مساء الخيرات ..........كيفك صدودة وحشتيني يالغلا .... تصدقي من قريت البارت والف هاجس براسي وموعارفة ارسى فيه على شي ...ولو كل التسالؤلات الي جات ببالي كتبتها راح احتاج مجلدات .... اشياء حيرتني واشياء صدمتني واشياء خوفتني ومااتمناها تصير ...


هدولة الف الحمد لله على السلامة لك وللبيبي ....الحين بيصير عندك ونيس بوحدتك واحد من لحمك ودمك واحد كنتي تناجيه شهور والحين صار بحظنك بس وربي بهالبارت خفت خفت من تصرفاتك واتمنى ماتكون الا من شدة الوجع وبس الي خوفني طلبك لوجود غازي وانتي حاسة بالموت في هاللحظة كنت متوقعة بتفضلي سماع صوت امك الي صار لك فترة ماشفتيها ولا سمعتي صوتها على الاقل بتحاولي تسمعين لو كلمة منها قبل ماتموتين

بس انك تسمعين صوت قاتلك والي دفنك بالحيا خوفني انو يكون الحقد والكره بقلبك على اهلك وبالخصوص ابوك اكثر من المصايب الي سواها فيك عدم الاحساس لالالالا ياهديل الا هالشي الا اهلك لاتحقدين عليهم والي صار غصب عن ابوك وليتك تشوفين حالته والله انك تكرهين غازي لن يموت

ابوك ماذاق الراحة من فارقتيه ويوم شاف جثتك المزعومة انهار راحت قوته انكسر صار طريح الفراش لاتنسين اهلك جنتك ونارك لاتخلي ن عيشتك مع واحد مستهين بالذنوب على كيفه وواثق انو الذنب الي اذنبه ماهو كبير وناسي انو الذنب ذنب والاستخفاف بالذنوب تدل على قلة الوازع الديني الي فيه

ابوك رباك على الخوف من الله بكل خطوة تخطينها لاتنسين عيشتك بحظن ابوك طول السنوات الي راحت والدلال والحب والحنان والدفى علشان عيشتك سنة وكم شهر مع عديم الرجولة

تذكري كيف ابعدك عن اهلك وحطك بوسط مزرعة كلها رجال مافيهم مسلم واحد تذكري من استهانته فيك كزوجة تحمل اسمه وعرضه وهو خافي هالشي وتاركك مع رجال لاغيرة ولا نخوة

شوفي الرجولة في ابو نايف الي مااجبرك تخبريه قصتك وهو حافظ عليك وعلى شرفك شوفي مسفر وتركي كيف حموك ذيك الليلة من الذياب اما هو معتمد لي على ماكس في زمن الاخ مايأمن على اخوه وانتي بنت صغيرة وجميلة لو طمع فيك ماكس لاهو ولا اهله بيرجعون شرفك

انا ماادري صدودة الغرض من سؤال صوفي السخيف في هالوقت وحاطته سبيكر ليه ماخطر ببالها تسأله من قبل هل يعني تبي ترجع هديل له بعد كل هالمهانة الي عيشها فيها


على العموم انا ماشفت من الشايب شي يدل على عشقه المزعوم لهديل ةالدليل مافي يوم مرض من ماتت حتى سخونة عادية ماجاته والنوم ينخمد ولا على باله وضميره ماصحى مثل ماهو ميت

والله واحد يعامل رجال كبير ولا وبيتزوج بنته او خل نقول تزوجها وعشقها على قولته مايحترم شيباته جالس يطالعه بحتقار وكره كأنو سارق حلال ابوه يوم يستقبله بالمطار الرجال طاح وانشل من قهره والسبب هو ماكلف خاطره يطمن عليه والي بتقول حزين وماادري ايش ولا بارت حسينا لابحزنه وتعبه

لو يحب هديل كان حب اهلها من محبته لها مو بعد كل الي سواه في البنت ولحاجته جايبهم لها ويحتقرهم على ايش شوفة النفس اخرتها بيموت وبيضمه قبر مثل قبر افقر رجل على الارض حمدلله والشكر

وحتى يوم عرف حقيقة موت اخوه ماصحى ضميره ولا تغير هذا هو ميت احساس ...وهديل الخبلة تبي ولدها يروح له لو ماتت ليه تبينه يذبحه ويرميه للكلاب ومااستبعد عليه قلبه حجر بيحط سبب موتتها في الولد بيطلع عقده فيه لانو الي كان يفرغ عقده فيها طارت منه


