السلام عليكم ورحمة الله وبركاته ...


يسعد صبـــــاحكم \\ مســــائكم
بكل محبة ورضا من رب العالمين..

كيفكم الـــ ليلااااااااااااااااااااس ..؟؟
أحبتـــــــــــــــــــــــــي في كل مكان ..؟؟

كـــــــل عام وأنتم بألف خير..
ودعنا سنة ونستقبل اليوم سنة جديدة..
عســـاها فاتحة خير وسنة رحمة ومغفرة من رب العالمين..

بالنسبة لمسألة رجوع النظر لهديل..
هديل قبل يوم الحريق طاحت في الفندق وضرب راسها بأحد أطراف الطاولة..
النظر مارجع لها بنفس اللحظة..رجع لها لما صحت من النوم..
وهذا الموقف بنيته على اساس حقيقة طبية..
بأن العمى الحاصل نتيجة حادث قد يكون علاجه حادث آخر..
وهذا لا يكون العلاج دائماً فهناك أضرار قد لايتم معالجتها الا بالعمليات..
أرجوا أن اكون أوضحت كيفية رجوع النظر لهديل...

مســـألة أخرى طال الجدل والنقاش فيها...
وقت نزول البارت...
في الأسبوع ينزل جزئين فجر السبت..وفجر الثلاثاء..
أكثر من بارتين أحبتي لا استطيع..
فأنا كغيري لي حياة خاصة ومسئوليات لها الأولوية..
وانا صرحت من قبل بأن وقتــــي ليس ملـــكاً لي..
فأرجوا من الجميع تقدير ذلك ..وعدم مطالبتي بأكثر مما أستطيع..

شــــــكراً بحجم السماء لكل اللي شجعوني وراسلوني يطلبون مني نشر الرواية كــ كتاب..
ربما أقرر هذا ذات يوم ..
ولكن ليس بهذه الفترة فأنا مشغولة بحياتي الخاصة...


البارت إهداء لـــ الجميــــــــــــــــــع ...
وإهداء لــ قروووب غازي X قروووب العدالة ..
بقيادة أحلام X المجهولة...



البارت الثاني والخمســـون ...


لا يعرف الفقر أني

سكبت دموعي عليه

و لا يعرف الحب أني

ارتميت.. لثمت يديه

و لا يعرف الظلم أني

تململت في قبضتيه

و لا يعرف الناس أني

غضبت و قد عذب الأبرياء

و حاربت حين طغى الأدعياء

ففيم العناء؟

ففيم العناء؟


المرحوم باذن الله تعالى..غازي القصيبي...


راجح\رشا قلت لك خلاص ماراح أسوي لك شيء..
ماتبيني براحتك لاتخافين كذا اهدي..
سدحها وهي لازالت ترتجف..
جلس قريب منها ويده على راسها..
وظل يردد لها انه ماراح يلمسها أو يفرض نفسه عليها..
لحتى همست بضعف\راجـ...ـح أ...أنــــا بنت...
حرك راسه بحدة وركز عيونه عليها..
مايدري هل هي همست أو يتخيل ..
وإذا فعلاً هي تكلمت..هل قالت اللي يعتقده..
أو مجرد خيال ووهم ..
قرب راسه منها وبهمس\رشا عيدي اللي قلتيه..
رشا دفنت وجها بوسادتها وماردت عليه..
رفعها له وثبت وجها قدام وجهه..
راجح\أنتي....بنت يارشا..؟؟!
نزلت راسها وهي خجلانة منه ومن نفسها..
رشا بصوت مبحوح\إيــــــ...........ــــ إيـــه..
لمها لصدره بقووووة وهي بكت بصوت مخنوق...
ظلت ترتجف بين يدينه بس ماخفف حضنه لها..
ما أستوعب اللي قالته..
معقولة تكون بنت وهي كانت زوجة لسعود..
بأي حق يظلمها سعود هالظلم كله..
متزوج وعنده ولد..يربطها بولده لزمن غير معلوم..
يحملها امانة صعبـــــة طول السنين اللي فاتت..
كم عانت وهي تخبي حقيقة سعود وولده..
وشرطها بزواجنا تكون في بيت أخوها وانا في بيتي..
ألحين فهمت دوافعها لها الشيء..
تخاف اكتشف انها بنت و الولد ماهو ولدها..
وأخذه منها وأتركها..
وأنا ماقصرت خذيته منها وقهرتها بفراقه..
لا أرتاحت مع سعود ولا أنا ريحتها..
ليييييييش تزوجها وهو مايبيها..
ليه ضيع سنينها من غير حق..
ليه ماتركها لي أنا اللي أبيها...
هي اللي حبيتها وتمنيتها..
من يومها بزر في بيت غازي وكل ما اشوفها أحسها لي ماهي لغيري..
حتى دراستها شهاداتها كنت انا أوقعها غصب عنها أو برضاها..
خطبها ورضت فيه..تزوجها وانا نسيتها..
ترملت وكان مستحيل أخليها تضيع مني مرة ثانية..
رضيت بشروطها وتغليها..
قلت ولو تعيش بأرض وأنا بأرض..
يكفيني إنها تحمل اسمي..وعلى ذمتي..
أستغربت كلامها لما قالت تزوجت عشان لا احد ياخذ ولدي مني..
كيف ناخذه وحن هله وأنتي معنا..
أتاريها عايشه بكابوس خواله وماضي سعود المتععععب...
رفع راسها له ومسح دموعها...
راجح بحنية\مالك حق تعذبين نفسك طول هالوقت..
مالك حق تشلين هم أكبر منك..
سعود مستحيل اسامحه على إستغلالك وتحطيمك..
وإذا ممكن شيء يدمح له خطاهـ..
إنه مالمسك وخلاك لي..
ماتستاهلين النكران ياروح راجح ..

باسته على جبينه وهي تبكي ..
تحس بمدى إحترامه لها..
وأهميتها عندهـ..
كيف كان يراعيها..يهتم فيها..يدللها..ولا يزعل عليها..
وقبل كل شيء كان عادل وواقف مع الحق..
مارضخ لنحيبها وترجيها له عشان يظل غازي معها..
أتبع الحق وراعى الله في حكمه..
قلبها محروق على فراق ولدها الغالي...
بس سكينة من رب العالمين تسكن بقلبها وهي بقربه وبحمايته..
مابيظلمها مثل ماظلمها سعود وإستغلها..
مابيجرحها مثل ماجرحها فراق غازي..
بيرجعه لها وهو وعدها يرجعه لها..
واثقة فيه ... وواثقة بقدرة قلبه على مداواتها..
هو حبيبها من طفولتها..
ماتتحسف على سعود..ولا على أيامه..
عاشت معه بضغط نفسي وغربه تقهر..
حتى بوجوده جنبها كان سرحان في البعيد عنها..
من أول أيامهم حكم على زواجهم بالفشل..
رسم لها حدود..لا تحبيني ..لا تتأملين فيني..
عرفت حدودها وعاشت حياتها بقناعة تامة إن هذا نصيبها..

أبتسمت بخجل وهي تسمع راجح يهمس لها..
يحكي لها عن حبه و غلاتها عندهـ..
راجح بحنية\نامي يا روحي..
بكره تبداء حياتك من جديد..
نامت وهي بحضنه ماتدري ليه تبكي..
هل لانها ارتاحت من هم شيء معذبها..
أو لأنها مستكثرة طيبته وحبه لها..
إنسان راقي من أول ماعرفته..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


وقفت على الشارع ربع ساعة لحتى مرت سيارة اجرة..
طلعت فيها من دون تردد ومدت العنوان لـ السائق..
مشى وهي أسندت ظهرها على المقعد براحة نسبية..
المهم أبتعدت عنهم الحين..
بعد فترة وقفت السيارة وناظرت من الشباك تتأكد من العنوان..
نزلت وحاسبت السائق..
دخلت في البهو تنتظر متى تشرق الشمس وتحيا المدينة النائمة...

