السلام عليكم ورحمة الله وبركاته ,,,
صباااح الخير والسروور على الجميع ...
اذا كنت متأخرة عليكم السمووحة ,,
اللي يسالوا عن موعد البارتز ,,
راح يكوون يوم الجمعة والاثنين على ها الوقت ..بعووون الله ..
استلمووو البارت..أتمنى يليق بذائقتكم ومقامكم ..
البارت السابع,,,
تسألين : كيف أعرف عنوانك؟!
كيف أجهله ؟
عنوانكِ حيث تأوي العصافير مجهدة تشقشق بعد رحلة نهار طويلة ..
عنوانكِ حيث تتفتح الورود في ربيع دائم بلا شتاء ولا صيف ولا خريف..
عنوانكِ حيث تؤوب الأمواج لتستريح من عناء المد والجذر..
عنوانكِ في تلك الغيمة البعيدة التي تزورها القمر خفية كيلا تغار الشمس..
وإلى عنوانكِ تصل قصائدي..
أما أنا لا أستطيع الوصول ..
وكيف أصل إليك؟
وأذني لا تسمع شقشقة العصافير..
و شذا الورود ضاع من ذاكرتي..
وعيني لا ترى الأمواج العائدة ..
والسماء لا تعرفني على غيومها..
كيف أصل إليك؟
وبيننا هذا العالم المحنّط المثلج .. يسد الطريق..
وبيننا هذا الآدمي الماكر.. يسد الطريق..
وبيننا القرون والعصور والأحقاب .. تسد الطريق..
عنوانكِ؟؟؟
من قال إني أعرف عنوانك؟!!!
المرحوم .باذن الله .غازي القصيبي ,,,
غازي\اسمك.
هديل بتحدي\هديل حسين الجاسم.
اول ما انهت كلامها..
ما انتبهت انه في لحظة بس رفع رجله وبكسها بجزمته بكل قوة على بطنها..
لحتى طارت وضرب ظهرها بالطاولة اللي وراها..
تحس بحرييقة تحرقها من جوة الللللللللم ماعمرها ماحست فيه..
لفت يدينها على بطنها وصدرها من الوجع وصارت تأن وتبكي بصوووت مكتوووم..
وقف وتوجه لها\حذرتك من التحدي وقلتلك اشتري سلامتك..احذري تراديني او تخالفي شوري يارسل
قفا عنها وراح يبي يطلع من المكتب بس سمع همسها له.
هديل\ه هدي هديل اس مي.
لف بجسمه عليها وكان ناوي يرجع لها بس تراجع وطلع من المكتب ..
هديل ظلت على الارض حاضنة نفسها..تحاول تخفف من الوجع اللي شاب في صدرها وبطنها..
موقادرة تتحمل الالم..تحس الدم بيطلع من فمها..تتلوى بشكل يقطع القلب وتئن بصووووت مخنووق..
حست بيدين تحاوطها وتحاول ترفعها عن الارض..صرخت برعب وانكمشت على نفسها..
هديل بوجع\لاااااا ابعد عني لاتلمسنييييييييي اااااااااه
....\بسم الله ماتخافي أنا فرح راح ساعدك توقفي
هديل سمعت صوت انثى وتطمنت انه مو غازي ..بس ماقدرت تكتم الالم
فرح\شوصار معك؟؟ شو وجعك؟؟
هديل تئن مو قادرة تتكلم الا با الهمس\با استفرغ مو قادرة اااااه
فرح\قومي معي تئبريني قومي راح اسندك ليكي فيه هون حمام
حاولت هديل توقف بس ارجولها مو شايلتها من الرجفة والضربة بظهرها مو مساعدتها ابدا..
هديل\مو قادرة اااااااه اااااااااااااه
فرح لفت يدينها حوالين خصر هديل ووقفتها سندتها حتى دورت المياه ووقفتها عند المغسلة..وظلت ماسكتها
بينما هديل حست روحها تطلع من شدة الحرقة اللي في بطنها..
