في غرفة مشاري
مشاري توه مخلص تحمم دق جواله فرح يوم شاف الرقم هلااااااا وغلاااااااااااااااااا وين الغيبه يالقاطع
ياسر: أي غيبه كل نهاية اسبوع ادق عليك
مشاري: مان علي باسبوعين وانت خشتك ايه عرفت غلاك وصرت تتغلى علي
ياسر: لو اتغلى ماجيت على اول طيارة يوم عرفت بخبر زواجك
مشاري: فتح عيونه لاتقول انك هنا
ياسر: الا الحمد لله الفجر وصلت
مشاري: خابرك قايل لي ماقدر عندي امتحانات ومزحوم
ياسر: مررة مزحوم بس لعيون اخوي مشاري كل شي يهون بكره ان شاءالله راجع
مشاري: يوووه ياسر غلبت حالك وتعنيت والله كل كلمات الشكر قليلة بحقك
ياسر: مابين الاخوان شكر وتعرف انت اقرب الناس لي
مشاري: عسى عيني ماتبكيك وجعلني افرح فيك
ياسر: تنهد بضيق الي ابيها ماحصلتها الى هالحين
مشاري: والله انك مكبر المسألة حيل كم بنت تقابل وتلمح لك ياهي ياأهلها وكلهم ماعجبوك
ياسر: ولا وحدة دخلت قلبي بس ماعلينا اخوي تزوج كأني انا متزوج وبكره يجيك ولد تسميه علي
مشاري: والله انك متفائل مرة
ياسر: دايم ظني بربي كبير
مشاري: ونعم بالله بس تراني خاطبك لبنت عزيزة وغاليه علي بس رجه تحمل رجتها ابيك انت تربيها وتعقلها
ياسر: لاياخوي تعرف ذوقي في البنات
مشاري: ماراح تندم ترا قلبها طيب وخفيفة دم
ياسر: الله يوفقها مع غيري بس انا مشغول بدراستي الحين وبعد ماصير استشاري واجيب الشهادة اوعدك راح افكر بالزواج ان شاءالله
مشاري: الله يعجل بشهادتك وافرح فيك يارب
ياسر: صح أخبار اخوك مع زوجته الاولى
مشاري: خلها على ربك يا ياسر بس
ياسر: افا ايش صار
مشاري: المسكينة اقامو على أختها حد القصاص
ياسر: عقد حواحبه لاحول ولاقوة الا بالله الله يغفر الله يارب ايه لاتقول اخوك تركها علشان كذا
مشاري: تنهد بضيق هي مفروضه عليه وفرح ان جته الفرصة يتخلص منها
ياسر: حزن علشانها ورحمها تنهد بضيق ياخوي قول ريحها وفكها احيانا الطلاق راحه
مشاري: وأنت صادق اتوقعها راح ترتاح وهي بعيده عنه وابوها توفي مابقى شي تخاف منه الله يسعدها ذاك البنت وربي قليل زيها عمري ماشفت زي حكمتها وهدوئها امي ياياسر ماكنت تحبها وخلتها تحبها من تصرفاتها وطيبة قلبها
ياسر: صدقني وثق بالله ان ربي راح يعوضها خير واخوك راح يندم بيوم
مشاري: والله دايم اقوله راح تندم يافارس بس لاحياة لمن تنادي
ياسر: عطلتك ياعريس كمل لبسك وكشختك وراك سهره الليله
مشاري: مشكور يااغلى من اخوي
ياسر: ياليل ردينا للشكر يالله اخليك وانا ابنام شوي قبل يأذن العصر تعبان وهلكان من الطريق
مشاري: نوم العوافي وجاء يبي يسكر
ياسر: مشاري
