كاتب الموضوع :
صدووود
المنتدى :
الارشيف
صباح الخيرات صدودة ...كيفك ياقمر ان شاء الله تمامو ...قبل ادخل بأحداث البارت حبيت بس اعلق على الي يعاتبون على عدم تعليق صدود على الردود ويقول انها تتجاهلها ... ترى كل انسان وله ظروفه الي تشغل وقته والكاتبة بشر مثلنا لها حياتها وظروفها المفروض اننا نساعدها ونخفف عليها ونحمسها مو نعاتبها على عدم التعليق على الردود ... من قال انو عدم الرد هو تجاهل بس لو موضيق الوقت كان اكيد بترد على الكل بدون استثناء غير كذا الرواية تزل بأكثر من منتدى يعني لو ردت على مجموعة المجموعة الثانية بتشيل بخاطرها ... لذلك خفو عليها ولا تضغطون عليها بالطلبات حتى الي تبي زيادة بارت طيب مو المفروض انو كل كاتبة تاخذ حقها بالردود على كل بارت ينزل بالكس حلو باتين بالاسبوع دام الاحداث دوم متجددة وتحبس الانفاس وتثير الاعصاب ... خلونا نتعاون مع الكاتبة مو نوترها بالردود او الرسايل ومن دون ماتقولون اكيد لو ظروف صدود تسمح لها بالي تطلبونه ماراح تقصر ... يكفي انو رغم تعبها ويدها المكسورة ماتركتنا الين تشيل الجبس ... مثل مااحنا القراء ننتظر البارت ونتشفق عليه ونتأثر بأحداثه الكاتبة تنتظر الردود الي تثلج الصدر وتحفزها لكل فكرة جديدة ومميزة ... واسمحو لي على هالمداخلة
نجي للبارت عاد ياصدود انا كل ماشفت حالة هديل تحطمت وتأثرت ... من يوم اخذت هالمنحوس وماعادت تعرف الامان الخوف كان رفيقها بقربه وببعده ... والله لو ماربي عاطيها قوة كان مو بس جنت يمكن انجلطت او ماتت
اذا مرام ورشا وعالية الي كانت همومهم تعتبر بسيطة بمعانات هديل وكل وحدة ظروفها اثرت عليها كيف الي يلومون هديل ويتهموها بالاستفزاز ... يعني غويزي يوم كان يستخدم معاها هالاسلوب كنتو تضحكون له وتصفقون وهديل الكل ضدها الله يعينها لو بتطلب العدل من البشر ماراح تنال شي بس ربي ياخذ حقها هو العادل والي مابيخذلها
رجعت ورجعت المواجع والهواجس كيف ماتفقد ثقتها فيه وهو مابيوم وفى لها او حسسها انو يهتم بمشاعرها ... الي يحرم بنت من اهلها من اخوانها من بلدها من صديقاتها من حياتها من اسمها من كرامتها من كل شي بالقوة مايتأمن فيه ولا ينوثق فيه .. يعني غويزي شيرتجي منها بعد الي سواه فيها وهو ياما كان يشوف حرقة قلبها ويتعمد يزيدها ولا بيوم فكر يخفف عنها بكلام وحقايق ... الي بتقول ياما نيمها بحضنه هالشي له هو مو لها لو هو مو ميت على حضنها مااهتم بس لانو عارف انو هالشي رغبته هو رضت هديل او انرضت
الزواج مو تملك الزواج احترام الزواج تفاهم مو بس حب وللاسف هديل مالمست هالشي من هالزوج المفروض عليها ولا شي بعض الازواج يكون بينهم حواجز ببداية حياتهم بس هديل عاشت مع هالمتجبر سنتين وكم شهر وهو مارحمها حتى بعد مادخلت هالدمية مزاجه زاد في ضغوطاته عليها تعبها اكثر واكثر اهم شي انها عنده وقدام عينه ويسوي فيها الي يبي ومو من حقها تحتج ولا تعترض ولا تتألم لو كل زوج نظر لزوجته وعاملها مثل معاملة غازي مافي زوجة استمرت ببيت زوجها ولا في بنت فكرت تتزوج
