي ما ابي...ابيه قله يجي..
روووح جيبه روووح..

شد يدينها ووقفها بالقوة..
وفي لحظات طاحت فاقدة وعيها...
شالها بخفة ودخلها السفارة..
قرب منه مسفر وكان بيأخذها منه..
بس هو ماتركها..دخلها بمكتب وقفل الباب..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


راكان\ما أبـــي أقضي حياتي أنتظر لحظة أنتقامك على شكي..
غادة\ما أبـــي أقضي حياتي أنتظر لحظة شكك فيني...
راكان يمد يدهـ\تفضلي يابنت العم..
غادة برجفة مدت يدها وأخذت الورقة...
فتحتها وقرئت اللي فيها..
شهقت بألم وطاحت دموعها بندم..
غادة بصوت مخنوق\طـــ...طـــلقتـ....ـــني ...
طلقتني ياراكان...؟؟!!
راكان بعصبية\يعني هذا اللي تبينه...؟؟
غادة تبكي\ماصدقت..تبيها من الله...
خلاص انتقمت لرجولتك انتقمت لنفسك مني..
مو قادر تتحمل شيء من الجرح اللي أنا تحملته..
ترفعت عني وعن حياتك معي..
عساك بس مبسوط بسواياك فيني..
دامك مو قادر تتحمل نتيجة أغلاطك ليش وقفت بنصيبي..
ليه فرضت نفسك علينا بالغصب..
ليه هددتنا وأجبرتني على الزواج منك وأعطيك فرصة ثانية..
لا تتعذر بانتقامي منك لانك تعرفني زين..
ماكنت باسوي اللي قلته لأني أحترم نفسي قبل لا أحترمك..
أحترم أبوي وأخواني وهلي...
بس عقلك أصغر وأغبى من أنه يفهم هالشيء..
راكان مسك يدها\غادة اهدي واسمعيني..
سحبت نفسها منه وهي تصرخ فيه\بأي حق تلمسني..
مادمت مطلقني ليش أخذتني من بيت هلي ليه كشفتني ..
لمستني ضميتني بأي حق..؟
أنا صرت طليقتك يعني ماعاد لك فيني حق..
لا تكلمني ولا تشوفني..انقلع اطلع برا.
اطلع وانا باتصل باخواني يجون ياخذوني..
راكان ببرود\اللي فيه خير يجي يأخذك..
غادة تضربه\وش ارتجي من كذاب وحقير مثلك..
لعبت علي..أحرقت أعصابي..
مثلت أنك تحبني وتنتظر رضاي..
أتاريني مغشوشة فيك وفي كلامك الكذاب..
أنت ماتحب الا نفسك..اناني مالك صاحب..
والحمدلله أنك طلقتني هذي خيرة من ربي خيييرة..
راكان هزها بقوة\كذاااب..
هذا اللي طلع معك كذاب بكل شيء..
الشرهه ماهي عليك على اللي مكبر قدرك..
على اللي مايشوف من النساء غيرك..
غادة تصرخ\اتركني..ايه كذاب الف مرة..
مالقيت منك غير المذلة..
تحسبني بدل غيري..ماتت الأولى تاخذ الثانية..
وتمثل دورك على اكمل وجه..
راكان بقسوة\تقصدي هديل..؟؟
غادة ضربته على صدره\لا تطري اسمها على لسانك..
وقح مريض متخلف...
راكان\ما المريض غيرك يا غادة..
هديل ماتعني لي شيء..
ولا عمري فكرت فيها ولا حبيتها..
غادة بكرهـ\وهذا شيء يشرف هديل..
انك ماعرفتها ولا حبيتها..
لان حبك مايشرف مايشرف احد..
ومايشرفني لاني ما احبك ما احبك..
راكان قبلها بقوووة وهي كانت تضربه بكل قهر..
غادة بتعب\يا حقيييير يا مريض..
مجرم أنت طلقتني طلقتني ما يحق لك تلمسني..
همس لها والورقة بيده\من متى صار اسمك احلام ال.......
ومن متى انا اسمي عبدالرحمن ال..............
ناظرت فيه مو فاهمة قصده من كلامه..
فتح الورقة لها وحط اصبعه على اسم المطلقين..
عبدالرحمن ال.......
واحلام ال..........

يعني هذي مو ورقة طلاقهم..
راكان ماطلقها..
ماطلقها...

راكان\حطي في بالك ياغادة انه مهما صار..
مستحيل أطلقك..او اتخلى عنك..
ماتحبيني براحتك مع اني اعرف انك كذابة..
أنتي زوجتي وأنا زوجك..
أنتقمتي مني ووضحتي انك ماراح تسامحيني..
تعادلنا...أنا ابيك وشاريك..وأدري اللي سويته معك ماهو شوي..
بس بعد سواتك مابقى لك عذر...
ولا تنتظرين مني مراعاة لخاطرك..خذيتي بثارك..

غادة\وش اللي أستفدته من كل هذا؟؟
تخويفك لي لما خليتني اظن اني مع انسان غريب..
وبعدها رمي ورقة طلاق بوجهي..
والحين كلامك وتحذيرك..؟؟

راكان\تبين اقول انتقم منك..؟؟
أو ابين انك ماتقدري تتحديني ؟؟

غادة غمضت عيونها\ابي الصدق..
لاني تعبت من حالي...
ابي ارتاح..ابيك تطمني انك ماتعيد اللي سويته..
ماتشك فيني ولا تظلمني..
ما ابي شيء بس ابي ارتاح ريحني...

راكان لم يده على كتوفها\حن باول حياتنا ياغادة..
نقدر نتحكم بظروفنا ومانخليها تتحكم فينا..
خلينا ندفن اللي صار وننساهـ..
اذا مانسينا مابنقدر نكمل..

هزت راسها موافقة..
قبلها على جبينها ووقفها..
راكان\يالله البسي عباتك نرجع بيتنا..
غادة\دوووب خطفتني وهلي مايدرون اكيد الحين يدوروني..
راكان يغمز لها\قلت لهم انك معي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


فتحت عيونها بتعب...
ناظرت بالمكان حوالينها...
ليش ماهو جنبها...
ويــــنه ...؟؟
ابو نايف\الحمدلله على سلامتك..
جلست بثقل وناظرت فيه..
ابونايف\يابنتي وش فيك؟؟
وين هلك عنك؟؟ابوك اخوك ولا زوجك..
ماعرفنا بمن نتصل علشانك..
همست\مالي أحد...
ابونايف\طيب وش اسمك؟؟
ماتبين جواز عشان ترجعين السعودية..
مانقدر نطلع جوازك من دون اسمك..
هديل\ما ابي ارجع...
ابونايف بصبر\مو قلتي تبين هلك..
علميني بشيء عنك عشان اقدر اساعدك..
وقفت\مالي احد..
وقف\وين رايحة؟؟
هديل\بـ..ـأروح............

تسألت بألم..وين أروح..
أبوي وقطع علي طريق الرجوع..
وهو مستحيل أرجع له..
كله منه هو السبب هو اللي غربني..
هلي أنكروني بسبته..طردوني من حياتهم بسبته..
كانوا يدرون اني بارجع لهم وانا وانا مو انا......
هو ذبحني وهم دفنوني...

ابو نايف\مالك مكان تروحين له؟؟
هزت راسها بنفي\لا..
ابونايف\ماتبين تقولين اسمك ومن هلك؟؟
هديل بغصة\لا...
ابونايف بحنية\تبروا منك؟؟
غطت وجها بيدها وهي تبكي من دون ماترد عليه..

ابونايف\انا حلفت ارجعك السعودية..
وانتي مارضيتي..
والحين احلف ما اخليك تحتاجين وانا موجود..
هديا بتعب\ما أنت مجبور فيني..
أنا بارجع هناك..
ابونايف\وين هناك؟؟
ماردت عليه وهو كمل كلامه..
وادرك انها مستحيل ترد على أسئلته...
ابو نايف بهدوء\كان لي بنت حلوة مثلك..
ربيتها وكبرتها عطيتها كل ما تتمنى..
هي الوحيدة بين أربعة عيال..طلبوها مني شيوخ بس مارضت فيهم..
قالت تبي تبقى معي تعيش في بيتي..حبيتها بس ماوصلت لحبها لي..
مرت علينا فترة البنت كانت تذبل قدامي..تتعب تنهار..جمالها تحول لبشاعة في الوجه وفي الجسم..
سوينا لها تحاليل وطلعت مريضة بالايدز..
ثاروا عليها اخوانها وعمامها..يبون يثأرون منها على شرفهم..
طحت مريض ومادريت وش سووا فيها..
ويوم أني صحيت عرفت انهم نفوها بمستشفى باخر الدنيا..
رحت لها اركض لاني اعرف بنتي واعرف كيف ربيتها..
بس ماكانت تعرفني..استبد فيها المرض..
جلدها ماعاد جلد بشر..ماتت مادرت اني جنبها وواثق فيها..
طلع المرض منقول عن طريق تقويم الأسنان..
من يوم ركبته وهي تموت قدام عيني...

أنتبه على شهقات هديل وهي تمسح دموعها..
ويدينها ترتجف برعب..
ابونايف بحنية\سامحيني ان كدرتك باللي قلته..
أبيك تدرين ان بنتي خذوها مني بوقت عجزي..
وأوعدك تكونين بنتي ومايصيبك شيء عندي..
إن كانوا هلك تبروا منك وأنكروك..
فأنا ماني بمثلهم...مهما كان اللي صاير معك..

حطت راسها بين ركبها ويدها بيده وبكت بصوت عالي..
ماردت عليه ماشرحت له حالها..
يكفيه اللي يحس فيه من بنته الميتة..
ويكفيها الحسرة تظل بقلبها لحالها..

بعد دقايق دخل مسفر المكتب..
وأنتبه على يد هديل بيد أبونايف..
مسفر بصوت عالي\يـــوبه بتخاوينا..؟؟
ابونايف\وين أبوك؟؟
مسفر\هذا هو جاء من ربع ساعة..
ابونايف\ايه باروح معكم..الحين اجيك قفل الباب..
مسفر بعصبية\يوبه لا نتأخر على الجماعة..
ابونايف بحدة\قلت اطلع..