هديل\اااه احس رو روحي ااااه بأموووووت يووومه تعاالي اااه
فرح\ماتخافي انا حدك انتي قوليلي من شو عم بتتوجعي وانا راح اتصل با الدكتور
هديل ماردت عليها ظلت تبكي وتتوجع ..ساعدتها تطلع من الحمام كانت راح تجلسها في المكتب..
بس هديل ترجتها تطلعها وماتتركها لوحدها..
هديل\لا ما ابي اظل هنا ما ابيييييي طلعيني ما ابي <<تعلقت فيها وهي تبكي بألم
فرح\طيب راح نطلع بس بدي اياكي ترتاحي شوي
هديل توقف وهي متمسكة فيها\لا ما ابييي اشوفه ما ابيييي طلعيييييني بيرجع يضربني ما ابييييي
فرح بارتباك\اوكى تعي معي ماتخافي
رفعت راسها للي جالس ورى هديل على مكتبه\عن ازنك استاز غازي
هديل طاحت على الارض من عرفت انه موجود وفرح تحاول تسندها..بس ارجولها ماقدرت تثبت من الخوف..
الحقير موجود هنا..وش يبي اكيد بيرجع يضربني..ما اقدر اتحمل الضرب لااا ما اقدر ..والله عورني بمووووت
من الالم..ابي اهرب منه ابي اهررررب..يومه وينك..
فرح\ياقلبي خوفتيني..استاز غازي البنت تعبانة كتييير..شو أعممل؟؟؟؟
غازي ماكانت له اي ردت فعل ..كان يراقب كل اللي صار وهو جالس على مكتبه..من اول مادخلت فرح
ووقت ما استفرغت هديل يسمعها وهي تتألم وتنادي أمها..وخوفها من رجوعه وضربه لها..
وقف واتجه لهم جلس على ركبه قدام هديل وهي لمت نفسها بيدينها..قرب منها رفع وجها بيده وناظرها بقووة..
غازي بصوت هادي\ماأبي اضربك او اوجعك..اللي صار اليوم لاتخليه يتكرر لمصلحتك..
اشتري سلامتك يارسل..احمي نفسك قد ماتقدري..لاتعانديني تخسرين الكثير..
هديل كانت الدموع عابثة بوجها وعيونها..الوجع اللي تحس فيه من جوه ظااهر على ملامحها المتألمة..
وقف ومد يده يبي يوقفها بس هي ضربتها وبعدته عنها..
غازي\فرح وديها ع السكن تبعها..
وقفت با الغصب وهي منحنية على قدام ومتمسكة بفرح بقوووة..ماتبي تظل معه..أو تشوفه..
طلعوا من المكتب وهو يراقبهم بغضب..
وصلت لسكنها سدحتها فرح على سريرها وغطتها من البرد اللي مجمد الغرفة..
فرح تناظر حواليها\ييه انتي عم بتنامي هون؟؟
هديل هزت راسها بوجع\ايه
فرح\راح شغل التدفئة المكان بارد كتيير
حاولت تشغلها بس كانت عطلانة..
فرح\راح خبر الاستاز غازي عن التدفئه مشان يصلحوها
هديل برعب\لااا لا تقوليله شيء ماله دخل
فرح\انتي كيفك هلا؟؟لساتك موجوعة اتصل با الدكتور؟
هديل بتعب\راح اكون بخير لاتشيلي هم راح انام
فرح تبتسم\اوكى انا لازم رووح هلا عندي شغل كتير..
هديل\الله معك.
طلعت فرح وقفلت الباب بعد ما اكد عليها غازي تقفله..اول ماسمعت هديل صوت المفتاح انهاارت
تبكي وتشهق من الوجع والخوف..والسجن اللي تعيش فيه..
ياويلك ياهديل هذي بدايتها مارحم ضعفك ولا غربتك..كان بيقطع احشائك كان بيذبحك بركلة منه
يااارب ماهقيت ان هذي بتكون معاملته..مو الضرب ياربي مو الضرب ما باتحمل الضرب
اااااااااااااااه يوبه تعااال ما اقدر اصبر عليه والله ما اقدر..هادي حبيبي تعااال بيذبحني..
