صباح الخيرات صدودة ....... كيفك ياعسل .... تسلم ايدك ياقلبي لاخلا ولا عدم منك ومن ابداعك ... قبل ادخل في احداث البارت حبيت اوجه رسالة لمن يطلق على الناس احكام والقاب مسيئة ... اتمنى من الي يشوف هالاشياء في الرواية يطلع لنا على العام ويقتبس الحدث الي يدل على الكلام الي يقوله ... خلينا نتشارك في هالنقاط ونحكم ... يعني معقولة كل الي يقرون الرواية ويعلقون معمية عيونهم عن هالنقاط المذكورة ... اخواتي ترى كل حرف ينكتب ربي بيحاسبنا عليه لاتستهينو بأي كلمة ترموها بدون ماتحاسبو انفسكم ... وانتو موبس تتهمون الكاتبة تتهمونا احنا القارئات على السكوت عن هالاشياء الكبيرة ...

يالله تطلع لنا وحدة على العام وتوضح كلامها بأدلتها الي استشفتها من خلال احداث الرواية ... خليها تكسب اجر في هالشباب وبنات الامة الي بتنهدم افكارهم .... النقد حلو ونفع الكثير من الكاتبات اذا كان النقد بمكانه وكان الهدف منه تغيير بعض الاشياء الي تفتقر لها الكاتبة ... بس النقد الي يكون بمحله مو يجي من الهوى وماله هدف ولا فايدة لاللكاتبة والقراء
نجي عاد للي يبون هديل بالطيب بالغصب ترجع لشيبة عرعر ... يعني مقهورين علشان هديل صار لها مدة ماانضربت ولا انهانت على ايد هالمجرم .... البنت ماتبيه موغصب ... والله هي مو مسؤلة تسعده وتبرد قلبه على حساب عمرها يروح يدور له وحدة من عمره ترضى فيه ..... وبعدين صدودة لاتخربين باقي روايتك بنهاية الكل مخمنها من كثر ماشفناها وقرينها بأغلب روايات النت .. يضربها ويكسر عظامها ومن يقول لها احبك طاحت بحظنه وشقت الحلق وبادلته الحب حشى ولا افلام عمر الشريف وفاتن حمامة

نبي نذالة ماحصلت خخخخخخخخخ خلي الكل تطلع عينه المهم منبي افلام الابيض والاسواد والافلام الهندية لاعت كبودنا ... ماصدقنا شفنا شي جديد نبي نهاية جديدة وانا متأكدة انك بتفاجئينا مثل دوم بس زيدي جرعة المفاجعات ونبي هالمرة شي لغويزي من بداية الاحداث الي حد الحين ماشفنا شي يهزه مع انو السبب معروف وين ينهز واحساس ميح ماكو


هديل وتغير شخصيتها للاسوء بعد رجوعها ضعفها الي ماكان لهالمستوى ... ماالومها على خوفها لانها انحرمت من الامان خمس سنين ....عاشت الي ماعاه غيرها بعد الحب والفئ والحنان بوسط اهلها الي الغربة والضرب والقسوة ورميها وسط رجال لادين لهم ولا خوف من رب ...والسبب انسان المفروض يكون احرص عليها من نفسه لانها شرفه وعرضه ...وحتى لو بس خادمة عنده مايرميها هالرمية لانها بنت بلده
مويتركها مع ماكس وفكتور وزبالة المزرعة والحين جاي يتمرجل على مسفر وراجح ..على الاقل هم ماتحرشو فيها

وبعدين تجميل واجهته قدام الكل على حساب هديل واهلها ظلم .. على اي اساس يبيضون صفحته عند الجماعة وهو اكبر مجرم يستحق ينداس بالرجلين
على اي اساس يبين انو صاحب فضل على عايلة الجاسم لما تزوج بنتهم وفك رقبة اولادهم علشان جريمة ماارتكبوها العيال .... المفروض وقدام كل هالجماعة يصير رجال لو مرة وحدة بحياته ويخبرهم انو طلع ظالم وماله حق عندهم ولا له فضل ويخبرهم الحقيقة

