السلام عليكم و رحمة الله و بركاته

صباح الخير و الرضا من الرحمن

أول شيء تسلم يمينج على هالابداع

ثاني شيء ألف شكر على هالاهداء << فرحت فيه حيل حيل

و بعد تشيحطت على أمي فيه <<

ثالث شيء اعتذر عن قلة ردودي بس العذر << الصمت في حرم الجمال جمال

===========================
(( هديل ))

يالله يا كبر القوة الموجودة في هالبنت و لا وحدة غيرها مرت باللي هي فيه

ممكن كان طلعت روحها بس هديل على كثر لحظات الضعف اللي مرت فيها

مازالت قوتها موجودة و ايمانها بالله كبير انها بيوم راح تشوف اهلها ,,, أمـــا

استسلامها لغازي فــ المسكينة مالاقت صدر حنون غيره ما لقت أحد يتحمل

دموعها و شكواها بصوت عالي غيره ,,بس الأكيد انها هالحالة وليدة اللحظة

بس يعني مجرد ما ترد قوتها راح ترد هديل اللي تكره غازي ...

==========================
(( غازي ))

الحنوون القاسي شخصية مركبة اللحين مازلت شخصيته يلفها الغموض ما

عرفنا هو شنو غايته من كل اللي يسويه لهديل ,, مجرد انه من وقت لثاني

يقط كلمة تبين أنه هديل أبد مو إنسانة عادية بحياته لا بالعكس هي شيء

كبير بالنسبة له و حبها موجود داخلة بس للأسف غروره و انتقامه عاميه عن

هالحب لا يعيشه بكل لحظاته ...

" كل عام و أنتي بخير يا اطهر ذنوبي " هذا اعتراف بلسانه انه اللي يسويه

لهديل ذنب كبير بس مازال مصر عليه لغاية في نفسه و هذا اللي نبي نعرفه

و لا ترا يا دودو الفضول بيذبحنا

==========================
(( راجح و رشا ))

راجح يعني هو كان مخلي رشا على راحتها وقت طويل لدرجة يمكن نست

أنها متزوجة و مازالت ارملة و تحت جناح اخوها و جاي اللحين يبيها ترضى

تبقى معاه أكيد الوضع بيكون صعب عليها شوي ,, أنا مو مع رشا بأنها تترك

زوجها و تعيش عند اخوها بس كان الغلط من الأول على راجح ,, بس الواضح

انه رشا مصيرها بترضى لانه راجح نسخه من غازي اللي إذا بغى شيء لازم

يأخذه ,, فهي اختصرت على نفسها طريق طويل من العتب و الهواش ...

===========================
(( طالب و شوكة ))

هذيل الاثنين حالتهم حالة كل واحد بيقهر الثاني و للأسف انهم مو فاهمين

بعض و هذا اللي هو شيء اساسي بأي حياة في بدايتها ,, بس الواضح

أن شوكة تحب طالب و كل اللي تسويه مجرد ردة فعل على شيء بنفسها

و طالب مستانس على هالشيء و كان زعل شوكة كل شوي عاجبه ,, اللي

راح عن بال شوكة ان الرجال إذا تكرر على مسمعه انه زوجته تبي الطلاق أو

تبي تخلعه فهذا راح يسهل على الرجال المهمة و مثل ما هان عليها بتهون

عليه و الظاهر انه هذا اللي صار بين طالب اللي هانت عليه شوكة مثل ما هان

عليها طالب طول الوقت ...


===============================

صدووود

بانتظارج يا غلاتي

..
..
..

