السلام عليكم ورحمه الله
النهايه حانت
والله يعجز الحرف عن التعبير ياغاليه
صدووود ائام جمعتنا داخل وخارج الكواليس
حروف اعضبتني وحروف شالت اثار الغضب
تفاصيل المتني وتفاصيل استثارت فضولي الى اللا نهايه
حروف اس رتني يامبدعه
روايه ضمت الكثير والكثير
حوارات وافكار ومسار غير عن كل المسارات
اخيرا انتصر حب الجلمود
في بدايه الاجزاء كنت اتمني اقرب مصيبه تطير غازي من كم العنف اللي يعامل به هديل
لكن ودون شعور مني
صرت من حزب الجلمود وابي له النهايه السعيده

واخيرا حصل عليها بفضل التصرف اللي كان رافض يتصرفه
يقال والعهده على الراوي
اذا اردت شيا بشده فاطلق سراحه
فانكان مقدرا لك فسيعود حتما
وهاهي حمامة الجلمود عادت
باقي الابطال على قول نووود
الله يستر عليهم
لهم رد بعد النها يه
باذن الله
إرسلت من GT-I9001 باستخدام برنامج Tapatalk

مآشآءالله

عكستي كل توقعآآآتنآآآآآآآآ

انتي مبدعععععععععهـ وبقوّه

آلصرآحــه استمتعت بالقراءة وكنت أحس بالقلق من النهآيه قآعده آحآتيهم وهم خيآليين لوووول

فعلاً مشاااعر هديل وآقعيه مية بالمية لأن احنا يالبنآت حساسات ونتعلق بالشخص بسسرعه

بس هي عقلهآ كبير وردّت كرامتها ماشاءالله عليها من غير لاتخسر حبه

أتمنى هديل تكمل دراستها وهو يساعدها..مو لأن الدراسه مهمه بس عشآن مآيصيرون رفيجآتهآ أحسن منهآ

الله يخليهم لبعض..ويخلي لهم ذيآب

/

عسسسسسسوله
عبوووووووووووووووودي
صووفي

صج ملح الروايه

فيه روايات يحطون سوالف ومواقف يعني عشان يضحكونا وهي عاديه ومرات تكون مليغخ
بس بهالروايه صج صج اضحك
دمج خفيييييييييييييف يا صدوود >> يعني مستنتجه ومحلله الشخصيه هع

/

مبرووك يا راجح حمل رشا

وينهم طالب وشوق فقدناهم
هم بعد يفطسووووووووني من الضحك..

/

صحيح ان موقف غاده ضعيف وقهرتني
بس علامه راكان نسى نفسه يوم اتهمها انها تقابل شباب!!!!!!!!!!!!

ع الأقل هي شكت بمشاعرك مو انت اتهمتها بأخلاقهآآآ

/

مسفر وخلود
مع اني مااحبكم كثير لكن الله يوفقكم

/

مشتاقين لعلي وأبو علي وينهم هم الثانين^_*


يسسسسسسسسسسسسسسسسسسسسسسعدج ربي صدود

عجلي علينا بالبارت نبي ندرس خخخخخخخخ

الســــــــــــــلام عليكم ورحمة الله وبــــــــركاته ,,,


صبـــــــــــــــــــــــــاح \\

الوصــــــــــول إلـــــــــــى بــر الأمـــــــــــان ...


أحبتـــــــــــــــي ::

اليوم يتملكني حزن كبيـــــــر لفراقكم..
سأشعر بــ وحــــدة وغربة دونكم..
فلقد كنتم خير إخوة واحبـــــــة..
قد التـــقي بهم في دوامة الدنيــــــــا ..

اليـــوم بإذن الله تعـالى سترســـوا سفينتنا ..
بعد إبحــــــــار دام اشهـــــر..
وعدتـــكم أن أرسوا بكـم على شــاطىء الامان..
مررنا بعــواصف قـــاهرة..وبظـروف قاسية..
كدت أن أتخلى عن قيادة السفينة..وأرمي بقبعة القبطان..
ولكن كلماتكم المشجعة وقلوبكم الطاهرة ساعدتني لأجتاز تلك العواصف..
فأمسكتم بيدي وثبتم معي مقود القيادة..
فــأدركت بانها كانت مجرد أمواج صغيرة لا اساس لها..
واليوم بفضل الله تعالى ثم وجودكم بقربي..
سنرســـــوا بألف خيــــــــر ..

إسمحوا لي قبل أن أرمي بمرساتنا في البحر..
أن ألملم حروفي المبعثرة..
وخواطر ماقدر الله لها أن تبصر النور..
وان اخفي مشاعر وآمال قد تسمو بكم وتستكين بقلوبكم..
أحبتـــــــي..

هــــــــــــاهي النهــــــــــاية ..
لــ رحلتنا [ أما غــرام يشرح الصدر طاريه ولا صدووود وعمرنا ماعشقنا ]


عليكم سلام الله إني مودع
وعيناي من مر التوجع تدمع..
فإن نحن عشنا يجمع الله بيننا
وإن نحن متنا فـ القيامة تجمع..


البارت التسعــــــــــون والأخيــــــــــــر ..



"أنا... و هــــــــــــــــــــم"

تقولين: "تلحظُ مني القـُـشور و تغفـُـــل عمـّا وراء القشــورْ"
ولا تعلمين بأن عيـــونــــك.. تفـضحُ حتــّـى جــذور الجــــذورْ
و أن ابتسامـَـك حـين يضيءُ أطـالـــعُ كونــاًعـــــجـيـبـاً يــدورْ
و بين العيونِ و بين الشــفاهِ أرى منــك مالا يـراهُ الحـُـــضورْ

أرى طفلــةً في زحـامِ الحياةِ تخوضُ الجموعَ.. بحــزنٍ يـَــمورْ
تـَـروم الحنانَ وترجو الأمانَ وتبـحث عن مرفــــــأٍ من حبـــورْ
فترعبها رَغـــباتُ العـيــــونِ و تفزُعها شــــــــهواتُ الصــدور
فتطوي على يأسـِـها روحـَـها و تلبسُ للناسِ ثـَـوب الســــرورْ

يحبـّـون فيك الذي يبصــرون و أعشقُ ما حجـَـبته السـُّــــتـــورْ
و يهوون فيك المثيرَ المـثــيرَ و أعشق منك الطـَّهورْ.. الطـَّهورْ
و يجرون نحو بحارِ اللهيب ِ و أسبح وحدي على بحـــــرِ نــور


المرحوم بإذن الله تعالى..غازي القصيــــــــبي ..


لاتجرحيني جرحك العام ماطاب
داوي بحنانك مامضى واجرحيني

ياللي حنانك نظره بين الاهداب
ردي علي بعض العزا ناظريني

خافي على قلب يحبك الى ذاب
ذاب الهوى في خفقته والحنيني

لولاك مازار القمر ليل الاحباب
ولا لوحت شمس المحبه جبيني

في غيبتك كل الملا عندي اغراب
مااحد ابي قربه ولا احد يبيني

لا ياغلا كل القرابه والاصحاب
ضاع العدل في الناس لو تظلميني

البدر بن عبدالمحسن..