طلع وقفل الباب وهديل منزلة راسها ..
ابونايف\اسمعي يا بنتي..
الحين لازم اروح بنحضر دفن زوجت واحد من أهلنا..
توفت بحريق الله يرحمها..
أبيك تروحين مع مسفر بيوصلك لبيتي وانتظريني هناك..
رفعت راسها\لا ما ابى..
ابونايف\باوصيه عليك لا تخافين منه..
هو ولد ولدي بيهتم فيك..ماتبين تعلميني وش اسمك..؟؟
هديل هزت راسها بالنفي ونزلت عينها بالأرض..
أبونايف\مايصير ماتقولين اسمك..
كيف اهرج معك واناديك..؟؟
ماردت عليه..صدت عنه وسمعت تنهيدته..
ابونايف يبتسم\وش رايك أنا أسميك؟؟
دامك ماتبين تقولين اسمك..بأسميك قمر باسم بنتي..

كل من فقد بنته نسبني له..
وسماني باسم بنته..
معقولة أبوي بيوم يسويها..
يسمي غيري باسمي..

ناظرت حوالينها تبي تعتذر منه...
وتقوله انها ماتبي تعيش عنده ..
بس ماكان في المكتب..

بعد دقايق طلعت من المكتب..
وطلعت من السفارة..
مشت كم خطوة قبل لا تسمع صوت يسألها...
مسفر\وين رايحة..؟؟

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛

شوق تضحك\جب ولا كلمة..كله ولا طلوبي..
رشا\ههههههههههههههه والله تطورنا صار فيها طلوبي..
شوق\وش عرفك أنتي وشايبك..
رشا بانزعاج\صادقة شايبي يجيب المرض..
أم غازي\رشا وش هالكلام؟؟
رشا\شكلي بأطلقه..
شوق\هههههههههههههههه شوفي يومه أنقلبت الصورة..
كنت انا منشفة ريق طلوبي..والحين صارت رشا مثلي..
أم غازي\لا رشا عاقلة مو بمثلك خبل..
رشا\العقل ماعاد ينفع يومه..
أم غازي\بنت أنتي وش وراك؟؟
وضعك ماهو عاجبني..
شوق\قالت بتروح معي أنا وطالب..
أم غازي\وليه تروح معكم؟؟
رشا بكذب\أستئذنت من راجح وهو سمح لي..
أم غازي\دامك أستئذنتي زوجك فالأمور تمام..
رشا\الحمدلله كل شيء تمام..
أم غازي\وأنتي معصقل هانم..متى بيجي طلوبك..؟؟
شوق\فديت الطاري بس..
بيجي بكرهـ فديته..
رشا\هههههههههههههههه والله اللي رباك طالب صح..
شوق ترد على التلفون وتأشر لرشا تصبر عليها..
شوق\هلا وغلا عمي..كيفك وحشتنا؟؟.........
عمي وش فيك؟؟...........ايه هذي هي عندي......
مدت السماعة لأمها وهي مستغربة من عمها وصوته..
أم غازي\هلا أبو حمد..............الله يعافيك الحمدلله..
لا إله الا الله محمد رسول الله.............وش فيك ياراجح..
غازي فيه شيء..؟؟............مافهمت توك تقول هو بخير........
وقفت وهي تشهق بقووة\ممـــ.............ـااتت...لا تقولها تكفى..
تكفى ياراجح لا تقولها تكفى...
طاحت على ركبها تبكي مفجوعة بالخبر اللي قال لها راجح..
رشا وشوق جلسوا عندها على الأرض خايفين من اللي بيسمعونه..
شوق برعب\يومه وش فيك؟؟وش صاير من اللي مات؟؟
غازي مات يومه..وش صار فيه ردي علي...
أم غازي بنحيب\ياويل قلبي ياويلي من ربي...
ماتت ضاعت حياتها بسببنا..
ياربي رحمتك يااااااااااااااااااارب...
رشا تبكي\يومه ذبحتينا فهمينا وش صار؟؟
أم غازي ببكاء\أنتقمتوا لسعود يارشا..
أنتقم لأخوووهـ..أنتقمتي لزوجك وولدك..
أنبسطي ياشوق أخوك أخذتوا بثارهـ..
قتلتوها ماتت بسبايبكم..البنت ماتت..
هديل ماتت احترقت خذيتوا بثاركم ياعيال أمكم خذيتوا بثاركم منها...

تعالت صرخات شوق ورشا بعد كلام أمهم ...
شوق بصدمة وهي تبكي\لا يومه تكفين لا...
تكفييين يومه لا تخلينها تموت..قولي لها ترجع..
لا لا ماهو صدق..يومـــــه خلينا نروح نجيبها..
رشا برعب\ماتت...هديل ماتت..
لييييه هي وش سوت عشان تموت...
لا أكيد راجح غلطان مستحيل تموت..
يووومه قولي انهم يكذبون..والله ما أكرها والله..
مالها ذنب ما ابي انتقم منها..ماسوت شيء..
شوق بنحيب تعلقت بامها\يومـــه لاتصدقين مابتموت..
بعدها صغيرة...هي بريئة ماسوت شيء..
أنا ظلمتها كثير انا تبليتها..باقي ماسامحتني..
ماكلمتها ماطلبتها تسامحني..
يومه ابيها تسامحني قولي لها ترجع تكفيييين..
ما أبي أقابلها قدام ربي متخاصمين..
أبيها تسامحنييييييييييييييييييييي...
أم غازي\توكم تحسون فيها..
توكم تدرون انكم ظلمتوها..عيشوا بحوبتها طول عمركم..
الله لا يسامحكم ولا يسامحني..
الله لا يسامحكم ولا يسامحني...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛


بعد دقايق طلعت من المكتب..
وطلعت من السفارة..
مشت كم خطوة قبل لا تسمع صوت يسألها...
مسفر\وين رايحة..؟؟
ألتفتت بخوف وشافته واقف قريب منها..
يدينه بجاكيته وعيونه مركزة عليها..
صدت عنه وماتكلمت معاهـ..
وبلحظة وقف قدامها ...
مسفر\سيارتي بالمواقف امشي معي..
هديل بصوت مبحوح\شكراً اعرف طريقي...
مسفر\ماكنت أبي أصر عليك..
بس أبوي منبه علي أوصلك البيت لحتى يرجع..
هديل بتعب\أعتذرت منه مشكور وابوك مشكور..
فمان الله..
مسفر\ما أبي أتعامل معك بالقوة..
أختاري أما تروحين معي..او ترجعين السفارة..؟؟

خافت منه كيف يهددها وبأي حق..
هو كل من ملك القوة الجسدية بيتحكم فيها ويخوفها..
إلى متى بتظل تخاف من الضرب ومن الناس..
قرب منها فصرخت فيه..
هديل بغصة\لا تقرب مني أذبحك...
والله العظيم أن لمستني لأرتكب فيك جريمة..
مالك دخل فيني..أروح بألف مصيبة مالك دخل..
مايهمكم أحد كثر أنفسكم..حقيرين تافهين..
لاتمثلون الطيبة والفزعة مو لايقة عليكم..

مسفر\طيب ما بألمسك..
والحين أدخلي السفارة لحتى يرجع أبوي..

صدت عنه وتركته واقف بمكانه..
مشت ومشت وماتدري وين تروح..
حاسة فيه يمشي وراها..
بكت من احساسها الضايع..
متى يتركوني بحالي..
متى تسامحني ياربي..

جلست على مقاعد أنتظار المترو..
وهو جلس قريب منها..
تجاهلت وجوده..لا بل نست وجودهـ..
غابت عن الدنيا لعالم الماضي..
مع أهلها مع أمها الغالية..
ليه يومه نسيتيني؟؟
كلهم ينسوني بس أنتي لا...
أشتقت لك موووت..
معقولة ماتحسين فيني...ماتحسين بشوقي لك وألامي..
جرحوني يومه..أحرقوا قلبي...
هو وهلي ذبحوني...
مابقى لي أحد ....
والحين أنتظر القطار ولا أدري وين أروح..


شفافة كالماء .... طعنوها .... سامحتهم .....
غدروها ....اكرمتهم ....
قتلوها ..... فما كان منها الا ان تشهر سيف الغياب .....
وسوط العتاب ...... وتتقن فن العذاب ......
هي لن تعوووود ..
.... لن تعووووود ..... فقط ستسافر للغياب ....
ومتاعها كومة جراح رتبتها في حقيبة العذاب ...
وذكريات الم .... وغصات ندم .... وبقايا فرررح .....
ورحيل مرررر ليس له اياب .....
فأي طفلة انتي؟؟ في زمان الذئاب .....!!

... مشـــــاعل ....

مسفر بهدوء\السائق جاب السيارة..قومي أرجعك السفارة..
أنتي باين أنك مو عارفة شيء بالمدينة..
مافيه مترو راح يمر من هنا هالوقت..
تعالي معي..
وقفت وهي تخبي وجها عنه..
مشت معه باستسلام...
مالي أحد..
مالي أحد...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛

أبو نايف بصوت جهوري\إنا لله وإنا إليه راجعون..
لاحول ولا قوة إلا بالله العلي العظيم..
عظم الله اجركم وتغمد فقيدتكم بالرحمة والمغفرة..
راجح\أجرنا وأجرك يا عم..
أبو مسفر\الله يعظم أجركم يا أبو حمد..
راجح\أجرنا وأجرك..
ابونايف\ماعليها عيال المرحومة؟؟
راجح\ماكتب الله..
ابونايف\الله يعين غازي على فقدانها..
راجح بحسرة\الله يعينا جميع يا ابو نايف..
تركي\ليه مانقلتوا جثمانها السعودية..
ودفنتوها بين أهلها..
ابو نايف بحدة\الأرض ومن عليها لرب العالمين..
وأختك دفنتها على ذا القاع لا تنسى..
تركي\الله يرحمها...
ابونايف\ويرحم اللي دفنوها..
خرج تركي من المقبرة مقهور من زعل أبوه عليه..
الى اليوم ماسامحه على موت قمر..
وعلى خطفه لها ورميها بمستشفى العلاج بايطاليا..