ليتك قتلته هو وتركت اخووه ليتك قتلته بينتقم منك فيني بيذبحنيييييييييي..
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
جالسين با الصالة مسيطر عليهم الصمت والهدوووء البغييض القاتل..بعد ماكانت حياتهم يملئها الضجيج
والكلااام..صار الوضع ماايطااق..مابقى كلام ينقال..ومابقى احد يقوول الكلام او يسمعه..
كل واحد منهم عااايش بعاالم منفصل عن اللي حوله..كلهم يعيشون ذكرياتهم مع الراحلة..
يتذكروون سعادتها معهم ووجودها يتذكرون حياتهم معها..
اللي زعلها بيوم ياكل بنفسه من الندم ويتحسر..واللي ضحكها يتمنى رجوعها..
الموقف الاخير لكل شخص منهم معها يحز بخاطرهم موووت..
كيف كانت تودعنا وهي حاسة انها بتموت..كانت تبكي ونضحك عليها ونقوول خوافة بسبب الكابوس..
ودعتنا لاخر مرة بس حنا ماودعناها..
ياااه ياصغر كل هم وضيقة بكينا بسببها..وش اللي كان يزعلنا زمان ويبكينا..ليش كنا نضييق وهي معنا..
فعلا هذا الشعووور اللي يأكلنا بعد موت الغالين..
نتسأل ليش بكينا زمان وضقنا من الدنيا..كنا بخير وهم معنا ومبسووطين ..
بس كنا نحزن..والحين ياليتنا ماحزنا ولا بكينا في حياتنا وهم موجودين..
لأن الحزن الحقيقي نعيشه الحين بعد مافقدنااهم للأبد..الله يرحمهم..
من طوول سرحانهم ماحسوا با الشخص اللي توسط الصالة متعجب من سكونهم وعدم رؤيتهم له..
.....بصوت عالي\السلاااااااااااااااام عليكم يا مسرحيييييييييييييييييين
الكل تنبه لوجوده وشلتهم الصدمة مو مصدقين شوفتهم له..لانهم سلموا بمووته من زمان..
ام علي بصرخة ونحيييب\يومممه هااادي
هادي يركض لها ويلمها\ياااروح هادي وقلبه لبيييه يا الغالية لبييييه
ام علي تضمه بقوووة وتبكي بصوت عالي\ااااااااااه ياربي ياربي ياحبيبي ما الطفك واحنك ياااربي ياحبيبي
رجعته لي رجعتلي واحدن منهم ااااااه ياقلبي اااااه
غادة تضم هادي من ورااه\طوولت الغيبة ياهادي طولتها با الحييييييييييييييييل فقدناااك فقدنا ريحتك وشوفك
اااااااه يا اخوووي فقدنااااك
هادي يضم غادة وامه\صلوا على النبي هذاني رجعت والله رجعت علي يسلم عليه ويضمه\الحمدلله على سلامتك
هادي\الله يسلمك يا أبو عبدالله الله يسلمك
يضم محمد اللي واقف مصدوم من وجود هادي ودموعه تحكي الشيء الكثيييير..
سلم على جدته وحضنها\عسووووولة ياحبني لك والله اني حالمن فيك فدييتك يومه
الجده تمسح دموعها\توخرت يا ابوووي توخرت
هادي يضحك\لا ماتوخرت هذاني رجعتلكم والله انه اظناني الشووق يوومه
الجدة بحسرة وهي تشهق\ذبحنا يوومه والله ذبحنا
والتفت لأبوووه اللي جالس ومنكس راسه ..قام عنده وجلس عند ارجوله..
هادي بشووق\يوبه..يا أبوعلي ماودك تسلم علي ياتااج راسي.
ابوعلي رفع راسه ووجهه يحكي مرارت سواته وحزنه..