على اي اساس هادي يضل يحمل وصمة جريمة انو قاتل وهو ماقتل ولا له ذنب ... شمعنى هديل وهادي واهلهم يلاقون كل هالمصايب والجالي يطلعون بالزينة كافي الي شافوه من وجه النحس غويزي


هديل مانفعت نفسها يوم بيضت صفحته ولا حتى ابو علي لانو هالشي ماراح يبين بواحد مثل هالحقود جاي نافخ صدره وفارض روحه على بيت الناس مفكر انو من حقه يسوي الي يبي مالت عليه عديم الاحترام


غازي\تزوجتها وأخذتها معي..
وشيء طبيعي الزوجة تكون مع زوجها..
بس خبر موتها من كان قرارهـ..؟؟
قرار ابوها وعمها..وهم موتوها..

ياعيني ياعيني شو هالصدق الي ينقط من لسانه تبيني اجيب لك كلامك يوم تقول لابوها انو يعلن خبر موتها ويشيع جنازتها ياويلك يالي ماتخاف ربك ......واذا خرفت من كبر سنك قول انك خرفت يعني مرة صرت بريء

الحين صارت زوجتك ياابو زوجة وولدك الي كنت بتذبحه قبل يشوف الدنيا وقبل تدري امه فيه صدق قمة النذالة والوقاحة والنفاق


غازي\صح انا قلت ..بس هم ماكانوا مجبورين بكلامي..
لو أشهروا الزواج وقالوا زوجنا بنتنا وراحت بسبيلها..

لو كانو مزوجينها لرجال كان ماهمهم كلامك بس وهم نفذو كل الي قلته ومارحمت البنت ولولا رحمة ربي من زمان هديل يافقدت عقلها ياماتت والله نسيت انك حتى العمى عميتها الظالم عمره مايتوب ويعترف بظلمه

وبالنسبة لي زوجتي وبعدها الطوفان..مايهمني غيرها..

وانت الصادق مايهمك الا نفسك والله هديل ماهمتك ولا همتك سعادتها ... وغيرها يعني اهلها ماتقول لي على ايش شايف نفسك يوم اهلها مو نازلين من زورك ليه تاخذ بنتهم وتجبرها تحمل منك كان تركتها بحالها والله صدقت حالك انها تنسب لك ولعايلتك واسم ابوها وعايلتها مالهم اهمية ...

حتى يوم عرفت انو ماكان لك حق عندهم مازلت على نفس غرورك بس بيجي يوم وبتنكسر كسرة عمرك ... لانو هديل مابترضى فيك وفي اهلك بديل عن اخوانها الزوج بداله مليون بس الاب والام والاخوان مالهم بديل واذا موعاجبك اقرب سطح ارمي حالك منه ماحد بيزعل عليك هم وارتاح العالم من شره


يحتاجون منه يأكد لهم رجوعها له..رضا ولا غصيبة.. لالالا شهالتغير والحب والرومانسية امحق عشق مثال للتضحية في سبيل المحبوب ..اجل تأكيد لهم هو من ناحية الغصيبة بيكون غصيبة لانك جبان وماتعرف غير هالشي اما الرضا اذا طلت النجوم الي بالسما بترجع هديل برضاها .. انت ماتعرف غير التهديد والاجبار المهم ترجع اللعبة الي كنت تلعب فيها على حسب مزاجك تبي تسمع بكاها ونحيبها بتضربها او بتحرق قلبها تبي تتمتع بفزعها بكوابيسها وانت منخمد وماتحس بجرمك بتتفنن بأنواع التعذيب النفسي خوب امثالك ماتخلص طرقهم .....هذي رومانسيتك الي الكل يتغنى فيها ويعشقها وحتى لو كويت جسم هديل بسيخ حامي بتلاقي الي يصفقون لك ويبررون ...نوع جديد من الرومانصية

انت رميت الكلمتين الي تبي يصير لك فضل على ابو هديل وهربت من مواجهة الباقي روح متع اذانك بالكلام الي ينرمى على هديل وانت ماحد طراك بكلمة ......نافش ريشك مثل الطاووس وانت ماتعرف تدافع عن نملة مالت عليك من زوج .........

