احس خلاص ماراح تزين حياه هديل لا من جهه اهلها او غازي

مافيه حل الا انها تموت!!

صباح الخيرات .....ماتشوفي شر ياقلبي .......وتسلم ايدك على البارت الي صدق صدق فتح نفسي ...الله لايحرمنا منك ولا من مفاجأتك ...بارت دسم ومشبع ومرضي ماقصرتي يالغلا لاخلا ولا عدم ...


تدري صدودة هالبارت قريته اكثر من مرة وتعمقت في كل ردة فعل لهديل اكثر واكثر .......هذي هديل الي نبيها لانو شخصيتها القديمة كانت السبب في الي صار لها طيبتها وطهارتها خلت الكل يستهين فيها ....وماحد خسر غيرها لابالماضي ولا بالوقت الحاضر واذا تبي تختار مستقبلها وتبنيه لازم تحط كل الي ضروها عند حدودهم واولهم شبيه الرجال ...


راح ابتدي برشا الي ماتعلمت الدرس تستاهل اكثر من الكف الي جاها لانها تدخلت فيما لايعنيها من يوم بلغت المجرم بوجود هديل تطعن هديل من وراها وتبي الصلح صدق ام وجهين ومامنها امان وماتستاهل راجح ابد ابد وكفوها واحد مثل سعود الي يوم سوى سواياه انخرست ومانطقت .....

قبل ماتحل مشاكل غيرها وتدخل بحياتهم تشوف حياتها الي مقلوبة فوق تحت ...بدل ماتتوب بعد ماربي عاقبها بهالمرض الي لليوم ماشفت منه تروح تتأمر وتخطط وتخدع انسانة ذاقت منهم المر وضاعت حياتها بسببهم


قربت من رشا نزلت اللي بيدها وحاولت قد ماتقدر ماتبينه لهديل..
تجاهلت هديل حركتها ولا أعتبرت لسلامها..

يعني مفكرة انك مسوية انجاز مدام رشا لما اخفيتي الكاميرا عنها بس ربي عطاك على قدر عملك وجزاك جاك في نفس الليلة يمكن تفتحين عينك وتعتبري من الي صار لك

هديل\ذياب وينه..؟؟
رشا بإرتباك\اممم ممــ.... مع شوق فوق..
هديل\روحي جيبيه لو سمحتي..
رشا\طيب تعالي معي..
هديل بحذر\بانتظرك هنا..
رشا\راح أتأخر عليك..
هديل\عادي المهم ذياب يجيني..
رشا بمحاولة اخيرة\هديل أنا تعبانة..
فيني نوم قهري..وأخاف أشيل ذياب ويطيح مني..

تكذبي على البنت علشان ترضين واحد مريض يبي يرضي شهواته وبس ليتك ذقتي ربع الي ذلقته هديل يمكن سلعتها صحى ضميرك ...وهديل لانها عارفتهم عايلة غدارة ماوثقت فيها وكانت حذرة منها وتحمد ربها انو شبيه الرجال مانال الي يبي كان هديل ربتها اكثر من ماسوت ...اجل تتحجج بمرضها علشان تنفذ خطة المجرم بس ماذكرت مرضها لغويزي لما كانت تصور هديل وتمشي معاها للغرفة

رشا بقهر\براحتك..بس لو تدخلين بهذي الغرفة يكون احسن..
لان طالب موجود ويمكن يطلع من غرفته ويشوفك..

خير اخت رشا من ايش مقهورة يعني بس ربي قهرك بشي اقوى وماخلاك تتهني بالي سويتيه ومانمتي لاانتي ولا المجرمة الثانية بفرحة وراحة مثل ماكنتو مخططين وعسى هالليال تزيد عليكم ..........مانتو احسن من هديل الي انحرمت من الراحة والنوم سنين ....اكذبي واخدعي مثلك مثل شوكة لما سوتها ببداية جريمتكم