السلام عليكم
البارت الييييييييييييييييييييييييييم على هالاكشنات
ما شاء الله البنات ما خلوا شي الا وكتبوه فا ماعندي شي اكتبه بس بغيت اقولك كل عام وانتي بخير
ولكن حب الاستطلاع ما خلاني (اللقافه) ايش مكتوب ورى الصوره حقت شوق ؟؟؟؟؟؟؟
وفي شي ثاني .......... كأني قاريه ان قمم الاعالي يبي شوق ؟؟؟؟؟
ياخوي اذا تبيها خذها وبدال ما تعطيها المهر حنا بنعطيك المهر عليك بالعافيه فيها بس فكنا منها
واختي غرام الكادي كاتبه ان ممكن هادي يتزوج شوق للمعلوميه اختي
هادي وهديل اصغر من شوق (اظن ان صدوود قالت لي)
ويعطيك العافيه اختي صدوود ولا تتعبين نفسك متى مالقيتي الوقت مناسب لك حنا قريبين وننتظر في اي وقت
والسلام عليكم

:ekS05142:

صبحكم الله بالخييير ""وتقبــــل الله منا ومنكم صالــــــح الاعمـــال
بالنسبه للبارت حددده مووو صج !!رووووعه وابدعتي يا مبدعه
قرييته من آيفون اختي"" اللاب خرب علي من قرااادة حظي"
ما راح ازيد على اللي كاتبينه البنات
بس اتوقع قرب الوقت اللي راح تكشف هدووله انها زووجة غازي ؛؛اصلا هو قاعد يحاول يخليها تتقرب له من نفسها ويبيها تحبه من نفسها":, يعني عشان تسهل علييه كشف الحقييقه
بس ما اتوقع تحبه قبل ما تعرف انه زوجها يعني تعرفيين يزيد الكره اكثر واكثر واحس انها تحاول الانتحار وتصير مواقف بينهم
وظرب مظارب بعديين يبدأ LOVe TiMe خخخخخ
اللـــه يسعدج مبدعتي ,.:بس بغييت اسأل الله لا يهيينج الرواايه راح تمتد لبعد رمضان عدل,,يعني هل راح تخلص قبل المدرسه ولا بداية المدرسه ..تعرفيين انا طالـــبه وآخر سنه لي وامي تبي تاخذ الايباد مالي وموصيه خواتي من تبدأ المدرسه ما يعطوني لابتوب فبغيت اعرف الوقت عشان اتمصلح عند امي تمدلي المده يعني شهر او آخذ اللاب كل اثنين وجمعه والحمدالله ان الجمعه عطله عندنا هع
وحياتي صدوود ما عليييج مننا اهم شي ترضين ربج بشهر رمضان يعني مو شرط تضغطيين على نفسج علشانا ",,ولو ما تنزلين اي بارت برمضان عادي بنصبر وننطرج بعده انشالله >>>الحيين بيكفخوني البنات خخخ
صج ما راح نستحمل غيابج بس تعرفيين رمضان مايجي الا مره وحده بالسنه وما ندري هل راح نكون موجودين رمضان الجاي ولا لأ ...وانا ما اقول الكلام هذا الا اني احبج في الله >>>شكلي صج بموت
صدوودتــي :,علمت بنات خالتي عن روايتج ووصيتهم يقرونها اصلا ما عندي شغل اي واحد يحب قراية الروايات انصحه بروايتج ،،افا علييج بس
والله لو الود ودي تصير مسلسل ينعرض بالتلفزيون عشان الكل يتابع ابداعــــاتج">> ونااسه جان زين


،،،اخذي راااحتج قلببووو وتقبل الله منا ومنكي صالـــح الاعمال

تحيـــــاتي:,MiSs ROoZy

صباح الخيرات صدودة .............ومبارك عليك الشهر ........... احسن قرار والله انك بتوقفيها برمضان اريح لك وعلشان نعطي كل بارت حقه في التعليق لانو برمضان ماراح نلتزم بأوقات تنزيل البارتات والتعليق عليها نجي للبارت



غازي وهديل

غازي ماادري كيف يفكر يعني من دون شي البنت مومرتاحة معاه وموطايقته يقوم يكمل عليها ويوجعها بعيد الميلاد الي مثل وجهه هو شاف حالتها يوم العيد كل ماتذكرت اهلها وانها بعيدة عنهم يقوم يزيدها عليها حرااااااااام عليه كل هالتعذيب ............

