السلام عليكم ورحمة الله و بركاته

روايه روعه
من عنوانها اللي يشد لين الجزء اللي وصلنا له
ومتأكده ان اللي جاي احلى
لنا مو لهديل المسيكينه

احداث حلوه و اسلوب جميل
و الفكره روعه

الله يقويتس و تكملين الروايه كامله

اما غازي شكله مريض
والله يعينها كانه بتوطا ببطنها يحسبها تتميلح عنده هالماكس
خبرتس رياجيل تفكيرهم يسافر بعيد

وهديل ملقوفه و عنادها عجبني بس بيوديها بداهيه

ويعطيتس العافيه بنتظارتس يوم الاثنين بحماس

بالتوفيق

السلام عليكم ورحمة الله وبركاته ...


يسعد صباااحكم جميعا ..
عسااكم طيبييين وبألف خير,,
هلا وغلا ومرحباااا با المتاابعين والمنضمين لنا..
حياااكم الله شرفتوني

أعذروووني را أنزل البارت ألحين..لأني راح أكون مشغولة ها اليومين..
والردوود راح ارجع لها بعدييين ..
::::::::::::::

الأكثرية منكم سالوا نفس السؤال كيف غازي قدر يخرج هديل من السعودية ,,
وكيف المراءة السعودية ماتقدر تسافر خارج المملكة الا بمحرم ..
يا الغاليات هو صحيح المراءة ماتسافر الا بوجود محرم لها ..
بس أنا كتبت الموقف على حالة صارت معنا في العائلة ..
خالتي كانت تبي تسافر لخالي برات السعودية وماكان فيه احد يقدر يسافر معها..
بذلك سافرت مع صديق خالي وعائلته..
الموضوع ابدا ماكان صعب..
وعلى ها الحالة أنا سمحت لهديل تسافر مع غازي..

واللي طلبوا مني اوصف غازي وهديل..
يابنات أنا ما اعرف اوصف اشخااص بس حااولت اوصفلكم غازي ..
عااد انتوا ارسمووه بخياالكم ..
أما هديل مو الحين وقت وصفها ^_*


العزيزات لا تزعلوا اذا كانت البارتز اللي انزلها صغيرة..
ترى والله مو با القصد ..
أنا وقتي مو ملكي وبس يشاركوني فيه اخواني..
وصدقوني احاول قد ما اقدر اني ارضيكم..
وما اتاخر عن الوقت المحدد ..
السموحة منكم ..

استلموووو البارت..


البارت الثامن,,,


عليك شلون ما أزعل؟
وتسوي أشياء تجرحني !تضايقني ب أفعالك ..
وتظن إنك مفرحني ؟
تسود وجهي ب طعونك ..
وتبيض ( وجه ) أحزاني ..!
[ ياليت ] اللي حصل منك ..
حصل من واحد ثاني !
مثل غيرك ومنت غير ..
جرحت جروح ما طابت ..!
هقيته فيك يطلع خير ..
ولكن هقوتي " خابت "
صدمني الكل ..
ومو ناقص !
بعد منك تجي صدمه
تحطها بذمتك ( عادي )
وسيعه صارت الذمه !
بسيطه كانت أحلامي ..
توقعتك تحب لي الخير
وتدور .. راحة أيامي !
وأشوف إن الحقيقه غير ..
تحب الخير ل جروحي ؟
حبيبي الوقت ما قصر
وكلمة حق .. يا روحي :
( جميع الناس تتغير ) !!!



