مساء الانوار على الجميع .......مسائك فل ورضا وسعادة صدودة ......كيفك يالغلا ...تسلم ايدك ياقمر لاخلا ولا عدم من ابداعك المستمر ... وقبل ادخل بالرد تحية كبيرة مطنطنة لام الوليد طيوف العسل على احلى مشاكسات ...ليتك جيتي من اول وعطيتي ولد الجالي حقه يمكن كان استحى شوي ...مع اني مااظن الي مايستحي من ربه يوم يلقاه بيستحي من الناس ...لي عودة على مشاكساتك

زيزفووونتي الغالية ..
اتمنى ينال البارت على إستحسانك ^_*
ومثل مايقولون أول الغيث قطرة...

وه وه وه صدودي العسل اكيد عجبني بيضيها الله يبيض وجهك مامنك قصور ابد ... واحلى مافي الامر انو اول الغيث يعني انتظرو هديل واسترجاع حقوقها بالكامل


هدولة اتاريك حاملة هم ماكان على بال احد وهو مرض ولدك من اول ماطلع للدنيا ... بس مو غريب عليك هالصبر والثبات وانتي اخذت من مصايب ابوه الكثير ....الشي الي عيشك فيه زوج الندامة ماتتحمله اي بنت بعمرك ...لكن ايمانك بالله هو الي زادك صبر وخفف من مواجعك ...وربي ماراح يخذلك وراح يقوم ذيبك بالسلامة بدون حاجة لالغويزي ولا لغيره

بردتي قلبك لما عطيتي غويزي درس انك ادرى بكل صغيرة وكبيرة تخص ولدك عكسه تماما الي مايدري حتى بأي شهر انولد .. جاي الحين يبي يتفلسف عليك بس زين سويتي فيه خليتيه مثل الاطرش بالزفة ...

كان خايف عليها لما تدري بحال ذياب..
مع إنه مايدري وش اللي فيه..
بس لما فحصه بطريقة سريعة ..
ومن كلام أم علي أكتشف إن ولدهـ يعاني من شيء غريب..
مايبيها تنصدم من حال ولدها..

ههههه اي يابطني قال خايف عليها قال كثر منها بس يابو خايف شفنا خوفك وحرصك عليها ماقصرت بصراحة اقول لاتعب عمرك وبطل نفاق ....لاوكشف عليه ههه ليه هو انت تفهم شي والله بس علشان تهايط قدام اهل هديل يعنني دكتور ههههه والله نكتة الموسم وياحرام طلع المرض غريب ها ...الا بسألك من اي معسكر ماخذ الشهادة للمعلومية بس قال فحص عليه قال اي هين


ألتفتت عليهم بنظرات جامدة..
وتكلمت بصوت واثق وقوي..
هديل\ماهو بأنا اللي غافلة عن ولدي..
ولا أدري وش اللي فيه..

اي ياهدولة عليهم يابنت عليهم وريهم انك افهم وادرى منهم كلهم مو منتظرة احد يجي ينبهك في شي هم مايعرفونه

وبنظرات تحدي وجهتها لغازي.
كملت برفعة حاجب\المفروض أبوهـ طمنكم..
وقال لكم وش اللي في ذياب..
ماهو يخليكم قلقانين ومتوترين كذا..

ههههههههه اتخيل وجهه بس ليتك صدودة فريتي الكام عليه بشوفه ووجه طايح مثل المسبه مايدري وين ربي حاطه دكتور المعيز والله صدق كلام هدول عنه وعاش الجو والحين بس صحى من غفلته خليه يعرف اجرامه لوين وصله

صدت عن أمها وناظرت في غازي..
وكانت ملامحه جامدة غاضبة..
تدري إنه يموووت بهذي اللحظة الف مرة..
ولدهـ مريض ولا يدري عنه..
وبيسوي عملية وهي معه..
وهو مثل الأطرش بالموضوع..حالته حال الغريب..
صرخ قلبها بضيم..
حس بالقهر اللي ياما شربتني إياهـ..
خاف على ولدك مثل ماأحترق قلبي من الخوف عليه..
حرمتني اكون زوجة حقيقية..
حرمتني اكون حامل وأصير أم مثل الخلق..
هذي ثمرة اعمالك تحملها..

والله ياهدولة من ناحية انو انقهر انقهر لانوحس روحه مثل ثور الساقية ماله وجود ولا اهمية بحياتك لاانتي ولا ولدك اما انو يحس بالوجع لمرض ولده لاتتعشمي فيه لانو ماعنده احساس اصلا والي سواه معاك ومع اهلك اكبر دليل ...ماحد ظلمه هو الي ظلم غيره بدون وجه حق ...وانتي قلتيها هذي ثمرة افعالك وتجبرك

هديل تتنهد\واجتهني صعوبة بأيام الحمل..
وعلى وقت الولادة تعرضت لحادث..
أثر على ذياب بمنطقة النخاع..وكان سبب في ولادة مبكرة..

وهذا هديل عطتك موجز بالي واجهته وهي بعيدة عن خشتك شي عمرك ماعرفته ولا دريت عنه ...وباقي الخير جايك لما تعرف مين الي عاش لحظاتها هذي ومين الي نقلها للمستشفى وتبرع لها والباقي بيكون ضربة قوية لقلبك في الصميم ...خصوصا انك ذيك الفترة ياحرام عايش بصدمة موت هديل وشاغل حالك بالشركة الجديدة وكيف تبتدي فيها من الزعل حتى شروط الشركاء مركز عليهم ماتنلام النفسية ماخلت لك فرصة تنسى ادق التفاصيل بمشروعك يالغراب ....والله كل كلام هديل تخليني اتخيل شكل غويزي وهو مثل الفزاعة بس مبقق العيون ومكبر الاذان علشان لايفوته شي خخخخخخخ

شافت إهتمام ابوها وأخوانها فيها..
بس قلبها ماتقبل تقربهم منها..
ولا طبطبتهم عليها..
هجروها من بعد ما سامحتهم ورجعت..
صدوا عنها من غير حق..

وانا معك ياهديل جايتهم وانتي بعز حاجتك وهم ماعرفو غير الصد حتى لو كان خجل من الي سووه فيها مالهم حق وام علي صدق هي الي كانت اقرب وحدة لها بس اذا تعرف سبب هالمعاملة ياانها تخبر هديل وتريحها او تطلب من زوجها وعيالها يريحو هديل لانو الي قاعد يصير يعذب هديل وبيكبر الحواجز واذا هديل طلعت من بيت ابوها مكسورة ومجروحة ماراح تتلهف عليهم ...مافي احسن من الصراحة من الطرفين هديل واهلها ...كذب هديل مانفعها ولا كذب اهلها بينفع في حل الامور ومداواة الجراح

غازي بقوة\وقـــفي..
وقف الماي بحنجورك خير وين جالس انت قاعد تتأمر مع وجهك انطم بس انطم يالمسبه

أعترفت لنفسها رغم رضاها بصدمته وقهرهـ بهذا الشكل الظالم..
إلا إنها ماتبى تظل معه..
لا تسمع كلامه ولا تتعرض لقسوته..

ماتنلام والله الي شافته معاه يخليها ماتأمن له ...واحد عمر ماصدق معاها ولا وفى لابوعد ولا حلوف مستهين بكل هالامور ومبسوط كيف يتأمن له

غازي بغضب\بأي حق أخفيتي علي..؟؟
هديل بحقد\أنت آخر من يتكلم عن الحقوق..
غازي بحدة\كل أوراقه الطبية تعطيني إياها ألحين..
الشرح المبسط اللي قلتيه ما أقنعني..
هديل بمثل حدته\هذا ولدي أنا يا دكتور..
وإذا مهتم لـ الموضوع راسل صوفي ترسل لك نسخة..


اي حقوق الي تتكلم عنها يابو حقوق وانت اول من حرم هديل من ابسط حقوقها عليك ...والله يوم جربت نقطة ببحر من انك تعيش مهمش مالك دور لابحياتها ولا بحياة ولدها وعرفت انها دبرت عمرها بعيد عنك وربي مانساها جاتك العلة ,........عدال على بلاعيمك يادختور اتحداك فهمت الشرح المبسط الي مو عاجبك ارجع عيده عشر مرات اشوف ...قال مااقنعني قال طير مناك بس حمدلله والشكر عمرك الف سنة ماتعرف كوعك من رجولك خخ

سحبها غازي له بقوة\ماباترك ولدي يموت مثل ماماتت رسل..
هديل بتجبر\قلتها لي مرة..
ذق ياموت ماذوقته الناس..
وإن ربي قدر موت ذياب ماهو أنت اللي بتمنعه..
غازي بجمود\وكأنه عادي عندك يموت..؟؟

وجع وجع وجع خلعت كتف البنت وهذا وهو اخوها واقف اجل لو ماانت ببيتهم شسويت اقرب عقال والا مزهرية على راسها ..والله بعد بتحاسبها على موت بنتك والله الموت والحيا بيد رب العباد ..رضت هي والله انرضيت انت ...يعني اذا ربك كاتب انو يموت شبتسوي يعني ...اذا بيدك شي كان قدرت تمنعه عن بنتك او اخوك بس عديم الايمان ليه لومه هديل ايمانها بربها قوي ماراح تسخط على كتبة الله والا كان من زمان فقدت عقلها او انتحرت بسبب رومانصيتك وحبك الي عيشتها فيه الي انا اشهد ماله مثيل


غازي\إلا ذياب لا تفجعيني فيه..
أنفجعت بكل منهو غالي علي..
حتى أنتي فجعتيني بموتك..
لاتستخدمين نفس السيف..
تراهـ موجع ومايبراء..


