صباح الخير اخبارك صدود متابعه لك من خلف الكواليس وخليت اهلي وصاحباتي يتابعونك من جمال وروعه روايتك

رشا اتوقع غيبوبه سكر حمل < توقع فقط :)

صدود ترا نطالبك ببارت لما قفلتي الروايه كان بينزل لنا بارت :d ف لنا عندك بارت عوضينا ياقمر

وان شاء الله من متابعينك دايم

السلام عليكم ورحمة الله وبركاته ....


يسعد صبــــــاحكم \\ مســــــــاكم بكل محبة ورضا من رب العالمين ..


كيفكم الـــ ليلااااس..؟؟


دقائق وينزل البارت ..

كونوا بخيــــــــــــــــــــــــــر ...

السلام عليكم ورحمة الله وبركاته ...


صبــــــاح \\
المقاعد الدراسية..
قلم ترافقه الكراسة...
وأسئلة سهلة مُستطاعة...

مســــاء \\
الإبتسامة المسروقة..
من بين طيات الماضي...

كيــــــــــفكم الــ ليلااااااااااااس..؟؟
أحبتــــي فـــي كــل مكــــــــــان..؟؟

عزيزاتي::
بعض الغاليات ألتبس عليهم بعض الأمور..
اولها غازي لما حضر الزواج انا بينت لكم إنه يصافح سلمان مو هادي...
ومن معرفتكم بهادي فهو ماخذ موقف عدائي لغازي فمستحيل يصافحه..
وبالمقابل غازي ربما ماكان ليحاول مصافحت هادي...
وبيتوضح لنا اليوم ان غازي حضر الزواج بدعوة..
لكن من اللي دعاهــ للحفل ..؟؟!
أنتوا تقولوا سلمان...وانا اقووول ...اجابتي في البارت

نقطة ثانية وهي عن رشا..
توضح لنا السبب اللي يخليها تقفل الباب قبل تنام..
وقلنا انها كانت عايشة مع عمتها وزوج عمتها وعياله..
والجاني كان ولد زوج عمتها مو ولد عمتها..


قبل البدء حابة أشكر جميع القلوب الطيبة الرائعة..
اللتي تقتبس من وقتها القليل فتشاركني أحرفي وتتفاعل معي..
وأشكر كل من سجل عشاني بسبب ندائاتي المستمرة لمن هم خلف الكواليس..
فــ أهلاً بكم..
وشـــــــكراً بحجم السماء لتواجدكم بالقرب..

أتمنى من غالياتي الطالبات...
تقبل إعتذاري بعدم اقفال الرواية حتى عودتهم من الإمتحانات..
انا لا أضمن ظروفي عزيزاتي..
ولابد من ان ننهي الرواية باستمرارنا على التنزيل المستمر..
فنرســوا بعووون الله تعالى على مينــــاء النهاية بأمان...


البارت الستـــــــــون ..

سلام عليك.. على العاشقين..
يضمهم الليل في المنتدى..

على كل من ذاق .. أو لم يذق..
على كل من راح .. أو من غدا..

سلام عليك .. على كل لحظة..
من العمر .. أعطيتِها المقودا..

فطارت إلى شرفات الجنون..
إلى حيث يعثُر حتى الهُدى..

وأغرتْ بيَ المستحيل .. اللذيذ ..
فأسلمني الأفق الموصدا..


المرحوم باذن الله تعالى...غازي القصيبي...


دخل القاعة بكل ثقة..سلم على قيس وهناهـ بالمناسبة..
دارت عيونه بالمكان وشاف سلمان وجنبه هادي..
عرف ان سلمان يطلع زوج ياسمين..
بعد شكه فيهم لما شافهم طالعين من الشركة..
فكر بان هادي ممكن يكون الشخص المجهول اللي يطمح للأسهم..
ومستخدم ياسمين كغطاء له..
بس رفض هادي مشاركته والاجتماع معه اكد له إن هادي بريء من شكوكه...

مشى باتجاهم وعيونه لاحظت تغير ملامح وجه هادي..
وبان عليه عدم الترحيب فيه..
يشبها في غضب عيونه..
يبان لمعة قوية تجبرهـ يتذكرها بكل حالات غضبها وثورتها عليه..
ولشدة إحساسه فيها..
يحس بضرباتها الضعيفة على صدرهـ..

غازي برسمية\مبروك..
سلمان بهدوء\الله يبارك فيك..مشكور..
غازي\يعني ماكنتوا بتعزمونا على عرسكم وحن أهل..
سلمان\السموحة ماكان في نيتنا نسوي حفل..
بس صديقات المدام صمموا على احتفال بصاحبتهم..
وماحبينا نكسر بخاطرهم...
هادي بجمود\دامنا ماعزمناك وش اللي جابك..؟؟
سلمان ناظر هادي مصدووم من ردت فعله..
لانه ماعنده ادنى فكرة عن موضوع هديل..
وبنظره غازي عفا عنهم ولو كانوا ماهم بمذنبين..
المهم انه حفظهم من القصاص..
غازي ببرود\لبيت دعوة أهل العروس..قيس دعاني وجيت..
سلمان\تعرف قيس..؟؟
غازي\أشتغلنا مع بعض كم مرة...التقينا قبل يومين وطلب حضوري..
بس ماكان عندي خبر إن زوجتك هي صاحبت الأسهم..
سلمان باستغراب\وكيف عرفت انها ياسمين..؟؟
غازي\شفتك تاخذها من الشركة..
سلمان\وطلعت زوجتي شريكة لكم..أنت وهادي..
غازي بهدوء\وكأنك ماتدري إنها أشترت الأسهم؟؟
هادي يرد قبل سلمان\واذا طلعت الأسهم باسمها..عندك إعتراض؟؟
غازي\انا مو مقتنع إن الأسهم تكون لياسمين..
فيه شخص ورى ياسمين يطلب الأسهم انا مو غشيم لهالدرجة..
هادي بسخرية\وبما إنك الرجل الأهم في العالم فيه مؤامرة تنتظرك..
غازي حط يده على كتف هادي\ما أخفي عليك ظنيتك إنت ورى ياسمين..
بس طلعت أنت براءة..ويبقى المجهول مجهول..
سلمان بجمود\إن كانت الأسهم لياسمين أو لغيرها امر يخصها لوحدها..
وما أعتقد لك حق تتحرى عن شيء من غير علمها..
وعدم الثقة بين الشركاء يفسد الشراكة..
غازي\لي كل الحق بحماية الشركة ومصالحها..

