كاتب الموضوع :
أمي روحي
المنتدى :
القصص المكتمله
رد: بيت العنكبوت
الــ ج ــزأ الــســادس والــ خ ـــمــســون
في المستشفى
ياسر: جالس عند راس نجود يهديها
نجود: ماسكه يدهـ خايفه ياياسر خايفه
ياسر: يبتسم لها بحنان لاتخافي نجود ربي معاكـ راح تقومين بالسلامه وتمارسين حياتكـ طبيعيه ان شاءالله
نجود: بحزن سامحني يا ياسر ان غلطت عليك بيوم وخل أهلي يسامحوني
ياسر: حط اصبعه على فمها راح تقوومين بالسلامة ان شاءالله قالها كذا وهو خايف مرررة بس متوكل على ربه
نجود: تسمع كلامه وتشوف نظرات الحنان منه بس صارت صورته تشوش عندها لأنها استجابة للبنج ويدها بيد ياسر مافكها حتى نامت واسترخت يدها
ياسر: كان شايل هم كأنه اول مرة يسوي عملية وفعلا اول مرة يسوي عملية لقريب له ومو أي قريب هذي زوجته لو ماكان يحمل لها حب بس مهما كان زوجته وأم عياله مستقبلا ووبنت مدرسه محمد
الممرضه : تمد له أغراض العمليه وتشوف اضطراب ياسر
الطبيب المساعد: نفس الشي اول مرة يلاحظ الدكتور كل هالإرتباكـ
ياسر: كان يتصبب عرق وكل شوي يرفع عيونه لنجود الي نايمه وموح اسه بالي حوله ويدعي ربه انه تقوم بالسلامة
استمرت العمليه اكثر من خمس ساعات
أهل نجود كانو ينتظرون وهم خايفين مرة
امها: بس تدور تنتظر خروج ياسر
محمد: يتصنع الهدوء والا هو اشد من أمها يمكن ارتباكـ
ياسر: خلص من العمليه والحين يبي يخيط الجرح بس الجهاز أشر بقووووة
ابوها: فز وقام حاس فيه شي يصير جوة
امها: يوم شافت خوووف زوجها خافت عليها أكثررر
عبدالمجيد: راح بسرعه للمطعم وجاب لأمه وابوهـ مويه باردة راح لهم هدوا أنسكم ان شاءالله انها بخير
نجلاء: غصب عليها حاولت تتمساكـ بس ماقدرت صارت تبكي يوم شافت ياسر تأخر عليهم
عبدالمجيد: راح لها وجلس جنبها تراكـ تضرين أهلنا كذا حاولي تتمساكي ياختي
نجلاء: خايفه عليها ياخوي مو بيدي
عبدالمجيد: بهمس وأنا ميت خوف وقلقان عليها بس مابي أهلي يحسون بشي
ياسر: حاول يسيطر على وضع نجود الي تردى قبل دقايق والخوف باين بعيونه
مساعدهـ : كل شوي يشوف الجهاز وحاس ان نسية نجاح العمليه 10% بعد ماكانت 90%
ياسر: مركز بالعمليه نسى كل شي حوله بس يبي يحاول بكل طاقته تنجح العمليه وتقوم نجود بالسلامة واجبه كطبيب وواجبه تجاهاا الان كزوج يسوي المستحيل علشان تنجح عمليتها يتذكر كلامها سامحوني يخاف ويرتبكـ بس يتذكر ان ربه فوق يسمع مناجاته والي حوله مايسمعونه صار يلجأ بدعوة ربه بسره وهو يكمل عمله حتى الجهاز هدأ وعرف ياسر ان وضعها استقر تنهد براحه ورجع يخيط الجرح ثانيه
أمها: خلااااااااص مو قادرة اتحمل لهم الحين 8 ساعات مو معقوله ابد متأكدة بنتي فيها شي ليتنا ماسوينا لها هالعمليه كانت مرتاحه ليه نتعبها
ابوها: بهدوء مصطنع كل شي مقدر ومكتوب واحنا فعلنا بالأسباب
عبدالمجيد: صادق ابوي يمه انتي ارتاحي وتوكلي على ربي وكل شي راح يكون تمام بعون الله
ياسر: طلع من غرفة العمليات وهو مجهد مرررررة
كلهم قامو له هاهـ بشرنا يا ياسر
ياسر: الحمد لله وضعها مستقر ولله الحمد بس دعواتكم
ابوها: نقدر نشوفها لو من بعيد
ياسر: الحين مستحيل انا ابغير ملابسي واجلس عندها بكره تقدرون بس من وراء الباب لان عمليتها صعبه لازم ترتاح وتبعد عن الانفاس اخاف تصاب بأي مرض
يمكنكم الحين ترحون ترتاحون وبكرة تشوفونها
امها: كيف ارتاح وانا ماشفتها
ياسر: انا عندها لاتخافي وربي يبي يحفظها قبل كل شي
عبدالمجيد: بس أنت تعبان من العمليه لازم تروح ترتاح
ياسر: راحتي يوم اشوفها قايمه بالسلامه وبكره ابقدم اجازة اسبوع حتى أتأكد انها تعافت ماقدر اجمع بين شغلي وبينها
محمد: مشكور لو اشكرك من اليوم لبكرة ماوفيك حقك ياولدي