مشاري: ســـــم ياياسر
ياسر: بتردد انت عرفت بالي صار لصلاح
مشاري: سكت شوي ايه وصلني الخبر الله يعينه
ياسر: والله لو تشوف حاله تحزن عليه حيل
مشاري: ربك يعين والله يعوضه خير حتى بنت عمي الله يعضوها خير منه
ياسر: اللهم آمين المهم عطلتك اشوفك اللي هوانا ابزفك بسيارتي ترا
مشاري: أكيييييييييييد ماعندي اعلى منك
ياسر: ابتسم الله يغنيك ويخليك
مشاري :سكر منه وكمل اغراضه وهو مرررة مبسوط كأنه اول مرة يتزوج يمكن لان زواجه الاول حاس ان العنود مو متقبلته وانه مفروض عليها فرض يحس بشوووق لسحر مو طبيعي طالع ساعته ماطولك ياليل
================
في القاعه
غلا: بسررررعه اطلعي ماصارت سحوورة كل هذا لبس فستان
سحر: احاول اسكر السحاب مو قادرة
مشاعل: تبيني اساعدك ياقلبي
سحر: لاشويات ويتسكر
نوال: يالله بنات وين سحر
غلا: الهبلا مو قادرة تسكر سحابها
نوال: افتحي ان ادخل اساعدك سحورة
سحر: فتحت لنوال
غلا: هالبقرة لنا ساعه نترجاها نساعدها ورافضه وأمي بسرعه تفتح لها
مشاعل: لاتنسين تراها تمون على نوال كأنها أمها
ام سحر: ها هـ وينها سحورة
غلا: شويات وتطلع ياخالة
ام سحر: فديتها ودموعها متحجرة بعيونها
نوال: طلعت وفتحت الباب عروووووستكم خلصت
الكل متحمس يشوفها
سحر: طلعت بفستان ابيض ماسك على جسمها النحيف ووسيع من تحت شايله شعرها كله على فوق ومثبته تاج ناعم على راسها ونزالها طرحتها على وراء وكانت طرحتها خليجيه ومكياجها ناعم زي نعومة ملامحها
غلا: صفرررررررت ررررررروعه ياأميرررررتنا سحورة
سحر: بخجل وخوف جد
مشاعل: جدين وعمين وخالين تجنني يابنت تجنن ناويه تجلطي خالي هالليله شكلك
ام سحر: قربت لبنتها وصارت تقرا عليها بسم الله عليك ياروحي وضمتها ونزلت دموعها
نوال: همست بإذنها تماسكي
سحر: شويه وتنزل دموعها
غلا: يوووه العروسه راح يخرب مكياجها بسرررعه على الزفه نلحق مابقى من المكياج
الكل ضحك حتى سحر ابتسمت بس كانت خايف حيل
نوال: يالله حبيتي الزفه وشويات تبدأ
سحر: خايفه ياخالة
ام سحر: تعالي قلبي انا معاك وصلوها عند الدرج ونزلو قبلها
غلا: ابنزل قبلك درجتين وانزلي بعدي علشان اصورك
سكرت الأنوار والكل يترقب نزول سحر الي سحرت الكل بشكلها ونعومتها
العنود: بحزن تترقب نزول سحر تتذكر زواجها يوم ترفض تنزف ويوم دخل عليها مشاري وكانت معبسه ومابتسمت له ابد ناظرت بسحر الي كان الفرح والخجل بملامحها نتهدت بحزن تساهل يامشاري كل خير يارب تسعدينه ياسحر وتعويضنه الي حرمته منه
سلطانة: تناظر أختها بطرف عينها وحاسه فيها بس سوت نفسها مالاحظتها حزينه مرة لأختها بس ماتقدر تسوي لها شي