الحين ياهدول مالقيتي تسمين ولدك الي هو بغى يحرمك منه بدون ماتدرين عنه الا مثل ماهو يبي وياليته اسم سنع حرام عليك بتعقدين الولد اذا كبر خليه يولي يروح يتزوج متخلفة مثله تجيب له ذياب ونمر وفيل وكل اسامي الحيوانات الي مثله ....تصورت بتسميه هادي او على اسم ابو نايف لانو يستاهل من يسمي بأسمه رجال صدق ........هذي اول امنية ورغبة لغويزي ولبيتيها له هل ياترى في تنازلات ثانية جاية بالطريق ؟؟؟؟؟؟ظ

اتمنى قبل ماتخيبين ظني فيك قبل ماتقدمين تنازلات تفرح عديم الاحساس ماتنسين والدينك ترى اذا قسيتي عليهم ربي بيجازيك بولدك الا امك وابوك وانتي بنت اصل ومتربية على الخوف من الله



نجي لتريك الثاني الحين الي فيه سرطان هو شدخل الولد فيه والسرطان مايعدي ولا هو وراثي على اي اساس قرر هالشي هذا ان دل دل على غبائه وتسرعه وعدم ايمانه بالقضاء والقدر

مثل ماظلم اخته وماتت وهي مقهورة .. الي يقهر بالموضوع انو كل الي يتصرفون بهمجية هنا ناس دارسة وواعية وعندها شهادات يعني هو مايعرف شي عن الايدز وطرق انتقالها علشان يظلم اخته

نفس الشي لما ذبح ولده حتى لو هو بيموت ماله عذر يذبح الولد وهذا هو عمر وانحرم من الذرية اما مرام تصرفاتها غبية والله شمقعدها على ذمته دامها كارهته واحدة تفكيرها غبي تعتقد انو هي الي مانعته من الزواج بثانية ويجيب عيال

والحين حاملة مسدس يااما بيطلع خالي من الرصاص او بتضرب تركي وعلى فكرة لو ضربت حالها يعتبر انتحار والنار مثواها وجزاها والله هذا تفكير وحدة تخاف ربها في مليون طريقة للطلاق او الخلع ماعندها عذر



عالية مبروك تستاهل عامر رجال من ظهر رجال هذي ارجال الي لاقالت تحب صدقت امثال عامر وراجح وراكان مو الشايب واخوه الي كل واحد تزوج وحدة وظلمها معاه حسبي الله عليهم ...

المهم يتم زواجهم على خير لاني مو مرتاحة لوجود عالية ببيت عمها دقيقة وحدة دام فيه جاسم وامه والله يعدي هالليلة على خير والعم مايموت وتتعطل حياة عالية والله الواحد صار يخاف من كل شي


مسفر الله يخليه لاهله رجال وربي ماقصر ياحسافة ماالتقى بهديل الا وهي على ذمة النذل وربي هديل تستاهل واحد مثله رجال عنده نخوة وغيرية على بنت بلده يراقبها علشان يحميها وواقف معها في شدتها مو الخسيس الي مشغلها بمزرعة كلها رياجيل اجانب ...... بس لايتعلق قلبه فيها لانو عندي احساس انو بينكسر لانو هديل حتى لو مارجعت للحقير برغبتها بترجع له تحت التهديد بولدها

ماادري هالولد ياهديل خير عليك ولا شر .....هل بيكون سبب لتعاستك بقية حياتك مااقدر اخمن لانو الجواب عند صدودة



صدودة استمري وخذي راحتك تمهلك في الاحداث سر تميزك عن غيرك والي بتقارن بينك وبين كل كاتبة ماراح تنصف احد لانو كل كاتبة ونظرتها لروايتها واحداثها وياما كاتبات ماكانو راضيين عن رواياتهم وبدل ماتقارن بين روايتك ورواية هذيك الكاتبة انا اعرف رواية قريت بعدها روايات وخلصت وروايتك بعدها بشهور ولليوم ماخلصت وهذا مايعني اروح اراسل الكاتبة واتشرط عليها الا تنهي الرواية .......الي ماعندها صبر لاتقرأ رواية لم تكتمل بعد اريح لها وللكاتبة بعد


في انتظارك ياقلبي على نار

اما مرام وتركي بصراحة انا قايلة مرام مو طبيعية ابد لو تفكر

صباحكم هنا ورضا من رب العالمين



غاليتي ردا على كلام الاخت التي لم تحترم حرمة القبر وفكرت بمصاحبة روايه له
فاقول لك :
كن كالنخلة ترمى بالاحجار *** وتعطي اطيب الثمار


والف الف شكر غاليتي على اهداءك الغالي على قلبي


بارت متقلب بين استقرار بحياة البعض وبين تغيرات وتقلبات بحياة
البعض الاخر حتى تستقر الكفه وتتعادل