هديل\عليك غضب الله انت والحقير>>قالتها با العربي وماكس مافهم عليها
ماكس\لم أفهم ماقلتي
هديل\أريد الخروج من هنا.
ماكس\أسف لا استطيع السماح لك با الخروج..يجب أن تنهي عملك أولا
هديل وهي تبكي\لا أعرف شيء عن الخيوول
ماكس بحنية\سأساعدك كفي عن البكاء.
غازي بعصبية\ماكس اخرج..
ماكس\سيدي؟؟
غازي يفتح الباب بقوة\ماكس اخرج من هنا
ماكس بحيرة\حسنا سأخرج
خرج ماكس وغازي دخل وحشر هديل با الزاوية..
غازي\اياااك تتكلمي مع العمال هنا فاهمة
هديل هزت راسها\ايه فاهمة
غازي\والحين افسخي المعطف
هديل بنظرات مصدومة\وشهو..أنت مو بصاحي تبيه رووح جيب عباتي أول
غازي\ماعندي وقت افسخيه
هديل باحتقار\لا
غازي يمد يده وبسرعة يدخلها با الجيب الداخلي للمعطف ويخرجها..بينما هديل كانت تضربه وتحاول تبعده عنها
برعب ..موفاهمة هو وش يسوي..بس لماشافت اللي بيده فهمت حركته..
غازي والجوال بيده بسخرية\وسيلة اتصال امممم مايصلح تظل مع الخدم وهم يشتغلوا تلهييهم..
أوتغريهم يتصلوا با الماااضي..
هديل مو مصدقة كان معي جوال وانا مو عارفة..لو عرفت بس كنت راح اكلم ابوي ولا ارسله اطمنه عني..
الحقير مبسووط بقهري..
هديل تبي تقهره\مصيري اتصل فيهم ماتقدر تمنعني كوون واقعي شوي.
غازي يناظر ساعته وبثثثثقة هزت هديل\اوكى بلغيهم سلامي لو حلمتي فيهم..
مشى وتركها تناظر فيه..يااربي الى اي حد هو واثق بنفسه ثقته مو طبيعية..متاكد من عدم قدرتي على
مكالمتهم..يارب من ايش خلقت ها الجلموود..
ماكس يقاطع تفكيرها\اسف لقد امرني السيد با البقاء هنا وتوجيهك من الخارج
هديل بقهر\الله ياخذك أنت وهو.>>با العربي ولا فهم عليها
ماكس بابتسامة\لم افهم ماتقولي
هديل\مالك شغل>>با العربي,,ماذا يجب ان افعل الان؟؟>>با الانجليزي
ماكس\أمسكي بهذه المقشة وقومي بجمع هذا القش الى هناك
هديل مسكت المقشة وسوت مثل ماقال بس با العكس..
هو يحااول يعلمها وهي تعصب وتسبه با العربي وتسب غازي..
ماكس بنفاذ صبر\اوووه ليس هكذا ستثور الفرس
هديل\جب جب بلى بشكلك تتحلطم علي أنت وعيونك الخضراء..
ماكس\حسنا والان خذي القش اللذي هناك وانثريه بشكل مرتب ..
هديل\هاه وجع مافهمت انت وش تقوول عد من جديد وشوي شوي>>با العربي
ماكس\يا الهي انا لا افهم ماتقولين تكلمي با الانجليزية
هديل\اوكى,,ضف وجهك باارتب براحتي>>با العربي,,ولكن لا تبتعد كي لا تثور الفرس >>با الانجليزي

هديل شالت القش الجديد وصارت توزعه بشكل عشوائي..ماكس يصارخ عليها يبيها تنتبه له بس هي مطنشته
أجل يبيني ارتب الحضيرة وانظف الفرس..طيب ياامر امر..بس بارتب براحتي ,,

خلصت ترتيب الحضيرة وهي تحس انها مبببدعة..ولما ناظرت لماكس شافت وجهه معفووس ومو عاجبه شغلها
هديل\ما رايك لقد انتهيت
ماكس\لوكنت أنا المدير لطردتك فورا
هديل\تلاااايط تلقى مثل شغلي يا الاشقر ماالت عليك,,
ماكس\لا تتكلمي الا با الانجليزية كي افهم ماتقولي ارجووكي
هديل\افتح الباب لقد انتهيت من العمل
ماكس\ليس بعد يجب ان تنظفي الفرس اولا
هديل\ي ما اعرف انظفها والله ما اعرف للخيول>>با العربي
ماكس عصب\لن اعلمك حتى تتكلمي با الانجليزية او تعلمي بنفسك
هديل\حسنا انا لا اعرف كيف اقووم بذلك
ماكس\انتظري ساعوود حالا
راح ماكس وهديل تحكي مع الفرس\شوفي يابنت الحلال مابيني وبينك شيء..خليك بنت ناس وعاقلة..
لا تخليني أعصب عليك ترى زعلي شيين وااجد..ولا تبيني اتكلم انجليزي عشان تفهمين؟؟
ماكس\ههههههههههههههههههههههههه ماذا تفعلين ايتها الصغيرة
هديل\اعقد اتفاقا
ماكس بتسلية\هل تم الاتفاق؟؟
هديل\ليس بعد..
ماكس\حسنا خذي هذا الماء بللي تلك القطعة وامسحي الفرس بها.
هديل\لماذا لا اغسلها بخرطوم الماء؟؟
ماكس بتحذير\اياكي ان تقومي بذلك..

