تسلمين على البارت

هديل من ضياع لضياع من الم الى الم اكبر من ناس ظلمتها
لناس قهرتها مرحمت ضعفها ووحدتها
بس الملف الاسود وين راح يكون راحه له اذا كان فيه عقد الزواج

مرام تقربها بسبب طفل هديل ولرغبتها في امتلاكه

ابو نايف ذكرته في بنته فهل راح يرضى انها تظلم للمره الثانيه
على يد تركي ايضا

مسفر ردت فعل طبيعيه لكل شاب وجد اهله تكون محور اهتمامهم بنت
مايعرف عنها شي الا انها من نفس البلد وترفض العوده لهم وفوق هذا حامل
اذا هديل سكرت الكمبيوتر بدون ماتسكر الاميل يمكن يقرا الحوار اللي دار بينها
هي وشهد واعتقد هو اللي بيروح السفاره مع هديل وولدها وسالم يبلغ غازي عنهم

ابو على يكبر همك وحزنك الله يرحم حالك

عبدالله عبود يعرف بالسر الدفين

في انتظار البارت القادم

غازي تالم فانت تستحق الالم لما فعلت يداك

هلا حبيبتي صدود ابدعتي ابدعتي
بس لي عتب بسيط تعبت تعبت من الدموع فرحينا شوي
حياتي هدوله تعبت وايد ودرب الأحزان طويل قدامها وغازي اه يا غازي قصته قصه مريض نفسي ومرضه بسبه سحر اعتقد اسمها كذي طليقته ما ادري شم سويه فيه اللي كرهته بدنياه وطلع عقده علا هالفقيره
ودي اعرف من فكرته غويزي ولا شوق ولا الام تيتيم هالفقيره ما ادري صج قلبه اسود بس حبيته ودي يرجع لها ويعوضها عن اللي فات ويخلفو صبيان وبنات بس شكله ما فيه فايده والعوي عوي مايتعدل بس لخاطرنا بس شكله طريق غازي مسدود مسدود علا قوله عبد الحليم
مشكوره حبيبتي صدود والى الامام

يعطيتس العاافيه يالغاليه على هالبارت الاليـــــــم
هدوله متى بس يا قلبي بترتاحين من هم لهم من اهلها اللي تخلو عنها بسهوووله لغويزي اللي ما ترك طريقه ما عذبها فيها اهانها وضربها وجرحها وعيشها بوهم انها جاااريه وبعد كل هذا يقول انه يحبها
ويوم هربت طاحت بناس الله يستر وش نااوين عليها عندي احساس انه مرام مو ناويه على خير بالبدايه كنت خايفه من مسفر بس الحين حتى مرام تخوف وش وراها الله يستر بس
غويزي يا علك من هالحال واردى اجل تقولي ذابحك حبها بالله عليك لو كنت تكرهها وش بتسوي
جزاك العذاب اللي انت عايش فيه وما يكفيك عساني اشوفك متعذب ومتعذب اكثر عساك تعيش بعذاب الضمير يالجلمود
حبيبتي صدووووود ننتظرك على ناااار

صباح الخيرات صدودة وحشتيني بالبطة ..........تسلم ايدك ياعسل على البارت بس ارحمي هدولة عيونها تورمت من البكي اتخيلها صارت هيكل عظمي من الهموم الي كل مالها تزيد ارجع اقول حسبي الله على غويزي عديم الرجولة بالي سواه بهالمسكينة ........عاد صدودة كيف تبينا نوقف مع غويزي بعد كل الي سواه والله شكلك ياصدودة ماراح تعدلين ومن الحين حنيتي على الجلمود عديم الاحساس وهدول مسلسل الالام والمواجع مستمر الى مالا نهاية

وغير كذا شكلك بتبردين قلبه وخاطره في النهاية رغم كل الاغلاط والظلم والاجرام الي سواه بحق هديل ....فيس يناظرك بنص عين ويقولك نبي التميز الين اخر بارت مانبي شي مكرر في النهاية تعودنا بروايتك على الاشياء الغير متوقعة ونبي النهاية غير متوقعة مو مثل باقي الروايات البطل يكفخ ويهين ويذبح بالبطلة وبالاخيرة من يعترف بحبه انقلبو شادية وكمال الشناوي وانتهت برومانسية ابيض واسود خخخخخخخخخخخ... نبي شي ماصار ولا استوى بهالروايات مولازم يجتمع الابطال بالنهاية او مو لازم حب وغرام وخصوصا مع بداية غير شكل بين ابطالك

نجي عاد للبارت والمواجع الي تعور القلب عاد تصدقس ياصدودة مشكلتنا مانقدر ننام بيوم البارت الين نقراه وهو وقته الفجر وفيه مواجع وبكى وصدمات لهدول بالذمة من وين ننام وخاطرنا متكدر عاد اكيد مابنهون عليك وبتخفي بالايام الجاية على هدول وبتشوفي غيرها عاد البنت تعبت عويناتها من البكى والقلب تعب من الاحزان والمحن مارحمها عديم الرجولة ارحميها ياصدودة انتي انثى مثلها وتحسين فيها ... فيس الاستعطاف هههه