بدل ماهو جايب له خمة من الشارع تحتفل معاه على تدمير نفسية البنت كان انثبر مكانه بلا تقليب مواجع ........هو عارف انو مهما سوى هديل ماراح تشكره ولا تمدحه على الي يسويه طالما هي ماتعرف انو زوجها وطول ماهو حارمها من اهلها وهو مستمتع بقربهم ..............

كل مرة تكرر عليه انو امنيتها تبعد عنه وعن حياته حتى لو بالموت الي مايقدر يمنعه لاعنه ولا عنها وبيجي يوم وبيتذكر كل امنياتها وبيندم على ايام المرار الي عيشها فيه علشان تفكيره المريض


دام هو يحبها ويعزها ليه مايغير اسلوبه كافي سنة حارق فيها قلبها ومعيشها بدموع .......... يتخيلها بنته رجعت للحياة هل بيقدر يشوف هالالام والدموع والحسرة وهو قادر يفرحها لو لحظة بعمرها

كل الي يسويه من اشياء مادية تافهة ماتساوي نظرة ولحظة تعيشها مع اهلها ......... كيف يبغيها تلجئ له وتعتبره شي بحياتها وهو اسلوبه كله غلط بغلط ............

يخبرها بالحقيقة دام الوقت مافات ويصلح غلطته ويتنازل عن غروره العمر يركض وهو يبغي قرب هديل خلاص كافي الي راح بحزن ودموع ويخبرها كل الحقيقة ويتفق مع ابوها ويخليه يخبر اهلها واخوانها الحقيقة على الاقل تكلمهم تسمع صوتهم مو لازم يرجعها تشوفهم الين هو من حاله يخاف ربه في هالمساكين ويخليهم يلتقون من جديد


اخوه مات وذابت عظامه والي يسويه لابيرجعه ولا بينفعه بقبره وحتى زوجته تزوجت وبيجي اليوم الي بتجيب عيال لولدها والدنيا تمشي ماتوقف الى متى تفكيره المريض بيضيع عليه لحظات المفروض تكون من احلى اللحظات


دامه عشقها ويبغي قربها بطريقته الي يسويها ماراح ينول السعادة الي يبغيها ولا هديل بتبادله عشقه الي يحمله لها وكل هالشي من صنع ايده وافكاره



رشا وراجح


رشا يعني الى متى تبغي اخوانها يحملون مسؤليتها هم بعد لهم حياتهم الخاصة يبغون يكونون بيوت واسرة ودامها تزوجت واحد ماعنده زوجة غيرها تحمد ربها وترضى بنصيبها وخلاص ولدها يبغي ابو يعوضه عن ابوه وراجح رجال ماينعاب


وشروطها موصحيحة ولا في اي دين ولا شرع يجبر راجح انو يتنازل عن حقوقه الزوجية خلاص مصختها تركها سنتين تسرح وتمرح على كيفها الحين جاء دور انها تستقر وتعيش مع زوجها وتكف بلاها عن بنت الناس وجعل راجح يطلع الي سوته بهديل من عيونها


طالب وشوكة

والله زين يسوي فيها طالب مين مفكرة حالها علشان ماتنعاف لوعت كبد الرجال ماادري على ايش شايفة حالها هالمغرورة جعل ربي يحرق قلبها مثل ماسوت بهديل ولسى ماشافت شي من القهر خلي غويزي يرجع مع هديل وطالب بيعرف هديل من عيونها اذا ماشاف وجهها وبنشوف ساعتها اذا تكلم معاها عن زواج او حتى اهتم فيها وهي الي جابته لحالها مو هي تبغي الطلاق او الخلع خلاص تجربه عن حق وحقيق

وخلي غرورها ينفعها اتمنى يبرد حرتي فيها طالب ويحطمها ويدمرها مالت عليها هي واخوها المتوحش


في انتظارك ياعسل بعد رمضان اذا الله كتب لنا عمر