هادي يبووس ركبت ابووه\يا ابووي جعلني قبلك ليه الحزن ليييه؟؟هذاني رجعت وابشرك طلع العفو عني وعن سلمان
غازي بن جالي تنازل عنا يوبه وقبل الصلح..
ابوعلي غمض عيونه ونزلت دمعت قهر احرقت خده..
علي يبوس راس ابووه\شف ربي ما اكرمه يوبه ياخذ ويعطي..
توكل على الله يا الغالي واحتسب اجرك على الله..هذا حالنا جمييييع..
هادي\يوبه فديتك حالك ماهوعاجبني وش اللي مضايقك
أبوعلي يضم هادي بقووة ويبكي بقهر ..
كنت اشم ريحتك فيها كنت اضمها واتمقل بوجها كود اني اشووفك..كنت مشقيها وهي تبتسم من الحسرة علينا..
كيف هانت علي ابيعها كيف هانت علي اسلمها له..كيف قوى قلبي يختارك عليها..قايضتها بك..
مارجعتلي الا بعد ماخسرتها وخسرت روحي معاها..
هادي يمسح دموع ابووه\جعلني فدوة لدموعك وماطاك يوبه اذكر الله ليه وكل ها البكاء يا ابووي؟؟
ام علي وغادة ماوقفوا بكاء وحزن غرييب يسكن وجيهم..
هادي,,وش فيهم حالتهم ماهي مريحتني الحزن مرسووم على وجيهم الكائبة أحسها بجوهم..
المفرووض يفرحوون ويستبشروون دامني رجعت وصار العفو علي..بس حسرتهم تقتلني..
ليه احس بخوووف من معرفت حزنهم وضيقهم..
شاف علي يضم امه ويهديها ويذكرها بكلام الشيخ انه مايجووز اللي هي تسويه..
وغادة ضامه جدتها وتبكي عليها..فيهم شيء ايييه فيهم شيء..بس ما ابي اعرف وش فيهم ما ابي..
علي يجلس جنب هادي وابوه\كيف عرفت انه طلع عليكم العفو؟؟
هادي يناظر وهو يدور على شيء بس مايعرف وش يكون\جاني واحد يقول انه من طرف غازي ال جالي
وقال انه متنازل عنا ويبينا نرجع لأهلنا..
علي\كفووو الله يطول بعمره عز الله انه رجاال
الجده\عساها في ميزان حسناته يا ابووي
هادي\الله يكرمه ويوسع عليه وينيله مراده
الجميع عدا ابوعلي\آآآآآآآآآآمين
نظرات مصدوومة يناظرهم بها..لمن تدعوون بطولت العمر لمن تدعوون با الوسيعة والسعادة..
تدعوون له بعد سواته فينا تدعون له..حسبي الله ونعم الوكيل فيه..أدعوووا عليه الله ينتقم منه..
هذا اللي قهرنا وخذاها منا هذا اللي فرقنا عنها ودفناها معه..هذا اللي خذا بنتنا وحرمنا منها..
لا تستبشرون خير منه لا تأمنووونه هذا عقرب عقرررب..مايندرى وشهو مسوي فيها الحين..
هادي وقف مثل الملسووع\وينها؟؟!
الكل يناظره وهم عارفييين هو من يقصد..بس ما احد منهم عنده الجراءة يتكلم..
ظلوا ساكتين والدمووع مرسومه بعيونهم..
هادي\هديل وييين من جيت لاشفتها ولاحسيت فيها؟؟
الرد عليه كان الصممممممت..وشهقات ثقيلة من الموجودين..
هادي\وش فيكم ماتردوون..هديل وينها فيه؟؟
انهارت امه في حضن غادة..وسمع ااااه من قلب ابووه طالعة
هادي انصدم من ردت فعلهم الغريبةبصراااخ\وين هديييييييييييييييييييل ؟؟ليش ماتردوون وينها فييييه؟؟
علي قام مسك يد هادي يبي يجلسه بس هادي ابعده عنه بقووة وعصبية..
هادي بضيق\وينها؟؟ ردوووا علي وينها؟؟
علي بغصة\هديل الباقي وجه الله ماتت والبقاء براسك..
