صباح الخيرات صدودة .......جد تفاجأت انو في بارت اليوم ..لذلك راح اعلق بشكل سريع على البارت السابق ...وتسلم ايدك ياعسل على البارت لاخلا ولا عدم من كرمك


البارت يجنن واعتقد انو تمهيد لاحداث قوية جدا في البارتات الجاية .......هديل واخيرا قدرتي تلمي شتات نفسك وتتخذين شخصية جديدة من خلالها راح تاخذين حقك من الكل بديتيها بأهلك وبتكمليها على غويزي واهله بنشوف رايه بهديل الجديدة الي له الفضل الكبير بظهورها ومتأكدة بيكره حاله وبيحتقرها لانو دفن هديل الي حبها وتعلق فيها الحين هديل الجديدة مافي قلبها غير الحقد والبرود والانتقام ......مايهمها احد وماعندها استعداد تضحي علشان احد مهما كان له معزة بقلبها ...

هديل البريئة المسالمة انسلب حقها بسبب طيبها وبياض قلبها ومااستفادت شي من ضعفها غير ضياع حياتها لذلك شخصيتها الجديدة راح تكون النقيض ...يعني ياشبيه الرجال الي تكلمت عنها انها اعطت لحياتك معنى رغم اجرامك فيها وتبيها ترجع لك علشان تسعد باقي ايامك هديل مستحيل ترجعها لك لانها عرفت ايش الي تحبه ومستحيل تتنازل عنه وانت ماقصرت بحرمانك وجاء دورها تحرمك من شي بيتعب نفسيتك لانك فقدته وماراح يرجع لك لو ايش ماسويت .......انت اعطيتها الخيط ومنه بتكمل حياتها ...اذا كانت ماتقدر تتحرر منك خلاص مايحتاج تتحرر وراح تعيش معاك هديل الي ماتعرفها ولا راح تلقى فيها هديل الي تبيها والله احلى عذاب حماس هههههههه خليك تعيش حرقة قلب عمرك ماعشتها


اما رشا الي ماتعلمت ولا تابت عن اذية هديل .... بس مااعتقد بتقدر تنفذ اوامر غويزي الي مافكر يرجع يشوفها بعد الي صار لها واكيد دامه يتتبع اخبارهم وهو هناك اكيد عرف عن كل الي مرت فيه مااشوف ترك مشاريعه وتنزل رجع يشوفها ونسى الاخوة بس لحاجته بالطيب بالغصب يبيها تنفذ رغباته لانه ماتعود ماياخذ الي يبيه حتى لو بالقوة

بس هديل ماجات هالحفلة الا ببالها شي كبير جدا ماراح يتوقعه لاشيبة المراهقين ولا اهله بتبتدي تصفي حساباتها وبتقلب ليلة شوكوه لسواد ودموع ان شاءالله وبكذا رشا مابتتجراء تنفذ طلب غويزي من الصدمة

وحتى لو نفذتها مع اني مااعتقد هديل بتغفل عن السبب ماراح ترضي غويزي بأمنيته ...وبينقلب طلبه عليه

كلام هديل للجدة وردة فعلها خلاها تخمن انو الي شافته هديل من غازي امر مو بسيط وماكان بس مجرد حرمان وتعب نفسي ........وحتى تلميحها لسارة وغادة واعتقد بعد الي ناوية تسويه بحفله شوكة بتظهر لهم بعض الاشياء المرة الي عاشتها هديل وماخفي كان اعظم واعتقد حتى الاثار الي بجسمها بيجي اليوم الي بتكشف عنها هديل وبيكون اداة لانتقامها من اهلها او من غيرهم


ياسمين لاتليني ولا ترضخي بسهولة والي يمد ايده مرة يكررها لنفس العذر او غيره .......بس لما يكون العقاب قاسي راح يحاسب نفسه مليون مرة قبل لايكررها خليك قوية قدام حركات سلمانوه علشان لاتندمين بعدين


وغدة ووحمها الخونفشاري يادافع البلا طلاق مرة وحدة صدق خبلة ماتقدري على قربه انطقي عند اهلك اما فكرة الطلاق وانتي مو بوعيك جنون من جنوناتك انتي وسوير خخخخ

هادي اعتقد راح يكون مثل العظم ببلعوم غويزي لانو اقرب واحد يحس بهديل ويعرفها اكثر من غيرها واعتقد بيعرف شي من خباياها بطريقته وماراح يخلي غويزي يرتاح لاهو ولا هديل وخلي ثاره وانتقامه ينفعه