ذبحها البرد وأخيراً قدرت تدخل مكتب السكرتيرة..
وقفت عند الطاقة تنتظر الأذن بالدخووول لصاحبت المكتب..
أبتسمت بشوووق لما سمعت صوت غالي عليها..
صوفي بصدمة\رثت الثياب..
ألتفتت هديل وهي ترفع كتوفها لصوفي باستسلام..
صوفي بعدم تصديق\هذا غير معقول...لا يمكن ان تكوني أنتي...
هذا ليس أنتي...يا......إلهــ...ـي أنتي لـــ....لــ...ـم تمو....تي..
هديل بغصة\لستُ واثقة من هذا؟؟هل أنا حيــ..ـة حقاً..؟؟
صوفي تحضنها بقووووة وهي تسبها وتهاوشها..
هديل كانت تبكي وتضحك بنفس الوقت..
صوفي تبكي\قزمة متهورة...كم أكرهك...هل تعلمين كم تألمت لخبر موتك..
كدت أجن..يالهي هذا غير معقول...
هديل بمحبة\كفي عن الصراخ بأذني..فأنتي تخيفين طفلي..
بعدتها عنها بسرعة وناظرت في هديل من فوق لتحت..
صوفي بصدمة\أنتــ........ـي حــــ.......... حامل..!!
هديل بسخرية وهي تبكي\إذن أنا حامل..وانا كنت أتسال يا الهي ماهذا الإنتفاخ الغريب..
ولماذا أناسمينة جداً..وبالنهاية يتضح لي بأني حامل.....
صوفي بسعادة\أيتها المجنونة أنتي حامل لا أصدق هذا؟؟كيف حدث أن تكوني حامل..
بل كيف تكونين حية..أنتي ماذا تكونين يافتاة؟؟
هديل بحسرة\لا أعلم ماذا أكون...ولكني بكل تأكيد لستُ ميته..
صوفي بحنية\لاتبدين بخير أبداً...لم كل هذا...وكيف قالوا لي بأنك ميته وأنتي حية...؟؟
هديل بخجل\لاوقت لدي لــ الشرح..أنا هاربة من غازي..ولكني أعتقد بأنه سيجدني هنا..
أريد مساعدتك..ساعديني صوفي وعدتني بأحد الأيام أن تساعديني..
أطالبك اليوم أن تفي بوعدك لي..
صوفي بقوة\ذاك الحقير لن أسمح له بان يلمسك أبداً..ولن ينجو بفعلته وقد كذب علي بقصة موتك..
هديل برجفة\موتــ....ـي؟؟!
دخلتها صوفي لمكتبها وقفلت الباب..
جلست جنبها وهي ماسكة يدينها..
صوفي\لقد كذب علي قائلاً بأنك متي منذ عدة أشهر بحريق بأحد الفنادق...
لو تعلمين كم عانيت تلك الأشهر وأنا أشعر باليأس لأني خذلتك...
هديل تقاطعها\ماذا تقولين؟؟كيف قال بأني مت؟؟
صوفي\لم أكن أعلم بانك لازلتي هنا..ظننتك عدتي الى وطنك منذ مدة طويلة..
أتى إلي ماكس قائلاً بانك متي بحريق...كدت أموت حزناً ورعباً بمجرد أن أتخيلك أنتي تحترقين..
رفعت قضية بالمحكمة على غازي وماكس ومعهم ماريا..لأنهم كانوا سببا كبيرا في معاناتك وعذابك..
هديل تغمض عيونها بقوة\هل يعتبرني ميته حقاً؟؟
صوفي\نعم ذاك الكاذب كان يكذب علي..وانتي لازلتي رهينة لديه..
هديل بعدم استيعاب\أنا هربت منه منذ أشهر...فهل يعتبرني ميته؟؟
صوفي\عزيزتي إحترق الفندق اللذي كنتي تقيمين فيه..وجدوا جثتك هناك..وقد كانت محترقة..
هديل بغير تصديق\ها أنا أمامك فكيف وجدوا جثتي؟؟
صوفي\لا أعلم لقد تعرف عليك غازي وكما قال لي المحامي..
تعرفوا عليك بسبب عقد كنتي ترتدينه..
هديل\عقد؟؟!
صوفي\هذا ماكُتب في ملف وفاتك...
هديل بضياع\صوفي أنا لا أفهم شيئاً..
صوفي\صدقيني أنتي ميته بالنسبة له..لقد دفن أحداً ما وهو يعتقد بانه أنتي..
أنتي لم تعودي موجودة بحياته..
هديل بحسرة\عندما يسئمون وجودي..يدفنوني دون رحمة...
صوفي تشد على يدها\أليس شيئاً جميلاً ان تكوني ميته فلا يستطيع الوصول إليك.؟؟
هديل بغصة\لكنه بات يعلم الآن باني حية..ولا بد من انه يبحث عني..
صوفي بشك\كيف له أن يعلم..؟؟
هديل\رثت الثياب الغبية كانت تعيش بمنزل أحد أصدقائه..وهم الآن أخبروه باني لازلت انتمي لهذا الكوكب معه..
صوفي وقفت\أتعلمين فليحترقوا بالنار..لن أسمح لهم بلمسك أبداً..
والآن تعالي معي يجب أن أضعك بمكان أمن..
هديل\لا أريد أن أعود إليه...
صوفي بصدق\ثقي بي...

طلبت السكرتيرة وتكلمت معها بلغة ايطالية سريعة...
وبعد دقائق رجعت السكرتيرة ومعها مجموعة ملابس...
وجهت كلامها لسكرتيرتها...
صوفي بحدة\أنتي لم تري فتاة محجبة تزورني منذ سبعة أشهر...أليس كذالك..؟؟
السكرتيرة\لا لم أرى فتاة تزورك منذ سنة ..
صوفي\هذا جيد..حتى ماكس لن يعلم بهذا...
السكرتيرة\بكل تأكيد...
خرجت وقفلت الباب وراها..
صوفي بسرعة\الآن انهضي واستبدلي ملابسك بسرعة...
لربما أحدا ما يتبعك ويراقبك...
هديل\أين ستأخذيني..؟؟
صوفي\سأخرجك من روما أولاً وبعدها سنفكر بمكان يناسبك..اتصلت بسائقي..اسرعي عزيزتي..
دخلت دورة المياهـ وبدلت ملابسها بذهن غـــائب...
ميته...هو يعتبرني ميته...
يعني ماعادلي وجود..لا عنده ولا عند هلي..
معقولة طول هالوقت وأنا أنتظره يلقاني ويمكن يذبحني..وهو دافني..
طيب ليه ما أنبسط لانه نساني...
لو عرفت اني ميته عنده كان أرتحت ولو شوي..
بس ألحين أكيد مسفر قاله وهو يدور علي...بيتوقع وجودي عند صوفي..
لازم أهرب من عندها أو اخليها تهربني لمكان ثاني وبعدها يصير خير..
انا ماعدت لعبة بين يدينه..لازم أقوي نفسي واتخبى لحتى أولد..
وبعدها يصير دوري انا في لعبة الإنتقام منه ومنهم...

خرجت من دورة المياه وطلعت مع صوفي للمواقف الخاصة بدار الأزياء..
حاولت قد ماتقدر تخبي حملها بملابسها..
الحجاب حطته بشنطتها...لبست نظارات كبيرة تغطي نص وجها..
لفت ايشارب طويل على رقبتها...وقبعة من الفرو الناعم على راسها..
حقيبة كبيرة خاصة بصوفي...وحقيبتها بوسط حقيبة صوفي..
جلست في السيارة وصوفي جنبها..
صوفي بهدوء\لا تنظري الى الخلف..قد يكون هناك من يراقبنا...
تجمدت بجلستها\خذيني بعيداً...

حرك السائق السيارة وصوفي طلبت منه مراقبة الوضع..وينتبه لايكون فيه أحد يتبعهم..
حست بيد صوفي على يدها..تمسكت فيها بقوووة...
صوفي\لاتخافي...لن يعلم أين تكونين ابداً...
هديل بحسرة\سيجدني يوماً..وسيعاقبني بشدة...

