كاتب الموضوع :
صدووود
المنتدى :
الارشيف
صباح الخير .......كيفك صدودة كيفك يالغلا ان شاء الله بألف خير ..........يسلمو ياقلبي على البارت مع انو كل الي يصير لصالح المجرم وبس وهديل دخلت بخدعة ثانية وهالمرة بعد ضحت بنفسها لحساب غيرها .........والي يقولون عنه عاشقها رجع للخداع والكذب ترى الحياة الزوجية ماتنبني الا على الصراحة والوضوح بس الاخ تعود على الطرق الملتوية والمعوجة ودايم مبرراته تافهة بالنسبة لمقدار الاجرام الي يرتكبه ........... اذا ماكان في صراحة ووضوح بين الزوجين حياتهم ابدا ماراح تكون مريحة لانو انعدام الثقة معناته انعدام الراحة وانعدام الامان
بدل مايصلح لو جزء بسيط من الاجرام الي ارتكبه في الماضي مع انو مستحيل يتصلح ........بس المفروض على الاقل يكون في تضحيات وتنازلات من قبله بس طبعا امثاله مستحيل يعترفون بغلطاتهم الي ماتغتفر علشان يسعون للحلول بطرق سليمة مو خطط ومؤامرات .......ز
الحين لو هديل صارت ضحية كذبته بالنسبة لمرض ذياب وطاعته بخطته وربي كتب انها تحمل مع انو مو اكيد حتى لو الاثنين مايعانون بس هو حط مدة لعلاج ذياب وتناسى انو هالحمل ممكن انو مايصير لانو لاهو بيده ولا بيد هديل يعني خطته بتنكشف مع مرور الوقت ...........مافكر ايش بيكون ردة فعل هديل وهي تعرف انو في حلول اخرى واخفاها عنها ولا حتى خيرها فيها ...........مو هالشي استحقار لعقلية هديل لاتقولون لانو يبي قربها هو من زمان مستذبح على جسد هديل مو على قلبها ...........والرسالة الي المفروض تكون امانة برقبة صوفي ماراح اقول فاطمة لانها ماتستحق لانو المؤمن اذا اؤتمن على امانة مايفرط فيها لغير صاحب الامانة الا اذا ربي اختاره ومافي الا الورثة على اي اساس الاخت تسلم الاشرطة والرسايل او اي شي يخص هديل لغويزي حتى لو كان زوجها مااعطتها هديل الموافقة وهي اكثر وحدة عرفت معناة هديل اكثر من اهلها ومن ياسمين ليه ماكلمته واستشارتها الي صار خيانة مايصير تفرط بأشياء خاصة بصراحة طاحت من عيني صوفي الصديق يكون وفي لصديقه مو يطعنه بظهره شمعنى زوجها خادم وعبد لغويزي حتى بالظلم وهي بكل سهولة تكشف اسرار هديل حتى لو كذب عليها غويزي وهي تعرفة اكبر المنافقين والكذابين شي مو جديد تكلم هديل وتسألها لانو هو من الاساس مايدري عن وجود هالاشياء
هديل انخدعت وانطعنت من كل الي حولها وللاسف حتى صوفي مافرقت عنهم ........
