الــ ج ــزأ الــ خ ــامـس والــ ع ــشــروون
في الكوفي
ياسر: بحماس هاهـ علمتو اخوك عن ولدهـ
مشاري: ايه الحمد لله اخيرا
ياسر: يعدل جلسته ايش كان ردت فعله
مشاري: توقعتها اقوى من كذا اشوف حماسه يبي طفل قلت أكيد يبي يقوم الدنيا فوق حدر
ياسر: يعني ايش سوا
مشاري: زوجته الثانيه داخت عليه وشكلها شارطه عليه مايرجعها
ياسر: يحجر ابتسامته وقلبه يدق بقوة من الفرحه بكل فرح يعني خلاص مو مرجعها
مشاري: بدون مايلاحظ فرحة ياسر مستحيل ابد مايبغاها والحين يزور ولده خفيه علشان ماتعرف زوجته الثانيه
ياسر: تنهد براحة وفلتت كلمة الحمد لله
مشاري: مانتبه له لأن سحر دقت عليه
ياسر: حس الدنيا ضحكت له من جديد
مشاري: سكر السماعه وشرب الكوفي فعلا ماتحس بطعم السعادة حتى تتزوج ويكون عندك بنت او ولد يملون عليك حياتكـ
ياسر: ابتسم له صادق
مشاري: قرب شوي له يالله شد حيلك وخلنا نفرح فيكـ دراستكـ وكملتها وبيت وعندكـ ايش حجتكـ الحين
ياسر: ان جاك للحق ماعندي عذر لأني حتى العروسه المناسبه لقيتها
مشاري: وهو مبتسم مين سعيدة الحظ الي إختارها الدكتور ياسر
ياسر: بكل ثقة ام بندر
مشاري: إختفت ابتسامته ام بندر ولد أخوي قصدك شجون
ياسر: ابتسم وهز راسه بأيــــــــه
مشاري: ابعد شوي مستغرب من طلب صديق عمرهـ لزوجة أخوهـ من بين البنات كلهم محتار مايعرف ايش يرد
ياسر: يراقب ردة فعل مشاري ويقرأ الأسألة الي بعيون صديقه نزل راسه شوي بعدين رفعه وحط عيونه بعيون مشاري عارف ان سؤال واحد يتردد بذهنكـ ليه إخترتها من بين البنات كلهم
مشاري: تبي الجد هذا الي محيرني
ياسر: تقدر تسميه تعاطف مع قصتها او اعجاب بشخصيتها والتزامها وحشمتها راجعت بولدها ماسمعت من صوتها الا همس بس راجعت بولدها ماشفت ولاطرف إظفرها وزاد إعجابي فيها صبرها على أخوكـ قبل وهروبها بشرفها من بيت أبوها
مشاري: وهو يدقق بعيون فارس والي زاد كل هالإعجاب انها هي عشق الطفولة الضائع
ياسر: فتح عيونه بتعجب بعدين تهرب بنظراته وسكت
مشاري: حط يده على يد ياسر مالومكـ ياخوي أنت طلبتها على سنة الله ورسوله حبيتها وماطولعت ابلبسك ورحت بطريق ثاني والحين انت ترجع حب طفولة مو بعصنة زوج ولاشي بس ياخوكـ ماضمن ردة فعل اخوي الي هو ابو ولدها
ياسر: عقد حواجبه مو من حقه يطالب فيها وهو طارها مو من حق يطالب فيها وهو هاينها قبل اصلا كان مجبور عليها وتخلص منها ان جاها نصيبها راح يوقف بطريقها مستحيل
مشاري: لو ماكان له ولد منه نقدر نقول مو من حقه بس لاتنسى له ولد منها الحين
ياسر: له ولد يزوره بالحفيه عن زوجته زي ماكنت تقول قبل يعني ايش الفرق يزوره بيت عمتها او ببيت زوجها بندر بحسبة ولدي ومستحيل اظلمه وانا جربت الظم قبل
مشاري: ماعمره شاف ياسر متحمس ومعصب زي هاليوم عرف انه يحب شجون بجنون ومصمم ياخذها سكت شوي ببي ياسر يهدأ خلاص ياخوي ابكلم ابوي وهو يتصرف
ياسر: ابعد عن الطاولة بس أنا ماراح استنى ردكم انا ابكلم عمتها
مشاري/ تفاجأ من رد ياسر يناظره وهو واقف بكل حزم وثقه طيب ليه ماتخلي ابوي يشوف الموضوع ويكملها
ياسر: ابوكـ على عيني وراسي بس انا ماقدر استنى شجون كبيرة ولها رايها بعد يالله ياخوي تامرني بشي عندي عمليه الحين
مشاري: سلامتك الله يوفقك يناظر بخطوات ياسر الثابته صدق من قال من الحب ماقتل أول مرة اشوف ياسر بالحماس والشده هذي مستعد لو يخوص حرب في سبيل يفوز بشجون سبحان الله واحد يبعها وماهتم فيها والثاني شاريها ومستعد يسوي أي شي علشان يفوز فيها وكم بنت تمنته مالفتت نظره ومصمم على شجون بس مالومه شجون بنت أخلاق ودين بس اخوي ماعرف قدرها آخ ياخوي تمنيتك حافظت عليها وماطيرتها من يدينكـ بس الشكوى لله
============
في بيت أهل سلطان
سلطانه: اليوم راح يجتمعون بالمزرعة والبنات راح ينامون مع عمي بندر
مشاعل: بإبتسامه وناسه أجل ليت كلنا ننام
سلطانة: انا والعنود راح ننام وأنتي
مشاعل: وهي تناظر بسلطان الي يقرأ جريدة ومسوي نفسه انه مو معاهم وهو عيونه كل شوي تسرق النظر لحبية القلب مشاعل .. ردت ياليت والله مشتاقه للسهرمع البنات
العنود: لفت على سلطان معليش ياخوي تسهر معانا الليله مشاعل
سلطان: وهو يكمل قرايه ويشرب الشاهي حقه راح نروح بس النوم في البيت
سلطانة: بس الليه سلطان
سلطان : لا مافيه نوم الا في البيت حط فنجاله ولبس شماغه تامروني بشي وعيونه على مشاعل الي منزلة راسها
أمه: لاياقلب أمك انتبه لنفسك يوم طلع لفت على البنات غريبه اول مايرفض لدانة طلب لو تنام شهر ماقال لا ليش الحين يرفض