خرجوا من روما ...
وتوجهوا لشمال ايطاليا في مدينة تسمى أوديني ...
طال بهم المشوار...وصوفي كانت تستفسر من هديل وين كانت بالفترة اللي مضت..
وليش مارجعت لــ بلادها..
بكت هديل بانهيار وهي تحكي لها أن أهلها دفنوها وأعتبروها ميته من زمان..
هديل بنحيب\لن أستطييع أن ارى أمي مرة أخرى...لم أعد أملك الحق في العودة الى دياري..
صوفي تضمها\كفي عن البكاء...ستعودين الى هناك رغماً عنهم..
لايملكون الحق بتلفيق قصة موتك...يجب ان تعودي لأجل نفسك ووالدتك...
هديل\لا أملك تذكرة العودة..تم الختم على سجلاتي بالموت..انا الآن أعيش بلا هوية..
كان لي شهادة ميلاد..وأصبح لدي شهادة وفاة...
صوفي\سأخذك الى منزل خاص لم أزره منذ سنتين وأكثر...
يقع بالريف...لن يجدك هناك مهما إستخدم من التحرين الخاصين أو الجواسيس..
هديل\لا اريد العودة اليه...ليس الآن...ليس الآن...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛


من دون ما أحد ينتبه عليه دخل غرفة جدهـ..
قفل الباب وجلس قررريب من جده اللي كان يقرأ قرآن..
قفل المصحف وألتفت لعبدالله اللي كان سرحان ويفكر..
ابوعلي بثقل بلسانه\وش فيـــ.....ـك يا ابوووك؟؟
عبدالله بجدية\يوبه ليـــه ماجبت بنتك معك من ايطاليا؟؟؟
ابوعلي فتح عيونه في عبدالله بقوووة..
كيف عرف عنها..وانها في ايطاليا..
كيف جرحه بطاريها وعاتبه ليه ماجبتها معاك..
ابوعلي\بنتـــ..ـي؟؟
عبدالله بتفكير\إيه بنتك..سمعتك تقول لجدي علي انك بتروح تجيب بنتك..
وهو بيروح معك..بس انت رجعت وماجبتها معك..ليه يوبه؟؟
ابوعلي\بنتي؟؟
عبدالله\انا كنت افكر كثير..وعرفت ان عندك بنت غير عمتي غادة وهديل الله يرحمها..
قلت يمكن بنتك من حرمه ثانية..
وماتبي جدتي تدري بزواجك وان عندك بنت..
يمكن بنتك مارضت تجي معك..بس معصي تجي غصبن عليها أنت أبوها ولازم تجي معك..
ابوعلي بنظرات شفقانة\ياليت يا ابوك لو الامور سهلة مثل ماترسمها..
عبدالله\يوبه ترى والله ماقلت لاحد حتى ابوي ماقلت له ان عنده اخت في ايطاليا..
ابوعلي بتعب\ولاتقول لاحد يا ابوك..بنتي ماتت مابقى لي بنت غير غادة..
عبدالله بزعل\ماتت..؟؟
ابوعلي بحسرة\ايه ماتت وهي زعلانة علي..ماتت وانا ظالمها وكاسر خاطرها..
عبدالله وعيونه تدمع\ككـــ..... كنت افكر فيها...واقول بتجي واهبل فيها مثل غادة..
بكاء بصوت مخنوق\اتاريها ماتت وانا انتظرك تروح تجيبها..
ابوعلي يضم عبدالله ويبكي بحرقة\هذا وأنت ماتدري..اجل لو تدري وش تسوي يا ابووي..؟

ياليتنا حكمنا بحكم الله..لو رضينا بالقصاص والنفس بالنفس ماضاعت من يدينا..
كان بكينا على الميت وضمينا الحي..ياشين دموعنا على حي ماندري بعلومه وحاله..
ويوم مات قطع قلوبنا بموته...
عبدالله بزعل\كيف ماتت يوبه؟؟
ابوعلي\مشتاق لحد يعاتبني على سواتي..يصارخ علي ويذبحني..
بنتي ماتت ياعبيد..وموتها رحمة من ربي لها..
عبدالله\ماتت مثل هديل؟؟ماتت محروقة يوبه؟؟
ابوعلي يبكي\فاولت على بنتي وربي ماكذب فالي..أحرقتها وأحترق قلبي..
لا إلـــــه إلا الله..
غمض عيونه وهو يسمع آخر كلماتها له..
صراخها باسمه ومناداته وهو مارجع لها...

أبوعلي\بارجع الحين لا تخافين..باشوف وش يبي وراجع لك..قفلي الباب عليك

قفل الباب عليها وبعد عن السيارة ..
راح مع اخوه يقابلون غازي..
دخلوا الإستراحة وكان فيه ثلاثة رجال...
غازي وشيخ ومعهم رجال ثاني مايعرفون من يكون..
غازي بثقة\وعليكم السلام ورحمة الله...
تفضلوا بينا كلام نتفاهم عليه..
ابوعلي\لازم يكون بينا كلام..ونتفاهم على........
ماكمل كلامه لوجود الشيخ والرجل الآخر..
غازي\نتفاهم ليه لا..
الشيخ\انت والد البنت؟؟
أبوعلي باستغراب\أي بنت؟؟
غازي\خطيبتي..والله ماظنتي انهم بيسوونها ياشيخ..
بس سبحان الله..طلع لهم قلب طيب وعطوني اياها..
ابوراكان\خطيبتك؟؟
غازي بحدة\ايه هديل بنت أخوك أنتوا جبتوها اليوم..عشان نملك ونسافر..
لاني مضطر اسافر..<<بخبث ..ولا جبتوها لشيء ثاني؟؟
أبوعلي بعصبية\انت وش تخربط؟؟
الشيخ يتدخل\ياأخ جزاك الله خير..ألست أنت والد الفتاة هديل حسين الجاسم..؟؟
ابوعلي بصبر\ايه أنا أبوها..
الشيخ\وهذا الرجل خطيب ابنتك وانا اليوم جاي أزوجهم على سنة الله ورسوله..
ابوعلي بحدة\هذا ماكان إتفاقنا ياشيخ..
غازي بقوة\إن ماكان الزواج إتفاقنا يا أبوعلي..فليه حن اليوم هنا وأيش يكون إتفاقنا؟؟
سمع الشيخ..وخله يحكم بينا...
الشيخ من غير علم بالموضوع\مما إتضح لي يا إخوة أنكم غير متفقين على كلمة..
فإن كان والد الفتاة ووكيلها غير راض بالزواج فلا نستطيع إجباره..
غازي بثقة عمياء\بالعكس يا شيخ..هو راضي بزواج بنته..بس زعلان على فراقها..
ابوعلي يناظر أخوه بقهر\الخبيث..وش اللي صابني وخلاني اجيبها له..
قم لا بركة فيه ولا في ساعة عرفناه فيها...
ابوعلي يوقف\لا ياشيخ بنتي مابأزوجها له..ماله نصيب عندي..
خرج أبوعلي من المجلس وغازي معه..
غازي بحدة\ماظنيتك بتجيبها..بس دامها جات..فـ والله ما أخليها..
البنت صارت عندي..وانا ماخذها ماخذها..
ولأني ما أبى أغضب ربي باتزوجها..بيدك مصير بنتك..
أما تزوجها لي..او أخذها من دون زواج..يعني جارية وبسسسسس..
ابوعلي\شفت ما أنذلني جبت لك بنتي..إتركها وخذا راس ولدي..
البنت ما باعطيك اياها..
غازي ببرود\الظاهر إنك مافهمت علي يا أبو علي..
بنتك الحين صارت عندي..
وان ماعقدنا الحين..فمابيتضرر غير بنتك..
قرب من غازي وهو ميت من الخوف عليها..
ابوعلي بحقد\وين خذيتها؟؟
غازي بحقد\نعقد وبعدها يصير خير...

دخلوا عند الشيخ اللي ابتسم برجوعهم وحلهم لخلافهم..
غازي\أرضينا والد البنت ياشيخ إبداء بسم الله..
الشيخ\راضي يا أخ حسين تزوج بنتك..
ابوعلي\سم بالله يا شيخ..قل لن يصيبنا الا ماكتب الله لنا..
ابو راكان منزل راسه ماله قدرة على النظر لاخوهـ..
الشيخ\بطاقات الشهود...
ابوراكان يناظر اخوه اللي هز راسه له..
خرج بطاقته ومدها ل الشيخ..
والرجال اللي كان متواجد وماتدخل بينهم أبداً..
طلع بطاقته ومدها ل الشيخ..
وقع أبو علي والقلم يرجف بيده..
وبعدها وقع غازي بكل ثقة..
وقع عمها والشاهد الثاني سالم..
بينما صاحبت الشأن كانت غافلة عن اللي يصير..
وقف أبو علي بسرعة وطلع من الملجس..
يبي يشوفها ويتطمن عليها..
ويخبرها أنها صارت زوجة لغازي...