هادي انفجع من كلام اخوووه رفع يدينه وحطها على راسه\لا ..لا والله ماهو بصدق
صار يدوور بمكانه ويتنفس بصووت عالي ويردد ماهو بصدق..ليه تموت هديل ماتموت..وأنا من بقالي
مستحييييل ولدنا سوا لازم نموت سوا..ماذبحني في غيابي الا احساسي فيها وبحزنها..
لا هي حية مستحيل تموووت لوماتت كان حسيت فيها كان انقبض قلبي..يوووبه هديل وينها فيه؟؟وينها
جلس عند ارجول ابوه\يوبه وين هديل؟ هي ماماتت يوبه تكفى وش صار فيها
أبوعلي يمسح دموعه\كل من عليها فان..ماهوبمستحيل هديل ماتت والله يرحمها
هادي صرخ\ماتموووووووووووووووووووت والله انها ماتموووت والله
وقف وصار يصرخ عليهم\وش سويتوا فيها وش اللي ذبحها؟؟كيف قتلتوها؟
علي يمسك أخوه\هادي اذكر ربك هديل ماتت ولاتقدر تعترض على المووت
هادي يبكي بقهر\المفرووض أنا اللي امووت مو هي..أنا اللي ذبحت الرجال أنا اللي مسفووك دمه..
ليه يوم تاخذ جزاتي وتموت..من أنا راجعله..والله ما ذبحني الشووق الا لها..كم حلمت فيها
وتمنيت شوفها..هذي هديل تفهمووون هدييييل رووحي فيها..ليه خليتوها تموت لييييييييييييييييه؟..
غادة تضم اخوها وتبكي معه\راحت وخلتنا يا اخووي وهذا قضى ربي مايجووز اللي انت تسويه تراك تقهرها
هادي يشد شعره بقووة\وأنا ليه تقهرني ليييه..ياليتني ظليت محكووم با المووت ولا جيت..
دووم اتمنى ارجع واشوفها..ماعادلي من دونها حياة وش بقالي يا هديييل وش بقى؟؟
نادتنـي الغربه علـى الهـم والبيـن
احسّـب الأيـااااام روحـه وجيّـه
وفي كـل ليله ترتسـم بيـن رمشيـن
خيالهابيـن الـرمـوش الشقـيـه
غربة سنه فـي ذمتـي غربـة سنيـن
متى علـى الله يلتقـي الحـي حيـه
خلاص هانت مابقـى غيـر يومـيـن
خـلااااااااص قفّت غربـةٍ جرهديـه
ورجعت شوقي في خفوقي براكيـن
ورجعـت انـا كلـي لها جاذبـيـه
وسألت ما ردّوا وانا اصيح هي وين
وكلٍ نثر مـن داخـل العيـن مَيّـه
وفـي معمعـة حزني تلقيـت رمحيـن
قالـوا توفـت غافلتـهـا المنـيـه
وفـي غرغرتها ماذكرت غيرحرفيـن
تشهـدت بسـمـك شـفـاه البنـيـه
وتزاحمـت فـي داخلي ألـف سكـيـن
والحزن يطويـنـي ثمانيـن طـيّـه
صدمه وجابتنـي علىالارض نصفـيـن
وشلـون راحـت دون ذنـب وخطيـه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛
تناظر بماريا ولاهي بفاهمة منها كلمة لغتها غريبة علي مو انجليزية..ماريا جهزت الاكل لهديل وحطته على الطاولة
واشرت لهديل تقرب من الاكل وتفطر لانها راح تطلع معها..بامر من السيد..
هديل ابتسمت لها\شكرا
ماريا رجعت تتكلم بلغتها الغير مفهومة والسريعة..مدت يدها وسمت با الله..
يا ها الخبز غريب عندهم مو مثل خبزنا شربت شوي حليب بس حست بالم في بطنها..
