مساء / صباح .. المحبه والرضاء على الجميع

ابدعتي صدود وهذا موغريب عليك جعلة دايم

عودة هديل للمزرعة راح يكون علاج لها لانه راح تواجهه خوفه وتقدر تتغلب علية .. وبداية مواجهتها مع الشايب العايب وضربها له برغم انها ضعيفة ضرباتها بس تشفي الخاطر

يسلم هالابداع وتسلم يدينك وربي يحقق امانيك اللي فيه خير لك واللي بها شر ربي يبعده عنك

خاطري اهذر كثير بس التعب هاد حيلي ادعولي احبتي ... تقبلي مروري

السلام عليكم ورحمه الله وبركاته

مساااااااء المحبه والغلاااا.. مساااء الرضا والسعاده .. مساااء مايليق الا باحبابي

كيفك صدووودي بشريني عنكم انتي وحبيبات خالتهم وجوجو عساها اشوى الللحين
يااااااالبى قلبك وكلك يابعدي انتي تعيشين وتهدين جعل ربي يهدي لك البخت الزين والسعاده
بارتين ولا اروع ياقلبي انتي يعني وش ننتظر منك غير كل شيء مميز ومبهرررر ياعسل

يووووه عااااد الحييين وش يفكنا من ربع غويزي ياهم بيسكون راسنا ابه هذااااا وهو من اول مسوين فيه
بطل من ابطال الابيض الاسود وانه الفارس الهماااام عاد كيف وهو مسوي روحه حبيب ورومانسي
عاد مايسبحنا ماي البحرر
بيسونه فيه معلقاااات واشعار ما صارت ولا استوت صدقين صدودي مولاايق عليه دور الحبيب والرومانسي
ياشين السرج على البقر والله لاعت كبدي منه قد مره شفتوا ثووور يغرد على الشجره تراه غااازي

جاتني اللوعه منه ومن حركااااته السامجه ياقلبي كنه مراااهق في الخمسين
الله يعينك ياهدوله بعض الرجاجيل اذا كبرو ادبروا وراهقوا على كبر وهذا الي صاااار للجلمود جعله
الجرب هو ووجه
انتي تقولين الي مثلك تقاعدووا هذاااا جدد اشتراكه من جديد لانه شكه عمره مالعب دور رومانسي بحياته فقال
خلني اجدد شبابي عاد الله يعنك ياهو بيصير لك لزقه >>مثل لزقه ابو اسد

بالله عليك من زين الذكريات الي معاك عشان تبيها تتذكر وش تتذكر منك غير الغربه والاهانه والتعذيب والتحقير
والاغتصاب وآآخرها قاهرها وماخذها معك من غير لاتودع اهلها يعني كنك يابو زيد ماغزيت نفس اختطافك لها
من قبل

بالله عليك تستقوي عليك اجل انت وش سويت فيا انت ماستقويت انت كفرت فيهااا وسويت الي ماينسوى
واللحين ماتبيها ترد لك الي مسويه لو واحد في المئه

ووين تهزمك بالله هي ماتهزمك ابداااااا الا انت ضعف عن شهواتك ورغبااااتك وتقول هي تغلبني هي لو تغلبك
كان ماخليتها جاريه عندك وعند اهلك كل من هب ودب يشتم فيها ويهنهااا لو هي غلبتك كاااان ماخلتك تضربها
على الطالعه والنازله واخرتها بالسووووط ولو هي غلبتك كان ماغتصبتها وذليتها مااااالت عليك ماعندك الا الكلام
الفاضي الي ماله معنى يالغثيث

شوف انت كل ماقللت ادبك عند هدوله مالك الا العض ويااليته ياثر فيك لان جلدك جدااار يالله تحس بالعضه
الناااعمه من هدوله

ياقلبي عليك هدوله ماعندك الا الكلااام والا انتي تقدرين على انترتيكاااا تغلبيه
انتي مره لو تضربينه من الى الصبح ماثر فييه خلك على كب المويه احسن يمكن تجيه لفحة هواااا وتسدحه
بالفراش من السخووووونه