مشاعل: تضايقت حيل والعبرة وقفت بحلقها
العنود: حست بمشاعل أكيد راح يرضى لدانه لأنها ماكنت تهمه يمه زي مشاعل الي كل جلسته ماينزل عيونه عنها مو زي دانه كان يجلس مع ابوي بالمجلس مايجي حتى عندنا
مشاعل: ارتاحت لكلام العنود بس مو متأكدة كلام أمه صح او كلام أخته الي يمكنها ترحمها وتدور عذر
سلطان: يسوق سيارته مجنونات خواتي يبغونها تنام عني ليله وحده ماتحمل صح هي بسرير وانا على الكنبة بس يكفيني اسمع انفاسها وهي نايمه يكفي اشم ريحة عطرها الي تعودت مانام حتى اشمه بس أحسها زعلت لأني طلعت وهي منزلة راسها ناظر جواله فكر بأي عذر يكلمها ويتأكد هي زعلت اولا
مشاعل: طلعت غرفتها ترتبها فرصتها ان سلطان موفيه دق جوالها برقم سلطان ابتسمت غصب عنها ردت بهدوء الو
سلطان: اهلين مشاعل بس حبيت اسألك متى تبون تروحون
مشاعل: جلست على طرف السرير مادري عن البنات ماحدوو ماسألتهم
سلطان: مالي شغل الا بزوجتي متى مابغت يروحون وابتسم
مشاعل: ماتوقعت ردهـ حست بفرحه كبيره كتمت ضحكت الفرح
سلطان: حس بضحكتها المكتومه وتخيل تحمير خدوها هاهـ مشاعل متى تبين
مشاعل: حاولت تتجرا يناسبك العصر
سلطان: امممم بس العصر احب اجلس معاكم نتقهوى حلو المغرب او تتأخرون
مشاعل: الي يرحك سلطان ماعندي مشكله اهم شي وقت يناسبكـ
سلطان: خلاص أجل المغرب سكر منها سبحان الله فرق عن دانة الي كانت تصدر اوامر وماتشوف راحتي مشاعل مع انها تبي أهلها واجتماعهم ورافض انها تنام وهي بخاطرهامع ذلك تأدبت معاي وتدور راحتي احبك يامشاعل وراح اظل امووت فيك
مشاعل: سكرت السماعه وتتذكر كلمته اممم بس العصر احب اجلس معكم يمكن علشان أهله مو علشاني او يمكن علشاني معقولة سلطان مازال يحبني ساعات أقرا بعيونه الحب وساعات برود ساعات احسه يعاملني بأذب زي مشاري مع العنود وساعات اقول لايمكن جد مازال يحبني زي ما أنا اموت فيه واشتاق له الحين وهو لسه طالع من عندنا
===============
في بيت ابو عبدالرحمن
عبدالرحمن: دخل على أهله وكانت عندهم سحر مع بنتها فرح بشوفتها يموت على ميار أخذها وباسها ولعبها
سحر: فديت أخوي مو الدفشه غلاوي الي بس تعض فيها
غلا: ياختي بنتك سكره وانا نملة بس اقرص واعض فيها خليها ملح واتركها
عبدالرحمن: حط ميار على حجره الحمد لله انكم كلكم موجودين لاني ابيكم بموضوع
محمد: خير ياوليدي
عبدالرحمن: الخير بوجهكـ تعرفون إن أمي ماقصرت تدور لي على بنت حلال بس ماكتب ربي وأنا اليوم كنت مع واحد من ربعي متزوج ووصيته يدور لي عن طريق زوجته قالي إن زوجتي تمدح بنت تدرس معاهم أخلاق وطيبه مرة اسمه ريوف عبداللطيف
نوال: بس أنت متأكد من أخلاقها ياوليدي
عبدالرحمن: والله زوجته تمدحها مرة
نوال: طيب عطني رقم زوجته استفسر منها بنفسي
عبدالرحمن: هذا رقم بيت صديقي يمه
نوال: قامت ودقت على زوجة صديقه
شيخه: وعليكم السلام من معاي
نوال: انا أم عبدالرحمن محمد صديق زوجك أحمد
شيخه: هلا والله وغلا حياك ياأم عبدالرحمن
نوال: تسلمي ياقلبي مابي اشغلك بس ولدي خبرني انكـ ذاكرة له بنت اسمها ريوف
شيخه: ايه هذي وحده كانت معاي من ايام المتوسط تقدري تسميها زميله بس كانت نفس فصلي ايام الثانوي وماشاءالله عليها بنت خجوله ومؤدبه وأهلها محافظين عليها حيل حتى من زود ماحافظو عليها خابره أخوها يمنعها تروح وتجي مع السواق لازم رجله على رجلها بكل مكان تروح له أو امها
نوال: حلو هذا الي نبيه اجل يابنتي عطينا رقم أهلها علشان زوجي وولدي يتقدمون لهم بس كيف شكلها مقبول او لا مو شرط جميله اهم شي زين اخلاقها بس قصدي مقبولة
شيخه: الاذواق تختلف بس هي مملوحه وبيضاء ومو طويله وابتسامتها دايم على وجهها
نوال: فرحت اهم شي الابتسامه الزين غسال ايدين يالله ماقصرتي وجعلها موازين حسناتكـ والله يكتب مافيه خير وصالح سكرت من شيخه وراحت لهم
عبدالرحمن: متحمس ايش قالت
نوال: والله مدحتها حيل انتم تعرفو على ابوها وتقدمو لها
عبدالرحمن: خابر رفيقي يقول كل شي بوجه أخوها
محمد: عصب مافيه بنت تطلع من شور ابوها وهو حي وتروح لأخوها
عبدالرحمن: مادري يبه بس يقولون ابوها صاد عنهم مرة
محمد: نروح نشوف ابوها وان شفناهـ ماعطانا وجه رحنا لأخوها والله يسهل
غلا: أخيرا راح تجي وحده توسع صدري ازين من سحير الي سحبت علينا سحبه هي وفرختها مالت عليهم
سحر: الله يعينها راح تجننيها
غلا: ابدلعها واخليك تغارين وراح تشوفين
===============
في بيت العمه
العمه: جالسه تتقهوى وسرحانه