سحر: نزلت ردجة درجه وهي مرتبكه وخايفه مرة ماصدقت توصل للكوشة والكل جاء يبارك لها
العنود: قربت منها علشان تبارك لها
سحر: تغير وجهها
العنود: ابتسمت وقربت لها لاتفرطي فيه حاول تسعديه تراه جوهرة ثمينه الله يسعدكم
سحر: انقهرت من كلمتها وماردت عليها
نوال: معاها جوالها ترا عمك يقول نصف ساعه وراح ندخل مشاري
سحر: معاها باقة الورد وصارت ترجف البنات يرقصون قدامها ومو مركزة تستحي منه حيل
نوال: يالله حبيتي ندخل داخل علشان ندخل مشاري
===============
عند الرجال
مشاري: عبدالرحمن اتوقع يكفي ماعندكم نية تزفوني لها
عبدالرحمن: الي يشوفك ياخال يقول ماتزوج قبل اركد الثقل زين هههههههههه
مشاري: نشوفك ان شاءالله اذا صرت عريس
عبدالرحمن: اعجبك انواع الثقل
مشاري: نشوف بعدين وراح اذكرك
محمد: يالله مشاري على بركة الله
مشاري: فرح كأنه له سنة ينتظرها
سند : يطالعه يحق لك تفرح بالفلوس الي راح تجيك من ورث ابوها كسبتها وخسرها ولدي الخبل حمد
صلاح: كان لابسه نظارة سواداء علشان يخفي عينه راح دخل مسرع قبل مايدخل مشاري على عروسته مشاري
مشاري: وقف ولف يدور الي يناديه
صلاح: قرب له بخجل ومتأكد ان مشاري ماراح يعطيه وجه
مشاري: طالعه بعدين وهو ساكت يبي يشوف ايش يبي
صلاح: بخجل جيت ابارك لك وسكت
مشاري: مد يديه وسلم ببرود واضح بخاطره شي بس مايبي يردهـ علشان ربه بس
صلاح: ماتوقع موقف مشاري كذا معاه وهو الي هدم بيته وخرب حياته استحى من تصرفه وعجز يتكلم راح له و حضنه مشاري سامحني اخوي
مشاري: الله الي يسامح ويعفي ومابقلبي شي عليك وجيتك هنا فرحتني حيل مشكور ماقصرت وسلامتك ماتشوف شر
صلاح: انا الي اشكرك ووو
مشاري: لاتكمل الي فات فات واحنا عيال اليوم
فارس: مقهور من موقف اخوه من صلاح بقهر يالله ياخوي تأخرت عليهم
مشاري: اعذرني صلاح مضطر اروح وان شاءالله اشوفك وقت اوسع
صلاح: براحه ان شاء الله راح عند ياسر
ياسر: عين العقل الي سويته
صلاح: تأنيب ضميري حيل متعبني ياياسر والله الحين بعد موقف مشاري معاي راح يقتنلي مو بس يتعبني
ياسر: من حيني قايلك مشاري قليل من الرجال زيه طيبة قلبه وأخلاقه ماتلقاها بالزمن مقتدي نبيه اللهم صلي وسلم عليه
صلاح: والله انك صادق واحد زي مشاري حرام أحد يضره وانا ضريته وخربت حياته
ياسر: كيفك معاها ماحوالت ترجعها
صلاح: مر اضيه ترجع لي ابد الي سويته فيها مو قليل ابد
ياسر: حط يدهـ على كتفه خلاص ياخوي الي فات مات
صلاح: يالله نطلع أحس نفسي مخنوق مرة
ياسر: يالله مشينا
سحر: دخلوها لغرفة خاصه فيهم ودخلو معاها اهل مشاري وأمها