هدول واه من هدول كل صدمة اكبر من الثانية عليها ماكافها تنصدم بخبر موتها الوهمي الحين تنصدم بمصيبة اكبر عار يكبر ببطنها ويعيش معاها كل الامها المستمرة ...الله يعينها لو هي تعرف انها على حق والي صار مانقص من طهارتها كان لامسفر ولا امثاله تجرؤ ينطقون مثل هالظنون بس الله يلوم الي يلومه يعني نت وحيدة بحالتها مايعرفون حتى اسمها الاول وتتعمد تخفي هويتها اهلها حكايتها ماغير تبكي بانهيار حتى بعد ماعرفت انها حامل اكيد هالشي مريب

لكن لو الظالم ماسكت عن الحقيقة حتى لو هي عمية على الاقل دامه خلى زواجه منها فعلي وحملت منه كان خبرها مو ينتظر ابوها يجي يخبرها هو الي غلط واصلا عيبة ها وهو يدعي انو يعشقها ومو صعب انو يعذبها بطاري اهلها وبالي يسويه فيها واغتصابها وغيره هالشي موصعب بصراحة كل تصرفاته غير طبيعية وتدل على حاجته لطبيب نفسي والافضل يبتدي فيه قبل يلتقي بهديل لانو اذا ضل على ماهو ماراح يتغير شي بحياة هديل معاه غير انكشاف الحقايق


هذا هي مثل ماتوقعت ياصدود انها لما تعرف بحملها بتذكر اصراره على العملية المجهولة لها وهذا هي خمنت سبب اصراره وانو الولد ولد حرام

اعتقد هديل بتظل تايهة ومهمومة فترة الين تتأقلم على وضعها الجديد ولما تطلع على الحقايق الي عندها ساعتها بتكره غازي اكثر وبتفكر بالانتقام منه لانو عيشها بخدعة كبيرة ساعتها بيكون عندها الشجاعة انها تواجه الكل وتسكت الالسن لانها متزوجة وولدها جاء بالحلال وعندها الاثباتات ......... وبتستخدم مع غويزي نفس اساليبه الملتوية الي كان يستخدمها معاها راح تلم شتات نفسها وولدها بيعطيها الدافع ترد كرامتها الي هدرها المسمى زوجها

وبعد بتفسر اخفائه لزواجه منها واصراره انها ملك يمين وجارية وترك اهله يدلوها بمية تفسير وتفسير وماراح تصدق منه اي مبررات غبية اذا التقت معاه لانو من البداية مافي مبرر اصلا

اما غازي جعله مايذوق الراحة ولايشوف يوم حلو بحياته وتظل ايامه سودة بالي سببه لعايلة كاملة كان يجمعهم الحب والترابط ....... اخذ البنت وغربها ويتمها بحجة الانتقام الي ماله حق فيه

حرق قلب شايب ماله بالقوى الي هو يملكها عيشه سنين حرمان وندم على بنته في سبيل حمايتها لانو مافي مبرر يخلي ابو مثل حسين طيب ويحب عياله الا انو غويزي مهدده ومحذره انو مايدور على بنته ولايحاول يوصل لها والا بيضرها وهالشي المتوقع والايام بتكشفه


بس غلطة ابو علي يوم اعلن موت بنته بدل قول الحقيقة كاملة لعياله وزوجته صحيح اخوانها ماراح يرتاحون الا اذا عرفو مكان اختهم وغويزي مابيتركهم بحالهم بس كان هادي عرف يوصل له ويكشف له سبب مقتل سعود الي شكله ماراح ينفضح الا بعد ماينكشف سر هديل لاخوانها ساعتها تستعد عايلة غازي كلها لحرقة القلب الجديدة لانو المخفي بيكون صدمة للكل واولهم للمجرم المتخلف غويزي


تصدقي صدودة ياسبحان الله لما اقرأ مقاطع هدولة مع انو تعودنا على احزانها ودموعها الا اني اذا قريت ردة فعل غازي وربي مااحس انو زعلان ذاك الزعل لانو حتى حزنه الي اشك انو حزن مو مثل الاوادم مااحس بندمه وصحيان ضميره مااحس انو ماندم على اخفاء الحقايق ماندم على فكرة اخذ الثار من بنت ماضرته ولا ضرت اهله احس الامر عادي عنده مفتقد عصبيتها وعنادها الي كان يسليه وغير من حياته الميته الي بلا هدف والحين فقد بس هالاشياء يعني لو عنده احد يسوي نفس تصرفات هديل ولا حتى افتكر فيها ... وهالشي مو مستغرب من واحد مريض نفسي ماكان يحس بمدى الالم الي بجسد هديل الضعيف وهو يتفنن بوسيلة ضربها المهم يسمع صراخها ويشوف دموعها