هديل تاخذ اللي بيده وتقرب من الفرس..بس كل ماشافتها تتحرك صرخت وهربت منها لأخر الزاوية..
حاول ماكس يشجعها وهو يردد عليها الكلمات اللي تقولها اذا قربت من الفرس..

هديل عند الباب\لا استطيع اقسم لك اني غير قادرة على هذا أخرجني أرجوووك
ماكس\لا استطيع اخراجك السيد حذرني ان لا اسمح لك با الخروج دون اتمام العمل.
هديل\أرجوووك لا استطيع الاقتراب منها.
ماكس\حسنا سوف اقترب انا منها من تلك الناحية واقوم بتهدئتها بينما انتي تقومي بعملك هل اتفقنا
هديل\حسنا ولكن اياك أن تفلتها
ماكس يبتسم\هيا الى العمل لقد اضعنا الكثير من الوقت.
قربت هديل من الفرس لما شافت ماكس ماسكها ويمسح عليها..اول ماحطت القطعة عليها تحرك ذيل الفرس
صرخت هديل وبعدت عنها..وضااع الكثير من الوقت وماكس يحاول فيها تقرب من الفرس بس هي حلفت ماتلمسها.
ماكس بضجر\لقد تاخرت انا عن اعماال كثيرة بسببك ايتها الصغيرة والان ماذا ستفعلين
هديل\ساخرج افتح هذا الباب فورا
ماكس\سيعاقبك السيد ان لم تنهي عملك
هديل\حقا فليفعل..ساشكووه ل الشرطة واشكوك أنت ايضا
ماكس\وما اللذي فعلته أنا؟؟
هديل\ترفض ان تفتح هذا الباب كي اخرج.افتحه الان
ماكس يفتح الباب\حسنا اخرجي ولكن احذرك السيد اذا غضب يصبح قاس جدا..وأنا قلق عليك يا صغيرة.

هديل خرجت ولا ردت على ماكس..طلعت من الاسطبلات وهي ناوية تمشي على نفس الطريق اللي جات معه..
كانت راح تمووت من الخوف لما شافت اللي قدامها..العمال بكل مكان منتشرين..
ونظراتهم لها كانت غريبة جدا..مستغربين وجود فتاة محججججبة بينهم..

لاحظت توقف الكل عن العمل والتحدييق فيها وبس..ولاحظت ان كل اللي حولها مايملكوون ولا لمحة عربية
كلهم أجاانب وهذا اللي خلاها تدور حول نفسها تدور على طريق يخرجها من ها المكان..

بس سمعت صوت ماكس يتكلم بلغة غير الانجليزية ومافهمت كلامهم..

ماكس بصوت عالي\مرحبا يارفااق أعرفكم على رفيقة جديدة معنا..
1....\ماذا تعني بكلامك ماكس من تكون هذه الفتاة؟
ماكس يناظر هديل ويقرب منها\لقد وظفها السيد هنا ستعمل معنا في المزرعة
2...\هل انت جاد فيما تقول؟؟كيف له ان يوظف فتاة لاعمال المزرعة؟؟
ماكس\حسنا يارفيقي هو السيد هنا وهذه اوامره.
3...بنظرات حقد\تبا له لن أعمل مع فتاة محجبة.
ماكس بغضب\يمكنك أن تطلع السيد على رأيك فكتور
فكتور بسخرية\لاضرورة لذلك سيصله رأيي >>ويناظر هديل بكره
ماكس يقرب منه\اياااك أن تفكر بأذيتها فكتور
فكتور\من سيمنعني >>بخبث..ثم لا احد يأمن العمل ياصاحبي قد تتعرض لحادث..عملنا مرهق على فتاة
ماكس بتهديد\ان رايتك او علمت بأنك تضايقها سأتصرف معك بنفسي<<وجه كلامه للجميع
يارفاق أنا المسئول عن هذه الفتاة وقد كلفني السيد بتدريبها والاهتمام بها..
ماكس يكلم هديل\حسنا ايتها الصغيرة اذهبي الى المنزل ستعلمك ماريا ماذا يجب ان تفعلي..