ياسر: لاتنسى ان هذا واجبي كطبيب ياعم وواجبي كزوج لنجود عن اذنكم ابدل ملابسي وارجع لها
ركبو بسيارتهم
عبدالمجيد: الحمد لله ربي رزق أخت رجال كفو زي ياسر
ابوها: ايه والله مافيه زيه
نجلاء: الله يقومها بالسلامه ويسعدها ويعوضهل عن تعبها
عبدالمجيد: وهي تعضوهـ عن حرمانه وتجازيه على تعبه وحرصها معها
ياسر: بدل ملابسه وجلس عند نجود في كرسي مقابل لها ينام على نفس الكرسي وكل شي يتأكد من جهاز القلب
الممرضه: كل ماتدخل تلقاهـ عندها طلعت ولقت الدكتورة هيفاء متجه لمكتبها
هيفاء: طالعه من غرفة خطيبة الدكتور ياسر
الممرضه اسمها مي : ايه ماشاءالله عليها يابختها فيها تخيلي بدل وجلس عندها متى تلقين رجال يحبكـ كل هالحب
هيفاء: تنهدت الله يسعدهم وراحت لمكتبها مازالت تحب ولد عمتها بس تحاول تشيله من راسها
==================
بعد مرور أسبوع
نجود: تحسنت حالتها ويقدرون أهلها يزورنها براحتهم
ياسر: بعد ماطلعت نجود من العنايه المركزة راح لبيته وناأأأأأأأأم بعمق لأنه حيل كان تعبااااااااااان اسبوه ماينام الا ساعات بسيطه على الكنبه
نجود: كل أهلها حولها وفرحانين فيها وهي بعد فرحانه لفت على اخوها وينه ياسر
عبدالمجيد: مسكين شكله تعبان حيل قال ابروح انام والى الحين مارجع
نجود: مالت عليه توها زوجته طالعه من العنايه المركزة من موت شافته بعيونها وماجي يشاركني فرحتي
عبدالمجيد: اقولك هالات سوداء حول عيونه تعبان مرررة وطول الوقت معاكـ يوم تطمن عليك راح
نجود: الواحد يضحي سنين لعيون الي يحبه مو بس اسبوع
عبدالمجيد: تنرفز من أخته جاء يبي يرد بس أمه غمزت له بعينها لاتتعبها
نجلاء: حبت تلطلف الجو ماشاءالله بجناح خاص من اجنحة المستشفى من قدكـ نجودة
محمد: من بركات الله ثم زوجها الي ماقصر حتى خلاهم بحظنها بجناح خاص
نجود: تناظر الجناح مبسوووطه انه يهتم فيها كل كذا بس تبي أكثر
========================
الليلة زواج غلااااااااااااا وفوووووووووواز
غلا: حايسه غرفتها كلها
نوال: دخلت عليها وشافت الحوسه ايش هالفوى كلها غلو
غلا: مادري يمه كل ماتوتر احط حرتي على اغراضي تقدرين تسمينه شي نفسي
نوال قربت منها بسم الله عليك غلو فيك شي
غلا: يمه مابي اتزوج هونت
نوال: بلاعبط حبيتي الزواج مو لعبه مرة ابي ومرة مابي
غلا: اجل أجلوهـ احس اني مرة خايفه يمه
نوال: حبيتي ماخبرتك الا غلا القويه
غلا: جلست على سريرها يمه انا احس ولي قلب ترا يخاف ويحزن ويتألم تشوفون غلا تضحك تسولف ماتضنونها تخاف وتشيل هم وتحاول تمنع دموعها تنزل رفعت عيونها الي كلها دموع لأمها مو متخيله انام ببيت غير بيتنا اصحى مالقى امي على راسي تصحيني وتثبحني بالخير نزلت عيونها وعضت على شفايفها ماتخيل انزل الصبح ومالقى ابوي يبتسم بوجهي وعبدالرحمن يمزح علي ويشدني مع شعري رفعت عيونها لها ونزلت دمعتها يمه مو قادرة اتخيل ابتعد عنكم مو قادرة ليتني ماوافقت
نوال: عجزت تمنع دموعها قربت لها وضمتها وانا هين علي فراقك هين على وحدة يبتعد عنها قلبها بس ياروحي سعادتك من سعادتي وصدقني فواز راح يغضوك كل شي
عبدالرحمن: هو وابوهـ كانو يبون يدخلون بس سمعو كلام غلا عبدالرحمن نزلت دمعته وراح لغرفته وابوها تظاهر انه ماهمه دخل غرفته وفتح دولابه يشوف اول بدلة دلبستها يومها صغيره حطها على خشمه وشمها بعمق لاتوقعين ياغلانا ماراح نفقدكـ اصعب ماعلى الاب يفقد بنته ويشوفها تنتتقل بكنف رجال غيرهـ
نوال: دخلت شافت زوجها صاد وبسرعه يرجع شي بدولابه نادته محمد
محمد: بسرعه مسح دموعه ولف يكلمها
نوال: تفاجئت من حمار عيونه محمد ايش فيكـ
محمد: لابس حساسيه مع الغبار عن اذنكـ