ألتفت سلمان لحركة غريبة صايرة في القاعة..
شدت إنتباهـ هادي ..
بينما غازي ما عطاهم اي اهتمام...


هديــــل..
أختنقت أكثر وهي تشوف غازي يقرب منهم..
ويصافح سلمان ويبارك له..
وقف معهم ..

الثلاثة اللي دمروا حياتها واقفين مع بعض..
وهي واقفة وحيدة...

شهقت بحسرة على حالها..
أرتجفت بقوووة ودموعها تجمعت بعيونها..
همست بإنكسار\هـ..هادي..

ذبحني يا أخوي..قهرني يا هادي قهرنـــــــــــــــــي..
ليه واقف معاهـ..ليه تشاركه بشغله..
ليه تنساني وتتبعه..
ليه يا أخوي..؟؟
شوف شعري بين أصابعه..
أثار السوط على كفوفه...
ظهري يشتكي باسه..
دموعي بعدها على صدرهـ..
ريحتي بتلقاها بثيابه..
صد عنه ولا إذبحه..
بس لا تخوني معه..

ثارت كل أعصابها لما شافت يد غازي على كتف هادي..
فقدت كل عقلها..وكل مخططاتها ..
نست إنها ميته لهم ومنسية..
أنكرت قدرة غازي على خطفها من جديد..
مشت بخطوات مخذولة لجهتهم..
ناوية تبعده عن إخوها..
تحميه منه ..
تدفنه ولا يئذيه أو يصاحبه..
هادي روحها..ويظل الوحيد اللي يعنيها وماقضى عليه..
قضى على روحها وبرائتها..
على مستقبلها وحياتها كلها..
والحين يبي يكمل على هادي..
وكأن موتي مايكفيه..
يبي يذبح أخوي ينتقم لاخوهـ..
كبه ولا هادي..
كله ولا هادي..

وقبل لا تقرب منهم وقف قدامها شخص قطع عليها الطريق..
وماسمح لها توصل لهم..
كان يراقبها ويراقبهم..وأدرك ضرورة تدخله..
حط يدينه على كتوفها وأجبرها تثبت بمكانها..
راعته نظراتها وكأنها نار..
ورجفتها المثيرة لــ الخوف...
ولما لاحظ إنهيارها قرب..
سحبها بين يديه بسرعة وطلعها من المكان ..
طلعت صرخة بنفس محروووق..
كتمها بكف يدهـ وهو يلاحظ ...
نظرات الاهتمام من كل الموجودين..
وأولهم هادي وسلمان..
ونظرات باردة من غازي...
وما عند أي واحد منهم فكرة عن هوية البنت اللي أنسحبت من قدامهم...

خرجها من القاعة وهي تقاومه بقهر..
تبي ترجع وتلف يدينها على رقبته..
تحرمه من الحياة مثل ماحرمها منها..
لازم يبتعد عن هادي..
سحبها لسيارته وهي تبكي وتضرب يده بقوووة ...
هديل بنحيب\اتركني..بأروح له اتركنييييييييييييييييي...
ابي اذبحه ذبحني..قهرنييييييييييييي..دفني الف مرة ومرة..
لازم أعاقبه..أبي احمي اخوي منه اتركني...
هاااااااااااادي...
دخلها السيارة غصب عنها وقفل الباب..
جلس جنبها وقبل لا يحرك السيارة صرخت فيه وهي تضربه..
هديل\لا ما ارووح من دون ذياب..ابي ولدي..
صوووفي عطيني ولدي بياخذه مني..
بياخذ ولدي مثل ما أخذ اخوووي بياخذه منيييي...
ما ابى ارووح معك بارجع لهم ما ابيييييك...

مد لها جواله\اتصلي فيها وقولي لها تطلع الولد برا القاعة..
وأنا باخذه منها..
ناظرت بإنكسار وسوت مثل مايقول...
أتصلت بصوفي وهي تحاول تكتم شهقاتها..
هديل بصوت مخنوق\صوفي أحضري ذياب خارج القاعة..
انا راحلة بسرعة...
صوفي بقلق\ديل مالأمر؟؟عزيزتي هل أنتي بخير..؟؟
أخذ الجوال منها ورد على صوفي بغضب..
.....\أحضري الطفل بسرعة ألم تفهمي ماقالت..؟؟
صوفي بغضب\أنت...كيف تجرؤ.............

قفل الخط بوجها لأنه يعرفها راعية طويلة..
نزل من السيارة وقفلها يمنع هديل ماتنزل معه..
ضربت على الطاقة تنبهه يفتح لها..
بس هو طنشها وراح يقابل صوفي وياخذ ذياب..

لما قرب من القاعة شاف صوفي طالعة وذياب بين يديها وشنطته على كتفها..
مد يدينه يبي ياخذهـ..
صرخت فيه\إياك ان تقترب..أين ديل..؟؟
......\صوفي أعطني الطفل ديل في السيارة..
صوفي بعناد\لا سأعطيها الطفل بنفسي..