صدودة والله حمستينا للبارت وخوفتينا بعد ........اهم شي من الي بيصير هو هديل وبس ...كافي عليها مواجع اما غويزي والباقي بحريقة عندك اياهم اعتقد طول الرواية مرتاحين ماذاقو شي من مواجع هديل خلي المصايب تحاوط غويزي من كل صوب مايقدر حتى يتهنى بنومته مثل ماحرم هديل النوم بدون كوابيس

والله احترت بهالشخصيتين الي اكيد لهم دور اساسي بالرواية وانتي ماقلتي ماالتقو خير شر قلتي انهم ماتلاقو من البارت الاول والارتات الاولى كانت بين شبيه الرجال وابو راكان وابو هدي وهم التقو بعد رجوع هديل

اعتقد انك تقصدين غيداء صديقة هديل لانها الوحيدة الي سألت عن اخبار هادي وقالت انو جمانة سئلت عنه وجمانة هي شوكة ......هل بتطلع غيداء من عايلة الجالي وهي الي اعطتها المعلومات عن هديل ورقمها وهل هي الي غويزي عرف منها احلام هديل وبعض المعلومات الخاصة ....بحكم انها صديقة مقربة كانت تسمع وتنقل الكلام لشوكه وهذيك تنقله لرئيس العصابة .... وبما انها صديقة شوكه بتحضر الحفلة وهديل بتنفجع من العلاقة الي تربط بين الثنتين وهي مخدوعة واكيد هالشي بيهيج هديل اكثر اتمنى تخميني صحيح


صدودة اعذريني على ردي السريع بس لاني كتبته بسرعة لضيق الوقت.....وفي انتظارك على نار

السلام عليكم..
مشكوره صدود علي هالروايه الرائعه
واعذريني اتابع دائما بصمت
بس حبيت اقول توقعي وعساه صح مو اتفشل
اتوقع اللقا يكون بين أم هديل وغازي
تقابلوا بالحج مره بس ماكانت تعرفه يمكن تشوفه اليوم
وتتذكره .. وراح تنصدم منه ومن عايلته
عشان كذا يمكن تاثر ع قرار هديل..

تقبلي مروري واعجابي باسلوبك.

أم هديل و أم غازي يمكن و تعرفهــآ ؟؟

صباح الهنا والرضا من رب العالمين

بارت الانقلاب والتمرد

( خسارهـ مانَفَع صِدقِيْ ..ولا فَادتـْنِي أخْلاقِــيْ )
واخيرا اعلنت هديل عن المها بالصوت والفعل
اعلنت التمرد على كل الي نشات عليه وتعلمته
والحين بتلبس ثوب القسوة والتزييف بكل تعاملاتها


اعلانها لكراهيتها لهادي وسعود دونا عن غيرهم لانهم سبب التقاءها بغازي
مما سبب ضياع سنين عمرها ومستقبلها نتيجة للصدفة الي جمعتهم وراحت ضحيتها


سرد غازي لكل الي عاناه خلال فترة وصوله للسعوديه حتى ياكد لها اهميتها بحياته
واهميتها كشخص بالنسبه له وهالشي الي مفتقدته من وصولها لبيت اهلها
وانصاتها وخنوعها له دليل على انه لامس شي منها ومن مشاعرها حتى لو انكرتها


هي طبعا راح تعتبر هالشي حق مكتسب لها كتعويض للجفاء والالم والعذاب الي
قدمه لها بالسابق وان كان في الحقيقه هو يلامس جزء خفي بقلبها تحاول تخفيه بقدر الامكان


( أنا بنت غازي..)
اعتقد هالكلمه بتكون سلاح ذو حدين تعاقب فيه الطرفين .. اهلها باهانتهم بانها تعتبر غازي ابوها
بدل ابوها الحقيقي ابوعلي .. وغازي بانها بتقوله انت طلبت مني اكون رسل بنت غازي فحقق
هالشي وكون قد كلمتك



( تدري إنها تعبته معها بمشاويرها..كانت بتطيب خاطرهـ بكم كلمة..بس حست بجموود كبير يطغى عليها)
حتى عبود قست قلبها عليه واعلنت الجمود والبرود على الكل