غازي بحب\ياغرامي وصدودي..
احبــــك عنهم كلهم..

زادت من شدها عليه..
وكأنها تبي تدخله داخل ضلوعها..
خانتها شهقاتها وماقدرت تتحكم فيها..
وهو حاضنها وكأنه في حلم..
مشى بهدؤ وهو لازال حاضنها..
جلس على الكنبة ولمها كلها بحضنه..

وهي لازالت على وضعها..
مخبية وجها في رقبته..
وكاتمة صوت بكاها..
كل ماحالو يرفع وجها له..
نزلته اكثر وخبته في صدرهـ..

ضحك بصوت عالي وشدها له اكثر..
غازي بمحبة\هششششش أحب بكاك..
بس الحين ابي اسمع كلامك..
ابي اشووف وجهك..إهدي يا جنوني..

تكلمت وهي دافنة وجها بصدرهـ..
وكان صوتها مكتوم..
هديل\قلت كل شيء عندي..
مابقى شيء عندي أقوله..
غازي بخبث\لا لا لا..
إلا عندك وعندك..وابي اسمع كل شيء..
هديل بحنين\أما غرام يشرح الصدر طاريه..
غازي يبتسم\ولا صدوود وعمرنا ماعشقنا..
هديل\هذا اللي عندي..
غازي\طيب إرفعي راسك..
هديل بخجل\مو اليوم..
غازي\هههههههههه عشاني ..

خفق قلبها بقووة على كلمته..
لمايقولها لها يدمرها..
خجلانة منه..
شالت قناع الصد والكرهـ..
صارت مكشوفة له..
ماتقدر تحط عينها بعيونه..

أستجابت لأصابعه اللي رفعت راسها له..
بس غمضت عيونها منحرجة منه ومن حالها في حضنه..
غازي بهمس\أبي حبايبي فتحيهم..

شدت على عيونها اكثر..
الإرتباك سيطر عليها..
تبي تظل لحالها تجمع شتاتها..
تسترجع قوتها وشيء من ذاتها..

فتحت عيونها غصب..
لما حست فيه يقبلها على جفونها..
ويهمس لها\شوفيني..

ركز عيونه بعيونها..
مثبتها عليه بيد..
ويدهـ الثانية دخلها بشعرها..

غازي بحب\أحبــــــــــك..
هديل\.......................

طغى عليها الصمت..
الكلمة لما تسمعها منه تلجمها..
شافت بعيونه إنه يبيها..
يبي يسمع كلمة احبك منها..
بس ماتقدر..ماتقدر تقولها له..
أبتسم لها راضي بصمتها..

قربها منه وهمس لها\ولو ماقلتيها ..
يكفيني هذا..

حط كفه على قلبها..
وكان يخفق بقووة..
غازي بغموض\ويكفيني الحبر يا اطهر ذنوبي..

قبلها على شفايفها..
قبلة عمييقة ناعمة..
تجاوبت معه فيها بإحساس..


أخذها لغرفة النوم..
دخل دورة المياهـ يتحمم..
وهي فتحت الكبت تبي تبدل ملابسها..
شافت ثوب النوم الأبيض القديم..
إللي كان بين هدايا غازي لها قبل هربها منه..
تذكر آخر مرة كان في المزرعة..
مدت يدها وشالته ..
اليوم رجعت له..فهل تلبس اللون الابيض..؟؟
بس هي وعدت ماتلبس الأبيض..

لها قناعات خفية ماتقدر تتخلى عنها..
بنظر البعض ممكن تكون تافهة ومالها قيمة..
بس عندها هي تعتبر إحترام لذكرى ماراح تنساها..

رجعت القميص لداخل الكبت..
واخذت قميص أصفر..
أبتسمت وهي تتخيل ردت فعله..
رمت الأصفر واخذت قميص احمر..
ترددت كثير..وكانت بترجعه..
بس خروج غازي من دورة المياهـ..
أجبرها تخبيه بوسط منشفتها..

أنحرجت من شكله وهو لام المنشفة عليه..
قرب منها وهي أبتعدت عنه بسرعة ودخلت دورة المياهـ..
تركها تهرب منه وهو مدرك مدى خجلها..
جلس على السرير يسترجع كل كلة قالتها..
ياما قال لها حلمي على قد حمامتي..
بس هي حققت له اكببببببببر من ماتوقع منها..
لبس بجامته فرش سجادته وصلى ركعتين شكر لله..

سمع صوت ذياب وكانه يضحك..
قرب منه قبله وقرأ عليه الاذكار..
أبتسم وهو يشوفه معقد حواجبه وهو نايم..
قالت له هديل من قبل إن ذياب يشبهه حتى وهو نايم..
غازي\والله ماني مصدق يا ابووك..
الله يستر لا يكون حلم وأصحى لحالي..

هديل بهدؤ\لاماهو حلم..

ألتفت عليها مبسوط بكلمتها..
تاملتها عيونه وزادت من خجلها..
أشر لها تقرب منه بس ماتحركت من مكانها..
راح لها وضمها له بقوووة..
همس لها\انتي حية..؟؟
هديل بندم\والله حية..

قبلها بحنية وشالها بين يدينه..

بلحظات كانت تتجمد بخوف..
يدرك تصرفاتها ومقاومتها ..
بسبب إجبارهـ لها المرة الأولى والثانية..

بس همسه لها وكلماته كانت تطمنها..
فتهداء من إرتجافها ومحاولة الهرب منه..
وتترك مقاومته وضربه..
وتتجاوب معه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


رفعت راسها وجت عينها بعينه..
أرتبكت وحاولت ماتبين..
شجعت نفسها وقررت تتكلم..

خلود بهدؤ\متى بنرجع السعودية..؟؟
مسفر\كم مرة غيرتي لون شعرك..؟؟
خلود\؟؟؟؟؟؟؟؟؟؟؟؟؟؟؟؟؟؟؟؟؟
مسفر\مامليتي من كثر ماتعيدين السؤال..؟؟
خلود\اول مرة اسالك..
مسفر\اول مرة بلسانك صح..
بس دائماً تسالين بتصرفاتك ونظراتك..
خلود\لا تضيع السؤال وجاوبني..
مسفر\حن باقي في شهر العسل..
ولما ينتهي شهر العسل نرجع..
خلود\ومتى بينتهي شهر العسل..؟؟
مسفر\هذا الشيء جوابه عندك أنتي مو عندي..
خلود بحيرة\مافهمت..

زم شفايفه ووقف..
جلس جنبها على نفس الكنبة..
وكان لاصق فيها..
ولم يدهـ على كتفها..
ماترك لها فرصة تستوعب تصرفاته..
أنحنى عليها وقبلها بحنييية..