سحب ذياب من بين يديها بالغصب ومشى باتجاه السيارة..
كانت بتمشي وراهـ بس أنصدمت بغازي قدامها..
خافت يشوفها ويروح وراها..
فظلت واقفة بمكانها...
لحتى ألتقت عيونه بعيونها....

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

طاح الجوال من يد هادي وزاد نبض قلبه..
حط يده على صدرهـ وشد عليه بقوووة..
شهق بقوة يحاول يسحب الهواء..
ألتفت عليه غازي معقد حواجبه..
طاح على ركبه ويدين سلمان حوالينه..
سلمان بخوف\هادي بسم الله عليك وش فيك..؟؟
هادي برعب\هـــ ويـــ..نــها..هديـــ .........ــل..
سلمان\يارجال اذكر ربك..وش اللي وينها..؟؟
بقبرها وين بتكون..صل على النبي..
هادي يبتسم بتعب ويضرب على قلبه\لا..ماهي في قبرها لا...
هي هنا...هنا..

يشوفها قدامه ..
حاله يشبه حالها بيوم من الأيام..
صابها اللي صابه ألحين..
نادت ولاتدري وش تنادي عليه..
خفق قلبها وضاقت أنفاسها..
وتلفتت حواليها ترتجي شوفه..
بس هو منعها لاتشوفه..
شالها وطلعها من الساحة الأثرية قبل تدري بسبب وجعها..
واللي صاب هادي نفس اللي صابها..

تلفت حواليه برجاء..
دارت عيوونه بكل الوجيه الموجودة..
يحس انها قريبة وهي ميته..
يشوفها بكل الوجيه..
مرت على باله البنت اللي أنشالت قدامهم..
طلع من القاعة بسرعة يدورها..
مالها أثر...دار حوالين نفسه صار يحس فيها أكثر من هادي..
الحديقة مافيها احد غيرهـ..
وبلحظات أنظمت له ووقفت بتحدي قدامه..

شافها قدام عيونه تناظره بعداء..
قرب منها بخطوات سريعة..
مسكها بقووة وهزها بغضب..
غازي بقهر\أين هــــي صوفي؟؟أين هي؟؟
صوفي خافت من صراخه وعصبيته..
حاولت تحرر نفسها منه ماقدرت..
صرخت فيه\أتركني أيها المتوحش انت تؤلمني اتركني..
غازي بحدة\تكلمي أين هي؟؟أين هديل؟؟
صوفي بكرهـ\لقد قتلتها؟؟هي ميته وأنت قتلتها أيها المجرم..
هل تشتاق إليها بعد أن عذبتها وأحرقتها..
كم اتمنى ان تظل معذباً الى الأبد..
شد يدينه على يدينها وهو يسمعها تتألم..
غازي\لماذا أشعر بانها قريبة ولم تمت؟؟
صوفي\آآآهـ ابعد يدينك عني...
لقد ماتت ألم تدفنها أنت..؟؟ألست أنت آخر من رأها..
ديل ميته ولن تعود؟؟والآن اتركني قبل أن اصرخ..
غازي بجنون\الطفل..؟؟أين هو؟؟وابن من يكون؟؟
صوفي\أيها الحقير..هل تعتقد بانك ستعاملني مثلما عاملتها..
لن اسمح لك بإستجوابي او ضربي..اتركني..
غازي بغضب\ذاك الطفل صوفي من يكون؟؟أجيبيي من يكووون؟؟
صوفي بخوف\ابن صدقتي...
غازي بصراخ\كاذبة..كاذبة..ليس ابن ياسمين..من يكون ذاك الطفل..؟؟
صوفي تتألم\لا شان لك به..هو ابن صديقتي وكفى..
اتركني انت تؤلمني اتركني..
غازي\أين الطفل..؟؟
.....\أي طفل..؟؟

ألتفت غازي على الصوت العربي..
وتفاجىء بشخص يعرفه يقرب منه والطفل بحضنه..
رف قلبه لــ ذياب..
وبالموت تمالك نفسه مايضربه وياخذ ولده من يدينه..
غازي بحدة\من وين أخذته..؟؟
مسفر بجمود\من حضن امه..
غازي\هات الولد..
مسفر\تبي ولدي..؟؟!
غازي بحقد\هذا ماهو ولدك..ماهو ولدك..
مسفر بثقة\يارجال صل على النبي..وش ذا الكلام..
كيف ماهو ولدي..؟؟
غازي قابض يدينه بالقووة لأنه متأكد لو خذا الولد منه مستحيل يرجعه..
مسفر\بلاك على الحرمة طلعت روحها..أسف سيدتي أعذري صديقي..
صوفي بعدم ثقة\أعطني الطفل..
مسفر\لاداعي لذلك..والدته تنتظرني بمكان قريب..شكرا لرعايتك الدائمة له..
صوفي بقهر\على الرحب والسعة..بلغ فاطمة تحياتي..وداعاً..
ناظرت غازي بغيض\وأنت أيها النذل سأقاضيك يوماً ما..
أنسحبت من عندهم وقلبها يضرب بقوة..
تبي تاخذ الولد وتهرب فيه..
تخاف من الاثنين وماعندها ثقة في احد منهم..
وقفت تراقبهم من على زجاج الباب..

مسفر بهدوء\يالله نشوفك على خير ان شاء الله..
غازي بجمود\وش اسم ولدك؟؟
مسفر\باسم ولدك..فمان الله..

صد مسفر مبتعد عنه..
مشى خطوتين وكان بيمسكه يبي الولد..
ثبت بمكانه شاد على كل أعصابه..
ناظر بالسماء تايه ومهموم..
صرت اشك بحالي وأنا اللي دافنك بيدي..
قولي هو بدايت جنون ولا نهاية عقل..؟؟
هذا ذنبك يعذبني..
أشوفك في وجيه الناس..
واشمك بطهارت الأطفال..
أتخيلك جنبي وحولي..
أنتي متي عمياء ومقهورة ومحروقة..
وأنا دفنتك بيدي تحت التراب..
نامي في قبرك بسلام..
همس بصوت خافت\جنيت يا أطهر ذنوبي ...

