كاتب الموضوع :
صدووود
المنتدى :
الارشيف
مساء الخيرات ..... كيفك صدودة شخبار البرد معك عسى بس سويتي لك خيمة بالبطانيات خخخخ ..وحدة تعاني من البرد
يسلمو يالغلا على البارت تعبنا من الاحزان والخوف الي عيشتنا اياه هديل ... حاسة من كثر ماتعبت وتأثرت ببارتات اللقاء ماعندي شي اعلق عليه ....متى نرجع لبارتات الاكشن وحرقة القلب طبعا لغويزي مو لهديل مع انو ردة فعل هديل وموقفها مايأهل انو في انتقام من طرفها ....
قبل مااعلق على البارت ...راح اعلق على بعض كلام حبيبت قلبي هموس لما قالت اني ظلمت الشايب يوم قلت انو هو الي قطع امه بينما هي الي رفضت تكلمه ..... لا حبيبتي مفكرتني غويزي على غفلة والله من المعميين عن افعاله لا ......... غويزي متى فكر يتصل بأمه ويسأل عنها مو بعد ماطلبت منه يترك هديل ترجع معها يوم يضربها بالسوط يوم تقول له انها غضبانة عليه وهو رد عليها بوقاحة وخلاها تطلع من مزرعته زعلانة وغضبانة تذكري والله اقتبس لك المشهد كامل ....هالشي مايعتبر عقوق ولا يغضب الله ويوم طارت من راسه فكر يكلمها وهالشي بعد موت هديل المزعوم يعني بعد فترة طويلة وتقولي ظلمناه اي رقعي له رقعي تراني واقفة له على الشعرة
بالنسبة لمسفر الي مو عاجبك على الاقل ارجل من الجبان الي مسويته بطل وهو مايسوى قشرة بصل ...على الاقل مسفر ماظلم ولا تجبر ولا تباهى بذنوبه ...... ولا تعدى حدوده يوم كان مع هديل .... هو تعمد يقول الي يقوله لغويزي علشان يحرق قلبه بس .....
والله شايبكم من متى صارت عنده غيرية مااشوف هالضرب جاء لسويلم الي باصم زول هديل وملامحها بصم بعد كل هالسنين مااشوف هالغيرة يوم يرميها وسط رجال كفار بالمزرعة ولا يوم يشربوها المنكر بسببه ولا يوم فكتور يتحرش فيها ولا يوم يتركها مع مسفر كأنو محرم لها ............تدري ليه ماغار منهم راح اقول لانو كل الي راحو ماهم منافسين له على هديل .........لانو الي راحو ماعاشو مع هديل ببيت واحد مثل مسفر ولا عاشو معاها لحظات هو نفسه ماعاشها غير كذا عرف بوجود ذياب قبله ولو يدري انو هو الي خبر هديل انو هو زوجها وانو هو الي سجل ولده بالاوراق الرسمية بيرتفع ضغطه اكثر
غير كذا لانو خايف انو هديل تكن له مشاعر بينما هو ماتطيقه ........ مسفر شاب عمره مناسب لعمر هديل غيره هو الي يبي يجدد شبابه على حسابها حتى لو بالقوة مفكر كل شي يقدر يملكه بالقوة
مسفر اكتسب ثقة هديل بدون مايكون قريب منها بأفعاله الطيبة عكسه هو الي ماتحس حتى بالامان من قربه ... يعني هو شايفه منافس قوي جدا له وغير كذا هو خايف وموواثق من رجوع هديل له وخصوصا انو موقفه ضعيف لو اخوانها عرفو بالي سواه فيها من اجرام ....لذلك بادر بضربه وفرد عضلاته وهذي لغة الضعفاء والجبناء امثاله
اما من ناحية انو غياب هديل وحرمان المجرم منها سنتين وكم شهر اعتقد هو حرمها من اهلها خمس سنين مو سنتين وكم شهر بالله وين العدل .. هل تساوى الخمس سنين بالسنتين اذا هو الرجال عديم الاحساس شفتوها كثير عليه هالمدة اجل لاتلومو هديل البنت الضعيفة الي مادرت عن اهلها خمس سنين اذا انتو عادلين صدق لازم هديل تكمل الخمس سنوات ولا تخافو ماراح يصير بشايبكم شي اذا يوم هي ميته قدر يوقف على رجوله ويبتكر مشاريع كيف وهي حية ويعرف مكانها
نجي عاد للقاء هديل بأهلها اكثر موقف موجع موقف ابوها خصوصا لما باس اياديها وهي نايمة جد جد عور قلبي رجال كبير ومريض وهذي حالته بس الله يلوم الي يلومه لانو ظلمها يوم يشهر موتها بدل مايشهر زواجها مع انو حتى لو اشهر زواجها في ذيك الفترة الناس ماراح ترضى دام ماصار زواج ولا اشهار من قبل بيت العريس وكأنها مسوية فضيحة يبون يتسترون عليها ........ الا العقلاء بيفهمون انها بدل رقبة اخوها وولد عمها لما يعرفون مين هو الزوج