نوال: تناظرهـ وماحببيني فيكـ كثير الا حنانكـ فديت حنانكـ بس
============
في غرفة فواز
فواز: خامس مرة يتحمم وكل شوي يتأكد مم شكله مبسووط حيل يناظر غرفته مو مصدق راح تجيه غلا اليوم
خواته: دخلو عليه الي معاها المبخرة والي معاها تكلملية لاكسوارات الغرفه
فرحانين فيه كثيرررر
ريوف: ترا عبدالرحمن توهـ مكلمني موصيني اوصيكـ على غلا يقول تراها مرتبكه مرررررة
ريم: يافديتها بس تخيلت يوم زواجي كنت مرة مرتكبه
ريوف: بنعومه مالت عليها مسويه البنت القويه والحين بانت حقيقتها هههههههههههه
فواز: ناظرها بعتاب
منال: همست لريوف واحزنك شكل جلدتكـ قويه
ريوف: وهو شكله كذا ههههههههههه
فواز: بعد ماخلص من اللبس نزل لأمه
أمه: يوم شافته نازل ومتكشخ ومتعطر بس بدون بشته نزلت دمعتها من فرحتها بولدها
فواز: راح لها وباسها مع راسها ويدها
أمه:: سحبت يدهـ وباستها
فواز: تكرمين يمه
أمه: خلني اشبع من ريحتكـ ياضناي فرحتي وربي ماتوصف وأنا اشوفك عريس رفعت يدها يارب مثل مابر فواز فيني وبأبوهـ وخواته سخر له غلا بنت محمد جعل السعادة ترفر حولهم تدعي وهي تبكي
البنات: يوم نزلو وشافو أمهم تدعي ربها وهي تبكي خنقتهم العبرة
فواز: خاف يتأثر قدام خواته راح لابوهـ في مجلسه
ابوهـ : كان جالس يشرب قهوته يوم شاف فواز دخل عليه استبشر وفرح تعال جنبي وانا ابوكـ
فواز: باسه مع راسه وجلس جنبه
ابوهـ : مسكه مع يدهـ اسمع وأنا ابوكـ توكـ تبني حياتكـ وعارف تأخرت بزواجكـ علشان تتطمن على حياة خواتكـ انت تضحي وا=أنا للاسف يابوهم لاهي مع زوجة وولد مايستاهلون بس يابوكـ ان كانت زوجتكـ كفو وطيبة معاكـ لاتفرط فيها ولتجرحها بيوم ولاتنومها وهي زعلانة تراكـ لو تلف الدنيا ماراح تلقى وحدة زي طيبتها هذاني اعض اصابع الندم على ترفيطي بأمكـ
فواز: مشكور يبه ونصايحك حلق بأذني ماراح أنساها
==================
في غرفة غلا
الكوفيرة نادين : تضبط في تسريحة غلا
غلا: هدايه مالها حس
سحر: خلصت مكياجها ولبسها ودخلت تتميلح عند غلا لفت لفتين هاهـ ايش رايكـ فيني مو تجنن وترمش بعيونها بدلع
غلا: سرحانه مو يمها
سحر: قربت منها وأشرت عند عيونها هيه غلاوي أكلمكـ
غلا: ناظرتها بحزن آسفه مانتبهت
مشاعل: توها داخله عليهم بفستان حمل حلو وناعم ياختي خليها الي ماخذ عقلها يتهنى فيه
غلا: مادرت تسمعهم يسولفون وهي مو معاهم ابد ماتوقعت غلا ان فراق الأهل صعب كذا متعلقه بأهلها حيل ومو متصورة تروح عنهم حتى تملكت أمس ماسولفت مع فواز ولا أخذت عليه
شجون: دخلت عليهم
سحر: اهلين شجونه افا لسه مالبستي
شجون: بحزن لا بندر تعبان شوي بس قلت اجي اسلم على غلو واباركـ لها وارجع لانه الحين مع خالتي
غلا: بعدت يد الكوفيره وراحت لها تسلم عليها
شجون: مبروكـ حبيتي
غلا: الله يباركـ فيكـ
شجون: ناظرت عيون غلا ليه هالحزن بعيونكـ ياروحي فواز الكل يمدح برهـ بأبوه وأمه وخواته وصدقيني البار ماراح يضركـ او يضلمكـ راح تكون حياتكم سعيدة بعون الله لأنه بر بأهله ربي راح يمد بعمره ويكثر عياله ويسعدكـ انتي وياهـ ان ساعدتيه على الاستمرار ببرهـ لأهله
غلا: تنهدت وغمضت عيونها وناظرت بشجون صعبان علي ابعد عن أهلي ماتعودت انام بعيدة عنهم اصحى مالقاهم تحجرت دموها بعيونها
مشاعل وسحر يتناظرون اول مرة يشوفون غلا حالتها كذا تغيرت وجيههم وسكتو
شجون: بكل هدوء حطت يدها على كتفها حبيتي غلو ان كان زوجك طيب ماراح تشعرين بغربه معاهـ راح تتعدوين عليه وان ابعد عنكـ ظلمت عيونكـ شفتي غرفتكـ وبيتكم تأشر عليها راح يكون غريب بالنسبه لكـ بعد ماتتعودين على زوجكـ وبيتكـ وغرفتكـ زوجكـ شريكـ حياتكـ تطلعين من ذمة أهلك لذمة رجال يسعدكـ ويخاف عليكـ تقول هالكلام وهي تتمنى تحس بالشعور الي انحرمت منه
