صباح الورد والفل

مرحبا اختي صدود روايتك مبين رائعه وقمة الحماااااس
شوفي بصراحه انا حاليا بالبارت الثامن لكن من عجلتي عشان اعرف الاحداث مشيت
بالبارتات الجديده مع غازي وهديل بس ولي رجعه مع الباقيين بس قهر شيصبرني انتظر
بارتين بالاسبوع انا قريتها من منتدى ثاني تنزلها فيه رسو ومعزوفة حنين وعلى بالي
انها منتهيه اتفاجا بانها لسى لكن عموما كسبت اني اشارك معكم واعيش الحماس
على ايدينك

ندخل في الابطال ٍ:

بصراحه على قد مااني راحمه هديل وقلبي معها الا اني معجبه جدا بغازي
يمكن اكون الوحيده الي معجبه فيه بس لاني شايفه فيه شي لسى ماظهر او لاني
احب الابطال القشر الشريرين خارجيا الحنونين الطيبين داخليا

اعتقد انه انسان جدا طيب والظروف حدته لهالقشارة وقتل اخوه كان القشه الي قصمت
ظهر البعير

شوفي هو بالماضي كان دكتور والان ترك الطب ليييييه الا انه يااما مات تحت يده انسان يحبه
موووووت او غالي عليه او انه وقع على علاج جديد لحياة غاليه و تسبب له بضرر
فشاف في نفسه انه مو كفو لعلاج الاخرين


قريبته جمانه مااظنها اخته يمكن خطيبته او مسمية له وهو مايبيها بس لازقه بظهره وفكر انه يستفيد
منها دامها عله عليه بانه يثير غيرة هديل عليه دامه مايقدر يصارحها بحبه بشكل طبيعي
العنب الي احرقه وبماانه كان يباع من مزارعه ويتحول لخمر وكان متردد بنزعه والي شجعه وخلاه يقرر
بسرعه حالة السكر الي عانت منها هديل فاتوقع بيزرع مكانه او يبني مكانه شي يفيد الاسلام
والمسلمين بس شنو الاجابه عندك ٍ.....

اظنه تعرض لخيانه مو متوقعه هي الي هزته من جوه وخلته بهالشكل لانه بالبدايه كان يستلذ
بستعذيب هديل مع شوي تانيب ضمير من اشارات بالوجه او حالات غضب فجائيه لكن بعددين
لاحظ تربية هديل الصحيحه ومقاومتها لكل مايخالف اراءها ومعتقداتها وهالشي هو الي حببه
فيها غصبا عنه


الدمعه الي نزلت منها عشانه بيجيب اهله وهي محرومه من اهلها وهو بيحس بوجع وغيرة لانه بيتمنى
انها نزلت منها عشانه مسافر وبتشتاق له زي ماهو مشتاق لها

والحين هو بين نارين حبه وانتقامه : شلون يتزوج اخت ولا تؤم قاتل اخوه او قلبه وانسانه كل
الي شافه منها يعلقه فيها اكثر

لسى ماخلصت من غازي بس مخليه الباقي للبارتات الجايه وهديل بعد لها نصيب واكيد بالاخير بتتبع
قاعدة الحرب خدعه وان كانت بتكتشف بالاخير انها تحارب نفسها وبس
الابطال عندك صدود عايشين حرب مع نفسهم قبل مع غيرهم صراعات كثيره وحماس اكثر

فيكتور مادري احس انه يقرب لغازي بشكل من الاشكال حتى لو كان بشكل غير شرعي
او المفروض له نصيب من الورث وتكون المزرعه هي النصيب المفترض
لانه طريقة تعامله مع غازي مو طريقة تعامل مزارع مع رئيسه

وبيلاحظ شدة اهتمام غازي بهديل .............. ببالي اشياء كثير بس حابه اوصلكم وامشي بعدها معكم مزبوط


وبصراحه اخاف اني اصيب بشي واحرق عليك افكارك وانا مااعرف طريقتك لاني كنت ارد على
كاتبه ومااعجبها طرحي لبعض النقاط بردودي لمستقبل الابطال

منتظرينك بكرة بكل الحماس واتمنى تتقبليني قارئه ومتابعه لك

اهلين اخت صدوووود

ادري داخله عليك بقوة بس كله منك روايتك حمااااس وانا اعيد وازيد
بقراءتها لعلي استشف شي فيها

الحين رجعت بالصدفه للبدايه مع اني احوس فيها المهم لاحظت اننا
الان نعيش ماضي الابطال باربع سنين لان بالمقدمه قلتي من خمس
سنوات وبعدها بسنه التقى غازي بهديل ف(ٍ الحين عيوني مبققه )
يعني المسكينه عاشت وضعها 5سنين هذ غير الي حاسني
شكلها ادعت موتها او صار لها حادث افقدها الذاكرة والارجح انها خطه
منها بموتها وعيشته العذاب عليها وعلى فراقها

فياويلها منه الي شفناه منه الى الان ماهو شي جنب الي بتشوفه
بعدين من جد بيوريها العيون الحمراء

احيييييه اهربي على قد ماتقدري بس فيه شي اذا هي اضافها لاسمه
سواء كجاريه او زوجه مين الشخص الثاني الي معها هل بيكون ابن لها
منه او شخص لسى ماطلع وبيساعدها عليه لحبه لها
كلي حماس لروايتك ولردك على اسئلتي

على فكرة انا اقرا روايتك بمنتدى ثاني وارد عليك هنا وهناك
فماعندي فكرة عن الردود السابقه وهل انسالتي هالاسئله ولالا ٍ؟؟؟