السلآم عليكمَ ورحمة الله وبركاتهَ ..
كيف حالكَ غاليتيَ [ صدوودَ ] .. ؟ !
آن ش‘ـآآءء اللهَ بخير يارب َ,, ؟
آالببااارتتَ صصآآآرخخخَ .. جدآ رآئعَ ..
..

غآآزي . يَ لببىىىَ ـآ ققلبككَ ق1 ,,
,,
آحب ااباركَ لهديلَ قصديَ صدوود المشاهداتَ الحوالي ثلآث ملايينَ =) ..
بايَ

السلام عليكم ورحمه الله وبركاته

يسلمووو صدوووودي على هلابداع الله يفرج لك ويسرامرك
ويسعدك دنيا واخره

يالله يالي تقولون غازي تغير ومسكين يكسر الخاطر وجالس يسوي اي شيء
بس عشان ترضى عليه والا هو قليل الخاتمه ماحترم البيت الي جالس فيه وخان اهله
يوم انه جالس يتخبى ورى لبيبان لما ابو علي يروح مع ابو نايف عشان يستغل غيابهم
ويستفرد بهدووله ويغثها زياده

بالله عليك وشتبيها تقول لاهلها انك وريتها العذاب والقهر والذل والغربه على اصولها ولا راعيه
الله في تعاملك معها شتقول وش تخلي

بس هي عملت باصلها الطيب ولا فضحتك عند اهلها ولا علمتهم بسواد وجهك
هذا التربيه الطيبه والسنعه الي لاانت ولا احد من اهلك يعرفها ولا هي معرفه بقواميسكم

ام غازي وشوكه ورشا
يطلق عليكم فوق شينه قواة عينه اللحين انتو وش قواه العين جايين للبنت تطالبونها انها تسامحكم
وتتقبل وجودكم بحياتها هي وولدها ليه انتو وش قدمتوا لهااا عشان تعاملك بكل حب
ترى من قدم السبت لقى الاحد قدامه
ترى ذلكم ومعايركم لها وتحقيركم لازالت ترن باذنها وخاصه انتي يا شوكه يوم انك شككتي باخلاقهااا
والا ام غازي الي مسويه فيها الام الرؤووم الحنونه وينك يوم ولدك جالس يهينها ويذلها ويعاملها بكل وحشيه
وكانها جاريه ولا صححتي لها معلوماتها عن وضعها مع غازي ولا رفعتي عنها الظلم الي وقع عليهاااا

صعب صعب جدااااا الي جالسين تطلبونه من وحد ما شافت منكم ريق حلو والا لفته طيبه
بس بالمقابل تربيتها واصلها الطيب طغى على قهرها منكم وسمحت لكم تشوفون ذياب الصغير

سلمان عسى بردتم كبدك واؤرتاح قلبك هذا انت ماراعيه الله باليتيمه ولا راعية غربتها
وجالس تعاقبها على شيء هي مالها اي ذنب فيه
الا الذنب ذنبك انت ووذنب خوفك وجبنك عن مواجه فعلتك
والنتيجه هذا انت خسرت ضناك وخسرت حب ياسمين لك


اسفه يالغلااااا ماقدرت اكتب التعليق الي بالي لاني يادووب جايه من المستشفى
ودخلت بسرعه عشان اشكرك على رونق حروفك ياقلبي

صباح الورد والفل والنرجس صدودة .......كيفك ياعسل ......الله لايحرمنا من ابداعك وروعة افكارك ...تسلم ايدك يالغلا لاخلا ولا عدم منك ....قبل ادخل في تفاصيل البارت حبيت احط تحذير / لكل من تبحث عن المدح والتصفيق والكلام المعسول عن الشايب غويزي لاتمر ولا تقراء ردودي لاني ماراح اغير من طريقي علشان كم حركة سواها عمر الشريف قصدي غويزي وصار الفارس المغوار ..ولا اشوف وحدة تنط لي وتقول يازيزفون ولاحظو زيزفون بالاسم ماقالت رابطة هديل يعني كلام موجه لي وهذا بالعام غير الي بالخاص غصب رضيتي او مارضيتي حبي غازي ولا تكتبي شي ضده ...

والي تشك اني متعقدة ومارة بتجربة هديل احب اطمنها واريح قلبها لاتخافي حبيبتي انا متزوجة رجال وحطي الف خط عند رجال مو فار يستقوي على الحريم ولا واحد ناسي ربه والحساب الي بيجيه يوم الحساب ومايحتاج اكمل كل وحدة عارفة الي كتبته ورسلته ..واحب اقول لهم حبو غازي مثل ماتبون امدحوه ماحد مانعكم عندكم اصابع وكيبورد ماحد معترض الا تبوني ارضيكم ... نصيحة اذا شفتو اسمي غمضو عينكم ولا تقرو كلامي شتبون بكلام وحدة عندها نفسية وشوي بيصير هاربة من شهار