غلا: بلعت عبرتها وقالت بحزن الله يريح قلبكـ شجون زي ماريحتي قلبي
شجون: يالله استودعتكـ ربي ياغلانا كلنا وطلعت وخلتهم صارت تمشي بالحوش الي يجمع بين بيوتهم وهي تفكر بكلامها لغلا زوج يحسسكـ بالأمان وانا العكس وجودهـ يشعرني بالخوف آآآآآهـ ربي يهديكـ يافارس ويسخركـ لي ولبندر
وثلت للبيت وراحت لخالتها
خالتها: ضامه بندر يابنتي حالته حاله ليه ماوديتوه للدكتور
فارس: دخل وهو متعطر وتمكشخ رحت فيه للدكتور نزار الصبح وصرف له علاج قال يستر عليه 7 ايام بعد يراجعني ماعليه بس معفعول العلاج لسه مابدا الصبح ما امداهـ
أمه: بس ماتلاحظ حالته تردت بعد هالدكتور
فارس: وهو يسكر الكبك حقه لا ماعليه قربت عمليته وراح يرتاح
شجون:عمليه مابيها تتم حتى يشوفه دكتور ثاني
فارس: كل مايشوفها يتذكر تعاونها مع دلال ناظرها بتهديد انا ابوهـ واعرف فيه يكفي اهمالكـ له من يوم انه ببطنكـ
شجون: ماحبت تطول السالفه سكتت
أمه: ياوليدي كل شي مقدر ومكتوب اهم شي تهتمون فيه الحين
فارس: قرب منه ياخذ من على سرير أمه
شجون: بصوت هادي علشان ماتحرجه قدام خالتها ريحة عطرك راح تخشرهـ أكثر يافارس
فارس: عصب وناظرها بنظرة قويه مو بزر عندكـ تعلميني ايش يضر ولدي وايش مايضرهـ
شجون: مو قصدي بس
فارس: حط يدهـ لابس ولاشي مابي اسمع شي باس ولدهـ وقام
أمه: رحمة شجون الي تغير وجهها ماتدري تلقاها من زوجها او من مرض ولدها الي مخوفها
فارس: ترا بعد زواج غلا ابطلع مع الشباب لللإستراحة
أمه: تطلع وحالة ولدكـ كذا
فارس: يمه ايش فيك الدكتور نزار يقول بكره يكون احسن بس لسه مفعول العلاج مابدا ايش فيكم مستعجلين
أمه: اجل انتبه لجوالكـ لو حصل شي لاسمح الله
فارس: أكيد يمه يالله تجهزي راح نمشي
أمه: ناظرت شجون تجلسي هنا يابنتي ابحاول اطلع بدري واجلس معاكـ عندهـ
شجون: تناظر فارس بعتاب لفت على خالتها تهني بالزواج ياخاله ماراح يجيه شي ان شاءالله
أمه: ماراح يتطمن قلبي يزفونها واجيكـ ان شاء الله
===================
في القاعه
كانت قاعه حلوة وكل الزواج طبعا هديه من ابو فواز له
ابو حضر الزواج على عكازاته كم مرة يحاول ولدهـ وزجته يرجعون له لان فلوسهم خلصت بس يصدهم يصرف لهم فلوس للمعيشه ومخليهم
قرر يعيش كل حياته عند ولدهـ وعياله الي فعلا يحبونه
غلا: متوترة حيييييييييييييييييل وهم كل شوي يقولون يبي يدخل فواز بس تفركـ بيدينها
ريوف: قربت من عند أدنها ياختي قطعتي الورد
غلا: تبي تقوم وتقطعها هذا وقت مزحها هدي بعد ماتعرف ليه منحرجه منه كذا تهابه مررررة توقعت انها اجرى من كذا تبي تهدي رجفتها مو قاردة
فواز: واقف يسبم على الضيوف ببشت اسود مو ضح بياضه أكثر مبسووووووط مرة مايتخيل كلها ساعات ويكون هو وكتكوته المشاغبة لحالهم
ابو عبدالرحمن: يالله ندخل ترا العروسة تقول أمها مرة متوترة مانبي نطول عليها أكثر
نوال: يوم دق عليها زوجها سكرت السماعه وسمت على بنتها قربت من عن إذنها تراهـ يبي يدخل مع ابوك واخوكـ وخوالكـ (( لان غلا مالها عمان بس ابو سحر وتوفي بالحادث ))
غلا: قالت أمها كذا خلاص ترجف بقوة وكل شوي تعض شفايفها من الخوف حتى كلوسها خف مرة
ريوف: البيت جلالها وقربت لها قبل يدخلون ترا أخوي مايعض حبوب مرة
غلا: منزلة راسها صح تسمعها بس ماتقدر تقول شي
خوالها وابوها واخوها دخلو قبل زوجها
الحيم تغطوا لا نوال هي استقبلتهم
فواز: اول مرة يشوفها كاشفه صغيره نوال بالنسبه لأمه سلم عليها باحترام
نوال: منحرجه اول مرة تكشف لاحد غريب بعد زوجها بس دخل قلبها واضح انه هادي وحبوب
