يسعد مسآكـ يالغاليه

وتسعد حياتك من اولها لتاليها


برافووووووو هواجس
هالعايله ما تجي غير بالعين الحمرا
كان بالمره كسرتي عضامها :)

ولو اني متأكده سوسن موب مخليتك بلحالك
يعني الله يعين ع الجاي


سلمت يمينك يالغاليه على كل حرف كتبتيه

بانتظارك

..

نسيت شغله
هالحين انتهت السالفه كذا
بمجرد اخت طارق قالت هي اللي دخلت الجاكيت بغرفه هواجس
والاسواره والروج
توقعت الموضوع يثير بلبله أكثر من كذا

يعني بالغلط الجاكيت موجود بالغرفه اتوقع الاسواره مو بالغلط
يعني الموضوع كبير..صعب ينتهي كذا

..

صباح الخير ........رواية جميلة جدا جدا ومميزة ايضا رغم انو الفكرة كثير مرت علينا بس مع ذلك اسلوبك وطريقة طرحك لها جدا جميلة .......طريقة حياكتك للاحداث والانتقال من حدث لحدث حلو كثير بس عيب البارتات جدا جدا قصيرة مايمدي ندخل جو مع الاحداث بسرعة تنتهي اتمنى البارتات الجاية تكون اطول بشوي اذا ماعليك تعب

هواجس

هالبنت جدا تكسر الخاطر يتيمة مالها سند لذلك صايرة مداس للي يسوى والي مايسوى وبصراحة زواجها من طارق ابد ماكان لصالحها لانو مايستاهلها اتمنى انو يكون بروايتك تغيير من هالناحية وهي انو هواجس ماتستمر بعد اليوم مع الي يسمى طارق على ايش حبته ايش عطاها علشان تحبه غير الظلم والذل وحرقة القلب ...ليه تصبر وتسكت وابو طارق ملزوم يوقف ولده وزوجته عند حدهم اعتقد مافي اعظم من معاملتهم لها كخادمة والله هي مو ملزومة في خدمتهم عجبهم والا بحريقة فيهم على ايش تخدمهم وعلى ايش تسكت لهم وذنب هواجس برقبة بو طارق من يوم زوجها لولده الخاطب ولو يبي كان زوجها لنواف حتى لو كان يدرس ولا هالذل والظلم الي عايشته وبتكون مجنونة اذا رضت بقرب طارق لها بيكون هي الي ماحافظت على كرامتها واعتقد هي صاحبة المقطع الاول

نواف

مع انو صعب جدا انو يتزوج طليقة اخوه بس بأعتقادي انو العشق الي تمكن من قلبه ماجاء من فراغ وممكن هو الي يرجع لهواجس كرامتها لو فعلا تطلقت وصارت لنواف راح تاخذ واحد يحبها لشخصها مو لجسدها وجمالها بس
ياليت تكون هواجس من نصيبه وتحمل منه بعد عكس طويرق وسوسنوه النجسة الي يارب ماتشوف الضنى لانها حقودة وحقيرة وماتستحق السعادة ...........لو نواف تزوج هواجس بيحرق قلب طارق وهو يشوف تعامله معاها والسعادة الي بينهم وبيقهر السوسة الثانية


طويرق والسوسة

اثنينهم يليقون لبعض شنتوقع من وحدة من قبل ماتتزوج وهي مرخصة بعمرها وحدة ماتعرف شي اسمه حشمة وخوف من الله ......لاوتبغي تغري نواف هههههه تحلم ماراح ينكسر غرورها الا على يد نواف الي بيسمعها الي عمرها ماسمعته وبيجي يوم وطويرق الرخمة بيشوف ويسمع النجسة كيف تلاحق اخوه وتغريه وتكشف عرضه لغيره مثل ماكانت تسوي معاه قبل الزواج خليه يعرف كيف صان الثرى واهان الثريا وان شاء الله عاد ذاك الوقت تكون هواجس زوجة لنواف علشان مايرجع لها بعد ماكشف الحقيرة الي متزوجها .........لو تزوج نواف هواجس سوسنوه راح تستخف لانو هواجس هي الي الكل يتمنى قربها مو مثلها


هديل ومشعل

حبيت هديل واخوانها وطريقة اهتمامهم فيها ........فعلا سند لها عند الحاجة ........بدايتها مع مشعل موجعة بس لانو البنت محترمة وطيبة ربي ماخذلها وام مشعل وقفت معاها مو ضدها ولا كرهتها وسترت عليها وهذا الاهم ومشعل ربي هداه والله يهنيهم مع بعض ويسعدهم

نجوم هالبنت حبيتها بالرغم انها ماكشفت الحقيرة بس فعلا وجهة نظرها طويرق عند هذيك معمي على عينه وماراح يعاقبها مثل ماعاقب هواجس ربي يعطيها على قد نيتها لانها رحمت هواجس وبرأتها حتى لو تعاقب ظلم بس نصرت مظلومة ويتيمة ...


في انتظارك بس متى موعد البارتات

مرحبا عتوبه
انا اول مره اشارك في التعليق
صراحة شدتني روايتك مرررررررررررررره
المهم
اتوقع انه بعد التعذيب اللي راح واللي جاي لهواجس
وبعده بيوقف حتى ابو طارق ضده وبتنسد الدنيا بوجهها
بس
بس




اتوقع انها راح تاخذ مشعل

السلام عليكم

كيفك اختي عتاب جنوبيه

روااايه. راايعة وجميلة

وااضح عليك انك متمكنه من الكتابه من سردك الاحدااث بسهوله والانتقال بالمشاهد دون ان نشعر

للهجه راايعه ومحببه وكذلك الاشخاص غير روايه من اعالي الجبال نسجتيها

سلمت اناملك عزيزتي
اعتقد ان محور القصة يدور حول هواجس تلك الفتاة اليتيمه وماذا سيحصل لها من طارق وزوجته البغيضه

وفي انتظار بارتك القادم

دمتي في حفظ الله