مسفر لو انا منك ماامد يدي اخبرهم بالي اعرفه عن تضحية هديل وتعذبها يوم كانت عند شبيه الرجال خلي هالحثالة يعرفون انو امثال غويزي ماحد يتمنى القرب منهم ومايشرف واحد يزوجه بنته لاغيرية ولا حمية هو الي المفروض مايطلع الا على قبره مو يتمرجلون على سيرة البنت الي راح عمرها على حساب غيرها ومع ذلك هذي نظرة اهلها وقبيلتها لها ...........وين سلمانوه راس المصايب مايجي يفرد عضلاته ولا بس يعرف يفردها على الحريم مثله مثل شيبة الهم امحق رجال عند الشدايد يتخبون

مسفر الي مو عاجبك ارجل من الي تدافعون عنه ......حتى لو ماطال هديل بس احسن من عديم الرجولة والنخوة غويزي ....ملك الاجرام والسوابق والله العالم سبب سجنه وطلاق حرمته منه

هديل صايرة دايم افكارها سودة لو عرفت انو لاسلمان ولا هادي قتلو سعود ماخافت من شوفت السلاح عند ابوها واخوانها ومن حقها تعرف كل شي علشان ترفع راسها وتحط عينها بعين شوقوه ورشا وترد لهم اتهامها بالقاتلة لازم حتى هم ياخذون حقهم من كل الي قالوه لهديل علشان تقدر تنسى شوي من اهاناتهم

وشوكوه والله تعرف تنكت مرة بتغصبها ترضى عليها وهالمرة نافخة ريشها وقالت اهل زوجها اي زوج واي بطيخ الي ماعرفت انو زوجها الا من مسفر الي الكل جاحد فضله

وبعدين غويزي مصدق عمره انو له حق على راجح يبيه يكون مثله مستمر في التجبر والطغيان والله الي يبي رضا ربه مايهمه بشر حتى لو كانو هالبشر امه وابوه ومو حيالله ولد اخو لايقدم ولا يأخر همه نفسه حتى اهله رمى مسؤليتهم على راجح الي يبي يحاسبه ......... رضا رب العالمين ولا رضا هالخسيس والساكت عن الحق شيطام ودام ربي مهله واعطاه فرصة يصلح ذنبه مابيقصر وبحريقة بغازي ورضاه وسعادته على حساب ظلم بنت الناس

غازي يتنهد\ياليل الجلطة
الله يسمع منك وتحقق هالكلمة وتنجلط جلطة ماتقوم منها ... والله هو الي قالها مالي دخل


أبو علي مد لها عقاله\من يوم زوجتك له وأنا حالف ما البس العقال..
الا يوم ترجعين..لبسي أبوك عقاله..يا عصبت راسه..

موقف مؤثر ويعور القلب حسبي الله عليك ياغويزي كانك جنيت على هالشايب ولا رحمته جعل ربي مايرحمك ..عايلة كاملة تدهورت وانظرت وانت ولا همك ولليوم مااهتز بقلبك شي ويقولون عشق وحب اي حب اي بطيخ


.......\والسبب اللي قتل عشانه هادي ولد الجالي...
ماهو بسبب أختك..؟ليه قتله ومابينهم شيء..؟؟
وليه زوجتوها أخو المقتول..؟؟

المفروض هنا هادي يخبر الكل ببرائته وبرأت اخته سكوته ماراح يضر الا هو وهديل والا غويزي مابيطاله ولابيضره شي ولا بيدافع عن شرف زوجته لانو ماعنده ذرة حميه على محارمه
غازي\نسيبكم غازي بن جالي..

والكوبة لو ابو علي مخبرهم بسواد وجهك يوم تطلبها جارية مانفخت ريشك مالت عليك من زين الاسم عاد ويييع يلوع الكبد

الحين ابي اعرف ردة فعل ابو علي من معرفة هديل بأبو نايف ووجودها فترة ببيته وليه سماها قمر ......وابو نايف بعد ماعرفها انها زوجة هالشيبة هل بيتسائل بينه وبين نفسه ولا بيسكت دامها زوجة شين الرجال


وشهقتها خلقت الندم في قلب ابونايف اللي تمنى لو منع غازي مايدخل معه..
وابوها تمنى لو يقوم ويطلعها من المجلس ويخبيها عن عيونه..