فواز: مايشوف غلا لأن أهلها يسلمون عليها بس متشوق يشوفها بفستان الفرح بس منحرج نهم قرب بهدوء عند تقريبه ابعدو عنه وصاور عن يمين غلا وعن شمالها شاف كتكوته الصغيره واقفه ومنزلة راسها وباقة الورد تنتفض بيدها مو مصدق عنيدته الصغيره ترجف قدامه كأنه عصفور يخاف من سجانه ابتسم بحب لا اراديا قرب لها وسلم عليها وباركـ له بعدين وقف جنبها وعدل مشلحه واستقبل تهاني أهله بعد طلوع ابوها واخوانها
غلا: كل مايتحركـ فواز يطخ كتفها بدون مايحس تفز وتجيها قشعيره اول مرة يمسك يدها او يطخ كتفها رجال غير محارمها بس خلاص فواز زوجها لازم تتعود عليه
جلسو سوا وخواته يرقصون قدامه وأمه من الفرحه تزغرد بين بناتها وتدمع عيونها وتناظرهـ بفرح
فواز: بكل حنان يناظر بخواته وأمه وفرحان لفرحهم لف يسرق النظرات لعلا الي منزلة راسها
أخذو الصور وزفوهم سوا الى سيارتهم
=====================
في بيت ابو مشاري
شجون: تكمد ولدا الي تحس كل شوي يزيد تعبه دقت على فارس بس فارين ارد لأنه يوم دخل فواز وباركـ لهم شغل سيارته وراح لربعه ومع صوت التلفزيون العالي كورة ويلعبون بالوت مايسمع جواله الي كانت نغمته هاديه
ناظرت ولدها بحنان راح تمكمدهـ بس تحس الولد كل شوي يصعب تنفسه أكثر
بسرعه دقت على عمها
ابو مشاري: كان يسولف مع الرجال سمع جواله رد بخوف الحين جاينكـ
مشاري: شاف ابوهـ ايش فيه يبه
ابو مشاري: بسرعه نرجع للبيت وانا ابوكـ بندر تقول أمه تعبان حيل
مشاري: أي موصيتني اوديها له قلقانه عليه خليني آخذها معانا وسحر ترجع مع اهلها مابي اخرب سهرتها
ابو مشاري: خلاص دق على أمكـ خلها بسرعه تطلع
ام مشاري: يوم دقو عليها ارتبكت وخافت حاسه قلبها مقبوض على حفيدها
مشاعل: قامت مع امها ماتقدر تمشي بسرعه لانها حامل وتخاف عليه ايش فيكـ يمه
ام مشاري: وهي تنتظر عباتها ماتبي تروع بنتها وهي حامل لاياقلبي بس تعبني الجلسه ابروح ارتاح
مشاعل: وهي تشوف وجه أمها يمه بندر ولد اخوي فارس فيه شي
ام مشاري: لبست عباتها لاياقلبي مافيه الا الخير يقول اخوكـ بكره يكون أحسن
طلعت وركبت مع زوجها ومشاري بندر فيه شي
مشاري: اول ماسكرت خالته الباب شخط بسيارته
ابو مشاري: يهديها لا ان شاءالله مافيه الا العافيه
مشاري: وهو خايف على ولد اخوهـ يبهم انبي نوديه اسعاف ويطيح بأي دكتور
ابو مشاري: قل لاخوك يجي يصرفنا يطلع لنا دكتورة من تحت الارض طبيب خاص اكيد يجي
مشاري: دق على اخوهـ مارد سكر السماعه مافيه غيرهـ يبه
ابو مشاري: قصدكـ صديقكـ
مشاري: وهو مركز بالخط دق على ياسر
ياسر: كان يبي يصلي وترهـ فارش سجداته متقبل قبلته يبي يدعو ويخلو لربه انيس وحدته وفارج همه وغمه دق جواله راح شافه مشاري خاف الساعه الحين وحدة الله يستر هلا ياخوي ايش فيكـ
مشاري: نخيتكـ ياخوي ابجيب ولد اخوي لكـ الحين بالمستشفى
ياسر: بخوف طيب طيب ابغير ملابسي واجيكـ سكر السماعه وعلة طول لبس ثوبه قلبه يدق خوف على ولد شجون مايبها تحزن او تطلع دمعه من عينها يكفيها ماجاها ضحت بكل شي لعيونه خسرت اختها ابوها امها مايبيها تخسر ولدها مابي دمعتها عارف تززوجت وراحت بسبيلها وهو تزوج بس ماتهون عليه ويبها سعيدة
قلب الانسان مو بيدهـ يخليه يحب بلحظه ويينسى بلحطة
=================
في جناح فواز
فواز: فتح الجناح الي ريحته عطر وبخوور جناح هادي ورايق الصالة لونها وردي هادي والغرفة لونها بيج معتق تعتيق خفيف مع غرفة بني محروق المفرش كان فخم مرررة والاكسارات بالغرفه ملفته
غلا: تحاول ترفع عيونها بس ان حست ان فواز يطالعها نزلت عيونها بسرعه
فواز: ابتسامته شاقه حلقه مو مصدق غلاهـ معاهـ الملامح الحلوة الي مافارقت خياله هذاها الحين حلاله يمتع عيونه فيها ناظرها تفضلي مسكـ عباتها وفسخها