كان بعيد عنهم واقف على قبرها..
دفنوها قبل دقايق..
بنفسه نزلها قبرها..ومارضى ينزل معه راجح..
همس لها لما سدحها بقبرها\وداعة الله يا أطهر ذنوبي...
بيدينه رمى التراب عليها...وماسمح لهم يشاركونه دفنها..
خايف لا يرمونه بقوة عليها ويأذونها..
أخفاها عن العالم وعن عينه..
رماها باللحد لـ الدوود..
حرمها من دعاوي امها..
حرمها من دفا أبوها..
ماتت محدن بكاها..
وكأنها ما انوجدت بيوم..
حزنه عليها يكفيها عن أحزااان القبايل..
حسرته على شوفها تكفي عن شوق أهلها لها...

لو عتقها منه يوم طلبته أمه..
كانت الحين حية وفوق الأرض ريانة...

أم غازي\غازي خل البنت ترجع معنا..
يا أمك ان بقى لها عمر خلها تقضيه بحضن امها..
أرحم حالها وحال اللي فقدوها..
\تكفـــــــى يايومه قبل لا يفوت الفوت رجعها..

ياليتك خذيتيها بالقوة...
لو ذبحتوني وخذيتوها معكم...
لو خطفتها مني ياراجح وهربتها لآخر الدنيا..
ياليتكم خذيتوها قبل لا أقتلها...

يسليني بعد موتك دعوة بصدق مقيولة..
تنادي ليوم ألقاك أمام الرب معتوقة ...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛


دخل راكان المجلس وأنصدم بوجود علي عندهـ..
راكان بحذر\هلا علي ..
علي بسرعة\أنا ماعندي فيزا وما اقدر اسافر اليوم ولا بكره..
حجزت لك ابيك تسبقني لهم وتهتم فيهم..
راكان باستغراب\منهم؟؟؟
علي\أبوي تعب هناك جاته جلطة ما أعرف سببها..
هادي بيروح ايطاليا من لندن..
وانت ابيك تسافر لهم الحين..
راكان مصدوم\ياساتر متى صار هالكلام؟؟
عمي وش صار عليه؟؟توهـ مسافر..
علي\هادي بيوصل لهم قبلك والحين امش اوصلك المطار..

طلع راكان وعلي من البيت ع المطار..
وبعد توصيات وحلف من علي على راكان مايخبي عليه شيء عن ابوه..
سافر لايطاليا ...
من غير ماتدري غادة وامها والجدة...
ماكان يدري الا علي وعبدالله اللي أكتشف الخبر وأعتصم السكوت..

وصل راكان واتصل بهادي اللي دله على المستشفى...
راقب حال عمه من ورى الزجاج...
وسال الدكتور عنه وقال حالته مستقرة...
بس راح يعاني من آثارر الجلطة...
صعوبة في الحركة لمدة ..وصعوبة في النطق..
لكن مع العلاج راح يتشافى ويتعدل حاله...

راقب حال أبوه..
وجهه شاحب وعيونه حمراء..
منحني بتعب على كرسي المستشفى..
راكان\يوبه أنت بخير؟؟
مارد عليه ظل منزل راسه..
هادي\ماهو براضي يتكلم معي..
من اول ماجيت وهو يصد عني..
ابو راكان بصوت مهزوز\تكفى يا ابوك سامحني تكفى..
هادي\يوبه جعلني فداك وش اللي مضايقك..
وش اللي صار معكم...؟؟
راكان\يوبه قم معي ارتاح..
باخذك الفندق نام وريح وهادي بيبقى هنا عند عمي..
ابوراكان\لا ماباروح واخلي حسين...
راكان\وعد ارجعك له بكره من الفجر..
بس انت قوم معي..
ابوراكان\والله ما اطلع من هنا ..
هادي\خلاص لاتعصب..
ارتاح في غرفة من غرف المستشفى..
أنت تعبان وحالك ماهو بخير..
شال عينه من على هادي مكسور قلبه..
لو تدري وش صار..
لو تدري وش صار...

راكان أخذ أبوه وطلب منهم ينومونه باحد الغرف..
بينما هادي بقى واقف عند باب غرفة أبوهـ..
حس بشخص يقرب منه ويوقف وراهـ..
ألتفت والتقت عيونه بعيون مهدوودة..
لها نفس نظرات عمه ابو راكان...
والوجه ماهو غريب عنه...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛

صحت مفزوعة ونطت واقفة بسرعة...
لما حست بيد تتلمس وجها..
تنفست بهدوء ولانت ملامحها لما تكلمت..
......\أنا آسفة ماقصدت أخوفك...
كنت أبي اتطمن عليك بس...
هديل\.......................
.....تبتسم\أنا مرام زوجت تركي...
عمي قالي اتطمن عليك وأشوف اذا محتاجة شيء..
هديل بتعب\مشكورة ما ابي شيء..
مرام\أكيد جوعانة أنتي صارلك يومين من جيتي هنا ماأكلتي ...
أنا محضرة سفرة صغيرة لي ولك بصالة جناحك..
ولا تخافي الشباب مايجون هنا...
هديل تهز راسها\مو مشتهية مشكورة...
ابي اظل لحالي...
مرام باصرار\لا ياقلبي أنتي لما دختي كان بسبب قلة التغذية..
وبعدين امممم ماتبين اعرف اسمك؟؟

هديل ناظرت بنفسها تتأكد من ملابسها كاملة عليها..
هي فقدت وعيها وماتذكر وش صار معها..
وليش هذي مصرة تعرف اسمها وتأكلها..
هديل\قلتلك ما ابي اكل..لو سمحتي خليني بحالي...
مرام\أعتبريني أختك..
وعادي مو مضطرة تقولي اسمك..عمي قال اسميك قمر باسم المرحومة..
والحين لازم تاكلين حرام الجنين بيتعب ويمكن يموت وإحنا نبيـــــــــه ...


بهتت بمكانها مفجوعة من كلام مرام..
جنيــــــــــــــــن....


الى الملتقى متى ما أراد الله ..
ما أقدر أحدد موعد وأنا مو متأكدة من ظروفي بالعيد ...

كونوا بخيـــــــــــــــــــــــــــــــــر ..





صدووود ’’’

السلام عليكم ورحمة الله وبركاته ...

عــــــــــدنا والعـــــــودة أحــــــــــــمد ...

يسعد صبـــاحكم \\ مسائكم
بكل محبة ورضا من رب العالمين..

كيفكـــم الـ ليلاااااااااااااااس..؟؟
أحبتــــــــــــــي في كل مكــــــــــــان ...؟؟

غالياتي لمعرفة رواية صدووود الأولى شاركوا صبوحة وحنين التوقعات..
وحاولوا تحلون المسائل لحتى تعرفون اسم الرواية الأولى..


خمن مولودة صدود الأولى ؟ مع صبوح و حنو !





النص بالمرفقات

كونوا بخيــــــــــــــــــــــــــر ,,,



صدووود’’’

السلام عليكم ورحمة الله وبركاته ..

النص بالمرفقات


كونوا بخيــــــــــــــــــــــــــر ..




صدووود’’’

السلام عليكم ورحمة الله وبركاته ...


يسعد صباحكم \ مسائكم
بكل محبة ورضا من رب العالمين..

كيفكم الـــ ليلااااااااااااااااااااس ..؟؟!
أحبتــــــــــــــــي في كل مكان..؟؟!

تحية طيبة لجميع المتابعين والمتابعات...
أعتذر للمـــرة المئة بعد الألف على عدم الرد..
بالمتصفح او بالخاص..وقتــــــــي ليس ملكاً لي أعذروني..

طلب\\أرجو من الجميع بكل المنتديات إحترام رغبتي..
في عدم إرسال ردوودهم وتوقعاتهم وأرائهم عن الرواية على بريدي الخاص..
المتصفح ملك لكم ويتشرف بردوودكم..وأنا أقرأ الردوود دائماً..


البارت أهداء للجميــــــــــــــــــــــــــــع...
ولاتستعجلوا على الســــــــــــــــــــــر ..
كل شيء بوقته حلو...




البارت الخمسون ..


دعيه لدنياه فقد ألف الشقا ..

و أدمن طول السير في المهمه الوعر ...

كأن الليالي أقسمت لا تذيقه ..

سلاما ولا أملا..

سوى في دجى القبر ...

المرحوم بإذن الله تعالى..غازي القصيبي..


رفع راسه يرحب بالزائــــر الغريب...
وقف من غير وعي لما شاف ضيفه..
رجعـــــــــــــت..
يقسم بدواخل قلبه وروحه..
حمامته رجعــت واقفة قدامه..
رغم الفرق الكبير بينهم بس نفس عيونها..نظراتها..
فيه من ملامحها..برائتها..
والمصيــــــــــبة انكسار بعمممق عيونه..
يشبه انكسارها وشوقها المعذب..
ياما تمنت تشوفه..
وش كثر حبته ودافعت عنه..
فدته بروحها بحياتها و أنهزمت عشانه..
حمامته تناظرهـ بعيون توئــــــــمها..

هــادي بهدوء\السلام عليكم ورحمة الله وبركاته ..
غازي بنظرات قاتلة\.................................
هادي\أنا هادي الــ جاسم ..

أعلـــم..
ورب البيتين أعلم من تكون..
فلك عينيها أيها القاتل..
وبعض أكثر ملامحها..
تملك روحها..
ويا لحســـرتي..
كم أحبتــــك محبوبــــتي..

هادي\يمكن أنت ماعرفتني..لأنها أول مرة نتقابل..

ومالي لا أعرفك؟؟
وأنت كل ماتمنته أثيرتي دوماً..
ما أثقل الأرض كائن غيرك..
ماضاق الكون الا بوجودك..
ليتك ماكنت يوماً..
ولا لماضينا أنتميت..