مشت هديل بارتباك تحاول تخفي الخووف اللي حست فيه ..صح مافهمت شيء من اللي يقولونه بس تكفيها

نظراتهم لها وحدت صوت ماكس مع فكتور..ياويلي خايفة على نفسي من جلموود والحين هذولاء..
كيف يخليني مع كل ها العمال الحقيير ..ياااارب احرسني بعينك اللي ماتنام..


كملت طريقها ودخلت القصر..ألحين كيف الاقي ماريا ولافرح أو اي احد ..
مشت على طريق المكتب لانها ماتعرف غيره بس عدت من عنده ولا دخلت كملت على نفس الاتجاه
كان قدامها صالة كبيييرة حجرية رااائعة منظمة با الكنبات الفخمة الشكل..ألوانها كانت متعددة مو لون واحد
بس منسسسقة جدا ومتداخلة الالوان في بعض..من الاحمر والرصاصي والاخضر الداكن..
والتحف المرصوصة بشكل مرتب وأنييق..وسجادة بيضاء ساادة عليها طاولة مرتبة..
واللي أرووع وأرووع المدفئة الكبيييرة ..بس ماكان فيها نار..
مايحسوون با البرد..يااربي أحس ها المكان مهجوور مافيه أحد.

ماريا\مرحبا
هديل تناظرها بفزع\صبيتي قلبي الله يهديك
ماريا ترطن بكلام مو مفهووم
هديل\ماريا أرجووك أنا لا افهم ماتقولين تكلمي با الانجليزية
ماريا بتذمر\اووه لا اعرف الكثير من اللغة
هديل\لا باس سنتفاهم
ماريا ورجعت تتكلم بنفس اللغة
هديل\ياااربي هذا جزاتي في ماكس يقولي انجليزي واقوله مالك شغل ربي عاقبني فيك ماريا
ماريا\اوكى
هديل\لا والله>>با العربي..لم افهم تكلمي ببطء السيد ماذا يريد مني؟
ماريا\لق لق لق لق >>مو مفهووم
هديل\توقفي حالا..لا افهمك
ماريا\لا اعرف كيف اخبرك..تعالي معي

هديل مشت وراها وهي تتحسب على غازي..دخلوا المكتب وصارت ماريا تاشر لها على الكتب والكراسي
والمكتب..وفهمت هديل انه يبيها تنظف المكتب..

هديل\الله يعين أنظفه وانظف ابووه بس لا اروح الحضيرة مرة ثانية
ماريا كانت راح تتكلم بس هديل صرخت
هديل\لا ارجوووكي لقد فهمت ماتريدين والان كيف اقووم با الترتيب والتنظيف هنا..
طلعت ماريا ورجعت بعد كم دقيقة ومعها اغراض التنظيف..وصارت تاشر لهديل وتعلمها كيف ترتب الكتب..
هديل بالعربي\والله ياماريا اللي اشوفه الكتب منثوورة بشكل مقصوود كان بزر يلعب فيها..
ماريا\ماذا؟؟
هديل\لاشيء عزيزتي
هديل..أجل تبيني ارتب الكتب بعد ما انت عفستها..طيب انت اللي بديت يا النذل..
ارتبها بكيييفي واتحداك تلقى كتاب بمكانه..