اشوفك اتعظت وانهديت يوم انك انفجعت اشوفك خفت ربك وحسيت بمعنى الفقد والحرمان يوم اجبرت غيرك يعيشون نفس المرارة لايوم ترفض تتنازل عن هادي وماتفجع امه فيه ولا يوم اخذت هديل وحرمتهم منها وهي حية وحرمتها هي بعد من انها تعيش مثل غيرها ..... لو صدق انفجعت وتأثرت ماتمنيت الي عشته لابغض عدو عندك ..كلام مأخوذ خيره ومردود عليه بكل جريمة سويتها بحق هديل ...طلعت كل احقادك الدفينة وعقدك عليها هي الي مااذنبت بحقك الله لايريحك ليوم تموت امين يارب


هزها بقوة وهو يهددها..
غازي بحدة\أقسم بالله العظيم إذا ماجبتي أوراقه..
لأخذه منك الحين واسوي له كل الفحوصات..
ما ابى اقهرك فيه مثل ماقهرتيني..

هههههههههههه حلوة ذي يوم ماقدرت ترد عليها قمت تهددها ياجبان ...طلعت الرومانسية والحب الحقيقي يابختك ياهديل فيه وبهالهز والتهديد ..الا ماانخلعت ايدك من كثر مامسكها شبيه الرجال

هديل\وش تبون..؟؟أروح معه..
ارضى ارجع له؟؟لا ياهلي..
ياللي ذبحتوني ودفنتوني حية..
ياللي مفتشلين مني بين الناس..
ما بأرجع له.. ومالكم إلا تتحملون مصيبتكم في بنتكم..
وابن جالي لو تقطعوني مارجعت له..

صادقة ياهديل مو ملزومة تكملي تضحيتك الي ماجابت لك الا القهر والصد والسمعة السوداء ..ضاع عمرها وهي تضحي علشان غيرها ماحد يستاهل تضحيتها حتى ولدها لانو لو كبر وعرف بأي صفة اخذها ابوه ماراح يسامحها لانها فرطت بسمعتها وكرامتها وتنازلت ترجع له وتبرد خاطره

هديل بعتب\انت حلفت يا علي..
وعدتني تقهر من قهرني..
وانتي يا عسولة شهدتي عليه..
قلت جعل ذنبي ما يتعداك..
واليوم أطالبك توفي بوعدك..
ذنبي لا تخليه يتعداك يا علي..

اعتقد انو اللبيب بالاشارة يفهم انها ذاقت من القهر والذل والمرار والعذاب الي ماتتحمله جبال ...وكلامها واضح وضوح الشمس انو كل كلمة قالتها بحق غويزي كذب وتلفيق ...وتمنيتها قبل تصعد توريهم فنه وابداعه في جسمها الضعيف يمكن يحسو شوي على دمهم

وقف يبي يكلمها..واخرسته نظراتها..
تجاهلت وجودهـ وقفلت الباب رافضة لتقربه منها..

احسن تستاهل ياهادي هذا شي بسيط تستحقه من التضحية الي ضيعت حياتها فيها ...خلي سكوتك وهربك بالاول وسكوتك الحين ينفعك واجني عليها للمرة الثانية بس هالمرة برضاك وتحت نظرك


كلام هديل وشكواها لولدها موجع والله حالها يبكي الحجر ...وبعد كل هالي شافته وعاشته يطلبون منها ترجع له بهالبساطة ترجع تعيش معاه وترضيه غصب عنها واذا ماعجبها يكرر فعايله القديمة ...الي سواها من قبل راح يعيد سواياه دامه من البداية تكبر واغتر بعمره ومازلت مصرة على اي اساس اخفى عنها صلتها الحقيقية شالفايدة الي جناها على الاقل قبل مايسلبها انوثتها ووقت غضبه وقهره ليه ماخبرها السانه لسان حية شطوله لاابكم ولا فيه علة تمنعه ...وهذي اخرتها وثمرة جرمة ولد مريض ...وان شاء الله مايشوف غيره من هديل لانو حرام امثاله يكون لعم عيال ...

بنته ماتت وهي مع أمها..
ومستحيل يسمح لهذا الشيء يصير مرة ثانية مع ولدهـ..
لازم يأخذها هي وذياب معه بأقرب فرصة..


استغفر الله ربي واتوب اليه ...لاتخسف بنا الارض ... مين انت ياعديم الايمان علشان تقول مستحيل تسمح او ماتسمح ليه هو الشي بيدك اصلا ...اذا انت منعدم الايمان ماتستحق تتزوج من المسلمين ...يعني اذا اخذت ذياب وامه بتمنع عنه قضاء ربه استغفر الله اللهم لاتؤاخذنا بما فعل السفهاء منا ... انا اطالب وبشدة القصاص بحق هالسفيه قال مستحيل يسمح قال ...

قرر يسافر إيطاليا ويعرف كل شيء صار من صوفيا..


ياحبيب امك مين قالك انو صوفي تعرف كل الي مرت عليه هديل ...تبي شوري روح للشهم ولد الشهم الرجال الي ماقصر مع زوجتك واعرف منه الي مرت فيه هديل من ضياع نفسي وهي ماتدري انو ولدها ولد حلال اسئله كيف هديل انفجعت لما عرفت انها حامل اسئله كيف ماتهنت لابأكل ولا نوم ولا راحة وهي ماتدري انك زوجها ..ماادري اي حقوق الي تتكلم عنها وانت ماتعرف معنى هالكلمة


ابتسم بسخرية على اللقب المكروهـ من قلبه..
دكتور لم ينقذ إبنته ولا لاحظ مرض ولدهـ ..
أي دكتوور ..؟؟

انا باخذ اجر فيك وبقول لك اي دكتور ...دكتور بالانتقام والهمجية والاجرام .....استشاري تعذيب نفسي وجسدي مع مرتبة الشرف ...ناجح فيها وبجدارة وبشهادة كل القراء الا عاد الي يرقعون لك شي ثاني...يعني لايجيك احباط ولا شي مازلت دختور وبدل السماعة وجهاز الضغط ...اصابعك جعلها البتر والسوط الي يشهد عليك ولسانك الي ينقط سم

تمنى لو تكون قدامه بهذي اللحظة..
ويتمكن من معاقبتها على كل شيء..
على هجرها له سنين..حرمانه من ولدهـ ..
على عذابها ووحدتها وهي بعيدة عنه وعن اهلها..
حس إنه يبي يعاقبها على جرائمه في حقها..

يعيني ياعيني حب من العيار الثقيل .. وهو انت قصرت اقول كافي رومانصية ترى هديل تنتفخ ازيد من كثر الضرب والعقوبات المشددة ارحمها شوي وعطيها من قسوتك كله حنية وحب ماصارت عاد

نزلت الجوال وهي مخنوقة..
إيه صاحية..
وانت تدري يالمجرم إني صاحية..
كيف أنام بعد سواياك..؟؟
معك حق بيننا كومة مآآآسي..
بس انا ما ابيــــــك..
بلى أبيك..
أبيك تتركني في حالي..
تسافر وماترجع..
ابيك قبل تعالجني..
إيه تعالجني من اللي أنت سويته فيني..
أنا ماعدت احس إني إنسانة..
حتى هلي متغربة بينهم..

ثارت فيها الأفكار..
وزادت جروحها وهي تسترجع كل موقف لها مع اخوانها وأهلها..
حتى مع خوالها وجماعتها..

ياقلبي ياهديل ماخلى لك هالمجرم ولا شي والمصيبة ولا هو حاس بكبر الجرم ....مبسوط ويتغزل وباله مرتاح ...هذا الموجوع على ولده اقول لكم ماعنده احساس ..هذا الي مسافر من قهره انو يفقد ولده ...مجرد مااخذ الاشرطة من صوفي المنافقة وشافها ..نسى ليه هي عايشة هاللحظات لحالها ومااهتم بمشاعر الوحدة والغربة الي عايشتها بهاللحظات مع ولدها ومتصل نص الليل يبي يكمل تسليته على حساب انسان مكسورة وحطمة شبقيت لها يامجرم وجاه الرد الي يبكي الحجر

غازي\مشتاقة لك إيطاليا وشوارعها..
مشتاق لك الرصيف والجسر..
حتى حدايقها فاقدة وجودك..
والعاشق اللي هزمتيه ألف مرة..
يزور كل مكان رحتي له معه..
بس الأماكن غييييير ..
كئيبة ومهجورة..
كارهـ إيطاليا اللي جمعتنا..
تعالي والله فقدتك..


وليه ايطالية مشتاقة لها من حلاة الايام الي عاشتها فيها ولا من زين الذكريات الي مستحيل تنساها ..واي شوارع واشجار يالكذاب الي تتكلم عنها الي مشيتها فيها والا الي حبستها عنها بين جدران مزرعتك والا ايش بالظبط حدد قول انك تبيها عندك ترضي غرورك وتبرد حاجتك لها مو تحطها بالشوارع والاشجار الي حتى يوم هربت منك كانت تخاف تطلع لاتشوفها وترجعها لعذابك ...عيب استح على وجهك واحد بعمرك يكذب

هديل بألم\أحس بغربة..
كل شيء غير..هذا مو بيتنا اللي كنت اتمنى ارجع له..
في هذا البيت أنا مالي غرفة ولا لي مكان..
أحس حالي فيه مثل الدخيلة..
حتى هلي..ماهم هلي..
تغيروا كثير..مدري قســوا..ولا أنا قسيت..
كل شيء يجرحني منهم..
ولو كلمة صباح الخير توووجعني..
لا ماهو هذا اللي كنت ابيه واتمناهـ..
رجعني لهلـــي..رجعنييييييييي..