هادي بحذر\عظم الله أجرك...

بنظرات حادة وقاتلة ركزها عليه..
هل يعلم ذاك المتطفل بموت حمامتي..
وهل أتى يعزي قلبي بها..
أهذا ماتستحقه تلك الوفيــــة..
الصاحبة المُغتالة..
يخونها بعد موتها..
فبدل أن ينشب أحد الرماح بصدري..
يُعزي قلبي لفقداني..؟؟!
أي الأخوة أنت..
بل أي الجاحدين تكون..؟؟!

هادي\أدري ماأنت مرحب فيني ولا تبي تشوفني..
بس كان لازم ألقاك..الأمانة صعـــبة يا أبو ذياب..
وأنا صار لازم أوفي بديني..

أتتكلم عن الأمانة..
وعن أية أمانة..؟!
هي تحت التراب..
تنتمي لعالم الــ لا عودة..
لم يعد للأمانات أهمية..
ولا لرغبات الاموات إستحقاق..

هادي\عندي لك أمانة من سعود...
رفع راسه بغضب..
كيف يتجرء يجي لعنده وبكل ثقة يعتقد انه ممكن يطلع سليم ومتعافي..
كيف يتباهى بقتله لسعود ويوصل امانته..
هل سمح له يتشهد قبل موته..؟؟
هادي\انت لازم تسمعني وتفهم وش اللي صار..
غازي بحدة\لاتحفر الماضي..
لا أنا ولا انت بنرجع اللي ماتوا..
أياً كان اللي عندك ما أبى أسمعه..
تساوت الروؤس يالقاتل وصرنا سوى..
أخرج ولا اشوفك إلى يوم يبعثون..
هادي باندفاع\بأخرج بس لازم أتمم يميني..
وعدت سعود أوصل وصيته لك..

بدأ هادي يتكلم ويشرح كل اللي صار معه هو وسعود..
كان ناوي يرميه برا قبل لا يتكلم ويبرر جريمته..
بس كان لازم يواجه الماضي وحقيقته..
وقف مصدوووم مقبوض القلب..
تقدم منه شده من مقدمة قميصه بقوووة..
غازي بصوت مكتوم\قلي أنك ظلمته..قل أنك عذبته وقطعته قبل لا يموت..
قل أنك شربته السم..وأنك أحرقته وجلدته..
قل أنك شوهت رووحه وكرهته بدنياه وأخرته..
قل انك دفنته حي وحرمته الهواء والضي..
قل أن ربي غضب عليك لقسوتك عليه..
قل أنك ندمااااان والحسرة تأكل بقلبك..
وأنه مابقى لك شيء تعيش له وتتمناهـ..

هادي بضيق\هذا اللي صار يا غازي...
ويشهد الله ماكذبت عليك بحرف...
يوصيك على ولدهـ غازي وزوجته..وعلى أمه وأخته..
اللهم أني بلغت اللهم فأشهد..

رماهـ من بين يديه بقوووة وضرب في الأرض..
يدينه ترتجف من شدة قهره وإحساسه بالضعف..
بلحظات صار المكتب وكأن إعصار مر عليه..
المكتب الرئيسي مرمي على الأرض..
الأوراق والأجهزة متكسرة ومرمية بقوة..
شال فازة ورمى فيها النافذة الزجاجية وصار قطع متناثرة..
خرج لــ الشارع يمشي من دون وعي بطريقه..
لو يقدر يحرق العالم..
يحكمه غضب كرهـ إحتقـــــــار..
لنفســـــــه لــ رحيلها الجائر..
لــ ظلمه الكافر...

أبتعد عن الناس..
عن الطرقات ..
أستند على شجرة خالية من الأوراق..
متجمــــــــــدة..
وعيونه تحترق لطيفها وذكراها...

مايكفي أنه مانساها..
ولا نسى همسها بدعواتها..
مايكفي صبره لفراقها وشوقه لها..
حتى يجي هادي ويكملها بزيادة ذنوبه وإجرامه..

يدري أنها مالها ذنب..
بأي حق عاقبتها ذليتها أهنتها...
بأي شرع ودين غربتها وقطعت وصلها لأهلها..
حسستها انها جارية ومضيعة الدين والسلم..
تخجل من إنعكاس صورتها بالمرايه..
لأنها صارت بلاشرف..
سلبتها حقوقها..
كإنسانة..أنثى..زوجة..إبنة..
وسلبتها امــــــــومتها المبتـــورة..

أخذتها أعاقب اخوها اللي قتل أخوي..
أعاقب أبوها اللي فرط فيها..
أعاقب نفسي لأني ظلمتها..
أعاقبها لأنها أنتمت لكوكبنا..

بس ماكنت أبي أأذيها..
كنت بأرجعها بس أعلنوا وفاتها..
دفنوها بعد ماقلت لهم ما أرجعها..
كان لازم أحتفظ فيها ماهو علشانها ولا علشانهم..
لأني كنت أبيها..
أبيــــــــــــــــــــها..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛


ناظرت بعلب الأدوية والفيتمينات..
أرتجفت بخووف ويدها على بطنها..
اللي قتل ضناهـ يقتل غيرهـ..
هو اللي صرفها لي وجابها لعندي..
يمكن هذي سم او مثل اللي عطاه مرام..
ناظرت بمرام النايمة قريب منها..
أنهارت بشكل يقطع القلب..من كم يوم وحالتها حالة..
حاول تركي يتفاهم معها ويهديها بس هي كانت تعبانة وماسمحت له يقرب منها..
ولأنها ذكرت كل اللي صار لهديل فعادت لها المخاوف وأيام مرضها..

أهتز جسمها لما تذكرت كلام مرام وكيف وصفت لها اللي صار..
مرام بصوت مخنوق\كنت مبسووطة فيه..اول تجربة لي وأول طفل..
وزوجي حبيب روحي وقلبي..يعني هالولد بيقوي علاقتي فيه أكثر..
بــ...ـس النذل المجرم قتله من دون ما أدري..
شربني السم وذبح ولدي..
هديل تبكي معها وتضمها\حسبي الله ونعم الوكيل...أحتسبي أجرك عند ربك..
الله مايضيع حق أحد يا مرام..
مرام بتعب\كنت بأموت من بعد مانزل الجنين..ماتدرين كم عانيت..
نفسيتي صارت بالحضيض..
مرضت وظليت أحتضر لمدة طويلة بس مامت..
مرت الأيام والأشهر والسنتين وأنا ماعندي خبر باللي صارلي وأن تركي هو السبب..
تسألت طفلي ليه مات..
قالوا قضاء وقدر...قلت لا اله الا الله..ربي يعوضني..
لحتى أعترف تركي بجريمته وهو ندمان لأني ماحملت مرة ثانية..
ماحملت لأن اللي شربته ذبح ولدي وذبحني..
هديل بألم\يمكن ماكان يقصد..مستحيل أب يذبح ولده من غير سبب..
مرام بكرهـ\أنتي ماتعرفين تركي...
إنسان حقود كريه بغيض..قتل طفله ببرود قلب...رمى أخته بآخر الدنيا وظلمها..
تركها تموت لوحدها وأبوهـ يترجاه يدله على مكانها..بس مسفر هو اللي قدر يلقاها ويدل عمي عليها..
أما المجرم فأجبرني أجي معه وأتعالج..
كيف يجبرون المكسور ما أدري...ينسون الدنيا تدور..ولهم رب يحاسبهم على سواياهم فينا..
هديل بمحبة\وعلاجك ان شاء الله يكون مفيد لك..
مرام بسخرية\هههههههههههههه لي فوق السنتين أتعالج..بس مستحيل نعرف النتيجة تدرين ليش؟؟
هديل ببرائة\لا ما أدري..
مرام بحنية\لأنك صغيرة عشان كذا ماتدرين..
هديل بنظرات غير مستوعبة قصد مرام..
مرام تتنهد\لأني مستحيل أسمح له يقرب مني..أو يلمسني..
هههههههههههههههه هددني كم مرة يقول الملائكة بتلعنك لأنك ماتطيعيني و أنام غضبان عليك...
بالله شوفي كيف يفكر..لأني ما ارضى بمجرم يلمسني بتلعني الملائكة..
أما هو اللي يعصي ربه ويقتل أطفال بغير حق مابيغضب عليه الله ولا يعاقبه..
قتل طفلي...كيف أثق فيه كيف أسلمه نفسي وأعيش معه كييييييف؟؟
هديل تمسح دموع مرام وتقرأ عليها\أهدي وأحتسبي أجرك عند ربي..
وكل اللي صار لك مقدر ومكتوب..
مرام بنحيب\أكرهه أتمنى يموووت...
هديل بهدوء\مادمتي كارهة حياتك معه..
ليش ماطلبتي الطلاق..
مرام بحسرة\لأني ما أبيه ينساني وينسى ولده..
ما أبيه ينسى انه كان سبب في عقمي ومنعي من الأطفال..
إذا طلقني بيتزوج وبيعيش مع أولاده وينسى أنه حرمني من نعمة ربي..
بس مادمت زوجته وعلى ذمته فماراح يقدر يتزوج أو يتهنى بحياته..
هديل بإعتراض\الشرع محلل أربع..يقدر يتزوج عليك وأنتي بذمته..
مرام بتعب\حقير ويسويها..
بس هو حلف وحرم مايتزوج غيري...
هديل\حرم..؟؟مايجوز يحرم على نفسه شيء ربي محلله له..
( يَا أَيُّهَا الَّذِينَ آمَنُواْ لاَ تُحَرِّمُواْ طَيِّبَاتِ مَا أَحَلَّ اللّهُ لَكُمْ )
مرام بحزن\الله لا يسامحه ولا يحلله..