هديل عاشت التعذيب النفسي من غويزي لذلك مااستبعدت عليه انو يكمل مسلسل الحرمان بولدها لانو له سوابق بهالاطباع بس هالمرة بعدها عن عالمها الحقيقي كان مدمر ... ابي اعرف هو شستفاد او بيستفيد من العيشة معاها بهالطريقة لو انجنت هل بيرضيه هالشي وبيرتاح مااستبعد عليه عنده تفقد عقلها او تموت ولا انو يريحها
هو ماقال انو بيرجعها لاهلها وبيتركها تتحرر منه بس ترجع حية وين هالكلام طبعا طار وتبخر مثل باقي وعوده وكلامه ... يوم رجعت هديل بولده عرف ربه وانو اكرمه بس يوم هي عنده ماحمد ربه على النعمة ولا ذكر ربه وعقابه وهو يعذبها دام انو شايف انو الذنب الي سواه ذنب طاهر مو غريب عليه شي
رشا زين بدت تعقل وتفكر بأيجابية السلبية ماراح تنفعها بشي اعتقد خطوتها بداية شفائها من مرضها ... ننتظر رجوع رشا الجديدة
ام غازي للاسف كلامها كله جاء متأخر لو من البداية اهتمت بتربية عيالها كان ماظلمو احد ولا بلت الناس بخلفتها المعقدة عيالها كلهم ثلاثة وماتعبت حالها تربيهم على الاخلاق واحترام الغير والخوف من الله اجل لو عندها عشرة كيف بيكون حال المجتمع من هالعقد ....
هديل كيف رضت تكلمها قبل ماتكلم امها وتطمنها مين الاولى والاهم مين الي يشوف كوابيس عليها كل ماتعذبت الحين ام غازي تستاهل مين يبرد قلبها وام علي اخر وحدة ..بصراحة خذلتني هديل لانو هي الي من حقها تتشرط وتفرض الي تبيه وهذاك ينفذ وهو مايشوف الدرب لانو هو المذنب بحقهم مو هي ... يعني هو من حقه يبرد قلب امه ويفرحها وامها لا دوم مبدي نفسه واهله ويشتري راحتهم على اهلها الي من ناسبهم ماشافو من وراه خير ولا هنى
الحين ياام غازي بتوقفين بصف هديل كلام مثل ولدك انتي تخليتي عنها وهي تنظرب بالسوط وانسحبتي وماهان عليك تدعين على ولدك دعوة تهزه وتصحيه في امهات يوقفون مع الحق حتى لو اذبحو عيالهم ولا انهم يتركوهم يتجبرون ويجرمون في خلق الله وجودك وعدمه واحد ولا ساهم في اي شي في حياة هديل
غادة صار لها سنين متزوجة ولحد الحين مافكرت تجيب لراكان ولد ليه ضامنة حالها بتحمل بسرعة ومابتطول متى مافكرت تحمل بتحمل على طول اعتقد بيتها وزوجها لهم الاولوية مو علشان شغلها تعطيه الاولوية وتأجل الاهم ام راكان وابوه من حقهم يشوفون عيال ولدهم خصوصا اذا كان البكر وحتى ياسمين بعد طولت صار لها كم الحين .. وغادة دام صعب توفق بين بيتها وعملها اعتقد بيتها اولى وهي مشروعها مشترك بين صديقاتها يعني مااعتقد هم بيهملون مثلها ولازم يتساعدو في شغلهم
لو مازعل راكان كان ماراح يهمها ولا بتوفي بوعودها له تحمد ربها انو مخليها سنين على كيفها الحين هي ترد له شوي من تضحياته
ياسمين بصراحة مو عدلة منها تناظر رجال غريب مهما كان السبب عيب اصلا وين راح حياها تخز الرجال يعني شبيقول عنها هادي او الي حواليهم اكيد بيفهموها غلط وعذرها مايعطيها الحق تناظر هادي وسلمان زين سوى فيها ولا والاخت مو عاجبها تبي تنتقم وتاخذ حقها اصلا هي كيف تسمح لنفسها تجلس عند الرجال والحريم جالسين كلهم بجهة ماعجبني تصرفها ابد المفروض انها عارفة الاصول والعادات لانو صار لها فترة بالسعودية وسويرة بدل ماتعلمها خرابيط تتشطر وتعلمها السناعة هي ووغدة