هديل هنا تتكلم بدون وعي من زود المواجع والالم نفس يوم تطلب من صديقتها الوفية تكلمه علشان يحضر لولده لو ماتت ...هي تشتكي له نقطة ببحر من احلامها الي انهاها غويزي بدون لايحط اعتبار عن الاثار الي بتترتب على افكاره الغبية ...هي تبي اهلها الي عاشت بينهم 21سنة ...الاهل مالهم غناة حتى لو عندها زوج معيشها بنعيم ...خمس سنين تنتظر هاللحظة بكل جوارحها ولما تحققها تنصدم بالي يصير لها وهي مااذنبت ولا اجرمت بينما هو يروح ويرجع ويقابل الناس واهله عادي مريح البال ...ماضره اي شي من جريمته البشعة لاهو ولا اخته الي شاركته هالجريمة حسبي الله عليهم من ظلام

وشوكوه عسى ربي يبلاها ببلوة وتنقلب عليها حفبتها لهم وحزن ........ لا وتبي بكل وقاحة تعزم هديل لو انا من هديل اجي وافشلها وافضحها عند كل الحضور خليها فرجة وعلك بحلوق الناس هي ماهي احسن منها ولا اصغر منها ..همها المظاهر مثلها مثل اخوها اهم شي الي يرضيهم ويسعدهم بدون الالتفات على الدمار الي سووه ...ربي يمهل ولا يهمل ياشوكة وجزاك بتاخذيه انتي واخوك

ظهور شخصية جديدة بالرواية هل لغرض ازاحة مسفر من طريق غازي ...انا مااشوفه هو الي مانع رجوع هديل لجلادها واصلا مابدر منه اي شي ...بس بصراحة كنت متوقعتها بتصير من نصيب محمد ..ومسفر يستحق انثى خالية من العقد كافي عليه مرضاه الي يحتك فيهم بعد ياخذ وحدة نظرتها لجميع الرجال نظرة غير منطقية
الي قتل ابوها واحد مو جميع الرجال ...على انها هي الي شايلة اخوانها بس ماعجبتني ابد بتفكيرها لانو مبررها مو قوي ..ومسفر وراجح وعامر افضل شخصيات الرواية من الرجال وكل واحد تزوج وحدة فيها عقد الدنيا بالرغم انو عالية اخف من رشا وخلود لذلك مانبي مسفرياخذها نبي وحدة حبوبة وخالية من العقد تونسه باقي عمره هذا اقل شي يستحقه

اجي عاد للصديقة الوفية الظاهر ماتعلمت الدين زين انو الامانة ماتسلم الا لصاحبها او بأذن صاحبها وهي من كذبتين من واحد عارفة جرايمه تسمه شي مو من حقه .....بس الشرهة مو عليها الشرهة على هديل يوم مااخذت اغراضها منها والا في وحدة حريصة تترك صور وفيديولاشياء شخصية عند وحدة مثل صوفي وهذا هي بأول فرصة رمت كلامها وقضاياها الي بتدافع فيهم عن هديل من كذبتين وهي جربت من قبل كذبه عليها يوم يخبرها انو هديل رجعت لاهلها ....صدق هالزمن ماعاد فيه صديق وفي ..لو تبي كان اتصلت على هديل او طلبت تتأكد منها لو على قص رقبتها ...


ياسمين تعجبيني خليك على ماانتي ولا تبردي قلب سليمانوه بسهولة علشان يحرم يمد يده او حتى يرفع صوته بدون وجه حق

صدودة ابدعتي وهالشي موغريب ولا جديد ننتظر باقي الغيث
بكل لهفة

السلام عليكم ورحمة الله وبركاته ...


صبــــــــاح المحبة والرضا من رب العالمين..

كيـــــــفكم أحبتــــــــــــي ..؟؟


البارت دقائق ويكون موجود بإذن الله ..


الذين يشاهدون محتوى الموضوع الآن : 260 ( الأعضاء 70 والزوار 190)


‏صدووود, ‏راما**, ‏JANNY+, ‏عطر العبير, ‏النجمه العاليه, ‏زهور الاس+, ‏زهور+, ‏سمانور, ‏ضحى222, ‏الروح العذبة, ‏=نونو=, ‏ضيونة, ‏loulouwa2, ‏سوزورا, ‏الاوركيدا ليدي, ‏laila12345+, ‏ام البندرى, ‏Bdoor, ‏خَجَـل, ‏فوز 11, ‏khoukhou, ‏ريانا2000, ‏كت كاته, ‏لقافتي سر ثقافتي, ‏جوليييت, ‏صبااا, ‏امجاد جده, ‏نسمات الحنين, ‏فلسفة جرح+, ‏الاميره روزي, ‏scofield girl, ‏سُرى, ‏دُرَّةُ آلْكُوَيْتِ, ‏فياصل, ‏اثرني احبه+, ‏انثي ضائعة, ‏waal200, ‏يتيمة الراحه, ‏Dorra, ‏joud204, ‏Hbaybnajed, ‏جرح الذات+, ‏ليليان, ‏ألم111, ‏لمسه دافئه, ‏ج ـــود الح ــــزن, ‏2010farah, ‏شاربه فليت, ‏الأميرة الواعية, ‏صحراوية, ‏karima74, ‏غلوسيتا, ‏وتعثرت خجلآ, ‏همسات وردة+, ‏زهرةالاقصى, ‏&&&ZMRDH&&&, ‏الغلا توتي, ‏inay, ‏ملهمة شاعر, ‏♫ معزوفة حنين ♫+, ‏همس الرحيل2, ‏atmin, ‏تذكار الغلاااا, ‏dal3baby, ‏mno0ol, ‏صباح ويدلعونها غلا, ‏بيرل


لمعرفة المزيد إما غرام يشرح الصدر طاريه و لا صدود و عمرنا ما عشقنا





كونوا بخيــــــــــــــــر ’’’

صدووود’’’

السلام عليكم ورحمة الله وبركاته ....


صبـــــــــــاح \\
دموع طاهرة تدعو الله مستغفرة..

(رَبِّ لَوْ شِئْتَ أَهْلَكْتَهُم مِّن قَبْلُ وَإِيَّايَ أَتُهْلِكُنَا بِمَا فَعَلَ السُّفَهَاءُ مِنَّا
إِنْ هِيَ إِلاَّ فِتْنَتُكَ تُضِلُّ بِهَا مَن تَشَاءُ وَتَهْدِي مَن تَشَاءُ
أَنْتَ وَلِيُّنَا فَاغْفِرْ لَنَا وَارْحَمْنَا وَأَنْتَ خَيْرُ الغَافِرِينَ)


عَنْ أَبِي بُرْدَةَ عَنْ أَبِيهِ رَضِيَ الله عَنْهُمَا قَالَ:
صَلَّيْنَا الْمَغْرِبَ مَعَ رَسُولِ اللَّهِ صَلَّى اللَّهُ عَلَيْهِ وَسَلَّمَ ثُمَّ قُلْنَا:
لَوْ جَلَسْنَا حَتَّى نُصَلِّيَ مَعَهُ الْعِشَاءَ قَالَ فَجَلَسْنَا فَخَرَجَ عَلَيْنَا فَقَالَ:
"مَا زِلْتُمْ هَاهُنَا؟" قُلْنَا يَا رَسُولَ اللَّهِ
صَلَّيْنَا مَعَكَ الْمَغْرِبَ ثُمَّ قُلْنَا نَجْلِسُ حَتَّى نُصَلِّيَ مَعَكَ الْعِشَاءَ قَالَ:
"أَحْسَنْتُمْ" أَوْ "أَصَبْتُمْ" قَالَ: فَرَفَعَ رَأْسَهُ
إِلَى السَّمَاءِ وَكَانَ كَثِيرًا مِمَّا يَرْفَعُ رَأْسَهُ إِلَى السَّمَاءِ فَقَالَ:
"النُّجُومُ أَمَنَةٌ لِلسَّمَاءِ فَإِذَا ذَهَبَتْ النُّجُومُ أَتَى
السَّمَاءَ مَا تُوعَدُ وَأَنَا أَمَنَةٌ لِأَصْحَابِي فَإِذَا ذَهَبْتُ
أَتَى أَصْحَابِي مَا يُوعَدُونَ وَأَصْحَابِي أَمَنَةٌ لِأُمَّتِي فَإِذَا ذَهَبَ
أَصْحَابِي أَتَى أُمَّتِي مَا يُوعَدُونَ".

اللهم لا تؤاخذنا بما فعل السفهاء منا..
إرحمنا وأغفر لنا يارب العالمين..
فانت حسبنا وولينا..وولي نعمتنا..
وإليــك المصير..
حسبنا الله على من تطاول على ربنا ورسولنا الحبيب..

"وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ"
‏قال النبي ‏ ‏صلى الله عليه وسلم ‏‏:
طوبى لمن وجد في صحيفته استغفارا كثيرا..

أحبــــتي إستغفروا الله..
لعل الله يرحمنا ويرضى عنا..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

الخواافاااااااات اللي يهاوشوون<<فيس الفضاااايح ..

البارت الهدية أنا مانسيت منه..
وبيكون لكم من يوم الثلاثاء إلى يوم الخميس..
إختاروا الوقت واليوم وأنا بإذن الله بخدمتكم..
وياليت تقولون قبل بارت يوم الثلاثاء عشان أنزل الوقت بآخر البارت..

الغاليات اللي يسألون متى بتنتهي الرواية..
غالياتي السفينة لاترسوا إلا عندما تصل لــ شاطىء الأمان..
وسفينتنا لم تصل لمرساها بعد ..
متى مارسونا بإذن الله توادعنا في خيــــر ..


البارت الثـــاني والسبعون ...


وعــدت إلـيـك ..
ألـقيت بـمرساتي
عــــلــــى الــــرمـــل
غــسـلـت الــوجــه بـالـطـل
كــأنــك عــدهــا نـاديـتـنـي
وهــمـسـت فــــي أذنــــي
" رجــعـت إلــي يــا طـفـلي؟"
أجــــــــل أمـــــــاه ..
عــــــــدت إلــــيــــك
طـــفــلا دائــــم الــحــزن
تــغــرب فــــي بــــلاد الله
لـــم يـعـثـر عــلـى وكـــره
وعـاد الـيوم يـبحث فـيك عـن عمره
وعـــدت إلــيـك يــا صـحـراء
ألــقــي جــعـبـة الـتـسـيـار
أغـازل لـيلك الـمنسوج مـن أسـرار
و أنــشـق فـــي صــبـا نـجــــد
طيوب عرار و أحيا فيك للأشعار و الأقمار..

المرحوم بإذن الله تعالى..غازي القصيبي..


هديل بألم\أحس بغربة..
كل شيء غير..هذا مو بيتنا اللي كنت اتمنى ارجع له..
في هذا البيت أنا مالي غرفة ولا لي مكان..
أحس حالي فيه مثل الدخيلة..
حتى هلي..ماهم هلي..
تغيروا كثير..مدري قســوا..ولا أنا قسيت..
كل شيء يجرحني منهم..
ولو كلمة صباح الخير توووجعني..
لا ماهو هذا اللي كنت ابيه واتمناهـ..
رجعني لهلـــي..رجعنييييييييي..

سمعت تنهيدته بآآآآهـ مخنووقة..
حست بمواساة عقيمة منه..
غازي بحنية\تعالي..
وإسمحي لي أجبر ما انا كسرته..
خليني أداوي جروح تنزف..
تعالي لك عندي قصر في قلبي ماتملكه غيرك..
في حياتي أنتي مالكة الروح ما انتي بدخيلة..
لقيتك في وقت ماكنت ابى فيه شيء..
ويوم جيتي سرقتيني من كل شيء..
صباح الخير ياوجه الخير كلها إفداك..
تعالي يا أطهر ذنوبي..


أستلطفت حالها الغريب..
تشكي له ويزعل عليها..
تمنت لو تطلب منه ينتقم لها منه..
يجور على حاله مثل ماجار عليها..
تدري إنه مابيقصر في نفسه..
وعشانها بيسوي أي شيء..
إلا نساينها مستحيل يسمح لها تبتعد عنه وتغيب..
وهذا الشيء الوحيد اللي هي تبيه..
يتركها لــ الزمن يمكن تطيب..

هديل بآسى\عساهـ يسرك حالي..؟؟
تطمن يا ابو ذياب..
طعناتك عميييقة..أنتقمت لاخوك..
وبيضت وجهك معه..الله يجزاك كل خير..
بس تكفـــى طلبتك..
إن كان لي عندك معزة..
لو مرت عليك لحظة معي تهمك..
إعتقني لوجه الله..حللني منك من أخوك وهلك..
ضاقت الدنيا وهي وسيعة..
إفتح لي باب أكمل منه حياتي..
والله يفتح لك الف باب..

غازي برفـــض\أطلبي غيرها..
ما اسومك ولا أعتقك لو تذبحيني..

هديل بقهر\أنا أذلك..
أهينك واقولك ما ابييييك..
ترفع عني وعن عشقك الكذااااب..
أنت إنسان أناني حقوود..
لو أهمك كان فضلتني على نفسك..
حبني بقد ما اكرهك..يمكن وقتها تعتقني..

قفلت الجوال ماتبي تسمع كلامه..
ولا تحس بكذبه الصادق..
ماتبيه بحياتها..
هي خسرت كل شيء..
انوثتها..صبرها..إحتسابها..
هلها ..وخسرت توئمها الغالي..

هـــادي..
إللي ياما تمنت وصاله..
تمنت تضمه وتشكي له..
لو أحتواها بعد مارجعت..
أحتضنها وأهتم فيها..
سألها عن الغربة وشقاها..
كانت بتقوله كل شيء..
بتشكي له لحتى يبكي معها..
بتنعى نفسها وينعاها..
بس صدهـ لها جرحهـــــــــا..
صدمها بقوووة..
حست إنه يتمها..
علاقتها فيه اقوى من سنين غياب تعدمها..

موقنة ومؤمنة إن كل شيء بسبب الغازي..
هو اللي غزى حياتها..
دمر كل شيء..
مابقى لها العائلة اللي تحضنها..
ولا شهادة تنفعها..
أصحاب مايتشرفون فيها..
ولــد مثل السيف بظهرها..

حطم حياتها بكل فخر..
ويبي الجائزة تكون رجوعها له..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

تنهدت بطفش وهي تشوفه نايم..
بينما هي صاحية وماتحس بالنوم ابداً..
ماحسبت حساب هذا الشيء..
هي صارت تتغلب على المرض بمساعدة راجح لها..
بس ماقدرت تتحكم في وقت النوم الإجباري..
في أوقات كثيرة يكون راجح موجود با البيت بس النوم مسيطر عليها..
ولما ينام او يطلع تصحى وتظل لحالها..
ترجته قبل ينام يسهر معها..
حاول يسهر وبعدها نام لانه صاحي من بدري..
رشا\يرضيك أسهر لحالي..؟؟
راجح بنعاس\ههههههه لا مايرضيني..
بس حالتك جبارة..وأنا نعسااان واريد أنام..
رشا بزعل\تفضل النوم علي..؟؟
راجح\رشا تراك الطرف الأضعف في الموضوع..
لاتقلبين السالفة علي..
رشا تتحلطم\ياربي طيب وش اسوي توني صاحية من ساعة..
وأنت بتنام..كيف أعيش حياتي كذا..؟؟
راجح بتعب\إحمدي ربك على كل حال..
وبعدين أنتي قدرتي تواجهي النوم القهري..
بعد ماكان يسيطر عليك..
اللي عليك مثل ماقال الدكتور تلتزمين بعلاجك..
وتحاربين النوم مثل ماسويتي من قبل..
رشا\الحمدلله رب العالمين..
البلا في التوقيت..ابي انام الليل وأصحى النهار..
راجح\أنتي معذورة بحكم المرض..
بس فيه ناس فقدوا القدرة على النوم في الليل..
لانهم حرموا نفسهم هذي النعمة..
بكثرة سهرهم وإنشغالهم..
ونسوا قوله تعالى{وَهُوَ الَّذِي جَعَلَ لَكُمُ اللَّيْلَ لِبَاساً وَالنَّوْمَ سُبَاتاً
وَجَعَلَ النَّهَارَ نُشُوراً }

نام وهي فكرت بكلامه..
لما كانت إنسانة طبيعية وصحتها كويسة..
ماحست بهذي النعمة..
أحيان كان يطلع الصباح وهي مواصلة..
ولما تصلي الفجر تنام..
حتى شوق نفس حالتها..

قربت من راجح وهزته بخفيف..
رشا\خلاص نمت ساعتين مايكفيك..
قوم صحصح تروح الدوام وأنت نشيط..
راجح\.................
رشا\راجح حبيبي قووم..
تاخرت بنومتك..
راجح\رشا نامي..
رشا\مارضى يجي..
وش اسوي ..؟؟
راجح\نامي..
رشا\رجوحي يا قلبي..قوم أبي اقولك سر..

سحبها من يدها وسدحها بعد ماكانت جالسة..
ضمها له بقوووة وشد يدينه عليها..
راجح بنوم\نامي..
رشا بتذمر\مــ.......
راجح بتهديد\نامــــي..
رشا بخفوت\طيب..

مر وقت طويل وهي صاحية..
راقبته نايم وغايب عن الدنيا..
ظلت تناظر فيه بملل..
وقررت تعد شعرات عارضه وبدت في مهمتها..
وهي تحس إنها بتقدر على هذا التحدي..
وقدرت تطلع نفسها من حالة الملل..
وهي تعد تحرك راجح..صرخت بقهر..
مدت يدينها وثبتت وجهه ورجعت تعد من جديد..

بعد ماخلصت اخذت جواله..
وسجلت الرقم اللي أحصته عشان ماتنساهـ..
اليوم أحصيت نص عارضك..بكره الباقي ههههههههههههه..
وهي تتخيل شكله لما تعلمه كم عدد الشعرات في عارضه..