لما شافت رشا واقفة جنب أم غازي راحت لها..
وقفت قدامها وبدون اي كلمة صفعتها على وجها بقوووة..
هديل بحقد\هذي ممكن تربيك وتعدل اخلاقك..
والله ياهديل الي ماتربى من الصغر على الخوف من الله ماتربيه الناس ...ورشا تستاهل الكف وبجدارة
شهقت رشا بصدمة وحطت يدها على خدها..
سحبها غازي بسرعة ..
وابعدها عن رشا قبل تضربها مرة ثانية..
نفضت نفسها من بين يدينه وابتعدت عنه..
اشوفك خفت عليها من كف وينك يوم كانت رشا ماتسميها الا بالقاتلة وتذلها وتهينها هذا ولا شي من الي سوته فيها قبل وردت نكدت عليها الحين والا لانها نفذت اوامرك الي ماتعودت احد يرفضها انقهرت
أنا أعلنت لك ولشووق..
إن اللي بينا مابيتصلح..
قلتوا نصير خوات..انا ما اريد اصير أخت لكم..
لاني إن رضيت باكوون اسواء منكم..
لا اخلاقكم ولا حقدكم يناسبني..
أنا ماتربيت على الكرهـ ..
ماشربت الحقد ولا اكلت القهر..
أنا ربي فطرني راضية بحكمه وقضاهـ ..
صح لسانك ياهديل كل كلامك عدل وماعليه غبار خليها توقف عند حدها علشان لاتتجرأ في يوم من الايام تتعدى حدودها ربي بلاها بمرض علشان تتعض بس هي ابد ولا هامها شي
لانها قررت إن هـ الليلة انعدمت وراجح ماهو راضي عليها..
من بعد مارجعت من بيت أم غازي وهو مايتكلم معها..
وقفت عند التسريحة وناظرت بوجها..
مافيه أثر لـ الكف اللي ضربتها فيه هديل..
احسن خلي غويزي ينفعك اشوف ...يوم يخرب حياتك مع الي عزك وقدرك وصبر عليك سنين وضيع عمره وانتي ماتستاهلي ظفره ...واحسن شي انو هديل خربت ليلتك انتي والي مو شايفة خير شوكوه هههههه
بس كلامها واهانتها لها قدام الكل واهمهم راجح توجعها كثير..

لا احلفي بس ويوم كنتي تهينيها انتي وشينة الحلايا وهي وحيدة ومتغربة ...مااوجعها ولا لانو انتو عيال عز من حقكم تهينو الناس وماتهتمو للضرر النفسي قبل الجسدي هلي حاسه فيه مايجي نقطة ببحر من الي سويتيه فيها ومع ذلك ماراح يأثر فيك بس لانو الشي جديد عليك وماحد دافع عنك توجعتي بكرة تصحي مافيك ولا حاجة وكل هالتأثر يطير بالهوى مو اخوك غويزي


ا تقولين زوجته لأن أنا وانتي نعرف طبيعة العلاقة بينهم..
أخوك لا عزها ولا قدرها مثل ما أنا مقدرك..
ما احترمها مثل ما احترمتك..ماعطاها أدنى حق..
إللي هو مسمى زوجة..حرمها منه واهداء لها مسمى جارية..
مهما تعذر غازي وحاول يصلح أمورهـ معها..
بأظل واقف بصفها..واي شيء يصب في مصلحتها راح اسويه..
ولو بيدي أطلقها منه طلقتها وريحتها..
تدرين ليش لأن أخووك ما يستاهلها..
صح لسانك ياراجح وربي انتي الوحيد الرجال في هالعايلة والباقي رخوم حرام فيهم هالمسمى ..وربي بلاك بوحدة من هالعايلة ماهمهم الا ارضاء انفسهم حتى لو على حساب جراح وقهر غيرهم وين كلامها يوم عرفت بموتها وين ندمها كله تبخر وطار موالمصيبة انها عارفة وشاهدة على الظلم وعرفت الحقيقة انو هديل ضحية في جريمة وهمية ومع ذلك ترجع تقهرها
رشا تبكي\بس هو يبي يراضيها..
يبي يعوضها عن كل شيء..
طلب مني أصورها..صورتها لأني أحبه ولا اقدر أردهـ..
سؤال واحد يارشا لو انتي كنتي بمكان هديل ولليوم تذوقين فعايل المجرمين الي دمروك في القديم طعنات بالشرف واليوم نفس الشي والمواجع مستمرة هل بتقولين نفس هالكلام ...وهل ممكن ترضين بالعوض مع انو مافي عوض لانو غازي لو يرمي نفسه لاقرب شاحنة ويموت ماراح يمحي الي سواه ولا راح يسكت الناس ولا راح يرجع الثقة والامان لهديل ..هذا هو الواقع الحب ماراح يغني اي زوجة عن حياتها الي ماتت بدون ذنب للاسف دايم الناس توقف مع الجاني اذا قال انو مستعد يعوض الي سواه وتذل وتظلم المجني عليه لو كل انسان فكر بعقله كان عرف انو الي صار وضاع ماله عوض لانو مستحيل هل غازي قادر يرجع ماضي هديل مثل ماكان اذا يقدر يستحق هديل وبجدارة