اعتقد ردودي وككلامي ماجبتها من جيبي ولا من مخي كل شي موثق بأحداث الرواية ..واتحدى وحدة تكذبني .... الحين غويزي المتعلم المثقف الدكتور الي يعرف ربه ودينه فكر ياخذ ثار اخوه من بنت مالها دخل في الي صار اولا ...هل الي يرمي قانون بلده الي يطبق احكام الشرع بما حكم كتاب الله علشان افكار مريضة يستحق الي يستحقره اولا هذا المتعلم اجل شخلى للي مايعرفون الا الهمجية

والي مقهورة من هديل لما دافعت عن نفسها وهي ماتدري هالشخص الي ماخذته زوجها وهذا ابسط حقوقها صارت تستفزه يعني هو لما يتلصق فيها ويحضنها ويبوسها بصفتها جارية ملك يمين مو استفزاز ولا ظلم

ولما يحرمها حتى من اسمها واسم ابوها بدون وجه حق وتتمسك بحقها فيه يضربها ويجرم فيها لما يكسرها او يورم وجهها وتقولون ي السبب يعني انذلي وانهاني وانحرمي من كل شي عطاك اياه ربي والا انتي الي جبتيه لنفسك وتستاهليه صدق مجتمع يوقف مع الذكور حتى لو كانو من اظلم الناس ضد البنت بس لانها ضعيفة وماكأنها مخلوقة من مخلوقات رب العالمين ولها حقوق وكرامة والاسلام حباها بنعم وكرامات ميزتها عن باقي الديانات


ومايحتاج افصل الي صار والي بتقول لي غلط وحبها ....والي يحب يجلد محبوبه ومايهتم لعذابه ووجعه ....والي يحب يغتصب الي يحبه ويتركه بظنونه وتعالو يااهلها صلحو الي سويته وجملو صورتي عندها ..........لا ويوم جاب ابوهاالي حاجته عنده استقبله بنفس خايسة ماادري شايف حالة احسن البشر وهو انجسها .......دام مو عاجبه اهلها ليه يقرب منها ويفرض حاله عليها هذول اهلها رضى والا مارضى ملزوم يحترمهم وخصوصا امها وابوها ...........بس فاقد الشئ لايعطيه مااهتم لامه ولا احترمها بيحترم اهل زوجته محال


خبري الي يتزوج حتى لو ماحب زوجته تصير عنده غارية وحمية بس الي شفته من هالعاشق العكس .... ولا تقولون مارضى بكلام مسفر وغار لانو السبب واضح غيرته مو غيرة رجال حر هو عارف انو مايملك الي يملكه مسفر والي اي بنت مثل هديل تتمناه غير الرجولة والشهامة والحمية والغيرية عنده الشباب الي مايملكه عنده المركز والمهنة الي هو انطرد منها وتلاقي سبب سجنه غلطة تسبب فيها بموت احد وليتهم قصوه وريحو البشر منه راعي السجون

والي بتقول معذور عنده ماضي وخير عنده ماضي شدخل هديل بعقده والله فيه نفسيه يروح يتعالج مو يبلش بنات الناس .....والمصيبة انو طبق على هديل الي هو عاشه الحرمان والسجن والتعذيب النفسي والجسدي تحت مسمى الزواج والحب والعشق .......بصراحة انسان طبيعي جدا ويط بق شرع ربه في حقوق الزوجة ينضرب فيه الامثال

وتعالي ياهديل ابلعي الي صار وافرحي ترى الي سواه غويزي عشق وهيام ورومانسية من ايام العصر الحجري يابختك يالي ماتعرفي للنعمة .....اجل تبي واحد يحترمك ويقدرك ويراعيك بما امر رب العالمين صدق غبية وماتستاهل الكنج غويزي ملك الاجرام والسوابق



جاي بيت رجال بيوم من الايام حرق قلبه ومااحترمه وهو عنده هدده ودخل الرعب بقلبه والحين يسرح ويمرح على كيفه في البيت مفكره بيت ابوه الي جابه اذا انت تارك بيتك سبيل لكل من هب ودب بيوت الناس لها حرمة يعني لو مرت وحدة من حريم البيت ماتقول لي بأي صفة واقف مكانك ....هل استأذنت صاحب البيت هل هذا احترامك صدق وقاحة لاومفكر حاله بغرفة النوم يسوي الي يبي ...... صدق الي استحو ماتو

وهديل لو هي ذكيه كان عرفت انو الي يسويه غويزي شي عارف انو بيضعفها تلاقيه كان يسويه من ايام زوجته القديمة اذا بغى ياكل بعقلها يعني واحد عنده خبرة استغل جهل هديل قال خلني استخدم اسلوب ماتعرفه خوب هو ماقصر كان مشبعها بالحب والرومانصية ........