غلا: كل شوي تقول جاء ويتجهزون بعدين تقول لا توه ماجاء
مشاعل: يوه طفشتينا تراك جاء ماجاء
غلا: لابس يعجبني تقلب وجه سحورة ابي اطلع من وجهها كل الوان الطيف كل ماقول جاء يطلع لي لون جديد بعدين يختفي هههههههههههههه
مشاعل: راح نشوف بيوم زواجك
غلا: انا ابخوفه مو هو وراح تشوفون
نوال: يالله جاء
سحر: خلاص ترجف بقوة حتى طاحت منها باقة الورد
غلا: ركضت ورجعتها لها اثقلي يابنتي اركدي وربي خالي مايعض
عبدالرحمن: دخل قبلهم بعدين محمد عمها
مشاري: آخر من دخل قال بسم الله بصوت عالي بعدين قال السلام عليكم
سحر: صوته يربكها ماضايقها طول ملاكها مرة طلع وياها بعدها ماكلمها ولاشافها علشان مايشغلها عن دراستها
ام سحر: قربت منه مبرروك ياوليدي احرص عليها حيل تراها أمانة برقبتك
مشاري: باسها مع راسها من عيوني قرب من سحر وتوه يشوفها زين لان اول مادخل كان الكل بوجهه يباركون له شاف ملاك صغير مرتبك ابتسم بحنان وقرب لها وباسها مع جبينها
سحر: زادت حرارة جسمها بوسته اربكتها حيل
مشاري: مسكها مع يدها وأهله يباركون لهم جلس معاها ورقصو عنده وعطوهم عصير قرب العصير لفمها
سحر: مرتبكه حيل مو قادرة ولاتشرب
مشاري: بهمس سحر
سحر: رفعت عيونها له لبيه
مشاري: ابتسم لها
سحر: نزلت عيونها بسرعه وابعدت عن العصير
غلا: لازم تشربون بعض ابصوركم
سحر: هزت براسها لا
مشاري: يالله سحورة قربيها من فمك بس
سحر: استحت ترفض وقربتها من فمها
مشاري: همس لها عند إذنها ليتني انا العصير
سحر: تقلب وجهها الوان
غلا: لاااااااااا مانبي الوان الطيف تطلع عند الصورة
الكل ضحك عليها
وسحر: خلااااص زاد احرجها شويه وتبكي
مشاري: حس فيها يالها نمشي
سحر: لارد
مشاري:مشاعل جيبي عباتها
غلا: ماكملت صوركم
مشاري: الي أخذتيهم يكفي بعدين نكمل
غلا: شوري عليكم ترا راح تندمون
نوال : خلاص غلا خليهم براحتهم
مشاعل: عطت سحر عباتها وساعدتها هي وأمها على لبسها
سحر: مرتبكه مو قادرة حتى تلبس
مشاري: بشويش عليها
غلا: بسم الله ياخال ماراح نآكلها
مشاري: ومين قالك اني راح اسمح لكم تآكلونها هذل لي لحالي بس
سحر: عضت على شفايفها من الخجل
مشاري: مسكها وطلع معها وفتح لها الباب وركبها وساعدها على فستانها
محمد: مسكه ماوصيك عليها يامشاري هذي من ريحة الغالي عبدالعزيز
مشاري: سحر عيوني الثنيتن ان جاها شي انعميت
محمد: حضنه وطبطب على ظهره كفو ياولد بندر كفو وعارف انك قد الأمانة
مشاري: كفوك يالله عن اذنك فسخ مشلحه وركب وهو حيل مبسوط
سحر: بس تفرك ببقاتها تنفت بيدها بدون ماتحس