غازي مسك يدهـ\هونك يا أبو علي..
بنتك من اليوم إعتبرها ماتت..
لا تدور عليها ولا تسأل عنها..
بأوديها آخر الدنيا..
وإن ماتت دفنتها ولا عطيتك خبر عنها..
وذق ياموت ماذوقته الناس..

ابوعلي نفض يده من غازي من دون مايرد عليه..
وخرج من الإستراحة يركض لها..
يدري ومتاكد انها ميته من الخوف..
لأنه تأخر عليها...
هذا من غير رعبها من أخذها منه..
وقبل لا يوصل السيارة سمعها تصرخ وتناديه..
هديل بصرخة\يوووووووووووووووووووووووووووووووبه
التفت لها وشافها بعيييد عنه...مشى راجع لها بس قطع عليه الطريق غازي ووقف في وجهه..
ابوعلي\ما ودعتها ..ماضميتها ابعد عن طريقي..
غازي بقسوة\مع السلامة..
ابوعلي يحاول يبعده عن طريقه\ابعد ابعد ابي بنتي ابي اودعها
غازي يثبته\ولا تعرفها طووووول ما انا حي..اتفاقنا واضح..وكلن يعرف حقوقه..
بنتك ماتت يا ابوعلي..شيع جنازتها..
ابوعلي برجاء\تكفى خلني اودعها..
غازي\من بعد اللي صار داخل مستحيل اخليك تقرب منها او تحكي معها..وداعة الله
اركب سيارتك والله معك..حرك يا ابوعلي..

دمعت عيونه وهو يشوفها تصارخ وتنادي عليه..
الحريم ماسكينها وهو يدري أنها مرعوبة وخايفة..
أرتجفت شفايفه بعبرة مكتومة..
وأخوه ماسك يده ويركبه بسيارته..
يسمعها تناديه وترتجيه مايتركها..
هديل\يووووووووووووووووووووووبه ..
يوووووووووووووووووووووووبه تكفى ارجع ارجع ..
يوبه لاتخلييييييييييييييييييييييني تكفى يووووووووووووووووووووووبه ..
عمييييييييييييييييييييييييييييي ارجعوووا ما ابي ماا ابي ارووح معه يوووووووووووووووووووبه..

طاح على جنبه وهو يبكي ويضم عبدالله بقووووة..
دخلت حنان مرعوبة وهي تسمع صوته العالي..
ولما شافت حاله صرخت باعلى صوتها تنادي علي ومحمد..
حنان بخوف\عمي ...بسم الله عليك عمي وش فيك..؟؟
علــــــــي...محمممممممد..الحقوا عمي مريض...
عبوود وش فيه جدك وش صارله..
عبدالله يبكي وهو يرتجف\......................
دخلوا العيال مفجوعين من شكل أبوهم وعبدالله..
شالوا ابوهم وودوه المستشفى..
أما عبدالله فكانت حالته غير متوقعة...
ألتم على حاله وظل يبكي بصوت عالي..
واذا لمسته ام او أم علي...
يصرخ بقهر ومايرد عليهم..
لحتى جاته الجدة ام حسين ضمته وصارت تقرأ عليه..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛

ياليتَ الذي مضى يعود

وياليتَ في حُضنَ حبيبتي موجود

ويلمسُ خدي صدرها

وخدي يزيلُ شيئاً من همها

الشوقُ قتلني

والهمُ أكلَ كلَ شيئاً

في احشائي..

والحزنُ استوطنني

والالمُ أصبحَ شيئاً

معتادٌ في حياتي...

..نزار القبـــاني..

رمى شنطته بقسوة على الأرض..
قطع معاملات السفر والعودة لـ المملكة..
همس بحقد\مثل ماحرمتها من بلادها..
بأحرم نفسي من بلادي..
تراك حرام علي يــ المملكة من دون هديل..
حرام علي جوك ومابه حمامة..

وصية سعود ونفذها راجح من زمان..
تزوج رشا وتكفل بغازي..
وهل الكويت راجح تواصل معهم وخذا اللي في خاطرهم..
شوق..الله العالم بحالك وحال طالب..
وش كنت بأخسر لو خليتك تكلمينها قبل موتها..
آآآآآهـ يومه قلتيها..قبل لا يفوت الفوت..
فات ولاينفع الندم في شيء..

أنسدح على الكنبة وهو يغيب عن الدنيا في دنياها وعالمها..
يعيش بذكراها معه..وهذا عزاهـ بفراقها..

كانت منهمكة بالحسابات وهو يراقبها من غير ماتدري..
أستخدمت الآلة الحاسبة مرة وحدة بس..
وهذا خلاه يشك أنها تشتغل باهمال وتتقصد الغلط في الحسابات..
غازي بجمود\بأراجع الحسابات من بعدك..وإذا لقيت غلط واحد ياويلك..
رفعت راسها باستخفاف\أنا إنسانة أمينة..مع إنك ماتستاهل..
غازي بابتسامة مكتومة\على بالي تبين تسرقيني..
هديل بصدق\أتمنى لو ألعب في حساباتك وأفلسك..
بس وزنتها بحكمة أنت مقابل الطرف الآخر وعلى ما أعتقد ماهم مسلمين..
فكانت كفتك هي الأرجح..وبذلك ماراح أفلسك مع الأسسسسسسسسف..
غازي\راعية واجب الله يكثر من أمثالك..
هديل\والله ينكب أمثالك..
غازي رفع راسه وناظرها بقوة\نعــــم؟؟
هديل بعبط\ينعم علــــــي أحد داس لك على طرف لا سمح الله..
غازي\شكلك تبين هواش..
هديل\أستغفر الله ياربي..توني أقوول ماراح افلسك لا تخليني أتهور..
غازي\عادي باراجعها واكشف تلاعبك بحساباتي..ماتفوت علي عمليات إختلاسك..
هديل\احمد ربك ان قلبي طيب..ولا كنت بأدعي عليك تفلس..ودعوة المظلوم مستجابة..
غازي مركز على جهازهـ\من المظلوم؟؟
هديل\أنا...
غازي بروقان\ياساتر من اللي ظلمك عسى ربي يساااامحه..
هديل بقوة\لا ان شااااااء الله عسى ربي مايسامحه..
فسخ نظاراته الطبية ورماها على المكتب...
بعد كرسيه من المكتب وعيونه عليها..
غازي بهمس\تعالي...
هديل ميلت فمها\خلاص ياربي سامحه..بس اذا ضربني مرة ثانية لا تسامحه..
غازي\احمممم قلت تعالي..
هديل هزت راسها\لا..
غازي\خايفة؟؟!
هديل بصدق\ايه..ما ألقى منك الا الضرب..
غازي\طيب تعالي..أبيك تشوفين الجهاز..فيه شيء يخصك..
هديل تراجع الحسابات ولا ترد عليه....
غازي\اذا ماجيتي قمت شليتك وجبتك هنا..
رمت القلم\ما ابي اشووف وش في جهازك..ماهو غصب..
غازي\قوووية ترمين القلم يعننك عصبتي..
هديل\تدري انثبر على حساباتك لحالك..
غازي\مافيه مشكلة بس تعالي..
هديل بخبث\أقدر أشوف الجهاز وأنا في مكاني..لفه شوي على جهتي وينتهي الموضوع..
غازي\تعالي خذيه..
هديل تقهره\أنت عطني ايهـا..
غازي وقف بسرعة وشال الجهاز\أعز من يطلب..
شهقت وجات بتقوم تشرد بس هو جلس جنبها بسرعة ومنعها تتحرك..
هديل بقهر\وجع وجع..قلت الجهاز ماهو أنت..
غازي\طيب ناظري الشاشة..
ركزت على الشاشة وهي شادة على يدها..
ماتبيه يلاحظ رجفتها وهو ملاحظها من قبل لا يجلس جنبها..
هديل بسأم\كله صح..ماشاء الله..
غازي باستغراب\وش فهمتي من كل هذا؟؟
هديل\مافهمت شيء..رموز وخرابيط..وكله صح..
غازي يبتسم\يعني مافهمتي شيء..؟؟
هديل\بالضبط ولا شيء..بس اكيد كله صح..
غازي حط يده على عيونه\هههههههههههههههههههههه..
أجل طلع كله صح واثقة..
هديل بطفش\إعتمد..بيعها كلها..أنا أدرى منك بها الأمور..
غازي حط الجهاز على الكنبة وهو يضحك عليها..
هديل\يامال الطاحن ان شاء الله..
أصلاً أنت تعرف أني ماباعرف لخرابيط هذي..
وجاي تقولي شوفي ومدري وشهو...وأنا نصحتك لمصلحتك يعني..