وهديل استسلامها له ماراح يرفع قدرها عنده مثلها مثل الي تنضرب كل فترة ويسكتها زوجها بهدية او فلوس او كم كلمة والغبية الي ترضى الكرامة ماتنشرى بالماديات ولا بالكلام المعسول ...........واذا رضت ورضخت وسلمته قلبها كل ما سوت شي ماتبيه وهو يبيه راح يضربها ويسترضيها بهالحركات وكم كلمة اعتقد الخمس سنين الي ضاعت من عمرها كافيه ....الحين لو شافت صديقاتها كل وحدة متخرجة وعندها شهادة ويمكن وظيفة ..ماراح تتحسر على عمرها

وليه نروح بعيد اختها غادة الي حققت احلامها زواجها من راكان الي تحبه ومشروعها الي حلمت فيه وصار له اسم ...وهي شلي حققته مين المسؤل ........شمعنى هي الي تنحرم من كل احلامها حتى في اختيار شريك حياتها وابو عيالها .....والي بتقول غويزي يعوضها اقولها هل بيرجع عمرها الي ضاع هل بيمحي الجروح الي بقلبها قبل جسدها هل بيعوض امها الدموع وحرقة القلب وهو الي تجرع مرارة فقد الضنى ومع ذلك سواها في ناس ماضروه وماخاف ربي يعاقبه


ركز عيونه على اظافرها وأنتبه علىيها مجروحة..
رفع عيونه بعيونها بحدة..
وليه ان شاء النظرات الحادة هذا زرعك مفكر علشانها عند اهلها من تشرف حضرتك او تسمع طاريك خلاص نست الي صار والله لايكون مصدق انو الي قالته بحقه انو ماقصر عليها وصانها صحيح ...مين السبب في حالت اظافرها وحالتها النفسية ....الامان الي عيشتها فيه والله الحنان الي عوضتها فيه عن بعد اهلها
وبوجود أبوها واخوانها وقبيلتها كلهم خافت منه..
حست بنار في ظهرها..وكأنه يجلدها بقسوة..
وصداع طاغي براسها..

الله يلوم الي يلومها وربي العذاب الي شافته معاه مايتحمله اقوى الرجال ...اذا هو عنده عقد من ماضيه وتلاقي بعضها من طفولته وهو مانسى ..والكل حاط له اعذار ....وهديل المظلومة الي الى اليوم تتذكر وجع الضرب الكل قايم عليها وغصب ترجع لجلادها لانه يبها لو كان مايبيها حتى لو عنده منها ولد كان عطوها الحق ماترجع له قمة الانانية والظلم ...ليه لانو الجلمود المتجبر الي مو من حق هديل ماتحبه ومو من حقها ترفضه ولا تعترض على الي يبيه
ولا من حق الي مستنكر تصرفاته وظلمه يتهمه بشي ويطلع حقابقه الواضحة للاعمى لانه غير البشر .. ماادري شوفة هالنفس على ايش الحمد لله والشكر لاعقل ولا حكمة ولا خوف من الله ولا اتعاظ من المصايب الي ربي بلاه فيها
شرب القهوة وهو يتمنى لو يقوم ويهزها ويهاوشها..
هذا أنتي عند أبوك..
عند حسين اللي ياما ناديتيه وأنتظرتيه..
وهادي حبيبك وأمك وهلك كلهم محاوطينك..
حتى ولدك هو لك ما خذيته..

وش اللي تبينه اكثر وتريحين نفسك..
ليـــه تأكلين اظافرك وتجرحين اصابعك..
مابقى عليك خوف مني..
بعيد عنك تحاوطك أسوار بيتك واسوار هم أبوك واخوانك وصــــدك..
أنا صرت بعيــــد ..
أنبســـطي..تهني قبل أخذك من جديد..
يتمنن عليها حضرته الي يسمعه هو الي جابها لابوها موغصب عنه ولا بسبب راجح الي متوعد له لانه خاف ربه وطلب رضاه والععفو على مشاركته في ذنب كبير .... بالذمة ماباقي عليها خوف منك ..طول ماانت على وجه الدنيا حر وطليق مالك امان ياما صدقتك بوعودك واعطيتها الامان واخلفت فيها يااكبر المنافقين
وماتركتها لسواد عيونها لانك عارف لو انفضحت بلاويك حتى رجال قبيلتك الي ساحبهم معك ماراح يوقفون معاك والقانون الي مستهين فيك ماراح يعطيك اي حق لافيها ولا حتى في ولدك لانك خطر وغير مؤهل وعقلك موموثوق فيه قال اخذك من جديد ويبيها تنبسط
أبييييك تفرحين تضحكين...
أبيك تنسين غصب أو طيب تنسين..
هههه ضحكتني وانا مالي خاطر اضحك ...وليه حضرتك مانسيت انو اخوها قاتل اخوك من قبل ماتعرف الحقيقة ليه ماراعيتها يومك ميت عليها .. والله انت من حقك ماتنسى وتنتقم وهي بالغصب تبيها تنسى سواياك وظلم اهلك صدق اناني مع مرتبة الشرف تبيها تنسى علشان تجدد شبابك على حسابها تبي تفرح عمرك على حساب الي سويته
لو هادي وسلمان صدق قتلو سعود وبتعمد هل بتنسى انت واهلك محال ...
الخوف ما ابيه يسكنك وأنتي بينهم..
يعز علي أكون مصدر خوفك..
الخوف ماتبيه يسكنها وانت ناط بدون دعوة وفارض نفسك انت سبب بلواها وهمها قبل ماتعرفك كانت وردة في اوج جمالها بعد ماشافت خشتك النوم مثل الخلق ماصارت تنامه بأمان ...تبيها تشيل الخوف مؤقت الين تجبرها ترجع لك ليه هو بكيفها والا تستهبل حضرتك
بس عشانك أرضى باللي تبين..
كوابيسك وجرحك لأصابعك رجفتك..
كلها لازالت تسيطر عليك..
اتحداك واذا انتوي لها الي تب رجال من ظهر رجال بتسوي لها الي تبيه .....وهي قالت مابترجع معاك ماتبيك ...لاتقول ولدي ماولدي وهو اصلا ماهمك ولا جبت خبره بس للاسف ليته راح ولا يصير نقطة تبتز فيها هديل خوب الحين ماعندك الي تهددها فيه غير هالبزر