ليت كل عاشق تمنى ..
ما إنجرح قلبه و خاب ...
و ليت كل مفقود يقدر فإقده يسترجعه ...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛

واقف يناظر الدكتور بصدمة..
يحاول يستوعب كلامه..
غمض عيونه كم مرة ورجع يفتحهم بغير تركيز..
راجح من دون تصديق\نــــايمة..؟؟!
ماترد علي ولا تتحرك وتقولي بس نايمة..
زوجتي نومها خفيف وأدنى صوت يصحيها..
الدكتور بابتسامة\ما اخفي عليك زوجتك اول مريضة تقابلني بهالحالة..
بس أبيك تطمن هي بخير ومافيها شيء..نايمة بعمق هذا كل الموضوع..
راجح\دكتور هذا ماهو نوم طبيعي..؟؟
الدكتور\فعلاً هذا مو نوم طبيعي هذا يسمى بالنوم القهري..
راجح مفتح عيونه بقووة\مستحيل..كيف تصاب بهذا المرض..؟؟
الدكتور\الى الآن ماتم التشخيص ولازلنا نسوي الفحوصات عشان نتأكد..
بس على ماهو ظاهر امامنا هذي علامات النوم القهري..
والحين بندرس تاريخها الطبي..وبمساعدتك نكتشف اذا كان مثل مانتوقع..

طلع من المكتب وكلام الدكتور يتردد في باله..
معقولة رشا تكون مصابه بهذا المرض..
هذا مرض يسبد في الإنسان اذا ماتعالج منه..
يحرمه حياته عبادته هله وظيفته وكل شيء..
يصيب الإنسان بشكل مفاجىء..
يتذكر إن سمع عن رجال مصاب بهذا المرض..
وداهمه النوم وهو يسوق سيارته..
ومشت سيارته فيه من غير هدى وتعرض لحادث قضى على حياته..

دخل غرفتها قرب منها ومرر يده على وجها..
راجح بهمس\كل هذا نوم يارشا..؟؟
ماصارت 17 ساعة ماتصحين ولا تحسين فيني..
مايكفي جلطتي قلبي وانا اقلبك بين يديني مثل الميته..

جلس جنبها وضم يدينها بين يدينه..
راجح بمحبة\قاوميه يا رشا لاتخلينه يسيطر عليك..
هذا النوم بيدمر حياتك..تكفين ياغلا راجح لا تضعفين..

كان يشد على يدها بقوووة ينتظرها تشد يده او ترد عليه باي حركة..
بس هي ظلت ساكنة على حالها...

أول ماشافها على هالحال كانت مثل الميته ماتتحرك ولاترد عليه..
شالها بعبايتها يبي يسعفها وخاف يفقدها بالطريق..
جلس على سريره وهو ضامها ويودعها..
بعدها عنه لما حس بانفاسها على رقبته..
كانت حيه وشكلها طبيعي جداً..
بس ليش ماتصحى ولاترد عليه..
نزلها بسرعة واخذها لـ المستشفى..

أول شيء أعتقدوها حامل..
راجح قال لهم ماهي حامل بس كان لازم يتأكدون..
واثبتت التحاليل انها مو حامل..
تم تشخيص حالتها مبدئياً بالنوم القهري..
لكن التاكد من هذا التشخيص لازمه وقت واختبارات على المريضة..
وراجح خايف عليها من هالمرض ...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

على بحيرة نيمي جلست حاضنة نفسها صادة عنه..
ولدها نايم في السيارة ومسفر ساند نفسه على سيارته وقريب من ذياب..
ويراقبها بآسى على حالها..
ماوقفت شهقاتها ودموعها..
أستبدت فيها الظنون غنه ممكن يعذب أخوها مثل ما عذبها..
كانت تتكلم بضياع عن سوط وحريق..كسور و غرق..
تنويم والأدهى كلمة أختنقت فيها ماقدرت تنطقها..
خلته يقرر يطلعها من السيارة ويتفاهم معها..
او يتركها لحالها بس تحت عيونه..

آآآآآآآآآهـ يومه قلبي محروووق..
لا والله مابقى فيه حيل يحترق ..
قلبي صار رماد يووومه..
ابي ارجع لكم إفتحوا لي الباب..
تعبت غربة وقهر..
يومه بردااانة..تايهة..
أنسلبت روحي مني يا يومه شوفيني..

يوبـــــــــــه...
وينك يا حسين..؟؟وينك يا ابو علي؟؟
لك الله مابقى فيني حيل لــ الصبر..
إصدق بوعدك يوبه وتعال..
إلحق على مابقى فيني..
يووووبه ليه ماتسمعني؟؟
ليه ماتحس فيني؟؟
يووووبه تكفى تعال..
ابي ارجع لبيتنا..
ابي ارجع هديل بنتك الصغيرة..
يوبه أخاف يلقاني...
من يمنعه عني لا لقاني..؟؟
من يأخذلي حقي منه..؟؟
من يصدهـ عني مـــــــــــــــن..؟؟
يوبه محتاجتك..
تعال ولو علشاني..

صرخت باسمه ..
لا اله الا هو..
الواحد الأحد..الفرد الصمد..
اللذي لم يلد ولم يولد..
نادته بصوت مقطووع مبحوووح..
بكل الألم اللي داخلها صرخت تستنجد برب العالمين..
ربــاهـ إن العالمين تمادوا..
فرحمتك ربي قبل عذابك..

كل النداء إذا ناديت ..يخذلني..
إلا النداء إذا ناديت يا ربــــــــــــــي ...