( رشا بشهقة\لاااا تكفى غازي..مستحيل اسويها..غازي بحدة\رشا لا تجننيني..سوي اللي قلت لك..)
من هنا عرفنا شلون غازي بيقدر يستفرد بهدولته .. يااما بتخرب عليها بفستانها شي
او بتبلغها ان ذيابو في المكان الفلاني ينتظرها مع امها مثلا او ..........
المهم ان غازي يشوفها بالحفله


( طلعت بخطوات واثقة وهي تدري إن خبر رقصها بيوصل له..)
هذي الي ماتتوب .. كل مرة تتحداه او تحاول ترسل له رسايل خفيه وهو يحقق لها
مطلبها وبعدها تزعل .. هدول راجعي نفسك واعرفي وش الي بقرارة نفسك وحققيه بهدوء


( فستان أحمر قاني مرسوم على جسمها ..ماسك من على صدرها..)
يعني سواريه يعني اكتافها وجزء من ظهرها باين .. انا من قلتي راحت وطولت عند خبيرة
التجميل استعجبت يعني مو لتسريحه او مكياج بتروح ... اذن اكيد كثفت المكياج على هالمنطقه
بطريقه ماهرة حتى تخفيها عن الجميع بس اثرها بقلبها عميق وعليه اعمق


( صدت عنها ولا درت بالامر اللي أصدرهـ غازي..)
ايوووووه وصلنا خير .. بليز غرووري غششيني وش هالامر .. وش بيسوي غازيي لهدولته



عسوله ضربت عصفوين بحجر واحد نصايح للطرفين واياك اعني ياجارة


( بس يابنتي أنا لقيته يحبني أكثر من امي وابوي..
ضربني وانا ادري إن ضربه لي أوجعه قبل يوجعني..
يكفي إن شفت زعله علي أكثر من زعلي على حالي..
ويوم إني بكيت عندهـ..شفت الندم يأكله وهو ساكت..)
لله دوووورك ياعجوزنا العاقله ... شوفتو ياصبايا هالعجيز وش تقول
واكبر منك بيوم اعلم منك بسنه فوووووديتك ياعسوله


حركاااااااات يارشا يعني اليوم عندنا حفلتين بالبارت حفلة بين غازي وهدول
& حفله بين رشا وراجح

سلام عليكم ورحمه الله وبركاته

صباااااح الخير ..على الناس الغيرررر
صبااح التغيرااات.. صيااح اروح الجديده

يمه توني داخله واتفاجا انو فييه بارت الليله قلت مابدهاش يابنت اسدحي ردك على السريع

يسلموووو ياقلبي ياصدوووود على البارت الي يبرد القلب اشوي عقب الانهيارات وجرقه الاعصاب
الي مرت بها هدوله وعيشتنا معها

شفتي كيف احس ان هديل شافت ان طبيتها وتسامحها مع الكل وتفضيل اهلها على نفسها مافاده بالعكس
عند اول مشكله احصلت لها معهم تخلوا عنه وسلموها للمجرم الي نحر روحها

فسلخت من روحها هديل الطيبه المسالمه والمضيحه الى هديل القاسيه ذات القلب القوي الي بتاخذ
حقها من كل الي ظلموها وقهروها فبدت باهلها عن طريق صمتها في حضورهم واهمالها لندائاتهم لها
وعدم ااهتمامه لكلامهم او اي شيء يخصهم

اما النصيب الاكبر فرااح يكون من حظ شين الحلايا عره الرجاله غاااااااازي<<ياهي بتسود عيشته
ياهي بتطلع روحه بلامباللاته به وبمشاعره وجمودها تجاهه
راح تخلي ليله نهار ونهاره ليل وبيتحسف انه قتل هديا البريئه والطيبه واستبدلها بوحده جديده مو
قادر يتعامل معها

وانا اقول ياهدوله سيري والقلب داعيك والله ينصرك على من عاداك

اما العرس فهي بغت تروح تنفذ ياقي مخططها بانتقام من اهل غازي وتثبت للكل انها زوجته الشرعيه
وتلغي كل الاقاويل الي انقالت عليها
ويمكن بعد عندها هديه صغيرونه تبي تهديها لشينه الحلايا شووكه جعلها تجلس على الشوك الي يقززها

صدوووودي ياعسل بانتظار بارتك بكل شوق للمفاجعات الي فييه

اما اللقاء فيمكن يكوون بين مرام ,هديل مدري والله انتي ادرى هههه