ومدااااام انك معترف انك شايب عاايب ومامنك فوود لييييه تبي تدفن شباب هدوله معك بالحياه خلهااااا تشوف
حياتها مع شاب ثاني رجااااااال محترم يقدرها ويوفر لهاااا الي انت مو قادر عليه

احسن شيء انك شلتي اللحاف عنه خله يتجمد من البرد كود انه يمرض وتفتكين منه بس ماعليك هذا تمره ماتضره
لاحوس ولا راح ياثر فيه شيء
ياقلبي عليك ذكراتك بهالمزرعه كلها موجعه ومؤلمه ولا زوايه من زواياها لك فيها ذكرى حلووه
بالله عليك وش تتوقعين من ذيبو اذا انتي منومته بحظن ابوه اكيد انه ماخذ منه الاشارت السلبيه ومفرغها فيك
لاتلومينه مو منه كللللللله من ابوووووه الله ياخذه

ماريا مدري ليه ماتاثرت بكيها يمكن لاني مازلت شايله عليها لانها خانت هدوله ورجعتها لسانهااا
وصوفيي اييييه ياجعل غويزي واهله فدوة لك احلى شرط وربي جعله في ميزان حسناتك

لاا والاخ مصدق روحه يبي بعيش طبيعي مع هدوله وجايب لذيب سريربروحه يحسب هدوله لعبه عنده
او انها بسرعه راح تستلم له

غويز وجعه توجعك انت متى تترك عنك حركاتك الشينه وتخلي البنت بحالهاااا يعني ماتقدر تسوي اي شيء الا
اوانت ناط بوجها كنك قرد وليتك تتركها الا تخلي لها بصمه من بصماتك المقرفه

بالله وش استفدت من حركاتك الي مالها داعي غير انك ذكرتهااااا باغتصابك لها وخليتها تنام مرعوبه ودمعها
على خدها حسبي الله عليك سبع التحاسيب
وتبيها ترحمك عشان شيبتك ياشيبه النخره وانت مارحمة ضعفهااا ولا غربتها ولا مرضها وسويت الي يرضي
غرورك وانتقامك وانت اللحين تطلب الرحمه الي ماقد ذوقتها اياه

ياقلبي نمتي مفجوعه وجلستي على روعتك على ذيب بس الحمد لله الي ربي سلمه لك
ويارب يتمم شفاؤه ويخليه لك

هديل بآآسى باكي\هو اللي ما اعتبرني ميته..
هو الوحيد اللي يحبني..
ما ابيه يموت واتيتم من بعدهـ..
واللي حس نفسه يتيم وماله عزوة من بعدك وش تقولين فيه..؟؟

هالكلاااااام اثر فيني حيييييل وحسسني بعظم معاناتها الي عاشتها الله يسهلها لهاااا

الله يديم عليك الرااحه هدوله واشوى جيت عبود وسوير راح تعطيك طاقه اكبر انك تواجهين مرض ولدك
وتتغلبين عليه ويكون تجديد حلوووو لنفسيتك عاد ماجاك الا اطلق اثنين عبودي وسوير

ياحليلك ياسوير احسك صاير كنك من وكاله الاخباااار خريتي الاولي والتااالي بالله عليك وش عاجبك بالي مايتسمى
اقول خلك على مجنونك لا يجيك اجن منه احمدي ربك على النعمه الي عندك ترى النعمه زواله

يالبى قلبك هدوله بالرغم نمن الي صااار لازلتي تسالين عن سلمان وهادي رغم الالم الي سببوه لك كبيره ياقلبي

اما حناان الله يعوضها ان شاء الله وابو علي يااااااارب يستجيب منه

صوووفي رهيييييييييبه حركتك رووووووووعه تجننن اصلا هالاشكال مايصلح الا انك تطنشينهم ولا كانهم
موجودين عشان مايحسون ان لهم قيمه
\والحمد لله الي ربي جمع شملك انتي وهدوووله

