أسرار جمالي من على تسريحتي

بداية نبدأ مع الشعر ....



الفرشاة هذه من أروع أروع أروع مايمكن ...

هي فرشاة من بودي شوب .....

لها عندي أكثر من ست سنوات ولا سنة من أسنانها طاحت ..

وممتازة جدا فوق ماتتخيلوا للشعر الطويل تفك التشابك بسرعة ولاتعذب بالتمشيط

طبعا أنا عندي منها وأختي وحريم اخواني كلهم و كم واحدة من بنات عمي اللي أنا متأكدة منهم ...

الفرشاة تغير شكلها ألحين يعني ماحتلاقوها بنفس الشكل لكن بنفس الجودة

سعرها تقريبا ولو ماخانتني ذاكرتي 55 ريال لكن أبدا ماراح تندمي على هالسعر وبالعكس حتحسي إنه رخيصه .....



أول شيء الزيت هو زيت ..دابر فاتيكا بزبت الزيتون والصبار والليمون ...

الزيت ممتاز جدا للشعر التالف يعني أنا عن نفسي لما بحس شعري تعب من الإستشوار والعناية اليومية وأطرافه تلفت أستخدمه مرتين ويرجع زي أول

الزيت جدا رخيص اشتريته من الصيدلية بتقريبا 14 ريال أو أقل

الثاني هو جل الموية للشعر طبعا النوع مو مرة لكن الفكرة جدا ممتاز للإستخدام يعني لو تحبي تستخدميه قبل لفافات الشعر وزي كذا بيعطيكي تأثير روعة وكأنه طبيعي لكن ماتخرب التسريحة بسرعة ..



رغوة ومثبت الشعر من ويلا بصراحة حلوين جدا ورخيصين مايتجاوز كل واحد منهم 25 ريال طبعا هذا قبل الغلا ماأدري ألحين لو صار أغلى

نرجع الآن مع البشرة ...

بداية نبدا مع بيزيلين ...

بصراحة منتجات بيزيلين رووووووووووووعة فوق ماتتخيلوا ...

هي من المنتجات اللي لما تستخدميها بتحسي بفرق روووعة بالبشرة من أول استخدام وبدون مبالغة أنا بنصح باستخدام كل منتجاتهم ..

مع ذلك ماتعتبر منتجاتهم رخيصة لكنها تستاهل سعرها ...

بداية مع سنفرة الأكسجين ...

هذه السنفرة رووووووووووووووووووووووعة جدا ..

لما استخدمها بحس ببشرتي تصفى مباشرة وفرق كبير قبل وبعد ...

جدا أنصح فيها ... لكن نصيحتي الوحيدة إنها قاسية على البشرة

يعني اللي بشرتها حساسة لا تستخدمها لأنها ممكن تأثر عليها ....

الثانية هو منتج اكتشفته من فترة قصيرة ..(قناع مفتح لمدار العين )

استخدمته روعة وفرق صراحة لكن مشكلته كمشكلة كل المنتجات إنه لازم الإستمرار والمتابعة في الإستخدام ..

المنتجين بهذه الأغلفة بسعر 8 ريال لكل واحدة وهي موجودة بالصيدليات




الحين مع لوريال ...

بصراحة لوريال هي من المنتجات اللي أنا بثق فيها جدا ..

يعني ماعمري شريت منتج وخذلني ...

لو تلاحظوا لما تفتحوا المجلات دائم ينصحوا بمنتجات من عندهم وبيبني وبينكم ماعمري شفتهم نصحوا بأولاي وإلا منتجات رخيصة زيها ...

طبعا لوريال مايتعبر غالي ولارخيص يعني مابين وبين ...

بداية مع المنتج الطويل ولونه أبيض هو من مجموعة وايت بيرفيكت ..

يعتبر المنتج تونيك للبشرة أنا بستخدمه بعد الحمام أو بعد مأاشيل المكياج او الصباح قبل الكريم ...

روعة بصراحة لما تكون بشرتي مشدودة بعد الحمام بحسها ترتاح جدا بنصح فيه ...

هو تقريبا سعر 33 ريال

المنتج الي جنبه كريم لإزالة المكياج وتنظيف البشرة هو منتج حلو لتنظيف البشرة عن نفسي لما أتسخدم مناديل إزالة المكياج لازم أستخدمه بعده علشان ينظف البشرة مضبوط ...