سمعت صوت ذياب يبكي..
ألتفتت لجهة السيارة..
وشافت مسفر شايله بين يدينه ويسولف معه..
أبتسمت بضحكة مبحوحة..
ودموعها محبوسة..
وقفت وهي تترنح..
ومسحت وجها بيدينها..
تبعد آثار الدموع والتعب..

الحمد والشكر لك ياربي..
لأنك وقفت مسفر بطريقي..
ولا كنت ألحين مذبوحة بقهر وذل وإهانة..

قربت منهم وهي تحاول تحافظ على إبتسامتها المقتولة..
ولاحظت نظرات مسفر المتفهمة لها دائماً..
مسفر\وهذي نعمة الله عليك وصلت..تهنى يا شيخ..
مدت يدها وخذت ذياب بهدوء..
ضمته لها بصمت..
وفضلت تلتزم الصمت لحتى ترجع لبيتها..
وأرتاحت نفسها أكثر..
لما أحترم مسفر رغبتها ولا أجبرها على الكلام..

تدري إنه مايعرف عنها وعن غازي الكثير..
يعرف إنهم متزوجين..
وهي هاربة منه..
مايدري إنها ميته بالنسبة لغازي..
ولا يدري بتفننه بتعذيبها وضربها..
ماتبي تحكي عن مأساتها إلا معه هـــو..
هو الوحيد اللي يستاهل يتألم وينقهر ويغضب..
ماهو الشخص الطيب..
اللي منعها من تسليم نفسها لجلادها...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛



ياسمين بقهر\صوفي قلت لا..هل جننتي..؟؟
صوفي بغضب\انا من جننت؟ستفعلين ما اقول رغماً عنك..
ياسمين\هذي كيف بدها تفهم عليي..
صوفي هذا أمر لا يجوز..كيف تريدين ان أخرج بفستان عارياً كهذا امام كل هولاء الرجال..
ثم شعري ألا ترينه دون حجاب..؟؟هذا مستحيل..
صوفي بعصبية\انتي المسئولة الوحيدة..
لماذا لم تخبريني بضرورة تعديل الفستان..
ولماذا لم تطلبي حجاباص لأثبته على شعرك قبل الآن..
ياسمين\بدك تلبسيني حجاب اليهود..
صوفي هذا الحجاب اللذي تقصدين ليس حجاب المسلمين..
بل حجاباً إبتكرهـ اليهود وهو لا يغطي شيئاً من الرقبة والصدر..
يغطي الشعر فقط..
صوفي بجنون\سأقتلك إن أفسدتي هذا الزواج..دعيني أفكر كيف أحل الوضع..
لا تهلعي سيكون كل شيء بخير..
ياسمين\ههههههههههه انتي متوترة أكثر مني..
صوفي بحقد\إخرسي..لم أجد حلاً..كيف سيراك الآن زوجك..؟؟
ياسمين بخوف\سأهرب قبل أن يراني..
صوفي بابتسامة\وجدت الحل...إن رفضتي الخروج امام الجميع..
سيدخل زوجك هنا مارأيك..؟؟
ياسمين\لاداع ليدخل ويراني..سنغادر بعد قليل..
ولكن أين هديل لماذا ذهبت بسرعة..؟؟
صوفي بجدية\كان وولفي يبكي منزعجاً فعادت الى المنزل..
جاسمين عزيزتي ديل تريد منك خدمة أخيرة..
ياسمين باهتمام\ماذا..؟؟
صوفي\بعد هذه الليلة ستنسين أنك إلتقيت بفتاة اسمها ديل..
مهما مضى من الوقت أو قابلتي احداً ما يشبهها كذاك الشخص في الإجتماع..
لا تذكريها ابداً..هذه رغبتها فأرجوا ان تحترميها...
ياسمين بعتب\لماذا لم تخبرني هي بنفسها..؟؟
صوفي\إتصلت بي منذ ربع ساعة وطلبت مني إخبارك..
ماردك جاسمين؟؟
ياسمين بحنية\كم أحبها تلك الفتاة..أخبريها بأني لن أفشي سرها أبداً..
ولن أخبر أحداً عن لقائي بأروع الصديقات على الإطلاق...
صوفي بابتسامة\شكراً جزيلاً لك..
والآن سيدخل زوجك ويقبلك أمامنا فاعلنكما زوجاً وزوجة..
ياسمين بمرح\هههههههههه فليدخل وأطلبي منه ذلك..ثم سأرى علامة سوداء على عينك..
لأنه بكل تأكيد سيضربك...
صوفي حطت كفها على يدها مكان مامسكها غازي وهمست بغضب..
صوفي بهمس\تباً لــ الرجال..كم أكرههم..

بعد ربع ساعة دخل قيس غرفة ياسمين ومعه زوجته وأولادهـ..
سلم عليها بمحبة ابوية لا أخوية..
وأعتذر منها إن كان بيوم زعلها..
ضمته بقوووة وبكت بحب له وإحترام..
ضحكت لما سمعت صوفي تسبها وتهاوشها لا تخرب مكياجها..

دخل سلمان وصوفي تناظره بحقد وكأنه فعلاً ضربها..
قررت تلتزم بتقاليدهم وتراقب الوضع بإهتمام..
تخاف لا يضيع عليها أحد التفاصيل..
أعجبت بنظرات سلمان المتأملة لياسمين..
وكانها اول مرة يشوفها فيها...
مو المفروض تكون زوجته وأكيد عاشوا مع بعض من قبل..
وتاهت بخجل ياسمين وعدم قدرتها على رفع عيونها وتناظر زوجها بسعادة ..
وأكثر ما خفق بقلبها قبلته على جبين زوجته بكل إحترام...
مر في بالها يوم زواجها مع ماكس..
وإختلاف نظرات سلمان وياسمين..
عن نظراتها مع ماكس..
كانت جريئة ومتحررة من الخجل والخوف...

