كاتب الموضوع :
صدووود
المنتدى :
الارشيف
صباح الورد والفل والنرجس
صباح الجمال والابداع
وقفو هالهجوم الصارخ على غازيي ..... بسم الله عليكم مو شايفينه كيف بار بامه ( صدووود ) ورامي نفسه
بنار كلامكم وهجومكم عليه مو شايفينه كيف حارق قلبه وعواطفه وسامع كلامها ومعذب قلبه وقلب حبيبته
عشان رضاها ماتشوفونه شلون يطق حبيبته بالسوط وقبل مايلسعها يلسع قلبه بحديد محمي كله عشان رضا
الوالدين واجب فيما عدا غضب الرب فديت قلبه الطيب الحنون المغصوب
اذا بخاطركم شي فعليكم بامه الي نازلين مدح وشكر فيها >>>فيس الانقلاب ناوي على التحدي و العصيان
|
اقتباس :-
|
همسه : أنصار غازي مالهم حس أكيد مالهم وجه بعد سواته ولا هم لاقين
له مبرر اومخرج
|
اممممم مين قال اننا يارابطة غازي مختفيين اصلا مو بعادتي ارد على طول على البارت
لازم اخذ لي شوية وقت حتى امخمخ >>مايمديكم على هالمصطلح
وافكر واحلل البارت هذا غير اني امس كنت متواجده بالرابطه وارد على كل واحده متهجمه عليه
وبعدين ياقلبي يافيتامين سي غازي مو اردى من الدحمي اثنينهم من فصيلة واحدة وانا اقرا نفس
الروايه وعاجبتني مرة قشارته خخخخخخخخ
الحين احول على زيزفون ..... ماتلاحظين يازيزو انك انفعلتي كثييير على غازيي لدرجة انك اصدرتي
احكام ماتجوز شرعا انت كفرتي الرجال طيب هاتي الدليل على فعل سواه يكفره ... ابدا ماسوى اي
شي يخرجه من دينه غير انك اصلا تقولي لامه تتبرى منه وياليت تقتله ياويح قلبي تبين ام تقتل ولدها
عشان واحده غريبه اصلا قتل النفس البريئه من كبائر الذنوب >>> فيس يهز راسه مو عاجبه كلامك
حنو : من قبل يوم كان شحلاته مدلعها وممشيها ماتكلمتي واليوم نطيتي ورديتي >>>فيس زعنان منك
والان تحليلي للبارت بداية لو قريتو مدخل البارت ومقدمته كنتو عرفتو قد ايه هو يعاني وكاتم يعني
هدوله مختفيه وهي تعبانه مايدري هي سليمه ولا مكسورة هي صاحيه ولا مغمى عليها هي بخير
ولا مخطوفه هي وصلت ولا ضاعت طيب طلعت من المزرعه ولا باقيه مية سؤال وسؤال بباله والمسئوليه
عظيمه والقلق والخوف اعظم هذا غير الالتزامات والمشاغل الي عليه وتاركها غير الكلام المفترى عليه بانه
هو الي ضاربها ومكسرها وقاص شعرها وبالع موس وساكت
( يدور عليها من الفجر قلب المزرعة والدنيا عليها..ماترك مكان الا ودورها فيه..
ماتجاهل اي توقع الا وخلاه ممكن..كان خايف عليها وأكثر شيء خايف عليها من نفسها..)
