ابدعتي صدوووووووود بهالبارت


غازي
يالله على آخر موقف ليش كل هذا العذاب النفسي لهديل ياخي إذا انت زوجها قولها وريحها.....هاللحين بتبدأ أزمة الإكتئاب عندها >>>>عاد إذا أكتئبت هديل أكتئب أنا.

صدوووود ودي أعرف انا بس ليش يبي ينسيها أهلها يعني هاللحين متأمل أن هديل راح تنسى اهلها وتحبه وتعيش معاه للأبد انا أقول هذا شي مســــتحيــــــــل مافيه أحد عاقل ينسى أهله .......يعني بالعربي غازي عنده تضااااد بمشاعره اتجاه هديل ومع أفعاله فيها.

وبعدين مو كذا الحب ياغاااااازي......(الحب الحقيقي يغفر كل أخطاء المحبوب ) وانت حبك غير.
حبك لهديل مايغفر خطاء اخوها!!!!!!!
وبعدين تعال إلى الآن مانزل اللي براسك المفروض حبك لهديل يروضك شوووي .......يبي لك من يضربك على راسك ويفقدك الذاكرة وينسيك اهلك>>>>>وحدة حاقدة بقوة

أفضل كلمة تناسب غااازي كلمة (قــــــاســـــــي) على وزن أسمه.


شاكرة لك صدووووود على سعة صدرك,,,,,
تقبلي تحياتي,,

صباح البسمه الحلوة

صباح التميز والابداع

صباح الورد للورد



بارت قوي ومفسر لاشياء كثير وفيه مقدمه لحاجات بتصير مستقبلا


( لم يكن بوسعة البقاء بدونها.. ولكنه لم يحظ منها بكلمة حنان واحدة..)
غروري حرام عليك كل مرة تستفتحي البارت بشي يسد نفسي شي يسد الامل بوجه غازيي
ورى ماتغلطي مرة وتفتحي له باب الامل بكلمتين حلوين يستمد منهم القوة للايام السوداء الي جايته



غادة وشهد : واضح ان تصميمها على الانتقام يرتكز بليلة العرس وبشهد فهي راح تظهر
بابهى واحلى حله حتى يشوفها راكان ويموت بحسرته عليها بعد التنفيذ ووقتها تنفذ باقي خطتها
بتحطيمه بدخول شهد الزواج على انها صاحبته او ضحيته او زوجة منطوله بالسر وتفضحه فضيحه
بجلاجل ماحد مايدري عنها ولا يتكلم فيها
اممممم بكذا يكونو الاثنين تساوو بظلمهم لبعض بس فيه شي هل راكان مو متوقع منها هالحركه
خصوصا انها وافقت على الزواج وعلى موعده بسرعه وبدون اي عراقيل اكيد هالشي راح يلفت نظره
ويتوقعه منها فهل بيكون هو برضه مجهز لها شيء مفاجئ ومباغت حتى يثبت لها حبه واخلاصه لها


هادي :( راجح فهم قصد هادي\الله يرحمه..ترحم على شبيهك كثير تراه محتاج..)
ممكن يجي يوم ويسمع كلام بالغلط بين ابوه وجدته وعمه ويرجع يدور كل الكلام بباله
ومنه هالكلمه ويعرف ويتاكد ان تؤمه عايشه ويبدا بالبحث عنها ويمكن يذكر شكله ويشبهه بغازي
هذا لو فرضا وصار له والتقى بغازي


راجح : ( انا رجعتها...بس لازم اربيها.. )
على هامان يافرعون *_^


( بس اعرف من يكون ابوهـ وارميها هي وولدها عليه.)
المشكله ان الكل يناظر خطأ الاخرين وينسى يناظر لنفسه توك ياراجح افندي تعتب على قسوة
غازي في تعامله مع هديل وانت ناوي ومبيت النيه على القسوة والعذاب في تعاملك مع رشا
طيب دامك مثل ماقلت اول خلاص مابقى لها بالقلب مكان ليه رجعتها وليه سافرتو لبريطانيا انت
واياها هل تقصد انك تستفرد فيها وتعذبها على كيفك بدون ماتقدر تستنجد بام غازي ....
او تهرب منك وتروح لاهلها باي طريقه كانت او انه شغل مفاجئ بس