مشاري: يطالعها ويبتسم كيفك
سحر: بهمس الحمدلله
مشاري: دووم يارب
مشاري: مبرروك
سحر: الله يبارك فيك
مشاري: مافيه لي مبروك كيفك
سحر: استحت وماردت
مشاري: ابتسم لها ويوم وصلو لليبت فتح لها الباب وساعدها على فسخ عباتها
سحر: وقفت ماتحركت ومنزلة راسها ماحست الا ورجوالها تبتعد عن الأرض انتبهت وهي بحضن مشاري شايلها سحر لا انا ابمشي
مشاري: كنت اشيلك طفلة خليني اجرب اشيلك وانتي زوجتي
سحر: ارجوك نزلني مشاري قالتها بنعومه وبصوتها المبحوح
مشاري: تقولين اسمي وتبيني انزلك مشى فيها وقرب للدرج
سحر: خافت تطيح وضمته
مشاري: فرح يوم ضمته بدون ماتحس وصل للغرفه ونزلها
سحر: ماصدقت توصل نزلت ونزلت راسها
مشاري: مسك يدها وجلسها على الكنبة وجلس جنبها يطالع فيها
سحر: تفسخ وتلبس دبلتها من زود خجلها لانه حيل خجلها بنظراته
مشاري: مسك ذقنها ولفها عليه ويطالعها بعيون كلها حب
سحر: منزلة عيونها ماقدرت ترفعها
مشاري: ارفعي عيونك
سحر: بخجل رفعت عيونها له
مشاري: والله كبرتي واحلويتي بس مازلت ملامحك ناعمه زي ماكنت
سحر: نزلت راسها بخجل
مشاري: حبيتي لاتحرميني من عيونك
سحر:فرحت يوم سمعت كلمة حبيتي منه رفعت عيونها الصغار الحلوات وابتسمت وطلعت غمازاتها
مشاري: خلاص مو محتمل كل هالحلا قدامه من يومك صغيره كنت اتعمد اضحكك علشان تطلع غمازاتك
سحر: خدودها حمرت من زود الخجل ومو قادرة ترد عليه
مشاري: فرح يوم شاف وجهها اشرق بفرحه تكتمها مسك يدها وباس اصبع اصبع بعدين حطه يدها بيده بس ماقلتي لي انا ايش اعني لك ياسحر وافقتي علي مضطرة او لا تنظرين لي اني كبير بالعمر وفارق العمر بيننا يمنع سعادتنا او لا
سحر: ناظرته بشوق انت حب الطفولة يامشاري
مشاري: استغرب وتفاجأ من ردها احلى مفاجأة له اول شي تغير وجهه
سحر: انتبهت لنفسها وفاقت من سكرة حبهاله سحرها بكلامه لها اسكرها وخلاها تعترف له بحبها له ندمت على كلمتها ونزلت راسها
مشاري: لآآآآآآآآآآآآآ ارجوك لاتحرمني من العيون الحلوة غير مكانه وجلس عند ركبها احلى مفآجأة ياسحورتي وربي احلى خبر سمعته بحياتي معقولة النسمة الهاديه الرقيقه سحر تحب شايب زي مشاري
سحر: ابتسمت له بحنان لاتقول عن نفسك شايب انت احلى رجال شفته بحياتي
مشاري: الى هنا وخلااااااص ماتحمل بنت بنعموة ودلع وانوثة سحر تعترف له بحبها له ماقدر يتحمل ...........
نسكر الستار عنهم ونخلي معاريسنا يكملون سهرتهم بهدوء ورومانسيه والصباح رباح نمر عليهم ونشوف ايش صار عليهم
صباحية حلوووة ياكتكايت الحب والغرام
راح نزوركم ونتطمن عليكم بالجزا التاسع والعشرين
بس