ابتعد عنها لما شاف دموعها..
مسح دموعها بأصابعه..
وهمس لها\أتفقنا نتعرف على بعض..
ونبداء بطريق ونشوف نهايته..
هل راح نوصل لفراق او راحة..
أنا انفذ تعهداتي من الإتفاق..
بس أنتي أبداً مانفذتي شيء..
أنتي زوجتي ياخلود..
زوجــــــــــتي..

خلود بغصة\مو هذا اتفاقنا..
غشاش ..
مسفر\بلى ياقلبي هذا هو إتفاقنا..

وقفت بسرعة لما قرب منها و شدها له..
دخلت غرفتها وسكرت الباب..
نامت بملابسها اللي عليها ..
رافضة تفكر بكلامه او قبلاته..

حست فيه لما دخل الغرفة..
وظلت تحت الفراش تنتظرهـ..
ياخذ اللي يبي ويطلع من الغرفة..
تنفست براحة لما سمعت صوت الباب يتقفل..

شالت الغطاء من عليها وانصدمت بوجودهـ معها بنفس الغرفة..
وكان لابس بنطلون البجامة من دون قميص..
رجعت الغطاء عليها وظلت ترتجف بخووف..
كتمت شهقتها لما حست فيه ينام على السرير..

كانت مغمضة عيونها بقوووة..
وتنتظر منه يلمسها او يقرب منها..
بس مرت عشر دقايق وهو بمكانه ماقرب لها..
فتحت عيونها وانتبهت عليه نايم جنبها وصاد عنها..

تنفست براحة وهي تدرك إنه بدأ ينفذ إتفاقهم بكل ضمير..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛


انا اذكر يوم جيتيني وبصدرك نزيف طعون
سحبت السيف ابفزع لك وبسيفي طعنتيني ..


قفل ملف القضية الموئودة..
قضية تكفل فيها من بعد رجوع توئمه..
من بعد مارجعت مستوجعة مقهورة..
قضية طلاق هديل من غازي..
كل شيء سواهـ عشان ترجع له..
ترجع توئمه اللي فقدها من سنين..
كان يبي يحررها من غازي..
يظن إنه راح يرد لها شيء من دينها عليه..
بس هذا هو يخسرها مرة ثانية وعاشرة..
ينتصر غازي وينهزم هادي..
منعته ماينتقم لها من الجلمود..
ربطت يدينه برجوعها لزوجها..
بثقتها إن حياتها معه بتكون أحسن من حياتها مع اهلها..


التفت على صوت امه تناديه..
أبتسم لها ورحب فيها بغرفته..
جلست على سريرهـ وهي تساله عن شغله..
ام علي\كيف شغلك وقضاياك..لايكون تحبس مظلومين ياولد؟؟
هادي\لا ان شاء الله مانحبس مظلومين..
بس فيه قضية كبيرة ومهمة خسرتها ..
ام علي\معليه يومه ربك ماكتب الا تخسرها..
هادي يبتسم\سبحانه لكل شيء حكمه..
ام علي\ماتبي تقولي وش اللي مكدر خاطرك..؟؟
هادي\ولاشيء فديتك..
بس كنت افكر إني تسرعت لما رجعت وخليت هديل هناك لحالها..
ام علي بهدؤ\بس هديل ماهي لحالها..
معها زوجها..
هادي\يومه أنتي راضية إن هديل ترجع له..
وهي اللي كانت حالفة ماترجع..؟؟
ام علي\انا راضية لانها هي راضية..
هادي يبتسم\هي راضية..
ام علي\خلها ياولدي تعيش برضاها..
والله لو اني أملك لوجعها علاج ماخليته يتهنى فيها..

أدمعت عينها وهي تتذكر كلام غازي لها..
لما كانت هديل بغيبوبة بعد العملية..
ام علي\اسمع يا ابو ذياب..
أنت رجالن واعي وفاهم..
خذيت بنتي لاحول لها ولا قوة..
مدحتك عندنا ولا قالت عن سوايك فيها..
بس ربي مايحب الظلم..
لاظلمك لها ولا ظلمها لحالها..
عرفت إنك ضاربها بسوط يـ اللي ماتخاف ربك ولاتخشاهـ..
تضرب لك بزر وتعلم على ظهرها وجنوبها..
لابركة في يمينك يا اسود الوجه..
بنتي اليوم أنهت علاقتها فيك..
عالجت ولدها والله الشافي المعافي..
فإن كنت بتترك الولد لها فـ الله معك..
وإن كنت بتقهرها في ولدها فعسى ربي مايسامحك..
وابيك تعرف إن اخذته او تركته..
بنتي مابقى لك عليها يمين..بأخذها معي..ولا بتعرفها طول عمرك..

غازي بهدؤ\صلي على النبي يا ام علي..
وإن كنتي تبين تحقدين بقلب وضمير فترى ضرب السوط..
من اقل افعالي فيها..ولاني مفتخر بسواياي معها..
مير إنه يشهد الله إن هديل خذت من قلبي ومن روحي
جزات كل ماسويت فيها..
عيشتني حياة يتيم وحاجة شايب مكسح..
صرت من بعدها غريب وطن واهل وربع..
هي سنتين يا ام علي ضاقت فيني وسيعت الدنيا..
دبل ماضاقت باربعين سنة..
ويوم إنها رجعت لي ما اخليها تبعد ولا تعيش الا معي..
راضية او مجبورة..أنا علتها وانا دواها..
ولا انا ولا أنتي بغشيمين عن حالها يوم رجعت لكم هاربة مني..
بترجع لي زوجة وام لعيالي..

ترددت في بالها كلمته..
أنا علتها وانا دواها..
من ثقته وجرئته في مواجهتها بأفعاله..
أدركت إن بنتها عاشت اللي مستحيل فكرها يتصورهـ..
ولما فكرت في سكوت بنتها عن غازي وافعاله..
فهمت إن اللي بينهم يذبحهم فكيف بأهلها..
تركت لها الحرية بقرارها..
إن كانت تكرهه ورافضته بترجع معهم السعودية..
وإن كان العكس فمالهم حق يعاتبونها والعتب كان عليهم بس ماعاتبتهم..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛


لاتجرحيني جرحك العام ماطاب
داوي بحنانك مامضى واجرحيني

ياللي حنانك نظره بين الاهداب
ردي علي بعض العزا ناظريني

خافي على قلب يحبك الى ذاب
ذاب الهوى في خفقته والحنيني

لولاك مازار القمر ليل الاحباب
ولا لوحت شمس المحبه جبيني

في غيبتك كل الملا عندي اغراب
مااحد ابي قربه ولا احد يبيني

لا ياغلا كل القرابه والاصحاب
ضاع العدل في الناس لو تظلميني

البدر بن عبدالمحسن..