كانت المكتبة مقسمة لأجزاء مبينة اقسام الكتب..الطبيعية والعلمية الاقتصادية واللغوية..
ماريا كانت تنظف النوافذ والصور واغلب الشغل كان عليها ..
بس هديل كانت ترتب الكتب بضمييييييير..وتوزعها بكيفها تبيه اذا كان يبي كتاب مايلقاه بقسمه..
عشان يحرم مرة ثانية ينثر الكتب ويقوول رتبيها داامك نذل أنا أنذل منك..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


ياموت تكفى رجع الي اخذته

الصاحب الي ضحكته تبري الروح


شف حالتي يا موت جسمي نحلته

خله معي يا موت لو يوم ويروح


وين الصبر يا ناس قلبي فقدته

وش لي بدنيا ما بها ضحك ومزوح


وين الصبر يا ناس قلبي فقدته

راح الاخو راح الخوي راحت الروح


يبوني انسى شخص مبطي سكنته

اهو سكني وصرنا اثنين في روح


مرحوم يا شخص عزيز فقدته

راح وتركني شايل الهم مجروح


وصيتي لين مت وقبري دخلته

حطوني جنبه وانا فاقد الروح


يهل دمعي لين مني ذكرته

طيفه معي من وين ما جيت واروح


لا تذرفون الدمع دامي وصلته

خلوني بجنبه اسد جرح مفتوح


كان منسدح على سريره يناظر صورتها..
باخلين علي بقبرك أزووره..قالوا خلها بقبرها بسلاام..
مايفهموون ولا يحسوون با اللي في قلبي..أريد أحس ان أنا وأنتي بنفس المكان..
قالوا مالي حق ازور قبرك هذا أقل شيء راح أسويه ازور قبرك واصب الماء عليه..
ااااه ياتوئم الروح ماني مصدق بمووتك صرتي تحت التراب..
والله ان الدنيا بعيني أضيق من ثقب الابرة..

يتذكر عصبيت أبوه لما طلب منه يدله على قبرها..
أبوعلي بعصبية\قلتلك ماني بدالك على القبر..خل اختك مرتاحة فيه..
هادي بقهر\ليييه يوم ما ازور قبرها لييه؟؟يوبه تكفى حس با اللي فيني تكفى
أبوعلي\مايفيدك لو تزوره مايفيدك..
هادي يمسح عيونه بقوة\الا بيفييد يكفي اني احس بوجودها معي بنفس المكان..
يوبه باسقي قبرها واقراء قران وادعيلها..دلني عليه يا ابوعلي تكفى
ابوعلي\لا ولا تعرفه..قم من عندي ولا اشووفك لين تشيل ها العلم من راسك..
هادي\ماتبي تدلني على القبر..براحتك أنا ارووح ل الديره واستفسر منهم عن قبرها وألقاه
ابوعلي بارتباك\ياولد تبي تعصيني.
هادي بغغغصة\أبييييها يوبه تكفى دلني على قبرها تكفى يا أبووي
ابوعلي\طيب بأدلك عليه بس بأروح معك.
هادي كاتم عبرته\المهم أروح لها.

بأزووورك يا رووح هادي..وأحجز قبري بجنبك..
طاحت صورتها من يده ودخلت تحت سريره
قام بسرعة يدور على الصورة مد يده يدورها ولمس شيء صلب..سحبه ولقاه صندوق خشبي صغير
فتحه وهو مستغرب من وجوده في غرفته..
اول شيء كان في وجهه دفتر راايق با اللون العشبي..خرجه وصار يناظر فيه ويقلبه بيديه..
فتحه على ورقة كان القلم موجود عليها وهذي كانت اخر صفحة مكتوبة..
وقراء المكتووب ودموعه تنهمر بغزارة..


ان عشتم غداً من دوني,,


فتخيلوني أعيش معكم..
أفرح لفرحكم..
وأبكي لبكائكم..

أستمع لأحاديثكم ..
وأهذي بهذيانكم..

ان عشتم غداً من دوني..
فزوروا تلك الزاوية..
اللتي طالما أوتني بوقت الحرمان..

اسالوها كم ليلة بت أنا بأحضانها..
كم من حلم تبدد فيها..
وجراح ولدت بجوارها..

اسألوا تلك الزاوية ..
كم ليلة بكيت أنا فيها..
ورسمت اللقاء على جدرانها..
وبلحظة طيش لونتها با الفرااق الأبدي..

اطلبوا منها أن تكشف لكم ..
أحلامي اللتي أحرقتها..
وتحكي لكم عن أمنيات كم أنكرتها..