وكانت مصدوومة إنه أكتفى بــفنجال قهوة..
تعرفه..تحلف إنها تعرفه وتصرفه ماهو طبيعي..
ماهو من عادته يتركها بسلام..

انتي قلتيها تعرفيه ...والله راح يتخشش مثل الفيران ...كأنو البيت ملكه ومافيه احد غيره ...لااحترام لااصحاب البيت ولا احترام لعمره مراهق الشياب

\إيه قال مسفر إنه وصلك لزوجك..
وسافرتي معه..
وهذي نقطة في بحر من جمايل مسفر على الخسيس غويزي ...ولولاه هو كان هديل لليوم نابده نفسها ونابده ولدها لولاه يمكن حتى تصرفت تصرفات غير محسوبه ...بس كل واحد واصله والظاهر غويزي الطفرة الحقيرة في الجالي كلهم

غازي بهمس\طمنيني عنك..؟؟قرت عينك؟؟
أنجبر قلبك؟؟هدت روحك..وجفت دموعك.؟؟
ماتت كوابيسك..؟؟أندملت جروحك..؟؟
ياسلام يعني انت تجرم وغيرك يداوي مفكر بجلستها ببيت ابوها وقربها من اهلها بتنسى ظلم خمس سنين ...صدق الصافع ينسى بس المصفوع لا ...كوابيسها ماراح تختفي وهي عارفة انك مابتتركها في حالها تعيش في امان واي جروح تسأل عنها الي بقلبها والا الي بجسمها اختار وحدد ... والله سخافة هو يجرح ويجرم ويبي غيره يداويها علشان ترجع له مثل مايبي مو لانه عمره ماشافها بشر من لحم ودم مجرد دمية مالها مشاعر مفكر كل الناس مثله احساسها ميت ..هذا الي تبوه يعالجني من النفسية خلوه يعالج عمره اول بعدين يعالج الناس ابو شهادة مزيفة
زادوك جروح..زعلوك..صدووك..؟؟
ليه مفكرهم غازي واهله على غفلة .......كلن يرى الناس بعين طبعه
غازي بعتب\كنت أظن أول مابيشوفني أبوك..بيثور فيني..
بيجلدني وبيكويني..توقعت يطردني ويهيني..
الكرهـ والحقران اللي كنت أظن بأشوفه مالقيته..
الحقد اللي زرعته في قلبه سنين ماجنيته..
تسألت معقولة يقدر يخفي كرهه وحقده علي..
كيف يشوفني قدامه ولا يذبحني..
وأنا اللي قهرت بنته..عذبتها..ضربتها وجرحتها..
واسمعه يخونك ويوقف معي..يمدحني بوجودك ويطعنك بكلامه..
سامحني وأنا كلي عيوب..
يقول إني صنتك وإني عوضتك..إني رعيتك..
كل واحد يعمل بأصله ...انت دوم همك نفسك ورضاها وبس ...وهديل الي ضحت بنفسها علشان اخوها وماتحرق قلب امها عليه ماهان عليها تحرق قلبها وقلب ابوها رغم كل المرار الي تجرعته شوف اهلك كيف عاملوها وشوف اهلها كيف عاملوك هي دافعت واخفت اجرامك وابوها اخفى نذالتك وماصغرك عند الي بالمجلس من اهله واهلك ..وماراع يبين بعينك لانك قليل اصل ولا فيك خير
يبيها تأخذ بحقها منه..يبيها تعذبه وتقهرهـ..
تسبه وتشكي منه لهلها..تطلب حقها منه..
ينصفونها وينتقمون لها..
عشانها يتحمل وينقهر..
يصبر ولا له قوة صبرها..
ولو صار كل الي تقوله بيرجع سنين هديل الي راحت بيداوي جراحها بيمحي خوفها ولاشي الي راح مايرجع عمرك شفت ميت يرجع للحياة هديل المرحة والمتفائلة ماتت والي رجعت وحدة مكسورة مهزوزة ماعندها ثقة لابنفسها ولا بلي حولها حتى اهلها اقل تصرف منهم تشوفه بمنظار اسود يكمل الي انت بديته من يوم كانت عندك كنت تحرق قلبها انو اهلها نسوها والواقع المر غير امها مانستها كانت تبكيها وهي الي ماتدري عن وجودها