المرة الاولى صحت من نومها بسبب همسات غازي لها..
ومن دون شعور منها لمت يدينها حوالينه ونامت مرة ثانية..
بس هو ماقدر ينام..
يحس بفرحة عظيمة تسكن قلبه..
وشعور طاغي يستوطن روحه..
مايبي يبعد عنها ولا ينحرم منها..

صحت من النوم وهي تحس بشيء غريب على خدها..
عرفت وش يكون قبل تفتح عيونها..
رفعت يدينها تغطي وجها بس هو كان اسرع منها..
فتح فمه وصار يعض على خدها..
رفعت وجهه عنها ولماكانت بتبعد شد شعرها بيدينه..
توجعت وحاولت تفك يدينه من شعرها..
بس مارضى يتركها..
سمعت صوت غازي يهاوشه..
غازي\ماقلت عورها يادوب..
فك يدينه من شعر هديل وابعده عنها..
ثبته بحضنه وهو يتحرك بطفش يبي يرجع لها..
نزله على الارض وقرب من هديل..

مع إنه لاحظ إحراجها منه..
بس ماقدر يتركها..
بعد يدها اللي حطتها على صدره تمنعه مايقرب منها..
قبلها على العرق النابض في يدها..
سحبت يدها منه بخجل..
ومدتها لذياب اللي يناديها يبي يطلع على السرير..
مسك يدينها ولاسمح لها تشيل ذياب..
قرب منها اكثر وهمس لها..
غازي\وش تبين فيه..صبحي علي اول..

حطت يدينها على وجها خجلانة من نظراته..
ضحك وضمها له بقووة..
وهو يسمع صراخ ذياب معصب ليش ماتشيله..
رفعه من على الأرض وجلسه بحضن هديل..
ضمته لها وانشغلت معه تحاول تنسى وجود غازي..
رفعت راسها له بسبب يدهـ اللي لامست أذنها..
كان مثبت يدهـ الثانية على ذقنه..
وعيونه تتأملها بنظراته اللي تخجلها..

أنتبهت على عيونه تنزل على ذياب..
وبعدها يبتسم بخبث..
عقدت حواجها ونزلت عيونها لذياب..
كان محرك صدرية القميص وكاشف صدرها..

شهقت منحرجة..
ضربت يدين ذياب ورمته على ابوهـ..
وبعدها وقفت وتوجهت لدورة المياهـ..
غازي اخذ ولدهـ وماقدر يمنع نفسه من الضحك على إحراجها..
من اول ماصحت ماتكلمت..
بس عيونها قالت كل اللي يبي يسمعه منها..
نظراتها تحكي له سر ماتبي تعترف فيه..
دلالها يذوووب قلبه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛


كان الجو مغيم والمطر خفيف..
تمنت لو تنزل تمشي في الشارع..
ماتبي تظل في السيارة..
تجرئت وطلبت منه ينزلون..
خلود\مسفر مو لازم سيارة..
خلنا نمشي في هذا الجو..
مسفر بهدؤ\والله حتى انا عاجبني الجو..
بس أخاف يزيد المطر ونتورط مانلقى سيارة..
خلود\لا الجو هادي والسيارات يا كثرها..

فتحت الباب ونزلت قبل يعترض..
حاسب السواق وأعتذر منه..
مشى جنبها ولاحظ كيف مبسوطة بـ المطر..
خلود\رووعة المناظر هنا..
ياحظ اللي ساكنين هنا على طول..
مسفر\حتى بـ الصيف الأجواء رائعة..
تمطر بكل المواسم..
خلود بحنين\أتمنى لو كانوا أخواتي معي..
كانوا بينبسطون هنا مرة..
من بعد وفاة ابوي ماقدرنا نسافر ولا حتى طلعنا البر..
مسفر بهدؤ\إن شاء الله لما نرجع السعودية..
بنطلع معهم وناخذ عمرة..
خلود\مع هلي..؟؟
مسفر يبتسم\إيه مع خواتك وأمك..
أنا محرم لهم..
خلود بغصة\بتوديهم العمرة..؟؟
مسفر\إن شاء الله وبنروح المدينة المنورة..

حست بـ الغصة تحرقها..
ماتبي تبكي..هو ماقال شيء يبكي..
عادي يبي ياخذهم العمرة ويكسب ثواب..
ماسمح لها تحلل الموقف على كيفها..
دخل يده بيدها واجبرها تمشي معه بسرعة..
لأن المطر اشتد عليهم والفندق مو قريب منهم..

حاول يوقف سيارة اجرة..
بس ماوقفت له اي سيارة..
ألتفت عليها وهي تضحك مبسوطة بـ الوضع اللي هم فيه..
خلود\وناسة غرقنا المطر..
مسفر يبتسم\مو صاحية أنتي..
كمل طريقه وهو لام يدهـ على كتفها وملصقها فيه..
نزلت على درجتين بس تزحلقت من الماء..
طاحت وسحبته معها لما حاول يثبتها..
ضحكت بصوت عالي وهي نايمة تحت المطر..
حتى لثمتها أرتخت وانفكت من عليها..
ضحك لصوت ضحكتها اللي اول مرة يسمعها..
وقف وسحبها توقف معه وهي لازالت تضحك..
خلود\الحمدلله لو كنا في السعودية كان انفضحنا..
مسفر\هههههههه انتي متخبية ورى نقابك..
بس حن الوجه مكشوف والكل يشوفك إذا طحتي..

دخلوا الفندق وملابسهم غرقانة..
خلود بهمس\بيهاوشون ويقولون شوهتوا صورة الفندق..
مسفر يضحك\هههههه يعقبون..

طلعوا لجناحهم وهو مبسوط لأنها تسولف وتعلق على شكلها وشكله..
وتضحك لما تتذكر كيف زحلقت في المطر وطاحت وسحبته معها..
فسخت عبايتها ورمتها في سلة الغسيل..
ومعها حجابها..
وهو بدأ ينزل ملابسه ويسوي مثلها..
أنحرجت منه ودخلت تبدل في دورة المياهـ..
خذت لها حمام دافي وطلعت لابسة بجامة..

شافته نايم من دون قميص ولاغطاء..
رفعت الغطاء عليه وقبل تبتعد عنه..
مسك يدها وطيحها عليه..
صرخت بخوف لأنها كانت تظنه نايم..
تكلم وشعرها على وجهه..
مسفر\آآآهـ ياعذابي..
مشتاق لك..