هديل الطيب في هالزمن الناس تحتقره والدليل كل الهجوم الي جاء ضدها رغم كل الي اعطته الشايب وهو اخذ منها اشياء ومااعطاها كثر الي اخذه
غلطة هديل يومها اعطت هالسفاح حريته وضحت بحريتها ....غلطتها يوم مافضحته عند كل الناس وتحملت كلام الناس ضدها هي وكأنها مرتكبة شي يسود الوجه بينما الي خطط ونفذ مالقى كلمة تطعنه في ظهره .....وترى هالحكاية ماراح تنقطع من عقول الناس لو مر عليها سنين من جيل لجيل بيجيبون في سيرتها هي ماراح يقولون المريض النفسي خطفها وهدد ابوها وتزوجها غصب ونفاها لغير وطنه ونفذ فيها الي صار له بسبب جنونه الي براسه
هم لما يسمعون بيوم قصة مغلوطة على امهم ايش بيكون ردهم لاتقولون مايصير هذا الواقع الناس تنسى الاشياء الزينة بس الاشياء الشينة والطعن بالشرف ماينسوه لسنين .........والله اعرف وحدة حملت بفترة ملكتها والحين عيالها رجاجيل وبناتها حريم من عمري لليوم اذا جابو طاريها قالو هذا ولدها الي حملت فيه بوقت ماكانت متملكة وهذي بنت كذا وخواتها لليوم يعايروهم بأختهم وهالحرمة لليوم منبوذة من اهلها وتعاملهم خايس معاها كم سنة مرت وهي حملت من زوجها وبالحلال ولليوم مانسو سالفتها
مثل هديل اختفت خمس سنوات ورجعت بولد وزوج ماحد سمع انو تملك عليها مو بعد تزوجها والله ماحد ينلام بس مين الي انطعنت موهي وغويزي واهله هل احد جاب طاريهم بالباطل شوكة يوم سوت حفلتها السخيفة وكرشتها قدامها هل احد جاب طاريها بالباطل وهي الي ماسوت حفلة زواج ...........بس لانو جماعتها كانو عارفين انها متملكة
علافتو ليه جرم شبيه الرجال لايمكن يغتفر واي سر بينكشف ماراح يبرر كل الي سواه لانو الي صار لايخص هديل ولا لها دخل هو ماقدر ياخذ حقه من الي ظلمه بس مراجله وحيله على الحريم لانو جبان ومافيه عرق رجولة
هديل لو تمسكت بالدفاع عن حقوقها ورمت التضحية ورى ظهرها الكل كان احترمها لانو الظاهر الناس مايحبون الا القلوب السودة والمجرمين الي مايطبقون شرع الله .........امثال غويزي واهله الي حتى الزواج لما تزوج وفكر بنفسه وحقوقه مافكر مجرد تفكير يخبرها الحقيقة
واليوم يلح ويخطط يبي يعيش حياته كزوج وينك عن هالامور من قبل ايش الي منعك من العيش عيشة البشر مثل ماربي شرع بالزواج المودة والرحمة للزوجة وينها من قاموسك ........الكل يلوم هديل ويحتقر هديل ويرفع من قدر مجرم متوحش مافيه ذرة انسانية وذرة ايمان يبري ذمته عند انسانة ظلمها ابشع ظلم وكأنو ضامن انو كل الي يبيه بيصير وانو ربي بيعطيه عمر زيادة يعيشه وبدل مايستغفر ويتوب مثل ماقلتو انو تاب مع اني ماشفت هالتوبة ولا شفت تغير بقلبه الاسود وضميره الميت مازال على نفس الحال ............ماشفناه ضحى ولا قدم اي تنازلات من رجعت هديل له كلمة اعتذار واعتراف بقذارة الي سواه ماحسيت انو ندم حتى .............كل حسرته على الايام الي ضاعت وهديل امنة بعيد عنه ولحظات عاشتها من عمرها بعيدة ومتحررة عنه .........كل الي يعرفه الامور المادية الي مالها قيمة بالنسبة لمشاعر انسانة عاشت منبوذة لجرم ماسوته ولا تدري كيف صار .........وحتى يوم انكشف انو ماله حق ولا في جريمة ايش ردة فعله هو واهله هل كانت مثل يوم عرفو بخبر موت سعود طبعا لا ولا شي هل سعو وذلو حالهم لطلب السماح والعفو من اهل هديل هل جمع جاهة مثل ماسوى ابو علي علشان يطلب الرحمة من عديم الرحمة
هل فكر يفتح صفحة جديدة من اهل زوجته ويعترف بنسبهم وطلب السماح واعترف بجرمه قدام الناس وبين لهم اسفه انو مادخل من الباب علشان يتشرف بكريمتهم تكون زوجته