غلا: استحت يوم فسخ عباتها كانت فاسخه الطرحه مع أهلها بس الحين التاج الناعم مع التسريحه الي من نعومة شعرها يالله ثبتت
فواز: فسخ غترته وجلس على الكنبه واشر لها تجلس
غلا: بقلبها ياليل هذا يبني اجلس جنبه ماعندهم كنب منفصل بس استحت يوم اشر لها تجلس
فواز: بحنان ماتبين جنبي اجيب كرسي ثاني واحلس قدامكـ
غلا: ابتسمت بخجل لاعادي وجلست بس على طرف الأريكه
فواز: قربي لاتطيحين
غلا: ياليل ماطوله مابي جنبه ابتسمت ونزلت راسها لا عادي
فواز: ليه قدمتي اعتذار من اول ماخطبتكـ
غلا: بقلبها سؤاله ذكي مرة أكيد ماقدر اشوف وجهكـ بعد ماخطبتني ردت بنعومه بس صرت مشغوله وكذا
فواز: تعرفين
غلا: لفت تناظرهـ بس يوم شافت عينها بعينها صدت ايش
فواز: صارت الكليه مالها طعم بدونكـ حتى المحاضرة الي كنت اعطيها لكم صارت سامجه بدونكـ احس كأن شمسهم غابت عنهم وصارت كل الكليه
غلا: تفركـ بيدينها من الخجل وصار جنب وجهها احمر بقلبها ياربي مرة رومانسي ماتعودت على كذا خلقتي دفشه وماعمر احد دلعني زيه وانا اقول ليه أخت زبدة ساحيه اتاريه يدلع مرة
فواز: شافها انحرجت ووجهها حمر حب يطلف الجو شوي ويخفف توترها لأنها مو راضيه ابد تناظرهـ سبحان الله الي يشوفكـ بالكليه مايقول هذي غلا الي قدامي الحين
غلا: تسمعه وتبتسم بخجل بس بدون ماتناظرهـ
فواز: اذكر ثاني اسبةع لي معاكم جاني اسمك استغربت من ردكـ لي ومناقشتكـ
غلا: طلعت شياطينها لفت عليه ونست الدلع والحياء والنعومه ايه لان نظام فاشل
فواز: فرح انها نست نفسها ورجعت غلا المهرة المتمردة حب يجاريها مايبها ترجع لحياها يحب تمردها وعنادها ايه بس رئسة القسم موزعة البنات بكل قااعه لومي الرئيسه لاتلوميني أنا
غلا: الى هالحين مانتبهت ودخلت جو الكليه مادري اصلا ايش تحس فيه ذيك الرئيسه بس وربي ماهمتني يومه لا عريفه ولاغيرها لأني ماغلطت
فواز: ابتسم لها وهو يطالع عيونها المتوهجه عناد وثقه ايه مالومك ماراح احد يهمكـ لانكـ قمر مايهمك أي نجمه تجي صوبكـ
احب عنادكـ وثقتكـ وتوهجتكـ
غلا: توها تنتبه لنفسها لفت من جديد ونزلت راسها
فواز: قرب منها وبطرف اصبعه لف وجهه صوبه يوم اعجبت فيكـ اعجبني قوة شخصيتكـ اصراركـ على أخذ حقكـ جرأتكـ بالمناقشه بعين العقل والحكمه
غلا: نزلت عيونها
فواز: تجرأ وقرب وباس جبينها
غلا: غنضت عيونها بخجل بس حست بحرارة انفاسه تقرب لخدها وباسها بحنان وبعد عنها مايبي يحرجها أكثر
غلا" خلقه ماتطيق احد يبوسها بس شعور غريب جاها من بوسة زوجها الرجل الي حبته من حنانه ورحمته بأهله
فواز: قام للصاله شوي الا يطل عليها نبدل ملابسنا علشان نتعشاء
غلا: طيب راحت بسرعه لبست روب سكري من قطعتين تحت سبت والي فوق شك باكاما شفافه طويله بس مو عاري يصلح للزواجه بأول ليلتها طلعت له بعد ماتحممت وعليها خالقميص وبان نعموة شعرها
فواز: بلع ريقه يوم شاف شعرها الي كل شوي تبعده عن عيونها الكبار وريحة عطرها بس مايبي يسوي أي تصرف يبعدها عنه او يخوفها منه تعشى
غلا: بس كانت تسوي نفسها تتعشاء والا معاها بس حبة بطاطس يالله تآكل منها
فواز: قام وسال الصحن الباقي وحطه عند باب جناحهم علشان الشغاله تجي وتآخذه را لعروسته الي رحعت للغرفه
غلا: كانت جالسه على الكنبه
فواز: جلس على طرف السرير ناظرها وابتسم لها ماتبين ترحين شوي
غلا: قريب يأذن الفجر ريح انت وهي متعمده تبيه ينام علشان تنام براحتها شايله هم تنام معاهـ بسرير واحد
فواز: تعمد ينسدح بسريرهـ يبها ترتاح وتآخذ على الجناح حط يدهـ تحت خدهـ وسوا نفسه نايم علشان ترتاح غلا شوي