وسؤال ثاني يارشا لو رب العالمين كتب لك مصيبة وكان الحل عند غازي انو انتي تنحطي بكفة وهديل بكفة ومالها حل ابد غير اختيار هالشي تتوقعين بيلتفت عليك والله بيجيب خبرك ويترك اللعبة الي يبي يملكها لو نسف كل الي حوله اهم شي انو يسعد قلبه هو ...هل بيضحي بسعادته علشانك او علشان غيرك راح اقول لك الجواب هو انو حتى لو هديل كانت بتموت قدام عينه وفرصتها بالحياة هي التحرر منه راح يفضل موتها ولا انها تسعد وترتاح بعيد عن ظلمه
رشا تبكي\بس هو يبي يراضيها..
يبي يعوضها عن كل شيء..
طلب مني أصورها..صورتها لأني أحبه ولا اقدر أردهـ..
كفو كفو ياراجح جعل ربي يريح قلبك وينولك مرادك لانك وقفت مع الحق ضد الباطل ولا فضلت الظلم حتى لو كان من اقرب قريب لك بس انت متأكد انك عمهم ودمك من دمهم ..انت دمك صافي ونقي مو مثلهم دمهم اسود وفاسد مثل تربيتهم
سارة\هديل أنتي كنتي ترقصين في إيطاليا..؟؟
غادة\انا متأكدة إنها كانت ترقص على طول..
ولا ليش إلى الحين ترقص أحسن مني ومنك..
صادقين هي كانت ترقص على جراحها واوجاعها كانت ترقص على الامها والموسيقى كانت صراخ التعذيب شفتو كيف كانت مبدعة وهي عند جلاد مايرحم لليوم وشم العبودية على جسمها ولو انتو عندكم وعي عرفتو الي عانته وهي بعيدة
هديل بجمود\أنا مطلـــقة..
الله يحققك لك امنيتك وتكون حقيقة والله مين تتمنى هاللقب وهي بهالعمر غير الي ماشافت الا المر بحياتها ..دامها عاشت سنين تحت مسمى جارية وهو ابشع المسميات هل بيفرق عندها مسمى مطلقة على الاقل اشرف من انها ترجع لواحد استهان بقدرها ومااعترف ولا تشرف فيها كزوجة كان يبي يشبع شهواته بدون لايكلف على نفسه يعترف بشي ماهو من برستيجه ..والحين نافخ صدره يطالب فيها
سارة بحدة\خييير وش طرالك تفاولين على عمرك..
ام علي بزعل\يابنتي ما أنتي ناقصة كلام حتى تطلعين على نفسك إشاعة..
هديل ببرود\وش الغلط اللي قلته..؟؟
مطلقة وأهون علي من إني أكون متزوجة..
غادة بصدمة\يعني مابترجعين له..؟؟
هديل\لا..
سارة بقهر\وقوطي الطماط وش بتسوين فيه..؟؟
هديل\ذياب لي..وبأروح أخذهـ منهم..
كفاية الدم اللي بعروقه منسوب لهم..
جربو تعيشو نص الي عاشته بعدين تعالو تفلسفو عليها ...واعرفو قوطي هالطماط كيف حملت فيه وعلى اي اساس بشوف هل بترضوها لها وبتتشرفو بهالزواج .....بالذات غادة الي بيوم انطعنت بشرفها وذاقت من كلام الناس وهي مظلومة تشوف اختها كيف تجرعت ابشع انواع الالقاب والاتهامات من هالعايلة
هديل بحدة\اتمنى ماتعرفين أحد علي باسم حرمة ولدك..
لانه وبكل صراحة ما اتشرف بحمل هذا الاسم..