هديل لمت يدها على بطنها بسرعة\
ااه الله ياخذك عورتني ياحقييير..اااه مو قادرة
ماريا قربت منها\هل انتي بخير؟
هديل تهز راسها وقامت تركض عشان تستفرغ وهي لا اكلت ولا شربت..جلست على السرير وهي ترجف..
أنا ميته ميته من الألم أو من الجووع..الله يحطها بميزاانك يا غازي الحقير..
طلعت مع ماريا والخوف مسيطر عليها..وش راح يسوي فيني لما يشوف العباية..الله يستر مايبط راسي..
عرفت الطريق اللي هم ماشين فيه نفس طريق المكتب..فتحت ماريا الباب وطلبت منها تدخل..
بس هديل تجمدت مكانها ماتبي تشوفه من يومين وهي تتالم بسببه وتوها ماتشافت ..لايكون بيضربني مرة ثانية..
ماريا\تفضلي
هديل هزت راسها با الرفض ورجعت على ورى تبي تهرب بس صدمت بشخص واقف وراها..
صرخت بخوف وتمسكت بماريا..
فرح تضحك\هههههههههههههههههه شو صاير لك روقي شوي..
هديل تنهدت براحة\مافيه شيء
فرح تمد يدها وتحطها على كتف هديل\كيفك هلا؟؟
هديل بخوف\الحمدلله صرت أحسن
فرح\ايه نشكر الله.يييه شوبيكي خايفة هييك
هديل بصدق\ما ابي ادخل جووه
فرح باستفهام\ليش مابدك الاستاز غازي طلبك؟؟
هديل\ايه طلبني بس ما ابي ادخل
فرح\لازم تفوتي لجوا وتعرفي شو بيريد..
هديل\انتي اساليه وش يبي مني وقوليلي ما ابي ادخل عنده
وصلهم صوته الحاد\مطووول وانا انتظركم؟؟
فرح توجهت للمكتب ودخلت بس هديل ظلت تناظره.. ومو راضية تدخل..
غازي يناظرها من فوق لتحت\تدخلي با الطيب أو با الغصب
قرب منها بس هي بعدت عنه ودخلت المكتب بسرعة توجهت لفرح ووقفت قريب منها..
بعد ماقفل الباب جلس على مكتبه وصار يتناقش مع فرح على بعض الاوراق..هديل واقفة وكانها غير موجودة..
مدام شغله مع فرح وش يبي مناديني..يااارب رحمتك شكله ماهو ناوي على الخير..
فرح\اوكى راح اتصل معهن وردلك خبر
غازي\لاتتاخري وقولي لحسام يحدد موعد الاجتماع باقرب وقت
فرح وهي تنسحب\اوكى عن ازنك
هديل لما شافت فرح تطلع وتقفل الباب حست ان روحها طلعت منها..تحركت تبي تطلع من المكتب..
غازي\وين؟؟
هديل ماردت عليه وقفت بمكانها وعينها على المكتب..
غازي\افسخي العباية وهاتيها..
ناظرته بصدمة وشهقت\لا
غازي\سوي اللي قلتلك قبل لايصير شيء تندمي عليه
هديل بهدوء\لا عباتي ماراح اتركها..مومضيقة عليك بشيء..الله بيغضب علي
غازي\ماراح تقدري تشتغلي با العباية
هديل\بلى اقدر
غازي وقف واتجه لها..بس هي بعدت بخطوات كبيرة..
غازي بسخرية\ما اقدر اوصل لعندك تصدقي؟؟..افسخي العباية
هديل بحدة\لااااا لا عباتي لا..الشغل راح اسوي اللي تامر عليه بس عباتي مالك شغل فيها
غازي مسك وجها بيده\ماترفعي صوتك بوجودي مفهوم..
ضربته على كتفه وبعدته عنها\ماراح اترك العباية ياحقير
غازي مسك عبايتها وشقها من الصدر وتحت..هديل شهقت بقووة وهي تلمها عليها بس هو سحبها با القوة من عليها
ورماها قطعتين على الارض..
هديل بكره\يا حقييير ياواطي..