ضمها له بقوة وقبلها على رقبتها..
منعها تبتعد عنه وهو يذكرها إنها زوجته..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛


قفلت الجوال بعد ماطمنت امها على حالها..
والتفتت على طالب اللي معصب..
شوق\لا اله الا الله..
وش عندك معصب..؟؟
طالب\أمك وش تحس فيه لما راحت لحرمة عمك وتركتك..
هذا وانتي مكسورة وعندك ولد يغث القلب..
شوق\لايكون ناسي إن حرمة عمي هي أختك..
وبعدين خلك تحس ولو شوي بمغثة ولدك..
طالب\بعدين مين قالك طيحي من على الدرج وإنكسري..
لو والدة مثل الحريم في المستشفى..
كان الحين ماخذه هذا النتفة ومريحتني..
شوق تضحك\ههههههههههه اقوول قوم عطني الولد..
وعطني حليبه من المطبخ..
طالب بقهر\أوووف كل يوم شغل كل يوم بزر..
شوق تشهق\يـ الظالم خاف ربك..
أول بزر لك..ولو ماني مكسورة ماكنت بانتظر حضرتك..
طالب\ما ابي وش اسمه هذا..
ما ابي انيمه ولا ولا انيمه ولامدري وشهو..
شوق\ههههههههه لافديتك بتنيمه وبتبدل ملابسه..
وبتهتم فيه مو انت ابوووهـ ولا الولادة صعبة ع الفاضي..
طالب\وش رايك اتزوج واجيب لك ضرة تساعدك..
ولما تقومين بـ السلامة اطلقها..
شوق بنص عين\وش رايك تقوم وتنيم ولدك..
وبعدها تحضر عشاي انا واياك لأني جوعانة..
طالب بغيض\هزولت لو تدري أمي إني اخدمك يابنت امك وش تقول..؟؟
شوق\الله يرحمها بتقول كفو ياولدي قاوم بحرمتك..
طالب\خليك تحملين مرة ثانية افقع وجهك..

راح المطبخ وشوق تضحك على تذمرهـ وهواشه..
من بعد ماسافرت امها الرياض وهو مشمر اكمامه ويساعدها..
قدم طلب على خادمة منزلية بس طلبه لازال في الإنتظار..
فكان مضطر يقدم إجازة مرضية لحتى ترجع أم شوق او تجي الخادمة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛



دخلت الصالة وشافته جالس على الكنبة وذياب بحضنه..
يحاول يعلمه ينطق اسمه..
غازي\ذياب..
ذياب\مم...مه
هديل\فديتك انا..
غازي\ياهلا والله..
وين متخبية يا حمامة..
تعالي هنا جنبي..
جلست قريب منهم واخذت ذياب من حضنه..
نزلت راسها له واشرت على غازي..
هديل بحني\ذياب من هذا..؟؟
ذياب\ممـــوودي..
هديل\ههههههههه صح شطووور..
غازي عقد حواجبه\مين مودي هذا..؟؟
قوول غازي ولا باب مو مودي..
وش معلمه الولد انتي..؟؟
هديل تكتم ضحكتها\مالي دخل هو يسمع ويردد..
غازي\طيب وش يردد..؟؟
هديل\مدري إساله..
غازي\ذياب من انا..؟؟
ذياب\مممــــ...ـودي
هديل\هههههههههههههههههه
غازي\بـ الله عليك وش يقول..؟؟
هديل\استغفر الله إعرف من نفسك..
اخاف اقولك تقوم وتتوطانا..

وقفت وراحت المطبخ تحضر أكل ذياب..
ولما رجعت نادته بدلع..
هديل\حبيبي..
غازي بوله\يــآآآآآآآآآآآآ جنونه..
هديل\مين اللي ناداك..؟؟
غازي\توك تقولين حبيبي..
هديل\قلت حبيبي يعني ذياب..
ماقلت جلمودي..

شالت ذياب..
ولاحظت غازي اللي يضحك..
لأنه فهم معنى اسم مودي اللي يناديه فيه ذياب..
يقصد جلمودي..

رد على جواله لما شاف اسم امه..
تطمن عن حالهم وسولف معها عن رشا وشوق..
طمنها عن هديل وذياب..
أنتبه على هديل لما جلست وهي تاكل ذياب..
قفل الخط وعيونه تراقبها..
مايبي يجبرها على هله أو مقابلتهم..
بس بعد مايهون عليه تكون علاقتهم فيها قاسية..

هديل بهدؤ\كيف حالهم..؟؟
أبتسم برضى\الحمدلله طيبين..
يسلمون عليك..
هديل\الله يسلمهم..
احم غازي..
غازي بمحبة\لبيه..
هديل\علاقتك في إخواني وهلي كلهم..
ما ابيها تظل هواش وخصام..
غازي\كنت افكر بنفس الشيء..
وفي علاقتك بأمي وخواتي..
هديل بجمود\لاتفكر تقارن ولا شوي..
فرق السماء عن الارض..
أمك على عيني وراسي..
ماهو عشانها امك..لأني من سنين أحترمها..
بس خواتك ماراح اجبر نفسي اتقبلهم..
غازي\ما ابيك تجبرين نفسك على شيء..
ولاهو ضروري تكونون مثل الخوات او القريبات..
تهمني راحتك ورضاك عندي بـ الدنيا..
هديل\وهلي..؟؟
غازي\حن رجال وعلاقتنا بتتعدل بسرعة..
أنا ما احقد على هلك طول ماهم بعيدين عنا..
المهم مايحاولون ياخذونك..
هديل بغرور\ولو انا رجعت لهم..
غازي\لا ياحبي فاتت فرصتك..
وبعدين كيف تتركيني وانا احبك..

نزلت راسها خجلانة من كلمته..
وهو كان متوقع ردت فعلها..
وقف وجلس قريب منها..
نزل ذياب على الارض واخذ أكله من يدينها..
قربها منه وهو يبتسم لإحراجها..
غازي\وانا اقول الولد احمر على مين..
هديل بإرتباك\جوعان..؟؟
غازي\موووت..
هديل\اممممم خلنا نطلع نتعشى برا..
غازي\هممممم
هديل\أانــ....ا باروح ابدل..

بعدت عنه بـ الغصب..
وراحت لغرفتها..
طلعت البالطوا تبعها وحجابها..
فكت شعرها ناوية ترجع تلمه مرة ثانية..
بس يدينه منعتها ..
دخل يدهـ في شعرها وقرب فمه من أذنها..
غازي\تدرين إن بيني أنا وشعرك قصة حب طويلة..
من اول نظرة عشقته..
وصرت اتمنى اشوفه كل يوم وكل لحظة..
ضعفت كثير بأيام فرنسا وسويسرا..
لأنه كان يغريني لما يتمرد ويلتف على وجهك..
وآآآهـ لما قصيتيه..
حسيت بقهر عليه وعليك..
لاتفكرين تقصينه مرة ثانية يا جنوني..

ألتفتت عليه وحركت شعرها بعبث..
قدمت بعضه على كتفها..
ونزلت غرتها على جبينها..
ورفعت حاجبها كأنها تساله إذا كان كذا يرضيه..
غازي بوله\عذآآآآب بكل حالاتك..