هههههههه كفو والله خبريهم انو لااسمهم ولا عزهم ولا مركزهم يشرفك ولا يفرحك الحين صارت زوجة ولدك وينك يوم كانت تتمنى تسمع هالكلمة وانتي منطمة تطيعين كلام ولدك حتى لو كان يغضب الله خلي فعايلك تنفعك
كلاااام ..بنظركم كان بس كلام..
بس كان مثل السيوووف تقطعني..
حسبي الله عليهم وعلى ولدهم مالك الا ربك قادر ينتقم لك منهم كلهم بس انتي استمري في دعائك عليهم بكل فريضة واولهم شيبة المراهقين وربي بيبرد قلبك فيهم ياجعل السيف ال يقطع رقبة غويزي
كلهم انعجبوا بشكلها..
بس مايدرون كيف تشوف نفسها مشوهة..
تسألت بآسى مايشوفون إنكسارها..
مايسمعون شهقاتها وأنينها..؟؟

مالاحظوا مدينة من سراب عايشة بعيوني..
مايسمعون أنين اليتامى داخل ضلوعي..
آثار الحروووب على جسمي وأفعالي..
للاسف مااحد حاس فيك لانهم ماتخيلو انفسهم مكانك ...ماجربو عاشو رعب الي عشتيه بس لاتهتمي لاحد لانو ماحد يستاهل من اخذتي هالحقير مابيوم فرحتي من قلب مابيوم نمتي بلا هموم مافي يوم ماحسيتي بوجع بقلبك لذلك لاتلتفي لاي احد وعيشي حياتك بعيد عن كل الي ظلموك بحريقة فيهم كلهم ملنتي ملزومة ترضين اي احد على حساب نفسك خلاص ارضيتي الكل من قبل ولا استفدتي الا الهموم اكثر واكثر

وكان السوط من ثواني ضربها ماهو من سنين..
كيف يطلبون مني أنسى وأتنازل..؟؟
وكل مارفت عيني شفت ذلي وإهانتي..

اه ياهديل كلامك موجع الله يصبرك على هالناس المتخلفة الي بس تبي ترضي نفسها وكأنو الي صار سهل وبسيط نسيانه ...هذيخمس سنين ومازال اثرها باقي بالقلب والجسد سوي الي يرضيك وبس لانو انتي الي انظريتي مو هم انتي الي فقدتي كل شي مو هم والي مو عاجبه قرارك لايرضى خلي حبك لذاتك اهم شي بحياتك الجاية مثل ماغويزي وغيره يفكرون وساعتها ماحد بيتجراء يلومك

بالجهة الثانية من المرايه..
كان واقف مبهووور بجمالها وروعتها..
وصفت له رشا انثى بس ماقالت له حوور..
يشوفها تقرب من المرايه وتناظر نفسها بفخر..
تستعرض روعتها بفستانها الحالم..
وجسمها مرسوووم بفتنة لكل عين..
درينا انك مريض بعقلك بعد طلعت اعمى وماتشوف الحين هي تناظر نفسها بفخر احلف بس هذا الي تقولون عنه يعرف كل تفكيرها من نظرة عيونها هي تشوف حالها مشوهة وتتحسر على نفسها وانت تقول تتفاخر بس الي ربي عامي بصيرته مو غريبة يكون اعمى بصر
وجها مايمد لطفلته بأي صلة..
اللي قدامه انثـــــى مذهلة..
مابقى لـ الطفولة اللي أستوطنها آثر..
مايلومها على تأملها لنفسها..
اها جينا لمربط الفرس وياترى يااخ غازي متى اكتشفت انها طفلة لما خطفتها من حضن اهلها وغربتها والله يوم جلدتها بسوطك والله يوم اغتصبتها علشان ترضي وتشبع شهواتك ..هذا وانت تشوفها طفلة اجل لو كنت تشوفها انثى شسويت حسبي الله عليك يالمريض
أتسعت إبتسامته اكثر لما رفعت شعرها تبين ظهرها وكتوفها..
حط يدهـ على مفتاح الباب ..
مشتاق يحضنها يقبلها..
يكسر كل حواجز بنتها على حالها..
ومقرر يحبسها بجناحه..
بما إنها جاته بأرجولها فمستحيل يتركها تروح..
اي هذا انت ماتعرف غير الحبس والاغتصاب والقوة ... مايهمك ردة فعلها ورفضها ولا يهمك انكسارها من الي بتسويه همك ترضي نفسك وبس صدق قمة الحب والعشق اهنيك بصراحة ..اجل جاتك برجلينها اي مثل يوم تخليها تنخدع بمكالمة اختك وترضى انها تكون جاريتك بس هالمرة بمساعدة المجرمة الثانية وتبونها تنسى اي هين
بس تجمدت يدهـ..
أختنقت انفاااسه..
لما هزته بحركة ضعييفة كسيرة منها..
أكتشف مدى هشاشة مقومتها..
ولاي مدى وصلت جرووحه بقلبها..
حركة بريئة تقصد منها مداواة جروحها..
هزته بعنننف..حس إن كل كيانه وكل مخططاته..
تبعثرت تشتت بحركة وحدة منها..
عساك تفطس وتموت ولا حد بيحزن عليك ولا بيجيب خبرك بعد ...الحمد لله ربي مارضى لها بالوجع والظلم ولا رضى لك بالنصر خلاص تماديت كثير ولا تبت وهذا اول الغيث ربي حماها منك ..بقدرة قادر اختربت كل مخططاتك وطارت بالهوى والجاي اعظم وبتشوف