قامت من مكانها بسرعة خايفة لا تسمعها مرام..
شالت كل العلاجات والمقويات ورمتها بالسلة..
مستحيل تأخذ شيء منهم..
زاد خوفها أكثر...
ماتبي تظل بها البيـــت..
بس وين تروح؟؟مالها مكان مالها أحد..
ع الأقل هالمكان بيوفر لها الأمان من غازي..
إذا عرف مكانها ماراح يسمحون له يأخذها غصب عنها..
مع أنهاتعرفه زين...ومتأكدة من أنه بيأخذها غصب عن الكل..
بس من اللي بيحميها من أهل المكان..؟؟

أنا مستحيل أظل معهم..
ماني مرتاحة لهم ولا لحياتهم..
أريد أمي..
آآآآآآآآآآهـ يومه ما ابي من الدنيا شيء..
الا شوفك وأمانك...

قربت من مرام وهزتها بخفيف تبي تصحيها..
هديل بهدوء\مرام يالله اصحي..
مرام تغطت بفراشها ومارضت تفتح عيونها..
تذكرت حالها لما تنهار وتتعب نفسيتها..
تحبس نفسها بالملحق و تظل نايمة طول الوقت..
ربما هذا شعور يهاجم بعض أو أغلب المكتئبين..
يهربون من الواقع بالإختباء في الظلام..

تركتها على راحتها بدلت ملابسها لبست حجابها ومعطفها وخرجت من الغرفة..
ترددت شوي رجعت وأخذت شنطتها الخاصة فيها..وطلعت مرة ثانية..
أنتبهت لتركي جالس بالصالة فوق شكله ينتظر مرام..
نزلت بسرعة قبل لا يشوفها او يحس عليها..
خرجت من البيت في بالها ياسمين..
تبي تروح لها تحس انها راح تكون بخير معها..
هي واثقة أنها تعرف الطريق لبيت ياسمين..
لأنها دلتها عليه..

ما أنتبهت لــ الشخص اللي يمشي وراها..
وناوي عليها..

مشت ومشت لحتى ...........................


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛

نزلت الدرج وهي تركض بعد ماسمعت صوته يبكي ويصارخ..
عالية بعجل\يوووومه وش فيه..وش صار عليه؟؟
أم فهد بغضب\فهيدان عضه حسبي الله على ابليسه..
عالية شالت غازي\وهـ فديته حبيب خالته ياقلبي انت..
الدوب عضك..عورك هنا؟؟
غازي يتكلم بسرعة وزعل\كب كب الوح ماما..<<أروح لماما
عالية\أنا اوريك فيه بس انت أصبر..
نزلت غازي وركضت لفهد اللي كان جالس يضحك على غازي وصراخه..
فهد بتحذير\علووي لاتقربين ترى بأطقج..
عالية بقوة\تعقب أجل تعض ولدنا ونسكت لك ؟؟
فهد\ههههههههههههه والله أنج فلته..
ملاحظة من يوم جاء وانتي قالبة علي وأنا كنت دلوعك..
عالية تعضه على كتفه وتضربه قدام غازي الصغير عشان يرضى..
بعدت عنه وجلست جنب غازي..
عالية مبسوطة\هاه وش رايك مجودي كوفنته الدوب..
غازي بكره\كب حسيس..
عالية\هههههههههههههههه فديت المنطووق ياعرب..
فهد\هيه نتفة ترى بأدووس في بطنك..وش ذا اللسان عليك؟؟
عالية\فيك خير قرب منه بس..
أم فهد باستغراب\علووي...ليه قلتي مجودي؟؟
عالية بثقة\بأغير اسمه..بنسمه ماجد..غازي مايناسبه وعع اسم مو بحلو..
أم فهد بغضب\ووجعووه ان شاء الله ياللي ماتستحين..
مابقى إلا تغيرين اسم ابوه وهله بعد..ابوه اللي مسميه..
لا أسمعك تنادينه الا باسمه فاهمة..؟؟
عالية بهدوء\يومه فديتج روقي شوي واسمعيني..
الحين من بيعرف ان انا غيرت اسم مجودي ما حد..
انا وأنتي وفهيدان نناديه مجوود وهو بياخذ على اسمه..
ام فهد\بنت أنتي جنيتي؟؟الولد له اسمه من قبل لايولد وابوه ينادي اختك ام غازي..
ولا ناسية كيف اختك مبسوطة باسمها ام غازي نسيتي ولا اذكرك..؟؟
عالية بزعل\لا مانسيت..هذا الاسم مايناسبه..
يربطه فيهم بأبوه وعمه ومرت ابوهـ بهم كلهم..
عامر بسخرية\بس اذا غيرتيه لماجد عادي يصير مو ولدهم صح؟؟
فزت بسرعة وطلعت الدرج ركض قبل لا يدخل عامر اللي كان واقف ورى الباب..
أم فهد\تعال يومه عامر خلاص عالية طلعت..
عامر\السلام عليكم..
ام فهد وفهد\وعليكم السلام..
غازي الصغير\سعدون انا..
الكل ألتفت لغازي يناظرونه مو فاهمين هو وش يقول..
عامر شاله وحطه بحضنه\حي الله الشيخ وش قلت يا ابوك.؟؟
غازي طنشه ومد يده لجيب ثوب عامر العلوي..
طلع قلمه ونظاراته والأوراق اللي بجيبه..
عامر عقد حواجبه\لا لا خذ القلم والنظارات بس الاوراق لا يابطل..
غازي يحط النظارات ورى ظهرهـ\هق بابا<<نظارات بابا
عامر يبتسم\لا مو هق باباتك حقي انا..
غازي عصب\لا هقنا..
عامر\ههههههههه طيب حقكم ولا يهمك..
فهد\ياخي ماودك تاكله؟؟
عامر\لا بس ابي اعض خدودهـ المكورة..
فهد\غويزي تعال وانا خالك ابي اعضك..
غازي بحقد\كب حسيس..
عامر\هههههههههههههههههه فلته الولد..
فهد يقرب منه ويعضه على خده بقوة..
ام فهد مسكت فهد وضربته تبي تراضي غازي بس ماسكت..
عامر صار يلاعبه ويرفس فهد قدامه بس مافاد معه..
ام فهد بصوت عالي\علوووي تعالي خذي الولد..
نزلت وحجابها عليها قربت بتاخذ غازي من عامر بس مارضى يجيها تعلق بعامر بقوووة..
وكل ماحاولت تاخذه صرخ بقووة ويزيد ببكاهـ..
عالية بقهر\عسى سنونك الكسر يافهيد قووول امين..
وش يسكته الحين..وهو بالموت يسكت مو كفاية طول الليل يبكي ماينام..
عامر يهديه\خلاص يابطل عيب تبكي أنت ريال..
هشششش تروح معي الألعاب..
عالية\هاته أنا اعرف كيف اراضيه..
عامر\أنا بأخذه الألعاب وأونسه من يوم جاء وهو مقابل خشت بعض العرب..
عالية تشهق\يامال الباطح اللي يبطحك هات الولد يامعقد..
عامر يبتسم ولا يرد عليها\فهيدان تروح معنا..
فهد\ايه باروح وليه ما اروح..علوووي يالله خاوينا..
عامر\لا ممنوع تطلع من البيت ولا نسيت انها معاقبه..
عالية جلست جنب امها\والله لو ماطلبتني أمي أنفذ كلامك وأجلس في البيت ولا كان طلعت وماعلي فيك فاهم..
عامر بسخرية\جب لاتحلفين..تنفذين غصبن عليج..
عالية بهمس\يومه تكفين حلليني من حلفج خليني اخرج واكسر عينه..
ام فهد بحدة\بعد تبين تكسرين عينه طيب والله ما تطلعين الا بأذنه انزين؟؟
عالية\عساني ماطلعت لو يطق ماخذت الأذن منه..
عامر بمحبة\تخاوينا يام فهد؟؟
ام فهد تبتسم\لا فديتك أنا باجلس مع علوي وأنتوا الله يسهل لكم..
عامر بخبث\ترى إذا بخاطرج تجين أسامحها وأسمح لها تطلع وش رايج..
عالية بسخرية\عشتووو صدق عمره..
ام فهد تدزها\انجبي أشووف..ولا لك لوى مالي خاطر اطلع من البيت..
عامر\اجل فمان الله بنطلع نتونــــس ونغير هواء من جلست البيت والمغثة اللي فيه..
طلع وهو يسمع عالية تتحلطم وامها تحذرها لاترفع صوتها..
عالية بزعل\عاجبج الوضع يومه هذا هو جاي من برا ويقول بيطلع يتونس..
وأنا طلعت المغثة..تكفين تكفين خلينا نطلع أنا وأنتي بروحنا..
ام فهد\علووي صدعتي راسي متى بتكبرين؟؟
عالية بضيق\ألحين أنتي امه ولا امي..ليه تحبينه أكثر مني؟؟
ام فهد\ياربي منك متى بتهجدين أنتي؟؟
عالية تحب كتف امها\يومه تكفين خلينا نطلع لا يجي وأنا بمووت من حرتي..
أم فهد\موافقة نطلع بس نروح الحديقة..
عالية بتقردن\موواافقة أي حديقة تأمرين عليها نروح لها..
أم فهد\حدييقة بيتنا..
عالية بصدمة\هــاهـ ..؟؟!
ام فهد\هههههههههههههههههه طيب يوم نفسج بالطلعة كان قلتي لعامر ماهو تعاندينه..
عالية\لاوالله تبيني استئذنه ماابى..من زينه مع وجهه..
ام فهد\علووي لاتنسين انه عامر للي خذاج من عمامج غصب عنهم ورجعج لي..
ولا كان الحين الله العالم بحالج وحالي..يومه عامر طيب بس أنتي الله يهداج..
عالية بصدق\الله يجزاه الخير..ويحفظه لنا..بس عشان يكفخ عمامي ويردهم عني..
أما ملاقته علي وتسلطه ما ابيه..
ام فهد\قومي انثبري هناك أنتي ما منج فووود..
عالية بعناد قامت وجلست بحضن أمها بالغصب..
ام فهد\هههههههههههه يابنت كبرتي قومي عني كسرتيني..
عالية تبوس راس امها وعيونها وخشمها\أمي وبكيفي لا تدخلين بينا لو سمحتي..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛


وقفت وهي تتنهد متأكدة أنها مضيعة الطريق..
وأول مرة تشوف هالشارع الغريب عليها..
اللي يخوف هو الهدووووء وعدم تواجد ناس بهالمكان..
تعترف أنها جبانة وخوافة ومرعوووبة..
ألتفتت بسرعة ناوية ترجع من نفس الطريق اللي جات منه وعلى نفس المسار..
بس صرخت بررررعب لما شافت جدار أسود واقف قدامها..
سلاسل يمكن بالعشرات معلقه على رقبته..
يدينه وصدره موشوم بشكل مقرف..
تراجعت على ورى بخوف وهي ترتجف..
وشوي شوي بدأ المكان يظهر على حقيقته..
بأن الشارع اللي هي فيه شــــارع الزنوووج ..
شارع معرووف في ايطاليا..
سكانه كاافة من الزنووج المسلحين والخطرين..

