السلام عليكم ورحمة الله وبركاته

الشهر مبارك علينا وعليك هموسه مقدماااااااا
عسانا من صوامه وقوامه
هموسه والله الروايه توها وينها وين النهايه وش وراتس طقطقي على الكيبوورد وحنا نستانس وندعي لتس
شجون وفارس يبيلهم وقت علشان فارس يداوي جروح شجون وينسيها كرهه
دلال مسكينه على قد ما حاولتي وخليتي ابوك يغرقه سواء فلوس ..شغل.. وظيفه ..دورات..سفر,,
بس الظاهر انتس بتكرشين وبتصير شجون هي ام العيال ولا تنسين انتس تزوجتيه وانتي عارفه انه متزوج
بعدين يمكن خيره يضيق صدرتس وتنحفين وتحملين
يمكن الشحوم مانعه حملتس
فارس صباح الليل وشلونك تدري وش تمنيت اني قاعده بجنب غلا وانت تمقل شجون
عسى بس جازت لك لا تنسى انك شارط ان رجعتها بس علشان بندر والحين ابو بندر يبي حقه بس حامض على بوزك والله ان تحفي لين يطيح اللي براس شوشو

الدحمي الله يهنيك ويتبع لك ويوفقك ياحبي للي يفكر بالعروس ويناظر الروزنامه متى العرس بعدين تناظر الروزنامه متى الاجازه والفركه هذا انتم اول العرس وش حليلكم بعدين يبدا موال خوياي ..بغير جو ,,يابنت الحلال لاحقين ..

ننتظرك باي وقت

السلام عليكم و رحمة الله و بركاته

ربي يعطيج الف عافيه هموس كل مره تبهرينا اكثر و تقلبين التوقعات ...


فارس ياأبوي عاى الرجال يوم شاف الزين و الجسم و السنع حلاة بعينه و كومة الشحوم ما عاد تعجبه ...

بس زين سوت فيه شجون خليه شوف و حر جوف خلي كومه الشحوم تنفعه اللي عاف الكل عشانها بس ياهي بتوريه الشفل على ردة لشجون و اهماله لها و اول شيء ابوها اللي يمشي وراء شورها بيفصل فارس من الشغل ...

لانهم عارفينه ما تزوج بنتهم الا عشان المنصب و السمعه و دامها ما همته و رد الاولى و تركها مافي شيء يلون ذراعه عشانه ...

و طبعا فارس عزة نفسه ما تسمح له و لا قامت و قعدت عنده دلال بعد الزين اللي شافه فبيبيع برخيص و لا همه ....



دلال صدمه انها تروح و ترد و زوجها اللي تظن انه خاتم بايدها رد شجون و لا همة و اتوقع حتى لو اقنعها انه عشان ولده بس تشوف شجون تعرف ليش ردها و منها بتموت قهر ...



شجون زين تسوي بفويرس يستاهل ما حلت بعينه اللحين و لا اول ما يشوفها شيء ..بس مع انها معجبته الا انه باقي يكابر بس بيجي شيء و يطخ اللي براسه ...



الدحمي و ريوف الله يسعدهم شكل حياتهم بتكون حلوه بس خلي حصة الشر تبعد عن ريوف بافكارها التعبانه ...



سلطان و مشاعل طولت جلسة المصارحه بينهم اللي لازم تصير عشان يتقربون من بعض و يفهمون بعض عدل و انه و لا واحد باقي نن حياته الاولى شيء بس اتوقع شكلها قريبه لما تسمع بزواج غلاب اللي اكيد سلطان بيراقب ردة فعلها و يشوف وش تسوي و عساه يفهم انه ما يعني لها شيء ...




غلاب خطوة جيده عشان يعيش حياته عدل دامه بدا من جديد مع خواله هالزواج بيقوي العلاقه اكثر ...



ياسر منو اللي شافه و انصدم اتوقع استاذه محمد و اللي معاه بنته مريضه و ممكن تكون نصيب ياسر ...


سلمتي يا هموس

بانتظارج

........