لاتلومينها ياسوري يوم انها ماتصلت ولا اسالت لانها كانت في معتقل غواتنتامو توهم افرجوو عنها بس عاد
لاتزيدينها عليهاااا

اماااا عااد وت وت امم تفصليين

مت من الضحك صدووودي مالهاااا حل ابدااااا آيابطني

سارة\أقول لها أنتي جميلة ورشيقة..
ابي ادهن سيرها بكم كلمة عل وعسى تصمم لي فستان..
أرجع فيه لبعد تسبدي..
ياقلبي كيف تعرف اطراءك الرائع عنها وهي ماتفهم عربي بس رهيبه سوسو
ووجع مالت صوووفي تجنن هذا الي عرفته من اللغه العربيه عششاااان تبط كبد السوري به

والله حوار سار وصوفي قمه في الحبكه اضحك الله سنك صدودي مث ماضحكتيني

والحمد لله ان هديل قدرت تسيطر على الوضع قبل لاتقوم الحرب العالميه الثالثه ويلتزم تدخل الدول
المجاوره لحل الازمه

لييييييه رويكن تعيي على عبود انه يقعد عند عمته حراااااام عليك كان خليته يونسه عشان شين الحلايا
لايمارس طقوسه في الغلاسه عليهاااا

بالله عليك يعني زعلاان ومعصب ان راكان شافها بالغلط تكفى يالغيوووووووور وين غيرتك عنها وانت مخليها
تشتغل مع الرجاجيل بالمزرعه من قبل ووين غيرتك وانت تخليها تقابل كل من هب ودب
من ماس الى فكتور جعلك ماتفتكر حالك وتضيع بالبراااااان
اقول يازينك ساكت بس ياشنك لا سويت روحك رجال وتغاااااار اها بس

غويزي ماعلمتك امك ان اللقافه قرافه وعيب انك تفتش باغراض غيرك والمفروض انك تكون محترم حالك
في مثل يقال ياغريب كون اديب
بس انت موتك وقله الادب البنت قالت لك لاا يعني لااا

مسفر
يااااااابعد غويزي وطوايفه عدى راجح هذااا الرجاااااال الصح شوفو بالله تصرفه مع خلوود
وكيف سوى المستحيل بي عشان يساعدها ويحل عقدتهاااا لبى قلبك والله
فديت الشايب اذا كنت انت

خلوود ياحلوطك ساكته اقول اهجدي بس وخلي المهايط عنك انت فعلااا لازم تسمعين كلام دكتورنا الشايب
وتظلين تتعالجين عنده لنفسك اولا وعشان امك وخواتك الي حارمتهم من اخوك

مراااااام يازين من وفق راسين بالحلال شكلها تنطبق عليك هههههه

إبراهيم\أنا أخوك..صح صغير..بس لما اكبر باصير ولي امرك..
وأنتي دائماً متضايقة مني ولا يعجبك كلامي..وتحبين تقهريني..
انا مدري ليه تكرهيني..أمي تقول عشانك زعلانة على ابوي لما مات..
ليه أنا ابوي مامات؟؟أنا مثلك..أبوي مات مقتول..
بس ماقسيت عليكم وكرهتك..يمكن لو معي إخوان وكرهتيهم مثلي يكون عادي..
مالي غيركم بعد ربي..وكرهك لي يحسسني إني مالي بيت..
تدرين إني خططت اهرب من البيت كثير مرات..
بس ارجع لأنكم خواتي وأنا اخوكم الوحيد..
أخاف احد يزعلكم او يضايقكم..
خواتي صاروا مثلك ياخلود..يتضايقون مني..
مايسمعون كلامي ولا يحترموني