شجون: نومت بندر وطلعت لعمتها قربت من دلة القهوة تصب لنفسها طالعت بعمتها استغربت سرحانها عمة فيك شي
العمه: حطت فنجالها لا يابنتي مافيني شي
شجون: وجهك موعاجبني احس فيه شي شاغل تفكيركـ
العمه: ناظرت شجون تعرفيني الدختور حق القلب الي كشف على بندر
شجون: بدا قلبها يدق بقوة لمجرد ذكر غريب قدامها حطت فنجالها وهي تتصنع البرود ايوه ياعمتي اعرفه
العمه:اليوم دق
شجون: عقدت حواجبها خير ايش يبغى..؟؟؟
العمه: جاي يخطبكـ مني
شجون: نزلت راسها سكتت
العمه: تنهدت وسكتت شوي يابنتي عارفه انك كم مرة ترفضين قبله بس هذا اشوفه ملتزم ويخاف ربه وسبحان الله من شوفتي له وهو داخل قلبي
شجون: عدلت جلستها طالعت بعمتها عمتي ولدي أهم شي عندي بالكون مابي أي شي يفرق بيني وبينه
العمه: هذا الي شاغل بالي لو مابينكـ انتي وهالخايس فويرس ولد كان ردت عليه بالموافقه قبل يمكن ماشاوركـ بس الحين لازم نشاور عمكـ ونشوف عنه هم أهل ابو بندر ولهم حق نشاورهم والي لو الود ودي احرق قلب ولدهم وازوجكـ بدون ماخذ حتى ردهـ
شجون: ابتسمت بحزن يعني هو مهتم بأمري انا والي ولدهـ اصلا كتب ربي بندر كأنه حجر بحياته وخايف تعرف زوجته ويضيع مستقبله بس أنا اعرف فارس زين فارس اكره شي اكون سعيدهـ يحب يشوف الحزن بعيوني عمري ماشفت اقسى من قلبه مادري ليه كارهني وكارهـ أي شي مني حتى المسكين بندر ماحبه وهو ولدهـ بس لأني أمه
العمه: عصبت ومسكت عصاها عمره ماحبك احسن هذا الي نبيه نبيه يطس من حياتكـ ويريحنا مو هو يبي يتردد على ولده هنا خلاص يشوف ولده بعد زواجك هنا وهذا شرطنا على ياسر
شجون: جاها بصيص أمل ان السعادة تطق بابها بعد ماودعتها طول حياتها بس خوفها من فارس يزيد حاسه راح يسوي شي
==============
في سوبرماركت حق ابو فواز
محمد وعبدالرحمن راحو لمحله
ابو فواز: جالس على مكتبه يراقب العمال
محمد: انت الاخ عبداللطيف ابو فواز
عبداللطيف: وهو عاقد حواجبه انا ايه أنا بس اسمي ابو متعب
محمد: جلس كلهم عيالكـ الله يخليهم لكـ
عبداللطيف: امرني بغيت شي
عبدالرحمن: ماعجبه اسلوبه ودفاشته بس هو عنده خلفيه عن قساوته على عياله من زوجته الأولى مايبي يتركـ بنت الكل مادحها بسبب قلة ذق ابوها
محمد: بحكمه ماهمه ابوها عارف ان فيه ناس عقليتهم ونفسياتهم تعبانه عارف الوقت ولا المكان مناسب نبي نشوفك بالببيت اذا ممكن
ابو فواز: قول الي عندك، هنا وخلصني وقتي مزحوم مرة
محمد: جايين نخطب بنتك الصغيرهـ
عبداللطيف: ابتسم قصدكم سهى
محمد: لا اسمها ريوف
عبداللطيف: تغير وجهه مالي شغل فيهم هذا رقم اوخوها وتفاهمو معه
محمد: استغرب مو بنتكـ
عبداللطيف: ماعرف أحد خلي أمهم تفيدهم يالله مشغول عن اذنكم
محمد: طلع هو وعبدالرحمن أخاف ياوليدي عاق بابوهم وحنا ناسبهم
عبدالرحمن: يبه انا تعرفت على لي عمها الصغير يقول أخوي ظالمهم وهاجرهم لعيون زوجته وكارهم لأنهم ماتركو أمهم وجو عندهم واصلا زوجته الثانيه ماتبيهم واي شي تقوله له يتم كل أهله متحسرين عليه ونصحوهـ بس مايلتفت لأحد ربي سخر لأمهم ولدها الكبير فواز والا كان يعلم ربي عن حالهم
محمد: والله ماحب اخطب من ناس كذا مشاكلهم أخاف تتعب معاهم بس برضو حرام نتركها ونتخلى عنها ومانخطبها بذنب ابوها عموما ابقابل اخوها ان عجبنا خطبنا وان ماعجبنا سحبنا
عبدالرحمن: وهو يحرك سيارته يبه مرتاح لهم كثير وباغيهم سبحان الله كم بنت تذكر لي بس هذي داخله مزاجي أكثر شي
محمد: الله يكتب مافيه خير يابوكـ
================
في الجامعه
موعد متحضرة الدكتور فواز
غلا : إف اكره محاضرة بحياتي
عبير: بعد ذاك الموقف كرهتيه
غلا: وماطيقه اكره اشوف حتى خشته
فتحت الشاشه
البنت الي وراء ياختي كأنه سوري
الثانيه: تراه كبير بس ماتزوج
البنت: ليته يتزوجني كان اطالع فيه وافهي وان طلعت للسوق البسه نظارة سوداء علشان مايشوف غيري
الثالثه: مرة شفته يركب سيارته الكززس وعليه غترة بيضاء ولابس نظارة سوداء قسم فهيت ماركبت الباص حتى راح
غلا: استحي انتي وياها تراها محاضرة علميه مو محاضرة غزل قسم حومتو كبدي بكلامكم
الثانيه: ايش دخلك ماكلمناكـ
غلا: احشمو الي قدامكم اذا خلصت المحاضرة اطلعو بالساحه وقلو الي تبغون وتغزلون بالبواب ان بغيتو جد مابقتو شي للشباب من جد قلة حياء
المشرفه: انتي وياها هناكـ هدوء
فواز: يسمع اصوات ممكن الاخت المشرفه تهدي الوضع راح نبدا بالمحاضرة
البنت الثالثه: لاتسوين فيها البنت الاخلاق وانتي الله العالم ايش تسوين من ورانا
غلا: عصبت الزمي حدكـ
المشرفه: انتي وياها هدوووء