سعره كمان 33 ريال أو حولها

المنتجات اللي تحت

اللي على اليمين برضوا من منتجات وايت بيرفكت بصراحة رووووعة ومرة خطير من ثاني استخدام تحسي فرق كبر بالبشرة ولو تركتيه كم يوم تبهت البشرة على طول

سعره حوالي 65 ريال

اللي جنبه كريم ليلي برضوا من مجموعة وايت بيرفكت

نصيحتي لكي حطي منه كميه كبيرة ونامي ولما تصحي الصباح حتتفاجأي من الفرق اللي بيسويه بالبشرة من جد رووووووووعة

سعره تقريبا 65 ريال كمان أو بها الحدود



آآخر منتجات البشرة هو منتج رخيص ورااااائع

جرجنز منعم للبشرة

طبعا جرجنز كانت أول مرررة وووووووووووووووع كانت أمي اللي يخليها تشتري منه وكانت معدتي تقلب من ريحته

لكن بصراحة الشركة طورت نفسها مرة وصار هالمنتج رااائع وأنصح الكل يستخدمه

عن نفسي جربت فازلين وكنت أحبه لكنه ألحين صار مو زي أول وانتقلت لها المنتج ونصحت كل اللي حوالي يشتروا منه

تقريبا منعم البشرة هو الأفضل بين هالمجموعة لكن من جد خطييييييييييييير لازم تجربوه وتدعوا لي

تقريبا سعر العلبة الكبيرة 20 ريال

العلبة الصغيرة ب 8 ريال ...

انتهينا مع منتجات العناية بالبشرة

نرجع من منتجات المكياج .....



طبع هالمجموعة من بودي شوب

هي أروع مما تتخيلوا ...

المجموعة لها عندي 7 سنوات وللآن وكأن الفرشاة جديدة مع إن يدها واضح إنه أكل عليها الدهر وشرب لكن من جد بالإستخدام رووووووووووووووووعة فوق ماتتخيلوا ...

الكبيرة مرة هي للبودرة بعد كريم الأساس ...

اللي أصغر منها هي لبودرة الخدود ....

الإثنين الصغار للعين

طبعا المجموعة كبيرة لكن هذه اللي عندي أنا ومن جد لو تشتروها ماحتتندموا

بصدق أنا جربت تبع مكياجي وأختي كمان لكن مالها داعي ..

إنتي ممكن تروحي المحل وتمسكيها بيدك وتشوفي ملمسها الراائع وصدقيني حتشتريها على طوووول خخخخ





والحين جينا على أروع منتج واللي أنا أعشقه مووووووووووووووووووت

طبعا عن نفسي لو تموتيني ماراح أشتري غير كريم الأساس من ديور ....

هالمنتج رغم إنه ماهو موجود عندي بمدينتي إلا إني بوصي عليه من برة من الرياض أو أشتريه من جده ...

كريم الأساس إسمه ناتشورال هو تقريبا للبشرة الخالية من العيوب والبثور ...

لما تحطي الكريم بتحسي كأن البشرة ماعليها كريم أساس وطبيعية جدا ورااائعة ...

طبعا هالكريم طورته الشركة من آخر مرة شريته فيها ...

ميزته إنه مايحتاج بودرة كثير علشان تثبتيه على البشرة

وبكذا ماحتكون بشرتك متكتلة من البودرة ....

والبودرة اللي جنبها أكيد كمان من ديور ..لأنها تتوافق معاها بالنسبة لي طبعا وهي كمان بجمال كريم الأساس ..

المنتجين غالية جدا لكن بالنسبة لي تستاهل سعرها

كل منتج منهم بسعر 250 ريال أو حواليها ...

طبعا ديور عندها ماسكارا وهي ديور شادو روووعة انا جربتها اول بصراحة أنصح فيها لكن بعدين مالقيتها وشريت واحدة ثانية وللآن ماشريتها

هذه صورتها طبعا من النت ...




وطبعا هو سعره تقريبا بنفس سعر كريم الأساس 250 ريال لو ماخانتني ذاكرتي لو تبين تشترينه تحسبي حسابك على هالسعر لكن مو أغلى من كذا ...

وأخيييييييييييييييييييرا شاف هالموضوع النور ولله الحمد

لي تقريبا شهر ونص وأنا أبي أنزله لكن الكسل عامل عمايله

أول شيء ابشكر زوزو الزائرة على المساعدة في التصميم الرئيسي تسلمي لي يارب

اللي بتشوف التصميم ترا أنا سويت التصميم العام وزوزو هي اللي ضبطته من الخط والتأثير يعني باختصار هي اللي طلعته حلو

تسلمين زوزو موووووووووووووووووووووواه

أنا أعتذر عن الهذرة الطويلة لكن صدقوني لأني أحبكم ودي أشارككم المنتجات الرائعة اللي بستخدمها

يمكن تحسوا إني بالغت لكن بصدق مابالغت بوصف ولا منتج والدليل إني ماحطيت لكم نوع الأظلال اللي بستخدمها ولا الماسكارا اللي الآن بستخدمها ومع الأسف هي غالية جدا لكن مو حلوة <<فيس مو عاجبته ...

عموما أتمنى تشاركوا بالموضوع ولاتخلوني أخليه توريطات وتتوهقون <<فيس نذل هههههاي

أوووف تعبت من الكلام

تحياتي ياحلوات وأتمنى تشاركوا معانا ..^^