ابراهيم والله كلامه عور قلبي عليه ياعمري هو بالع المر وساكت عشان وخيته جعلك سند وعزوه
لامك وخواتك وجعل عوض ابوك فيك ياعمري عان كثير من معامله خلود له
وينك ياغازي تتعلم من هالبزر المرجله والاصوووول



شوووق بالرغم من الي انتي سويته بهديل بس ماتنى لك شر وخاصة في وقت الولاده لانك اللحين بينك
وبين الموت شعره الله يسهل لك
شفتي كيف هذا شوق بس قالت آه امها على طولت جات جنبها تطمنها وتساعدها \
وهدووووله ياقلبي عانت قترة الحمل لحالها حتى يوم ولادتها مالقت الي يطمنها او يساعدها ويهونها عليهااا

صدوووودي فديت قلبك الطاهر لاخلاا ولاعدم ياقلبي الله يسعدك ويهنيك

صباح الخيرات ........كيفك صدودة ان شاء الله بعافية وخير من رب العباد .......تسلم ايدك ياقلبي على البارتين لاخلا ولا عدم منك ومن كرمك .........احس البارتات الاخيرة كلها هادية جدا على غير العادة مافيها احداث قوية تحرق الاعصاب بس شكلها استراحة محاربة مثل مايقولون والخير جاي قدام بس ان شاء الله شي يبرد القلب ....... والله ماادري احس البارت الجاي من العيار الثقيل ان شاء الله شي يسر محبين هدولة لانو البارتات الي راحت كلها لصالح الدب القطبي غويزي
هديل

ماادري ليه منصدمة من شخصيتها واحسها مخدرة او منومة مغناطيسيا لايكون الشايب يحط لها شي بأكلها تأكدي صدودة هذي مو هديلتنا لا الاولية ولا بعد الانفجار ....... يعني من رجعت للمعقد اغلب خوفها وصدماتها ونفورها من المجرم اختفى يعني اذكر انو يوم يجي اول مرة عند ابوها وجماعتهم يوم تخاف من السلاح رجعت لها حالة اكل الاظافر بدون وعي منها ......توقعت رجوع هالحالة لها كل مالصق شبيه الرجال فيها لانو مازال عقلها يحمل الكثير من ترسبات الماضي ....يعني الخوف مابيروح بسرعة بيكون متدرج بس تصرفاتها تدل انها ماتعاني من خوفها القديم رغم انها رجعت لنفس المعتقل الي ذاقت فيه اعظم عقوباتها

وبما انها مانفرت من الاسطبل الي انجلدت فيه اعتقد حتى القصر الي انذبحت فيه ماراح يأثر فيها .....ماادري رضوخها واستسلامها لغويزي بهالطريقة امر مريب ...

حتى الكوابيس الي كانت تلازمها بعد رجوعها لاهلها اختفت رضوخها لنومه معاها في نفس الغرفة واطمأنانها من تواجده في نفس مكانها ... على الاقل كانت بتصحى كل مابين فترة تطمن على وضعها تصحى تشوف هي بخير وامان اولا يعني لوحدة في مثل حالتها ونفسيتها بيكون النوم براحة صعب ... بس حالة هديل توحي انها مرتاحة من الشخص الي كان سبب لعذابها هي واهلها يعني تناست كل هالامور من جهته وصارت بس منصبة على اهله واخوها هادي وسلمان واساس الجريمة كلها صار الخاطر راضي عنه باقي بس امور بسيطة وترفع له الراية وترتمي تحت رجلينه ....