هل اعتذر من ابو علي على المعاملة المهينة الي عاملها له يوم يجبره على تزويجه من هديل بدون مراعاة لشيبات هالرجال ........لا طبعا بكل وقاحة وقوة عين جاي نافخ ريشه ورافع خشمه يطالب بهديل وكأنها عنز مو انسانة ويهدد ويتحلف فيها .......وين حق كل هالناس الي ظلمهم وكملها على ام علي ماكفاه انو حرق قلبها خمس سنين بكل حقارة يستقوي ويفرض روحه على هديل بدل مايحب راس الحرمة الي بعمر امه ويبين لها ندمه ويحاول يجبر خاطرها ويطمنها ويقطع وعد مع انو وعوده كلها مامنها امل ......يخليها ترجع وقلبها شايل عليه .....الي مااهتم لغضب امه وقطعها سنين مانشره عليه
كل هالعيوب وتسمونه بطل هل الي يتصف بالوقاحة والغرور والي مايتنزل للناس الي له حاجة عندهم ويتبع الاصول يستحق الاحترام ...........عيوب كثيرة ماتغفر ولا تنبلع علشان بستحق من يصفق له واحد شايف حاله على البشر كل شي يبيه بالغصب والاجبار واذا ماقدر اخذه بالمؤامرات والاكاذيب اي حياة زوجية امنة واي توفيق من رب العباد لهالاشكال .....
والي يضيق الصدر انو دايم هديل الي تدفع الثمن دايم هي المطلوب منها تنطم وترضخ وتنذل ليه .....ليه مو هو الي يذل روحه ليه موهو الي يضحي ليه مو هو الي ينجبر وينغصب ليه موهو الي يعيش الحرمان ابي سبب ايش يفرق عن هديل في ايش احسن منها ............هل لانو ذكر له حقوق واوامره ورغباته لازم تصير ولانو هديل انثى تنداس وتعيش طول عمرها جارية ............مااقدر اقول زوجة لاني مااشوف الحياة الي تعيشها والاشياء الي الاخ يفرضها عليها حياة ازواج انا مااشوفها الا جارية تنداس وقت مايبي ويرضى عليها وقت مايبي حتى في الاشياء الخاصة موبكيفها ولا بأختيارها يشتري رضاها بأشياء مادية وكأنو هالاشياء تعطي الانسان قدر او قيمة وهو منبوذ ومحروم حتى من تحقيق رغباته مثل ماهو يبي ............هذي مو حياة زوجية هذي عبودية وماراح تنتهي الا بموت واحد منهم وهديل اذا رضت لحالها بالرضوخ عمرها ماراح تحترم حالها ..........هو لو احترمها كزوجة له ويبيها تعيش مرفوعة الراس مافرض حاله ولا حبسها هالحبسة واستغل حبها لولدها بمخطط خبيث منه كان على الاقل جمعها مع دكتور ولدها واعطاها جميع الخيارات والافضل فيهم والاضمن نتيجة وهي تقرر علشان بعدين ماتلومه ولا تحس انها رخيصة ............طريقته لاستدراجها علشان ياخذ الي يبي منها وهو عارف ومتأكد انها مو راضية ولا متقبلة قربه هذي طريقة رخيصة تقلل من قدر الزوجة والعيال عمرهم ماكانو رابط بين الزوجين ولا شي يضمن استمرار الزواج
لو ايمانه قوي امن بالنصيب وانو اذا ربي كاتبها له طول العمر مايحتاج لكل هالديباجة والخدع والاجبار لانو المكتوب للانسان ماراح يتعداه ابد .............حال هديل من ردي لاردى للاسف من اول الرواية وهي الي تعطي متى بتاخذ متى بتحس انها متساوية مع زوج الندامة ؟؟؟؟؟؟
نجي لخلود الي ذنبه ماراح يتعدى مرام وخداعها تعرف تخطط وتتلقف بس تواجه بشجاعة ابد ماتقولي كيف بتحط عينها بعين خلود الحين ........هي اكثر وحدة تعرف معنى المرض النفسي لانها بيوم كانت عايشة نفس الوضع ليه يوم هي مريضة مارضت احد يفرض عليها شي ماتبيه والحين تفرض على خلود حياة هي ماتبيها
لو خلود انشلت او فارقت الحياة بسبب الخوف الي فيها كيف بتعيش هي وامها ...........لهالدرجة البنت مضايقتهم ويبون يتخلصون منها الي صار مو حب لها ولا لمصلحتها من كل قلبي اتمنى مايعدي الي صار بدون اشياء كبيره
خلود لازم تاخذ حقها من الي استغفلوها ماتستثني احد الي فيها مرض مسيطر عليها مو دلع ولا استهبال من حق المريض النفسي يحترم ويراعى في تفكيره مو يستاهن فيه .........