ياسمين حست بريقها ناشف لما شافته يدخل عندهم ..
ويتكلم مع اخوها عن رعايتها والإهتمام فيها..
طلع اخوها وهله ومابقى غير سلمان وصوفي..
قرب منها سلمان ورفع الطرحة عن وجها..
ناظرها مُعجب بجمالها ونعومتها...
مبسوط بخجلها اللي قالب وجها أحمر بشكل بالغ جداً..
كتوفها العريانة ببياضها الفاتن..
سلمان بإعجاب\ماشاء الله..مبروك يا ياسمين..
ياسمين بخجل\الله يبارك فيك..
قرب منها وباسها على جبينها ..
خجلت منه كثير ونزلت راسها ماقدرت تحط عينها بعينه..
جلسها وجلس جنبها..
طلع الدبلة من جيبه ولبسها بلطف..
رفع راسه وشاف صوفي واقفة عندهم..
سلمان\هذي مو هي اللي كرشها زوجها بعد ما أسلم..؟؟
ياسمين بهمس\هذي صوفي صديقتي لا تغلط عليها..
سلمان\آآآهـ طيب ما باغلط عليها علشانك..
ولا كنت ناوي أقوم واتوطى في بطنها..
لما شاف نظراتها ضحك \وأنا أدري عنك جعلتيني مجرم لا تغلط عليها..
اممم يالله مشينا..
ياسمين بخوف\وويــ...ين..؟؟
سلمان\شقتي..
وقفت غصب عنها لانه هو سحبها توقف..
أنحرجت من نظراته وهو يناظرها من فوق لتحت بتأمل..
سلمان عاقد حواجبه\اممم بدلي ملابسك..ما ابيك تطلعين بهالشكل..
ياسمين بغيض\كنت راح قولك تستناني برا لحتى ابدل..
انا مابلبس هيك قدام الناس..
سلمان يمتص غضبها\اوكى ياقلبي أستناك برا..الا إذا تبين اساعدك بشيء..

تركها براحتها لما شاف إنه احرجها بزيادة..
طلع من الغرفة وقفل الباب..
ياسمين بخوف\صوفي لا اريد أن أذهب معه...
صوفي\لماذا لقد كان رائعاً جداً معك...
ياسمين\أريد أن أستبدل ملابسي..
صوفي بابتسامة\ساساعدك...
ياسمين\حسناً شكراً لك عزيزتي..
أين حقيبتي سارتدي فستاني الأسود..
صوفي بسخرية\اجل ستفعلين عندما تجدينه بعد عدة اعوام..
ياسمين\ماذا تعنين؟؟
صوفي\اعني بأنك سترتدين هذا الفستان الجميل...

فتحت احد الأدراج وطلعت فستان أورانج قصير..
بالستايل الروماني..قصير من جهه أكثر من الثانية..
مزموم تحت الذراع اليمين بفصوص كرستالية صغيرة..
ياسمين\لن افعل أبداً..انا لم أجن بعد لــ أرتدي هذا..
صوفي تستعجلها\سترتدينه رغماً عنك..فانتي ستخلعين فستان الزفاف وترتدين هذا..
او تبقين كما أنتي...بسرعة قبل أن يدخل روميو يا جولييت..
ياسمين أخذت الفستان من يدها وهي تتوعدها..
وهمست بقهر\جولييت وروميوا ماتوا في النهاية..
صوفي تضحك\هههههههههههه اوليس هذا حالنا جميعاً..

طلعت مع سلمان بسيارته وتوجهوا لشقته..
كان يحاول يكسر الصمت بينهم بس ياسمين ماساعدته ففضل يخليها براحتها..
نزلت من السيارة وشدت معطفها الطويل عليها..
تخاف لا يحركه الهواء وتظره أرجولها..
مع ثقتها الكبيرة بثقل معطفها..
ولكن لكونها أول مرة تلبس فستان بهذا الشكل فشكت بكل شيء..

حست بالخووف وإنقباض بقلبها لما قفل الباب..
وقف وراها وهي بعدت عنه بسرعة..
سلمان بحنان\نورتي حياتي يا ياسمين..
جلست على أحد الكنبات عاجزة عن الرد أو رفع نظرها..
تبي تساله وش اللي تغير..
هي لازالت مجروحة منه..
وعدها يرجع وياخذها معه السعودية بعد مايخبر هله بزواجهم..
بس مارجع ولا اتصل وطمنها..
مايدري كيف عاشت بشكوك وقهر..
وهي تتخيل عائلته رافضينها وغير متقبلينها بحياتهم..
لانها مو سعودية..ولان هذي من عادات أكثر المجتمعات..

فزت وهي تحس بيده على كتفها..
كانت بتوقف وتبعد عنه بس هو وثقها بيدينه وقربها منه..
سلمان\وش اللي مزعلك يا ياسمين..؟؟
ياسمين بغصة\انت..
رد عليها وهو يفك حجابها عنها..ويفك شعرها الكستنائي...
سلمان\وش اللي زعلك فيه أنت..؟؟
انحرجت من قربه الكبير منها..
ومن لمساته على رقبتها وأذونها..
والأكثر من همساته الحنونة..
ياسمين ببحة\هجرتني سنين..
سلمان\كنت مجبور..ظروف عاكستني..ومنعتني أرجع على وعدي..
ياسمين بغصة\مستحيل الظروف تمنعك من اتصال على زوجتك تطمنها انك تذكرها..
او تمنعك من ذكرها باحد الرسايل وتعتذر منها..
تحسسها إنك تبيها وبترجع لها..
سلمان بحنية\ماكنت اقدر أكلم أبوي يا ياسمين وأطمنه عني..
كنت هارب بدون حق..غلطت وتحملت ثمن غلطتي..
وتغربت فترة ماهي بسيطة عن هلي وديرتي..
أكثر تفكيري كان فيك انتي..ولأني ظلمتك معي..
تزوجتك وهربت من ديرتي وبعدها يمكن احكم بالسجن او القصاص..
وإنتي تترملين من بعدي او تظلين معلقة لفترة طويلة أو تحملين اسم مطلقة...