وانصدمت لما شافت غازي ينزل الدرج جنبها..
ماسك يدها ويزفها..
يحاوطها بإهتمامه ورعايته..
يبتسم لها وهي ترد الإبتسامة بفرح..
حست بقلبها ينقبض بقسووووة..
والدموع تتجمع بعيونها بحرقة..
ظلم جائر حست فيه يسيطر عليها..
حاولت تكتم كل فكرة حزينة تحاول توجعها..

وصلها لـكوشتها الصغيرة الانيقة..
جلسها على مقعدها بحنية بعد ماقبلها على جبينها..
كانت تراقب كل حركة يسويها..
يزفها وهي تدري إنها متزوجة..
يراعيها لانها حامل..
هذا هو يدري انها موجودة وبتتوجع بعد ومع ذلك كمل سخافته وسخافت اخته المتخلفة ...كرشتها قدامهاومسوية حفلة ...اي ليه مايزفها وهي اخته الي مايرضى لها بالحسرة ليه مايزفها ويفرحها وهي بيوم شاركته بظلم انسانة ليه مايفرحها وهذي رغبة من رغباتها خوب هم ماتعودو على شي يبونه مايسوونه .. خوب هذي شوق الجالي وانتي حيا الله هديل الجاسم الي ماتشرف حتى يعلن انك زوجته قدام الناس الا بعد خمس سنين ..اخته ماحد تكلم ولا بيتكلم عليها لو سوت حفلتها اخته تروح وتجي بين الناس اخته حتى يوم هجروها اهلها رجعو مثل الاول ليه مايزفها ويفرح فيها ...مو انتي الي الي دمرك ومسح هويتك القديمة ودمر هويتك الجديدة وحرمك حتى من امان واحضان اهلك حتى بعد الرجوع ليه يهتم وهالشي يرضيه لانو بنظره بتذلي حالك وبترجعين لاحضانه حتى لو انحرمتي من الدنيا ومافيها بسبب هالحاجز الي بينك وبين اهلك والي بين الناس