لا وجاي الاخ بيتمنن عليها بتركك تنسين وتنتقمين بس لاتطولي كلفت على عمرك صراحة ...اذا انت نسيتها هي بتنسى الي صار ليه الي صار لعبة والله شي سهل ...بس ارجع اقول ماعليك عتب ماكو احساس والضمير ميت حتى العقاب يبيه على كيفه ومدة ماتتعبه وينه عنها وهي تشتكي قل صبرها وتعبها من فراق اهله ليه ماانهى عذابها في هالمدة حلال عليه يعذبها بكيفه وحرام عليها صدق قمة العدالة

وهالخاتم الي لوع كبد هديل فيه اذا عقد الماس رمته على عاملة نظافة بتسكتها بخاتمك الخايس يكفي انك لابسه سنين لو انا من هديل اخذه واقرب عامل نظافة في الطريق اعطيه اياه .. لو الجروح تداوى بالعطايا ووسخ الدنيا ماحد عاش مهموم

غازي بهمس\إن كانت الكلمة الأخيرة لك..
فــ القرار الأخير لي..
اي هذا انت يوم مافاد تمثيلك واكاذيبك عليها طلعت على حقيقتك القرار لك غصب رضت ولا انرضت من متى هي لها كلمة او قرار تبي تجدد شبابك وتشيبها اكبر من ماشيبتها صارت تتصرف بعمر وحدة بالخمسين من الهموم الي جتها منك ومن اهلك
حتى في بيت هلي مو مريحني..
رووح الله لا يردك.
والله ياهديل لاتشرهين عليه شايب موشايف خير بحياته ...وانتي ماوقفتيه بكلمة تعلمه قدره ولسى الجاي اعظم لانك فكرتي بيوم تدافعي عنه وتخفي حقيقته ..والله ياهديل لو تجيبي ديتول مركز ماراح تمحي الي سواه اهم شي ارضى شهوته شوي وماتعود يرضيك بهالشي دوم بالغصب اهم شي يريح نفسه رضيتي والله احترقتي

وهالشايب كله كوم وكلمته لمسفر كوم مالت عليه مرة مسفر ينتظر منك كلمة شكر حمدلله والشكر ليه انت مديون له بس بهالموقف اجل مبسوط انو انضرب ها والله ماانضرب الا يدافع عن عرضك ياعديم الشرف جاي على الاخير تبي تستعرض ليت كسروك ووروك قدرك يعني الحين هديل طابت جراحها وانمحت اوجاعها والله لو تجيب بانزين وتشب بعمرك ماراح تصير رجال ياشبيه الرجال

نجي عاد للي ماكفاهم ظلم لهديل واهلها كملو عليهم انهم متغيرين عليها بدون سبب مين قال طالما غويزي موجود ماراح ينعدم السبب هالتغير ماصار الا بعد عزيمة ابو نايف وطبعا انفتح موضوع سعودوه وقتله وهادي وسلمان موجودين وسردو الحقيقة المرة على الموجودين يعني يالجالي مالكم لافضل ولا منة علينا
طبعا صدمة للموجودين خصوصا ابو علي الي رمى بنته لواحد مايستاهل ظفرها تذكر المعاملة الطيبة من ولد الاصول تذكر طلبه الرحيم والمحترم والاسلوب وكله طلع على الفاضي