فزت من على السرير بفرح لما سمعت صوت الأذآن..
هزت راجح بخفة\راجح قوووم صلاااة..
يالله لا تخلي ابليس يلعب عليك..
هذي صلاتك لا تأخرها ياقلبي..
راجح يتنهد\طيب باصحى..
رشا\يالله اجل قوم وانا بأجهز الفطور..
راجح بخمول\لا تجهزين شيء..
باصلي وارجع أنام..
رشا\لا والله..وين اللي يقول الليل نوم والنهار نصحى..
لا مالي شغل قووم صل وافطر معي..

وقف وتوجه لدورة المياه..
التفت عليها وهو نعسان..
راجح\بعد اليوم بأشوتك من الغرفة وانام..
رشا تبتسم\أفا واهوون عليك..؟؟
راجح يفتن\إيه تهونين..
ماريحتيني..
رشا\ههههههه تحمل يا رجوحي..
أبتسم لها بغمزة..
ودخل دورة المياهـ..
جلست على السرير تنتظرهـ يطلع..
عشان تتوضىء وتصلي..
ومن غير أي قدرة لها..
نامت وهي جالسة..

طلع راجح من دورة المياه..
بدل ملابسه وهو يتكلم معها..
أستغرب ليه ماترد عليه..
ولما قرب منها شافها نايمة وهي جالسة..

ضاق قلبه على حالها..
أستغفر الله يارب..
صاحية طول الليل ولما دخلت الصلاة تنام..
سدحها على فراشها وقرأ عليها..
اللهم اشفها انت الشافي المعافي..
شفاء لايغادرهـ سقم ابداً..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

طلعت من غرفة أهلها وهي تتسحب..
تخاف لا ينتبهون عليها..
أو يدرون باللي ناوية عليه..
دخلت غرفتها أخذت عبايتها وشنطة ذياب..
وهي تشجع نفسها..
انا ماعدت أقدر أعيش معهم..
البيت هذا ما احسه بيتي..
هلي ماهم مرتاحين بوجودي..
وانا مو مرتاحة..

خرجت من غرفتها ونزلت لامها اللي كانت بالصالة..
شالت ذياب من حضنها وهي تستئذنها..
هديل\يومه أنا باطلع مشوار قريب من ذياب..
أم علي\وين بتروحين..؟؟
هديل بكذب\باطلع أتمشى واغير جو مشتاقة لـ الرياض..
ام علي\إتصلي على غادة تطلع معك..
او أحد إخوانك يطلعك ويونسك..
هديل بصد\لا يومه غادة مشغولة مع زوجها..
وأخواني كلن لاهي بحياته..وأنا ما بأضيع..
ام علي بحذر\بتروحين مع السواق لحالك..؟؟
هديل تتنهد\كنت اروح لوحدي في إيطاليا..
الجدة بجمود\رجعتي السعودية فإلبسي ثوبك القديم..
هديل بحدة\ماخلعته من يوم سافرت عشان ارجع البسه..
بأخذ الخادمة معي يومه..فمان الله..

ركبت السيارة وهي تحس بقهر وغيض..
ليه يحاولون يضيقون الدنيا عليها..
جدتها تنتقدها من دون سبب..
لا فيه سبب..
أنتي عرض لهم..
وتطلبين الطلاق ن رجال اخذك من خمس سنين..
زواجك فيه كان سر ومخفي..
أثار شكوك الناس وكلامهم عليك..
ولا بيسكت الناس إلا رجوعك لزوجك..

ما بأرجع له..
لو يرجووني كل الناس..
لو ينبذني العالم وسكانه..
لو أندفن بتراب ورماد..
ما ارجــــع له..

هديل بضيق\خلاص وقف سيارة هنا..
إرجع بيت أنا اكلم بابا علي..

نزلت من السيارة وذياب معها..
راقبت السائق يبتعد عنها ومعه الخدامة..
مشت على الرصيف وهي واثقة إنها تمشي بالطريق الصح..
تنهدت براحة لما شافته قدامها..
كبير وشامخ مثل ماعهدته..
ذبحها الحنين له ولحياتها القديمة..

فتحت شنطتها الصغيرة..
وطلعت المفاتيح اللي سرقتها من غرفة ابوها..
فتحت الباب الكبير ودخلت وهي تسمي بالله..
قفلته وراها ونزلت الشنطة من كتفها..
نزلت ذياب على الارض ووثقت يدهـ في يدها..
مشت بخطوات مهزوزة ومشتاقة..

هذا بيتنا الغالي..
فيه ولدت وكبرت..
في هذا البيت لي مكان..لي ذكر..
ويمكن لي حشيمة وترحيب..
حجر..
إيـــه أنت حجر..
بس وفي أكثر من البشر..


جلست على عتبت الباب الرئيسي وذياب بحضنها..
حطت يدها على الجدار وبدت تبكي وتناجيه..

يابيتنا رجعت من غربتي..
بس مالقيت احد يتحراني..
لا انت ولا هلك..
ضعت هناك في الشوارع..
مالقيت بيت يلمني..
كنت مثل الطفل لما يضيع بيتهم ومايدل الطريق..
كم تمنيتك تكون بيت ابو نايف..
أريد أعيش فيك..
ما ابي العالم..
لانهم مايبوني..
إرضى فيني ولا تطردني..
هم شدوا وخلوك..
وأنا اريد أظل فيك..

عزي لحالي والديار خلي عقب الراحلين
اللي مضوا درب السفر والبعد طالت مدته

أقفوا وخلوني وقلبي مجزعه كثر الونين
وخلو فراغ فالعمر كل البشر مـا سدته

خلوني أبكي بعدهم والهم فـي قلبي دفين
صكت على قلبي غرابيل الزمان وهدتـه

صرت أتبع الهوجاس وأسري لا ذكرت الغايبين
كني يتيـــم مالقـا امه راح يتبع جدتـه

ويلاآآآآه يا وجدي عليهم وجـد مظلوم سجين
خلوه ربعه يوم ضرب الوقت زادت شدتـه

خلوه يصرخ ويتطلب مالقـا قلب يلين
صدوهـ واقفوا دون رحمه والصوادف ضدته

يا طول ليلي بعدهم يا جور دورات السنين
يا ويل قلبي دام سيـــف الوقت زادت حدته..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ما هي بسيطه (صــدتك)
بس لا هنت ..،
إن شفتني في درب ؟!
جنــب طريقه !
تراك مهما كنت أو كنت أو كنت ،
عندي تساوت كلّها !وبـحريقه ..
يمكن عشاني طيّبه شوي خمّنت :
أنّ الغلط من شان عينك ، بـ أطيقه..،


أدمعت عيونها من حالتها التعبانة..
طول حياتها كانت تعتمد على نفسها..
ولا احد كان له فضل عليها..
مرت ساعة من طلبت الخدامة تجيها..
تبي تتحمم وتبيها تساعدها..
بس الخدامة طنشتها ولا رجعت لها..
وهذا خلاها تحس بفقدان سارة أكثر من أول..
لان سارة كانت تسوي كل شيء من دون ماتطلبها ياسمين..
كانت تعرض خدمتها غصب وتجبر ياسمين توافق..
حممتها مرتين وساعدتها باللبس وبالحمام..
أبتسمت وهي تحمد الله..
اللي رزقها بأخت حنونة وطيبة مثل سارة..

قررت تهاوش الخدامة اللي طنشتها..
وقفت بحذر..
ومشت بخطوات هادية مررة..
مدت يدها على الجدار واستندت عليه بحركتها..
فتحت الدرج وطلعت روب الحمام..
جلست على الأرض بسرعة لما حست بالم في ظهرها..
واسندت ظهرها على الكبت..
غمضت عيونها بألم وهي تتنفس بضيق..

فتحت عيونها وهي تسمعه يناديها ويقرب منها..
شافت الخوف بعيونه عليها..
هزت راسها تطمنه..
ياسمين\أنا بخير..سلمان قول لـ الخدامة تجيني..
سلمان\وش مجلسك على الارض..
ليه قمتي من على سريرك..؟؟
ياسمين\ابي اتحمم..عشان كذا قمت..
سلمان عقد حواجبه\المفروض ماتتحركين ماعندك أحد..
ليش ماناديتي الخدامة تجيك اول..
ياسمين\اوووف لا تمن علي بخدمتك..
خلاص أنا اروح أناديها..
سلمان بعصبية\قومي معي..

رفعها عن الارض وجلسها على السرير..
سلمان\وش تبين من الخدامة..؟؟
ياسمين بتعب\كنت أبيها تساعدني اتحمم..
سلمان برفعة حاجب\قولي والله..
ياسمين\والله..

ناظرها بتسلية ووقف فسخ ثوبه..
ورجع لها مسك يدها ووقفها بهدوء..
وقبل لا تتكلم وتساله وش يسوي..
أخذها لــ الحمام ..
ياسمين بإرتباك\سلمان..؟؟
سلمان\رووحه..
ياسمين بغضب\رجعني الغرفة وناد لي الخدامة لو سمحت..
نزلها بالبانيو\الاولة ماني بسامح..
والثانية إن دريت يا وردة إن الشغالة تساعدك بهذا الشيء..
بيصير شيء مايرضيك..مابقى الا شغالة تحمم مرتي..
ياسمين بإحراج\إخجل على حالك..
وإطلع من عندي..خلاص أنا أدبر حالي..
سلمان بروقان\تعقبين ما طلعت..
نزلي ملابسك ولا تبين اساعدك..؟
ياسمين بغضب\سلمانووهـ إطلـــــــع..
سلمان\ههههههههههه مابـ أطلع..
ياسمين بضيق\اطلع ما اريدك تشوفني..
سلمان\اممم طيب عندي حل مع الخجل اللي مدري وش يبي..
ترى انا زوجك وبينا سنين ماله داعي تستحين..
أنا بأطلع وانتي لمي نفسك بالمنشفة حتى اقدر اساعدك..
ياسمين برفض\لا اريد الخدامة تساعدني..
سلمان بوعيد\مايجوز الحلف هنا..
لاتخليني اتراجع عن كلامي..
ياسمين\طيب خلاص إطلع الحين..