لصقت بالجدار وراها وتحس الدم تجمد بعروقها من الخوف..
ماقدرت تتنفس أو تتماسك..
ياربي ياحبيبي لاتخلي نهايتي على يدهم..
يارب أرحمني وأفتحها بوجهي ياااارب..
عيونهم مركزة عليها بغضب وعدم رضى بتواجدها بممتلكاتهم..
هي مو مثلهم واللي زاد قهرهم حجابها ولثمتها على وجها..
قرب واحد منها سحب حجابها بقووة من عليها وقطع خصلة من شعرها..
طاحت على الأرض تصرخ وتبكي بخوووف..
هديل برعب\لا تلمسوني أرجوكم أبتعدوا عني..
لاتقتربوا مني...
قرب منها نفس الشخص مبسوط بخوفها وضعفها..
سحب شنطتها من يدها..تركتها من دون مقاومة..
وهي تضم نفسها وتتشهد وتستغفر..
اللهم لا تمتني موت الأشقياء..
اللهم لا تمتني موت الأشقياء..
هذي نهايتي بشارع زنوج كفار مايعرفون الله..
آآآآهـ يوبه الله يسامحك..
غـ.....ـازي الله يسامحك..
الله يسامحكم كلكم..حللتكم وأبحتكم من رب العالمين..
يارب ارحمني ياااارب..

صرخت بصوت عالي لما سمعت إطلاق نار..
ضمت نفسها متكورة على بطنها ماتبي يئذون جنينها..
حست بيدين ترفعها بسرعة..
صرخت بيأس وضربته بقووة تدافع عن نفسها..
مسفر\هشششش أهدي أهدي هذا أنا..
ركزت عيونها فيه وهي ترتجف..
تمسكت فيه بقوووة وهي تبكي..
هديل بخوف\ببــ...ـ بـ يقتــ...ـلوننننني..
مسفر رفعها\قومي معي لاتخافين منهم مايقدرون يسوون لك شيء..
هديل ترتجف\لا لا مما ابيهم بعدهم عني..
مسفر شالها بشكل سريع ومشى جنب تركي اللي كان ماسك الفرد بيدهـ ويهددهم فيه..
خرجوا وأسرعوا بخطاهم لحتى وصلوا أحد المقاهي..
دخلها وهي ترتجف وتبكي..
جلسها على أحد المقاعد وهي تئن بصوت مكتوم ويدينها على بطنها..
مسفر بإهتمام\تتألمين؟هم ضربوك أو أذوك..
هزت راسها بنفي\ماضربوني..آآآآآآآآآآهـ..
مسفر\ألحين يجي السائق وأخذك المستشفى وش تحسين فيه؟؟
هديل\بأموووت ألم مو قادرة..آآآآآآآآآآآهـ يوممممممممممماهـ..
مسفر\تركي تعال شف وش صاير فيها..
تركي جلس قريب منها\قمر كيف الألم اللي تحسينه..؟؟أشرحي لي وين بالضبط..
ماقدرت تتكلم ماتعرف كيف تشرح له مو قادرة..مستحيل ماتقدر..
كانت تبكي وتنادي أمها ولاترد عليهم..

مسفر بارتباك\قومي معي ل السيارة..
تقدرين أو أشيلك..
هديل بتعب\لاتلمسني..خلك بعيد..
مسفر بتفهم\طيب مثل ماتبين بس عطيني يدك أساعدك..
خف الألم شوي وقدرت تتنفس بعد ماكان الهواء يوصل لبدايت صدرها ويطلع..
وقفت برجفة ويدينها على بطنها..
مشت خطوتين ووقفت ..
مسفر\مو قادرة تكملين؟؟
الغصة بحلقها مو قادرة تتكلم..
أشرت على الايشارب اللي ملفول على رقبته..
أستغرب حركتها..
شاله من عليه ومده لها..
لمته على راسها تحاول تغطي شيء من شعرها..
فهم عليها وصد عنها بسرعة..بس ظل قريب منها..

مشت السيارة بسرعة..
تركي قدام جنب السائق ومسفر ورى ...
كانت عاضة على شفايفها ماتبي تطلع صوت أو تتألم قدامهم..
مو قادرة تتحكم برجفتها بعد اللي صار..
كانت بتموت بين أياديهم..
أبى أرجع لهلي..
أبى أكون بأمان..
تعبت من الغربة تعبت من التعب نفسه..
ابى أرتاااح..
هديل بألم\آآآآآآآآآآآآآآآهـ ..
مسفر بعصبية\أوقف السيارة...
السائق وقف السيارة مرعوب من صرخة مسفر عليه..
مسفر بهدوء\الخبل مايدري أنك حامل..سحب بقووة..تحملي زين..
نزل من مكانه فتح باب السائق سحبه وخرجه ركب بمكانه وساق السيارة..
تارك السائق مستغرب من ردت فعله..
تركي ألتفت عليها يكلمها..
بس لما شافها رامية راسها ورى من غير حركة عرف أنها غابت عن الوعي..
تركي\ياخوفي يكون مات الجنين..
مسفر ناظره بحدة ولا رد عليه..
حتى راكان متعلق فيها وبطفلها..
بس والله ماتأخذونه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

صار الخطاء وشلون ما هو بيدي
لحظة غضب نفقد بها أعز انسان
عزيت نفسي كنت احسبه تحـدي
ولا دريت انـك بطيبـك تحـدان
صحيح انا يمكن تعديـت حـدي
واسرفت بالغلطات وكان الذي كان
وشلون ابنسى من خذا كـل ودي
واقفى وخلاني على حد الاحـزان..؟!

مسح الثلج اللي على قبرها..
وهو يودعها بصمت..
لا ياغلاهم ماكنتي غلطة ولا جبر خاطر..
ولا بدل مفقود...
أنتي الذنب اللي أرتكبته بكل وعيي..
أنتي أول سنة بعمري وأخر سنيني..
أربعين سنة يا الروح..
مالها عندي قدر ولا مكانة..
السنة اللي قضيتها معك كانت أول سنيني..
حاكمتك بقسوتي..
مالك ذنب من أولتها..
وتوئمك ماله ذنب ياغلاي..
قتل أخوي وقتلت أخته..
قتل بقلب رحوم وعطوف..
وقتلت بقلب حاقد ومغبون..
من أعاقب في مماتك..؟؟
أنتي أغلى من ناسي وربعي..
أنتي عصبت الرأس..

لو لي مثل قلبك الطيب..
كان رضيت بوفاة أخوي وذكرته..

يرجع كلامها له يهاجمه..
أنتوا ماتخافون الله ماتعرفونه..
ناس مايخفون الله ينخاف منهم..
أنا بأرجع لأمي لأبوي وهلي..
ما أبي أظل معكم ما أبي..
أنا لو فقدت أخوي بأبكي عليه..
بأذكره ومابأنساه..بأرتجي ربي يجمعني واياه بالجنة..
مستحيل أسوي سواتـــكم..
أنتوا مو بشــــر مو بشــــر..

كنت بأرجعك لهم..
بس أنتي مارضيتي..
علقتيني فيك..زرعتي نفسك بالغصب بقلب حقود غاضب..
والله كنت بأعتقك..
تملكتيني حبيت حياتي لأنك فيها..
صرت أناني وما أبي أتركك..

وهذي أخر ذنوبي..
دفنتك بيديني..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

دخلت غرفته من دون إستئذان ولاحظت أنه يرتب شنطته ويبي يسافر..
تبي تسأله اذا بيروح الكويت ويجيب غازي..
ليش مايروح يجيبه خلاص شافوه وعرفوه المفروض يرجعونه هنا..
طيب أنتي وش دخلك فيه خذوه خواله ولا عمامه أنتي مالك شغل فاهمة..
ايه مالي دخل فيه ولدهم وبكيفهم..
راجح\أهلين بخاطرك شيء..؟؟
رشا بهدوء\وين بتروح؟؟
راجح\بأسافر دبي كم يوم وراجع أنتي جهزي نفسك أوديك عند ام غازي..
رشا\بأروح معك..
راجح\ايه بأوصلك لها في طريقي لـ المطار..
رشا\لا بأروح معك دبي..
رفع راسه مستغرب\كيــف؟؟
رشا\أبى أروح معك..
لأول مرة ترضى تسافر معه أو تخاويه بشيء..
كانت دائماً تتعذر بغازي..وهو يدري أنها تاخذ غازي كحجة وعذر..
راجح\متأكدة..؟؟
رشا\اذا ماعندك مانع..
راجح يبتسم بمحبة\ألف طلب مثل هالطلب..
رشا بصد\متى رحلتك..؟؟
راجح\بعد ساعتين..يمديك تجهزي نفسك؟؟
رشا\ايه..
طلعت من غرفته من دون ماتلتفت عليه..
دخلت غرفتها نزلت شنطة صغيرة وبدت ترتب ملابسها على جنب..
عطوراتها وأغراضها الخاصة..
مثل اللي انكب عليه ماء بارد همست لنفسها..
وهذاالفراغ اللي بالشنطة لمن..؟؟
أنتي ماعاد لك ولد ترتبين أغراضه بشنطتك..
ولا تشركينه بحياتك..
لمن هذا الفراغ من اللي بيملاهـ..
حياتي مالها معنى..
مالها لون..
وقفت وهي حابسة دموعها..
فتحت درج غازي وناظرت بملابسه..
بدلاته بجاماته ثوب العيد اللي مالبسه..
شمت ريحته بقميصه وهي تبكي..
رشا بحنين\ياربي صبرررررني..