نزل البالطوا من عليها وضمها له بحنية..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛


خرجت من غرفتها..
بعد ماكلمتها سارة وقالت لها معها ضيفة تبي تعرفها عليها..
أنصدمت لما شافت جدتها مع سارة في الجناح..
صرخت بخوف لما شافت جدتها معقدة حواجبها ومقربة ناحيتها..
دخلت الغرفة وهي تنادي راكان..
غادة\راكان الحق عسوولة هنا..
راكان\ههههههههههه سوتها ام حسين..
غادة\بتفقشني بعصاها..

خرج راكان لجدته وسارة اللي رافعه حواجبها..
بتشفي لحالهم..
راكان\هلا والله ومرحبا أرحبي يا جدتنا الحلوة..
الجدة\الله لا يحييك يا السرووق..
هاتوا الخاتم جعلكم البط اللي يبطكم..
غادة\يووومه انا حامل لا تدعين علي..
الجدة\والحامل تسرق ذهب أختها يـ السرووق..؟؟
هاتي الخاتم قبل ابلغ عنكم البليس..<<تقصد البوليس
سارة\هههههههههههههه ماأنتي بهينه أجل بتبلغين البليس.؟؟
طلعوا الخاتم اشووف طلعووه..
غادة\أنتي يا مخربة البيووت يا الحقوودة وش مدخلك بيتنا.؟؟
برا لا أشوتك بكرشي الحين..
سارة\معصي ..ما نطلع الا بـ الخاتم يـ السروق..
شوهتوا سمعتكم في العائلة صرتوا الراكان السروق..
راكان\كله من النتفة عبيد الوغد..
ناشر اسمنا في الواتس حق العائلة السروق راحوا المول..
السروق طلعوا البر..السروق عندهم موعد لـ وغدة الحامل..
سارة\ههههههههههه عشان تدرون ما احد يغدر بعبيد..
والحين هاتوا الخاتم..
الجدة\سويرة دقي على البليس..
سارة بجنان\ياويلي ويلاه يا البليس..
سامحيهم يومه بيطلعون الخاتم من ورى خشمهم..
هاتوا الخاتم اشووف..
غادة\أدري إنك تبينه لك بس لو تحبين خشمي ما عطيتك..
سارة\وع يا خشمك..أبد نبي الخاتم ولا نسلمكم لـ البليس..
راكان\عنبوا ابليس خليك محضر خير..
يومه فديتك الخاتم هدية من هديل لغادة..
وإذا مو مصدقتنا كلميها وهي تقولك..
الجدة تضرب بعصاها\كذووب يارويكن تبيني أسود الوجه معها..
عطتني ذهوبها اخبيها لها..
والحين ادق عليها واقول سرقوا ذهبك يا هدييل..
تعقبون..هاتوا الخاتم يعني هاتوهـ..
عنبوا ابليسك كلمي البليس قبل يهربون..
غادة بزعل\والله إنه خاتمي وحقي..
سارة\لا اله الا الله ماصارت على خاتم كانكم مشفوحين ماعمركم عرفتوا الذهب..
غادة\أنتي تموتين ويصير لك..
بس حامض على براطمك..
سارة\وخري يومه انا اعرف كيف اخذه منها..

قربت من غادة اللي تخبت ورى راكان..
مسكها راكان من يدينها وهو يضحك على حركاتها في التخلص منه..
سارة\وخر مكفختها مكفختها الوغدة..
هاتي الخاتم يا الدقماء العصلاء..
غادة\والله ما اعطيك إياهـ..

قربت الجدة من راكان وضربته بعصاها وبعدته عن سارة..
اللي قدرت تفسخ الخاتم من يد غادة بسهولة لأنها سدحتها على الكنبة ..
وهي حامل ماتقدر تبعدها عنها..

سارة بإنتصار\وش رايك يا أم حسين مايجيبها الا حريمها..
هذا الخاتم ورجعته لك..
واي شيء أنا في الخدمة..دقي تسمئة ومدري وشهو وانا عندك..

غادة\يوومه والله حقي..
الجدة\لا اشوفك توطوطين في بيتنا مرة ثانية..
وانت يارويكن بأبلغ عنك البليس أكيد إنك تسرق قروش البنك..
راكان\ههههههههه لا تكفين لا تبلغين ههههههههههههه

سارة بنذالة\يالله يومه..لقناهم درساً سوف لن ينسوهـ نيههههااااي..
غادة\أنتي نذلة ماساعدتي جدتي من عدم..
سارة\مو مثلك مادية دائماً..

طلعوا من جناح راكان وغادة..
وسارة مسكت الجدة في الممر..
سارة بنص عين\أقول ام حسين وين الدراهم اللي أتفقنا عليها..
الجدة\تبين دراهم يا سوير..
تعالي معي..
رجعوا لجناح راكان وصرخت الجدة فيهم..
وقف راكان منحرج من جدته ويمسح شفايفه..
سارة\هههههههههههه قليلين ادب..

هجت من الغرفة قبل تصكها الجدة بعصاها..
الجدة\ياقليلين الللادب..
هات قرووش عبيد اللي وعدته فيها..

من دون ما يقول كلمة طلع البوك من جيبه..
وحط بيدها ميتين ريال..
وغادة كانت ماسكة ثوبه ومخبية وجها وراهـ..

الجدة بإنتقاد\خبي وجهك يـ الغبراء..
أعلمك السنع لما ولدتي حاسبتها لك في تفتر..

راكان\اسمه دفتر..
الجدة\أعقب ولا كلمة..ولك وجه يا اسود الوجه..

خرجت الجدة من الجناح وتلفتت تدور على سارة بس ماشافتها..
نزلت وقابلت ياسمين زوجت سلمان..
سلمت عليها وعلى بنتها الصغيرة..

الجدة\إلا اقول يا بنتي كيف سلمان معك..؟؟
لايكون مذيك تراني اعرفه عقله مثل حبة الفول..
ياسمين تبتسم على التشبيه\لا الحمدلله سلمان طيب معي..
الجدة\الحمدلله..ترى مايخفاك..
إن زعلك أو هذي أم زوجك إن زعلتك لمي قشك وتعالي عندي..
وانا أدبرهم ..
ياسمين\هههههههههه إن شاء الله..
الجدة\أخوك اللي مدري وينه مابيجي هنا..؟؟
ياسمين\لا هو مستقر في إيطاليا..
وإن شاء الله راح اسافر أزورهم بآخر السنة هذي..
الجدة\ماتبين اخاويك هناك..
ياسمين\أكيد بأنبسط معك..
سارة\وردة لا تعشمين عسولة ترى تنشب في بلعومك..
الجدة بفتنة\وانتي هنا يا سوير..
تعالي رجعيني البيت..
سارة\من حظك إن زوجي بعد تسبدي ينتظرني برا ولا ماكنت بأوصلك..
الجدة\بعد تسبدس برا..خليني اقوله عن سواد وجهك ..
سارة\لا والله تكفين يومه ترا انا قدامه العاقلة الرزينة..
لا تخربين صورتي عندهـ..
الجدة\مالت عليك وعليه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛


مدت يدها وحطتها بيدهـ اللي مادها لها..
جلسها جنبه ولم دهـ على كتفها..
قبلها على خدها وابتعد عنها لما بدت تكلم امها..