خرج وهو يحدد لها خمس دقايق وبيرجع..
نزلت ملابسها بخمول وتعب..
ولمت نفسها بمنشفتها..
دخل قبل الخمس دقايق وهو يبتسم..
سلمان\يلعن إبليييس تعبانة وسريعة كذا..

ماردت عليه لانها مو قادرة..
صاير جريء معها ويحاول ينسى اللي بينهم..
ساعدها تتحمم وهي جالسة بالبانيو وساندة ظهرها على ارجوله..
وكل ماحاول يساعدها تحت وتبعد يده عنها..
وهو يضحك ويقول مابيعيدها..

طلعها من الحمام وعطاها الملابس اللي طلبتها من الكبت..
البهجة مافارقت محياهـ طول ماهو يساعدها بالحمام..
وحتى لما قرب منها يبي يلبسها ملابسها..
ياسمين بجمود\خلاص شكراً..إطلع..

جلس جنبها وضمها له..قبلها بحنية وهي قاومته وابعدته عنها..
كانت خايفة تستسلم له وتسمح له يدوس عليها ويتجاهل خطاهـ..
سلمان بهمس\غلطت عليك..
ومن منا مايغلط..كانت بلحظات غضب وصدمة يا ياسمين..
كوني راعية حق وإحكمي بالعدل..
متى أوجعتك أو ضايقتك..
من أول ماتزوجنا وجينا السعودية..
ماضريتك بتصرف ولا اسئت لك بكلمة..
تفاجئت في بنت عمي..
لا ماتفاجئت أنا انفجعت انصدمت بكلامك..
وانقهرت إنك تدرين عنها وساكتة ماتكلمتي..
ما ابرر تصرفي ولا اقول معي حق باللي سويته..
بس هذا اللي صار بلحظة غضب..
ما ابيك تنسين وتكتمين اللي صار في قلبك..
بس بعد ما ابيك تقسين وتنسين كل شيء بينا..

صدت عنه وهي تبكي..
وقف وبدل ملابسه وقبل يطلع من الغرفة رجع لها..
سلمان\بدلي ملابسك ونامي..
عشان اللي في بطنك يا ياسمين ريحي حالك وإبتعدي عن الضغوطات..
واوعدك ما اضايقك بشيء وازعلك..
تصبحين على خير يا روحي..

طلع من عندها وقفل الباب وراهـ..
معه حق..
الفترة الطويلة اللي قضيتها معه..
ماجرحني فيها ولا ضايقني..
اول مرة يمد يدهـ علي بعد ماعرف عن هديل..
كان غاضب مقهور ومفجوع..
بس بعد هو لازم يتعلم كيف يتحكم بنفسه عند الغضب..
بكرهـ إذا صار اكبر من موضوع هديل وش بيكون تصرفه..؟؟

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

مدت يدينها بجزع..
تمنع علي لا يحضنها ولا يقرب منها..
علي\يومه صلي على النبي وش فيك..
أم علي تبكي\لا تقرب مني والله والله إن صار فيها شيء..
ما اسامحكم ولا ارضى عليكم ليوم الحساب..
علي\إذكري الله يالغالية..
وين بتكون يعني..مابيصير عليها شر..
هديل ماهي بزر ولا جاهلة..
محمد\إيه توها مكلمتني وبأروح أجيبها..
والذيب معها..

صرخت أم علي بقهر ورمت جوال هديل على محمد..
ام علي بخوف\هذا جوالها..كيف كلمتك..
ياويلي على بنتي..خذيتوها مني بزر وخذيتوها أم..
آآآآآآآآهـ ياليتني رحت معها..
الجدة بجزع\عنبوا روحوا شوفوا اختكم وين راحت..
السواق وين وداها..؟؟
علي\قال نزلها في شارع ومشى..
رحت هناك ماعرفت بأي مكان راحت..
محمد بتصبر\يمكن عند وحدة من صيقاتها وبترجع..
ام علي\لا لا ..من وين لها صديقات..
مابقى لها احد..كلهم نبذوها مايبونها..
حتى انتوا يا اخوانها ودمها نبذتوها..
من أول مارجعت وانتوا صادين عنها وهاجرينها..
وين راحت بنتي..؟؟
ياربي رجعتها لنا من بد موتانا..
رجعتها ولا حفظناها ياربييييييي..

طلع علي من البيت وقابل أبوهـ وهادي..
ابوعلي\رجعت..؟؟
علي\لا..رحت لـ الشارع اللي نزلت فيه..
بس مالقيت لها آثر..ما عرفت احد هناك..
هادي\وين بأي شارع..؟؟
علي\بحي الـ...........

دخل أبوعلي البيت..وهادي ركب سيارته وخرج..
أما علي فكان قلبه غير مطمن من جهة غازي..
طلع جواله واتصل عليه..
علي\السلام عليكم...
غازي بهدوء\وعليكم السلام هلا ابو عبدالله..
علي بجمود\أنت في السعودية..؟؟
غازي بحذر\محتاج شيء..؟؟
علي بعصبية\إسمع الأولة وفلت فيها..
بس هذي المرة والله ما تروح بالهين..

من ردت فعل علي تاكد إن الموضوع يخص هديل..
وماحب يوضح له إنه مايدري عنها شيء من ايام من بعد ماقفلت جوالها..
فقرر بشكل سريع يستغل غضب علي لصالحه ويعرف وش صاير معها..

غازي بحدة\الأولة والثانية هي لي وماتقدر تسوي شيء..
علي بكرهـ\وين وديتها..؟؟
غازي بترقب\في الحفظ والصون..
علي بغضب كسير\هي طلعت من البيت برغبتها..
شكلها نست سلومنا وعوايدنا..
قل لها دامها جاتك برجلها ماعاد ترجع لنا..
ولو ظلت بموتها كان احسن من تنكيس روسنا بين العرب..
غازي بغضب أكبر\ضيعتوها..؟؟
متى طلعت من البيت؟؟وين راحت؟؟
ومن متى مختفية ..؟؟
علي بقهر\توك تقول إنها بالحفظ والصون..
غازي بجمود\وينها..؟؟
علي بكرهـ\الله اعلم..
قفل الجوال مقهوور من وجود هذا الشخص في حياتهم..
يكرهه..يبغضه ويتمنى زواله من الدنيا..
دمرها ع الأخير..

كان خايف تكون رجعت له..
من دون ماتشورهم ولا تكبر قدرهم..
ظنها صارت تاخذ رايها من راسها..
ترجع له قبل لا ينتهي الحكم بينهم..
وقبل لايطلبها بين القبايل مثل ماهو معروف بين العرب..

وتمنى لو كانت عندهـ..
ع الاقل يتطمن إنها بخير..
إن ماكنتي عندهـ وين بتكونين..؟؟

رفع جواله هادي يتصل عليه..
علي\هلا..
هادي\لقيتها وهي معي..طمن الأهل..
قفل الجوال وماسمح لعلي يتكلم معه أو يستفسر..
رجع يتصل عليه بس لقى جواله مغلق..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


لآ تخلييني اسسَولف !
واكسر الكتمآن . .
( تأكــــد )
لو بسسولف لك..
تصصيح وتطلب سككآتي ,,,

طلع هادي بسيارته وتوجه لـ الحي اللي قال عنه علي..
دار بسيارته كم مرة على نفس الشارع...
ولف بين الشوارع وكان قريب من حي بيتهم القديم..
أول مادخل الحي القديم..تاكد إنها بتكون هنا..
واللي أكد له اكثر النور بداخل البيت..
وقف سيارته ونزل بخطوات سريعة..
دق الجرس والباب بشكل متكرر..
أنتظر وأنتظر بس ماردت عليه ولا فتحت..
قرب سيارته من سور البيت..
ونط على الجدار من فوق السيارة..
معه نسخه من مفاتيح البيت بس في البيت الثاني..
ضرب الباب الرئيسي وناداها بصوت عالي..
بعد فترة كان متأكد من إنها تعاند نفسها..
فتحت الباب ووقفت قدامه بجمود..

تعلقت عيونه بعيونها..
كان يدري إن بعده عنها جارحها ومزعلها..
بس هي ماتدري عن السبب..
تظن إنه بسبب العيب اللي طلع عليها..
يخاف من ردت فعلها..
يخاف من لحظة المصارحة اللي ياما تهرب منها..
كيف يتمنى بلحظات مواجهتم يكون قاتل سعود بكل برود..
لازالت ردت فعل غازي في باله..
كيف صرخ فيه وضربه..
كيف ترجاهـ يكون قاتل سعود بوحشية بظلم..
ولو عذبه قبل يقتله اهون من إنه مايكون له ذنب في موته..
واليوم واثق إن ردت فعل غازي بسبب هديل..
وتمنى نفس أمنية غازي..
عشان هديل..