رشا : اذن حكايتها واتضحت ومثل ماتوقعت صمتها وصبرها هم الي جذبو سعود لها حتى تربي ولده
وتاخذ مكان الام الي ماتت وهي رضت فيه من قهرها من صمت راجح وخذلانه لها ولمشاعرها
يعني مظلومه ومقهورة بكل حالاتها من سعود ومن راجح وخصوصا راجح لانه ظلمها سابقا بتاكيده
لها بان لها مكان خاص بقلبه بحركاته الي كان يسويها وظلمها حاليا بان شك فيها ومااعطاها فرصه تتكلم
وزاد الطين بله القسوة والعذاب الي ناويهم لها
اصبر ياراجح جايك الدور وبتصف جنب راكان وطالب وغازيي يؤبر البي
ههههههههه يامحلى هالصف وهم واقفين ومتعذبين ينتظرون بسمه حلوة بس من زوجاتهم ^ ^



نرجع للسؤال ليه وافقت تاخذ الولد بدل ماترميه بوجهه وتهينه بكم كلمه وترجع لاهلها .... اعتقد بانها
خلاص جربت الزواج وكسر الخاطر والالم من سعود وجربت الخذلان والتجاهل من الحبيب المفترض فقررت
بينها وبين نفسها انها خلاص ليه تتزوج وهي ذاقت الالم بالزواج وبدون زواج فتكفيها هالتجربه
ولان ربي رزقها بالولد الي تعوضه ويعوضها الحب والحنان اكتفت ورضت بواقعها وعاشته راضيه متقبله له



شوق وطالب : ( حقيقتك أعرفها اعرفها ..ماتبيني ماتبيني.. )
مشكلة شوق انها ولاخر لحظه بهجومها عليه تتكلم عن احاسيسه مو عن احاسيسها
مازالت رغم كل الجروح تحبه وتبيه وتغليه وماتقدر تقول انا مابيك بقلب جامد .......
والاخ طالب القالب مايدل درب الرومانسيه وين لا وبعد مايجرح يهدد ويتوعد كفو والله




( غازي\صرتي هنـــــــــــــــــا.. )
ومثل كل مرة يترك لها بصمه واثر على كل مناسبه تمر عليها عنده



( \طيب يوبه انا أوريك..سنة ومالقيتني..ولا كنت تبي تتخلص مني..وش وسيت عشان تنساني وتنسى وعدك..)
اول شرخ صغيرون بجدار ثقتها ببحث اهلها عنها وان ابوها مو قد وعده لها بارجاعها لهم


( يتضايق لما يخوفها ويرعبها بهالشكل. )
فديت الحنون ابو قلب طيب


( عندما أعود من غربتي..سأبصق الماضي خلفي.. )
خواطر رائعه غرووري واستخدامك لكلمة سأبصق اروع
فلو قالت سارمي لما كانت بقوة وقسوة كلمة سأبصق
هنا تعني بالمعنى انها سترميه ستقذفه ستبصقه دون رجعه كأي شيء وسخ نجس غير مأسوف عليه
ودونما اي ندم من جهتها له ولكن هل هذه الكلمات ستستمر للنهاية ام ستتغير عواطفها قليلا
وسيكون لها نصيب بالتسجيل في تلك المفكرة



( ستبقى سراباً لا يصلني.. ومهاجراً تبغضك بلادي.. )
شتان مابين هذا وذاك
( انت حتى الجرج منك اشتهيه .. من غلاك اضم عذابك وارتوي)