مو محلي البارتات الا عبيد وسواياه بالعالم خخخخخخخخخ حتى عسولة ناوي عليها الله يعين هديل الصغيرة الي بتكون بنت بس من برة ومن داخل نسخة من عبيد واجرامه
نجي نختمها بغويزي الي مسوي فيها غيور بالله وين هالغيرة يوم سويلم يقول له انو عارف زوجته وحافظ ملامحها من كم سنة وهي مطبوعة براسه وين هالغيرة وهو تاركها مع ماكس وعمال المزرعة والله هذيلاك مو رجال
صحيح شجاب لجاب بين مسفر والخمة حقته اذا اصلا لو بنقارن بينه هو هالشايب وبين زينة الشباب والرجال مسفر بنظلم مسفر شي طبيعي ينقر منه وهو يملك من المواصفات الي اشكاله مايملكونها رجولة شباب ثقافة خوف من الله احترام ادب شهامة وحمية وغيرية ... وين مايشب نار وهو عارف انو امثال مسفر هم الي يتفاخر كل ابو بنسبهم مو هو الي ماحمد ربه اخذ وحدة صغيرة وجميلة وماقدر النعمة الي عنده
لولا مسفر واهله كانت هديل صارت في خبر كان وكان ماشافها من جديد لانو ذياية الطريق شكثرهم ...لولا مسفر كان هديل ماعرفت انو ولدك ولد حلال لولا مسفر ماكان لولدك شهادة ميلاد وغيره وغيره من وقفات سواها لوجه الله ماطلب منها مقابل بس واحد قلبه اسود شنتوقع منه غير تفكير وسخ مفكر الكل مثله يركضون ورى غرايزهم ورغاباتهم
اذا هو ماخاف الله غيره مو مثله واذا هو شايف هديل سهلة تفرط بعمرها كان هو مااخذ الي يبيه منها بالقوة لانو السهلة سهلة من البدايه ويوم هو مشكك بأخلاقها ليه مقرب منها والله بس يبيها من الله علشان يمارس هوايته عليها خوب الي ذبحه هالسنتين في بعدها هالشي والله لافي حب ولا هم يحزنون
على العموم سواء تأثر بكلام هديل او ماتأثر ماراح يتغير شي من كم الالام الي زرعها بنفس هديل ... والدليل لما امه طلبت منها تسامح غويزي وتبتدي من جديد ماعطتها جواب ولا طمنتها ولا حتى بكلمة تطمنها لانو الي يطلبونه مو من حقهم حياة هديل ضاعت وبوجود ذياب بتكمل عليها المواجع لانو خلاص مطلوب منها تضحي للمرة الثانية بحياتها وهي خلاص مو من حقها تختار اي شي بحياتها وللاسف كثير من البنات الي انجبرو على اسعاد غيرهم وارضائهم بطرق مختلفة
اعتقد على الاقل من العدل والرحمة انو ماتنجبر هديل على انها تحب انسان ظالم حتى يوم جابت طاري الانتقام الي فرضه عليها علشان اخوه ماقدر ينطق الحقيقة الي اذا هو ماكشفها راح يكشفها غيره وبعد راح تذكرها له هديل انو حتى ماتنزل واعتذر عن غلطته وتقولو تغير صحيح مبين التغير
راكان وابو علي ياترى هل سفرهم لعلاج ومواعيد جديدة لابو علي اعتقد لانو لو كانت سفرة مفاجئة كان هادي مجلس بدون مايتوجس بهالسفرة مثل السفرة الي قبل .... مااعتقد غويزي بيتجرأ يطلب منهم يجون لعنده وحالة الرجال صعبة وهو قادر يرجع السعودية لانو صحته مثل الحمار لايكل ولا يتعب .... ولااجح ماراح يجازف ويصدم الرجال للمرة الثانية يمكن هالمرة مايستحمل ويموت خوب مو كل الناس مثل الجلمود عديم الاحساس لايأثر فيه مو ت احد ولا صدمات ولا مواجع
صدودة في انتظار بارت واحداث اليوم وماادري على اي موجة بتكون الاحداث
|
09-01-12, 11:14 PM
جديد مواضيع قسم الارشيف
العرض العادي