اعتقد انو هالشي ان دل دل على انو هديل ماشافت الراحة مع الشايب وواجب عليهم يوقفون معاها حتى لو طلبت الطلاق لانو الي شافته ماينسى للممات واثاره باقية طول العمر لو غويزي دفع الي وراه وقدامه مايقدر يمحيه واثاره موجودة بجسدها وذاكرتها وقلبها ...والله يستر بعد شوفته مايطلع لها بمنامها وساعتها مااعتقد اهلها بيكونو عميان عن حالتها وخوفها الغير طبيعي منه


مشتاق لها من قبل لا يعرفها او يتزوجها..
يحسها تنتمي له من زماااان..
آخر مابينهم كان همس منه لها ومنها له..
وبعدها خذوها منه..

والله كلامك مريب ياغويزي اجل كان بينك وبينها همسات من قبل الزواج وياترى ياابن الاصول هالشي يوم هيل بالروضة والا بأبتدائي ....
مااعتقد هديل كانت كبيرة لانها مربية وتخاف ربها ماراح تهمس لك وهي بعمر تعرف فيه انو مايجوز تكلم فيه رجال مو من محارمها ..........شكلك يابو عين زايغة استغليت مهنتك وتجرأت ناظرت بمرضاك نظرة غير الي حلفت يمينك عليها .........الناس مأمنينك على بناتهم وانت تناظر وتعشق وتشتاق للعيون وجمال العيون ونعم الاخلاق بصراحة انك امين على هالمهنة ......
حتى صغار السن ماسلمو من عيونك ...واذا كانت هديل تعدت عمر الطفولة مصيبة اعظم واعظم يامسود الوجه

لانو لاانت ولا اخوانها لكم معرفة ببعض من قبل وماراح تلتقون بدون معرفة .....ومافي مبرر غير هالشي ... يالله شوفو الفرق بينه وبين مسفر الي مقومين الدنيا عليه شوفو خياس بطلكم

لو انت متزوج بعمر 16سنة كان بنتك بعمرها .....ولا تقولون مافي واحد يتزوج بهالعمر ... ابوي تزوج بهالعمر واول واحد من عياله جاء بأول سنة زواج ..... وفي غيره كثير الي لليوم يتزوجون بأعمار صغيرة حتى لو كانو نادر

بس مااقول الا موسم بس الا زرنيخ ان شاء الله بقلبك تبي تسوي فيها العاشق الولهان عند اكثر اثنين عاشو جزء من معاناة هديل معاك ....واحد مومقصر بحق زوجته تخاف وتشهق لما تشوفه صدق مقنع وحدة زوجها مهنيها تهرب وتهيم بالشوارع وهي حامل ببلد اجنبي وبحالة يرثى لها وماترضى تنطق اسمها ولا اسم زوجها ...ونعم السعادة والهنى ...


صدودة الله لايحرمنا من ابداعك بس مااوصيك على الفواجع كثري منها على غويزي نبي نسمع صوت بكاه لعندنا ملينا من بكا ودموع هديل نبي تغيير ... صرفنا مناديل كثير الدور على مدافعين غويزي هذا اذا بكاه اثر على احد ...اشك صراحة انو عنده دموع القناة الدمعية مسدودة خخخخخ

ننتظرك بكل شغف ياحلوة

اللهم رب الناس أذهب الباس عن مرضى المسلمين واشف أنت الشافي شفاء لا يغادر سقما

بااااااااااااااااااااااارت عجيب غريب ممتع ولطيف
أول مَ دخل غازي المجلس نقزززت نقزة أوب صاحية من الفرررررحة
قلت كفووو كذا الرجاجيل
..
صدووود أحببببببببببببببببببببببك



سؤال : الساعة كم بالضبط ينزل البارت ؟
يعني أكمل السهرة ولا أنام أبرك لي ؟؟