كتاكيت الحب سحر ومشاري سرقو كل الانظار لهم وبعد فترة الراحة والرومانسي هالي عيشونا فيه سحورة ومشاري
راح نروح لغلاب ومشاعل
وراح يكون بينهم موقف راح تعرفونه في الجا القادم بإذن الله
يوم الاربعاء ان شاءالله
انتظر ردوكم على أحر من الجمر
وانتظروني يوم الاربعاء وجيبو هداياكم :graaam (127):
لاني ماشفت احد جاب هديه لمعاريسنا:graaam (254):
شكلكم لاهيتو بالكخشه عن الهدايا:graaam (159):


^
^
^
فائدة:
قال إبن مسعود رضي الله عنه :
" ما ندمت على شيء كما ندمت على يوم
غربت شمسه نقص فيه أجلي ولم يزدد فيه عملي
[/COLOR]

وين شجوون مالها طاري
تكفين ابردي تسبدي في فويرس



ودي تطلع عنها العجوز اشاعه انها اعرست
ويشوفها حامل ويحسبه من رجال ثاني
ويحسب عمره عقيم وتطلع دلول العقيم


ههههه سنعت العرب ..
الله يوفق مشاري وسحر

صباح الخير ........هموس ماطاوعني قلبي اضرب عنك انتي بالذات حبيبت القلب شسوي شجون قالت لي الا هموس ماارضى عليها وهي مابتقصر بتبرد قلبك الله يبرد قلبها .........بس مابجيب هداية لسحر ماحد قال لها تتزوج يوم تطلقت شجون كان قدمت المهم هداياي بخليها يوم رجعت شجونة مرفوعة الراس لبيت ابو مشاري مع تؤمها شعاع وفروحة ..وحدة مصرة انهم توؤم بنات خخخخ .....


سحر ومشاري

مبروك الزواج واحسن شي انو الاثنين رمو الحواجز وابتدو مع بعض بكل صراحة ومشاري يستحق بعد صبره على جفاف العنود معاه .........واعتقد مابنطول الا سامعين خبر حمل سحورة وعساها مثل شجون خلي عيالهم متقاربين بالعمر هههههه الله يهنيهم مع اني مااظن دام حمدوه ناوي نية شر ومابين بالعرس مع ابوه الطماع يعني مشاري محتاج لفلوس سحر بس كلا يرى الناس بعين طبعه


العنود وصلاح

العنود مابيفيدها الندم وروحتها للزواج ماهي عدلة لابحقها ولا بحق سحر وخصوصا الناس عارفة مين هي واعتقد انها بالاخير بتتزوج ياارمل يامطلق عنده عيال لانها تزوجت مرتين وتطلقت بدون ماتحمل مابيرغب فيها واحد يبغي عيال ......ولسى ماعرفنا العيب فيها لو خطئ طبي بيتوضح اذا حملت سحر .......ومن حق سحر تنقهر من وجودها وكلامها المفروض تقدر مشاعر سحر وهي بيوم حست بالغيرة تجاه مشاري يوم يتملك على سحر كيف ماحطت هالشي ببالها
اما نسرين مالها مبرر بالي سوته والعنود مالها عذر لانها حتى قبل كلام نسرين مااعطت مشاري ريق حلو بس تقارن بينه وبين فارس المغرور ومقهورة من تلبية مشاري طلبات اهله وربي فكه منها للابد


غلابوه وميشو

غلابوه تفكيره المريض بيصور له اشياء بتضيع مشاعل منه وانا اتمنى هالشي مايستاهلها شفايدة الحب الي يقول عنه وهو يشك فيها هذا لو شافها العصر طالعة وسلطان واقف كيف بيتصرف ماادري هالمرة ماصار الموقف قدامه وعدى على خير بس المرات الجاية مااعتقد

ام غلاب هالحرمة مافي مثلها في الطيبة الله يبرد قلبها بس مااعتقد بتفرح بحفيدها بسبب ولدها المتخلف ومابتشوف مشاعل بشهورها الاخيرة وبينكسر خاطرها

احساسي يقول انو مشاعل بتكون من نصيب سلطان لانو الاثنين حياتهم ماتأهل لاستمرارها الاثنين ارتبطو بالاشخاص الغلط وبيكون درس لفويرس الي حاقد على بيت عمه وماتاب من احكامه الي مثل وجهه وعقبها بينصدم صدمة كبيرة بالي ماخذها وسحبته مثل الخروف


دلالوه وفويرس

دلالوه نهايتها سودة وشكلها بتحفر قبرها قريب لانو اذا مشاعل في الثالث وشجون سابقتها بالحمل يعني شهور بسيطة ويشرف ولد فارس والي ماتعرفه انو ابو مشاري بباله موال يربي فويرس ويحفظ حقوق شجون وولدها ومستقبلهم واذا هي فرقتهم عن بعض ماراح يكون للابد لانو في رابط وهي عارفة ومتأكدة اما كلام فويرس اتمنى حمل سحر بسرعة ويروح مشاري يكشف ويتأكد انو غلط بالتقارير وانو سليم ومنها مابتقدر البقرة دلالوه تتهم فويرس بالعقم لانو بيروح يسوي فحوصات بدون مايشاورها واصلا بتكون غبية لو لمحت له ودخلتها براسه لانها بتفتح عليها باب بدون ماتدري وخصوصا انو ابو مشاري مازال على اتصال بشجون وبيعرف بالولد الجاي وغبية اكثر لو اتهمت شجون انو الولد مولفارس في تحاليل بسهولة تثبت