أخذت ملابسه ورتبتها بجنب ملابسها..
أبتسمت وهي تمسح عليها..
حرموني منك..
وكل ذنبي أني حبيتك...
فديتك يــا قطعة من قلبي ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛

فتحت عيونها وهي تنادي على القلب الحنون..
هديل بألم\يــ...ـوممه...
مرام بحنية\قمر حبيبتي تسمعيني..
هديل من غير وعي\أبى أمي..رجعني لأمي..
مرام تمسك يدها\اصحي ياقلبي..
أنتي بخير فتحي عيونك وناظريني..
لما شافت وجه مرام بكت بيأس..
هديل بتعب\والله تعبت خلاااص ابى ارجع لأمي..
ماعدت ابي أظل هنا..رجعوني لهلي رجعوني لأمي..
مرام بخوف\بسم الله عليك قمر اذكري الله..
وش مخوفك كذا..؟
هديل\ليه غربوني..ليه تركوني
والله ماسويت شيء..والله أحبهم ومشتاقة لهم..
ليه ظلموني ليييييه..؟؟
مرام\طيب أرجعي لهم وش اللي مانعك عنهم؟؟
هديل تناظرها بإنكسار\................................
وش أقول لها..
أقول لها انهم دفنوني وأنا حية..
ولا أنا حامل بولد غير شرعي..
وأبوه يدورني ولما يلقاني بيذبحني..
مسفر يدق الباب\مرام...
مرام راحت له\هلا مسفر..
مسفر\صحت؟؟
مرام\ايه بس تعبانة..
مسفر\ليش ماقلتي عشان انادي الدكتور..
شوي ويجيكم أنتبهي عليها..
مرام\طيب لاتعصب علي..
رجعت لهديل وعطتها حجاب من كيس كان بيدها..
مرام\مسفر بينادي الدكتور..غطي شعرك..
هديل خذت الحجاب ولفته عليها..
دخل الدكتور وفحصها مرة ثانية..
سألها عن الألم..
وهي أستغربت ليش ماعادت تحس بالام كانت تظن انها ممكن تموت..
والحين ماتحس بشيء..
هديل بخوف\هــ...ـل مـات؟؟
الدكتور\لا طفلك بخير لاتخافي..
هديل\لكني لا اشعر بالألم...
الدكتور\لا بأس في ذلك..ألمك كان بسبب الخوف والصدمة فقط..
هديل بغصة\إذن هو بخير..
الدكتور\نعم هو بخير..هل تريدين أن تعرفي جنس الجنين؟؟
هديل تهز راسها\لا...لا أريـــد..
نزلت راسها ومسحت دموعها..
الدكتور\هل تتألمين؟؟
هزت راسها بالنفي..
الدكتور\يجب أن أنصحك لمصلحة طفلك..تجنبي الإكتائب فقد يؤثر ذلك سلباً على طفلك..
سأصف لك دواءً يساعدك ويساعد الجنين..حمض الفوليك..

طلعت من المستشفى ومرام ساندتها..
وصلوا البيت وهي تحس بانها بخير..
بس لما تتذكر اللي صار لها ترتجف بخوف وتحس بانقباضات في بطنها..
ناظرت بمرام كيف تهتم فيها وخايفة عليها..
مرام بزعل\ماراح اعاتبك لانك طلعتي من دوني..
هذا درس لك مرة ثانية ماتعيدينها..
هديل تبتسم\يعني لو كنتي معي وش بتسوين؟؟
مرام\أحميك بروحي..أنتي حامل يعني بوصايتي..
هديل\مرام أنا مراح أظل معكم على طول..
بيجي يوم ويمكن قريب هذا اليوم وأرجع لهلي..
مرام بزعل\ماهو قبل لا تولدي ..
طلعت مرام وتركتها لما شافتها
ماردت عليها وسرحت بطفلها..
ناجته بصمت بينها وبينه..
تترجاه مايطلع ويظل جواتها..
خلك جواتي وأوعدك مايلمسونك..
مالي غيرك تكفى خلك معي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


خرجت من دورة المياه وكان واقف قدامها بغرفتها..
لمت الروب عليها مستغربة تواجدهـ..
آخر مرة تكلمت معه من ثلاث أيام..
عصب عليها وهاوشها...اتهمها بأنها على حافة الجنون..
بسبب تفكيرها الدائم بهديل واللي صار لها..
طالب\بكره بنطلع الشاليهات مع ثامر وهله تعرفينهم جاو يزورونك بأول أيامك هنا..
شوق هزت راسها\ايه أعرفهم..ماتقدر تأجلها او ماله داعي روح أنا..
طالب\بلى اقدر أأجلها بس ما أبى..عندك إعتراض..؟؟
شوق\براحتك..
طالب يناظرها بتأمل\تعالي..
رفعت راسها وناظرت فيه باستفهام..
طالب\قلت تعالي..
هزت راسها بالنفي..تراجعت خطوتين وعينها عليه..بس كان أسرع منها..
وبلحظات صارت بحضنه وهو يضمها..
طالب بهمس\بسك هجر وبعاد..
شوق تبكي\لاتخليني..
رفع راسها له ومسح دموعها..
طالب\ما ابى أشوف دموعك..انسي اللي صار..
ترى الهم يكون سبب لـ الجنون..
شوق\ما ابى أنجن....أبى ارتاح...
طالب قبلها على عيونها\الله بيشرح صدرك وبترتاحين...
شوق ضمت نفسها له\اللهم آآآآمين ...
طالب\احم وش عندك متشبثة فيني..ماتستحين..
شوق دفته بقووة\جدااار ماتتغير..
طالب\ههههههههههههههه لبى عصقولتي ياناس..
مسكها قبل لا تبعد عنه ...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

لاحظ سرحانها والضيق على ملامحها..
جلس جنبها وحط يده على كتفها..
راكان بمحبة\في أيش سرحانة يا قلبي؟؟
غادة بزعل\في أبوي..حاله مايطمن..
من بعد الجلطة وهو زعلان ودمعته بعيونه..
يبكي وهو مايحس بنفسه..
راكان\حتى انا ملاحظ عليه...
بس لو ندري وش الي قلب حاله..
حتى ابوي ماهو أحسن منه..فيه شيء مضايقهم بس مايقولون..
غادة\كله من سفرتهم الله لا يردها من سفرة..
أنجلط أبوي..وعمي الله العالم بحاله..
المفروض ماتركتوهم يسافرون لحالهم..
راكان\وش كان لازم نسوي نضربهم ولا نربطهم..
غادة\مدري عنكم..هذي ثاني مرة أشوفهم على هالحال..
راكان باستفهام\ليه متى كانت اول مرة؟؟
غادة\لما غابوا ثلاث أيام لاحس ولاخبر أيام وفاة هديل أختـــي..
راكان بتفكير\يابعد السالفتين من بعض ياغادة..
غادة\لا مو بعيدة من بعض..
حال ابوي بعد سفرته أسوء وأردى بكثيييير من حاله بعد وفاة هديل..
راكان\تذكرت شي غريب ..........
قبل لا يكمل راكان كلامه رفعت غادة جوالها وشافت رقم صديقة لها..
كانت بتقفل جوالها إحتراماً لوجود زوجها عندها..
بعد مايروح بتتصل عليها..
راكان\عادي ردي عليها بس لاتطولين عندي لك خبر يحبه قلبك..
غادة\لا باتصل عليها بعدين...وش الخبر..
وعلى صوت الجوال مرة ثانية..
بس هالمرة كانت صديقة ثانية غير الأولى..
غادة تضحك\ههههههه ياساتر وش عندهم ..
ماردت عليهم وكانت بتقفل الجوال نهائياً لما شافت اسم السوري يتصل بك..
غادة\ياحليلي كلن متذكرني الليلة..
هلا سويرة..
سارة\كلللللللللللللللللللللللللوووووووووووووووووويش
مبروووك يا وغدة ويا احلى وغدة بالمجرات كل ابوها..
غادة\هههههههههههههههههههه الله يبارك فيك عقبالك ان شاء الله وبالرفاه والبنين..
بس على ايش تباركين يا الدوووبة..؟؟
راكان أخذ الجوال منها بسرعة وكلم أخته ..
وغادة مستغربة من حركته..
راكان\سوسة وش تبين.؟؟من اللي قالك عن الخبر؟؟
أعووذ بالله حريم ماتحفظووون الحكي..توها من دقيقة جوالها يرطن يبون يقولون لها..
عساكم البط ان شاء الله..انا اللي تعنيت فيه عشان افاجئها وأنتوا تبون تخربون علي..
سارة\هههههههههههههههههههه ركووون تكفى تكفى خلني أعلمها فديتك..
راكان\انقلعي ولا تتصلين على زوجتي مرة ثانية..
ولا تدرين باغير رقمها اصرف منك ومن الثرثارات خوياتها..
غادة\هههههههههههه وش فيك عليييهم صقيقاااتي ماسوو شيء..
راكان\سوير مع السلامة لاتخربين علي..
قفل من سارة وشاف مكالمة معلقة من الوغد يتصل بك..
راكان\حتى ذا النتفة يسابقني على حلالي..
غادة\وه فديته عبووودي..
راكان\الووو خير وش تبي..؟؟
عبدالله\افا يالعلم مابه سلام عليكم..
راكان\وعليكم السلام..وش تبى؟؟
عبدالله\اركض اركض وعطني عمتي غادة بسرعة ياشاطر..
راكان عصب من عبدالله واللي كانه يكلم له طفل مايفهم..
غادة\وش فيك..؟؟
راكان\على شحم ياعبيد..
عبدالله\والله والله ما أطول معها بس شوي وأقفل ..
راكان بحذر\أولاً قلنا لك الحلف كل شوي غلط صح ولا لا؟؟
وبعدين وش تبي تقول لها؟؟
عبدالله\سر بيني وبينها..ماللعواذل فيه..
راكان\اقول انقلع يا سنفور..
قفل الجوال ورماهـ باخر كنبة..
غادة\ههههههههههههههه ما أنت بصاحي..وش فيك تصرف الناس..؟؟
راكان يتبسم\عندي لك مفاجئة...
غادة مبسوطة\وشهي وشهي..؟؟
راكان\اممممم وش اللي في خاطرك وتتمنينه؟؟
غادة بحيرة\مدري...امممممم في بالي أشياء كثير بس ممممدري ماعرفت..
راكان\مبروووك ياقلبي تمت الموافقة على إفتتاح شركة باسمك واسم شريكاتك..
غادة بعدم تصديق\راكان من جد تتكلم..؟
راكان\ثلاث شهووور وانا اخلص معاملاتك والحمدلله تمت الموافقة..
غادة وقفت وهي تصارخ بفرحة\ركووووووووووووووووووون مو مصدقة والله..
ياربي لك الحمد والله فرحتني موووت..
ضمته بقوووة وباسته على راسه وخده وعيونه وهو مبسووط بالوضع..
راكان ياشر على فمه مبسوط \وهنا وهنا..
دفته عنها وراحت تركض لجوالها..
فتحته الا بالاتصالات من اهلها وصديقاتها المشاركات لها..
ماردت على أحد منهم رمت جوالها ورجعت لراكان تضمه
ولا هي قادرة تعبر له عن فرحتها باهتمامه فيها ..
غادة\مشكوووور ياقلبي...
راكان\والله يافرحتك هذي تستاهل كل المراااكض طول هالشهووور...