طيب أنا ليه مازفني مثلها..؟؟
ليه ما اهتم فيني وانا حامل..؟؟
ليه عذبني وقهرني سنييين..
ليه هو طيب معها ومعي قاسي..؟؟
لانك لعبة مو بشر لانك مصدر فرح لك في جميع الاحوال وقت تعذيبك ووقت ضربك ووقت اغتصابك ووقت قهرك ...المهم هو كيف يبي يكون وضعك مو انتي كيف تبيه لانو انتي بنظره مالك حقوق ولو ماصار الي صار من عماك لحملك لليوم يمكن انتي بعيد في المزرعة وهو متمتع ومتلذذ بالي يسويه ولا كان خبرك انك زوجته علشان وقت مايعذبك نفسيا يقدر وبسهولة
ورب الكووون ما أحبــــه..
من حلف بالله فصدقوه وهي اقسمت انها ماتحبه تبون اعظم من هالدليل
صعبة علي اشوف ولدي واقف معهم وانا لحالي..
ظلم يومه والله ظلم.
ماتنلام ذياب هو الي خلاها تتمسك بحياتها وهو الي دخل الفرحة لقلبها في اشد لحظاتها ووحدتها هي الي تعبت عليه ومن حقها هي بس والي يظلم انسان مو صعب عليه يكررها
وشاف فيها الحسرة اللي لو أخفتها عن الكل عنه هو ماتقدر تخفيها..
يدري إن كل اللي يصير يقهرها..
من كثر ماعيشتها هالاحساس صرت خبير فيه ..ومبسوط ان شاء الله بهالانجاز

غازي\وحدة لك ووحدة لروحي..
عسى روحك تطلع وماتبات الا بقبرك ..مفكر بكلامك وحركاتك يالمراهق بترضيها مفكر بالقصيدة بتفرحها ماجابت خبرك ولا اهتمت فيك مالت عليك مصدق روحك
ضمها مع ذياب لحضنه وطبع قبلة على راسها..
هتفوا البنات اللي كانوا موجودين بصراخ وتصفير..
احتقرته وأحتقرت كل الموجودين..
أبتعدت عنه وتمنى لو بضمته لها مسح شوي من الوجع اللي بعيونها..