فواز: انزعج مممكن اعرف ايش يصير كيف ابدا المحاضرة وسط الازعاج هذا
غلا: كلمه منها وكلمه من البنات صارت هوشه
عبير: خلاص غلا هدي
غلا: تغلط وتتهمني بشرفي وتبيني اهدي
فواز: هاتيه أسماء الي مسويات فوضى حالا
المشرفه: سجلت اسمائهم وعطتهم فواز
فواز: بسرعهم طلعيهم برا مابيهم بمحاضرتي
غلا: تهز بيدها وهي معصبه يكون احسن بعد وطلعت برا المحاضرة
فواز: سجل الاسماء شاف نفس اسم غلا محمد هالبنت راعية مشاكل والغريب درجاتها عندي كامله تضيع مستقبلها بإيدها
=================
في بيت فارس
دلال: لابسه شورت جينز وتي شيرت اصفر جلست وحطت رجل على رجل وهو تشرب الموكا حقها مبسوطه ان فارس يطيعها بكل شي مو مصدقه ان فارس الي كلا يحسب له الف حساب صار خاتم بإصبعها
فارس: كان يقرأ الجريده ومعاه مكسرات
دلال: تبي تبعد فارس قدر المستطاع عن أهله وشجون وولده حبيبي
فارس: هلا
دلال: ابوي قالي خبري فارس عنده دوره في جدة شهر
فارس: نزل الجريدة بعصبيه مادري ليه ابوك مايقولي انا قدامه بالشركة ست ساعات تقريبا ويخليك انتي تقولي لي كل شي
دلال: غيرت مكانها وجلست جنبه حضنته لأني بابا يعرف اني احوبك واحب اقول لكـ بنفسي عن الدورات
فارس: ماله خلقها خلاص يصير خير
دلال: اقوله موافق
فارس: مالي خلق سفر
دلال: انقهرت حبيبي تعرف الدورة فيها راتب زيادة ياروحي
فارس: قام ابمر أهلي وبعدين ارد عليكـ
دلال: مسويه تهدده اجل ان مارحت ابسافر مع أهلي باريس لانهم يبون يجلسون شهر هناكـ
فارس: ناظرها من فوق لتحت و على كيفك يمكن ماسافر بس مو معنى هذا اني ابسمح لك تسافري معاهم
دلال: فرحت انه رفض تحسه يحبها
فارس: طلع لسيارته وراح لأهله سلم عليهم وجلس
ابو مشاري: يبي يقيس نبض فارس قبل مايفاتحه بالموضوع كيف دلال
فارس: ماعليها مبسوطه قبل شوي تقولي عندي دورة لجدة شهر
ام فارس: ياقلبي كل شوي سفرات ماصرنا نشوفكـ
فارس: شغلي يالغاليه ايش تبغيني اسوي
ابو مشاري: متى راح تشوف بندر لك اسبوعين عنه
فارس: يبه مشغول اذا فرغت نهاية الاسبوع اشوفه
ابو مشاري: سكت شوي اجل وضعك كذا مناسب ماتشوفه الا بعد اسبوعين او ثلاثه يعني تقدر تشوفه ببيت العمه عادي ماكأن شي تغير
فارس: عقد حواجبه ايش راح يتغير اصلا؟؟؟
ابو مشاري: شجون راح تتزوج،،،،،،،،،،،،،
فارس: مو مدركـ ايش يقول ابوهم ايش؟؟؟؟؟؟
مشاري: زي ماسمعت من ابوي ام بندر راح تتزوج واعتقد من حقهاتعيش حياتها زي مو من حقك تعيش حياتكـ وانت ماطلقتها الا علشان تشوف مستقبلها
فارس: وقف بعصبيه أي مستقبل الي تتكلم عنه مشاري شجون يوم اطلقها على اساس مامعاها ولد ومن حقها تعيش حياتها الحين معاها ولد لازم تعيش وتضحي له
مشاري: عصب ايش الأنانيه هذي فارس انت عايش مبسوط وتبي تحرمها تتزوج وتسعد بحياتها جاها رجال كفو عقل ودين ومركز
فارس: نطت الغيره فيه مايعرف كيف غار عليها وهو ماحبها بس جاه شعور تملك غريب ناظر بأخوه ترضى اتكلم عن واحد يخطب ام ميار قدامكـ واقول عنه كفو ودين ترضاها ياخوي
مشاري أكيد مارضاها لأني احبها وهي بذمتي وأم بنتي ومكرمها بس ارضاها لو قلت للعنود جاها واحد كفو لأنها كانت زوجتي والحين طليقتي يعني زي شجون بالضبط نفارقهم ونتمى لهم كل خير مو نفارقهم ونحط عليهم صك ملكيه مايتزوجون أحد بعدنا ونخليهم معلقين
فارس: اصلا انا كل هالفتره كنت افكر مستحيل اعيش ببيت وولدي بعيد عني انا فكرت كثير وقررت اراجع شجون علشان ولدي
الكل انصدم من كلامه فاجئهم بالخبر
ام فارس: قامت ووقفة قدامه ياوليدي لاتكون تبي تراجعها بس خوف انها تتزوج غيركـ !!!
فارس: لايمه انا من عرفت عندي ولد وأنا بدوامة مابي اخسر زوجتي ولا ابي أخسر ولدي بس كنت اخطط لوقت مناسب اراجع شجون علشان ولدي بدون مازعل دلال
ابو مشاري: هذا اذا رضت شجوت ترجع لكـ
فارس: لازم ترضى غصب عنها انا راجعتها علشان ولدي ابعالج فيه والف فيه المستشفيات وهو مايستغني عنها يعني لازم ترجع لي علشان نروح فيه جميع
ابو مشاري: ماقدر اقول شي ومو من حقي اعترض
مشاري: مو مرتاح حاس ان اخوه ماقال كذا الا بعد ماخطب ياسر شجون
فارس: عن اذنكم طلع لسيارته وفك ازاريرهـ حاس إنه مخنوق ايش جاني وايش قلت وخربطت ورطت نفسي بأكبر ورطه الحين ايش اسوي بدلال بس مادري ليه حسي تصبو علي مويه حارة يوم قالو شجون راح تتزوج كنت ابغاها تتزوج يوم اطلقها بس ليه الحين غرت معقوله احمل لها حب بس اكتمه لو ماحبها ماغرت عليها مادري كيف اتصرف مادري اراجعها واخليها ببيت لحالها واتردد عليها بدون ماتعرف دلال هذا احسن حل
==============[/COLOR]