عصبت من ضحكه عليها..أول مرة تشوفه يضحك بهالشكل....
بالأساس ماضحك عشان تكون هذي أول مرة..
دفته عنها ووقفت بعصبية تبي تطلع..
مسكها بسرعة وضمها له هي واقفة وهو جالس..
خدهـ على صدرها..
ويدينه حوالين خصرها..
أرتبكت وتصنمت من غير اي حركة...
غمض عيونه يستمع لدقات قلبها العالية..
حس برجفتها وأبتسم مبسوط باللي يسويه..
حس بوجع بآخر راسه..
بسبب يدينها اللي دخلت بشعره وصارت تشده بقوووة..
هديل بقهر وهي تشد يدها على شعرهـ\اتركني يا متخلف..يامريض..
غازي أول مرة يحس بألم في راسه ويكون السبب ان يدين صغيرة تشد شعره..
لأنه ولا مرة بحياته تعرض لــ الضرب الا ويكون هو الطرف الأقوى..
وبنفس الوقت حس بالمها لما كان يشد شعرها بعصبية..
كانت تشد بكل قوتها وحس انها ممكن تقطع شعره كله من دون ماتهتم...
ثبت كفين يدينه على خصرها وضغط عليه بأصابعه..
هديل بألم\لاااا أتركني أبعد عني..
مع إستمرار ضغطه على خصرها تركت شعره باستسلام..
وحطت يدينها على يدينه..كمحاولة لتخفيف الضغط عنها..
شد عليها أكثر لحتى طاحت على ركبها..
بس قبل لا توصل الأرض سحبها بحضنه وضمها له...
بكت من الألم..
ماعرفت هالألم الجسدي الا منه هو...
همس لها بحنية\تعورتي..؟؟!
همست وهي تبكي\لــ....لا..

حس بضيقته تقتله وتكتم على روحه..
حس بفراغ كبيييير بصدرهـ..
توضىء وصلى ركعتين لرفع الهم عن قلبه..
كان يدعي لها بالرحمة والجنة..
ماتت وذنبها برقبته..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛

نزلت مرام وهي تركض واللون مخطوف من وجها...
همست بحسرة\مالقيتها..عمي مالقيتها...راحت مالها اثر..
أبونايف وقف\كيف مالقيتيها...متى شفتيها آخر مرة..؟؟
مرام تبكي\طول اليوم وهي بغرفتها ماطلعت..
كنت اظنها مثل مرات كثير تظل بغرفتها ولا تطلع..
رحت أناديها لك بس مالقيتها...
ابونايف\هي وين تروح؟؟
مرام\ماتطلع من البيت الا لـ الحديقة..بس الحين ماهو وقت حديقة..
هي راحت خلاص..
تركي\يابنت اذكري ربك..وين تروح ومالها غيرنا..
يمكن تتمشى أو تقضي لها حاجة وبترجع..
مرام\هي دائما كانت تقول انها مو مرتاحة هنا..وهي جالسة لأنها وعدتك ياعمي بس..
ابونايف بقهر\من اللي زعلها..؟؟وليه ماكانت مرتاحة؟؟
وش قايلين لها تكلموا..؟؟
تركي\يوبه الله يهداك وش بنقول لها..ماقلنا لها شيء..
وبعدين هي اكيد لها ناس غيرنا ولا وين بتروح في ذا الديرة..
أبونايف بقهر\البلا منك انت..طفشت قمر وذبحتها واليوم ذبحتها مرة ثانية..
مستثقل جلستها عندنا وماتبيها..
تركي بواقعيه\يوبه البنت وراها أهل ولامستحيل تترك بيتنا وتروح...
هي ضامنه لها مكان ثاني ويمكن أحسن من بيتنا بعد..
خرج أبونايف من البيت يدور عليها من غير مايرد على ولده..
مرام تضربه\مالها أحد غيرنا..هي لازم ترجع..
روح دور عليها رووح جيبها..
تركي بقهر\وش تبين منها عشان أجيبها هاهـ؟؟
تبين ولدها؟؟مابتاخذينه منها..تدرين ليه..؟؟
لأن مافيه أم بتعطي ولدها لحرمه ثانية..مافيه ام بتتخلى عن ضناها..
تبين لك ولد انتي جيبي ولدك ماهو تاخذينه من حرمه ثانية..
مرام تشهق بصدمة\ياحقير أنت اللي أخذته مني...أنت اللي قتلته وحرمتني منه..
لأنك ماتبيني وماتبي ترتبط فيني باقي عمرك ذبحته..
الله ياخذك ياخسيس...كان خليت ولدي لي وانت انطق لاتعرفنا ولا نعرفك..
ذبحته يا حقير ذبحته...
تركي\ايه ذبحته رضيتي كذا..ولاعمرك بتضمين ضناك..
مرام بحقد\غصب عنك بأضمه..أنت مو أكرم من ربي..
باتعالج ياتركي..باتعالج وبأتزوج رجال يسحق يصير أبوو..
ويستاهل يكون زوج لي وابو عيالي..
وأنت موووت بحياتك يا مجرم ياقاتل..
تركي بحدة\وش رايك أرجع لك ولدك..؟؟!
شالها بسرعة وطلعها لغرفتها وهي تصرخ وتضربه..
كانت تبكي بخوف وكرهـ لقربه منها...
ترفضه لأنه قاتل..وقتل بقلب بارد..
وماكان الضحية الا ولدهـ...
ورغم صراخها وسبها له ماتركها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛

أبونايف أتصل على السفارة ووصف لهم شكل هديل...
مامرت السفارة ولالها أحد ثاني..
هو يدري أنها أكيد ضايعة بهالديرة..
ويمكن يكون حالها أردددددى من حالتها اللي كانت فيها لما لقاها..
فجأة خطر في باله مسفر..
اتصل عليه بس مالقى رد منه..
دار بالشوارع بالحدائق..يدور على زولها ومالقاها..
ابونايف بحسرة\وين رحتي يابنت الناس...
أرجعي ولك علي مايلمسك ولا يزعلك مخلوق...
رجع البيت زعلان مهدوود حيله...
مالقى احد ينتظرهـ..
جلس بالصالة وحط راسه بين يدينه..
سمع صوت الباب وقام بسرعة يظنها هديل..
بس ماكانت هديل..كان مسفر..
مسفر بهدوء\السلام عليكم...
ابونايف بسرعة\وعليكم السلام..مسفر أنت شفت قمر..؟؟
من الصبح يا ابوك ندورها مالها أثر..أنت شفتها؟؟
مسفر\صل على النبي وش فيك خايف..
ابونايف\اللهم صلي وسلم عليه...يابوووك وين البنت راحت..؟؟
مسفر\راحت لزوجها...
ابونايف بصدمة\ززوجها..؟؟!
مسفر\إستريح يوبه وأنا أفهمك كل شيء صار...
ابونايف بزعل\قل هذاني أسمعك..
مسفر\طلبت مني أوديها لزوجها وانا وديتها وتطمنت عليها معه..ورجعت..
يعني لا تشيل هم ولا تخاف عليها..هي بخير يالغالي..
أبونايف باستغراب\طيب ليه ماودعتنا ولا سلمت علينا..
مالي عندها قدر ولا حشيمة..ماخافت أزعل عليها وأخذ بخاطري من رحيلها..
مسفر بثقة\أنت عرفتها مثل ماعرفناها..تظن أنها بتغيب عنك من دون ماتسلم عليك بكيفها..
أعذرها يوبه..كان الوقت فجر وهي لزمت اوديها أو تروح لحالها..
مارضيت لها تروح بالحالها ووصلتها لزوجها..
ابونايف بقهر\وزوجها ليه كان مزعلها ومضيعها هاهـ؟؟
ليه ماهاوشته ولا سحبته لي أوريه أن الله حق..
أعلمه مرةً ثانية مايهجج حرمته ويخوفها ويخليها تختفي منه شهور..
هذا وهي حامل..أجل لو ماهي حامل وش يسوي فيها..
مسفر\ماحبيت أتدخل في أمورهم الخاصة..
المهم تطمنت عليها وقلت لها راضية ترجعين له قالت انها راضية..
ابونايف\زوجها منهو من ربعه؟؟
مسفر بقهر\الله العالم يوبه..ماعرفت من يكون ولا من تكون حتى هي...
ربي جمعنا واياهم في الدنيا والله يجمعنا معهم في الآخرة..
وتراها يا أبونايف تدل بيتك..وان شاء الله بترجع تسلم عليك وتراضيك..
ابونايف\ما ابى الا أتطمن عليها يا مسفر..شفت فيها عمتك يوم غربوها عمامك..
شفتها ضايعة ومالها أحد..الله يوفقها ويفتحها بوجها...
مسفر بصدق\آآآآآآآآآآمين...