اي هين مايفيدك لا الاحضان ولا القصايد مالك الا الاحتقار قال يمسح الي سواه قال كان مسحت انت قهرك على موت اخوك من قبل
غازي بهدوء\لو باقي ماراحت..ماكنت بأخليها تطلع من البيت..
ليه هو بكيفك والله لو اجبرتها كان مابت الا بقبرك ...لانو اهلها مابيرضوها لها لانها مو وحيدة مثل قبل تبي تستفرد فيها اقل شي بتطلب امها الي مابترضى تشوف بنتها تنسحب وتنجبر وتنهان منك وهي ساكتة هذاك قبل الحين لاتفرح في مين بيحميها حتى لو هديل مو راضية عليهم لانو هالشي اقل شي يسووه لها
غازي\مابه إلا فراق واحد بأسمح لها فيه..
وهو الموت..بس غيرهـ ما تعرف..
هذا الي تعذب يوم ماتت هديل يتمنى موتها ولا انو يفارقها ..لكن مثل ماربي فكها منك سنتين قادر يفكها منك باقي العمر وبدون موت وان شاء الله يكون درس يربيك هالمرة وتعرف انو هالشي مو ابيدك ولا على هواك
أبتعدت عنهم ووقفت تناظرهم يتضاربون بقوة..
تسمعه يسبه ويشتمه ليه يضربها وبأي حق..
تبسمت على حالهم بسخرية..
ههه شر البلية مايضحك وانت يااخ غويزي بأي حق كنت تضربها من قب ها ..شوفو الي تقولون انها تحبه اول شي اقسمت والحين ماتحرك فيها ذرة خوف وهي تشوفه ينضرب والي يحب مهما يكابر يخاف بينه وبين نفسه على محبوبه حتى لو كابر ومابين اما هديل تبسمت ..يالله وين الحب الي مصرين عليه
غازي\هذا الرخمة تاخذهـ وتقلعه..
هو من ناحية رخمة رخمة بس انت ماتفرق عنه ..الي سبق وفكر ياخذ ثار اخوه من بنت ايش يكون والي يمد يده على بنت ايش يكون والي يستقوي على بنت ايش يكون والي يسمع خواته يرمون زوجته بأبشع التهم وهو ساكت ايش يكون تحب اكمل يا....
مابيسمح لهم يتطاولون عليها وحتى لو كانوا عيال عمها..
وصلت فيهم يضربونها ويهينونها بالكلام..
انت الي سبقتهم وهم كملو عليها ...انت الي وصلتها لهالشي لما عزيتها ورزيتها من خمس سنين عسى بس تذكر الحفلة والعشا الي اخذتها فيه عسى مانسيت كيف اخذتها من بيت ابوها معززة مكرمة وسط جماعتك وجماعتها ..هذا شي بسيط من الي ينحكى وينقال عنها ..اذا انت رجال روح للناس وخليهم يصدقون فعلتك ويسكتون عن الطعن فيها ..اقرب الناس يشوفوها رخيصة فمابالك بالناس
غازي بهدوء\تظلين معي..؟؟
هديل\وما ابي أظل معك..
هع مصدق روحه تظل معه اي هين
انا ما ابيك تعيشين بظلال الماضي..
إما تنتقمين لنفسك وتكملين حياتك..
أو تنسين اللي صار وبعدها تكملين حياتك..
هديل بحقد\ماهو انت اللي تقرر..
غازي\إذاً قرري وإرسي على بر..
والله انك اكبر كذاب لو انتقمت هل بتتركها تعيش بعيد عنك وتشوف سعادتها طبعا لا لاتطلب منها شي انت ماتقدر تسويه ..وتبيها تنسى بهالسهولة اذا انت نسيتها تعال بعدين اطلب منها تنسى شي الى اليوم اثره مبين والدليل كلام سلمانوه لها الي جرحها بالصميم واذا قررت انها تفارق خشتك هل بتحترم قرارها لاتقول شي ماانت بقده لانك دوم تقول شي وتسوي عكسه قال انسي قال اي لانك ماخسرت شي
وهي تشوف نظرات الإعجاب تنبض بعيونه..
غازي بهمس\جمالك طاغي..
هديل\عجبتك..؟؟
غازي\موووت..
ماتكون غازي اذا مااتبعت شهواتك ...الحين هي ماصار لها دقايق منضربة ومنهانة بسبتك جاي تبي ترضي نفسك والا تبي مقابل الضرب الي انضربته
غازي بوعيد\تمردتي كثير..
ونسيتي إنك في بيتي..
هديل بسخرية\وش العقاب بيكون..؟؟
ضرب بالسووط ولا انظف إسطبلات الخيل..؟
غازي\سجن مؤبد في بيتي..
هديل بتحدي\في خيــــالك وابعد أحلامك..
غازي بهدوء\تغيرتي كثير يا الواثقة..
هديل\إحصد مازرعت..
احلى مقطع والله ...شتبغي يعني تظل تدوس عليها وتسكت لك لا ياجدو روح هديل الي تبيها ذبحتها بفعايلك مافي الا هديل الي بتوقفك انت وغيرك عند حدك وبتعرف كل واحد قدره واذا مو عاجبك طق راسك بأقرب جدار
طلع ووقف على الشارع يناظر سيارة علي تبتعد..
أبتسم من زود همه عليها ..
غازي بحنين\أنا كل مادعيت الله يجيبك زدتني ببعاد..
رح الله لايردك يمكن الدعوات مقلوبه ...
الله يزيد هالهموهم اكثر واكثر ....وتطمن الدعوات ماتستجاب بالمقلوب وغير كذا الظالم ماتستجاب دعواته فلا تتعب عمرك وتدعي وانت وقت حظور ابليس ماتذكر عقاب الي تسويه
هديل\بأسالك أنتي ليه تربيتك عاااطلة..
بنتك.. ولدك..و أخوان عيالك..
كلللللهم ناقصهم دييين ناقصهم أخلاق..
ناااقصهم رضى بقضاء رب العالمين...
أم غازي\مالك حق تضربينها..
هديل\لا يا أم سعوود..
لي حق أضربها..
ههههههههههه احلى ماعرفت تنطق لاهي ولا ولدها لانو كلام هديل كله صحيح ...ان شاء الله ركز سمعه يوم تقول ام سعود ...حتى اسمه ماتطيق تنطقه

لــ المريض النفسي اللي بليتوني فيييه..
مااشوف احد دافع عنه من اهله هههههههه لانهم عارفين ومعترفين بهالشي حتى هو ماانقهر ولا ارتفع ضغطه لانو معترف انو مريض نفسي ومجنون ومعقد والسكوت علامة الرضى خخخخ

ياليت شوكوه كانت حاظرة المشهد بس الحمد لله انو ليلتها ماتمت كاملة مثل ماتبي وبيظل كلام هديل يرن بأذونها وماتتهنى بحياتها ....ماهي احسن من هديل