في بيت فواز
فواز: هلا والله زارتنا البركه
محمد: هلافيك زود أخذ فنجال القهوة من فواز والله ياوليدي مرينا ابوكـ قبل بس قال تفاهمو مع أخوها
فواز: تمنى يكون ابوه معاه يستقبل خطاب أخته تمنى مايحرجه قدام الناس بس تعود زوج 3 من اخواته بنفسه وجاء الدور على آخر العنقود ريوف يطالع بعبدالرحمن ارتاح له كثييررر وحاس من شكله وهيئته ان رجال كفو ومناسب لأخته
محمد: ولدي عبدالرحمن موظف بالإحصاء واحنا نسكن بحي المروج تقدر تسأل عنه إمام المسجد وهذا عنوان المكتب الي يشتغل فيه وتبون بيت مستقل حنا حاضرين
فواز: يابو عبدالرحمن أهم ماعلينا الرجال ان كان كفو الوظيفه والسكن ماتهمنا اهم شي رجال يكرم ويصون بنتنا ننقلها من بيتنا لأمانته
عبدالرحمن: ابتسم مالك الا كل الي يسرك ان شاءالله
فواز: والنعم فيك ياخوي
محمد: اجل حنا نسترخص وبعد ماتسأل رد علينا هذا رقم جوالي وطلعو وجلس فواز على كنب المجلس يقرأ الاسم زين ويتذكر غلا محمد المشاغبه عنده يعني أخته بس سبحان الله أحسه اخوها مرة راكد وابوها رجال كفوبس احيانا تطلع البنت غير الله يهديها بس الحمد لله ريوف لبى قلبها هاديه وخجوله والبنت دايم يجملها الخجل
====================
بيت العمة
شجون: بعصبيه مستحيل ارجع له لو ايش مايصير
العمه: هدي يابنتي وفكري بعقلكـ
شجون: لأني مفكره بعقلي مابيه تفهمون كيف مابيه
ابو مشاري: يابنتي من حقه يعالج ويلف بولدهـ ويتطمن عليه
شجون: أنا ياعم رحت فيه هذا ولدي مستحيل أخليه دايره فيه من قبل مايعرف بوجودهـ
ابو مشاري: هو يبي يروح فيه اغلب من مستشفى مو مستشفى واحد
شجون: انا راح الف فيه انا وعمتي مو مشكله
العمه: شفتها معصبه حيل غمزت لابو مشاري
ابو مشاري: فهم على العمه انا استأذنكم الحين وطلع
شجون: جلست على الكنبه وهي ضايقه من مجرد ذكر رجوعها لفارس
العمه: يابنتي تراك مالك حق تحرمينه من ولده له حق يشوفه كل مايبي وينام بحضنه
شجون: ياعمتي هو أصلا ماهتم فيه ولا دراء عنه
العمه: يابنتي تراني اكره فارس اشد من دم سنوني الي سواه فيك مو قليل وتمنيتك لياسر وانتي تعرفين هذا زين
شجون: قاطعت كلام عمتها مابي لافارس ولا ياسر خلوني مع ولدي ابي اعيش حياة سعيده بعيده عن أي رجال ياعالم مو من حقي اعيش بسعادة وراحة بال زي غيري
العمه: تراك قاطعتي كلامي يابنتي لاتغشين نفسك حمل بندر لحالك وهو تعبان كاسر ظهرك مهما اظهرتي انه عادي بس يابنتي لاتلومين فارس لو ماحن على ولدهـ سنه ماعرفه وشافه من بعيد ترا الأم اذا شالو ولدها بدون ماتشوفه احيانا ماتحن وهي حامله فيه تسعة اشهر كيف عاد ابو ماحمل ولاتعب فيه الحنان يجي يابنتي من التعب والسهر والعشرة لاتتحملي ذنب فارس وتحرميه من ولدهـ لو جاه شي بندر وابوه ماعاش معاه ماراح يندم غيركـ وراح يأنبك ضميرك طول العمر تعرفين بندر حالته صعبه الله يستر يجيه شي وانتي حارمته من ابوه صعبه حتى بندر لازم يحس بحنان ابوه من حقه
شجون: حطت يدينها على راسها مو قادرة افكر ياعمه مو قادرة
العمه: ابخليك تفكرين براحتك بس فكري بعقل وحكمة زي تفكير شجون دايم لا يعمي عيونكـ الكرهـ والحقد وتظلمني ولدكـ وحشاشة جوفك وان فارس سبقك بالظلم لاتصيرين ظالمه زيه
===============
في بيت فارس
فارس: رجع للبيت محتار ايشي سوي بالمشكله الي ورط نفسه فيها
دلال:قابلته هاهـ ايش ردكـ ابوي ينتظر ردكـ
فارس: بدون نفس مابي اروح لشي
دلال: انقهرت أجل خلاص ترا ابروح مع أهلي باريس بكرة رحلتهم
فارس: سوي الي تبين
دلال: استغربت من ردهـ بس ماتبي تذل نفسها له أكثر عارفه مايستغني عنها وماتبي تغير كلمتها خلاص اجل ابخليهم يدورون لي حجز واروح معاهم
فارس: خلااااص سوي الي تبين وخليني انام
دلال: تناظره وهو شاد بطانيته عليه ويحاول ينام ومطنشها زين يافارس ان ماخليتك تفقدني ماكون دلال دقت على أمها وقالت ابسافر معاكم دبروني
أمها: لاتشيل هم ياقلبي ابقول لابوك وهو واسطته بالطيران قويه راح يدبركـ بس أنتي جهزي حالكـ
دلال: ابتسمت بنصر راح تشوف يافارس مين دلال
===============
في غرفة ريوف
ريوف: جالسه على الاب تفرفر فيه
فواز: دخل عليها بهدوء وصار وراء كرسيها ايش الحلوة تشوف
ريوف: تبتسم اشوف مقطع للشيخ المغامسي
فواز: ممكن حلوتي تعطيني من وقتها شويه بس
ريوف: كلي لكـ ياأحلى أخ لف بكرسيها له
فواز: جلس على طرف سريرها حبيتي ريوف عارف أنك لسه صغيرة على الزواج بس واحد تقدم لك كفو والكل يثني عليه
ريوف: بس ياخوي انا ابكمل دارستي الجامعيه مافكر ابد بالزواج الحين
فواز: حبيتي شرطت عليه دراستك ووافق والله ياختي لو ماشوفه مناسب ومارتحت له ماوافقت ترا قبله فيه شباب بس ماعجبوني بس هذا سبحان الله شفته هو وابوه دخلو قلبي
ريوف: خنقتها العبرة بس كتمتها ياخوي مابي اتزوج الحين ابجلس معاكـ انت وأمي
فواز: ياختي مارتاح حتى ازوجـكـ زوجت خواتي قبلك وارتاح بالي وأنا اشوفهم مبسوطات ماضمن عمري ادوم لكم اخاف يجيني شي وانا ماتطمنت عليكـ
ريوف: نطت جنبه بسم الله عليك نزلت دموعها انت ابونا واخونا وكل شي لنا ماعرف حياتي بدونكـ
فواز: رفع راسها بطرف اصبعه وهو حاضن خصرها مع اني احرمك من الطلعة مع صحباتكـ الي نفسكـ فيها ودايم تزعلين علي يوم كامل تسكرين على نفسكـ الغرفه
ريوف: ابتسمت من بين دموعها يومها ازعل بس بعدين افكر ماسوى كذا اخوي الا من خوفه علي
فواز: والله انك عيني الي اشوف فيها لو جاك شي انعميت
ريوف: بسم الله عليكـ
فواز: وهو يمسح على شعرها فكري زين بالخطيب واستخيري اسمه عبدالرحمن محمد موظف بالأحصاء عمره 25
ريوف: سكتت ماردت
فواز: ابعد عن أخته وطلع وخلاها
أمه: هاهـ ايش ردت
فواز: اول شي رفضت بس خليتها تفكر