عامر وعاليه : واحسن شي بموضوعهم ان جاسم وبعكس المثل جاء بيعميها
قام كحلها وخله يستاهل اخذ جزاه وهو كان سبب قهره لنفسه بشين طبايعه
اما عامر فهو رجال وقد كلمته ووفاء فيها لاخر لحظه واستحق الي تمناه بعد كل
صبره وعلوووي يحق لها بعد كل خوفها ورعبها اخيرا ترتاح وللابد من هاجس عمامها
وظلمهم لها ... والحين دام حياة علوي استقرت وحياة رشا استقرت فغازي الصغيرون
بيكون من حق منو ومين فيهم الي بيقوم فيه صح بعد مايخلفو اولاد من صلبهم
اكيد ماراح ننسى ام غازي وكونها جدته بس رشا وعلوي وش بيكون مقر غازي بحياتهم مستقبلا


ام علي : قلب الام دليلها بس وش يعرفها ان بنتها حية ومحتاجتها وخصوصا بهالوقت
بس ولاعليك ياام علي انا و هلوله بنقوم بواجبها بعد الولادة وراح نهتم فيها لاتنسي
هذي ام ذيااااااااااااب ولد الغازي ال جالي وتستاهل احسن خدمه وبنظام الخمس نجوم *_*


( وش سويتوا في بنتي..؟؟ياحسيييييييييييييييييين بنتي كيف ماتت ياحسين كييف..؟؟)
مااظن ان غادة بعد هالموقف وبعد سقوط ابوها ومحادثتها السابقه مع راكان بانقلاب حال ابوها
بعد موت هديل ثم بعد سفره والحين امها ماترجع تفكر بنفس الفكرة الي ببالها وتتشارك مع
علي وراكان بهالموضوع



تركي ومرام : واخيرا اتضح سبب قتله لولده ومع انه يحق له هالشي ومو حرام بس كان
المفروض انه استمر بكتم سره لنفسه ومايبلغها اياه


( مرام بحزن\إختـــار يا تركي...تطلقني أو أرملك ..؟؟! )
اكيد انه بيحاول يهديها وياخذ المسدس منها واذا انحد مرة فطلاق واحد مايضر وبعدها
يستلمها مسفر ويعالجها ويفك عقدها وان كان المسدس هنا خطر بيد واحده فاقده عقلها لحظتها



غازي : ( إذا غبت لا شيء.. لا شيء.. لا شيء)
وهذي هي حياة غازي الحين مجرد حياة بلاهدف سوى انتقامه لها من نفسه
وتعويضها بالمشروع الي اعتقد انه يبي قسمه فيه صدقة جاريه باسمها



( صوته القاسي الحنون....الهامس المرعب...صوته الجامد بأوامرهـ..المهزوز بضعفها ...كان يردد الكلمة ..ماقدرت
تتكلم..مخنووووقة وهو الوحيد اللي يفهمها..لو يشوفها ألحين يعرف وش اللي تبي تقوله من رجفتها وخوفها..)
معرفة تامه لهديل بحالات غازي الي يمر فيها نفسيا بالضبط مثل معرفته التامه بحالاتها النفسيه الي تمر فيها


( صوفي بارتباك\مرحباً هذا أنا......... صوفي.. /غازي\............................. )
غازي هنا سكت وكأنه بدأ يشك بنفسه ويقول انا سمعت صوتها بشهقتها وسبق وشفت
طيفها ببيت ابو نايف ... ولسان حاله يقول : ستظلين طيفا يطاردني بكل مكان وصوتا يعذبني اينما ذهبت




(صوفي بحدة\هل تعلم أين هـــــي ..؟؟! غازي\ )
لسان حال غازي يقول :
تحرمني من قربك... تبعدني عن دربك
بس انت ماتقدر... تمنعني من حبك

كل الحدود الفاصله... عندي انا متواصله
عيني انا دارك... وفقلبي اسرارك

بس انت ما تقدر... تحرمني.. تبعدني.. تمنعني من حبك..!

حاولت تنساني... دورت لاحزاني
مهما بعدت انت... جمبك بتلقاني

كل المشاعر صادقه... تخاف لكن عاشقه
مهما تروح بعيد... عشقي انا بيزيد

بس انت ما تقدر... تحرمني من حبك..!

يا اروع ايامي... يا فرحة احلامي
ترضى تخلي الارض... تموج باقدامي

أحبك انا احبك... وقلبي انا قلبك

بس انت ما تقدر... تمنعني من حبك...!