صدود اقلبي عليها واطيها كذا الوضع مايناسب شخصية هديل نبي شي يحرق الاعصاب ويقهر ماتحلى السهرة الا بالتشويق والاثارة وهالاشياء ماتجي وهديل هادية وراضية كذا .....فيس النذالة يطالبك تخربيها وانتي ام الابداع بتطلعي علة من مخك العبقري هههههههه


اما شبيه الرجال مااقول الا ياشين السرج على البقرة ... الظاهر خاف يودع وهو ماعاش مراهقته قال خلني العب بعقل هالغبية الي عندي واعيش دور من ادوار الحب والرومانصية الكذابة يمكن اقدر اخليها ترمي حالها علي وتنولني الي ببالي ........والا واحد ينقلب بين يوم وليلة ويصير طيب وحنون ومتفاهم .......واحد صدمة موت بنته بين ايدينه ماغيرته وموت اخوه بعز شبابه ماهزته الصدمة ....... ويوم كان يعذب هديل ويسمع صراخها وترجيها ماحن قلبه ولااهتز الحين بدون سبب بيتغير ......
كله تمثيل في تمثيل والا مريض نفسي من وين بتروح عقده المعشعشة براسه .....يفكر انو حركاته مو مكشوفة وواضحة للاعمى اي هين ....مثل مااخذ الاوسكار في الاجرام والقسوة بعد بياخذها في التمثيل المليق الي يلوع الكبد مالت عليه المخرف ...

سويرة وراكان وعبيد بأي صفة جايين لهديل ناقصة هي غثى امها اولى انها تيجي وبصراحة احس جية هالاشخاص ماراح تكون مثل جية ام علي وبعدين هي شدخلها بحنان علشان تنحرم من وقفتها عند بنتها الي اولى من غيرها فيها موعذر انهم يمنعوها من السفر وخصوصا علي طاح من عيني وين وعوده لهديل انو مايتركها بوقت حاجتها مايبي يترك حرمته يرتز عندها محمد يقدر يجي مع امه او حتى راكان الي قدر يسافر مع سويرة الي مالها دخل ومهيتة عيالها وجاية تطق حنك ام علي اقرب والا عبيد شبيسوي لو صار لذياب شي قوي هل بيقدر يواسي هديل ويصبرها مثل حضن امها ...........صدود رجعيهم على اول طيارة بس جايين يستهبلو مو جايين يوقفون مع هديل وقت شدتها
خلي ام علي تسافر لبنتها كافي سنين محرومة منها المسكينة ........


شوكه والله من العمى تمشي وعيونها فوق من الغرور والتكبر ......يالله ولدها بيطلع وبيشغلها عن العالم ومااعتقد بيجيها شي مثل اخوها مايهزهم مرض ولا صدمات قطاوة بسبع ارواح .......حشى عليهم لو غيرهم ماطلع منها سالمين بس ماعليهم شرها الاحساس زيرو مافي ولاشرطة من الاحساس


خلود بدت تتغير وتنتبه لاخطائها ونظرتها السوداوية للحياة وان شاء الله بتتحسن وتعيش مثل غيرها من الي بعمرها واذا تزوجت بتكون نظرتها للحياة الزوجية ايجابية .........مسفر ماشاء الله عليه بفترة بسيطة قدر يعرف حالتها اي موكل من اخذ شهادة ولبس بالطو وقال انا دكتور صدق بكلامه في ناس عندهم شهايد بس همج زيهم زي الي عمره ماقرأ حرف واحتك بأوادم .... تراني مااعني واحد متخلف الشيب براسه


صدودة في انتظار بارتك الجديد وعسى يارب تنقلب الامواج وتتكسر السفينة من شدة العواصف الي فيه زمان عن الصدمات وعساها هالمرة في الشايب لانو ضد الكسر والصدمات اكبر عاصفة ماتقدر تهده منى عيني اشوفه مهدود ومكسور ومتحطم ومنهار اكبر استشاري مايقدر يطلعه من حالته خخخخخ......

متشوقين كالعادة نعرف مابعد الهدواء ايش ينتظر ابطالك ونعرف
مفاجأتك الجديدة والغير متوقعة

صباح الخير صدود

اتوقع اليوم فيه حدث بيقلب الروايه فوق تحت

وهو حمل هديل الغير متوقع الي راح يبان با الفحص قبل العمليه

اذا فعلن توقعي في محله بنشوف كيف هديل بتتخطي ها الحدث