قربت منه وضربته على كتفه وصدره كانت راح تضرب وجهه بس هو مسكها بقووة ولوى يدينها على ورى
غازي بعصبية\اذا رفعتي يدك مرة ثانية اكسرها لك
كان يهددها وهو يشد على يدها بقووة عشان تتالم ..وهي تشهق با الااااه
رماها على الكنبة بعد عنها ورجع مرة ثانية ورمى عليها المعطف..
غازي\هذا راح يسترك بدل العباية وبتعرفي تشتغلي فيه ..
هديل مسكت المعطف الاسود ولبسته بسرعة ماتبي تظل قدامه با البنطلون والتيشيرت..
غازي جلس على حافة مكتبه وعيونه عليها..
غازي\العمل اللي راح اكلفك فيه متعدد ..وتذكري تطيعين أوامري..عشان ما ازعل عليك.
هديل\وش العمل؟؟
غازي\راح اخذك معي الحين وتعرفين ويش العمل..بس أريد أوضحلك شيء أنتي مو راضية تفهميه
بس ناظريني با الأول..
هديل\أسمعك ماله داعي أناظرك
غازي بتهديد\رسل ناظريني..
هديل ماردت عليه ولارفعت راسها له..حست فيه يقرب منها
غازي بحدة\رسل لاتعانديني
سحبها من على الكنبة بقووة ورفع راسها له\لما أحكي معك تناظريني فاهمة
هديل\انت ماحكيت معي انت تحكي مع رسل
غازي\وأنتي رسل
هديل\غلطان أنا هديل مو رسل
غازي ابتسم\يبيلك ترويييض..
تركها وبعد عنها كم خطوة\كنت احسب انك راح تكوني مطييعة وما اتعب معك..بس شكلك موحابة السلامة
هديل\اللي تأمر فيه راح اسويه بس المقدوور عليه..وغيره لا
غازي\أنتي جارية عندي تنفذين كل شيء من دوون ماتفتحي فمك بكلمة..وانتي بيدك الاختيار تنفذين با الطيب
أو تنفذين با الغصب..وأنا ماعني مشكلة اللي أأمر فيه راح يصير با الحالتين.
هديل تبي تنهي النقاش معه\ممكن اعرف العمل اللي مكلفني فيه؟؟
غازي\تعالي.
طلع وهي مشت وراه..ويمر في بالها قسوته معها في المكتب ..يا الله ما أضخمه ما أوصل لكتفه ولا شوي..
كنت مثل الصفر عنده..وجع يوجعه يديني حسيتها بتنشل من شده عليها..ملعوووون الله حسيبك..
خرج من القصر وهي تتبعه كان الجو باارد مثل الايام اللي فاتت عليها هنا..انتبهت لملابسه الصوفية..
يعني طلع يحس عنده احسااس ويحس با البرد الحمدلله طلع بشري..وأنا مسكينة مامعي الا الملابس اللي ارسلها لي
بس الحمدلله المعطف هذا مدفييني بس كبير علي شوي ويوصل اصابع ارجولي وأكمامه لازم ارفعها شوي عشان تطلع يدي
أنتبهت على نفسها تمشي ولاقدامها أحد..ألتفتت حوالينها وشافته واقف باتجاه ثاني ويناظر فيها..
حست وجها طاايح وهي تمشي باتجاهه وصلت عنده..وسمعت اللي كانت تتوقعه
غازي بسخرية\وين مدرعمة؟؟ <<يعني وين رايحة
ماردت عليه مثل ماتوقع لانه انتبه عليها وهي تحاول ترفع أكمام معطفها وماهي منتبه هي وين تمشي..
مشى وهي وراه وتوجهوا لاسطبلات الخيل..كان يمر على كل حضيرة يتكلم مع العمال اللي فيها ويتطمن على
الخيول الموجودة..وهي تتبعه وتحس انها ماتقدر تتحمل وجودها بهذا المكان..
غازي\رسل تعالي هنا
سمعته بس جعلت نفسها مو سامعة وهي تتلفت حواليها تتفرج على الخيول..