وبالاخير تكون عند امه محتميه فيها منه
هنا صدمته غير الصدمتين الي قبل بنفس اليوم كانت قاتله وصابته بالصميم يعني هو الي مايسمح لاي
كائن بجرحها لو بكلمه تجي تستنجد بامه لا ويسافر من غير مايطمن قلبه عليها ويرجع وتحرمه من شوفتها
والوقت الي يشوفها فيه يلقاها مخططه على غيره طبيعي يطلع الاولي والتالي عليها ومن غير شعور او
احساس لان وقت الغضب الواحد يفقد اعصابه وهو سبق وحذرها بدل المرة الف لاتستفزه لا تثير اعصابه
ومع انها حست وقتها بانها تجني على نفسها الا انها استمرت وتحدته وعادت الكلام من جديد كتاكيد وانه
واقع لا محال فعلى نفسها جنت براقش
مااقول اني مارحمتها وقطعت قلبي ( افرحو عندي قلب ) بس رحم الله امرء عرف قدر نفسه وهي الى الان
مو عارفه قدر نفسها ولا قدر غازي لانها تفكر بعواطفها بس صبرو عليها شوي متى مابدت تفكر بعقلها
وتتصرف بعقل وحكمه ودهاء هو الي بياخذ مكانها وهي الي بتاخذ مكانه وبتنقلب الايه وزي ماانتو عارفين
العذاب النفسي الي بطبقه عليه اشد وامر من الجسدي حسبي الله عليها
( غازي\قولي لها يومـــه.. كل شيء بحسابـــــه..)
لاتعتقدو لثانيه ان غازي بيعدي موضوع سقوطها وضربها بسهولة راح يبحث ويسال ويتحرى وحتى قص شعرها
ماراح ينسى لها اياه وراح يحاسبها فيه واظن انه بيقولها كيف تتصرفين بشي مو ملكك ههههههههه
وبيعاقبها على سواتها الشينه حتى ماتفكر تتهور وتعيدها مرة ثانيه : )
اما عقابها للجوئها لامه فهذا شي ثاني راح يبدع فيه خخخخخ
( غازي\يومه انا باغيب اكثر من عشر ايام لازم أشوفها..)
حراااام عليك ياغروووري الرجال من اولها عارف ان قلبه بيتعذب من الشوق وانت حتى نظرة حارمته منها
وبعد زدتيها عليه 12 يوم واسبوع يالهووووي >>>فيسي السراق
تدرون عاد كل هالحوسه والزحمه الي مسويتها هديل ليش ؟؟؟؟؟
لانه يعاملها ببرود وجفاء ومفكرة انه بيتركها ويروح ويخليها فقالت اتجاهله انا بعد ودائها بالتي كانت هي الداء
وصار الدواء مضاعف واكلت لها علقه محترمه ببرودها ومن ثم استفزازها له
( نست الملحق تماماً ولا بنيتها ترجع له مرة ثانية أبداً.)
لانها فقدت فيه الامان عرفت انها رغم حرصها وتقفيلها له بالكرسي قدر يدخل
فماعاد الملحق الامن الي كانت تتقاتل معه على النوم فيه رغم البرد والصقيع صار زيه زي اي غرفه بالقصر
( هديل\وعدتك أردلك الدين..وهذاني رديته..)
وه سلمت يمينك ياهدوله وعدتي ووفيتي ومااحتجتيني اذكرك *_^
ومن بين الكلام الي انقال قالت هالجمله ( الكلاب اللي تنتظر الفرصة عشان تنهشني.. )
واكيد تعني بها فيكتور لانه الى الان تعرض لها مرتين واحده تخمين ولسى ماتضحت والثانيه امس
( لما شافت أم غازي صرخت بيأس وألم..صرخت وهي تمد يدينها لها..هديل بألم\يـــــــــــومــــــــــــــــــــــه..)
يمكن لانها شافت فيها خلاصها او يمكن لانها تمنت هالوقت تشوف امها قبل موتها على يده فتخيلتها امها
الظرف الاسود اش ممكن يكون فيه هل يحوي اوراقها الرسميه او عقد النكاح وكل شي يخصها او ....... ووش موقعه من الاحداث
والي نازلين مدح بام غازي واشحلاتها ناسيين ان اسمها ام غازي ناسيين انها امه ومهما صار وكان لايمكن
عند الجد توقف معها ضده وحتى هي هدوله يوم لجات لها مارضت تتكلم معها او تساعدها انها تساعدها
( لان ثنتينهم يدرون باستحالة هذا الشيء ومدى صعوبته..أمــــه ومستحيل تصير امـــها.. بصـــفه وصعبه تنصـــفها..)
يعني لاتنصدمون وتشهقون من الصدمه لما يكمل غازي الباقي بمساعدة امه هذا غير كلامها
( أم غازي بغصة\اذا هذي سوات ولدي عسى ربي مايسامحني..)