طلع أبونايف لغرفته وهو يفكر فيها..
وهذا كان حال مسفر..
كان متوقع هربها من أول ماشاف ضيف جدهـ..
غازي بن جالي...
كان يبين لغازي انه غير مرحب فيه عندهم..
لاحظ غازي إسلوب مسفر لكن تجاهل وجودهـ ..
فهو نفسه لو ماحلف عليه أونايف ماكان بيقبل عزيمة ولا يلتقي بالناس..
أغلب وقته ساكت عنهم ومشغول باله..
تسأل مسفر اذا كان غازي يفكر في زوجته..
وليه تركها طول هالمدة من غير مايسأل عنها ويدور عليها..
هل لأنه فقد أحد زوجاته..فينكر الأخرى..
زوجته ماتت قبل شهور وبنفس الوقت اللي لقوا هديل فيه..
ماله حق يطردها أو يعاملها بحقارة..
هي ماكانت تدري إنها زوجته ولا إنها حامل بالحلال..
البنت وعرفت من تكون هي أخت قاتل سعود..
طيب وان كان تزوجها ليه ما اشهر الزواج..؟؟
كان لازم أعرف منها كل شيء..
ما أقدر أبني إفتراضات وأمشي عليها..
ما بأنسى رعبها لما أنذكر إسمه..
هربت لأنها تشك أنه أنا اللي جبته هنا..
بس لو تدري كيف كنت غاضب وكاره وجوده..
طلعت وراه وكنت بأذبحه بس مالقيته..
المهم مسكت طرف الخيط لها...
اللهم أودعتك إياها فــ احفظها يارب ...

أبتسم وشي كبير بقلبه لها ..
تذكر كيف كانت متنكرة بلبسها...
بس ماغيرت جزمتها واللي بالأساس كانت سبورت خاصة بمسفر..



؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛

رمت الحطب في المدفئة وأشعلت النار عشان يدفىء الكوخ..
فسخت جاكيتها وعلقته..
شالت الملائات من على الكنبات وسحبت هديل وجلستها..
صوفي\سيدفىء المكان في وقت قصير..
هديل يدينها ترتجف وضامتهم في بعض\سيعرف باني هنا...
صوفي\إطمئني عزيزتي لن يجدك..وان فعل سأقف بوجهه..
هديل بغصة\ليس الآن صوفي..لاتدعيه يجدني الآن..
صوفي بحنية\لن اسمح له بالفرار..سيعاقبه القانون لقتلك..
هديل\اي قانون..نحن لانتبع قوانينكم صوفي..
صوفي\ألم يختطفك من بلادك وأحضرك هنا..وجريمته ألم يرتكبها على الأراضي الايطالية.
اذن الحكومة الايطالية بالتعاون مع حكومتك ستحاكمه..هذا هو الدستور..
هديل تصرخ بقهر\ولكني لستُ مييييته..أنا حية أنا أتنفس ..إذن قضيتك فاشلة الضحية حية لم تمت..
صوفي بقهر\وكأنك تدافعين عنه..
هديل\تنازلي عن قضيتك صوفي..فهو بات يعلم الآن اني لم امت..
وسيثبت ذلك في المحكمة..ستعاقبين لانك ضللتي العدالة..
هو لا يهمني..لا أريد أن أفقدك بسببه..
صوفي بقوة\لن أتنازل..وأنتي لاتكوني ضعيفة هكذا..سيُعاقب على جرائمه..
هديل بألم\أريد ان أطوي صفحته من حياتي..أريده أن ينتسب لماضي بلاعودة..
أريد لحاله أن يكون كحالي..أصبحت طي النسيان لعائلتي..
وهو سيلاقي نفس المصير مني..أخرجيه من حياتي الآن...
إن إستمريتي بالقضية فسيستمر وجوده بحياتي..
صوفي غير مقتنعة\لأجلك أفعل أي شيء...ولكنه يستحق العقاب..
هديل بغصة\سيُعاقب..سيأتي يوم وتتم محاكمته..
إن لم يكن على هذه الأرض فـ الله سيجازيه لما فعل بي..
صوفي بعربية مكسرة\الحمد لله...
هديل بكت وهي تضمها بقوة\الحمدلله..الحمدلله...

سألتها عن ماكس وأعتذرت منها لأن غازي طرده بسببها..
صوفي بزعل\لم يطردهـ بسببك..ماكس كان صديقاً له وليس عاملا لديه..
طلب منه ملازمتك بأوقات سفرهـ والإهتمام بك..
إتفقا أن يخدعاك ويقولا بانه طرد ماكس..
هديل بتبلد\أتعلمين..لن أستغرب أبداً لو قلتي لي ذلك..
فهو لا يتوانى عن فعل أي شيء كي يؤلمني...
صوفي\ماكس لم يكن منصفاً معك أيضاً..
منعني من العودة الى الريف..ولكني عندما عدت قالت لي ماريا بأنك عدتي الى الوطن..
هديل\جميعهم كاذبون..لم أعد الى وطني أبداً..
قرأت رسالتك وبكيت بشدة لاني اضعت فرصة النجاة معك...
صوفي\لم أنسك أبداً..وعندما نجحت بعرضي الخاص بملابس بنات الريف..
تكلمت عنك ملهمتي العزيزة...أخبرتهم بان الفكرة فكرتك..
بحثوا عنك الصحافة كثيراً...لم يعلم من تكون ملهمتي الا ماكس وانا فقط..
هديل تذكرت شيء وضربتها\كيف تجرئتي وأرسلتي ذاك الرداء الغبي لي..
صوفي باستغراب\أي رداء؟؟
هديل ببحة\الرداء اللذي أرسلته مع مجموعة من الملابس..اممم قبل أشهر بعيدة..
صوفي بنفي\لم أرسل لك أي شيء منذ تركت المزرعة...
هديل بتأكيد\بلى فعلتي...وصلني صندوق كبير وعليه ورقة كُتب عليها ..من صوفي..
صوفي\ليس مني ربما صوفي أخرى..
هديل بغضب\لا أعرف غيرك...
صوفي\أنا لازلت أحتفظ بملابسك اللتي صممتها لك بدار الأزياء...
بخزانة خاصة جداً كتبت عليها ملهمتي..
هديل\مافيه غيرك..واذا مو أنتي فماراح يكون غيرهـ..
صوفي\تكلمي بلغة أفهمها..
هديل بخجل\أنا جائعة...وطفلي أيضاً...
صوفي بحزن ويدها على بطن هديل\هل هو إبنه..؟؟
هديل بغصة\نــ...نعم..
صوفي\هــ...هل أجبرك على هذا..؟؟
هديل بالم\لا لم يجبرني..فهو زوجي..
صوفي شهقت\زوجك؟؟!
هديل بضيق\أريد ماء...
صوفي توقف\أمر جيد أننا توقفنا لأخذ المونة..
لاني اعلم باننا لن نجد شيئاً هنا..أعلم بانك لاتريدين الكلام الآن..
ولكني أريد أن أعرف باي شهر أنتي الآن؟؟
هديل تبتسم\بعد أسبوع سأدخل الشهر الثامن...
صوفي\يجب أن تراجعي الطبيب دائماً..أعرف طبيباً جيداً..
سأطلب منه معاينتك بعد يومين مارأيك..؟؟
هديل\لم أقرر بعد أين سأمضي بحياتي..
صوفي\لاتقرري الآن...بعد ولادتك قرري بتعقل...
المهم الآن أن تكوني بخير وبعيدة عن ذاك الرجل..