فأكيد الشايب ماكفاه الي سواه لهديل فكر بعمر طلب منهم مايخبرو هديل الي صار صار وهو عنده ولد منها واذا عرفت هديل بتنهار انها ضحت على شي فاضي ...والاوادم اخوانها ماكفاهم الي صار لها صارو يتحاشونها علشان لايخبروها ...يعني هديل مااكتفت من الصدمات الى متى وهم مايراعونها موكافي ضاع عمرها بسبب هالخفايا مو من حق اي احد يخفي عنها شي بعد ماضاع عمرها كافي ظلم هالشي مو من صالحها كله من صالح الظالم حرام هي ماتبي ترجع له مايحتاج يخفون الحقيقة طبعا هو خبر اهله وطلب منهم مايخبروها دامهم بيزوروها وامه عجوز قريح ماكفاها الي سمعته من هديل يوم اخفت عنها حقيقة صلتها بولدها بأمر من ولدها الي كلامه واوامره ورضاه اهم من رضى ربها خوب ماوراها عقاب ولا جزاء جاية بكل وقاحة لهديل وساحبة معاها العنزتين يبون رضا هديل بكل بساطة دارت الدواير يوم هديل عندهم يهينوها كأنو لهم عندها شي ...واليوم هي القوية رغم انها ماتعرف الحقيقة والاخت شوكة كانت بتخبرها انو هادي ماقتل وعرفو الحقيقة بس هالعجوز عساها تطلع من بيت هديل للمقبرة ماتعلمت ولا تابت رجعت تنفذ اوامر ولدها الي بيوم مااهتم لطلبها وخلاها تطلع من بيته بدون مايلبي طلبها ......مواذا ربها يوم الحساب سألها عن الي سوته بهديل بتقول طلب ولدي ... نست انو مابينفعها ذاك اليوم الا عملها لامالها ولا عيالها بينفعوها يعي غويزي كلامه قران يتنفذ بحذافيره ..بكل بساطة جاية مع بناتها المنافقات بس هديل بردت شوي من الي بقلبها خليهم يعرفون قدرهم وهي قالتها ولدك مجرم ماعليه شره بس انتي ام وانثى
بلحظات بس عيشي وضعي..
تخيلي ينفرض عليك رجال ويهينك ويمتهن كل شيء فيك..
ويناديك بجارية له..أمة ملك يمين..

فعلا كل الي سواه غويزي كوم وهاللحظات الي دمرت هديل كوم ثاني والمصيبة حتى بعد ماحاولت تذبح حالها وفقدت بصرها ماكلف خاطره يبرر لها ويعترف بس يعرف يكرر سواته الخايسة لو وحدة بس فكرة في هالكم سطر مالامت هديل ولا غفرت لعديم الرحمة ...من اصعبالامور على الانثى هالشي الي صار قاسي جدا ...اذا في بنات يتعرضون للاغتصاب من الطفولة والين تمر سنين ماتروح عقدة الخوف والضياع منهم كيف بهديل الي عاشت هاللحظات المرعبة ...والاخ يطلب منها تنسى بكل بساطة المصيبة كل جرم اكبر من الثاني وهو مستهين فيه وياليت عنده مبرر


نجي للعلة الثاني سلمان ماشاء الله مافرقت عن غويزي بشي الا انو انت متزوجها قدام الكل ...بنت غريبة عن البلد وبعيدة عن اهلها تطلع اغلاطك وذنوبك فيها بالضرب صدق ماتعرفون الامانة الي بيديكم اهليهم يأمنوكم عليهم وبما يرضي الله ...

مالك عذر ياسلمانوه مثلك مثل الخسيس غويزي مراجلكم على الحريم ووقت الشدايد تشردون مالت عليكم وعلى المراجل الي تفهموها بمفاهيمكم والله ماتستاهل ياسمين الي صبرت عليك من قبل الزواج ابتلت بمتخلف همجي .... والمسكينة شايلة هموم اهله واهل هديل اذا عرفو انها تدري انو هديل حية ...بس مااعتقد انو احد بيعاتبها لانو الي سوتهولاشي عند الي سواه ابو هديل وعمها

وغدة الغبية لاتتصرف تصرف يدمر هديل هي ماتعرف شي هديل مرعوبة من الي عاشته خايفة تطلع من البيت وتعيش مثل الخلق ويحرمها الشايب من بيت اهلها ماتبي بعدهم كافي حرمان خمس سنين .......حسبي الله عليك ياغازي كانك حرمتها خمس سنين وحبستها وبتكمل باقي عمرها محبوسة من خوفها شهالعيشة هو يروح ويجي عايش حياته حتى يوم هي بعيد عنه مشاريع وفلوس وسفرات وهي بخوف ورعب .... دام في من يلوم هديل على كل الي صار ماراح نشره على غويزي وامثاله

وهديل برسالتها جنت على عمرها لانو عارف انو الموت هو الي بيمنعه من الوصول لها واكمال الي باه فيها ماراح يرحمها ولا يتركها بحالها وهي الي جابته لنفسها يوم تبيض صفحته .....هديل الصريحة صارة تكذب وتكتم ...موقلت لكم هديل القديمة ماتت مفكر غازي اذا رجعت بينزاح همه وبيرتاح اي هين البنت صارت دمار ومعقدة وماراح ياخذ منها شي حقيقي لانها تعوذت على الكذب والبركة في استادها

بس هديل بذكرك بكلمة قلتيها ولا تنسيها ...... انتي قلتي الله لايسامحني اذا سامحتك ياغازي ...دوم تذكريها ليل ونهار ولاترخصين بكرامتك الي بقت مهما صار وهو الي جنى على عمره من البداية مو كل شي يبيه يصير ...كانت عنده بكامل قوتها وهو الي كسرها يتحمل العيش مع انسانة مات احساسها علشان تناسبه


صدودة من حق هديل تعرف كيف مات سعود حتى لو تسمع اخوانها يتكلمون بالصدفة لاتحرميها من هالشي كافي الصدمات الي دمرتها .... في انتظار احداثك وماتحمل من مواجع جديدة لهديل

بناااااااااااااااااااااااااات وش فيكم على غازي

حرام مسكين احس مو عارف اشلون يعتذر ويعبرلها عن حبه لها

وبعدين هو الحين جالس يحاول يكسب راضاها

ولاتنسوا الذيب الي بينهم حرام يتعذب هو ماله ذنب

وغازي الحين يحاول يكسب رضاها ويصلح غلطه

وهي لازم تسامحه عشان نفسها قبل كل شي


......................................