مد يدهـ لها ومسح على خدها..
بعدت راسها عنه..
وصدت عنه داخلة البيت..

تنهد بآسى عليها وعلى حاله..
طلع جواله واتصل بعلي..
طمنه إنه لقاها وقفل جواله عشان مايزعجونه..

طلعت لغرفتها عند ذياب..
لمت أغراضها اللي كانت تتصفحها..
ورمتها بإهمال في سلة بزاوية الغرفة..
حتى كتبها الجامعية كانت موجودة..
رمتها عند السلة اللي أمتلت من اغراضها الخاصة..
شالت صورة لها مع هادي بعد ماتخرجوا من الثنوي..
وكل واحد فيهم ماسك شهادة بفخر..
عضت شفايفها لحتى حست بطعم الدم..
وهي تنهر نفسها..أي فخر..
رمت الصورة مع باقي اغراضها..

وانتبهت على هادي يشيلها من السلة..
ويطلع باقي أغراضها..
جلست على الارض جنب ذياب وفتحت له علبة خاصة فيها...
لما شافتها حست بكآآآبة فظيعة..
كبت محتوى العلبة بين يدين ذياب..
اللي أنبسط من حركة امه وصار يشتتها بين ارجوله وهو يشهق بحماس..
جلس هادي جنبها ومد يدهـ يمسك يدها..
منعها تكمل نثر اغراضها الغالية لذياب اللي راح يعدمها..

هادي بهمس\لــ الذكرى إحترام..
هديل\هذي من ذكرى..
بقد ماهي جمر يحرق القلب..
هادي بحنية\كيف كانت حياتك يا هديل..؟؟
هديل بضحكة مخنوقة\تاخرت كثير في سؤالك يا هادي..
اللي عشته معكم نساني اللي عشته بعيد عنكم..

تحرك من مكانه وصار مواجه لها..
هادي برجاء\تكفين قولي..
هديل بألم\لو من اول يوم سألتني وأهتميت فيني..
كنت بتلقى جواب لكل سؤال..
بس صدك عني..اليوم يمنعني..
هادي\لو عرفتي وش أخفي عنك عذرتيني..
هديل بغصة\كلهم ماجرحوني كثرك..
صدهم لي كنت اتوقعه..بس أنت..
أنت يا هادي تسويها..
كنت أعشم نفسي فيك..
ياخسارة ماناديتك ونعتك..
ليتني ما كذبت إحساسي فيك..
هادي بضيق\والله يا هديل ماقصدي أجرحك ولا اصدك..
ماتدرين كيف مت من بعد مارجعت من قطر..
وعرفت إنك متي..
قالوا وش رجعك بعد موتها..؟؟
سألت نفسي ليه رجعت وانتي متي..
هذي الغرفة إساليها..
كم ليلة نمت فيها..دورتك بكل زاوية فيها..
سافرت وتركت الدنيا قلت بأنساك..
بس انتي ماتركتيني أنساك..
أحس فيك غصب عني وعنك..
أبكي ولا ادري ليه أبكي..
أختنق ولا اقدر أتنفس..
شكيت بحالي وإني مجنون..
قلت خلاص أنتهيت..توئمي ماتت..
وصار الوقت الحقها واموت..
كل يوم قبل أنام أكتب رسالة لهلي..
أودعهم فيها وإن العمر فاني..

هديل تبكي\تكفى يا هادي..
مافيني حيل أشيل شقاك يا اخوي..
قرب منها وضمها له بقوووة..
هادي\قولي لهادي كيف غربتك كانت..؟؟
هديل بحسرة\ماتســـرك..
هادي\بكيتي..؟؟
هديل\شوي بس..
هادي يبتسم\فاهم عليك..
هديل أنتي ماتعرفين وش صار..
بتزعلين علي..وأنا ما ابيك تزعلين..
هديل بإستسلام\مابقى فيني قدرة لـ الزعل..
أستباحني الزعل كلي من زمان..
هادي بتردد\قومي نروح البيت..
واقولك كل شيء..
هديل برفض\لا ما بأطلع من هنا..
أنا مرتاحة في هذا البيت..
واحس إني رجعت لمكان فاقدني..
هادي بعتب\يعني مافقدناك..؟؟
هديل بآسى\لا مافقدتوني..
لو فقدت واحد منكم ويرجع لي بعد الموت..
مابأتركه دقيقة وحدة..
ما بأبتعد عنه باخاف أغفل عنه ويختفي..
باعيش بكابوس غيابه عني ورحيله..
بس أنتوا غير عني..أنتوا غير يا هادي..

هادي\أبوي مابيرضى تظلين هنا..
هديل\بيرضى..أدري إن أبوعلي بيرضى..
هادي\ولد بس..
هديل\خله يلعب..
هادي بقهر\هذي أشيائك..
هديل بجمود\تفاهات فدوة لذياب..

جبااان..
هذي الصفة اللي أطلقها على نفسه..
مايقدر يقول لها سبب تهربه الدائم منها..
ولا يقدر يريحها ..
وقف وخرج من الغرفة..
فتح جواله وشاف إتصالات من أمه وابوه وعلي ومحمد..
حتى غادة وراكان ..
وشاف رقم غريب توهـ يتصل عليه..
هادي\نعم..
غازي\وينها فيه..؟؟
هادي\عفواً من معي..؟؟
غازي بحدة\وين هديل..؟؟
هادي\غازي؟؟
غازي\قال أخوك إنها معك..
هي معك أو تكذبون علي..؟؟وين وديتوها..؟؟
هادي ببرود\البقاء براسك..

قفلا الخط بوجه غازي وهو يتذكر بحقد..
كيف خدعه وأوهمه إنها ميته..
وقاله بكل برود البقاء براسك..
بس هو ليه صدقه؟؟
ليـــه سمح له يغربها اكثر وأكثر..

أتصل على جوال ابوهـ..
علمه وين هديل وإنه معها..
طلبه يسمح لها تنام في هذا البيت..
أمه وجدته مارضوا بس أبوهـ رد عليه بهدوء..
أبوعلي\خلها على راحتها يا هادي..
هادي بزعل\كانت واثقة إنك بتوافق..
ابوعلي بحسرة\قل لها .............. ولا بس لا تكدر خاطرها..

قفل من ابوهـ ودخل الغرفة مرة ثانية..
شافها تنيم ذياب ومنسدحة جنبه على السرير..
قفل الباب وتوجه لغرفته ونام فيها...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

رمت علبة المناديل على التسريحة بعصبية..
وشالت أوراقها وملفاتها ورمتها على الطاولة..
تنهدت بضيق وهي تتنفس بسرعة..
تحس بحرارة قوية بكل جسمها وكأنها تحترق..
رفعت راسها وشافته يناظرها ومنزل نظاراته الطبية على خشمه ومعقد حواجبه..
حست غنها تبي تضربه وتهاوشه..
شعور غريييب يتملكها..
غادة بعصبية\نعممممممم..وش تناظر..؟؟
راكان بسخرية\أراقب آخر أعمال العجوز الساحرة..
غادة بغضب\عجوز ساحرة في عينك..
راكان بحدة\لمي لسانك وقصريه احسن لك..
غادة بتحدي\أنت وش تبي مني هاهـ..؟؟وش تبيييييييي؟؟
راكان بإستغراب\ألحين أنا طلبتك شيء..
غادة\أصلاً انت السبب..
راكان بهدوء\السبب في أيش..؟؟
غادة\في كل شيء يصير في العالم..
من تحت راسك..صرت اكره حياتي ..

وقف مصدوووم من كلامها ومن تعاملها الغريب معه..
قرب منها وهي بعدت ولازالت تشتمه وتحمله مسئولية كل المآسي في العالم..
راكان\غادة بسم الله عليك وش فيك..؟؟
شالت علبة اقلام خاصة فيها ورمتها عليه بقوووة..
غادة بقهر\إطلع برا..ما ابى اشوووفك..
راكان بغضب\غــــادة إعقلي..

بدت ترتجف وتتلعثم في كلامها..
خاف عليها لان لون وجها تغير..
قرب منها ولمها له بقوووة ..
واول ما ضمها بكت بصوت عالي وتعلقت برقبته..
راكان\بسم الله عليك...
إذكري الله يا قلبي وش فيك..؟؟
والله خوفتيني عليك..
غادة بخوف\بأروح لأمــــي..
راكان يتنهد\كل هذا عشان تبين تروحين لأمك..
دفته عنها بسرعة وطلعت عبايتها من الكبت..
غادة برجفة\ابـــى أمي..
راكان\غادة وش فيك..؟؟
غادة تبكي\بأروح لأمي..
راكان بقهر\أنتي وش صايبك على هذا الليل..
ماهي أول مرة تصارخين وتفتعلين مشاكل معي من العدم..
إذا في خاطرك شيء قوليه..
غادة بزعل\ما ابيييييك..

طلعت من الجناح كله وتركت راكان واقف يحاول يفهم معني كلمتها..
نزلت بخطوات سريعة تخاف لا يمنعها تروح لأهلها..
مثل التايهة اللي ماتدل طريقها..
نادت الشغالة وطلعت من البيت بسرعة مع السواق..