خلود\هلا يومه....الحمدلله بخير.....إيه وهو طيب......
يسرك حالنا.......والله بخير فديتك........امممم لا موكثير........
يومه خلاص بعدين اقولك..............إيه.....ههههه إن شاء الله....
لا قولي لها ما ابي اكلمها.....لأنها نذلة زوجتي ولد اخوها وكذبت علي.......
مالي شغل مو هي صديقتي خليني اربيها..........طيب.....فمان الله....

قفلت الجوال والتفتت عليه بخجل..
مسفر\أجل مهاوشة مراموهـ..؟؟
خلود\إيـــه ولو سمحت لا تدخل بينا..
مسفر يبتسم\لا ماراح اتدخل بس إذا حبيتي بافزع لك..
لأنها بصراحة رافعة ضغطي بلقافتها..
خلود\ليه هي وش مسوية..؟؟
مسفر\زوجتك لـ الشايب..
والمفروض تزوجك لـ الشاب..
خلود\لأنها تدري إني ماكنت راح اوافق اتزوجك..
مسفر يبتسم\شفتي إنتي بنفسك جاوبتني عن سؤالك لها..
هو صح أنا ماعرفتك إلا عن طريق مرام..
وهي اللي رشحتك لي وطلبت مني اتزوجك..
وانا بصراحة أعجبتني الفكرة وتزوجتك..
خلود\بس لي حق عليها..
المفروض ماتخدعني كذا..
مسفر بغموض\الإنسان لما يكذب على نفسه كذبة..
يعيشها مبسوط فيها ويتعلق فيها اكثر..
إذا شاف اللي حوالينه يشجعونه عليها..

رفع راسه لها وقبلها على جبينها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛



مثلي .. بعد .. يا ورد .. راحوا .. وخلّـوك ..؟؟
وإلا .. على غيرك .. من الورد .... ; طاحـوا ;

ياورد .. وإن مرّت .. ليالي .. ولا .. جـوك ..!
وإلا .. عقب .. ما جوك ... صدّوا .. و .. شاحوا


جالس داخل أسوار البيت القديم..
البيت اللي ولدوا وفيه وتربوا مع بعض..
يناظر مكان الورد اللي مات من سنين..
هي اللي زرعته وبعد موتها أهملوهـ..
مفتقدها كثييير..
يدورها بين جدران البيت ولا يلقى إلا ذكريتها..
مرت في بالها أخر ذكرى لهم في هذا البيت..
لما كانت منهارة ومتخبية منهم كلهم هنا..
كل شيء كان يهمها نثرته تحت ارجول ذياب..

لها حق تختار طريقها وتعيش..
بس موجوع على حالها لاتكون مقهورة ومخبية..
يدري إن غازي يحبها..
بس مايدري عن حالها هي..

أزعجه جواله ولما طلعه..
أبتسم بحسرة عليها..
رد عليها بصوت مشتاق..
هديل بمحبة\توئمي الغالي..
هادي\ياروح توئمك وقلبه..
هديل\فجأة حسيت إنك تبيني..
هادي\فجأة عاد..؟؟إحزري أنا وين..؟؟
هديل\اممم مادمت حزرتني معناتها في مكان يخصني..
ومالي مكان الا في البيت القديم..
هادي\ما الوم ابو ذياب عاجبه ذكائك..
هديل بخجل\امم وش تسوي في البيت القديم..؟؟
هادي بعتب\تبين الصدق..؟؟
هديل\إيه..
هادي يتنهد\أدور عليك فيه..
أحس إني فاقدك كثير..
هديل\فدييييت روحك يا اخوي..
سامحني أدري إني قسيت عليك بـ الكلام..
بس ماحبيت احكي لاحد غيرك..
تحملني يا الغالي..والله بعدكم عني قساني..
أنت أخوي وتوئمي..ومهما بعدت عنك او قسيت..
بتظل الوحيد اللي ما احد يوصل مكانك..
هادي\حلفتك بــ الله قولي الصدق..
مبسوطة معه..ولا مجبورة عليه..
هديل\من دون ماتحلفني كنت باقولك الصدق..
في البداية كنت مجبورة عليه..
بس الحين أنا راضية ياهادي ومقتنعة..
هادي\هذا اللي يهمني تكونين راضية..
متى بتنزلون السعودية..؟؟
هديل\والله ما ادري ما اعتقد بننزل قريب..
تونا رجعنا المزرعة..
هادي\ياحبكم لهذي المزرعة..
هديل\ههههههههه عاد وش نسوي نحبها..
هادي يبتسم\الله يحفظكم..
بأشتاقلك يا الغالية..
هديل\امممم هادي سمعت ان امي تقول تبي تخطب لك..
هادي\هههههههههه هي تخطط بس فركشت الموضوع..
هديل\افا ليييه..؟؟
هادي\بدري على الزواج..خليني اكون مستقبلي اول..
هديل\اله يوفقك اجل..
هادي\الجميع ان شاء الله..
فمان الله ..

قفل الجوال وهو يحس براحة نفسية بعد ماكلمها..
صوتها متغير كثير..
يحس فيها تبتسم ومبسوطة..
وهذا كان اهم شيء عندهـ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛

إللـــــــــي بدأ المـــأساة..ينهيــــــــــها ’’’



قفلت الجوال ودخلته بجيب بنطلونها..
ضربت على عسولة بخفة..
وركضت فيها لـ المكان اللي جالس فيه غازي وذياب..
شافته مشغووول بشيء في يدهـ..
نادته\جلمووودي..
غازي يبتسم\ياجنونه..
هديل بفضول\وش اللي معك..؟؟
غازي\اممممم ورقة شغل..
هديل بزعل\تكذب علي يا جلمود..؟؟
غازي يضحك\هههههههههههه إيه..
هديل\المهم ماتكون تلعب بأسهمي..
ترى ابيعها لـ المافيا واورطك..
غازي\الأسهم وراعيها فداك..
هديل\طيب قوووم نتمشى الجو حلوو حتى فيه مطر..
غازي\يالله شوي والحقك..

ظلت واقفة على الفرس تنتظرهـ..
ولما شافته مشغول على الورقة..
نزلت واخذت لعبة ذياب مرشة ماء..
صوبتها عليه ورشت الماء على وجهه..