أمه: والله راح افقدها تعرف القعده حبه رعده
فواز: ابتسم بحنان لأمه وأنا مالي كرت عند أم فواز
أمه: انت البكر والبكر حبه فكر
فواز: ضحك على أمه وباسها مع راسها الله لايحرمنا منكـ يأ احن أم
أمه: ولا منكـ ياعمود البيت
===============
في غرفة شجون
شجون :محتارة حيل ماتقدر ترجع لفارس تناظر بندر وهو نايم خايفه تظلم ولدها فكرت بغريب حلم طفولتها الي يوم لقته وقرب منها تتخيل شكله وهيبته والتزامه الي حافظ عليه طول هالسنين ماتغير شي منه بس لازم تحطم حلم طفولتها بيدنها علشان سعادة ولدها بندر كل شي الحين لها بس رجعه لفارس مستحيله بس كل ماتتدكر كلام عمتها تتراجع بقرارها دق التلفون وطنشته بس تذكرت أن عمتها عند عاليه عازمتهم بس شجون مالها خلق تطلع طنشت التلفون بس دق ثانيه خافت يصحي بندر بدقاته راحت للصاله وسكرت الباب على بندر بهدوي يوم وصلت له خلصت دقاته جت تبي ترجع دق ثانيه رفعته السلام عليكم رد صوته تعرف زين صوت تكره حد النخاع
فارس: يوم سمع صوتها حس بقشعريره حنين غريبه رد بجفاء هلا شجون
شجون: تكره اسمها اذا نطقه هو ردت ببرود هلا
فارس: عرفتني صح
شجون: كيف انسى صوت حطمني وذلني وكسرني
فارس: مالنا بالطويله أكيد ابوي كلمك بالموضوع والي فهمته من ابوي انكـ رفضتي ممكن افهم ليش
شجون: تعرف الإجابة زين مابيكـ ولا اطيق شوفتكـ
فارس: ضحكـ ضحكة تريقه بقووووووة والا انكـ آخذه مقلب بنفسكـ لاتظني اني ابرجعكـ حب او عشقكـ فيك ابرجعكـ لولدنا الي الله كتب انه يربط بيننا ثانيه ماطلقتكـ وانتي تبين تجلسين معاي قبل سنه وانا ابيكـ
شجون: وانت لاتظن اني قبل سنة كنت مابيكـ تطلقني حب فيكـ انا كنت ابغى اجلس لولدي والا وربي الي خلقني حبكـ ماطق باب قلبي بيوم بس كنت ابسوي المستحيلات لولدي بس
فارس: عصب من ردها اهانة غروره كل البنات يحبونه وتجي اشين بنت تقوله ماطيقكـ المهم اني ولدي يكون جنبي وتحت عيني تبين تجين حياكـ ماتبين مع السلامة تزوجي وعطيني اياه ومتى ماحبيت تشوفيه تعالي
شجون/ عصبت انا اتركـ ولدي مجنون أنت
فارس: اجل ابجبر نفسي ارجعكـ وانتي اجبري نفسك ترجعين لي كل واحد يضحي علشان ولدنا
شجون: ان ردجعت مالك أي حق من حقوق الزوجيه علي
فارس: ضحكـ اكبر من الاولى من جد آخذه مقلب بالنفسكـ الي يسمعكـ يقول فتنه واسوي المستحيلات علشان ارجعكـ يابنت الناس الف مرة اكررها عليكـ علشان ولدنا بس
شجون: ماصدقك لانك مو قدر كلمتك قلت لي المرة الاولى ولا صرت قدر كلمتك
فارس: تعرفي ماسويت كذا الا لسبب وقلته لكـ
شجون: علشان تكسرني وعلشان تهيني ماتوقعت يجيك ولد يخرب حياتكـ وينقلب السحر على الساحر
فارس: هالمرة قد كلمتي انا همني ولدي وبس
شجون: سكتت ماردت
فارس: ايش ردكـ بسرعه قولي ابصير قريب لولدي بأقرب وقت
شجون: لعيون بندر أكل الصبار والعلقم لعيونه بس اسوي المستحيلات
فارس: ابتسم وحمد ربه انه بتلفون علشان ماتشوف فرحته
شجون: شرطي اني اسكن مع أهللكـ
فارس : موافق خلاص بكره اجيب الشيخ ونملك مابي الوقت يضيع وولدي تعبان
شجون: لارد كأنه يقولها بكره اجيب السياف اقطع راسكـ
فارس: سكر منها وتنهد براحه خلال شهر ادبر عمري واطلع شجون ببيت اعرفها الحين تتشرط بكره اقدر اكسر راسها غصب عنها
==============
في بيت أهل ياسر
كانت الجوهرة عندأهلها في بيت اخوها يوسف اجل يمه غاليه ماجت
أمها: لا اليوم زوجها جالس ماستلم ماتقدر تجي
طق الباب الجوهرة راكان يبه افتح الباب بسرعه
راكان: راح يفتح الباب فرح يوم شاف خاله
ياسر: اهلين يابطل
راكان: هلا ياخال
ياسر: قدامي أحد
راكان: لا بس أمي وجدتي زوجة خالي رايحه لأهلها
ياسر: دخل عليهم سلم على أمه وباس راسها ببرود زي العاده يبرها بس ببرود تام
أمه: تفرح لشوفته بس تتعذب وهي تشوفه يبرها بس بر بس حب مافيه ماتشوف الحب الي يعطيه أخته الجوهرة
الجوهر: وينك يالقاطع
ياسر: جلس جنبها وهو مبتسم مالي عنكم غير يومين بس
الجوهرة: المفروض يوميا نشوفكـ والا كثيرة على أم وإخوانك
ياسر: مو كثيرة واعذريني يالغاليه انشغلت هاليومين
الأم: تتابع سواليفهم تتمنى تشارك بس تحس ان ياسر مو متقبلها بعد الي صار تعرف ماراح يردها يخاف ربه بس تبيه يحب سولف معاها زي أخته شافت يفسخ شماغه وينام على حجر الجوهرة تتمنى يسوي فيها كذا وتلعب بشعره وهو نايم بحضنها بس مالتومه الي شافه مو قليل ابد موقليل
الجوهرة: وهي تلعب بشعره الناعم ايش صار على موضوع خطبتك لببنت هذيك
ياسر: انتظر ردهم لسه ماردو علي
الجوهرة:الله يقدم مافيه خير وصالح
ياسر: وهو مغمض عيونه اللهم آمين دق جواله ناظر الرقم فز بسرعه
الجوهرة: حست المكالمه مهمه
ياسر: طلع برا يكلم كانت العمه مخليه بنتها تدق على رقم ياسر تعلمه بالي صار
ياسر: بكل ثقه حصل خير لاتتعذرين ياخاله ماحصل الا الخير والله أعلم ايش الخيره فيه سكر الجوال ورجع لأهله يحاول يخفي الألم الي فيه مو بسيطه بعد ماحصل حب طفولته يضيع بكل سهوله من يده جلس جنب الجوهرة
أمه: قرت الحزن ال بعيونه تبي تسأله بس سكتت
الجوهرة: ايش فيكـ ياخوي من الرقم الي دق عليكـ وقلب مزاجكـ
ياسر: ابتسم تتوهمي لاقلب مزاجي ولاشي بس هذي عمة شجون تقول انها ماتقدر تتزوجكـ علشان ولدها لأن ابو الولد قرر يرجعها قالها بمضض
الجوهرة: الخيرة فيما اختاره الله ياخوي
الأم: بدالها الف احسن دور وحدة بنت لسه ماتزوجت ولاترا خالك لسه عند كلمته موصيني لك يقول يختار أي وحدة من بناتي وانا جاهز ازوجها له
ياسر: بدون مايطالع فيها ماقصر بس انا قايل له راي بالموضوع هذا بناته الله يرزقهم مع غيري وهالبنت كبرت بعيني أكثر ضحت بسعادتها مع انسان عذبها علشان ولدها
الأم: سكتت وماقدرت ترد