بس قبيلتها واهلها ماراح يصير فيها مشاكل مثل الي ممكن يصير لها بالوقت الحالي
اما هديل ماعجبتني ابد صايرة شكاكة في اهلها اقل كلمة واقل شي تبكي عليه اجل شلي اكتسبته من هربها سنتين واعتمادها على نفسها وين قوتها الاولية هذا ماصار شي وهذي ردة فعلها اجل كيف بتتصرف اذا الشايب جاء بكل بساطة وطالب برجوعها ......... هديل القديمة احسن من هديل الي نشوفها الحين ماراح تقدر تاخذ حقها لاالحين ولا بالمستقبل لو استجد عليها شي
اما غويزي لابارك الله فيه تو الناس لسى بدري على اشهار الزواج ليه مستعجل .... ليه ماسويت هالشي من اول يوم اخذتها فيه ..... متوقع انو الناس بتصدق المبررات الي بتقولها دمرت مستقبلها من قبل وبتكمل عليها باقي حياتها ومابترتاح علشان ترضي انانيتك الا اذا هديل هجت من البلد مرة ثانية بسبب كلام الناس ........اذا اهلها مومتحملة اي حركة منهم فسرتها بكيفها اجل كيف بتتحمل كلام الناس ....حسبي الله ونعم الوكيل على الظالم
كيف بتعوضها مفكر بحركاتك بتغنيها عن قربها من اهلها وعيشتها في بلدها بشكل طبيعي جنيت عليها ودمرتها ومافكرت بهاليوم .......بس فكرت كيف ترضي نفسك
وشوكوه خير بتغصب هديل تقابلها مين مفكرة حالها صدق وقاحة وانعدام احساس خلو البنت بحالها الي جاها منكم مايتحمله بشر .......عيشي حياتك والتهي بعمرك وماعليك من هديل ماتتشرف لافيك ولا بأخوك لولا كذبتك وخدعتك ماصارت لقمة سهلة بأيد اخوك ....ابعدي عنها وخليها تداوي جروحها الي تسببتو فيها
هديل جملت حياتها مع غويزي بس مااعتقد لاامها ولا ابوها بيصدقو كلامها وبيعرفو انو العكس الي صار هي ماتبي تتعب قلوبهم لانو فعلا ماراح يمحو الي صار من راسها بس اذا جاء الوقت الي يخبروها انو غويزي يبي يشوفها او يرجعها كيف بتبرر لهم رفضها والله بتضحي للمرة المليون وبترجع ببساطة له
كنت متأملة انو هديل بتاخذ حقها بعد رجوعها وشوفة اهلها بتقوى اكثر وبتعلم غويزي وامثاله درس واحد معقد مريض نفسيا وعقليا غير مؤهل لايكون لازوج ولا اب بدل مايرموه اقرب مستشفى نفسي يبون زوجته ترجع تسعده وهي بحريقة عمرها مافرحت وشافت الراحة
سلمانوه الندل الثاني مايفرق عن غويزي بشي مستفرد بياسمين لانو اهلها بعيد عنها ويمد ايده عليها ويدعي انو رجال يخسي يكون رجال لاهو ولا امثاله مايعرف يتناقش معاها بلسانه لازم يمد ايده اتمنى تعب ياسمين يكون شي كبير وتكون حامل وتسقط بسبب ضربه وغير كذا ماترضى تكمل معاه حياتها لانو مايستاهلها دامه تجراء ومد يده عليها مو كافي اهماله لها السنوات الي راحت ...صدق ناس متخلفة همجية ماتعرف الا لغة الضرب
هل راكان هو الي بيكون عظم ببلعوم غويزي مااعتقد انو بيكون اعظم من هادي ....اتوقع بتصير مصايب من تحت راس الغول وهالشي بيخلي هيل تضحي بعمرها وترجع له بس ياليت تبرد قلبها فيه وتعامله بكل جفاف وماتنوله رضاها خليه يعرف انو مو كل شي ينشرى بالمال ولا يتحصل بالقوة والاجبار وخصوصا القلب ...خلي عقده تنفعه
رشا في تحسن بحالتها بس الى متى بيظل بدون عيال وحتى هي كبرت بعمرها متى بتجيب عيال وتربيهم وتصير قريبة منهم .....حتى غادة مصختها بدلعها ماتسوى على راكان هديل اصغرهم ولدها بيمشي ...صدود عليك فيهم عجزو وهم يتدلعون حلاة الوحدة تعيش امومتها وهي بعز شبابها ... فيسي العجوز خخخخ
صدودة تسلم اناملك الماسية ومااوصيك نبي شي يحرق الاعصاب
يمكن ندفى اكثر من الحليب والزنجبيل الي مومبين بهالبرد خخخخ
|
21-01-12, 07:23 PM
جديد مواضيع قسم الارشيف
العرض العادي