مدت لها بعلبة الماء...
شالت الأغراض من على الأرض وتوجهت لــ المطبخ..

ناظرت في النار تفكر في غازي...
ياليتني أظل ميتة ولا اجتمع معاه بيوم...
ميته...ما أصعبها من كلمة...
اذا كنت ميت..
ما أحد يخاف عليك او يسأل عنك..
يقلق عليك ويهمه أمرك..
الكل يدري وين مكانك..تحت الأرض..
بين الدووود..وحيد مامعك مخلوق..
يعني ما احد يدور عليك...
طول الاشهر اللي مضت دفني بحفرة وغاب عني..
كنت أنتظره يلقاني..
بس طول ولا جاني..
ياحسرتي على حالي..
حتى الموت عايفني..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛

قرب منها وهي كانت سرحانة عنه..
ضمها بحب وقبلها على رقبتها..
راجح بحنية\تفكرين بغازي..؟؟
رشا بخجل\لا..احم أنــ...ـا ممـ من كنت تكلم..؟؟
راجح\طالب أخوك..يسال متى بنرجع..
رشا\قلت له ان حن راجعين اليوم..
راجح بهدوء\بس حن مو راجعين اليوم..
رشا بصدمة\مو أنت قلت بنسافر اليوم ولمينا شنطنا..؟؟
راجح بحب\ايه بنسافر اليوم..بس مابنروح السعودية..
بنرووووح شهر العسل..
رشا بعدت عيونها عن عيونه بسرعة..
نزلت راسها منحرجة منه ومصدوووومة بكلامه..
معقولة هي تسافر شهر عسل...راحت عليها من زماااان..
راجح بهمس\بايش تفكرين..؟؟
رشا\امم لا اا لــ....ـيش؟؟
راجح بحنية\لأنك تستاهلين..وانا بخاطري اروح معك شهر عسل كاااامل..
رشا بغصة\يعني عشـــ...ـــان أنـ....
راجح فهم اللي تفكر فيه..تضايق من تفكيرها وكيف تقلل من شأن نفسها..
بحدة\تقصدين باخذك شهر عسل لانك ماعرفتي الحياة الزوجية؟؟
تعتقدين هذا السبب اللي أفكر فيه بس..؟؟
رشا صدت عنه تخفي دموعها\أعذريني إذا صدمتك..
بس مابقى لي ثقة بنفسي..
راجح\أنا مبسوووط لانك لي لحالي...
وكل اللي أبيه أبداء معك بداية صح..
أنا ماتزوجتك عشان غازي وتربيته..
تزوجتك عشان راجح وقلبه..
رشا تبكي\تعبت ياراجح أبي أرتاح..
موقادرة افرح..أخاف أفرح بليا حق...

ضمها له وهو يردد لها إنها حبيبته وبتظل حبيبته على طول..
ومستحيل يتركها الا بموت أو قدرة القادر فقط..
وغازي بيرجع لهم وبتعيش اللي أنحرمت منه بتضحيتها...
رشا باحراج\رر...راجح ورانا سفر..
راجح بغمزة\حسافة لو متاخرة طيارتنا ساعة ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


توظفت شوق باحد المدارس من شهر وهي منتظمة بدوامها..
كانت نفسيتها هالشهر اللي أشتغلت فيه أحسن بكثيير من الشهور الماضية..
أستقرت حياتها الزوجية مع طالب تفهم وضعها وساعدها تطلع من الإكتئاب اللي سيطر عليها..
اتصل فيها غازي مرة وحدة مارضت ترد عليه ولا تتكلم معه..
ومن بعدها ما اتصل فيها ولا في طالب..
أنتبهت على صوت جوالها كان طالب هو المتصل..
(عصقوول) يتصل بك..
شوق\هلا..
طالب\هلا فيك..خلصتي ياعصقوولة..؟؟
شوق\ايه انتظرك..ألبس عباتي؟؟
طالب\ايه البسيها وصلت لك..بس لاتطلعين الا لما اتصل عليك..
قفلت منه ولبست عبايتها وقفت تنتظر..وتنتظر وتنتظر..
جات بتتصل عليه بس هو اتصل..
شوق بعصبية\وووينك..توك تقول انك قريب..
طالب بصوت مكتوم\أنتي لبستي عباتك..
شوق\مو لبستها بس الا أختنقت..
طالب\هههههههههههه ترى كلمتك وانا طالع من الشركة..
والحين وصلت المدرسة يالله أطلعي...
شوق بقهر\طيب يا الضب..حسابك ماهو هنا..
طالب\اخرجي قبل لا ادخل اسحبك من خشتك..
قفلت الخط وهي تتوعد فيه..
مايخلي مقالبه فيها..
رغم إنها تعصب في لحظتها بس لما تتذكرها من بعدين تضحك على مقالبه..
دخلت السيارة وضربت الباب..
طالب\وأرحبي...يالله ان تحييها..أسفرت وأنورت ..وأستهلت وأمطرت..
ياحي ذا الزوول ياناس..
شوق\..............................................
طالب\أفا يا غزال البراري..يا زرار كمي يوم العيد..
يا أجمل بنات المدرسة واللي حوالينها..
يا عموود الكهرب في سابك..يا أغلى الأسهم في تداول..
يا إحتياطي الذهب الفدرالي..يا آخر موديل لنوكيا وشلتها..
شوق بقهر\يابندول صدعت براسي...ما ابيك تتغزل خلاااص..
كفخني دووس في بطني بس لا تتغزل مرة ثانية..
طالب مجروح الخاطر\جزاتي يوم كتبت فيك قصيدة..
بس ماعليه مقبولة منك يا أم تيتشر.
شوق\ههههههههههههههههههههه والله والله ما أنت بصاحي..
لو تذبحني ما اسمي بنتي تيتشر..
طالب\أفا وليه..تيتشر بنت طالب ... يازينه من اسم..
شوق\أنا وبنتي مالنا شغل باسمك..قال تيتشر قال..
طالب\ولا اسميها الا تيتشر يامعصقل..
شوق\طالب شوووف شووف عصقووول..
طالب\ههههههههه ياجعلني عصقووول..
شوق\لو ما أنت تذكرني بهالكلمة من يومني بزر..كان نسيتها منذو مبطي..
طالب\عشان تعرفين أهميتي..وش رايك نأخذ كوفي الطريق..
شوق\لاااا ابى غداء..جوعااانة..
طالب\أنا متغدي في الشركة..بس ولا يهمك من وين تحبين غداك..
شوق\هرفي..وأبي ثنتين مو وحدة..
طالب\وليه الإسراف وحدة تكفي..
شوق\مالك شغل جوعانة وابي ثنتين..واذا ماتبي تدفع انا أدفع..
طالب\إيه إدفعي أنتي ..أجل موظفة على الفاضي..
شوق فتحت عيونها\ياساتر بخيل...
طلب لها وجبتين ولما أستلمها طلب منها تحاسب..
شوق طلعت البوك وهي تضحك على شكل طالب..
أخذ البوك منها وهو يناظر بالهندي يبي يقهرهـ..
لما شاف نظراته تحتقره لانه يخلي الحرمه تدفع وهو موجود..
طالب\هذي ماما انا يارفيق..كل يوم تعطي فلوس..انا مافيه شغل..فيه هنا شغل رفيق..؟؟
الهندي\لاا مافيه شغل ...روووه رووه..
طالب وهو يحرك السيارة\مسكين خاف لا أخذ وظيفته..
شوق\طيب هات بووكي يا سروووق...
فتش بوكها بشكل سريع كأنه حرامي..
سحبته منه بس هو طلع اللي يبيه قبل لا تأخذ البوك..
طالب بخبث\يالبيييه يا اللي يحبوني..
صورتي الى الحين في بوكهم..
شوق باحراج\ترى نسيت منها ...وترى عشان نفسي مخليه الصورة ماهو عشانك..
طالب\أقووول وش رايك في الكلام اللي ورى الصورة..
شوق بقهر\مردوود عليك..
طالب\ههههههههههههههه طيب حسابك في البيت..
وخليك قد كلمتك..
شوق\أمزح وش فيك أنت..
طالب\لا لا حن رجاجيل وناخذ بالكلمة الأولى..
أجل مردوود علي..والله ليلتك بردغاااااااااالية..
شوق ضحكت بقووووة على كلمة بردغاااااالية...
ولا قدرت ترد عليه...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛

وقفت عند نافذة الغرفة..
تناظر بجنة الله وروعة خلقه على الأرض..
من أجمل المناطق اللي زارتها هذي المدينة..
الكوخ اللي هي فيه مرييييييح وأمن..
يتناسب مع الأناقة العصرية..
ما تستغرب اناقت الكوخ وهو خاص بصوفي الأنيقة...
ضحكت لما تذكرت كيف هاوشت صوفي على لبسها..
هديل بغضب\ألا تشعرين بالبرد <<بالانجليزي..مع سيقانك<<بالعربي.
صوفي\إخرسي أيتها القزمة السمينة..أشعر بالبرد ولكني تعودت عليه..
هديل\يامنمشة..متى تعودين..؟؟
صوفي\لا استطيع العودة اليوم أو غداً..
سأتي إليك بعطلة نهاية الإسبوع...
هديل بخوف\إياك أن يعلم ماكس بمكاني...
صوفي بثقة\لن يعلم أبداً..وداعاً..

كان يومها وليلتها مخيفة لحالها..
تحس بوحدة قاهرة..
بس لما تضم نفسها وتضم طفلها تنسى كل شيء وتعيش معه وتبني مستقبلهم ..
من دون ماتسمح للماضي او لطيف من الماضي يدخل بحياتهم..
قررت الاسم ..
طفلها له حق يكون له اسم..بنتها او ولدها..
مابتدفن حقوقهم بسبب حقدها على الماضي...

رفعت راسها تراقب الثلج يتساقط بهدووء ..
شهقت بقووووة لما شافته واقف قدام الكوخ عند سيارته...
صرخت بيأس وحست بألم لا يطاااااق بأسفل بطنها...
صرخت بأسى\لااااا لا ما ابيييييك..لاترجع ما ابييييييك...
رووووح...روووح بعيد..لاترجع..تكفى خلني أعييييش من دونك..
حطمتني خلاااص والله انت أنتقمت وقضيت علي..
إتركنيييييييييييييييييييي....

سمعت صوت الباب يندق بقوووة..
جلست على الأرض من شدة الألم والخوووف..

شدت على بطنها بقوووة من الألم وهي تبكي...
تحس بشيء غريب يصير معها...
غرقت ملابسها بشكل يخوف...
همست بخوف وهي تنتحب\لاااا لا يووومه تكفى لا..
لاتطلع خلك جواتي تكفى يووومه تكفى...
لاتعذب امك..خلك جواتي..خلنا نهرب منه ..
اصبر فديتك لا تطلللللع..
آآآآآآآآآآآآآآآآآآآآآآآآآآآآآآآآآهــــــ............

أنسدحت على الأرض لما سمعت الباب انكسر..
وهو واقف قدامها مصدوووووووووم..

همست بحزن\لااااااااااا لاترجججع..أنا مت لا ترجع..



الى الملتقى باذن الله تعالى يوم الاثنين..
كونوا بخيـــــــــــــــــــــــر ..




صدووود’’’

لا اله الا الله

عوده غير متوقعه ولو بنسبه واحد بالمئه لغاازي

يعني بتكمل الاحداث وغازي بيكون موجود

حمااااااااااااااااااااااااااااااااااااااااااااااااس

الله صدوووووووود

تسلم يداتك على هيك بااارت

لالا مو غااازي
ما اتوقع يكون هو
يمكن ماكس او مسفر
مدري

يااويلي منك ياصدووود هبلتي فينا هههههههههههههههه

بارت رااائع تسلم يمينك يالغلا

لا لا لالا لالالالالا
لا يكون غااااااااااااااازي تكفين
أي أحد الا غاااااااازي
خليها تتوهم بس مممممممممايكون غازي
خليه مسفر

السلام عليكم ورحمة الله وبركاته
صباح النور والسرور على احلى صدوود في العالم
ازيك يا حلوة عاملة اية ؟
اتمنى تكوني بخير
كل عام وانتي بخير
وعام هجري جديد سعيد علينا كلنا باذن الله
سعيدة بالبارت وشعرت بانه هدية بمناسبة العام الجديد
البارت راااااااااائع بل اكثر من رائع
وانتي مبدعه كما تعودنا منك
الامن الان مستتب على صعيد عائلة غازي (فيسي المتاثر باحداث مصر ،متقلقيش )
يعني شوق وطالب حياتهم اصبحت طبيعية
عجبتني اوي قصيدة طالب
هههههههههه
ضحكت عليها من قلبي
وبرضه راجح ورشا بداية جديدة ستبنى على الود والحب بين الطرفين
اللي كان موجود من الاول

الظاهر ان سعود ده وراه مصيبة كبيرة
يعني انا شيفاه ظالم والظاهر انه كان اقسى من الجلمود اخوه
ربنا يستر

مسفر
الولد ده دش قلبي على طول
وحاسة انه جان بصراحة
يعني قطب جديد في الرواية يقدر يقف في وش جلمودنا الحبيب
عجبني تهدئته لجده
وانه طمنه
وعجبني اكتر لما راقب هديل وعرف انها بتستخبى وبتهرب من غازي
موقفه مع غازي وانه دور في موضوع زواجه بهديل ينم على انه عاقل وواسع الادراك
وعندي شعور انه هيكتشف اللغز كله

تركي ومرام
تركي يا غبي
يعني الواحد يدعي عليك
ايه الجبروت ده ، انت كمان عاوز تتعلق في ميدان عام
مش كفاية اللي عملته في زوجتك قبل كده وكنت السبب في انها فقدت ابنها
يا اخي حرام عليك
بس امل ان غبائك ده ينتج عنه طفل يصبر قلب مرام وتحقق حلمها

نيجي لغازي افندي
يا راجل بقى انت بتحس اصلا
عشان يفرق معاك رحيلها
يعني كانت مرزوعه قدامك ومفيش في راسك غير انك تكدرها وتكسر بخاطرها وتقهرها
لما راحت وخليتك بقيت تحس بيها
حسبي الله ونعم الوكيل
حسبي الله ونعم الوكيل ( بدعي عليك من قلبي )
ان شاء الله هتشوف ايام اسود من قرن الخروب
انا واثقة في صدودي
لسه العذاب اشكال والوان

صوفي
ونعم الصديقة انتي
يارب تقدري تخفي هديل الفترة اللي جاية

ناتي لعبدالله
على عكس البارتات اللي فاتت كلها يا صدود
وانه كان مثير للبسمة وكنت في اوقات بفطس ضحك منه
الا انه النهاردة بكاني هو وجده
وخلاني ابقى عاوزة اطبق في زمارة رقبة غازي
ابدعتي في الجزء ده وابكيتني
بصي مش بفول على الراجل بس اعتقد انه هيموت

هديل
اتمنى ان صدود متكسرش بخاطرك
وان يكون اللي انتي شايفاه ده اوهام
وخزعبلات من الولادة بتحصل عادي يعني
بيحصل اكتر من كده
بس هي ازاي هتولد في التامن
ولا ده بعد فتره وانا الزهايمر اثر عليا
او عدم الفهم اخر الليل عادي برضه
المهم يا صدودي الغالية
ميكونش اخينا ابو قلب حجر

يسلمو يا قلبي على البارت الرائع
والهدية الجميلة في اول يوم في عام هجري جديد سعيد علينا
باذن الله
ياتي محمل بالسلام والهدوء لنا جميعا
والاهم انه ينشر نسائم الحرية على الامة السلامية كلها
تحياتي يا صدودي الغالية
في حفظ الرحمن