الجوهرة: أي أم بالدنيا راح تضحي مافيه اغلى من الولد ياخوي
ياسر: ناظر بأمه بألم وأخذ شماغه استأذنكم
الجوهرة: مو ملاحظة كلام العيون الي بين أمه وياسر بدري ياخوي لسه ماشبعنا منك
ياسر: الجايات أكثر وطلع ركب سيارته وهو بقمة حزنه خلاص شجووون ضاعت من يده لازم يدور غيرها علشان ينساها ردد انساها يعني اتزوج وحده تنسيني حبها يعني ابظلم غيرها معاي مادري ايش اسوي من جد محتار مرة بس ماقول الا الله يسعدكـ ياشجون وين ماكنتي
=============
في مجلس فواز
عبدالرحمن: جالس مع فواز ومرتبك للشوفه هو ماتعود يشوف بنات ابد وحاس بإرتباكـ فضيع
ريوف: بين خواتها وترجف خلاص هونت أدخل عليه رجولي مو شايلتني كانت لابسه تنورة سوداء وبلوزة رمادي كحلي مبين بيضايها حيل
اختها ريم: يالله ريوف كلنا حسينا بنفس الشي حبيتي عيب عند الرجال له نصف ساعه ينتظر
ريوف: مو قادرة ابد
فواز: يسولف من سالفه لسالفه وبنتظر أخته انحرج من عبدالرحمن الي واضح انه ينتظر ومو مركز معاه
فايزة: يالله ريوف بلا دلع
أم فواز: بسم الله عليها سمو عليها
فواز: انحرج لاتلومها تراها خجوله حيل عن إذنكـ أبشوف عنها اخاف اغمي عليها وضحك وطلع
عبدالرحمن: يالله متى يخلص هاليوم صعبه حيل الشوفه ياترى ايش شكلها بيضاء وشقراء زي أخوها او سمروايه ونحيفه زي الهبلا غلاوي او زي سحر مو قارد اتخيل شكلها قطع تخيلاته وحده بيضاء صغيرة طولها 160 شعرها اسود تحت كتوفها لابس لبس ناعم ومنزلة راسها وماسكه يد أخوها جلس أخوها وجلست جنبه وهو منزلة راسها
عبدالرحمن: ماتخيلها بالنعومة والبياض كذا صح مو كله جمال بس بياضها جذاب مررررة وواضح صغر عمرها كل شي فيها صغير
ريوف: ترجف يدها حيل وقلبها يدق بقوة واضح من تنفسها
عبدالرحمن: بأي سنة تدرسي ريوف
ريوف: تبي ترد حست لسانها ثقيل ماقدرت
فواز: ابتسم لعبدالرحمن
عبدالرحمن: فهم انها استحت من حمار خدودها حيل
ريوف: ماقدرت تصبر بسرعه قامت
فواز: قلت لك خجولة حيل لاتلومها ياخوي
عبدالرحمن: بالعكس الخجل يجمل البنت أكثر يوم جاء يبي يطلع من الباب أمي راح تدق على ألاهل يحددون موعد علشان يتعارفون
فواز: ارتاح يوم سمع ردهـ عرف ان ريوف اعجبت عبدالرحمن
عبدالرحمن" ركب السيارة مبسوط حيل عجز يمنع ابتسامته يتذكر بياضها صغرها خجلها توريدة خدودها كل شوي يبتسم أكثر وصل للبيت وماتخيل أهله متحمسين كذا
نوال: يوم سمعته يحرك بالمفتاح ركضت تفتح له الباب هاهـ بشرنا ايش صار معاكـ
عبدالرحمن: ابشركم احلى مما تصورت
سحر: الحمد لله
غلا: أكيد حلوة وتجنن زي مو شيفه زي سحير
عبدالرحمن: لا تطق لك بأصبع هههههههههههههههه
غلا: اتحداك انا غلا بنت محمد الي يشوفني يفهي
عبدالرحمن: مالت عليك الله يعيني كيف ابقدمك لعريسك نحيفه وسمراء وحالتك حاله
نوال: بسم الله على بنيتي كلها ملح سمارها زايد حلاها
عبدالرحمن: ايه والله ياخيتي يكفي كشرتها اذا فتحتها طلعت غمازاتها تطلع تجنن أكثر
غلا: اصلا حطمت ماحطمت واثقه اني اجنن وجلست حاطه رجل على رجل
سحر: مالت بس ماخذه بنفسكـ مقلب
================
يوم ملاكـ شجون وفارس
شجون: اتعس يوم بعد وفاة أختها هاليوم حاسه انها رايحه لقصاصها
فارس: يوم جاء هاليوم ندم على استعجاله وفكر بالعواقب لو تعرف دلال بس خلاص مايقدر يتراجع
مشاري وابوه ومحمد وعبدالرحمن شهود كلهم جالسين
الشيخ: فيه أي شروط للعروس
ابو مشاري: متفاهمين بينهم على كل شي
الشيخ: وانت راضي
فارس: ايوه
الشيخ: اجل على بركة الله وعقد لهم وراح
ابو مشاري: دق على شجون تراني يابنتي ننتظركم بالبيت وفارس يبي ياخذك انتي وبندر
شجون: تحاول تكون متمساكه ان شاءالله ياعم فيها ضيقه فوق طاقتها مو قادرة تتصور ترجع معاه للبيت بدلت بيجامتها ولبست بلوزة تركواز ماسكه على جمسها تحته بدي بني وكم البلوزة قصير مع تنورة بنيه مسكت شعرها بأمشاط زي العادة ولبست عباتها وشالت ولدها وتغطت بس فاتحه نقابها لأنها لسه ماطلعت للشارع
فارس: قابلها عند الباب وشاف عيونها الي مازالت تفتنه قال بقلبه سبحان الله الي يشوف عيونها يقول ملاك تحت الغطاء أخذ شنطتها بهدوء وطلع
شجون: وهي تركب معاه وجنبه وماتخيلت بيوم ترجع له رجعت ذكرياتها بآخر ليله يوم يطردها من حياته حست نفسها كأنها دميه بيدينه مرة يطردها مرة يرجعها بندر متضايق وكل شوي يشد عباتها
فارس: مو مصدق هذا ولده وزجته حس بإنتماء لعايله صغيره لف عليها ايش فيه
شجون: متضايق
فارس: طلع سبحته وعطاهـ اياهـ
بندر: لعب فيها شوي بعدين رماها وصار يشد بعباة أمه متضايق حيل
فارس: أسرع شوي علشان بندر وصل للبيت ودخلها مع الباب الي يوصل للدرج الخلفي ودخل هو لأهله بالصاله استغرب من الي يشوفه
لقى البنات مجهزات حفله لبندر وشجون وقالبين البنت غلا ومشاعل وسحر
ابتسم ايش كل هذا
غلا: بدون اسأله كثيره وين شجوني وبندوري
فارس: طلعت فوق تفسخ عباتها فوق
مشاعل: دق عليها تنزل بسرعه
شجون: طلعت مع ولدها نفس الغرفه الي كرهتها الي حملت كل حزنها وآلامها فسخت عباتها وحاسه بضيق فوق طاقتها دق جوالها برقمه ردت ببرود هلا
فارس: أهلي تحت ينتظرونكـ بسرعه انزلي سكر منها وجلس يسولف مع أهله يوم سمع صوت خطواتها تنزل مع الدرج وقف يبي يطلع مايبي تظنه متحمس يشوفها وهو ماهمته اصلا حط شماغه على كتفه ووقف قدام المرايه الي جنب الباب علشان يعدل مرزامه المرايه كانت تعكس الي ينزل على الدرج شاف جزا من تنورة بنيه رفع عيونه لا ارادي ببطء وشاف شي ماتوقعه..................
^
^
^
انتظرو زواج دوحمي وريوفي
كلكم معزومين لاحد يتأخر
حياة شجون مع فارس وماتحمل من مفاجآت
غلا وفواز ايش راح يصير بينهم
ياسر هل يفكر يتزوج بعد شجون او لا
سلطان ومشاعل متى وقت المصارحه
غلاب ايش صار عليه