غازي بحدة\بنت
هديل\نعم
غازي يدري انها سمعته لما نادى رسل\تعالي
قربت منه\نعم
غازي بخبث\ماتبين تتعرفين على شغلك؟؟
هديل بتردد\بلى بس مو هنا
غازي\ادخلي
هديل تناظر الفرس بخووف\لا والله ماأدخل
غازي وكأن الوضع أعجبه\قلت أدخلي
هديل ترجع كم خطوة وتوها تبي تركض عشان تهرب بس غازي مسكها وهو مبسوووط على اللي يصير..
غازي يمشيها قدامه\هذا شغلك راح يكون اليوم بها الحضيرة
دخل وهو ماسكها كانت تتلوى من يدينه تبي تطلع بس ماقدرت..
هديل\لاااا ما اعرف للخيول والله العظيم ما اعرف لها ولا بحياتي قربت من الخيل والله العظيم والله أتركني
غازي\بسيطة تتعلمي
هديل دفته عنها وسحبت نفسها منه\ما أبى مالي دخل والله ما المسها>>كانت تتكلم بخووف ومو منتبهه لنظراته لها
غازي\ماله داعي الخوف العمال راح يساعدونك ويعلمونك كيف تتصرفي معها
هديل\عمال؟؟
غازي\ايه العمال عمال المزرعة
هديل بعصبية\تبيني أشتغل مع عماااال أنت مجنوووون مو بصاااحي..أنا ابي اشتغل با البيت با المطبخ بأي مكااان
بس مو هنا مو مع عمااال ..
غازي بغضب\لاترفعي صوتك..هذا شغلك وأنا اللي أقرر مكان عملك..اليوم هنا بكره في الحقل
هديل\ما بأشتغل هنا
بس غازي طنشها وخرج من الحضيرة وسكر الباب..وهو يسمعها تصارخ وتسبه..
هديل\لااا افتح الباب ما ابي اظل هنا ما اقدر ما اعرف والله ما اعرف
غازي يناظرها\اذا ظليتي تصارخين راح تثور الفرس عليك..اهجدي
هديل بخوف\ما أعرف وش تبيني أسوي فيها ؟؟ما اعرف لها والله طلعنيييي
غازي يكلم واحد من العمال اللي قرب منهم بعد ماسمع صراخ هديل..
غازي\أنا رايح ألحين بس راح أمر بعد الظهر وأشووف الحضيرة مرتبة والفرس نظيفة..
هديل شهقت\تروووح وتخليني هنا افتح الباااب افتحه
تركها غازي وطلع من الاسطبلات..
ظلت تناظر با الفرس بخووف وكل ماشافت الفرس تتحرك صرخت وتمسكت با الخشب..
....\لا تقلقي لن تؤذيك
هديل خافت أكثر من الرجال الواقف عند باب الحضيرة شافته يفتح الباب يدخل ويسكره وراه
هديل\اخرررررررج
...\لماذا أنتي خائفة؟؟سأعلمك كيف تنظفي الحضيرة والفرس
هديل فهمت عليه بس ماتبيه يكون قريب منها\اخرررج لا اريد مساعدتك
....\اسمي هو ماكسميليو ناديني ماكس لاتخافي ايتها الصغيرة
هديل\عليك اللعنة انت والحقير>>قالتها با العربي وماكس مافهم عليها
ماكس\لم أفهم ماقلتي
هديل\أريد الخروج من هنا.
ماكس\أسف لا استطيع السماح لك با الخروج..يجب أن تنهي عملك أولا
هديل وهي تبكي\لا أعرف شيء عن الخيوول
ماكس بحنية\سأساعدك كفي عن البكاء.
غازي بعصبية\ماكس اخرج..
لاتحرموني أرااائكم فهي تهمني...
الى الملتقى باذن الله تعالى يوم الاثنين بنفس الوقت ,,
احترامي..
صدووود ’’’
14-05-11, 12:01 AM
جديد مواضيع قسم الارشيف
العرض العادي