غلا: حست إنه نايم سحبت نفسها شوي وطلعت من الغرفه راحت للصاله وتلف فيها توها تشوفها زين ذوق ولمسات البنات فيها حلوة فتحت باب الغرفة الثانيه لقت فيها مكتب فواز مسوي مكتب فخم وحلو جلست على كرسيه ولبست نظارته وضحكت على نفسها شوي تسمع صوت خطوات تقترب منها فسخت نظارته بسرعه وفتحت الكتاب الي قدامها مسويه البنت المثقفه ليلة زواجها
فواز: وقف عند الباب ابتسم لها الحلو ايشي سوي
غلا: ردت عليه باإبتسامة ماجاني نوم دخلت مكتبكـ لقيت هالكتاب جلست اقرأ فيه لأنه عجبني شدني من غلافه
فواز:قرب لها يناظرهـ حجر ابتسامته وناظرها مابي اقولكـ ايش عنوان الكتاب لأني عرفته مدام إنه عجبك مافيه غيرهـ هو شيق وممتع صح
غلا: سوت نفسها البنت افاهمة المثقفه ايه مرة بس ترام اشفت من هو المؤلف واضح انه شاطر وفاهم
فواز: زادت ضحكته الي واضح يحجرها غصب اجل أخليكـ تكملين قرايته عن اذنك ابصللي وتري ماصليته
غلا: تناظرهـ وهو يبهد غريب ايش فيه شكله يحجر ضحكه توقعته ثقيل واتاريه يضحكـ بسرعه ياحليله صدق اني اقرأ ومايعرف اني ماشفت الكتاب انجليزي او عربي وضحكت نزلت عيونها على الكتاب الي مفتوح قدامها شافته مقلووووووووووووووب عضت شفايفها وانا اقول ايش فيه اتاريه يسلكـ لي مايبي حرجني وأنا ضنيته مصدقني ياااااااااربي فشيله كيف اشوف وجهه الحين
فواز:رجع يبي يقولها تراهـ ادن بس شاف وجهها محمر وعضاه شفايفها
غلا: يوم شافته جاي تحاول تسوي نفسها عادي
فواز: غلو تراهـ أذن الفجر
غلا: قامت من الكرسي منحرجه مرة ماتدري ايش تقول تبي تبرر تطلع نفسها لفت عليه وبخجل فواز ترا ... مادري بس
فواز: ابتسم لها قصدكـ الكتاب
غلا: بخجل ايه بس ترا
فواز: حط اصبعه على شفايفه غلاوي لاتكملي عارف كل شي واحمدي ربك مانفجرت ضحك قدامكـ خفت احرجكـ
غلا: ماقدرت تستحمل ضحكت قدامه
فواز: طلع الضحكه الي حاجزها
غلا: تحاول تسكت بس كل ماتسكت وتتذكر غبائها وهي مسويه البنت الذكيه تضحكـ ثانيه
فواز: يناظرها وهي تضحكـ بنعومة ماقدر يستحمل قرب منها تصدقي زاد جمالك واجذبيتكـ وانتي تضحكي
غلا: طارت كل ضحكه فيها عدلت شعرها وراحت عنه بسرعه للحمام تتوضا وتصلي وتهدي حرارة حياها
فواز: يناظرها وهي رايحه ابتسم جعلني مانحرم منكـ وربي انها فتنه
==============
في المستشفى
ياسر: جعل بأسرع ماعندهـ دور عليهم لقاهم بالنقاهه وطبيبن عند راس بندر وجده وعمه وامه وجدته واقفين برا ينتظرونهم
مشاري: شاف ياسر وهو مسرع لاوصيكـ عليه ياخوي
ياسر: مارد عليه راح بسرعه جهة الغرفه الي فيها بندر ابعد الطببين حط السماعه عقد حواجبه بسرررعه أشعه بسرررعه تحركو
فارس: ركب سيارته وهو نصفه نوم شاف جواله كله اتصالات لم يرد عليها خاف وصار قلبه يدق بسرعه دق على مشاري خير ايش فيه ولدي فيه شي
مشاري: بسرعه تعال للمستشفى
فارس: شغل سيارته وبأسرعه ماعندهـ داس على البنزين
شجون: مو قادرة تستحمل وهي تشوف الغرفة الي فيها ولدها طالعين داخلين منها بتوتر
جدته:: بس تدعي الله ينجيه ان شاءالله
طلع من الغرفه سرير فيها طفل والممرضين يدفونها بسرعه
فارس: توهـ يدخل ويشوف أهله يسألون ياسر ليه وين راح تودونه
ياسر: ناظر فارس الي توهـ جاي وبخوف شديد يتمنى يدوس ببطنه بس ماسك نفسه رد على ابو مشاري لازم يروح للعنايه القلبيه الحين
فارس: وصل لهم ولدي ايش فيه ردو علي
مشاري" تردت حاله ودقت أمه علينا وجبناهـ هنا
فارس: مالقيتو غيرهـ هذا يبي يذبح ولدي بكره ابطلعه على مسؤليتي ووديه لدكتورهـ
ياسر: يقدر يرد بس مايبي ينزل نفسه له راح وخلاهم
مشاري: ماتستحي على وجهكـ تكلمه كذا
فارس: الحق ماينزعل منه لف على شجون أكيد ماعطيتيه العلاج بدقة زي ماقلت لكـ
شجون: مالها حيله راحت للكارسي وخلتهم وحطت يدها على راسها تمنع الدموع الواقفه بعيونها