انتظر ردودكم على أحر من الجمر

&&&&&&&&&&&&&&&&&&&&&



فائدة:

§ *قال ابن الجوزى -رحمه الله- (سبحانه وتعالى يمهل كأنه يهمل ، فترى أيدي العصاه مطلقة كأنه لا مانع ، ثم إذا أخذ أخذ أخذ جبار فترى على كل غلطة تبعة )[/COLOR]

ياالله رجعت لفارس العله
الله يجبر قلبك ياياسر شكله بياخذ بنت خاله
ياعمري ياغلا كفايه حلوة روحها
بنتظارك غلاتي

صباحك عبق الورد
هموسه ابدعتي
في كل مره تفجأين بأشياء ولا على البال
ابد ماتوقعت ان شجون ترجع بس الانانيه اللي فيها فارس والغيره وطبعا فوق هذا كله التسرع اللي ندم عليه*
لازم تخرب على غيرك حياته والا ما تكون فارس كانت قدامك لها فتره بس عرفت ان فيه احد متقدم لها صارت حلوه وصرت اب وتبي تعالج ولدك وتبي كل شئ في السر

كل هذا خوف من دلال صدق انك موب رجال خايف يعني على مشاعرها والا على النسب والمنصب اللي انت فيه اذا رجعة الحلوه من باريس وشلو بتتصرف مااعتقد ان شجون بتوافق تعيش في السر حتى اهلك موب راضين*
بس بعد ماشفتها وكيف تغيرت وانت واحد اصلا ما يهتم الا بالمظهر وشلون بتعيش معها وانت موافق على شرطها ان مايكون بينكم شئ
اعتقد بتعسكر عن اهلك وما عاد تبي تطلع بس عشان تملي عيونك منها

صباح الخيرات ...... تسلم ايدك هموس على البارت الجونان .......واو جد جد يجنن هالبارت ياني منتظرة شوفة وجه دلالوه لو عرفت انو نهايتها قربت وهذا اول عقاب لها والباقي جاي بالطريق

فويرس وشجون وكتلة الشحوم

مصدق روحه فويرس انو شجون بتفرح بخطبته وبترضى ترجع له ببساطة والله عجبني ردها عليه انو مادق قلبها له ليه مفكر كل البنات مثل الصايعات الي عرفهم والي كتلة الشحوم ماتفرق عنهم ........والله صادق شجون على ايش بتحبه على شكله والله الجمال للحريم وللرجال مالت بس ياني انفجرت ضحك وشجون ضيحت وجهه
لا ويقول مو ميت عليها انا قلت بيخرب زواجها من ياسر بحجة ولدها بس ماتوقعت بهالسرعة قلت بيسكت بالاول واذا قربت تملك بيخرب الزواج بس طلع خرطي ميت بدباديب شجون والارض الي تمشي عليها ويكذب يقول شي ويسوي شي ثاني بس اذا شجون الي ماكانت تعجبه دخلت قلبه كيف الحين وربي اظهر جمالها الرباني اي هذا وجهي اذا طلع من باب البيت الا بيرتز لها وبيتحجج بولد ه كأنه بزر علشان بس يكحل عينه بشوفتها

شجون ربي كاتب لها هالحياة وهالنصيب يمكن لانها صابرة ومؤمنة بربها وماعمرها اعترضت على المصايب الي عاشتها وكل مانجحت بأختبارها ربي زاد البلا عليها يشوف مدى تماسكها بس على صبرها ربي بينشر النور بحياتها مو كل الي نتمناه بحياتنا نحصل عليه .......في اشياء كثيرة نتمناها بس ربي ماكتبها وهذا نصيب شجون مثل اي وحدة في الي ربي باليهم بأزواج اعظم من فارس بدرجات ومع ذلك صابرات ومفوضات امرهم لربهم

شجون هذي فرصتها تعاقب فويرس فيها خليه يموت بقربها ويتمنى غيرتها عليه وحبها بس مايلاقي منها الا الثقل والتعامل معاه في حدود ......شجون ماراح ترخص بعمرها لفويرس طول ماهو يعاملها هالمعاملة بيجي اليوم الي غصب عنه بيعترف بكل الي بقلبه لها واذا فعلا ندم ويبغي يعوضها يثبت لها بالافعال بدون مايطلب من شجون مقابل الي سواه فيها مو قليل وهي انسانة لها كرامتها وهذا هي من بعد طلاقه لها العرسان ماوقفو رغم انو معاها ولد وفيهم المناصب والشهادات يعني مثلها مثل غيرها من البنات بس كل شي مكتوب من رب العباد

اما كتلة الشحوم ابغي اعرف كيف ماتتفشل من ابراز شحومها باللبس الي تلبسه شورت خير هذا ووزنها زاد عن الاول كيف الحين وانا اشوف نظرات فويرس لها اتاريه لايعة كبده من الكتل المتحركة اتمنى تشوف الجمال الي بيذوب فويرس قال يفقدها قال .......ومصدقة عمرها انو بيفقدها مادرت انو وجودها وغيابها واحد فكيف وعنده الي تسواها وتسوى طوايفها .......خلاص مابترجع الا فارس عافها بالمرة ولا بتهمه اصلا واذا كان مقرر يخفي شجون عنها ماراح يسوي هالشي لانو مايبغي يزعل شجون كافي الي شايلته عليه بيموت على قربها وهي مفكرته بيقطع الجوال اتصالات ........اعتقد عاد هي بتفلها هناك وعسى بس الي بيخاويها مايقصر بالمقاطع ويفضحها قبل توصل ارض المملكة خلي فويرس يعرف بنت الحسب والنسب شمسوية بعيد عنه وهي شايلة اسمه ..... ياني منتظرة عذابهم وعقابهم ........ مابغينا نفرح شوي في كتلة الشحوم


دحوم وريوف

ماخطر ببالي ابد انو اخو غلا يتزوج اخت فواز بس البنت حبوبة ودحوم ماينعاف من رضى امها عليها انو صار من نصيبها الله يهنيهم وننتظر زواجهم الله يتممه عليهم يارب

فوازوه وغلاوي

اعتقد انو بيعرف انو ظلم غلا من خلال كلامها لاخته يمكن هي تخبرها بدون ماتعرف انها اخته او تخبرها لانو بيظلمها بشي كبير ........واعتقد انو بيخطبها بس ماراح تكون من نصيبه الافضل له يخطب وحدة قريب من عمره واتمنى يترك حركات التجسس عنه مهما كان هو استاذ فاهم وراح يعرف انو ظلم بنات كثير بسبب كره بعض جاسوساته لوحدة من الطالبات


ياسر

صح خسر حلم طفولته بس هالشي مكتوب له من قبل يخلق شجون وهو ربي كتب التقائهم مع بعض علشان يكون هو الي يزرع بحياة شجون هالصبر والايمان مثل ماكان استاذ محمد له هو قدوة
واعتقد انو بيخلي مشاري يخطب له او يساعده انو يخطب وبيخبره بغلا الي لما يلتقي بأبوها محمد بيعرف انو هو الشخص الي كان له دور كبير في الشي الي حققه بحياته وهالشي كفيل بزرع السعادة بقلبه وبيحببه بغلا بنت هالاستاذ الي ماقصر معاه اما ابو عبد الرحمن ماراح يصدق انو ربي كاتب لهالطفل الي عرفه قبل سنين ويمكن للان متذكره يجيه خاطب لبنته ........احس انو الاستاذ محمد دوره ماانتهى من حياة ياسر ........ونسب ابو عبد الرحمن ماينعاف وفخر لياسر بينسيه همومه وغلاوي ماراح تقصر عليه الله يعينه على رجتها وهبالها ... من قده يتزوج عسل الرواية خخخ زوجتهم خلاص هموس


سلطان ومشاعل

اعتقد انو البارت الجاي راح يصرح سلطان لمشاعل الي بقلبه وهي من فرحتها ماراح تكذب عليه ويارب تنتهي الحواجز الي بينهم ويعيشو حياتهم .........وام سلطان ماراح تنطم وتسكت عن طاري دوينة الا اذا ميشو حملت وبتخليها جدة

غلاب

اعتقد بحاول يطلع من الوحدة الي هو فيها وينسى مشاعل خلاص ويعيش حياته واعتقد بيتزوج سمية امه وان شاء الله تكون بطيبتها وتزرع بقلبه حبها


في انتظارك ياقلبي بكل حماس