تلك الزاوية..
حيث نمت أنا كل ليلة..
أشتم راائحة الغاائب بوسادته..
وأقبل قميص كان يرتديه..


ان عشتم غداً من دوني..
فلا تبكوني
فدموعكم تحرق كياني..

توئم هادي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

خلصت ماريا شغلها وهي تتذمر من هديل البطيئة بشغلها..خلصت هديل من الكتب وجات بتطلع بس
شافت لابتوب على المكتب انبسسسطت وراحت ركض تفتح اللاب شغلته والدنيا مو سايعتها من الفرح
بس انصدمت لما طلب كلمة مرووور..
هديل\حقييير حاسب حساب كل شيء..حسبي الله عليه..وش ممكن تكون كلمة السر..
غازي\جربي اسمك ممكن يفتح معك
هديل فزت من على الكرسي بسرعة لان الباب قدامها وغازي مادخل من الباب..انصدمت كيف دخل
هديل\كنت كنت انظفه..فيه غبار
غازي بأمر\اجلسي
هديل\ما ابى
شافته يقرب منها جلست بسرعة..وهو جلس على حافة المكتب با القرب منها..
غازي\اكتبي اسمك ويفتح
هديل\ما ابيه يفتح بس كنت انظفه عليه غبار
غازي بتعجب كاااذب\غريبة متى وصله الغبار توني مشتغل عليه الصباح ومقفله برمز ..
هديل توقف\عن اذنك
غازي\اجلسي واكتبي اسمك اذا فتح راح اخليك تشتغلي عليه .
هديل\ما ابي اشتغل عليه
غازي\اكتبي اسمك واوعدك اسمحلك تسوي اللي تبينه
هديل بلعانة\ابي افتح ايميلي وارسل رسالة
غازي بمراوغة\لا طلب واحد بس مو ثنين
هديل بقهر\يعني افتحه ولا ارسل رسالة وش الفايدة؟؟
غازي\اكتبي اسمك وافكر أسمحلك او لا بارسال الرسالة..
هديل باصابع ترتجف تحت مراقبة غازي لها..طبعت اسمها بخووف..بس ماكانت الكلمة الصحيحة
غازي\حاولي مرة ثانية يمكن نسيتي حرف
حاولت هديل ونفس الشيء ماكانت هي الكلمة..
هديل\مو اسمي
غازي بشك\لا لا انا متاكد حطيت اسمك
هديل\لا مو هو
غازي\طيب انا راح انطق الحروف وانتي اكتبيها زين؟؟
هديل تماشيه بقلق\اوكى
غازي\ر ...س....ل

هديل رفعت عيونها له بزعل..
أول مرة تشوفه من ها القرب عيونه كبار ورموشه كثيفة حوااجبه معقودة وشكلها مايطمن أبدا..
عارض محدد وخفيييف..خشمه طويل..شفايفه كانت مشدودة وصارمة ما تعتقد انه يعرف الابتسامة أبدا..

غازي بخبث\طلع اسمك هو كلمة المرور؟؟
هديل\لا مو اسمي
غازي\اكتبي اسمك رسل واوعدك اسمحلك ترسلي رسالة..
هديل بتحدي\اسمي هديل وماابي ارسل رسالة..
غازي\براحتك بس متى ماحبيتي ترسلي اكتبي اسمك رسل وادخلي..
هديل وقفت\الله اكرم منك..
كانت بتمشي مسكها من عضدها\ماسمحتلك
هديل سحبت نفسها منه بقووة\لاتلمسنيييي
غازي\وش سويتي با الحضيرة؟؟
هديل بخوف\نظفتها
غازي\والفرس؟؟
هديل بكذب\نظفتها
غازي\طيب تعالي نشوف شغلك
مشى رايح ناحية الباب ناظرها\تعالي
هديل بخوف\لا ما ابي اروح هناك..وترى اخر مرة أروح الاسطبلات فااهم
غازي عقد حواجبه\لا مو فاهم وأنا اللي أأمر وانتي تنفذي
هديل بقهر\أأمر على كيفك بس هذاك المكان ماراح اروحله مرة ثانية..
غازي بعصبية\رسل قدامي على الاسطبلات لا اسحبببك
هديل\أنا هدييييل وما ابي ارووح الاسطبلات
غازي وصل عندها وسحبها من يدها\لما أأمرك تنفذي الأمر
هديل مسكت كتاب كان على المكتب وضربته على ظهره\اتركنييييييييي
غازي التفت عليها وضربها كف لف وجها بقوووة
غازي يمسك وجها بيده ويشد عليه\حذرتك من رفع يدك مرة ثانية أنا ما أداريك أنا أكسرررك
هديل بدمووع\ما أبى أرووح هناك ما أبى
غازي\غصب عليك تروحين..كنت ناوي اخليك اليوم بس تروحي الحضيرة..
بس الحين كل يووم راح تشتغلي هناك..واذا رحت الحين ومالقيت الشغل تمام بتتمني الموووت.
سحبها وراه بقووة غير مهتم ببكائها وترجيها له..