ياسمين تعاند دمعتها\سلمان قول الحق...
اهلك رافضيني صح؟؟مجتمعك مايتقبلني لأني مو سعودية..
سلمان باستغراب\ان كنت أنا راضي فيك ومقتنع وش دخل باقي الناس فينا..؟؟
ياسمين\اهلك يا سلمان مو ناس...
سلمان يبتسم\اذا على هلي فهم يرحبون فيك وينتظرونك توصلينهم بكرة باذن الله..
ياسمين\سلمان انا مو سعودية..
سلمان\أدري فلسطينية وعلى عيني وراسي..
وزوجتي برضى الراضي وغصب عن اللي مو براضي..
لا يهمك احد دامني أنا معك..وأمي وابوي وهلي ترى ناس طيبين..
ومايهمهم التفاخر بالأنساب والجنسيات والخرابيط..
فيه ناس ياياسمين ظلوا طريق الحق وتكبروا..
وفيه ناس لازالوا يذكرون النبي عليه الصلاة والسلام وينتصحون بنصحه وأخلاقه..
(إظفر بذات الدين تربت يداك)..

صدت عنه تخفي دموعها..
بقلبها شيء كبير يامرها تحضنه بقوووة..وتبوس راسه..
وحقق لها هالشيء لما سحبها له وضمها بحنية..
قبلها على جبينها وهمس لها بصدق...
سلمان\نورتي حياتي...

بعد لحظات بعدت عنه وتوجهت لغرفة النوم اللي دلها عليها..
فسخت معطفها وفتحت شنطتها تبي تبدل الفستان قبل يشوفه عليها..
طلعت مجموعة من ملابسها وحطتها بدرج الملابس..
وتجمدت مكانها لما حست فيه دخل معها الغرفة وقفل الباب..
سلمان\بكره نازلين السعودية خلي ملابسك في الشنطة..
تملكها الخجل والخوف وهي متأكدة من نظراته عليها..
أخذت بجامة ودخلت الحمام بسرعة مرعوبة..
قفلت الباب وخلعت الفستان بسرعة..
تحممت وأضطرت تستخدم منشفة سلمان لانها ما فكرت تدخل معها منشفة..
شهقت بقوووة لما شافت البجامة اللي بيدها..
ودعت على صوفي من قلب ورب..
أستاهل هذا اللي يسلم رقبته لمثل هالخبلة..
ياويلي وش أسوي..
مستحيل ألبس هذي قدامه..
ولا البس الفستان مرة ثانية..
ولا اطلع بالمنشفة...
اكرهك يا صوفي ياللي ماتستحين..

لبست البجامة القصيرة ولمت عليها روب الحمام..
طلعت بخطوات مرتجفة خايفة ..
وهي تتمنى لو كان سلمان برا الغرفة عشان تاخذ راحتها..
بس تفاجئت فيه يوقف قدامها ويضمها له بقوووة..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛


نفخت بقهر تحاول توصل له إنزعاجها من حالهم..
بس مالقت منه الا التجاهل التاااام...
مر شهر من رجوعه لها..
وهو يعامل بكل برووود..
لا اصلاً مايعاملها متجاهلها وبس..
كأنها غير موجودة..او غير مهمة له..
يطول كثير بشغلة..وبعض الاوقات يواصل شغله الليل بالنهار..
يتناسى ان وراهـ زوجة حامل وتعبانة..

صوت بداخلها يناجيها..
مرام هذا اللي زرعتيه واليوم حصدتيه..
ماتبينه قريب منك ولا يلمسك ولا يكون بينكم أي علاقة..
فأنهي الموضوع ولا تحرقينه بتأففك ..
انتي كلي هواء ولاتتكلمين معي..
مليت من بعده ومن حياتي الباردة..
مليت من خوفي وهروبي منه وأنا ابيه..
انا ما سامحته على اللي صار..
وهو ماسامح نفسه..
يعني تعاقب كثييير..
وياما عاقبته طول الثلاث سنوات اللي فاتت..
عاقبته وعاقبت حالي..
خلاااص ابي ارتاح...
أنا حامل..
وكم تمنيت الحمل..
ما ابي أضيع الباقي من ايام حملي بهم وصد وجفاء...

وقفت بتعب ودموعها تعمي عيونها..
قربت من الكنبة اللي جالس عليها وبحضنه الــ لاب توب..
سحبت الجهاز منه ورمته على الكنبة..
جلست بحضنه وضمته بقوووة وبكت بصوت مخنوووق...
بكت اكثر لما لم يديه حواليها..
وبيده الثانية يتلمس بطنها...
مرام بتعب\تركي ابي افرح...
فرحتي ناقصة بزعلنا...
ضمها له اكثر وقبلها على رقبتها..
تركي بحب\زين إنك جيتي قبل أجيك..
كنت خايف أخوفك او تهربين مني...
مرام بتعب\أحبك...
تركي\لا يامرام أنا اللي أحبك..
ومهما صار أظل احبك...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛


دخل راجح المطبخ يدور رشا بعد ماقالت له الخادمة انها في المطبخ..
أنصدم لما شافها حاطه راسها على الطاولة والأكل محرووق على الغاز..
طفى الغاز وقرب من رشا النايمة بدون احساس...
تنهد بآسى على حالها..
وشالها بين يدينه..
طلعها لغرفتها وسدحها على فراشها...
مرر أصابعه على خدها...