فهل هي اساس معاناة هديل هل كل هالمعاناة لارضاءها وبامرها ؟؟!!!! مااظن هالشي يمكن هي دعت
هالدعوة لانه ولدها وهو الي معذبها
شوق هالبثرة ياليت بس طالب يمصع رقبتها ويخلصنا منها ياربي دمها شاي اسود ثقيل لاينشرب ولايتعدل
واحلى مابهالبارت الكفوف الي اكلتها غير لسعة غازيي لها بالسوط فديت قلبه فرحني فيها حيل
( شوق\متى ماتذكرتي انها السبب في ترملك وفي يتم ولدك علميني..)
يقولون خذو الحكمه من افواه المجانين ويمكن هي هنا قالت كلمه حق وهي ماتدري
( قلبي يوجعني عليها ماعدت اتحمل ظلمها.. )
يمكن تكون رشا بطبعها حنونه وقلبها رحيم بس اكيد سرها المخفي له علاقة بعدم تحملها اكثر لظلم
هديل ومعاناتها
راجح له نصيب من اسمه وفعلا عقله راجح وتصرفاته تدل على اشياء كثير اولا لما راح نادى غازي يساعدها
ماحيناديه الا لانه عارف انه زوجها والا كان نادى رشا او ام غازي او ماريا يساعدوها بالاضافه لكل الكلام الي
قاله غازي وامه ويدل على انها زوجته وله مطلق الحريه والصلاحيه بتعامله معها من دون اي تدخل
اضافه لاصراره انه يكلمها قبل سفرهم لانه يذكر كلامها له بانها جارية لغازي فحب انه يصحح لها معلوماتها
ويعلمها بالمخفي عنها
ونفس الشي اتوقع انه عارف سر رشا وانه سبق وقرا الاوراق الي مخبيتها بالسعوديه او عنده فكرة من مصدر
ثاني ويحاول ينغزها ويجرها بالكلام حتى تعترف من نفسها له بسرها الكبير وبكذا يثبت لنفسه قبلها انه
زوجها ومقرها وسكنها ومخبئ اسرارها وبعدها يقدرو يبدأو حياتهم على اساس سليم
( راجح\مو هي توئم هادي اللي قتل زوجك ويتم ولدك..؟؟)
السؤال هنا يتمحور حول هادي وزوجها وولدها ايهم هو الكذبه والي هي مستمره فيها
( وقفت وحطت الجديلة على السرير وهي تمسح دمعتها..)
مااظن ان هالجديله راح تبقى كثير بهالمكان
اعتقد والعلم عند الله ان غازي راح للملحق وشاف الجديله واخذها معه وراح تبقى ذكرى اضافيه
عنده غير الصورة المرسومه وغير وغير ........
قرار سفرهم ورجعتهم للسعودية اكيد كان موجود بس الاكيد اكثر انه تعجل بقرار من غازي حتى ترجع
هديل تحت عينه وتحت سيطرته وتحت جناحه مال احد قوة او ارادة عليها غيره هو بس
وطبعا راح يتاجل الحين بعد سواة غازي ومااظن لا راجح ولا ام غازي راح يرضو يسافرو ويخلوها بهالحاله
عبود وه يازينه وياملحه يهبل الا يزنن وش هالغيرة الي شابه فيه من صغره
ووووصاحب علي الي جاي لا يكون مالك و شافها على الطبيعه زي ماسمعها تتكلم على الطبيعه
( لن نراها الآن بل لاحقاً في عيون احدهم..)
ياويلك ياغرووري تخلي اي احد يوصفها غير غازي خل نشوفها بعينه مثل ماسبق وشفناها بعين طالب
بارت اليوم كان بروفه مصغرة للي بيصير لبعد قلبي بعد ماتهرب منه هديلوه
وه ياقلبي عليك بتتعذب وبتتعذب لما يطلع من عيونك حسبي الله عليها من هديل
يعافيك ربي صدووود بارت ولا اروع لاحرمنا ابداعك ونزف قلمك وروعة فكرك
|
11-09-11, 07:34 PM
جديد مواضيع قسم الارشيف
العرض العادي