صدود نحن ف الانتظار وي رب بارت اليوم
يكون فيه اكشن ولقاء ثاني بين هديل
وغازي ويكون بارت طويل يرضي عطشنا لروايتك
المبدعه ويكون هدية انتظارنا

صباح الورد


بارت ولا اروووع
واحداث ولا اجمل[/color]



غازي وهديل :
( ما ملك الا يبتسم لها ويشجعها..نزل عيونه من عيونها وراقب يدها بتسلية..وهو يشوفها
ترتجف ويمكن تكب القهوة عليه.. )
وهذي حكايته دايم الدوم معها ... هو الوحيد الي يشجعها رغم ضعفها يساندها رغم
انكسارها يقويها رغم تعبها


( وش اللي تبينه اكثر وتريحين نفسك..ليـــه تأكلين اظافرك وتجرحين اصابعك..)
و مازال يراعيها ويحاول حمايتها حتى من نفسها ... هنا هو حس ان تضحيته وصبره
على فراقها ماجاب النتيجه الي يبغاها لان هدولته مازالت تعاني رغم تواجدها بين
اهلها واحبابها ... ولان هديل نوعا ما لسى خايفه ومو متخيله انها خلاص عند اهلها
وماراح ترجع فتعيش بكوابيسها الا انها داخليا مو مستعدة تخسره لان له حيز ولو كان
ضيئل بنفسها له مقدار قدر يوصل له ماوصله احد غيره بس متى تكتشف هالشي هالخبله
مادري ؟؟؟!!!!!!!!!!!!!


( تعرفه..تحلف إنها تعرفه وتصرفه ماهو طبيعي..ماهو من عادته يتركها بسلام.. )
هههههههههههه حتى انا اعرفه وعرفت انها خدعه منه لها ولاهلها فووووديته الذكي


( شيء داخلها يرفض كل اللي عرفتهم في إيطاليا..)
وراح يظل هالشي يرفض كل ذكرى لها هناك حتى تقدر تاخذ بثارها وحتى يقدر غازي
يقنعها بانه خلاص تاب وتغير عن اول وانه يحبها ومايرضى عنها بديل ولا حبيب


( غازي بهمس\تعرفيني أكثر من كذا..وتعرفين إني مستحيل أضيعك.. )
بعدي والله لا تعقد نفسك وتخلي بنفسك شي ..


( كنت افكر كيف بانزل العباية من عليك..بس أنتي أرضيتيني.. )
يالبى المرة السنعه الي تدور على رضا زوجها هههههههههههههه


( ليــــه ما شكيتي..؟؟ليـــــــه..؟؟ ) & ( دليل على إنها ماتملك جواب لسؤاله.. )
الواضح انها ماشكت عنه لانها ماتبي تقهر وتذل ابوها بس يمكن لها فكرة ثانيه
يمكن هي تبي تقهره وتعامله بنفس اسلوبه هو يعذبها ومايرضى احد غيره يعذبها
هو يقهرها ويذلها ومايرضى احد غيره يقهرها ويذلها فيمكن بنفسها بتسوي نفس الشي
معه بكذا تعذبه اكثر من انها تشكي عنه وتقول كل مصايبه بكذا التاثير اقوى واشد عليه


( لأنه أدرك إنها ما بتتعالج وتنسى إلا بحياة جديدة.. )
فعلا لازم تبدا تعيش حياتها من جديد ترجع لجامعتها ترجع لصاحباتها ترجع لشغلها
وللتصميم من جديد ترجع لذيبها الي اهملته فترة وبعدها يرجع لحياتها حتى تكون حست
بكيانها من جديد ويكمل معها انتقامها له وبكذا تتساوى الكفه


( مدري متى تحنين..بس لا تطولين بهجرك..انا ما اقوى فراقك.. )
غازي هنا يضغط على نفسه بس عشانه يبيها تحس بالامان و ترتاح وتعيش بسلام
حتى يحسسها بقوتها ومكانتها عنده بس ادنى محاوله منها انها تتفرعن عليه يادبها
ويوضح لها ان الكلمه الاخيرة له والقرار قراره بالطيب بالغصب قراره
>>فيس يهز حواجبه لبعض الناس خخخخخخخخخ