فارس: كان يروح ويجي وهو قلقان كل شوي يسأل الممرض عن حالة ولدهـ
ياسر: طلع من غرفة بندر شاف قدامه فارس طنشه راح جهة ابو مشاري ومشاري
شجون: فزت يوم سمعت صوته تبي أي خبر يطمنها عن ولدها
ابو مشاري: هاهـ ياوليدي طمنا عنه
ياسر: وهو مرة ضايق حالة بندر بتردي ايش يقولهم رد عليهم أمه تدخل تجلس عندهـ لأنه يبكي يبغاها والبكاء مو زين لحالته
شجون: تسأل عمها بهدوء يعني ادخل عليه الحين
ياسر: وهو صاد عنها ايه الحين وانتم تقدرون تتطمنون عليه بس لاتطولون
اول مرة يرد عليها اول مرة يسمع صوتها بعد فراق سنين رجعو اغراب
ابعد عنهم رجع لمكتبه
ممرض: تبي ترتاح يادكتور من امس مواصل وهذا مو دوامكـ
ياسر: انتظر الطفل بندر تستقر حالته وارجع أنام شوي احس نفسي ابد مو مركز
الممرض اياد: يحب الدكتور ياسر مرة وياسر يحبه ناظر بالدكتور احسكـ تحب هالطفل مرة يقرب لكـ
ياسر: رفع عيونه النعسانه ابتسم عمه اقرب لي من الأخ
الممرض: الله يخليكم لبعض اجيب لك نساكفه تنشط شوي
ياسر: أكون لكـ ممتن لأني شويه أنام
شرب النساكفه وراح لهم
شجون: متسترة بعباتها بعد ماطلعو أهل زوجها لأن الزيارة ممنوعه
ياسر: دخل مع الممرضه المرافقه في قسم العنايه اقلبيه سبقته الممرضه لشجون دكتور فيه يجي
شجون: تسترت زين وتأكدت مافيه شي طالع منها
ياسر: قرب يشوف جهاز القلب وهو عاقد حواجبه ناظر وجه بندر ابتسم له بحنان ماتكلم ولاكلمه بالعادة يكلم الأم او الأم تسأله بس خاف ينفتن فيها وهي متزوجه ماتحل له حذر يعصي ربه او يخلي لابليس مدخل عليه كلم الممرضه وخلاها تطمنها
الممرضه: دكتور يقول الحين مافيه مشكل بكره بعد يجي يشوف هو
شجون: جزاك الله خير ناظرت ولدها ومسكته مع يدهـ وقربته لفمها بحنان
اهل فارس رجعو للبيت يرتاحون شوي
وفارس: نام بدون مايحس وجواله جنبه
ياسر: رجع للبيت بدل ملابسه ونام بسرعه لأنه حيل مرهق أول ماأذن الفجر بعد ساعه من رجوعه قام وتوضأ وراح للمستشفى يتطمن على بندر
شاف شجون على كرسيها عرف انها مانامت او نامت غفوات ماآمها قلب الأم مو زي قلب غيرهـ يتلفت يدور فارس مالقاهـ تبسم بتريقه ياقوي قلبكـ كمل بعض شغله وتذكر ان له يومين عن نجود ماتطمن عليها عارف برودها معاهـ بس مايبي شي ينقص من جهته علشان مايلوم نفسه بيوم أخذ بوكيه ورد وثبت عليه هدية حلوة وراح لأهلها
ابوها: فتح له الباب وقاله تفضل الكل نايم بس نجود خابرتها صاحيه تكلم صاحبتها
طبعا نجود بغرفه تحت لأنها مسويه عمليه
ياسر: أجل ابدخل عليها كان ماقدامي أحد
أمها: ياوليدي انت ولدنا مو غريب ونجلاء فوق بسابع نومه روح واكسر روتين زيارتكـ
ياسر: ابتسم وقام
محمد: قام معاهـ يوصله
نجود: كانت تسولف مع صديقتها والباب مفتوح شوي وواضح صوتها
ياسر: يوم سمع اسمه وقف ولف على ابوها يبتسم
نجود: ياحليكـ الرجال مو هينين اجل ياسر خطبني لله في الله لا ياقلبي مايخطب انسان مريضه الا لأنه عارف له ماضي صعب اي بنت تقبله بس كنت مريضه الحين مافيني الا العافيه يعني بحمد ربه ان قبلته الحين موقاصره زيي زي غيري
محمد: اختفت ابتسامته ويتمنى يدخل على بنته يجلدها استحى من ياسر ونزل راسه
ياسر: دخل على نجود ووووووو..........
***********************
انتظر توقعاتكم بأحر من الجمررررررر
موعظة :
[/COLOR]
يا صاحب الخطايا : أين الدموع الجارية ؟ يا أسير المعاصي ابك على الذنوب الماضية ، أسفاً لك إذا جاءك الموت و ما أنبت ، وا حسرة لك إذا دُعيت إلى التوبة فما أجبت ، كيف تصنع إذا نودي بالرحيل و ما تأهبت ، ألست الذي بارزت بالكبائر و ما راقبت
......
|
16-09-12, 06:45 AM
جديد مواضيع قسم القصص المكتمله
العرض العادي