على الاقل خلود ماظلمت احد ولا كانت تبي تظلم انسان عارفة انها ماراح تتقبله ولا بتعيشه عيشة ترضي الله ........ماتبي لعنه الملايكة لها في شي خارج عن ارادها .........الزواج له عهود ومواثيق عن رب العالمين ملزوم فيها الطرفين مثل ماللزوج حقوق لازم ياخذها لازم يعطي زوجته حقوقها بالكامل علشان يكونو متعادلين .....الزواج مولعبة ولا خدعة علشان كل من هب طلع بخطة وخداع وغش للطرف الثاني ......
للاسف حتى مسفر الي انجبر على خدعة خالته سمح لنفسه بمشاركتهم في الخدعة كان من باب اولى مايحدد الملكة الا وخلود عارفة مايتملك عليها لو ايش رضت امها كان بها ارضت يفتح الله ...........مو تقنعه الام الي ماادري وين ضميرها علشان تتخلص من بنتها وتوهمها بشي مو موجود باليت على الاقل خلود تبرد قلبي وتسوي الي ماسوته هديل وهو رفع قضية لانها انخدعت او تلجأ الى الخلع تعطي كل من استهان في مرضها وكرهها ونفورها من الرجال درس مولانها بنت يتيمة يغشوها ........
مسفر دكتورها والظاهر ماعرف مقدار مرضها لوين واصل لانو مااخذ وقت في علاجها ماحسب حساب الاثار الي بتترتب على هالخدعة .............اكثر الي يحرق القلب مراموه الخايسة تعرف تخطط وتخطب من دون شور احد وتبغي مسفر هو الي يخبر خلود وهي وينها من كل الي سوته ..........وربي شي يرفع الضغط ليه الناس مستهينة بمشاعر غيرها ليه علشان ناس تافهة توصل للي تبيه تخدع وتغش وتتأمر شهالحياة الي مافيها امان لامن اخو ولا ام ولا صديق ولا زوج ...........هديل وخلود ضحيتين لمجتمع همجي ومتخلف مايعرف مدى الاجرام والذنب الي اذنبوه بحق هالثنتين وان كانت خلود اخف بس بعد مايحق لاحد يحدد مصير غيره علشان يرضي نفسه مرامو ماتفرق عن شبيه الرجال ولا شوكوه ياويلهم من ربهم ........حسبي الله عليهم وعلى امثالهم الي للاسف موجودين بيننا ويتلذذون بخداع الناس ناسيين انو الحياة دار بلاء واختبار موحياة دايمة لاحد ووراهم حساب وعقاب مهما كانت ذنوبهم بسيطة في نظرهم ........
صدودة حالة بطلاتك موجعة والظاهر ماراح يكون نصيبهم الا الخضوع والضعف والاستسلام وارضاء واسعاد من اجرم بحقهم واستهان بحقوقهم وانسانيتهم ..........الله المعين
|
27-03-12, 01:19 AM
جديد مواضيع قسم الارشيف
العرض العادي