( غازي بهمس\إن كانت الكلمة الأخيرة لك..فــ القرار الأخير لي..)
لازم تنتبه لهالنقطه لان وش فايدة الكلمه اذا القرار بالاخير هو الي بيتنفذ


( وهي رفعت حواجبها بمعنى تبيها أو مالك غيرها.. )
ماتتوبين ابد .. كل مرة يهزمك وانت زي ال ..... تناقرينه وعارفه انك بتنهزمين


( رووح الله لا يردك.. )
استغفر الله العظيم .. كذا علمتك امك .. تدعين على زوجك


( فسخت الفستان ورمته بزبالة الحمام.. )
لا حول ولا قوة الا بالله .. ماتدرين " ان المبذرين كانوا اخوان الشياطين "


( أنبسط يمكن يأخذ كم بوكس وركلة تبرد قلبه شوي.. )
اي والله ليتني كنت جنبك صافه اتفرج عليه وهو يندبغ


( غازي بابتسامة\ماهـــو بشـــكراً .. )
ههههههههههههههههههههههه اكثر شي ضحكني هالكلمه وه وه فوديتك


( غازي بحدة\نكمل مابديتوهـ ..؟؟! )
يالبى الرجال الغيور الزقردي حتى عقاله خلاه واخذ بثاره بيده


( لو تعرف إنه أنضرب بقوة ..واللي ضربه عيال قبيلتها..وعلى شـانها ..)
اتوقع ان عبود هو الي بينقل لها هالسالفه وخصوصا لما اظهر اعجابه فيه وقال عنه ذيبان


( لو يقول تمساح كان أصرف واحسن.. )
كلامك ياهدول يناقض نفسه مو انت الي قلتي
( ذيبه انا يا ذيب لو تزعج اعواك )


( شافتهم يتهربون منها..حتى هادي كان هو اكثر شخص يهرب منها..)
اعتقد ان باجتماع القبايل الثاني تكلم ابو نايف وقال كيف التقاها وانه اخذها من الشارع
ولمها من السفارة وعاشت عنده مثل بنته فترة وبعدها رجعت لزوجها مثل مايظن ..
وطبعا هالشي بيكون اشد واقوى على نفسهم انهم يعرفونه من الغريب مو من بنته الي
مازالت ترقع وتغطي على فعلة ابوها وزوجها


لو افترضنا ان الاجتماع الثاني عشان تاخذ حقوقها منه كامله ويعلن على اساس الاشهار
وتاخذ مهرها وكل شي فالواقع يرفض هالفرضيه لان الكل يعتقد بان زواجها تم على اساس صحيح
اذن ليه تجمعوا ببيت ابو نايف الا اذا كان بطلب من غازي وفيه قرر وش يبي ومن هالشي انه بيخليها
عندهم فترة حتى تهدا بس وش الباقي الله اعلم


( ألبوم رحلتنا..؟؟أدري وش تقصد..تقصد مراحل عذابي معك..)
ياحبك للنكد .. دايما فاهمته غلط .. الرجال يتودد لك .. افتحي عقلك وعيونك زين
وشوفي هو وش يسوي لك بالحاضر مو بالماضي


( وتدري إنها بتقهرهـ فيها... بُگرَهـ أمُووووت . و إلليّ گسّر نفسيّ بِ هَمّ . .بُگرّهـ يقَطعــــه آلنّدمْ ! )
دامك تدرين انها بتقهره اذن تحملي الي بيجيك منه .. قلت لك ماتتوبين ماصدقتيني ^ ^


هديل واهل زوجها : كل الي قالته وسوته يحسب لها مو عليها لانها بكل اذب وذوق
عاتبته واظهرت حنقها عليهم ومع كذا ماحرمتهم من ابنهم لان قلبها ابيض ونقي وصافي
ومع كذا نفسي اشوووت شوق الي مسويه انها تابت وجايه تهدد مع وجهها



ياسمين وسلمان : خلك تجبرك وجبروتك ينفعوك مو عشانها يتيمه وضعيفه وساكته
تستقوى عليها وتاكل حقها بقوتك الحين ربي ابتلاك بضناك وزوجتك والسبب انت ....
ياسمين بعد الي صار لها وبعد فقدها المحتمل لابنها راح تواجهه وتطلب منه ترجع لاهلها
وترفض كل حل او صلح منه حتى مايحس انها مالها سند ووحتى مايرجع يكرر حركته معها
من جديد وتكون اول مرة واخر مرة


ياسمينو هدول ماتدري عنك لانها اساسا ماتدري عن طلب صوفي لك وناسيه كل الدنيا
وعايشه الماضي بس


ياترى وش المفاجئه الي محضرتها لها غادة وسارة اكيد حفله او عزيمه وشهد فيها
وبيضحكون عليها بان ولدها فيه شي وبكذا بيخرجونها بالغصب من البيت



غروووري شكرا بحجم السماء على ابداعك اللامتناهي
وبانتظارك باي وقت وبالمقدار الي تقدري عليه