( أحكمت خطتها وتاكدت من قدرتها على تنفيذ كل خطوة من مخططها..)
ههههههههه ياعمري عليك خطتك فاشله من اولها لاخرها وكشفك من اول لحظه بتمثيلك لاستسلامك له


اول خطا ( عيونها ماناظرت للقريب..كانت كعادتها تناظر للبعيد.. )
الي يستسلم مايناظر للبعيد يناظر للقريب لا يناظر لتحت رجله مو القريب بعد وهو شايفها من تحت
وعارف انها تبي الهرب وتخطط له خصوصا بعد قراءته لمفكرتها
لان البعيد اشارة رمزيه لاهلها واحبابها ووطنها والقريب يرمز لقناعتها باللي حولها وبالعيشه معاهم بهنا ورضا


( لأنه شال الشوك قبل لا يرمي الوردة..)
وه يالبى قلبه عور يده عشان لاتتعور يدها ... ويلوموني فيك


( رفعت الوردة لخدها ومسحت عليه.. زادت عليه بابتسامتها ... اشرت براسها انها راح تنزل)
الخطأ الثاني كل هالتصرفات جات فجاة وانقلب حالها من حال الى حال بعدة ساعات
طبيعي راح تلفت انتباهه والطبيعي اكثر انه يجاريها ويشوف اخرة خطتها ايش ؟؟؟ وبنفس الوقت
يمتع نفسه برضاها الوهمي وبالعيش معها عدة دقائق ان لم تكن لحظات بهنا وسعادة مثل مايتمنى


( لاحظت ابتسامته وفرحته بنزولها له.. )
ياقلبي عليه هو هنا كمن يمني النفس بشيء يعلم بانه السراب


( غازي بنظرة\خاص الى اي درجة؟؟ )
يالبى قلب الغيور بس *_^


( هديل\هذا الاسم كنت انادي فيه انسانة في زمان فات مـــ....ــــالــــه ررجـــ..وع.....)
الخطأ الثالث فجأة كذا قررتي تنسي الجميع وخاصة انسانه لها معزة خاصه بقلبك خلتك تسمي هالحصان باسمها في اضيق الاوقات وانكدها عليك وتستسلمي بهالسهوله ثم الخطا الرابع
( ماتبيه يشوف وجها ) لو فكرت وطالعت وجهه وعيونه كانت شافت شكه وخوفه من حركاتها وعرفت انه عرف
وتاكد بانها تدبر شي من وراه


( هديل\وانا بعد ابي عسولة تشارك في السباقات..الاسود ماهو احسن منها..)
هل بعد اختفائها راح يحقق لها امنيتها ويدخل عسوله السباقات


( تركته وهي تبتسم على صوت ضحكته.. )
مااعتقد ان حقد فيكتور راح يخليه يعدي لحظة صفاء وفرح غازي على سلام الا مايسوي له شي
بهدول خصوصا وهو يشوف غازي بصورة غير المعتادة وتاكد له بمكانة هديل في قلبه اكثر واكثر


( هديل\ لأنــ ..ـه الوحيد اللــي يكرهك بهذا المكان..)
هل اللاوعي هو الي نطق هنا او انها تقصد عموم العمال فقط من غير ماتشمل نفسها بالكلام



( بس شافت البوك وأدركت انها راح تحتاج فلوس..)
الخطأ الخامس واكبرهم واعظمهم لانها على طول اعطته وقت وزمان هروبها باخذها لبوكه ....
طبيعي اول مايطلع من الحمام ويلبس ياخذ بوكه ويخرج من الغرفه فالغبيه المفروض انها اخذت
الفلوس من البوك بدون البوك نفسه



( غازي بغضب\رايحة مشوار من دوني ...؟؟ )
هههههههههههههه يالهوووووووي .... جاك الموت ياتارك الصلاة ... المشكله انه ماتوقع سرعة تنفيذها لخطتها


( غازي بهمس\عذبتيني... )
والله ان غرووري هي الي معذبتنا جميع .... حالة هديل تعور القلب وحالته تقهرني واثنينهم تعبانين
ورى ماتقولين لغازيي يقولها انها زوجته وتريحي لها اعصابها


( هديل برجاء وبصوت مبحوح\سامحنييييييييي غــ...غغـازي )
غرووري اذا طلع كلامي صح ماراح تكفيني النجمه ابي ........ ^ ^



مبدعه كعادتك دائما وابدا
بانتظار الغد بفارغ الصبر ( مو عشان البارت لا عشان اكسب التحدي و الرهان ^ ^)

مساء الخير آل الصدود ..