وصلت لبيت اهلها وحست إن نبض قلبها صار طبيعي..
وإن خوفها وغضبها المخيف خف عليها..
دخلت البيت تحس بفرحة وشوق لكل اهله..
قابلت امها وجدتها في الصالة..
سلمت عليهم وجلست ضامة امها..

الجدة\وش عندك يالغبراء هاجمتن علينا قبل الشمس..
غادة\مشتاقة لكم يا بعدي..
وين هدوول باقي مارجعت من هناك..؟؟
أم علي\لا مارجعت ليلتين مارضت حتى ازورها واتطمن عليها..
بس أبوك وعلي راحوا يجيبونها قبل شوي..
الجدة\غريب إنها رضت ترجع بعد مازعلناها..
ام علي\صوتها ماطمني ..
احس فيها شيء كاييد..
غادة براحة غريبة\عاادي يومه هدولة طيبة وبترجع بس ترضى..

هديل بحقد\إيه أكيد بأرضى..
بأرضى وأكل هواء بعد..
سنيييين راحت مالها قيمة..
مالها سند ولا لها حشيمة عند أحد..
وليه مايتكلموون الناس ويتفلون كل ما انطرى ذكري..
لأني ما استاهل غير كذا..
ما استاااااهل..
الجدة\يا وجه الله..وش بلاك يا امك تصارخين..
هديل\أبد يا أم حسين..
وحدة فاصلة ضايعة صاااايعة ماعندها دين ولا اخلاق..
تايهتن بحواري أوربا وش تتوقعين منها..؟؟
علي بعصبية\بسسس..انتي مو بوعيك..؟؟
هديل بسخرية\إيه مو بوعيي تدري ليه..
لاني شربت الخمر أيام إيطاليا..
وعشت مع رجال كثااااار يا كثرررهم يا ابو عبدالله ماينعدوون..
وش بعد سويت امممممممممم
ايه تذكرت بس عيب أقول لكم أستحـــي ..

ام علي بجزع\هديل وش اللي تقولينه يومه..؟؟
هديل\ما اقول شيء..
ليه تسمعيني أقوول شيء..
اصلاً أنا من اكون عشان اقووول..
أنا الداشرة الضايعة اللي ماتربيت ولا انضفيت..
أنا الحقيــ......

سكتت بعد ماضربها علي بقوة على وجها يبيها تسكت..
علي برجاء\بس..تكفين بس..
هديل بحدة\لا ماهو بس..
ليه أنا اسمع وانتوا ماتسمعون..
ليه انا متتتتتتت وأنتوا ماتدروون..
ليه يوم هذااااا عرف إن هادي بريء من دم سعود..
لييييه ماجاء يرجعنيييي لييييييييييييه..؟؟

الجدة بغضب\هذا ابووك يالعااقة..
هديل\أنا عاااقة..ربي بيعاقبني..
ربي بيحاسبني على كل شيء..
بس تدرين يا ام حسين..أنا عندكم أماااانة من الله..
بكره ربي يسألكم عن عيالكم..
وانا بأشكيكم لربي..
كللللللللللكم..أنتي وابوي وأمي..
حتى هادي وغازي وكلللللكم بأشكيك لربي..

ضربت الأرض بأرجولها بقهر..
طلعت الدرج وهي تسب غازي وهادي وتسب حالها..
دخلت غرفة هادي وكسرت كل شيء فيها وهي تصرخ بكرهـ..
هديل بألم\أكررررررررررررررررهك..أكررررهك...
ليييه هربت من الديرة..ليه أثبت التهمة عليييك..
ليييه غربتني أنت وابوووك؟؟
ليتني مارحت فدوة لك..والله ماتستاااهل يا جباااان..
انت والتااافه اللي تزوج ياسمين..
جبناااااء مو كفووو تكونون رجاااال..أكرررررهكم..
كل شيء صار ظلم في ظلم..
ليه قلتوااا لي لييييه..وش بيفيدني لو عرفت..
وش باستفيد من برائتكم يا لظالميييين..؟؟

طلعت من غرفته وراحت لغرفة غادة..
شافت ذياب مع الخادمة خذته منها بقسوة وطردتها برا الغرفة..
ضمتها لها بقووووة خذاهـ هادي منها بعد ما ثارت هناك وكسرت كل شيء قدامها..
طلعه علي من البيت وعطاهـ ذياب لحتى يهدونها وترتاح..
بين شهقاتها المتلاحقة شمت ريحة ذياب..
ريحة مبغوووضة من كل قلبها..
ريحته هو..
يعني ولدي كان معه..الخاااين الجبان اخذ ولدي لـ الجلموود الظالم..
نزلت ولدها على الأرض وخلعت ملابسه من عليه بقسوووة..
هديل بصراخ\غاااااااااااادة...غااااادة تعاااالي تعااالي..

بكى ذياب بخوف من صراخ أمه وقسوتها في خلع ملابسه..
دخلت حنان ومعها غادة الغرفة بعد ماسمعوا صراخها..
هديل\خذييييه..غسلييييه...
ما ابى أشم ريحتتتته في ولدي..
أفركي جسمه بقووووة..طلعي دمه من عروق ولدي..
ما ابيييييييييييه ما ابييييه...

خذته حنان من بين يديها بالقوة..
وراحت لجناحها تحاول تهدي ذياب اللي غشى من البكاء..
بعدت غادة عنها بقسوة ورمت ملابس ذياب عليها..
هديل بحقد\إرميها بالزبااالة..
إرميها يا غااادة...

دخل علي الغرفة وسحب غادة وخرجها من غرفة هديل..
حاول يبعد هديل عن هادي..
بس هادي ضرب يده ومنعه يقرب منهم..

شافته واقف عند باب غرفتها..
توجهت له بكل حقدها..
ضربته بقوة وصرخت عليه..
هديل بإنهيار\انت وش تبي منيييييييييي..؟؟
إلى متى بتظل تحرقني وتدووس علي..
بعتني له بترااااب..
مالي قدر مالي اي حق عندكم..
والحين تودي ولدي له..
تظن إنك احسن منه..
اثنينكم مجرميييييين..وابوووك المجرم الكبيييير بينكم..
إطلع من حياتي معه..
ليتك قتلته صدق..ليتك ذبحته وقصوا راسك وارتحت منك..
أنت مو إنسان..أنت مثله جلمووود صخر..
ماتحسوووون..ظالميني خمس سنين وكأنها دهر..
خمــــــــس سنين ..
كملتوا حياتكم وشغلكم وأنا لا بسماء ولا بأرض..
أكررررهكـــــــــــم ..

علي برجاء\هديل يا اخوك صلي على النبي..
اللي تسوينه مابيرجع شيء..

هديل بقهر\وهذا اللي ذابحني يا علي..
مابيرجع الزمن واقول لا أقتلوووهـ هذا مايستاهل..
مابيرجع واحبس نفسي في غرفتي خمس سنين..
اهون من أوربا وسجنها..

علي بيأس\طيب وش اللي بيريحك..
تبينه يطلقك..؟؟ألحين يطلقك..
هو موجود تحت جالس مع ابوي وامي..
بأقوله يطلقك ومابيطلع الا وأنتي حرة منه..
إما مطلقة أو ارملة..
بس تكفين يا روح اخوك لاتنقهرين..

هديل بحقد\ليه مو هو حبيبكم..؟؟
مو أنتوا فضلتوه علي وجلستوا معه ورحبتوا فيه؟؟
أبيه يطلقني وما ابي اعيش معكم..
ما ابيكم ولا ابييييه..
بأسافر بارجع لمكان احبه اكثر من ما انتوا تحبووني..

قرب منها ضمها بقوووة له..
ضمها غصب عنها..
حالها يعذبه يقتله..
هديل بكرهـ\إبعد عني..
ليتك مو اخوي..
ليتني مت ولا صرت توئم لك وفداء..
أكرهك يا هااادي أكرهك بعرض السماء..
أكرهك اكثر من كرهي له..

عضته على صدره بقوووة وأبتعدت عنه..
شالت كل اللي على التسريحة ورمتها عليهم..
قرب منها علي وكتف يدينها بقوووة..
سدحها على سريرها وثبتها غصب عنها..
ضربته وصرخت فيه بقهر..
ماقدرت تبعدهـ عنها..

هديل بألم\آآآآآآآآآهـ ..
أبتعد عنها علي بالقوووة..
بعد مارفعه غازي من عليها..
ضرب هادي بقسوة بعد ماضربه بشبه إنتقام..

قرب منها ورفعها من على السرير..
وقفها قدامه ومرر يدينه على وجها الشاحب من كثر الصراخ والقهر..
قرب وجهه من وجها وركز عيونه في عيونها..
غازي بهمس\إبكــــي..

عرف حالتها اللي صابتها..
صابتها بعد ماضربها بالسوط بفترة..
وبعد ما أنعمت ..
تتجمد الدموع في عيونها ويضيق صدرها..
ماتقدر تتنفس ولا تقدر تبكي..

مسكت ثوبه بقوووة وهي تشهق تحاول تسحب هواء..
قال لها إبـــكي..
بس هي ماتبي تبكي..
بكت كثيييير عليهم..
واليوم عجزانة تبكي على حالها..
هديل بمرارة\أكــــرهـ سعود ..أكرهه..

طاحت في حضنه وهي ترتجف..
وبعد ثواني فقدت وعيها..


إلى الملتقى بإذن الله تعالى فجر الثلاثاء ..

كونوا بخيــــــــــــر ..


صدووود’’’