اما سلمانوه الخسيس يستاهل كل كلمة قالتها بحقه هديل لانو هو الي عطى غويزي السبب لامتلاكها وتدميرها وهم عايشين ومبسوطين خلي تصرفها وكلامها وكلام ياسمين يزن براسه يمكن يتوجع ...بكل وقاحة يمد ايده عليها صارت سبيل لكل واحد يجي ويمد ايده عليها بس ماراح تعدي عليه اذا عرفو اخوانها وابوها وخصوصا هادي مابيعديها له
وياسمين ماراح تسامحه وبتزيدها عليه ........احسن لاحد يرتاح وهم سبب لعذاب هديل المستمر

طلب هديل لعلي دليل انها مو شايلة عليه ولا محملته ذنب الي صار لانو فعلا مايدري عن شي ومااقدر اخمن وين بياخذها بس اريح مكان لنفسيتها هو بيت الله علشان تدعي دعوة مظلوم من القلب على غازي وياخذ حقها منه ويريحها من شوفته باقي حياتها .........تدعي ربها بالعوض عن كل العذاب الي شافته ...الله معك ياهدول وينتقم لك من كل ظالم ...

صدودة مامنك قصور ومعذورة لو ماقدرتي تنزلي البارت خذي راحتك ياعسل واحنا راح ننتظرك

متى مانزلتي البارت

ماشاءالله ورده تعليقك برروحه بارت!!!؛)

حبيت اعلق ع موقف الخايس سلمان اقبح شي في الحياه ان المرأه تنهان وقدام زوجها بعد لانه هو ييفكر انه مدام اهلها مايحترموها فهر بعد ماراح يحترمها لان ساعتها بتطيح من عينه والحقير سلمان مانفع معه المعروف وزود على انه مو محرمها ولا يجوز يمسكها يضربها بعد O_O

وودي بعد اعلق على تصرف غازي الهمجي والمتسرع يوم زفه شوق المفروض ان هديل تعطيه كف مو توخر وبس !!!

واخر شي راجح حبيب قلبي ابو قلب حنين وكبير مع اني احس دائما انه يستاهل وحده ازين بكثير من رشا بس يالله بما انه يحبها حلال عليه :d

واتمنى بعنف يطلع مسفر على الساحه ابي غازي يتقعر ويولع من الغيره وياليت يتقابل مسفر وهديل قدام عيون غازي

ودي اذكرين لنا انطباع غازي لمن شاف الفديو اللي اعطته اياه المنمشه :d

خلاص انتهيت (ورده لگ)

السلام عليكم

صباح الورد

منذ مدة لم ارد على القصص اعجبني اليوم الجزء فأحبتت الرد عليه
موفقة عزيزتي

هل تعرفين
احسن قرار اتحذته هديل هو السفر
وهل تعرفين ما ينقص السفر
وجود الام والاب
نعم يجب عليها ان تبتعد عن هذا التوتر
وتستفرد بعائلتها لتعيش لحظات سلام مع نفسها لابد منها
ولتستعيد ثقتها بعائلتها وبعدها بالتأكيد تستعيد ثقتها بنفسها
وبعدها سوف تكتشف تغير غازي


صدود انا مع انفصال هديل عن غازي لو كان غازي هو نفسه غازي اول الفصول
اليوم غازي تغير وهديل نظرتها له مشوشة فهي ترتاح له وتخشاه وتكرهه وتشعر بمشاعر متجمدة نحوه
يعني مشاعرها ركبت مركب وعبرت بحور بعاصفة هوجاء

سفرة مع علي ويرافقها والدها وابتعاد تام عن غازي
عندها سوف تعرف كيف تختار مصيرها
بنفسها

اعتقد العودة الى روما هي الحل
منها تعلاج ذياب ومنها تستعيد كل اجواء الحزن ولكن بوجود والديها معها سوف تشعر بالامان عندها روما سوف تكون الامان لها
وفقك الله غاليتي
وصباحج صحة وسلامة

وينك صدوووود سلامتك
هديل من بدايه الروايه وهي حزن وضرب وهم متى بتفرح مع اني اظن ان ماعاد للفرح مكان
خلاص احس موتها هو الحل