قلبه يتعذب عليها كثير...
تم تشخيص حالتها بالنوم القهري...
وراجح صار يخاف عليها كثير..
يخاف لا يهاجمها النوم وهي تمشي او طالعة من البيت..
او بالمطبخ مثل مالقاها قبل دقايق..
تمر أيام تكون بحالة طبيعية جداً..
لكن بأيام أخرى تنام لمدة 20 ساعة من دون احساس..
باحد المرات نامي وهي تتحمم..
مضت ساعتين وهو ينتظرها..
ولما دخل الحمام كانت نايمة بالبانيو..
وحمد ربه انها ماكانت ماليه البانيو مويا...
ولا يمكن غرقت من دون مايحس عليها أو تحس هي على نفسها..

ومرة نامت وهي تأكل غازي..
دخل البيت ويسمع صوت غازي والتلفزيون ..
وشافها نايمة على الأرض وغازي يحط الاكل على فمها..

قرر ينتقلون ويعيشون في بيت ام غازي على الأقل تكون قريبة منها وتهتم فيها..
الخادمات مالهم أمان..كانت خادمة وحدة..
بس حالة رشا المستعصية تطلبت وجود خادمة ثانية تنتبه عليها..
يخاف لا يسوون فيها شيء وهي نايمة وغايبة عن الدنيا..

الدكتور بدأ العلاج معها...
وطمنه بانهم راح يتغلبون عليه لان المرض ماصار له معها فترة..
صرفوا لها علاج خاص بهذا النوع من الأمراض..
وتطمن الدكتور أكثر لما شرح له راجح ان سبب اللي هي فيه حالة نفسية وإكتئاب..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛

تمضي بنا الأيام...
نضيق من دهرنا..
فنبكيــــــه..
وعندما نعانق دهراً أخر...
نبــــــــكي عليــه...

فز ذياب بخوووف وفتح عيونه على وسعها...
وصوفي ميته ضحك وتصورهـ بكاميرتها...
وبدأت تغني له قبل لا تجيها هديل...

سنة حلوة يا ولفي ..
سنة حلوووة يا وولفي ..

طلع من فمه صرخات كثيرة مبسوووطة..
بكثرة الألعاب حوالينه والبالونات بالوانها...
صوفي بحب\هيا عزيزي لنتمنى أمنية...
بسرعة قبل ان تأتي والدتك القزمة رثت الثياب...
مد يده بسرعة وضرب القتوة الصغيرة بمرح..
شهقت صوفي وبعدها ضحكت على حالها لما حط يده على عيونها..

دخلت هديل الشقة علقت معطفها وحجابها ..
وأول ماشافت شكل الصالة معفوووس ..
عرفت وش المناسبة من البالونات والكيكة ولاهدايا..
هديل تتنهد\يربي من هالمرهـ..ماتفهم ماتحس..
صوفي ماذا تفعلين..؟؟ألم أقل لك باني لا احب الاحتفال بهذا؟؟
صوفي بمرح\اخرسي ايتها القزمة..تعالي وشاركي وولفي الأكل..
سيأكلها كلها...
هديل تشهق\لااااا ذيبي يا بعد هلي ..
اسنانك يا أبو سنين تبيهم يسوسوون..
خذت ذياب من حضن صوفي وضمته لها..
هديل بحب\لبى الرجال الشيوووخ..
وهـ فديته ياعرب يجنن..أبو عيووون كحيلة..
وبراطم صغيرة..فديتك يوومه بتخوفك هالشقراء المهبوولة..
جاملها فديتك عندها نقص حنان تحطه فيك..
صوفي بقهر\وجع...
هديل\هههههههههههههههههه من كل الكلمات اللتي أنطقها لم تحفظي غير هذه الكلمة..
صوفي\هههههههههههه أحببتها صغيرة وجميلة...
هديل\عنبوا الهبلاء تسمع وش تقووول..ماتعرف معنى الكلمة..
صوفي\ماذا حصل معك..؟؟
هديل تتنهد\لم أنجح في اثبات هويتي..
يحتاجون لشاهد..يشهد باني انا هديل الجاسم..
لأني في السجلات لديهم ميتة منذ وقت طويل..
ويعتقدون باني أريد أن أنتحل هوية فتاة أخرى ميته..
صوفي\انا ساذهب معك...
هديل\لن يقبلوا بذلك..ولكني في الطريق الى هنا كنت أفكر في الأمر..
صوفيانا لن أظل في إيطاليا طوال عمري..
سأعود الى الخليج وأعمل معك في دبي..
صوفي\وأنا أجلت إفتتاح العرض بدبي حتى تنتهي معاملاتك..
هديل\هناك شخص ما سيشهد معي...ويخبرهم باني انا هديل..
حصلت على رقمه..وساتصل به..
سأفجعه بكل تأكيد عندما يسمع صوتي..

وقفت ببطء وأخذت جوالها من شنطتها..
اتصلت على الرقم المدون عندها وهي ترتجي ربي يسهل لها الأمور...

.....\ألو...
هديل\.......................
....\هلا ...من معي...؟؟
هديل\................................
.....\مايصير متصلين من برا عشان بس تسمعون صوتي...
هديل\.....................................ألو..
.....\هلا...
هديل\...........................
....\أختي انتي معي تسمعيني؟؟
هديل بخوف\إحلف بالله العظيم ماتخوني ولا تغدر فيني...
......\...........والله العظيم ما أخونك ولا أغدر فيك...
من أنتــــــــــــــــــــــي ..؟؟
هديل بغصة\أنا.........أنا هديل...




الى الملتقى باذن الله تعالى فجر السبت ...


كونوا بخيــــــــــــــــر ...


صدووود’’’

اتوقع انها اتصلت بركان ولد عمها