حط الورقة على الطاولة ووقف بسرعة..
ضحكت على شكله ولا قدرت تهرب منه لما شافته يقرب منها..
مسكها ولم يدينه حوالين خصرها يمنعها تبتعد عنه..
قربها منه وهو يبتسم على ضحكتها..
هديل\والله العظيم توبة ما اعيدها؟؟
غازي\هههههههههه ما يجنني إلا إنك خوافة..
بس تتمردين وتسوين اللي في بالك وتشردين..
ألحين الكنز اللي كنت اقراهـ لو لمسه الماء..
تدرين وش كنت باسوي فيك..؟؟
هديل تبتسم\لا ماتدرين..
غازي\كنت بأخليك تكتبينها مرة ثانية..
وترددينها علي طووول عمري..
هديل بحيرة\وش هي هذي..

غازي بحب\أحبـــــــــــــــــك..
نزلت راسها وهي تبتسم برضى عن كلمته..
بس ماقالتها له..
وهو راضي بسكوتها..
لأن رسالتها حكت له اكثر من كلمة أحبـــــــــــــك..


رفعها على الفرس وجلس وراها..
ونادى ماريا تشيل ذياب..
كان حاضنها له ويردد لها ..
كلمة احبـــــك يا اطهر ذنوبي..

ألتفتت عليه ولأول مرة تتجرء وتقبله على شفايفه..



الرسالة ظلت على الطاولة..
مفتوحة تنبض بكل شعور حست فيه هديل بيوم لجلمودها..



متى ستعرف كم أهواك يا رجلا..؟؟
أبيع من أجله الدنيـــا وما فيها

لو تطلب البحر في عينيك أسكبه
أو تطلب الشمس في كفيك أرميها..

أنـا أحبك فوق الغيم أكتبهــا
وللعصافيـر والأشجـار أحكيهـا..

أنـا أحبك فوق الماء أنقشهــا
وللعناقيـد والأقـداح أسقيهـــا..

أنـا أحبك حاول أن تسـاعدني
فإن من بـدأ المأساة ينهيهـــا...

وإن من فتح الأبواب يغلقهــا
وإن من أشعل النيـران يطفيهــا..

يا من يدخن في صمت ويتركني
في البحر أرفع مرسـاتي وألقيهـا..

ألا تراني ببحر الحب غارقـة
والموج يمضغ آمـالي ويرميهــا..

كفاك تلعب دور العاشقين معي
وتنتقي كلمــات لست تعنيهــا...

كم اخترعت مكاتيبـا سترسلها
وأسعدتني ورود سوف تهديهــا..

وكم ذهبت لوعد لا وجود لـه
وكم حلمت بأثـواب سأشريهــا...

وكم تمنيت لو للرقص تطلبني
وحيـرتني ذراعي أين ألقيهـــا...

ارجع إلي فإن الأرض واقفـة
كأنمــا فرت من ثوانيهــــا...

إرجـع فبعدك لا عقد أعلقــه
ولا لمست عطوري في أوانيهــا...

لمن جمالي لمن شال الحرير لمن
ضفـائري منذ أعـوام أربيهــا..

إرجع كما أنت صحوا كنت أم مطرا
فمــا حياتي أنا إن لم تكن فيهـا...


تمــــــــــــــــــــــت بحمد الله ورعايته...


الســـــادة الـــــــــكرام:
ركـــــــاب سفينتنا "أما غرام يشرح الصدر طاريه ولا صدوود وعمرنا ماعشقنا"
قمت بإلقاء مرساتنا بـــ شــــاطىء يسمى النهاية ..
شـــــــــــــــــكراً بحجم السمـــــــــــــــاء ..
لكل القلووووب اللتي رافقتني برحلتنا هذهـ..
فوثقت بـــــي وسلمتني دفة القيادة..
الروايـــــة إهــــــــــداء لجميـــــــــــــع احبتــــي ..
ولــ جميع أفراد عائلتــــي الغالية..
ولكل عيــــن أبحرت معنا ولربما تبحر في يوم من الأيام..
بين صفحات روايتنا..

أشعر يحـــزن يستوطنني ..
لأني راحلة عنكم على قارب صغير لا يتسع إلا لي..
هــ أنا اغادر ميـــــنائكم أحمل معي ذكريات وكلمات لن انساها ابداً..



قبل الغياب..
أريد أن اشـــــــــــكر..
نوف بنت نايـــف...لوجودها بقربي دومــــاً..
ومهما قلت فلن اوفيك حقك غاليتي..

وردة الزيزفون... زعيمة رابطة هديل..
الإنسانة الرائعة الصـــامدة المدافعة عن الحق دائـــماً..
لقد كانت ردوودك غاليتــــي ذات وعي وإدراك كبير..

همســــــات وردة...زعيمة رابطة غازي..
أختـــــــي بل توئــــــمي..ما اجمـــل الحياة بوجودك غاليتي..
وبمشاكساتك ودفاعك المستميت عن غازي ورابطته..

الكثيـــــــرون كان لهم بصمــــات ووجود دائم معي..
لم اغفل عن رد إلا وقرأته بإذن الله...
هذهـ هي النهاية فلا تحرموني آرائـــــــــــــــــكم ..

طلب ورجــــاء\\دعوة صادقة بجوف الليل ..
أو وضح النهار لي ولعائلتي..بأن تكون الجنة مثوانا ومثواكم..


بـ النسبة لـــروايتي الأولى ""
ستعلــــن عنها المشرفة الغالية..بيـــــــاض الصبح بعد إسبوعين من اليوم..
لأني أريد أن تاخذ روايتي اما غرام حقها في القرأة..


قال النبي صلى الله عليه وسلم:من جلس في مجلس فكثر فيه لغطه فقال قبل ان يقوم

(( سبحانك اللهم وبحمدك اشهد ان لا اله الا انت استغفرك واتوب اليك ))


الا غفر الله له ما كان في مجلسه ذلك...


إلـــــــــــــــى الملتـــــــــــقى ..
في رحلة أخــــــــرى بإذن الله تعـــــــالى ,,,


أستودعكم الله اللذي لاتضيع ودائعه في الأرض ولا في السمــــــاء ..



صدووود’’’






أحبتــــــــــــــــــــــــــــي ::
كـــل إللي راسلونـــــــــي ع الخـــــــــــاص ,,
أعتذر منكم عندي مشكلة في الرسائل الخاصة وانحذفت الرسائل اللي وصلت من بعد الساعة 2 فجر السبت..
ضايقنـــــــي هــ الشيء وأنا اتمنى تعيدون إرسال الرسائل لأنها تهمني ,,

وكونــــــــوا بخيــــــــــــــــر ’’’

ازيك صدود يارب تكون بخير انا عرفه انها اول مره اكتب رد علي الروايه
بس فعلا الروايه جميله جدااااااااااااا قرات بدايتها اول مانزلت بس نسيت اقراء الاسم ومعرفتش اوصلها تاني فضلت شهور احاول القيها وبالصدفه لقيتها ورجعتاتابعها
الروايه من البدايه الي النهايه قويه وممتعه ربنا يوفقك
ومنتظره جديدك
شكر ياقمر علي مشركتنا معاكي في كلماتك الرائعه ووقت