وصلوا الاسطبلات وغازي بقمممة عصبيته توجه للحضيرة اللي امرها تنظفها ..
وهديل مييتة من الخوف وتتمنى لو سمعت كلام ماكس ورتبت الحضيرة وغسلت الفرس..
غازي بحدة\لابأس بشغلك ها المرة بأساس انها اول مرة تنظفي المكان..

هديل بخووف ناظرت من وراه على الحضيرة اللي تركتها بشكل معفووس وأنصدمت من شكلها..
كانت مرتبة والفرس تم تنظيفها..التفتت على ماكس اللي غمز لها با ابتسامة..
الحمدلله ياربي اللي بعثت ها الماكس ولا كان الحين ذابحني..حسبي الله عليه
أحرق قلبي وضربني..

ماكس\سيدي لقد كانت جيدة بعملها قامت به على أكمل وجه..
غازي يناظر ماكس بسخرية ويتكلم بلغة نفس اللي يتكلموا فيها العمال..
غازي\أعرف عملك جيدا ماكس..فلا تحاول لعب دور الذكي..
ماكس يبتسم\حسنا لقد كانت جهنمية جدا في عملها .
غازي\هل اقتربت من الفرس؟؟
ماكس كاتم ضحكته\أبدا كانت تصرخ بجزع كلما تحركت الفرس..وحاوت عقد اتفاق معها ايضا..
غازي\هل تكلم معها احد من العمال؟؟
ماكس\لا لم اسمح لاحد من الاقتراب منها كما أمرت..
غازي\حسنا ان انا اعدتها الى هنا فاياك ان تقوم با العمل بدلا منها..أريدها أن تتعلم.
ماكس\ولكنها تخاف من الخيول..
غازي با العربية\خوفها من الخيول مايسوى شيء عند خوفها مني..

غازي يناظر هديل كانت تناظر الفرس ويدها على خذها اللي ضربها عليه مسحت طرف فمها من الدم
بكم المعطف..ومسحت وجها من الدموع حتى مايلاحظها..
غازي بهدوء\خلصنا هنا..تعالي
مشت وراه ولما مرت من عند ماكس همست بشكرا وهو ابتسم لها..

طول طريق الرجوع للقصركان يمشي وهي كانت تتبعه ببطء غير مقصود..
كانت سرحانة وتفكر ومو منتبهة للي يناظرها كل شوي..

شكل الضرب عنده شيء عادي..ماراح يقصر فيني بيعطيني اللي بخاطره دوووم..
بس أنا أخاف من الضرب والله العظيم أخاف من الوجع..ما أبي أتالم ما أتحمل الضرب..
قسوته تخوفني ترعبني..وييينك يوبه القاني بسرررعه خذني منه واضربه..
ايه اضربه مثل مايضربني..ابييك تضربه بقوووة وتوجعه مثل مايوجعني..
مسحت دموعها بكم المعطف غير منتبهه لطريقها..

صحت من سرحانها ووجها وجسمها يضرب الأرض بقووة..
وقبل لا تدرك او تستوعب اللي صار لها حست بيدين تقلبها على ظهرها وتشيلها عن الارض..



الى الملتقى باذن الله يوم الجمعة..
لاتحرموني أرائكم فهي تهمني,,,


احترامي..

صدووود ,,,