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛


مرام\أخذتي علاجك؟؟
هديل ماردت عليها..
هذي ثالث مرة تسالها..
مرام\قمر اذا حسيتي بتعب تكلمي لاتظلين ساكته..
عشان البيبي..
هديل بهدوء\مرام حبيبتي انتي انا بخير والبيبي بخير تطمني..
مرام\انا باطلع مع تركي المستشفى عندي موعد..
تكفين انتبهي على نفسك لحتى ارجع..
هديل بحدة\مرام حركتك الللي سويتيها من يومين لاتعيديها..
مرام\أنتي مارضيتي توعديني تظلين بالبيت..فكان لازم اقفل عليك..
هديل\فوتها لك لاني كنت تعبانة بس اذا عدتيها ماراح اسامحك..
مرام\أوعديني ماتطلعين من البيت..
هديل بقهر\لا ماراح أوعدك..أنا وليت نفسي..
مرام\أنتي ماتعرفين مصلحتك..كل اللي أبيه تكونين بخير..

أضطرت تطلع من الغرفة عشان تركي يستعجلها..
كانت بتقفل الباب من دون ماينتبه عليها..
بس هديل خرجت قبلها من الغرفة مانعتها من حبسها..
جلست بالصالة قريب من المدفئة..
مرام برجاء\قومي ارتاحي بغرفتك..
هديل\مرتاحة هنا أنتي توكلي..

تركي بصوت عالي\مرام يالله تأخرنا..
مرام بقهر\طيب ياقمر زعلانة منك..
هديل بقوة\أنا مو قمر..
طلع تركي الدرج ووصل لهم لف براسه وماناظر هديل..
مرام\يالله جاية..
نزلت الدرج وهي تركض وتمسح دموعها..
كانت بتطيح بس مسكها مسفر ورفعها..
مسفر بعصبية\وش بلاك تراكضين بزر أنتي؟؟
مرام بقهر تبكي\أكرهه أكره عمك الله ياخذني ويريحني..
فرحانةانها حامل..تبي تقهرني..
مسفر انتقم لي منه اذبحه..
قتلني الحقير ما احبه..ما احبببببببببببببببببه..
مسفر يضمها\ليه وكل هالزعل وش اتفقنا عليه حن..
مو قلنا الزعل ممنوع...ونبدأ نفكر بأفكار حلوة ونتعالج ونصير بخير..
مرام تشهق\ممــ...ـا أقدر..أنا مستحيل أتعالج..
شوفها بتصير أم وهي مالازم تصير أم..
مسفر\لا هي مالك شغل فيها..
هذا ولــــدها هي..ربي عطاها إياهـ ومابيعيش مع احد غيرها..
مرام بغيض\مسفر لاتكلمني مثل المجنونة..
مسفر\انا اقول كلام صح مو كذب...
هي حامل بطفلها وأنتي بعون الله بتتعالجين وربي يرزقك بولد او بنوته مثلك..
مرام بغصة\لا تخليها تروح تكفى مسفر راقبها لحتى أرجع..
ولا والله العظيم ما اروح المستشفى..
مسفر\أنا باظل هنا...بس ماهو عشان أراقبها و أحبسها..
وهي مابتطلع لأنها تعبانة..بس اذا تبي تطلع هي أدرى بمصلحتها..
تركي\يا أخي قل لها ما انت مخليها تطلع خلنا نرووح موعدنا...
مسفر بهدوء\لا ماراح أكذب عليها..خالتي العسل مستحيل أكذب عليها..
مرام بكرهـ\أكرهكم كلكم مثل بعض مجرمين..
خرجت من البيت كارهتهم وصارت تركض بالشارع..
سمعت تركي يناديها بس ماردت عليه..
دخلت بالحديقة وكملت طريقها للغابة..
أسرعت بخطواتها تبي تبعد عنهم كلهم ...
قرب منها وضمها بقوووة وهي تصرخ بقهــــــــــــــــر..
مرام\أكـــــــــــــــــــــرهك تركي والله أكرهك...
تركي يتنفس بسرعة بسبب الركض\اهدي ياقلبي اهدي فديت روووحك..
مرام\تخاف على ولدها مني..
ماتبيني أرعاها..ماتبيني أهتم فيها...
تركي بحنية\لأنك تبين تاخذين ولدها منها..تبينه لك صح؟؟
مرام\لا ما ابي ولدها حرام تنحرم منه وتحس باحساسي..
حرام أخذه منها وتتعذب عشانه..
خايفة عليها يموت أو يمرض وبعدها هي تزعل مثلي..
وتــ....ــصير ماتقدر تجيب عيال..
تركي\هي بخير وولدها ان شاء الله بيكون بخير..
مرام بتعب\لا لا هي بعدها صغيرة..
أنا كنت مثلها أيام حملي...
ماكنت أعرف أتصرف...لازم أنبها تكون بخير..
وخر عني بأروح لها..
تركي جلس على الأرض وهي بحضنه...
قاومته ضربته تبي تبعد عنه بس ماتركها..
تركي\سامحيني ياقلبي..ندمت طول هالسنين وانا أتعاقب على سواتي معك..
غلطت وغلطتي ماتنغفر..انسي يامرام وخلينا نبدأ من جديد...
مرام بحزن\الله لا يسامحني اذا سامحتك..
ضمها بقووووة ويهمس لها أنه يحبها وندمان على حالها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

رفعت راسها وشافته واقف قدامها يناظرها..
نزلت يدها بسرعة ودخلتها بكم بلوزتها..
أحنت راسها ماتبي تشوفه...
أنتبهت عليه واقف قريب منها ويمد يده لها..
ناظرت فيه وشافت اللي بيده..
أستغربت ومامدت يدها له..
مسفر بهدوء\منديل معقم يخفف الألتهابات بأصابعك..

مدت كفها له أستغرب تصرفها للحظات بس فهمها بسرعة..
ماتبي المنديل يلمس أصابعها وهي مجروحة..
لأنها مو واثقة أن المنديل معقم..
وهذا يعني مالها ثقة باحد أبداً..
ترك المنديل بيدها...
وأنتبه لها تحطه على الطاولة من غير مايلمس أصابعها..
رحم حالتها وعرف انها ماعادت تحس بألم في أصابعها من كثر ماتاكل أظافرها وتجرحها..
جلس قدامها على كرسي منفرد..

تضايقت من تواجدهـ وفكرت تترك المكان له..
أول مالاحظ حركتها وأنها تحاول توقف وتخرج من عندهـ تكلم...
مسفر\أنتي بهذاك اليوم وين كنتي رايحة؟؟
هديل منزلة عيونها ومرتبكة\الحديقة...
مسفر مو مصدقها\واللي يروح الحديقة يأخذ معه خمسة آلاف يورو..؟؟
هديل رفعت راسها مستفهمة قصده\.....................................
مسفر\شكلك مو عارفة عن أيش اتكلم....
هديل\لا تتهمني بسرقة فلوسكم...أنا ماسرقت شيء..
وبعدين ماله داعي تدور أعذار عشان تطردني من البيت..
أنا مقررة أترك المكان ...
مسفر بحنية\أنا ما أتهمتك..وما ظنتي انك تسوينها...
من ردت فعلك شكلك موضع اتهام دائم..

هديل عرفت من مرام أنه دكتور نفسي وهو الحين يحلل نفسيتها ..
أصلاً مارجع من السعودية الا بعد ما انهارت مرام وهي تتذكر كيف مات طفلها..
وأتضح لها ان مسفر هو دكتور مرام النفسي وبنفس الوقت ولد أختها..
يعني مرام تصير خالته..

هديل\أجل وش تقصد بالمبلغ اللي قلته..؟؟
مسفر\أنتي مضيعة شيء؟؟مفتقدة شيء خاص فيك؟؟
هديل هزت راسها بنفي..
مسفر\يمكن بسبب الحمل صايرة تنسين كثير...
هديل بعصبية\أنا مو فاهمة عليك عندك شيء قوله بدل أسئلتك الغير مفهومة..
مسفر\أكيد ماراح تنسين صك الزواج الضايع صح؟؟
هديل بصدمة\..........................
مسفر\أنتي هاربة من زوجك..ولا من هلك؟؟؟!


الى الملتقى بأذن الله تعالى فجر الثلاثاء...

كونوا بالقرب من هنا ..

كونوا بخيـــــــــــــــــــــــــــــــــر ...



صدووود’’’