هديل : ( همست بحزن\لااااااااااا لاترجججع..أنا مت لا ترجع..) * (غازي روووح عني اتركني ما ابيييك...)
&
(هديل بخوف\غاااااااازي لا تخليني.....) * (ماكان هو...كان طيف وتهيء لي..ليه تأخر..؟؟!)
تتقلب بين خوفها وهلعها منه وبين احساسها الغامض برغبتها بقربه منها
و راحتها وطمانينتها لوجوده الدائم حولها



( اتصلي به صوفي ارجوك..اطلبي منه الحضووور.. أريد أن ياتي لا اريد البقاء وحيدة)
خطة غازي وتنفيذه لها اتت بثمارها وهذي هي البدايه هديل تطالب بحضوره باول عقبه
تواجهها بعد هربها منه واكيد بتمر عليها لحظات حاسمه ومواقف ترك لها اثر فيها وراح
تفتكرها وتشتاق لذكراها معه


(اتصلي به ... اريده ان ياتي ... أنا وحيييييييييدة صوفي أنا وحيييدة.. )
اكيد انت وحيييدة لان غازي هو ابوك وامك وزوجك واهلك مثل مازرع بمخك طول الفترة الماضيه



( \لا اريده أن يأتي بعد ان اموت..فيدفنني مرة أخرى..أريد ان أشعر بأني أهم احداً ما..)
ياعمري ياهدول تعقدت البنيه كل مرة تندفن وتعيش الوحده لحالها
وحتى تضمن حياة ابنها وحياتها بعد قررت المخاطرة رغم ترددها للحظه واحده لكنها
سريعا حزمت امرها وطالبت بحضوره لمعرفتها الاكيدة بحرصه الشديد عليها وعلى ابنه
وعدم تهاونه باي شي يخصه او يقرب له



( صوفي بهدوء\أنجبت صبياً..وهي بغيبوبة الآن.. )
فديت هالذيب ولد الذيب بار من صغره هذا هو بيريح امه من صراخه وينام بالحضانه حتى يكتمل نموه
وهي دخلها بغيبوبه ترتاح من هم الدنيا فترة وترجع يكون كبر شوي واكتمل ^ ^



مسفر : مشاعر متضاربه بين احساسه بالمسئوليه استقاه من جده وبين شعور خفي
لهديل لسى مااتضحت معالمه
( حسبي الله عليك ..وش سويت فيها يا النذل..)
وش دخلك بين البصله وقشرتها خلهم يصطفلون مع بعضهم وعن اللقافه



( يحس بشعووور قوي يجذبه لهذا الطفل... )
طيب حدد لنا احساسك حتى نعرف شلون نتعامل معك *_*
مع اني لدي احساس شبه جازم بانه يعتبرها فعلا مثل قمر وبانه يتعامل معها على هالاساس


صوفي : بعدي والله ... كفوو ونعم الصديقه وبتكون مع مسفر جدار امان لهديل حتى توقف
على رجولها من جديد وتأسس نفسها بشكل ماتحتاج فيه لاحد



( انا سأتنازل عن القضية وسيتم ابطال التهم..)
الان هديل هي الي طلبت ان صوفي تتنازل عن القضيه لطيبها وعلى قولها حتى ترتاح منه
بس انا اعتقد ان غرووري لها تصرف ثاني خلاها تاجل القضيه لقدام
بتكون خلاله هديل تغيرت واسلوبها تغير وتفكيرها تغير بشكل راح يتفاجأ غازي فيه



( صوفي هذه رسالة أريدها أن تصل اليه....اريد منك ان تعطيه هذه الرسالة..واخبريه باني كنت صحيحة العقل..)
ماادري اعتقد ان صوفي راح تحتفظ فيها و بيكون لها دور مستقبلي


( آآآآهـ لو كانت فتاة سأجعل منها عارضة أزياء رشيقة القوام منمشة الوجه..)
صوفي يالخبله قالو لك بتجيب بنت شقراء او كستنائية الشعر حتى تطلعيها منشمه زيك



( ذيـــــاب غازي الــ جالي...
وكانت هذي هي الشخصية اللي نبهتكم بحضورها في الرواية..
شخصية مهمة جداً لن يكون مجرد طفل...)
وه وه يالبيه اكيد مو اي طفل ومو اي شخصيه مو ولد الشيخ غازي وهو ولي عهد آآآآآل جالي
فطبيعي بيكون غيييييييييييييييير عن اي طفل



سلمت يدا كتبت وعقلا فكر وقلما نزف
لاحرمنا الله منك ومن ابداعك غروووري

البارت قمه بالرووعه اختي صدود

والي الان لم اكون فكره عن نهايه

بس الي متاكده منه ان غازي راح يعيس بعذاب المدة اربع سنين بعدين

يكتشفهم بصدفه واتوقع راح يعذبها من جديد .

ودي..~

السلام عليكم ورحمة الله ...

صبــــــــاح الخير ياوجيه الخير...

عساكم طيبين..؟؟

أعتذر منكم على التأخير ..

كله بسبب ذياب بن غازي هو السبب << جبت الراس السمينة لاحد يشووت

دقائق بس ..