همس ابدعتي*
جعل ايدينك ماتمس النار

فارس
من اول انت ماتهتم الا بالمظهر الخارجي بالقشره يعني*
فطبيعي ان جمال شجون يبهرك ويطير عقلك
الحين شفت الفرق بين جسم شجون وشحوم دلال*
بس راح تأدبك شجون وتخليك تعرف ان الله حق بتحفى رجولك عشان ترضى عليك

شجون*
الحين الكره في ملعبك لاعبيه على كيفك
خليه يندم على كل شئ سواه
خليه يشوف وينحرق جوفه*
موب مرجعك بس عشان ولده هو بس شافك تغير كل شئ حتى الاتفاق اللي بينكم شكله يبخلفه
وهذه هو راح وقال لادل عن رجعتك وهو من اول بيخليك في السر والحين ما اهتم في دلال وزعلها
صرتي انت الاولى*


دلال
تستاهلين كل اللي يصير فيك كل هذا بسبب حسدك وحقدك على شجون
هذا اللي ميت فيك تركك وراح لشجون*
بتبدا الحرب الحين على فارس وراح تستخدمين أبوك في الضغط عليه بس هو بعد ماشاف شجون والتغير الجذري اللي صار لها
خلاص ماراح يهتم فيك

ياسر
اعتقد اللي دخل عليه هو الاستاذ محمد اللي كان يوجهه في صغره*
والبنت اللي معه بنتها وهي راح تكون زوجة المستقبل وراح تسعده لانه نفس التربيه

غلاب
هذا أحسن شئ يسويه تتزوج عشان تنسى*
وسبيكه تحبك وراح تنسيك مشاعل*

مشاعل وسلطان
مالهم صوت كناري الحب في البارت هذا
يمكن نشوف اعترافهم لبعض في البارت الجاي*

هموسه يوم الثلاثاء يوم مناسب لاتغيرينه^_^

ودمتي مبدعه

صباح الخيرات .......ياسلام عليك هموس هالبارتين قمة الحماس والجاي اعظم ههههههه تسلم ايدك ياقلبي بارت يبرد القلب ......

فويرس وشجون وكتلة الشحوم

فويرس والله فطست ضحك على شكله وهو مفهي بشجونة خخخ قال مثلها مثل ميري زين يازوج شبيهة ميري بنشوف مين الي بيكسر راس الثاني مانسمع الا كلام مين الي قبل قال بيسوي وبيفعل بدلالوه وماشفنا الا الخراط ساحبتك مثل الخروف هي وابوها من مكان لمكان

اما شجونة تعجبني زين تسوي فيه هذا هي متحشمة وعلى طبيعتها كسرت راسه وخلته ينسى الي قاله لا وسلبت قلبه وعقله اخذت منه الي ماحد قدر ياخذه حتى بنت الحسب والنسب
خليها تحافظ على كرامتها وتحط حدود لفارس علشان في المستقبل يراعي مشاعرها ويحاسب على كلامه مفكر بالي يسويه بيقهرها والله ماحد مقهور غيره لاوالحين كتلة الشحوم رجعت بتخرب عليه وناسته بس مو على فارس

كتلة الشحوم هههههههه اخيرا عرفت قدرها هذي الي بتخلي فارس يفقدها هو انتي مخليته يتنفس كاتمة عليه بشحومك لا ابشرك تذكرك يوم تذكر شحومك وكتلك عاد مااوصيك على التفصخ الي لو بيفيد كان فاد قبل مايشوف جمال شجون شجاب لجاب بس

دام فارس خبرها بدون اهتمام وناظرها من فوق لتحت وهو الي كان مقرر يخفي سالفتها عن كتلة الشحوم ماراح يهتم فيها وبيدبها بوجهها انو يبغي قرب ولده وهي ماجابت له عيال وهو يبغي عيال وطبعا بتسوي مناحتها بس لما تشوف فارس مو مهتم بتخاف على عمرها لانو عندها تنذل ولا انو فارس يطلقها بس لما تشوف شجون بيجن جنونها واعتقد انها بترتكب حماقة بتفضحها وبكذا فارس بيتخلص منها بدون اضرار من اهلها الي الفضيحة بتطالهم

شجون اذا لقت الاهتمام من فارس واحترامه لها وحسته ندمان على الي سواه فيها ماراح تعقد الامور ...هي شتبغي اكثر من حياة هادية وامنة لها ولولدها حياة تعوضها عن كل المرار الي شافته ........شجون عمرها ماعرفت الامان ولا الحب مالقت حضن يحتويها وفارس اذا يبغيها ويبغي رضاها لازم يقدم لها تنازلات ودامها سيطرت على قلبه ويتمنى قربها راح يتنازل عن كبريائه ويعترف بغلطه ........ ومافي انسان مايغلط بس العظة في النهاية ربي كتب شجون لفارس يمكن علشان تدله على الطريق الصحيح وجايته ايام وصدمات بتهده وتغيره