اصلا شكل غازي عنده عقدة من الصغر مااحد كان معطيه وجه ومحسسه باهميته في الحياة والا في واحد طبيعي على ابواب الاربعين ومتعلم وعنده على قولة هموس ثلاث شهادات بالطب يضرب بنت علشان مو راضية تنسى اهلها وتعترف فيه هو الغريب القاسي بالغصب الا انا الوحيد الي لازم تفكرين فيني حتى بالنوم لذلك كان يسبب لها كوابيس ويفرح انها شافته بنومها عقد الله يكفينا شر النفوس الي مثل غويزي


اما شوكوه وربي جاتني ضحكة على ردة فعلها والله حالة يقتلون القتيل ويمشون بجنازته تو الناس على الصحيان احسن جعلك بشهار انتي واخوك بعنبر واحد

او يكون قبرك جنب قبر سعودوه راس البلا ... اجل من التخلف يخبرك الهمجي بالانتقام من اخت القاتل الا انتي ماصدقتي رحتي تراكضين تتصلين عليها وتكذبين حسبي الله عليك وعلى الي عطاك رقمها وعلمك الحكي الي تحكيه لها

ماادري الي فاد من الانتقام محروق قلبكم اخذو حقكم بشرع الله من القاتل ومثل ماانذكر بكتاب الله والبلاد فيها قانون وتحكم بشرع الاسلام ........مو تاخذون من الاسلام الي تبون ويماشي هواكم وتتغاضون عن الي مايعجبكم واحد يجرم ببنت الناس ويعطي حق لنفسه يطبق شريعته ويتفاخر بذنبه وانو اطهر الذنوب لو كل واحد فكر مثل غازي واهله نقول على الدين حسافة لانو ماعاد احد بيمشي بشرع الله


وام غازي بدل ماتندبين كان من البداية وقفتي لولدك وبنتك بالمرصاد ونهرتيهم عن ارتكاب ذنوب فوق ذنوبهم الي كل واحد غرقان فيها والعمر الباقي الله العالم كم بيطول للتوبة عن الذنوب حق هديل وعايلتها كلها برقبتك انتي وعيالك وعندي احساس انك انتي بعد بتقاطعين العاق ولدك الباقي من عمرك مثل ماقرر راجح

وهذا واحد من العقوبات الي فرضها غازي على هديل حرمانها من اهلها بدون وجه حق هذا اهله كلهم ماعاد بيطلون بوجهه خليه يعيش مع الغربان امثاله افضل


اعتقد حتى صوفي المنمشة وماكس اذا عرفو عن موت هدولة من ماريا ماراح يسامحو غازي والمنمشة اذا عرفت من ماكس انو هدول زوجة الهمجي بتثور عليه وبتسمعه كم كلمة يستاهلهم


ابو علي حالته تقطع القلب الله يعينه وربي مو سهل عليه الي صار الضنى غالي والله يلوم الي يلومه والله ينتقم من الي هدم عيلته ودخل الحزن الي قلوبهم واذا مات اي احد من اهل هديل سواء الابو او عسولة من قهرهم هالشي بيضل بقلب هديل الين تموت وماراح تسامح غازي ابد خصوصا اذا عرفت سبب انو ابوها اعلن موتها بعد زواجها من غازي مباشرة وسبب تاكده انها ماراح ترجع بيته ولا بلده من جديد غير تهديد غازي له والله العالم ايش هو التهديد المهم السبب قوي وهالشي هو الي يفسر ضمان ابو علي انو هديل ماراح ترجع او تتصل فيهم من هذاك اليوم


مرام حاسة انها مو طبيعية وشكل الحالة الي فيها من يوم ماتت قمر لانها يمكن كانت حيل قريبة لها وحتى تعلقها بهديل مو طبيعي ابد تصرفاتها فيها شي يدل انها تعاني من صدمة وكرهها لتركي بسبب الي سواه بأخته لذلك هي ماتبيه يقرب من بنته علشان لايسوي فيها سوات قمر والايام الجاية بتوضح لنا اكثر عن حياتهم وخفاياها وسبب العلاج الي تكلمت عنه

اما مسفر ماراح يترك هديل الا اذا عرف ماضيها وهو الي بيعالجها تطلع من الحالة الي بتجيها بعد كل هالمواجع واولها الخوف من اي رجال يقرب لها حتى لو كان طبيب وبما انو طبيب نفسي راح يزرع الثقة من جديد فيها بعد ماتنكشف الاوراق بس الين ذاك اليوم بيستمر مسلسل المعاناة مع هدول كل ماشافها



صدودة ارجع اقول لك خفي على هدول لاانظم ضدك اعتصام ونجلس لك على باب الرواية ومانخليك تعرفين تكمليها لاننا سادينها بعددنا الكبير تراني اسويها ارحمي ويناتها الي الكل ذاب فيهم خلاص بيصيرون وع اوب حلوين بيصغرون بيصيرون كبر الفستقة خخخ