اما فارس على ايش متحمس يسمع خبر عن شجون ياليت ابو مشاري يلمح على خطاب لها بنشوف فويرس اعصابه كيف بتكون وتعامله مع البقرة دلالوه الي بنظرة منه ترتعب كيف بتكون ........

الي مستغربة منه فارس المتيم بعيون شجون والليلة الي قضاها معاها كانت مسيطرة عليه كيف بسهولة تبخرت هالاشياء وامثال فارس مايفرطون بالاشياء الي لها تأثير حلو عليهم مهما كانت الظروف بسبب حب التملك والانانية ماادري كيف تقبل من دلالوه طلبها وهو الي مايلبي لاحد اي طلب لو كان يحبها عذرناه بس مايحمل بقلبه لها اي عاطفة متناقض جدا يعني فرض رايه على خواته وتحكمه وطوالة لسانه على اهله وعدم طاعته لهم عند دلالوه الي مستنكر عليها اشياء كثيرة عادي ويقلب خاتم يعني ليش استغربنا تصرفات سلطان لدانوه وامها وسلطان قلبه طيب ويفرق عن فويرس


ياسر وغلاوي

لا يايسور زعلتنا منك اي بنت الي تدورها ورافض الزواج من غيرها طيب لو البنت طلعت ماتبيك ولا تفكر فيك ونستك ليه ماتحط هالاحتمال ببالك واصلا ليه ماحطيت ببالك انها مو مكتوبة لك وراحت بنصيبها حتى لو كنت انت غريب والبنت شجون ماينفع خلاص شجون تزوجت وبتصير ام واعتقد ابو مشاري بيعلن حملها اذا قربت تولد علشان ترجع بيته وحفيده يتربى بحضنه مو ببيت ناس غريبة والطفل ينحرم من اهله والجو الاسري الي يحتاجه كل طفل واعتقد هو الي بينشف ريق فويرس اذا جاء يبغي يشوف شجون وبيشوفها وبينبهر بتغيرها لانها بتمتلي من الحمل بس حامض على بوزه بسهولة تعطيه وجه شجون بترضى ترجع علشان طفلها مايعيش معاناتها وحرمانها يتربي ببيت جده وعنده عمامه وعماته .......

ويسور ماله الا غلاوي وبنعقلها له لاننا مابنرضى بتصرفاتها الحالية اذا بنزوجها له مهما كان موحلوة الرجة الزايدة على البنت كل شي بحدود ........خفة دم غلا حلوة بس بعض تصرفاتها تقهر لانها تحرج غيرها بدون مراعاة مشاعرهم مثل حركاتها مع سحر الي معروف انو كل بنت بوضعها التوتر يأزم نفسيتها ........يالله تكبر وتعقل خخخ

في انتظارك ياعسل

مسائكم عسسسسسسسل ياعسولاتي
فديتكم وفديت طلتكم
سحوورة فرحت بتشرفيكم زواجها
وفرحت مرة بهذية نفحات النسيم هدية ولا اروع زي صاحباتها
وهلا وغلا بالحلوات الي نورو روايتي
ليتني من زمان حاطه عرس علشان تجون
يالله اترككم مع البارت التاسع عشر
قرآءة ممتعه

ياعمري انتم متأكدة اني نزلته بس شكله طار
ارسلت لي وردة الزيزفون خاص في المنتدى الثاني ونبهتني اني مانزل
مع اني منزلته من المغرب بس شكله طار يمكن خطا مني مانتبهت له