طال غيابي ومع الغياب زاد الابداع والجنون !!
أحداث دراميه وحوارات مجنونه وقرارات مصيريه وأفكار للهروب وحب مجنون وآخر مصدوم ووعود انتقام وجنون مرحله !!!
على جميع الاصعده الاحداث مشتعله سواء ان كانت داخل حدود الوطن او خارجها !!

غازي وحب بات يتحدث عن نفسه !!
شاءت الأقدار ان يعشق توأم قاتل أخيه وكأنها تنتقم من أنتقامه منها !!
احترت كثيرا في مصير هذا الحب ولكن الأيام كفيله باظهار نهايته !!

هديل !!
ضحكت كثيرا على هروبها الفاشل رغم خطتها الذكيه ولكن لسوء حظها هي لا تعلم ان آسرها لاتغيب عن عنيه حتى وان ظنت هي ذلك !!
هل يمتلكها أم يتوقف عن ما يريد فعله ؟؟ أظن أنه سيفعلها حتى وأن نطقت اسمه اظن ان ذلك دافع له لان يمتلكها أكثر لا أن يوقفه عما ينوي فعله ...هكذا أظن !!!
حسنا سوف ننتظر فماذا نفعل غير الانتظار ان كانت الصدود ذات قفلات شيطانيه :)

راجح وأفكار سوداء لا ألومه أبدا على التفكير بهذا المنطق فانا اراه تفكير طبيعي جدا في امرأه تلد بعد زواجها بستة أشهر بطفل طبيعي كامل
الملام هنا هي رشا فهي بصمتها أكدت له شكوكه وأفكاره السوداء فتستحق ماسوف تواجهه في الايام القادمه من راجح



غاده وراكان
تمنيت ذات يوم أن يعود راكان الى احداث الروايه وهاهو يعود بذلك المشهد الدرامي العاصف في مجلس أبيها لغاده ويطالب بفتاه هي كانت حق من حقوقه فشكرا حد الامتنان الى من لبت لي هذه الامنيه لبى الله لها أمانيها !!
غاده وانتقام ترسم خطوطه مع الشهد لا أعلم ان كان سوف ينجح أم لا ولكن متاكده من أن خصمها لا يستهان به وقادر هو على مداواة جرحها وقادر على استيطان قلبها !!

همسه في أذن همسات ورده ..
أحب تعليقك وتعجبني اقتباساتك وتدهشني تحليلاتك !!
شكرا على همساتك الشجيه !!

صدود خجله وربك انا منك !!
أعلم أنني مقصره جدا في ردودي ولكن الوقت لا يسعفني وضيق الصدر لايفارقني !!
عندما أعلق على شيئا جميلا أريد ان يكون داخلي مرتاحا حتى أعطيه حقه من التعليق !!
ولكن ماذا أفعل ان كان داخلنا يأبى أن يكون كما نريد !!
أطلت الحديث ربما !!
لك دعوه صادقه من القلب ياطاهره !!

صدود مدري وش اقول اوكيف اعبرانتي مبدعه ماشاءالله تبارك الله ماعندي توقع حيرتينا معاك مره اقول غازي بيوقف لاسمع اسمه لانهااول مره تنطقه ومره اقول بيكمل وهذااللي يخلي هديل تتصنع الموت كيف مدري مشتاقه للبارت اقوى شي وسلامتك