غلاب وسبيكة

اعتقد انو سبيكة بتوافق عليه دامها معجبة فيه وتتمناه وفرحت بخطبته لها ..... بس المهم غلاب لازم يتعامل معاها بكل اهتمام من اول يوم لها معاه علشان لاتصير مثل مشاعل الي تعتقد انو سلطان لليوم يحب دانة واعتقد انها بتغير حياة غلاب للاجمل

ياسر

اذا يبغي ينسى شجون لازم يتزوج ويعيش حياته والي صار مكتوب لهم اثنينهم ........ وربي اختار لكل واحد طريق يختلف عن الثاني .......ومثل ماقلت ماراح يتزوج الا بنت الاستاذ محمد الي كان له فضل في انارة طريقه لكل خير ودله على بداية الطريق والحين هو بمكانة الكل يتمناها مثل ماربي كتب له بالاخير يلتقي بأخوانه ولقى الحب منهم راح يلقى الانسانة والبديلة عن شجون وانا اقول انها غلاوي او دم عسل اتخيل حياة ياسر كيف بتكون وهي عنده راح تزرع الضحكة والفرحة بقلبه لانها فرفوشة وهو عاش طول حياته بحزن ماشاف شي يفرحه من كل قلبه واعتقد نسبه وقربه من الاستاذ محمد بيكون احلى جائزة له بعد كل هالصبر انسان له معزة بقلب ياسر ويتمنى لقائه


اما الي دخل على ياسر هو جاسم الي قسى عليه وعذبه واعتقد بهذا اللقاء بنعرف من خلال ذكريات ياسر كيف تحرر منه وقدر يدرس ويحقق شي لمستقبله .......مازلنا نجهل كل هالاشياء ومااعتقد ماراح يتسلط الضؤ عليها ...والي معاه اعتقد بنته

حصوه
الي مايطول العنب يقول عنه حامض ......خلي يجيها واحد اخلاقه نص اخلاق دحوم هذيك الساعة تتكلم والله شكلها غيرانة قال الي مافيه بياض هذاك فويرس وصلاح فيهم البياض والجمال ماشفنا منهم غير اقبح التصرفات ...وفواز الي من قهرها هي واختها كان جميل ليش الحين تدم فيه .........بس الي مو حاصل لها الي عند غيرها لامن اهتمام اهل ولا من زوج الكل يمدح اخلاقه واخلاق اهله تطلع عيوبه .... مالقى بالورد عيب قال يااحمر الخدين ....قعدي انتظري العريس الجميل هذا اذا طاق بابك ........اجل مالقت تعايب الا على غلاوي هزلت تلاقيها شيفة ومغترة من حلاوة وظرافة غلاوي وبكرة تسمع انها ماخذة الدختور ياسر على سن ورمح وهي قاعدة تعد جدران غرفتها


غلاوي

فديت السمران انا ......مين قال انو السمر مافيهم جمال بالعكس جمال ملامح وجمال روح وخفة دم اغلب الي اعرفهم بشرتهم سمرة خفيفين دم وجلستهم حلوة ........ والله اليوم بردت قلبي بفويرس فديتها وفديت خشتها عرفت له ورصدت كل حركاته خخخ .......بس ليه ماتبي الي يبوسها ويحضنها لا بالله راح فيها ولد الحلال خخخخ


دحوم وريوف

الله يجمعهم على خير وقطع قلبي لما تذكر شعاع والله اشتقنا لها وتمنينا انها موجوة بس هذي الدنيا وان شاء الله يجيب لنا شعاع صغيرة وتفرح قلبه


هموسة زعلتيني ليش تفاولي انها اخر رواية لا انا اطلب منك رواية خامسة مثل ماتعودت كل سنه هالوقت نختم معاك مولودتك ..........وصدقيني قضايا كثيرة موجودة وتقدري بأبداعك تطرحيها ......في قضايا يمكن مشابهة للقضايا الي طرحتيها بس ممكن لها جوانب وظروف مختلفة ياليت تبتكري لنا احداث جديدة فيها .......مااتمنى انها تكون اخر رواية ياقلبي دامك تحبي الكتابة لاتدفني موهبتك .......القضايا كثيرة وخصوصا قضايا المرأة


في انتظارك ياقلبي وكل عام وانتي بخير

اليووووم اول ثلاثاااء برمضااان
ننتطر ع وووعدك قلبووو